JKCL-KABUM-05-CA-005

Previous Text"CA" is not a number. Back to Volume Page"CA" is not a number.Next Text "CA" is not a number.

Wylie title
Location	chos kyi blo gros bka' 'bum Volume , Text 5, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"CA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"CA" is not a number.</li></ul>

Tibetan Text

Wylie

[edit]

འཇམ་དཔལ་གཤིན་རྗེ་གནམ་ལྕགས་སྡིག་པའི་རྣལ་འབྱོར་སྙིང་པོ་རྒྱུན་གྱི་ཉམས་ལེན་ཡེ་ཤེས་རང་གསལ་ཅེས་བྱ་བ་བཞུགས་སོ། །ན་མོ་གུ་རུ་མཉྫུ་ཀྲོ་དྷཱ་ཡ། སློབ་དཔོན་འཇམ་དཔལ་བཤེས་གཉེན་དང་། རྒྱལ་དབང་པདྨའི་བཀའ་སྲོལ་གཅིག་འདྲིལ་གཤིན་རྗེ་གནམ་ལྕགས་སྡིག་པའི་ཉམས་ལེན་སྙིང་པོའི་བཅུད་དུ་དྲིལ་བའི་རྣལ་འབྱོར་ལ་དང་པོ་ཚོགས་བསགས་པ་ནི། རྡོ་རྗེ་སློབ་དཔོན་སངས་རྒྱས་སོགས་ལན་གསུམ། གཉིས་པ་དངོས་གཞིའི་དང་པོ་སྐུ་ཕྱག་རྒྱའི་རྣལ་འབྱོར་ནི། ཨེ་ཉིད་སྟོང་པ་ལས་འབྱུང་སྟེ༔མ་སྐྱེས་འགགས་པ་མེད་པ་ལས༔རྒྱུ་རྐྱེན་སྔགས་ལས་མ་སྐྱེས་པའི༔རོལ་པ་ཆེན་པོའི་སྐུ་རུ་ཤར༔ཕྱི་ལྟར་འབྱུང་བ་ནང་ཡུམ་ལྔའི༔མཁའ་དང་ཀློང་ལས་མ་འདས་པའི༔སྲིད་པ་འཇམ་དཔལ་ཧེ་རུ་ཀའི༔ཞིང་དང་གཞལ་ཡས་ཁང་དུ་རྫོགས༔དུར་ཁྲོད་འབར་བའི་ཕོ་བྲང་དབུས༔ས་བོན་ཨེ་ལས་འཇམ་པའི་དབྱངས༔ཁྲག་འཐུང་ཕྱག་རྒྱ་ཟིལ་གནོན་ཆེ༔མཐིང་ནག་དུག་ཆེན་ཧ་ལའི་མདོག༔གཡས་དཀར་བཞད་པས་ཀླུ་གདོན་ཟ༔གཡོན་དམར་གཤེ་བས་ས་བདག་འདྲེན༔དབུས་མཐིང་རྔམ་པས་གཉེན་སྲོག་གཅོད༔མཆེ་གཙིགས་ཞལ་བགྲད་ལྗགས་ཀྱང་འདྲིལ༔འབར་བའི་ཡེ་ཤེས་སྤྱན་དགུ་བགྲད༔སྤྱི་བོར་ཕྲག་གོང་བྱ་ཁྱུང་ལྡིང་༔སྙན་གོང་དུག་སྦྲུལ་ནག་པོ་འཁྱུགས༔སོག་ཁར་སྟག་མོ་ངར་ལྡན་འཕྱོ༔ནུ་མར་སེངྒེ་རལ་པ་གསིག༔རྒྱན་ཆས་རྫོགས་པའི་རྡོ་རྗེའི་སྐུ༔གཡས་ཀྱི་ཕྱག་གསུམ་འཁོར་ལོ་དང་༔རལ་གྲི་རྡོ་རྗེ་གཡོན་གསུམ་གྱིས༔བེ་ཅོན་གཏན་ཤིང་སྡིག་མཛུབ་ཅན༔དཔལ་དང་དུར་ཁྲོད་ཆས་ཀྱིས་བརྒྱན༔གཉིས་མེད་སྦྱོར་ཡུམ་བཻ་ཏ་ལི༔སྙིང་དང་ཐོད་པ་འཛིན་པས་འཁྱུད༔ཟིལ་གནོན་ཐུགས་ཀློང་ཡེ་ཤེས་སེམས༔ཡ་མ་རཱ་ཛ་སྨུག་ནག་བརྗིདཿཐུགས་ཀར་ཕྱག་རྡོར་ལྗང་ནག་རྔམ༔རུས་སྦལ་ཁྲོ་བོ་བཅུ་ཡིས་སྲུང་༔རྡོ་རྗེའི་སྐུ་ཡི་འཁོར་ལོ་ལྔར༔དཔྲལ་བར་ཁྲོ་ཆུ་དུག་གི་གདོང་༔མགྲིན་པར་མ་རུ་རྩེ་དམར་པ༔ཐུགས་ཀར་འཆར་ཀ་ནག་པོ་སྟེ༔ལྟེ་བར་ཁྲག་འཐུང་ཁ་ཐུན་ནག༔གསང་བར་གདོང་དྲུག་ལྗང་ནག་སྟེ༔བརླ་གཡས་རྡོ་རྗེ་འཇིགས་བྱེད་ཆེ༔བརླ་གཡོན་ཀིང་ཀང་ནག་པོ་སྟེ༔སྤྱི་བོར་གཤིན་རྗེའི་གཤེད་དམར་པོ༔སྤྲུལ་པ་གསུམ་དང་གཤེད་ཆེན་བཞི༔ལོ་ཟླ་ཞག་གི་གཤིན་རྗེ་དང་༔མ་གཤིན་བྱེ་བ་ས་ཡ་སོགས༔མ་འདྲེས་ཉི་དང་འོད་བཞིན་འཆརཿསྣང་ཞིང་སྲིད་པ་ཐམས་ཅད་ཀུན༔ཡེ་ཤེས་ཕྱག་རྒྱས་ཟིལ་གནོན་པའི༔སྐུ་གསུང་ཐུགས་ཀྱི་གསང་བ་ནི༔མི་ཟད་རྒྱན་དུ་གདོད་ནས་རྫོགས༔ཅེས་དམིགས་ལ་གཙོ་བོ། རྒྱན་དང་སྤྲུལ་པའི་ལྷ་སོགས་སྤྱི་བྱེ་བྲག་ལ་སེམས་འཛིན་པས་རྣམ་པ་གསལ། ང་རྒྱལ་བརྟན་པོ་གཟུང་། དག་པ་དྲན་པ་བཅས་བྱ། གཉིས་པ་སྐྱོ་བའམ། བོགས་འབྱིན་སླད་གསུང་བཟླས་པའི་རྣལ་འབྱོར་ནི། ཟིལ་གནོན་ཐུགས་ཀར་དཔལ་བེའུའི་ཀློང་༔ཡེ་ཤེས་སེམས་དཔའ་མཉྫུ་ཤྲཱི༔ཤིན་ཏུ་ཕྲ་ལ་འོད་དུ་འབར༔ཐུགས་ཀར་ཉི་མ་རྡོ་རྗེ་ཧཱུྃ༔སྔགས་ཀྱི་ཕྲེང་བས་བསྐོར་བ་ལས༔འོད་ཟེར་སྤྲོ་བསྡུས་དོན་གཉིས་བྱས༔སྣང་སྲིད་འཇམ་དཔལ་རྡོ་རྗེ་ཡི༔ཡེ་ཤེས་སྐུ་གསུང་ཐུགས་ཀྱི་དབྱིངས༔རྣམ་པ་ཐམས་ཅད་སྔགས་ཀྱི་སྒྲ༔རང་བྱུང་ལྷུན་གྱི་གྲུབ་པར་ཤར༔ཨྱེ་ཨྱེ་ཨྱེ་ཨ་ཀྲོ་ཏེ་ཀ་ཡ་མཱནྟ་ཀ་ཡ་མ་ཡེ༔ཀཱ་ལ་རཱུ་པ་ཀ་པ་ཡེ༔ཧྲཱིཿཥྚི་ཨ་པ་ཡེ༔ཨ་ཨ་ནེ་ཨ་ནེ༔ཨུ་ཨུ་ནེ་ཨུ་ནེ༔དུ་དུ་ནེ་དུ་ནེ༔ཨ་ཨི་ཨུ་ཨེ་ཨོ་ཨཾ། ར་རཱི༔ལ་ལཱི་མུ་རུ་ཡེ༔བྱ་ཚ་ཡེ༔སིཾ་ཧ་ཡེ༔ཧྲཱི་ད་ཡེ༔བྷི་ཏ་ཡེ༔ཙིཏྟ་ཡེ༔ཧ་ལ་ཡེ༔མུ་ཀ་ཡེ༔ཨུ་ཨུ་ནེ་ཨུ་ཨུ་ནེ༔བི་ཏྲི་ཏ༔ཨ་ཨ་ན་ན༔ཡ་མ་རཱ་ཙ༔ཡ་མ་རཀྴ༔ཡ་མ་རཀ་ཨ༔ཡ་མ་རཀྵ༔བཻ་ཏ་ལེ༔ཀྲོ་དྷཱི་ཤྭ་རི༔མ་མ་ཨེ་ཀ་ཙ་ཏི༔དེ་མ་ཁ་ལ་བཾ་རིལ༔རུ་ལུ་རུ་ལུ༔ཤྲཱི་བཛྲ་ཀྲོ་དྷ༔ཡ་མ་ཀརྨ་རོ་ཥ་ཎ༔ཀྲོ་དྷཱི་ཙཎྜ་རཀྴ་མོནྟ་ཨཱཿཧཱུྃ་ཛཿཞེས་འཇམ་དཔལ་ཞི་ཁྲོ་ལྷ་རྒྱུད་ཡོངས་རྫོགས་ཀྱི་དྲག་སྔགས་ཀུན་འདུས་མ་ཉིད་རྩེ་གཅིག་ཏུ་བཟླ། ཐུན་མཐར་དབྱངས་གསལ་རྟེན་སྙིང་ཡིག་བརྒྱ་བཟླས་པས་བྱིན་རླབས་བརྟན་པར་བྱས་ལ། གསུམ་པ་ཐུགས་ཉེར་བསྡུའི་རྣལ་འབྱོར་ནི། སྣང་ཆ་གཟུགས་སྐུའི་རོལ་པ་ཡང་༔དབྱིངས་སུ་གདོད་ནས་དག་པར་བསྡུ༔སྣང་གྲགས་རིག་པ་ལྷ་སྔགས་དང་༔ཡེ་ཤེས་ཆེན་པོའི་རོལ་རྩལ་ཤར༔ཨོཾ་ཨཱཿཧཱུྃ༔ཞེས་སྣང་ཆའི་ལྷ་སྐུ་འོད་གསལ་དུ་བསྡུ་ཞིང་། སླར་ཡང་གཉུག་མའི་ཧེ་རུ་ཀའི་སྐུར་ལྡང་ལ། གསུམ་པ་རྗེས་རིམ་ནི། རིམ་གཉིས་བསོད་ནམས་ཡེ་ཤེས་ཀྱིས༔འགྲོ་ཀུན་འཇམ་དཔལ་དཔའ་བོ་ཡི༔རྣམ་ཐར་རྫོགས་པར་སྤྱོད་ནུས་པའི༔ཕྲིན་ལས་ལྷུན་གྱིས་གྲུབ་པར་ཤོག༔ཅེས་བསྔོ་སྨོན་དང་ཤིས་བརྗོད་ཀྱིས་མཚམས་སྦྱར་ཏེ་སྤྱོད་ལམ་ལ་འཇུག་གོ། ཅེས་པའང་གཏེར་སྟོན་ཉིད་ཀྱིས་བཀའ་གནང་བཞིན་ཆོས་ཀྱི་བློ་གྲོས་པས་གཏེར་གཞུང་ལས་མདོར་བསྡུས་ཏེ་བྲིས་པ་སིདྡྷིར་བྷ་ཝ་ཏུ། །། །

[edit]

'jam dpal gshin rje gnam lcags sdig pa'i rnal 'byor snying po rgyun gyi nyams len ye shes rang gsal ces bya ba bzhugs so/__/na mo gu ru many+dzu kro d+hA ya/__slob dpon 'jam dpal bshes gnyen dang /__rgyal dbang pad+ma'i bka' srol gcig 'dril gshin rje gnam lcags sdig pa'i nyams len snying po'i bcud du dril ba'i rnal 'byor la dang po tshogs bsags pa ni/__rdo rje slob dpon sangs rgyas sogs lan gsum/__gnyis pa dngos gzhi'i dang po sku phyag rgya'i rnal 'byor ni/__e nyid stong pa las 'byung ste:ma skyes 'gags pa med pa las:rgyu rkyen sngags las ma skyes pa'i:rol pa chen po'i sku ru shar:phyi ltar 'byung ba nang yum lnga'i:mkha' dang klong las ma 'das pa'i:srid pa 'jam dpal he ru ka'i:zhing dang gzhal yas khang du rdzogs:dur khrod 'bar ba'i pho brang dbus:sa bon e las 'jam pa'i dbyangs:khrag 'thung phyag rgya zil gnon che:mthing nag dug chen ha la'i mdog:g.yas dkar bzhad pas klu gdon za:g.yon dmar gshe bas sa bdag 'dren:dbus mthing rngam pas gnyen srog gcod:mche gtsigs zhal bgrad ljags kyang 'dril:'bar ba'i ye shes spyan dgu bgrad:spyi bor phrag gong bya khyung lding :snyan gong dug sbrul nag po 'khyugs:sog khar stag mo ngar ldan 'phyo:nu mar seng+ge ral pa gsig:rgyan chas rdzogs pa'i rdo rje'i sku:g.yas kyi phyag gsum 'khor lo dang :ral gri rdo rje g.yon gsum gyis:be con gtan shing sdig mdzub can:dpal dang dur khrod chas kyis brgyan:gnyis med sbyor yum bai ta li:snying dang thod pa 'dzin pas 'khyud:zil gnon thugs klong ye shes sems:ya ma rA dza smug nag brjidaHthugs kar phyag rdor ljang nag rngam:rus sbal khro bo bcu yis srung :rdo rje'i sku yi 'khor lo lngar:dpral bar khro chu dug gi gdong :mgrin par ma ru rtse dmar pa:thugs kar 'char ka nag po ste:lte bar khrag 'thung kha thun nag:gsang bar gdong drug ljang nag ste:brla g.yas rdo rje 'jigs byed che:brla g.yon king kang nag po ste:spyi bor gshin rje'i gshed dmar po:sprul pa gsum dang gshed chen bzhi:lo zla zhag gi gshin rje dang :ma gshin bye ba sa ya sogs:ma 'dres nyi dang 'od bzhin 'charaHsnang zhing srid pa thams cad kun:ye shes phyag rgyas zil gnon pa'i:sku gsung thugs kyi gsang ba ni:mi zad rgyan du gdod nas rdzogs:ces dmigs la gtso bo/__rgyan dang sprul pa'i lha sogs spyi bye brag la sems 'dzin pas rnam pa gsal/__nga rgyal brtan po gzung /__dag pa dran pa bcas bya/__gnyis pa skyo ba'am/__bogs 'byin slad gsung bzlas pa'i rnal 'byor ni/__zil gnon thugs kar dpal be'u'i klong :ye shes sems dpa' many+dzu shrI:shin tu phra la 'od du 'bar:thugs kar nyi ma rdo rje hU~M:sngags kyi phreng bas bskor ba las:'od zer spro bsdus don gnyis byas:snang srid 'jam dpal rdo rje yi:ye shes sku gsung thugs kyi dbyings:rnam pa thams cad sngags kyi sgra:rang byung lhun gyi grub par shar:a+ye a+ye a+ye a kro te ka ya mAn+ta ka ya ma ye:kA la rU pa ka pa ye:hrIHSh+Ti a pa ye:a a ne a ne:u u ne u ne:du du ne du ne:a i u e o aM/__ra rI:la lI mu ru ye:bya tsha ye:siM ha ye:hrI da ye:b+hi ta ye:tsit+ta ye:ha la ye:mu ka ye:u u ne u u ne:bi tri ta:a a na na:ya ma rA tsa:ya ma rak+sha:ya ma raka a:ya ma rak+Sha:bai ta le:kro d+hI shwa ri:ma ma e ka tsa ti:de ma kha la baM ril:ru lu ru lu:shrI badz+ra kro d+ha:ya ma karma ro Sha Na:kro d+hI tsaN+Da rak+sha mon+ta AHhU~M dzaHzhes 'jam dpal zhi khro lha rgyud yongs rdzogs kyi drag sngags kun 'dus ma nyid rtse gcig tu bzla/__thun mthar dbyangs gsal rten snying yig brgya bzlas pas byin rlabs brtan par byas la/__gsum pa thugs nyer bsdu'i rnal 'byor ni/__snang cha gzugs sku'i rol pa yang :dbyings su gdod nas dag par bsdu:snang grags rig pa lha sngags dang :ye shes chen po'i rol rtsal shar:oM AHhU~M:zhes snang cha'i lha sku 'od gsal du bsdu zhing /__slar yang gnyug ma'i he ru ka'i skur ldang la/__gsum pa rjes rim ni/__rim gnyis bsod nams ye shes kyis:'gro kun 'jam dpal dpa' bo yi:rnam thar rdzogs par spyod nus pa'i:phrin las lhun gyis grub par shog:ces bsngo smon dang shis brjod kyis mtshams sbyar te spyod lam la 'jug go/__ces pa'ang gter ston nyid kyis bka' gnang bzhin chos kyi blo gros pas gter gzhung las mdor bsdus te bris pa sid+d+hir b+ha wa tu/__//__/