མཁའ་འགྲོ་གསང་བ་ཀུན་འདུས་ལས། ལས་བཞིའི་སྦྱིན་སྲེག་རབ་འབྱམས་ཕྲིན་ལས་སྣང་བའི་ཉིན་བྱེད།

🚧 This website is under continued development. We appreciate your patience!

Previous Text Back to Volume PageNext Text

Wylie title	mkha' 'gro gsang ba kun 'dus las las bzhi'i sbyin sreg rab 'byams phrin las snang ba'i nyin byed
Location	mkhyen brtse'i bka' babs Volume 7, Text 3, Pages 287-310 (Folios 1a to 12b1)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	ཇོ་མོ་སྨན་མོ་, འཇམ་དབྱངས་མཁྱེན་བརྩེའི་དབང་པོ་ (jo mo sman mo, 'jam dbyangs mkhyen brtse'i dbang po)
Citation	Khyentse, Dilgo. mkha' 'gro gsang ba kun 'dus las las bzhi'i sbyin sreg rab 'byams phrin las snang ba'i nyin byed. In Rdzong sar 'jam dbyangs mkhyen brtse'i dbang po'i bka' babs, Vol. 7: 287-310. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Fire Offerings - sbyin sreg
Cycle	མཁའ་འགྲོ་གསང་བ་ཀུན་འདུས་ (mkha' 'gro gsang ba kun 'dus)
Karchag page	JKW-KABAB-Volume-07-JA-Karchag
RTZ	In the Rinchen Terdzö: https://rtz.tsadra.org/index.php/Terdzo-NGI-065
Colophon	།ཅེས་རྡོ་རྗེ་ཕག་མོ་མཁའ་འགྲོ་གསང་བ་ཀུན་འདུས་ཀྱི་ལས་བཞིའི་སྦྱིན་སྲེག་གི་ཆོ་ག་རབ་འབྱམས་ཕྲིན་ལས་སྣང་བའི་ཉིན་བྱེད་ཅེས་བྱ་བ་འདི་ཡང་མཁྱེན་བརྩེའི་བདག་ཉིད་དཔལ་ཡུལ་རྨུགས་སངས་མཆོག་སྤྲུལ་རིན་པོ་ཆེའི་དབུ་རུ་བྱང་ཕྱོགས་དོ་སྐྱ་དགོན་པ་ཆོས་སྐུ་འོད་འབར་གླིང་དུ་དོ་སྐྱ་མཆོག་སྤྲུལ་རིན་པོ་ཆེའི་བདག་རྐྱེན་ལས་ཟབ་གསང་རྡོ་རྗེའི་གསེང་ལམ་གྱི་སྒྲུབ་ཆེན་གཏན་འཇགས་གནང་བའི་སྐབས་གསུང་གི་ནན་ཏན་དུ་བསྐུལ་ཞིང༌། བྲི་གཞིའི་ཤོག་དཀར། ལྷ་རྫས་ཀྱི་རྟེན་དང་བཅས་བསྩལ་བས་སྦྱིན་སྲེག་གི་ཆོ་ག་རྒྱས་པའི་ལས་འགྲིགས་སུ་འཇིགས་མེད་མཁྱེན་བརྩེའི་འོད་ཟེར་རང་བྱུང་འོད་གསལ་ཐུགས་མཆོག་རྡོ་རྗེས་རང་ལོ་ཞེ་བརྒྱད་པ་ནག་ཟླའི་དཀར་ཕྱོགས་ཀྱི་དགའ་བ་དང་པོར་དབུས་འགྱུར་འཆང་གི་གཙུག་ལག་ཆེན་པོའི་ཤར་ཕྱོགས་ལྷུན་གྲུབ་མེ་ཏོག་ལྡུམ་རའི་གཟིམས་ཤག་ཏུ་རྫོགས་པར་སྦྱར་བས་དགེ་ལེགས་སུ་གྱུར་ཅིག།
	ces rdo rje phag mo mkha' 'gro gsang ba kun 'dus kyi las bzhi'i sbyin sreg gi cho ga rab 'byams phrin las snang ba'i nyin byed ces bya ba 'di yang mkhyen brtse'i bdag nyid dpal yul rmugs sangs mchog sprul rin po che'i dbu ru byang phyogs do skya dgon pa chos sku 'od 'bar gling du do skya mchog sprul rin po che'i bdag rkyen las zab gsang rdo rje'i gseng lam gyi sgrub chen gtan 'jags gnang ba'i skabs gsung gi nan tan du bskul zhing*/__bri gzhi'i shog dkar/__lha rdzas kyi rten dang bcas bstsal bas sbyin sreg gi cho ga rgyas pa'i las 'grigs su 'jigs med mkhyen brtse'i 'od zer rang byung 'od gsal thugs mchog rdo rjes rang lo zhe brgyad pa nag zla'i dkar phyogs kyi dga' ba dang por dbus 'gyur 'chang gi gtsug lag chen po'i shar phyogs lhun grub me tog ldum ra'i gzims shag tu rdzogs par sbyar bas dge legs su gyur cig

Tibetan Text

Wylie

[edit]

༄༅། །མཁའ་འགྲོ་གསང་བ་ཀུན་འདུས་ལས། ལས་བཞིའི་སྦྱིན་སྲེག་རབ་འབྱམས་ཕྲིན་ལས་སྣང་བའི་ཉིན་བྱེད་ཞེས་བྱ་བ་བཞུགས་སོ།། །།

༄༅། །རྡོ་རྗེ་ཉི་མས་འཁྲུལ་རྟོག་མུན་བསལ་སྟེ། །ཡེ་ཤེས་སྣང་བས་དངོས་གྲུབ་ཀུན་དགའི་སྐྱེས། །སྦྱིན་མཛད་བླ་མ་རྡོ་རྗེ་རྣལ་འབྱོར་མར། །བཏུད་ནས་ཕྲིན་ལས་བཞི་ཡི་སྲེག་བླུག་སྤེལ། །དེ་ཡང་སྙིང་པོའི་རྒྱུད་ལས། དབྱིབས་དང་ཁ་དོག་མཚན་ལྡན་པར། །ཞལ་དུ་གྱུར་པའི་མེ་བུས་ལ། །བཟའ་བཏུང་བྲོ་བའི་ཚོགས་རྣམས་ཀྱིས། །ལས་བཞིའི་མཆོད་པ་རབ་ཏུ་སྦྱིན། །ཞེས་གསུངས་པའི་དོན་ཕྲིན་ལས་ཀྱི་རྩ་བ་མཁའ་འགྲོ་ཀུན་འདུས་རྡོ་རྗེ་ཕག་མོའི་ལྷ་སྔགས་ལ་བརྟེན་པའི་ལས་བཞིའི་སྦྱིན་སྲེག་ཇི་ལྟར་བྱ་བའི་ཚུལ་ལ་གསུམ། སྔོན་འགྲོ། དངོས་གཞི། རྗེས་སོ། །དང་པོ་ནི། ལས་ལྔ་ཆར་གྱི་སྔོན་འགྲོར་ས་ཡི་ཆོ་ག་བྱ་བ་སྟེ། སོ་སོའི་དུས་སྐབས་ལ་བབ་པ་དང༌། ལས་གང་ཡང་རུང་བར་བསྔགས་ཤིང་རུང་བའི་གནས་སུ་དཀར་གཏོར་དང༌། གསེར་སྐྱེམས་བཤམས་ལ། རྒྱུན་གྱི་རྣལ་འབྱོར་ཕྱག་རྒྱ་གཅིག་པའི་བསྐྱེད་བཟླས་སམ། རང་ཉིད་སྐད་ཅིག་གིས་རྡོ་རྗེ་ཕག་མོ་ཁྲོས་མ་ནག་མོའི་སྐུར་གྱུར། ཨོཾ་བཛྲ་བྷཱ་ར་ཧེ་ཀྲོ་དྷཱི་ཀཱ་ལི་ཧ་རི་ནི་ས་ཨ་བཻ་ཤ་ཡ༔ ཞེས་བརྒྱ་རྩ་ཙམ་བཟླས་པས་ང་རྒྱལ་བཟུང་ལ། རྃ་ཡྃ་ཁྃ། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་གིས་བྱིན་གྱིས་བརླབས། །བྷཱུ་མི་པ་ཏི་ས་པ་རི་ཝཱ་ར་བཛྲ་ས་མ་ཛཿས་སྤྱན་དྲངས། བྷཱུ་མི་པ་ཏི་ས་པ་རི་ཝཱ་ར་ཨ་ཀཱ་རོ་སོགས་གསུམ་གྱིས་གཏོར་མ་བསྔོས་ལ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོའམ་གཞན་དག་ལ། །དཀྱིལ་འཁོར་དོན་དུ་ས་ཕྱོགས་འདི། །བདག་ཞུ་ཁྱེད་ཀྱིས་སྩལ་དུ་གསོལ། །སརྦ་བྷཱུ་ཏ་གཙྪས་གནང་ཞིང་རང་གནས་གཞི་དེར་ཐིམ་པར་བསམ་ལ་གསེར་སྐྱེམས་དང་གཏོར་མ་ཕྱི་རོལ་དུ་གཙང་སར་ཕུལ། སློབ་དཔོན་གྱིས་རྡོ་རྗེ་དང་བཅས་པའི་ཐལ་མོ་ས་ལ་རེག་པས་རྩ་སྔགས་བརྒྱ་རྩ་བརྒྱད་དང༌། ཨོཾ་ཧ་ན་ཧ་ན་ཀྲོ་དྷཱ་ཧཱུྃ་ཕཊ༔ ལན་བདུན་བཟླས་ལ་ཀུན་རྫོབ་ཀྱིས་སྦྱང་བ་དང༌། ཆོས་ཐམས་ཅད་རང་བཞིན་མེད་པར་ཤེས་པའི་ཆོས་ཉིད་ལ་དྲན་པར་བཞག་ནས། ཤུ་ནྱ་ཏཱའི་སྔགས་བརྗོད་པས་དོན་དམ་གྱིས་སྦྱངས་བའོ། །གཉིས་པ་ལ་ལྔ་ལས། དང་པོ་ཞི་བའི་སྦྱིན་སྲེག་ལ། ཆོ་གར་མ་གཏོགས་པའི་སྦྱོར་བ་དང༌། ཆོ་གར་གཏོགས་པའི་སྦྱོར་བའོ། །དང་པོ་ནི། ཟླ་བ་ཡར་ངོ་བཀྲ་ཤིས་པའི་ཉི་མའི་དྲོད་ཀྱི་ཆ་ལ་ཤིས་པའི་ས་ལ་འཇམ་ཞིང་ཁོད་སྙོམས་པའི་སྟེགས་བུ་དཀར་པོ་ཁྲུ་གང་ལས་མི་ཆུང་བ་གྲུ་བཞི་པ་བྱས་པའི་ངོགས་སུ་རྡུལ་ཚོན་ཁ་དོག་དཀར་པོས་ཆོས་འབྱུང་བསྣོལ་མ་རྡོ་རྭ་མེ་རི་དང་བཅས་པའི་ལྟེ་བར་པདྨ་འདབ་མ་བཞི་པའི་དབུས་སུ་བྃ་ཡིག་རིགས་ཀྱི་ཁ་དོག་ཅན་དང༌། འདབ་མ་འབུམ་ཕྲག་ཡངས་པའི་མཁའ་འགྲོའི་སྲོག་གི་མཚོན་བྱེད་ཧ་རི་ནི་སའི་ཡིག་འབྲུ་བཞི་འགོད། བཅད་ཚོན་ཀྱང་དམར་སྐྱ་ལས་ནག་པོ་སོགས་ཚོན་སེལ་གྱིས་མ་ཕོག་པར་གལ་ཆེ། ཐབ་ཀྱི་ཁར་བལ་བུ། ལྕང་མ། འོམ་བུ་སོགས་འོ་མ་ཅན་གྱི་བུད་ཤིང་ངམ། བ་ཡི་ལྕི་བ་ཁ་ཁྱེར་ཆ་ཟླུམ་པོར་བརྩེགས་ལ་ཙནྡན་དཀར་པོའི་ཆུ་འོ་མ་དང་སྦྱར་བས་བྲན། ཤར་ལྷོར་མེ་ཚང་བཅའ། ཐབ་སྟེགས་ཀྱི་གྲྭ་བཞིར་མདའ་བཞི་བཙུགས་པ་སྲད་བུ་དཀར་པོ་་་་་་་་ལས་སོ་སོ་ལ་རང་མདོག་དགོས་མཆན། བསྣོལ་མར་སྤྲེལ་བ་ལ་དར་དཀར་པོས་དགབ། དེའི་ཤར་ལྷོའི་ཟུར་དུ་མདའ་དར་དམར་པོ་གཟུག །དེ་དང་ཉེ་བར་རང་གི་མདུན་དུ་དགང་བླུགས་ཁ་སྦྱར་ལ་རྡོར་དྲིལ་ཐོད་རྔ། བསང་ཆུ། མེ་ཏོག་གི་སྣོད་ཐུགས་དམ་བསྐུལ་བའི་རྫས་ཡུངས་ཀར་སོགས་དང༌། རང་གི་གཡས་སུ་སྨན་གཏོར་རཀྟ་ཉེར་སྤྱོད། འབྲས་མཆན་དངུལ་གྱི་མེ་ཏོག་དཀར་པོ་རྣམས་བསྲེས་པའི་མར་དཀར་གྱི་གཏོར་ཟླུམ་རིལ་བུས་བསྐོར་བ་དང༌། ཚོགས་ཀྱི་ཡོ་བྱད། གཡོན་དུ་བསྲེགས་རྫས་མར་ཁུ། ལས་མཐུན་གྱི་ཡམ་ཤིང་མཐོ་གང་བའི་རྩེར་མངར་གསུམ་དང་མར་ཁུས་སྦགས་པ་དང༌། དེ་བཞིན་དུ་མངར་གསུམ་སྦྱར་བའི་ཞུན་མར་དང༌། ཁྱད་པར་གྱི་རྫས་ཏིལ་དཀར་པོ་དང༌། གུར་གུམ་འོ་མར་བཅས་པའི་ཞོ་ཟན། འབྲས་མ་གྲུག་པ་དང༌། སོ་བ་གྲ་མ་མེད་པ་དང༌། ནས་དང༌། སྲན་མ་དང༌། གྲོ་དང༌། དུརྺ་དང༌། ཀུ་ཤ་དང༌། གཞན་ཡང་བཤལ་སྨན་དང༌། དུག་རིགས་མ་ཡིན་པའི་རིན་ཆེན་འབྲུ་སྨན་སྣ་ཚོགས་སྦྱར་བ་རྣམས་འཇིག་རྟེན་པ་དང༌། འཇིག་རྟེན་ལས་འདས་པའི་རིམ་པས་ཉིས་རིམ་དུ་འགོད། སྤྲོས་པ་ལ་དགའ་ན་དར་དཀར་གྱི་ན་བཟའ་དང༌། ཤེལ་གཙོ་བོར་གྱུར་པའི་རིན་པོ་ཆེ་དཀར་པོའི་རྒྱན་གྱིས་སྤྲས་པའི་ཆས་ཞུགས་དང༌། སྒྲུབ་པ་པོ་ཁ་ཤར་དུ་ཕྱོགས་པས་སེམས་སྐྱིལ་གྱིས་ཀུ་ཤ་སོགས་གཙང་ཞིང་འཇམ་པའི་སྟན་ལ་དང་བའི་སེམས་གྱིས་འཁོད་དོ། །གཉིས་པ་ནི། བརྒྱུད་འདེབས་སྐྱབས་སེམས་ནས་བརྩམས་བཟླས་པ་མཆོད་བསྟོད་བར་བདག་བསྐྱེད་རྒྱས་བསྡུས་ཇི་ལྟར་རིགས་པ་བྱ། རབ་གནས་དང་སྒྲུབ་མཆོད་འབྲེལ་བའི་ཚེ། ཨོཾ་བྃ་བཛྲ་བྷཱ་ར་ཧེ་ཀྲོ་དྷཱི་ཀཱ་ལི་ཧ་རི་ནི་ས་ཨ་བཻ་ཤ་ཡ༔ ཞེས་བརྗོད་པས། རང་ཉིད་དཀྱིལ་འཁོར་གྱི་གཙོ་བོ་ལས་མར་མེ་གཅིག་ལས་གཉིས་མཆེད་ཀྱི་ཚུལ་དུ་བཅོམ་ལྡན་འདས་རྡོ་རྗེ་ཕག་མོ་ཁྲོས་མ་ནག་མོ་གཉིས་པའི་རྣམ་པས་ཐོན་ནས་སྦྱིན་སྲེག་གི་ལས་རིམ་ལ་འཇུག་པར་མོས་ལ། བསང་ཆུ་སྒྲུབ་པ་ལས་བྱང་ལྟར་རྒྱས་པའམ། བསྡུ་ན། ཨོཾ་ས་ཀརྨ་དྷཱ་ཀི་ནི་ཧཱུྃ་ཕཊ༔ ཅུང་ཟད་བཟླས་པས་བགེགས་བསང་བའི་ནུས་པ་དང་ལྡན་པར་བྱིན་གྱིས་རླབས། རྡོར་དྲིལ། ཨོཾ་མ་ཧཱ་བཛྲ་ཧཱུྃ་ཞེས་པས་རྡོ་རྗེ་སྙིང་གར་གསོར། ཨོཾ་བཛྲ་གཎྜེ་ཨཱཿས་དྲིལ་བུ་དཀུར་བརྟེན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སཱ་བྷཱ་ཝ་ཨཏྨ་ཀོ྅་ཧྃ་གིས་རྡོར་དྲིལ་བསྣོལ་མའི་འཁྱུད་རྒྱ་དང་བཅས་དམ་ཚིག་གསུམ་བཟུང༌། གཉིས་པ་དངོས་གཞི་ལ། ཐོག་མར་མཆོད་བསྲེག་གི་རྫས་རྣམས་བསང་ཆུས་འཐོར་ཏེ། མཆོད་རྫས་བྱིན་རླབས་ནི། ཧཱུྃ༔ གནས་ཁང་དུར་ཁྲོད་ཆེན་པོའི་གཞལ་ཡས་ཁང་༔ ཡེ་ཤེས་བཀོད་པ་འབྱམས་ཀླས་འོད་འབར་དབུས༔ ཉེར་སྤྱོད་འདོད་ཡོན་དྲག་པོའི་ཉེར་སྤྱོད་ཀུན༔ བདེ་སྟོང་མཆོད་པའི་ཕྱག་རྒྱ་ཆེན་པོར་གྱུར༔ ཨོཾ་བཛྲ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨ་ལོ་ཀེ་གནྡྷེ་ནཻ་བི་དྱ་ཤབྡ་པཉྩ་ཀཱ་མ་གུ་ཎ་དྷརྨ་དྷ་ཏུ་སརྦ་པཱུ་ཛ་ཧཱུྃ༔ ཞེས་ཕྱི་མཆོད་དང༌། ཨོཾ་ཧཱུྃ་ཏྲཱྃ་ཧྲཱི་ཨཱཿ མཱུྃ་ལཱྃ་མཱྃ་པཱྃ་ཏཱྃ་སརྦ་པཉྩ་ཨ་མྲྀ་ཏ་ཀུཎྜ་ལི་ཧཱུྃ་ཧྲཱི་ཋ༔ ཨོཾ་ཨཱཿཧཱུྃ་མ་ཧཱ་ཀ་པཱ་ལ་རཀྟ་ཛྭ་ལ་མཎྜ་ལ་ཧཱུྃ་ཧྲཱི་ཋ༔ ཨོཾ་ཨཱཿཧཱུྃ་མ་ཧཱ་བ་ལིང་ཏ་སརྦ་ཀརྨ་གུ་ཧྱ་ས་མ་ཡ་ཧཱུྃ་ཧྲཱིཿཋ༔ ནང་མཆོད་སྔགས་རྣམས་སོ་སོར་ལན་གསུམ་རེས་བྱིན་གྱིས་བརླབས། བསྲེག་རྫས་རྣམས་བདུད་རྩིས་བྲན་ལ་རྡོ་རྗེ་རྩེ་གཅིག་པའི་ཕྱག་རྒྱས་རེག་ཅིང༌། ཨོཾ་ཨོཾ་སྭཱ་ཧཱ། ཕྱག་རྒྱ་དེ་ཉིད་ཀྱིས་ཡམ་ཤིང་ལ། ཨོཾ་ཨཱཿསྭཱ་ཧཱ། ཞུན་མར་ལ། ཨོཾ་ཤྲཱིཾ་སྭཱ་ཧཱ། འབྲུ་རྣམས་ལ། ཨོཾ་ཛིཾ་སྭཱ་ཧཱ། རྫས་གཞན་རྣམས་ལ། ཨོཾ་ཀུ་རུ་ཀུ་རུ་སྭཱ་ཧཱ། རྫས་རྣམས་ཀྱི་མ་དག་པའི་ཉེས་སྐྱོན་ཐམས་ཅད་སྦྱངས་ཏེ་སྟོང་པར་གྱུར། སྟོང་པའི་ངང་ལས་རྫས་རྣམས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ལས་བྱུང་བའི་བདུད་རྩིའི་བཅུད་མཚན་ཉིད་ཐམས་ཅད་ཡོངས་སུ་རྫོགས་པ་སོ་སོའི་ལས་སྒྲུབ་པ་ལ་ཐོགས་པ་མེད་པའི་ནུས་པ་དང་ལྡན་པར་བསམ་ལ། ཨོཾ་ཨཱཿཧཱུྃ། ཨོཾ་ཧཱུྃ་སྭཱ་ཨྃ་ཧ། ཞེས་ལན་བདུན་དང༌། ཨོཾ་བི་མ་ལ་ཨགྣ་ཡེ་སྭཱ་ཧཱ། ཞེས་སོགས་རྫས་སྔགས་རྣམས་ལན་གསུམ་གསུམ་བརྗོད་པས་བྱིན་གྱིས་བརླབ། གཙུབ་ཤིང་ལས་བྱུང་བའམ་དགེ་འདུན་གྱི་ཚང་མང་ལས་བྱུང་བའི་མེ་དུ་བ་མེད་པའི་དཔལ་འབར་ཐལ་མོ་སྦྱར་བའི་བར་དུ་བཟུང་སྟེ་གཡས་སུ་བསྐོར་ཞིང་སྦར་ལ། ཨོཾ་བཛྲ་ཛྙཱ་ན་ཌཱ་ཀི་ནི་ཛྭ་ལ་རྃཿ ལན་གསུམ་རླུང་གཡབ་ཀྱིས་གཡབ་ཅིང༌། ཧཱུྃ་ཧཱུྃ་ཧཱུྃ་ཞེས་བརྗོད། ཧཱུྃ་ལན་བདུན་བཟླས་པའི་བླུགས་གཟར་གྱིས་མར་ཁུས་ཀྱང་གསོ་བར་བྱའོ། །དེ་ནས་ཀུ་ཤ་སྔོ་ལྗང་དྲི་མ་མེད་པ་ལ་ལས་བུམ་གྱི་ཆུས་བྲན་ཏེ། ཨོཾ་ཨ་མྲྀ་ཏ་ཀུཎྜ་ལི་སརྦ་བིགྷྣཱན་ཤ་ཡ་ཧཱུྃ་ཕཊ། ཅེས་བསངས་ལ། ཨོཾ། ཀུ་ཤ་འདི་ནི་གཙང་ཞིང་དགེ །ཚངས་པ་ལྷ་རྣམས་དག་བྱེད་ཡིན། །དཀོན་མཆོག་གསུམ་ནི་མཉེས་བྱེད་པ། །ས་ལས་སྐྱེས་པ་འདབ་མའི་སྙིང༌། །བདག་གི་བགེགས་རྣམས་ཐམས་ཅད་ནི། །ཞི་དང་བཀྲ་ཤིས་མཛད་དུ་གསོལ། །སྭཱ་ཧཱ་ཞེས་བརྗོད་དེ། ཀུ་ཤ་གཉིས་གཉིས་རྩེ་མོ་གཤིབས་པ་དག་སྒྲུབ་པ་པོའི་གཡོན་ངོས་ཀྱི་ཐབ་ཀྱི་ཁ་ཁྱེར་ནས་རྩེ་མོ་ཤར་ལྷོ་ནུབ་བྱང་དུ་བསྟན་པ་དགྲམ་ཞིང་རྒྱབ་མ་རྣམས་ཀྱི་རྩེ་མོ་མདུན་མ་རྣམས་ཀྱི་རྩ་བས་ནོན་པར་བྱ་ཞིང༌། སླར་ཐབ་ཏུ་རྩེ་མོ་ཤར་དུ་བསྟན་པའི་ཀུ་ཤ་བ་ལང་གི་རྣ་བ་ལྟ་བུ་ཧ་ཅང་མི་རིང་བས་གཡོགས་སོ། །དེ་ནས་ཐབ་བསང་སྦྱངས། སྟོང་པའི་ངང་ལས་ཧཱུྃ་ལས་ཞི་བའི་ཐབ་ཁུང་ཁ་དོག་དཀར་ཞིང་དབྱིབས་ཟླུམ་པ། མུ་རན་ཁ་ཁྱེར་དང་བཅས་པའི་དབུས་སུ་སྣ་ཚོགས་པདྨའི་ལྟེ་བར་རྡོ་རྗེ་རྩེ་ལྔ་པ་དང༌། ཁ་ཁྱེར་ལ་རྡོ་རྗེའི་ཕྲེང་བས་བསྐོར་ཞིང་གྲྭ་བཞིར་ཟླ་ཕྱེད་རྡོ་རྗེས་མཚན་པ། དྭངས་ཤིང་སྒྲིབ་པ་མེད་པའི་འོད་ཟེར་ཀུན་ཏུ་འཕྲོ་བ་རྒྱ་དཔངས་སོགས་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་མེ་ཡི་དཀྱིལ་འཁོར་གྲུ་གསུམ་པ་དང༌། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རཾ་དཀར་པོ་ལས་དབྱུག་ཐོ་དཀར་པོ་རཾ་གྱིས་མཚན་པར་གྱུར་ཏེ། དེ་ལས་མེ་ལྷ་དཀར་པོ་དྲང་སྲོང་གི་ཆ་བྱད་ཅན། ཤ་སྐེམ་པ། ཚངས་པའི་སྐུད་པ་དཀར་པོ་དང་ལྡན་པ། ཞལ་གཅིག་ཕྱག་བཞི་པ། གཡས་དང་པོ་དབྱུག་ཏོ། གཉིས་པ་ན་བགྲང་ཕྲེང༌། གཡོན་དང་པོ་ན་རིལ་བ་སྤྱི་བླུགས། གཡོན་གཉིས་པ་སྐྱབས་སྦྱིན་གྱི་ཕྱག་རྒྱ་བཅས་དྲང་སྲོང་གི་ཚོགས་ཀྱིས་ཡོངས་སུ་བསྐོར་བར་གྱུར། དེའི་སྦྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། །བདག་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས་ཤར་ལྷོ་ནས་མེ་ལྷ་འཁོར་བཅས་སྤྱན་དྲངས་པར་བསམ་ལ། ལག་གཡས་མི་འཇིགས་པའི་ཕྱག་རྒྱ་དང་བཅས་པས་མཐེ་བོང་གཡབ་ཅིང༌། མདའ་དར་བཟུང་ལ། ཨོཾ། ཚུར་གཤེགས་ཚུར་གཤེགས་འབྱུང་པོ་ཆེ། །མེ་ལྷའི་རྒྱལ་པོ་དྲང་སྲོང་མཆོག །བསྲེག་བླུག་ཞལ་ཟས་བཞེས་སླད་དུ། །འབར་བའི་གདན་ལ་བཞུགས་སུ་གསོལ། །ཨོཾ་པཱ་བ་ཀ་ཨགྣེ་ཡེ་ཨ་གཙྪ་ཡ་མ་མཆོག་གི་སྐབས། ཤནྟིཾ་ཀུ་རུ་སྭཱ་ཧཱ། མདའ་དར་གཡབ། ཞེས་མདུན་གྱི་ནམ་མཁར་བཞུགས་པ་ལ་ལས་བུམ་གྱི་ཆུ་དང་ལས་སྔགས་ཀྱིས་བགེགས་སྤྲད། རྒྱས་པའི་སྐབས། ཨོཾ་བཛྲ་པུཥྟིཾ་ཀུ་རུ་ཨོཾ༔ དབང་གི་སྐབས། ཝ་ཤཾ་ཀུ་རུ་ཧོ༔ དྲག་པོ་ལ། གཙྪ་ཡ་སརྦ་ཤ་ཏྲུན་མཱ་ར་ཡ་ཕཊ༔ ཨངྐུ་ཤ་ཛ༔ ལྕགས་ཀྱུའྀ་ཕྱག་རྒྱས་བཀུག །ཨོཾ་བཛྲ་པཱ་ཤ་ཧཱུྃ༔ ཞགས་པའི་རྒྱས་བཀུག །ཨོཾ་བཛྲ་སྥོ་ཊ་བྃ༔ ལྕགས་སྒྲོག་གི་རྒྱས་གཉིས་མེད་དུ་བྱས། ཨོཾ་བཛྲ་གཎྜེ་ཧོཿ དྲིལ་བུའི་རྒྱས་དགྱེས་པ་བསྐྱེད། སྟོང་གསུམ་ཀུན་ཏུ་དྲི་མཆོག་འབྱུང་འགྱུར་བའི༔ སྤོས་དང་སྨན་སྦྱར་ཆུ་གཙང་དམ་པ་འདིས༔ མི་གཙང་དྲི་མའི་ཚོགས་རྣམས་དག་གྱུར་ཅིག༔ ཨོཾ་སྭཱ་བྷཱ་ཝ་ཤུདྡྷ་སྭཱ་ཧཱ༔ བདག་ཅག་མེ་ཏོག་སྤོས་རབ་དང་༔ སྦྱིན་བསྲེག་མཆོད་པ་འདི་འབུལ་གྱིས༔ བཞེས་ནས་བདག་ལ་དགྱེས་པར་མཛོད༔ ཨོཾ་བཛྲ་པུཥྤེ་པྲ་ཏིཙྪ་ཧོ༔ ནས་ཤབྡའི་བར་གྱིས་མཆོད། ཧཱུྃ༔ གཟི་བརྗིད་ཆེན་པོ་མེ་ཡི་ལྷ༔ འདོད་པ་ཐམས་ཅད་སྩོལ་མཛད་པ༔ བདག་གཞན་དོན་གྲུབ་ས་ལ་བཞུགས༔ འཛིན་བྱེད་མེ་ལྷ་ཉིད་ལ་འདུད༔ ཅེས་བསྟོད། བུམ་ཆུས་གཏོར་ཞིང༌། ཇི་ལྟར་བལྟམས་པ་སོགས་ཀྱི་མཐར། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ༔ ཕྱོགས་བཅུའི་སངས་རྒྱས་རྣམས་ཀྱི་ཐུགས་ཀ་ནས་དབང་གི་ལྷ་ཚོགས་བྱང་ཆུབ་སེམས་ཀྱིས་གང་བའི་བུམ་པ་ཐོགས་པ་སྤྲོས་ཏེ་དབང་བསྐུར། ཨོཾ་རཏྣ་ཨ་ལཾ་ཀཱ་ར་སྭཱ་ཧཱ༔ དེས་དེ་རྣམས་ཀྱི་རྒྱན་བཏགས་པར་བསམ། དེ་ནས་བྱོན་སྐྱེམས་ནི། མེ་ལྷ་ཞལ་འཛུམ་པ་དང་བཅས་པའི་ཅུང་ཟད་གདངས་པའི་ལྗགས་དང་གཟར་བུ་གཉིས་ཀྱི་ཁ་ལ་རཾ་ཡིག་འོད་ཟེར་གྱི་ཕུང་པོར་འབར་བས་མཚན་པས་སྲེག་བླུགས་ཀྱི་བདུད་རྩིའི་རྒྱུན་དྲངས་ཏེ་གསོལ་བར་བསམ་ལ། དྲག་པོའི་སྐབས་ཁྲོས་པའི་ཞལ་རབ་ཏུ་གདངས་པའི་ལྗགས་ཞེས་དམིགས་བསལ་ཁ་བསྒྱུར་དགོས། མཆན། ལག་གཉིས་དེ་བཞིན་གཤེགས་པའི་ཁུ་ཚུར་གྱིས་དགང་བླུགས་བཟུང་ནས། ཨོཾ་བི་མ་ལེ་ཨགྣ་ཡེ་སྭཱ་ཧཱ། ཞེས་གཡས་པའི་བླུགས་གཟར་བདུན་གྱིས་གཡོན་པའི་དགང་གཟར་བཀང་བའི་གཟར་བུ་ཁ་སྦྱར་པུས་མོའི་ཕྱིར་མི་འདའ་བས་གཡས་སུ་བསྐོར་ཞིང༌། ཨོཾ་པཱ་པ་ཀ་ཨགྣ་ཡེ་ཞེས་པའི་མཐར། བདག་ཅག་དཔོན་སློབ་ཡོན་མཆོད་འཁོར་དང་བཅས་པས་ཐོག་དྲངས་མཐའ་ཡས་པའི་སེམས་ཅན་ཐམས་ཅད་ཀྱི་ནད་གདོན་སྡིག་སྒྲིབ་འགལ་རྐྱེན་བར་ཆད་མི་མཐུན་པའི་ཕྱོགས་ཐམས་ཅད་ཤནྟིཾ་ཀུ་རུ་སྭཱ་ཧཱ། ཞེས་པ་ལྟ་བུ་སྤེལ་ཚིག་སྦྲེལ་བས་འཐུས། ཚུལ་དེ་ལྟར་ལན་གསུམ་དུ་འབུལ་ཞིང་མེ་པྲ་བརྟག །དེ་ནས་རྫས་རྣམས་ལས་ཞུ་བའི་རང་བཞིན་ཅན་རྣམས་ཞལ་དུ། ཡམ་ཤིང༌། དུརྺ། ཀུ་ཤ་སོགས་འོད་ཀྱི་དཀྱིལ་འཁོར་དང༌། ཞོ་ཟན་དང༌། ཏིལ་སོགས་ཕྱག་གིས་མཚོན་པར་འབུལ་བར་མོས་ཏེ། ལག་གིས་བཟུང་དུ་བཏུབ་པ་རྣམས་གཡས་པའི་མཐེབ་སྲིན་སྦྱར་བའི་མཆོག་སྦྱིན་གྱི་ཚུལ་དང༌། དེ་ལས་གཞན་པ་རྣམས་བླུགས་གཟར་གྱིས་འབུལ་ཞིང༌། འབུལ་སྔགས་དང་གོ་རིམ་ནི། ཡམ་ཤིང༌། ཨོཾ་བོ་ཤི་ཧསྟ་བཛྲ་སྭཱ་ཧཱ། གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤནྟིཾ་ཀུ་རུ་སྭཱ་ཧཱ། མར་ཁུ། ཨོཾ་བི་མ་ཨགྣ་ཡེ་སྭཱ་ཧཱ། འབྱོར་པ་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད༴ ཏིལ། ཨོཾ་སརྦ་པཱ་པཾ་ད་ཧ་ན་བཛྲ་ཡེ་སྭཱ་ཧཱ། སྡིག་པ་ཐམས་ཅད༴ ཞོ་ཟན་དང་ཟས་མཆོག །ཨོཾ་སརྦ་སཾ་བ་དེ་སྭཱ་ཧཱ། བདེ་བ་ཕུན་སུམ་ཚོགས་པ༴ འབྲས། ཨོཾ་བཛྲ་པུཥྟ་ཡ་སྭཱ་ཧཱ། བསོད་ནམས་ཕུན་སུམ་ཚོགས་པ་ལ༴ སོ་བ། ཨོཾ་བཛྲ་བི་ཛ་ཡ་སྭཱ་ཧཱ། ནོར་དང་འབྲུ་ཕུན་སུམ་ཚོགས་པ་ལ༴ ནས། ཨོཾ་མ་ཧཱ་བེ་ག་ཡ་སྭཱ་ཧཱ། ཤུགས་ཕུན་སུམ་ཚོགས་པ་ལ༴ སྲན་མ། ཨོཾ་མ་ཧཱ་བ་ལ་ཡ་སྭཱ་ཧཱ། སྟོབས་ཕུན་སུམ་ཚོགས་པ་ལ༴ གྲོ། ཨོཾ་བཛྲ་གྷསྨ་རི་ཡེ་སྭཱ་ཧཱ། ནད་མེད་པ་ཕུན་སུམ་ཚོགས་པ་ལ༴ དུརྦ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཚེ་རིང་བ་ཕུན་སུམ་ཚོགས་པ་ལ༴ ཀུ་ཤ། ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ། སྲུང་བ་ཕུན་སུམ་ཚོགས་པ་ལ༴ རྫས་གཞན་རྣམས་ལ། ཨོཾ་ཨ་ཧ་ར་ཨ་ཧ་ར་ཕུ་མེ་མ་ཧཱ་དར་བེ་ཤ་ཤཱནྟིཾ་ཀུ་རུ་སྭཱ་ཧཱ། ཞེས་བདུན་ལ་སོགས་པས་ཕུལ་བའི་མཐར་བདག་ཅག་དཔོན་སློབ་སོགས་གོང་བྱོན་སྐྱེམས་སྐབས་ལྟར་ཕུལ། དེ་དག་གི་སྐབས་སུ་དམིགས་པ་ནི་བདེ་གཤེགས་འདུས་པའི་རྩ་གཞུང་ལས། །སྲེག་རྫས་བདུད་རྩི་ཕུལ་བས་མེ་ལྷ་མཉེས་ཏེ༔ འོད་ཟེར་བྱུང་སྟེ་བདག་གི་ཐུགས་ཀར་ཕོག་པས༔ ལུས་ངག་ཡིད་གསུམ་གྱི་སྡིག་པ་བསྲེགས་སྟེ༔ སླར་འོད་ཟེར་ཆུ་རྒྱུན་ལྟ་བུའི་བཀྲུས་པར་བསམ་སྟེ༔ བཤང་བའི་ལམ་ནས་འཐོན་པར་བསམ་པའོ། ཡང་ན་མེ་ལྷའི་འོད་ཀྱིས་ལུས་ངག་ཡིད་གསུམ་གྱི་སྡིག་པ་ལ་སོགས་པ་སྙིང་ག་ནས་བརྩམས་བ་སྤུའི་བུ་ག་ཐམས་ཅད་ནས་བཏོན་ཏེ་རྫས་ལ་བསྟིམས་པས་མཆོད་པ་ནི་མན་ངག་གོ །དེ་བཞིན་དུ་ནད་དང་དགྲ་དང་འབྱུང་པོའི་ནད་ལ་སོགས་པ་ཐམས་ཅད་ལའང་སྦྱར་བར་བྱའོ། །གལ་ཏེ་སློབ་དཔོན་ལ་སོགས་པའི་ཆེད་དུ་བྱེད་ནའང་དེ་བཞིན་དུ་བྱའོ། །ཞེས་སྐབས་འདིར་སྤྲོ་ན་དངོས་གྲུབ་བླང་བའི་དོན་དུ་དགང་བླུགས་ཀྱང་འབུལ་བར་གསུངས་པས་རྟེན་འབྲེལ་དུ་བྲིས་འབུར་ཅི་རིགས་འབུལ་ན་ལེགས་ཤིང་མ་འབྱོར་ཀྱང་ཆད་སྐྱོན་མེད་དོ། །གང་ལྟར་ཡང༌། ཨཱ་ཀ་རོའི་སྔགས་ལན་གསུམ་གྱི་གཏོར་མ་འབུལ། སྐབས་འདིར་ཐབ་ཏུ་འབུལ་མི་དགོས། བསྟོད་པ་ནི། ཚངས་པ་འཇིག་རྟེན་མགོན་གྱི་སྲས༔ མེ་ལྷའི་རྒྱལ་པོ་དྲང་སྲོང་མཆོག༔ འབྱུང་པོ་ཡོངས་སུ་སྐྱོབས་པའི་ཕྱིར༔ ཐུགས་རྗེའི་དབང་གིས་སྐུར་སྤྲུལ་པ༔ རིགས་སྔགས་གྲུབ་པའི་དྲང་སྲོང་ཚུལ༔ ཉོན་མོངས་སྲེག་པའི་ཤེས་རབ་འོད༔ བསྐལ་པའི་མེ་བཞིན་གཟི་བརྗིད་འབར༔ མངོན་ཤེས་རྫུ་འཕྲུལ་ཞབས་དང་ལྡན༔ ཐབས་ཀྱིས་སྤྲུལ་པའི་ཐེག་པ་བཅིབས༔ བགྲང་ཕྲེང་འཛིན་ཞིང་རིག་སྔགས་གསུང་༔ བདུད་རྩིའི་བཅུད་ལྡན་གུནྡྷེ་བསྣམས༔ ཆོས་ཀྱི་བདུད་རྩི་ཡོངས་ལ་སིམ༔ ཉེས་པའི་སྐྱོན་བྲལ་ཚངས་པར་སྤྱོད༔ འཇིག་རྟེན་གནས་ཀྱང་མྱ་ངན་འདས༔ ཞི་བ་བརྙེས་ཀྱང་ཐུགས་རྗེ་ཆེ༔ དེ་ལ་བསྟོད་དེ་ཕྱག་ཀྱང་འཚལ༔ ཡིག་བརྒྱ་བརྗོད་ལ་ནོངས་པ་བཤགས། ཡུངས་ཀར་ཐབ་ཏུ་གཏོར་ལ། ན་མོ། རིག་པའི་རྒྱལ་པོ་ཁྱོད་ཀྱིས་ལས་ཐམས་ཅད་བྱེད་པས་བསྲེག་རྫས་ལྷ་ཡི་ཞལ་དུ་འབུལ་བ་དང༌། མེ་ཉིད་ཡེ་ཤེས་ཀྱི་མེར་བྱིན་གྱིས་བརླབས་ནས་བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཐོག་དྲངས་པའི་མཐའ་ཡས་པའི་སེམས་ཅན་ཐམས་ཅད་ཀྱི་རྒྱས་པའི་སྐབས་ཚེ་དང་བསོད་ནམས་ཡེ་ཤེས་ཐམས་ཅད་རྒྱས་པའི་ཕྲིན་ལས་མཛད་དུ་གསོལ། ཞེས་དང༌། དབང་ལ་འཁོར་དང་བཅས་པར་བརྟན་གཡོ་སྲིད་ཞིའི་ཡོན་ཏན་ཐམས་ཅད་ཝཱ་ཤཾ་ཀུ་རུ་ཧོཿ ཞེས་དང༌། དྲག་པོ་ལ། འཁོར་དང་བཅས་པ་ལ་གནོད་ཅིང་འཚེ་བའི་དགྲ་བགེགས་གདུག་པ་ཅན་ཐམས་ཅད་མཱ་ར་ཡ་ཕཊ། ཞི་བ་ལ། ནད་གདོན་སྡིག་སྒྲིབ་འགལ་རྐྱེན་མི་མཐུན་པའི་ཕྱོགས་ཐམས་ཅད་ཞི་བའི་ཕྲིན་ལས་མཛད་དུ་གསོལ། ཞེས་འདོད་དོན་གསོལ། ཨོཾ་ཨཱཿཧཱུྃ་མུྃཿ ཡེ་ཤེས་ཀྱི་མེ་ལྷ་ཐབས་ཀྱི་ཤར་ལྷོ་གཤེགས་པར་གྱུར། གཉིས་པ་འདས་པའི་མེ་ལྷ་མཆོད་པ་ལ། གཞལ་ཡས་ཁང་གདན་བཅས་བསྐྱེད་པ་ནི། ཀུ་ཤའི་འཐོར་གཡབ་ཀྱིས་བསང་ཆུ་འཐོར་ཞིང༌། ལས་སྔགས་ཀྱིས་བསང༌། སྭ་བྷཱ་ཝས་སྦྱངས། ཨཱཿ སྟོང་ཉིད་འོད་གསལ་དབྱིངས་ཀྱི་མཁའ༔ ཐིག་ལེ་ཆེན་པོའི་ཀློང་ཡངས་སུ༔ རིག་པའི་ཡེ་ཤེས་རང་སྣང་བ༔ ལས་ཀྱི་དངོས་གྲུབ་ཇི་སྙེད་ཀུན༔ མོས་པ་བཞིན་དུ་འབྱུང་བའི་གནས༔ མཚན་ཉིད་ཡོངས་རྫོགས་རྡོ་རྗེའི་ཐབ༔ གོས་དཀར་ཡུམ་གྱི་ངོ་བོ་ཉིད༔ དམ་ཚིག་མེ་ལྷའི་ལྟོ་བ་དང་༔ གཉིས་མེད་མེ་ལྕེ་འཁྱིལ་བའི་དབུས༔ བྷྲཱུྃ་ལས་དྲག་པོའི་གཞལ་མེད་ཁང་༔ ཞེས་པ་ནས། སྣ་ཚོགས་པདྨ་འདབ་བཞི་གསལ༔ ཞེས་པའི་བར་རྩ་བའི་ཕྲིན་ལས་ལྟར་རོ། །སྦྱིན་སྲེག་རྐྱང་པའི་སྐབས་བརྟེན་པ་ལྷ་བསྐྱེད་ནས་སྤྱན་འདྲེན་པ་ཡིན་མོད། འདིར་སྒྲུབ་མཆོད་དང་རྗེས་སུ་འབྲེལ་བའི་དབང་དུ་བྱས་ཏེ། ཧཱུྃ་ཧཱུྃ༔ བཞེངས་ཤིག་བླ་མ་ཡི་དམ་ལྷ་སོགས། ཨེ་ཨ་རལླི་ཧྲཱིཾ་ཧྲཱིཾ་ཕེཾ་ཕེཾ༔ ཞེས་པའི་བར་སྤྱན་འདྲེན་གྱི་ཚིག་བརྗོད་པ་དང་བསྟུན་ལས་རྡོར་གྱིས་ལྷ་སྔགས་རྣམས་བརྗོད་ཅིང་སྒྲུབ་དཀྱིལ་ལས་མེ་ཏོག་གིས་མཚོན་པར་སྤྱན་དྲངས་པ་སློབ་དཔོན་ལ་གཡས་སུ་བསྐོར་ཏེ་གཡོན་ཕྱོགས་ནས་ཕུལ་བ་ལས་མེ་ཏོག་ཐབ་ཏུ་དོར་བ་དང་མཉམ་དུ་ལྷ་སོ་སོའི་སྔགས་བརྗོད་མཐར་གསལ་གདབ་པ་ནི། བདེ་སྟོང་ཡེ་ཤེས་རྡོ་རྗེའི་སྔགས༔ ཞེས་པ་ནས། སརྦ་མཎྜ་ལ་མ་ཧཱ་སུ་ཁ་ཨཏྨ་ཀོ྅་ཧྃ༔ ཞེས་ཕག་མོ་རིགས་ལྔ། གནས་ཡུལ་གྱི་དཔའ་བོ་མཁའ་འགྲོ་ལས་དང་དམ་ཚིག་གི་ཌཱ་ཀིའི་བསྐྱེད་པའི་བར་དང༌། ཧཱུྃ༔ ཡན་ལག་བརྒྱད་དང་ལྡན་པ་ཡི་སོགས། ཧཱུྃ༔ བདེ་གཤེགས་ཀུན་གྱི་སོགས་ཀྱིས་བསྟོད་པའང་བྱ། དེ་ནས། དཀྱིལ་འཁོར་པ་དང་བཅས་པའི་ལྷ་ཐམས་ཅད་ལས། རྒྱས་པའི་སྐབས། གསེར་གཙོ་མ་སྐུའི་འོད་ཟེར་ཞིང་ཐམས་ཅད་དུ་ཁྱབ་པར་འཆར་བས་རྒྱས་པའི་ཕྲིན་ལས་མཛད་པ་ཞེས་བསྒྱུར། དབང་གི་སྐབས། རྗེས་སུ་ཆགས་པའི་འོད་ཟེར་དམར་པོ་བདུད་རྩིའི་ཟིལ་མངར་ཅན་ཞིང་ཐམས་ཅད་དུ་སྤྲཽ་བས་རབ་འབྱམས་དབང་གི་ཕྲིན་ལས་མཛད་པར་དམིགས། ཟླ་བ་ཆུ་ཤེལ་ལྟ་བུའི་འོད་ཟེར་དཀར་པོའི་ཕྲེང་བ་ཞིང་ཐམས་ཅད་དུ་ཁྱབ་པར་འཆར་བས་ཞི་བའི་ཕྲིན་ལས་མཛད་པར་བསམ། བྱོན་སྐྱེམས་ནི། དཀྱིལ་འཁོར་གྱི་ལྷ་རྣམས་ཞལ་འཛུམ་པ་དང་བཅས་པས་ཅུང་ཟད་གདངས་པའི་ལྗགས་རྡོ་རྗེ་དཀར་པོའི་རྣམ་པ་ཅན་དང༌། གཟར་བུ་གཉིས་ཀྱི་ཁ་ལ་ཧཱུྃ་ཡིག་འོད་ཟེར་གྱི་ཕུང་པོ་འབར་བས་མཚན་པས་སྲེག་བླུགས་ཀྱི་བདུད་རྩིའི་རྒྱུན་དྲངས་ཏེ་གསོལ་བར་བསམ་ལ། ཨོཾ་བྃ་བཛྲ་བྷཱ་ར་ཧེ་ཀྲོ་དྷཱི་ཀཱ་ལི་ཧ་རི་ནི་ས་ཨ་བཻ་ཤ་ཡ༔ ཞེས་རྩ་སྔགས་བདུན་གྱིས་དགང་ཞིང༌། མཐར། ཨ་བཻ་ཤ་ཡ་དྷཱ་ཀ་དྷཱ་ཀི་ནཱི་སརྦ་སིདྡྷི་ཧཱུྃ་ཧཱུྃ༔ ཞེས་ལན་གཅིག་སྦྱར་བས་ཕུལ། བདག་ཅག་དཔོན་སློབ་ཡོན་མཆོད་སོགས་སྤེལ་ཚིག་མེ་ལྷའི་སྐབས་ལྟར་སྦྱར། དེ་ནས་ཡམ་ཤིང་ལ་སོགས་པའི་རྫས་གཞན་རྣམས་རྩ་སྔགས་བྷཱ་ར་ཧིའི་མཐར། དྷཱ་ཀ་དྷཱ་ཀི་ནཱི་སརྦ་སིདྡྷི་ཧཱུྃ་ཧཱུྃ༔ ཞེས་ལྷ་སྔགས་ལན་རེའི་མཐར། ཨོཾ་བེ་ཤེ་ཧསྟ་བཛྲ་སྭཱ་ཧཱ། ཞེས་རྫས་སྔགས་བཅུ་སོགས་ཇི་ལྟར་རིགས་པ་སྦྱར་ནས་ཕུལ་ལ། སྤེལ་ཚིག་གོང་ལྟར་སྤྲེལ། ཚུལ་དེ་ལྟ་བུའི་རྫས་གཞན་རྣམས་ཀྱང་བརྒྱའམ་སུམ་ཅུ་ཉེར་གཅིག་སོགས་སྐབས་དང་བསྟུན་སྟེ་ཕུལ། བསྙེན་པ་སོགས་ཀྱི་ཁ་སྐོང་ལ། གསང་སྔགས་ཀྱི་ལྷག་ཆད་སོགས་བཟླས་པའི་ཉེས་སྐྱོན་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ཞེས་དམིགས་བསལ་དང༌། རྫས་ཏིལ་གཙོ་བོར་འབུལ་བ་སོགས་འདོད་གསོལ་དང་རྫས་མེ་སྐོང་སྐབས་ལྟར་འབུལ་ཀྱང་ལེགས། རྫས་རེ་དང་སྔགས་རེ་རེ་སྤེལ་ལ་འབུལ། སྔགས་ཉུང་ལ་རྫས་མང་བདག་གིས་སྤངས། རྫས་ཉུང་ལ་སྔགས་མང་བ་ནི་འགལ་བ་མེད་དོ་གསུངས། རྫས་རྣམས་རྫོགས་ནས་ལས་འཆོལ་བའི་ཚེ་བསབ་མི་དགོས། སྡིག་སྒྲིབ་ཐམས་ཅད་ཞི་བའི་ལས་མཛད་པར་བསམ་ལ་དམིགས་པའི་གསལ་སྣང་ལ་རྩེ་གཅིག་ཏུ་སེམས་འཛིན་པ་ནི་རྣོ་ལ་ངར་གྱིས་གདགས་པ་བཞིན་ནོ། །རྒྱས་པའི་སྐབས། ཐབ་ཀྱི་ལྷ་ཚོགས་རྣམས་ཀྱི་ཐུགས་ཀ་ནས་སྤྲོས་པའི་སངས་རྒྱས་རྣམས་ཀྱི་གསེར་གྱི་བུམ་པ་བདུད་རྩི་རིན་པོ་ཆེས་གང་བ་འཛིན་པས་ཟླ་བ་སེར་པོ་ལ་གནས་པའི་སྒྲུབ་བྱའི་སྟེང་ཕྱོགས་ནས་བདུད་རྩི་དང་རིན་པོ་ཆེའི་ཆར་བབ་པས་དེའི་ལུས་དང༌། ཁྱིམ་གང་སྟེ་ཚེ་དང་བསོད་ནམས་ནོར་དང་ལོངས་སྤྱོད་ཐམས་ཅད་རྒྱས་པར་བསམ། དབང་གི་སྐབས། ལྷ་ཚོགས་རྣམས་ཀྱི་སྐུ་ལས་འོད་ཟེར་དམར་པོ་ལྕགས་ཀྱུ་ལྟ་བུ་འཕྲོས་པས་གང་འདོད་པར་རང་དབང་མེད་པར་དབང་དུ་འདུས་པར་བསམ། དྲག་པོའི་སྐབས། ལྷ་ཚོགས་རྣམས་ལས་འོད་ཟེར་ནག་པོ་མེ་ལྕེ་ལྟ་བུ་འཕྲོས་པས་མཚོན་ཆའི་ཆར་བབ་པས་དགྲ་བགེགས་བརླག་པར་བསམ། སླར་ཡང་དགང་བླུགས་སྔར་བཞིན་འབུལ། ཨོཾ་བཛྲ་ཝཱསྟྲ་ཡ་སྭཱ་ཧཱ། ཞེས་གོས་གསར་པ་དང༌། ཨོཾ་བཛྲ་ཏམྦུ་ལ་ཡ་སྭཱ་ཧཱ། ཞེས་རྡོ་ཐལ་མེད་པའི་སོ་རྩི་འབུལ། གཏེར་གཞུང་གི་ཚོགས་བསྡུས་སྐབས་འདིར་སྦྱར་ཞིང་ཚོགས་ཕུད་ཐབ་ཀྱི་དཀྱིལ་དང༌། ལྷག་མ་ཐབ་ཀྱི་ཟུར་དུ་འབུལ། ནང་དང་གསང་བའི་ཚོགས་མཆོད་བྱས་པས་དེ་དང་དེའི་སྦྱིན་སྲེག་ཀྱང་ཞར་བྱུང་དུ་འགྲུབ་ཅིང་དགོས་པ་ཆེ་བར་གསུངས་པས། ཚོགས་ཀྱི་བདུད་རྩི་ཅུང་ཟད་རོལ་སྟེ། ཧོཿ སྙིང་དབུས་མི་ཤིག་ཐིག་ལེའི་ཀློང་༔ སྟོང་གསལ་འདུས་མ་བྱས་པའི་ཀློང་༔ དབྱིངས་ཀྱི་ཕོ་ཉ་འདུ་འབྲལ་མེད༔ ཡེ་ཤེས་མཁའ་འགྲོ་སྤྲིན་ལྟར་འཕྲོ༔ སྤྱི་བོར་ཛ་ལནྡྷ་ར་སོགས༔ རྩ་ཁམས་གནས་ཡུལ་དུར་ཁྲོད་དུ༔ འགྲོ་འོང་རླུང་གིས་ལས་ཀུན་བྱེད༔ བདེ་སྟོང་ཐིག་ལེ་དཀར་དམར་གཟུགས༔ དཔའ་བོ་དང་ནི་རྣལ་འབྱོར་མ༔ འབུམ་ཕྲག་ཡངས་པའི་ཚོགས་དང་བཅས༔ ཏིལ་གྱི་གོང་བུ་ཁ་བྱེ་ལྟར༔ སྣང་སྟོང་འོད་སྐུར་ཤིགས་སེ་ཤིག༔ ཨ་ཧྃ་སྔགས་ཀྱི་རང་སྒྲར་བཅས༔ བདེ་ཆེན་བདུད་རྩིའི་བསྲེག་བླུགས་རོལ༔ ཡུལ་དང་དབང་པོ་གཉིས་མེད་པར༔ དགྱེས་མཉམ་མཆོག་གི་མཆོད་པས་བསྐང་༔ ཐ་མལ་སྣང་ཞེན་ཉམས་ཆགས་བཤགས༔ རྩ་རླུང་ཐིག་ལེའི་བར་ཆད་སོལ༔ དགའ་བ་བཞི་ཡི་ཡེ་ཤེས་སྤོར༔ སྟོང་པ་བཞི་ཡི་འོད་གསལ་བསྐྱེད༔ ཐམས་ཅད་ཀ་དག་གཉུག་མའི་ངང་༔ ལྷུན་གྱིས་གྲུབ་པའི་མཆོག་དབང་བསྐུར༔ བཛྲ་དྷཱ་ཏུ་ཛྙཱ་ན་ལོ་ཀ་དྷཱ་ཀི་ནཱི་མཎྜ་ལ་མ་ཧཱ་སུ་ཁ་པཱུ་ཛ་ཧོཿ ཞེས་བརྗོད་ཅིང་བསམ། དྲོད་ཐོབ་པས་གསང་བའི་ཚོགས་འཁོར་རྡོ་རྗེའི་གླུ་གར་བཅས་དགོས་པར་གསུངས་ཀྱང་ཐུན་མོང་དུ་མ་ད་ན་དང༌། ཞུན་མར་ཅུང་ཟད་ཀྱི་སྐུ་མཉེས་སྙིང་གར་བྱུགས་ཤིང༌། ཧོཿ ཤེས་རབ་པདྨ་ཨེ་ཡི་དབྱིངས༔ ཐབས་ཀྱི་རྡོ་རྗེ་ཝྃ་ཡིག་གཟུགས༔ སྙོམས་འཇུག་བདེ་བའི་མཆོད་སྤྲིན་གྱིས༔ ཕུང་ཁམས་སྐྱེ་མཆེད་ཡེ་ཤེས་དབྱིངས༔ དཔའ་བོ་དང་ནི་རྣལ་འབྱོར་མ༔ ཟག་མེད་དགྱེས་པ་ཆེན་པོ་བསྐྱེད༔ སྣང་སེམས་འཕོ་བའི་བག་ཆགས་སྦྱོངས༔ ཟག་བཅས་ཐིག་ལེ་སྲེད་ཞེན་སྒྲོལ༔ རྒྱུ་འབྲས་གཉིས་སུ་མ་ཕྱེད་པའི༔ བཅུ་དྲུག་དགའ་བའི་ཕོ་ཉ་མོས༔ ལྷན་ཅིག་སྐྱེས་པའི་ཡེ་ཤེས་སྤེལ༔ དྭངས་མ་མི་ཤིག་གསུམ་ལྡན་གྱིས༔ འཇའ་ལུས་རྡོ་རྗེའི་གོ་འཕང་ལ༔ མངོན་པར་བྱང་ཆུབ་དངོས་གྲུབ་སྩོལ༔ མ་ཧཱ་སུ་ཁ་སིདྡྷི་ས་མ་ཡ་ཨ་ཧྃ༔ ཞེས་པའི་དོན་སྒོམ་ནས་མཐར་ཐུག་དེ་ཁོ་ན་ཉིད་དབྱིངས་རིག་དབྱེར་མེད་ཀྱི་ངང་དུ་མཉམ་པར་བཞག་པས་སོ་སོའི་དབང་པོའི་ཁྱད་པར་བཞིན་དངོས་དང་རྗེས་མཐུན་གྱི་དགོས་པ་དང་ཕན་ཡོན་ཐོབ་པར་འགྱུར་རོ། ཨོཾ་སརྦ་ཛྙཱ་ན་དྷཱ་ཀི་ནཱི་ས་པ་རི་ཝཱ་ར་བཛྲ་ཨརྒྷཾ་པྲ་ཏཱིཙྪ་སྭཱ་ཧཱ། ཞེས་སོགས་ཆུ་གཉིས་ཉེར་སྤྱོད་དང་བཅས་པས་མཆོད། བདེ་གཤེགས་ཀུན་གྱི་སྐུ་གསུང་ཐུགས་ཡོན་ཏན་སོགས་ཀྱིས་བསྟོད། མ་རྙེད་ཡོངས་སུ་མ་ཚང་དང་སོགས། ཡིག་བརྒྱས་ནོངས་པ་བཤགས། ཨོཾ། ཁྱེད་ཀྱིས་སེམས་ཅན་སོགས་དང༌། ཨོཾ་ཨཱཿཧཱུྃ་མཱུཾ་ཞེས་བརྗོད་ཅིང༌། སྒྲུབ་མཆོད་དང་སྦྲཻལ་ཚེ། དཀྱིལ་འཁོར་པའི་ལྷ་ཚོགས་སྒྲུབ་པའི་དཀྱིལ་འཁོར་དུ་གཤེགས་པར་བསམ་ཞིང༌། མཎྜལ་མེ་ཏོག་གིས་མཚོན་པར་སྒྲུབ་དཀྱིལ་ག་ལ་བར་སྤྱན་དྲངས། གཞལ་ཡས་ཁང་གདན་དང་བཅས་པ་རང་ལ་ཐིམ་པར་བསམ། སྲེག་རྐྱང་གི་སྐབས་སུ་ནི་ཡེ་ཤེས་པ་ཆོས་དབྱིངས་སུ་གཤེགས་ཤིང་དམ་ཚིག་པ་རང་ལ་བསྡུ། འོན་ཀྱང་བླ་མེད་མཐུན་མོང་མ་ཡིན་པའི་སྐབས་འདིར་དམ་དབྱེ་གཉིས་མེད་དབུགས་རྔུབ་པའི་སྦྱོར་བ་དང་བསྟུན་རང་ལ་བསྟིམ་པས་མི་ཤིག་པའི་ཐིག་ལེར་རོ་གཅིག་ཏུ་བསམ་ཀྱང་ལེགས་སོ། །གསུམ་པ་ནི། ལས་སྔགས་ཀྱིས་བསངས། །བཛྲ་ས་མཱ་ཛཿས་མེ་ལྷ་ཡེ་ཤེས་པ་སྤྱན་དྲངས། ཛཿཧཱུྃ་བྃ་ཧོཿ དམ་ཚིག་པ་དང་དབྱེར་མེད་དུ་གྱུར། དེ་ནས་དགང་བླུགས། མེ་ལྷ་ཞལ་ཅུང་ཟད་འཛུམ་པ་དང་བཅས་པས་སོགས་གཤེགས་སྐྱེམས་བདུན་ལྔ་གསུམ་གང་འོས་འབུལ། གོས་ཟུང་དང༌། སོ་རྩི་བཅས་འདས་པའི་མེ་ལྷའི་སྐབས་ལྟར་དང་རྫས་ལྷག་རྣམས་སོ་སོའི་སྔགས་ལྔའམ་གསུམ་རེའི་མཐར། ཨོཾ་བཱ་བ་ཀ་ཨགྣ་ཡེ་བདག་ཅག་དཔོན་སློབ་ཡོན་མཆོད་འཁོར་དང་བཅས་པས་ཐོག་དྲངས་མཐའ་ཡས་པའི་སེམས་ཅན་ཐམས་ཅད་ཀྱིས༔ རྫས་དང་ཡོ་བྱད་མ་ཚོགས་པ་དང་༔ ཏིང་འཛིན་མ་གསལ་བ་དང་༔ ཆོ་ག་ལྷག་པ་དང་༔ ཉམས་པ་དང་༔ ལྷ་གོང་འོག་ནོར་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ཞེས་སྦྱར་བས་འབུལ། རྫས་སོ་སོར་མི་ལྡང་ན་གཅིག་ཏུ་བསྡུས་ནས་འབུལ་ཀྱང་རུང་བར་གསུངས། སྦྱིན་སྲེག་གི་ཆོ་ག་རྒྱུན་དུ་བྱེད་ན་རྫས་ལྷག་བཞག་རྒྱུ་རུང༌། མི་བྱེད་ན་སྐབས་འདི་ཉིད་དུ་ཞིབ་པར་འབུལ་གསུངས་སོ། །མཐར། ཨོཾ་ཨགྣེ་དེ་ཝ་པུཥྤེ་ནས་ ཤབྡ་པྲ་ཏཱིཙྪ་ཧོཿ ཞེས་ཉེར་སྤྱོད་ཀྱི་མཆོད་ཅིང༌། མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །ཞེས་པས་བསྟོད། ཨ་ཀ་རོས་སྔར་སྨོས་པའི་གཏོར་མ་ཐབ་ཏུ་འབུལ། མཆོད་སྦྱིན་གཏོར་མ་འདི་བཞེས་ལ་སོགས་ཀྱིས་ཕྲིན་ལས་བཅོལ། མ་རྙེད་ཡོངས་སུུ་མ་ཚང་སོགས་ཀྱིས་ནོངས་པ་བཤགས། བདག་གི་དོན་དང་གཞན་གྱི་དོན། །སྒྲུབ་བྱེད་སྲེག་བྱ་ཟ་བ་གཤེགས། །ཇི་བཞིན་དུས་སུ་ཚུར་བྱོན་ལ། །བདག་གི་དངོས་གྲུབ་ཐམས་ཅད་སྒྲུབ། ཨོཾ་མཱུྃ༔ ཞེས་མེ་ལྷ་ཡེ་ཤེས་པ་རང་གནས་སུ་གཤེགས། །དམ་ཚིག་གི་མེ་ལྷ་རང་གི་སྙིང་གར་ཐིམ་པར་བསམ་ཞིང༌། དགེ་རྩ་བསྔོ་སྨོན་དང་ཤིས་བརྗོད་ཀྱིས་མཐའ་རྒྱས་སུ་བྱའོ། །དེ་ལྟར་སྦྱིན་སྲེག་བྱས་པའི་མེ་དཀྲུག་བརྡལ་སོགས་མི་བྱ་བར་རང་ཞིར་འཇུག །ལོང་སྐབས་མ་བྱུང་ན་འོ་མ་དང་དྲི་བཟང་གི་ཆུས་གཞིལ། ཐལ་སོལ་རྒྱ་མཚོར་འབབ་པའི་ཆུ་བོ་ཆེན་པོར་བསྐྱལ་ལོ། །གཉིས་པ་རྒྱས་པའི་སྦྱིན་སྲེག་ནི། ས་ཆོག་ཞི་བའི་སྐབས་ལྟར་སྔོན་དུ་འགྲོ་བས། ཚོང་འདུས་དང་རྒྱལ་པོའི་བང་མཛོད་ཀྱིས་སྟེགས་ལ། རྡུལ་ཚོན་སེར་པོའི་མདོག་ཅན་གྱི་ཐབ་བཅད་ཚོན་དུར་སྨྲིག་གིས་བྱས་པའི་སྟེང་དུ་རྟར་ག་དང༌། ཤུག་པ་སོགས་འབྲས་ཅན་མདོག་སེར་ཞིང་དྲི་བཟང་བ་འོ་མ་ཅན་གང་འབྱོར་གྱྀ་བུད་ཤིང་གྲུ་བཞི་པར་བརྩིགས། གུར་གུམ་གྱི་ཆབ་ཀྱིས་བྲན་པ་ཁྲུ་དོ་ཙམ་བརྩིགས། རྫས་སྤྱིར་སྔ་མ་ལྟར་ཚོགས་པ་དང༌། བྱེ་བྲག་ཏུ་ཚེ་རྒྱས་པ་ལ་དུརྦ། ཤེས་རབ་རྒྱས་པ་ལ་དྲི་བཟང་དང་ལྡན་པའི་མེ་ཏོག་སེར་པོ། བསོད་ནམས་རྒྱས་པ་ལ་ཟས་མཆོག །འབྱོར་པ་རྒྱས་པ་ལ་རས་དར་ཟབ་འབྲུ་སྨན། རིགས་བརྒྱུད་རྒྱས་པ་ལ་ཤིང་ཐོག །སྐྱོན་མེད་རྣམས་གང་རྒྱས་པར་འདོད་པ་དེ་གཙོ་བོར་བྱ། སྣོད་ཀྱང་རིན་པོ་ཆེའི་རིགས་སེར་པོ་དང་གྲུ་བཞི་བྱ། སྟེགས་ཁེབ་དང་སྒྲུབ་པོའི་ཆས་གོས་སེར་པོ་བྱ་བས་བཟང་པོའི་འདུག་སྟངས་ཀྱིས་ཁ་ལྷོར་ཕྱོགས་པར་འདུག །རྗེ་རིགས་ཀྱི་ཁྱིམ་ལས་བྱུང་བའམ་ནོར་བུ་ལས་བྱུང་བའི་མེ་སྦར། ཐབ་ལྷ་བསྐྱེད་སྐབས། ཧཱུྃ་ལས་རྒྱས་པའི་ཐབ་ཁུང་སེར་པོ་དབྱིབས་གྲུུ་བཞི་མུ་རན་ཁ་ཁྱེར་དང་བཅས་པའི་དབུས་སུ་འཁོར་ལོ་རྩིབས་བརྒྱད་པའི་ལྟེ་བར་རིན་པོ་ཆེ་སེར་པོ་དང༌། ཁ་ཁྱེར་དང་ཟུར་བཞིར་རིན་པོ་ཆེས་མཚན་པ་དྭངས་ཤིང་སྒྲིབ་པ་མེད་པའི་འོད་ཟེར་ཀུན་ཏུ་འཕྲོ་བ། རྒྱ་དཔངས་སོགས་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་མེ་ཡི་དཀྱིལ་འཁོར་གྲུ་གསུམ་པ་དང༌། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རྃ་སེར་པོ་ལས་དབྱུག་ཐོ་སེར་པོ་རྃ་གྱིས་མཚན་པར་གྱུར་ཏེ། དེ་ལས་མེ་ལྷ་སེར་པོ་དྲང་སྲོང་གི་ཆ་བྱད་ཅན་ཤ་སྐེམ་ཚངས་པའི་སྐུད་པ་སེར་པོ་དང་ལྡན་པ་སོགས་ལྷ་བསྐྱེད་ནས་བརྩམས་འཇིག་རྟེན་དང་འདས་པའི་མེ་ལྷ་མཆོད་ཚུལ་སྔར་ཞི་བའི་སྐབས་ལྟར་ལ། དམིགས་བསལ་གྱི་ཁ་བསྒྱུར་སྐབས་ཐོབ་མཆན་གྱིས་གསལ་བ་ལྟར་ཤེས་པར་བྱ་ཞིང༌། སྦྱིན་སྲེག་བྱས་པའི་མེ་དཀྲུགས་གདལ་སོགས་མི་བྱ་བར་རང་ཞིར་འཇོག །ལོང་མེད་ན་དྲི་སེར་པོའི་ཆུས་གཞིལ་ལ། ཐལ་སོལ་རྣམས་མཛོད་ཕུག་དང༌། གཙུག་ལག་གི་ཕུག་ཏུ་སྦ་བའོ། །གསུམ་པ་དབང་གི་སྦྱིན་སྲེག་ནི། ས་ཆོག་སྔོན་དུ་འགྲོ་བས་ཚོང་འདུས་དང་སྨད་ཚོང་མའི་གནས་ཀྱི་ས་ལས་བྱས་པའི་ཐབ་སྟེགས་གྲུ་བཞི་པར་རྡུལ་ཚོན་དམར་པོའི་བཅད་ཚོན་ཀྱང་དམར་སྐྱ་ལ་སོགས་པས་བྱ། ཙནྡན་དམར་པོ་དང༌། སེང་ལྡེང༌། འོ་སེ། མཛོ་མོ་ཤིང་སོགས་ཁ་དོག་དམར་ཞིང་རོ་སྐྱུར་བའི་ཤིང་ཟླ་གམ་དུ་ཁྲུ་གང་བརྩིགས། སྟེགས་ཁེབས་དང༌། སྒྲུབ་པ་པོའི་ཆས་གོས་ཁ་དོག་དམར་པོ་དང༌། སྣོད་ཀྱང་གཙོ་བོར་ཟངས་དང་དབྱིབས་ཟླ་གམ་ཅན་དུ་བྱ། དབང་གི་ལས་དམིགས་བསལ་ལ་ཙནྡན་དམར་པོའམ་ཟངས་ཀྱི་བྱང་བུར་གསེར་རམ་མཚལ་གྱིས་རྩ་སྔགས་ཤམ་བུར། ཨ་ནྲྀ་ཏྲི་དུང་དུང་ཛཿཛཿ ཆེ་གེ་ཝཱ་ཤཾ་ཀུ་རུ་ཧོ༔ ཞེས་བྲིས་པ་གང་མང་བསགས། རྫས་ཐམས་ཅད་ཁ་དོག་དམར་པོར་བཅོས། སློབ་དཔོན་ཁ་ནུབ་ཏུ་ཕྱོགས་པས་པད་སྐྱིལ་གྱིས་འདུག་ཅིང་ཆགས་པའི་སེམས་དང་སྒེག་ཉམས་བྱ། སྨད་ཚོང་གི་ཁྱིམ་ལས་བྱུང་བའི་མེ་དུ་བ་མེད་པས་སྤར། མེ་ལྷ་བསྐྱེད་སྐབས། ཧཱུྃ་ལས་དབང་གི་ཐབ་ཁུང་ཁ་དོག་དམར་ཞིང་དབྱིབས་ཟླ་གམ། མུ་རན་ཁ་ཁྱེར་དང་བཅས་པའི་དབུས་སུ་སྣ་ཚོགས་པདྨའི་ལྟེ་བར་ཨུཏྤལ་དམར་པོ་དང༌། ཁ་ཁྱེར་ལ་པདྨའི་ཕྲེང་བས་བསྐོར་ཞིང་གྲྭ་བཞིར་ཟླ་ཕྱེད་རྡོ་རྗེས་མཚན་པ། དྭངས་ཤིང་སྒྲིབ་པ་མེད་པའི་འོད་ཟེར་ཀུན་ཏུ་འཕྲོ་བ། རྒྱ་དཔངས་སོགས་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་མེའི་དཀྱིལ་འཁོར་གྲུ་གསུམ་པ་དང༌། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རྃ་དམར་པོ་ལས་དབྱུག་ཐོ་དམར་པོ་རྃ་གྱིས་མཚན་པར་གྱུར་སྟེ། དེ་ལས་མེ་ལྷ་དམར་པོ་དྲང་སྲོང་གི་ཆ་བྱད་ཅན་ཤ་སྐེམ་ཚངས་པའི་སྐུད་པ་དམར་པོ་དང་ལྡན་སོགས་ཞི་བའི་སྐབས་ལྟར་ལ། དམིགས་བསལ་གྱི་ཁ་བསྒྱུར་དཀྱུས་སུ་འཁོད་པའི་མཆན་ལྟར་དང༌། སྲེག་ཐལ་སྡོད་ལོང་ཡོད་ན་རང་ཞི། མེད་ཚེ་ཆང་དང་སྦྱར་བའི་ཆུས་གཞིལ། ཐལ་བ་རི་མཐོན་པོའི་རྩེར་རླུང་ལ་བསྐུར་བའི་ཁྱད་པར་དམིགས་སུ་བསལ་བའོ། །བཞི་པ་དྲག་པོའི་སྦྱིན་སྲེག་ནི། ས་ཡི་ཆོ་ག་དང་ལྡན་པས་དུར་ཁྲོད་བརྒྱད་དང་འཕུང་ཤུལ་ལས་བཅོས་པའི་ས་སྟེགས་གྲུ་བཞི་པའི་སྟེང་རྡུལ་ཚོན་ནག་པོ་བཅད་ཚོན་སྔོ་སྐྱས་བྱས་པའི་ཐབ་འདུ་བྱ། སྐྱེར་པ་ལ་སོགས་པའི་དུག་དང་ཚེར་མ་ཅན་གྱི་ཤིང་སོར་ཉི་ཤུ་པ་གྲུ་གསུམ་དུ་བརྩིགས། སྟེགས་ཁེབ་དང་སྒྲུབ་པ་པོའི་ཆས་གོས་ནག་པོ་དང༌། དྲག་པོའི་རྫས་བདུན་ནི། མེ་སྲོག་འཛིན་པའི་རྫས་སྐྱེར་པ་དང་ཚེར་མ་ཅན་གྱི་དྲག་པོའི་ཤིང་གི་ཡམ་ཤིང་ཟུར་གསུམ་སོར་བཅུ་གཉིས་པ་མར་ནག་དང་ཚིལ་ཞུན་གྱིས་སྦག་པ། རྩ་བའི་རྫས་འབྱོར་ན་དུག་ཤོག་ལ་དགྲ་བགེགས་ཀྱི་རཱུ་པ། མིང་རུས་བླ་དྭགས་གནད་ཡིག་དང་བཅས་པ་དྲུག་ཅུ་རྩ་བཞི་སོགས་གྲངས་ལྡན། དྲག་པོའི་རྫས་ཤ་སྣ་བག་ཕྱེ་བསྲེས་པའི་རིལ་བུ་མིང་རུས་ཅན། གནད་དབབ་རྫས་སྦལ་སྦྲུལ་ཉ་ཁྱི་ལ་སོགས་པའི་ཤ་དུག་སྣ་དང་བསྲེས་པའི་རིལ་བུ་བཅས། གསོད་པའི་རྫས་ལྕགས་ཟངས་རྡོ་རྗེའི་ཕྱེ་མ། མྱོས་པའི་རྫས་མར་ནག་མོ་མནོལ་གྱི་ཁྲག་དང་སྦྱར་བ། ཚ་བའི་རྫས་ཏིལ་དང་ཡུངས་ཀར་ཚ་བ་གསུམ་བཅས། ལྕགས་ཀྱི་སྣོད་གྲུ་གསུམ་པ་འབའ་ཞིག་བྱ། ལྕགས་དང་རྡོ་ཕྱེ་ཤ་ཆེན་གྱིས་སྦག་པའི་གཏོར་མ་གྲུ་གསུམ་རོ་སོལ་གྱིས་ནག་པོ་བྱས་པ་དང༌། དྲག་པོའི་ཉེར་སྤྱོད་ཀྱང་བཤམས། མཆོད་སྲེག་གི་རྫས་གཡས་གཡོན་མགོ་ལྡོག་ཏུ་བཀོད། སློབ་དཔོན་ཁ་བྱང་དུ་ཕྱོགས་བས་རུས་སྦལ་གྱིས་འདུག་སྟངས་དང་ཁྲོ་ཞིང་འཚིགས་པའི་སེམས་བྱ། ཤན་པའམ་དུར་ཁྲོད་ལས་བྱུང་བའི་མེ་སྦར་ལ། ལྷ་བསྐྱེད་སྐབས། ཧཱུྃ་ལས་དྲག་པོའི་ཐབ་ཁུང་ནག་པོ་དབྱིབས་གྲུ་གསུམ་མུ་རན་ཁ་ཁྱེར་དང་བཅས་པའི་ལྟེ་བར་རྡོ་རྗེ་རྒྱ་གྲམ་རྭ་གདེང་བ་ཅན་གྱི་ཁ་ཁྱེར་དང་ཟུར་བཞིར་རལ་གྲིས་མཚན་པ། དྭངས་ཤིང་སྒྲིབ་པ་མེད་པའི་འོད་ཟེར་ཀུན་ཏུ་འཕྲོ་བ། རྒྱ་དཔངས་སོགས་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་མེའི་དཀྱིལ་འཁོར་གྲུ་གསུམ་པ་དང༌། མ་ལས་ཉི་མའི་དཀྱིལ་འཁོར་གྱི་སྟེང་དུ་རྃ་ནག་པོ་ལས་དབྱུག་ཐོ་ནག་པོ་རྃ་གྱིས་མཚན་པར་གྱུར་སྟེ་དེ་ལས་མེ་ལྷ་ནག་པོ་དྲང་སྲོང་གི་ཆ་བྱད་ཅན། ཤ་སྐེམ་རོ་སྐྲའི་ཚངས་སྐུད་ནག་པོ་དང་ལྡན་པ་སོགས་སྔ་མ་རྣམས་ལྟར། འདོད་གསོལ་རིགས་ཁ་བསྒྱུར་བཅས་བྱ་ཞིང༌། ལོང་སྐབས་ཡོད་མེད་གང་ལྟར་ཡང༌། མེ་དུག་ཁྲག་གིས་གཞིལ་ཏེ་ལམ་གྱི་བཞི་མདོར་མནན་པའི་ཁྱད་པར་རོ། །ལྔ་པ་མཆོག་གི་དངོས་གྲུབ་གཙོ་བོར་བྱེད་པ་ལ་རྒྱལ་རྫས་འདོད་གསོལ། བསྐྱེད་ཆོག་རྣམས་རྒྱས་པ་དང་མཚུངས་ཤིང༌། ཁྱད་པར་གྱི་རྫས་བདུད་རྩི་ཆོས་སྨན་དང་མཱ་ད་ན་སིནྡྷུ་ར་རྣམས་བསྲེས་པའི་ཟས་མཆོག་ལ་གཙོར་བྱ་གསུངས་སོ། །དེ་ལྟར་བཤད་ཉིད་རྡོ་རྗེ་ཕག་མོ་རྩ་བའི་དཀྱིལ་འཁོར་གྱི་ལྷ་སྔགས་ལ་སྦྱར་ཚུལ་ཡིན་ཀྱང་ཀུན་མཁྱེན་རྡོ་རྗེ་གཟི་བརྗིད་མཆོག་གི་ཞལ་ནས་སྤྱིར་ཕག་མོ་རིགས་གང་ལ་བསྟེན་ཀྱང་ལས་ཐམས་ཅད་སྒྲུབ་ཏུ་རུང་མོད་གཙོ་བོར་ཕག་མོ་དཀར་མོ་ཞི་བ། སེར་མོས་རྒྱས་པ། དམར་མོས་དབང༌། ལྗང་མོས་དྲག་པོ། ནག་མོས་ལྷ་མཆོག་གི་ལས་ལ་སྦྱར་བས་ལེགས་ཤིང༌། ཞེས་གསུངས་པ་ལྟར་ལྷ་སྔགས་རིགས་ལྔའི་མཁའ་འགྲོའི་སོ་སོའི་ཕྲིན་ལས་དང་སྔར་ལྟར་ཕུལ་ཀྱང་རིགས་དང་ལྷ་ཡི་ངེས་པས་ཆེས་ཟབ་ཅིང་མྱུར་ཕྱིར་སྐལ་ལྡན་དག་གིས་འདོད་ན་ཆོ་གའི་སྤྱི་ཆིངས་འདི་ཉིད་ཀྱིས་ཁོག་ཕུབ་ནས་སྒོས་བཀའ་སོ་སོར་སྦྱོར་ཆོག་པ་ཡོད་དོ། །སྤྱྀར་བཀའ་གཏེར་ཀུན་ནས་ཕྲིན་ལས་ཀྱི་རྩ་བ་མཁའ་འགྲོ་དང༌། ལས་ཀྱི་རྣོ་འདོན་སྲེག་བླུག་གི་ཆོ་ག་འདི་ཉིད་ཆེད་དུ་བསྔགས་ཤིང་བསྟན་པས་འདི་གཉིས་ཀ་ཚང་བས་ལྷག་པར་ཟབ་འགྱུར་ཆེ་བའི་རྒྱུ་མཚན་གྱིས་སྒྲུབ་པ་ཆེན་པོའི་སྐབས་སུ་ཉིན་དང་པོའི་སྐབས་དྲག་པོའི་སྦྱིན་སྲེག །ཉིན་གསུམ་པ་ལ་དབང༌། དངོས་གྲུབ་ལེན་པའི་སྔ་རོལ་དུ་རྒྱས་པ། བདུད་རྩི་སྒྲུབ་པའི་སྐབས་ལྟ་བུར་མཆོག །གྲོལ་རྗེས་ཞི་བ་བཅས་ཕྱག་བཞེས་སུ་བསྟར་ན་ལེགས་པའི་ཡན་ལག་ཏུ་འགྱུར་རོ། །རང་བྱུང་ལྷན་སྐྱེས་ཡེ་ཤེས་ཆེས་མྱུར་མེས། །འཁྲུལ་རྟོག་བུད་ཤིང་ཟོས་དང་ལྷན་ཅིག་པར། །དངོས་གྲུབ་སྣང་བ་སྦྱིན་པའི་ཆོ་གའི་ཚུལ། །བརྩམས་འདིས་ལས་ཀུན་འདོད་རྒུར་དབང་བྱེད་ཤོག །ཅེས་རྡོ་རྗེ་ཕག་མོ་མཁའ་འགྲོ་གསང་བ་ཀུན་འདུས་ཀྱི་ལས་བཞིའི་སྦྱིན་སྲེག་གི་ཆོ་ག་རབ་འབྱམས་ཕྲིན་ལས་སྣང་བའི་ཉིན་བྱེད་ཅེས་བྱ་བ་འདི་ཡང་མཁྱེན་བརྩེའི་བདག་ཉིད་དཔལ་ཡུལ་རྨུགས་སངས་མཆོག་སྤྲུལ་རིན་པོ་ཆེའི་དབུ་རུ་བྱང་ཕྱོགས་དོ་སྐྱ་དགོན་པ་ཆོས་སྐུ་འོད་འབར་གླིང་དུ་དོ་སྐྱ་མཆོག་སྤྲུལ་རིན་པོ་ཆེའི་བདག་རྐྱེན་ལས་ཟབ་གསང་རྡོ་རྗེའི་གསེང་ལམ་གྱི་སྒྲུབ་ཆེན་གཏན་འཇགས་གནང་བའི་སྐབས་གསུང་གི་ནན་ཏན་དུ་བསྐུལ་ཞིང༌། བྲི་གཞིའི་ཤོག་དཀར། ལྷ་རྫས་ཀྱི་རྟེན་དང་བཅས་བསྩལ་བས་སྦྱིན་སྲེག་གི་ཆོ་ག་རྒྱས་པའི་ལས་འགྲིགས་སུ་འཇིགས་མེད་མཁྱེན་བརྩེའི་འོད་ཟེར་རང་བྱུང་འོད་གསལ་ཐུགས་མཆོག་རྡོ་རྗེས་རང་ལོ་ཞེ་བརྒྱད་པ་ནག་ཟླའི་དཀར་ཕྱོགས་ཀྱི་དགའ་བ་དང་པོར་དབུས་འགྱུར་འཆང་གི་གཙུག་ལག་ཆེན་པོའི་ཤར་ཕྱོགས་ལྷུན་གྲུབ་མེ་ཏོག་ལྡུམ་རའི་གཟིམས་ཤག་ཏུ་རྫོགས་པར་སྦྱར་བས་དགེ་ལེགས་སུ་གྱུར་ཅིག། །།

[edit]

@#/__/mkha' 'gro gsang ba kun 'dus las/__las bzhi'i sbyin sreg rab 'byams phrin las snang ba'i nyin byed zhes bya ba bzhugs so//__// @#/__/rdo rje nyi mas 'khrul rtog mun bsal ste/__/ye shes snang bas dngos grub kun dga'i skyes/__/sbyin mdzad bla ma rdo rje rnal 'byor mar/__/btud nas phrin las bzhi yi sreg blug spel/__/de yang snying po'i rgyud las/__dbyibs dang kha dog mtshan ldan par/__/zhal du gyur pa'i me bus la/__/bza' btung bro ba'i tshogs rnams kyis/__/las bzhi'i mchod pa rab tu sbyin/__/zhes gsungs pa'i don phrin las kyi rtsa ba mkha' 'gro kun 'dus rdo rje phag mo'i lha sngags la brten pa'i las bzhi'i sbyin sreg ji ltar bya ba'i tshul la gsum/__sngon 'gro/__dngos gzhi/__rjes so/__/dang po ni/___las lnga char gyi sngon 'gror sa yi cho ga bya ba ste/__so so'i dus skabs la bab pa dang*/__las gang yang rung bar bsngags shing rung ba'i gnas su dkar gtor dang*/__gser skyems bshams la/__rgyun gyi rnal 'byor phyag rgya gcig pa'i bskyed bzlas sam/__rang nyid skad cig gis rdo rje phag mo khros ma nag mo'i skur gyur/__oM badz+ra b+hA ra he kro d+hI kA li ha ri ni sa a bai sha ya:__zhes brgya rtsa tsam bzlas pas nga rgyal bzung la/__ra~M ya~M kha~M/__stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/__oM AHhU~M gis byin gyis brlabs/__/b+hU mi pa ti sa pa ri wA ra badz+ra sa ma dzaHsa spyan drangs/__b+hU mi pa ti sa pa ri wA ra a kA ro sogs gsum gyis gtor ma bsngos la/__gang dag 'dir gnas lha dang klu/__/gnod sbyin srin po'am gzhan dag la/__/dkyil 'khor don du sa phyogs 'di/__/bdag zhu khyed kyis stsal du gsol/__/sarba b+hU ta gats+tshas gnang zhing rang gnas gzhi der thim par bsam la gser skyems dang gtor ma phyi rol du gtsang sar phul/__slob dpon gyis rdo rje dang bcas pa'i thal mo sa la reg pas rtsa sngags brgya rtsa brgyad dang*/__oM ha na ha na kro d+hA hU~M phaT:__lan bdun bzlas la kun rdzob kyis sbyang ba dang*/__chos thams cad rang bzhin med par shes pa'i chos nyid la dran par bzhag nas/__shu n+ya tA'i sngags brjod pas don dam gyis sbyangs ba'o/__/gnyis pa la lnga las/__dang po zhi ba'i sbyin sreg la/__cho gar ma gtogs pa'i sbyor ba dang*/__cho gar gtogs pa'i sbyor ba'o/__/dang po ni/__zla ba yar ngo bkra shis pa'i nyi ma'i drod kyi cha la shis pa'i sa la 'jam zhing khod snyoms pa'i stegs bu dkar po khru gang las mi chung ba gru bzhi pa byas pa'i ngogs su rdul tshon kha dog dkar pos chos 'byung bsnol ma rdo rwa me ri dang bcas pa'i lte bar pad+ma 'dab ma bzhi pa'i dbus su ba~M yig rigs kyi kha dog can dang*/__'dab ma 'bum phrag yangs pa'i mkha' 'gro'i srog gi mtshon byed ha ri ni sa'i yig 'bru bzhi 'god/__bcad tshon kyang dmar skya las nag po sogs tshon sel gyis ma phog par gal che/__thab kyi khar bal bu/__lcang ma/__'om bu sogs 'o ma can gyi bud shing ngam/__ba yi lci ba kha khyer cha zlum por brtsegs la tsan+dan dkar po'i chu 'o ma dang sbyar bas bran/__shar lhor me tshang bca'/__thab stegs kyi grwa bzhir mda' bzhi btsugs pa srad bu dkar po las so so la rang mdog dgos mchan/__bsnol mar sprel ba la dar dkar pos dgab/__de'i shar lho'i zur du mda' dar dmar po gzug__/de dang nye bar rang gi mdun du dgang blugs kha sbyar la rdor dril thod rnga/__bsang chu/__me tog gi snod thugs dam bskul ba'i rdzas yungs kar sogs dang*/__rang gi g.yas su sman gtor rak+ta nyer spyod/__'bras mchan dngul gyi me tog dkar po rnams bsres pa'i mar dkar gyi gtor zlum ril bus bskor ba dang*/__tshogs kyi yo byad/__g.yon du bsregs rdzas mar khu/__las mthun gyi yam shing mtho gang ba'i rtser mngar gsum dang mar khus sbags pa dang*/__de bzhin du mngar gsum sbyar ba'i zhun mar dang*/__khyad par gyi rdzas til dkar po dang*/__gur gum 'o mar bcas pa'i zho zan/__'bras ma grug pa dang*/__so ba gra ma med pa dang*/__nas dang*/__sran ma dang*/__gro dang*/__dur+Wa dang*/__ku sha dang*/__gzhan yang bshal sman dang*/__dug rigs ma yin pa'i rin chen 'bru sman sna tshogs sbyar ba rnams 'jig rten pa dang*/__'jig rten las 'das pa'i rim pas nyis rim du 'god/__spros pa la dga' na dar dkar gyi na bza' dang*/__shel gtso bor gyur pa'i rin po che dkar po'i rgyan gyis spras pa'i chas zhugs dang*/__sgrub pa po kha shar du phyogs pas sems skyil gyis ku sha sogs gtsang zhing 'jam pa'i stan la dang ba'i sems gyis 'khod do/__/gnyis pa ni/__brgyud 'debs skyabs sems nas brtsams bzlas pa mchod bstod bar bdag bskyed rgyas bsdus ji ltar rigs pa bya/__rab gnas dang sgrub mchod 'brel ba'i tshe/__oM ba~M badz+ra b+hA ra he kro d+hI kA li ha ri ni sa a bai sha ya:__zhes brjod pas/__rang nyid dkyil 'khor gyi gtso bo las mar me gcig las gnyis mched kyi tshul du bcom ldan 'das rdo rje phag mo khros ma nag mo gnyis pa'i rnam pas thon nas sbyin sreg gi las rim la 'jug par mos la/__bsang chu sgrub pa las byang ltar rgyas pa'am/__bsdu na/__oM sa karma d+hA ki ni hU~M phaT:__cung zad bzlas pas bgegs bsang ba'i nus pa dang ldan par byin gyis rlabs/__rdor dril/__oM ma hA badz+ra hU~M zhes pas rdo rje snying gar gsor/__oM badz+ra gaN+De AHsa dril bu dkur brten/__oM sarba ta thA ga ta ma hA a nu rA ga Na badz+ra sA b+hA wa at+ma ko\u0f85 ha~M gis rdor dril bsnol ma'i 'khyud rgya dang bcas dam tshig gsum bzung*/__gnyis pa dngos gzhi la/__thog mar mchod bsreg gi rdzas rnams bsang chus 'thor te/__mchod rdzas byin rlabs ni/__hU~M:__gnas khang dur khrod chen po'i gzhal yas khang :__ye shes bkod pa 'byams klas 'od 'bar dbus:__nyer spyod 'dod yon drag po'i nyer spyod kun:__bde stong mchod pa'i phyag rgya chen por gyur:__oM badz+ra ar+g+haM pA d+yaM puSh+pe d+hU pe a lo ke gan+d+he nai bi d+ya shab+da pany+tsa kA ma gu Na d+harma d+ha tu sarba pU dza hU~M:__zhes phyi mchod dang*/__oM hU~M trA~M hrI AH__mU~M lA~M mA~M pA~M tA~M sarba pany+tsa a mr-i ta kuN+Da li hU~M hrI Tha:__oM AHhU~M ma hA ka pA la rak+ta dz+wa la maN+Da la hU~M hrI Tha:__oM AHhU~M ma hA ba ling ta sarba karma gu h+ya sa ma ya hU~M hrIHTha:__nang mchod sngags rnams so sor lan gsum res byin gyis brlabs/__bsreg rdzas rnams bdud rtsis bran la rdo rje rtse gcig pa'i phyag rgyas reg cing*/__oM oM swA hA/__phyag rgya de nyid kyis yam shing la/__oM AHswA hA/__zhun mar la/__oM shrIM swA hA/__'bru rnams la/__oM dziM swA hA/__rdzas gzhan rnams la/__oM ku ru ku ru swA hA/__rdzas rnams kyi ma dag pa'i nyes skyon thams cad sbyangs te stong par gyur/__stong pa'i ngang las rdzas rnams rang rang gi ming yig dang po thig les brgyan pa las byung ba'i bdud rtsi'i bcud mtshan nyid thams cad yongs su rdzogs pa so so'i las sgrub pa la thogs pa med pa'i nus pa dang ldan par bsam la/__oM AHhU~M/__oM hU~M swA a~M ha/__zhes lan bdun dang*/__oM bi ma la ag+na ye swA hA/__zhes sogs rdzas sngags rnams lan gsum gsum brjod pas byin gyis brlab/__gtsub shing las byung ba'am dge 'dun gyi tshang mang las byung ba'i me du ba med pa'i dpal 'bar thal mo sbyar ba'i bar du bzung ste g.yas su bskor zhing sbar la/__oM badz+ra dz+nyA na DA ki ni dz+wa la ra~MH__lan gsum rlung g.yab kyis g.yab cing*/__hU~M hU~M hU~M zhes brjod/__hU~M lan bdun bzlas pa'i blugs gzar gyis mar khus kyang gso bar bya'o/__/de nas ku sha sngo ljang dri ma med pa la las bum gyi chus bran te/__oM a mr-i ta kuN+Da li sarba big+h+nAn sha ya hU~M phaT/__ces bsangs la/__oM/__ku sha 'di ni gtsang zhing dge__/tshangs pa lha rnams dag byed yin/__/dkon mchog gsum ni mnyes byed pa/__/sa las skyes pa 'dab ma'i snying*/__/bdag gi bgegs rnams thams cad ni/__/zhi dang bkra shis mdzad du gsol/__/swA hA zhes brjod de/__ku sha gnyis gnyis rtse mo gshibs pa dag sgrub pa po'i g.yon ngos kyi thab kyi kha khyer nas rtse mo shar lho nub byang du bstan pa dgram zhing rgyab ma rnams kyi rtse mo mdun ma rnams kyi rtsa bas non par bya zhing*/__slar thab tu rtse mo shar du bstan pa'i ku sha ba lang gi rna ba lta bu ha cang mi ring bas g.yogs so/__/de nas thab bsang sbyangs/__stong pa'i ngang las hU~M las zhi ba'i thab khung kha dog dkar zhing dbyibs zlum pa/__mu ran kha khyer dang bcas pa'i dbus su sna tshogs pad+ma'i lte bar rdo rje rtse lnga pa dang*/__kha khyer la rdo rje'i phreng bas bskor zhing grwa bzhir zla phyed rdo rjes mtshan pa/__dwangs shing sgrib pa med pa'i 'od zer kun tu 'phro ba rgya dpangs sogs mtshan nyid thams cad yongs su rdzogs pa'i nang du me yi dkyil 'khor gru gsum pa dang*/__a las zla ba'i dkyil 'khor gyi steng du raM dkar po las dbyug tho dkar po raM gyis mtshan par gyur te/__de las me lha dkar po drang srong gi cha byad can/__sha skem pa/__tshangs pa'i skud pa dkar po dang ldan pa/__zhal gcig phyag bzhi pa/__g.yas dang po dbyug to/__gnyis pa na bgrang phreng*/__g.yon dang po na ril ba spyi blugs/__g.yon gnyis pa skyabs sbyin gyi phyag rgya bcas drang srong gi tshogs kyis yongs su bskor bar gyur/__de'i sbyi bor oM dkar po/__mgrin par AHdmar po/__thugs kar hU~M sngon po/__/bdag gi thugs ka nas 'od zer lcags kyu lta bu 'phros pas shar lho nas me lha 'khor bcas spyan drangs par bsam la/__lag g.yas mi 'jigs pa'i phyag rgya dang bcas pas mthe bong g.yab cing*/__mda' dar bzung la/__oM/__tshur gshegs tshur gshegs 'byung po che/___/me lha'i rgyal po drang srong mchog__/bsreg blug zhal zas bzhes slad du/__/'bar ba'i gdan la bzhugs su gsol/__/oM pA ba ka ag+ne ye a gats+tsha ya ma mchog gi skabs/__shan+tiM ku ru swA hA/__mda' dar g.yab/__zhes mdun gyi nam mkhar bzhugs pa la las bum gyi chu dang las sngags kyis bgegs sprad/__rgyas pa'i skabs/__oM badz+ra puSh+tiM ku ru oM:__dbang gi skabs/__wa shaM ku ru ho:__drag po la/__gats+tsha ya sarba sha trun mA ra ya phaT:__ang+ku sha dza:__lcags kyu'-i phyag rgyas bkug__/oM badz+ra pA sha hU~M:__zhags pa'i rgyas bkug__/oM badz+ra s+pho Ta ba~M:__lcags sgrog gi rgyas gnyis med du byas/__oM badz+ra gaN+De hoH__dril bu'i rgyas dgyes pa bskyed/__stong gsum kun tu dri mchog 'byung 'gyur ba'i:__spos dang sman sbyar chu gtsang dam pa 'dis:__mi gtsang dri ma'i tshogs rnams dag gyur cig:__oM swA b+hA wa shud+d+ha swA hA:__bdag cag me tog spos rab dang :__sbyin bsreg mchod pa 'di 'bul gyis:__bzhes nas bdag la dgyes par mdzod:__oM badz+ra puSh+pe pra tits+tsha ho:__nas shab+da'i bar gyis mchod/__hU~M:__gzi brjid chen po me yi lha:__'dod pa thams cad stsol mdzad pa:__bdag gzhan don grub sa la bzhugs:__'dzin byed me lha nyid la 'dud:__ces bstod/__bum chus gtor zhing*/__ji ltar bltams pa sogs kyi mthar/__oM sarba ta thA ga ta a b+hi She ka ta sa ma ya shrI ye hU~M:__phyogs bcu'i sangs rgyas rnams kyi thugs ka nas dbang gi lha tshogs byang chub sems kyis gang ba'i bum pa thogs pa spros te dbang bskur/__oM rat+na a laM kA ra swA hA:__des de rnams kyi rgyan btags par bsam/__de nas byon skyems ni/__me lha zhal 'dzum pa dang bcas pa'i cung zad gdangs pa'i ljags dang gzar bu gnyis kyi kha la raM yig 'od zer gyi phung por 'bar bas mtshan pas sreg blugs kyi bdud rtsi'i rgyun drangs te gsol bar bsam la/__drag po'i skabs khros pa'i zhal rab tu gdangs pa'i ljags zhes dmigs bsal kha bsgyur dgos/__mchan/___lag gnyis de bzhin gshegs pa'i khu tshur gyis dgang blugs bzung nas/__oM bi ma le ag+na ye swA hA/__zhes g.yas pa'i blugs gzar bdun gyis g.yon pa'i dgang gzar bkang ba'i gzar bu kha sbyar pus mo'i phyir mi 'da' bas g.yas su bskor zhing*/___oM pA pa ka ag+na ye zhes pa'i mthar/__bdag cag dpon slob yon mchod 'khor dang bcas pas thog drangs mtha' yas pa'i sems can thams cad kyi nad gdon sdig sgrib 'gal rkyen bar chad mi mthun pa'i phyogs thams cad shan+tiM ku ru swA hA/__zhes pa lta bu spel tshig sbrel bas 'thus/__tshul de ltar lan gsum du 'bul zhing me pra brtag__/de nas rdzas rnams las zhu ba'i rang bzhin can rnams zhal du/__yam shing*/__dur+Wa/___ku sha sogs 'od kyi dkyil 'khor dang*/__zho zan dang*/__til sogs phyag gis mtshon par 'bul bar mos te/___lag gis bzung du btub pa rnams g.yas pa'i mtheb srin sbyar ba'i mchog sbyin gyi tshul dang*/___de las gzhan pa rnams blugs gzar gyis 'bul zhing*/__'bul sngags dang go rim ni/__yam shing*/__oM bo shi hasta badz+ra swA hA/__gzi brjid phun sum tshogs pa la bar du gcod pa thams cad shan+tiM ku ru swA hA/__mar khu/__oM bi ma ag+na ye swA hA/__'byor pa phun sum tshogs pa la bar du gcod pa thams cad=__til/__oM sarba pA paM da ha na badz+ra ye swA hA/__sdig pa thams cad=__zho zan dang zas mchog__/oM sarba saM ba de swA hA/__bde ba phun sum tshogs pa=__'bras/__oM badz+ra puSh+ta ya swA hA/__bsod nams phun sum tshogs pa la=__so ba/__oM badz+ra bi dza ya swA hA/__nor dang 'bru phun sum tshogs pa la=__nas/__oM ma hA be ga ya swA hA/__shugs phun sum tshogs pa la=__sran ma/__oM ma hA ba la ya swA hA/__stobs phun sum tshogs pa la=__gro/__oM badz+ra g+hasma ri ye swA hA/__nad med pa phun sum tshogs pa la=__durba/__oM badz+ra A yu She swA hA/__tshe ring ba phun sum tshogs pa la=__ku sha/__oM a pra ti ha ta badz+ra ya swA hA/__srung ba phun sum tshogs pa la=__rdzas gzhan rnams la/___oM a ha ra a ha ra phu me ma hA dar be sha shAn+tiM ku ru swA hA/__zhes bdun la sogs pas phul ba'i mthar bdag cag dpon slob sogs gong byon skyems skabs ltar phul/__de dag gi skabs su dmigs pa ni bde gshegs 'dus pa'i rtsa gzhung las/__/sreg rdzas bdud rtsi phul bas me lha mnyes te:__'od zer byung ste bdag gi thugs kar phog pas:__lus ngag yid gsum gyi sdig pa bsregs ste:__slar 'od zer chu rgyun lta bu'i bkrus par bsam ste:__bshang ba'i lam nas 'thon par bsam pa'o/__yang na me lha'i 'od kyis lus ngag yid gsum gyi sdig pa la sogs pa snying ga nas brtsams ba spu'i bu ga thams cad nas bton te rdzas la bstims pas mchod pa ni man ngag go__/de bzhin du nad dang dgra dang 'byung po'i nad la sogs pa thams cad la'ang sbyar bar bya'o/__/gal te slob dpon la sogs pa'i ched du byed na'ang de bzhin du bya'o/__/zhes skabs 'dir spro na dngos grub blang ba'i don du dgang blugs kyang 'bul bar gsungs pas rten 'brel du bris 'bur ci rigs 'bul na legs shing ma 'byor kyang chad skyon med do/__/gang ltar yang*/__A ka ro'i sngags lan gsum gyi gtor ma 'bul/___skabs 'dir thab tu 'bul mi dgos/__bstod pa ni/__tshangs pa 'jig rten mgon gyi sras:__me lha'i rgyal po drang srong mchog:__'byung po yongs su skyobs pa'i phyir:__thugs rje'i dbang gis skur sprul pa:__rigs sngags grub pa'i drang srong tshul:__nyon mongs sreg pa'i shes rab 'od:__bskal pa'i me bzhin gzi brjid 'bar:__mngon shes rdzu 'phrul zhabs dang ldan:__thabs kyis sprul pa'i theg pa bcibs:__bgrang phreng 'dzin zhing rig sngags gsung :__bdud rtsi'i bcud ldan gun+d+he bsnams:__chos kyi bdud rtsi yongs la sim:__nyes pa'i skyon bral tshangs par spyod:__'jig rten gnas kyang mya ngan 'das:__zhi ba brnyes kyang thugs rje che:__de la bstod de phyag kyang 'tshal:__yig brgya brjod la nongs pa bshags/__yungs kar thab tu gtor la/__na mo/__rig pa'i rgyal po khyod kyis las thams cad byed pas bsreg rdzas lha yi zhal du 'bul ba dang*/__me nyid ye shes kyi mer byin gyis brlabs nas bdag cag dpon slob yon mchod 'khor dang bcas pa'i thog drangs pa'i mtha' yas pa'i sems can thams cad kyi rgyas pa'i skabs tshe dang bsod nams ye shes thams cad rgyas pa'i phrin las mdzad du gsol/__zhes dang*/__dbang la 'khor dang bcas par brtan g.yo srid zhi'i yon tan thams cad wA shaM ku ru hoH__zhes dang*/__drag po la/__'khor dang bcas pa la gnod cing 'tshe ba'i dgra bgegs gdug pa can thams cad mA ra ya phaT/__zhi ba la/__nad gdon sdig sgrib 'gal rkyen mi mthun pa'i phyogs thams cad zhi ba'i phrin las mdzad du gsol/__zhes 'dod don gsol/__oM AHhU~M mu~MH__ye shes kyi me lha thabs kyi shar lho gshegs par gyur/__gnyis pa 'das pa'i me lha mchod pa la/__gzhal yas khang gdan bcas bskyed pa ni/__ku sha'i 'thor g.yab kyis bsang chu 'thor zhing*/__las sngags kyis bsang*/__swa b+hA was sbyangs/__AH__stong nyid 'od gsal dbyings kyi mkha':__thig le chen po'i klong yangs su:__rig pa'i ye shes rang snang ba:__las kyi dngos grub ji snyed kun:__mos pa bzhin du 'byung ba'i gnas:__mtshan nyid yongs rdzogs rdo rje'i thab:__gos dkar yum gyi ngo bo nyid:__dam tshig me lha'i lto ba dang :__gnyis med me lce 'khyil ba'i dbus:__b+h+rU~M las drag po'i gzhal med khang :___zhes pa nas/__sna tshogs pad+ma 'dab bzhi gsal:__zhes pa'i bar rtsa ba'i phrin las ltar ro/__/sbyin sreg rkyang pa'i skabs brten pa lha bskyed nas spyan 'dren pa yin mod/__'dir sgrub mchod dang rjes su 'brel ba'i dbang du byas te/___hU~M hU~M:__bzhengs shig bla ma yi dam lha sogs/__e a ral+li hrIM hrIM pheM pheM:__zhes pa'i bar spyan 'dren gyi tshig brjod pa dang bstun las rdor gyis lha sngags rnams brjod cing sgrub dkyil las me tog gis mtshon par spyan drangs pa slob dpon la g.yas su bskor te g.yon phyogs nas phul ba las me tog thab tu dor ba dang mnyam du lha so so'i sngags brjod mthar gsal gdab pa ni/__bde stong ye shes rdo rje'i sngags:__zhes pa nas/__sarba maN+Da la ma hA su kha at+ma ko\u0f85 ha~M:__zhes phag mo rigs lnga/__gnas yul gyi dpa' bo mkha' 'gro las dang dam tshig gi DA ki'i bskyed pa'i bar dang*/__hU~M:__yan lag brgyad dang ldan pa yi sogs/__hU~M:__bde gshegs kun gyi sogs kyis bstod pa'ang bya/__de nas/__dkyil 'khor pa dang bcas pa'i lha thams cad las/__rgyas pa'i skabs/__gser gtso ma sku'i 'od zer zhing thams cad du khyab par 'char bas rgyas pa'i phrin las mdzad pa zhes bsgyur/__dbang gi skabs/__rjes su chags pa'i 'od zer dmar po bdud rtsi'i zil mngar can zhing thams cad du sprau bas rab 'byams dbang gi phrin las mdzad par dmigs/__zla ba chu shel lta bu'i 'od zer dkar po'i phreng ba zhing thams cad du khyab par 'char bas zhi ba'i phrin las mdzad par bsam/__byon skyems ni/__dkyil 'khor gyi lha rnams zhal 'dzum pa dang bcas pas cung zad gdangs pa'i ljags rdo rje dkar po'i rnam pa can dang*/__gzar bu gnyis kyi kha la hU~M yig 'od zer gyi phung po 'bar bas mtshan pas sreg blugs kyi bdud rtsi'i rgyun drangs te gsol bar bsam la/__oM ba~M badz+ra b+hA ra he kro d+hI kA li ha ri ni sa a bai sha ya:__zhes rtsa sngags bdun gyis dgang zhing*/__mthar/__a bai sha ya d+hA ka d+hA ki nI sarba sid+d+hi hU~M hU~M:__zhes lan gcig sbyar bas phul/__bdag cag dpon slob yon mchod sogs spel tshig me lha'i skabs ltar sbyar/__de nas yam shing la sogs pa'i rdzas gzhan rnams rtsa sngags b+hA ra hi'i mthar/__d+hA ka d+hA ki nI sarba sid+d+hi hU~M hU~M:__zhes lha sngags lan re'i mthar/__oM be she hasta badz+ra swA hA/__zhes rdzas sngags bcu sogs ji ltar rigs pa sbyar nas phul la/__spel tshig gong ltar sprel/__tshul de lta bu'i rdzas gzhan rnams kyang brgya'am sum cu nyer gcig sogs skabs dang bstun ste phul/__bsnyen pa sogs kyi kha skong la/__gsang sngags kyi lhag chad sogs bzlas pa'i nyes skyon thams cad shAn+tiM ku ru swA hA:__zhes dmigs bsal dang*/__rdzas til gtso bor 'bul ba sogs 'dod gsol dang rdzas me skong skabs ltar 'bul kyang legs/__rdzas re dang sngags re re spel la 'bul/__sngags nyung la rdzas mang bdag gis spangs/__rdzas nyung la sngags mang ba ni 'gal ba med do gsungs/__rdzas rnams rdzogs nas las 'chol ba'i tshe bsab mi dgos/__sdig sgrib thams cad zhi ba'i las mdzad par bsam la dmigs pa'i gsal snang la rtse gcig tu sems 'dzin pa ni rno la ngar gyis gdags pa bzhin no/__/rgyas pa'i skabs/__thab kyi lha tshogs rnams kyi thugs ka nas spros pa'i sangs rgyas rnams kyi gser gyi bum pa bdud rtsi rin po ches gang ba 'dzin pas zla ba ser po la gnas pa'i sgrub bya'i steng phyogs nas bdud rtsi dang rin po che'i char bab pas de'i lus dang*/__khyim gang ste tshe dang bsod nams nor dang longs spyod thams cad rgyas par bsam/__dbang gi skabs/__lha tshogs rnams kyi sku las 'od zer dmar po lcags kyu lta bu 'phros pas gang 'dod par rang dbang med par dbang du 'dus par bsam/__drag po'i skabs/__lha tshogs rnams las 'od zer nag po me lce lta bu 'phros pas mtshon cha'i char bab pas dgra bgegs brlag par bsam/__slar yang dgang blugs sngar bzhin 'bul/__oM badz+ra wAs+t+ra ya swA hA/__zhes gos gsar pa dang*/__oM badz+ra tam+bu la ya swA hA/__zhes rdo thal med pa'i so rtsi 'bul/__gter gzhung gi tshogs bsdus skabs 'dir sbyar zhing tshogs phud thab kyi dkyil dang*/__lhag ma thab kyi zur du 'bul/__nang dang gsang ba'i tshogs mchod byas pas de dang de'i sbyin sreg kyang zhar byung du 'grub cing dgos pa che bar gsungs pas/__tshogs kyi bdud rtsi cung zad rol ste/__hoH__snying dbus mi shig thig le'i klong :__stong gsal 'dus ma byas pa'i klong :__dbyings kyi pho nya 'du 'bral med:__ye shes mkha' 'gro sprin ltar 'phro:__spyi bor dza lan+d+ha ra sogs:__rtsa khams gnas yul dur khrod du:__'gro 'ong rlung gis las kun byed:__bde stong thig le dkar dmar gzugs:__dpa' bo dang ni rnal 'byor ma:__'bum phrag yangs pa'i tshogs dang bcas:__til gyi gong bu kha bye ltar:__snang stong 'od skur shigs se shig:__a ha~M sngags kyi rang sgrar bcas:__bde chen bdud rtsi'i bsreg blugs rol:__yul dang dbang po gnyis med par:__dgyes mnyam mchog gi mchod pas bskang :__tha mal snang zhen nyams chags bshags:__rtsa rlung thig le'i bar chad sol:__dga' ba bzhi yi ye shes spor:__stong pa bzhi yi 'od gsal bskyed:__thams cad ka dag gnyug ma'i ngang :__lhun gyis grub pa'i mchog dbang bskur:__badz+ra d+hA tu dz+nyA na lo ka d+hA ki nI maN+Da la ma hA su kha pU dza hoH__zhes brjod cing bsam/__drod thob pas gsang ba'i tshogs 'khor rdo rje'i glu gar bcas dgos par gsungs kyang thun mong du ma da na dang*/__zhun mar cung zad kyi sku mnyes snying gar byugs shing*/__hoH__shes rab pad+ma e yi dbyings:___thabs kyi rdo rje wa~M yig gzugs:__snyoms 'jug bde ba'i mchod sprin gyis:__phung khams skye mched ye shes dbyings:__dpa' bo dang ni rnal 'byor ma:__zag med dgyes pa chen po bskyed:__snang sems 'pho ba'i bag chags sbyongs:__zag bcas thig le sred zhen sgrol:__rgyu 'bras gnyis su ma phyed pa'i:__bcu drug dga' ba'i pho nya mos:__lhan cig skyes pa'i ye shes spel:__dwangs ma mi shig gsum ldan gyis:__'ja' lus rdo rje'i go 'phang la:__mngon par byang chub dngos grub stsol:__ma hA su kha sid+d+hi sa ma ya a ha~M:__zhes pa'i don sgom nas mthar thug de kho na nyid dbyings rig dbyer med kyi ngang du mnyam par bzhag pas so so'i dbang po'i khyad par bzhin dngos dang rjes mthun gyi dgos pa dang phan yon thob par 'gyur ro/__oM sarba dz+nyA na d+hA ki nI sa pa ri wA ra badz+ra ar+g+haM pra tIts+tsha swA hA/__zhes sogs chu gnyis nyer spyod dang bcas pas mchod/__bde gshegs kun gyi sku gsung thugs yon tan sogs kyis bstod/__ma rnyed yongs su ma tshang dang sogs/__yig brgyas nongs pa bshags/__oM/__khyed kyis sems can sogs dang*/___oM AHhU~M mUM zhes brjod cing*/__sgrub mchod dang sbrail tshe/__dkyil 'khor pa'i lha tshogs sgrub pa'i dkyil 'khor du gshegs par bsam zhing*/__maN+Dal me tog gis mtshon par sgrub dkyil ga la bar spyan drangs/__gzhal yas khang gdan dang bcas pa rang la thim par bsam/___sreg rkyang gi skabs su ni ye shes pa chos dbyings su gshegs shing dam tshig pa rang la bsdu/__'on kyang bla med mthun mong ma yin pa'i skabs 'dir dam dbye gnyis med dbugs rngub pa'i sbyor ba dang bstun rang la bstim pas mi shig pa'i thig ler ro gcig tu bsam kyang legs so/__/gsum pa ni/___las sngags kyis bsangs/__/badz+ra sa mA dzaHsa me lha ye shes pa spyan drangs/__dzaHhU~M ba~M hoH__dam tshig pa dang dbyer med du gyur/__de nas dgang blugs/__me lha zhal cung zad 'dzum pa dang bcas pas sogs gshegs skyems bdun lnga gsum gang 'os 'bul/__gos zung dang*/__so rtsi bcas 'das pa'i me lha'i skabs ltar dang rdzas lhag rnams so so'i sngags lnga'am gsum re'i mthar/__oM bA ba ka ag+na ye bdag cag dpon slob yon mchod 'khor dang bcas pas thog drangs mtha' yas pa'i sems can thams cad kyis:__rdzas dang yo byad ma tshogs pa dang :__ting 'dzin ma gsal ba dang :__cho ga lhag pa dang :__nyams pa dang :__lha gong 'og nor ba thams cad shAn+tiM ku ru swA hA:__zhes sbyar bas 'bul/__rdzas so sor mi ldang na gcig tu bsdus nas 'bul kyang rung bar gsungs/__sbyin sreg gi cho ga rgyun du byed na rdzas lhag bzhag rgyu rung*/__mi byed na skabs 'di nyid du zhib par 'bul gsungs so/__/mthar/__oM ag+ne de wa puSh+pe nas _shab+da pra tIts+tsha hoH__zhes nyer spyod kyi mchod cing*/__me ste bsreg bya za ba'i lha/__/drang srong rgyal po gdon gyi bdag__/shar lho me lha'i tshogs bcas la/__/mchod cing bstod de phyag kyang 'tshal/__/zhes pas bstod/__a ka ros sngar smos pa'i gtor ma thab tu 'bul/__mchod sbyin gtor ma 'di bzhes la sogs kyis phrin las bcol/__ma rnyed yongs su+u ma tshang sogs kyis nongs pa bshags/__bdag gi don dang gzhan gyi don/__/sgrub byed sreg bya za ba gshegs/__/ji bzhin dus su tshur byon la/__/bdag gi dngos grub thams cad sgrub/__oM mU~M:__zhes me lha ye shes pa rang gnas su gshegs/__/dam tshig gi me lha rang gi snying gar thim par bsam zhing*/__dge rtsa bsngo smon dang shis brjod kyis mtha' rgyas su bya'o/__/de ltar sbyin sreg byas pa'i me dkrug brdal sogs mi bya bar rang zhir 'jug__/long skabs ma byung na 'o ma dang dri bzang gi chus gzhil/__thal sol rgya mtshor 'bab pa'i chu bo chen por bskyal lo/__/gnyis pa rgyas pa'i sbyin sreg ni/__sa chog zhi ba'i skabs ltar sngon du 'gro bas/__tshong 'dus dang rgyal po'i bang mdzod kyis stegs la/__rdul tshon ser po'i mdog can gyi thab bcad tshon dur smrig gis byas pa'i steng du rtar ga dang*/__shug pa sogs 'bras can mdog ser zhing dri bzang ba 'o ma can gang 'byor gy-i bud shing gru bzhi par brtsigs/__gur gum gyi chab kyis bran pa khru do tsam brtsigs/__rdzas spyir snga ma ltar tshogs pa dang*/__bye brag tu tshe rgyas pa la durba/__shes rab rgyas pa la dri bzang dang ldan pa'i me tog ser po/__bsod nams rgyas pa la zas mchog__/'byor pa rgyas pa la ras dar zab 'bru sman/__rigs brgyud rgyas pa la shing thog__/skyon med rnams gang rgyas par 'dod pa de gtso bor bya/__snod kyang rin po che'i rigs ser po dang gru bzhi bya/__stegs kheb dang sgrub po'i chas gos ser po bya bas bzang po'i 'dug stangs kyis kha lhor phyogs par 'dug__/rje rigs kyi khyim las byung ba'am nor bu las byung ba'i me sbar/__thab lha bskyed skabs/__hU~M las rgyas pa'i thab khung ser po dbyibs gru+u bzhi mu ran kha khyer dang bcas pa'i dbus su 'khor lo rtsibs brgyad pa'i lte bar rin po che ser po dang*/__kha khyer dang zur bzhir rin po ches mtshan pa dwangs shing sgrib pa med pa'i 'od zer kun tu 'phro ba/__rgya dpangs sogs mtshan nyid thams cad yongs su rdzogs pa'i nang du me yi dkyil 'khor gru gsum pa dang*/__a las zla ba'i dkyil 'khor gyi steng du ra~M ser po las dbyug tho ser po ra~M gyis mtshan par gyur te/__de las me lha ser po drang srong gi cha byad can sha skem tshangs pa'i skud pa ser po dang ldan pa sogs lha bskyed nas brtsams 'jig rten dang 'das pa'i me lha mchod tshul sngar zhi ba'i skabs ltar la/__dmigs bsal gyi kha bsgyur skabs thob mchan gyis gsal ba ltar shes par bya zhing*/__sbyin sreg byas pa'i me dkrugs gdal sogs mi bya bar rang zhir 'jog__/long med na dri ser po'i chus gzhil la/__thal sol rnams mdzod phug dang*/__gtsug lag gi phug tu sba ba'o/__/gsum pa dbang gi sbyin sreg ni/__sa chog sngon du 'gro bas tshong 'dus dang smad tshong ma'i gnas kyi sa las byas pa'i thab stegs gru bzhi par rdul tshon dmar po'i bcad tshon kyang dmar skya la sogs pas bya/__tsan+dan dmar po dang*/__seng ldeng*/__'o se/__mdzo mo shing sogs kha dog dmar zhing ro skyur ba'i shing zla gam du khru gang brtsigs/__stegs khebs dang*/__sgrub pa po'i chas gos kha dog dmar po dang*/__snod kyang gtso bor zangs dang dbyibs zla gam can du bya/__dbang gi las dmigs bsal la tsan+dan dmar po'am zangs kyi byang bur gser ram mtshal gyis rtsa sngags sham bur/__a nr-i tri dung dung dzaHdzaH__che ge wA shaM ku ru ho:__zhes bris pa gang mang bsags/__rdzas thams cad kha dog dmar por bcos/__slob dpon kha nub tu phyogs pas pad skyil gyis 'dug cing chags pa'i sems dang sgeg nyams bya/__smad tshong gi khyim las byung ba'i me du ba med pas spar/__me lha bskyed skabs/__hU~M las dbang gi thab khung kha dog dmar zhing dbyibs zla gam/__mu ran kha khyer dang bcas pa'i dbus su sna tshogs pad+ma'i lte bar ut+pal dmar po dang*/__kha khyer la pad+ma'i phreng bas bskor zhing grwa bzhir zla phyed rdo rjes mtshan pa/__dwangs shing sgrib pa med pa'i 'od zer kun tu 'phro ba/__rgya dpangs sogs mtshan nyid thams cad yongs su rdzogs pa'i nang du me'i dkyil 'khor gru gsum pa dang*/__a las zla ba'i dkyil 'khor gyi steng du ra~M dmar po las dbyug tho dmar po ra~M gyis mtshan par gyur ste/__de las me lha dmar po drang srong gi cha byad can sha skem tshangs pa'i skud pa dmar po dang ldan sogs zhi ba'i skabs ltar la/__dmigs bsal gyi kha bsgyur dkyus su 'khod pa'i mchan ltar dang*/___sreg thal sdod long yod na rang zhi/__med tshe chang dang sbyar ba'i chus gzhil/__thal ba ri mthon po'i rtser rlung la bskur ba'i khyad par dmigs su bsal ba'o/__/bzhi pa drag po'i sbyin sreg ni/__sa yi cho ga dang ldan pas dur khrod brgyad dang 'phung shul las bcos pa'i sa stegs gru bzhi pa'i steng rdul tshon nag po bcad tshon sngo skyas byas pa'i thab 'du bya/__skyer pa la sogs pa'i dug dang tsher ma can gyi shing sor nyi shu pa gru gsum du brtsigs/___stegs kheb dang sgrub pa po'i chas gos nag po dang*/__drag po'i rdzas bdun ni/__me srog 'dzin pa'i rdzas skyer pa dang tsher ma can gyi drag po'i shing gi yam shing zur gsum sor bcu gnyis pa mar nag dang tshil zhun gyis sbag pa/__rtsa ba'i rdzas 'byor na dug shog la dgra bgegs kyi rU pa/__ming rus bla dwags gnad yig dang bcas pa drug cu rtsa bzhi sogs grangs ldan/__drag po'i rdzas sha sna bag phye bsres pa'i ril bu ming rus can/__gnad dbab rdzas sbal sbrul nya khyi la sogs pa'i sha dug sna dang bsres pa'i ril bu bcas/__gsod pa'i rdzas lcags zangs rdo rje'i phye ma/__myos pa'i rdzas mar nag mo mnol gyi khrag dang sbyar ba/__tsha ba'i rdzas til dang yungs kar tsha ba gsum bcas/__lcags kyi snod gru gsum pa 'ba' zhig bya/__lcags dang rdo phye sha chen gyis sbag pa'i gtor ma gru gsum ro sol gyis nag po byas pa dang*/__drag po'i nyer spyod kyang bshams/__mchod sreg gi rdzas g.yas g.yon mgo ldog tu bkod/__slob dpon kha byang du phyogs bas rus sbal gyis 'dug stangs dang khro zhing 'tshigs pa'i sems bya/___shan pa'am dur khrod las byung ba'i me sbar la/__lha bskyed skabs/__hU~M las drag po'i thab khung nag po dbyibs gru gsum mu ran kha khyer dang bcas pa'i lte bar rdo rje rgya gram rwa gdeng ba can gyi kha khyer dang zur bzhir ral gris mtshan pa/__dwangs shing sgrib pa med pa'i 'od zer kun tu 'phro ba/__rgya dpangs sogs mtshan nyid thams cad yongs su rdzogs pa'i nang du me'i dkyil 'khor gru gsum pa dang*/__ma las nyi ma'i dkyil 'khor gyi steng du ra~M nag po las dbyug tho nag po ra~M gyis mtshan par gyur ste de las me lha nag po drang srong gi cha byad can/__sha skem ro skra'i tshangs skud nag po dang ldan pa sogs snga ma rnams ltar/__'dod gsol rigs kha bsgyur bcas bya zhing*/__long skabs yod med gang ltar yang*/__me dug khrag gis gzhil te lam gyi bzhi mdor mnan pa'i khyad par ro/__/lnga pa mchog gi dngos grub gtso bor byed pa la rgyal rdzas 'dod gsol/__bskyed chog rnams rgyas pa dang mtshungs shing*/__khyad par gyi rdzas bdud rtsi chos sman dang mA da na sin+d+hu ra rnams bsres pa'i zas mchog la gtsor bya gsungs so/__/de ltar bshad nyid rdo rje phag mo rtsa ba'i dkyil 'khor gyi lha sngags la sbyar tshul yin kyang kun mkhyen rdo rje gzi brjid mchog gi zhal nas spyir phag mo rigs gang la bsten kyang las thams cad sgrub tu rung mod gtso bor phag mo dkar mo zhi ba/__ser mos rgyas pa/__dmar mos dbang*/__ljang mos drag po/__nag mos lha mchog gi las la sbyar bas legs shing*/__zhes gsungs pa ltar lha sngags rigs lnga'i mkha' 'gro'i so so'i phrin las dang sngar ltar phul kyang rigs dang lha yi nges pas ches zab cing myur phyir skal ldan dag gis 'dod na cho ga'i spyi chings 'di nyid kyis khog phub nas sgos bka' so sor sbyor chog pa yod do/__/spy-ir bka' gter kun nas phrin las kyi rtsa ba mkha' 'gro dang*/__las kyi rno 'don sreg blug gi cho ga 'di nyid ched du bsngags shing bstan pas 'di gnyis ka tshang bas lhag par zab 'gyur che ba'i rgyu mtshan gyis sgrub pa chen po'i skabs su nyin dang po'i skabs drag po'i sbyin sreg__/nyin gsum pa la dbang*/__dngos grub len pa'i snga rol du rgyas pa/__bdud rtsi sgrub pa'i skabs lta bur mchog__/grol rjes zhi ba bcas phyag bzhes su bstar na legs pa'i yan lag tu 'gyur ro/__/rang byung lhan skyes ye shes ches myur mes/__/'khrul rtog bud shing zos dang lhan cig par/__/dngos grub snang ba sbyin pa'i cho ga'i tshul/__/brtsams 'dis las kun 'dod rgur dbang byed shog__/ces rdo rje phag mo mkha' 'gro gsang ba kun 'dus kyi las bzhi'i sbyin sreg gi cho ga rab 'byams phrin las snang ba'i nyin byed ces bya ba 'di yang mkhyen brtse'i bdag nyid dpal yul rmugs sangs mchog sprul rin po che'i dbu ru byang phyogs do skya dgon pa chos sku 'od 'bar gling du do skya mchog sprul rin po che'i bdag rkyen las zab gsang rdo rje'i gseng lam gyi sgrub chen gtan 'jags gnang ba'i skabs gsung gi nan tan du bskul zhing*/__bri gzhi'i shog dkar/__lha rdzas kyi rten dang bcas bstsal bas sbyin sreg gi cho ga rgyas pa'i las 'grigs su 'jigs med mkhyen brtse'i 'od zer rang byung 'od gsal thugs mchog rdo rjes rang lo zhe brgyad pa nag zla'i dkar phyogs kyi dga' ba dang por dbus 'gyur 'chang gi gtsug lag chen po'i shar phyogs lhun grub me tog ldum ra'i gzims shag tu rdzogs par sbyar bas dge legs su gyur cig/__//