རྩ་གསུམ་འོད་གསལ་སྙིང་ཐིག་ལས། ནང་སྒྲུབ་པདྨ་དྲྭ་བ་ཐུགས་རྗེ་ཆེན་པོའི་རྒྱུན་ཁྱེར།

🚧 This website is under continued development. We appreciate your patience!

Previous Text Back to Volume PageNext Text

Wylie title	rtsa gsum 'od gsal snying thig las nang sgrub pad+ma drwa ba thugs rje chen po'i rgyun khyer
Location	mkhyen brtse'i bka' babs Volume 16, Text 4, Pages 209-211 (Folios 1a1 to 2a5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	Khyentse, Dilgo. rtsa gsum 'od gsal snying thig las nang sgrub pad+ma drwa ba thugs rje chen po'i rgyun khyer. In Rdzong sar 'jam dbyangs mkhyen brtse'i dbang po'i bka' babs, Vol. 16: 209-211. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Daily Practice - rgyun khyer  ·  Sadhanas - Evocation Ritual - sgrub thabs
Cycle	རྩ་གསུམ་འོད་གསལ་སྙིང་ཏིག་ (rtsa gsum 'od gsal snying tig)
Deity	thugs rje chen po
Karchag page	JKW-KABAB-Volume-16-MA-Karchag
RTZ	In the Rinchen Terdzö: https://rtz.tsadra.org/index.php/Terdzo-HUNG-004
Colophon	།ཞེས་པའང་དད་བློ་ཡངས་ཤིང་སྒྲུབ་ལ་བརྩོན་པ་ཌེན་མཀ་པ་བཀྲ་ཤིས་ཆོས་འཕེལ་གྱིས་རྒྱུན་གྱི་ཉམས་ལེན་དུ་བསྐུར་ངོར། འཁོས་ཆུང་མ་ཎི་བ་པདྨ་དྲི་མེད་བཀྲ་ཤིས་དཔལ་འབྱོར་གྱིས་གཏེར་གཞུང་ནས་བཏུས་ཏེ་བྲིས་པ་འདིས་ཀྱང་རང་རིག་ཐུགས་རྗེ་ཆེན་པོའི་རང་ཞལ་མངོན་དུ་བྱེད་པའི་རྒྱུར་གྱུར་ཅིག།
	zhes pa'ang dad blo yangs shing sgrub la brtson pa Den maka pa bkra shis chos 'phel gyis rgyun gyi nyams len du bskur ngor/__'khos chung ma Ni ba pad+ma dri med bkra shis dpal 'byor gyis gter gzhung nas btus te bris pa 'dis kyang rang rig thugs rje chen po'i rang zhal mngon du byed pa'i rgyur gyur cig

Tibetan Text

Wylie

[edit]

རྩ་གསུམ་འོད་གསལ་སྙིང་ཐིག་ལས། ནང་སྒྲུབ་པདྨ་དྲྭ་བ་ཐུགས་རྗེ་ཆེན་པོའི་རྒྱུན་ཁྱེར་བཞུགས། ན་མོ་གུ་རུ་མ་ཧཱ་ཀ་རུ་ཎི་ཀ་ཡེ། ནང་སྒྲུབ་པདྨ་དྲྭ་བའི་རྒྱུན་ཁྱེར་སྙིང་པོ་ནི། པདྨ་ཧེ་རུ་ཀ་ཡི་དགོངས་པ་ཡི་སོགས་ཚིག་རྐང་དྲུག་གིས་གསོལ་འདེབས་སྔོན་དུ་འགྲོ་བས། བླ་མ་དང་གཉིས་སུ་མེད་པའི་འཕགས་མཆོག་སྙིང་རྗེའི་གཏེར་ཆེན་གྱི་ལྷ་ཚོགས་མདུན་གྱི་ནམ་མཁར་བཛྲ་ས་མཱ་ཛཿས་ཚོགས་ཞིང་མཁའ་ཁྱབ་ཏུ་སད་པའི་སྤྱན་སྔར། ཧྲཱིཿ བདག་དང་མཁའ་མཉམ་འགྲོ་བ་མ་ལུས་ཀུན༔ སྐུ་གསུམ་འཕགས་པའི་ལྷ་ལ་སྐྱབས་སུ་མཆི༔ མཐའ་ཀླས་སྲིད་པའི་ཁམས་རྣམས་བསྒྲལ་བའི་ཕྱིར༔ པདྨ་དྲྭ་བའི་གོ་འཕང་བསྒྲུབ་པར་བགྱི༔ ལན་གསུམ་གྱི་མཐར། ཛཿཧཱུྃ་བྃ་ཧོཿས་ཚོགས་ཞིང་རྣམས་རང་ལ་ཐིམ་པར་བསམ། དངོས་གཞི་ལྷ་བསྐྱེད་ནི། ཧྲཱིཿ གཞི་དབྱིངས་ཀ་དག་འོད་གསལ་ཆོས་སྐུའི་ངང་༔ གཞི་སྣང་རིག་པ་ལྷུན་གྲུབ་ལོངས་སྐུའི་སྤྲིན༔ ཟུང་འཇུག་སྤྲུལ་པའི་རྒྱུ་མཆོག་ཧྲཱི་དམར་པོ༔ དེ་ཉིད་ཡོངས་གྱུར་སྐད་ཅིག་དྲན་རྫོགས་སུ༔ ཕྱི་སྣོད་དག་པ་རབ་འབྱམས་རྡོ་རྗེའི་གྲོང་༔ རང་སྣང་རྣམ་དག་ཡིད་འོང་པོ་ཏཱ་ལ༔ མཚན་ཉིད་ཀུན་རྫོགས་ངོ་མཚར་གཞལ་ཡས་དབུས༔ རང་རིག་བདེ་གཤེགས་ཀུན་འདུས་སྙིང་རྗེའི་ལྷ༔ སྐུ་མདོག་དམར་གསལ་ཞལ་གཅིག་ཕྱག་གཉིས་པ༔ ཕྱག་གཡས་པདྨའི་ཕྲེང་བ་ཐུགས་ཀར་འདྲེན༔ གཡོན་པས་མཉམ་བཞག་བདུད་རྩིའི་ཚེ་བུམ་བསྣམས༔ པང་དུ་གསང་བ་ཡེ་ཤེས་ཌཱ་ཀི་མ༔ ཨུཏྤལ་ཐོད་འཛིན་ཡབ་ཀྱི་མགུལ་ནས་འཁྲིལ༔ དབང་མདོག་བཅུ་དྲུག་བདེ་བའི་ལང་ཚོས་མཛེས༔ གཉིས་ཀ་དར་དང་རིན་ཆེན་རུས་པས་བརྒྱན༔ ཁྲོ་འཛུམ་ཆགས་ཉམས་མཚན་དཔེའི་འོད་ཕུང་འབར༔ ཞབས་གཉིས་རྡོ་རྗེ་པདྨའི་སྐྱིལ་ཀྲུང་གིས༔ ཐབས་ཤེས་ཟུང་འཇུག་པད་ཉི་ཟླ་སྟེང་རོལ༔ སྤྱི་བོར་རིགས་བདག་ཆོས་སྐུ་སྣང་མཐའ་ཡས༔ དམར་པོ་མཉམ་བཞག་བདུད་རྩིའི་ལྷུང་བཟེད་བསྣམས༔ དེ་ལྟར་གསལ་བའི་རྡོ་རྗེའི་ལུས་ཀྱི་དཀྱིལ༔ གནས་ལྔར་དབང་ཆེན་རིགས་ལྔ་ཡབ་ཡུམ་རོལ༔ ཐུགས་དབུས་སུམ་ཅུ་རྩ་བཞི་ཞི་བའི་ལྷ༔ བདེ་ཆེན་འཁོར་ལོར་ཁྲོ་བོའི་ཚོམ་བུ་བཞུགས༔ ཕྱི་རོལ་ཐུབ་དྲུག་བསྐལ་བཟང་སངས་རྒྱས་སྟོང་༔ ཌཱ་ཀི་སྡེ་བཞི་སྲས་བཅས་རྒྱལ་བའི་ཚོགས༔ ཉི་དང་ཟེར་བཞིན་དམ་ཡེ་གཉིས་མེད་གསལ༔ ཞེས་ལྷ་སྐུའི་གསལ་སྣང་ལ་སེམས་རྩེ་གཅིག་ཏུ་བཟུང༌། བཟླས་པ་ནི། སྙིང་དབུས་དབང་ཆེན་ཡབ་ཡུམ་གྱི༔ ཐུགས་ཀར་པད་ཉི་ཟླ་བའི་སྟེང་༔ ཧྲཱིཿམཐར་སྔགས་ཕྲེང་གཡས་སུ་འཁོར༔ འོད་ཀྱིས་རྒྱལ་མཆོད་བྱིན་རླབས་བསྡུས༔ སླར་འཕྲོས་འགྲོ་བའི་ལས་ཉོན་སྦྱངས༔ སྣོད་བཅུད་འཕགས་པའི་སྐུ་གསུང་ཐུགས༔ པདྨ་དྲྭ་བའི་ཀློང་དུ་རྫོགས༔ ཨོཾ་མ་ཎི་པདྨེ་ཧཱུྃ་ཧྲཱིཿ ཞེས་ཡི་གེ་བདུན་པ་གཙོ་བོར་བཟླ། ཐུགས་སྲོག་ལས་བྱུང་ཧྲཱིཿཡིག་ཕྲེང་༔ ཡབ་ཡུམ་ཞལ་དང་མཁའ་གསང་བརྒྱུད༔ སྙིང་གའི་ཆུ་སྐྱེས་ལ་ཆགས་པས༔ རྣམ་པ་ཀུན་གྱི་མཆོག་ལྡན་པའི༔ ཟག་མེད་བདེ་བས་ཚིམ་པར་བསམ༔ ཨོཾ་ཨཱཿཧཱུྃ་ཧྲཱིཿཧྲཱིཿསརྦ་ཏ་ཐཱ་ག་ཏ་བྷོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཧྲཱིཿབཛྲ་ཀྲོ་དྷ་ཧྱ་གྲཱྀབ་ཌཱ་ཀི་ནཱི་ཧ་རི་ནི་ས་ཙིཏྟ་ཧྲིང་ཧྲིང་ཛ་ཛཿ གཙོ་འཁོར་ཡོངས་རྫོགས་ཀྱི་སྔགས་ཀྱང་ཅུང་ཟད་བཟླ། བདེ་གཤེགས་ཡོངས་རྫོགས་སྲོག་སྙིང་ནི༔ འབྱུང་འཇུག་གནས་པའི་རླུང་དང་སྦྱར༔ གྲགས་སྟོང་རྡོ་རྗེའི་སྔགས་ཀྱི་སྒྲ༔ དུས་གསུམ་དུས་མེད་གཅིག་ཏུ་བཟླ༔ ཧྲཱིཿཧྲཱིཿཧྲཱིཿ ངག་བཟླས་དང་རྡོར་བཟླས་གང་རུང་བྱ། ཐུན་མཐར་དབྱངས་གསལ་རྟེན་སྙིང་ཡིག་བརྒྱ་བཟླས་མཐར། དམ་ཚིག་འོད་གསལ་འཁོར་ལོར་བསྡུ༔ རྗེས་ཐོབ་སྒྱུ་མའི་ལྷ་སྐུར་ལྡང་༔ དགེ་བ་འདི་ཡི་མྱུར་དུ་བདག །ཐུགས་རྗེ་ཆེན་པོ་འགྲུབ་གྱུར་སོགས་བསྔོ་སྨོན་བྱའོ། །ཞེས་པའང་དད་བློ་ཡངས་ཤིང་སྒྲུབ་ལ་བརྩོན་པ་ཌེན་མཀ་པ་བཀྲ་ཤིས་ཆོས་འཕེལ་གྱིས་རྒྱུན་གྱི་ཉམས་ལེན་དུ་བསྐུར་ངོར། འཁོས་ཆུང་མ་ཎི་བ་པདྨ་དྲི་མེད་བཀྲ་ཤིས་དཔལ་འབྱོར་གྱིས་གཏེར་གཞུང་ནས་བཏུས་ཏེ་བྲིས་པ་འདིས་ཀྱང་རང་རིག་ཐུགས་རྗེ་ཆེན་པོའི་རང་ཞལ་མངོན་དུ་བྱེད་པའི་རྒྱུར་གྱུར་ཅིག། །།

[edit]

rtsa gsum 'od gsal snying thig las/__nang sgrub pad+ma drwa ba thugs rje chen po'i rgyun khyer bzhugs/__na mo gu ru ma hA ka ru Ni ka ye/__nang sgrub pad+ma drwa ba'i rgyun khyer snying po ni/__pad+ma he ru ka yi dgongs pa yi sogs tshig rkang drug gis gsol 'debs sngon du 'gro bas/__bla ma dang gnyis su med pa'i 'phags mchog snying rje'i gter chen gyi lha tshogs mdun gyi nam mkhar badz+ra sa mA dzaHsa tshogs zhing mkha' khyab tu sad pa'i spyan sngar/__hrIH__bdag dang mkha' mnyam 'gro ba ma lus kun:__sku gsum 'phags pa'i lha la skyabs su mchi:__mtha' klas srid pa'i khams rnams bsgral ba'i phyir:__pad+ma drwa ba'i go 'phang bsgrub par bgyi:__lan gsum gyi mthar/__dzaHhU~M ba~M hoHsa tshogs zhing rnams rang la thim par bsam/__dngos gzhi lha bskyed ni/__hrIH__gzhi dbyings ka dag 'od gsal chos sku'i ngang :__gzhi snang rig pa lhun grub longs sku'i sprin:__zung 'jug sprul pa'i rgyu mchog hrI dmar po:__de nyid yongs gyur skad cig dran rdzogs su:__phyi snod dag pa rab 'byams rdo rje'i grong :__rang snang rnam dag yid 'ong po tA la:__mtshan nyid kun rdzogs ngo mtshar gzhal yas dbus:__rang rig bde gshegs kun 'dus snying rje'i lha:__sku mdog dmar gsal zhal gcig phyag gnyis pa:__phyag g.yas pad+ma'i phreng ba thugs kar 'dren:__g.yon pas mnyam bzhag bdud rtsi'i tshe bum bsnams:__pang du gsang ba ye shes DA ki ma:__ut+pal thod 'dzin yab kyi mgul nas 'khril:__dbang mdog bcu drug bde ba'i lang tshos mdzes:__gnyis ka dar dang rin chen rus pas brgyan:__khro 'dzum chags nyams mtshan dpe'i 'od phung 'bar:__zhabs gnyis rdo rje pad+ma'i skyil krung gis:__thabs shes zung 'jug pad nyi zla steng rol:__spyi bor rigs bdag chos sku snang mtha' yas:__dmar po mnyam bzhag bdud rtsi'i lhung bzed bsnams:__de ltar gsal ba'i rdo rje'i lus kyi dkyil:__gnas lngar dbang chen rigs lnga yab yum rol:__thugs dbus sum cu rtsa bzhi zhi ba'i lha:__bde chen 'khor lor khro bo'i tshom bu bzhugs:__phyi rol thub drug bskal bzang sangs rgyas stong :__DA ki sde bzhi sras bcas rgyal ba'i tshogs:__nyi dang zer bzhin dam ye gnyis med gsal:__zhes lha sku'i gsal snang la sems rtse gcig tu bzung*/__bzlas pa ni/__snying dbus dbang chen yab yum gyi:__thugs kar pad nyi zla ba'i steng :__hrIHmthar sngags phreng g.yas su 'khor:__'od kyis rgyal mchod byin rlabs bsdus:__slar 'phros 'gro ba'i las nyon sbyangs:__snod bcud 'phags pa'i sku gsung thugs:__pad+ma drwa ba'i klong du rdzogs:__oM ma Ni pad+me hU~M hrIH__zhes yi ge bdun pa gtso bor bzla/__thugs srog las byung hrIHyig phreng :__yab yum zhal dang mkha' gsang brgyud:__snying ga'i chu skyes la chags pas:__rnam pa kun gyi mchog ldan pa'i:__zag med bde bas tshim par bsam:__oM AHhU~M hrIHhrIHsarba ta thA ga ta b+ho d+hi tsit+ta ma hA su kha dz+nyA na d+hA tu AH__oM ru lu ru lu hU~M b+h+yo hU~M:__hrIHbadz+ra kro d+ha h+ya gr-Ib DA ki nI ha ri ni sa tsit+ta hring hring dza dzaH__gtso 'khor yongs rdzogs kyi sngags kyang cung zad bzla/__bde gshegs yongs rdzogs srog snying ni:__'byung 'jug gnas pa'i rlung dang sbyar:__grags stong rdo rje'i sngags kyi sgra:__dus gsum dus med gcig tu bzla:__hrIHhrIHhrIH__ngag bzlas dang rdor bzlas gang rung bya/__thun mthar dbyangs gsal rten snying yig brgya bzlas mthar/__dam tshig 'od gsal 'khor lor bsdu:__rjes thob sgyu ma'i lha skur ldang :__dge ba 'di yi myur du bdag__/thugs rje chen po 'grub gyur sogs bsngo smon bya'o/__/zhes pa'ang dad blo yangs shing sgrub la brtson pa Den maka pa bkra shis chos 'phel gyis rgyun gyi nyams len du bskur ngor/__'khos chung ma Ni ba pad+ma dri med bkra shis dpal 'byor gyis gter gzhung nas btus te bris pa 'dis kyang rang rig thugs rje chen po'i rang zhal mngon du byed pa'i rgyur gyur cig/__//