DKR-KABUM-09-TA-037

🚧 This website is under continued development. We appreciate your patience!

Previous Text"TA" is not a number. Back to Volume Page"TA" is not a number.Next Text "TA" is not a number.

Wylie title
Location	dil mgo mkhyen brtse bka' 'bum Volume , Text 37, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre	"TA" is not a number.

"TA" is not a number.

Tibetan Text

Wylie

[edit]

ཐུགས་སྒྲུབ་ཞལ་གདམས་སྙིང་བྱང་ལས། ལུས་ཀྱི་མཆོད་སྦྱིན་བཞུགས། དང་པོ་སྐྱབས་འགྲོ་སེམས་བསྐྱེད་ནི། ན་མོ། བདག་སོགས་འགྲོ་ཀུན་བྱང་ཆུབ་བར། །རྩ་བ་གསུམ་ལ་སྐྱབས་སུ་མཆི། །གཞན་དོན་སངས་རྒྱས་འཐོབ་བྱའི་ཕྱིར། །ལུས་ཀྱི་མཆོད་སྦྱིན་བསྒོམ་པར་བགྱི། །ལུས་སྦྱིན་དངོས་ནི། ཕཊ྄༔ རང་སེམས་མ་བཅོས་ཁྲོས་མ་ནག༔ ཚངས་པའི་ལམ་ནས་རྒྱངས་ཀྱིས་ཐོན༔ འོད་གསལ་དབྱིངས་ཀྱི་ནམ་མཁའ་ལ༔ རིག་པ་རང་སྣང་ཕྱག་རྒྱར་ཤར༔ ཕྱག་གཡས་རྡོ་རྗེའི་གྲི་གུག་གིས༔ རང་ལུས་ཕུང་པོ་དུམ་བུར་གཏུབ༔ སྟོང་གསུམ་དང་མཉམ་ཐོད་པའི་ནང༔ ཡེ་ཤེས་བདུད་རྩིའི་རྒྱ་མཚོར་བསྐྱིལ༔ རླངས་པ་འདོད་ཡོན་ལྔ་ལྡན་པའི༔ མཆོད་སྤྲིན་མཁའ་དང་མཉམ་པར་སྤེལ༔ ཟག་མེད་བདེ་བ་ཆེན་པོའི་རྫས༔ འཕེལ་འགྲིབ་བྲལ་བའི་རྒྱན་དུ་གྱུར༔ ཨོཾ་ཨཱཿཧཱུྃ༔ ཕཊ྄༔ སྣང་སྲིད་སྣོད་བཅུད་ཐམས་ཅད་ཀུན༔ གདོད་ནས་རྣམ་གྲོལ་ཕྱག་རྒྱ་ཆེ༔ འོད་གསལ་སྒྱུ་མའི་རོལ་པ་ལས༔ སྲིད་ཞི་ཅིར་ཡང་སྣང་བའི་མགྲོན༔ ཕྱོགས་མཚམས་སྟེང་འོག་ཀུན་ཏུ་ཁྱབ༔ འགྲོ་འོང་མེད་པའི་དགོངས་པར་བརྡལ༔ ཐམས་ཅད་རོ་མཉམ་ཆེན་པོའི་ངང༔ དཀོན་མཆོག་རྩ་གསུམ་རྒྱ་མཚོ་མཆོད༔ ཆོས་སྐྱོང་སྲུང་མའི་ཐུགས་དམ་བསྐང༔ བགེགས་རིགས་ལན་ཆགས་ཚིམས་ཕྱིར་སྦྱིན༔ རིགས་དྲུག་སྙིང་རྗེའི་ཚོགས་ལ་བསྔོ༔ ཟག་མེད་བདུད་རྩིའི་མཆོད་སྦྱིན་གྱིས༔ དགྱེས་ཤིང་མཉེས་ནས་རབ་ཚིམས་ཏེ༔ བསོད་ནམས་ཚོགས་ཆེན་ལྷུན་གྱིས་གྲུབ༔ ཡེ་ཤེས་འོད་གསལ་རྩོལ་མེད་ཤར༔ འཁོར་གསུམ་མཚན་མ་ལས་འདས་པའི༔ གདོད་མའི་གནས་ལུགས་མངོན་གྱུར་ཤོག༔ ཕཊ྄༔ ཅེས་བརྗོད་ལ་དམིགས་མེད་ངང་དུ་བཞག་གོ །སྦྱིན་པ་རྒྱ་ཆེན་གྱུར་པ་འདི་ཡི་མཐུས། །འགྲོ་བའི་དོན་དུ་རང་བྱུང་སངས་རྒྱས་ཤོག །སྔོན་གྱི་རྒྱལ་བ་རྣམས་ཀྱིས་མ་བསྒྲལ་བའི། །སྐྱེ་བོའི་ཚོགས་རྣམས་སྦྱིན་པས་གྲོལ་གྱུར་ཅིག ། ཅེས་སྔོན་རྗེས་ངག་འདོན་དིལ་མཁྱེན་མངྒ་ལས་བསྡེབས་པའོ།།

[edit]

thugs sgrub zhal gdams snying byang las/_lus kyi mchod sbyin bzhugs/_dang po skyabs 'gro sems bskyed ni/__na mo/_bdag sogs 'gro kun byang chub bar/_/rtsa ba gsum la skyabs su mchi/_/gzhan don sangs rgyas 'thob bya'i phyir/_/lus kyi mchod sbyin bsgom par bgyi/_/lus sbyin dngos ni/_phaTa?:_rang sems ma bcos khros ma nag:_tshangs pa'i lam nas rgyangs kyis thon:_'od gsal dbyings kyi nam mkha' la:_rig pa rang snang phyag rgyar shar:_phyag g.yas rdo rje'i gri gug gis:_rang lus phung po dum bur gtub:_stong gsum dang mnyam thod pa'i nang:_ye shes bdud rtsi'i rgya mtshor bskyil:_rlangs pa 'dod yon lnga ldan pa'i:_mchod sprin mkha' dang mnyam par spel:_zag med bde ba chen po'i rdzas:_'phel 'grib bral ba'i rgyan du gyur:_oM AHhU~M:_phaTa?:_snang srid snod bcud thams cad kun:_gdod nas rnam grol phyag rgya che:_'od gsal sgyu ma'i rol pa las:_srid zhi cir yang snang ba'i mgron:_phyogs mtshams steng 'og kun tu khyab:_'gro 'ong med pa'i dgongs par brdal:_thams cad ro mnyam chen po'i ngang:_dkon mchog rtsa gsum rgya mtsho mchod:_chos skyong srung ma'i thugs dam bskang:_bgegs rigs lan chags tshims phyir sbyin:_rigs drug snying rje'i tshogs la bsngo:_zag med bdud rtsi'i mchod sbyin gyis:_dgyes shing mnyes nas rab tshims te:_bsod nams tshogs chen lhun gyis grub:_ye shes 'od gsal rtsol med shar:_'khor gsum mtshan ma las 'das pa'i:_gdod ma'i gnas lugs mngon gyur shog:_phaTa?:_ces brjod la dmigs med ngang du bzhag go_/sbyin pa rgya chen gyur pa 'di yi mthus/_/'gro ba'i don du rang byung sangs rgyas shog_/sngon gyi rgyal ba rnams kyis ma bsgral ba'i/_/skye bo'i tshogs rnams sbyin pas grol gyur cig_/_ces sngon rjes ngag 'don dil mkhyen mang+ga las bsdebs pa'o//