DKR-KABUM-02-KHA-050-05

Previous Text Back to Volume PageNext Text

Wylie title	'
Location	dil mgo mkhyen brtse bka' 'bum Volume 2, sde tshan 50, Text 5, Pages 1 (Folios 1 to 1)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. '. In Skyabs rje dil mgo mkhyen brtse rin po che'i bka' 'bum, Vol. 2: . Delhi: Shechen Publications, 1994.
Genre	Verses of Praise - bstod pa
Colophon	n
	n

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༈ བླ་མ་སྤྲུལ་སྐུ་སྣང་སྲིད་ཟིལ་གནོན་ལ་བསྔགས་པ་བྱིན་རླབས་རྡོ་རྗེ་སྒྲ་དབྱངས་ཞེས་བྱ་བ་བཞུགས་སོ། ཀ་མ་ལ་ཡི་འདབ་བརྒྱའི་འཁྲི་ཤིང་རྩེར། །ཁ་དོག་ལྔ་ལྡན་ཡེ་ཤེས་དྭངས་མའི་བཅུད། །ག་བུར་ལྟར་བསིལ་སིནྡྷཱུའི་དྭངས་མཚོ་རུ། །ང་ཅག་གདུང་སེལ་པདྨ་འབྱུང་གནས་རྒྱལ། །ཅ་ཅོ་རབ་མང་སྲིད་པའི་ཆུ་བཞི་བརྒལ། །ཆ་ཤས་ཡོངས་རྫོགས་ཞི་བ་ཆེར་སིམ་ཀྱང༌། །ཇ་ཧོང་མཚམས་སྤྲིན་ཐར་པའི་རྒྱལ་མཚན་འཛིན། །ཉ་ཟླ་ལྟར་མཛེས་ཤཱཀྱ་སེངྒེར་འདུད། །ཏ་ན་ག་ན་རྡོ་རྗེའི་གསང་སྤྱོད་ཀྱིས། །ཐ་མལ་ལས་འདས་ཡེ་ཤེས་གཟི་བརྗིད་ཆེའི། །ད་ལྟ་སྐུ་བཞིའི་དབང་བསྒྱུར་རྣལ་འབྱོར་ཆེ། །ན་ཆུང་ཌཱ་ཀིའི་ཚོགས་རྗེ་ཉི་མ་འོད། །པ་ར་མི་ཏའི་ས་བཅུའི་ཡོན་ཏན་གྱི། །ཕ་མཐར་སོན་པའི་ཚོགས་གཉིས་ཉིན་བྱེད་ཀྱིས། །བ་གླང་ལྟར་རྨོངས་འགྲོ་སྒྲོལ་ཐབས་མཁས་ཀྱིས། །མ་ལུས་སྐྱོང་མཛད་པདྨ་རྒྱལ་ཞེས་གྲགས། །ཙ་ཀོ་ར་གླུས་འགྲན་མིན་ཆོས་ཀུན་སྤེལ། །ཚ་ཟེར་བརྒྱ་པས་འདབ་སྟོང་བཞིན་བཀྲལ་ནས། །ཛ་ཡའི་མདོ་སྔགས་ལམ་ཀུན་སྟོན་ནུས་ཐུགས། །ཝ་ལེར་རབ་གསལ་བློ་ལྡན་མཆོག་སྲེད་གྲགས། །ཞྭ་ཉེ་ལྟར་ལྕིའི་མུ་སྟེགས་ལོག་པར་སྤྱོད། །ཟྭ་ལྟར་རབ་རྩུབ་མཐུ་སྟོབས་ཀྱིས་བསྒྲལ་ནས། །འ་འུར་ཙམ་མིན་ཕན་བདེའི་སར་སྦྱོར་མཐུ། །ཡ་མཚན་གསང་བདག་སེངྒེ་སྒྲ་སྒྲོགས་རྒྱལ། །ར་རིབ་ཀུན་བྲལ་མཁྱེན་བརྩེའི་མེ་ལོང་ངོགས། །ལ་ལ་ཙམ་མིན་སྤང་རྟོགས་ཡོངས་རྫོགས་དཔལ། །ཤ་མང་ལྟར་མཛེས་འཕགས་བོད་སྙན་པས་ཁྱབ། །ས་གསུམ་མགོན་གྱུར་པདྨ་སཾ་བྷར་གྲགས། །ཧ་ལོའི་མེ་འབྲས་དང་མཚུངས་མི་སྲུན་སྡེ། །ཨ་ལ་ལ་ཡི་གད་རྒྱངས་ཀྱིས་བསྒྲལ་ནས། །ཧ་རིའི་ཚལ་དཀྱུ་སྟག་མོའི་སྟེང་འགྱིངས་བ། །ཨ་ཧོ་ཁྲོ་རྒྱལ་འཇིག་རྟེན་གསུམ་འདུལ་གྲགས། །ཨིནྡྲ་དེ་ཝ་ལ་སོགས་ཆེ་རྒུ་ཡིས། །ཨུ་རྒྱན་མཁན་པོའི་ཞབས་ལ་གུས་བཏུད་བཞིན། །ཨེ་མ་བསྔགས་པའི་གླིང་བུ་ཕྲ་མོ་ཡང༌། །ཨོ་ཌིའི་སློབ་དཔོན་རྗེས་སུ་འཇུག་དེས་ཕུལ། །བསྔགས་བརྗོད་ཀྱི་རབ་བྱེད་གསུམ་པའོ།

[edit]

!___bla ma sprul sku snang srid zil gnon la bsngags pa byin rlabs rdo rje sgra dbyangs zhes bya ba bzhugs so/___ka ma la yi 'dab brgya'i 'khri shing rtser/__/kha dog lnga ldan ye shes dwangs ma'i bcud/__/ga bur ltar bsil sin+d+hU'i dwangs mtsho ru/__/nga cag gdung sel pad+ma 'byung gnas rgyal/__/ca co rab mang srid pa'i chu bzhi brgal/__/cha shas yongs rdzogs zhi ba cher sim kyang*/__/ja hong mtshams sprin thar pa'i rgyal mtshan 'dzin/__/nya zla ltar mdzes shAkya seng+ger 'dud/__/ta na ga na rdo rje'i gsang spyod kyis/__/tha mal las 'das ye shes gzi brjid che'i/__/da lta sku bzhi'i dbang bsgyur rnal 'byor che/__/na chung DA ki'i tshogs rje nyi ma 'od/__/pa ra mi ta'i sa bcu'i yon tan gyi/__/pha mthar son pa'i tshogs gnyis nyin byed kyis/__/ba glang ltar rmongs 'gro sgrol thabs mkhas kyis/__/ma lus skyong mdzad pad+ma rgyal zhes grags/__/tsa ko ra glus 'gran min chos kun spel/__/tsha zer brgya pas 'dab stong bzhin bkral nas/__/dza ya'i mdo sngags lam kun ston nus thugs/__/wa ler rab gsal blo ldan mchog sred grags/__/zhwa nye ltar lci'i mu stegs log par spyod/__/zwa ltar rab rtsub mthu stobs kyis bsgral nas/__/'a 'ur tsam min phan bde'i sar sbyor mthu/__/ya mtshan gsang bdag seng+ge sgra sgrogs rgyal/__/ra rib kun bral mkhyen brtse'i me long ngogs/__/la la tsam min spang rtogs yongs rdzogs dpal/__/sha mang ltar mdzes 'phags bod snyan pas khyab/__/sa gsum mgon gyur pad+ma saM b+har grags/__/ha lo'i me 'bras dang mtshungs mi srun sde/__/a la la yi gad rgyangs kyis bsgral nas/__/ha ri'i tshal dkyu stag mo'i steng 'gyings ba/__/a ho khro rgyal 'jig rten gsum 'dul grags/__/in+d+ra de wa la sogs che rgu yis/__/u rgyan mkhan po'i zhabs la gus btud bzhin/__/e ma bsngags pa'i gling bu phra mo yang*/__/o Di'i slob dpon rjes su 'jug des phul/__/bsngags brjod kyi rab byed gsum pa'o/