ངེས་དོན་ཕྱག་རྒྱ་ཆེན་པོའི་ཁྲིད་རིམ་གྱི་ཟིན་ཐུན་རྒྱལ་ཀུན་དགྱེས་པའི་གསང་མཛོད།
| Wylie title | nges don phyag rgya chen po'i khrid rim gyi zin thun rgyal kun dgyes pa'i gsang mdzod |  |
|---|---|---|
| Location | 'phags mchog bka' 'bum Volume 3, Text 2, Pages 9-329 (Folios 1a1 to 161a3) | |
| Author | འཕགས་མཆོག་རྡོ་རྗེ་ | |
| Less details More details | ||
| Citation | 'phags mchog rdo rje. Nges don phyag rgya chen po'i khrid rim gyi zin thun rgyal kun dgyes pa'i gsang mdzod. In Mtshungs med grub sras 'phags mchog rdo rje mchog gi gsung 'bum rin po che , Vol. 3: 9-329. Kathmandu: Khenpo Shedup Tenzin & Lama Thinley Namgyal, 2004. | |
| Genre | Contemplative Guide Books and Instructional Manuals - khrid yig · Mahamudra - phyag rgya chen po · Notes - zin bris | |
| Colophon |
།།སླར་སྨྲས་པ། གཞན་དོན་སྟོན་པའི་ཡོན་ཏན་ཉག་ཕྲ་རུང་། །རང་སེམས་རྒྱུད་ལ་ཞུ་དག་ཕེར་བར་གྱིས། །སྤྱིར་ནི་མི་ལུས་ཐོབ་པའི་དོན་སྒོ་དང་། །ཡང་སྒོས་སེར་གཟུགས་འཆང་བའི་སྙིང་པོའི་ནོར། །སྒོ་གསུམ་སྒྲིབ་སྦྱང་ཚོགས་བསགས་སྤེལ་བ་དང་། །ཁྱད་པར་ཆོས་རྣམས་ཀུན་གྱི་མཐར་ཐུག་པ། །རང་སེམས་གཞི་ཡི་གནས་ལུགས་རྟོགས་པར་གཅེས། །ཤེས་ནས་དྲན་འཁྲུལ་རྒོད་དང་རབ་རིབ་མིག །དོར་ཏེ་ཉམས་ལེན་སྙིང་པོ་གཅིག་ཏུ་དྲིལ། །དེ་སྐད་ཅེས་པའང་རང་གིས་རང་ལ་གདམས། །འོན་ཀྱང་དེང་དུས་གང་ཟག་ཕལ་མོ་ཆེ། །ཉམས་མྱོང་མེད་པའི་ཚིག་སྐམ་ཁོ་ན་དང་། །ལྟ་བ་སྒོམ་པ་སྤྱོད་པ་འབྲས་བུ་དང་། །གོ་མྱོང་རྟོགས་སོགས་དབྱེ་བ་མ་ཕྱེད་པས། །བཤད་ཡམ་རྟོགས་འདོད་མཁས་རྣམས་མགོ་འཁོར་ཏེ། །ཚིག་གི་སྦུན་པ་མང་པོ་བྱུང་བར་གདའ། །མ་ཟད་ཕྱག་རྫོགས་ལྟ་སྒོམ་སྤྱོད་འབྲས་སོགས། །ང་རྒྱལ་ཕྲག་དོག་རྩིང་པོས་གཞལ་བྱ་མིན། །ཆོས་དང་ཆོས་མིན་རྣམ་པ་རབ་ཞི་དང་། །ཡིན་ལུགས་སངས་རྒྱས་ས་མཆོག་བགྲོད་དགོས་ན། །དབེན་པའི་གནས་སུ་སྒོ་གསུམ་བག་ཕེབས་ཏེ། །ཐོས་བསམ་སྒོམ་པས་རང་རྒྱུད་བཏུལ་བར་འོས། །དྲང་པོའི་ཚིག་གིས་ཅར་ཕོག་མ་བྱས་ན། །བཞིན་ལེགས་མཆོད་པའི་རྟེན་འདི་མེ་ཞིང་འདུག །རི་ནགས་ཁ་བས་གཡོགས་འདྲ་ཆོས་པའི་གཟུགས། །སེམས་རྒྱུད་ཆོས་དང་མ་འདྲེས་ལོ་མང་ཐལ། །ཚུལ་འདི་བསམ་ན་སྙིང་ནས་འགྱོད་པ་སྐྱེས། །ལྔ་བདོ་རྒུད་པའི་རང་མཚང་སྟོན་པས་ན། །བསྟན་པའི་སྙིང་པོ་རི་མོའི་གཟུགས་འགྲོས་བཞིན། །འགྲོ་བའི་བདེ་སྐྱིད་འཇོ་ལ་ཆེས་ཆེར་དབུལ། །ཉམས་མྱོང་རྟོགས་པའི་ལག་ལེན་ཐོན་པ་ཅི། །འདུན་པའི་ཕྱོགས་ཙམ་སྐྱེས་ལའང་དཀའ་བར་གྱུར། །དེ་ཕྱིར་སྲས་བཅས་རྒྱལ་བའི་ཕྲིན་ལས་གཉེན། །གངས་ལྗོངས་རིས་མེད་གྲུབ་པའི་ཉི་མ་ཉིད། །སྨིན་གྲོལ་གདམས་ཟབ་གསུང་གི་འོད་ཟེར་འབུམ། །སྐལ་ལྡན་གདུལ་བྱའི་འདོད་དགུ་དཔལ་དུ་སིམས། །རྨོངས་པ་བདག་འདྲའི་སྐྲ་རྩེའི་ཆུ་ཐིགས་བཞིན། །ཅུང་ཟད་ངེས་པ་མྱོང་བའི་གཞི་འདིང་སྟེ། །རང་སྐྱོན་བཏོན་པའི་ཀུན་སློང་བཟང་པོར་བཅས། །གདམས་ཁྲིད་འགའ་ཡི་སྙིང་པོ་བསྒྲིགས་ཁུལ་བྱས། །འདི་ལ་འགལ་འཁྲུལ་ནོངས་པ་ཅི་མཆིས་ཀུན། །མཁྱེན་སྤྱན་ཡངས་དང་གྲུབ་པའི་ཐུགས་ལྡན་པའི། །བརྒྱུད་ལྡན་བླ་མ་ལྷ་ཡི་སྤྱན་སྔར་བཤགས། །འདི་བྲིས་དགེ་བའི་ལེགས་ཚོགས་ཆ་མཆིས་ན། །ངེས་དོན་སྒྲུབ་བརྒྱུད་བསྟན་པའི་གསོས་གྱུར་ཏེ། །བརྒྱུད་འཛིན་མི་ནུབ་ཕྲེང་བས་ཕ་མཐར་བརྡལ། །རྣམ་དཀར་སྤྱོད་པའི་དགེ་འབྲས་ལེགས་སྨིན་ནས། །མ་གྱུར་འགྲོ་ཀུན་འདྲེན་པའི་རྒྱུ་རུ་བསྔོ། །གཏན་བདེ་བླ་ན་མེད་པ་རྫོགས་སངས་རྒྱས། །ཁྱབ་བདག་ཆོས་སྐུའི་ཁྲི་ལ་དབུགས་དབྱུང་ནས། །ཇི་སྲིད་འཁོར་བ་མཐའ་རུ་མ་སྟོངས་བར། །དོན་གཉིས་ལྷུན་གྲུབ་ཆོས་ཀྱི་རྒྱལ་པོར་ཤོག། །།ཨོཾ་སྭ་སྟི་སིདྡྷཾ། རྣམ་མཁྱེན་འབྲས་བུ་ཕྱག་རྒྱ་ཆེན་པོའི་སྒོར། །ཞུགས་རྣམས་བློས་བྱས་ངན་རྟོག་གཞིལ་བའི་སྨན། །འཆི་མེད་བདུད་རྩིའི་མ་མ་ཆེན་པོ་འདི། །གཟུར་གནས་རྟག་ཞི་སྤྱི་བོའི་རྒྱན་དུ་མཛེས། །འདི་ལས་བྱུང་བའི་དགེ་ལེགས་དཀར་པོའི་ཆས། །ངེས་གསང་སྙིང་པོའི་ཆུ་གཏེར་ཆེར་རྒྱས་ཤིང་། །ཐོས་བསམ་སྒོམ་པའི་ནོར་བུས་ཡོངས་སུ་གཏམས། །འགྲོ་ཀུན་རྣམ་མཁྱེན་དཔལ་གྱིས་འབྱོར་བར་ཤོག །ངེས་དོན་ཟབ་མོ་ལྷ་ཡི་རྔ་སྒྲ་འདིས། །ལྟ་ངན་ས་འོག་ལ་གནས་ལྷ་མིན་རྣམས། །སྐྲག་ཅིང་འདར་འཁུམ་ལོག་ལྟའི་མངལ་སྐེམས་ཤིང་། །ནམ་ཡང་ལྡང་མེད་སྡང་སེམས་ཞི་བར་ཤོག །རྣམ་དག་ཚུལ་གནས་མང་ཐོས་མཚོ་ཆེན་བརྒལ། །ཡང་དག་དོན་གྱི་བསམ་བྱུང་ཕུལ་དུ་ཕྱིན། །སྒོམ་བྱུང་གཟི་འབར་ཀེ་ཏ་ཀ་འདི་ཡིས། །ལོག་སྨྲའི་རྙོགས་མ་མ་ལུས་དྲུངས་འབྱིན་ཤོག །མི་མཁས་མཁས་པའི་གོ་སར་རབ་འགྱིངས་ནས། །མི་དྲང་དྲང་པོའི་ཆོས་ལ་སྐུར་འདེབས་ཤིང་། །མ་གྲུབ་གྲུབ་བརྫུས་འགྲོ་ཡིད་བསླུ་བ་རྣམས། །མ་ལུས་ལུས་མེད་གཟུ་བོའི་སེམས་ལྡན་ཤོག །གདུག་པའི་སེམས་ལྡན་བརླང་ཚིག་མདའ་ལྟར་འཕེན། །བསྟན་འགྲོ་དགེ་བའི་འབེན་ལ་རབ་ཏུ་གཟིར། །ཡང་དག་ལམ་ལ་གོལ་བའི་མ་རུངས་རྣམས། །དོན་བཟང་ལེགས་བཤད་རྩེ་བརྒྱས་འཇོམས་པར་ཤོག །བཀྲ་ཤིས་གང་ཞིག་རྩ་བརྒྱུད་བླ་མ་ཡིས། །བྱིན་རླབས་ཆར་གྱིས་འགྲོ་ཁམས་ཐ་རྒོད་བརླན། །བཀྲ་ཤིས་གང་ཞིག་ཡི་དམ་ལྷ་ཚོགས་ཀྱིས། །དངོས་གྲུབ་འབྲས་བུས་འགྲོ་སེམས་ཡོངས་སུ་འགེངས། །བཀྲ་ཤིས་གང་ཞིག་དཔའ་བོ་ཌཱ་ཀི་ཡིས། །ཕྲིན་ལས་བཞི་ཡིས་ནམ་ཡང་འཛད་མེད་སྲུངས། །བཀྲ་ཤིས་གང་ཞིག་ཆོས་སྐྱོང་སྲུང་མ་ཡིས། །བསྟན་འགྲོ་རྫོགས་ལྡན་དཔལ་ལ་རྟག་འགོད་ཤོག །དགེའོ།། དགེའོ།། དགེའོ།། སརྦ་མངྒ་ལཾ།། | |
|
//slar smras pa/_gzhan don ston pa'i yon tan nyag phra rung /_/rang sems rgyud la zhu dag pher bar gyis/_/spyir ni mi lus thob pa'i don sgo dang /_/yang sgos ser gzugs 'chang ba'i snying po'i nor/_/sgo gsum sgrib sbyang tshogs bsags spel ba dang /_/khyad par chos rnams kun gyi mthar thug pa/_/rang sems gzhi yi gnas lugs rtogs par gces/_/shes nas dran 'khrul rgod dang rab rib mig_/dor te nyams len snying po gcig tu dril/_/de skad ces pa'ang rang gis rang la gdams/_/'on kyang deng dus gang zag phal mo che/_/nyams myong med pa'i tshig skam kho na dang /_/lta ba sgom pa spyod pa 'bras bu dang /_/go myong rtogs sogs dbye ba ma phyed pas/_/bshad yam rtogs 'dod mkhas rnams mgo 'khor te/_/tshig gi sbun pa mang po byung bar gda'/_/ma zad phyag rdzogs lta sgom spyod 'bras sogs/_/nga rgyal phrag dog rtsing pos gzhal bya min/_/chos dang chos min rnam pa rab zhi dang /_/yin lugs sangs rgyas sa mchog bgrod dgos na/_/dben pa'i gnas su sgo gsum bag phebs te/_/thos bsam sgom pas rang rgyud btul bar 'os/_/drang po'i tshig gis car phog ma byas na/_/bzhin legs mchod pa'i rten 'di me zhing 'dug_/ri nags kha bas g.yogs 'dra chos pa'i gzugs/_/sems rgyud chos dang ma 'dres lo mang thal/_/tshul 'di bsam na snying nas 'gyod pa skyes/_/lnga bdo rgud pa'i rang mtshang ston pas na/_/bstan pa'i snying po ri mo'i gzugs 'gros bzhin/_/'gro ba'i bde skyid 'jo la ches cher dbul/_/nyams myong rtogs pa'i lag len thon pa ci/_/'dun pa'i phyogs tsam skyes la'ang dka' bar gyur/_/de phyir sras bcas rgyal ba'i phrin las gnyen/_/gangs ljongs ris med grub pa'i nyi ma nyid/_/smin grol gdams zab gsung gi 'od zer 'bum/_/skal ldan gdul bya'i 'dod dgu dpal du sims/_/rmongs pa bdag 'dra'i skra rtse'i chu thigs bzhin/_/cung zad nges pa myong ba'i gzhi 'ding ste/_/rang skyon bton pa'i kun slong bzang por bcas/_/gdams khrid 'ga' yi snying po bsgrigs khul byas/_/'di la 'gal 'khrul nongs pa ci mchis kun/_/mkhyen spyan yangs dang grub pa'i thugs ldan pa'i/_/brgyud ldan bla ma lha yi spyan sngar bshags/_/'di bris dge ba'i legs tshogs cha mchis na/_/nges don sgrub brgyud bstan pa'i gsos gyur te/_/brgyud 'dzin mi nub phreng bas pha mthar brdal/_/rnam dkar spyod pa'i dge 'bras legs smin nas/_/ma gyur 'gro kun 'dren pa'i rgyu ru bsngo/_/gtan bde bla na med pa rdzogs sangs rgyas/_/khyab bdag chos sku'i khri la dbugs dbyung nas/_/ji srid 'khor ba mtha' ru ma stongs bar/_/don gnyis lhun grub chos kyi rgyal por shog/___//oM swa sti sid+d+haM/_rnam mkhyen 'bras bu phyag rgya chen po'i sgor/_/zhugs rnams blos byas ngan rtog gzhil ba'i sman/_/'chi med bdud rtsi'i ma ma chen po 'di/_/gzur gnas rtag zhi spyi bo'i rgyan du mdzes/_/'di las byung ba'i dge legs dkar po'i chas/_/nges gsang snying po'i chu gter cher rgyas shing /_/thos bsam sgom pa'i nor bus yongs su gtams/_/'gro kun rnam mkhyen dpal gyis 'byor bar shog_/nges don zab mo lha yi rnga sgra 'dis/_/lta ngan sa 'og la gnas lha min rnams/_/skrag cing 'dar 'khum log lta'i mngal skems shing /_/nam yang ldang med sdang sems zhi bar shog_/rnam dag tshul gnas mang thos mtsho chen brgal/_/yang dag don gyi bsam byung phul du phyin/_/sgom byung gzi 'bar ke ta ka 'di yis/_/log smra'i rnyogs ma ma lus drungs 'byin shog_/mi mkhas mkhas pa'i go sar rab 'gyings nas/_/mi drang drang po'i chos la skur 'debs shing /_/ma grub grub brdzus 'gro yid bslu ba rnams/_/ma lus lus med gzu bo'i sems ldan shog_/gdug pa'i sems ldan brlang tshig mda' ltar 'phen/_/bstan 'gro dge ba'i 'ben la rab tu gzir/_/yang dag lam la gol ba'i ma rungs rnams/_/don bzang legs bshad rtse brgyas 'joms par shog_/bkra shis gang zhig rtsa brgyud bla ma yis/_/byin rlabs char gyis 'gro khams tha rgod brlan/_/bkra shis gang zhig yi dam lha tshogs kyis/_/dngos grub 'bras bus 'gro sems yongs su 'gengs/_/bkra shis gang zhig dpa' bo DA ki yis/_/phrin las bzhi yis nam yang 'dzad med srungs/_/bkra shis gang zhig chos skyong srung ma yis/_/bstan 'gro rdzogs ldan dpal la rtag 'god shog_/dge'o//_____dge'o//_____dge'o//____sarba mang+ga laM// | ||
