འབྲི་རྒྱུད་བཀྲ་ཤིས་ཆོས་ལུང་གི་གཞི་བདག་བསང་མཆོད་མདོར་བསྡུས།

🚧 This website is under continued development. We appreciate your patience!

Previous Text Back to Volume PageNext Text

Wylie title	'bri rgyud bkra shis chos lung gi gzhi bdag bsang mchod mdor bsdus
Location	chos kyi blo gros bka' 'bum Volume 11, Text 103, Pages 511-512 (Folios 1a1 to 1b5)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. 'bri rgyud bkra shis chos lung gi gzhi bdag bsang mchod mdor bsdus. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 511-512. Bir, H.P.: Khyentse Labrang, 2012.
Genre	Smoke Offerings - bsangs mchod - lha bsang
Colophon	།འཇམ་དབྱངས་བློ་གྲོས་རྒྱ་མཚོས་བྲིས་པ་དོན་དང་ལྡན་པར་གྱུར་ཅིག།
	/'jam dbyangs blo gros rgya mtshos bris pa don dang ldan par gyur cig/

1 Texts in this Section (sde tshan or chos tshan)

511-512	འབྲི་རྒྱུད་བཀྲ་ཤིས་ཆོས་ལུང་གི་གཞི་བདག་བསང་མཆོད་མདོར་བསྡུས། 'bri rgyud bkra shis chos lung gi gzhi bdag bsang mchod mdor bsdus Smoke Offerings - bsangs mchod - lha bsang	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

འབྲི་རྒྱུད་བཀྲ་ཤིས་ཆོས་ལུང་གི་གཞི་བདག་བསང་མཆོད་མདོར་བསྡུས་བཞུགས་སོ། །རྃ་ཡྃ་ཁྃ། ཡེ་ཤེས་མེ་རླུང་ཆུ་ཡིས་བསྲེག་གཏོར་བཀྲུས། །སྤྱན་མའི་རང་བཞིན་ཐབས་ཁུང་འཁྱིལ་པའི་དབུས། །གོས་དཀར་ལྷ་མོས་བསྐུལ་བའི་ཡེ་ཤེས་མེར། །རྨད་བྱུང་སྒྱུ་འཕྲུལ་རྒྱན་གྱི་རྫས་མཆོག་རྣམས། །ལྷན་ཅིག་སྦྱར་བ་ལས་བྱུང་བདུད་རྩིའི་སྤྲིན། །མི་ཟད་ནམ་མཁའ་མཛོད་ཀྱི་སྤྲིན་དུ་གྱུར། ཨོཾ་ཨཱཿཧཱུྃ། ལན་གསུམ། ཀྱཻ། བསང་ངོ་སྐྱབས་གནས་བསླུ་མེད་དཀོན་མཆོག་རྣམ་གསུམ་དང་། །རྩ་བརྒྱུད་བླ་མ་ཡི་དམ་ཞི་ཁྲོ་དང་། །ཌཱ་ཀི་ཞིང་སྐྱོང་ཆོས་སྲུང་ནོར་ལྷའི་ཚོགས། །རབ་འབྱམས་རྒྱ་མཚོའི་རྡུལ་གྱི་གྲངས་སྙེད་ལ། །བསང་ངོ་མཆོད་དོ་དངོས་གྲུབ་རྣམ་གཉིས་སྩོལ། །ཁྱད་པར་རྒྱལ་དབང་མཚོ་སྐྱེས་རྡོ་རྗེ་ཡི། །དམ་ལ་གནས་པའི་བོད་སྐྱོང་བརྟན་མ་དང་། །མགུར་ལྷ་དགེ་བསྙེན་རི་དབང་སྤུན་དགུ་སོགས། །གནས་དང་གཏེར་སྲུང་དཀར་ཕྱོགས་སྐྱོང་རྣམས་ལ། །བསང་ངོ་མཆོད་དོ་རྣམ་བཞིའི་ཕྲིན་ལས་སྒྲུབས། །སྡེ་བཞི་དགེ་བཅུའི་དཔལ་ཡོན་འཁྲིགས་པའི་ལྗོངས། །འབྲི་ཀླུང་དམ་པ་ཆོས་ཀྱི་ཕྱུག་པ་ཡི། །ལྷ་ཀླུ་དགེ་བསྙེན་བདུད་བཙན་གནོད་སྦྱིན་དང་། །རྡོ་རྗེ་གཡུང་དྲུང་རྡོ་རྗེ་དབང་དྲག་དང་། །རྡོ་རྗེ་བློ་གྲོས་ལ་སོགས་སྲིད་ཆགས་ཀྱི། །ལྷ་རབ་དགེ་བསྙེན་མཆེད་ཡུམ་བློན་འཁོར་དང་། །རྒུའུ་རྨའི་ཐི་བསྟན་པའི་རྒྱལ་མཚན་སྒྲེངས། །མི་ཡི་རྒྱལ་པོ་བྲག་རི་གཡུ་མཁར་ཆེ། །འབའ་རྒྱལ་ཇོ་བོ་ཚེ་དབང་དར་པོ་སོགས། །ཡུལ་འདིའི་གནས་གཏེར་སྐྱོང་བ་འཁོར་བཅས་ལ། །བསང་ངོ་མཆོད་དོ་ཁ་འཛིན་སྡོང་གྲོགས་མཛོད། །གཉུག་མར་གནས་དང་གློ་བུར་ལྷག་པའི་མགྲོན། །སྙིང་རྗེའི་ཡུལ་དང་བགེགས་ཀྱི་རིགས་གྱུར་པའི། །ལན་ཆགས་མགྲོན་རྣམས་མ་ལུས་ཐམས་ཅད་ལ། །བསང་མཆོད་བདུད་རྩིའི་ལྷག་མ་འདི་སྦྱིན་ནོ། །གནོད་འཚེ་གདུག་སེམས་མ་ལུས་ཞི་བར་མཛོད། །དེ་ལྟར་མགྲོན་རིགས་བཞི་པོ་འཁོར་བཅས་ལ། །འདོད་ཡོན་ལྔ་ལྡན་བསང་མཆོད་ཕུལ་བའི་མཐུས། །བསྟན་དང་དེ་འཛིན་སྦྱིན་བདག་དང་བཅས་པའི། །འགལ་རྐྱེན་སེལ་ཞིང་མཐུན་རྐྱེན་འབད་མེད་སྒྲུབས། །སྲིད་ཞིའི་ཕྱྭ་གཡང་མ་ལུས་འདིར་བསྡུས་ནས། །བཀྲ་ཤིས་ཨུཏྤལ་དཀར་པོས་ཁྱབ་གྱུར་ཅིག །འཇམ་དབྱངས་བློ་གྲོས་རྒྱ་མཚོས་བྲིས་པ་དོན་དང་ལྡན་པར་གྱུར་ཅིག། །།

[edit]

'bri rgyud bkra shis chos lung gi gzhi bdag bsang mchod mdor bsdus bzhugs so/__/ra~M ya~M kha~M/__ye shes me rlung chu yis bsreg gtor bkrus/__/spyan ma'i rang bzhin thabs khung 'khyil pa'i dbus/__/gos dkar lha mos bskul ba'i ye shes mer/__/rmad byung sgyu 'phrul rgyan gyi rdzas mchog rnams/__/lhan cig sbyar ba las byung bdud rtsi'i sprin/__/mi zad nam mkha' mdzod kyi sprin du gyur/__oM AHhU~M/__lan gsum/__kyai/__bsang ngo skyabs gnas bslu med dkon mchog rnam gsum dang /__/rtsa brgyud bla ma yi dam zhi khro dang /__/DA ki zhing skyong chos srung nor lha'i tshogs/__/rab 'byams rgya mtsho'i rdul gyi grangs snyed la/__/bsang ngo mchod do dngos grub rnam gnyis stsol/__/khyad par rgyal dbang mtsho skyes rdo rje yi/__/dam la gnas pa'i bod skyong brtan ma dang /__/mgur lha dge bsnyen ri dbang spun dgu sogs/__/gnas dang gter srung dkar phyogs skyong rnams la/__/bsang ngo mchod do rnam bzhi'i phrin las sgrubs/__/sde bzhi dge bcu'i dpal yon 'khrigs pa'i ljongs/__/'bri klung dam pa chos kyi phyug pa yi/__/lha klu dge bsnyen bdud btsan gnod sbyin dang /__/rdo rje g.yung drung rdo rje dbang drag dang /__/rdo rje blo gros la sogs srid chags kyi/__/lha rab dge bsnyen mched yum blon 'khor dang /__/rgu'u rma'i thi bstan pa'i rgyal mtshan sgrengs/__/mi yi rgyal po brag ri g.yu mkhar che/__/'ba' rgyal jo bo tshe dbang dar po sogs/__/yul 'di'i gnas gter skyong ba 'khor bcas la/__/bsang ngo mchod do kha 'dzin sdong grogs mdzod/__/gnyug mar gnas dang glo bur lhag pa'i mgron/__/snying rje'i yul dang bgegs kyi rigs gyur pa'i/__/lan chags mgron rnams ma lus thams cad la/__/bsang mchod bdud rtsi'i lhag ma 'di sbyin no/__/gnod 'tshe gdug sems ma lus zhi bar mdzod/__/de ltar mgron rigs bzhi po 'khor bcas la/__/'dod yon lnga ldan bsang mchod phul ba'i mthus/__/bstan dang de 'dzin sbyin bdag dang bcas pa'i/__/'gal rkyen sel zhing mthun rkyen 'bad med sgrubs/__/srid zhi'i phywa g.yang ma lus 'dir bsdus nas/__/bkra shis ut+pal dkar pos khyab gyur cig__/'jam dbyangs blo gros rgya mtshos bris pa don dang ldan par gyur cig/__//_