JKCL-KABUM-11-DA-102

Previous Text Back to Volume PageNext Text

Wylie title
Location	chos kyi blo gros bka' 'bum Volume 11, Text 102, Pages (Folios 1a to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: . Bir, H.P.: Khyentse Labrang, 2012.
Genre

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

གཟི་ཕུག་ལུང་གི་བསང་མཆོད་བཞུགས། ཀྱཻ། དག་པ་རབ་འབྱམས་ལྷ་ཡི་གཞལ་མེད་ཁང་། །བཀྲ་ཤིས་བྱིན་ཆགས་སྦས་ཡུལ་གཉན་པོ་ནི། །རྩ་གསུམ་ནོར་ལྷ་རྒྱ་མཚོ་བརྟེན་པའི་གནས། །ཁྱད་པར་རྗེ་བཙུན་འཕགས་མ་སྒྲོལ་མ་དང་། །རྣམ་འཕྲུལ་ཉེར་གཅིག་སངས་རྒྱས་བྱང་སེམས་ཚོགས། །མངོན་སུམ་བཞུགས་པའི་སྒྲུབ་གནས་གཉན་པོ་ཡི། །རྟེན་དང་བརྟེན་པར་བཅས་པ་ཐམས་ཅད་བསང་། ཀྱཻ། ཕྱེ་མར་ཤིང་རྩི་དྲི་བཟང་སྣ་ཚོགས་དང་། །སྨན་སྤོས་སྦྱར་བའི་དུད་སྤྲིན་ཆེན་པོ་ཡིས། །མནོལ་བ་སངས་ལ་འཐིབ་པ་དྭངས་གྱུར་ཅིག །དགྱེས་པའི་ཞལ་བཟང་ཉ་རྒྱས་ཟླ་ལྟར་ངོམ། །སྣོད་བཅུད་ཀུན་གྱི་དངོས་གྲུབ་འབྱུང་བའི་གཞི། །གཏེར་ཆེན་བུམ་བཟང་ལྟ་བུའི་གནས་ཆེན་པོ། །བྱིན་རླབས་དངོས་གྲུབ་གཟི་བརྗིད་རབ་འཕྲོས་བསང་། །ཡུལ་ཁམས་ཀུན་ཏུ་བཀྲ་ཤིས་དགེ་ལེགས་ཤོག །ཅེས་པའང་ཚེ་ར་དཀོན་མཆོག་ནས་བསྐུལ་ངོར་ཆོས་ཀྱི་བློ་གྲོས་པས་སོ། །༈། གནས་གཏེར་སྐྱོང་བའི་གཞི་བདག་ཆེ། །འབུང་ཆུང་སྟག་སྦྲུལ་འཁོར་བཅས་རྣམས། །རྟེན་འདིར་བརྟན་པར་བཞུགས་ནས་ཀྱང་། །ཡུལ་ཁམས་སྐྱོང་ཞིང་ཁྱད་པར་དུ། །ཆོས་སྡེ་ཆེན་པོ་འདི་ཉིད་ལ། །རྟག་ཏུ་སྲུངས་སྐྱོབ་སྡོང་གྲོགས་མཛོད། །དགེ་འདུན་སྡེ་འཕེལ་ཐུགས་མཐུན་ཞིང་། །བཤད་སྒྲུབ་དབྱར་གྱི་ཆུ་ལྟར་རྒྱས། །ཕྱྭ་གཡང་ལོངས་སྤྱོད་ཀུན་བསྡུས་ནས། །བསོད་ནམས་དབང་ཐང་མཚོ་མོ་འཁྱིལ། །ནོར་བུའི་སྤྲིན་ཆེན་རྒྱས་པ་དང་། །སྲིད་ཞིའི་ལེགས་ཚོགས་འཕེལ་མཛད་གསོལ། །ཅེས་པའང་ཉ་བྲག་འདུས་སྡེའི་སྐུ་རྟེན་གསར་བཞེངས་སྐབས་མཆོག་སྤྲུལ་ནས་གསོལ་བར་བཏབ་པའི་ངོར་༧ཆོས་ཀྱི་བློ་གྲོས་པས་མཛད་པའོ།། །།

[edit]

gzi phug lung gi bsang mchod bzhugs/__kyai/__dag pa rab 'byams lha yi gzhal med khang /__/bkra shis byin chags sbas yul gnyan po ni/__/rtsa gsum nor lha rgya mtsho brten pa'i gnas/__/khyad par rje btsun 'phags ma sgrol ma dang /__/rnam 'phrul nyer gcig sangs rgyas byang sems tshogs/__/mngon sum bzhugs pa'i sgrub gnas gnyan po yi/__/rten dang brten par bcas pa thams cad bsang /__kyai/__phye mar shing rtsi dri bzang sna tshogs dang /__/sman spos sbyar ba'i dud sprin chen po yis/__/mnol ba sangs la 'thib pa dwangs gyur cig__/dgyes pa'i zhal bzang nya rgyas zla ltar ngom/__/snod bcud kun gyi dngos grub 'byung ba'i gzhi/__/gter chen bum bzang lta bu'i gnas chen po/__/byin rlabs dngos grub gzi brjid rab 'phros bsang /__/yul khams kun tu bkra shis dge legs shog__/ces pa'ang tshe ra dkon mchog nas bskul ngor chos kyi blo gros pas so/__/!/__gnas gter skyong ba'i gzhi bdag che/__/'bung chung stag sbrul 'khor bcas rnams/__/rten 'dir brtan par bzhugs nas kyang /__/yul khams skyong zhing khyad par du/__/chos sde chen po 'di nyid la/__/rtag tu srungs skyob sdong grogs mdzod/__/dge 'dun sde 'phel thugs mthun zhing /__/bshad sgrub dbyar gyi chu ltar rgyas/__/phywa g.yang longs spyod kun bsdus nas/__/bsod nams dbang thang mtsho mo 'khyil/__/nor bu'i sprin chen rgyas pa dang /__/srid zhi'i legs tshogs 'phel mdzad gsol/__/ces pa'ang nya brag 'dus sde'i sku rten gsar bzhengs skabs mchog sprul nas gsol bar btab pa'i ngor 7chos kyi blo gros pas mdzad pa'o//__//