JKCL-KABUM-11-DA-041

Previous Text"DA" is not a number. Back to Volume Page"DA" is not a number.Next Text "DA" is not a number.

Wylie title
Location	chos kyi blo gros bka' 'bum Volume , Text 41, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"DA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"DA" is not a number.</li></ul>

Tibetan Text

Wylie

[edit]

དཔལ་མགོན་མ་ནིང་ནག་པོའི་གསོལ་ཀ་བཞུགས། ཤྲཱི་བཛྲ་ཧེ་རུ་ཀ་ལ་ན་མཿཧཱུྃ་ཧྲཱིཿདད་པ་དང་ནི་དམ་ཚིག་གི །ལྷ་ཆེན་དཔལ་འབར་སྤྱན་འདྲེན་ནོ། །མ་ནིང་ནག་པོ་གཤེགས་སུ་གསོལ། །ཚོགས་བདག་ཆེན་པོ༴ །ས་བཅུའི་དབང་ཕྱུག༴ །རྡོ་རྗེ་སྒྲོལ་བྱེད༴ །ལེགས་ལྡན་ནག་པོ༴ །མགོན་པོ་སྡེ་ལྔ་གཤེགས་སུ་གསོལ། །འདིར་གཤེགས་ཐོད་མཁར་འབར་བ་ཡི། །དྲག་པོའི་གཞལ་ཡས་གནས་འདིར་གཤེགས། །བྲག་ཆེན་པད་ཉི་བམ་རོའི་སྟེང་། །དགྱེས་པར་བཞུགས་ལ་ཕྲིན་ལས་མཛོད། །ཧཱུྃ། ནག་པོ་ཆེན་པོ་འཁོར་བཅས་ལ། །ཐུགས་དམ་བསྐང་བའི་དམ་རྫས་ནི། །དངོས་སུ་བཤམས་དང་ཡིད་ཀྱིས་སྤྲུལ། །མཐུན་པའི་དམ་རྫས་སྣ་ཚོགས་ཀྱིས། །དཔལ་མགོན་འཁོར་བཅས་ཐུགས་དམ་བསྐང་། །བྱ་ནག་རྟ་ནག་གཡག་ནག་དང་། །ལུག་ནག་ཁྱི་ནག་བྱ་གཅན་རིགས། །སྣ་ཚོགས་སྤྲུལ་པ་དཔག་མེད་ཀྱིས། །མ་ནིང་འཁོར་བཅས་ཐུགས་དམ་བསྐང་། །བཀྲ་ཤིས་རྫས་རྟགས་རིན་ཆེན་བདུན། །གླིང་བཞིའི་འབྱོར་པ་མཐའ་ཡས་དང་། །གོ་ཁྲབ་གོས་དར་རྣམ་མང་དང་། །རལ་གྲི་མདའ་དང་མདུང་རྣོན་པོ། །རྩེ་གསུམ་ཁ་ཊྭཱྃ་གྲི་ཐོད་སོགས། །དར་ནག་བ་དན་བེར་ཕོད་དང་། །མགོ་ཕྲེང་རུས་རྒྱན་དུར་ཁྲོད་ཆས། །སྨན་གཏོར་རཀྟ་རུ་མཚོན་ཆེ། །སྦྱོར་སྒྲོལ་མཆོད་པ་བླ་མེད་ཀྱི། །མ་ནིང་ནག་པོ་འཁོར་བཅས་ཀྱི། །ཐུགས་དམ་གཉན་པོ་དགྱེས་པར་སྐོངས། །ཉམས་ཆགས་འགལ་འཁྲུལ་ཐམས་ཅད་བཤགས། །བཟོད་བཞེས་ཚངས་པར་སྩལ་དུ་གསོལ། །འདི་དང་ཚེ་རབས་ཐམས་ཅད་དུ། །མི་འབྲལ་གསང་བའི་རྟེན་དུ་བཞུགས། །རང་སེམས་གདོད་ནས་དག་པ་ནི། །མ་ནིང་ནག་པོར་ངོ་ཤེས་པས། །རྟག་ཏུ་ངོ་ཤེས་མཆོད་བསྟོད་འབུལ། །ཡིད་ལ་བསམ་པའི་དོན་རྣམས་ཀུན། །འབད་མེད་འགྲུབ་པའི་ཕྲིན་ལས་མཛོད། །ཕྱག་བྲིས་དངོས་ལས་ཞལ་བཤུས།། །།

[edit]

dpal mgon ma ning nag po'i gsol ka bzhugs/__shrI badz+ra he ru ka la na maHhU~M hrIHdad pa dang ni dam tshig gi__/lha chen dpal 'bar spyan 'dren no/__/ma ning nag po gshegs su gsol/__/tshogs bdag chen po=____/sa bcu'i dbang phyug=____/rdo rje sgrol byed=____/legs ldan nag po=____/mgon po sde lnga gshegs su gsol/__/'dir gshegs thod mkhar 'bar ba yi/__/drag po'i gzhal yas gnas 'dir gshegs/__/brag chen pad nyi bam ro'i steng /__/dgyes par bzhugs la phrin las mdzod/__/hU~M/__nag po chen po 'khor bcas la/__/thugs dam bskang ba'i dam rdzas ni/__/dngos su bshams dang yid kyis sprul/__/mthun pa'i dam rdzas sna tshogs kyis/__/dpal mgon 'khor bcas thugs dam bskang /__/bya nag rta nag g.yag nag dang /__/lug nag khyi nag bya gcan rigs/__/sna tshogs sprul pa dpag med kyis/__/ma ning 'khor bcas thugs dam bskang /__/bkra shis rdzas rtags rin chen bdun/__/gling bzhi'i 'byor pa mtha' yas dang /__/go khrab gos dar rnam mang dang /__/ral gri mda' dang mdung rnon po/__/rtse gsum kha T+wA~M gri thod sogs/__/dar nag ba dan ber phod dang /__/mgo phreng rus rgyan dur khrod chas/__/sman gtor rak+ta ru mtshon che/__/sbyor sgrol mchod pa bla med kyi/__/ma ning nag po 'khor bcas kyi/__/thugs dam gnyan po dgyes par skongs/__/nyams chags 'gal 'khrul thams cad bshags/__/bzod bzhes tshangs par stsal du gsol/__/'di dang tshe rabs thams cad du/__/mi 'bral gsang ba'i rten du bzhugs/__/rang sems gdod nas dag pa ni/__/ma ning nag por ngo shes pas/__/rtag tu ngo shes mchod bstod 'bul/__/yid la bsam pa'i don rnams kun/__/'bad med 'grub pa'i phrin las mdzod/__/phyag bris dngos las zhal bshus//__//