རང་རིག་བློ་བྲལ་ངང་ནས་འདུད། གུ་རུ་ས་ར་ཧའི་སྒྲུབ་ཐབས།

🚧 This website is under continued development. We appreciate your patience!

Previous Text Back to Volume PageNext Text

Wylie title	rang rig blo bral ngang nas 'dud/ gu ru sa ra ha'i sgrub thabs
Location	chos kyi blo gros bka' 'bum Volume 10, Text 4, Pages 17-23 (Folios 1a1 to 4a1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Associated People	ས་ར་ཧ་ (Saraha)
Citation	'jam dbyangs mkhyen brtse chos kyi blo gros. rang rig blo bral ngang nas 'dud gu ru sa ra ha'i sgrub thabs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 10: 17-23. Bir, H.P.: Khyentse Labrang, 2012.
Genre	Guru Yoga Texts - bla ma'i rnal 'byor  ·  Sadhanas - Evocation Ritual - sgrub thabs
Colophon	།དེ་ལྟར་བླ་མ་སྒྲུབ་པའི་ཐབས། །ཟབ་པའི་མན་ངག་དང་བཅས་པ། །པདྨ་བདག་གི་ལེགས་པར་སྦྱར། །སྐལ་ལྡན་དཔལ་དུ་འགྱུར་བར་ཤོག །ས་མ་ཡ་རྒྱ།།
	/de ltar bla ma sgrub pa'i thabs/__/zab pa'i man ngag dang bcas pa/__/pad+ma bdag gi legs par sbyar/__/skal ldan dpal du 'gyur bar shog__/sa ma ya rgya//

1 Texts in this Section (sde tshan or chos tshan)

17-23	རང་རིག་བློ་བྲལ་ངང་ནས་འདུད། གུ་རུ་ས་ར་ཧའི་སྒྲུབ་ཐབས། rang rig blo bral ngang nas 'dud/ gu ru sa ra ha'i sgrub thabs Guru Yoga Texts - bla ma'i rnal 'byor   ·   Sadhanas - Evocation Ritual - sgrub thabs	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

རང་རིག་བློ་བྲལ་ངང་ནས་འདུད། གུ་རུ་ས་ར་ཧའི་སྒྲུབ་ཐབས། དེ་ལ་སྦྱོར་དངོས་རྗེས་གསུམ་ཡོད། །སྦྱོར་བ་བླ་མའི་སྐུ་འབག་བཤམས། །དབེན་པར་བསྡད་ལ་ལུས་གནད་བསྲང་། ཨཿབློ་བྲལ་ཆོས་དབྱིངས་སྟོང་གསལ་དཀྱིལ་འཁོར་དུ། །རང་རིག་བླ་མ་གུ་རུ་ས་ར་ཧ། །རང་གྲོལ་འཛིན་མེད་ངང་ནས་སྐྱབས་སུ་མཆི། །མཁའ་མཉམ་འགྲོ་བ་སྒྲོལ་བར་སེམས་བསྐྱེད་དོ། །བཀའ་བསྒོ་ཞིང་མཚམས་བཅད་ནི། གཉིས་འཛིན་ལྟར་སྣང་འཁྲུལ་པའི་བགེགས། །མི་ཤིག་གཉུག་མའི་ཕྱག་རྒྱར་དེངས། །རང་སྣང་སྲུང་བའི་གུར་ཁང་ལ། །མཚམས་ཀྱི་འདུ་འཕྲོ་ལྷུན་གྱིས་གྲུབ། བཛྲ་རཀྵ་བྷྲཱུྃ། མཆོད་པ་བྱིན་བརླབ་ནི། ཨོཾ་ཨཱཿཧཱུྃ། ཆོས་དབྱིངས་དང་མཉམ་སྣོད་ཡངས་སུ། །ཕྱི་ནང་གསང་བའི་མཆོད་པ་ནི། །ངོ་བོ་བཟང་ལ་གྱ་ནོམ་པ། །ཀུན་བཟང་རྣམ་འཕྲུལ་མཐའ་ཀླས་གྱུར། བྱིན་དབབ་པ་ནི། ཧཱུྃ་ཧྲཱིཿབདེ་ཆེན་འབར་བའི་ཕོ་བྲང་ནས། །ཧེ་རུ་ཀ་དཔལ་གཤེགས་སུ་གསོལ། །མི་ཤིག་དབུ་མའི་གྲོང་ཁྱེར་ནས། །དཔལ་མགོན་བླ་མ་གཤེགས་སུ་གསོལ། །གར་བཞུགས་དག་པའི་ཞིང་ཁམས་ནས། །གྲུབ་ཐོབ་ཆེན་པོ་གཤེགས་སུ་གསོལ། །གནས་ཁང་དག་པའི་ཞིང་དུ་བསྒྱུར། །མོས་པའི་བུ་ལ་བྱིན་ཆེན་ཕོབས། །མཆོག་དང་ཐུན་མོང་དངོས་གྲུབ་སྩོལ། །ཨོཾ་ཨཱཿཧཱུྃ་གུ་རུ་བཛྲ་དྷ་ར་ས་ར་ཧ་པ་དཱ་ཨེ་ཨ་ར་ལི་ཧྲཱིང་ཧྲཱིང་ཕེཾ་ཕེཾ་ཧཱུྃ་ཧཱུྃ་ཧཱུྃ། ཞེས་པས་བྱིན་དབབ་བོ། །དངོས་གཞི་དམ་ཚིག་བསྐྱེད་པ་ནི། ཨཿགཟུང་འཛིན་མཚན་མ་དབྱིངས་སུ་དེངས། །གཞི་སྣང་རང་གདངས་ལྷུན་གྲུབ་ཏུ། །རིག་པ་རྡོ་རྗེ་ལུ་གུ་རྒྱུད། །འཇའ་ཟེར་ཐིག་ལེ་བཀྲ་བའི་དབུས། །སེང་ཁྲི་པདྨ་ཉི་དཀྱིལ་སྟེང་། །སྲོག་བྲལ་བམ་ཆེན་བསྒྱེལ་བའི་སྟེང་། །རང་རིག་བླ་མ་ས་ར་ཧ། །གཞོན་ཚུལ་ཞི་མ་ཁྲོ་ཡི་ཉམས། །དབུ་སྐྲ་རལ་པའི་ཐོར་ཅོག་ཅན། །ལྷག་མ་སྐུ་རྒྱབ་སིལ་བུར་གྲོལ། །སྨ་ར་ཐུགས་ཀའི་གཞི་མདོར་སླེབས། །ཐོད་སྐམ་རུས་རྒྱན་སྟག་ཤམ་གསོལ། །ཞབས་གཉིས་དཔའ་བོ་རོལ་སྟབས་བཞུགས། །ཐབས་ཤེས་ཕྱག་གཉིས་མདའ་སྨྱུག་བསྲང་། །ཟུར་མིག་སྤྱན་གྱིས་དེ་ལ་གཟིགས། །སྐུ་ལུས་རྩ་གསུམ་ཞི་ཁྲོ་ཡི། །ཏིལ་གྱི་གོང་བུ་བཞིན་དུ་བཞུགས། །གནས་གསུམ་རྡོ་རྗེའི་འབྲུ་གསུམ་མཚན། །མ་བསྐྱེད་ཡེ་རྫོགས་ཆེན་པོར་གསལ། །ཡེ་ཤེས་པ་སྤྱན་འདྲེན་པ་ནི། ཧཱུྃ་ཧྲཱིཿགཉུག་མ་ཟང་ཐལ་བྲལ་བའི་དབྱིངས། །གཞོན་ནུ་བུམ་པ་སྐུ་ཡི་སྦུབས། །ཚོགས་བརྒྱད་དུར་ཁྲོད་རོལ་པའི་ཀློང་། །ཧེ་རུ་ཀ་དཔལ་གཤེགས་སུ་གསོལ། །སྟེང་ཕྱོགས་མེ་རི་འབར་བ་ཡི། །དུར་ཁྲོད་ཚང་ཚིང་འཁྲིགས་པ་ནས། །གྲུབ་ཐོབ་ཆེན་པོ་ས་ར་ཧ། །དཔའ་བོ་མཁའ་འགྲོའི་ཚོགས་བཅས་གཤེགས། །སྣོད་བཅུད་ཡེ་ནས་རྣམ་པར་དག །འགྲོ་འོང་བྲལ་བའི་ཞིང་ཁམས་ནས། །གདོད་མའི་མགོན་པོ་ས་ར་ཧ། །བློ་བྲལ་ངང་ནས་གཤེགས་སུ་གསོལ། །གཞི་སྣང་ལྷུན་གྲུབ་ཏ་ལ་ལ། །སྐུ་དང་ཚོམ་བུ་ཤིགས་སེ་ཤིག །ཡེ་ཤེས་ཁྲོ་བོའི་སྟངས་སྟབས་ཀྱིས། །ཀྱཻ་འདིར་གཤེགས་དབང་བསྐུར་བྱིན་ཆེན་ཕོབས། །མཆོག་དང་ཐུན་མོང་དངོས་གྲུབ་སྩོལ། །ཨོཾ་བཛྲ་ཨ་ཝེ་ཤ་ཡ་ཧྲཱིང་ཧྲཱིང་ཕེཾ་ཕེཾ་ཛཿཧཱུྃ་བྃ་ཧོས་དབྱེར་མེད་བྱས། ཨ། གདོད་ནས་དམ་ཚིག་ཡེ་ཤེས་པ། །དུ་མ་སྣང་ཡང་རོ་གཅིག་ཏུ། །ཆུ་ལ་ཆུ་བཞག་ཇི་བཞིན་དུ། །མི་འབྲལ་རྟག་པར་བཞུགས་སུ་གསོལ། །ས་མ་ཡ་ཏིཥྛ་ལྷན། ཕྱག་འཚལ་བ་ནི། ན་མོ། སྐྱེ་འགག་འགྲོ་འོང་ཐམས་ཅད་བྲལ། །རང་བྱུང་བྱང་ཆུབ་སེམས་ཀྱི་དབྱིངས། །བདེ་སྟོང་ཟུང་འཇུག་བླ་མ་རྗེར། །རང་རིག་བརྡ་ཡིས་ཕྱག་བགྱིའོ། །ན་མོ་ན་མ་མི། མཆོད་པ་ནི། ཨོཾ་ཨཱཿཧཱུྃ། དེ་བཞིན་དབྱིངས་ཉིད་བདེ་བ་ཆེན་པོའི་སྣོད། །རང་སྣང་ཚོགས་དྲུག་མ་འགགས་འདོད་ཡོན་རྒྱན། །རྡོ་རྗེའི་ལོངས་སྤྱོད་དག་པ་ཅི་མཆིས་པ། །མཉམ་ཉིད་རོ་མཉམ་ངང་ནས་མཆོད་པ་འབུལ། །ཨོཾ་སརྦ་པཉྩ་ཀ་མ་གུ་ཎ་ཏ་ན་ག་ན་གུ་ཧྱེ་བོ་དྷི་ཙིཏྟ་མ་ཧཱ་སུ་ཁ་པཱུ་ཛ་ཧོ། བསྟོད་པ་ནི། ཨ། འཁོར་འདས་བྱེད་པོ་བྱང་ཆུབ་སེམས། །མ་བཅོས་ཐིག་ལེ་ཆེན་པོར་རྫོགས། །སྟོང་པའི་ཕྱག་རྒྱའི་ངོ་བོར་ཤར། །རྡོ་རྗེའི་སྐུ་ལ་ཕྱག་འཚལ་བསྟོད། །འགྲོ་འོང་འཕོ་བ་དབུ་མར་དེངས། །རླུང་ལྔ་ནཱ་ད་མི་ཤིག་པ། །སྟོང་ཆེན་ཆོས་ཀྱི་རང་སྒྲ་སྒྲོགས། །མ་འགགས་གསུང་ལ་ཕྱག་འཚལ་བསྟོད། །ནམ་མཁའ་ལྟ་བུར་མཐའ་དབུས་བྲལ། །འཕོ་འགྱུར་མཚན་མ་ཀུན་ལས་འདས། །རང་བྱུང་ཡེ་ཤེས་ཆེན་པོར་གསལ། །བརྗོད་བྲལ་ཐུགས་ལ་ཕྱག་འཚལ་བསྟོད། །ཨེ་མ་ཧོ། བརྗོད་མེད་བརྗོད་པ་ཀུན་ལས་འདས། །སྐྱེ་འཆི་བྲལ་བ་འོད་ཀྱི་ལུས། །རྡོ་རྗེ་མི་ཤིག་ཏི་ལ་ཀ །བདེ་སྟོང་ཆེན་པོར་ཕྱག་འཚལ་བསྟོད། །ཛབi་བཟླ་བ་ནི། ཐུགས་ཀར་འོད་ཀྱི་གུར་ཁྱིམ་དབུས། །པད་ཉི་རྡོ་རྗེ་རྩེ་ལྔ་པ། །ལྟེ་བར་ཧཱུྃ་ཡིག་མཐིང་ཀས་མཚན། །མཐའ་མར་སྔགས་ཀྱི་ཕྲེང་བས་བསྐོར། །འོད་འཕྲོས་རྒྱལ་མཆོད་བྱིན་རླབས་བསྡུས། །འགྲོ་བའི་སྒྲིབ་སྦྱངས་དག་པའི་སྐུ། །གཞོམ་བྲལ་སྔགས་ཀྱི་རང་སྒྲ་སྒྲོགས། །སྣང་སྲིད་འོག་མིན་ཆེན་པོར་རྫོགས། །ཨོཾ་ཨཱཿཧཱུྃ། བཛྲ་གུ་རུ་ས་ར་ཧཱ་ས་མ་ཡ་ཛཿཛཿསརྦ་སིདྡྷི་ཕཱ་ལ་ཧཱུྃ་ཨཱཿ བདུན་ཕྲག་གསུམ་དུ་བཟླ་བར་བྱ། །དངོས་ཉམས་རྨི་ལམ་ཅི་རིགས་སུ། །བླ་མ་ལྷ་ཡིས་རྗེས་སུ་འཛིན། །ཉམས་རྟོགས་ཡེ་ཤེས་ཡོན་ཏན་འཆར། །རྫོགས་རིམ་དུག་བསལ་ལུས་གནད་བསྲང་། །དབུ་མར་ཧཱུྃ་ཡིག་མཐིང་ཀ་ལས། །འོད་ཟེར་སྔོན་པོ་འཕྲོས་པ་ཡིས། །སྣང་སྲིད་ཐམས་ཅད་འུབས་ཀྱིས་བསྡུས། །སྤྱི་བོ་ནས་ཞུགས་ཧཱུྃ་ལ་ཐིམ། །ལུས་ནང་འོད་ཟེར་སྔོན་པོས་ཁྱབ། །སྒྲིབ་གཉིས་དྲི་མ་སངས་བར་བསམ། །ཧཱུྃ་ཡིག་གཙུག་ཏོར་རྩེ་མོར་སོན། །འོད་ཟེར་ལྔ་ལྡན་དྲྭ་བ་ཡིས། །ལུས་གཡོགས་དེ་དང་དབྱེར་མེད་འདྲེས། །ཧཱུྃ་ཐིམ་དེ་ཉིད་སྐར་མདའ་ལྟར། །འོག་མིན་བླ་མ་ཧེ་རུ་ཀའི། །ཐུགས་དང་དབྱེར་མེད་འདྲེས་པ་ལས། །བསམ་གྱིས་མི་ཁྱབ་རྫོགས་པ་ཆེ། །ཡེ་བབས་གཞི་ཡི་དགོངས་པ་དེ། །རྩོལ་མེད་ལམ་གྱི་བགྲོད་པ་ལས། །འབྲས་བུ་དེ་ཉིད་མངོན་དུ་འཆར། །སླར་ཡང་འགྲོ་ལ་རྗེས་ཆག་པའི། །སྤྲུལ་པ་སྒྱུ་མ་ལྟ་བུར་ལྡང་། །དེ་ལྟར་ཡང་ཡང་འབད་བྱས་ན། །རླུང་སེམས་གཉིས་མེད་ལྷ་སྐུར་འགྲུབ། །རྣམ་རྟོག་འོད་གསལ་དབྱིངས་སུ་དེང་། །རིག་པ་ཆོས་སྐུའི་རྒྱལ་ས་ཟིན། ། ༈ གསུམ་པ་རྗེས་ཀྱི་རིམ་པ་ལ། །ཚོགས་ཀྱི་མཆོད་པ་འབུལ་བ་ནི། ཨཿརང་བྱུང་བདེ་སྐྱོང་ཡངས་པའི་སྣོད། །ཚོགས་རྫས་རིགས་ལྔ་བདུད་རྩི་ལྔ། །མ་བཅོས་མ་བསླད་གཙང་སྨེ་བྲལ། །ཆོས་ཀྱི་དབྱིངས་ཀུན་ཁྱབ་པར་གྱུར། །ཨོཾ་ཧཱུྃ་ཏྲྃ་ཧྲཱི་ཨ། ཨཿཕྱི་ནང་ཟང་ཐལ་སྒྲིབ་གཡོག་བྲལ། །ཞལ་ཕྱག་མཚན་མ་ཀུན་དག་པར། །དབྱིངས་ཡེ་ཟུང་འཇུག་ཚོགས་མཆོད་འབུལ། །བྱང་ཆུབ་སེམས་ཀྱི་དངོས་གྲུབ་སྩོལ། །འཁོར་ལོ་ལྔ་ཡི་གྲོང་ཁྱེར་ནང་། །བླ་མ་མཁའ་འགྲོའི་ཚོགས་བཅས་ལ། །བདེ་ཆེན་དགའ་བཞིའི་ཚོགས་མཆོད་འབུལ། །ཞུ་བདེ་སྟོང་པའི་དངོས་གྲུབ་སྩོལ། །ཙིཏྟ་འོད་ཀྱི་དྲྭ་བ་ན། །གདོད་མའི་མགོན་པོ་ས་ར་ཧ། །གཞི་སྣང་ལྷུན་གྲུབ་ཚོགས་མཆོད་འབུལ། །བྱིན་ཆེན་འཕྲོ་བའི་དངོས་གྲུབ་སྩོལ། །ཀུན་བརྟགས་ཉེས་པ་ཐམས་ཅད་བཤགས། །གཞན་དབང་མ་དག་བསྒྲལ་བ་ལས། །དག་པ་ཡོངས་གྲུབ་ཆེན་པོ་ཡི། །གོ་འཕང་དམ་པ་སྩལ་དུ་གསོལ། །ཚོགས་ལ་རོལ་ཞིང་སྨོན་ལམ་གདབ། ལྷག་མ་ལྷག་ལ་དབང་བར་སྦྱིན། དཔལ་ཆེན་པོ་ཡི་ཕ་འབབ་ལ། །རྟག་ཏུ་ལོངས་སྤྱོད་ལྷག་ལ་དབང་། །འདིར་གཤེགས་ལྷག་མའི་མཆོད་པ་བཞེས། །ཕྱི་ནང་བར་ཆད་བཟློག་ཏུ་གསོལ། །སྲུང་མར་དམ་བསྒྲགས་གཏོར་མ་སྦྱིན། སྔོན་ཚེ་འོག་མིན་གསང་བ་ཆེར། །ཀུན་བཟང་ཧེ་རུ་ཀ་དཔལ་གྱི། །རྒྱུད་གསུམ་དམ་ཅན་དྲེགས་པའི་ཚོགས། །གཏོར་མ་བཞེས་ལ་ཕྲིན་ལས་སྒྲུབས། །རིག་པ་ཤར་གྲོལ་ཆེན་པོ་ལ། །བར་གཅོད་ཀུན་རྟོག་ཚོགས་སྒྲོལ་ཅིག །གསུམ་པ་རྗེས་ཀྱི་རིམ་པ་ལ། དངོས་གྲུབ་བླང་བ་ནི། སྐུ་བཞིའི་ངོ་བོ་བླ་མ་རྡོ་རྗེ་འཆང་། །བདག་གི་སྤྱི་བོར་བྱོན་ནས་དབང་བཞི་བསྐུར། །བྱིན་གྱིས་རློབས་ཤིག་མཆོག་ཐུན་དངོས་གྲུབ་སྩོལ། །ཚེ་འདི་ཉིད་ལ་ཟུང་འཇུག་འགྲུབ་པར་ཤོག །བསྔོ་སྨོན་ཤིས་པ་བརྗོད་པ་ནི། དཔལ་མགོན་བླ་མ་བསྒྲུབས་པའི་འབྲས་བུ་ཡི། །བསོད་ནམས་གང་མཆིས་འགྲོ་བའི་རྒྱུད་ལ་བསྔོ། །ཀུན་ཀྱང་ཟུང་འཇུག་དམ་པ་མངོན་གྱུར་ནས། །འགྲོ་བ་ཡོངས་ཀྱི་དཔལ་དུ་འགྱུར་བར་ཤོག །ཤིས་བརྗོད་ནི། བླ་མའི་བྱིན་རླབས་མཁའ་ལ་སྤྲིན་ལྟར་འཁྲིགས། །ཡི་དམ་ལྷ་ཡིས་རྟག་ཏུ་བྱིན་གྱིས་རློབ། །ཆོས་སྐྱོང་སྲུང་མས་བར་ཆད་ཐམས་ཅད་བསལ། །རྩ་གསུམ་དཀྱིལ་འཁོར་ལྷ་ཡི་བཀྲ་ཤིས་ཤོག །དེ་ལྟར་བླ་མ་སྒྲུབ་པའི་ཐབས། །ཟབ་པའི་མན་ངག་དང་བཅས་པ། །པདྨ་བདག་གི་ལེགས་པར་སྦྱར། །སྐལ་ལྡན་དཔལ་དུ་འགྱུར་བར་ཤོག །ས་མ་ཡ་རྒྱ།། །།

[edit]

rang rig blo bral ngang nas 'dud/__gu ru sa ra ha'i sgrub thabs/__de la sbyor dngos rjes gsum yod/__/sbyor ba bla ma'i sku 'bag bshams/__/dben par bsdad la lus gnad bsrang /__aHblo bral chos dbyings stong gsal dkyil 'khor du/__/rang rig bla ma gu ru sa ra ha/__/rang grol 'dzin med ngang nas skyabs su mchi/__/mkha' mnyam 'gro ba sgrol bar sems bskyed do/__/bka' bsgo zhing mtshams bcad ni/__gnyis 'dzin ltar snang 'khrul pa'i bgegs/__/mi shig gnyug ma'i phyag rgyar dengs/__/rang snang srung ba'i gur khang la/__/mtshams kyi 'du 'phro lhun gyis grub/__badz+ra rak+Sha b+h+rU~M/__mchod pa byin brlab ni/__oM AHhU~M/__chos dbyings dang mnyam snod yangs su/__/phyi nang gsang ba'i mchod pa ni/__/ngo bo bzang la gya nom pa/__/kun bzang rnam 'phrul mtha' klas gyur/__byin dbab pa ni/__hU~M hrIHbde chen 'bar ba'i pho brang nas/__/he ru ka dpal gshegs su gsol/__/mi shig dbu ma'i grong khyer nas/__/dpal mgon bla ma gshegs su gsol/__/gar bzhugs dag pa'i zhing khams nas/__/grub thob chen po gshegs su gsol/__/gnas khang dag pa'i zhing du bsgyur/__/mos pa'i bu la byin chen phobs/__/mchog dang thun mong dngos grub stsol/__/oM AHhU~M gu ru badz+ra d+ha ra sa ra ha pa dA e a ra li hrIng hrIng pheM pheM hU~M hU~M hU~M/__zhes pas byin dbab bo/__/dngos gzhi dam tshig bskyed pa ni/__aHgzung 'dzin mtshan ma dbyings su dengs/__/gzhi snang rang gdangs lhun grub tu/__/rig pa rdo rje lu gu rgyud/__/'ja' zer thig le bkra ba'i dbus/__/seng khri pad+ma nyi dkyil steng /__/srog bral bam chen bsgyel ba'i steng /__/rang rig bla ma sa ra ha/__/gzhon tshul zhi ma khro yi nyams/__/dbu skra ral pa'i thor cog can/__/lhag ma sku rgyab sil bur grol/__/sma ra thugs ka'i gzhi mdor slebs/__/thod skam rus rgyan stag sham gsol/__/zhabs gnyis dpa' bo rol stabs bzhugs/__/thabs shes phyag gnyis mda' smyug bsrang /__/zur mig spyan gyis de la gzigs/__/sku lus rtsa gsum zhi khro yi/__/til gyi gong bu bzhin du bzhugs/__/gnas gsum rdo rje'i 'bru gsum mtshan/__/ma bskyed ye rdzogs chen por gsal/__/ye shes pa spyan 'dren pa ni/__hU~M hrIHgnyug ma zang thal bral ba'i dbyings/__/gzhon nu bum pa sku yi sbubs/__/tshogs brgyad dur khrod rol pa'i klong /__/he ru ka dpal gshegs su gsol/__/steng phyogs me ri 'bar ba yi/__/dur khrod tshang tshing 'khrigs pa nas/__/grub thob chen po sa ra ha/__/dpa' bo mkha' 'gro'i tshogs bcas gshegs/__/snod bcud ye nas rnam par dag__/'gro 'ong bral ba'i zhing khams nas/__/gdod ma'i mgon po sa ra ha/__/blo bral ngang nas gshegs su gsol/__/gzhi snang lhun grub ta la la/__/sku dang tshom bu shigs se shig__/ye shes khro bo'i stangs stabs kyis/__/kyai 'dir gshegs dbang bskur byin chen phobs/__/mchog dang thun mong dngos grub stsol/__/oM badz+ra a we sha ya hrIng hrIng pheM pheM dzaHhU~M ba~M hos dbyer med byas/__a/__gdod nas dam tshig ye shes pa/__/du ma snang yang ro gcig tu/__/chu la chu bzhag ji bzhin du/__/mi 'bral rtag par bzhugs su gsol/__/sa ma ya tiSh+Tha lhan/__phyag 'tshal ba ni/__na mo/__skye 'gag 'gro 'ong thams cad bral/__/rang byung byang chub sems kyi dbyings/__/bde stong zung 'jug bla ma rjer/__/rang rig brda yis phyag bgyi'o/__/na mo na ma mi/__mchod pa ni/__oM AHhU~M/__de bzhin dbyings nyid bde ba chen po'i snod/__/rang snang tshogs drug ma 'gags 'dod yon rgyan/__/rdo rje'i longs spyod dag pa ci mchis pa/__/mnyam nyid ro mnyam ngang nas mchod pa 'bul/__/oM sarba pany+tsa ka ma gu Na ta na ga na gu h+ye bo d+hi tsit+ta ma hA su kha pU dza ho/__bstod pa ni/__a/__'khor 'das byed po byang chub sems/__/ma bcos thig le chen por rdzogs/__/stong pa'i phyag rgya'i ngo bor shar/__/rdo rje'i sku la phyag 'tshal bstod/__/'gro 'ong 'pho ba dbu mar dengs/__/rlung lnga nA da mi shig pa/__/stong chen chos kyi rang sgra sgrogs/__/ma 'gags gsung la phyag 'tshal bstod/__/nam mkha' lta bur mtha' dbus bral/__/'pho 'gyur mtshan ma kun las 'das/__/rang byung ye shes chen por gsal/__/brjod bral thugs la phyag 'tshal bstod/__/e ma ho/__brjod med brjod pa kun las 'das/__/skye 'chi bral ba 'od kyi lus/__/rdo rje mi shig ti la ka__/bde stong chen por phyag 'tshal bstod/__/dzab[i] bzla ba ni/__thugs kar 'od kyi gur khyim dbus/__/pad nyi rdo rje rtse lnga pa/__/lte bar hU~M yig mthing kas mtshan/__/mtha' mar sngags kyi phreng bas bskor/__/'od 'phros rgyal mchod byin rlabs bsdus/__/'gro ba'i sgrib sbyangs dag pa'i sku/__/gzhom bral sngags kyi rang sgra sgrogs/__/snang srid 'og min chen por rdzogs/__/oM AHhU~M/__badz+ra gu ru sa ra hA sa ma ya dzaHdzaHsarba sid+d+hi phA la hU~M AH__bdun phrag gsum du bzla bar bya/__/dngos nyams rmi lam ci rigs su/__/bla ma lha yis rjes su 'dzin/__/nyams rtogs ye shes yon tan 'char/__/rdzogs rim dug bsal lus gnad bsrang /__/dbu mar hU~M yig mthing ka las/__/'od zer sngon po 'phros pa yis/__/snang srid thams cad 'ubs kyis bsdus/__/spyi bo nas zhugs hU~M la thim/__/lus nang 'od zer sngon pos khyab/__/sgrib gnyis dri ma sangs bar bsam/__/hU~M yig gtsug tor rtse mor son/__/'od zer lnga ldan drwa ba yis/__/lus g.yogs de dang dbyer med 'dres/__/hU~M thim de nyid skar mda' ltar/__/'og min bla ma he ru ka'i/__/thugs dang dbyer med 'dres pa las/__/bsam gyis mi khyab rdzogs pa che/__/ye babs gzhi yi dgongs pa de/__/rtsol med lam gyi bgrod pa las/__/'bras bu de nyid mngon du 'char/__/slar yang 'gro la rjes chag pa'i/__/sprul pa sgyu ma lta bur ldang /__/de ltar yang yang 'bad byas na/__/rlung sems gnyis med lha skur 'grub/__/rnam rtog 'od gsal dbyings su deng /__/rig pa chos sku'i rgyal sa zin/__/__!_gsum pa rjes kyi rim pa la/__/tshogs kyi mchod pa 'bul ba ni/__aHrang byung bde skyong yangs pa'i snod/__/tshogs rdzas rigs lnga bdud rtsi lnga/__/ma bcos ma bslad gtsang sme bral/__/chos kyi dbyings kun khyab par gyur/__/oM hU~M tra~M hrI a/__aHphyi nang zang thal sgrib g.yog bral/__/zhal phyag mtshan ma kun dag par/__/dbyings ye zung 'jug tshogs mchod 'bul/__/byang chub sems kyi dngos grub stsol/__/'khor lo lnga yi grong khyer nang /__/bla ma mkha' 'gro'i tshogs bcas la/__/bde chen dga' bzhi'i tshogs mchod 'bul/__/zhu bde stong pa'i dngos grub stsol/__/tsit+ta 'od kyi drwa ba na/__/gdod ma'i mgon po sa ra ha/__/gzhi snang lhun grub tshogs mchod 'bul/__/byin chen 'phro ba'i dngos grub stsol/__/kun brtags nyes pa thams cad bshags/__/gzhan dbang ma dag bsgral ba las/__/dag pa yongs grub chen po yi/__/go 'phang dam pa stsal du gsol/__/tshogs la rol zhing smon lam gdab/__lhag ma lhag la dbang bar sbyin/__dpal chen po yi pha 'bab la/__/rtag tu longs spyod lhag la dbang /__/'dir gshegs lhag ma'i mchod pa bzhes/__/phyi nang bar chad bzlog tu gsol/__/srung mar dam bsgrags gtor ma sbyin/__sngon tshe 'og min gsang ba cher/__/kun bzang he ru ka dpal gyi/__/rgyud gsum dam can dregs pa'i tshogs/__/gtor ma bzhes la phrin las sgrubs/__/rig pa shar grol chen po la/__/bar gcod kun rtog tshogs sgrol cig__/gsum pa rjes kyi rim pa la/__dngos grub blang ba ni/__sku bzhi'i ngo bo bla ma rdo rje 'chang /__/bdag gi spyi bor byon nas dbang bzhi bskur/__/byin gyis rlobs shig mchog thun dngos grub stsol/__/tshe 'di nyid la zung 'jug 'grub par shog__/bsngo smon shis pa brjod pa ni/__dpal mgon bla ma bsgrubs pa'i 'bras bu yi/__/bsod nams gang mchis 'gro ba'i rgyud la bsngo/__/kun kyang zung 'jug dam pa mngon gyur nas/__/'gro ba yongs kyi dpal du 'gyur bar shog__/shis brjod ni/__bla ma'i byin rlabs mkha' la sprin ltar 'khrigs/__/yi dam lha yis rtag tu byin gyis rlob/__/chos skyong srung mas bar chad thams cad bsal/__/rtsa gsum dkyil 'khor lha yi bkra shis shog__/de ltar bla ma sgrub pa'i thabs/__/zab pa'i man ngag dang bcas pa/__/pad+ma bdag gi legs par sbyar/__/skal ldan dpal du 'gyur bar shog__/sa ma ya rgya//___//