ཡང་གསང་ཐུགས་ཐིག་ཆ་ལག་ལསཿ འཇམ་དཔལ་རྣོན་པོའི་སྒྲུབ་ཐབསཿ

From Khyentse Lineage - A Tsadra Foundation Project
Wylie title yang gsang thugs thig cha lag las 'jam dpal rnon po'i sgrub thabs
Location mdo mkhyen brtse bka' 'bum
Volume 3, Text 25, Pages (Folios to )
Author མདོ་མཁྱེན་བརྩེ་
Less details More details
Tertön མདོ་མཁྱེན་བརྩེ་ (Mdo mkhyen brtse)
Citation
Genre Sadhanas - Evocation Ritual - sgrub thabs
Cycle ཡང་གསང་པདྨ་ཐུགས་ཐིག་ (yang gsang pad+ma thugs thig)
Deity 'jam dpal rnon pa
Colophon

ཡང་གསང་ཐུགས་ཐིག་ཆ་ལག་ལསཿ འཇམ་དཔལ་རྣོན་པོའི་སྒྲུབ་ཐབས་འདིཿ ཁྲག་འཐུང་ལས་ཀྱི་དཔའ་བོས་སྨྲསཿ རིག་པ་མེ་ལྟར་འབར་བར་ངེསཿ ཆོས་རྒྱལ་ཞབས་པད་བརྟན་གྱུར་ཅིགཿ ཁམས་གསུམ་དབང་སྡུད་ཟིལ་གནོན་རྒྱཿ དགེའོ།།

yang gsang thugs thig chag lag las: 'jam dpal rnon pa'i sgrub thabs 'di: khrag 'thung las kyi dpa' bos smras: chos rgyal zhabs pad brtan gyur cig: khams gsum dbang sdud zil gnon rgya: dge'o//

[edit]
༁ྃཿ ཡང་གསང་ཐུགས་ཐིག་ཆ་ལག་ལསཿ འཇམ་དཔལ་རྣོན་པོའི་སྒྲུབ་ཐབས་བཞུགསཿ བླ་མ་མགོན་པོ་འཇམ་དབྱངས་ལཿ སྐྱབས་གསོལ་བྱང་ཆུབ་སེམས་མཆོག་བསྐྱེདཿ ཕྱག་འཚལ་མཆོད་འབུལ་སྡིག་པ་བཤགསཿ ཡི་རངས་ཆོས་བསྐུལ་གསོལ་བ་འདེབསཿ དུས་གསུམ་དགེ་ཚོགས་འགྲོ་ལ་བསྔོཿ སྟོང་ཉིད་སྙིང་རྗེའི་རང་གདངས་ལསཿ འོ་མཚོ་པད་སྡཽང་ཉི་ཟླའི་དབུསཿ རང་ཉིད་བཅོམ་ལྡན་འཇམ་དཔལ་དབྱངསཿ དྲི་མེད་དུང་མདོག་ཞི་འཛུམ་མཛེསཿ མཆོད་སྦྱིན་དཀོན་མཆོག་གསུམ་མཚོན་རྒྱསཿ གཡས་གཡོན་ཨུཏྤལ་རལ་པོད་འཛིནཿ ཐོར་ཚུགས་རིན་ཆེན་དར་གོས་བརྒྱནཿ སེམས་དཔའི་སྐྱིལ་ཀྲུང་དང་བཅས་ཏེཿ ཤེས་རབ་ལྷ་མོ་འདུ་འབྲལ་མེདཿ ལྷང་ངེ་ལྷན་ནེ་འོད་ཟེར་འབརཿ དམ་ཚིག་ཡེ་ཤེས་གཉིས་སུ་མེདཿ ཐུགས་ཀར་འཁོར་ལོ་རྩིབས་བརྒྱད་པའིཿ ལྟེ་བར་དྷཱི༔དང་རྩིབས་སྙིང་པོཿ གཡས་སུ་འཁོར་བའི་འོད་ཟེར་གྱིསཿ ཤེས་རབ་མཆོག་དང་མི་བརྗེད་གཟུངསཿ མཆོག་ཐུན་དངོས་གྲུབ་ཐོབ་པར་དམིགསཿ བརྩེ་ལྡན་ཁྱེད་ཀྱི་ཤེས་རབ་འོད་ཟེར་གྱིསཿ བདག་བློའི་གཏི་མུག་མུན་པ་རབ་བསལ་ནསཿ ཤེས་རབ་རྣམ་གསུམ་གཞན་སྣང་ཟིལ་གནོན་ཅིངཿ བློ་གྲོས་སྤོབས་པའི་སྣང་བ་བསྐྱེད་དུ་གསོལཿ ཨོཾ་དྷཱིཿཧྲཱིཾཿཝཀྱེ་དམ་ན་མཿ ཅི་ནུས་བཟླའོཿ ཐུན་མཐརཿ མགོན་པོ་འཇམདཔལ་ཡབ་ཡུམ་ལཿ མེ་ཏོག་བདུག་སྤོས་མར་མེ་དྲིཿ ཞལ་ཟས་རོལ་མོའི་མཆོད་པ་འབུལཿ སྐུ་གསུང་ཐུགས་ལ་ཕྱག་འཚལ་བསྟོདཿ མཆོག་དང་ཐུན་མོང་དངོས་གྲུབ་ཞུཿ བདག་གི་བླ་མར་མཛད་དུ་གསོལཿ ཡང་གསང་ཐུགས་ཐིག་ཆ་ལག་ལསཿ འཇམ་དཔལ་རྣོན་པོའི་སྒྲུབ་ཐབས་འདིཿ ཁྲག་འཐུང་ལས་ཀྱི་དཔའ་བོས་སྨྲསཿ རིག་པ་མེ་ལྟར་འབར་བར་ངེསཿ ཆོས་རྒྱལ་ཞབས་པད་བརྟན་གྱུར་ཅིགཿ ཁམས་གསུམ་དབང་སྡུད་ཟིལ་གནོན་རྒྱཿ དགེའོ།། །།