སྤྲུལ་པའི་གཏེར་ཆེན་སྟག་ཤམ་ནུས་ལྡན་རྡོ་རྗེའམ་ཨོ་རྒྱན་བསམ་གཏན་གླིང་པའི་ཟབ་གཏེར་གྱི་ཐོབ་ཡིག།

From Khyentse Lineage - A Tsadra Foundation Project
Previous Text Back to Volume PageNext Text
Wylie title sprul pa'i gter chen stag sham nus ldan rdo rje'am o rgyan bsam gtan gling pa'i zab gter gyi thob yig DKR-KABUM-25-RA-009.pdf
Location dil mgo mkhyen brtse bka' 'bum
Volume 25, Text 9, Pages 107-132 (Folios 1a to 26b4)
Author དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation Khyentse, Dilgo. Sprul pa'i gter chen stag sham nus ldan rdo rje'am o rgyan bsam gtan gling pa'i zab gter gyi thob yig. In Skyabs rje dil mgo mkhyen brtse rin po che'i bka' 'bum, Vol. 25: 107-132. Delhi: Shechen Publications, 1994.
Genre Records of Teachings Received - thob yig - gsan yig
[edit]
༄༅། སྤྲུལ་པའི་གཏེར་ཆེན་སྟག་ཤམ་ནུས་ལྡན་རྡོ་རྗེའམ་ཨོ་རྒྱན་བསམ་གཏན་གླིང་པ་ཞེས་མཚན་གྱི་རྒྱལ་རྔ་བརྡུང་བ་གང་དེས། ཐུགས་སྒྲུབ་རྣམ་པ་གསུམ། རྩ་བ་གསུམ་སོགས་ལུང་ནས་བསྟན་པའི་གཏེར་ཁ་ཆེན་པོ་ལྔ་དང༌། གཞན་ཡང་ཟབ་གཏེར་གྱི་སྒོ་མང་དག་འབྱེད་པར་མཛད་པ་རྣམས་ཀྱི་ཐོག་མར་གྱུར་པ་དམ་ཆོས་རྡོ་རྗེ་སེམས་དཔའི་སྙིང་ཐིག །ཐེམས་ཅན་ལེའུའི་གྲངས་ལས་སྙིང་ཐིག་བཅུ་བཞི་མར་ཡང་གྲགས་པ། རྒྱུད་ལས། རྒྱུད་འདི་མཐོང་བའི་བསྙེན་སྒྲུབ་ཟིན༔ ཚིག་འདི་མཐོང་བས་རྟོགས་པ་འཆར༔ ལུང་འདི་གནང་བས་གཏན་ལ་ཕེབས༔ དོན་འདི་སྟོན་པས་འཛིན་ཆགས་ཞི༔ ཉམས་སུ་བླང་བས་ལྷག་མེད་གྲོལ༔ ཅེས་ཁྱད་འཕགས་ལྔ་ལྡན་དུ་བསྔགས་པའི་ཆོས་སྐོར་བར་ཁམས་གླང་ལུང་ཁྲ་མོ་བྲག་གི་མཁའ་འགྲོའི་གསང་ཕུག་ནས་རྒྱལ་སྲས་མུ་ནེ་བཙན་པོའི་དབུ་ཐོད་སོགས་དང་ལྷན་ཅིག་སྤྱན་དྲངས་པ་ལ་སྨིན་བྱེད་དོན་དབང་བཞི་པ་དབང་གོང་མ་གུད་སྦས་དང་བཅས་པ། གུར་དྲག་འོད་ཟེར་ཕྲེང་བའི་དབང་བསྐུར་བཅས་ལེགས་པར་ནོས་ནས། གྲོལ་བྱེད་གདམས་པའི་སྐོར་ལ་ཐེམས་ཅན་ཐེམས་མེད་གཉིས་ལས། དང་པོ་ནི། ཐེམས་ཡིག་རྡོ་རྗེའི་གཟེར་ཆེན་ལས་བསྟན་པའི་ཆོས་སྡེ་བཅུ་བཞི་སྟེ། རིག་འཛིན་པདྨ་ཐོད་ཕྲེང་རྩལ་གྱི་ཐུགས་བཅུད་ཡང་ཟབ་རྩ་བའི་དོན་རྒྱུད། ལོ་རྒྱུས་གཏེར་རྒྱ་ལུང་བསྟན་གྱི་སྐོར། དོན་དབང་བཞི་པ་ཡང་ཟབ་ཁྲིད་ཀྱི་སྔོན་འགྲོ་རིན་ཆེན་ས་བོན། ཁྲེགས་ཆོད་ཀྱི་ཁྲིད་ཐོས་གྲོལ་པདྨས་མཛད་པ། ཡང་ཟབ་ཐོད་རྒལ། རྗེས་ཀྱི་རྟགས་ཚད་གཉིས། རྩ་གསུམ་དྲིལ་བའི་སྒྲུབ་ཐབས་བྱིན་རླབས་འགུགས་པའི་ལྕགས་ཀྱུ། རྩ་གསུམ་དོན་གྱི་ལས་བྱང་རྡོ་རྗེའི་འོད་ཕྲེང༌། གུར་དྲག་ཀཱི་ལ་ཡའི་བསྙེན་སྒྲུབ་ལས་མཐའ་དང་བཅས་པ་མེ་དཔུང་འོད་ཟེར་མ། བཏགས་གྲོལ་རེག་པ་དོན་ལྡན་པདྨའི་འཕྲིན་ཡིག །བར་དོ་གནས་ཀྱི་གདམས་པ་ཐོས་གྲོལ་གསང་བའི་ཡི་གེ །བཀའ་སྲུང་མ་གཟའ་རྡོར་གསུམ་གྱི་སྒྲུབ་བྱང་ལས་མཐའ་བསྟན་དགྲ་འཇོམས་པའི་སྤུ་གྲི། ཐེམས་ཡིག་རྡོ་རྗེའི་གཟེར་ཆེན། བཻ་རོ་ཙཱ་ན་དང་སློབ་དཔོན་པདྨའི་ཞུས་ལེན་མ་འོངས་ལུང་བསྟན། མདངས་གསལ་རྒྱ་མཚོའི་རྫིང་བུའི་འཇོག་ཡིག་རྣམས་སོ། །གཉིས་པ་ཐེམས་མེད་སྐོར་ལ། ཆོས་སྤྱོད་གསོལ་འདེབས་བཻ་རོའི་ཟིན་བྲིས། དབང་གོང་མ་ཐོད་རྒལ་འཁོར་བ་དོང་སྤྲུགས། གསང་སྔགས་སྒྲུབ་པའི་དམར་ཁྲིད་མཁའ་འགྲོའི་གནད་ཡིག་པདྨའི་ཐུགས་བཅུད། ཀཱི་ལ་ཡ་དྲག་པོའི་ལས་ཀྱི་དབང་མཚོན་ཆའི་འཁོར་ལོ། གུར་དྲག་ཀཱི་ལ་ཡ་མེ་དཔུང་འོད་ཟེར་མའི་ལས་ཚོགས་མེ་བཞི་མ་བཅས་ལེགས་པར་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་པདྨ་འབྱུང་གནས། ལོ་ཆེན་བཻ་རོ་ཙཱ་ན། ལྷ་བུ་དོན་ཡོད་རྡོ་རྗེའི་སྡེ། རིག་འཛིན་སྟག་ཤམ་རྡོ་རྗེ། འཁྲུལ་ཞིག་རིག་འཛིན་དབང་རྒྱལ། ཀུན་བཟང་པདྨ་རྣམ་རྒྱལ། ཨོ་རྒྱན་རྟ་མཆོག་ཆོས་གྲགས། ཡོངས་འཛིན་རྟ་མགྲིན་ལྷུན་པོ། འདྲེན་མཆོག་པདྨ་ཤེས་རབ། རྗེ་པདྨ་གར་གྱི་དབང་ཕྱུག་དང༌། རྗེ་མཉྫུ་གྷོ་ཥ་གཉིས་ཀ་ལས་རྗེ་དྲུང་བྱམས་པ་འབྱུང་གནས། དེས་ལས་བཀའ་འགྱུར་རིན་པོ་ཆེ་ཀློང་ཆེན་ཡེ་ཤེས་རྡོ་རྗེ་ཞལ་སྔ་ནས་བདག་མངྒ་ལར་བཀའ་དྲིན་དུ་བསྩལ་བའོ། །ཡང་དོན་དབང་བཞི་པའི་བརྒྱུད་ཚུལ་ཁྱད་འཕགས་གཅིག་ནི། པདྨ་བདེ་ཆེན་གླིང་པ་ལ་སྟག་ཤམ་པ་དངོས་ཀྱིས་བསྩལ་བ་མ་ཟད། རྡོར་གླིང་དང་ཀུན་སྐྱོང་གླིང་པ་གཉིས་ཀྱི་རྡོར་སེམས་སྙིང་ཐིག་བརྒྱུད་པའང་འདུས་ཤིང་ཡེ་ཤེས་ཀྱི་སྐུས་བྱིན་གྱིས་རླབས་ཏེ་གནང་བ་བསྩལ། བདེ་གླིང་ནས་རིམ་བཞིན་རིག་འཛིན་ཚེ་དབང་ནོར་བུ། རྡོ་རྗེ་གཙུག་ལག་དགའ་བ། བླ་མ་རྣམ་དག་ཆོས་འཛིན། དཔའ་བོ་གཙུག་ལག་ཆོས་རྒྱལ། གྲུབ་དབང་ཨོ་རྒྱན་ཆོས་འཕེལ། ཀརྨ་གཞན་ཕན་མཐའ་ཡས། རྗེ་གུ་ཎ་མན་འདྲ། དབང་གོང་མ་དང༌། གུར་དྲག་ཀཱི་ལ་ཡའི་དབང་ནི། རྟ་མཆོག་ཆོས་གྲགས་ཡན་གོང་ལྟར་ལ། རྒྱལ་སྲས་ཆོས་སྐྱོང་མགོན་པོ། བྱང་ཆུབ་ཆོས་ཀྱི་སེང་གེ །རྗེ་གུ་ཎ་མན་འདྲ། ༈ ཐེམས་བྱང་ལས། བླ་མ་ཡི་དམ་མཁའ་འགྲོ་ཡི༔ ཟབ་ཆོས་ཡང་ཟབ་གདམས་པའི་ཁྱད༔ མཆོག་གྱུར་སྙིང་པོ་དོན་སྦྱོར་ལ༔ བླ་མ་ཡི་དམ་མཁའ་འགྲོའི་སྐོར༔ ཞེས་རྩ་གསུམ་སྙིང་པོ་དོན་སྦྱོར་གྱི་ཆོས་སྐོར་ལས། བླ་མ་མཁའ་འགྲོ་གཉིས་སྟག་ཤམ་པ་ཉིད་ཀྱི་སྤྱན་དྲངས་ཤིང༌། ཡི་དམ་སྐོར་ཉིད་ཀྱི་སྐྱེ་བ་གོང་མ་མཆོག་ལྡན་རྡོ་རྗེས་སྤྱན་དྲངས་པ་སྟག་ཤམ་པ་ཉིད་ལ་བཀའ་བབས་པ་སྟེ། དེའང་མ་འོངས་བསྐལ་པའི་ཐ་མ་ལ༔ ཚེ་ལོ་ལྔ་བཅུ་ཁ་རལ་གྱི༔ དུས་སུ་ཆོས་བློ་མགོན་པོ་འདི༔ ངེས་མེད་སྤྱོད་པའི་རྣལ་འབྱོར་པ༔ སྔོན་པོ་འཁོར་ལོ་ལྷུ་ཚིགས་འཛིན༔ ཤ་སྨེ་དཀར་པོ་ཚངས་སྐུད་ཚུལ༔ འབྲེལ་ཚད་དོན་ལྡན་སྐྱེས་བུ་འབྱུང༔ དེ་དུས་ཟབ་ལམ་སྙིང་པོ་དོན་སྦྱོར་གྱི༔ མན་ངག་གཏེར་དང་འཕྲད་པར་འགྱུར༔ ཞེས་སོགས་རྡོ་རྗེའི་ལུང་གིས་བསྟན་པའི་གྲུབ་ཆེན་མཆོག་ལྡན་རྡོ་རྗེའམ། ཞིག་པོ་གླིང་པས་བྲག་དཀར་ལྷ་ཆུ་གསང་བའི་ཕུག་པ་ནས་སྤྱན་དྲངས་པའི་རྟ་མགྲིན་སྙིང་ཐིག་སྙིང་པོ་དོན་སྦྱོར་གྱི་ཆོས་སྐོར་ལས། སྨིན་བྱེད་སྤྲོས་བཅས་སྤྲོས་མེད་ཤིན་ཏུ་སྤྲོས་མེད་རབ་ཏུ་སྤྲོས་མེད་རྣམས་ཀྱི་དབང་ངོ་སྤྲོད་དང་བཅས་པ། གཏོར་དབང་བར་ཆད་ཀུན་སེལ་རྣམས་ལེགས་པར་ནོས་ནས། ལུང་གི་སྐོར་ལ། ཆོས་གཏེར་ཁ་བྱང་ཤིན་དུ་སྤྲོས་མེད་སྤྲོ་སྐྱེད་དྭངས་བ་འདྲེན་པ། མ་འོངས་ལས་ཅན་ལུང་བསྟན། འདི་ལྟར་བརྒྱུད་པ་དང་ཆེ་བ་བསྟན་པའི་ལོ་རྒྱུས། བརྒྱུད་པའི་རིམ་པ་མདོ་ཙམ་བསྟན་པ། སྙིང་པོ་དོན་སྦྱོར་ཤེས་རབ་མན་ངག་སྙིང་གི་དགོངས་པ་རྩ་བའི་རྒྱུད་ལེའུ་བཅུ་གཉིས་པ། རྩ་རྒྱུད་ཀྱི་འགྲེལ་པ་པདྨ་དཀར་པོ་བཏགས་གྲོལ་རྒྱུད་དྲུག་གཅིག་ཏུ་བསྡུས་པའི་དོན་རྒྱུད་མཆོག་གསང་ལེའུ་གཅིག་པ། དེའི་བརྒྱུད་པའི་ལོ་རྒྱུས། གླེགས་བམ་བཅངས་ཐབས། འཁོར་ལོ་བྲི་ལུགས། བཀླག་ཐབས། རྟགས་ཚད་ཕན་ཡོན་བཅས། བཏགས་གྲོལ་དོན་ཁྲིད་བསྡུས་པ། སྤྲོས་བཅས་ཆོས་སྒོ་ཐེག་པ་འབུམ་དབང༌། སྤྲོས་མེད་ཆོས་སྒོ་ཐབས་ཀྱི་གསང་དབང༌། ཤིན་ཏུ་སྤྲོས་མེད་ཆོས་སྒོ་ཤེས་རབ་དབང༌། རབ་ཏུ་སྤྲོས་མེད་ཆོས་སྒོ་རིག་པའི་རྩལ་དབང༌། དབང་ཁྲིད་བསྲེ་བའི་ཚུལ། ཟབ་ལམ་སྨིན་བྱེད་བཞིའི་རྒྱབ་ཡིག་དང་ཐོ་ཡིག །གསང་བ་ཤེས་རབ་དབང་གི་ཡུམ་མཁའི་དཀྱིལ་འཁོར་ངོ་སྤྲོད། གསང་དབང་ལག་ལེན་འཁྲུགས་བསྡེབས་ས་བཅད། ཤེར་དབང་ཚིག་དབང་ས་བཅད། དབང་གི་རྒྱབ་ཡིག་ཕྲན་བུ་བཞི། གཏོར་དབང་བར་ཆད་ཀུན་སེལ། སྒྲུབ་ཐབས་ལས་བྱང་རིན་ཆེན་ཕྲེང་བ། ཚོགས་ལས་དངོས་གྲུབ་རིན་ཆེན། ཚོགས་སྐོང་རིན་ཆེན་ཕྲེང་བ། རྟ་ཕག་ཡབ་ཡུམ་སྒྲུབ་ཐབས་རྣལ་འབྱོར་བཞི་ལྡན། གནད་འབེབས་བླ་རྡོ་སྒྲོམ་འཛུད། རྟ་ཕག་ཡབ་ཡུམ་སྒྲུབ་ཐབས་རྣལ་འབྱོར་གསུམ་ལྡན་གནད་ཡིག་དང་བཅས་པ། དཀྱིལ་འཁོར་ཐིག་ཆོག་གི་རིམ་པ། དཀྱིལ་འཁོར་ཕྱིའི་ཐིག་རྩ། རྡུལ་ཚོན་དཀྱིལ་འཁོར་རྣམ་དག །བུམ་སྒྲུབ་ཆོ་ག །ནོར་སྒྲུབ་གཏེར་གྱི་བུམ་པ། ཌཱཀི་ལས་ཀྱི་གཏུམ་མོ། གཏུམ་མོ་མཁའ་འགྲོའི་གསང་ཁྲིད། བཅུད་འདྲེན་ནོར་བུ་རྩལ་སྦྱོང༌། རྩལ་སྦྱོང་གནད་ཀྱི་རྒྱས་བཤད། ཐིག་ལེའི་དྭངས་སྙིགས་ཕྱེ་བ་དང་རིགས་བརྒྱུད་སྤེལ་ཚུལ། ཚེ་བརྟག་འཆི་བསླུ་ཚེ་སྒྲུབ་ཀྱི་མན་ངག །ཕྱག་རྒྱ་མཚན་ལྡན་ཚེ་ལམ་གྱིས་འཆི་བ་བསླུ་ཐབས། ཕྱི་ནང་གསང་གསུམ་གྱི་ཚེ་བརྟག །འཆི་བསླུ་ཚེ་སྒྲུབ་ཀྱི་མན་ངག་རྒྱ་སྐད་ཅན། ཆོས་ཀྱི་ཆེ་བ་སྤྲོ་བསྐྱེད་སྔོན་འགྲོ་བརྩོན་འགྲུས་སྐྱེད་བྱེད། སྔོན་འགྲོ་ལམ་ཁྱེར་སྐོར་གསུམ། ཉམས་ལེན་རྣལ་འབྱོར་སྐོར་གསུམ། ཉམས་ལེན་རྣལ་འབྱོར་རྒྱུན་ཁྱེར། ལམ་ཁྱེར་རྣལ་འབྱོར་བཞི་རིམ་སྙིང་པོ་དོན་གྱི་མན་ངག །ཡང་སྙིང་པོ་གནད་ཀྱི་གདམས་པ་སྐུ་གསུམ་ལམ་གྱི་དོན་ཁྲིད། ཁྲེགས་ཆོད་འཁྲུལ་པ་རྩད་གཅོད། ཐོད་རྒལ་གྱི་ཌཱ་ཀི་གསལ་བྱེད་ཉི་མ། སྐྱེ་མེད་ཆོས་སྐུའི་ངོ་སྤྲོད་ཁྲེགས་ཆོད་ཀྱི་ཞལ་གདམས། སྙིང་པོ་དོན་སྦྱོར་གྱི་རྒྱབ་བརྟེན་རྒྱས་པ་གསང་བ་ཡང་ཁོལ་སྙིང་གི་དུམ་བུ། ཡང་ཟབ་ཞལ་གདམས་སྙིང་གི་དུམ་བུ། བར་དོ་གནད་ཀྱི་སྒྲོན་མ། ངོ་སྤྲོད་ཞལ་གདམས་བར་དོ་གནད་ཀྱི་དུམ་བུ། བར་དོའི་ངོ་སྤྲོད་གསང་བ་ཡང་ཁོལ། གནད་ཀྱི་ཞལ་གདམས་མན་ངག་ལྔ་པ། སྙིང་པོ་དོན་གསལ་ལོང་བ་མིག་འབྱེད་གསེར་ཐུར། གོལ་ས་གཅོད་པའི་གདམས་པ། ཚད་ཀྱི་རྟགས་ཡིག །བདུད་རྩི་ཤུག་པའི་བཅུད་ལེན། བདུད་རྩི་ཨ་མྲྀ་ཏའི་ལོ་རྒྱུས་བྱུང་ཚུལ་སྒྲུབ་ལུགས་ཡོན་ཏན་གཞན་དོན་འབྱུང་ཚུལ། ཤོག་སེར་དང་སྐུ་ཚབ་དཀར་ཆག་བཅས་ལེགས་པར་ཐོབ་པའི་དབང་བསྐུར་རྣམས་ཀྱི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་ཞི་ཁྲོ་རབ་འབྱམས། སྤྲུལ་སྐུ་རྡོ་རྗེ་འཆང་ཆེན། སྟོན་པ་རྡོ་རྗེ་སེམས་དཔའ། རིག་འཛིན་དགའ་རབ་རྡོ་རྗེ། རིག་འཛིན་ཤྲཱི་སེངྷ། ཨོ་རྒྱན་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། གྲུབ་ཆེན་རྒྱལ་བ་བྱང་ཆུབ། ཆོས་བློ་མགོན་པོ། གཏེར་ཆེན་མཆོག་ལྡན་རྡོ་རྗེ། གཏེར་ཆེན་བསམ་གཏན་གླིང་པ། ཆོས་བདག་བསམ་གཏན་བསྟན་འཛིན། ཀུན་བཟང་ནམ་མཁའ་རྡོ་རྗེ། ཀུན་བཟང་པདྨ་རྣམ་རྒྱལ། རྟ་མཆོག་ཆོས་གྲགས། རྒྱལ་སྲས་ཆོས་སྐྱོང་མགོན་པོ། མཆོག་སྤྲུལ་བྱང་ཆུབ་ཆོས་ཀྱི་སེང་གེ །རྗེ་གུ་ཎ་མན་འདྲ། ཡང་གཏོར་དབང་དང་ལུང་ཡོངས་སུ་རྫོགས་པའི་བརྒྱུད་པ་ནི། རྟ་མཆོག་ཆོས་གྲགས་ཡན་གོང་ལྟར་ལ། དེ་ནས་རྟ་མགྲིན་ལྷུན་པོ། འདྲེན་མཆོག་པདྨ་ཤེས་རབ་བམ་བསམ་གཏན་བསྟན་འཛིན། རྗེ་གུ་ཎ་མན་འདྲ། རྩ་བ་གསུམ་གྱི་སྙིང་ཐིག་ལས་བླ་མ་དང་མཁའ་འགྲོའི་སྐོར་ནི། ཁ་བྱང་ལས། ཁྱད་པར་བར་ལམ་རི་བོ་སྦྲུལ་འཁྱིལ་འདྲ༔ གླང་ལུང་བྱ་ཁྱུང་ཕུག་དང་ཙིཏྟའི་བྲག༔ སྒྲོལ་དཀར་གསང་བའི་ཕུག་མོ་ཆེར་སྦས་བའི༔ ཐུགས་སྒྲུབ་གསུམ་དང་གྲོ་ལོད་སྒྲུབ་པའི་སྐོར༔ སྙིང་པོའི་ཡང་སྙིང་ལྟ་བུར་སྦས་པ་འདི༔ འདོན་པའི་ལས་ཅན་ཨོ་རྒྱན་ཐུགས་ཀྱི་སྲས༔ རྣལ་འབྱོར་དཔའ་བོ་རྡོ་རྗེ་ཁྱུང་གི་མཚན༔ སྟག་ཤམ་རྡོ་རྗེ་གྲོ་ལོད་མཚན་རྟགས་ཅན༔ དེ་འདྲའི་ལས་ཅན་མ་འོངས་དུས་སུ་འབྱུང༔ ཞེས་སོགས་གསུངས་པ་ལྟར། གཏེར་ཆེན་སྟག་ཤམ་རྡོ་རྗེས་བྲག་དཀར་སྒྲོན་ཆུ་གསང་བ་བདེ་ཆེན་པདྨ་འཁྱིལ་བའི་ཕུག །བདུད་རྩི་ཡན་ལག་བརྒྱད་ལྡན་གྱི་རྦ་རླབས་གཡོ་བའི་ཀློང༌། རྩ་རྐྱང་མའི་ཟུར་ནས་སྤྱན་དྲངས། རྫོགས་ཆེན་སྙིང་པོ་དོན་སྦྱོར་གྱི་ཆོས་སྐོར་གཏེར་སྟོན་ཉིད་ཀྱིས་ཐེམས་བྱང་རྡོ་རྗེ་པདྨའི་ཕྲེང་བར་ཞིབ་པར་བཀོད་པའི་གོ་རིམ་ལྟར་ནོས་པ་ལ། རྒྱུད་ལུང་མན་ངག་གི་སྐོར་གསུམ། དང་པོ་རྒྱུད་ཀྱི་སྐོར་ནི། རྟ་མགྲིན་སྙིང་ཐིག་ཏུ་སོང་བ་དེ་རྣམས་ལས་གཞན་དུ་མེད། གཉིས་པ་ལུང་གི་སྐོར་བདུན་ནི། ཁ་བྱང་ཡང་བྱང་གསལ་བའི་ལྡེའུ་མིག་ཐེམས་ཀྱི་བྱང་ཡིག་རྣམ་གསུམ་གསེར་གྱི་གཟེར་བུ་ལྕམ་གཅིག །རྡོ་རྗེ་གྲོ་ལོད་ཀྱི་ལོ་རྒྱུས་གསེར་གྱི་ཕྲེང་བ་ཀུན་ནས་མཛེས་པ་ལུང་བྱང་དང་སྦས་ཡུལ་གྱི་གནས་ཡིག་འབུད་ཙམ་བཅས་པ། ཕྱི་ནང་སྣོད་བཅུད་ཀྱི་དེ་ཉིད་གསལ་བར་བཤད་པ་གསེར་གྱི་སྤར་ཁབ། རྩའི་དེ་ཉིད་གསལ་བར་བཤད་པ་རྡོ་རྗེའི་དྲྭ་མིག་གི་ཕྲེང་བ། རླུང་གི་དེ་ཉིད་རབ་ཏུ་གསལ་བར་བཤད་པ་མུ་ཏིག་གི་ཕྲེང་བ། ཐིག་ལེའི་དེ་ཉིད་གསལ་བར་བཤད་པ་ཉི་ཟླའི་ཕྲེང་བ་བཅས། གསུམ་པ་མན་ངག་གི་སྐོར་ལ་རྫོགས་རིམ་དབང༌། བསྐྱེད་རིམ་གྱི་སྐོར་གསུམ་གྱི་དང་པོ་རྫོགས་རིམ་གྱི་ཆོས་སྡེ་བརྒྱད་ནི། བླ་མེད་ནང་གི་གཏུམ་མོ་གུ་རུའི་ཕྱག་ལེན། གུ་རུའི་ཐུགས་ཐིག་སྣང་སྲིད་སྒྱུ་མའི་བློ་སྦྱོང་འཁོར་འདས་རང་གྲོལ། རྨི་ལམ་གྱི་གདམས་པ་སྒྱུ་མ་རོལ་པ། འོད་གསལ་པའི་པྲ་ཁྲིད་མན་ངག་ཡང་གསང་གནད་ཀྱི་གདམས་པ། སྐུ་གསུམ་འཕོ་བའི་དོན་ཁྲིད་ཐུན་མོང་མ་ཡིན་པ་ཤིན་ཏུ་ཟབ་པ། འཕོ་བ་གྲོང་འཇུག་གི་མན་ངག་གསལ་བའི་ཡང་ཁོལ། ཐུགས་ཐིག་དྲུག་གི་སྤྱི་སྡོམ་སྤྱོད་པ་ཕཊ་དགུའི་གདམས་པ། བོགས་འདོན་ཉི་ཟླའི་རྒྱ་ཅན་བཅས། གཉིས་པ་བསྐྱེད་རྫོགས་གཉིས་ཀའི་སྨིན་བྱེད་དབང་གི་རིམ་པའི་ཆོས་སྡེ་བརྒྱད་ནི། བདག་གཞན་སྨིན་བྱེད་དབང་གི་རིམ་པ་བཅུད་ཀྱི་ཐིགས་པ་གནད་ཀྱི་དུམ་བུ་ཞེས་བྱ་བ་ཟབ་ཁྱད་ཅན། སྨིན་བྱེད་གསང་བའི་དབང་ཆོག་ཉི་ཟླའི་ཕྲེང་བ་བཅུད་ཀྱི་དྭངས་མ། རྩ་གསུམ་གྱི་ལྷ་དབང་ཆེན་མོ་གང་ཟག་སྤྲོས་བཅས་དགའ་བའི་རྒྱན། མན་ངག་གི་དབང་ཆོག་ཤིན་ཏུ་དམར་བ་ཐབས་ཤེས་ཨེ་ཝཾ་གྱི་རྒྱ་ཅན་བཅས་དབང་སྐོར་དངོས་ལ་བཞི། དེའི་ཆ་རྐྱེན་རྡོ་རྗེ་གྲོ་ལོད་ཞལ་མཐོང་རྩ་སྒྲུབ་ཀྱི་ཕྲིན་ལས་རིན་པོ་ཆེ་ཐུགས་ཀྱི་ཕྲེང་བ་མཛེས་པ། མཁའ་འགྲོ་གསང་བ་ཡེ་ཤེས་ཀྱི་མཆོད་ཕྲེང་མེ་ཏོག་ཆར་རྒྱུན་ཟབ་མོ་ཚོགས་རྒྱུན་གྱི་མན་ངག །མཁའ་འགྲོ་མའི་བསྐུལ་འབུམ་ཐུགས་རྗེའི་ལྕགས་ཀྱུ་བཅས་དུམ་བུ་བཞི་བསྡམས་པས་བརྒྱད་དོ། །གསུམ་པ་བསྐྱེད་རིམ་གྱི་སྐོར་ལ། ཡབ་ཡུམ་སྤྱི་བསྡོམས། བསྟན་སྲུང་གི་སྐོར་བཞིའི་དང་པོ་ཡབ་ཀྱི་སྒྲུབ་སྐོར་གསུམ་ནི། གུ་རུ་རྡོ་རྗེ་གྲོ་ལོད་ཞལ་མཐོང་རྩ་བའི་སྒྲུབ་ཐབས་དངོས་གྲུབ་གཏེར་འབྱུང༌། ཞལ་མཐོང་རྩ་སྒྲུབ་ཀྱི་ལས་མཐའ་ཁྱད་པར་ཅན་རྡོ་རྗེ་དྲྭ་མིག་གི་འཕྲུལ་མིག །ཕྲིན་ལས་བཞི་སྒྲུབ་རྡོ་རྗེའི་རྒྱ་ཅན། གཉིས་པ་ཡུམ་གྱི་སྒྲུབ་སྐོར་གསུམ་ནི། གསང་བ་ཡེ་ཤེས་ཀྱི་ཕྱི་སྒྲུབ་རྒྱ་མཚོ། ལས་མཐའ་ཁྱད་པར་ཅན་དབང་སྡུད་ཐུགས་རྗེའི་གྭའུ་ཁ་སྦྱོར་དྷཱ་ཀི་གནད་ཀྱི་ཐེམས་ཡིག་གནད་དབབ་སོགས། གསང་དམ་ཅན་མན་ངག་གཅིག་མ། གསུམ་པ་སྤྱི་སྡོམ་བཞི་ནི། རྩ་གསུམ་དྲིལ་སྒྲུབ་ཐུགས་རྗེའི་ལྕགས་ཀྱུ་འོད་ཀྱི་དྲྭ་བ། འགྲོ་འདུལ་རིལ་བུ་སྒྲུབ་ཐབས་མྱོང་གྲོལ་ཆེན་མོ། མཁའ་འགྲོ་མའི་ལས་ཕྲན་འཐོར་བུའི་སྐོར་དགོས་འདོད་ཀུན་འབྱུང༌། ཆུ་གཏོར་གྱི་རིམ་པ་བདུད་རྩིའི་བུམ་པ་དང་འབྱུང་ལྔའི་གཏོར་མ་མཁའ་འགྲོའི་དངོས་གྲུབ། བཞི་པ་བསྟན་སྲུང་གི་ཆོས་སྣ་བཞི་ནི། བཀའ་སྲུང་གསུང་གི་དཔལ་མགོན་གྱི་སྒྲུབ་ཐབས་ཁམས་གསུམ་དབང་སྡུད་མེ་རླུང་གི་ལྕགས་ཀྱུ། དཔལ་མགོན་གྱི་བཀའ་གཏད། དཔལ་མགོན་མངའ་གསོལ། བཀའ་སྲུང་མ་མོ་སྤྱང་ཞོན་མའི་ཕྲིན་ལས་རྣམས་དང༌། གཏེར་བདག་མཁའ་འགྲོའི་གསལ་ཁ་བཅས་ལེགས་པར་ནོས་པའི་བརྒྱུད་པ་ནི་གོང་གི་རྟ་མགྲིན་སྙིང་པོ་དོན་སྦྱོར་དང་འདྲ་བ་ལས་མཆོག་ལྡན་རྡོ་རྗེ་མི་དགོས་སོ། ༈ ལུང་བྱང་ལས། སྦས་ལུང་ཆེན་པོ་དགའ་བ་ཚལ༔ ཨེ་མ་ཨ་ལ་རྩུབ་པའི་གནས༔ སྐུ་རྟེན་མཐོང་གྲོལ་དེ་ཡི་གོང༔ ཕག་སྡིག་ཁྱུང་འདྲའི་ཕ་བོང་ལ༔ གཏེར་དུ་སྦས་པ་མཆོག་ཏུ་ཟབ༔ ཅེས་སོགས་ཁ་བྱང་ཡང་བྱང་གནད་ཡིག་རྣམས་ལས་རྒྱས་པར་གསུངས་པའི་ཟབ་ཆོས་ཡི་དམ་དགོངས་པ་འདུས་པའི་ཆོས་སྐོར་ནི། པདྨའི་ཐུགས་གཏེར་བཅུ་གཉིས་ཀྱི་བདག་པོར་ལུང་བསྟན་པའི་སྤྲུལ་པའི་གཏེར་ཆེན་བསམ་གཏན་གླིང་པའམ། སྟག་ཤམ་ནུས་ལྡན་རྡོ་རྗེས་སྦས་ཡུལ་བརྒྱད་ཀྱི་ཡ་གྱལ་ལྷོ་ཕྱོགས་པདྨོ་བཀོད་པ་ལ་ཕྱི་གླིང་བཅུ་གཉིས་ཡོད་པའི་བྱང་ཕྱོགས་ཀྱི་གཙོ་བོ་དྲག་པོ་བཀོད་ཆུང་གི་གནས་ཀྱི་བཀོད་པ་སྤྱི་དང༌། ཁྱད་པར་ཡབ་གཏེར་རང་བྱོན་རྟ་ཕག་ཡབ་ཡུམ། ཡུམ་གཏེར་གཏེར་སྡོང་རིན་ཆེན་འབར་བ། དགའ་བྱེད་གཞོན་ནུའི་བམ་ཆེན་ལ་སོགས་པ་ངོ་མཚར་གྱི་བཀོད་པ་དཔག་ཏུ་མེད་པ་སྣང་བར་མཛད་ཅིང༌། སླར་ཡང་བདུན་ཟུར་འབྲུག་གི་གནམ་ལོར་གནས་ཆེན་དགའ་བ་ཚལ་གྱི་ཕ་བོང་ཕག་སྡིག་ཁྱུང་གསུམ་ཀླུའི་ཕོ་བྲང་གི་ཐོག་གུ་རུའི་བཞུགས་ཁྲི་རྒྱན་དང་བཅས་པ་ངོ་མཚར་བ་ལས་སྐུ་ཚབ་དང་རྫས་གཏེར་བསམ་གྱི་མི་ཁྱབ་པ། ཡི་དམ་དགོངས་འདུས་ཀྱི་ཆོས་སྡེ་མ་མོ། ཕ་བོང་ཁྲོས་ནག་མའི་གདེང་ཀའི་འོག་ནས་མན་ངག་གི་རྒྱུད། གསང་གནས་ནས་མཁའ་འགྲོ་སྙན་རྒྱུད། གཏེར་གནས་གཞན་ནས་བཀའ་སྲུང་སོགས་སྤྱན་དྲངས་པ་སྟེ། དེའང་སྤྱིར་རྩ་གསུམ་དཀྱིལ་འཁོར་གཅིག་ཏུ་འདུས་ཤིང་སྨིན་གྲོལ་གྱི་ལམ་ཚང་ལ་མ་ནོར་བ་རྫོགས་པ་ཟབ་པའི་མཐར་ཐུག་ཏུ་གྱུར་པའི་མནོག་ཆོས་ལ་དགོངས་པ་འདུས་པའི་ཆོས་སྡེ་ཞེས་གྲགས་ཤིང༌། དེ་ཡང་ཁྲི་སྲོང་ལྡེའུ་བཙན་གྱིས་ཞུས་ངོར་རྗེ་འབངས་ཉེར་ལྔ། མཆན་བུ་བརྒྱ་རྩ་སོགས་ལ་བསམ་ཡས་མཆིམས་ཕུར་གནང་བ་ནི་བླ་མ་དགོངས་པ་འདུས་པ་ཞེས་སངས་རྒྱས་གླིང་པས་སྤྱན་དྲངས་པ་དེ་ཡིན་ཅིང༌། སྲས་མུ་ཁྲི་བཙན་པོས་ཞུས་ངོར་རྗེ་འབངས་ཕྱི་མ་བཅུ་བདུན་ཡང་ཁོལ་པོ་གསུམ་བཅས་ལ་མཆིམས་ཕུ་དགེ་གོང༌། ལྷོ་བྲག་དུང་ཁང༌། ཏི་སྒྲོའི་ཚོགས་ཁང༌། དགའ་ལུང་གསལ་ཁང༌། ཙཱ་རི་ཟིལ་ཆེན་ཕུག་རྣམས་སུ་གནང་བ་ཡི་དམ་དགོངས་འདུས་སུ་གྲགས་པ་འདི་ལ་ཇི་སྐད་དུ། དམ་ཆོས་ཟབ་མོ་ཡི་དམ་དགོངས་པ་འདུས༔ མ་ཧཱ་ཡོ་ག་ཆོས་ཀྱི་ཁོག་པ་ལ༔ ཨ་ནུ་ཡོ་ག་དོན་སྣོད་དབང་པོ་ལྔ༔ ཨ་ཏི་ཡོ་ག་འབྱུང་ལྔ་སྲོག་གི་རྟེན༔ ཡང་གསང་བླ་མ་ནོར་བུ་རིག་པའི་རྒྱལ༔ ཞེས་གསུངས་པ་ལྟར་མ་ཧཱ་ཡོ་ག་ཡི་དམ་རྟ་མགྲིན་དགོངས་འདུས། ཨ་ནུ་ཡོ་ག་མཁའ་འགྲོའི་སྙན་བརྒྱུད་གསང་སྐོར། ཨ་ཏི་ཡོ་ག་བླ་མེད་རྫོགས་པ་ཆེན་པོ། ཡང་ཏི་བླ་མ་ཡིད་བཞིན་ནོར་བུ། བཀའི་གཉེར་འཛིན་སྲུང་མའི་སྐོར་བཅས་ཆོས་སྡེ་ཆེན་པོ་ལྔ་དང༌། ནང་གསེས་ཤིན་ཏུ་མང་བར་བཞུགས་པའི་ཟབ་ཆོས་ཁྱད་པར་དུ་འཕགས་པ་འདི་ལ་སྤྱི་ཙམ་དུ་སྨིན་གྲོལ་རྒྱབ་བརྟེན་གྱི་སྐོར་གསུམ་ལས། དང་པོ་ནི། སྒྲུབ་ཆེན་གྱི་ཁོག་ཕུབ། ཞི་བ་བླ་མ་ནོར་བུ། དྲག་པོ་དབང་ཆེན་རྟ་མགྲིན་གྱིས་གཞུང་བསྲང༌། སྟ་གོན་སྔོན་དུ་འགྲོ་བའི་གཟུགས་བརྙན་གྱི་དཀྱིལ་འཁོར་དུ་རྒྱབ་ཆོས་སྤྱི་བསྡོམས་སྤྲོས་བཅས་ལྷ་དབང་ཆེན་མོ། སྨིན་བྱེད་རྩ་བའི་དབང་ཆོག་བདུད་རྩིའི་བུམ་བཅུད། སྤྲོས་མེད་ཐུགས་ཀྱི་དབང་བསྐུར་ཟབ་མོ་བར་ཆད་མྱུར་སེལ། གསང་བ་ཉིང་ཁུ་བཀའ་རྒྱ་ཅན་རྣམས་ལེགས་པར་ནོས། གཉིས་པ་གྲོལ་བྱེད་ཁྲིད་ཀྱི་རིམ་པ་སླར་བཀོད་པར་བྱ་ཞིང༌། གསུམ་པ་རྒྱབ་བརྟེན་ལུང་གི་སྐོར་ལ། ཡི་དམ་དགོངས་འདུས་རྟ་མཆོག་རོལ་པའི་གཏེར་འབྱུང་དགའ་བའི་རྣ་རྒྱན་གཏེར་ཆེན་ཉིད་ཀྱིས་མཛད་པ། ཁ་བྱང་ལུང་བྱང་གསལ་བའི་ལྡེའུ་མིག་ཨེ་ཝཾ་ཞེས་དགའ་བ་ཚལ་གྱི་གནས་ཀྱི་ལོ་རྒྱུས་གསལ་བའི་ལྡེའུ་མིག །སྐུ་རྟེན་རྟ་ཕག་དང་ཐུགས་རྟེན་རིན་པོ་ཆེའི་དཀར་ཆག་གབ་པ་མངོན་ཕྱུང་གུ་རུ་པདྨའི་ཞལ་ལུང་འོད་འཕྲོ། པདྨ་ཧེ་རུ་ཀ་རྟ་མགོ་མཉྫུའི་གསང་སྒྲུབ་པདྨའི་གེ་སར་འོད་ཀྱི་ཕྲེང་བ་སྟེ་ཆོས་ཚན་བཞི་ནི་ཡིག་ཆུང་ལྡེའུ་མིག་གི་སྐོར་ཏེ་འོག་ཏུ་སྨོས་པ་རྣམས་ཀྱི་ཡན་ལག་གི་ཆོས་སྡེ་དངོས་ཀྱི་བཀའ་རྩིས་ལྗོན་ཤིང་དང་དཔེ་དོན་སྦྱར་བར་མཛད་པའི་དང་པོ་སྡོང་པོའི་ཤུན་ལྤགས་དང་མཚུངས་པ་ཆོས་ཀྱི་སྤྱི་ཆིངས་གསུམ་ནི། ཁོག་དབུབ་སྲིད་པའི་ཆོས་འབྱུང་དམ་པ་ཆོས་ཀྱི་ལོ་རྒྱུས་གསང་བའི་རྣམ་ཐར་ནོར་བུ་པདྨའི་ལྗོན་ཤིང་ལེའུ་བཅུ་པ་སྐུ་གསུམ་བརྒྱུད་པའི་ལོ་རྒྱུས་གཏོང་ཐུན་ཆེན་མོ་ལེའུ་བཅུ་གསུམ་པ། བླ་མའི་ལོ་རྒྱུས་གསལ་བའི་རྣམ་ཐར་ལེའུ་བཅུ་གསུམ་པ། དེ་ལས་ཟུར་དུ་གབ་པ་ཨཱརྻ་ས་ལེ་སྨྲ་བའི་སེང་གེའི་ཞུས་ལེན་མ་འོངས་སྐྱེ་ཚུལ་ལུང་བསྟན་དང་བཅས་པ། ལྗོན་ཤིང་རྩ་བ་དང་མཚུངས་པ་རྒྱུད་ཀྱི་སྐོར་དགུ་ནི། སྐུའི་རྒྱུད་རྟ་དབུ་ལྔ་པ་པདྨ་འདུས་པའི་དུམ་བུ་དབང་དྲག་རོལ་པ། གསུང་གི་རྒྱུད་གསུང་མཆོག་རྣམ་པར་འདུས་པ། ཐུགས་ཀྱི་རྒྱུད་མཁའ་འགྲོ་མ་ཐམས་ཅད་འདུས་པ་རྡོ་རྗེ་པདྨ་དྲྭ་བ་ཅན། ཡོན་ཏན་གྱི་རྒྱུད་པདྨོ་དབྱེ་བ་བདུད་རྩི་འབྱུང་བ། ཕྲིན་ལས་ཀྱི་ཁྲག་འཐུང་རོལ་པ་རྒྱུད་ཕྱི་མ་རྟ་མགྲིན་དཔའ་བོ་གཅིག་པ་ནག་པོ་ཀླུ་འདུལ། རྒྱུད་ཕྱི་མའི་ཕྱི་མ་སྟོང་གསུམ་ཟ་བྱེད་ནམ་མཁའ་ལྡིང༌། མན་ངག་རྒྱུད་ཆེན་སྣང་སྟོང་དབྱེར་མེད་འཁོར་འདས་རང་གྲོལ། བཀའ་སྲུང་གི་རྒྱུད་ནི་འོག་ཏུ་སྟོན་ནོ། །རྒྱུད་དེ་དག་ལས་བྱུང་བའི་རིན་ཆེན་ཆོས་ཀྱི་མཛོད་ཆེན་རྣམ་པ་ལྔའི་དང་པོ་གཙོ་བོ་བསམ་ཡས་མཆིམས་ཕུར་ལྷ་སྲས་མུ་ཁྲི་བཙན་པོའི་ཐུགས་དམ་དུ་གནང་བ་ལྗོན་ཤིང་སྡོང་པོ་དང་མཚུངས་པ་མ་ཧཱ་ཡོ་ག་ཡི་དམ་དགོངས་འདུས་རྟ་མཆོག་རོལ་པའི་ཆོས་སྡེ། དང་པོ་སྒྲུབ་པའི་ཁོག་དབུབ་ཀྱི་སྐོར་ལ། སྒྲུབ་ཁོག་རྡོ་རྗེ་པདྨའི་ཕྲེང་བ་ལས་སྔོན་འགྲོ་སྟ་གོན་གྱི་རིམ་པ་དུམ་བུ་གསུམ་པ། དངོས་གཞི་བསྙེན་སྒྲུབ་ཀྱི་རིམ་པ་བྱ་ཐབས། ཉུལ་ལེ་ཟློག་ཐབས་ཏི་ར་གནས་ཉུལ་ཆེན་མོའི་ཟློག་སྐུལ་དམ་སྲི་ཚར་གཅོད། འདིའི་གསན་ཡིག་ཟུར་དུ་གབ་པ་དཔེ་མི་སྣང༌། དངོས་གྲུབ་ལེན་ཆོག་དགའ་བ་འཁྱིལ་བ། ལས་ཐམས་ཅད་ཀྱི་སྔོན་དུ་འགྲོ་བ་ཆ་གསུམ་གཏོར་མ་རིན་ཆེན་འབྱུང་བ། སྔོན་འགྲོ་ཆ་གཉིས་ཀྱི་གཏོར་མ། གསང་ཆེན་དམ་པ་རིགས་བརྒྱའི་ལས་བྱང་མུན་སེལ་ཉི་མའི་ཕྲེང་བ། ཁ་སྐོང་རྒྱན་གྱི་ཤོག་དྲིལ་ལས་ཁོལ་དུ་ཕྱུང་བ་མཆོད་འབུམ་བདུད་རྩིའི་རླབས་ཕྲེང༌། རུ་ཟུང་བཞིའི་བཤགས་པ་འཁོར་བ་དོང་སྤྲུགས། བླ་མེད་མཆོག་གི་སྐོང་བ་ན་རག་དོང་སྤྲུགས་མཚན་དོན་འདོད་གསོལ་བཅས་དཀྱིལ་འཁོར་ལྷའི་མཚན་དོན་མདངས་ཀྱི་སྐོང་བ་ཉམས་ཆག་རང་གྲོལ། མར་མེའི་སྨོན་ལམ་ཐུགས་རྗེའི་ལྕགས་ཀྱུ་བཅས་ཆོས་སྡེ་བཅུ་གསུམ་དུ་གསུངས་སོ། །གཉིས་པ་དབང་གི་སྐོར་ལ། སྨིན་བྱེད་རྩ་བའི་དབང་ཆོག་བདུད་རྩི་བུམ་བཅུད་སྤྱི་དོན་བཞི་པ། གང་ཟག་སྤྲོས་མེད་ཐུགས་ཀྱི་དབང་བསྐུར་ཟབ་མོ་བར་ཆད་མྱུར་སེལ་གསང་བ་ཉིང་ཁུ་བཀའ་རྒྱ་ཅན། རྒྱབ་ཆོས་སྤྱི་སྡོམ་སྤྲོས་བཅས་ལྷ་དབང་ཆེན་མོ་སྨིན་གྲོལ་རྒྱ་མཚོ་ཀུན་གསལ་མི་འགྱུར་ཉི་མ་དང་རྡོ་རྗེའི་རྒྱ་ཅན། དབང་གི་ཁ་སྐོང་དམ་ཚིག་རྣམ་བཤད་གསལ་བའི་མེ་ལོང་སྟེ་ཆོས་སྡེ་བཞིའོ། །གསུམ་པ་སྤྱི་ལ་གཅེས་པའི་སྐོར་ནི། བྱང་ཆུབ་ལམ་གྱི་རིམ་པ་གསལ་བ་སྙིང་པོ་ཞེས་བྱ་བ་ཆོས་སྤྱོད་ཀུན་གྱི་སྤྱི་སྡོམ་ཐར་པའི་ཐེམ་སྐས། བར་ཆད་བདུད་དཔུང་ངོས་བཟུང་ངེས་ཤེས་གཏམ་རྒྱུད་ཀྱི་ཕྲེང་བ། མཁའ་འགྲོ་ཡེ་ཤེས་མཚོ་རྒྱལ་གྱི་ཞུས་ལེན་དམར་ཁྲིད་ཞལ་གདམས་ཀྱི་རིམ་པ་ནོར་བུའི་ཕྲེང་བ། གནས་འདྲེན་ས་ལམ་བདུན་ཚིག་གི་ཆོ་ག་ངན་སོང་རང་གྲོལ། ཕུང་པོ་སྲེག་སྦྱོང་ཡེ་ཤེས་ཀློང་ཡངས་ཏེ་ཆོས་སྡེ་ལྔའོ། །བཞི་པ་དྲག་པོའི་སྐོར་ལ། ལས་བྱང་ཆེན་མོ་ནོར་བུའི་ཕྲེང་བ་པདྨའི་དྲྭ་བ་ཅན། ཕྲིན་ལས་རྒྱུན་ཁྱེར་ལས་བྱང་བསྡུས་པ་ནོར་བུ་པདྨའི་ཕྲེང་བ། དཀྱིལ་འཁོར་གྱི་བསྟོད་པ་ཚངས་པ་ལྷའི་གཎྜི་དང་ཕོ་ཉའི་བསྐུལ་བསྟོད་སྤུ་གྲིའི་ཕྲེང་བ། མདངས་སྐོང་དྲི་མེད་ཤེལ་ཕྲེང༌། ཟློག་གཞུང་མཚོན་ཆའི་འཁོར་ལོ། གཏོར་ཟློག་མེ་རླུང་འབར་བ། ཟོར་ལས་རླུང་གི་སྤུ་གྲི་ཟ་ལམ་བཅས། ཁྲོ་རྒྱལ་ཁྱུང་གི་ལས་མཐའ་ཁྱད་པར་ཅན་ལྟས་ངན་བརྒྱད་ཅུའི་ཟློག་མདོས་རུས་ཁོག་མ། བསྒྲལ་བའི་ལས་རིམ་སྤུ་གྲི་ཀ་མ་ཧ་བཅས་ཚན་བཅུའོ། །འདིར་ཐེམས་བྱང་ལས་བྱང༌། འཁོར་ལོའི་ཡང་ཟློག་མན་ངག་ཡིག་ཆུང་སྐོར། ཞེས་དང༌། གསན་ཡིག་ཏུ། སྐོང་བསྡུས་གསང་བའི་ཡིག་ཆུང་གི་སྲུང་ཟློག་བསད་མནན་གྱི་འདེབས་ཁའི་རིམ་པ་བཅུ་བཞི་ཞེས་སྣང་ཡང་དཔེ་མ་འབྱོར། ལྔ་པ་སྒྲུབ་ཐབས་ཀྱི་སྐོར་ལ། བསྐྱེད་པ་མ་ཧཱ་ཡོ་ག་ལྟར་སྒྲུབ་པའི་ཐབས་མངོན་རྟོགས་ནོར་བུའི་གཞུང་ཆེན། ལུང་ཨ་ནུ་ཡོ་ག་ལྟར་སྒྲུབ་པའི་ཐབས་ལུས་དཀྱིལ་རྩ་རླུང་རྣམ་དག་པདྨའི་ཕྲེང་བ། རྫོགས་པ་ཨ་ཏི་ཡོ་ག་ལྟར་སྒྲུབ་པའི་ཐབས་ཉི་ཟླའི་ཕྲེང་བ་མ་རིག་མུན་སེལ། ཕྱི་སྒྲུབ་རྡོ་རྗེའི་སྙིང་པོ་གསང་བ་ཀུན་འདུས། ནང་སྒྲུབ་ནག་པོ་ཀླུ་འདུལ་རྩ་བ་ལྷ་བཞིའི་སྒྲུབ་ཐབས་གནམ་ལྕགས་རྡོ་རྗེའི་མེ་དཔུང་གདུག་པ་འཇོམས་བྱེད། གསང་སྒྲུབ་དྲེགས་པ་ཀུན་གཏད། བསྙེན་སྒྲུབ་ལས་གསུམ་གཅིག་ཏུ་དྲིལ་བ་ཨུ་པ་དེ་ཤ། པདྨ་དབང་གི་གསང་བ་མཆོག་སྒྲུབ་ནོར་བུ་ལུགས། པདྨ་དབང་ཆེན་ལྕགས་སྒྲོག་ཅན་གྱི་སྒྲུབ་ཐབས་རྩ་བ་སྡོང་པོ་ལྟ་བུ་ཤིན་ཏུ་ཟབ་པ། པདྨ་དབང་ཆེན་ཞགས་པ་ཅན་རིགས་གསུམ་ཁྱུང་ལྔའི་གསང་སྒྲུབ་པདྨའི་ལྕུག་མ། རིགས་གསུམ་ཁྱུང་ལྔའི་སྒྲུབ་ཐབས་གདུག་པ་ཀུན་གྲོལ། སྒྲུབ་ཕྲན་དགོས་པ་ཀུན་འདུས་ཁྲོ་བཅུ་རྒྱན་གྱི་ཕྲེང་བ་ལས། ལས་ཐམས་ཅད་ཀྱི་སྔོན་དུ་འགྲོ་བ། བགེགས་མཐར་བྱེད་ཀྱི་སྒྲུབ་ཐབས་རྡོ་རྗེ་ཕ་ལམ། ཧཱུྃ་ཀཱ་རའི་སྒྲུབ་ཐབས་སྙིང་པོ་ཀུན་འདུས། རྣམ་པར་རྒྱལ་བའི་སྒྲུབ་ཐབས་ཁམས་གསུམ་བདུད་ལས་རྣམ་རྒྱལ། དབྱུག་སྔོན་སྒྲུབ་ཐབས་འབྱུང་པོ་ཀུན་འདུལ། གཤིན་རྗེ་གཤེད་ཀྱི་སྒྲུབ་ཐབས་གཤིན་རྗེའི་དཔུང་འཇོམས། མི་གཡོ་མགོན་པོའི་སྒྲུབ་ཐབས་སྲིད་ལས་རྣམ་རྒྱལ། དབང་ཆེན་སྒྲུབ་ཐབས་གདུག་པ་འདུལ་བྱེད། འདོད་པའི་རྒྱལ་པོའི་སྒྲུབ་ཐབས་ཤེས་རབ་བློ་འཕེལ། བདུད་རྩི་འཁྱིལ་བའི་སྒྲུབ་ཐབས་སྦྲང་རྩིའི་འདོད་འཇོ། རྣམ་པར་རོལ་པའི་སྒྲུབ་ཐབས་བགེགས་འདུལ་གཏུམ་མོ། སྟོབས་པོ་ཆེའི་སྒྲུབ་ཐབས་རྡོ་རྗེའི་གོ་ཁྲབ། དབང་ཆེན་ལྕགས་སྒྲོག་ཅན་གྱི་ལས་མཐའ་ཁྱད་པར་ཅན་ཚར་གཅོད་རྗེས་བཟུང་དགོས་འདོད་ཀྱི་གྭའུ་བཅས། ལྗོན་ཤིང་གི་ལོ་འདབ་དང་ཆོས་མཚུངས་པ་དེ་དག་ཀུན་གྱི་མཐའ་སྒྱུར་ཕྲིན་ལས་ཀྱི་རིམ་པ་སྡེ་ཚན་ལྔའི་དང་པོ་ཞི་བའི་ལས་གཟུངས་སྒྲུབ་ཞི་དྲག་སྦྲག་མ་ཁྲུས་དབང་དང་བཅས་པ་བདུད་རྩི་འཁྱིལ་བ། ཀླུ་མཆོད་པའི་རིམ་པ་ཀླུའི་གཏད་གྲོལ་དང་བཅས་པ་ཡིད་བཞིན་བདུད་རྩིའི་བུམ་པ། གཉིས་པ་རྒྱས་པའི་ལས་བདུད་རྩི་སྨན་གྱི་སྒྲུབ་ཐབས་རིན་ཆེན་འབྱུང་གནས། བདུད་རྩི་སྨན་སྒྲུབ་ཀྱི་ལས་དྲག་པོར་སྒྲུབ་པའི་ཐབས་རིན་ཆེན་ཕྲེང་བ། སད་སྲུང་ཐུགས་རྗེའི་སྤྲིན་ཕུང༌། ཆར་ཆོག་འདོད་འཇོའི་བ་གཞོན། ཆར་འབོད་གུད་དུ་སྦས་པའི་མན་ངག་ཟབ་མོ་ཐུགས་རྗེ་མྱུར་མགྱོགས། གསུམ་པ་དབང་གི་ལས་བྲོ་ལས་སྣང་སྡུད་ཀྱི་ཆོ་ག་ཟབ་མོ་ལས་དང་བཅས་པ། བཞི་པ་དྲག་པོའི་ལས། ཨེ་ཀ་ཛཱཊི་ཡེ་ཤེས་ལྟ་བུ་སྒྲུབ་པའི་ཐབས་ཙིཏྟའི་ཕྲེང་བ་པདྨའི་རྒྱ་ཅན། མ་མོ་ཨཱརྻརེ་མ་ཏིའི་སྒྲུབ་ཐབས་ཙིཏྟ་སྙིང་གི་རྒྱ་ཅན། བཀའ་སྲུང་གཟའ་བདུད་ཆེན་པོའི་སྒྲུབ་ཐབས་དྲག་པོར་མྱུར་འབེབས་ལྕགས་པར་གྱི་རྒྱ་ཅན། ཀླུ་བདུད་མེའི་རལ་པ་ཅན་གྱི་སྒྲུབ་ཐབས་གནམ་ལྕགས་རལ་གྲིའི་རྒྱ་ཅན། བདུད་ནག་ལྕགས་ཀྱི་རལ་པ་ཅན་གྱི་སྒྲུབ་ཐབས་རྡོ་རྗེའི་ཕ་ལམ་གྱི་རྒྱ་ཅན་བཅས། ཐེམས་སུ་དྲུག་གསུངས་ཀྱང་ལྔ་ལས་མི་སྣང༌། ལྔ་པ་ལས་ཐམས་ཅད་ཀྱི་ཁ་སྐོང་ནི། ཞི་བའི་སྦྱིན་སྲེག་རྡོ་རྗེ་འོད་འབར་སྒྲིབ་གཉིས་ཞི་བྱེད། རྒྱས་པའི་སྦྱིན་སྲེག་རིན་ཆེན་འོད་འབར་བསོད་ནས་རྒྱ་མཚོ། དབང་གི་སྦྱིན་སྲེག་པདྨ་འོད་འབར་ནོར་བུའི་ལྕགས་ཀྱུ། དྲག་པོའི་སྦྱིན་སྲེག་རལ་གྲི་འོད་འབར་དགྲ་བགེགས་ཚར་གཅོད། ལས་ཐམས་ཅད་ཀྱི་ཁ་སྐོང་ནོར་བུ་འོད་འབར་ཕྱི་ནང་གསང་གསུམ་གྱི་སྦྱིན་སྲེག་དགོས་དོན་དང་བཅས་པ། སྤྱི་སྡོམ་མ་ཧཱ་ཡོ་གའི་སྐོར་ལ་ལེའུ་ང་དྲུག་ཏུ་གསུངས་ཀྱང་དཔེ་རྣམས་སུ་ལེའུའི་ནང་གསེས་བདུན་ཅུ་ཡར་བརྒལ་དུ་སྣང་ངོ༌། ༈ རྩ་བའི་གཉིས་པ་གཙོ་བོ་ཏི་སྒྲོའི་ཚོགས་ཁང་དུ་དབྱིངས་ཕྱུག་ཡེ་ཤེས་མཚོ་རྒྱལ་ལ་གདམས་པ་བཀྲག་གསལ་མེ་ཏོག་དང་མཚུངས་པ་ཨ་ནུ་ཡོ་གའི་སྐོར་ལ། ཕྱི་སྐོར། ནང་སྐོར། གསང་སྐོར་གསུམ་གྱི་དང་པོ་ཕྱི་ལྟར་འཇིག་རྟེན་དབང་ཕྱུག་ཏུ་སྒྲུབ་པ་མི་ཏྲ་སྙིང་ཐིག་གི་ཆོས་སྡེའི་སྐོར་ནི་གཞན་དུ་གསལ། ནང་སྐོར་ལ་འོད་དཔག་མེད་ཀྱི་སྐོར་ལ། ནམ་མཁའ་ལྡིང་གི་སྐོར་གཉིས་ཀྱི་དང་པོ་འོད་དཔག་ཏུ་མེད་པའི་ཆོས་སྡེའི་སྨིན་བྱེད་རིན་པོ་ཆེའི་འཁོར་ལོ་དང་པདྨའི་སྡོང་པོའི་རྗེས་གནང༌། ནང་སྒྲུབ་ཀྱི་ཚེ་དབང་བཅས་ཚང་བར་ནོས། གདམས་པའི་སྐོར་ལ། ཚེ་དབང་རིན་པོ་ཆེའི་འཁོར་ལོ། ཚེ་འགུགས་ཐུགས་རྗེའི་ལྕགས་ཀྱུ་གསང་བའི་ཡང་སྙིང༌། རྟེན་གསུམ་རབ་གནས་ཀྱི་ཆོ་ག་བཀྲ་ཤིས་འོད་འབར། འོད་དཔག་མེད་སེམས་དཔའི་དཀྱིལ་འཁོར་སྒྲུབ་ཅིང་མཆོད་པའི་ཐབས་ཚོགས་གཉིས་ཆར་རྒྱུན་གསེར་གྱི་ཕྲེང་བ། ཆོས་སྤྱོད་སྨོན་ལམ་ཡེ་ཤེས་སྒྲོན་མེ་རབ་གསལ་མེ་ལོང༌། གཤིན་པོ་རྗེས་འཛིན་མུན་སེལ་སྒྲོན་མེ། ཆབ་གཏོར་བདུད་རྩིའི་བུམ་པ། ཡན་ལག་བརྒྱད་ལྡན་བཅས་སྨིན་བྱེད་དང་རྗེས་སུ་འབྲེལ་བའི་ཆོས་སྡེ་བདུན། འོད་དཔག་མེད་ཀྱི་སྒྲུབ་ཐབས་པདྨའི་སྡོང་པོ་རྗེས་གནང་དང་བཅས་པ་འཕགས་པ་ཀླུ་སྒྲུབ་ཀྱིས་མཛད་པ། ཕྱི་སྒྲུབ་འོད་ཟེར་མཐའ་ཡས། ནང་སྒྲུབ་འཆི་མེད་ཚེའི་སྒྲུབ་ཐབས་ཟབ་མོ་རིན་པོ་ཆེའི་ཕྲེང་བ། གསང་སྒྲུབ་འཆི་མེད་ཚེའི་ཡེ་ཤེས་མཐའ་ཡས་རིན་ཆེན་དཔལ་འབར། ཐུགས་རྗེ་ཆེན་པོ་པདྨ་མགོན་པོའི་སྒྲུབ་ཐབས་དྲི་མེད་ཤེལ་གྱི་བུམ་པ། ཨ་མི་དྷེ་ཝའི་གསང་སྒྲུབ་བདེ་ཆེན་ལྷུན་གྲུབ། གཟུངས་སྒྲུབ་ཞི་བ་ཡིད་བཞིན་ནོར་བུ། དྲག་པོར་སྒྲུབ་པའི་ཐབས་རྡོ་རྗེ་དམར་ནག་མེའི་ཕྲེང་བ། བླ་མ་སྐུ་གསུམ་མདོ་སྔགས་བླ་མེད་ལྟར་སྒྲུབ་པའི་ཐབས། ཡི་གེ་དྲུག་པའི་ལས་བྱང་གསང་བ་གཅིག་སྒྲུབ་ཅེས་ཨཱརྻ་ས་ལེའི་ཐུགས་དམ་དྲིལ་བའི་སྙིང་ཆོས། རྟ་མགྲིན་མཁའ་འགྲོའི་སྒྲུབ་ཐབས་ཐུན་མོང་མ་ཡིན་པ་མཁའ་འགྲོའི་སྲོག་ཐིག །ཟབ་གནད་ཁྱད་པར་དུ་ཐོན་པ་རྣལ་འབྱོར་བཞིའི་རིམ་པ་བཅས་གྲོལ་བྱེད་ཟབ་མོའི་གདམས་སྐོར་བཅུ་གཉིས་ཏེ་བསྡོམས་པས་འོད་དཔག་མེད་ཀྱི་ཆོས་སྐོར་དགུའོ། །གཉིས་པ་གདུག་པ་འདུལ་བྱེད་ཁྲོ་རྒྱལ་བྱ་ཁྱུང་གི་གདམས་སྐོར་ལ། སྨིན་བྱེད་དབང་ལེགས་པར་ནོས་ནས། ཁྲོ་རྒྱལ་ཁྱུང་གི་དབང་ཆོག་རྡོ་རྗེའི་ཐ་རམ། ལས་བྱང་སྤུ་གྲི་གནམ་ལྕགས་འཁོར་ལོ། ཕྱི་ནང་གསང་གསུམ་སྒྲུབ་སྐོར་ལས་སྦྱོར་དང་བཅས་པ། ལས་མཐའ་ས་ལམ་བདུན་པ་རྡོ་རྗེ་རལ་གྲིའི་རྒྱ་ཅན། ཐེམས་སུ་གདོན་ཁྲོལ་ཡིག་ཆུང་འཕྱངས་དང་བཅས་པ་ཆོས་སྡེ་ལྔ། ནང་ཚན་དགུར་བཤད་ཀྱང་ཕྱི་མ་དཔེ་ལུང་རྒྱུན་མ་བྱུང༌། ཨ་ནུ་གསང་སྐོར་མཁའ་འགྲོའི་སྙན་བརྒྱུད་དམར་བ་སྙིང་ལྟ་བུ། མཁའ་འགྲོ་དགོངས་འདུས་གསང་བ་གསུམ་གྱི་ཆོས་སྡེ་ལ། དང་པོ་རྩ་བའི་སྐོར་ལྔ་ནི། སྨིན་བྱེད་ཌཱཀིའི་གསང་དབང་ཐེམས་སུ་བཞུགས་ཀྱང་ཕྱོགས་འདིར་དཔེ་ལུང་མ་བྱུང༌། ལས་བྱང་པདྨའི་ཟེར་ཕྲེང་ཤིན་ཏུ་མཛེས་པ། མཆོད་བྱང་གི་ཤོག་དྲིལ། ཁྲོས་མ་ནག་མོའི་ལས་བྱང་པདྨ་རྡོ་རྗེའི་འོད་ཕྲེང༌། བསྟོད་བསྐུལ་ཆེན་མོ་མཁའ་འགྲོའི་གློག་ཕྲེང་དམར་ནག །རྡོར་ཕྲེང་ཐུགས་ཀྱི་གྭའུ་བཤགས་པ་དང་བཅས་པ། གཉིས་པ་སྒྲུབ་ཐབས་ཀྱི་སྐོར་ནི། ཕྱི་སྒྲུབ་སྐོར་གསུམ་ལས་ཕྱིའི་ཕྱི་སྒྲུབ་ལོ་རྒྱུས་དང་བཅས་པ་གཅེས་པ་མིག་གཅིག །ཕྱིའི་ནང་སྒྲུབ་པདྨ་བཅུད་བསྡུས། ལེའུ་འདིའི་གཤམ་དུ་སྔགས་ཀྱི་འབྲུ་འགྲེལ་དང༌། ཞལ་གདམས་ཐུགས་ཀྱི་ཉིང་ཁུ་ཚན་གཉིས་འབྲེལ་སྣང་བ་གསན་ཡིག་རྣམས་སུ་མ་བྱུང་བ་ཞིབ་མོར་མ་དཔྱད་པའི་སྐྱོན་ཡིན་ནམ། ཕྱིའི་གསང་སྒྲུབ་ཟུར་དུ་མ་བྱུང་བ་གབ་རྒྱའི་གྲས་སུ་བཞུགས་པའམ་གོང་སྨོས་ཐུགས་ཀྱི་ཉིང་ཁུ་སོགས་ངོས་འཛིན་ལུགས་གཞན་པ་ཡོད་སླར་དཔྱད་དགོས། དཀར་མོའི་སྐུའི་སྒྲུབ་ཐབས་ཡང་གསང་ཐུགས་ཀྱི་མེ་ལོང༌། དམར་མོའི་གསུང་གི་སྒྲུབ་ཐབས། ནག་མོའི་ཐུགས་ཀྱི་སྒྲུབ་པ་གསང་བ་ཐུགས་གཅིག་མ། གསུམ་པ་ཤིན་ཏུ་དམར་བ་སྙིང་ཁྲག་དྭངས་མ་རྫོགས་རིམ་ཟབ་མོའི་སྐོར་ལ། མཁའ་འགྲོའི་གསང་ལམ་ཟབ་མོ་ཐུགས་ཀྱི་ཉིང་ཁུ་མྱུར་ལམ་གསང་བ་བཅུད་བསྡུས་ཀྱི་གཞུང་ཆེན། རྩའི་རྣམ་བཤད་དཔག་བསམ་ལྗོན་ཤིང༌། གསེར་འབྲུ་གཅིག་མ། རླུང་གི་དེ་ཉིད་ཉི་མའི་བདུད་རྩི་པདྨའི་བཅུད་ཐིག །ཐིག་ལེའི་དེ་ཉིད་ཟླ་བའི་བདུད་རྩི་ནོར་བུའི་བཅུད་ཐིག །གསང་ལམ་ཟབ་མོ་ཐབས་ལམ་པདྨ་སྤྱི་བསྡུས་བཅུད་ཀྱི་ཐིགས་པ། ཆགས་ལམ་བདེ་བ་བཅུད་དྲིལ་བཀའ་རྒྱ་ཅན། རྒྱབ་ཆོས་གེགས་སེལ་གྱི་རིམ་པ་བདུད་རྩིའི་བུམ་བཅུད་རྣམས་སོ། །བཞི་པ་ལས་ཚོགས་ཀྱི་སྐོར་ལ་བཞི་ལས། དང་པོ་ཞི་བའི་ལས་ཚོགས་སྡིག་སྒྲིབ་ཞི་བྱེད་ཕྱི་ནང་གསང་བའི་ཁྲུས་ཀྱི་ཆོ་ག །ཚེ་བདུད་ཞི་བྱེད་ཚེ་སྒྲུབ་རྡོ་རྗེ་པདྨའི་བཅུད་ཐིག །བར་ཆད་ཞི་བྱེད་རྡོ་རྗེ་པྲ་མོ་ཧའི་སྒྲུབ་ཐབས་སྣང་སྲིད་གསལ་བའི་མེ་ལོང༌། དགྲའི་འཇིགས་པ་ཞི་བྱེད་ནག་མོ་ལྕགས་གདོང་མའི་སྒྲུབ་ཐབས་རྡོ་རྗེ་ཕ་ལམ། ལས་ཀྱི་ཁ་སྐོང་ཞི་བའི་སྦྱིན་སྲེག་སྣང་སྲིད་ཞི་བྱེད། གཉིས་པ་རྒྱས་པའི་ལས་ཚོགས་མི་བརྒྱུད་སྤེལ་བྱེད་མཁའ་འགྲོ་གསང་བ་སྲིད་སྒྲུབ་རིན་ཆེན་གཏེར་སྦྱིན། བསོད་ནམས་ལོངས་སྤྱོད་སྤེལ་བྱེད་ནོར་སྦྱིན་སེར་མོའི་སྒྲུབ་ཐབས་ཡིད་བཞིན་བང་མཛོད། ཤེས་རབ་དང་བློ་གྲོས་འཕེལ་བྱེད་ཤེས་རབ་མཁའ་འགྲོའི་སྒྲུབ་ཐབས་མ་རིག་མུན་སེལ། ཟས་ནོར་རྒྱས་བྱེད་རིན་ཆེན་མཁའ་འགྲོ་ལག་སྒུལ་གྱི་སྒྲུབ་ཐབས་ཐུགས་རྗེའི་ལྕགས་ཀྱུ། ཁ་སྐོང་རྒྱས་པའི་སྦྱིན་སྲེག་དངོས་གྲུབ་ཆར་འབེབས། གསུམ་པ་དབང་གི་ལས་ཚོགས་ཁྲོམ་སོགས་མི་རིགས་དབང་དུ་སྡུད་པའི་ལས་ཕྲན་འོད་ཀྱི་འཁོར་ལོ། རྒྱལ་བློན་ཁྲོམ་ཆེན་དབང་དུ་སྡུད་པའི་གདམས་པ་དབང་གི་མཁའ་འགྲོ་མཛེས་པ་རྒྱན་གྱི་འཁོར་ལོ། ཁམས་གསུམ་ཡུལ་ཁམས་དབང་སྡུད་འོད་ཟེར་ཐུགས་རྗེའི་ཞགས་པ། མི་མོ་དབང་སྡུད་ཐུགས་རྗེའི་ལྕགས་ཀྱུ། ཁ་སྐོང་དབང་གི་སྦྱིན་སྲེག་པདྨའི་ལྕགས་སྒྲོག །བཞི་པ་དྲག་པོའི་ལས་ཚོགས་དགྲ་བོ་དགང་ཚལ་དུ་བསད་པའི་ངན་སྔགས་ཕོ་བའི་འཁྲུལ་འཁོར་ལས་ཀྱི་མཚོན་ཆ། ཐབས་ཀྱི་གསོད་པ་འགོང་ཆོག་དུག་གི་སྤུ་གྲི་ཕྲ་མན་ཉེ་འབྱེད་ཀྱི་འཁོར་ལོ། ཆོ་འཕྲུལ་གཏོང་བ་ལས་ཀྱི་སྲོག་ལེན་མའི་ལྟས་ངན་གདུག་པའི་དབལ་སོ། །དགྲ་བོ་སྦོས་གྲིར་འཆི་བ་ལས་ཀྱི་ཕོ་ཉ་མུ་སྟེགས་རྐྱལ་འབུད་དམར་ནག་ལས་ཀྱི་སྤུ་གྲི །ཁ་སྐོང་དྲག་པོའི་སྦྱིན་སྲེག་གདུག་པ་ཚར་གཅོད། ལྔ་པ་ཐམས་ཅད་སྤྱིའི་ཁ་སྐོང་ལྔ་ནི། མཁའ་འགྲོའི་གྲིབ་ཕྱགས་ཤེལ་གྱི་མེ་ལོང༌། སྲིད་པ་མཁའ་འགྲོ་གླིང་བཞི་སྤྱི་མདོས། མ་ཏྲཾ་ཁྲག་མདོས་བདུད་ཀྱི་ཞགས་གཅོད། མཁའ་འགྲོའི་སུན་ཟློག་ཟོར་དང་བཅས་པ། རྡོ་རྗེ་ཕག་མོ་དངོས་ཀྱི་བསྟན་པའི་ལས་ཚོགས་བརྒྱ་རྩ་བཅས་སུ་ཆོས་ཚན་ཞེ་གཅིག་གི་ཚད་དུ་གསུངས་སོ། །སུན་ཟློག་དཔེ་དང་ལུང་རྒྱུན་ཀྱང་གསལ་ཁ་མི་འདུག །རྩ་བའི་གསུམ་པ་གཙོ་བོ་ལྷོ་བྲག་དུང་གི་ཕུག་པར་དགེ་སློང་ནམ་མཁའི་སྙིང་པོའི་ཞུས་ངོར་གདམས་པ་ལྗོན་ཤིང་གི་འབྲས་བུ་ཚད་དུ་ཕྱིན་པ་ལྟ་བུ། སྒྱུ་འཕྲུལ་དགོངས་འདུས་ཨ་ཏི་ཡོ་ག་རྫོགས་པ་ཆེན་པོ་འཁོར་འདས་རང་གྲོལ་གྱི་ཆོས་སྡེའི་ཐོག་མར། ཐུན་མོང་སྔོན་འགྲོའི་ཁྲིད་ཉི་མའི་སྒྲོན་མེའི་སྐོར་ལས། དལ་འབྱོར་རྙེད་དཀའ་དང་འཆི་བ་མི་རྟག་པའི་ཁྲིད་རིམ་བརྩོན་འགྲུས་གསེར་ལྕག་འཁོར་བ་སུན་འབྱིན། འཁོར་བའི་ཉེས་དམིགས་ཞར་བྱུང་རྒྱུ་འབྲས་སྟོན་པའི་ཁྲིད་འཁོར་བ་དོང་སྤྲུགས། ཆོས་སྤྱོད་ལམ་གྱི་རིམ་པ་ཡེ་ཤེས་ཚོགས་གཉིས་མཐར་ཕྱིན། གཉིས་པ་ཐུན་མོང་སྔོན་འགྲོ་ལམ་མཆོག་འོད་ཀྱི་ཕྲེང་བའི་སྐོར་ལས། སེམས་བསྐྱེད་པའི་ཁྲིད་རིམ་ཐེག་མཆོག་འོད་གསལ་ཆེན་པོའི་ས་བོན། སྐྱབས་འགྲོའི་ཁྲིད་བདེ་བའི་ས་བོན། མཎྜལ་གྱི་ཁྲིད་ཚོགས་གཉིས་ས་བོན་ཟླ་བའི་བདུད་རྩི། རྡོར་སེམས་བསྒོམ་བཟླས་ཀྱི་ཁྲིད་དག་བྱེད་ཁྲུས་ཀྱི་བུམ་ཕྲེང༌། བླ་མ་སྒོམ་པའི་ཁྲིད་བྱིན་རླབས་སྤྲིན་ཆར། གསུམ་པ་སྤྱོད་པས་སངས་རྒྱས་པའི་ཐབས་གཅོད་ཡུལ་སྣང་སྲིད་ལམ་ཁྱེར་མཆོག་སྦྱིན་བདུད་རྩིའི་བུམ་བཅུད་ཟབ་ཁྱད་ཅན། བཞི་པ་ལྟ་བ་ཕྱག་རྒྱ་ཆེ་པོའི་ཁྲིད་འཁོར་བ་རྩད་གཅོད། ལྔ་པ་སྒྲུབ་ཐབས་ཀྱི་སྐོར་ལ། ལམ་ཟབ་མོ་བླ་མ་ཡིད་བཞིན་ཕྱི་ལྟར་སྒྲུབ་པའི་མོས་གུས་ཆེན་མོ། ནང་ལྟར་སྒྲུབ་པ་བྱིན་རླབས་བདུད་རྩིའི་སྙིང་པོ། གསང་སྒྲུབ་ཐུགས་ཀྱི་ཡང་སྙིང་སྤྱི་གཅེས་མཆོད་ཕྲིན་དང་བཅས་པ། ཡི་དམ་ཕྱི་སྒྲུབ་ཟབ་མོ་འཁོར་བ་དོང་སྤྲུགས། ནང་སྒྲུབ་གསེར་གྱི་ཡང་ཞུན། གསང་སྒྲུབ་ཟག་མེད་ཐུགས་སྙིང་གཏོར་འབུལ་ཚོགས་གཉིས་རྒྱ་མཚོ། མཁའ་འགྲོའི་སྒྲུབ་ཐབས་གཅེས་ཟབ་གཉན་གསུམ་རིན་ཆེན་ཐ་རམ་ལས་ཕྱི་སྒྲུབ་གསང་བ་མིག་གཅིག །ནང་སྒྲུབ་དམར་བ་སྙིང་གཅིག །གསང་སྒྲུབ་གཉེན་པོ་སྲོག་གཅིག །རྩ་གསུམ་སྤྱི་ལ་དགོས་པའི་བདུད་རྩི་མཆོད་སྐོང་དངོས་གྲུབ་ཀུན་གྱི་རྩ་བ་འདོད་པའི་གསང་སྒོ་མེ་ཏོག་རྩི་བཅུད། པདྨ་ཞི་ཁྲོ་རྩ་གསུམ་འདུས་པའི་ཚོགས་ལས། འདིར་དྲིལ་སྒྲུབ་ཨ་ཏིའི་སྒྲུབ་ཐབས་དཔེ་ལུང་སླར་ནོད་མ་བྱུང༌། ལས་བྱང་དྲི་མེད་རབ་གསལ་གསང་བ་མཆོག་འགྲུབ་ཚོགས་བྱང་དང་བཅས་པ། དྲུག་པ་སྤྲོས་མེད་དོན་ཁྲིད་ཀྱི་སྐོར་ལ། སྔོན་དུ་འགྲོ་བ་སྦྱོར་བ་རང་གྲོལ་ངོ་སྤྲོད་ཐོས་གྲོལ་གྱི་ཡིག་ཆུང༌། སྒོམ་པའི་དམར་ཁྲིད་སྒྱུ་མ་འཕྲུལ་འགྲོས་གཅེར་གྲོལ་མཐའ་བྲལ། བསམ་གཏན་ཐུན་བཞིའི་རྣལ་འབྱོར་ལམ་གྱི་སྒྲོན་མེ་ལས། ཟས། གོས། རྨི་ལམ་གྱི་ཞེན་པ་གཅོད་པ། བག་ཆགས་འཁྲུལ་སྣང་གཅོད་པའི་ཁྲིད་སྒྱུ་མ་རོལ་པ། ཆ་ལག་ལས་ཕྲན་རྟེན་འབྲེལ་སྣ་ཚོགས་སྐོར་དཔེ་ལུང་རྙེད་ནོད་མི་སྣང༌། བདུན་པ་མན་ངག་རྫོགས་རིམ་གྱི་སྐོར་ལ། ལྟ་བ་གཅེར་གྲོལ་མཐའ་བྲལ་ཀློང་ཡངས། འབྲས་བུའི་ཆོས་གསེར་གྱི་ཡང་ཞུན། ཆོས་སྤྱོད་ལམ་དུ་ཁྱེར་བའི་གདམས་པ་སྤྱོད་ལམ་ཚོགས་གཉིས་མཐར་ཕྱིན་དང་རྒྱུད་ཀྱི་མཇུག་དོན་བསྡུས་པ། ཐོད་རྒལ་དོན་ཁྲིད་གསེར་གྱི་ཉི་མ་ མཐའ་བརྟེན་རྟགས་ཚད་རྒྱབ་སྐྱོར་དང་བཅས་པ། ཁྲེགས་ཆོད་ཐོད་རྒལ་གྱི་གེགས་སེལ་བདུད་རྩིའི་གྭའུ་གསང་བ་བཀའ་རྒྱ་ཅན། བརྒྱད་པ་རིགས་ཆད་རྗེས་སུ་བཟུང་ཐབས། བཏགས་གྲོལ་ཕུང་པོ་རང་གྲོལ་གསེར་གྱི་ཡང་ཞུན་གྱི་མན་ངག་རྒྱུད་ལས་ཁོལ་དུ་ཕྱུང་བ་རྙེད་ནོད་དཔེ་མ་རྙེད། བཏགས་གྲོལ་རྒྱབ་ཆིངས་གསང་བའི་ཡིག་ཆུང་གསེར་འབྲུ་གཅིག་པ་ཉི་ཟླའི་སྤར་ཁབ། དགུ་པ་དབང་པོ་ཐ་མལ་རྗེས་སུ་བཟུང་ཐབས། སྐྱེ་གནས་བར་དོའི་ངོ་སྤྲོད་ཐོས་གྲོལ་ཆེན་མོ་དང་བར་དོའི་སྤྱིའི་རྣམ་བཤད། འཆི་ལྟས་བརྟག་ཐབས་ཤེལ་གྱི་མེ་ལོང༌། འཆི་བསླུའི་མན་ངག་འཆི་བདག་དཔུང་འཇོམས་རྡོ་རྗེའི་གུར་ཁང༌། རིག་པས་འཚང་རྒྱ་བ་འཕོ་བ་མ་བསྒོམ་སངས་རྒྱས་བདེ་བ་ཅན་གྱི་སྨོན་ལམ་དང་བཅས་པ། ཐོས་པས་གྲོལ་བ་འཆི་ཁ་བར་དོའི་གདམས་པ་སྡུག་བསྔལ་རང་གྲོལ། ཆོས་ཉིད་བར་དོའི་ངོ་སྤྲོད་འཁྲུལ་པ་རང་གྲོལ། སྲིད་པ་བར་དོའི་ངོ་སྤྲོད། སྤྱིའི་རྒྱབ་ཆོས་མདོ་འཛིན་སྨིན་གྲོལ་རྒྱ་མཚོ་བཅས་ཆོས་ཚན་སུམ་ཅུའི་གྲངས་སུ་བསྟན་ཀྱང་ཕྱི་མ་གཉིས་དཔེ་ལུང་མ་བྱུང༌། བླ་མ་ཚེ་དབང་ལས་སླར་ནོད། འཆི་བསླུའི་འཕྱངས་ས་བཅད་བཅུ་གསུམ་པ། ལྷན་ཐབས་གསལ་བའི་སྒྲོན་མེ། མཆོད་འགྲིགས། བཀྲུ་བྱབས་ཀྱི་འཕྱངས། གསེར་སྐྱེམས་སྨྲང་བཅས་ལུང་རྒྱུན་བཞུགས་ཀྱང་དཔེ་སླར་ནོད་མ་རྙེད། ༈ རྩ་བའི་བཞི་པ་ཙཱ་རི་ཟིལ་ཆེན་གསང་བའི་ཕུག་པར། ཡེ་ཤེས་ཀྱི་མཁའ་འགྲོ་མཚོ་རྒྱལ་མ་སོགས་རིག་འཛིན་བྱང་སེམས་དཔའ་བོ་རྣལ་འབྱོར་མ་རྣམས་ལ་གདམས་པ་འབྲས་བུའི་ཡང་བཅུད་མཐར་ཐུག་པ་ལྟ་བུ་ཡང་ཏི་བླ་མ་དགོངས་འདུས་ཡིད་བཞིན་ནོར་བུའི་ཆོས་སྡེ་ལ། སྨིན་བྱེད་ནི། རས་བྲིས་ཀྱི་དཀྱིལ་འཁོར་དུ་བུམ་དབང་ནོར་བུའི་བཅུད་ཐིག །སྨིན་བྱེད་རྩ་བའི་དབང་ལྔ། གཏོར་དབང་རྡོ་རྗེ་སྙིང་པོ། དབང་གསུམ་པ་གསང་དམ་བཀའ་རྒྱ་ཅན་ཚང་བར་ནོས། གདམས་སྐོར་ལ། བླ་མ་ནོར་བུའི་ལོ་རྒྱུས་གཏོང་ཐུན་ཐེམས་བྱང་དང་བཅས་པ་དོན་གསལ་སྒྲོན་མེ། དེ་ལས་བསྟན་པའི་ཆོས་སྡེ། རྒྱབ་ཆོས་སྤྱི་སྡོམ་གྱི་སྐོར། སྨིན་བྱེད་དབང་གི་སྐོར། བསྐྱེད་རིམ་མན་ངག་གི་སྐོར། རྫོགས་རིམ་ཨ་ཏིའི་སྐོར། བཀའ་སྡོད་ཆོས་སྐྱོང་གི་སྐོར་ལྔ་བཞུགས་པ་ལས་དང་པོ་ཆོས་ཀྱི་རྒྱབ་ཆིངས་སྐོར་ནི། ཡོ་ག་གསུམ་བླ་མ་ནོར་བུ་དང་བཅས་པའི་ལོ་རྒྱུས་བབ་བཞིའི་རིམ་པ་གསེར་གྱི་ཉི་མ་མ་རིག་མུན་སེལ། ཐུགས་སྒྲུབ་བརྒྱ་རྩའི་རྒྱུད་ནོར་བུའི་སྙིང་པོ་གསང་བའི་ལྡེའུ་མིག །གསོལ་འདེབས་དབང་བཞི་མྱུར་འབེབས་ལ་ནང་གསེས་ཕྱི་ནང་གསང་བ་ཡང་གསང་ལྟར་གསོལ་བ་འདེབས་ཚུལ་བཞི་བཅས། གཉིས་པ་སྨིན་བྱེད་དབང་གཞུང་འཁོར་བ་དོང་སྤྲུགས་ཀྱི་སྐོར་ལ། སྔོན་འགྲོ་སའི་ཆོ་ག་གནས་ཁང་བྱིན་རླབས་སྲུང་འཁོར་སྒོམ་པའི་དམིགས་པ་རྡོ་རྗེ་ཕ་ལམ། ཐིག་རྩ་ནོར་བུའི་སྒྲོན་མེ། དཀྱིལ་འཁོར་བཅའ་བ་དང་གཏོར་མའི་ཡིག་ཆུང༌། དཀྱིལ་འཁོར་རྣམ་བཤད་ཤེལ་དཀར་མེ་ལོང༌། བྱིན་འབེབས་དཀྱིལ་འཁོར་བྱིན་རླབས་དབང་གི་སྔོན་འགྲོའི་སྐོར། བུམ་དབང་ནོར་བུའི་བཅུད་ཐིག་གསང་བའི་བདུད་རྩི། སྨིན་བྱེད་རྩ་བའི་དབང་ལྔ་བཅུད་འདུས་ནོར་བུའི་ཕྲེང་བ། གཏོར་དབང་རྡོ་རྗེ་སྙིང་པོ་གུད་དུ་སྦས་པ། དབང་གསུམ་པ་བདུད་རྩིའི་བཅུད་ཐིག་གསང་དམ་བཀའ་རྒྱ་མ་བཅས་དངོས་ཀྱི་སྐོར་རོ། །ཚེ་འདས་བདུན་ཚིག་གི་ཆོ་ག་ཐར་ལམ་དཀར་པོ་སྡིག་སྒྲིབ་རང་གྲོལ་རྡོ་རྗེའི་གསང་ལམ། སྒོམ་ཁོག་བརྒྱད་པ་ཚོམ་བུ་དགུ་པ་ནོར་བུའི་ཉི་མ་ཚེ་གྲོལ་གུ་རུའི་ལྡེའུ་མིག །ལས་བྱང་ཆེན་མོ་ཚོམ་བུ་དགུ་པ་ནོར་བུའི་ཕྲེང་བ། སྔགས་བྱང་འཛབ་བསྐུལ་པདྨའི་ལྕུག་མ། དཀྱིལ་འཁོར་ལྷའི་གྲངས་བསྟོད་ནོར་བུའི་པདྨ་འོད་འབར། བརྒྱ་ཕྱག་སྡིག་སྒྲིབ་དག་བྱེད་འཁོར་བ་དོང་སྤྲུགས། བྱིན་རླབས་སྔགས་ཀྱི་བཤགས་པ། སྨྲེ་སྔགས་གདུང་བའི་གསལ་འདེབས། ཐུན་མོང་བཤགས་ཚན་གྱི་རིམ་པ། བླ་མེད་མཆོག་གི་སྐོང་བ་འཁོར་བ་དོང་སྤྲུགས། མར་མེའི་སྨོན་ལམ། མདངས་སྐོང་ནོར་བུའི་སྙིང་བཅུད་བཅས་དབང་གི་རྒྱབ་ཆོས་ཀྱི་སྐོར་ཏེ། དེ་ལས་ཆོས་ཚན་ཕྱི་མ་གསུམ་ནི་རྩ་གསུམ་སྤྱིའི་ཁ་སྐོང་དུ་གསུངས་སོ། །གསུམ་པ་བསྐྱེད་རིམ་ཞི་དྲག་རྡོ་རྗེའི་རྫོང་ཆེན་གྱི་སྐོར་ལས་དང་པོ་སྒྲུབ་པའི་ཕྲིན་ལས་ཀྱི་ཆོས་སྡེ་ལ། ལས་བྱང་གདུང་བའི་གསོལ་འདེབས་མེ་ཏོག་ཕྲེང་བ། མདུན་བསྐྱེད་དཀྱིལ་འཁོར་མཆོད་ཕྲེང་ནོར་བུ་རྒྱ་མཚོ། བདུད་རྩི་ལག་མཆོད་བུམ་སྒྲུབ་ཆོ་ག་སྙིང་པོ་འདུས་པ། གུ་རུའི་རྟགས་བསྟོད་ནོར་བུའི་རྒྱན་ཕྲེང་གསང་སྔགས་འབྲུག་སྒྲ། སྐོང་བཤགས་རྒྱུན་ཁྱེར་ནོར་བུའི་ཕྲེང་བ། དངོས་གྲུབ་ལེན་པའི་འཛབ་བསྙེན་མན་ངག་ཉིང་ཁུ་སིདྡྷིའི་ལྡེའུ་མིག །དངོས་གྲུབ་ལེན་ཆོག་ནོར་བུའི་བུམ་བཅུད། གཉིས་པ་སྒྲུབ་ཐབས་རྩ་བའི་སྐོར་ལ། གུ་རུ་སྤྲུལ་སྐུའི་ཕྱི་སྒྲུབ་སྤྲུལ་པ་རྒྱ་མཚོ་དངོས་གྲུབ་གཏེར་མཆོག་རྩ་བའི་སྒྲུབ་པ། ཕྱི་སྒྲུབ་ཀུན་འདུས་ཡིད་བཞིན་ནོར་བུའི་བསྙེན་སྒྲུབ་ཚ་བ་དམར་ཐག །ནང་སྒྲུབ་བཅུད་ཀྱི་ཐིགས་པ་བྱིན་རླབས་བདུད་རྩིའི་བུམ་པ། འཆི་མེད་རིགས་འདུས་སྤྲོས་མེད་གསང་སྒྲུབ་ཡང་སྙིང་འདུས་པ། ཡང་གསང་བླ་མེད་མཆོག་གི་སྒྲུབ་པ་སྙིང་ཐིག་གབ་པའི་སྦས་དོན། གུ་རུ་རིགས་ལྔ་རྡོ་རྗེ་འཆང་ལྟར་སྒྲུབ་ཐབས་ནོར་བུ་ལྟ་བུའི་སྙིང་པོ། བླ་མ་མཚན་བརྒྱད་རྐྱང་སྒྲུབ་ཡོན་ཏན་གཏེར་འབྱུང༌། བླ་མ་སྣ་ཚོགས་པའི་སྒྲུབ་ཐབས་པདྨའི་ཕྲེང་བ། གུ་རུ་ཟིལ་གནོན་རྩལ་གྱི་སྒྲུབ་ཐབས་རིན་པོ་ཆེ་གཏེར་གྱི་འབྱུང་བ། བླ་མ་དྲག་པོ་སྣ་ཚོགས་སྒྲུབ་ཐབས་མེ་དཔུང་རྡོ་རྗེའི་ཕྲེང་བ། བསྐྱེད་རྫོགས་ཟུང་འཇུག་མན་ངག་ཨ་ཏི་ཐོད་རྒལ་གྱི་སྒྲུབ་ཐབས་རིགས་ལྔ་དྲིལ་སྒྲུབ་བཅས། གསུམ་པ་གཞན་དོན་སྒྲུབ་ཐབས་ཀྱི་སྐོར་ལ། བསྐྱེད་རིམ་ཁ་སྐོང་ལས་བཞིའི་སྦྱིན་སྲེག་ཕྱི་ནང་གསང་བ་ཡང་གསང་བླ་མེད་དང་བཅས་པ། ཞི་བའི་ལས་ཚོགས་རྡོ་རྗེ་སེམས་དཔའ་ལ་བརྟེན་པའི་ཞི་བྱེད་རྟེན་འབྲེལ་གསང་བའི་སྦས་དོན། སྦ་ལྕག་ལ་བརྟེན་ནས་ནད་གདོན་ཞི་བའི་བྱིན་རླབས་སྲོག་རྟེན། རྒྱས་པའི་ལས་སྦྱོར་སྣ་ཚོགས་ནོར་བུ་བསམ་འཕེལ། མཁའ་འགྲོའི་ནོར་སྒྲུབ་ཌཱཀྐིའི་ཡང་བཅུད། གཏོར་མའི་རིམ་པ་བསོད་ནམས་སྟོབས་འཕེལ་སྤྱོད་ལམ་ལམ་ཁྱེར་བཅས། དབང་གི་ལས་ཚོགས་ཞྭ་ཆོས་ནོར་བུའི་ཞགས་པ། བླ་མ་སྐུ་གསུམ་གྱི་སྲོག་འཁོར་བླ་རྡོ་གསང་བའི་གབ་རྒྱ། སྨན་གྱི་སྒྲུབ་ཐབས་བདུད་རྩིའི་བཅུད་འདུས་པདྨའི་རྒྱ་ཅན་སྤྲོས་མེད་གཅིག་སྒྲུབ། བདུད་རྩི་བམ་སྒྲུབ་རྡོ་རྗེའི་བཅུད་དྲིལ་ནོར་བུའི་རྒྱ་ཅན། སྒྲུབ་པའི་ཞལ་གདམས་པདྨའི་སྙིང་གཏམ། འགྲོ་འདུལ་གསུང་རྟེན་དང་ཐུགས་རྟེན་བཞེངས་ཐབས་འགྲོ་དོན་པདྨའི་ཞགས་པ། སྐུ་ཚབ་མཐོང་བ་དོན་ལྡན་བཞེངས་པའི་ཐབས་མཐོང་གྲོལ་པད་འབྱུང་འདྲ་འབག །སྐུ་ཚབ་ཡོན་ཏན་ཕན་ཡོན་བསྟན་པའི་དཀར་ཆག །མཁའ་འགྲོའི་ལས་ཕྲན་སྣ་ཚོགས་ནོར་བུའི་གསང་མཛོད། དྲག་པོའི་ལས་ཚོགས་ཧཱུྃ་སྒྲུབ་བདེ་གཤེགས་ཀུན་འདུས། ཧཱུྃ་སྒྲུབ་ལས་བྱང་རྡོ་རྗེའི་ཕྲེང་བ། ཧཱུྃ་གི་ཕྲིན་ལས་བཞི་སྒྲུབ། ཟོར་ཟློག་རླུང་གི་འཁོར་ལོ། ལས་ཕྲན་ཐོར་བུ་མན་ངག་བཅུ་པ་ཟབ་བསྡུས་ནོར་བུའི་ཕྲེང་བ་རིན་ཆེན་བང་མཛོད། ལས་ཕྲན་དགོས་འདོད་ཀུན་འབྱུང་མན་ངག་བཅུ་གསུམ་པ་བཅས། གསུམ་པ་རྫོགས་ཆེན་ལྟ་བ་གསང་ཐིག་གི་སྐོར་ལ། ལོ་རྒྱུས་གཏོང་ཐུན་ཆོས་སྡེ་འདིའི་དབུར་སོང་ཞིང༌། ཐོག་མར་སྔོན་འགྲོའི་སྐོར་ལ། དྲང་དོན་བློ་སྦྱོང་གི་རིམ་པ། སྔོན་འགྲོ་ཆོས་སྤྱོད་ཀྱི་རིམ་པ་ལས་སྐྱབས་འགྲོའི་ཁྲིད། སེམས་བསྐྱེད་ཁྲིད་བྱང་ཆུབ་གྲུ་བོ། མཎྜལ་ཁྲིད་ཚོགས་གཉིས་ཟབ་པ། རྡོར་སེམས་བསྒོམ་བཟླས་རིམ་གསུམ། བླ་མའི་རྣལ་འབྱོར་ཟབ་མོ་ཆིག་ཆོད། རྗེས་ཀྱི་ལམ་ཁྱེར་གསུམ་བཅས། །གཉིས་པ་ངོ་སྤྲོད་ཁྲིད་ཀྱི་སྐོར་ལ། དུག་ལྔ་ལམ་ཁྱེར་གྱི་ཁྲིད་ཡེ་ཤེས་ལྔ་ལྡན། ཞི་ལྷག་གི་ཁྲིད་སྐུ་གསུམ་པདྨའི་དགོངས་དོན། བྱིན་རླབས་བླ་མའི་རྣལ་འབྱོར་གུད་དུ་སྦས་པའི་ཡིག་ཆུང༌། བླ་མ་སྐུ་གསུམ་གྱི་ངོ་སྤྲོད་ཟབ་ཁྲིད། ཕྱག་རྒྱ་ཆེན་པོ་ཀ་དག་དོན་ཁྲིད། གསུམ་པ་ཐབས་ལམ་ཆགས་ལམ་གྱི་སྐོར་ལ། བསྐྱེད་རྫོགས་དབྱེར་མེད་ཉམས་སུ་ལེན་ཐབས་རྩ་རླུང་ཐིག་ལེའི་དེ་ཉིད། གཏུམ་མོ་གསང་བའི་ལམ་ཁྲིད་ཐབས་ཤེས་ཨེ་ཝཾ་རྒྱ་ཅན། ལམ་འབྲས་ཕྱག་རྒྱ་བརྟག་པའི་རིམ་པ་ཌཱཀྐིའི་ཡང་བཅུད་གསལ་བའི་མེ་ལོང༌། དངོས་གཞི་ཟབ་ལམ་ཉམས་སུ་ལེན་ཐབས། རྩ་རླུང་ཐིག་ལེའི་གེགས་སེལ་སྤྱི་གྲོལ་རིམ་སེལ་བཅས། བཞི་པ་ཐོད་རྒལ་མན་ངག་གི་སྐོར་ལ། ཐོད་རྒལ་གཅིག་ཆོད་ཀུན་གྲོལ། ཁྲིད་ཀྱི་རྒྱབ་ཡིག་ལུང་གི་བང་མཛོད། མཁའ་འགྲོའི་ལྡེའུ་མིག །དྲུག་པ་ཆ་རྐྱེན་མཐའ་རྟེན་གྱི་སྐོར་ལ། བླ་མ་སྒྲུབ་ཅིང་ཉམས་སུ་བླངས་བའི་ཡོན་ཏན་རྟགས་ཚད་ནོར་བུའི་ཡང་བཅུད། རྒྱགས་ཚབ་བཅུད་ལེན་དང་སྒོམ་མཁར་གྱི་མན་ངག །མ་བསྒོམ་སངས་རྒྱས་བཏགས་གྲོལ་པདྨའི་དགོངས་ཟབ་སྲས་གཅིག་གི་རྒྱུད། མཐོང་གྲོལ་གནད་ཀྱི་མན་ངག་མྱོང་གྲོལ་སྒྲུབ་ཐབས་ཉི་ཟླའི་རྒྱ་ཅན། འཕོ་བ་དྲན་པའི་སངས་རྒྱས། བདུན་པ་བར་དོ་ངོ་སྤྲོད་ཀྱི་སྐོར་ལ། སྐྱེ་གནས་བར་དོའི་ཁྲིད་དུག་ལྔ་ལམ་ཁྱེར་བདུད་དཔུང་ཟིལ་གནོན། རྨི་ལམ་བར་དོའི་གདམས་པ་བག་ཆགས་དག་བྱེད། འཆི་ཁ་བར་དོའི་གདམས་པ་སྡུག་བསྔལ་རང་གྲོལ་འཆི་ལྟས་དང་བཅས། ཆོས་ཉིད་བར་དོའི་གདམས་པ་ངོ་སྤྲོད་ཐོས་གྲོལ། སྲིད་པ་བར་དོའི་གདམས་པ་སྲིད་པའི་མེ་ལོང་བཅས། ལྔ་པ་བཀའི་སྲུང་མའི་སྐོར་ལ་གཉིས་ཀྱི་དང་པོ་ཞིང་སྐྱོང་ཡབ་ཡུམ་གྱི་སྐོར་ནི། བདུད་མགོན་སེང་གདོང་ཡབ་ཡུམ་གྱི་སྒྲུབ་ཐབས་ཞིང་སྐྱོང་ཐལ་མོ་བརྡབ་ཆོག །ཡང་ཟློག་དཔེའུ་རིས་སྒྲུབ་ཐབས་དང་བཅས། སེང་སྲོག་ཙིཏྟ་དམར་པོའི་རྒྱ་ཅན། བསད་པའི་མན་ངག་ཁོལ་ཕྱུང་གསང་སྒྲུབ་བཅས། གཉིས་པ་བཀྲ་ཤིས་ཚེ་རིང་མའི་སྐོར་ལ། ཞིང་སྐྱོང་དབང་གི་མཁའ་འགྲོ་སྡེ་ལྔ་ཚེ་འཕེལ་མའི་ཕྱི་སྒྲུབ་མཆོད་བྱང་རིམ་པ། ནང་སྒྲུབ་ནོར་བུའི་བཅུད་འདུས། གསང་སྒྲུབ་བདེ་བ་བཅུད་འདུས་གསང་རྒྱ་མ། ཟབ་ལམ་ནོར་བུའི་བཅུད་དྲིལ་མཁའ་འགྲོའི་ལས་སྦྱོར། ལས་སྦྱོར་པྲ་བརྟག་མངོན་ཤེས་སྒྲུབ་ཐབས་བཅས་ཚང་བར་ནོས། ཆོས་སྡེ་འདི་གྲས་ཞིང་སྐྱོང་སྐོར་ཟློག་པ་བསྒྲལ་ལས་རིག་འཛིན་ཆེན་པོའི་མཛད་པ། དཔལ་ཆེན་ཆོས་ཀྱི་དོན་སྒྲུབ་དང་ནམ་མཁའ་རྡོ་རྗེས་མཛད་པའི་བརྒྱུད་འདེབས། གཏོར་འབུལ་བཅས་ཀྱི་དཔེ་ལུང་སླར་ནོད་ཚོལ་དགོས། ༈ རྩ་བའི་ལྔ་པ་ལྷོ་བྲག་དུང་ཕུག་ཏུ་གདམས་པར་མཛད་པ། ཆོས་ཀྱི་བཀའ་གཉེར་དབང་ཆེན་གསང་བ་སྤུ་གྲི་ཆོས་སྐྱོང་དགོངས་པ་འདུས་པའི་སྐོར་ལ། ཐེམས་ཅན་མ་མོའི་སྐོར། མགོན་པོའི་སྐོར། དམ་ཅན་རྒྱ་མཚོའི་སྐོར། གནོད་སྦྱིན་གྱི་སྐོར། སྤྱི་ལ་གཅེས་པའི་སྐོར་ཏེ་ལྔ། ཐེམས་མེད་གཤིན་རྗེ་གཡུལ་ལས་རྣམ་རྒྱལ་གྱི་སྐོར་རོ། །དེ་ལ་དང་པོ་མ་དང་འདྲ་བ་མ་མོའི་སྐོར་ལ། ཕྲིན་ལས་ཀྱི་རྒྱུད་ཁྲག་འཐུང་རོལ་པའི་དུམ་བུ། སྔགས་སྲུང་སྙིང་ཐུན་རྩ་བའི་རྒྱུད་ལེའུ་བཅུ་གསུམ་པ། འདི་གོང་སྨོས་རྒྱུད་དགུའི་གྲངས་སུ་གཏོགས་པ། ཨེ་ཀ་ཛཱ་ཊིའི་སྒྲུབ་ཐབས་མན་ངག་སྙིང་ཐུན་ཆེན་མོ་ནང་གསེས་གཅེས་པའི་བྱང་བུ་བཅའ་གཞིའི་རིམ་པ། སྒྲུབ་ཐབས་དྲག་སྔགས་ནོར་བུ་ལུགས་ཟབ་པའི་སྙིང་པོ་རྒྱ་སྐད་ཅན། སྒྲུབ་པ་ལག་ལེན་ཐམས་ཅད་ཀྱི་ཡིག་ཆུང་གསལ་བའི་ལྡེའུ་མིག །ཉམས་ལེན་དགོངས་པ་གསལ་བའི་སྒྲོན་མེ། དྲག་སྔགས་ནོར་བུ་ལུགས་སྔགས་ཀྱི་གཅེས་བྱང༌། ཕྱིར་ཟློག་ཟབ་མོ་སྡེ་བརྒྱད་དོན་ཟབ་འཁོར་ལོ། དགྲ་བོ་ཀླུ་ལ་གཏད་ཐབས། སྒྲོལ་གིང་སྤུ་གྲིའི་སྒྲུབ་ཐབས་མེ་དཔུང་མ་བཅས་མན་ངག་དགུ་སྐོར་རོ། །ཕོ་བདུད་ལས་ཀྱི་མཐར་ཐུག་པ་ཙིཏྟའི་དུག་ཕུར། དབྱིངས་ཀྱི་མ་མོའི་ཚུལ་དུ་སྒྲུབ་པའི་ཐབས་གསང་བ་སྨན་གྱི་བུམ་པ། གསང་བ་ཀུན་འདུས་ཀྱི་ལས་བྱང་མ་མོ་རོལ་པ་དུག་མཚོ་འཁྱིལ་མ། བསྟོད་བསྐུལ་ཆེན་མོ་རལ་གྲི་འབར་བའི་འཁོར་ལོ། དབང་ཆེན་སྲིད་པ་ཆགས་མདོས་སྐོང་ཟློག་བདུད་རྩིའི་ཕྲེང་བ། མ་མོ་འཁྲུགས་སྐོང་བདུད་རྩིའི་བུམ་པ་བཅས། གཉིས་པ་ཕ་དང་འདྲ་བ་མགོན་པོའི་སྐོར་ལ། དཔལ་ཡེ་ཤེས་ཀྱི་མགོན་པོ་བྱ་རོག་མཚན་ཅན་གྱི་ལོ་རྒྱུས་ཆེན་མོ་དགའ་བའི་ལན་ཚྭ། ཡེ་ཤེས་མགོན་པོ་ཕྱག་བཞི་པའི་གསང་སྒྲུབ་སྤུ་གྲི་དམར་ནག་ཙིཏྟའི་རྒྱ་ཅན། སྒྲུབ་པའི་ལྷན་ཐབས་ཡིག་ཆུང་གི་རིམ་པ། ལས་བྱང་དུག་མཚོ་འཁྲུག་བ། སྐོང་མདོས་གསོལ་ཁའི་རིམ་པ་གཡུལ་ལས་རྣམ་རྒྱལ། བསྐུལ་བྱང་སྤུ་གྲི་ཀླད་གཟེར་དམར་ནག །བྱད་ཟློག་གཤིན་རྗེའི་འཁོར་ལོ་བསད་པ་དང་བཅས་པ། ཞི་བའི་ལས་ཕྲན་འབེབས་གཅོད་ལ་སོགས་པ། རྒྱས་པའི་ལས་ཕྲན་སྐུ་རྟེན་རབ་གནས། ལས་ཕྲན་ནོར་བུའི་ལྡེའུ་མིག །དབང་གི་ལས་ཕྲན་འོད་ཀྱི་ལྕགས་ཀྱུ། དྲག་པོའི་ལས་ཕྲན་སོགས་གསུམ་ལས་དགྲ་ལས་ཐོག་སེར་དབབ་ཐབས། བརྡུངས་ནས་བསད་པ་མེ་ཧོམ་སྦྲེལ་མ། དགྲ་ལ་སྨྱོ་འབོགས་གཏོང་བ་ལ་སོགས་པ་བཅས། གསུམ་པ་གྲོགས་དང་འདྲ་བ་དམ་ཅན་རྒྱ་མཚོའི་སྐོར་ལ། སྲོག་ལེན་དམར་ནག་མཆེད་གསུམ་གྱི་དྲིལ་སྒྲུབ་ཙིཏྟའི་རྒྱ་ཅན། གཏེར་སྲུང་རྡོ་རྗེ་ལེགས་པའི་ཕྱི་སྒྲུབ་དགའ་ལུང་གནས་བདག་ཐིག་ལེ་རྩལ་གྱི་སྒྲུབ་ཐབས་གསོལ་ཁའི་རིམ་པ། ནང་ལྟར་མོན་པའི་སྒྲུབ་ཐབས་རྡོ་རྗེ་མེ་ཞགས། གསང་བ་ཡེ་ཤེས་པ་ལྟར་སྒྲུབ་པའི་ཐབས་མེ་རླུང་དམར་ནག །ལས་བྱང་བསྡུས་པ་ཕྲིན་ལས་བཞི་སྒྲུབ། སྐོང་བསྡུས་རེ་སྐོང་ནོར་བུའི་ཕྲེང་བ། བསྟན་མ་བཅུ་གཉིས་ཀྱི་རྒྱུན་གསོལ་ཟློག་བྱང་མ། བླ་མའི་བཀའ་སྲུང་ཞིང་སྐྱོང་ཐལ་མོ་བརྡབ་ཆོག་གི་སྒྲུབ་ཐབས་ལས་བྱང་དང་བཅས་པ། རྫོགས་ཆེན་བཀའ་སྲུང་གཟའ་བདུད་མོ་རལ་ཅན་གྱི་སྒྲུབ་ཐབས་བཅས། བཞི་པ་བུ་དང་འདྲ་བ་གནོད་སྦྱིན་གྱི་སྐོར་ལ། སྲོག་དབང་ལས་ཀྱི་ཐ་རམ། གསང་སྒྲུབ་སྤུ་གྲི་དམར་འགྱེད། ནོར་སྒྲུབ་དགོས་འདོད་ཀུན་འབྱུང༌། རྟེན་འབྲེལ་རྫས་ཀྱི་སྲུང་བ་བཀའ་སྲུང་གཏོད་པའི་མནན་པའི་མན་ངག །གནད་དབབ་སྒྲུབ་པའི་མན་ངག་གཉན་པོ། ཡང་གཅེས་བླ་རྡོའི་མན་ངག །གཅེས་པ་བཞིའི་གནད་ཐེམས་ཟབ་མོ། ལྟས་ངན་འགྱེད་ཐབས་ཆོ་འཕྲུལ་ཆེན་པོ་སྒྲུབ་པ། སྒྲུབ་པའི་རྟགས་ཡིག་ངེས་པའི་བཀའ་རྟགས། མཆོད་བྱང་སྤུ་གྲི་དམར་འགྱེད། ཕྲིན་ལས་བསྡུས་པ་སྲོག་གི་སྤུ་གྲི། སྐོང་གསོལ་སྤུ་གྲིའི་ཕྲེང་བ། མདོས་ཀྱི་རིགས་བདེ་ལེགས་ཀུན་འགྲུབ། དྲག་བསྐུལ་ཕྲིན་ལས་མྱུར་འགྲུབ་གློག་ཞགས་དམར་ནག །ཕོ་བྲང་རྟེན་བཅའ་དམ་ཚིག་བསྲེ་ཐབས་གཉེར་གཏད་བཅོལ་གདམས་གནོད་སྦྱིན་སྙིང་གི་ལྡེའུ་མིག་བཅས། ལྔ་པ་དེ་དག་སྤྱིར་གཅེས་གསང་བ་ཀུན་འདུས་ཀྱི་ལས་བྱང་ཁྲག་མཚོ་ཁོལ་མ། ལས་བྱང་མེའི་སྤུ་གྲི་རེག་འཇོམས་དྲེགས་པ་དམར་འགྱེད་བཅས་ཚང་བ་བཀའ་དྲིན་དུ་ཐོབ་བོ། །ནོར་བུའི་རྟགས་ཅན་རྣམས་གསན་ཡིག་དུ་མ་བྱུང་བ་འབྲི་དུས་ཧོལ་ཁོངས་ཡིན་ནམ་སྙམ་ཡང༌། སླར་གཞན་ནས་ཞུ་དགོས་ཤིང༌།བླ་མ་ཚེ་དབང་མདུན་ནས་ཐོབ། ཐེམས་མེད་གཡུལ་རྒྱལ་གྱི་སྐོར། ལས་བྱང་གཉིས། སྲུང་ཟློག་བསད་མནན་སོགས་ལུང་རྒྱུན་བཞུགས་ཀྱང་དཔེ་མ་འབྱོར། སེང་གདོང་འཁོར་ལོའི་སྐོར་ཚན་གཉིས་ཀྱང་དཔེ་མ་རྙེད་ཅིང༌། ཆོག་བསྒྲིགས་སྐོར་སོགས་སླར་བཙལ་དགོས། དེ་ལྟར་དགོངས་པ་འདུས་པའི་སྐོར་ལྔ་གཅིག་ཏུ་རྫོགས་པའི་ཆོས་སྡེ་ཆེན་པོ་འདིའི་རྩ་བའི་དབང་ཆེན་དང་ལུང་ཡོངས་སུ་རྫོགས་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་རྟ་མཆོག་ཧེ་རུ་ཀ །སློབ་དཔོན་ནཱ་གཱརྫུ་ན། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། དཔའ་བོ་ཨཱརྻ་ས་ལེ། སྟག་ཤམ་ནུས་ལྡན་རྡོ་རྗེ། ཨོ་རྒྱན་ཆོས་རྗེ་གླིང་པ། ཀུན་བཟང་ནམ་མཁའ་རྡོ་རྗེ། ཀུན་བཟང་པདྨ་རྣམ་རྒྱལ། ཨོ་རྒྱན་རྟ་མཆོག་ཆོས་གྲགས། རིག་འཛིན་རྟ་མགྲིན་ལྷུན་པོ། རྡོ་རྗེ་འཛིན་པ་པདྨ་ཤེས་རབ་བམ་བསམ་གཏན་བསྟན་འཛིན། རྗེ་གུ་ཎ་མན་འདྲ། འོད་དཔག་མེད་ནང་སྒྲུབ་ཀྱི་དབང་ནི་འཕེལ་ཚ་ཆོས་ཀྱི་དབང་ཕྱུག་ནས། རས་ཆུང་ཤེས་རབ་རྒྱ་མཚོ། ཀརྨ་བདེ་གསལ། བསྟན་འཛིན་དགེ་ལེགས་ཉི་མ། རི་སྤྲུལ་ཀརྨ་མཁས་མཆོག་གྲུབ་པའི་དབང་པོ། རྗེ་གུ་ཎ་མན་འདྲ། ༈ སྤྲུལ་པའི་གཏེར་ཆེན་བསམ་གཏན་གླིང་པས་མདོ་ཁམས་སྲིན་པོའི་ལག་གཡས་ཀྱི་མཐིལ་གནོན་པའི་མཐའ་འདུལ་སྤུ་བོ་འདོང་ཆུའི་གཙུག་ལག་ཁང་གི་བྱམས་ཆེན་ཕུ་དུང་གཡོན་པ་ནས་སྤྱན་དྲངས་པ། ཡི་དམ་དགོངས་འདུས་ཞི་བའི་ཆོས་སྡེ་འཇིག་རྟེན་དབང་ཕྱུག་མི་ཏྲ་སྙིང་ཐིག་གི་གྲོལ་བྱེད་དབང་བསྐུར་ལེགས་པར་ནོས། རྒྱབ་བརྟེན་ལུང་གི་སྐོར་ལ། ཁ་བྱང་དགའ་བ་རྟ་མགྲིན་གསང་ཕུག་གྲེ་བའི་ལྦ་བ་ནས་ཕྱུང་བ། འདོང་ཆུའི་གཙུག་ལག་ཁང་གི་དཀར་ཆག །འཇིག་རྟེན་དབང་ཕྱུག་དྲི་མེད་ཀུན་ལྡན་གྱི་ལོ་རྒྱུས་མཐོང་གྲོལ་དྲང་དོན་ཐུགས་རྗེའི་ཞགས་པ། མི་ཏྲ་ཨཱ་ནནྡ་ཛོ་ཀིའི་རྣམ་པར་ཐར་པ་སྨོན་ལམ་འོད་ཀྱིས་དྲྭ་བ་པདྨས་མཛད་པ་བཅས་སྤྱི་དོན་ལོ་རྒྱུས་ཀྱི་སྐོར་རོ། །ཡི་གེ་དྲུག་པའི་སྒྲུབ་ཐབས་རྩ་བ་ཡིད་བཞིན་ནོར་བུ། མངོན་རྟོགས་རིན་ཆེན་གསལ་བའི་སྒྲོན་མེ། འཛབ་དགོངས་དམིགས་པ་རྣམ་བཞིའི་ཕྲིན་ལས་ཀྱི་སྙིང་པོ། སྐུ་གསུམ་བརྒྱུད་པའི་གསོལ་འདེབས་བྱིན་རླབས་ཆར་འབེབས། ཚོགས་གསོག་སྒྲིབ་པ་སྦྱོང་བ་ཆོས་སྤྱོད་རྒྱུན་བཤགས་ཀྱི་རིམ་པ་ལས་བྱང་བྲམ་ཟེའི་ལུགས་ཚོགས་གཉིས་རྒྱ་མཚོ། ཚོགས་ཀྱི་འཁོར་ལོ་བདེ་ཆེན་ལོངས་སྤྱོད། འཚོ་བ་ཟས་ཀྱི་རྣལ་འབྱོར། འགྲོ་འདུག་ཕྱག་བསྐོར་གྱི་རྣལ་འབྱོར་བསྙེན་སྒྲུབ་མཎྜལ་གྱི་ཆོ་ག །གཏོར་ཆོག་བདུད་རྩི་ཀུན་ཁྱབ་བཅས་བསྐྱེད་རིམ་གྱི་སྐོར་རོ། །སྒྲུབ་པ་ལས་ཀྱི་པྲ་ཁྲིད། སྨིན་བྱེད་དབང་བསྐུར་ཡེ་ཤེས་ཆུ་བོ་དཀྱིལ་འཁོར་རྣམ་པར་གསལ་བའི་མེ་ལོང༌། འདིར་རབ་གནས་ཡེ་ཤེས་མེ་ལོང་དང་སཱཙྪའི་ཆོ་ག་བསོད་ནམས་རྒྱ་མཚོ་གཉིས་ཐེམས་སུ་བྱུང་ཡང་དཔེ་གསུམ་ལ་མི་འདུག །གཟུངས་སྒྲུབ་བུམ་པའི་ཆོ་ག་བདུད་རྩིའི་འབྱུང་གནས། འདིར་ཐེམས་སུ་ལས་ཕྲན་འཐོར་བུའི་མན་ངག་སྨན་གྱི་རྒྱ་མཚོ་ཞེས་པ་སྣང་ཡང་དཔེ་ལུང་མ་བྱུང༌། དེ་དག་ནི་སྨིན་བྱེད་དབང་དང་རྗེས་སུ་འབྲེལ་བའི་སྐོར་རོ། །བྱང་ཆུབ་ལམ་གྱི་རིམ་པ་ཚིགས་སུ་བཅད་པ་ནོར་བུའི་ཐེམས་སྐས། བྱང་ཆུབ་ལམ་གྱི་གཞི་བཅའ་སྐྱབས་འགྲོ་སེམས་བསྐྱེད། བྱང་ཆུབ་ཀྱི་སེམས་སྒོམ་དོན་དྲུག་པ། བྱང་ཆུབ་སེམས་སྒོམ་པའི་མན་ངག་རྩ་བ་ཞི་ལྷག་གི་ཁྲིད་གསེར་གྱི་ཉི་མ། བྱང་ཆུབ་སེམས་ཀྱི་གྲོགས་བཅའ་བ་བསྔོ་བའི་རིམ་པ། བྱང་ཆུབ་སེམས་ཀྱི་ལམ་སྲོང་བ་དམ་ཚིག་གསལ་བཤད། བྱང་ཆུབ་སེམས་ཀྱི་མཇུག་བསྡུ་བ་འཆི་ཁ་འཕོ་བ་བར་དོའི་གདམས་པ། བདེ་ཆེན་སྨོན་ལམ་དང་བཅས་པ་རྣམས་གྲོལ་བྱེད་གདམས་ངག་གི་སྐོར་རོ། །ཐེམས་སུ་རྟ་མགྲིན་ལ་བརྟེན་ནས་ཞི་བའི་ལས་བྱེད་པ་འབྱུང་ཡང་དཔེ་མ་བྱུང༌། རྣམ་ཐོས་སྲས་ཀྱི་གསང་སྒྲུབ། ཛམ་བྷ་ལའི་གསང་སྒྲུབ། ཚོགས་བདག་གེགས་སེལ་བའི་སྒྲུབ་ཐབས། ཚོགས་ཀྱི་བདག་པོའི་གསང་སྒྲུབ། གཞན་གྱི་མི་ཐུབ་པའི་སྒྲུབ་ཐབས། བཀའ་སྲུང་ནོར་ལྷ་ཀུན་འདུས་ཀྱི་ལས་བྱང་ཡིད་བཞིན་ནོར་བུ་རྣམས་ནི་ཛཾ་བྷ་ལར་བརྟེན་ནས་རྒྱས་པའི་ལས་སྒྲུབ་པའི་སྐོར་རོ། །མཁའ་འགྲོ་རིག་བྱེད་མའི་སྒྲུབ་ཐབས། རིག་བྱེད་མའི་ལས་སྦྱོར་གཉིས་ནི་དབང་གི་ལས་སོ། །དཔལ་ཡེ་ཤེས་ཀྱི་མགོན་པོའི་གཏོར་སྒྲུབ་རིན་ཆེན་དཔལ་འབར་ནི་དྲག་པོའི་ལས་སོ། །ཐེམས་སུ་ཁ་སྐོང་སྦྱིན་སྲེག་བསྟན་ཀྱང་དཔེ་ལུང་མ་བྱུང༌། དེ་ལྟར་སྨིན་གྲོལ་གྱི་གདམས་པ་ཆ་ཚང་ནོས་པའི་དབང་གི་བརྒྱུད་པ་ནི་གཞན་དུ་ཤེས། ལུང་གི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་འཇིག་རྟེན་དབང་ཕྱུག །མི་ཏྲ་ཨཱ་ནནྡ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། རིག་འཛིན་ཆོས་བློ་མགོན་པོ། གཏེར་ཆེན་སྟག་ཤམ་རྡོ་རྗེ་སོགས་ནས་རིམ་པར་བརྒྱུད་དེ། རི་སྤྲུལ་ཀརྨ་ངེས་དོན། རྗེ་གུ་ཎ་མན་འདྲ། ༈ སྟག་ཤམ་ནུས་ལྡན་རྡོ་རྗེས་མདོ་ཁམས་སྲིན་མོ་སྟག་གདོང་མའི་གནས། སྟག་ཚང་སེང་གེ་གདོང་ངམ་གཙང་གཤིས་རྡོ་རྗེ་གྲོ་ལོད་དུ་གྲགས་པའི་གནས་སྲིན་མོའི་མཁལ་མ་འདྲ་བའི་ཕ་བོང་གི་སྟེང་ལྷུང་བཟེད་ཁ་སྦུབས་པ་ལྟ་བུའི་བྲག་ནས། སྲོག་རྟེན་ཕུར་པ་དམ་རྫས་ཇོ་མོའི་དབུ་ལོ་སོགས་དང་ལྷན་ཅིག་ཏུ་སྤྱན་དྲངས་ཏེ་མཁའ་འགྲོ་ཤ་ཟའི་ཡི་གེ་ལས་བོད་སྐད་དུ་ཕབ་པར་མཛད་པ། རྟ་མགྲིན་དགོངས་པ་འདུས་པའི་མཁའ་འགྲོའི་བཀའ་སྲུང་དུ་གཏོགས་པ། བདུད་འདུལ་དྲག་མོ་སེང་གེའི་གདོང་པ་ཅན་གྱི་ཆོས་སྐོར་ལ་སྨིན་བྱེད་དབང་དང༌། གྲོལ་བྱེད་གདམས་པའི་སྐོར་གཉིས། དང་པོ་བུམ་དབང་སྲོག་གི་ཐ་རམ། དོན་དབང་བསྡུས་པ། སྲུང་ཟློག་བསད་གསུམ་གྱི་རྗེས་གནང་བཅས་ཚང་བར་ནོས། གཉིས་པ་ལ། ལོ་རྒྱུས་མཁའ་འགྲོའི་ཆོས་འབྱུང་གནམ་ལྕགས་ཕྲེང་བ། དེའི་ཐེམས་ལས་བསྟན་པའི་ཆོས་སྡེའི་རྩ་བ། གནམ་ལྕགས་ཐོག་གི་རྒྱུད་ལེའུ་བཅོ་ལྔ་པ། དབང་སྐོར་མ་བཞི་ནི། བུམ་དབང་རིམ་པ་བདུད་རྩིའི་སྙིང་པོ་སྲོག་གི་ཐ་རམ། མངོན་རྟོགས་སྒོམ་པའི་རིམ་པ་ཉི་ཟླའི་རྒྱ་ཅན། ལས་བྱང་རྒྱས་པ་བདུད་རྩིའི་སྤྲིན་ཆར། ལས་བྱང་བསྡུས་པ་མྱུར་མགྱོགས་གློག་ཕྲེང༌། བུ་བཞི་ནི། བསྟོད་བྱང་གནམ་ལྕགས་ཕྲེང་བ། མདངས་སྐོང་བར་ཆད་ཀུན་སེལ། སྐུལ་འབུམ་ཐོག་གི་ཕྲེང་བ། བཟློག་པ་གནམ་ལྕགས་རལ་གྲི། འཁོར་ལོ་འདིའི་གཤམ་དུ་ཁྱུང་ཟློག་ཟོར་ལམ་གྱི་ལས་ཕྲན་གཉིས་བསྡོམས་པས་སྨིན་བྱེད་ཡན་ལག་བཅས་པའི་ཆོས་སྐོར་བཅུའོ། །སྒྲུབ་སྐོར་མ་བཞི་ནི། ཕྱི་སྒྲུབ་གནམ་ལྕགས་ཕྲེང་བ་གྲི་གུག་རྒྱ་ཅན། ནང་སྒྲུབ་སྣང་སྲིད་དབང་སྡུད་ལྕགས་ཀྱུའི་རྒྱ་ཅན། གསང་སྒྲུབ་གནམ་ལྕགས་ཡང་སྙིང་བུམ་པའི་རྒྱ་ཅན། ཡང་གསང་བླ་མེད་མཆོག་གི་སྒྲུབ་ཐབས་གསང་བའི་བཅུད་དྲིལ། བུ་ལྔ་ནི། སྲོག་རྟེན་ཕུར་པ་ཁམས་གསུམ་ཟིལ་གནོན་མཁའ་འགྲོ་མའི་བླ་རྡོ་ཙིཏྟའི་གྭའུ། བླ་རྡོ་སྲོག་འཁོར་ཡིག་ཆུང་གནམ་ལྕགས་རྒྱ་ཅན། ཕྱི་ནང་གསང་བའི་རྟགས་ཚད་ཉི་ཟླའི་སྙིང་པོ་ཉི་ཟླའི་རྒྱ་ཅན། མྱང་གྲོལ་རིལ་བུ་སྒྲུབ་ཐབས་མཁའ་སྤྱོད་བདུད་རྩིའི་བཅུད་ཐིག །གསང་སྒྲུབ་གབ་རྒྱ་ཙིཏྟའི་རྒྱ་ཅན་ལས་ཕྲན་བཅས་དཔེ་རྣམས་སུ་གོང་དུ་འབྲེལ་མར་ཡོད་ཅིང་ཟུར་དུ་མི་འདྲེན། བཅུད་ལེན་དངོས་གྲུབ་སྙིང་པོ་ཐོད་བུམ་རྒྱ་ཅན། མ་བཞི་བུ་ལྔའི་ཡང་སྙིང་རྫོགས་རིམ་ཙཎྜ་ལི་རྡོ་རྗེའི་བཟླས་པ་གནད་དབབ་དང་བཅས་པ། ལས་སྦྱོར་གྱི་སྐོར་ལས་ཐོག་མར་ཞི་བའི་ལས་ལ། སྲུང་འཁོར་རྡོ་རྗེ་ཕ་ལམ་བྱད་ཟློག་ཁྲག་འཐུང་སྡེ་ལྔ་མ་གཅིག་ལ་ནང་ཚན་བུ་དྲུག་ཏུ་དབྱེ་བ། བཟའ་སྲུང་རྡོ་རྗེའི་གོ་ཆ། རྫས་སྲུང་ལྕགས་མཆུ་ནག་མོ། རྫས་རྒོད་རྡོ་རྗེའི་རྫོང་ཆེན། ཟ་ཡིག་བདུད་རྩིའི་རྒྱ་མཚོ་ཉེས་པ་ཞི་བྱེད། ཕྱུགས་ནད་སྲུང་བའི་འཁོར་ལོ། གོད་ཁ་གཅོད་པའི་མན་ངག་བཅས་ནང་གསེས་དང་བཅས་པའི་དུམ་བུ་བཅུའོ། །རྒྱས་པའི་ལས་ལ། ཚེ་ནོར་སྒྲུབ་ཐབས་གསང་བའི་བཅུད་འདུས་ཡིད་བཞིན་ནོར་བུ་ལ་ནང་གསེས། ཚེ་སྒྲུབ་འཆི་མེད་བདེ་སྟེར་མ་ལ་ནོར་སྒྲུབ་བསོད་ནམས་འོད་འབར་བུ་འབྲེལ། རོ་རྡི་དོན་གྲུབ་མའི་སྒྲུབ་ཐབས་པདྨའི་དབང་ཞགས་དགོས་འདོད་ཀུན་འབྱུང༌། ལྷ་མོ་བརྟན་མའི་སྒྲུབ་ཐབས་ལས་ཚོགས་དང་བཅས་པའི་མ་ལ། ཡིག་ཆུང་གསེར་གྱི་ལྡེའུ་མིག་བུ་འབྲེལ་བས་དུམ་བུ་ལྔའོ། །དབང་གི་ལས་ལ། ཁམས་གསུམ་སྣང་སྲིད་དབང་སྡུད་མེ་རླུང་ནོར་བུ་པདྨའི་ཞགས་པ། མུ་དྲ་དབང་སྡུད་མྱུར་མགྱོགས་གློག་ཞགས། ཁམས་གསུམ་དབང་སྡུད་གསང་བའི་གྭའུ་སྟེ་མ་གསུམ། དབང་ཕྱུག་ཡབ་ཡུམ་སྒྲུབ་ཐབས་ལྕགས་ཀྱུའི་རྒྱ་ཅན། དེའི་ཙཀྲ་སྲོག་འཁོར་བྲི་ཐབས་ནོར་བུ་པདྨའི་རྒྱ་ཅན་ཏེ་བུ་ཡིག་གཅིག །ནང་གསང་གཉིས་ཀྱི་ལས་མཐའ་ཁ་སྒྱུར་བདུད་རྩིའི་བུམ་པ་སྟེ་ལས་ཕྲན་གཅིག་བཅས་དུ་བུ་ལྔའོ། དྲག་པོའི་ལས་ལ་སྲུང་ཟློག་བསད་གསུམ་གྱི་གཟེར་མན་ངག་དམིགས་བཟླས་ཟབ་མོ་མཁའ་འགྲོའི་ཐུགས་ཁྲག །བསད་པའི་མན་ངག་ཟློག་མེད་ལས་ཀྱི་མཚོན་ཆ། ནུས་ཅན་བཅོམ་པའི་མན་ངག་སྙིང་གི་ཁྲག་ཞགས། ཧོམ་སྒྲུབ་རླུང་སྒྲུབ་གཉིས་ཀྱི་མན་ངག་ཡང་གསང་སྦས་པའི་དུག་མདའ་ངག་མནན་བཅས་དུམ་བུ་ལྔ་དང༌། རྡོ་ཟོར་དྲག་པོ་རྡོ་རྗེ་ཕ་ལམ། རེག་ཆོད་རླུང་གི་སྤུ་གྲི །ཁྲག་མཚོ་དུག་མཚོ་ཟོར་སྐུལ་ལས་བྱེད་རླུང་གི་སྤུ་གྲི་གསུམ་ནི་ཐེམས་སུ་ལས་བཞི་སྤྱི་གཅེས་སུ་གསུངས་ཀྱང༌། དྲག་པོའི་མཐའ་སྦྱར་བར་མཛད་དོ། ཀུན་གྱི་ཁ་སྐོང་ལས་བཞིའི་སྦྱིན་སྲེག་ཕྲིན་ལས་ལྷུན་གྲུབ་བཀའ་སྲུང་དམ་ཅན་སྤྱང་ཞོན་ཐིག་ལེ་རྩལ་གྱི་སྒྲུབ་ཐབས་བཅས། གཡུ་སྒྲོན་མ་དང་བཙན་གྱི་གསོལ་ཁ་དཔེ་ལུང་མ་བྱུང༌། ཐེམས་སུ་མ་བསྟན་པའི་ཆོས་སྡེ་བདུན་ནི། དོན་དབང་བསྡུས་པ་བྱིན་རླབས་ཡེ་ཤེས། སྲུང་ཟློག་བསད་གསུམ། རྗེས་གནང་མཁའ་འགྲོའི་སྲོག་གི་ཐ་རམ། འཛབ་བསྙེན་གནམ་ལྕགས་ཐོག་ཕྲེང༌། མཁའ་འགྲོ་འབུམ་སྐོང་དངོས་གྲུབ་ཆར་རྒྱུན། ཡང་གསང་བླ་མེད་གཅིག་དྲིལ་དུ་སྒྲུབ་པའི་ཐབས་ཙིཏྟའི་རྒྱ་ཅན་གབ་རྒྱ་མ། ཞི་བའི་སྔགས་ཀྱི་ལས་མཐའ་ཁྱད་པར་ཅན་དང༌། དྲག་པོའི་སྔགས་ཀྱི་ལས་ཚོགས། ཡང་ཟློག་གནམ་ལྕགས་རལ་གྲི་བཅས་ལེགས་པར་ཐོབ་པའི་དབང་རྣམས་ཀྱི་བརྒྱུད་པ་ནི། རྡོ་རྗེ་རྣལ་འབྱོར་མ། ཤཱཀྱ་སེངྒེ། བདུད་འདུལ་མཚོ་རྒྱལ་མ། ཨཱརྻ་ས་ལེ། སྟག་ཤམ་ནུས་ལྡན་རྡོ་རྗེ། ཆོས་བདག་བསམ་གཏན་བསྟན་འཛིན། གསང་སྔགས་བསྟན་འཛིན། ཆོས་ཀྱི་དབང་ཕྱུག་སོགས་ནས་རིམ་པར་བརྒྱུད། གུ་རུ་མ་ཎི། རྡོ་རྗེ་འཛིན་དབང་ཀརྨ་ཐེག་མཆོག་བསྟན་འཕེལ། རྗེ་གུ་ཎ་མན་འདྲ། ཡང་དོན་དབང་དང༌། བཀླག་ལུང་ཡོངས་སུ་རྫོགས་པའི་བརྒྱུད་པ་ནི། གཏེར་ཆེན་ནུས་ལྡན་རྡོ་རྗེ་ནས། དཀོན་མཆོག་དགེ་ལེགས་ནམ་མཁའ་རྡོ་རྗེ། ཀུན་བཟང་པདྨ་རྣམ་རྒྱལ། རྟ་མཆོག་ཆོས་གྲགས། རྟ་མགྲིན་ལྷུན་པོ། རྡོ་རྗེ་སློབ་དཔོན་བསམ་གཏན་བསྟན་འཛིན། རྗེ་གུ་ཎ་མན་འདྲ། ༈ གཏེར་ཆེན་བསམ་གཏན་གླིང་པས་ལྷོ་སྟོད་དཔལ་གྱི་བྲག་གུ་རུ་པདྨའི་སྒྲུབ་ཕུག་གསང་བ་ཡང་ལེ་ཤོད་ནས་ཁྲོམ་གཏེར་དུ་སྤྱན་དྲངས་པ། དགོངས་འདུས་འགྲོ་བ་ཀུན་གྲོལ་དང་ཐུགས་སྒྲུབ་གསེར་ཞུན་མའི་ཆ་རྐྱེན་ཨོ་རྒྱན་པདྨའི་རྣམ་ཐར་དྲི་མ་མེད་པའི་རྒྱན་ཅེས་བྱ་བ་བཀའི་ཐང་ཡིག་ཆེན་མོ། སྐབས་བཅུ་གཉིས། ལེའུ་ལྔ་བཅུའི་བདག་ཉིད་ཅན་དང༌། ལྷོ་རོང་གངས་ཀྱི་ར་བ་ཆུ་བདག་ནག་པོ་སྟོང་རྒྱུག་གི་ལག་ནས་སྤྱན་དྲངས་པ། བོད་ཀྱི་ཇོ་མོ་ཡེ་ཤེས་མཚོ་རྒྱལ་གྱི་མཛད་ཚུལ་རྣམ་པར་ཐར་པ་གབ་པ་མངོན་ཕྱུང་རྒྱུད་མང་དྲི་ཟའི་གླུ་ཕྲེང་སྐབས་བརྒྱད་པ་བཅས་ཀྱི་བཀླག་ལུང་ལེགས་པར་ཐོབ་པའི་བརྒྱུད་པ་ནི། ཆོས་ལོངས་སྤྲུལ་གསུམ་མཁའ་འགྲོ་བཅས། དཔའ་བོ་བསམ་གཏན་རྡོ་རྗེ། དཀོན་མཆོག་དགེ་ལེགས་ནམ་མཁའ་རྡོ་རྗེ། ཀུན་བཟང་པདྨ་རྣམ་རྒྱལ། རྟ་མཆོག་ཆོས་གྲགས། རྟ་མགྲིན་ལྷུན་པོ། རྡོ་རྗེ་སློབ་དཔོན་བསམ་གཏན་བསྟན་འཛིན། རྗེ་པདྨ་གར་གྱི་དབང་ཕྱུག་དང༌། རྗེ་མཉྫུ་གྷོ་ཥ་གཉིས་ཀ་ལས་རྗེ་དྲུང་བྱམས་པ་འབྱུང་གནས། དེས་ལས་བཀའ་འགྱུར་རིན་པོ་ཆེ་ཀློང་ཆེན་ཡེ་ཤེས་རྡོ་རྗེ་ཞལ་སྔ་ནས་བདག་མངྒ་ལར་བཀའ་དྲིན་དུ་བསྩལ་བའོ།།
[edit]

@#/_sprul pa'i gter chen stag sham nus ldan rdo rje'am o rgyan bsam gtan gling pa zhes mtshan gyi rgyal rnga brdung ba gang des/_thugs sgrub rnam pa gsum/_rtsa ba gsum sogs lung nas bstan pa'i gter kha chen po lnga dang*/_gzhan yang zab gter gyi sgo mang dag 'byed par mdzad pa rnams kyi thog mar gyur pa dam chos rdo rje sems dpa'i snying thig_/thems can le'u'i grangs las snying thig bcu bzhi mar yang grags pa/_rgyud las/_rgyud 'di mthong ba'i bsnyen sgrub zin:_tshig 'di mthong bas rtogs pa 'char:_lung 'di gnang bas gtan la phebs:_don 'di ston pas 'dzin chags zhi:_nyams su blang bas lhag med grol:_ces khyad 'phags lnga ldan du bsngags pa'i chos skor bar khams glang lung khra mo brag gi mkha' 'gro'i gsang phug nas rgyal sras mu ne btsan po'i dbu thod sogs dang lhan cig spyan drangs pa la smin byed don dbang bzhi pa dbang gong ma gud sbas dang bcas pa/_gur drag 'od zer phreng ba'i dbang bskur bcas legs par nos nas/_grol byed gdams pa'i skor la thems can thems med gnyis las/_dang po ni/_thems yig rdo rje'i gzer chen las bstan pa'i chos sde bcu bzhi ste/_rig 'dzin pad+ma thod phreng rtsal gyi thugs bcud yang zab rtsa ba'i don rgyud/_lo rgyus gter rgya lung bstan gyi skor/_don dbang bzhi pa yang zab khrid kyi sngon 'gro rin chen sa bon/_khregs chod kyi khrid thos grol pad+mas mdzad pa/_yang zab thod rgal/_rjes kyi rtags tshad gnyis/_rtsa gsum dril ba'i sgrub thabs byin rlabs 'gugs pa'i lcags kyu/_rtsa gsum don gyi las byang rdo rje'i 'od phreng*/_gur drag kI la ya'i bsnyen sgrub las mtha' dang bcas pa me dpung 'od zer ma/_btags grol reg pa don ldan pad+ma'i 'phrin yig_/bar do gnas kyi gdams pa thos grol gsang ba'i yi ge_/bka' srung ma gza' rdor gsum gyi sgrub byang las mtha' bstan dgra 'joms pa'i spu gri/_thems yig rdo rje'i gzer chen/_bai ro tsA na dang slob dpon pad+ma'i zhus len ma 'ongs lung bstan/_mdangs gsal rgya mtsho'i rdzing bu'i 'jog yig rnams so/__/gnyis pa thems med skor la/_chos spyod gsol 'debs bai ro'i zin bris/_dbang gong ma thod rgal 'khor ba dong sprugs/_gsang sngags sgrub pa'i dmar khrid mkha' 'gro'i gnad yig pad+ma'i thugs bcud/_kI la ya drag po'i las kyi dbang mtshon cha'i 'khor lo/_gur drag kI la ya me dpung 'od zer ma'i las tshogs me bzhi ma bcas legs par thob pa'i brgyud pa ni/_chos sku kun tu bzang po/_longs sku rdo rje sems dpa'/_sprul sku pad+ma 'byung gnas/_lo chen bai ro tsA na/_lha bu don yod rdo rje'i sde/_rig 'dzin stag sham rdo rje/_'khrul zhig rig 'dzin dbang rgyal/_kun bzang pad+ma rnam rgyal/_o rgyan rta mchog chos grags/_yongs 'dzin rta mgrin lhun po/_'dren mchog pad+ma shes rab/_rje pad+ma gar gyi dbang phyug dang*/_rje many+dzu g+ho Sha gnyis ka las rje drung byams pa 'byung gnas/_des las bka' 'gyur rin po che klong chen ye shes rdo rje zhal snga nas bdag mang+ga lar bka' drin du bstsal ba'o/__/yang don dbang bzhi pa'i brgyud tshul khyad 'phags gcig ni/_pad+ma bde chen gling pa la stag sham pa dngos kyis bstsal ba ma zad/_rdor gling dang kun skyong gling pa gnyis kyi rdor sems snying thig brgyud pa'ang 'dus shing ye shes kyi skus byin gyis rlabs te gnang ba bstsal/_bde gling nas rim bzhin rig 'dzin tshe dbang nor bu/_rdo rje gtsug lag dga' ba/_bla ma rnam dag chos 'dzin/_dpa' bo gtsug lag chos rgyal/_grub dbang o rgyan chos 'phel/_karma gzhan phan mtha' yas/_rje gu Na man 'dra/_dbang gong ma dang*/_gur drag kI la ya'i dbang ni/_rta mchog chos grags yan gong ltar la/_rgyal sras chos skyong mgon po/_byang chub chos kyi seng ge_/rje gu Na man 'dra/__!__thems byang las/_bla ma yi dam mkha' 'gro yi:_zab chos yang zab gdams pa'i khyad:_mchog gyur snying po don sbyor la:_bla ma yi dam mkha' 'gro'i skor:_zhes rtsa gsum snying po don sbyor gyi chos skor las/_bla ma mkha' 'gro gnyis stag sham pa nyid kyi spyan drangs shing*/_yi dam skor nyid kyi skye ba gong ma mchog ldan rdo rjes spyan drangs pa stag sham pa nyid la bka' babs pa ste/_de'ang ma 'ongs bskal pa'i tha ma la:_tshe lo lnga bcu kha ral gyi:_dus su chos blo mgon po 'di:_nges med spyod pa'i rnal 'byor pa:_sngon po 'khor lo lhu tshigs 'dzin:_sha sme dkar po tshangs skud tshul:_'brel tshad don ldan skyes bu 'byung:_de dus zab lam snying po don sbyor gyi:_man ngag gter dang 'phrad par 'gyur:_zhes sogs rdo rje'i lung gis bstan pa'i grub chen mchog ldan rdo rje'am/_zhig po gling pas brag dkar lha chu gsang ba'i phug pa nas spyan drangs pa'i rta mgrin snying thig snying po don sbyor gyi chos skor las/_smin byed spros bcas spros med shin tu spros med rab tu spros med rnams kyi dbang ngo sprod dang bcas pa/_gtor dbang bar chad kun sel rnams legs par nos nas/_lung gi skor la/_chos gter kha byang shin du spros med spro skyed dwangs ba 'dren pa/_ma 'ongs las can lung bstan/_'di ltar brgyud pa dang che ba bstan pa'i lo rgyus/_brgyud pa'i rim pa mdo tsam bstan pa/_snying po don sbyor shes rab man ngag snying gi dgongs pa rtsa ba'i rgyud le'u bcu gnyis pa/_rtsa rgyud kyi 'grel pa pad+ma dkar po btags grol rgyud drug gcig tu bsdus pa'i don rgyud mchog gsang le'u gcig pa/_de'i brgyud pa'i lo rgyus/_glegs bam bcangs thabs/_'khor lo bri lugs/_bklag thabs/_rtags tshad phan yon bcas/_btags grol don khrid bsdus pa/_spros bcas chos sgo theg pa 'bum dbang*/_spros med chos sgo thabs kyi gsang dbang*/_shin tu spros med chos sgo shes rab dbang*/_rab tu spros med chos sgo rig pa'i rtsal dbang*/_dbang khrid bsre ba'i tshul/_zab lam smin byed bzhi'i rgyab yig dang tho yig_/gsang ba shes rab dbang gi yum mkha'i dkyil 'khor ngo sprod/_gsang dbang lag len 'khrugs bsdebs sa bcad/_sher dbang tshig dbang sa bcad/_dbang gi rgyab yig phran bu bzhi/_gtor dbang bar chad kun sel/_sgrub thabs las byang rin chen phreng ba/_tshogs las dngos grub rin chen/_tshogs skong rin chen phreng ba/_rta phag yab yum sgrub thabs rnal 'byor bzhi ldan/_gnad 'bebs bla rdo sgrom 'dzud/_rta phag yab yum sgrub thabs rnal 'byor gsum ldan gnad yig dang bcas pa/_dkyil 'khor thig chog gi rim pa/_dkyil 'khor phyi'i thig rtsa/_rdul tshon dkyil 'khor rnam dag_/bum sgrub cho ga_/nor sgrub gter gyi bum pa/_DAki las kyi gtum mo/_gtum mo mkha' 'gro'i gsang khrid/_bcud 'dren nor bu rtsal sbyong*/_rtsal sbyong gnad kyi rgyas bshad/_thig le'i dwangs snyigs phye ba dang rigs brgyud spel tshul/_tshe brtag 'chi bslu tshe sgrub kyi man ngag_/phyag rgya mtshan ldan tshe lam gyis 'chi ba bslu thabs/_phyi nang gsang gsum gyi tshe brtag_/'chi bslu tshe sgrub kyi man ngag rgya skad can/_chos kyi che ba spro bskyed sngon 'gro brtson 'grus skyed byed/_sngon 'gro lam khyer skor gsum/_nyams len rnal 'byor skor gsum/_nyams len rnal 'byor rgyun khyer/_lam khyer rnal 'byor bzhi rim snying po don gyi man ngag_/yang snying po gnad kyi gdams pa sku gsum lam gyi don khrid/_khregs chod 'khrul pa rtsad gcod/_thod rgal gyi DA ki gsal byed nyi ma/_skye med chos sku'i ngo sprod khregs chod kyi zhal gdams/_snying po don sbyor gyi rgyab brten rgyas pa gsang ba yang khol snying gi dum bu/_yang zab zhal gdams snying gi dum bu/_bar do gnad kyi sgron ma/_ngo sprod zhal gdams bar do gnad kyi dum bu/_bar do'i ngo sprod gsang ba yang khol/_gnad kyi zhal gdams man ngag lnga pa/_snying po don gsal long ba mig 'byed gser thur/_gol sa gcod pa'i gdams pa/_tshad kyi rtags yig_/bdud rtsi shug pa'i bcud len/_bdud rtsi a mr-i ta'i lo rgyus byung tshul sgrub lugs yon tan gzhan don 'byung tshul/_shog ser dang sku tshab dkar chag bcas legs par thob pa'i dbang bskur rnams kyi brgyud pa ni/_chos sku kun tu bzang po/_longs sku zhi khro rab 'byams/_sprul sku rdo rje 'chang chen/_ston pa rdo rje sems dpa'/_rig 'dzin dga' rab rdo rje/_rig 'dzin shrI seng+ha/_o rgyan pad+ma 'byung gnas/_mkha' 'gro ye shes mtsho rgyal/_grub chen rgyal ba byang chub/_chos blo mgon po/_gter chen mchog ldan rdo rje/_gter chen bsam gtan gling pa/_chos bdag bsam gtan bstan 'dzin/_kun bzang nam mkha' rdo rje/_kun bzang pad+ma rnam rgyal/_rta mchog chos grags/_rgyal sras chos skyong mgon po/_mchog sprul byang chub chos kyi seng ge_/rje gu Na man 'dra/_yang gtor dbang dang lung yongs su rdzogs pa'i brgyud pa ni/_rta mchog chos grags yan gong ltar la/_de nas rta mgrin lhun po/_'dren mchog pad+ma shes rab bam bsam gtan bstan 'dzin/_rje gu Na man 'dra/_rtsa ba gsum gyi snying thig las bla ma dang mkha' 'gro'i skor ni/_kha byang las/_khyad par bar lam ri bo sbrul 'khyil 'dra:_glang lung bya khyung phug dang tsit+ta'i brag:_sgrol dkar gsang ba'i phug mo cher sbas ba'i:_thugs sgrub gsum dang gro lod sgrub pa'i skor:_snying po'i yang snying lta bur sbas pa 'di:_'don pa'i las can o rgyan thugs kyi sras:_rnal 'byor dpa' bo rdo rje khyung gi mtshan:_stag sham rdo rje gro lod mtshan rtags can:_de 'dra'i las can ma 'ongs dus su 'byung:_zhes sogs gsungs pa ltar/_gter chen stag sham rdo rjes brag dkar sgron chu gsang ba bde chen pad+ma 'khyil ba'i phug_/bdud rtsi yan lag brgyad ldan gyi rba rlabs g.yo ba'i klong*/_rtsa rkyang ma'i zur nas spyan drangs/_rdzogs chen snying po don sbyor gyi chos skor gter ston nyid kyis thems byang rdo rje pad+ma'i phreng bar zhib par bkod pa'i go rim ltar nos pa la/_rgyud lung man ngag gi skor gsum/_dang po rgyud kyi skor ni/_rta mgrin snying thig tu song ba de rnams las gzhan du med/_gnyis pa lung gi skor bdun ni/_kha byang yang byang gsal ba'i lde'u mig thems kyi byang yig rnam gsum gser gyi gzer bu lcam gcig_/rdo rje gro lod kyi lo rgyus gser gyi phreng ba kun nas mdzes pa lung byang dang sbas yul gyi gnas yig 'bud tsam bcas pa/_phyi nang snod bcud kyi de nyid gsal bar bshad pa gser gyi spar khab/_rtsa'i de nyid gsal bar bshad pa rdo rje'i drwa mig gi phreng ba/_rlung gi de nyid rab tu gsal bar bshad pa mu tig gi phreng ba/_thig le'i de nyid gsal bar bshad pa nyi zla'i phreng ba bcas/_gsum pa man ngag gi skor la rdzogs rim dbang*/_bskyed rim gyi skor gsum gyi dang po rdzogs rim gyi chos sde brgyad ni/_bla med nang gi gtum mo gu ru'i phyag len/_gu ru'i thugs thig snang srid sgyu ma'i blo sbyong 'khor 'das rang grol/_rmi lam gyi gdams pa sgyu ma rol pa/_'od gsal pa'i pra khrid man ngag yang gsang gnad kyi gdams pa/_sku gsum 'pho ba'i don khrid thun mong ma yin pa shin tu zab pa/_'pho ba grong 'jug gi man ngag gsal ba'i yang khol/_thugs thig drug gi spyi sdom spyod pa phaT dgu'i gdams pa/_bogs 'don nyi zla'i rgya can bcas/_gnyis pa bskyed rdzogs gnyis ka'i smin byed dbang gi rim pa'i chos sde brgyad ni/_bdag gzhan smin byed dbang gi rim pa bcud kyi thigs pa gnad kyi dum bu zhes bya ba zab khyad can/_smin byed gsang ba'i dbang chog nyi zla'i phreng ba bcud kyi dwangs ma/_rtsa gsum gyi lha dbang chen mo gang zag spros bcas dga' ba'i rgyan/_man ngag gi dbang chog shin tu dmar ba thabs shes e waM gyi rgya can bcas dbang skor dngos la bzhi/_de'i cha rkyen rdo rje gro lod zhal mthong rtsa sgrub kyi phrin las rin po che thugs kyi phreng ba mdzes pa/_mkha' 'gro gsang ba ye shes kyi mchod phreng me tog char rgyun zab mo tshogs rgyun gyi man ngag_/mkha' 'gro ma'i bskul 'bum thugs rje'i lcags kyu bcas dum bu bzhi bsdams pas brgyad do/__/gsum pa bskyed rim gyi skor la/_yab yum spyi bsdoms/_bstan srung gi skor bzhi'i dang po yab kyi sgrub skor gsum ni/_gu ru rdo rje gro lod zhal mthong rtsa ba'i sgrub thabs dngos grub gter 'byung*/_zhal mthong rtsa sgrub kyi las mtha' khyad par can rdo rje drwa mig gi 'phrul mig_/phrin las bzhi sgrub rdo rje'i rgya can/_gnyis pa yum gyi sgrub skor gsum ni/_gsang ba ye shes kyi phyi sgrub rgya mtsho/_las mtha' khyad par can dbang sdud thugs rje'i gwa'u kha sbyor d+hA ki gnad kyi thems yig gnad dbab sogs/_gsang dam can man ngag gcig ma/_gsum pa spyi sdom bzhi ni/_rtsa gsum dril sgrub thugs rje'i lcags kyu 'od kyi drwa ba/_'gro 'dul ril bu sgrub thabs myong grol chen mo/_mkha' 'gro ma'i las phran 'thor bu'i skor dgos 'dod kun 'byung*/_chu gtor gyi rim pa bdud rtsi'i bum pa dang 'byung lnga'i gtor ma mkha' 'gro'i dngos grub/_bzhi pa bstan srung gi chos sna bzhi ni/_bka' srung gsung gi dpal mgon gyi sgrub thabs khams gsum dbang sdud me rlung gi lcags kyu/_dpal mgon gyi bka' gtad/_dpal mgon mnga' gsol/_bka' srung ma mo spyang zhon ma'i phrin las rnams dang*/_gter bdag mkha' 'gro'i gsal kha bcas legs par nos pa'i brgyud pa ni gong gi rta mgrin snying po don sbyor dang 'dra ba las mchog ldan rdo rje mi dgos so/__!__lung byang las/_sbas lung chen po dga' ba tshal:_e ma a la rtsub pa'i gnas:_sku rten mthong grol de yi gong:_phag sdig khyung 'dra'i pha bong la:_gter du sbas pa mchog tu zab:_ces sogs kha byang yang byang gnad yig rnams las rgyas par gsungs pa'i zab chos yi dam dgongs pa 'dus pa'i chos skor ni/_pad+ma'i thugs gter bcu gnyis kyi bdag por lung bstan pa'i sprul pa'i gter chen bsam gtan gling pa'am/_stag sham nus ldan rdo rjes sbas yul brgyad kyi ya gyal lho phyogs pad+mo bkod pa la phyi gling bcu gnyis yod pa'i byang phyogs kyi gtso bo drag po bkod chung gi gnas kyi bkod pa spyi dang*/_khyad par yab gter rang byon rta phag yab yum/_yum gter gter sdong rin chen 'bar ba/_dga' byed gzhon nu'i bam chen la sogs pa ngo mtshar gyi bkod pa dpag tu med pa snang bar mdzad cing*/_slar yang bdun zur 'brug gi gnam lor gnas chen dga' ba tshal gyi pha bong phag sdig khyung gsum klu'i pho brang gi thog gu ru'i bzhugs khri rgyan dang bcas pa ngo mtshar ba las sku tshab dang rdzas gter bsam gyi mi khyab pa/_yi dam dgongs 'dus kyi chos sde ma mo/_pha bong khros nag ma'i gdeng ka'i 'og nas man ngag gi rgyud/_gsang gnas nas mkha' 'gro snyan rgyud/_gter gnas gzhan nas bka' srung sogs spyan drangs pa ste/_de'ang spyir rtsa gsum dkyil 'khor gcig tu 'dus shing smin grol gyi lam tshang la ma nor ba rdzogs pa zab pa'i mthar thug tu gyur pa'i mnog chos la dgongs pa 'dus pa'i chos sde zhes grags shing*/_de yang khri srong lde'u btsan gyis zhus ngor rje 'bangs nyer lnga/_mchan bu brgya rtsa sogs la bsam yas mchims phur gnang ba ni bla ma dgongs pa 'dus pa zhes sangs rgyas gling pas spyan drangs pa de yin cing*/_sras mu khri btsan pos zhus ngor rje 'bangs phyi ma bcu bdun yang khol po gsum bcas la mchims phu dge gong*/_lho brag dung khang*/_ti sgro'i tshogs khang*/_dga' lung gsal khang*/_tsA ri zil chen phug rnams su gnang ba yi dam dgongs 'dus su grags pa 'di la ji skad du/_dam chos zab mo yi dam dgongs pa 'dus:_ma hA yo ga chos kyi khog pa la:_a nu yo ga don snod dbang po lnga:_a ti yo ga 'byung lnga srog gi rten:_yang gsang bla ma nor bu rig pa'i rgyal:_zhes gsungs pa ltar ma hA yo ga yi dam rta mgrin dgongs 'dus/_a nu yo ga mkha' 'gro'i snyan brgyud gsang skor/_a ti yo ga bla med rdzogs pa chen po/_yang ti bla ma yid bzhin nor bu/_bka'i gnyer 'dzin srung ma'i skor bcas chos sde chen po lnga dang*/_nang gses shin tu mang bar bzhugs pa'i zab chos khyad par du 'phags pa 'di la spyi tsam du smin grol rgyab brten gyi skor gsum las/_dang po ni/_sgrub chen gyi khog phub/_zhi ba bla ma nor bu/_drag po dbang chen rta mgrin gyis gzhung bsrang*/_sta gon sngon du 'gro ba'i gzugs brnyan gyi dkyil 'khor du rgyab chos spyi bsdoms spros bcas lha dbang chen mo/_smin byed rtsa ba'i dbang chog bdud rtsi'i bum bcud/_spros med thugs kyi dbang bskur zab mo bar chad myur sel/_gsang ba nying khu bka' rgya can rnams legs par nos/_gnyis pa grol byed khrid kyi rim pa slar bkod par bya zhing*/_gsum pa rgyab brten lung gi skor la/_yi dam dgongs 'dus rta mchog rol pa'i gter 'byung dga' ba'i rna rgyan gter chen nyid kyis mdzad pa/_kha byang lung byang gsal ba'i lde'u mig e waM zhes dga' ba tshal gyi gnas kyi lo rgyus gsal ba'i lde'u mig_/sku rten rta phag dang thugs rten rin po che'i dkar chag gab pa mngon phyung gu ru pad+ma'i zhal lung 'od 'phro/_pad+ma he ru ka rta mgo many+dzu'i gsang sgrub pad+ma'i ge sar 'od kyi phreng ba ste chos tshan bzhi ni yig chung lde'u mig gi skor te 'og tu smos pa rnams kyi yan lag gi chos sde dngos kyi bka' rtsis ljon shing dang dpe don sbyar bar mdzad pa'i dang po sdong po'i shun lpags dang mtshungs pa chos kyi spyi chings gsum ni/_khog dbub srid pa'i chos 'byung dam pa chos kyi lo rgyus gsang ba'i rnam thar nor bu pad+ma'i ljon shing le'u bcu pa sku gsum brgyud pa'i lo rgyus gtong thun chen mo le'u bcu gsum pa/_bla ma'i lo rgyus gsal ba'i rnam thar le'u bcu gsum pa/_de las zur du gab pa Ar+Ya sa le smra ba'i seng ge'i zhus len ma 'ongs skye tshul lung bstan dang bcas pa/_ljon shing rtsa ba dang mtshungs pa rgyud kyi skor dgu ni/_sku'i rgyud rta dbu lnga pa pad+ma 'dus pa'i dum bu dbang drag rol pa/_gsung gi rgyud gsung mchog rnam par 'dus pa/_thugs kyi rgyud mkha' 'gro ma thams cad 'dus pa rdo rje pad+ma drwa ba can/_yon tan gyi rgyud pad+mo dbye ba bdud rtsi 'byung ba/_phrin las kyi khrag 'thung rol pa rgyud phyi ma rta mgrin dpa' bo gcig pa nag po klu 'dul/_rgyud phyi ma'i phyi ma stong gsum za byed nam mkha' lding*/_man ngag rgyud chen snang stong dbyer med 'khor 'das rang grol/_bka' srung gi rgyud ni 'og tu ston no/__/rgyud de dag las byung ba'i rin chen chos kyi mdzod chen rnam pa lnga'i dang po gtso bo bsam yas mchims phur lha sras mu khri btsan po'i thugs dam du gnang ba ljon shing sdong po dang mtshungs pa ma hA yo ga yi dam dgongs 'dus rta mchog rol pa'i chos sde/_dang po sgrub pa'i khog dbub kyi skor la/_sgrub khog rdo rje pad+ma'i phreng ba las sngon 'gro sta gon gyi rim pa dum bu gsum pa/_dngos gzhi bsnyen sgrub kyi rim pa bya thabs/_nyul le zlog thabs ti ra gnas nyul chen mo'i zlog skul dam sri tshar gcod/_'di'i gsan yig zur du gab pa dpe mi snang*/_dngos grub len chog dga' ba 'khyil ba/_las thams cad kyi sngon du 'gro ba cha gsum gtor ma rin chen 'byung ba/_sngon 'gro cha gnyis kyi gtor ma/_gsang chen dam pa rigs brgya'i las byang mun sel nyi ma'i phreng ba/_kha skong rgyan gyi shog dril las khol du phyung ba mchod 'bum bdud rtsi'i rlabs phreng*/_ru zung bzhi'i bshags pa 'khor ba dong sprugs/_bla med mchog gi skong ba na rag dong sprugs mtshan don 'dod gsol bcas dkyil 'khor lha'i mtshan don mdangs kyi skong ba nyams chag rang grol/_mar me'i smon lam thugs rje'i lcags kyu bcas chos sde bcu gsum du gsungs so/__/gnyis pa dbang gi skor la/_smin byed rtsa ba'i dbang chog bdud rtsi bum bcud spyi don bzhi pa/_gang zag spros med thugs kyi dbang bskur zab mo bar chad myur sel gsang ba nying khu bka' rgya can/_rgyab chos spyi sdom spros bcas lha dbang chen mo smin grol rgya mtsho kun gsal mi 'gyur nyi ma dang rdo rje'i rgya can/_dbang gi kha skong dam tshig rnam bshad gsal ba'i me long ste chos sde bzhi'o/__/gsum pa spyi la gces pa'i skor ni/_byang chub lam gyi rim pa gsal ba snying po zhes bya ba chos spyod kun gyi spyi sdom thar pa'i them skas/_bar chad bdud dpung ngos bzung nges shes gtam rgyud kyi phreng ba/_mkha' 'gro ye shes mtsho rgyal gyi zhus len dmar khrid zhal gdams kyi rim pa nor bu'i phreng ba/_gnas 'dren sa lam bdun tshig gi cho ga ngan song rang grol/_phung po sreg sbyong ye shes klong yangs te chos sde lnga'o/__/bzhi pa drag po'i skor la/_las byang chen mo nor bu'i phreng ba pad+ma'i drwa ba can/_phrin las rgyun khyer las byang bsdus pa nor bu pad+ma'i phreng ba/_dkyil 'khor gyi bstod pa tshangs pa lha'i gaN+Di dang pho nya'i bskul bstod spu gri'i phreng ba/_mdangs skong dri med shel phreng*/_zlog gzhung mtshon cha'i 'khor lo/_gtor zlog me rlung 'bar ba/_zor las rlung gi spu gri za lam bcas/_khro rgyal khyung gi las mtha' khyad par can ltas ngan brgyad cu'i zlog mdos rus khog ma/_bsgral ba'i las rim spu gri ka ma ha bcas tshan bcu'o/__/'dir thems byang las byang*/_'khor lo'i yang zlog man ngag yig chung skor/_zhes dang*/_gsan yig tu/_skong bsdus gsang ba'i yig chung gi srung zlog bsad mnan gyi 'debs kha'i rim pa bcu bzhi zhes snang yang dpe ma 'byor/_lnga pa sgrub thabs kyi skor la/_bskyed pa ma hA yo ga ltar sgrub pa'i thabs mngon rtogs nor bu'i gzhung chen/_lung a nu yo ga ltar sgrub pa'i thabs lus dkyil rtsa rlung rnam dag pad+ma'i phreng ba/_rdzogs pa a ti yo ga ltar sgrub pa'i thabs nyi zla'i phreng ba ma rig mun sel/_phyi sgrub rdo rje'i snying po gsang ba kun 'dus/_nang sgrub nag po klu 'dul rtsa ba lha bzhi'i sgrub thabs gnam lcags rdo rje'i me dpung gdug pa 'joms byed/_gsang sgrub dregs pa kun gtad/_bsnyen sgrub las gsum gcig tu dril ba u pa de sha/_pad+ma dbang gi gsang ba mchog sgrub nor bu lugs/_pad+ma dbang chen lcags sgrog can gyi sgrub thabs rtsa ba sdong po lta bu shin tu zab pa/_pad+ma dbang chen zhags pa can rigs gsum khyung lnga'i gsang sgrub pad+ma'i lcug ma/_rigs gsum khyung lnga'i sgrub thabs gdug pa kun grol/_sgrub phran dgos pa kun 'dus khro bcu rgyan gyi phreng ba las/_las thams cad kyi sngon du 'gro ba/_bgegs mthar byed kyi sgrub thabs rdo rje pha lam/_hU~M kA ra'i sgrub thabs snying po kun 'dus/_rnam par rgyal ba'i sgrub thabs khams gsum bdud las rnam rgyal/_dbyug sngon sgrub thabs 'byung po kun 'dul/_gshin rje gshed kyi sgrub thabs gshin rje'i dpung 'joms/_mi g.yo mgon po'i sgrub thabs srid las rnam rgyal/_dbang chen sgrub thabs gdug pa 'dul byed/_'dod pa'i rgyal po'i sgrub thabs shes rab blo 'phel/_bdud rtsi 'khyil ba'i sgrub thabs sbrang rtsi'i 'dod 'jo/_rnam par rol pa'i sgrub thabs bgegs 'dul gtum mo/_stobs po che'i sgrub thabs rdo rje'i go khrab/_dbang chen lcags sgrog can gyi las mtha' khyad par can tshar gcod rjes bzung dgos 'dod kyi gwa'u bcas/_ljon shing gi lo 'dab dang chos mtshungs pa de dag kun gyi mtha' sgyur phrin las kyi rim pa sde tshan lnga'i dang po zhi ba'i las gzungs sgrub zhi drag sbrag ma khrus dbang dang bcas pa bdud rtsi 'khyil ba/_klu mchod pa'i rim pa klu'i gtad grol dang bcas pa yid bzhin bdud rtsi'i bum pa/_gnyis pa rgyas pa'i las bdud rtsi sman gyi sgrub thabs rin chen 'byung gnas/_bdud rtsi sman sgrub kyi las drag por sgrub pa'i thabs rin chen phreng ba/_sad srung thugs rje'i sprin phung*/_char chog 'dod 'jo'i ba gzhon/_char 'bod gud du sbas pa'i man ngag zab mo thugs rje myur mgyogs/_gsum pa dbang gi las bro las snang sdud kyi cho ga zab mo las dang bcas pa/_bzhi pa drag po'i las/_e ka dzATi ye shes lta bu sgrub pa'i thabs tsit+ta'i phreng ba pad+ma'i rgya can/_ma mo Ar+Yare ma ti'i sgrub thabs tsit+ta snying gi rgya can/_bka' srung gza' bdud chen po'i sgrub thabs drag por myur 'bebs lcags par gyi rgya can/_klu bdud me'i ral pa can gyi sgrub thabs gnam lcags ral gri'i rgya can/_bdud nag lcags kyi ral pa can gyi sgrub thabs rdo rje'i pha lam gyi rgya can bcas/_thems su drug gsungs kyang lnga las mi snang*/_lnga pa las thams cad kyi kha skong ni/_zhi ba'i sbyin sreg rdo rje 'od 'bar sgrib gnyis zhi byed/_rgyas pa'i sbyin sreg rin chen 'od 'bar bsod nas rgya mtsho/_dbang gi sbyin sreg pad+ma 'od 'bar nor bu'i lcags kyu/_drag po'i sbyin sreg ral gri 'od 'bar dgra bgegs tshar gcod/_las thams cad kyi kha skong nor bu 'od 'bar phyi nang gsang gsum gyi sbyin sreg dgos don dang bcas pa/_spyi sdom ma hA yo ga'i skor la le'u nga drug tu gsungs kyang dpe rnams su le'u'i nang gses bdun cu yar brgal du snang ngo*/__!__rtsa ba'i gnyis pa gtso bo ti sgro'i tshogs khang du dbyings phyug ye shes mtsho rgyal la gdams pa bkrag gsal me tog dang mtshungs pa a nu yo ga'i skor la/_phyi skor/_nang skor/_gsang skor gsum gyi dang po phyi ltar 'jig rten dbang phyug tu sgrub pa mi tra snying thig gi chos sde'i skor ni gzhan du gsal/_nang skor la 'od dpag med kyi skor la/_nam mkha' lding gi skor gnyis kyi dang po 'od dpag tu med pa'i chos sde'i smin byed rin po che'i 'khor lo dang pad+ma'i sdong po'i rjes gnang*/_nang sgrub kyi tshe dbang bcas tshang bar nos/_gdams pa'i skor la/_tshe dbang rin po che'i 'khor lo/_tshe 'gugs thugs rje'i lcags kyu gsang ba'i yang snying*/_rten gsum rab gnas kyi cho ga bkra shis 'od 'bar/_'od dpag med sems dpa'i dkyil 'khor sgrub cing mchod pa'i thabs tshogs gnyis char rgyun gser gyi phreng ba/_chos spyod smon lam ye shes sgron me rab gsal me long*/_gshin po rjes 'dzin mun sel sgron me/_chab gtor bdud rtsi'i bum pa/_yan lag brgyad ldan bcas smin byed dang rjes su 'brel ba'i chos sde bdun/_'od dpag med kyi sgrub thabs pad+ma'i sdong po rjes gnang dang bcas pa 'phags pa klu sgrub kyis mdzad pa/_phyi sgrub 'od zer mtha' yas/_nang sgrub 'chi med tshe'i sgrub thabs zab mo rin po che'i phreng ba/_gsang sgrub 'chi med tshe'i ye shes mtha' yas rin chen dpal 'bar/_thugs rje chen po pad+ma mgon po'i sgrub thabs dri med shel gyi bum pa/_a mi d+he wa'i gsang sgrub bde chen lhun grub/_gzungs sgrub zhi ba yid bzhin nor bu/_drag por sgrub pa'i thabs rdo rje dmar nag me'i phreng ba/_bla ma sku gsum mdo sngags bla med ltar sgrub pa'i thabs/_yi ge drug pa'i las byang gsang ba gcig sgrub ces Ar+Ya sa le'i thugs dam dril ba'i snying chos/_rta mgrin mkha' 'gro'i sgrub thabs thun mong ma yin pa mkha' 'gro'i srog thig_/zab gnad khyad par du thon pa rnal 'byor bzhi'i rim pa bcas grol byed zab mo'i gdams skor bcu gnyis te bsdoms pas 'od dpag med kyi chos skor dgu'o/__/gnyis pa gdug pa 'dul byed khro rgyal bya khyung gi gdams skor la/_smin byed dbang legs par nos nas/_khro rgyal khyung gi dbang chog rdo rje'i tha ram/_las byang spu gri gnam lcags 'khor lo/_phyi nang gsang gsum sgrub skor las sbyor dang bcas pa/_las mtha' sa lam bdun pa rdo rje ral gri'i rgya can/_thems su gdon khrol yig chung 'phyangs dang bcas pa chos sde lnga/_nang tshan dgur bshad kyang phyi ma dpe lung rgyun ma byung*/_a nu gsang skor mkha' 'gro'i snyan brgyud dmar ba snying lta bu/_mkha' 'gro dgongs 'dus gsang ba gsum gyi chos sde la/_dang po rtsa ba'i skor lnga ni/_smin byed DAki'i gsang dbang thems su bzhugs kyang phyogs 'dir dpe lung ma byung*/_las byang pad+ma'i zer phreng shin tu mdzes pa/_mchod byang gi shog dril/_khros ma nag mo'i las byang pad+ma rdo rje'i 'od phreng*/_bstod bskul chen mo mkha' 'gro'i glog phreng dmar nag_/rdor phreng thugs kyi gwa'u bshags pa dang bcas pa/_gnyis pa sgrub thabs kyi skor ni/_phyi sgrub skor gsum las phyi'i phyi sgrub lo rgyus dang bcas pa gces pa mig gcig_/phyi'i nang sgrub pad+ma bcud bsdus/_le'u 'di'i gsham du sngags kyi 'bru 'grel dang*/_zhal gdams thugs kyi nying khu tshan gnyis 'brel snang ba gsan yig rnams su ma byung ba zhib mor ma dpyad pa'i skyon yin nam/_phyi'i gsang sgrub zur du ma byung ba gab rgya'i gras su bzhugs pa'am gong smos thugs kyi nying khu sogs ngos 'dzin lugs gzhan pa yod slar dpyad dgos/_dkar mo'i sku'i sgrub thabs yang gsang thugs kyi me long*/_dmar mo'i gsung gi sgrub thabs/_nag mo'i thugs kyi sgrub pa gsang ba thugs gcig ma/_gsum pa shin tu dmar ba snying khrag dwangs ma rdzogs rim zab mo'i skor la/_mkha' 'gro'i gsang lam zab mo thugs kyi nying khu myur lam gsang ba bcud bsdus kyi gzhung chen/_rtsa'i rnam bshad dpag bsam ljon shing*/_gser 'bru gcig ma/_rlung gi de nyid nyi ma'i bdud rtsi pad+ma'i bcud thig_/thig le'i de nyid zla ba'i bdud rtsi nor bu'i bcud thig_/gsang lam zab mo thabs lam pad+ma spyi bsdus bcud kyi thigs pa/_chags lam bde ba bcud dril bka' rgya can/_rgyab chos gegs sel gyi rim pa bdud rtsi'i bum bcud rnams so/__/bzhi pa las tshogs kyi skor la bzhi las/_dang po zhi ba'i las tshogs sdig sgrib zhi byed phyi nang gsang ba'i khrus kyi cho ga_/tshe bdud zhi byed tshe sgrub rdo rje pad+ma'i bcud thig_/bar chad zhi byed rdo rje pra mo ha'i sgrub thabs snang srid gsal ba'i me long*/_dgra'i 'jigs pa zhi byed nag mo lcags gdong ma'i sgrub thabs rdo rje pha lam/_las kyi kha skong zhi ba'i sbyin sreg snang srid zhi byed/_gnyis pa rgyas pa'i las tshogs mi brgyud spel byed mkha' 'gro gsang ba srid sgrub rin chen gter sbyin/_bsod nams longs spyod spel byed nor sbyin ser mo'i sgrub thabs yid bzhin bang mdzod/_shes rab dang blo gros 'phel byed shes rab mkha' 'gro'i sgrub thabs ma rig mun sel/_zas nor rgyas byed rin chen mkha' 'gro lag sgul gyi sgrub thabs thugs rje'i lcags kyu/_kha skong rgyas pa'i sbyin sreg dngos grub char 'bebs/_gsum pa dbang gi las tshogs khrom sogs mi rigs dbang du sdud pa'i las phran 'od kyi 'khor lo/_rgyal blon khrom chen dbang du sdud pa'i gdams pa dbang gi mkha' 'gro mdzes pa rgyan gyi 'khor lo/_khams gsum yul khams dbang sdud 'od zer thugs rje'i zhags pa/_mi mo dbang sdud thugs rje'i lcags kyu/_kha skong dbang gi sbyin sreg pad+ma'i lcags sgrog_/bzhi pa drag po'i las tshogs dgra bo dgang tshal du bsad pa'i ngan sngags pho ba'i 'khrul 'khor las kyi mtshon cha/_thabs kyi gsod pa 'gong chog dug gi spu gri phra man nye 'byed kyi 'khor lo/_cho 'phrul gtong ba las kyi srog len ma'i ltas ngan gdug pa'i dbal so/__/dgra bo sbos grir 'chi ba las kyi pho nya mu stegs rkyal 'bud dmar nag las kyi spu gri_/kha skong drag po'i sbyin sreg gdug pa tshar gcod/_lnga pa thams cad spyi'i kha skong lnga ni/_mkha' 'gro'i grib phyags shel gyi me long*/_srid pa mkha' 'gro gling bzhi spyi mdos/_ma traM khrag mdos bdud kyi zhags gcod/_mkha' 'gro'i sun zlog zor dang bcas pa/_rdo rje phag mo dngos kyi bstan pa'i las tshogs brgya rtsa bcas su chos tshan zhe gcig gi tshad du gsungs so/__/sun zlog dpe dang lung rgyun kyang gsal kha mi 'dug_/rtsa ba'i gsum pa gtso bo lho brag dung gi phug par dge slong nam mkha'i snying po'i zhus ngor gdams pa ljon shing gi 'bras bu tshad du phyin pa lta bu/_sgyu 'phrul dgongs 'dus a ti yo ga rdzogs pa chen po 'khor 'das rang grol gyi chos sde'i thog mar/_thun mong sngon 'gro'i khrid nyi ma'i sgron me'i skor las/_dal 'byor rnyed dka' dang 'chi ba mi rtag pa'i khrid rim brtson 'grus gser lcag 'khor ba sun 'byin/_'khor ba'i nyes dmigs zhar byung rgyu 'bras ston pa'i khrid 'khor ba dong sprugs/_chos spyod lam gyi rim pa ye shes tshogs gnyis mthar phyin/_gnyis pa thun mong sngon 'gro lam mchog 'od kyi phreng ba'i skor las/_sems bskyed pa'i khrid rim theg mchog 'od gsal chen po'i sa bon/_skyabs 'gro'i khrid bde ba'i sa bon/_maN+Dal gyi khrid tshogs gnyis sa bon zla ba'i bdud rtsi/_rdor sems bsgom bzlas kyi khrid dag byed khrus kyi bum phreng*/_bla ma sgom pa'i khrid byin rlabs sprin char/_gsum pa spyod pas sangs rgyas pa'i thabs gcod yul snang srid lam khyer mchog sbyin bdud rtsi'i bum bcud zab khyad can/_bzhi pa lta ba phyag rgya che po'i khrid 'khor ba rtsad gcod/_lnga pa sgrub thabs kyi skor la/_lam zab mo bla ma yid bzhin phyi ltar sgrub pa'i mos gus chen mo/_nang ltar sgrub pa byin rlabs bdud rtsi'i snying po/_gsang sgrub thugs kyi yang snying spyi gces mchod phrin dang bcas pa/_yi dam phyi sgrub zab mo 'khor ba dong sprugs/_nang sgrub gser gyi yang zhun/_gsang sgrub zag med thugs snying gtor 'bul tshogs gnyis rgya mtsho/_mkha' 'gro'i sgrub thabs gces zab gnyan gsum rin chen tha ram las phyi sgrub gsang ba mig gcig_/nang sgrub dmar ba snying gcig_/gsang sgrub gnyen po srog gcig_/rtsa gsum spyi la dgos pa'i bdud rtsi mchod skong dngos grub kun gyi rtsa ba 'dod pa'i gsang sgo me tog rtsi bcud/_pad+ma zhi khro rtsa gsum 'dus pa'i tshogs las/_'dir dril sgrub a ti'i sgrub thabs dpe lung slar nod ma byung*/_las byang dri med rab gsal gsang ba mchog 'grub tshogs byang dang bcas pa/_drug pa spros med don khrid kyi skor la/_sngon du 'gro ba sbyor ba rang grol ngo sprod thos grol gyi yig chung*/_sgom pa'i dmar khrid sgyu ma 'phrul 'gros gcer grol mtha' bral/_bsam gtan thun bzhi'i rnal 'byor lam gyi sgron me las/_zas/_gos/_rmi lam gyi zhen pa gcod pa/_bag chags 'khrul snang gcod pa'i khrid sgyu ma rol pa/_cha lag las phran rten 'brel sna tshogs skor dpe lung rnyed nod mi snang*/_bdun pa man ngag rdzogs rim gyi skor la/_lta ba gcer grol mtha' bral klong yangs/_'bras bu'i chos gser gyi yang zhun/_chos spyod lam du khyer ba'i gdams pa spyod lam tshogs gnyis mthar phyin dang rgyud kyi mjug don bsdus pa/_thod rgal don khrid gser gyi nyi ma _mtha' brten rtags tshad rgyab skyor dang bcas pa/_khregs chod thod rgal gyi gegs sel bdud rtsi'i gwa'u gsang ba bka' rgya can/_brgyad pa rigs chad rjes su bzung thabs/_btags grol phung po rang grol gser gyi yang zhun gyi man ngag rgyud las khol du phyung ba rnyed nod dpe ma rnyed/_btags grol rgyab chings gsang ba'i yig chung gser 'bru gcig pa nyi zla'i spar khab/_dgu pa dbang po tha mal rjes su bzung thabs/_skye gnas bar do'i ngo sprod thos grol chen mo dang bar do'i spyi'i rnam bshad/_'chi ltas brtag thabs shel gyi me long*/_'chi bslu'i man ngag 'chi bdag dpung 'joms rdo rje'i gur khang*/_rig pas 'tshang rgya ba 'pho ba ma bsgom sangs rgyas bde ba can gyi smon lam dang bcas pa/_thos pas grol ba 'chi kha bar do'i gdams pa sdug bsngal rang grol/_chos nyid bar do'i ngo sprod 'khrul pa rang grol/_srid pa bar do'i ngo sprod/_spyi'i rgyab chos mdo 'dzin smin grol rgya mtsho bcas chos tshan sum cu'i grangs su bstan kyang phyi ma gnyis dpe lung ma byung*/_bla ma tshe dbang las slar nod/_'chi bslu'i 'phyangs sa bcad bcu gsum pa/_lhan thabs gsal ba'i sgron me/_mchod 'grigs/_bkru byabs kyi 'phyangs/_gser skyems smrang bcas lung rgyun bzhugs kyang dpe slar nod ma rnyed/__!__rtsa ba'i bzhi pa tsA ri zil chen gsang ba'i phug par/_ye shes kyi mkha' 'gro mtsho rgyal ma sogs rig 'dzin byang sems dpa' bo rnal 'byor ma rnams la gdams pa 'bras bu'i yang bcud mthar thug pa lta bu yang ti bla ma dgongs 'dus yid bzhin nor bu'i chos sde la/_smin byed ni/_ras bris kyi dkyil 'khor du bum dbang nor bu'i bcud thig_/smin byed rtsa ba'i dbang lnga/_gtor dbang rdo rje snying po/_dbang gsum pa gsang dam bka' rgya can tshang bar nos/_gdams skor la/_bla ma nor bu'i lo rgyus gtong thun thems byang dang bcas pa don gsal sgron me/_de las bstan pa'i chos sde/_rgyab chos spyi sdom gyi skor/_smin byed dbang gi skor/_bskyed rim man ngag gi skor/_rdzogs rim a ti'i skor/_bka' sdod chos skyong gi skor lnga bzhugs pa las dang po chos kyi rgyab chings skor ni/_yo ga gsum bla ma nor bu dang bcas pa'i lo rgyus bab bzhi'i rim pa gser gyi nyi ma ma rig mun sel/_thugs sgrub brgya rtsa'i rgyud nor bu'i snying po gsang ba'i lde'u mig_/gsol 'debs dbang bzhi myur 'bebs la nang gses phyi nang gsang ba yang gsang ltar gsol ba 'debs tshul bzhi bcas/_gnyis pa smin byed dbang gzhung 'khor ba dong sprugs kyi skor la/_sngon 'gro sa'i cho ga gnas khang byin rlabs srung 'khor sgom pa'i dmigs pa rdo rje pha lam/_thig rtsa nor bu'i sgron me/_dkyil 'khor bca' ba dang gtor ma'i yig chung*/_dkyil 'khor rnam bshad shel dkar me long*/_byin 'bebs dkyil 'khor byin rlabs dbang gi sngon 'gro'i skor/_bum dbang nor bu'i bcud thig gsang ba'i bdud rtsi/_smin byed rtsa ba'i dbang lnga bcud 'dus nor bu'i phreng ba/_gtor dbang rdo rje snying po gud du sbas pa/_dbang gsum pa bdud rtsi'i bcud thig gsang dam bka' rgya ma bcas dngos kyi skor ro/__/tshe 'das bdun tshig gi cho ga thar lam dkar po sdig sgrib rang grol rdo rje'i gsang lam/_sgom khog brgyad pa tshom bu dgu pa nor bu'i nyi ma tshe grol gu ru'i lde'u mig_/las byang chen mo tshom bu dgu pa nor bu'i phreng ba/_sngags byang 'dzab bskul pad+ma'i lcug ma/_dkyil 'khor lha'i grangs bstod nor bu'i pad+ma 'od 'bar/_brgya phyag sdig sgrib dag byed 'khor ba dong sprugs/_byin rlabs sngags kyi bshags pa/_smre sngags gdung ba'i gsal 'debs/_thun mong bshags tshan gyi rim pa/_bla med mchog gi skong ba 'khor ba dong sprugs/_mar me'i smon lam/_mdangs skong nor bu'i snying bcud bcas dbang gi rgyab chos kyi skor te/_de las chos tshan phyi ma gsum ni rtsa gsum spyi'i kha skong du gsungs so/__/gsum pa bskyed rim zhi drag rdo rje'i rdzong chen gyi skor las dang po sgrub pa'i phrin las kyi chos sde la/_las byang gdung ba'i gsol 'debs me tog phreng ba/_mdun bskyed dkyil 'khor mchod phreng nor bu rgya mtsho/_bdud rtsi lag mchod bum sgrub cho ga snying po 'dus pa/_gu ru'i rtags bstod nor bu'i rgyan phreng gsang sngags 'brug sgra/_skong bshags rgyun khyer nor bu'i phreng ba/_dngos grub len pa'i 'dzab bsnyen man ngag nying khu sid+d+hi'i lde'u mig_/dngos grub len chog nor bu'i bum bcud/_gnyis pa sgrub thabs rtsa ba'i skor la/_gu ru sprul sku'i phyi sgrub sprul pa rgya mtsho dngos grub gter mchog rtsa ba'i sgrub pa/_phyi sgrub kun 'dus yid bzhin nor bu'i bsnyen sgrub tsha ba dmar thag_/nang sgrub bcud kyi thigs pa byin rlabs bdud rtsi'i bum pa/_'chi med rigs 'dus spros med gsang sgrub yang snying 'dus pa/_yang gsang bla med mchog gi sgrub pa snying thig gab pa'i sbas don/_gu ru rigs lnga rdo rje 'chang ltar sgrub thabs nor bu lta bu'i snying po/_bla ma mtshan brgyad rkyang sgrub yon tan gter 'byung*/_bla ma sna tshogs pa'i sgrub thabs pad+ma'i phreng ba/_gu ru zil gnon rtsal gyi sgrub thabs rin po che gter gyi 'byung ba/_bla ma drag po sna tshogs sgrub thabs me dpung rdo rje'i phreng ba/_bskyed rdzogs zung 'jug man ngag a ti thod rgal gyi sgrub thabs rigs lnga dril sgrub bcas/_gsum pa gzhan don sgrub thabs kyi skor la/_bskyed rim kha skong las bzhi'i sbyin sreg phyi nang gsang ba yang gsang bla med dang bcas pa/_zhi ba'i las tshogs rdo rje sems dpa' la brten pa'i zhi byed rten 'brel gsang ba'i sbas don/_sba lcag la brten nas nad gdon zhi ba'i byin rlabs srog rten/_rgyas pa'i las sbyor sna tshogs nor bu bsam 'phel/_mkha' 'gro'i nor sgrub DAk+ki'i yang bcud/_gtor ma'i rim pa bsod nams stobs 'phel spyod lam lam khyer bcas/_dbang gi las tshogs zhwa chos nor bu'i zhags pa/_bla ma sku gsum gyi srog 'khor bla rdo gsang ba'i gab rgya/_sman gyi sgrub thabs bdud rtsi'i bcud 'dus pad+ma'i rgya can spros med gcig sgrub/_bdud rtsi bam sgrub rdo rje'i bcud dril nor bu'i rgya can/_sgrub pa'i zhal gdams pad+ma'i snying gtam/_'gro 'dul gsung rten dang thugs rten bzhengs thabs 'gro don pad+ma'i zhags pa/_sku tshab mthong ba don ldan bzhengs pa'i thabs mthong grol pad 'byung 'dra 'bag_/sku tshab yon tan phan yon bstan pa'i dkar chag_/mkha' 'gro'i las phran sna tshogs nor bu'i gsang mdzod/_drag po'i las tshogs hU~M sgrub bde gshegs kun 'dus/_hU~M sgrub las byang rdo rje'i phreng ba/_hU~M gi phrin las bzhi sgrub/_zor zlog rlung gi 'khor lo/_las phran thor bu man ngag bcu pa zab bsdus nor bu'i phreng ba rin chen bang mdzod/_las phran dgos 'dod kun 'byung man ngag bcu gsum pa bcas/_gsum pa rdzogs chen lta ba gsang thig gi skor la/_lo rgyus gtong thun chos sde 'di'i dbur song zhing*/_thog mar sngon 'gro'i skor la/_drang don blo sbyong gi rim pa/_sngon 'gro chos spyod kyi rim pa las skyabs 'gro'i khrid/_sems bskyed khrid byang chub gru bo/_maN+Dal khrid tshogs gnyis zab pa/_rdor sems bsgom bzlas rim gsum/_bla ma'i rnal 'byor zab mo chig chod/_rjes kyi lam khyer gsum bcas/_/gnyis pa ngo sprod khrid kyi skor la/_dug lnga lam khyer gyi khrid ye shes lnga ldan/_zhi lhag gi khrid sku gsum pad+ma'i dgongs don/_byin rlabs bla ma'i rnal 'byor gud du sbas pa'i yig chung*/_bla ma sku gsum gyi ngo sprod zab khrid/_phyag rgya chen po ka dag don khrid/_gsum pa thabs lam chags lam gyi skor la/_bskyed rdzogs dbyer med nyams su len thabs rtsa rlung thig le'i de nyid/_gtum mo gsang ba'i lam khrid thabs shes e waM rgya can/_lam 'bras phyag rgya brtag pa'i rim pa DAk+ki'i yang bcud gsal ba'i me long*/_dngos gzhi zab lam nyams su len thabs/_rtsa rlung thig le'i gegs sel spyi grol rim sel bcas/_bzhi pa thod rgal man ngag gi skor la/_thod rgal gcig chod kun grol/_khrid kyi rgyab yig lung gi bang mdzod/_mkha' 'gro'i lde'u mig_/drug pa cha rkyen mtha' rten gyi skor la/_bla ma sgrub cing nyams su blangs ba'i yon tan rtags tshad nor bu'i yang bcud/_rgyags tshab bcud len dang sgom mkhar gyi man ngag_/ma bsgom sangs rgyas btags grol pad+ma'i dgongs zab sras gcig gi rgyud/_mthong grol gnad kyi man ngag myong grol sgrub thabs nyi zla'i rgya can/_'pho ba dran pa'i sangs rgyas/_bdun pa bar do ngo sprod kyi skor la/_skye gnas bar do'i khrid dug lnga lam khyer bdud dpung zil gnon/_rmi lam bar do'i gdams pa bag chags dag byed/_'chi kha bar do'i gdams pa sdug bsngal rang grol 'chi ltas dang bcas/_chos nyid bar do'i gdams pa ngo sprod thos grol/_srid pa bar do'i gdams pa srid pa'i me long bcas/_lnga pa bka'i srung ma'i skor la gnyis kyi dang po zhing skyong yab yum gyi skor ni/_bdud mgon seng gdong yab yum gyi sgrub thabs zhing skyong thal mo brdab chog_/yang zlog dpe'u ris sgrub thabs dang bcas/_seng srog tsit+ta dmar po'i rgya can/_bsad pa'i man ngag khol phyung gsang sgrub bcas/_gnyis pa bkra shis tshe ring ma'i skor la/_zhing skyong dbang gi mkha' 'gro sde lnga tshe 'phel ma'i phyi sgrub mchod byang rim pa/_nang sgrub nor bu'i bcud 'dus/_gsang sgrub bde ba bcud 'dus gsang rgya ma/_zab lam nor bu'i bcud dril mkha' 'gro'i las sbyor/_las sbyor pra brtag mngon shes sgrub thabs bcas tshang bar nos/_chos sde 'di gras zhing skyong skor zlog pa bsgral las rig 'dzin chen po'i mdzad pa/_dpal chen chos kyi don sgrub dang nam mkha' rdo rjes mdzad pa'i brgyud 'debs/_gtor 'bul bcas kyi dpe lung slar nod tshol dgos/__!__rtsa ba'i lnga pa lho brag dung phug tu gdams par mdzad pa/_chos kyi bka' gnyer dbang chen gsang ba spu gri chos skyong dgongs pa 'dus pa'i skor la/_thems can ma mo'i skor/_mgon po'i skor/_dam can rgya mtsho'i skor/_gnod sbyin gyi skor/_spyi la gces pa'i skor te lnga/_thems med gshin rje g.yul las rnam rgyal gyi skor ro/__/de la dang po ma dang 'dra ba ma mo'i skor la/_phrin las kyi rgyud khrag 'thung rol pa'i dum bu/_sngags srung snying thun rtsa ba'i rgyud le'u bcu gsum pa/_'di gong smos rgyud dgu'i grangs su gtogs pa/_e ka dzA Ti'i sgrub thabs man ngag snying thun chen mo nang gses gces pa'i byang bu bca' gzhi'i rim pa/_sgrub thabs drag sngags nor bu lugs zab pa'i snying po rgya skad can/_sgrub pa lag len thams cad kyi yig chung gsal ba'i lde'u mig_/nyams len dgongs pa gsal ba'i sgron me/_drag sngags nor bu lugs sngags kyi gces byang*/_phyir zlog zab mo sde brgyad don zab 'khor lo/_dgra bo klu la gtad thabs/_sgrol ging spu gri'i sgrub thabs me dpung ma bcas man ngag dgu skor ro/__/pho bdud las kyi mthar thug pa tsit+ta'i dug phur/_dbyings kyi ma mo'i tshul du sgrub pa'i thabs gsang ba sman gyi bum pa/_gsang ba kun 'dus kyi las byang ma mo rol pa dug mtsho 'khyil ma/_bstod bskul chen mo ral gri 'bar ba'i 'khor lo/_dbang chen srid pa chags mdos skong zlog bdud rtsi'i phreng ba/_ma mo 'khrugs skong bdud rtsi'i bum pa bcas/_gnyis pa pha dang 'dra ba mgon po'i skor la/_dpal ye shes kyi mgon po bya rog mtshan can gyi lo rgyus chen mo dga' ba'i lan tshwa/_ye shes mgon po phyag bzhi pa'i gsang sgrub spu gri dmar nag tsit+ta'i rgya can/_sgrub pa'i lhan thabs yig chung gi rim pa/_las byang dug mtsho 'khrug ba/_skong mdos gsol kha'i rim pa g.yul las rnam rgyal/_bskul byang spu gri klad gzer dmar nag_/byad zlog gshin rje'i 'khor lo bsad pa dang bcas pa/_zhi ba'i las phran 'bebs gcod la sogs pa/_rgyas pa'i las phran sku rten rab gnas/_las phran nor bu'i lde'u mig_/dbang gi las phran 'od kyi lcags kyu/_drag po'i las phran sogs gsum las dgra las thog ser dbab thabs/_brdungs nas bsad pa me hom sbrel ma/_dgra la smyo 'bogs gtong ba la sogs pa bcas/_gsum pa grogs dang 'dra ba dam can rgya mtsho'i skor la/_srog len dmar nag mched gsum gyi dril sgrub tsit+ta'i rgya can/_gter srung rdo rje legs pa'i phyi sgrub dga' lung gnas bdag thig le rtsal gyi sgrub thabs gsol kha'i rim pa/_nang ltar mon pa'i sgrub thabs rdo rje me zhags/_gsang ba ye shes pa ltar sgrub pa'i thabs me rlung dmar nag_/las byang bsdus pa phrin las bzhi sgrub/_skong bsdus re skong nor bu'i phreng ba/_bstan ma bcu gnyis kyi rgyun gsol zlog byang ma/_bla ma'i bka' srung zhing skyong thal mo brdab chog gi sgrub thabs las byang dang bcas pa/_rdzogs chen bka' srung gza' bdud mo ral can gyi sgrub thabs bcas/_bzhi pa bu dang 'dra ba gnod sbyin gyi skor la/_srog dbang las kyi tha ram/_gsang sgrub spu gri dmar 'gyed/_nor sgrub dgos 'dod kun 'byung*/_rten 'brel rdzas kyi srung ba bka' srung gtod pa'i mnan pa'i man ngag_/gnad dbab sgrub pa'i man ngag gnyan po/_yang gces bla rdo'i man ngag_/gces pa bzhi'i gnad thems zab mo/_ltas ngan 'gyed thabs cho 'phrul chen po sgrub pa/_sgrub pa'i rtags yig nges pa'i bka' rtags/_mchod byang spu gri dmar 'gyed/_phrin las bsdus pa srog gi spu gri/_skong gsol spu gri'i phreng ba/_mdos kyi rigs bde legs kun 'grub/_drag bskul phrin las myur 'grub glog zhags dmar nag_/pho brang rten bca' dam tshig bsre thabs gnyer gtad bcol gdams gnod sbyin snying gi lde'u mig bcas/_lnga pa de dag spyir gces gsang ba kun 'dus kyi las byang khrag mtsho khol ma/_las byang me'i spu gri reg 'joms dregs pa dmar 'gyed bcas tshang ba bka' drin du thob bo/__/nor bu'i rtags can rnams gsan yig du ma byung ba 'bri dus hol khongs yin nam snyam yang*/_slar gzhan nas zhu dgos shing*/bla ma tshe dbang mdun nas thob/_thems med g.yul rgyal gyi skor/_las byang gnyis/_srung zlog bsad mnan sogs lung rgyun bzhugs kyang dpe ma 'byor/_seng gdong 'khor lo'i skor tshan gnyis kyang dpe ma rnyed cing*/_chog bsgrigs skor sogs slar btsal dgos/_de ltar dgongs pa 'dus pa'i skor lnga gcig tu rdzogs pa'i chos sde chen po 'di'i rtsa ba'i dbang chen dang lung yongs su rdzogs pa'i brgyud pa ni/_chos sku snang ba mtha' yas/_longs sku rta mchog he ru ka_/slob dpon nA gArdzu na/_sprul sku pad+ma 'byung gnas/_mkha' 'gro ye shes mtsho rgyal/_dpa' bo Ar+Ya sa le/_stag sham nus ldan rdo rje/_o rgyan chos rje gling pa/_kun bzang nam mkha' rdo rje/_kun bzang pad+ma rnam rgyal/_o rgyan rta mchog chos grags/_rig 'dzin rta mgrin lhun po/_rdo rje 'dzin pa pad+ma shes rab bam bsam gtan bstan 'dzin/_rje gu Na man 'dra/_'od dpag med nang sgrub kyi dbang ni 'phel tsha chos kyi dbang phyug nas/_ras chung shes rab rgya mtsho/_karma bde gsal/_bstan 'dzin dge legs nyi ma/_ri sprul karma mkhas mchog grub pa'i dbang po/_rje gu Na man 'dra/__!__sprul pa'i gter chen bsam gtan gling pas mdo khams srin po'i lag g.yas kyi mthil gnon pa'i mtha' 'dul spu bo 'dong chu'i gtsug lag khang gi byams chen phu dung g.yon pa nas spyan drangs pa/_yi dam dgongs 'dus zhi ba'i chos sde 'jig rten dbang phyug mi tra snying thig gi grol byed dbang bskur legs par nos/_rgyab brten lung gi skor la/_kha byang dga' ba rta mgrin gsang phug gre ba'i lba ba nas phyung ba/_'dong chu'i gtsug lag khang gi dkar chag_/'jig rten dbang phyug dri med kun ldan gyi lo rgyus mthong grol drang don thugs rje'i zhags pa/_mi tra A nan+da dzo ki'i rnam par thar pa smon lam 'od kyis drwa ba pad+mas mdzad pa bcas spyi don lo rgyus kyi skor ro/__/yi ge drug pa'i sgrub thabs rtsa ba yid bzhin nor bu/_mngon rtogs rin chen gsal ba'i sgron me/_'dzab dgongs dmigs pa rnam bzhi'i phrin las kyi snying po/_sku gsum brgyud pa'i gsol 'debs byin rlabs char 'bebs/_tshogs gsog sgrib pa sbyong ba chos spyod rgyun bshags kyi rim pa las byang bram ze'i lugs tshogs gnyis rgya mtsho/_tshogs kyi 'khor lo bde chen longs spyod/_'tsho ba zas kyi rnal 'byor/_'gro 'dug phyag bskor gyi rnal 'byor bsnyen sgrub maN+Dal gyi cho ga_/gtor chog bdud rtsi kun khyab bcas bskyed rim gyi skor ro/__/sgrub pa las kyi pra khrid/_smin byed dbang bskur ye shes chu bo dkyil 'khor rnam par gsal ba'i me long*/_'dir rab gnas ye shes me long dang sAts+tsha'i cho ga bsod nams rgya mtsho gnyis thems su byung yang dpe gsum la mi 'dug_/gzungs sgrub bum pa'i cho ga bdud rtsi'i 'byung gnas/_'dir thems su las phran 'thor bu'i man ngag sman gyi rgya mtsho zhes pa snang yang dpe lung ma byung*/_de dag ni smin byed dbang dang rjes su 'brel ba'i skor ro/__/byang chub lam gyi rim pa tshigs su bcad pa nor bu'i thems skas/_byang chub lam gyi gzhi bca' skyabs 'gro sems bskyed/_byang chub kyi sems sgom don drug pa/_byang chub sems sgom pa'i man ngag rtsa ba zhi lhag gi khrid gser gyi nyi ma/_byang chub sems kyi grogs bca' ba bsngo ba'i rim pa/_byang chub sems kyi lam srong ba dam tshig gsal bshad/_byang chub sems kyi mjug bsdu ba 'chi kha 'pho ba bar do'i gdams pa/_bde chen smon lam dang bcas pa rnams grol byed gdams ngag gi skor ro/__/thems su rta mgrin la brten nas zhi ba'i las byed pa 'byung yang dpe ma byung*/_rnam thos sras kyi gsang sgrub/_dzam b+ha la'i gsang sgrub/_tshogs bdag gegs sel ba'i sgrub thabs/_tshogs kyi bdag po'i gsang sgrub/_gzhan gyi mi thub pa'i sgrub thabs/_bka' srung nor lha kun 'dus kyi las byang yid bzhin nor bu rnams ni dzaM b+ha lar brten nas rgyas pa'i las sgrub pa'i skor ro/__/mkha' 'gro rig byed ma'i sgrub thabs/_rig byed ma'i las sbyor gnyis ni dbang gi las so/__/dpal ye shes kyi mgon po'i gtor sgrub rin chen dpal 'bar ni drag po'i las so/__/thems su kha skong sbyin sreg bstan kyang dpe lung ma byung*/_de ltar smin grol gyi gdams pa cha tshang nos pa'i dbang gi brgyud pa ni gzhan du shes/_lung gi brgyud pa ni/_chos sku snang ba mtha' yas/_longs sku 'jig rten dbang phyug_/mi tra A nan+da/_sprul sku pad+ma 'byung gnas/_mkha' 'gro ye shes mtsho rgyal/_rig 'dzin chos blo mgon po/_gter chen stag sham rdo rje sogs nas rim par brgyud de/_ri sprul karma nges don/_rje gu Na man 'dra/__!__stag sham nus ldan rdo rjes mdo khams srin mo stag gdong ma'i gnas/_stag tshang seng ge gdong ngam gtsang gshis rdo rje gro lod du grags pa'i gnas srin mo'i mkhal ma 'dra ba'i pha bong gi steng lhung bzed kha sbubs pa lta bu'i brag nas/_srog rten phur pa dam rdzas jo mo'i dbu lo sogs dang lhan cig tu spyan drangs te mkha' 'gro sha za'i yi ge las bod skad du phab par mdzad pa/_rta mgrin dgongs pa 'dus pa'i mkha' 'gro'i bka' srung du gtogs pa/_bdud 'dul drag mo seng ge'i gdong pa can gyi chos skor la smin byed dbang dang*/_grol byed gdams pa'i skor gnyis/_dang po bum dbang srog gi tha ram/_don dbang bsdus pa/_srung zlog bsad gsum gyi rjes gnang bcas tshang bar nos/_gnyis pa la/_lo rgyus mkha' 'gro'i chos 'byung gnam lcags phreng ba/_de'i thems las bstan pa'i chos sde'i rtsa ba/_gnam lcags thog gi rgyud le'u bco lnga pa/_dbang skor ma bzhi ni/_bum dbang rim pa bdud rtsi'i snying po srog gi tha ram/_mngon rtogs sgom pa'i rim pa nyi zla'i rgya can/_las byang rgyas pa bdud rtsi'i sprin char/_las byang bsdus pa myur mgyogs glog phreng*/_bu bzhi ni/_bstod byang gnam lcags phreng ba/_mdangs skong bar chad kun sel/_skul 'bum thog gi phreng ba/_bzlog pa gnam lcags ral gri/_'khor lo 'di'i gsham du khyung zlog zor lam gyi las phran gnyis bsdoms pas smin byed yan lag bcas pa'i chos skor bcu'o/__/sgrub skor ma bzhi ni/_phyi sgrub gnam lcags phreng ba gri gug rgya can/_nang sgrub snang srid dbang sdud lcags kyu'i rgya can/_gsang sgrub gnam lcags yang snying bum pa'i rgya can/_yang gsang bla med mchog gi sgrub thabs gsang ba'i bcud dril/_bu lnga ni/_srog rten phur pa khams gsum zil gnon mkha' 'gro ma'i bla rdo tsit+ta'i gwa'u/_bla rdo srog 'khor yig chung gnam lcags rgya can/_phyi nang gsang ba'i rtags tshad nyi zla'i snying po nyi zla'i rgya can/_myang grol ril bu sgrub thabs mkha' spyod bdud rtsi'i bcud thig_/gsang sgrub gab rgya tsit+ta'i rgya can las phran bcas dpe rnams su gong du 'brel mar yod cing zur du mi 'dren/_bcud len dngos grub snying po thod bum rgya can/_ma bzhi bu lnga'i yang snying rdzogs rim tsaN+Da li rdo rje'i bzlas pa gnad dbab dang bcas pa/_las sbyor gyi skor las thog mar zhi ba'i las la/_srung 'khor rdo rje pha lam byad zlog khrag 'thung sde lnga ma gcig la nang tshan bu drug tu dbye ba/_bza' srung rdo rje'i go cha/_rdzas srung lcags mchu nag mo/_rdzas rgod rdo rje'i rdzong chen/_za yig bdud rtsi'i rgya mtsho nyes pa zhi byed/_phyugs nad srung ba'i 'khor lo/_god kha gcod pa'i man ngag bcas nang gses dang bcas pa'i dum bu bcu'o/__/rgyas pa'i las la/_tshe nor sgrub thabs gsang ba'i bcud 'dus yid bzhin nor bu la nang gses/_tshe sgrub 'chi med bde ster ma la nor sgrub bsod nams 'od 'bar bu 'brel/_ro rdi don grub ma'i sgrub thabs pad+ma'i dbang zhags dgos 'dod kun 'byung*/_lha mo brtan ma'i sgrub thabs las tshogs dang bcas pa'i ma la/_yig chung gser gyi lde'u mig bu 'brel bas dum bu lnga'o/__/dbang gi las la/_khams gsum snang srid dbang sdud me rlung nor bu pad+ma'i zhags pa/_mu dra dbang sdud myur mgyogs glog zhags/_khams gsum dbang sdud gsang ba'i gwa'u ste ma gsum/_dbang phyug yab yum sgrub thabs lcags kyu'i rgya can/_de'i tsakra srog 'khor bri thabs nor bu pad+ma'i rgya can te bu yig gcig_/nang gsang gnyis kyi las mtha' kha sgyur bdud rtsi'i bum pa ste las phran gcig bcas du bu lnga'o/_drag po'i las la srung zlog bsad gsum gyi gzer man ngag dmigs bzlas zab mo mkha' 'gro'i thugs khrag_/bsad pa'i man ngag zlog med las kyi mtshon cha/_nus can bcom pa'i man ngag snying gi khrag zhags/_hom sgrub rlung sgrub gnyis kyi man ngag yang gsang sbas pa'i dug mda' ngag mnan bcas dum bu lnga dang*/_rdo zor drag po rdo rje pha lam/_reg chod rlung gi spu gri_/khrag mtsho dug mtsho zor skul las byed rlung gi spu gri gsum ni thems su las bzhi spyi gces su gsungs kyang*/_drag po'i mtha' sbyar bar mdzad do/_kun gyi kha skong las bzhi'i sbyin sreg phrin las lhun grub bka' srung dam can spyang zhon thig le rtsal gyi sgrub thabs bcas/_g.yu sgron ma dang btsan gyi gsol kha dpe lung ma byung*/_thems su ma bstan pa'i chos sde bdun ni/_don dbang bsdus pa byin rlabs ye shes/_srung zlog bsad gsum/_rjes gnang mkha' 'gro'i srog gi tha ram/_'dzab bsnyen gnam lcags thog phreng*/_mkha' 'gro 'bum skong dngos grub char rgyun/_yang gsang bla med gcig dril du sgrub pa'i thabs tsit+ta'i rgya can gab rgya ma/_zhi ba'i sngags kyi las mtha' khyad par can dang*/_drag po'i sngags kyi las tshogs/_yang zlog gnam lcags ral gri bcas legs par thob pa'i dbang rnams kyi brgyud pa ni/_rdo rje rnal 'byor ma/_shAkya seng+ge/_bdud 'dul mtsho rgyal ma/_Ar+Ya sa le/_stag sham nus ldan rdo rje/_chos bdag bsam gtan bstan 'dzin/_gsang sngags bstan 'dzin/_chos kyi dbang phyug sogs nas rim par brgyud/__gu ru ma Ni/_rdo rje 'dzin dbang karma theg mchog bstan 'phel/_rje gu Na man 'dra/_yang don dbang dang*/_bklag lung yongs su rdzogs pa'i brgyud pa ni/_gter chen nus ldan rdo rje nas/_dkon mchog dge legs nam mkha' rdo rje/_kun bzang pad+ma rnam rgyal/_rta mchog chos grags/_rta mgrin lhun po/_rdo rje slob dpon bsam gtan bstan 'dzin/_rje gu Na man 'dra/__!__gter chen bsam gtan gling pas lho stod dpal gyi brag gu ru pad+ma'i sgrub phug gsang ba yang le shod nas khrom gter du spyan drangs pa/_dgongs 'dus 'gro ba kun grol dang thugs sgrub gser zhun ma'i cha rkyen o rgyan pad+ma'i rnam thar dri ma med pa'i rgyan ces bya ba bka'i thang yig chen mo/_skabs bcu gnyis/_le'u lnga bcu'i bdag nyid can dang*/_lho rong gangs kyi ra ba chu bdag nag po stong rgyug gi lag nas spyan drangs pa/_bod kyi jo mo ye shes mtsho rgyal gyi mdzad tshul rnam par thar pa gab pa mngon phyung rgyud mang dri za'i glu phreng skabs brgyad pa bcas kyi bklag lung legs par thob pa'i brgyud pa ni/_chos longs sprul gsum mkha' 'gro bcas/_dpa' bo bsam gtan rdo rje/_dkon mchog dge legs nam mkha' rdo rje/_kun bzang pad+ma rnam rgyal/_rta mchog chos grags/_rta mgrin lhun po/_rdo rje slob dpon bsam gtan bstan 'dzin/_rje pad+ma gar gyi dbang phyug dang*/_rje many+dzu g+ho Sha gnyis ka las rje drung byams pa 'byung gnas/_des las bka' 'gyur rin po che klong chen ye shes rdo rje zhal snga nas bdag mang+ga lar bka' drin du bstsal ba'o//

Footnotes

Other Information

Retrieved from "https://khyentselineage.tsadra.org/index.php?title=DKR-KABUM-25-RA-009&oldid=53739"
Khyentse Lineage
Collected Works of the Masters
A Tsadra Foundation initiative designed to house the writings and revelations of the masters of the Khyentse lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Khyentse Lineage Project, a Tsadra Foundation initiative designed to house the writings and revelations of the masters of the Khyentse lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.