JKW-KABAB-17-TSA-006

🚧 This website is under continued development. We appreciate your patience!

Previous Text Back to Volume Page Next Text

Wylie title
Location	mkhyen brtse'i bka' babs Volume 17, Text 6, Pages (Folios to )
Author	[[ \| ]]
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. . In Rdzong sar 'jam dbyangs mkhyen brtse'i dbang po'i bka' babs, Vol. 17: 1-. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma
Cycle	ལྕེ་བཙུན་ཆེན་པོའི་བི་མ་ལའི་ཟབ་ཏིག་ (lce btsun chen po'i bi ma la'i zab tig)
Karchag page	JKW-KABAB-Volume-17-TSA-Karchag
RTZ	In the Rinchen Terdzö: https://rtz.tsadra.org/index.php/Terdzo-LI-005

[edit]

༄༅། །ཛྙཱ ན སུ པ ནྠི ཨ བྷི ར སཱ ཙི ཏྟཾ ཏི ལ པུ ར ག ཏི པ ཙཔ ཋ བི ཧ ར ཏི སྨ།། ༄༅། །ལྕེ་བཙུན་སྙིང་ཐིག་གི་སྔོན་འགྲོའི་ངག་འདོན་ཡེ་ཤེས་ལམ་བཟང་ཞེས་བྱ་བ་བཞུགས་སོ།། ན་མོ་གུ་རུ་བྷྱཿ བླ་མ་ཀུན་བཟང་རྡོ་རྗེ་སེམས་དཔའ་ལ། །གུས་པས་བཏུད་དེ་ལྕེ་བཙུན་སྙིང་ཐིག་གི །སྔོན་འགྲོ་རྒྱུན་དུ་ཉམས་སུ་ལེན་པའི་ཚུལ། །དམིགས་ཁྲིད་དང་བཅས་འདི་ན་གསལ་བར་བྱ། དེ་ལ་སྦྱོར་བ། དངོས་གཞི། རྗེས་ཀྱི་རིམ་པ་གསུམ་ལས། དང་པོ། །ཐོག་མར་ཐོ་རངས་མལ་ནས་ལྡང་སྟེ་རླུང་རོ་དགུ་ཕྲུགས་སུ་བསལ་ལ་ནད་གདོན་སྡིག་སྒྲིབ་ཐམས་ཅད་སངས་ཀྱིས་དག་པར་བསམ། སྤྲོ་ན། ངག་བྱིན་བརླབ་ནི། ཨོཾ་ཨཱཿཧཱུྃ། ལྕེ་དབང་རྃ་ཡིག་ལས་བྱུང་མེས་བསྲེགས་ནས། །འོད་དམར་རྣམ་པའི་རྡོ་རྗེ་རྩེ་གསུམ་སྦུབས། །ཨཱ་ལི་ཀཱ་ལིའི་མཐའ་བསྐོར་རྟེན་འབྲེལ་སྙིང༌། །མུ་ཏིག་ཕྲེང་བ་ལྟ་བུའི་ཡིག་འབྲུ་ལས། །འོད་འཕྲོས་རྒྱལ་བ་སྲས་བཅས་མཆོད་པས་མཉེས། །སླར་འདུས་ངག་སྒྲིབ་དག་ནས་གསུང་རྡོ་རྗེའི། །བྱིན་རླབས་དངོས་གྲུབ་ཐམས་ཅད་ཐོབ་པར་བསམ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ ལན་བདུན། ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ལན་བདུན། ཡེ་དྷརྨཱ་ཧེ་ཏུ་པྲ་བྷ་ཝཱ་ཧེ་ཏུན་ཏེ་ཥཱནྟ་ཐཱ་ག་ཏོ་ཧྱ་ཝ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲཱ་མ་ཎ་སྭཱ་ཧཱ། ལན་བདུན་དེ་ནས། ནམ་མཁའ་དང་མཉམ་པའི་སེམས་ཅན་ཐམས་ཅད་གདོད་མའི་མགོན་པོའི་གོ་འཕང་ལ་འགོད་པར་བྱ། དེའི་ཆེད་དུ་ལམ་ཟབ་མོ་ཉམས་སུ་བླང་བར་བགྱིའོ། །སྙམ་པས་སེམས་བསྐྱེད། རང་གི་སྤྱི་བོ་ནས་སོར་བཞི་ཙམ་གྱི་ཐད་ཀྱི་ནམ་མཁར་པད་ཟླའི་གདན་ལ་རྩ་བའི་བླ་མ་དང་དབྱེར་མེད་པའི་སློབ་དཔོན་ཆེན་པོ་བི་མ་ལ་མངོན་སུམ་ལྟ་བུ་འོད་དང་གཟི་བརྗིད་འབར་བ་འཇའ་ཟེར་ཐིག་ལེ་འཁྲིགས་པའི་དབུས་སུ་དགྱེས་ཡེ་རེ་བཞུགས་པར་མོས་ལ། དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་རིན་པོ་ཆེ་མཁྱེན་ནོ། བདག་གི་རྒྱུད་སྨིན་ཅིང་གྲོལ་བར་བྱིན་གྱིས་བརླབ་ཏུ་གསོལ། ཟབ་ལམ་གྱི་རྟོགས་པ་ཁྱད་པར་ཅན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། ཚེ་འདི་ཉིད་ལ་འོད་གསལ་རྫོགས་པ་ཆེན་པོའི་ལམ་མཆོག་མཐར་ཕྱིན་པར་བྱིན་གྱིས་བརླབ་ཏུ་གསོལ། །ཞེས་མོས་གུས་ཚད་མེད་པ་དང་བཅས་ལན་གསུམ་དང༌། སྤྲོ་ན་བླ་མའི་རྒྱང་འབོད་དུ་གྲགས་པ་འདི་ཉིད་ཁྱེའུས་ཕ་མར་འབོད་འདྲའི་གདུང་དབྱངས་སྙན་པོས། བླ་མ་སངས་རྒྱས་རིན་པོ་ཆེ། །བདག་ལ་རེ་ས་གཞན་ན་མེད། །ཐུགས་རྗེའི་སྤྱན་གྱིས་གཟིགས་མཛོད་ལ། །འཁོར་བའི་མཚོ་ལས་བསྒྲལ་དུ་གསོལ། །ཚེ་འདིའི་ལེགས་པ་ཀུན་འགྲུབ་ཅིང༌། །བགེགས་དང་བར་ཆད་མེད་པ་དང༌། །འཆི་ཁར་ཟབ་མོའི་འོད་གསལ་ཟིན། །བར་དོའི་འཕྲང་ལས་སྒྲོལ་བར་མཛོད། །ལུས་དང་ངག་ཡིད་རྩོམ་པ་ཀུན། །རྟག་ཏུ་གཞན་ལ་ཕན་པ་དང༌། །རྐྱེན་རྣམས་བྱང་ཆུབ་ལམ་མཆོག་ཏུ། །དེ་རིང་ཉིད་ནས་བསྒྱུར་དུ་གསོལ། །བདག་གིས་འབད་ཀྱང་ཐར་བར་དཀའ། །མགོན་པོ་ཁྱེད་ཀྱི་ཐུགས་རྗེའི་གྲུས། །མགོན་མེད་བདག་དང་འགྲོ་བ་ཀུན། །ཐར་པའི་གླིང་དུ་ཕྱིན་པར་མཛོད། །གང་དག་བདག་ལ་དད་གྱུར་ཏམ། །སྨོད་དང་སྐུར་པ་འདེབས་ཀྱང་རུང༌། །དེ་དག་སྡིག་ཟད་ཉོན་མོངས་མེད། །སྲིད་པའི་ཆུ་བོ་སྤོངས་བར་ཤོག །ནམ་ཞིག་བདག་གི་མིང་ཙམ་གྱིས། །འགྲོ་བའི་འདོད་དགུ་རབ་འགྲུབ་ཅིང༌། །ཕྱོགས་བཅུ་གང་བའི་ཞིང་རྣམས་སུ། །མཆོད་པའི་སྤྲིན་གྱིས་ཆར་འབེབས་ཤོག །དགེ་བ་ཡིས་ལུས་ཅན་ཀུན། །ཐམས་ཅད་སྲིད་ལས་རྣམ་གྲོལ་ནས། །ཡེ་ཤེས་དམ་པ་གཉིས་ཐོབ་སྟེ། །དོན་གཉིས་ལྷུན་གྱིས་གྲུབ་པར་མཛོད། །ཅེས་བླ་མ་ཡང་ཏིག་ལས་བྱུང་བའི་གསོལ་འདེབས་ཁྱད་པར་ཅན་འདི་བླ་མ་ནམ་དྲན་དུས་གསོལ་བ་འདེབས་པ་ལ་བརྩོན་པར་གཅེས་སོ། མཐར་བླ་མ་རང་ལ་ཐིམ་པར་མོས་ལ་རང་བབས་སུ་བཞག་གོ །གཉིས་པ་ལ་གཉིས། དང་པོ་སེམས་སྦྱོང་བདུན་རིམ་པར། །འདི་ལྟར་འདུས་བྱས་ཐམས་ཅད་ནི་མི་རྟག་པ་སྟེ་ཆུའི་ལྦུ་བ་ལྟ་བུའོ། །ཞེས་འདི་ལྟར་ཕྱི་ཉིན་མཚན་དུས་བཞི། ནང་སྒྱུ་ལུས། གསང་བ་ཕ་མ་ཉེ་དུ་གང་ལ་བརྟགས་ཀྱང་དོན་ལ་འདུས་བྱས་ཐམས་ཅད་མི་རྟག་ཅིང་སྙིང་པོ་མེད་པ་སྟེ། དཔེར་ན་ཆུའི་ལྦུ་བ་སྐད་ཅིག་གིས་སྐྱེ་འགགས་ལྟ་བུར་ངེས་པར་འཆི་བ། ནམ་འཆི་ཆ་མེད། འཆི་རྐྱེན་ངེས་མེད། བྱས་པ་དོན་མེད་དེ་དཔེ་དོན་འབྲེལ་བས་བློ་སྦྱོང༌། དལ་ཁོམ་མེད་པར་བློ་སྣ་ཐུང་ངུར་སོང་ན་འབྱོངས་པའི་ཚད་དོ། །གཉིས་པ། འཁོར་བའི་བདེ་བ་ཐམས་ཅད་ནི་འཕྲལ་བདེ་བ་ལྟར་སྣང་ཡང་དོན་ལ་སྡུག་བསྔལ་ཏེ་དུག་གི་འབྲས་བུ་སྨིན་པ་ལྟ་བུའོ། །ཞེས་པས་ཤི་བའི་ཚེ་ཟག་བཅས་དགེ་བའི་ལས་ཀྱིས་མཐོ་རིས་སུ་སྐྱེ་སྲིད་ནའང༌། འཁོར་བའི་བདེ་འབྱོར་ཐམས་ཅད་ནི་འཕྲལ་བདེ་བ་ལྟར་སྣང་ཡང༌། དོན་ལ་འདུ་བྱེད་རྐྱེན་ཁར་ཤོར་བའི་སྡུག་བསྔལ་ཏེ། དཔེར་ན་ཟས་བཟང་པོ་དུག་ཅན་ལ་སྤྱོད་ཚེ་རོ་ཞིམ་པ་དང་ལྟོ་བདེ་ཡང༌། ཟས་ཞུུ་མ་ཐག་དུག་གི་འབྲས་བུ་སྨིན་ཏེ་སྲོག་དང་བྲལ་བ་ལྟ་བུར་འགྱུར་བའི་སྡུག་བསྔལ་དང་མི་དགེ་བའི་ལས་ཀྱིས་ངན་སོང་གི་གནས་སུ་སྡུག་བསྔལ་གྱི་སྡུག་བསྔལ་སོགས་སྡུག་བསྔལ་རྒྱུ་འབྲས་གཉིས་ལ་བློ་སྦྱོང་བས་མངོན་མཐོ་ལྷ་མིའི་བདེ་བ་ལ་དགྲ་ལྟར་མཐོང༌། བྱང་ཆུབ་ཀྱི་སེམས་རྣམ་པ་གཉིས་ནི་ཟག་མེད་བྱང་ཆུབ་ཀྱི་རྒྱུ་ཡིན་པར་ཐག་ཆོད། དགེ་བློ་གོང་འཕེལ་དུ་སོང་ན་འབྱོངས་པའི་ཚད་དོ། །གསུམ་པ། རྐྱེན་སྣ་ཚོགས་པ་ཐམས་ཅད་ནི་ཟིན་པའི་དུས་མེད་པ་སྟེ་སྨིག་རྒྱུའི་ཆུ་ལ་བསྙེགས་པ་ལྟ་བུའོ། །ཞེས་ཡུལ་ཡུལ་ཅན་གཟུང་འཛིན་རང་ཁར་ཤོར་བའི་རྐྱེན་སྣ་ཚོགས་པ་སྟེ་འདོད་པ་ཐོག་ཏུ་མི་ཁེལ་བ་དང་མི་འདོད་པ་ཐོག་ཏུ་འབེབས་པས་མཚོན་འདིར་སྣང་འཁོར་བའི་ཆགས་སྡང་གི་ལས་སྔ་མ་སྔ་མའི་རྗེས་སུ་ཕྱི་མ་ཕྱི་མའི་རེ་བའི་དོན་དང་དོགས་པའི་གནས་ཐམས་ཅད་ནི་ནམ་ཡང་ཟིན་པ་དང་ཟད་པའི་དུས་མེད་པ་སྟེ། དཔེར་ན་སོས་དུས་རི་དྭགས་སྐོམ་གྱིས་གདུང་བ་དག་གིས་ཐང་ཆེན་པོའི་སྨིག་རྒྱུ་ཆུར་འཁྲུལ་ཏེ་དབུགས་ཟད་ཟད་དུ་བསྙགས་ནས་དེད་ཀྱང་ཆུ་ཐོབ་པ་ལྟ་ཅི་སླར་སྲེད་ལེན་སྐོམ་གྱིས་གདུང་བ་མེ་འབར་བ་ལྟ་བུར་འགྱུར་པ་དེ་བཞིན་དུ་འཁྲུལ་སྣང་འདིར་ཞེན་གྱི་བྱ་བས་ངལ་བ་ནི་དོན་མེད་པའི་ཚུལ་ལ་བློ་སྦྱོང༌། སྒྱུ་མ་ལྟ་བུ་སྙིང་པོ་མེད་པ་ལ་སྙིང་པོ་ལེན་འདོད་ཀྱིས་བསོད་ནམས་བསགས་པ་ལ་བརྩོན་པ་ཆེར་སོང་ན་འབྱོངས་པའི་ཚད་དོ། །བཞི་པ། ཚེ་འདིའི་བྱ་བ་ཐམས་ཅད་ནི་རྣམ་པ་ཀུན་ཏུ་དོན་མེད་པ་སྟེ་གཉིད་ཐུན་གཅིག་གི་རྨི་ལམ་བཟང་ངན་ལྟ་བུའོ། །ཞེས་པས་རྟག་འཛིན་བདེན་ཞེན་གྱི་དབང་གིས་གྲགས་དང་མ་གྲགས། །སྙན་དང་མ་སྙན། རྙེད་དང་མ་རྙེད། བཀུར་དང་མ་བཀུར་བས་མཚོན་ཚེ་འདིའི་བདེ་སྡུག་གི་བྱ་བ་ཐམས་ཅད་ནི་རྣམ་པ་ཀུན་ཏུ་དོན་མེད་པ་སྟེ། དཔེར་ན་སྔར་སོང་ཐམས་ཅད་ཁར་སོང་གི་རྨི་ལམ་ལྟ་བུ། ད་ལྟའི་བྱ་བའང་གཉིད་ཐུན་གཅིག་གི་རྨི་ལམ་བཟང་ངན་ལྟ་བུ་ལས་དོན་མེད་ཚུལ་ལ་བློ་སྦྱོང༌། རྟག་འཛིན་གྱི་འཁྲུལ་འཁོར་ཐམས་ཅད་རྨི་ལམ་ལྟར་སྙིང་པོ་མེད་པར་ཐག་ཆོད་ན་འབྱཽངས་པའི་ཚད་དོ། །ལྔ་པ། ཐར་པ་དམ་པའི་འབྲས་བུ་ནི་ནམ་ཡང་སྡུག་བསྔལ་བར་མི་ལྡོག་སྟེ་འབྲུམ་ནད་བྱང་བའི་སྐྱེས་བུ་ལྟ་བུའོ། །ཞེས་པས་འཇུག་སྒོ་ཐར་པ་དམ་པ་བྱང་ཆུབ་མཆོག་ཏུ་སེམས་སྐྱེད་པའི་འབྲས་བུ་ནི་སྤངས་རྟོགས་ལྡོག་གསུམ་གྱི་སྒོ་ནས་གཤེགས་ཏེ། སངས་རྒྱས་ཟིན་ནས་ནམ་ཡང་སྡུག་བསྔལ་འཁོར་བར་སླར་མི་ལྡོག་ཏེ། དཔེར་ན་འབྲུམ་ནད་བྱང་བའི་སྐྱེས་བུ་སྟེ་འབྲུམ་བུ་ཞེས་རིམས་ནད་དྲག་པོས་ཐར་ཟིན་པ་དག་སླར་འབྲུམ་ནད་ལ་དོགས་པ་དང་འཇིགས་པ་དང་ཡ་ང་བ་མེད་བཞིན་དུ་གཞན་ནད་པ་དག་ལ་ཕན་འདོགས་ནུས་པ་ལྟར་བདེ་བར་གཤེགས་པ་དོན་གཉིས་ལྷུན་གྲུབ་སངས་རྒྱས་ཀྱི་གོ་འཕང་རིན་པོ་ཆེ་ཚེ་འདི་ཉིད་ལ་ཐོབ་པར་བྱ་སྙམ་པའི་དམ་པ་གོང་མའི་རྣམ་ཐར་ལ་ཚད་བཙུགས་ཏེ་དགེ་རྩ་དམ་པ་གསུམ་གྱིས་ཟིན་ངེས་པའི་བློ་སྦྱོང༌། སྲོག་ལ་བབ་ཀྱང་སླ་ཡི་ཅིས་ཀྱང་སངས་རྒྱས་ཐོབ་པར་བྱ་སྙམ་པ་བྱུང་ན་འབྱོངས་པའི་ཚད་དོ། །དྲུག་པ། བླ་མ་དམ་པའི་གདམས་ངག་ནི་ཐར་པའི་ཁང་བཟང་དུ་འཛེགས་པའི་ལམ་སྟེ་ཐེམ་སྐས་བཟང་པོ་ལྟ་བུའོ། །ཞེས་པས། བླ་མ་དམ་པ་མ་བསྟེན་པར་སངས་རྒྱས་ཐོབ་པ་ནི་མདོ་རྒྱུད་གང་ལས་མ་གསུངས་པས་བླ་མ་བསྟེན་དགོས། དེ་ཡང་བསྟེན་ལོ་ཙམ་མ་ཡིན་པར་མཉེས་པ་གསུམ་གྱིས་ཐུགས་ཟིན་ངེས་བྱས་ལ་ཡུན་རིང་པོར་སྐྱོ་སུན་མེད་པའི་སྒོ་ནས་གདམས་ངག་ཟབ་མོ་ནི་ཉན་ཏེ་ཉམས་སུ་བླངས་ན་མྱུར་དུ་ཐར་པ་ཐོབ་པའི་དཔེ་ཁང་བཟང་མཐོན་པོའི་ཡང་སྟེང་དུ་འགྲོ་འདོད་པ་དག་འཛེགས་པའི་ལམ་སྟེ་ཐེམ་སྐས་བཟང་པོ་ལ་བརྟེན་དགོས་པ་ལྟར་བླ་མ་མཚན་ཉིད་དང་ལྡན་པ་བསྟེན་པ་དེ་ཡང་འཇིག་རྟེན་ན་རྙེད་དཀའ་བ་དལ་འབྱོར་གྱི་མི་ལུས། མཇལ་དཀའ་བ་མཚན་ལྡན་གྱི་བླ་མ་ཐོབ་དཀའ་བ་གདམས་ངག་ཟབ་མོ་སྟེ་དཀའ་ཚུལ་གསུམ་གྱི་སྒོ་ནས་བློ་སྦྱང༌། ངེས་ཤེས་ཁྱད་པར་ཅན་རྒྱུད་ལ་སྐྱེ་སྟེ་བླ་མ་དང་གདམས་ངག་ལ་ཡིད་རྩེ་གཅིག་ཏུ་ཕྱོགས་པ་བྱུང་ན་འབྱོངས་པའི་ཚད་དོ། དེ་ལྟར་རེ་རེ་ནས་དཔེ་དོན་ཟུང་འཇུག་གི་སྒོ་ནས་ཉམས་སུ་བླང་ངོ༌། བདུན་པ། རྣམ་པར་མི་རྟོག་པའི་བསམ་གཏན་ནི་ཏིང་ངེ་འཛིན་ཐམས་ཅད་སྐྱེ་བའི་གཞི་སྟེ་ཞིང་ས་དུལ་བ་ལྟ་བུའོ། ཞེས་པས་ལམ་ཐམས་ཅད་ཀྱི་གཞི་ལྟ་བུ་རྣམ་པར་མི་རྟོག་པའི་བསམ་གཏན་ནི་ས་མ་དྷི་ཞེས་པའི་སྒྲ་བློ་མཉམ་པ་ཉིད་ཅེས་ཏིང་ངེ་འཛིན་ནི་ཡོན་ཏན་ཐམས་ཅད་སྐྱེ་བའི་གཞི་སྟེ་དཔེར་ན་ཞིང་ས་བཟང་པོ་རྨོ་དུལ་ལེགས་པར་བྱས་ན་འབྲུ་དང་མེ་ཏོག་སོགས་གཞན་ལས་ལྷག་པར་འབྱུང་བ་དེ་བཞིན་དུ་གཞི་ཏིང་འཛིན་སྒོམ་ཚུལ་ལ་བྱེ་བྲག་མང་དུ་ཡོད་ཀྱང༌། རང་ལུགས་ལ་རིམ་པ་གསུམ་དུ་གསུངས་པས། དང་པོ་ལུས་གནད་དང་ལྡན་པར། རང་ལུས་སྟོང་སེང་ངེ་བའི་དབུས་སུ་རྩ་དབུ་མ་མཚན་ཉིད་བཞི་དང་་་་་་རོ་རྐྱང་འཁོར་ལོ་བཞི་བཅས། མཆན། ལྡན་པ་སྦ་ལྕགས་འབྲིང་པོ་ཙམ་ཡར་སྣར་ཐབས་བདེ་བ་ཆེན་པོའི་རང་བཞིན་ཧྃ་ཡིག་དཀར་པོ་ནཱ་ད་སུམ་འཁྱོགས་ཅན་བདེ་བའི་རང་བཞིན་བདུད་རྩིའི་ཟིལ་པ་ཕྲོམ་མེ་བ་འཛག་ལ་ཁད་པ་དང༌། མར་སྣར་ལྟེ་འོག་ཤེས་རབ་ཀྱི་རང་བཞིན་ཨ་ཡིག་དམར་པོ་འབར་ལ་ཁད་པ་གསལ་གདབ་ལ་རླུང་རོ་བསལ། སྟེང་རླུང་མནན་འོག་རླུང་ཅུང་ཟད་བསྐུམ་པས་ཨ་ལས་གཏུམ་མོའི་མེ་རབ་ཏུ་ཕྲ་བ་ཉུག་ཉུག་ཏུ་འབར་ཏེ་ཧྃ་ལ་རེག་པས་བདེ་བའི་བདུད་རྩི་ནར་གྱིས་དྲངས་ཏེ་ཨ་ལ་ཕོག་མེ་ཆེར་འབར་བདེ་བའི་རྒྱུན་དང་མེ་དབྱེར་མེད་ཀྱིས་རྩ་གསུམ་འཁོར་ལོ་བཞི་བཅས་གང་བས་བདེ་དྲོད་འབར་བར་བསམས་ལ་ཤེས་པ་གཞན་དུ་མ་ཡེངས་པར་སྙིང་གར་ཨ་དཀར་གསལ་ལ་སེམས་བཟུང་སྟེ་རླུང་ཁ་སྦྱོར་དུ་འཆིང༌། མི་ཐུབ་ཚེ་ཕྲ་ལ་རིང་བ་ཤུགས་ཀྱིས་འཕང༌། རིམ་པར་བུམ་ཆེན་ལ་བསླབ། དེས་བདེ་སྟོང་རྣམ་པར་མི་རྟོག་པའི་ཡེ་ཤེས་སྐྱེ་བར་འགྱུར་རོ། །གཉིས་པ་སྣ་བུག་གཉིས་ནས་རླུང་དལ་བུས་ཕྱིར་འཕང་བས་སྣང་བ་ཐམས་ཅད་ནམ་མཁའི་རང་བཞིན་དུ་སྔོ་མེར་གྱིས་ཞུ་བར་བསམས་ལ་རླུང་ཅི་གནས་ཕྱིར་འཛིན། སླར་དལ་བུས་ནང་དུ་རྔུབ་ཚེ་སྔོ་ནར་གྱིས་སྣ་བུག་གཡོན་ནས་ཞུགས་ལྟེ་འོག་ཏུ་མེར་གྱིས་ཁེངས་པར་བསམས་ལ་རླུང་ཁ་སྦྱོར་དུ་འཆིང༌། དེ་ཡང་རང་གི་ཁམས་ཚ་གྲང་དང་བསྟུན་པའི་གཉེན་པོ་རླུང་གི་རེག་བྱ་དེ་ལྟར་བསྒོམ། གོམས་ན་གསལ་སྟོང་རྣམ་པར་མི་རྟོག་པའི་ཡེ་ཤེས་སྐྱེ་བར་འགྱུར་རོ། །གསུམ་པ་དུས་གསུམ་གྱི་རྟོག་པ་བཅད་དེ་སེམས་རང་བབས་སུ་འབོལ་ལེ་ཤིག་གེར་བཞག་པས་སེམས་གར་གཏད་ལ་ཟིན་པ་ནི་ཆོས་ཉིད་རྣམ་པར་མི་རྟོག་པའི་ཡེ་ཤེས་ཏེ་འབྱོངས་པའི་ཚད་དོ། །གཉིས་པའི་གཉིས་པ་ཐུན་མོང་མ་ཡིན་པ་ལ་ལྔ་ལས། དང་པོ་སྐྱབས་སུ་འགྲོ་བ་ནི། བརྒལ་དཀའ་འཁོར་བའི་སྡུག་བསྔལ་གྱི་རྒྱ་མཚོ་ལས་བདག་གཞན་སེམས་ཅན་ཐམས་ཅད་བསྒྲལ་ཏེ་སངས་རྒྱས་ཀྱི་གོ་འཕང་ཐོབ་པར་བྱ་བའི་ཆེད་དུ་སྐྱབས་སུ་འགྲོའོ་སྙམ་པའི་སྐྱེས་བུ་ཆེན་པོའི་བློས། རང་ཉིད་གང་དུ་འདུག་པའི་ས་ཕྱོགས་རིན་པོ་ཆེ་སྣ་ཚོགས་ལས་གྲུབ་པའི་ས་གཞི་དང་ཤིང་དང་ཆུ་དང་མཚོ་དང་མེ་ཏོག་སོགས་བཀོད་པ་བློས་དཔོག་པར་དཀའ་བ་ངོ་མཚར་བའི་རྒྱན་ཐམས་ཅད་ཀྱིས་བརྒྱན་པའི་ཞིང་ཁམས་སུ་གསལ་བའི་རང་གི་མདུན་གྱི་ནམ་མཁར་མཆོད་སྤྲིན་རྒྱ་མཚོའི་དབུས་སུ་རིན་པོ་ཆེ་པད་ཟླའི་གདན་ལ་ངོ་བོ་རྩ་བའི་བླ་མ་ཡིན་པ་ལ་རྣམ་པ་སློབ་དཔོན་ཆེན་པོ་བི་མ་ལ་མི་ཏྲ་དེ་ཡང་སྐུ་དགེ་འདུན། གསུང་དམ་ཆོས། ཐུགས་སངས་རྒྱས། དཀོན་མཆོག་གསུམ། སྐུ་བླ་མ། གསུང་ཡི་དམ། ཐུགས་མཁའ་འགྲོ་སྟེ་རྩ་བ་གསུམ། སྐུ་སྤྲུལ་སྐུ། གསུང་ལོངས་སྐུ། ཐུགས་ཆོས་སྐུ་སྟེ་སྐུ་གསུམ། དེ་བཞིན་དུ་ཡོན་ཏན་ནོར་ལྷ། འཕྲིན་ལས་ཆོས་སྐྱོང་སྲུང་མ་སྟེ། སྐྱབས་ཀུན་འདུས་ཀྱི་ངོ་བོར་ཡེ་ཤེས་ལྔ་ཡི་རང་མདངས་འཇའ་ཟེར་ཐིག་ལེའི་ཀློང་དུ་མངོན་སུམ་ལྟར་གསལ་བའི་མདུན། རང་གི་གཡས་གཡོན་དུ་སྐྱེ་བ་ད་རེས་ཀྱི་ཕ་མ། མདུན་དུ་གནོད་བྱེད། མཐའ་སྐོར་ཀུན་ཏུ་རིགས་དྲུག་གི་སེམས་ཅན་མ་ལུས་པ་འཁོད་པར་མོས་པས་ཐམས་ཅད་ཀྱིས་ལུས་གུས་པས་ཐལ་མོ་སྦྱར། ངག་གུས་པས་སྐྱབས་འགྲོའི་ཚིག་བརྗོད་ཅིང༌། ཡིད་གུས་པས་འདི་ནས་བྱང་ཆུབ་སྙིང་པོ་ལ་མཆིས་ཀྱི་བར་དུ། སྐྱབས་གནས་ཀུན་འདུས་བླ་མ་རིན་པོ་ཆེ་ཁྱེད་ལ་བརྟེན། ཁྱེད་ལ་འབུལ། ཁྱེད་ལས་སྐྱབས་དང་སྐྱོབ་པ། མགོན་དང་དཔུང་གཉེན། རེ་ལྟོས་གཞན་ན་མེད་པས་ཅི་མཛད་ཁྱེད་མཁྱེན་སྙམ་པའི་གདུང་ཤུགས་དྲག་པོས་སྐྱབས་སུ་འགྲོ་བར་མོས་ཏེ། ཨཿ ཀ་དག་གཏིང་གསལ་ཆོས་ཀྱི་སྐུ༔ ལྷུན་གྲུབ་རིགས་རྩལ་ལོངས་སྤྱོད་རྫོགས༔ དབྱེར་མེད་ཐུགས་རྗེ་སྤྲུལ་པའི་སྐུར༔ རང་ངོ་ཤེས་པས་སྐྱབས་སུ་མཆི༔ ཞེས་ཅི་ནུས་བརྗོད་མཐར་སྐྱབས་ཡུལ་རྣམས་ཀྱི་ཐུགས་ཀ་ནས་ཐུགས་རྗེའི་འོད་ཟེར་དཀར་པོ་ཟླ་བ་ཤར་བ་ལྟ་བུར་འཕྲོས། བདག་དང་སེམས་ཅན་ཐམས་ཅད་ལ་ཕོག་པས་སྡིག་སྒྲིབ་བག་ཆགས་ཐམས་ཅད་བྱང་ཞིང་དག །ཚེ་བསོད་ལུང་རྟོགས་ཡེ་ཤེས་ཡོན་ཏན་ཐམས་ཅད་གོང་འཕེལ་དུ་རྒྱས་པར་བསམས་ལ་སེམས་མ་བཅོས་རང་བབས་སུ་བཞག་གོ །གཉིས་པ་སེམས་བསྐྱེད་པ་ནི། སླར་སྐྱབས་ཡུལ་དཔང་པོའི་ཚུལ་དུ་གསལ་བའི་སྤྱན་སྔར། འདི་ལྟར་ཡིད་དང་རྣམ་པར་ཤེས་པས་བསྡུས་པའི་སྤྱི་ཁམས་གསུམ་རིགས་དྲུག་གི་སེམས་ཅན་ཐམས་ཅད་ཐོག་མ་མེད་པ་ནས་ད་ལྟའི་བར་དུ་དགྲ་གཉེན་སོགས་མ་ངེས་པ་དང༌། མ་འོངས་པ་ནའང་དེ་ལྟར་ངེས་པ་མེད་པས་ཆགས་སྡང་དང་བྲལ་ན་སྙམ་པའི་བཏང་སྙོམས། བྱེ་བྲག་ཏུ་ཐམས་ཅད་དུས་གསུམ་གྱི་ཕ་མ་དྲིན་ཅན་དུ་ངེས་པས་བདེ་བ་རྒྱུ་འབྲས་དང་འཕྲད་འདོད་ཀྱི་བྱམས་པ། སྡུག་བསྔལ་རྒྱུ་འབྲས་དང་བྲལ་འདོད་ཀྱི་སྙིང་རྗེ། བདེ་བ་དང་མི་འབྲལ་བར་གོང་འཕེལ་དུ་འདོད་པ་དགའ་བ་སྟེ་ཚད་མེད་བཞི་ཡི་བློ་དང་ལྡན་པས། ཧོ༔ གློ་བུར་འཁྲུལ་པའི་འགྲོ་བ་ཀུན༔ གདོད་ནས་རྣམ་དག་དབྱིངས་ཀྱི་ངང་༔ ཡེ་ཤེས་རིག་པས་རང་གྲོལ་ཕྱིར༔ ཅོག་བཞག་ཆེན་པོར་སེམས་བསྐྱེད་དོ༔ ཞེས་ཇི་ལྟར་རིགས་པར་བརྗོད། བྱང་ཆུབ་ཀྱི་སེམས་རྣམ་པ་གཉིས་ལ་བློ་སྦྱངས་ཏེ་གོང་འཕེལ་དུ་བསྐྱེད། བདེ་སྡུག་གཏོང་ལེན་རླུང་གི་འགྲོ་འོང་དང་བསྟུན་ཏེ་ཉམས་སུ་ལེན། དེ་ཡང་སྟོང་ཉིད་སྙིང་རྗེ་ཟུང་འཇུག་འཁོར་གསུམ་སྒྱུ་མ་དང་རྨི་ལམ་ལྟ་བུའི་དོན་ཁོང་དུ་ཆུད་པ་ལ་བསླབ་པར་བྱའོ། །གསུམ་པ་སྒྲིབ་སྦྱོང་ནི་སྟོབས་བཞིའི་དམིགས་འདུན་བཅས། ཨཿ བདག་ཉིད་ཐ་མལ་ལུས་ཀྱི་དབུས། །རྩ་གསུམ་འཁོར་ལོ་བཞི་དང་བཅས། །དྭངས་གསལ་འོད་ཀྱི་རང་བཞིན་གྱི། །མར་སྣེ་ལྟེ་འོག་སོར་བཞིའི་སྦུབས། །བླ་མ་དཔལ་ལྡན་རྡོ་རྗེ་སེམས། །དམར་གསལ་ཞལ་གཅིག་ཕྱག་གཉིས་པ། །རྡོ་རྗེ་དྲིལ་འཛིན་ལོངས་སྐུའི་ཆས། །རང་འོད་རིག་མའི་བདེ་བས་དགྱེས། །རྡོ་རྗེ་པདྨའི་སྐྱིལ་ཀྲུང་གིས། །པདྨ་ཟླ་བའི་གདན་གྱི་སྟེང༌། །དྭངས་མ་འོད་ལྔའི་ཀློང་ན་བཞུགས། །བླ་མ་རྡོ་རྗེ་སེམས་དཔའ་ལ། །མི་ཕྱེད་གུས་པས་གསོལ་བ་འདེབས། །བདག་གི་སྡིག་སྒྲིབ་ཉེས་ལྟུང་ཀུན། །བྱང་ཞིང་དག་པར་བྱིན་གྱིས་རློབས། །རྩེ་གཅིག་གསོལ་བ་བཏབ་པ་ལས། །ཡེ་ཤེས་མེ་འབར་རྩ་འཁོར་ཁྱབ། །སྒོ་གསུམ་ཆ་མཉམ་སྡིག་སྒྲིབ་ཀུན། །བསྲེགས་སྦྱངས་རང་ལུས་འོད་ཀྱི་སྐུ། །རྡོ་རྗེ་སེམས་དཔའི་གསང་གསུམ་དང༌། །དབྱེར་མེད་མ་བཅོས་ལྷུག་པར་ཤར། །ཞེས་རང་ཐ་མལ་དུ་གནས་པའི་ལུས་དབུས་དྲང་པོར་རྩ་གསུམ་འཁོར་ལོ་བཞི་ལྡན་གསལ་བའི་རྩ་གསུམ་པོའི་ཡར་སྣེ་ཚངས་བུག་དང་སྣ་གཉིས་སུ་ཧ་རེར་ཡོད་པ། མར་སྣེ་ལྟེ་འོག་སོར་བཞིའི་ཐད་དུ་ཡི་གེ་ཆ་ཡི་དབྱིབས་རྩ་གསུམ་སྦུབ་གཅིག་ཏུ་སོང་བའི་འདུས་མདོར། པད་ཟླའི་གདན་ལ་བླ་མ་རྡོ་རྗེ་སེམས་དཔའ་སྐུ་མདོག་དམར་པོ་ཕྱག་གཡས་རྡོ་རྗེ་ཐུགས་ཀར་གཏོད་དེ་འཛིན་པ། གཡོན་དྲིལ་བུ་དཀུར་བརྟེན་པའི་པང་དུ་ཡུམ་སྙེམ་མ་དམར་སྐྱ་གྲི་ཐོད་འཛིན་པ། ཡབ་རྡོ་རྗེའི་སྐྱིལ་ཀྲུང་དང་ཡུམ་པདྨའི་སྐྱིལ་ཀྲུང་གི་ཚུལ་གྱིས་མཉམ་པར་སྦྱོར་བ། ལོངས་སྐུའི་ཆས་དང་རུས་པའི་རྒྱན་གྱིས་སྤྲས་པ། སྣང་ལ་རང་བཞིན་མེད་པ་ཡེ་ཤེས་ལྔ་ཡི་རང་འོད་འཕྲོ་བའི་ཀློང་དུ་བདེ་ཆེན་དགྱེས་པའི་རྣམ་རོལ་དུ་བཞུགས་པར་མོས་ལ་བདག་གི་ཤེས་རྒྱུད་ཀྱི་སྡིག་ལྟུང་དག་པ་ཞིག་བླ་མ་རྡོ་རྗེ་སེམས་དཔའ་ཁྱེད་མཁྱེན་ནོ་སྙམ་པ་དང་ཆབས་ཅིག་འཇམ་རླུང་ཁ་སྦྱར་ལ་ཡི་གེ་བརྒྱ་པ་ཡིད་བཟླས་བྱ། དམིགས་པ་རོ་རྐྱང་གི་རླུང་དབུ་མར་ཞུགས་པས་ཐུགས་རྒྱུད་བསྐུལ་ཏེ་སྐུ་ལས་ཡེ་ཤེས་ཀྱི་མེ་རྟ་རྔ་རྒྱར་བཤགས་པ་ཙམ་དམར་ཉུག་ཉུག་ཏུ་འབར་ཏེ་རིམ་པར་ལྟེ་བའི་རྩ་འཁོར་དྲུག་ཅུ་རྩ་བཞིའི་ནང་ཁེངས། སྙོམས་འཇུག་གི་སྒྲིབ་པ་དང་དེས་བསྐྱེད་པའི་སྡིག་ལྟུང་སྤྱི་དང་ཡོན་ཏན་ཕྲིན་ལས་དང་བཅས་པའི་དམ་ཚིག་ཉམས་ཆག་ཐམས་ཅད་བསྲེགས། དེའི་འགྲེས། སྙིང་གའི་རྩ་འཁོར་བརྒྱད་གང་གཉིད་འཐུག་གི་དང༌། ཐུགས་ཀྱི་དམ་ཚིག་ཉམས་ཆག །མགྲིན་པའི་རྩ་འཁོར་བཅུ་དྲུག་གང་རྨི་ལམ་གྱི་དང༌། གསུང་གི་དམ་ཚིག་ཉམས་ཆག །སྤྱི་བོའི་རྩ་འཁོར་སུམ་ཅུ་སོ་གཉིས་གང་སད་པའི་སྒྲིབ་པ་དང་དེས་བསྐྱེད་པའི་སྡིག་ལྟུང་སྤྱྀ་དང་སྐུའི་དམ་ཚིག་ཉམས་ཆག་སོ་སོའི་ཁམས་སྙིགས་མ་དང་བཅས་པ་བསྲེགས་ཤིང་ལྷག་མེད་དུ་དག་པར་མོས་ལ་ཡི་གེ་བརྒྱ་པ་ཅི་ནུས་དང༌། ཨོཾ་བཛྲ་ས་ཏྭ་ཨཱཿ ཞེས་ཡིད་བཟླས་ཁོ་ན་བྱ། སྐྱོ་ན་ངག་བཟླས་སྐྱོན་དྲུག་སྤངས་ལ་ཇི་ལྟར་རིགས་པར་བཟླ། མཐར་བཤགས་རྒྱུད་ལས་བྱུང་བའི་རཱུ་ཏྲའི་སྨྲེ་བཤགས་བྱ། མི་ནུས་ན། མགོན་པོ་བདག་ནི་མི་ཤེས་རྨོངས་པ་ཡིས༔ དམ་ཚིག་ལས་ནི་འགལ་ཞིང་ཉམས༔ བླ་མ་མགོན་པོས་སྐྱབས་མཛོད་ཅིག༔ གཙོ་བོ་རྡོ་རྗེ་འཛིན་པ་སྟེ༔ ཐུགས་རྗེ་ཆེན་པོའི་བདག་ཉིད་ཅན༔ འགྲོ་བའི་གཙོ་ལ་བདག་སྐྱབས་མཆི༔ སྐུ་གསུང་ཐུགས་རྩ་བ་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ༔ སྡིག་པ་དང་སྒྲིབ་པ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ༔ ཞེས་སྡིག་ལྟུང་ཉམས་ཆག་ཐམས་ཅད་སངས་ཀྱིས་དག་སྟེ་རྡོ་རྗེ་སེམས་དཔའི་གསང་བ་གསུམ་དང་དབྱེར་མེད་དུ་གྱུར་པར་མོས་ལ་སྤང་བླང་བསལ་བཞག་མེད་པའི་ངང་དུ་སེམས་ཅི་གནས་སུ་བཞག་གོ །བཞི་པ་ཚོགས་གསོག་པ་ལ་སྤྱི་དང་ཁྱད་པར་རོ། །དང་པོ་མཎྜལ་རྒྱས་པ་ཚོགས་གཉིས་སྤྲིན་ཚོགས་ལྟར་རམ། མ་ནུས་ན་ཀློང་ཆེན་སྙིང་ཐིག་གི་སྐུ་གསུམ་མཎྜལ་དངོས་སམ་ཡིད་ཀྱིས་འབུལ་བར་བྱ། རང་ལུགས་ལྟར་ན། མཐར་ནི་ཡེ་ཤེས་མེ་ལྕེ་ཡིས། །སྤྱི་བོའི་ཧྃ་ལས་བདུད་རྩི་དྲངས། །འཁོར་ལོའི་གནས་བཞིར་སོན་པ་ལས། །བླ་མ་སྐུ་བཞིའི་དཀྱིལ་འཁོར་པ། །དགའ་མཆོག་ཁྱད་པར་ལྷན་སྐྱེས་ཀྱིས། །ཡེ་ཤེས་ཆེན་པོས་རབ་མཉེས་ནས། །བདེ་ཆེན་འབྲས་བུའི་ཚོགས་ཆེན་རྫོགས། །རྡཽ་རྗེ་བཞི་དང་དབྱེར་མེད་གྱུར། ཅེས་བརྗོད་པ་དང་ཆབས་ཅིག་རྩ་འཁོར་སོགས་སྔར་ལྟར་ལས། ཁྱད་པར་ནི་དབུ་མའི་ཡར་སྣར་ཐབས་བདེ་བ་ཆེན་པོའི་རང་བཞིན་ཧྃ་ཡིག་དཀར་པོ་མགོ་མཐུར་བསྟན་ནཱ་ད་སུམ་འཁྱོག་ཅན་བདེ་བའི་བདུད་རྩི་དངུལ་ཆུའི་ཐིགས་པ་ལྟར་འཛག་ལ་ཁད་པ་ཞིག་གསལ་བཏབ། འཇམ་རླུང་ཁ་སྦྱར་བས་སྔར་ལྟར་མེ་ཉུག་ཉུག་ཏུ་འབར་ཏེ་ཧྃ་ཡིག་ལ་ཕོག་ལ་ཁད་ཀྱིས་བདུད་རྩིའི་རྒྱུན་དྲངས་ཏེ་མེས་བྲོས་དེད་ཀྱི་ཚུལ་དུ་རིམ་པར་སྤྱི་བོའི་རྩ་འཁོར་ན་བཞུགས་པའི་བླ་མ་སྐུ་རྡོ་རྗེ་རྣམ་སྣང་ཡབ་ཡུམ་དང༌། རྩ་འདབ་ཀྱི་སངས་རྒྱས་མཁའ་འགྲོ་་་་་དཀར། ཡབ་ཡུམ་སུམ་ཅུ་རྩ་གཉིས་ཀྱིས་མཚོན་དཔའ་བོ་མཁའ་འགྲོའི་ཚོགས་བསམ་གྱིས་མི་ཁྱབ་པ་ལ་བདེ་ཆེན་དགའ་བའི་ཡེ་ཤེས་ཀྱི་མཆོད་པ་འབུལ། སྣང་སྟོང་ཟུང་འཇུག་གི་ཚོགས་རྫོག༵ས། བུམ་དབང་ཐོབ། ལུས་ཀྱི་ལས་དང་སྐུའི་ཉམས་ཆག་སྦྱང༵ས། བསྐྱེད་རིམ་ཀྱྀ་ཡེ་ཤེས་སྨིན༵། སྐུ་རྡོ་རྗེ་སྤྲུལ་སྐུ་མངོན་དུ་གྱུར་པའི་སྐལ་བ་རྒྱུད་ལ་བཞག་པར་བསམ། །དེའི་འགྲེས། མགྲིན་པར་བླ་མ་གསུང་རྡོ་རྗེ་སྣང་མཐའ་ཡབ་ཡུམ་དང༌། པདྨ་མཁའ་འགྲོ་་་་་་དམར། ཡབ་ཡུམ་བཅུ་དྲུག་སོགས་ལ་བདེ་ཆེན་མཆོག་ཏུ་དགའ་བའི་ཡེ་ཤེས་ཀྱི་མཆོད་པ་འབུལ། གསལ་སྟོང་ཟུང་འཇུག་གི་ཚོགས་རྫོག༵ས། གསང་དབང་ཐོབ། ངག་གི་ལས་དང་གསུང་གི་ཉམས་ཆག་སྦྱང༵ས། རླུང་དང་གཏུམ་མོའི་ཡེ་ཤེས་སྨིན༵། གསུང་རྡོ་རྗེ་ལོངས་སྐུ་མངོན་དུ་གྱུར་པའི་སྐལ་བ་རྒྱུད་ལ་བཞག་པར་བསམ། །སྙིང་གར་བླ་མ་ཐུགས་རྡོ་རྗེ་མི་བསྐྱོད་པ་ཡབ་ཡུམ་དང༌། རྡོ་རྗེ་མཁའ་འགྲོ་་་་་་་མཐིང་ག །ཡབ་ཡུམ་བརྒྱད་སོགས་ལ་བདེ་ཆེན་ཁྱད་དགའི་ཡེ་ཤེས་ཀྱི་མཆོད་པ་འབུལ། བདེ་སྟོང་ཟུང་འཇུག་གི་ཚོགས་རྫོག༵ས། ཤེར་དབང་ཐོབ། ཡིད་ཀྱི་ལས་དང་ཐུགས་ཀྱི་ཉམས་ཆག་སྦྱང༵ས། མཚོན་བྱེད་དཔེའི། ཡེ་ཤེས་སྨིན༵། ཐུགས་རྡོ་རྗེ་ཆོས་སྐུ་མངོན་དུ་གྱུར་པའི་སྐལ་བ་རྒྱུད་ལ་བཞག་པར་བསམ། །ལྟེབར་བླ་མ་ཡེ་ཤེས་རྡོ་རྗེ་རིན་འབྱུང་ཡབ་ཡུམ་དང༌། རིན་ཆེན་མཁའ་འགྲོ་་་་་་་སེར། ཡབ་ཡུམ་བཅུ་དྲུག་རྩ་བཞི་སོགས་ལ་བདེ་ཆེན་ལྷན་ཅིག་སྐྱེས་དགའི་ཡེ་ཤེས་ཀྱི་མཆོད་པ་འབུལ། རིག་སྟོང་ཟུང་འཇུག་གི་ཚོགས་རྫོག༵ས། ཚིག་དབང་ཐོབ། ཀུན་གཞིའི་ལས་དང་ཡོན་ཏན་དང་ཕྲིན་ལས་ཀྱི་དམ་ཚིག་ཉམས་ཆག་ཐམས་ཅད་སྦྱང༵ས། དབྱིངས་རིག་ཟུང་འཇུག་གི་ཡེ་ཤེས་སྨིན༵། ངོ་བོ་ཉིད་སྐུ་མངོན་དུ་གྱུར་པའི་སྐལ་བ་རྒྱུད་ལ་བཞག་པར་བསམ་མོ། །མཐར་བླ་མ་རྡོ་རྗེ་སེམས་དཔའ་ཡབ་ཡུམ་གྱི་ཞལ་དུ་ཞུགས། སྐུའི་དབྱིབས་གང༌། སྦྱོར་མཚམས་ནས་བྱུང༌། རང་གི་ལུས་ཀྱི་ནང་ཐམས་ཅད་གང༌། བདེ་སྟོང་བསམ་གྱིས་མི་ཁྱབ་པའི་ཡེ་ཤེས་ཁྱད་པར་ཅན་རྒྱུད་ལ་སྐྱེ་བར་བསམས་ལ། མ་ཧཱ་སུ་ཁ་བཛྲ་ས་ཏྭ་ཨ་ཧྃ༔ ཞེས་བརྗོད་པའི་རྐྱེན་གྱིས་རང་ཉིད་རྡཽ་རྗེ་སེམས་དཔའ་ཡབ་ཡུམ་གྱི་སྐུ་འཇའ་ཚོན་ལྟ་བུར་གྱུར་པར་མོས་ལ་སྔགས་དོན་བདེ་བ་ཆེན་པོ་རྡོ་རྗེ་སེམས་དཔའ་ངའོ་ཞེས་པས་ང་རྒྱལ་བཟུང༌། ལྷ་ཡི་གསལ་སྣང་ལ་མཉམ་པར་བཞག་བཞིན་པས་སྔགས་བཟླ། མཐར་དེ་ཡང་འཇའ་ཚོན་ནམ་མཁའ་ལ་ཡལ་བ་ལྟར་ཀ་དག་དམིགས་བསམ་བྲལ་བའི་ངང་དུ་བཞག་གོ །ལྔ་པ་ལམ་གྱི་རྩ་བ་བྱིན་རླབས་བླ་མའི་རྣལ་འབྱོར་གྱི་རིམ་པ་ནི། ངག་འདོན་ཞལ་གསལ་བས་དམིགས་ཁྲིད་གཞན་མི་དགོས་པས་དེ་ལྟར་ན། ཀ་དག་གི་ངང་ལས་སེང་གེ་དང་པདྨ་ཉི་མའི་ཁྲིའི་སྟེང་དུ་རང་ཉིད་གཉུག་མའི་ལྷ་དང་བླ་མ་དབྱེར་མེད་པའི་ངོ་བོ་སིཾ་ཧེ་ཤྭ་ར་རྣལ་འབྱོར་སྤྱོད་པ་ཁྲོ་འཛུམ་སྒེག་པའི་ཉམས་ཅན་ཁ་དོག་དམར་སྨུག་མཉམ་བཞག་དང་སྐྱིལ་ཀྲུང་ཅན། དར་དང་རིན་པོ་ཆེ་དང་རུས་པའི་རྒྱན་གྱིས་བརྒྱན་པ། སྐུ་ལུས་ཀྱི་ཆ་ཐམས་ཅད་རྩ་གསུམ་རྒྱལ་བ་རབ་འབྱམས་ཏིལ་གོང་ཁ་ཕྱེས་པ་ལྟ་བུས་གང་བ། བ་སྤུའི་ཁུང་བུ་ཐམས་ཅད་ནས་རྡོ་རྗེ་ཡེ་ཤེས་ཀྱི་མེ་ཁྲོ་ཆུང་གི་ཚོགས་དང་བཅས་པ་འཕྲོ་བས་བདུད་དང་བར་དུ་གཅོད་པ་ཐམས་ཅད་སྲེག་པར་མཛད་པ། འཁོར་དུ་རྒྱུད་གསུམ་གྱི་བླ་མ་དང་དཔའ་བོ་མཁའ་འགྲོའི་ཚོགས་ཀྱིས་བསྐོར་བ། སྨིན་མཚམས་སུ་ཆོས་འབྱུང་དཀར་པོ་རྩ་བ་ཕྲ་བ་དབུ་མ་ལ་ཟུག་ཅིང༌། ཁ་གདེངས་གཡེལ་བའི་ཟུར་གཅིག་གྱེན་ལ་བསྟན་པའི་ནང་བདེ་ཆེན་ཐིག་ལེ་དགའ་བ་འཁྱིལ་པ་དཀར་པོ་འོད་འབར་བ་གཡོན་བསྐོར་དུ་དྲག་ཏུ་འཁོར་བ། དེའི་ཐད་ཀའི་ནམ་མཁར་ངོ་བོ་རྩ་བའི་བླ་མ་ལ་རྣམ་པ་བི་མ་ལ་མི་ཏྲ་དཀར་གསལ་ཤངས་རྩེར་སྐྱེ་མེད་ཡི་གེ་ཨ་དཀར་པོས་མཚན་པ། ཕྱག་མཉམ་བཞག་བདུད་རྩིའི་ཐོད་ཞལ་བསྣམས་པ། དར་སྔོན་པོའི་སྟོད་གཡོགས་དང་ཆོས་གོས་གསོལ་ཞིང་ཞབས་རྡོ་རྗེའི་སྐྱིལ་མོ་ཀྲུང་གིས་དགྱེས་ཡེ་རེ་བཞུགས་པ། སྣང་སྲིད་ཐམས་ཅད་འཇའ་ཟེར་ཐིག་ལེར་མེར་མེར་ཤིག་ཤིག་གཡོ་བ། སླར་ཡང་རང་གི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་པས། སྐུ་གསུམ་གྱི་ཞིང་ཁམས་རབ་འབྱམས་ནས་བསྒོམས་པ་དང་འདྲ་བའི་ཡེ་ཤེས་པ་བསམ་གྱིས་མི་ཁྱབ་པ་སྤྱན་དྲངས་ཏེ་བདག་མདུན་རྣམས་ལ་སིབ་སིབ་ཐིམ་པར་མོས་ལ། ཨཿ ངོ་བོ་ཆོས་སྐུའི་གཞལ་ཡས་ནས༔ ཀ་དག་བླ་མ་གཤེགས་སུ་གསོལ༔ རང་གྲོལ་ཆེན་པོར་བྱིན་ཕོབས་ལ༔ འཁྲུལ་པ་དག་པའི་དབང་མཆོག་སྐུར༔ རང་བཞིན་ལོངས་སྐུའི་ཞིང་ཁམས་ནས༔ ལྷུན་གྲུབ་བླ་མ་གཤེགས་སུ་གསོལ༔ རིགས་རྩལ་ཆེན་པོར་བྱིན་ཕོབས་ལ༔ ཡེ་ཤེས་རྒྱས་པའི་དབང་མཆོག་སྐུར༔ ཐུགས་རྗེ་སྤྲུལ་སྐུའི་དཀྱིལ་འཁོར་ནས༔ དབྱེར་མེད་བླ་མ་གཤེགས་སུ་གསོལ༔ སྣང་སྲིད་གཞིར་བཞེངས་བྱིན་ཕོབས་ལ༔ འཇའ་ལུས་རྡོ་རྗེའི་དབང་མཆོག་སྐུར༔ ཧཱུྃ་ཧཱུྃ༔ ཡུལ་གྱི་མིང་ནི་བདེ་བ་ཆེ༔ མཁའ་འགྲོ་གསང་བའི་གནས་མཆོག་ནས༔ གདོད་མའི་མགོན་པོ་ཧེ་རུ་ཀ༔ སིཾ་ཧེ་ཤྭ་ར་གཤེས་སུ་གསོལ༔ ཁྱེད་ཀྱི་རྗེས་སུ་བདག་སྒྲུབ་ན༔ བྱིན་གྱིས་བརླབ་ཕྱིར་གནས་འདིར་དགོངས༔ གློ་བུར་འཁྲུལ་པའི་བར་ཆད་སོལ༔ འདུ་འབྲལ་མེད་པར་དབང་སྐུར་ཅིག༔ ཨོཾ་ཨཱཿཧཱུྃ་བཛྲ་གུ་རུ་བི་མ་ལ་མི་ཏྲ་ཧཱུྃ་ཧཱུྃ༔ ཞེས་སྤྱན་དྲངས། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཞེས་པས་ལྕགས་ཁམས་ལ་གསེར་འགྱུར་གྱི་རྩི་ཐེབ་པ་ལྟར་ཐ་མལ་པའི་ཕུང་ཁམས་སྐྱེ་མཆེད་དག་པ་ཡེ་ཤེས་པར་དངོས་སུ་གྱུར་པའི་ངེས་ཤེས་བརྟན་པོ་བྱ། དེ་ནས་ཡན་ལག་བདུན་གྱི་སྒོ་ནས་ཚོགས་བསགས་པ་ལ་གཉིས། དོན་དམ་པར་འཁྲུལ་སྣང་བདེན་ཞེན་གྱི་མཚན་མ་ཀ་ནས་དག་པའི་དོན་ཁོང་དུ་ཆུད་པས་ཟུང་འཇུག་ལྷུན་གྲུབ་བདེ་བ་ཆེན་པོའི་དབྱིངས་སུ་བྱ་བྱེད་ཆོས་ཉིད་ཀྱི་རོལ་པར་ཤེས་པའི་རྣལ་འབྱོར་པས་རྩ་བའི་ཚིག་རིས་ལྟར་ངེས་པར་བྱས་ན་མཆོག་དང་ཕུལ་དང་བླ་ན་མེད་པའི་བསགས་སྦྱང་སྟེ། ལས་དང་པོ་པའི་དབང་དུ་ཐུན་མོང་ཀུན་རྫོབ་ཀྱི་རྣམ་པས་ཡུལ་དེ་དག་གི་སྤྱན་སྔར། རང་ལུས་ཞིང་གི་རྡུལ་སྙེད་དུ་སྤྲུལ་ཏེ་ཕྱག་འཚལ་བ་དང༌། དངོས་སུ་འབྱོར་པའི་མཆོད་པ་ཏིང་ངེ་འཛིན་གྱིས་སྤེལ་ཏེ་ཕྱི་ནང་གསང་བའི་མཆོད་སྤྲིན་རྒྱ་ཆེ་ཞིང་རྒྱུན་མི་ཆད་པ་ཀུན་ཏུ་བཟང་པོའི་མཆོད་སྤྲིན་ལྟར་འབུལ་བ་དང༌། སྡིག་ལྟུང་སྟོབས་བཞིའི་སྒོ་ནས་བཤགས་པ་དང༌། བདེན་པ་གཉིས་ཀྱི་བསྡུས་པའི་སྐྱེ་འཕགས་ཀྱི་དགེ་བ་ལ་ཕྲག་དོག་མེད་པས་རྗེས་སུ་ཡི་རང་བ་དང༌། གདུལ་བྱའི་བློ་དང་འཚམས་པར་ཆོས་ཀྱི་འཁོར་ལོ་དམ་པར་བསྐོར་བར་བསྐུལ་བ་དང༌། ཡུལ་དམ་པ་རྣམས་སྐུ་མྱ་ངན་ལས་མི་འདའ་བར་བཞུགས་པར་གསོལ་བ་གདབ་པ་དང༌། དེ་ལྟ་བུས་མཚོན་དགེ་ཚོགས་འཁོར་གསུམ་མི་དམིགས་པའི་ཚུལ་གྱིས་བསྔོ་བ་རྣམས་ཀྱི་དོན་དྲན་བཞིན་པས། ཨཿ སྣང་བཞི་མཐར་ཕྱིན་བླ་མ་ལ༔ འདུ་འབྲལ་མེད་པར་ཕྱག་འཚལ་ལོ༔ རླུང་སེམས་དག་པའི་མཆོད་སྤྲིན་འབུལ༔ སྡིག་ལྟུང་འདུས་མ་བྱས་པར་བཤགས༔ གཉིས་འཛིན་བྲལ་བས་རྗེས་ཡི་རང་༔ བརྗོད་མེད་ཆོས་འཁོར་བསྐོར་བཞིན་དུ༔ ཡོངས་གྲུབ་ཆེན་པོར་བཞུགས་གསོལ་འདེབས༔ དགེ་ཚོགས་འོད་གསལ་དབྱིངས་སུ་བསྔོ༔ ཞེས་ལན་གསུམ་མམ་བདུན་གྱིས་འབུལ། རྩ་བའི་གསུམ་པ་རྗེས་ཀྱི་རིམ་པ་ལ། གསོལ་བ་གདབ་པ་དང་དབང་བཞི་བླང་བ་གཉིས་ཀྱི་དང་པོ་གསོལ་བ་གདབ་པའི་ཚུལ་ནི། མཐར་ཐུག་གི་སངས་རྒྱས་རང་སེམས་ལྷན་ཅིག་སྐྱེས་པའི་ཡེ་ཤེས་རྟོགས་པ་ནི་བླ་མ་ལ་རག་ལས། དེ་ཡང་ཡུལ་ལ་མི་ལྟོས། བྱིན་རླབས་འཇུག་པ་རང་གི་མོས་གུས་ཁོ་ན་ལ་རག་ལས། བླ་མ་ལ་དུས་གསུམ་གྱི་སྐྱབས་ཡུལ་ཐམས་ཅད་འདུ་བས་ན་ཡོན་ཏན་གྱི་ངོས་ནས་སངས་རྒྱས་དང་མཉམ། བཀའ་དྲིན་གྱི་ངོས་ནས་སངས་རྒྱས་སྟོང་ལས་ལྷག་པར་ཐག་བཅད། ངེས་ཤེས་བསྐྱེད། མོས་གུས་གདུང་ཤུགས་དྲག་པོས་གསོལ་བ་ཕུར་ཚུགས་སུ་གདབ་པ་ནི། འོད་གསལ་སྣང་བཞི་མཐར་ཕྱིན་ནས༔ རིག་པ་མི་འགྱུར་སྐུ་ལྔར་བཞེངས༔ འཇའ་ལུས་འཕོ་ཆེན་དྭངས་མའི་གཟུགས༔ འཆི་མེད་བི་མ་མི་ཏྲ་ཀྱེ༔ བདག་ལ་ཐུགས་རྗེས་རྩེར་དགོངས་ནས༔ མངོན་སུམ་བྱིན་རླབས་དེང་སྩོལ་ཅིག༔ ཅེས་བྱིན་རླབས་ཞུགས་པའི་རྟགས་ལུས་ཀྱི་བ་སྤུ་གཡོ་བ། མིག་ནས་མཆི་མ་འཁྲུགས་པ། ལུས་སེམས་ཚུགས་མི་ཐུབ་པ་ལྟ་བུ་མ་བྱུང་གི་བར་དུ་ཡང་ཡང་གསོལ་བ་གདབ་བོ། །སྙིང་པོ་ནི། ཨོཾ་ཨཱཿཧཱུྃ༔ གུ་རུ་བི་མ་ལ་མི་ཏྲ་ཧཱུྃ་ཧཱུྃ༔ ཞེས་ཐུགས་དམ་རྒྱུད་བསྐུལ་གྱི་སྔགས་བརྒྱ་རེའི་མཚམས་གསོལ་འདེབས་ཚར་རེ་སྦྱར་ཏེ་སྣང་གྲག་རིགས་གསུམ་ལྷ་སྔགས་ཡེ་ཤེས་ཀྱི་རོལ་པར་ཤེས་པས་བཟླས་པ་བྱ། མཐར་ཡོན་ཏན་དང་བཀའ་དྲིན་དྲན་པའི་སྒོ་ནས་བརྒྱུད་པའི་གསོལ་བ་འདེབས་ནི། ཨོཾ་ཨཱཿཧཱུྃ༔ གདོད་མའི་མགོན་པོ་ཀུན་བཟང་ཡབ་ཡུམ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །རང་བྱུང་སེམས་ཉིད་འོད་གསལ་སྙིང་པོའི་དོན། །ད་ལྟ་ཉིད་དུ་རྟོགས་པར་བྱིན་གྱིས་རློབས། །ལྷུན་གྲུབ་རྒྱལ་བ་ཞི་ཁྲོ་རབ་འབྱམས་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །རང་གསལ་ཡེ་ཤེས་སྒྲོན་མེ་འོད་པོ་ཆེ། །ད་ལྟ་ཉིད་དུ་མཐོང་བར་བྱིན་གྱིས། །བདེ་ཆེན་རྒྱལ་པོ་རྡོ་རྗེ་འཆང་ཆེན་ལ། །གསོལ་བ་འདེབས་སོ༴ །འཁོར་འདས་གཞི་གྲོལ་སེསམ་ཉིད་ཆོས་སྐུའི་དོན། །ད་ལྟ་ཉིད་དུ་རྟོག་པར༴ །ཡེ་ཤེས་སྒྱུ་མ་རྡོ་རྗེ་སེམས་དཔའ་ལ། །གསོལ་བ་འདེབས་སོ༴ །མི་འགྱུར་ལྷུན་གྲུབ་བདེ་ཆེན་འོག་མིན་དུ། །ད་ལྟ་ཉིད་དུ་གྲོལ་བར༴ །དཀྱིལ་འཁོར་མངའ་བདག་ཕྱག་ན་རྡོ་རྗེ་ལ། །གསོལ་བ་འདེབས་སོ༴ །གསང་སྔགས་རྒྱལ་པོ་ཚེ་གཅིག་སངས་རྒྱས་ལམ། །ད་ལྟ་ཉིད་དུ་བགྲོད་པར༴ །རྒྱལ་བའི་རྣམ་འཁྲུལ་དགའ་རབ་རྡོ་རྗེ་ལ། །གསོལ་བ་འདེབས་སོ༴ །གདོས་བཅས་ཕུང་པོ་ཡེ་ཤེས་འོད་ལུས་སུ། །ད་ལྟ་ཉིད་དུ་གྲོལ་བར༴ །མཁྱེན་རབ་སྤྲུལ་པ་འཇམ་དཔལ་བཤེས་གཉེན་ལ། །གསོལ་བ་འདེབས་སོ༴ །ལས་དང་ཉོན་མོངས་སྡུག་བསྔལ་རྒྱ་མཚོ་ལས། །ད་ལྟ་ཉིད་དུ་སྒྲོལ་བར༴ །བློ་མཆོག་མངའ་བ་ཤྲཱི་སིང་ཧ་ལ། །གསོལ་བ་འདེབས་སོ༴ །ཆོས་ཚུལ་རྒྱ་མཚོ་གསུང་རབ་ནོར་བུའི་གླིང༌། །ད་ལྟ་ཉིད་དུ་བགྲོད་པར༴ །དངོས་གྲུབ་མཆོག་བརྙེས་ཛྙཱ་ན་སཱུ་ཏྲ་ལ། །གསོལ་བ་འདེབས་སོ༴ །མཆོག་དང་ཐུན་མོང་དངོས་གྲུབ་ཡིད་བཞིན་སྤྲིན། །ད་ལྟ་ཉིད་དུ་འགྲུབ་པར༴ །མཁས་པ་ཆེན་པོ་བི་མ་མི་ཏྲ་ལ། །གསོལ་བ་འདེབས་སོ༴ །མངོན་སུམ་འོད་གསལ་སྣང་བ་རྣམ་པ་བཞི། །ད་ལྟ་ཉིད་དུ་འབྱོངས་པར༴ །འོད་གསལ་ལུས་གྲུབ་སེང་གེ་དབང་ཕྱུག་ལ། །གསོལ་བ་འདེབས་སོ༴ །འཁྲུལ་སྣང་རང་ཟད་གདོད་མའི་གཞི་དབྱིངས་སུ། །ད་ལྟ་ཉིད་དུ་འཇུག་པར༴ །ཀུན་གཟིགས་འོད་གསལ་སྤྲུལ་པའི་རྡོ་རྗེ་ལ། །གསོལ་བ་འདེབས་སོ༴ །ཟག་མེད་འཇའ་ལུས་འཕོ་བ་ཆེན་པོའི་སྐུར། །ད་ལྟ་ཉིད་དུ་འགྲུབ་པར༴ །བཀའ་དྲིན་གསུམ་ལྡན་རྩ་བའི་བླ་མ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །དགོངས་རྒྱུད་བྱིན་རླབས་འཕོ་བའི་དབང་མཆོག་ནི། །ད་ལྟ་ཉིད་དུ་བསྐུར་ཐོབ་མཛད་དུ་གསོལ། །གསང་ཆེན་གཉེར་འཛིན་བཀའ་སྲུང་ཆོས་སྐྱོང་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །སྙིང་པོའི་བསྟན་དང་བསྟན་འཛིན་གཡེལ་མེད་སྐྱོངས། །འདོད་དོན་ཕྲིན་ལས་ད་ལྟ་ཉིད་དུ་སྒྲུབས། །བདག་དང་མཁའ་ཁྱབ་འགྲོ་བ་མ་ལུས་ཀུན། །འོད་གསལ་རྫོགས་ཆེན་ལམ་མཆོག་མཐར་ཕྱིན་ཏེ། །དོན་གཉིས་ལྷུན་གྲུབ་ཆོས་ཀྱི་རྒྱལ་པོ་རུ། །ད་ལྟ་ཉིད་དུ་འགོད་པར་མཛད་དུ་གསོལ། །ཞེས་བླ་མ་ཡང་ཏིག་གི་གསོལ་འདེབས་བདུད་རྩིའི་སྤྲིན་ཚོགས་ཉེ་བརྒྱུད་ལྟར་ཁ་བསྐངས་ཏེ་བཀོད་པའོ། །དེ་ནས་ལམ་དབང་བླང་བ་ནི། །བླ་མའི་དཔྲལ་བའི་ཨོཾ་ལས་འོད་ཟེར་དཀར་པོ་ཟླ་བ་ཤར་བ་ལྟ་བུ་དང་རང་འདྲའི་སྐུ་དཔག་ཏུ་མེད་པ་བྱུང༌། རང་གི་དཔྲལ་བར་ཐིམ། ལུས་རྩའི་སྒྲིབ་པ་དག །སྤྲོས་བཅས་བུམ་པའི་དབང་ཐོབ། །སྣང་སྲིད་གཞིར་བཞེངས་ཀྱི་དཀྱིལ་འཁོར་བསྒོམས་པ་ལ་དབང༌། ས་བརྒྱད་པ་ནོན། འབྲས་བུ་སྐུ་ལྔ་ཐོབ་པའི་སྐལ་བ་ཅན་དུ་བྱས། །བླ་མའི་མགྲིན་པའི་ཨཱཿལས་འོད་ཟེར་དམར་པོ་འཆར་ཀའི་ཟེར་ཐག་ལྟ་བུ་དང༌། ཨཱ་ལི་ཀཱ་ལིའི་ཕྲེང་བ་དཔག་ཏུ་མེད་པ་བྱུང༌། རང་གི་མགྲིན་པར་ཐིམ། ངག་རླུང་གི་སྒྲིབ་པ་དག །སྤྲོས་མེད་གསང་བའི་དབང་ཐོབ། སྐྱེ་མེད་རང་བྱུང་རྡོ་རྗེའི་བཟླས་པ་ལ་དབང༌། ས་བཅུ་གཅིག་པ་ནོན། འབྲས་བུ་གསུང་ལྔ་ཐོབ་པའི་སྐལ་བ་ཅན་དུ་བྱས། བླ་མའི་ཐུགས་ཀའི་ཧཱུྃ་ལས་འོད་ཟེར་སྔོན་པོ་མཐིང་ཞུན་གྱི་དྭངས་མ་ལྟ་བུ་དང༌། ཨ་ཡིག་མཐིང་གསལ་དཔག་ཏུ་མེད་པ་བྱུང༌། རང་གི་སྙིང་གར་ཐིམ། ཡིད་ཐིག་ལེའི་སྒྲིབ་པ་དག །ཤིན་ཏུ་སྤྲོས་མེད་ཤེར་དབང་ཐོབ། བདེ་ཆེན་འོད་གསལ་གྱི་ཡེ་ཤེས་བསྒོམ་པ་ལ་དབང༌། ས་བཅུ་གསུམ་པ་ནོན། འབྲས་བུ་ཐུགས་ལྔ་ཐོབ་པའི་སྐལ་བ་ཅན་དུ་བྱས། བླ་མའི་གནས་གསུམ་ག་ནས་འོད་ཟེར་འཇའ་ཚོན་ཤར་བ་ལྟ་བུ་དང༌། ཙིཏྟ་རིན་པོ་ཆེའི་སྦུབས་ནས་འོད་ལྔའི་གོང་བུ་ཚོན་གང་བ་བྱུང༌། རང་གི་གནས་གསུམ་དང༌། སྙིང་དབུས་སུ་ཐིམ། ཆ་མཉམ་ཡིད་ཤེས་ཀྱི་སྒྲིབ་པ་དག །རབ་ཏུ་སྤྲོས་མེད་བཞི་པ་ཐོབ། ཀ་དག་ལྷུན་གྲུབ་ཟུང་འཇུག་བསྒོམ་པ་ལ་དབང༌། ཡེ་ཤེས་བླ་མའི་ས་ནོན། འབྲས་བུ་ཡོན་ཏན་དང་ཕྲིན་ལས་རྣམ་ལྔ་འགྲུབ་པའི་སྐལ་བ་ཅན་དུ་བྱས་སོ། །ཞེས་བླ་མའི་ཐུགས་དང་རང་སེམས་དབྱེར་མེད་པའི་ངང་དུ་སྙིང་པོ་ཅི་རིགས་བཟླ། མཐར་བླ་མ་ཉིད་འོད་དུ་ཞུ་ནས་སྨིན་མཚམས་ཀྱི་དགའ་བ་འཁྱིལ་བའི་དབུས་སུ་ཐིམ་པས་ཐིག་ལེ་དཀར་པོ་ཨ་ཡིག་གིས་མཚན་པ་སྲན་མ་ཙམ་དུ་གྱུར་པར་བསམས་ལ་ཡིད་ཀྱིས་མཆོད་བསྟོད་བྱ། རང་ལུས་ཀྱི་གསལ་དག་བརྟན་གསུམ་དང་ལྡན་པའི་ངང་ནས་ལྷ་ཡི་གསལ་སྣང་འཇའ་ཚོན་ལྟ་བུ་ལ་ཡུན་རིང་དུ་མཉམ་པར་འཇོག །མཐར་ཐིག་ལེ་ལ་སེམས་གཟུང༌། སྤྲོ་ན། ཨོཾ་ཨཱཿཧཱུྃ་བཛྲ་གུ་རུ་སིཾ་ཧེ་ཤྭ་ར་སིདྡྷི་ཧཱུྃ་ཧཱུྃ་ཧཱུྃ༔ ཞེས་དབྱངས་དང་བཅས་པའམ། ཇི་ལྟར་རིགས་པས་བཟླ། མཐར་རྡོ་རྗེའི་བཟླས་པ་དལ་བུ་ལ་སེམས་འཛིན། སྐྱོ་ན་སྨིན་མཚམས་ཀྱི་ཐིག་ལེ་ལས་འོད་ཟེར་འཕྲོས་དག་པའི་ཞིང་རབ་འབྱམས་ཐམས་ཅད་དུ་ཁྱབ། དེ་དག་ན་གནས་པའི་སྐྱབས་གནས་དཀོན་མཆོག་རྒྱ་མཚོ་ཐམས་ཅད་དང༌། ཁྱད་པར་དུ་འོད་གསལ་སྙིང་ཐིག་གི་བརྒྱུད་པའི་བླ་མ་རྣམས་ཀྱི་གསང་བ་གསུམ་གྱི་བྱིན་རླབས་ཐམས་ཅད་སྐུ་དང་ཡིག་འཕྲུ་ཕྱག་མཚན་གྱི་རྣམ་པར་ཆར་དྲག་ཏུ་བབས་པ་ཙམ་དུ་སྤྱན་དྲངས་ནས་ཐིག་ལེ་ལ་ཐིམ་པས་ལུས་ཐམས་ཅད་ཁྱབ་པར་བསམ། ཡང་འཕྲོས་མ་དག་བའི་ཞིང་ཁམས་རབ་འབྱམས་ཐམས་ཅད་ལ་ཁྱབ། བརྟན་གཡོ་སྣོད་བཅུད་ཐམས་ཅད་དག་པའི་ཞིང་ཁམས་རབ་འབྱམས་སུ་བསྒྱུར་བར་བསམས་མོ། །དེ་ནས་སྣོད་བཅུད་ཐམས་ཅད་རིལ་གྱིས་བསྡུས་ཏེ་རང་གི་ལུས་ལ་གཞུག །དེ་ཡང་བསྡུས་ཏེ་སྨིན་མཚམས་ཀྱི་ཐིག་ལེ་ལ་ཐིམ་པས་ཤིན་ཏུ་འོད་གསལ་བར་བསམས་ལ་སེམས་ཡུན་རིང་དུ་འཇོག་པས་རྣམ་རྟོག་གི་རྦ་རླབས་ཞི་བའི་ཏིང་ངེ་འཛིན་མུ་མཐའ་མེད་པར་སྐྱེའོ། །མཐར་དེ་ཡང་གཞའ་ཚོན་མཁའ་ལ་ཡལ་བ་ལྟར་དམིགས་སུ་མེད་པའི་ངང་དུ་མཉམ་པར་འཇོག་གོ །དེ་ལས་ལྡང་བ་ན་གཞི་ལུས་ཞིང་ཁམས་ཀྱི་བཀོད་པ་དང་བཅས་སྔར་བཞིན་གསལ་གདབ་ལ། དཔལ་ལྡན་རྩ་བའི་བླ་མ་རིན་པོ་ཆེ། །བདག་གི་སྙིང་གར་པདྨའི་གདན་བཞུགས་ལ། །བཀའ་དྲིན་ཆེན་པོའི་སྒོ་ནས་རྗེས་བཟུང་སྟེ། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །དཔལ་ལྡ་བླ་མའི་རྣམ་པར་ཐར་པ་ལ། །སྐད་ཅིག་ཙམ་ཡང་ལོག་ལྟ་མི་སྐྱེ་ཞིང༌། །ཅི་མཛད་ལེགས་པར་མཐོང་བའི་མོས་གུས་ཀྱིས། །བླ་མའི་བྱིན་རླབས་སེམས་ལ་འཇུག་པར་ཤོག །སྐྱེ་བ་ཀུན་ཏུ་ཡང་དག་བླ་མ་དང༌། །འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང༌། །ས་དང་ལམ་གྱི་ཡོན་ཏན་རབ་རྫོགས་ནས། །རྡོ་རྗེ་འཆང་གི་གོ་འཕང་མྱུར་ཐོབ་ཤོག །གང་དུ་སྐྱེས་པའི་སྐྱེ་བ་ཐམས་ཅད་དུ། །མཐོ་རིས་ཡོན་ཏན་བདུན་ལྡན་ཐོབ་པར་ཤོག །སྐྱེ་མ་ཐག་ཏུ་ཆོས་དང་འཕྲད་གྱུར་ཅིང༌། །ཚུལ་བཞིན་བསྒྲུབ་པའི་རང་དབང་ཡོད་པར་ཤོག །དེར་ཡང་བླ་མ་དམ་པ་མཉེས་བྱེད་ཅིང༌། །ཉིན་དང་མཚན་དུ་ཆོས་ལ་སྤྱོད་པར་ཤོག །ཆོས་རྟོགས་ནས་ནི་སྙིང་པོའི་དོན་བསྒྲུབ་སྟེ། །ཚེ་དེར་སྲིད་པའི་རྒྱ་མཚོ་བརྒལ་བར་ཤོག །སྲིད་པ་དམ་པའི་ཆོས་རབ་སྟོན་བྱེད་ཅིང༌། །གཞན་ཕན་བསྒྲུབ་ལ་སྐྱོང་ངལ་མེད་པར་ཤོག །རླབས་ཆེན་གཞན་དོན་ཕྱོགས་རིས་མེད་པ་ཡིས། །ཐམས་ཅད་ཕྱམས་གཅིག་སངས་རྒྱས་ཐོབ་པར་ཤོག །ཟག་པ་རང་ཟད་འབྱུང་བ་རང་སར་དེངས། །དྲན་པ་རང་གྲོལ་ཟང་ཐལ་འོད་ཀྱི་ལུས། །སེང་གེ་དབང་ཕྱུག་ཉིད་དང་མཉམ་པར་ཤོག །ཞེས་སོགས་སྨོན་ལམ་གདབ། དུས་རྟག་ཏུ་དྲན་ཤེས་བག་ཡོད་ཀྱི་སྒོ་ནས་བླ་མ་སྐད་ཅིག་ཀྱང་མི་བརྗེད་པར་སྤྱོད་ལམ་ཀུན་ཏུ་སྣང་བ་ཐམས་ཅད་ཕྱི་ཡི་ཡུལ་མེད་པ་ལ་ནང་གི་བློས་འཁྲུལ་པར་བཟུང་བ་ཙམ་ལས་མེད་པར་ཐག་བཅད་དེ་སྒྱུ་མ་དང་རྨི་ལམ་ལྟ་བུར་ལམ་དུ་ཁྱེར། །བྱུང་ཚོར་གྱི་རྟོག་པའི་བློ་ནི་མེད་པར་གསལ་བར་སྣང༌། དེའི་དབྱིངས་ནི་བསམས་པའི་ཡུལ་ལས་འདས། སོ་སོ་རང་རིག་པའི་ཡེ་ཤེས་ཀྱིས་རྟེན་མེད་པར་མཐོང་བ་ནི་ཆོས་ཐམས་ཅད་ཀྱི་གནས་ལུགས་ཡེ་གདོད་མ་ནས་དག་པའི་གཏིང་གསལ་འདུས་མ་བྱས་པའོ། །དེ་ལྟར་ཁོང་དུ་ཆུད་པས་ནམ་མཁའི་རྣལ་འབྱོར་དུ་བྱ་སྟེ། མི་བསྒོམ་པའི་ཚུལ་གྱིས་དོན་དང་མི་འབྲལ་བ་ལ་བསླབ་བོ། །ཚོགས་དྲུག་གི་སྣང་བ་བཀྲ་ལམ་གྱིས་ཤར་ན་དེ་ལ་མི་དཔྱོད་པར་ཆོས་ཉིད་རང་གི་ངོ་བོའི་ངང་དུ་རྩོལ་བ་ཀློད་ལ་ལས་ཟིན་པའི་སྐྱེས་བུ་ལྟར་སྤྱོད་དོ། །དེའི་ཚེ་རླུང་སེམས་ཟིན་པའི་རྟགས་རྣམས་ཀྱང་རྩོལ་མེད་དུ་འབྱུང་ཞིང་འོད་གསལ་བའི་ལྷག་མཐོང་གྲུབ་པས་ཞི་བར་གནས་པ་ཉིད་དོ། །ཞིབ་ཏུ་ལྷག་མཐོང་གི་གནད་ཁྱད་པར་གྱི་ཁྲིད་བླ་མའི་གདམས་ངག་ཁོ་ན་ལ་བརྟེན་དགོས་སོ། །གང་ལྟར་མཚན་མོའི་རྣལ་འབྱོར་དུ་ཉལ་ཁར་བླ་མ་སྤྱི་བོར་བསྒོམས་ལ་སྤྲོ་ཞིང་ནུས་ན་ཀུན་མཁྱེན་འཇིགས་མེད་གླིང་པའི་ཞལ་གསུངས་སྐུ་གསུམ་ཞིང་སྦྱོང་གི་སྨོན་ལམ་དང༌། །ཀྱེ་ཀྱེ་བླ་མ་རིན་པོ་ཆེ། །བདག་ལ་རེ་ས་གཞན་ན་མེད། །ཐུགས་རྗེའི་སྤྱན་གྱིས་གཟིགས་སུ་གསོལ། །མ་རིག་འཁྲུལ་པས་བདག་ནོན་ཏེ། །སྒོ་གསུམ་ཉེས་པ་ཅི་མཆིས་པ། །རབ་ཏུ་འགྱོད་པས་བཤགས་པར་བགྱི། །སྡོམ་པ་གསུམ་དང་འགལ་གྱུར་ཅིང༌། །ཉེས་པའི་དྲི་མས་སེམས་གོས་པ། །དེ་ཀུན་ཁྱོད་ཀྱི་ཐུགས་རྗེ་ཡིས། །སྐད་ཅིག་ཉིད་ལ་བྱང་བར་མཛོད། །བདག་ནི་མི་ཤེས་རྨོངས་པ་ཡིས། །མ་འཚལ་བཞིན་དུ་སྡིག་བགྱིས་པས། །སྔར་ཡང་འཁོར་བར་རབ་ཏུ་འཁྱམས། །ད་ནི་བླ་མ་ཐུགས་རྗེ་ཅན། །ཁྱོད་ཀྱིས་བདག་གི་སྒྲིབ་པ་ཀུན། །སྐད་ཅིག་ཉིད་ལ་བསལ་བར་མཛོད། །འདི་ལྟར་མི་ཤེས་བྱིས་པ་ལ། །སྐྱོན་གྱུར་མཐོང་ཚེ་ལྷག་པར་ཡང༌། །ཐུགས་རྗེའི་གཟིགས་པ་མི་འཇུག་ན། །དེ་ལས་གཞན་ལ་ཅིར་འགྱུར་དགོངས། །བུ་ཡི་ཉེས་པ་གང་ལགས་པ། །མ་ཡིས་སེལ་ཞིང་སྐྱོང་བ་ལྟར། །བདག་ཅག་འགྲོ་དྲུག་སེམས་ཅན་ལ། །ཁྱོད་ཀྱིས་དང་པོར་ཐུགས་བསྐྱེད་ནས། །ཕན་པ་མཛད་ཅེས་དམ་བཅས་ན། །དུས་འདིར་བདག་ལ་ཅིས་མི་དགོངས། །བདག་ཅག་འཁྲུལ་པའི་སེམས་ཅན་རྣམས། །གཟིགས་ནས་ཐུགས་རྗེས་མི་འཛིན་ན། །ཁྱོད་ཀྱི་ཕྲིན་ལས་གདུལ་བྱ་ལ། །ཕན་པ་དེ་ཡང་ཇི་ལྟར་དགོངས། །སྔོན་གྱི་རྒྱལ་བ་གྲངས་མེད་ཀྱང༌། །བདག་ཅག་སྤངས་ནས་ཐར་པར་གཤེགས། །ད་ནི་ཕྱོགས་བཅུའི་རྒྱལ་བ་ཡིས། །ཁྱོད་ལ་བསྐུལ་ནས་བདག་ཅག་གི །དོན་དུ་བླ་མར་རྣམ་སྤྲུལ་ན། །ཁྱོད་ཀྱིས་བདག་ཅག་འདོར་ཕོད་དམ། །འཇིགས་སར་སྐྱེལ་མས་བསླུས་པ་བཞིན། །ཁྱོད་ཀྱིས་དེ་རིང་བསླུ་མཛད་དམ། །ཡིད་བཞིན་ནོར་བུ་རིན་ཆེན་ཡང༌། །གསོལ་བ་བཏབ་ན་འདོད་དགུ་འབྱིན། །ཁྱོད་ནི་བརྩེ་ཆེན་ཐབས་ལ་མཁས། །ཅི་ཕྱིར་བདག་ལ་རྗེས་མི་གཟིགས། །ཤ་ཟ་རྣམས་ཀྱང་མཆོད་སྦྱིན་དང༌། །བདེན་པའི་ཚིག་ནི་བརྗོད་མ་ཐག །སྔོན་གྱི་ཁྲོ་བའང་འདོར་བགྱིད་ན། །ཁྱོད་ནི་ཐུགས་རྗེ་འགྲོ་བའི་ཡབ། །གུས་མཆོད་གདུང་བས་སེམས་གདུངས་ཤིང༌། །ཉེས་པ་བཤགས་ན་ཅིས་མི་གཟིགས། །བདག་གི་སྡིག་ཀུན་མ་བྱང་བར། །སྐྱེ་བ་གཞན་དུ་སོང་གྱུར་ན། །དམྱལ་མེས་བསྲེགས་པ་ཁོ་ནར་ཟད། །དེ་ལ་ཁྱོད་ཀྱིས་མི་གཟིགས་ན། །ཐུགས་རྗེའི་བདག་ཉིད་ཇི་ལྟར་ལགས། །ཀྱེ་མ་ཀྱི་ཧུད་བདག་གི་སྡིག །མ་ལུས་བྱང་བར་མཛད་དུ་གསོལ། །སྐད་ཅིག་ཉིད་ལ་ཐུགས་རྗེས་དགོངས། །བདག་ལ་དབང་བསྐུར་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩོལ། །བགེགས་དང་ལོག་འདྲེན་བར་ཆད་སོལ། །ཚེ་འདིར་བསམ་པ་ཀུན་འགྲུབ་ཅིང༌། །འཆི་ཁར་གནད་གཅོད་སྡུག་བསྔལ་མེད། །བར་དོའི་འཇིགས་པ་ཀུན་ལས་སྒྲོལ། །འོག་མིན་གནས་སུ་འཁྲིད་པར་མཛོད། ཅེས་ཉིན་མཚན་ཐུན་བཞིར་གསོལ་བ་ལན་བདུན་བདུན་གདབ་བོ། །དེས་ནི་ཉམས་ཆག་ཐམས་ཅད་དག་ནས་མཆོག་དང་ཐུན་མོང་གི་དངོས་གྲུབ་འཐོབ་བོ། །ཞེས་རྫོགས་ཆེན་སེམས་ཉིད་ངལ་བསོ་ལས་ཁོལ་དུ་བྱུང་བའི་གསོལ་འདེབས་འདི་ཉིད་སྤྱིར་ཕྱག་འཚལ་བ་སོགས་དུས་ཀུན་ཏུ་གཅེས་སོ། །དེ་ནས་ཉལ་བའི་དུས་སུ་སྤྱི་བོའི་བླ་མ་ཚངས་པའི་བུ་ག་ནས་མར་བྱོན་སྙིང་པདྨ་འདབ་བརྒྱད་ཀྱི་རྣམ་པར་གྱུར་པའི་དབུས་སུ་ཞལ་མཛུམ་མོལ་ལེ། སྤྱན་ཁྲ་ཡེ་རེ་ཐུགས་དགྱེས་པའི་ཚུལ་དུ་བཞུགས་པའི་ཞལ་རས་སོགས་ལ་ཤེས་པ་གཏད་ལ་སྐུའི་འོད་ཀྱིས་ལུས་ཀྱི་ནང་ཐམས་ཅད་གང་བར་མོས་པས་བླ་མའི་ཐུགས་དང་རང་སེམས་དབྱེར་མེད་པའི་ངང་སྐྱོང༌། །གཉིད་ལོག་ཁར་འོད་དེ་ལུས་ཀྱིས་མ་ཐུབ་པའི་ཚུལ་ཀྱིས་སྣོད་བཅུད་ཐམས་ཅད་ལ་ཕོག་པས་འོད་དུ་ཞུ་ནས་རང་ལ་ཐིམ། རང་སྙིང་གའི་བླ་མ་ལ། དེ་ཡང་འོད་གསལ་གྱི་དབྱིངས་སུ་ཐིམ་པར་མོས་ལ་རིག་པ་འཛིན་མེད་ངང་དུ་གཉིད་ལོག །སད་ནས་འཁྲུལ་འབྱམས་སུ་མི་གཏོང་བར་གནས་ལུགས་ཀྱི་ངང་དུ་གཉིད་ལོག་གོ །དེ་ལྟར་ཡུན་དུ་གོམས་ནས་རྨི་ལམ་ཟིན་པར་འགྱུར་ལ། སླར་ཐོ་རངས་ལྡང་བའི་རྣལ་འབྱོར་ནི་གོང་དུ་ཇི་སྐད་བཤད་པ་ལྟར་རོ། །མོས་གུས་དང་དམ་ཚིག་རྣམ་པར་དག་པའི་སྒོ་ནས་སྔོན་འགྲོའི་ལམ་འདི་ཁོ་ན་རྩལ་བཏོན་ནས་བསྒོམས་པའི་ཡོན་ཏན་ནི། རྣལ་འབྱོར་འདི་བདུན་ཕྲག་གཅིག་ཏུ་གཡེངས་པ་ཐམས་ཅད་སྤངས་ཏེ་བསྒོམས་པས་ཀྱང་དངོས་སམ་ཉམས་དང་རྨི་ལམ་དུ་གྲུབ་པ་ཆེན་པོའི་ཡེ་ཤེས་ཀྱི་སྐུ་བརྙེས་པ་བི་མ་མི་ཏྲ་དང་༔ བདག་ཉིད་སིཾ་ཧེ་ཤྭ་རས་བྱིན་གྱིས་སློབ་སྟེ༔ དེའི་ཚེ་སྔར་མ་ཤེས་པའི་ཟབ་མོའི་ཚིག་དོན་མང་དུ་ཤེས་པ་དང་ཿ ཏིང་ངེ་འཛིན་གྱི་སྒོ་རྙེད་པར་གདོན་མི་འཚལ་ལོ༔ ཞེས་རྡོ་རྗེའི་གསུངས་གིས་ནམ་ཡང་བསླུ་བར་མི་འགྱུར་ལ་ཁོ་བོས་ཀྱང་ཞག་ཁ་ཤས་ཙམ་དུ་ཉམས་སུ་ལེན་ལོ་བྱས་སྐབས་རང་སྐལ་དང་མཐུན་པའི་བྱིན་རླབས་ཀྱི་མཚན་མ་མཐོང་བ་ནི་མྱོང་བས་གྲུབ་པའོ། །རིམ་པར་སྔོན་འགྲོའི་ཚུལ་ལ་ཉམས་མྱོང་སྐྱེས་ན་དངོས་གཞི་ཁྱད་པར་གྱི་ཁྲིད་ལ་ཞུགས་ཏེ་ཉམས་སུ་བླངས་པས་ཚེ་འདིར་ཟུང་འཇུག་རྡོ་རྗེ་འཆང་གི་གོ་འཕང་བརྙེས་པ་ནི་ངེས་པའོ། །དེ་ལྟར་ལྕེ་བཙུན་ཆེན་པོ་བི་མའི་ཟབ་ཏིག་གི་སྔོན་འགྲོའི་ངག་འདོན་རྩ་བ་གཏེར་ཆེན་ཉིད་ཀྱི་ལྗགས་འགྲིགས་སོར་བཞག །ཡིག་ཆུང་ཕལ་ཆེར་གཏེར་གཞུང་ཇི་ལྟ་བ་བཞིན་ལ་སྐབས་བབས་ཀྱི་དམིགས་ཁྲིད་སོགས་ཁ་སྐོང་ཕྲན་བུས་ཟུར་བརྒྱན་ཏེ་ཟབ་ཆོས་འདིའི་བདག་པོར་སྐལ་བཟང་དུ་རྗེས་སུ་བཟུང་བའི་མིང་གི་ཅོད་པཎ་བྱིན་པ་ཀུན་བཟང་བདེ་ཆེན་རྒྱལ་པོའམ་རིག་འཛིན་སྣ་ཚོགས་རང་གྲོལ་དུ་འབོད་པའི་དུས་ཞབས་ཀྱི་སྔགས་མིང་གཟུགས་བརྙན་པས་ལམ་འདིར་འཇུག་པའི་དང་པོའི་ལས་ཅན་རང་འདྲའི་མཁོས་ཆུང་འགའ་ལ་ཕན་དུ་རེ་ནས་སྦྱར་བའི་དགེ་བས་སྐལ་ལྡན་གདུལ་བྱར་གྱུར་པ་རྣམས་ཀྱིས་ཚེ་གཅིག་གིས་ངེས་གསང་རྫོགས་པ་ཆེན་པོའི་ལམ་མཆོག་མཐར་ཕྱིན་ཏེ་སྙིང་པོའི་བསྟན་པ་རིན་པོ་ཆེ་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་ཏེ་འགྲོ་ཀུན་ཡེ་ཤེས་བླ་མའི་ས་མཆོག་ལ་མྱུར་དུ་རེག་པའི་གྱུར་གྱུར་ཅིག ༈ ལྕེ་བཙུན་སྙིང་ཏིག་གི་འཕོ་བ་མཁའ་སྤྱོད་བདེ་ལམ་བཞུགས། འདིར་ལྕེ་བཙུན་ཆེན་པོ་བི་མ་ལའི་ཟབ་ཏིག་གི་རྩ་བ་རྡོ་རྗེའི་ཚིག་ལས་འཕྲོས་པའི་ཟབ་ལམ་འཕོ་བའི་རིམ་པ་ལ་གཉིས། སྦྱང་བ་དང༌། ལས་ལ་སྦྱར་བའོ། །དང་པོ་ནི། སྐྱབས་སེམས་ནས་བླ་མའི་རྣལ་འབྱོར་དབང་བཞི་བཅས་སྔོན་དུ་འགྲོ་བས། དངོས་གཞིའི་དམིགས་པ་ནི། ཨཿ བདག་ལུས་སྣང་སྟོང་འོད་ཀྱི་རྣམ་པ་ཡི། །ལུས་དབུས་དྲང་པོར་དབུ་མ་མདའ་སྨྱུག་ཙམ། །ཡར་སྡེ་ཚངས་བུག་རྒྱ་མཐོང་ཁ་ཕྱེས་ལྟར། །མར་སྣེ་གསང་བར་ཟུག་པའི་སྙིང་གི་ཐད། །འོད་ལྔའི་ར་བ་ཟླུམ་འཁྱིལ་དབུས་སུ་ཨ། །མཐིང་གསལ་འཚེར་བ་སྲན་མའི་གྭའུ་ཙམ། །སྤྱི་བོར་པདྨ་ཉི་ཟླའི་གདན་གྱི་སྟེང༌། །བཀའ་དྲིན་མཚུངས་མེད་དཔལ་མགོན་བླ་མ་ནི། །རྣམ་པར་འཁོར་འདས་སྤྱི་དཔལ་བཅོམ་ལྡན་འདས། །གཞོན་ནུ་དཔའ་བོ་སྟོབས་ལྡན་ཁྲོ་ཆགས་བརྗིད། །མཐིང་ནག་ཐབས་ཤེས་རྡོ་རྗེ་དུང་ཁྲག་བསྣམས། །ཞབས་གཉིས་དོར་སྟབས་རང་འདྲའི་ཡུམ་དང་སྦྱོར། །དུར་ཁྲོད་ཆས་རྫོགས་ཡེ་ཤེས་མེ་དཔུང་ཀློང༌། །སྐུ་དང་ཡེ་ཤེས་དབྱེར་མེད་ཚུལ་དུ་བཞུགས་པར་མོས་ལ། །བརྒྱུད་པའི་གསོལ་འདེབས་གདུང་བའི་དབྱངས་དང་བཅས། ཨེ་མ་ཧོ། ཀ་དག་སྤྲོས་བྲལ་ཆོས་སྐུའི་གཞལ་ཡས་ན། །ཀུན་བཟང་རྡོ་རྗེ་འཆང་ལ་གསོལ་བ་འདེབས། །ལྷུན་གྲུབ་བདེ་ཆེན་ལོངས་སྐུའི་ཞིང་ཁམས་ན། །རིག་མཆོག་རྡོ་རྗེ་སེམས་དཔའ་ལ་གསོལ་བ་འདེབས། །ཟུང་འཇུག་དུར་ཁྲོད་མེ་རི་འབར་བ་ན། །སྤྲུལ་སྐུ་དགའ་རབ་རྡོ་རྗེ་ལ་གསོལ་བ་འདེབས། །དུར་ཁྲོད་སོ་ས་གླིང་གི་གནས་མཆོག་ཏུ། །སློབ་དཔོན་འཇམ་དཔལ་བཤེས་གཉེན་ལ་གསོལ་བ་འདེབས། །བསིལ་ཚལ་འཇིགས་སུ་རུང་བའི་གནས་མཆོག་ཏུ། །རིག་འཛིན་ཤྲཱི་སིང་ཧ་ལ་གསོལ་བ་འདེབས། །རྒྱ་གར་བྷ་སེང་དུར་ཁྲོད་ཆེན་པོ་ན། །མཁས་པ་ཛྙཱ་ན་སཱུ་ཏྲ་ལ་གསོལ་བ་འདེབས། །རྒྱ་ནག་རི་བོ་རྩེ་ལྔའི་ཕོ་བྲང་དུ། །པཎ་ཆེན་བི་མ་མི་ཏྲ་ལ་གསོལ་བ་འདེབས། །འོ་ཡུག་ཕྱི་གོང་རྫ་ཡི་ར་བ་ན། །རིག་འཛིན་སིཾ་ཧེ་ཤྭ་ར་ལ་གསོལ་བ་འདེབས། །སྣང་སྲིད་བདེ་བ་ཆེན་པོའི་ཞིང་ཁམས་ན། །འོད་གསལ་སྤྲུལ་པའི་རྡོ་རྗེ་ལ་གསོལ་བ་འདེབས། །སྤྱི་གཙུག་ཉི་ཟླ་པདྨའི་གདན་སྟེང་ན། །དྲིན་ཆེན་རྩ་བའི་བླ་མ་ལ་གསོལ་བ་འདེབས། །དེ་ལྟར་བརྒྱུད་གསུམ་བླ་མར་གསོལ་བཏབ་མཐུས། །ཟབ་ལམ་འཕོ་བ་འབྱོངས་པར་བྱིན་གྱིས་རློབས། །མྱུར་ལམ་འཕོ་བས་མཁའ་སྤྱོད་འགྲུབ་པ་དང༌། །འཇའ་ལུས་ཆོས་སྐུ་འགྲུབ་པར་བྱིན་གྱིས་རློབས། །ཞེས་མོས་གུས་གཏིང་ཚུགས་པའི་གསོལ་འདེབས་ཡང་ཡང་བྱས་མཐར་བར་རླུང་འཇམ་པོ་བསྐྱིལ་ལ་ཨ་ཡིག་ཐིག་ལེ་དང་བཅས་པ་ལ་སེམས་རྩེ་གཅྀག་ཏུ་གཏད། །དམིགས་པ་ཟིན་པ་དང༌། ཨ་ཨ་ཨ། ཞེས་དབྱངས་དང་བཅས་བརྒྱ་རྩ་བརྗོད་པས་ཐིག་ལེ་ཨ་དང་བཅས་པ་ཇེ་མཐོར་སོང༌། ཚངས་བུག་ནས་ཐོན། བླ་མ་ཧེ་རུ་ཀ་ཡབ་ཡུམ་གྱི་ཐུགས་དང་དབྱེར་མེད་དུ་བསྲེས། ཚངས་བུག་སྦྱང་བའི་དམིགས་པ་ཡང་ཡང་བྱ། མཐར་ཞིང་ཁམས་དེ་ཡང་ཇེ་མཐོ་ཇེ་མཐོར་སོང་ནས་དམིགས་བསམ་སྤྲོས་པ་ལས་འདས་པའི་དབྱིངས་སུ་ཐིམ་པར་བསམ་ལ་ཨ་གྲངས་མེད་བརྗོད་དེ་ངལ་བསོ། དེ་ལས་ལྡང་བ་ན་བསྔོ་བ་དང་སྨོན་ལམ་བཟང་པོ་གདབ་པར་བྱའོ། །སྤྲཽ་ན་རང་སྐད་ཅིག་གིས་ཚེ་དཔག་མེད་ཡབ་ཡུམ་དཀར་པོ་བསྒོམ་པའི་སྙིང་དབུས་སུ་བླ་མ་རྡོ་རྗེ་སེམས་དཔའ་ཚེ་དཔག་མེད་ཡབ་ཡུམ་ཚོན་གང་བར་གྱུར་ནས་བཞུགས་པར་མོས་པའི་ཐུགས་ཀར་ཉི་ཟླ་གའུ་ཁ་སྦྱོར་གྱི་ནང་དུ་བྷྲཱུྃ་སྨུག་པོའི་ཁོག་པར་ནྲྀ་ཡིག་ཨ་དཀར་པོས་མཚན་པ་ལ་འཁོར་འདས་ཀྱི་ཚེ་བཅུད་སིབ་སིབ་ཐིམ་པར་དམིགས་ལ། ཨོཾ་བཛྲ་སཏྭ་བཛྲ་ཨཱ་ཡུ་ཥེ་ཧཱུྃ་ཨ། ཞེས་དང་ཚེ་གཟུངས་སོགས་བརྗོད་དོ། །ལས་དང་པོ་པ་རྟོག་པ་རགས་པ་རྣམས་ཀྱི་དོན་དུའོ། །གང་ལྟར་ནང་གསལ་ཐིམ་ལ་མ་རྨུག་པའི་འཆི་མེད་རང་བྱུང་རིག་པའི་རང་མདངས་སྐྱོང་བ་ནི་གནད་དོ། ༈ །ཤིན་ཏུ་ཉེ་བརྒྱུད་ལྟར་གསོལ་བ་འདེབས་པ་ནི། ཨེ་མ་ཧོ། །གནས་རང་སྣང་བདེ་ཆེན་འཁོར་ལོ་རུ། །སྐྱབས་ཀུན་འདུས་བླ་མ་ཧེ་རུ་ཀ །མདངས་འཇའ་ཟེར་ཡེ་ཤེས་མེ་དཔུང་ཀློང༌། །སྐུ་ཁྲོ་ཆགས་གར་དགུའི་ཚུལ་གྱིས་རོལ། །བུ་མོས་གུས་གདུང་བས་གསོལ་བ་འདེབས། །ལམ་འཕོ་བ་འབྱོངས་པར་བྱིན་གྱིས་རློབས། །གནས་འོག་མིན་བགྲོད་པར་བྱིན་གྱིས་རློབས། །དབྱིངས་ཆོས་སྐུའི་རྒྱལ་ས་ཟིན་པར་ཤོག །ཨ་མང་དུ་བརྗོད་མཐར་ཕཊ་སྒྲ་དྲག་པོས་རྟོག་ཚོགས་འཕྲོ་བཅད་ལ་བཞག་གོ །དེ་ལྟར་དམིགས་གནད་མཚན་བཅས་མཚན་མེད་རང་ཉམས་དང་སྦྱར་བས་ཞག་བདུན་ཕྲག་སོགས་ཉམས་སུ་བླངས་ན། དངོས་རྟགས་ཐུན་མོང་དང་མཐུན་པར་འབྱུང་བ་ནི་ངེས་པའོ། །རྣམ་པ་ཀུན་ཏུ་བླ་མ་ལ་མོས་གུས་དང་རང་རིག་སྐད་ཅིག་མའི་ངང་མདངས་སྐྱོང་བ་ནི་ལམ་གྱི་སྲོག་ཏུ་བཟུང་བར་གཅེས་སོ། །གཉིས་པ་ལས་ལ་སྦྱར་བ་ནི། རང་འཆི་ལྟས་བྱུང་ཚེ་བརྟགས་བསླུ་སོགས་རྒྱུད་ནས་གསུངས་པས་དེ་ལྟར་གྲུབ་ན་ལེགས། ཅིས་ཀྱང་མི་ཕན་པའི་འཆི་ལྟས་བྱུང་དུས། འབྲིང་མན་ཆད་ཀྱི་འཕོ་ལུགས་ནི། གཞུང་རྩ་བ་ལས། ཚེ་འདི་ཉིད་ལ་གོ་འཕང་མཆོག་མ་འགྲུབ་ན་ནམ་མཁའ་སུམ་སྤྲུགས་ཀྱི་སྦྱོར་བས་མྱ་ངན་ལས་འདའ་བར་བྱའོ༔ ཞེས་གསུངས་པས། དང་པོ་རང་གི་ཞེན་པའི་དངོས་པོ་གང་ཡོད་བླ་མ་དང་གྲོགས་མཆེད་དངོས་སུ་བཞུགས་ན་དེར་ཕྱོགས་སྤོང་དག་བགྱིད། མིན་ཀྱང་ཕོངས་པ་མེད་པའི་ཡིད་ཀྱིས་དངོས་སུ་ཕུལ་བའི་མོས་པ་བྱ། ཚེ་འདི་ཡི་ཆགས་ཞེན་གྱི་འཁྲིས་རྦད་ཀྱིས་གཅད། ནུས་ན་སྐྱབས་སེམས་དང་བླ་མའི་རྣལ་འབྱོར་སོགས་སྦྱང་བའི་སྐབས་ལྟར་རམ། ཡང་ན་བླ་མ་ལ་སྙིང་ནས་དད་པ་དྲག་པོས་གསོལ་བ་འདེབས་ཤིང་འཕོ་དམིགས་ཚུལ་བཞིན་བྱ། གང་ལྟར་ཞིང་ཁམས་ཇེ་མཐོར་སོང་ནས་དབྱིངས་ཡེ་གཉིས་སུ་མེད་པའི་ངང་དུ་བཞག་བཞིན་འཕོ་ནུས་ན་མི་འགྱུར་བ་གསེར་གྱི་ཐུར་མ་ལྟ་བུའི་གདམས་ངག་ཅེས་འཕོ་བ་ཐམས་ཅད་ཀྱི་རྒྱལ་པོ་ལྟ་བུའོ། །སུམ་ཕྲུགས་ཀྱི་ཐ་སྙད་ནི། རང་གི་སྙིང་མཆོང་གུར་སྨུག་པོའི་ནང་ཁོང་སྟོང་སེང་ངེ་ཡོད་པ་ལ་ནང་གི་དང༌། དེ་ལ་བརྟེན་བྱའི་ཚུལ་སེམས་ཉིད་སྟོང་གསལ་དུ་གནས་པ་གསང་བའི་ནམ་མཁའ། རྩ་ཀ་ཏི་ཤེལ་སྦུག་ཅན་ཞེས་སྙིང་དང་མིག་ཏུ་འབྲེལ་བའི་ལམ་སྟོང་པར་བརྒྱུད་དེ་ཕྱིའི་ནམ་མཁའ་དང་དབྱེར་མེད་དུ་བསྲེས་ཏེ་མ་བཅོས་གཉུག་མའི་ངང་དུ་བཞག་པ་ལ་ནམ་མཁའ་སུམ་སྤྲུགས་ཞེས་གྲགས་སོ། །ཞིབ་ཏུ་བླ་མའི་མན་ངག་ལ་བརྟེན་པ་གལ་ཆེ། ཕལ་པོ་ཆེའི་མདོ་ལས། དཔེར་ན་རྐྱལ་མཁན་ཆུ་ཡིས་ཁྱེར་བ་བཞིན། །རྐྱལ་པའི་ལོ་རྒྱུས་སེམས་ལ་ཡོད་གྱུར་ཀྱང༌། །མ་བརྐྱལ་བར་དུ་ཐར་བར་མི་འགྱུར་བ། །ཤེས་ནས་མ་བསྒོམས་ཆོས་ཀྱང་དེ་དང་མཚུངས། ཞེས་གསུངས་པ་ལྟར། ད་ལྟ་རྟེན་འབྲེལ་ཕུན་སུམ་ཚོགས་པའི་དུས་འདི་ལ། ལམ་མཐར་ཕྱིན་པའི་ཐབས་ལ་འབད་དགོས། །གལ་ཏེ་འཆི་བ་གློ་བུར་དུ་བྱུང་ན་ཉེ་ལམ་འཕོ་བའི་གདམས་པ་འདི་ལ་ཉམས་མྱོང་ཐོན་ངེས་གལ་ཆེ་བས་ཀུན་གྱིས་ཐུགས་ལ་བཞག་པར་ཞུ། །དེ་ལྟར་གཏེར་གཞུང་རྩ་བར་ཚིག་ཟིན་ཙམ་ལས་མི་བཞུགས་པས། དམིགས་བསལ་རྗེ་ཉིད་ཀྱིས་ཞལ་གསུངས་ཞིག་གནང་ཐུབ་པར་དངོས་བརྒྱུད་ནས་ཡང་ཡང་ཞུས་ཚེ། དམིགས་ཁྲིད་ཅིག་གནང་སྟེ་འཕོ་བའི་དམིགས་རྐང་དང་ངག་འདོན་སོ་སྔགས་ཙམ་ལ་དཀའ་ལེ་མི་འདུག་མོད་ཀྱང་ཉིད་ཀྱིས་འབྲི་བར་འོས་པས་དེ་ལྟར་གྱིས་ཤིག་ཅེས་བཀའ་གནང་ཕེབས་པ་ཡིད་ལ་བཅག་བཞིན་ལོ་ཤས་ལྷག་སོང༌། ཕྱིས་རྗེ་དགོངས་པ་ཆོས་ཀྱི་དབྱིངས་སུ་བསྡུ་བའི་ཚུལ་བསྟན་པའི་དགའ་བ་ཆུ་འབྲུག་གི་ལོར་ལམ་འདིའི་དབང་ཁྲིད་སྐབས་སྙིང་ཐིག་མ་བུའི་གཞུང་དང༌། བླ་མའི་ཞལ་གསུངས་ཚད་མ་གཞིར་བཞག་དམིགས་བསལ་ཕྲན་བུ་བཅས་རིག་འཛིན་སྣ་ཚོགས་རང་གྲོལ་པས་བྲིས་པའི་དགེ་བས་སེམས་ཅན་ཐམས་ཅད་འཆི་མེད་ཞི་བ་དམ་པ་གདོད་མའི་མགོན་པོའི་གཞི་དབྱིངས་སུ་གྲོལ་བའི་གྱུར་གྱུར་ཅིག །སརྦ་མངྒ་ལཾ། དགེའོ། །དགེའོ། དགེའོ།

[edit]

@#/__/dz+nyA_na_su_pa_n+thi_a_b+hi_ra_sA_tsi_t+taM_ti_la_pu_ra_ga_ti_pa_tsapa_Tha_bi_ha_ra_ti_sma//___@#/__/lce btsun snying thig gi sngon 'gro'i ngag 'don ye shes lam bzang zhes bya ba bzhugs so//_na mo gu ru b+h+yaH__bla ma kun bzang rdo rje sems dpa' la/__/gus pas btud de lce btsun snying thig gi__/sngon 'gro rgyun du nyams su len pa'i tshul/__/dmigs khrid dang bcas 'di na gsal bar bya/__de la sbyor ba/__dngos gzhi/__rjes kyi rim pa gsum las/__dang po/__/thog mar tho rangs mal nas ldang ste rlung ro dgu phrugs su bsal la nad gdon sdig sgrib thams cad sangs kyis dag par bsam/__spro na/__ngag byin brlab ni/__oM AHhU~M/__lce dbang ra~M yig las byung mes bsregs nas/__/'od dmar rnam pa'i rdo rje rtse gsum sbubs/__/A li kA li'i mtha' bskor rten 'brel snying*/__/mu tig phreng ba lta bu'i yig 'bru las/__/'od 'phros rgyal ba sras bcas mchod pas mnyes/__/slar 'dus ngag sgrib dag nas gsung rdo rje'i/__/byin rlabs dngos grub thams cad thob par bsam/__a A/__i I/__u U/__r-i r-I/__l-i l-I/__e ai/__o au/__aM aH__lan bdun/__ka kha ga g+ha nga*/__tsa tsha dza dz+ha nya/__Ta Tha Da D+ha Na/__ta tha da d+ha na/__pa pha ba b+ha ma/__ya ra la wa/__sha Sha sa ha k+Sha/__lan bdun/__ye d+harmA he tu pra b+ha wA he tun te ShAn+ta thA ga to h+ya wa data/__te ShAny+tsa yo ni ro d+ha e waM bA dI ma hA shrA ma Na swA hA/__lan bdun de nas/__nam mkha' dang mnyam pa'i sems can thams cad gdod ma'i mgon po'i go 'phang la 'god par bya/__de'i ched du lam zab mo nyams su blang bar bgyi'o/__/snyam pas sems bskyed/__rang gi spyi bo nas sor bzhi tsam gyi thad kyi nam mkhar pad zla'i gdan la rtsa ba'i bla ma dang dbyer med pa'i slob dpon chen po bi ma la mngon sum lta bu 'od dang gzi brjid 'bar ba 'ja' zer thig le 'khrigs pa'i dbus su dgyes ye re bzhugs par mos la/__dus gsum sangs rgyas thams cad kyi ngo bo bla ma rin po che mkhyen no/__bdag gi rgyud smin cing grol bar byin gyis brlab tu gsol/__zab lam gyi rtogs pa khyad par can rgyud la skye bar byin gyis brlab tu gsol/__tshe 'di nyid la 'od gsal rdzogs pa chen po'i lam mchog mthar phyin par byin gyis brlab tu gsol/__/zhes mos gus tshad med pa dang bcas lan gsum dang*/__spro na bla ma'i rgyang 'bod du grags pa 'di nyid khye'us pha mar 'bod 'dra'i gdung dbyangs snyan pos/__bla ma sangs rgyas rin po che/__/bdag la re sa gzhan na med/__/thugs rje'i spyan gyis gzigs mdzod la/__/'khor ba'i mtsho las bsgral du gsol/__/tshe 'di'i legs pa kun 'grub cing*/__/bgegs dang bar chad med pa dang*/__/'chi khar zab mo'i 'od gsal zin/__/bar do'i 'phrang las sgrol bar mdzod/__/lus dang ngag yid rtsom pa kun/__/rtag tu gzhan la phan pa dang*/__/rkyen rnams byang chub lam mchog tu/__/de ring nyid nas bsgyur du gsol/__/bdag gis 'bad kyang thar bar dka'/__/mgon po khyed kyi thugs rje'i grus/__/mgon med bdag dang 'gro ba kun/__/thar pa'i gling du phyin par mdzod/__/gang dag bdag la dad gyur tam/__/smod dang skur pa 'debs kyang rung*/__/de dag sdig zad nyon mongs med/__/srid pa'i chu bo spongs bar shog__/nam zhig bdag gi ming tsam gyis/__/'gro ba'i 'dod dgu rab 'grub cing*/__/phyogs bcu gang ba'i zhing rnams su/__/mchod pa'i sprin gyis char 'bebs shog__/dge ba yis lus can kun/__/thams cad srid las rnam grol nas/__/ye shes dam pa gnyis thob ste/__/don gnyis lhun gyis grub par mdzod/__/ces bla ma yang tig las byung ba'i gsol 'debs khyad par can 'di bla ma nam dran dus gsol ba 'debs pa la brtson par gces so/__mthar bla ma rang la thim par mos la rang babs su bzhag go__/gnyis pa la gnyis/__dang po sems sbyong bdun rim par/__/'di ltar 'dus byas thams cad ni mi rtag pa ste chu'i lbu ba lta bu'o/__/zhes 'di ltar phyi nyin mtshan dus bzhi/__nang sgyu lus/__gsang ba pha ma nye du gang la brtags kyang don la 'dus byas thams cad mi rtag cing snying po med pa ste/__dper na chu'i lbu ba skad cig gis skye 'gags lta bur nges par 'chi ba/__nam 'chi cha med/__'chi rkyen nges med/__byas pa don med de dpe don 'brel bas blo sbyong*/__dal khom med par blo sna thung ngur song na 'byongs pa'i tshad do/__/gnyis pa/__'khor ba'i bde ba thams cad ni 'phral bde ba ltar snang yang don la sdug bsngal te dug gi 'bras bu smin pa lta bu'o/__/zhes pas shi ba'i tshe zag bcas dge ba'i las kyis mtho ris su skye srid na'ang*/__'khor ba'i bde 'byor thams cad ni 'phral bde ba ltar snang yang*/__don la 'du byed rkyen khar shor ba'i sdug bsngal te/__dper na zas bzang po dug can la spyod tshe ro zhim pa dang lto bde yang*/__zas zhu+u ma thag dug gi 'bras bu smin te srog dang bral ba lta bur 'gyur ba'i sdug bsngal dang mi dge ba'i las kyis ngan song gi gnas su sdug bsngal gyi sdug bsngal sogs sdug bsngal rgyu 'bras gnyis la blo sbyong bas mngon mtho lha mi'i bde ba la dgra ltar mthong*/__byang chub kyi sems rnam pa gnyis ni zag med byang chub kyi rgyu yin par thag chod/__dge blo gong 'phel du song na 'byongs pa'i tshad do/__/gsum pa/__rkyen sna tshogs pa thams cad ni zin pa'i dus med pa ste smig rgyu'i chu la bsnyegs pa lta bu'o/__/zhes yul yul can gzung 'dzin rang khar shor ba'i rkyen sna tshogs pa ste 'dod pa thog tu mi khel ba dang mi 'dod pa thog tu 'bebs pas mtshon 'dir snang 'khor ba'i chags sdang gi las snga ma snga ma'i rjes su phyi ma phyi ma'i re ba'i don dang dogs pa'i gnas thams cad ni nam yang zin pa dang zad pa'i dus med pa ste/__dper na sos dus ri dwags skom gyis gdung ba dag gis thang chen po'i smig rgyu chur 'khrul te dbugs zad zad du bsnyags nas ded kyang chu thob pa lta ci slar sred len skom gyis gdung ba me 'bar ba lta bur 'gyur pa de bzhin du 'khrul snang 'dir zhen gyi bya bas ngal ba ni don med pa'i tshul la blo sbyong*/__sgyu ma lta bu snying po med pa la snying po len 'dod kyis bsod nams bsags pa la brtson pa cher song na 'byongs pa'i tshad do/__/bzhi pa/__tshe 'di'i bya ba thams cad ni rnam pa kun tu don med pa ste gnyid thun gcig gi rmi lam bzang ngan lta bu'o/__/zhes pas rtag 'dzin bden zhen gyi dbang gis grags dang ma grags/__/snyan dang ma snyan/__rnyed dang ma rnyed/__bkur dang ma bkur bas mtshon tshe 'di'i bde sdug gi bya ba thams cad ni rnam pa kun tu don med pa ste/__dper na sngar song thams cad khar song gi rmi lam lta bu/__da lta'i bya ba'ang gnyid thun gcig gi rmi lam bzang ngan lta bu las don med tshul la blo sbyong*/__rtag 'dzin gyi 'khrul 'khor thams cad rmi lam ltar snying po med par thag chod na 'byaungs pa'i tshad do/__/lnga pa/__thar pa dam pa'i 'bras bu ni nam yang sdug bsngal bar mi ldog ste 'brum nad byang ba'i skyes bu lta bu'o/__/zhes pas 'jug sgo thar pa dam pa byang chub mchog tu sems skyed pa'i 'bras bu ni spangs rtogs ldog gsum gyi sgo nas gshegs te/__sangs rgyas zin nas nam yang sdug bsngal 'khor bar slar mi ldog te/__dper na 'brum nad byang ba'i skyes bu ste 'brum bu zhes rims nad drag pos thar zin pa dag slar 'brum nad la dogs pa dang 'jigs pa dang ya nga ba med bzhin du gzhan nad pa dag la phan 'dogs nus pa ltar bde bar gshegs pa don gnyis lhun grub sangs rgyas kyi go 'phang rin po che tshe 'di nyid la thob par bya snyam pa'i dam pa gong ma'i rnam thar la tshad btsugs te dge rtsa dam pa gsum gyis zin nges pa'i blo sbyong*/__srog la bab kyang sla yi cis kyang sangs rgyas thob par bya snyam pa byung na 'byongs pa'i tshad do/__/drug pa/__bla ma dam pa'i gdams ngag ni thar pa'i khang bzang du 'dzegs pa'i lam ste them skas bzang po lta bu'o/__/zhes pas/__bla ma dam pa ma bsten par sangs rgyas thob pa ni mdo rgyud gang las ma gsungs pas bla ma bsten dgos/___de yang bsten lo tsam ma yin par mnyes pa gsum gyis thugs zin nges byas la yun ring por skyo sun med pa'i sgo nas gdams ngag zab mo ni nyan te nyams su blangs na myur du thar pa thob pa'i dpe khang bzang mthon po'i yang steng du 'gro 'dod pa dag 'dzegs pa'i lam ste them skas bzang po la brten dgos pa ltar bla ma mtshan nyid dang ldan pa bsten pa de yang 'jig rten na rnyed dka' ba dal 'byor gyi mi lus/__mjal dka' ba mtshan ldan gyi bla ma thob dka' ba gdams ngag zab mo ste dka' tshul gsum gyi sgo nas blo sbyang*/__nges shes khyad par can rgyud la skye ste bla ma dang gdams ngag la yid rtse gcig tu phyogs pa byung na 'byongs pa'i tshad do/__de ltar re re nas dpe don zung 'jug gi sgo nas nyams su blang ngo*/__bdun pa/__rnam par mi rtog pa'i bsam gtan ni ting nge 'dzin thams cad skye ba'i gzhi ste zhing sa dul ba lta bu'o/__zhes pas lam thams cad kyi gzhi lta bu rnam par mi rtog pa'i bsam gtan ni sa ma d+hi zhes pa'i sgra blo mnyam pa nyid ces ting nge 'dzin ni yon tan thams cad skye ba'i gzhi ste dper na zhing sa bzang po rmo dul legs par byas na 'bru dang me tog sogs gzhan las lhag par 'byung ba de bzhin du gzhi ting 'dzin sgom tshul la bye brag mang du yod kyang*/__rang lugs la rim pa gsum du gsungs pas/__dang po lus gnad dang ldan par/__rang lus stong seng nge ba'i dbus su rtsa dbu ma mtshan nyid bzhi dang ro rkyang 'khor lo bzhi bcas/__mchan/__ldan pa sba lcags 'bring po tsam yar snar thabs bde ba chen po'i rang bzhin ha~M yig dkar po nA da sum 'khyogs can bde ba'i rang bzhin bdud rtsi'i zil pa phrom me ba 'dzag la khad pa dang*/__mar snar lte 'og shes rab kyi rang bzhin a yig dmar po 'bar la khad pa gsal gdab la rlung ro bsal/__steng rlung mnan 'og rlung cung zad bskum pas a las gtum mo'i me rab tu phra ba nyug nyug tu 'bar te ha~M la reg pas bde ba'i bdud rtsi nar gyis drangs te a la phog me cher 'bar bde ba'i rgyun dang me dbyer med kyis rtsa gsum 'khor lo bzhi bcas gang bas bde drod 'bar bar bsams la shes pa gzhan du ma yengs par snying gar a dkar gsal la sems bzung ste rlung kha sbyor du 'ching*/__mi thub tshe phra la ring ba shugs kyis 'phang*/__rim par bum chen la bslab/__des bde stong rnam par mi rtog pa'i ye shes skye bar 'gyur ro/__/gnyis pa sna bug gnyis nas rlung dal bus phyir 'phang bas snang ba thams cad nam mkha'i rang bzhin du sngo mer gyis zhu bar bsams la rlung ci gnas phyir 'dzin/__slar dal bus nang du rngub tshe sngo nar gyis sna bug g.yon nas zhugs lte 'og tu mer gyis khengs par bsams la rlung kha sbyor du 'ching*/__de yang rang gi khams tsha grang dang bstun pa'i gnyen po rlung gi reg bya de ltar bsgom/__goms na gsal stong rnam par mi rtog pa'i ye shes skye bar 'gyur ro/__/gsum pa dus gsum gyi rtog pa bcad de sems rang babs su 'bol le shig ger bzhag pas sems gar gtad la zin pa ni chos nyid rnam par mi rtog pa'i ye shes te 'byongs pa'i tshad do/__/gnyis pa'i gnyis pa thun mong ma yin pa la lnga las/__dang po skyabs su 'gro ba ni/__brgal dka' 'khor ba'i sdug bsngal gyi rgya mtsho las bdag gzhan sems can thams cad bsgral te sangs rgyas kyi go 'phang thob par bya ba'i ched du skyabs su 'gro'o snyam pa'i skyes bu chen po'i blos/__rang nyid gang du 'dug pa'i sa phyogs rin po che sna tshogs las grub pa'i sa gzhi dang shing dang chu dang mtsho dang me tog sogs bkod pa blos dpog par dka' ba ngo mtshar ba'i rgyan thams cad kyis brgyan pa'i zhing khams su gsal ba'i rang gi mdun gyi nam mkhar mchod sprin rgya mtsho'i dbus su rin po che pad zla'i gdan la ngo bo rtsa ba'i bla ma yin pa la rnam pa slob dpon chen po bi ma la mi tra de yang sku dge 'dun/__gsung dam chos/__thugs sangs rgyas/__dkon mchog gsum/__sku bla ma/__gsung yi dam/__thugs mkha' 'gro ste rtsa ba gsum/__sku sprul sku/__gsung longs sku/__thugs chos sku ste sku gsum/__de bzhin du yon tan nor lha/__'phrin las chos skyong srung ma ste/__skyabs kun 'dus kyi ngo bor ye shes lnga yi rang mdangs 'ja' zer thig le'i klong du mngon sum ltar gsal ba'i mdun/__rang gi g.yas g.yon du skye ba da res kyi pha ma/__mdun du gnod byed/__mtha' skor kun tu rigs drug gi sems can ma lus pa 'khod par mos pas thams cad kyis lus gus pas thal mo sbyar/__ngag gus pas skyabs 'gro'i tshig brjod cing*/__yid gus pas 'di nas byang chub snying po la mchis kyi bar du/__skyabs gnas kun 'dus bla ma rin po che khyed la brten/__khyed la 'bul/__khyed las skyabs dang skyob pa/__mgon dang dpung gnyen/__re ltos gzhan na med pas ci mdzad khyed mkhyen snyam pa'i gdung shugs drag pos skyabs su 'gro bar mos te/__aH__ka dag gting gsal chos kyi sku:__lhun grub rigs rtsal longs spyod rdzogs:__dbyer med thugs rje sprul pa'i skur:__rang ngo shes pas skyabs su mchi:__zhes ci nus brjod mthar skyabs yul rnams kyi thugs ka nas thugs rje'i 'od zer dkar po zla ba shar ba lta bur 'phros/__bdag dang sems can thams cad la phog pas sdig sgrib bag chags thams cad byang zhing dag__/tshe bsod lung rtogs ye shes yon tan thams cad gong 'phel du rgyas par bsams la sems ma bcos rang babs su bzhag go__/gnyis pa sems bskyed pa ni/__slar skyabs yul dpang po'i tshul du gsal ba'i spyan sngar/__'di ltar yid dang rnam par shes pas bsdus pa'i spyi khams gsum rigs drug gi sems can thams cad thog ma med pa nas da lta'i bar du dgra gnyen sogs ma nges pa dang*/__ma 'ongs pa na'ang de ltar nges pa med pas chags sdang dang bral na snyam pa'i btang snyoms/__bye brag tu thams cad dus gsum gyi pha ma drin can du nges pas bde ba rgyu 'bras dang 'phrad 'dod kyi byams pa/__sdug bsngal rgyu 'bras dang bral 'dod kyi snying rje/__bde ba dang mi 'bral bar gong 'phel du 'dod pa dga' ba ste tshad med bzhi yi blo dang ldan pas/__ho:__glo bur 'khrul pa'i 'gro ba kun:__gdod nas rnam dag dbyings kyi ngang :__ye shes rig pas rang grol phyir:__cog bzhag chen por sems bskyed do:__zhes ji ltar rigs par brjod/__byang chub kyi sems rnam pa gnyis la blo sbyangs te gong 'phel du bskyed/__bde sdug gtong len rlung gi 'gro 'ong dang bstun te nyams su len/__de yang stong nyid snying rje zung 'jug 'khor gsum sgyu ma dang rmi lam lta bu'i don khong du chud pa la bslab par bya'o/__/gsum pa sgrib sbyong ni stobs bzhi'i dmigs 'dun bcas/__aH__bdag nyid tha mal lus kyi dbus/__/rtsa gsum 'khor lo bzhi dang bcas/__/dwangs gsal 'od kyi rang bzhin gyi/__/mar sne lte 'og sor bzhi'i sbubs/__/bla ma dpal ldan rdo rje sems/__/dmar gsal zhal gcig phyag gnyis pa/__/rdo rje dril 'dzin longs sku'i chas/__/rang 'od rig ma'i bde bas dgyes/__/rdo rje pad+ma'i skyil krung gis/__/pad+ma zla ba'i gdan gyi steng*/__/dwangs ma 'od lnga'i klong na bzhugs/__/bla ma rdo rje sems dpa' la/__/mi phyed gus pas gsol ba 'debs/__/bdag gi sdig sgrib nyes ltung kun/__/byang zhing dag par byin gyis rlobs/__/rtse gcig gsol ba btab pa las/__/ye shes me 'bar rtsa 'khor khyab/__/sgo gsum cha mnyam sdig sgrib kun/__/bsregs sbyangs rang lus 'od kyi sku/__/rdo rje sems dpa'i gsang gsum dang*/__/dbyer med ma bcos lhug par shar/__/zhes rang tha mal du gnas pa'i lus dbus drang por rtsa gsum 'khor lo bzhi ldan gsal ba'i rtsa gsum po'i yar sne tshangs bug dang sna gnyis su ha rer yod pa/__mar sne lte 'og sor bzhi'i thad du yi ge cha yi dbyibs rtsa gsum sbub gcig tu song ba'i 'dus mdor/__pad zla'i gdan la bla ma rdo rje sems dpa' sku mdog dmar po phyag g.yas rdo rje thugs kar gtod de 'dzin pa/__g.yon dril bu dkur brten pa'i pang du yum snyem ma dmar skya gri thod 'dzin pa/__yab rdo rje'i skyil krung dang yum pad+ma'i skyil krung gi tshul gyis mnyam par sbyor ba/__longs sku'i chas dang rus pa'i rgyan gyis spras pa/__snang la rang bzhin med pa ye shes lnga yi rang 'od 'phro ba'i klong du bde chen dgyes pa'i rnam rol du bzhugs par mos la bdag gi shes rgyud kyi sdig ltung dag pa zhig bla ma rdo rje sems dpa' khyed mkhyen no snyam pa dang chabs cig 'jam rlung kha sbyar la yi ge brgya pa yid bzlas bya/__dmigs pa ro rkyang gi rlung dbu mar zhugs pas thugs rgyud bskul te sku las ye shes kyi me rta rnga rgyar bshags pa tsam dmar nyug nyug tu 'bar te rim par lte ba'i rtsa 'khor drug cu rtsa bzhi'i nang khengs/__snyoms 'jug gi sgrib pa dang des bskyed pa'i sdig ltung spyi dang yon tan phrin las dang bcas pa'i dam tshig nyams chag thams cad bsregs/__de'i 'gres/__snying ga'i rtsa 'khor brgyad gang gnyid 'thug gi dang*/__thugs kyi dam tshig nyams chag__/mgrin pa'i rtsa 'khor bcu drug gang rmi lam gyi dang*/__gsung gi dam tshig nyams chag__/spyi bo'i rtsa 'khor sum cu so gnyis gang sad pa'i sgrib pa dang des bskyed pa'i sdig ltung spy-i dang sku'i dam tshig nyams chag so so'i khams snyigs ma dang bcas pa bsregs shing lhag med du dag par mos la yi ge brgya pa ci nus dang*/__oM badz+ra sa twa AH__zhes yid bzlas kho na bya/__skyo na ngag bzlas skyon drug spangs la ji ltar rigs par bzla/__mthar bshags rgyud las byung ba'i rU tra'i smre bshags bya/__mi nus na/__mgon po bdag ni mi shes rmongs pa yis:__dam tshig las ni 'gal zhing nyams:__bla ma mgon pos skyabs mdzod cig:__gtso bo rdo rje 'dzin pa ste:__thugs rje chen po'i bdag nyid can:__'gro ba'i gtso la bdag skyabs mchi:__sku gsung thugs rtsa ba yan lag gi dam tshig nyams pa thams cad mthol lo bshags so:__sdig pa dang sgrib pa nyes ltung dri ma'i tshogs thams cad byang zhing dag par mdzad du gsol:__zhes sdig ltung nyams chag thams cad sangs kyis dag ste rdo rje sems dpa'i gsang ba gsum dang dbyer med du gyur par mos la spang blang bsal bzhag med pa'i ngang du sems ci gnas su bzhag go__/bzhi pa tshogs gsog pa la spyi dang khyad par ro/__/dang po maN+Dal rgyas pa tshogs gnyis sprin tshogs ltar ram/__ma nus na klong chen snying thig gi sku gsum maN+Dal dngos sam yid kyis 'bul bar bya/__rang lugs ltar na/__mthar ni ye shes me lce yis/__/spyi bo'i ha~M las bdud rtsi drangs/__/'khor lo'i gnas bzhir son pa las/__/bla ma sku bzhi'i dkyil 'khor pa/__/dga' mchog khyad par lhan skyes kyis/__/ye shes chen pos rab mnyes nas/__/bde chen 'bras bu'i tshogs chen rdzogs/__/rdau rje bzhi dang dbyer med gyur/__ces brjod pa dang chabs cig rtsa 'khor sogs sngar ltar las/__khyad par ni dbu ma'i yar snar thabs bde ba chen po'i rang bzhin ha~M yig dkar po mgo mthur bstan nA da sum 'khyog can bde ba'i bdud rtsi dngul chu'i thigs pa ltar 'dzag la khad pa zhig gsal btab/__'jam rlung kha sbyar bas sngar ltar me nyug nyug tu 'bar te ha~M yig la phog la khad kyis bdud rtsi'i rgyun drangs te mes bros ded kyi tshul du rim par spyi bo'i rtsa 'khor na bzhugs pa'i bla ma sku rdo rje rnam snang yab yum dang*/__rtsa 'dab kyi sangs rgyas mkha' 'gro dkar/__yab yum sum cu rtsa gnyis kyis mtshon dpa' bo mkha' 'gro'i tshogs bsam gyis mi khyab pa la bde chen dga' ba'i ye shes kyi mchod pa 'bul/__snang stong zung 'jug gi tshogs rdzoga~Xs/__bum dbang thob/__lus kyi las dang sku'i nyams chag sbyanga~Xs/__bskyed rim ky-i ye shes smina~X/__sku rdo rje sprul sku mngon du gyur pa'i skal ba rgyud la bzhag par bsam/__/de'i 'gres/__mgrin par bla ma gsung rdo rje snang mtha' yab yum dang*/__pad+ma mkha' 'gro dmar/__yab yum bcu drug sogs la bde chen mchog tu dga' ba'i ye shes kyi mchod pa 'bul/__gsal stong zung 'jug gi tshogs rdzoga~Xs/__gsang dbang thob/__ngag gi las dang gsung gi nyams chag sbyanga~Xs/__rlung dang gtum mo'i ye shes smina~X/__gsung rdo rje longs sku mngon du gyur pa'i skal ba rgyud la bzhag par bsam/__/snying gar bla ma thugs rdo rje mi bskyod pa yab yum dang*/__rdo rje mkha' 'gro mthing ga__/yab yum brgyad sogs la bde chen khyad dga'i ye shes kyi mchod pa 'bul/__bde stong zung 'jug gi tshogs rdzoga~Xs/__sher dbang thob/__yid kyi las dang thugs kyi nyams chag sbyanga~Xs/__mtshon byed dpe'i/__ye shes smina~X/__thugs rdo rje chos sku mngon du gyur pa'i skal ba rgyud la bzhag par bsam/__/ltebar bla ma ye shes rdo rje rin 'byung yab yum dang*/__rin chen mkha' 'gro ser/__yab yum bcu drug rtsa bzhi sogs la bde chen lhan cig skyes dga'i ye shes kyi mchod pa 'bul/__rig stong zung 'jug gi tshogs rdzoga~Xs/__tshig dbang thob/__kun gzhi'i las dang yon tan dang phrin las kyi dam tshig nyams chag thams cad sbyanga~Xs/__dbyings rig zung 'jug gi ye shes smina~X/__ngo bo nyid sku mngon du gyur pa'i skal ba rgyud la bzhag par bsam mo/__/mthar bla ma rdo rje sems dpa' yab yum gyi zhal du zhugs/__sku'i dbyibs gang*/__sbyor mtshams nas byung*/__rang gi lus kyi nang thams cad gang*/__bde stong bsam gyis mi khyab pa'i ye shes khyad par can rgyud la skye bar bsams la/__ma hA su kha badz+ra sa twa a ha~M:__zhes brjod pa'i rkyen gyis rang nyid rdau rje sems dpa' yab yum gyi sku 'ja' tshon lta bur gyur par mos la sngags don bde ba chen po rdo rje sems dpa' nga'o zhes pas nga rgyal bzung*/__lha yi gsal snang la mnyam par bzhag bzhin pas sngags bzla/__mthar de yang 'ja' tshon nam mkha' la yal ba ltar ka dag dmigs bsam bral ba'i ngang du bzhag go__/lnga pa lam gyi rtsa ba byin rlabs bla ma'i rnal 'byor gyi rim pa ni/__ngag 'don zhal gsal bas dmigs khrid gzhan mi dgos pas de ltar na/__ka dag gi ngang las seng ge dang pad+ma nyi ma'i khri'i steng du rang nyid gnyug ma'i lha dang bla ma dbyer med pa'i ngo bo siM he shwa ra rnal 'byor spyod pa khro 'dzum sgeg pa'i nyams can kha dog dmar smug mnyam bzhag dang skyil krung can/__dar dang rin po che dang rus pa'i rgyan gyis brgyan pa/__sku lus kyi cha thams cad rtsa gsum rgyal ba rab 'byams til gong kha phyes pa lta bus gang ba/__ba spu'i khung bu thams cad nas rdo rje ye shes kyi me khro chung gi tshogs dang bcas pa 'phro bas bdud dang bar du gcod pa thams cad sreg par mdzad pa/__'khor du rgyud gsum gyi bla ma dang dpa' bo mkha' 'gro'i tshogs kyis bskor ba/__smin mtshams su chos 'byung dkar po rtsa ba phra ba dbu ma la zug cing*/__kha gdengs g.yel ba'i zur gcig gyen la bstan pa'i nang bde chen thig le dga' ba 'khyil pa dkar po 'od 'bar ba g.yon bskor du drag tu 'khor ba/__de'i thad ka'i nam mkhar ngo bo rtsa ba'i bla ma la rnam pa bi ma la mi tra dkar gsal shangs rtser skye med yi ge a dkar pos mtshan pa/__phyag mnyam bzhag bdud rtsi'i thod zhal bsnams pa/__dar sngon po'i stod g.yogs dang chos gos gsol zhing zhabs rdo rje'i skyil mo krung gis dgyes ye re bzhugs pa/__snang srid thams cad 'ja' zer thig ler mer mer shig shig g.yo ba/__slar yang rang gi thugs ka nas 'od zer dpag tu med pa 'phros pas/__sku gsum gyi zhing khams rab 'byams nas bsgoms pa dang 'dra ba'i ye shes pa bsam gyis mi khyab pa spyan drangs te bdag mdun rnams la sib sib thim par mos la/__aH__ngo bo chos sku'i gzhal yas nas:__ka dag bla ma gshegs su gsol:__rang grol chen por byin phobs la:__'khrul pa dag pa'i dbang mchog skur:__rang bzhin longs sku'i zhing khams nas:__lhun grub bla ma gshegs su gsol:__rigs rtsal chen por byin phobs la:__ye shes rgyas pa'i dbang mchog skur:__thugs rje sprul sku'i dkyil 'khor nas:__dbyer med bla ma gshegs su gsol:__snang srid gzhir bzhengs byin phobs la:__'ja' lus rdo rje'i dbang mchog skur:__hU~M hU~M:__yul gyi ming ni bde ba che:__mkha' 'gro gsang ba'i gnas mchog nas:__gdod ma'i mgon po he ru ka:__siM he shwa ra gshes su gsol:__khyed kyi rjes su bdag sgrub na:__byin gyis brlab phyir gnas 'dir dgongs:__glo bur 'khrul pa'i bar chad sol:__'du 'bral med par dbang skur cig:__oM AHhU~M badz+ra gu ru bi ma la mi tra hU~M hU~M:__zhes spyan drangs/__hU~M hU~M hU~M hU~M hU~M:__zhes pas lcags khams la gser 'gyur gyi rtsi theb pa ltar tha mal pa'i phung khams skye mched dag pa ye shes par dngos su gyur pa'i nges shes brtan po bya/__de nas yan lag bdun gyi sgo nas tshogs bsags pa la gnyis/__don dam par 'khrul snang bden zhen gyi mtshan ma ka nas dag pa'i don khong du chud pas zung 'jug lhun grub bde ba chen po'i dbyings su bya byed chos nyid kyi rol par shes pa'i rnal 'byor pas rtsa ba'i tshig ris ltar nges par byas na mchog dang phul dang bla na med pa'i bsags sbyang ste/__las dang po pa'i dbang du thun mong kun rdzob kyi rnam pas yul de dag gi spyan sngar/__rang lus zhing gi rdul snyed du sprul te phyag 'tshal ba dang*/__dngos su 'byor pa'i mchod pa ting nge 'dzin gyis spel te phyi nang gsang ba'i mchod sprin rgya che zhing rgyun mi chad pa kun tu bzang po'i mchod sprin ltar 'bul ba dang*/__sdig ltung stobs bzhi'i sgo nas bshags pa dang*/__bden pa gnyis kyi bsdus pa'i skye 'phags kyi dge ba la phrag dog med pas rjes su yi rang ba dang*/__gdul bya'i blo dang 'tshams par chos kyi 'khor lo dam par bskor bar bskul ba dang*/__yul dam pa rnams sku mya ngan las mi 'da' bar bzhugs par gsol ba gdab pa dang*/__de lta bus mtshon dge tshogs 'khor gsum mi dmigs pa'i tshul gyis bsngo ba rnams kyi don dran bzhin pas/__aH__snang bzhi mthar phyin bla ma la:__'du 'bral med par phyag 'tshal lo:__rlung sems dag pa'i mchod sprin 'bul:__sdig ltung 'dus ma byas par bshags:__gnyis 'dzin bral bas rjes yi rang :__brjod med chos 'khor bskor bzhin du:__yongs grub chen por bzhugs gsol 'debs:__dge tshogs 'od gsal dbyings su bsngo:__zhes lan gsum mam bdun gyis 'bul/__rtsa ba'i gsum pa rjes kyi rim pa la/__gsol ba gdab pa dang dbang bzhi blang ba gnyis kyi dang po gsol ba gdab pa'i tshul ni/__mthar thug gi sangs rgyas rang sems lhan cig skyes pa'i ye shes rtogs pa ni bla ma la rag las/__de yang yul la mi ltos/__byin rlabs 'jug pa rang gi mos gus kho na la rag las/__bla ma la dus gsum gyi skyabs yul thams cad 'du bas na yon tan gyi ngos nas sangs rgyas dang mnyam/__bka' drin gyi ngos nas sangs rgyas stong las lhag par thag bcad/__nges shes bskyed/__mos gus gdung shugs drag pos gsol ba phur tshugs su gdab pa ni/__'od gsal snang bzhi mthar phyin nas:__rig pa mi 'gyur sku lngar bzhengs:__'ja' lus 'pho chen dwangs ma'i gzugs:__'chi med bi ma mi tra kye:__bdag la thugs rjes rtser dgongs nas:__mngon sum byin rlabs deng stsol cig:__ces byin rlabs zhugs pa'i rtags lus kyi ba spu g.yo ba/__mig nas mchi ma 'khrugs pa/__lus sems tshugs mi thub pa lta bu ma byung gi bar du yang yang gsol ba gdab bo/__/snying po ni/__oM AHhU~M:_gu ru bi ma la mi tra hU~M hU~M:__zhes thugs dam rgyud bskul gyi sngags brgya re'i mtshams gsol 'debs tshar re sbyar te snang grag rigs gsum lha sngags ye shes kyi rol par shes pas bzlas pa bya/__mthar yon tan dang bka' drin dran pa'i sgo nas brgyud pa'i gsol ba 'debs ni/__oM AHhU~M:__gdod ma'i mgon po kun bzang yab yum la/__/gsol ba 'debs so thugs rje'i spyan gyis gzigs/__/rang byung sems nyid 'od gsal snying po'i don/__/da lta nyid du rtogs par byin gyis rlobs/__/lhun grub rgyal ba zhi khro rab 'byams la/__/gsol ba 'debs so thugs rje'i spyan gyis gzigs/__/rang gsal ye shes sgron me 'od po che/__/da lta nyid du mthong bar byin gyis/__/bde chen rgyal po rdo rje 'chang chen la/__/gsol ba 'debs so=__/'khor 'das gzhi grol sesam nyid chos sku'i don/__/da lta nyid du rtog par=__/ye shes sgyu ma rdo rje sems dpa' la/__/gsol ba 'debs so=__/mi 'gyur lhun grub bde chen 'og min du/__/da lta nyid du grol bar=__/dkyil 'khor mnga' bdag phyag na rdo rje la/__/gsol ba 'debs so=__/gsang sngags rgyal po tshe gcig sangs rgyas lam/__/da lta nyid du bgrod par=__/rgyal ba'i rnam 'khrul dga' rab rdo rje la/__/gsol ba 'debs so=__/gdos bcas phung po ye shes 'od lus su/__/da lta nyid du grol bar=__/mkhyen rab sprul pa 'jam dpal bshes gnyen la/__/gsol ba 'debs so=__/las dang nyon mongs sdug bsngal rgya mtsho las/__/da lta nyid du sgrol bar=__/blo mchog mnga' ba shrI sing ha la/__/gsol ba 'debs so=__/chos tshul rgya mtsho gsung rab nor bu'i gling*/__/da lta nyid du bgrod par=__/dngos grub mchog brnyes dz+nyA na sU tra la/__/gsol ba 'debs so=__/mchog dang thun mong dngos grub yid bzhin sprin/__/da lta nyid du 'grub par=__/mkhas pa chen po bi ma mi tra la/__/gsol ba 'debs so=__/mngon sum 'od gsal snang ba rnam pa bzhi/__/da lta nyid du 'byongs par=__/'od gsal lus grub seng ge dbang phyug la/__/gsol ba 'debs so=__/'khrul snang rang zad gdod ma'i gzhi dbyings su/__/da lta nyid du 'jug par=__/kun gzigs 'od gsal sprul pa'i rdo rje la/__/gsol ba 'debs so=__/zag med 'ja' lus 'pho ba chen po'i skur/__/da lta nyid du 'grub par=__/bka' drin gsum ldan rtsa ba'i bla ma la/__/gsol ba 'debs so thugs rje'i spyan gyis gzigs/__/dgongs rgyud byin rlabs 'pho ba'i dbang mchog ni/__/da lta nyid du bskur thob mdzad du gsol/__/gsang chen gnyer 'dzin bka' srung chos skyong la/__/gsol ba 'debs so thugs rje'i spyan gyis gzigs/__/snying po'i bstan dang bstan 'dzin g.yel med skyongs/__/'dod don phrin las da lta nyid du sgrubs/__/bdag dang mkha' khyab 'gro ba ma lus kun/__/'od gsal rdzogs chen lam mchog mthar phyin te/__/don gnyis lhun grub chos kyi rgyal po ru/__/da lta nyid du 'god par mdzad du gsol/__/zhes bla ma yang tig gi gsol 'debs bdud rtsi'i sprin tshogs nye brgyud ltar kha bskangs te bkod pa'o/__/de nas lam dbang blang ba ni/__/bla ma'i dpral ba'i oM las 'od zer dkar po zla ba shar ba lta bu dang rang 'dra'i sku dpag tu med pa byung*/__rang gi dpral bar thim/__lus rtsa'i sgrib pa dag__/spros bcas bum pa'i dbang thob/__/snang srid gzhir bzhengs kyi dkyil 'khor bsgoms pa la dbang*/__sa brgyad pa non/__'bras bu sku lnga thob pa'i skal ba can du byas/__/bla ma'i mgrin pa'i AHlas 'od zer dmar po 'char ka'i zer thag lta bu dang*/__A li kA li'i phreng ba dpag tu med pa byung*/__rang gi mgrin par thim/__ngag rlung gi sgrib pa dag__/spros med gsang ba'i dbang thob/__skye med rang byung rdo rje'i bzlas pa la dbang*/__sa bcu gcig pa non/__'bras bu gsung lnga thob pa'i skal ba can du byas/__bla ma'i thugs ka'i hU~M las 'od zer sngon po mthing zhun gyi dwangs ma lta bu dang*/__a yig mthing gsal dpag tu med pa byung*/__rang gi snying gar thim/__yid thig le'i sgrib pa dag__/shin tu spros med sher dbang thob/__bde chen 'od gsal gyi ye shes bsgom pa la dbang*/__sa bcu gsum pa non/__'bras bu thugs lnga thob pa'i skal ba can du byas/__bla ma'i gnas gsum ga nas 'od zer 'ja' tshon shar ba lta bu dang*/__tsit+ta rin po che'i sbubs nas 'od lnga'i gong bu tshon gang ba byung*/__rang gi gnas gsum dang*/__snying dbus su thim/__cha mnyam yid shes kyi sgrib pa dag__/rab tu spros med bzhi pa thob/__ka dag lhun grub zung 'jug bsgom pa la dbang*/__ye shes bla ma'i sa non/__'bras bu yon tan dang phrin las rnam lnga 'grub pa'i skal ba can du byas so/__/zhes bla ma'i thugs dang rang sems dbyer med pa'i ngang du snying po ci rigs bzla/__mthar bla ma nyid 'od du zhu nas smin mtshams kyi dga' ba 'khyil ba'i dbus su thim pas thig le dkar po a yig gis mtshan pa sran ma tsam du gyur par bsams la yid kyis mchod bstod bya/__rang lus kyi gsal dag brtan gsum dang ldan pa'i ngang nas lha yi gsal snang 'ja' tshon lta bu la yun ring du mnyam par 'jog__/mthar thig le la sems gzung*/__spro na/__oM AHhU~M badz+ra gu ru siM he shwa ra sid+d+hi hU~M hU~M hU~M:__zhes dbyangs dang bcas pa'am/__ji ltar rigs pas bzla/__mthar rdo rje'i bzlas pa dal bu la sems 'dzin/__skyo na smin mtshams kyi thig le las 'od zer 'phros dag pa'i zhing rab 'byams thams cad du khyab/__de dag na gnas pa'i skyabs gnas dkon mchog rgya mtsho thams cad dang*/__khyad par du 'od gsal snying thig gi brgyud pa'i bla ma rnams kyi gsang ba gsum gyi byin rlabs thams cad sku dang yig 'phru phyag mtshan gyi rnam par char drag tu babs pa tsam du spyan drangs nas thig le la thim pas lus thams cad khyab par bsam/__yang 'phros ma dag ba'i zhing khams rab 'byams thams cad la khyab/__brtan g.yo snod bcud thams cad dag pa'i zhing khams rab 'byams su bsgyur bar bsams mo/__/de nas snod bcud thams cad ril gyis bsdus te rang gi lus la gzhug__/de yang bsdus te smin mtshams kyi thig le la thim pas shin tu 'od gsal bar bsams la sems yun ring du 'jog pas rnam rtog gi rba rlabs zhi ba'i ting nge 'dzin mu mtha' med par skye'o/__/mthar de yang gzha' tshon mkha' la yal ba ltar dmigs su med pa'i ngang du mnyam par 'jog go__/de las ldang ba na gzhi lus zhing khams kyi bkod pa dang bcas sngar bzhin gsal gdab la/__dpal ldan rtsa ba'i bla ma rin po che/__/bdag gi snying gar pad+ma'i gdan bzhugs la/__/bka' drin chen po'i sgo nas rjes bzung ste/__/sku gsung thugs kyi dngos grub stsal du gsol/__/dpal lda bla ma'i rnam par thar pa la/__/skad cig tsam yang log lta mi skye zhing*/__/ci mdzad legs par mthong ba'i mos gus kyis/__/bla ma'i byin rlabs sems la 'jug par shog__/skye ba kun tu yang dag bla ma dang*/__/'bral med chos kyi dpal la longs spyod cing*/__/sa dang lam gyi yon tan rab rdzogs nas/__/rdo rje 'chang gi go 'phang myur thob shog__/gang du skyes pa'i skye ba thams cad du/__/mtho ris yon tan bdun ldan thob par shog__/skye ma thag tu chos dang 'phrad gyur cing*/__/tshul bzhin bsgrub pa'i rang dbang yod par shog__/der yang bla ma dam pa mnyes byed cing*/__/nyin dang mtshan du chos la spyod par shog__/chos rtogs nas ni snying po'i don bsgrub ste/__/tshe der srid pa'i rgya mtsho brgal bar shog__/srid pa dam pa'i chos rab ston byed cing*/__/gzhan phan bsgrub la skyong ngal med par shog__/rlabs chen gzhan don phyogs ris med pa yis/__/thams cad phyams gcig sangs rgyas thob par shog__/zag pa rang zad 'byung ba rang sar dengs/__/dran pa rang grol zang thal 'od kyi lus/__/seng ge dbang phyug nyid dang mnyam par shog__/zhes sogs smon lam gdab/__dus rtag tu dran shes bag yod kyi sgo nas bla ma skad cig kyang mi brjed par spyod lam kun tu snang ba thams cad phyi yi yul med pa la nang gi blos 'khrul par bzung ba tsam las med par thag bcad de sgyu ma dang rmi lam lta bur lam du khyer/__/byung tshor gyi rtog pa'i blo ni med par gsal bar snang*/__de'i dbyings ni bsams pa'i yul las 'das/__so so rang rig pa'i ye shes kyis rten med par mthong ba ni chos thams cad kyi gnas lugs ye gdod ma nas dag pa'i gting gsal 'dus ma byas pa'o/__/de ltar khong du chud pas nam mkha'i rnal 'byor du bya ste/__mi bsgom pa'i tshul gyis don dang mi 'bral ba la bslab bo/__/tshogs drug gi snang ba bkra lam gyis shar na de la mi dpyod par chos nyid rang gi ngo bo'i ngang du rtsol ba klod la las zin pa'i skyes bu ltar spyod do/__/de'i tshe rlung sems zin pa'i rtags rnams kyang rtsol med du 'byung zhing 'od gsal ba'i lhag mthong grub pas zhi bar gnas pa nyid do/__/zhib tu lhag mthong gi gnad khyad par gyi khrid bla ma'i gdams ngag kho na la brten dgos so/__/gang ltar mtshan mo'i rnal 'byor du nyal khar bla ma spyi bor bsgoms la spro zhing nus na kun mkhyen 'jigs med gling pa'i zhal gsungs sku gsum zhing sbyong gi smon lam dang*/__/kye kye bla ma rin po che/__/bdag la re sa gzhan na med/__/thugs rje'i spyan gyis gzigs su gsol/__/ma rig 'khrul pas bdag non te/__/sgo gsum nyes pa ci mchis pa/__/rab tu 'gyod pas bshags par bgyi/__/sdom pa gsum dang 'gal gyur cing*/__/nyes pa'i dri mas sems gos pa/__/de kun khyod kyi thugs rje yis/__/skad cig nyid la byang bar mdzod/__/bdag ni mi shes rmongs pa yis/__/ma 'tshal bzhin du sdig bgyis pas/__/sngar yang 'khor bar rab tu 'khyams/__/da ni bla ma thugs rje can/__/khyod kyis bdag gi sgrib pa kun/__/skad cig nyid la bsal bar mdzod/__/'di ltar mi shes byis pa la/__/skyon gyur mthong tshe lhag par yang*/__/thugs rje'i gzigs pa mi 'jug na/__/de las gzhan la cir 'gyur dgongs/__/bu yi nyes pa gang lags pa/__/ma yis sel zhing skyong ba ltar/__/bdag cag 'gro drug sems can la/__/khyod kyis dang por thugs bskyed nas/__/phan pa mdzad ces dam bcas na/__/dus 'dir bdag la cis mi dgongs/__/bdag cag 'khrul pa'i sems can rnams/__/gzigs nas thugs rjes mi 'dzin na/__/khyod kyi phrin las gdul bya la/__/phan pa de yang ji ltar dgongs/__/sngon gyi rgyal ba grangs med kyang*/__/bdag cag spangs nas thar par gshegs/__/da ni phyogs bcu'i rgyal ba yis/__/khyod la bskul nas bdag cag gi__/don du bla mar rnam sprul na/__/khyod kyis bdag cag 'dor phod dam/__/'jigs sar skyel mas bslus pa bzhin/__/khyod kyis de ring bslu mdzad dam/__/yid bzhin nor bu rin chen yang*/__/gsol ba btab na 'dod dgu 'byin/__/khyod ni brtse chen thabs la mkhas/__/ci phyir bdag la rjes mi gzigs/__/sha za rnams kyang mchod sbyin dang*/__/bden pa'i tshig ni brjod ma thag__/sngon gyi khro ba'ang 'dor bgyid na/__/khyod ni thugs rje 'gro ba'i yab/__/gus mchod gdung bas sems gdungs shing*/__/nyes pa bshags na cis mi gzigs/__/bdag gi sdig kun ma byang bar/__/skye ba gzhan du song gyur na/__/dmyal mes bsregs pa kho nar zad/__/de la khyod kyis mi gzigs na/__/thugs rje'i bdag nyid ji ltar lags/__/kye ma kyi hud bdag gi sdig__/ma lus byang bar mdzad du gsol/__/skad cig nyid la thugs rjes dgongs/__/bdag la dbang bskur byin gyis rlobs/__/mchog dang thun mong dngos grub stsol/__/bgegs dang log 'dren bar chad sol/__/tshe 'dir bsam pa kun 'grub cing*/__/'chi khar gnad gcod sdug bsngal med/__/bar do'i 'jigs pa kun las sgrol/__/'og min gnas su 'khrid par mdzod/__ces nyin mtshan thun bzhir gsol ba lan bdun bdun gdab bo/__/des ni nyams chag thams cad dag nas mchog dang thun mong gi dngos grub 'thob bo/__/zhes rdzogs chen sems nyid ngal bso las khol du byung ba'i gsol 'debs 'di nyid spyir phyag 'tshal ba sogs dus kun tu gces so/__/de nas nyal ba'i dus su spyi bo'i bla ma tshangs pa'i bu ga nas mar byon snying pad+ma 'dab brgyad kyi rnam par gyur pa'i dbus su zhal mdzum mol le/__spyan khra ye re thugs dgyes pa'i tshul du bzhugs pa'i zhal ras sogs la shes pa gtad la sku'i 'od kyis lus kyi nang thams cad gang bar mos pas bla ma'i thugs dang rang sems dbyer med pa'i ngang skyong*/__/gnyid log khar 'od de lus kyis ma thub pa'i tshul kyis snod bcud thams cad la phog pas 'od du zhu nas rang la thim/__rang snying ga'i bla ma la/__de yang 'od gsal gyi dbyings su thim par mos la rig pa 'dzin med ngang du gnyid log__/sad nas 'khrul 'byams su mi gtong bar gnas lugs kyi ngang du gnyid log go__/de ltar yun du goms nas rmi lam zin par 'gyur la/__slar tho rangs ldang ba'i rnal 'byor ni gong du ji skad bshad pa ltar ro/__/mos gus dang dam tshig rnam par dag pa'i sgo nas sngon 'gro'i lam 'di kho na rtsal bton nas bsgoms pa'i yon tan ni/__rnal 'byor 'di bdun phrag gcig tu g.yengs pa thams cad spangs te bsgoms pas kyang dngos sam nyams dang rmi lam du grub pa chen po'i ye shes kyi sku brnyes pa bi ma mi tra dang :__bdag nyid siM he shwa ras byin gyis slob ste:__de'i tshe sngar ma shes pa'i zab mo'i tshig don mang du shes pa dang \u0f7f__ting nge 'dzin gyi sgo rnyed par gdon mi 'tshal lo:__zhes rdo rje'i gsungs gis nam yang bslu bar mi 'gyur la kho bos kyang zhag kha shas tsam du nyams su len lo byas skabs rang skal dang mthun pa'i byin rlabs kyi mtshan ma mthong ba ni myong bas grub pa'o/__/rim par sngon 'gro'i tshul la nyams myong skyes na dngos gzhi khyad par gyi khrid la zhugs te nyams su blangs pas tshe 'dir zung 'jug rdo rje 'chang gi go 'phang brnyes pa ni nges pa'o/__/de ltar lce btsun chen po bi ma'i zab tig gi sngon 'gro'i ngag 'don rtsa ba gter chen nyid kyi ljags 'grigs sor bzhag__/yig chung phal cher gter gzhung ji lta ba bzhin la skabs babs kyi dmigs khrid sogs kha skong phran bus zur brgyan te zab chos 'di'i bdag por skal bzang du rjes su bzung ba'i ming gi cod paN byin pa kun bzang bde chen rgyal po'am rig 'dzin sna tshogs rang grol du 'bod pa'i dus zhabs kyi sngags ming gzugs brnyan pas lam 'dir 'jug pa'i dang po'i las can rang 'dra'i mkhos chung 'ga' la phan du re nas sbyar ba'i dge bas skal ldan gdul byar gyur pa rnams kyis tshe gcig gis nges gsang rdzogs pa chen po'i lam mchog mthar phyin te snying po'i bstan pa rin po che phyogs dus kun tu dar zhing rgyas la yun ring du gnas te 'gro kun ye shes bla ma'i sa mchog la myur du reg pa'i gyur gyur cig__!__lce btsun snying tig gi 'pho ba mkha' spyod bde lam bzhugs/__'dir lce btsun chen po bi ma la'i zab tig gi rtsa ba rdo rje'i tshig las 'phros pa'i zab lam 'pho ba'i rim pa la gnyis/__sbyang ba dang*/__las la sbyar ba'o/__/dang po ni/__skyabs sems nas bla ma'i rnal 'byor dbang bzhi bcas sngon du 'gro bas/__dngos gzhi'i dmigs pa ni/__aH__bdag lus snang stong 'od kyi rnam pa yi/__/lus dbus drang por dbu ma mda' smyug tsam/__/yar sde tshangs bug rgya mthong kha phyes ltar/__/mar sne gsang bar zug pa'i snying gi thad/__/'od lnga'i ra ba zlum 'khyil dbus su a/__/mthing gsal 'tsher ba sran ma'i gwa'u tsam/__/spyi bor pad+ma nyi zla'i gdan gyi steng*/__/bka' drin mtshungs med dpal mgon bla ma ni/__/rnam par 'khor 'das spyi dpal bcom ldan 'das/__/gzhon nu dpa' bo stobs ldan khro chags brjid/__/mthing nag thabs shes rdo rje dung khrag bsnams/__/zhabs gnyis dor stabs rang 'dra'i yum dang sbyor/__/dur khrod chas rdzogs ye shes me dpung klong*/__/sku dang ye shes dbyer med tshul du bzhugs par mos la/__/brgyud pa'i gsol 'debs gdung ba'i dbyangs dang bcas/__e ma ho/__ka dag spros bral chos sku'i gzhal yas na/__/kun bzang rdo rje 'chang la gsol ba 'debs/__/lhun grub bde chen longs sku'i zhing khams na/__/rig mchog rdo rje sems dpa' la gsol ba 'debs/__/zung 'jug dur khrod me ri 'bar ba na/__/sprul sku dga' rab rdo rje la gsol ba 'debs/__/dur khrod so sa gling gi gnas mchog tu/__/slob dpon 'jam dpal bshes gnyen la gsol ba 'debs/__/bsil tshal 'jigs su rung ba'i gnas mchog tu/__/rig 'dzin shrI sing ha la gsol ba 'debs/__/rgya gar b+ha seng dur khrod chen po na/__/mkhas pa dz+nyA na sU tra la gsol ba 'debs/__/rgya nag ri bo rtse lnga'i pho brang du/__/paN chen bi ma mi tra la gsol ba 'debs/__/'o yug phyi gong rdza yi ra ba na/__/rig 'dzin siM he shwa ra la gsol ba 'debs/__/snang srid bde ba chen po'i zhing khams na/__/'od gsal sprul pa'i rdo rje la gsol ba 'debs/__/spyi gtsug nyi zla pad+ma'i gdan steng na/__/drin chen rtsa ba'i bla ma la gsol ba 'debs/__/de ltar brgyud gsum bla mar gsol btab mthus/__/zab lam 'pho ba 'byongs par byin gyis rlobs/__/myur lam 'pho bas mkha' spyod 'grub pa dang*/__/'ja' lus chos sku 'grub par byin gyis rlobs/__/zhes mos gus gting tshugs pa'i gsol 'debs yang yang byas mthar bar rlung 'jam po bskyil la a yig thig le dang bcas pa la sems rtse gc-ig tu gtad/__/dmigs pa zin pa dang*/__a a a/__zhes dbyangs dang bcas brgya rtsa brjod pas thig le a dang bcas pa je mthor song*/__tshangs bug nas thon/__bla ma he ru ka yab yum gyi thugs dang dbyer med du bsres/__tshangs bug sbyang ba'i dmigs pa yang yang bya/__mthar zhing khams de yang je mtho je mthor song nas dmigs bsam spros pa las 'das pa'i dbyings su thim par bsam la a grangs med brjod de ngal bso/__de las ldang ba na bsngo ba dang smon lam bzang po gdab par bya'o/__/sprau na rang skad cig gis tshe dpag med yab yum dkar po bsgom pa'i snying dbus su bla ma rdo rje sems dpa' tshe dpag med yab yum tshon gang bar gyur nas bzhugs par mos pa'i thugs kar nyi zla ga'u kha sbyor gyi nang du b+h+rU~M smug po'i khog par nr-i yig a dkar pos mtshan pa la 'khor 'das kyi tshe bcud sib sib thim par dmigs la/__oM badz+ra satwa badz+ra A yu She hU~M a/__zhes dang tshe gzungs sogs brjod do/__/las dang po pa rtog pa rags pa rnams kyi don du'o/__/gang ltar nang gsal thim la ma rmug pa'i 'chi med rang byung rig pa'i rang mdangs skyong ba ni gnad do/__!__/shin tu nye brgyud ltar gsol ba 'debs pa ni/__e ma ho/__/gnas rang snang bde chen 'khor lo ru/__/skyabs kun 'dus bla ma he ru ka__/mdangs 'ja' zer ye shes me dpung klong*/__/sku khro chags gar dgu'i tshul gyis rol/__/bu mos gus gdung bas gsol ba 'debs/__/lam 'pho ba 'byongs par byin gyis rlobs/__/gnas 'og min bgrod par byin gyis rlobs/__/dbyings chos sku'i rgyal sa zin par shog__/a mang du brjod mthar phaT sgra drag pos rtog tshogs 'phro bcad la bzhag go__/de ltar dmigs gnad mtshan bcas mtshan med rang nyams dang sbyar bas zhag bdun phrag sogs nyams su blangs na/__dngos rtags thun mong dang mthun par 'byung ba ni nges pa'o/__/rnam pa kun tu bla ma la mos gus dang rang rig skad cig ma'i ngang mdangs skyong ba ni lam gyi srog tu bzung bar gces so/__/gnyis pa las la sbyar ba ni/__rang 'chi ltas byung tshe brtags bslu sogs rgyud nas gsungs pas de ltar grub na legs/__cis kyang mi phan pa'i 'chi ltas byung dus/__'bring man chad kyi 'pho lugs ni/__gzhung rtsa ba las/__tshe 'di nyid la go 'phang mchog ma 'grub na nam mkha' sum sprugs kyi sbyor bas mya ngan las 'da' bar bya'o:__zhes gsungs pas/__dang po rang gi zhen pa'i dngos po gang yod bla ma dang grogs mched dngos su bzhugs na der phyogs spong dag bgyid/__min kyang phongs pa med pa'i yid kyis dngos su phul ba'i mos pa bya/__tshe 'di yi chags zhen gyi 'khris rbad kyis gcad/__nus na skyabs sems dang bla ma'i rnal 'byor sogs sbyang ba'i skabs ltar ram/__yang na bla ma la snying nas dad pa drag pos gsol ba 'debs shing 'pho dmigs tshul bzhin bya/__gang ltar zhing khams je mthor song nas dbyings ye gnyis su med pa'i ngang du bzhag bzhin 'pho nus na mi 'gyur ba gser gyi thur ma lta bu'i gdams ngag ces 'pho ba thams cad kyi rgyal po lta bu'o/__/sum phrugs kyi tha snyad ni/__rang gi snying mchong gur smug po'i nang khong stong seng nge yod pa la nang gi dang*/__de la brten bya'i tshul sems nyid stong gsal du gnas pa gsang ba'i nam mkha'/__rtsa ka ti shel sbug can zhes snying dang mig tu 'brel ba'i lam stong par brgyud de phyi'i nam mkha' dang dbyer med du bsres te ma bcos gnyug ma'i ngang du bzhag pa la nam mkha' sum sprugs zhes grags so/__/zhib tu bla ma'i man ngag la brten pa gal che/__phal po che'i mdo las/__dper na rkyal mkhan chu yis khyer ba bzhin/__/rkyal pa'i lo rgyus sems la yod gyur kyang*/__/ma brkyal bar du thar bar mi 'gyur ba/__/shes nas ma bsgoms chos kyang de dang mtshungs/__zhes gsungs pa ltar/__da lta rten 'brel phun sum tshogs pa'i dus 'di la/__lam mthar phyin pa'i thabs la 'bad dgos/__/gal te 'chi ba glo bur du byung na nye lam 'pho ba'i gdams pa 'di la nyams myong thon nges gal che bas kun gyis thugs la bzhag par zhu/__/de ltar gter gzhung rtsa bar tshig zin tsam las mi bzhugs pas/__dmigs bsal rje nyid kyis zhal gsungs zhig gnang thub par dngos brgyud nas yang yang zhus tshe/__dmigs khrid cig gnang ste 'pho ba'i dmigs rkang dang ngag 'don so sngags tsam la dka' le mi 'dug mod kyang nyid kyis 'bri bar 'os pas de ltar gyis shig ces bka' gnang phebs pa yid la bcag bzhin lo shas lhag song*/__phyis rje dgongs pa chos kyi dbyings su bsdu ba'i tshul bstan pa'i dga' ba chu 'brug gi lor lam 'di'i dbang khrid skabs snying thig ma bu'i gzhung dang*/__bla ma'i zhal gsungs tshad ma gzhir bzhag dmigs bsal phran bu bcas rig 'dzin sna tshogs rang grol pas bris pa'i dge bas sems can thams cad 'chi med zhi ba dam pa gdod ma'i mgon po'i gzhi dbyings su grol ba'i gyur gyur cig__/sarba mang+ga laM/__dge'o/__/dge'o/__dge'o/_______________

Footnotes

Other Information