JKW-KABAB-05-CA-027

Previous Text"CA" is not a number. Back to Volume Page"CA" is not a number.Next Text "CA" is not a number.

Wylie title
Location	mkhyen brtse'i bka' babs Volume , Text 27, Pages (Folios to )
Author	[[ | ]]
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation
Genre	Revelations - gter ma
Karchag page	JKW-KABAB-Volume-02-KHA-Karchag"CA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"CA" is not a number.</li></ul>

Tibetan Text

Wylie

[edit]

༄༅། །བཀའ་འདུས་སྒྲུབ་ཆེན་བཟླས་པའི་སྐབས་སུ་ཛབ¿་བསྐུལ་རྒྱས་པར་སྤྲོ་ན། གཙོ་བོ་ལ། ཧཱུྃ༔ ཡེ་ཤེས་གཞལ་ཡས་རྩ་བའི་དཀྱིལ་འཁོར་ན༔ རིགས་ཀུན་བདག་པོ་སྤྱི་དཔལ་ཧེ་རུ་ཀ༔ གཉིས་མེད་ཡུམ་འཁྱུད་རིག་མདངས་སྤྲུལ་པའི་འཁོར༔ དྲུག་བརྒྱ་རེ་དྲུག་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་ཆས་རྣམས་རྫོགས༔ གསུང་ནི་སྒྲ་སྒྲོགས་སྔགས་ཀྱི་སྒྲ༔ ཐུགས་ནི་སྒྲོལ་མཛད་སྲོག་དང་བཅས༔ ཛབ¿་ཀྱིས་རྒྱུད་བསྐུལ་སྐུ་གསུང་ཐུགས༔ ཕཊ་ཀྱིས་སྤྲོས་པས་སྟོང་གསུམ་གང་༔ མ་གསལ་བར་དུ་བསྐྱེད་ཅིང་བསྒོམ༔ མ་གྲུབ་བར་དུ་མི་བཏང་ངོ་༔ ཞེས་དང༌། འཁོར་རྣམས་ལ། ཧཱུྃ༔ ཤར་སྟོད་བྱམས་པ་ཆེན་པོའི་དཀྱིལ་འཁོར་ན༔ ཁྱབ་བརྡལ་ཡེ་ཤེས་ཡང་དག་ཧེ་རུ་ཀ༔ དབྱིངས་ཕྱུག་ཡུམ་འཁྱུད་རིག་མདངས་སྤྲུལ་པའི་འཁོར༔ དྲུག་ཅུ་རྩ་བརྒྱད་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ ཤར་སྲིབ་སྙིང་རྗེ་ཆེན་པོའི་དཀྱིལ་འཁོར་ན༔ སྟོབས་ལྡན་ཡེ་ཤེས་རྡོ་རྗེ་ཕྲེང་བ་ཆེ༔ སྣང་དབྱིངས་ཡུམ་འཁྱུད་རིག་མདངས་སྤྲུལ་པའི་འཁོར༔ བརྒྱ་དང་རྩ་བརྒྱད་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ ཤར་དབུས་དགའ་བའི་དཀྱིལ་འཁོར་ཆེན་པོ་ན༔ འབར་བའི་ཡེ་ཤེས་དཔལ་ཆེན་གསང་བའི་བདག༔ དབང་སྡུད་ཡུམ་འཁྱུད་རིག་མདངས་སྤྲུལ་པའི་འཁོར༔ རྣམ་གྲངས་བརྒྱད་ཅུ་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ ཤར་སྨད་བཏང་སྙོམས་ཆེན་པོའི་དཀྱིལ་འཁོར་ན༔ ཡིད་བཞིན་ཡེ་ཤེས་རྡོ་རྗེ་རྩལ་ཆེན་རྫོགས༔ བདེ་མ་ཡུམ་འཁྱུད་རིག་མདངས་སྤྲུལ་པའི་འཁོར༔ སུམ་ཅུ་རྩ་དྲུག་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས༔ ཧཱུྃ༔ ལྷོ་སྟོད་སྦྱིན་པ་ཆེན་པོའི་དཀྱིལ་འཁོར་ན༔ ཆགས་བྲལ་ཡེ་ཤེས་རྡོ་རྗེ་ཐོད་ཕྲེང་རྩལ༔ སྦྱོར་བའི་ཡུམ་འཁྱུད་རིག་མདངས་སྤྲུལ་པའི་འཁོར༔ མཁའ་འགྲོ་བརྒྱད་ཅུ་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ ལྷོ་སྲིབ་ངག་སྙན་སྨྲ་བའི་དཀྱིལ་འཁོར་ན༔ བདེ་ཆེན་ཡེ་ཤེས་འཁོར་ལོ་བདེ་བའི་མཆོག༔ རྣལ་འབྱོར་མས་འཁྱུད་རིག་མདངས་སྤྲུལ་པའི་འཁོར༔ དྲུག་ཅུ་རྩ་གཉིས་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ ལྷོ་དབུས་དོན་མཐུན་རོལ་པའི་དཀྱིལ་འཁོར་ན༔ གཏུམ་རྔམས་ཡེ་ཤེས་བཅོམ་ལྡན་གཤིན་རྗེའི་གཤེད༔ ཟ་བྱེད་ཡུམ་འཁྱུད་རིག་མདངས༴ དྲུག་ཅུ་རྩ་ལྔ་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ ལྷོ་སྨད་དོན་སྤྱོད་རོལ་པའི་དཀྱིལ་འཁོར་ན༔ བསམ་འཕེལ་ཡེ་ཤེས་ཀུན་འབྱུང་རཏྣ་རྩལ༔ སྦྱོར་བའི་ཡུམ་འཁྱུད་རིག༴ ལྔ་བཅུ་རྩ་ལྔ་རྫོགས་པའི་ལྷ་ཚོགས༴ སྐུ་ནི་དུར་ཁྲོད་སོགས། ཧཱུྃ༔ ནུབ་སྟོད་འདོད་པ་ཟག་མེད་དཀྱིལ་འཁོར་ན༔ སོར་རྟོག་ཡེ་ཤེས་པདྨ་རྟ་མགྲིན་རྒྱལ༔ རལ་གཅིག་ཡུམ་འཁྱུད་རིག་མདངས༴ ལྔ་བཅུ་རྩ་ལྔ་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ ནུབ་སྲིབ་མ་རིག་ཟག་མེད་དཀྱིལ་འཁོར་ན༔ དགའ་ཆེན་ཡེ་ཤེས་དགྱེས་པའི་རྡོ་རྗེ་བཞད༔ བདག་མེད་ཡུམ་འཁྱུད་རིག་མདངས༴ དྲུག་ཅུ་རྩ་ལྔ་རྫོགས་པའི༴ སྐུ་ནི་དུར་ཁྲོད་སོགས། ཧཱུྃ༔ ནུབ་དཀྱིལ་སྲེད་པ་ཟག་མེད་དཀྱིལ་འཁོར་ན༔ འོད་གསལ་ཡེ་ཤེས་བདེ་གཤེགས་གསང་བ་འདུས༔ མཁའ་སྤྱོད་ཡུམ་ཁྱུད་རིག༴ བརྒྱ་དང་སུམ་ཅུ་རྫོགས་པའི༴ སྐུ་ནི་སོགས། ཧཱུྃ༔ ནུབ་སྨད་ལྟ་བ་ཟག་མེད་དཀྱིལ་འཁོར་ན༔ རྣམ་དག་ཡེ་ཤེས་པདྨ་རྩལ་ཆེན་པོ༔ འོད་སྐོར་ཡུམ་འཁྱུད་རིག་མདངས༴ དགུ་བཅུ་རྩ་བརྒྱད་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ བྱང་སྟོད་ཆོས་ཀུན་སྟོང་ཉིད་དཀྱིལ་འཁོར་ན༔ ཟུང་འཇུག་ཡེ་ཤེས་ཁྲག་འཐུང་ཆེ་བའི་མཆོག༔ དབྱིངས་ཕྱུག་ཡུམ་འཁྱུད་རིག༴ བདུན་ཅུ་རྩ་གཉིས་རྫོགས༴ སྐུ་ནི་དུར་ཁྲོད་སོགས། ཧཱུྃ༔ བྱང་སྲིབ་མཚན་མ་མེད་པའི་དཀྱིལ་འཁོར་ན༔ རྟོག་བྲལ་ཡེ་ཤེས་དུས་ཀྱི་འཁོར་ལོ་དཔལ༔ ཛྙཱ་ན་ཡུམ་འཁྱུད་རིག་མདངས༴ བརྒྱ་དང་རེ་བཞི་རྫོགས་པའི་ལྷ་ཚོགས༴ སྐུ་ནི་དུར་ཁྲོད་སོགས། ཧཱུྃ༔ བྱང་དཀྱིལ་སྨོན་པ་མེད་པའི་དཀྱིལ་འཁོར་ན༔ འདོད་འབྱུང་ཡེ་ཤེས་ཟག་མེད་མཁའ་ཀློང་འཁྱིལ༔ ཨུ་ཙུཥྨར་འཁྱུད་རིག༴ བརྒྱ་དང་བཅུ་བདུན་རྫོགས་པའི༴ སྐུ་ནི་དུར་ཁྲོད་སོགས། ཧཱུྃ༔ བྱང་སྨད་འདུ་མི་བྱེད་པའི་དཀྱིལ་འཁོར་ནཿ ཤུགས་འཆང་ཡེ་ཤེས་ཐོགས་མེད་ཀརྨ་རྩལ༔ ཟིལ་གནོན་ཡུམ་འཁྱུད་རིག་མདངས༴ བརྒྱ་དང་ལྔ་བཅུ་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ ཤར་ལྷོ་ལུས་དྲན་ཉེར་གཞག་དཀྱིལ་འཁོར་ན༔ ཐིག་ལེ་ཡེ་ཤེས་བླ་མེད་མངོན་རྫོགས་རྒྱལ༔ ཉིད་ཞི་ཡུམ་འཁྱུད་རིག༴ བདུན་ཅུ་རྩ་བཞི་རྫོགས་པའི༴ སྐུ་ནི་དུར་ཁྲོད་སོགས། ཧཱུྃ༔ ལྷོ་ནུབ་ཚོར་དྲན་ཉེར་གཞག་དཀྱིལ་འཁོར་ན༔ བདུད་འཇོམས་ཡེ་ཤེས་བཛྲ་ཀཱི་ལ་ཡ༔ རྒྱས་འདེབས་ཡུམ་འཁྱུད་རིག༴ བརྒྱད་ཅུ་རྩ་བཞི་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ ནུབ་བྱང་སེམས་དྲན་ཉེར་གཞག་དཀྱིལ་འཁོར་ན༔ བགེགས་འདུལ་ཡེ་ཤེས་དྲེགས་པ་ཐམས་ཅད་འདུལ༔ སྤྱི་འདུལ་ཡུམ་འཁྱུད་རིག་མདངས༴ དྲེགས་པ་བཞི་བཅུ་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཧཱུྃ༔ བྱང་ཤར་ཆོས་དྲན་ཉེར་གཞག་དཀྱིལ་འཁོར་ན༔ མངོན་སྤྱོད་ཡེ་ཤེས་དཔལ་ཆེན་སྟོབས་ལྡན་ནག༔ འབྱུང་ལྔའི་བདག་འཁྱུད་རིག་མདངས༴ ཉི་ཤུ་རྩ་བརྒྱད་རྫོགས་པའི་ལྷ་ཚོགས་རྣམས༔ སྐུ་ནི་དུར་ཁྲོད་སོགས། ཁྲོ་བོ་སྤྱི་དྲིལ་ལ། ཧཱུྃ༔ ཚོམ་བུ་ཉེར་གཅིག་འབར་བའི་དཀྱིལ་འཁོར་ན༔ ཡེ་ཤེས་ཉེར་གཅིག་ཀུན་ཏུ་མ་འདྲེས་མདངས༔ དཔལ་ཆེན་ཉེར་གཅིག་བཀའ་འདུས་ལྷ་ཚོགས་རྣམས༔ སྐུ་ནི་སོགས། ཞེས་སྦྱར་ལ་སོ་སོའི་བཟླས་པ་བྱ་ཞིང༌། མཐར་རེ་རེ་བཞིན་སྟོང་ཚིགས་ཀྱི་མཆོད་པའང་བྱའོ། །ཞེས་པའང་བཛྲ་ཛྙཱ་ནས་སོ།། །།

[edit]

@#/__/bka' 'dus sgrub chen bzlas pa'i skabs su dzab[¿] bskul rgyas par spro na/__gtso bo la/__hU~M:__ye shes gzhal yas rtsa ba'i dkyil 'khor na:__rigs kun bdag po spyi dpal he ru ka:__gnyis med yum 'khyud rig mdangs sprul pa'i 'khor:__drug brgya re drug rdzogs pa'i lha tshogs rnams:__sku ni dur khrod chas rnams rdzogs:__gsung ni sgra sgrogs sngags kyi sgra:__thugs ni sgrol mdzad srog dang bcas:__dzab[¿] kyis rgyud bskul sku gsung thugs:__phaT kyis spros pas stong gsum gang :__ma gsal bar du bskyed cing bsgom:__ma grub bar du mi btang ngo :__zhes dang*/__'khor rnams la/__hU~M:__shar stod byams pa chen po'i dkyil 'khor na:__khyab brdal ye shes yang dag he ru ka:__dbyings phyug yum 'khyud rig mdangs sprul pa'i 'khor:__drug cu rtsa brgyad rdzogs pa'i lha tshogs rnams:__sku ni dur khrod sogs/__hU~M:__shar srib snying rje chen po'i dkyil 'khor na:__stobs ldan ye shes rdo rje phreng ba che:__snang dbyings yum 'khyud rig mdangs sprul pa'i 'khor:__brgya dang rtsa brgyad rdzogs pa'i lha tshogs rnams:__sku ni dur khrod sogs/__hU~M:__shar dbus dga' ba'i dkyil 'khor chen po na:__'bar ba'i ye shes dpal chen gsang ba'i bdag:__dbang sdud yum 'khyud rig mdangs sprul pa'i 'khor:__rnam grangs brgyad cu rdzogs pa'i lha tshogs rnams:__sku ni dur khrod sogs/__hU~M:__shar smad btang snyoms chen po'i dkyil 'khor na:__yid bzhin ye shes rdo rje rtsal chen rdzogs:__bde ma yum 'khyud rig mdangs sprul pa'i 'khor:__sum cu rtsa drug rdzogs pa'i lha tshogs rnams:__sku ni dur khrod sogs:__hU~M:__lho stod sbyin pa chen po'i dkyil 'khor na:__chags bral ye shes rdo rje thod phreng rtsal:__sbyor ba'i yum 'khyud rig mdangs sprul pa'i 'khor:__mkha' 'gro brgyad cu rdzogs pa'i lha tshogs rnams:__sku ni dur khrod sogs/__hU~M:__lho srib ngag snyan smra ba'i dkyil 'khor na:__bde chen ye shes 'khor lo bde ba'i mchog:__rnal 'byor mas 'khyud rig mdangs sprul pa'i 'khor:__drug cu rtsa gnyis rdzogs pa'i lha tshogs rnams:__sku ni dur khrod sogs/__hU~M:__lho dbus don mthun rol pa'i dkyil 'khor na:__gtum rngams ye shes bcom ldan gshin rje'i gshed:__za byed yum 'khyud rig mdangs=__drug cu rtsa lnga rdzogs pa'i lha tshogs rnams:__sku ni dur khrod sogs/__hU~M:__lho smad don spyod rol pa'i dkyil 'khor na:__bsam 'phel ye shes kun 'byung rat+na rtsal:__sbyor ba'i yum 'khyud rig=__lnga bcu rtsa lnga rdzogs pa'i lha tshogs=__sku ni dur khrod sogs/__hU~M:__nub stod 'dod pa zag med dkyil 'khor na:__sor rtog ye shes pad+ma rta mgrin rgyal:__ral gcig yum 'khyud rig mdangs=__lnga bcu rtsa lnga rdzogs pa'i lha tshogs rnams:__sku ni dur khrod sogs/__hU~M:__nub srib ma rig zag med dkyil 'khor na:__dga' chen ye shes dgyes pa'i rdo rje bzhad:__bdag med yum 'khyud rig mdangs=__drug cu rtsa lnga rdzogs pa'i=__sku ni dur khrod sogs/__hU~M:__nub dkyil sred pa zag med dkyil 'khor na:__'od gsal ye shes bde gshegs gsang ba 'dus:__mkha' spyod yum khyud rig=__brgya dang sum cu rdzogs pa'i=__sku ni sogs/__hU~M:__nub smad lta ba zag med dkyil 'khor na:__rnam dag ye shes pad+ma rtsal chen po:__'od skor yum 'khyud rig mdangs=__dgu bcu rtsa brgyad rdzogs pa'i lha tshogs rnams:__sku ni dur khrod sogs/__hU~M:__byang stod chos kun stong nyid dkyil 'khor na:__zung 'jug ye shes khrag 'thung che ba'i mchog:__dbyings phyug yum 'khyud rig=__bdun cu rtsa gnyis rdzogs=__sku ni dur khrod sogs/__hU~M:__byang srib mtshan ma med pa'i dkyil 'khor na:__rtog bral ye shes dus kyi 'khor lo dpal:__dz+nyA na yum 'khyud rig mdangs=__brgya dang re bzhi rdzogs pa'i lha tshogs=__sku ni dur khrod sogs/__hU~M:__byang dkyil smon pa med pa'i dkyil 'khor na:__'dod 'byung ye shes zag med mkha' klong 'khyil:__u tsuSh+mar 'khyud rig=__brgya dang bcu bdun rdzogs pa'i=__sku ni dur khrod sogs/__hU~M:__byang smad 'du mi byed pa'i dkyil 'khor naH__shugs 'chang ye shes thogs med karma rtsal:__zil gnon yum 'khyud rig mdangs=__brgya dang lnga bcu rdzogs pa'i lha tshogs rnams:__sku ni dur khrod sogs/__hU~M:__shar lho lus dran nyer gzhag dkyil 'khor na:__thig le ye shes bla med mngon rdzogs rgyal:__nyid zhi yum 'khyud rig=__bdun cu rtsa bzhi rdzogs pa'i=__sku ni dur khrod sogs/__hU~M:__lho nub tshor dran nyer gzhag dkyil 'khor na:__bdud 'joms ye shes badz+ra kI la ya:__rgyas 'debs yum 'khyud rig=__brgyad cu rtsa bzhi rdzogs pa'i lha tshogs rnams:__sku ni dur khrod sogs/__hU~M:__nub byang sems dran nyer gzhag dkyil 'khor na:__bgegs 'dul ye shes dregs pa thams cad 'dul:__spyi 'dul yum 'khyud rig mdangs=__dregs pa bzhi bcu rdzogs pa'i lha tshogs rnams:__sku ni dur khrod sogs/__hU~M:__byang shar chos dran nyer gzhag dkyil 'khor na:__mngon spyod ye shes dpal chen stobs ldan nag:__'byung lnga'i bdag 'khyud rig mdangs=__nyi shu rtsa brgyad rdzogs pa'i lha tshogs rnams:__sku ni dur khrod sogs/__khro bo spyi dril la/__hU~M:__tshom bu nyer gcig 'bar ba'i dkyil 'khor na:__ye shes nyer gcig kun tu ma 'dres mdangs:__dpal chen nyer gcig bka' 'dus lha tshogs rnams:__sku ni sogs/__zhes sbyar la so so'i bzlas pa bya zhing*/__mthar re re bzhin stong tshigs kyi mchod pa'ang bya'o/__/zhes pa'ang badz+ra dz+nyA nas so//__//