རྗེ་བཙུན་མགོན་པོ་འཇམ་དཔལ་གྱི། །མཚན་བརྗོད་མ་རིག་མུན་སེལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	rje btsun mgon po 'jam dpal gyi mtshan brjod ma rig mun sel
Location	mdo mkhyen brtse bka' 'bum Volume 3, Text 26, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Homage - phyag 'tshal  ·  Verses of Praise - bstod pa
Deity	'jam dpal dbyangs
Colophon	མགོན་པོ་འཇམ་དཔལ་དབྱངས་ཉིད་ཀྱི། །མཚན་མས་བརྗོད་ཅིང་བསྟོད་པ་ཡི། །མུན་སེལ་ཤེས་རབ་སྒྲོན་མེ་འདི། །རྒྱལ་སྲས་ཟླ་གཞོན་གསལ་བ་ཡིས། །ནན་ཆེར་གསུང་གིས་བསྐུལ་བ་བཞིན། །གཏེར་སྨྱོན་ཁྲག་འཐུང་རྡོ་རྗེ་ཡིས། །ཐོལ་བྱུང་ཤར་བཞིན་ཐོགས་མེད་དུ། །བྲིས་ཤིང་ཕུལ་བས་ཞབས་པད་བརྟན། །བློ་གྲོས་རྒྱས་པའི་དཔལ་དུ་ཤོག །
	mgon po 'jam dpal dbyangs nyid kyi/_/mtshan mas brjod cing bstod pa yi/_/mun sel shes rab sgron me 'di/_/rgyal sras zla gzhon gsal ba yis/_/nan cher gsung gis bskul ba bzhin/_/gter smyon khrag 'thung rdo rje yis/_/thol byung shar bzhin thogs med du/_/bris shing phul bas zhabs pad brtan/_/blo gros rgyas pa'i dpal du shog_/

Tibetan Text

[edit]

འུྃཿ «རྗེ་བཙུན་མགོན་པོ་འཇམ་དཔལ་གྱི། །མཚན་བརྗོད་མ་རིག་མུན་སེལ་བཞུགས། །»གཞོན་ནུའི་སྐུ་ལུས་འཆང་བ་པོ། །ཡེ་ཤེས་སྒྲོན་མེས་རབ་བརྒྱན་ཅིང༌། །འཇིག་རྟེན་གསུམ་གྱི་མུན་སེལ་བ། །འཇམ་དཔལ་དབྱངས་ལ་ཕྱག་འཚལ་ལོ། །འདི་ལྟར་སངས་རྒྱས་བཅོམ་ལྡན་འདས། །ཡེ་ཤེས་སྐུ་སྟེ་རང་བྱུང་བ། །ཡེ་ཤེས་མིག་གཅིག་དྲི་མ་མེད། །ཡེ་ཤེས་སྣང་བ་ལམ་མེ་བ། །ཨ་ར་པ་ཙ་ན་ཡ་ཏེ་ན་མ། །ཡེ་ཤེས་སྐུ་ཉིད་ཁྱོད་ལ་འདུད། །རྫོགས་པའི་སངས་རྒྱས་ཀུན་གྱིས་བཤད། །རྡོ་རྗེ་འཇིགས་བྱེད་དཔའ་བོ་ཆེ། །མཛེས་འཛུམ་རབ་ཏུ་ཆགས་པའི་ཞལ། པདྨ་རྒྱས་འདྲའི་སྤྱན་མངའ་བ། དཔའ་བོ་གདུལ་དཀའ་འདུལ་བ་པོ། འཇམ་མཉེན་འོད་ཟེར་འབར་བའི་སྐུ། །མཚན་དཔེས་བརྒྱན་ཅིང་དཔའ་བརྟུལ་ཆེ། །ཚངས་དབྱངས་ཡན་ལག་དྲུག་ཅུའི་གསུང༌། །འབུམ་ཕྲག་དྲུག་ཅུའི་ཆོས་སྒྲ་སྒྲོགས། །མཁྱེན་དང་བརྩེ་བའི་ནུས་ལྡན་ཐུགས། །ཤེས་རབ་ཆེན་པོའི་ཡེ་ཤེས་ཀྱིས། །འགྲོ་བློའི་མ་རིག་མུན་པ་སེལ། །བྱང་སེམས་ཟླ་བའི་ཡོན་ཏན་རྒྱས། །ཀུན་འབྱུང་མ་རིག་མུན་སེལ་སྒྲོན། །ཕྲིན་ལས་རྣོ་གཅོད་རལ་གྲིའི་མཚོན། །བག་ཆགས་འཁོར་བ་དབྱིངས་སུ་སྒྲོལ། །སྲིད་མཚོར་དོང་ནས་མ་སྤྲུགས་པར། །སེམས་དཔའ་ཆེན་པོ་འཇིགས་མེད་པ། །སྒྱུ་འཕྲུལ་དྲྭ་བ་མངོན་རྫོགས་ཆེ། །ཡེ་སངས་རྒྱས་ཀྱང་འགྲོ་བའི་དོན། །སྣ་ཚོགས་མཛད་པ་པོ་ལ་འདུད། །ཁྱོད་ལ་ཆ་ཙམ་བསྟོད་པ་ཡིས། །བདག་བློས་མ་རིག་གཏི་མུག་སྨག །ཡོངས་གསལ་ཡེ་ཤེས་སྣང་བ་རྒྱས། །བློ་གྲོས་སྤོབ་པ་མཆོག་ཐོབ་ཤོག །བཅོམ་ལྡན་ཤེས་རབ་རྣོན་པོའི་དཔལ། །ཡང་དག་རྫོགས་པའི་སངས་རྒྱས་ཀྱི། །ས་ལམ་སྤང་རྟོགས་ཡོངས་རྫོགས་ནས། །འགྲོ་བློའི་དྲི་མ་ཡོངས་བསལ་ཞིང༌། །ས་དང་ལམ་གྱི་ཡོན་ཏན་ཀུན། །གཅིག་ཆར་སྟོན་ལ་ཁྱོད་ཕྱག་འཚལ། །མི་བརྗེད་པ་ཡི་གཟུངས་ཐོབ་ཤོག །མི་འཇིགས་པ་ཡི་སྤོབ་པ་ཐོབ། །གཞུང་ལུགས་ཤེས་བྱའི་ཡོན་ཏན་རྒྱས། །མི་ཆོས་གཙང་མ་བཅུ་དྲུག་རྟོགས། །འཕགས་པའི་ནོར་བདུན་དང་ལྡན་ཞིང༌། །བདེན་ཚིག་སྨོན་ལམ་འགྲུབ་པ་ཡིས། །འགྲོ་བ་མཐའ་དག་དབང་དུ་བསྡུས། །ཟོལ་མིན་འཇམ་དཔལ་ཁྱོད་ལྟར་ཤོག །ཨོཾ་ཝཱ་ཀྱཻ་དམ་ན་མོ། ཨ་ར་པ་ཙ་ན་དྷཱིཿ« མགོན་པོ་འཇམ་དཔལ་དབྱངས་ཉིད་ཀྱི། །མཚན་མས་བརྗོད་ཅིང་བསྟོད་པ་ཡི། །མུན་སེལ་ཤེས་རབ་སྒྲོན་མེ་འདི། །རྒྱལ་སྲས་ཟླ་གཞོན་གསལ་བ་ཡིས། །ནན་ཆེར་གསུང་གིས་བསྐུལ་བ་བཞིན། །གཏེར་སྨྱོན་ཁྲག་འཐུང་རྡོ་རྗེ་ཡིས། །ཐོལ་བྱུང་ཤར་བཞིན་ཐོགས་མེད་དུ། །བྲིས་ཤིང་ཕུལ་བས་ཞབས་པད་བརྟན། །བློ་གྲོས་རྒྱས་པའི་དཔལ་དུ་ཤོག །