གནས་ལུགས་རྫོགས་པ་ཆེན་པོའི་ཁྲིད་ཡིག་ཡང་ཟབ་ཡིད་བཞིན་ནོར་བུ།
| Wylie title | gnas lugs rdzogs pa chen po'i khrid yig yang zab yid bzhin nor bu |  |
|---|---|---|
| Location | 'phags mchog bka' 'bum Volume 3, Text 3, Pages 329-727 (Folios 1a1 to 200a3) | |
| Author | འཕགས་མཆོག་རྡོ་རྗེ་ | |
| Less details More details | ||
| Citation | 'phags mchog rdo rje. Gnas lugs rdzogs pa chen po'i khrid yig yang zab yid bzhin nor bu. In Mtshungs med grub sras 'phags mchog rdo rje mchog gi gsung 'bum rin po che , Vol. 3: 329-727. Kathmandu: Khenpo Shedup Tenzin & Lama Thinley Namgyal, 2004. | |
| Genre | Contemplative Guide Books and Instructional Manuals - khrid yig | |
| Colophon |
།།སླར་སྨྲས་པ༑ འཕགས་པ་ཀུན་ཏུ་བཟང་པོའི་དགོངས་པའི་དཔྱིད། །བརྒྱུད་གསུམ་བླ་མའི་ཐུགས་ཀྱི་ཏི་ལ་ཀ །གྲུབ་དབང་བླ་མའི་ཞལ་གྱི་བདུད་རྩི་མཆོག །ལུང་རིགས་མན་ངག་ཟབ་མོའི་བཅུད་དང་བཅས། །རྨོངས་པ་བདག་བློའི་ཡོལ་གོར་ཡོངས་འཁྱིལ་བ། །སྐལ་ལྡན་རྣམས་ལ་འཆི་མེད་གཏན་བདེའི་དཔལ། །སྟེར་ཕྱིར་གབ་སྦས་མེད་པར་བཀོད་པའི་དགེས། །གདམས་ཟབ་འདིར་ཞུགས་ཉམས་སུ་ལེན་པ་ཀུན། །ལེགས་སྨོན་འཇིགས་སྐྱོབ་འཇིག་རྟེན་ཆོས་བརྒྱད་དང་། །དགྲ་འདུལ་གཉེན་སྐྱོང་ཆགས་སྡང་རྨོངས་པའི་ལས། །ཞིང་ཁང་ཟས་ནོར་གསོག་སྲུང་ཚོང་ཁེ་སྤོག །འགྲོ་འདུག་སྨྲ་བརྗོད་འདུ་འཛི་རྣམ་གཡེང་གིས། །བར་མ་དོ་རུ་མི་ཚེ་ཟད་པ་དང་། །སྡིག་པ་མི་དགེའི་ལས་སུ་གྱུར་པ་ཀུན། །སྐྱུགས་ནད་ཅན་གྱི་ཟས་ལྟར་རིང་དུ་སྤོངས། །ཚེ་འདི་བློས་བཏང་དགེ་བཅུ་སྤྱོད་པར་ཤོག །ལུས་སྲོག་ལོངས་སྤྱོད་ཀུན་ལ་མི་ཆགས་ཤིང་། །ཡར་མཆོད་མར་སྦྱིན་ཚོགས་གསོག་སྒྲིབ་སྦྱོང་འབད། །ནམ་ཞིག་ཚེ་ཡི་འདུ་བྱེད་མཐར་ཕྱིན་ནས། །ཕུང་པོ་ཁྱོགས་ལ་བཏེགས་པར་མ་གྱུར་བར། །དེ་སྲིད་དབེན་པའི་རི་ལ་གནས་བཅས་ཏེ། །ཤ་ལྤགས་བསྐམས་ཤིང་རུས་པ་ཞིག་གྱུར་ཀྱང་། །སྐྱིལ་མོ་ཀྲུང་བཅས་བསམ་གཏན་ལེགས་བསྒོམ་པར། །སྲོག་དང་བཅས་ཏེ་ལུས་འདི་འདོར་ནུས་ཤོག །བརྒྱུད་ལྡན་གདམས་ཟབ་བདུད་རྩིས་ཐུགས་རྒྱུད་གཏམས། །ཐོས་བསམ་སྒོམ་པའི་ཡོན་ཏན་ཡོངས་སུ་རྫོགས། །ལུང་རྟོགས་སྨིན་གྲོལ་ཟབ་མོའི་བཅུད་དང་ལྡན། །རང་གནས་ཆོས་སྐུའི་ངོ་བོ་གཅེར་མཐོང་སྤྲོད། །ཉམས་མྱོང་དམར་ཁྲིད་ཁོ་ནས་ཞུན་མཐར་ཕུད། །གེགས་སེལ་བོགས་འབྱིན་ས་ལམ་གོང་དུ་སྤེལ། །རང་འདོད་ཆོས་བརྒྱད་དྲི་མ་རིང་དུ་སྤངས། །དེ་འདྲའི་མཚན་ལྡན་བླ་མས་རྗེས་འཛིན་ཤོག །བསྐལ་མང་ཚོགས་བསགས་དལ་བརྒྱད་འབྱོར་བཅུ་ཚང་། །ལས་འཕྲོ་བཟང་པོས་བློ་རྩེ་ཆོས་ལ་ཕྱོགས། །སྒོ་གསུམ་ཞི་དུལ་དག་སྣང་བློ་རྒྱ་ཡངས། །དད་བརྩོན་ཤེས་རབ་སྙིང་རྗེ་བྱང་སེམས་འབྱོངས། །འཕགས་ནོར་བདུན་ལྡན་དམ་ཚིག་སྡོམ་པ་གཙང་། །དབེན་གནས་ལ་མོས་སྙིང་པོའི་ཉམས་ལེན་བརྩོན། །བློ་གཏད་བླ་མ་ལ་བྱེད་བརྒྱུད་པ་འཛིན། །སེམས་ཅན་དོན་བྱེད་སློབ་ཚོགས་འདུ་བར་ཤོག །སྔོན་བྱོན་རྒྱལ་བས་ཞབས་བཅག་བྱིན་གྱིས་བརླབས། །གྲུབ་གཉིས་བརྙེས་ཤིང་སྐུ་གཉིས་ཐོབ་པའི་ཞིང་། །གནས་ཡུལ་དུར་ཁྲོད་བས་མཐའ་རྒྱ་མཚོའི་གླིང་། །གངས་རི་གཡའ་སྤང་ནགས་ཚལ་བྲག་སྐྱིབས་ཕུག །བྱ་གཅན་རི་དྭགས་བག་ཡངས་རྩེ་བ་ན། །ཆུ་གཙང་ལོ་འབྲས་རྡེའུ་བཅུད་ལེན་སོགས། །སྲོག་འཚོ་ལྷགས་སྐྱོབ་ཙམ་གྱི་དཀའ་ཐུབ་བཅས། །ཉིན་མཚན་བར་མེད་སྒྲུབ་པས་དུས་འདའ་ཤོག །ཞི་བར་གནས་ནས་ཉམས་ཀྱི་རྩལ་ཆེན་རྫོགས། །རྟོགས་པའི་དྭངས་སྙིགས་གྲུང་ནས་འབྱིན་གྱུར་ཚེ། །མ་རིག་གནས་མེད་འཛིན་པ་རང་སར་གྲོལ། །ཆོས་དབྱིངས་ཁྱབ་བརྡལ་སྣང་བ་རྒྱ་ཡན་འཆར། །འཁོར་འདས་དབྱེར་མེད་གདོད་མའི་གནས་ལུགས་དང་། །རང་རིག་འགྱུར་མེད་ཆོས་སྐུའི་གཏན་སྲིད་ཟིན། །བྱར་མེད་བློ་འདས་རྫོགས་ཆེན་འོབས་སུ་ཆུབ། །དོན་གཉིས་ལྷུན་གྲུབ་ཆོས་ཀྱི་རྒྱལ་པོར་ཤོག །གདམས་ཟབ་གནད་ཀྱི་མཐར་ཐུག་རྫོགས་པ་ཆེ། །འབྲས་བུ་ལམ་བྱེད་གསང་མཆོག་ཟབ་མོའི་དོན། །ལུས་དཀྱིལ་སྐུ་གསུམ་རྣམ་དག་གནས་པ་ཉིད། །མན་ངག་ཐབས་ཀྱིས་མངོན་སུམ་གཏན་ལ་འབེབས། །སྒྲོན་མ་བཞི་ཡི་ཉམས་སྣང་གོང་དུ་འཕེལ། །རིག་རྩལ་ལོངས་སྐུའི་ཞིང་ཁམས་ཚད་ལ་ཕེབས། །ཆོས་ཟད་ཆོས་སྐུའི་དགོངས་པ་མངོན་གྱུར་ནས། །འཇའ་ལུས་འཕོ་བ་ཆེན་པོའི་སྐུར་བཞེངས་ཤོག །རབ་ནི་ཚེ་འདིར་ཆོས་སྐུར་མངོན་འཚང་རྒྱ། །འབྲིང་ནི་བར་དོའི་སྣང་བ་ལོངས་སྐུར་གྲོལ། །ཐ་མ་སྐྱེ་བ་སྤྲུལ་པའི་སྐུར་འཁྲུངས་ཏེ། །རིམ་བཞིན་ཆོས་སྐུའི་གཏན་སྲིད་ཟིན་འགྱུར་ཞིང་། །དེ་ལས་གཟུགས་སྐུའི་རྣམ་པ་དཔག་མེད་མཆེད། །འདོད་འབྱུང་ནོར་དང་བུམ་བཟང་དཔག་བསམ་བཞིན། །གང་འདུལ་དེར་སྟོན་འགྲོ་ཁམས་འདུལ་ཕྱིར་དུ། །ཕྲིན་ལས་རྣམ་བཞི་ལྷུན་གྱིས་འགྲུབ་པར་ཤོག །རྡོ་རྗེ་རྩེ་མོའི་བསྟན་པ་ཉིན་བཞིན་གསལ། །དེར་འཛིན་སྐྱེས་བུའི་པད་ཚལ་ཕྱོགས་བརྒྱར་བཞད། །ལུང་རྟོགས་ཐོས་བསམ་སྒོམ་པའི་རྩི་བཅུད་རྒྱས། །འགྲོ་ཁམས་རྐང་དྲུག་གཏན་བདེའི་དཔལ་ཐོབ་ཤོག །དཔལ་ལྡན་བླ་མའི་ཐུགས་དགོངས་ཀུན་གསལ་དབྱིངས། །རབ་དྭངས་ཐུགས་རྗེའི་ཉི་འོད་རབ་གསལ་བས། །བདག་གཞན་ནང་གི་མུན་པ་དྲུངས་ཕྱུང་ནས། །ཕན་བདེའི་པདྨོ་རྒྱས་པའི་བཀྲ་ཤིས་ཤོག །ཅེས་རྫོགས་པ་ཆེན་པོའི་ཁྲིད་ཀྱི་རིམ་པ་བརྒྱུད་ལྡན་གྲུབ་དབང་བླ་མའི་ཞལ་ལུང་མན་ངག་ཟབ་མོའི་བརྒྱན་པ་འདི་ནི། གནས་མཆོག་ལྷ་བྲག་དཀར་པོའི་ཉེ་འདབས་གསོལ་སྡེར་བཀྲ་ཤིས་འཁྱིལ་བའི་ཡང་སྟེང་༧དཔལ་གྲུབ་པའི་དབང་ཕྱུག་ཤཱཀྱ་ཤྲཱི་ཛྙཱ་ནའི་གདན་ས་གཟིམ་རྩེ་ཉི་འོད་འཁྱིལ་བར་རང་ཉིད་ཐོས་བསམ་གྱི་སྤྱི་རྒྱ་ཆོད་པའི་བརྩོན་པ་དབེན་རུང་། ཚེ་འདིའི་འཁྲི་བ་བཙན་ཐབས་སུ་བཅད་ནས་བགྲང་བྱ་དུ་མར་སྙིང་པོའི་སྒྲུབ་པ་རྩེ་གཅིག་བར་མེད་དུ་བསྒྲུབས་པས་རྟོགས་པའི་རྩལ་ཆེན་ཅིག་ཅར་དུ་རྫོགས་ཤིང་བསྒོམས་སྟོབས་ཀྱི་ཤེས་རབ་ཟབ་མོའི་ཀློང་རྡོལ་ཏེ། རྒྱལ་བ་རྫོགས་པའི་སངས་རྒྱས་མི་གཟུགས་སུ་བྱོན་པ་ཀློང་ཆེན་རབ་འབྱམས་བཟང་པོ་དང་། རྩ་བའི་བླ་མ་གྲུབ་པའི་དབང་ཕྱུག་ཤཱཀྱ་ཤྲཱི་ཛྙཱ་ན་སོགས་ཡུལ་དམ་པ་རྣམས་ལ་མོས་གུས་བཟོད་མེད་དུ་འབར་ཞིང་། སེམས་ཅན་རྣམས་ལ་ཕན་འདོད་ཀྱི་སྙིང་རྗེ་དྲག་པོ་ཡང་ཡང་སྐྱེས་པ་སོགས་ཀྱིས་བསྐུལ་མ་གདབ་ནས། བློ་དམན་གོ་མྱོང་ཕྱོགས་རེ་བ་བདག་ལྟ་བུ་ལ་ཅུང་ཟད་སྨན་དུ་རེ་བའི་ཀུན་སློང་ལྷག་བསམ་བཟང་པོའི་ཤུགས་དང་བཅས་ཏེ། ཚིག་ཚོགས་ཀྱི་ན་ཡམ་གོ་བ་སྐམ་པོ་ཙམ་མ་ཡིན་པར། ཉམས་མྱོང་གི་དམར་ཁྲིད་ལག་ལེན་དུ་འདེབས་བདེ་བའི་དབང་དུ་བྱས་པ་སྟེ། དང་པོ་ཀུན་གཞི་དང་ལྟ་བའི་རྣམ་བཞག་གཏན་ལ་འབེབས་ལུགས། བར་དུ་སྒོམ་པ་ཉམས་སུ་ལེན་ཞིང་སྤྱོད་པའི་བོགས་དབྱུང་ལུགས། མཐར་ཐུག་འབྲས་བུ་ཐོབ་ནས་གྲོལ་ལུགས་རྣམ་པ་གསུམ་གྱིས་སངས་རྒྱས་ཀྱི་གོ་འཕང་བརྙེས་ནས་འགྲོ་དོན་དུ་ཕྲིན་ལས་རྒྱུན་ཆད་མེད་པར་འབྱུང་ཚུལ་སོགས། འཆད་ཉན་དང་ཉམས་ལེན་བདེ་ཕྱིར་རྒྱས་བསྡུས་གང་མཚམས་སུ་བྱས་པ་འདི་ནི། སྙིང་ཐིག་མ་བུ་རྣམས་ལ་གོ་མྱོང་རྟོགས་གསུམ་བྱང་ཞིང་ཆུབ་པར་བྱས་ཤིང་། གཞི་ལམ་འབྲས་གསུམ་དབྱེ་བ་སོགས་སོ་སོར་རང་རིག་པས་ཐོས་བསམ་སྒོམ་པས་རྩད་བརྡར་བཅད་ཅིང་། སྔོན་བསུ་རྗེས་དཔྱོད་རེ་དོགས་འབད་རྩོལ་སོགས། བློ་གྲོས་ཀྱི་དྲི་མ་ངན་པས་མ་བསླད་པར། གང་དྲན་ཐམས་ཅད་བཟོ་བཅོས་མེད་པར་ཤུགས་འབྱུང་ཆེན་པོར་ལམ་དུ་བསླང་སྟེ། ༧སྲས་མིང་ས་མཱནྟ་བཛྲས་རབ་རྒྱལ་ལྕགས་ལུག་སྨིན་ཟླའི་དཀར་ཕྱོགས་ཀྱི་བཟང་པོ་གཉིས་པར་གྲུབ་པར་བགྱིས་པ་འདིས་ཀྱང་། ངེས་གསང་རྫོགས་པ་ཆེན་པོའི་བསྟན་པ་ཉིན་མོ་ལྟར་གསལ་ཞིང་། དེ་འཛིན་གྱི་སྐྱེས་བུ་ཐམས་ཅད་སྐུ་ཚེ་བསྐལ་བརྒྱའི་བར་དུ་བསྟན་པ་དང་། གདམས་ཟབ་ཀྱི་རིམ་པ་མདོ་དོན་གཅིག་ཏུ་དྲིལ་ནས་ཉན་བསམ་སྒོམ་པས་ཉམས་སུ་ལེན་པར་འདོད་པ་རྣམས་ལ་ཤེས་རབ་ཀྱི་མིག་ཟབ་མོར་གྱུར་ཏེ། གདོད་མའི་གནས་ལུགས་མངོན་དུ་གཟིགས་པའི་དཔལ་བླ་མེད་ལྷུན་གྱིས་གྲུབ་པའི་རྒྱུར་གྱུར་ཅིག །སརྦ་མངྒ་ལཾ།། །། | |
|
//slar smras pa/_'phags pa kun tu bzang po'i dgongs pa'i dpyid/_/brgyud gsum bla ma'i thugs kyi ti la ka_/grub dbang bla ma'i zhal gyi bdud rtsi mchog_/lung rigs man ngag zab mo'i bcud dang bcas/_/rmongs pa bdag blo'i yol gor yongs 'khyil ba/_/skal ldan rnams la 'chi med gtan bde'i dpal/_/ster phyir gab sbas med par bkod pa'i dges/_/gdams zab 'dir zhugs nyams su len pa kun/_/legs smon 'jigs skyob 'jig rten chos brgyad dang /_/dgra 'dul gnyen skyong chags sdang rmongs pa'i las/_/zhing khang zas nor gsog srung tshong khe spog_/'gro 'dug smra brjod 'du 'dzi rnam g.yeng gis/_/bar ma do ru mi tshe zad pa dang /_/sdig pa mi dge'i las su gyur pa kun/_/skyugs nad can gyi zas ltar ring du spongs/_/tshe 'di blos btang dge bcu spyod par shog_/lus srog longs spyod kun la mi chags shing /_/yar mchod mar sbyin tshogs gsog sgrib sbyong 'bad/_/nam zhig tshe yi 'du byed mthar phyin nas/_/phung po khyogs la btegs par ma gyur bar/_/de srid dben pa'i ri la gnas bcas te/_/sha lpags bskams shing rus pa zhig gyur kyang /_/skyil mo krung bcas bsam gtan legs bsgom par/_/srog dang bcas te lus 'di 'dor nus shog_/brgyud ldan gdams zab bdud rtsis thugs rgyud gtams/_/thos bsam sgom pa'i yon tan yongs su rdzogs/_/lung rtogs smin grol zab mo'i bcud dang ldan/_/rang gnas chos sku'i ngo bo gcer mthong sprod/_/nyams myong dmar khrid kho nas zhun mthar phud/_/gegs sel bogs 'byin sa lam gong du spel/_/rang 'dod chos brgyad dri ma ring du spangs/_/de 'dra'i mtshan ldan bla mas rjes 'dzin shog_/bskal mang tshogs bsags dal brgyad 'byor bcu tshang /_/las 'phro bzang pos blo rtse chos la phyogs/_/sgo gsum zhi dul dag snang blo rgya yangs/_/dad brtson shes rab snying rje byang sems 'byongs/_/'phags nor bdun ldan dam tshig sdom pa gtsang /_/dben gnas la mos snying po'i nyams len brtson/_/blo gtad bla ma la byed brgyud pa 'dzin/_/sems can don byed slob tshogs 'du bar shog_/sngon byon rgyal bas zhabs bcag byin gyis brlabs/_/grub gnyis brnyes shing sku gnyis thob pa'i zhing /_/gnas yul dur khrod bas mtha' rgya mtsho'i gling /_/gangs ri g.ya' spang nags tshal brag skyibs phug_/bya gcan ri dwags bag yangs rtse ba na/_/chu gtsang lo 'bras rde'u bcud len sogs/_/srog 'tsho lhags skyob tsam gyi dka' thub bcas/_/nyin mtshan bar med sgrub pas dus 'da' shog_/zhi bar gnas nas nyams kyi rtsal chen rdzogs/_/rtogs pa'i dwangs snyigs grung nas 'byin gyur tshe/_/ma rig gnas med 'dzin pa rang sar grol/_/chos dbyings khyab brdal snang ba rgya yan 'char/_/'khor 'das dbyer med gdod ma'i gnas lugs dang /_/rang rig 'gyur med chos sku'i gtan srid zin/_/byar med blo 'das rdzogs chen 'obs su chub/_/don gnyis lhun grub chos kyi rgyal por shog_/gdams zab gnad kyi mthar thug rdzogs pa che/_/'bras bu lam byed gsang mchog zab mo'i don/_/lus dkyil sku gsum rnam dag gnas pa nyid/_/man ngag thabs kyis mngon sum gtan la 'bebs/_/sgron ma bzhi yi nyams snang gong du 'phel/_/rig rtsal longs sku'i zhing khams tshad la phebs/_/chos zad chos sku'i dgongs pa mngon gyur nas/_/'ja' lus 'pho ba chen po'i skur bzhengs shog_/rab ni tshe 'dir chos skur mngon 'tshang rgya/_/'bring ni bar do'i snang ba longs skur grol/_/tha ma skye ba sprul pa'i skur 'khrungs te/_/rim bzhin chos sku'i gtan srid zin 'gyur zhing /_/de las gzugs sku'i rnam pa dpag med mched/_/'dod 'byung nor dang bum bzang dpag bsam bzhin/_/gang 'dul der ston 'gro khams 'dul phyir du/_/phrin las rnam bzhi lhun gyis 'grub par shog_/rdo rje rtse mo'i bstan pa nyin bzhin gsal/_/der 'dzin skyes bu'i pad tshal phyogs brgyar bzhad/_/lung rtogs thos bsam sgom pa'i rtsi bcud rgyas/_/'gro khams rkang drug gtan bde'i dpal thob shog_/dpal ldan bla ma'i thugs dgongs kun gsal dbyings/_/rab dwangs thugs rje'i nyi 'od rab gsal bas/_/bdag gzhan nang gi mun pa drungs phyung nas/_/phan bde'i pad+mo rgyas pa'i bkra shis shog_/ces rdzogs pa chen po'i khrid kyi rim pa brgyud ldan grub dbang bla ma'i zhal lung man ngag zab mo'i brgyan pa 'di ni/_gnas mchog lha brag dkar po'i nye 'dabs gsol sder bkra shis 'khyil ba'i yang steng 7dpal grub pa'i dbang phyug shAkya shrI dz+nyA na'i gdan sa gzim rtse nyi 'od 'khyil bar rang nyid thos bsam gyi spyi rgya chod pa'i brtson pa dben rung /_tshe 'di'i 'khri ba btsan thabs su bcad nas bgrang bya du mar snying po'i sgrub pa rtse gcig bar med du bsgrubs pas rtogs pa'i rtsal chen cig car du rdzogs shing bsgoms stobs kyi shes rab zab mo'i klong rdol te/_rgyal ba rdzogs pa'i sangs rgyas mi gzugs su byon pa klong chen rab 'byams bzang po dang /_rtsa ba'i bla ma grub pa'i dbang phyug shAkya shrI dz+nyA na sogs yul dam pa rnams la mos gus bzod med du 'bar zhing /_sems can rnams la phan 'dod kyi snying rje drag po yang yang skyes pa sogs kyis bskul ma gdab nas/_blo dman go myong phyogs re ba bdag lta bu la cung zad sman du re ba'i kun slong lhag bsam bzang po'i shugs dang bcas te/_tshig tshogs kyi na yam go ba skam po tsam ma yin par/_nyams myong gi dmar khrid lag len du 'debs bde ba'i dbang du byas pa ste/_dang po kun gzhi dang lta ba'i rnam bzhag gtan la 'bebs lugs/_bar du sgom pa nyams su len zhing spyod pa'i bogs dbyung lugs/_mthar thug 'bras bu thob nas grol lugs rnam pa gsum gyis sangs rgyas kyi go 'phang brnyes nas 'gro don du phrin las rgyun chad med par 'byung tshul sogs/_'chad nyan dang nyams len bde phyir rgyas bsdus gang mtshams su byas pa 'di ni/_snying thig ma bu rnams la go myong rtogs gsum byang zhing chub par byas shing /_gzhi lam 'bras gsum dbye ba sogs so sor rang rig pas thos bsam sgom pas rtsad brdar bcad cing /_sngon bsu rjes dpyod re dogs 'bad rtsol sogs/_blo gros kyi dri ma ngan pas ma bslad par/_gang dran thams cad bzo bcos med par shugs 'byung chen por lam du bslang ste/_7sras ming sa mAn+ta badz+ras rab rgyal lcags lug smin zla'i dkar phyogs kyi bzang po gnyis par grub par bgyis pa 'dis kyang /_nges gsang rdzogs pa chen po'i bstan pa nyin mo ltar gsal zhing /_de 'dzin gyi skyes bu thams cad sku tshe bskal brgya'i bar du bstan pa dang /_gdams zab kyi rim pa mdo don gcig tu dril nas nyan bsam sgom pas nyams su len par 'dod pa rnams la shes rab kyi mig zab mor gyur te/_gdod ma'i gnas lugs mngon du gzigs pa'i dpal bla med lhun gyis grub pa'i rgyur gyur cig_/sarba mang+ga laM//__// | ||
