JKW-KABUM-15-BA-010-005

Previous Section Back to Volume PageNext Section

Wylie title		page=1
Location	mkhyen brtse'i bka' 'bum Volume 10, sde tshan 5, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

དེའི་རིམ་ལྔའི་བསྡུས་དོན། བདེ་མཆོག་སངས་རྒྱས་མཉམ་སྦྱོར་གྱི་བསྐྱེད་རྫོགས་རིམ་ལྔ་རིན་ཆེན་ཕྲེང་བའི་བསྡུས་དོན་བཞུགས། ན་མོ་གུ་རུ་ཤྲཱི་ཧེ་རུ་ཀ་ཡ། བདེ་མཆོག་སངས་རྒྱས་མཉམ་སྦྱོར་གྱི་བསྐྱེད་རྫོགས་རིམ་ལྔ་རིན་ཆེན་ཕྲེང་བ་འདི་འཆད་པ་ལ་གསུམ། རྒྱུ་མ་ནོར་བ་བསྐྱེད་རྫོགས་ལ་འཇུག་པའི་གཞི་མདོར་བསྟན་པ། རྐྱེན་མ་འཁྲུལ་བ་རྣལ་འབྱོར་སྒོམ་པའི་ལམ་རྒྱས་པར་བཤད་པ། ལམ་དེས་མཐར་ཐུག་གི་འབྲས་བུ་ཇི་ལྟར་འགྲུབ་པའི་ཚུལ་གྱིས་མཇུག་བསྡུ་བའོ། །དང་པོ་ལ་གསུམ། ལམ་གྱི་རྩ་བ་བླ་མ་བཙལ་བ། ཇི་ལྟར་བསྟེན་པ། སྨིན་གྲོལ་གྱིས་རྒྱུད་སྦྱང་བའོ། །གཉིས་པ་ལམ་ལ་ལྔ། དང་པོ་བསྐྱེད་རིམ། གཉིས་པ་རླུང་། གསུམ་ལ་ཕོ་ཉ། བཞི་པ་འོད་གསལ། ལྔ་པ་རྨི་ལམ་གྱི་རྣལ་འབྱོར་རོ། །དང་པོ་ལ་གསུམ། སྦྱོར་བ་བསྐྱེད་པའི་རིམ་པའི་གསལ་སྣང་སྒྲུབ་ཚུལ། དངོས་གཞི་དེ་ལས་ཉམས་སྐྱེ་ཚུལ། རྗེས་བསྐྱེད་རིམ་གྱི་གྲུབ་མཐའ་ཇི་ལྟར་རྫོགས་པའི་ཚུལ་ལོ། །དང་པོ་ལ་གསུམ། ཏིང་ངེ་འཛིན་གསུམ་གྱིས་ཁོག་ཕུབ་པ། རྟེན་དང་བརྟེན་པའི་ཕྱག་རྒྱ་བསྐྱེད་པ། དམིགས་པའི་གཙོ་བོ་བདེ་སྟོང་གི་ལྷ་སྐུ་ལ་བསླབ་པའོ། །གཉིས་པ་རླུང་གི་རྣལ་འབྱོར་ལ་གསུམ། སྦྱོར་བ་སྟོང་ར་སྦྱང་བ། དངོས་གཞི་རླུང་དང་གཏུམ་མོ། །རྗེས་ཉམས་སྐྱེ་ཚུལ་ལོ། །གསུམ་པ་ཕོ་ཉའི་རྣལ་འབྱོར་ལ་གསུམ། སྦྱོར་བ་རིག་མ་འདུ་བྱ་བ། དངོས་གཞི་བདེ་བ་བསྒྲུབ་པ། རྗེས་བདེ་སྟོང་ཟུང་འཇུག་ཏུ་ལ་བཟླ་བའོ། །བཞི་པ་འོད་གསལ་གྱི་རྣལ་འབྱོར་ལ་གསུམ། སྦྱོར་བ་བདེ་བའི་འོད་གསལ་ངོ་སྤྲད་པ། དངོས་གཞི་དཔེ་དོན་གྱི་ཉམས་མྱོང་སྐྱོང་ཚུལ། རྗེས་ཡེ་ཤེས་ཇི་ལྟར་འཆར་བའི་རིམ་པའོ། །ལྔ་པ་དེའི་བོགས་འདོན་རྨི་ལམ་གྱི་རྣལ་འབྱོར་ལ་གསུམ། སྦྱོར་བ་རྨི་ལམ་སྦྱོང་བ། དངོས་གཞི་ཡེ་ཤེས་སྤེལ་བ། རྗེས་འོད་གསལ་དང་བསྲེ་བའོ། །གསུམ་པ་ལམ་དེས་འབྲས་བུ་འགྲུབ་པའི་ཚུལ་ལ་གསུམ། བསྒྲུབ་བྱའི་ངོ་བོ། སྒྲུབ་བྱེད་ཀྱི་ཐབས། ཇི་ལྟར་འགྲུབ་པའི་ཚུལ་ལོ། །ཞེས་པའང་བླ་མའི་ཞལ་ལུང་ལྟར་གར་དབང་འོད་གསལ་གླིང་པས་བྲིས་པ་དགེ། །། ༈

[edit]

de'i rim lnga'i bsdus don/__ bde mchog sangs rgyas mnyam sbyor gyi bskyed rdzogs rim lnga rin chen phreng ba'i bsdus don bzhugs/__na mo gu ru shrI he ru ka ya/__bde mchog sangs rgyas mnyam sbyor gyi bskyed rdzogs rim lnga rin chen phreng ba 'di 'chad pa la gsum/__rgyu ma nor ba bskyed rdzogs la 'jug pa'i gzhi mdor bstan pa/__rkyen ma 'khrul ba rnal 'byor sgom pa'i lam rgyas par bshad pa/__lam des mthar thug gi 'bras bu ji ltar 'grub pa'i tshul gyis mjug bsdu ba'o/__/dang po la gsum/__lam gyi rtsa ba bla ma btsal ba/__ji ltar bsten pa/__smin grol gyis rgyud sbyang ba'o/__/gnyis pa lam la lnga/__dang po bskyed rim/__gnyis pa rlung /__gsum la pho nya/__bzhi pa 'od gsal/__lnga pa rmi lam gyi rnal 'byor ro/__/dang po la gsum/__sbyor ba bskyed pa'i rim pa'i gsal snang sgrub tshul/__dngos gzhi de las nyams skye tshul/__rjes bskyed rim gyi grub mtha' ji ltar rdzogs pa'i tshul lo/__/dang po la gsum/__ting nge 'dzin gsum gyis khog phub pa/__rten dang brten pa'i phyag rgya bskyed pa/__dmigs pa'i gtso bo bde stong gi lha sku la bslab pa'o/__/gnyis pa rlung gi rnal 'byor la gsum/__sbyor ba stong ra sbyang ba/__dngos gzhi rlung dang gtum mo/__/rjes nyams skye tshul lo/__/gsum pa pho nya'i rnal 'byor la gsum/__sbyor ba rig ma 'du bya ba/__dngos gzhi bde ba bsgrub pa/__rjes bde stong zung 'jug tu la bzla ba'o/__/bzhi pa 'od gsal gyi rnal 'byor la gsum/__sbyor ba bde ba'i 'od gsal ngo sprad pa/__dngos gzhi dpe don gyi nyams myong skyong tshul/__rjes ye shes ji ltar 'char ba'i rim pa'o/__/lnga pa de'i bogs 'don rmi lam gyi rnal 'byor la gsum/__sbyor ba rmi lam sbyong ba/__dngos gzhi ye shes spel ba/__rjes 'od gsal dang bsre ba'o/__/gsum pa lam des 'bras bu 'grub pa'i tshul la gsum/__bsgrub bya'i ngo bo/__sgrub byed kyi thabs/__ji ltar 'grub pa'i tshul lo/__/zhes pa'ang bla ma'i zhal lung ltar gar dbang 'od gsal gling pas bris pa dge/___//__!