གཏེར་ཆེན་འགྱུར་མེད་རྡོ་རྗེས་གསུངས་པའི་སྨོན་ལམ་རྡོ་རྗེ་རྒྱ་མདུད།

Previous Text Back to Volume Page Next Text

Wylie title	gter chen 'gyur med rdo rjes gsungs pa'i smon lam rdo rje rgya mdud
Location	dpal sprul bka' 'bum Volume 2, Text 22, Pages 513-516 (Folios 1a1 to 2b4)
Author	དཔལ་སྤྲུལ་རིན་པོ་ཆེ་
Less details More details
Source Author(s)	གཏེར་བདག་གླིང་པ་འགྱུར་མེད་རྡོ་རྗེ་ (Gter bdag gling pa 'gyur med rdo rje)
Citation	Dpal sprul rin po che. Gter chen 'gyur med rdo rjes gsungs pa'i smon lam rdo rje rgya mdud. In Dpal sprul 'jigs med chos kyi dbang po'i gsung 'bum, Vol. 2: 513-516. Kathmandu: Tsadra Foundation and Shechen Publications, 2026.
Genre	Outlines - sa bcad · Prayers - smon lam · Teaching Methods - 'chad thabs
Colophon	དཔལ་སྤྲུས་མཛད་པའོ།
Colophon	dpal sprus mdzad pa'o

[edit]

༄༅། །གཏེར་ཆེན་འགྱུར་མེད་རྡོ་རྗེས་གསུངས་པའི་སྨོན་ལམ་རྡོ་རྗེ་རྒྱ་མདུད་བཞུགས། །

༄༅། །བླ་མ་དང་དབྱེར་མ་མཆིས་པའི་རྡོ་རྗེ་འཛིན་པའི་ཚོགས་རྣམས་ལ་ཕྱག་འཚལ་ཞིང་སྐྱབས་སུ་མཆིའོ། །བྱིན་གྱིས་བརླབ་པར་མཛད་དུ་གསོལ། དེ་ལ་འདིར་སྨོན་ལམ་ཐམས་ཅད་ཀྱི་རྒྱལ་པོ་རྡོ་རྗེའི་ཚིག་གི་རྒྱ་མདུད་འདི་འཆད་པ་ལ། བསྔོ་བའི་དཔང་པོ་གསོལ་བ། བསྔོ་རྒྱུའི་དགེ་རྩ་བསྟན་པ། བསྔོ་བ་དངོས་བཤད་པ་དང་གསུམ་ལས་དང་པོ་ནི། ཧྲཱི་བླ་མ་ཡི་དམ་སོགས། གཉིས་པ་ནི། དེང་འདིར་བརྩོན་སོགས། གསུམ་པ་བསྔོ་བ་དངོས་ལ། རང་དོན་དུ་འབྲས་བུ་དང་། ལམ་གྱི་ཆེད་དུ་བསྔོ་བ། གཞན་དོན་དུ་བསྟན་པ་དང་། འགྲོ་བའི་ཆེད་དུ་བསྔོ་བ་གཉིས་ལས། དང་པོ་ལ་མཐར་ཐུག་འབྲས་བུའི་ཆེད་དུ་བསྔོ་བ་དང་། གནས་སྐབས་ལམ་གྱི་ཆེད་དུ་བསྔོ་བ་གཉིས་ལས། དང་པོ་ནི། བླ་མེད་བྱང་ཆུབ་སོགས། གཉིས་པ་གནས་སྐབས་ལམ་གྱི་ཆེད་དུ་བསྔོ་བ་ལ། ལམ་གྱི་རྟེན་ལུས་ཕུན་སུམ་ཚོགས་པ་སྨོན་པ་དང་། ལམ་དངོས་ཉམས་སུ་ལེན་པར་སྨོན་པ་དང་། ལམ་གྱི་བྱེད་ལས་འགྲུབ་པར་སྨོན་པ་དང་། ལམ་གྱི་མཐུན་རྐྱེན་ཚང་བར་སྨོན་པ་སྟེ་བཞི་ལས། དང་པོ་ནི། དེ་ནས་བྱང་ཆུབ་སོགས། གཉིས་པ་ལ་ལམ་སྤྱིའི་ཆེད་དུ་སྨོན་པ་དང་། ལམ་བྱེ་བྲག་གི་ཆེད་དུ་སྨོན་པ་གཉིས་ལས། དང་པོ་ནི། དབང་གིས་སྨིན་ཅིང་། གཉིས་པ་ལ། རྒྱུད་སྒྱུ་འཕྲུལ་དྲྭ་བའི་ཉམས་ལེན་ལ་སྨོན་པ། ལུང་ན་རག་དོང་སྤྲུག་གི་ཉམས་ལེན་ལ་སྨོན་པ། མན་ངག་རྫོགས་པ་ཆེན་པོའི་ཉམས་ལེན་ལ་སྨོན་པ་དང་གསུམ། དང་པོ་ལ་བཞི་སྟེ་སྣང་བ་སྐུའི་དཀྱིལ་འཁོར། ཅིར་སྣང་སོགས། སྒྲར་གྲགས་གསུང་གི་དཀྱིལ་འཁོར། གྲགས་པ་སོགས། དྲན་རྟོག་ཐུགས་ཀྱི་དཀྱིལ་འཁོར། སེམས་ཀྱི་སོགས། ཐམས་ཅད་བདེ་ཆེན་གྱི་རོལ་པ། བདེ་ཆེན་སོགས། གཉིས་པ་ལའང་བཞི་སྟེ། སྒྲིབ་པ་ཡེ་དག་གི་བཤགས་པ། ཉམས་ཆགས་སོགས། ཡོན་ཏན་ཡེ་ལྡན་གྱི་བསྐང་བ། ཕྱི་ནང་། རྒྱུད་ཉོན་མོངས་རང་གྲོལ། གང་ཤར། འབྲུས་བུ་ངན་སོང་དོང་སྤྲུགས་ངན་སོང་། གསུམ་པ་ལའང་བཞི་སྟེ། ཐིག་ལེ་རང་གནས་ཀྱི་ལྟ་བ་ཐིག་ལེ། བསྲུང་དུ་མེད་པའི་དམ་ཚིག །དམ་ཚིག་སོགས། འདུ་འབྲལ་མེད་པའི་ཉམས་ལེན། ཁྱབ་བརྡལ་སོགས། སྤངས་ཐོབ་མེད་པའི་འབྲས་བུ། རྫོགས་པ་སོགས། གསུམ་པ་ལམ་གྱི་བྱེད་ལས་འགྲུབ་པར་སྨོན་པ་ནི། བརྒྱུད་པ་སོགས། བཞི་པ་ལམ་གྱི་མཐུན་རྐྱེན་ཚང་བར་སྨོན་པ་ནི། ཞི་ཁྲོ་སོགས། གཉིས་པ་བསྟན་པ་དང་འགྲོ་བའི་ཆེད་དུ་སྨོན་པ་དང་བསྔོ་བ་ནི། རྒྱལ་བའི་བསྟན་པ་སོགས། དགེའོ། །དཔལ་སྤྲུས་མཛད་པའོ། །