JKW-KABAB-13-PA-017

🚧 This website is under continued development. We appreciate your patience!

Previous Text"PA" is not a number. Back to Volume Page"PA" is not a number.Next Text "PA" is not a number.

Wylie title
Location	mkhyen brtse'i bka' babs Volume , Text 17, Pages (Folios to )
Author	[[ | ]]
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. . In Rdzong sar 'jam dbyangs mkhyen brtse'i dbang po'i bka' babs, Vol. 13: 1-. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma
Karchag page	JKW-KABAB-Volume-02-KHA-Karchag"PA" is not a number.

"PA" is not a number.

Tibetan Text

Wylie

[edit]

༄༅། །ན་མོ་གུ་རུ་ཨཱརྻཱ་ཏཱ་རཱ་ཡཻ། འཆི་མེད་འཕགས་མའི་སྙིང་ཐིག་གི་སྒོ་ནས་ཚོགས་མཆོད་ཁྲི་འབུམ་ལྟ་བུ་ཕུལ་བའི་ཚེ། སྣོད་གཅིག་ཏུ་ཚོགས་གཏོར་གཅིག་དང་རིལ་བུ་བརྒྱ། ཚོགས་རྫས་ཅི་འབྱོར་བཞག །དེ་འདྲ་ཚོ་བཅུ་ལ་སྟོང་ཕྲག་གཅིག་ཏུ་འོང་བས་གྲངས་མང་པོ་ལ་དེས་མཚོན། ཚོགས་ཆང་བདུད་རྩི་བཅས་བཀོད་པའི་སྣོད་གཅིག་ལ། ཆུ་ཆང་ནང་གསུམ་བྲན་ཏེ། ཕྲིན་ལས་གཞུང་གི་ཚོགས་རྒྱས་པ་ཚར་གཅིག་གཏང༌། བར་པ་བདུད་རྩིར་བྱིན་རླབས་སྐབས་འདིར་མི་དགོས་པས་བཞགས་ལྷག་མ་སྨོན་ལམ་ཡན་བཏང༌། དེ་ནས་སླར་ཡང་བདུད་རྩི་བྲན་ཏེ། རྃ་ཡྃ་ཁྃཿ ཨོཾ་ཧཱུྃ་ཏྲཱྃ་ཧྲཱིཿཨཱཿ ཧ་ཧོཿཧྲཱིཿ ཞེས་བྱིན་གྱིས་བརླབ། ཧྲཱིཿ སྐུ་གསུམ་ཞིང་ཁམས་རབ་འབྱམས་ནས༔ རྗེ་བཙུན་འཁོར་བ་སྒྲོལ་མཛད་ཡུམ༔ རྩ་གསུམ་ཆོས་སྲུང་རྒྱ་མཚོར་བཅས༔ ཚོགས་ཀྱི་འདུ་བར་སྤྱན་འདྲེན་གཤེགསཿ སརྦ་ས་མ་ཡ་ཛཿཛཿ ཞེས་པས་སྤྱན་དྲང༌། ཧོཿ རང་བྱུང་བྷཉྫ་སྣང་བ་སྣོད༔ རྩ་འཁོར་དབྱིངས་ཀྱི་ཀ་པཱ་ལར༔ བཟའ་བཏུང་སྲིད་བཅུད་བྱང་ཆུབ་སེམས༔ རིག་པ་རང་གསལ་ཚོགས་གཏོར་བཤམས༔ ཕྱི་ནང་གསང་བ་བླ་མེད་པའི༔ ཚོགས་ཀྱི་མཆོད་པ་བཞེས་སུ་གསོལ༔ རྣལ་འབྱོར་བདག་ཅག་འཁོར་བཅས་ཀྱི༔ གསང་གསུམ་དམ་ཚིག་ཉམས་པ་བཤགས༔ བདུད་བཞིའི་བར་ཆད་དབྱིངས་སུ་སྒྲོལ༔ སྐུ་གསུང་ཐུགས་ཀྱི་ཚེ་དབང་སྩོལ༔ ས་མ་ཡ་པཉྩ་ཀཱ་མ་མ་ཧཱ་སུ་ཁ་ཛྙཱ་ན་དྷཱ་ཏུ་ག་ཎ་ཙཀྲ་པཱུ་ཛ་ཧོ༔ ཞེས་མཆོད་བཤགས་བསྒྲལ་བ་ཕྱོགས་འཐུས་སུ་འབུལ། ཧྲཱིཿཕེཾཿ དཔའ་བོ་མཁའ་འགྲོ་ཞིང་སྐྱོང་ཚོགས༔ ལྷག་མའི་གཏོར་མ་འདི་བཞེས་ལ༔ བར་ཆད་ཀུན་སོལ་ཚེ་དཔལ་སྐྱེད༔ རྣམ་བཞིའི་ཕྲིན་ལས་མྱུར་འགྲུབ་མཛོད༔ ཨུཙྪིཥྟ་ག་ཎ་ཙཀྲ་པཱུ་ཛ་ཧོ༔ ཞེས་ལྷག་མ་བསྔོ། སྤྲོ་ན། བདེ་ཆེན་རྡོ་རྗེའི་སོགས་སྨོན་ལམ་ཡང་གདབ། དེ་ལྟར་ཚར་དགུ་བྱས། སླར་རྒྱས་པ་ཚར་གཅིག་དང༌། བསྡུས་པ་དགུ་རེ་སྟེ། རྒྱས་བསྡུས་སྤེལ་བས་བརྒྱ་རྩ་གཅིག་གྲུབ་ནས། མཆོད་བཤགས་བསྒྲལ་བ་ཡན་སོང་བ་དང༌། རྒྱས་པ་ལྟར་བར་པ་བདུད་རྩིར་བྱིན་རླབས་ཀྱི་སྔགས་བཟླ་ཞིང་རོལ་ལ། ལྷག་ཆོག་རྒྱས་པར་བྱ་ཞིང་སྨོན་ལམ་གདབ་བོ། །འདིའང་གཏེར་ཆེན་བླ་མ་ཉིད་ཀྱི་སྤྱན་སྔར་བཀའ་ལུང་གི་རྗེས་གནང་ཇི་བཞིན་བློ་གྲོས་མཐའ་ཡས་ཀྱིས་བྲིས་པ་དགེ་ལེགས་འཕེལ། །།

[edit]

@#/__/na mo gu ru Ar+YA tA rA yai/__'chi med 'phags ma'i snying thig gi sgo nas tshogs mchod khri 'bum lta bu phul ba'i tshe/__snod gcig tu tshogs gtor gcig dang ril bu brgya/__tshogs rdzas ci 'byor bzhag__/de 'dra tsho bcu la stong phrag gcig tu 'ong bas grangs mang po la des mtshon/__tshogs chang bdud rtsi bcas bkod pa'i snod gcig la/__chu chang nang gsum bran te/__phrin las gzhung gi tshogs rgyas pa tshar gcig gtang*/__bar pa bdud rtsir byin rlabs skabs 'dir mi dgos pas bzhags lhag ma smon lam yan btang*/__de nas slar yang bdud rtsi bran te/__ra~M ya~M kha~MH__oM hU~M trA~M hrIHAH__ha hoHhrIH__zhes byin gyis brlab/__hrIH__sku gsum zhing khams rab 'byams nas:__rje btsun 'khor ba sgrol mdzad yum:__rtsa gsum chos srung rgya mtshor bcas:__tshogs kyi 'du bar spyan 'dren gshegasaH__sarba sa ma ya dzaHdzaH__zhes pas spyan drang*/__hoH__rang byung b+hany+dza snang ba snod:__rtsa 'khor dbyings kyi ka pA lar:__bza' btung srid bcud byang chub sems:__rig pa rang gsal tshogs gtor bshams:__phyi nang gsang ba bla med pa'i:__tshogs kyi mchod pa bzhes su gsol:__rnal 'byor bdag cag 'khor bcas kyi:__gsang gsum dam tshig nyams pa bshags:__bdud bzhi'i bar chad dbyings su sgrol:__sku gsung thugs kyi tshe dbang stsol:__sa ma ya pany+tsa kA ma ma hA su kha dz+nyA na d+hA tu ga Na tsakra pU dza ho:__zhes mchod bshags bsgral ba phyogs 'thus su 'bul/__hrIHpheMH__dpa' bo mkha' 'gro zhing skyong tshogs:__lhag ma'i gtor ma 'di bzhes la:__bar chad kun sol tshe dpal skyed:__rnam bzhi'i phrin las myur 'grub mdzod:__uts+tshiSh+ta ga Na tsakra pU dza ho:__zhes lhag ma bsngo/__spro na/__bde chen rdo rje'i sogs smon lam yang gdab/__de ltar tshar dgu byas/__slar rgyas pa tshar gcig dang*/__bsdus pa dgu re ste/__rgyas bsdus spel bas brgya rtsa gcig grub nas/__mchod bshags bsgral ba yan song ba dang*/__rgyas pa ltar bar pa bdud rtsir byin rlabs kyi sngags bzla zhing rol la/__lhag chog rgyas par bya zhing smon lam gdab bo/__/'di'ang gter chen bla ma nyid kyi spyan sngar bka' lung gi rjes gnang ji bzhin blo gros mtha' yas kyis bris pa dge legs 'phel/__//