DKR-KABUM-02-KHA-050-06

Previous Text Back to Volume PageNext Text

Wylie title	'
Location	dil mgo mkhyen brtse bka' 'bum Volume 2, sde tshan 50, Text 6, Pages 1 (Folios 1 to 1)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. '. In Skyabs rje dil mgo mkhyen brtse rin po che'i bka' 'bum, Vol. 2: . Delhi: Shechen Publications, 1994.
Genre	Verses of Praise - bstod pa
Colophon	n
	n

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༈ གུ་རུ་རྒྱལ་བའི་གདུང་འཛིན་ལ་བསྔགས་པ་བདེ་སྟོང་དཔྱིད་ཀྱི་འབྲུག་སྒྲ་ཞེས་བྱ་བ་བཞུགས་སོ། ཨ་ཧཾ་ཞུ་བདེའི་དཔྱིད་ཀྱི་དྭངས་མའི་གཟུགས། །ཧ་ཧོ་དགའ་བཞིའི་བཅུ་དྲུག་ལང་ཚོའི་དཔལ། །ཨ་ལ་ལ་ཞེས་སྒེག་འཛུམ་པདྨའི་ཚལ། །ཧ་རིའི་དྲི་བཞིན་སིམ་སྟེར་མགོན་དེ་རྒྱལ། །ས་གསུམ་ཡིད་ཀྱི་བརྟན་པ་འཕྲོག་ནུས་པའི། །ཤ་ཁྲག་གདོས་བཅས་ལས་འདས་རྡོ་རྗེའི་སྐུ། །ལ་ལཱ་ར་ས་དྷཱུ་ཏིར་ཐིམ་པའི་གཟུགས། །ར་རིབ་བྲལ་བའི་སྟོན་ཟླ་ལྟར་བུར་མཛེས། །ཡ་མ་རཱ་ཛ་ལྟར་འཁྲུགས་བརླང་པོའི་འགྲོ། །འ་འུར་འོད་དམར་རླུང་ཞགས་མཆིལ་པ་ཡིས། །ཟ་མའི་ཡུན་ཙམ་བཏབ་པས་དག་བྱས་ནས། །ཞྭ་ལྟར་གཙུག་གིས་མཆོད་པའི་དངོས་གྲུབ་སྟེར། །ཝཱ་ར་ཧི་ཡི་མཆོག་བདེའི་དཔལ་སྦྱིན་བཞིན། །ཛ་ལནྡྷ་རར་རླུང་སེམས་ངལ་འཚོའི་ལས། །ཚ་ཟེར་བརྒྱ་མཚུངས་རྡོ་རྗེ་ཉི་མའི་ཟིལ། །ཙཎྜ་ལིས་བཞུས་བདེ་ཆེན་བདུད་རྩིའི་མྱོས། །མ་ལ་ཡ་རླུང་རེག་བྱས་སིམ་སྟེར་བཞིན། །བ་མཆོག་འདོད་འཇོ་རིན་ཆེན་བུམ་བཟང་གཏེར། །ཕ་མཐའ་ཡས་པའི་དངོས་གྲུབ་བདུད་རྩིའི་སྐྱེས། །པ་སངས་འཛུམ་བཞིན་སྩོལ་ལ་ངལ་བ་མེད། །ན་གཞོན་རིགས་བཟང་དཔལ་གྱི་འདུ་བ་ཡང༌། །ད་ལྟ་འགུགས་ཤིང་སྲིད་ཞིའི་འདོད་དགུའི་བཅུད། །ཐ་ཚིག་ཙམ་གྱིས་རང་དབང་བགྱིད་པའི་མཐུ། །ཏ་ན་ག་ནའི་རྡོ་རྗེའི་གསེང་ལམ་གྲོགས། །ཉ་ཟླའི་ཟིལ་གྱིས་རེག་པའི་དག་བྱེད་བཞིན། །ཇ་ཧང་མདངས་ཅན་གཏུམ་མོའི་མེས་བཞུས་པས། །ཆ་ཤས་ཡོངས་རྫོགས་བདེ་སྟོང་ལྷན་སྐྱེས་མདངས། །ཅ་རེ་དབང་ཡུལ་གསལ་བའི་འཕོ་མེད་སྐུ། །ང་བདག་དཔྱིས་འབྱིན་གཞོམ་བྲལ་རྡོ་རྗེའི་གསུང༌། །ག་གའི་དབྱིངས་ལྟར་ཟབ་ཡངས་ཡེ་ཤེས་དཔལ། །ཁ་ཙམ་མ་ཡིན་སྙིང་ནས་གུས་བསྟོད་མཐུས། །ཀཱ་ཡ་ཝཱཀ་ཙིཏྟའི་དངོས་གྲུབ་སྩོལ། །བསྔགས་བརྗོད་ཀྱི་རབ་བྱེད་བཞི་པའོ།

[edit]

!___gu ru rgyal ba'i gdung 'dzin la bsngags pa bde stong dpyid kyi 'brug sgra zhes bya ba bzhugs so/___a haM zhu bde'i dpyid kyi dwangs ma'i gzugs/__/ha ho dga' bzhi'i bcu drug lang tsho'i dpal/__/a la la zhes sgeg 'dzum pad+ma'i tshal/__/ha ri'i dri bzhin sim ster mgon de rgyal/__/sa gsum yid kyi brtan pa 'phrog nus pa'i/__/sha khrag gdos bcas las 'das rdo rje'i sku/__/la lA ra sa d+hU tir thim pa'i gzugs/__/ra rib bral ba'i ston zla ltar bur mdzes/__/ya ma rA dza ltar 'khrugs brlang po'i 'gro/__/'a 'ur 'od dmar rlung zhags mchil pa yis/__/za ma'i yun tsam btab pas dag byas nas/__/zhwa ltar gtsug gis mchod pa'i dngos grub ster/__/wA ra hi yi mchog bde'i dpal sbyin bzhin/__/dza lan+d+ha rar rlung sems ngal 'tsho'i las/__/tsha zer brgya mtshungs rdo rje nyi ma'i zil/__/tsaN+Da lis bzhus bde chen bdud rtsi'i myos/__/ma la ya rlung reg byas sim ster bzhin/__/ba mchog 'dod 'jo rin chen bum bzang gter/__/pha mtha' yas pa'i dngos grub bdud rtsi'i skyes/__/pa sangs 'dzum bzhin stsol la ngal ba med/__/na gzhon rigs bzang dpal gyi 'du ba yang*/__/da lta 'gugs shing srid zhi'i 'dod dgu'i bcud/__/tha tshig tsam gyis rang dbang bgyid pa'i mthu/__/ta na ga na'i rdo rje'i gseng lam grogs/__/nya zla'i zil gyis reg pa'i dag byed bzhin/__/ja hang mdangs can gtum mo'i mes bzhus pas/__/cha shas yongs rdzogs bde stong lhan skyes mdangs/__/ca re dbang yul gsal ba'i 'pho med sku/__/nga bdag dpyis 'byin gzhom bral rdo rje'i gsung*/__/ga ga'i dbyings ltar zab yangs ye shes dpal/__/kha tsam ma yin snying nas gus bstod mthus/__/kA ya wAka tsit+ta'i dngos grub stsol/__/bsngags brjod kyi rab byed bzhi pa'o/