JKW-KABUM-17-TSA-001-002

Previous Text Back to Volume PageNext Text

Wylie title
Location	mkhyen brtse'i bka' 'bum Volume 17, sde tshan 1, Text 2, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 17: 1-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

2 51-54	སྨིན་གླིང་ལོ་ཆེན་གསུང་སྒྲ་སྐོར་དྲིས་ལན་ལས་ཁོལ་ཕྱུང་། smin gling lo chen gsung sgra skor dris lan las khol phyung Replies to Questions - dris lan	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྨིན་གླིང་ལོ་ཆེན་གསུང་སྒྲ་སྐོར་དྲིས་ལན་ལས་ཁོལ་ཕྱུང་། ༄༅། །ཞབས་པད་རིན་པོ་ཆེར། གུས་པས་ཞུ་བ། བཀའ་ཤོག་རིན་པོ་ཆེ་གནང་སྐྱེས་བཟང་པོ་བཅས་རྫོང་སྐྱེལ་རིམ་པ་རྒྱུད་ཀྱིས་ཚེས་བརྒྱད་ཀྱི་གུང་ལ་ཕེབས་པ་བཀའ་དྲིན་ཆེ། ཇི་ལྟར་སྩལ་ཕེབས་ལྟར་སྙན་ངག་མེ་ལོང་གི་གནས་གཅིག་ཏུ་ངེས་པའི་དཔེར་བརྗོད་འདི། ཨ་ཀུ་ཧཐྐ་མགྲིན་ལས་སྐྱེས། །ཞེས་པ་ལྟར། ས་ལས་བྱུང་བའི་ཡི་གེ་ཁོ་ན་སྡེབས་པར་སྣང་བས། སྒྲའི་སྦྱོར་བའང་ཁྱད་འཕགས་ཡོད་པ་གཞིར་བཅས་ལགས་པར་མ་ཟད། ཊཱི་ཀ་རྣམས་སུའང་མ་བཀྲོལ་བས་བདག་ལྟའི་བློ་དམན་གྱིས་ཇི་བཞིན་པ་ཅི་ལ་རྟོགས་ལགས་རུང་། མའི་མདུན་དུ་བྱིས་པས་ཅི་དགར་སྨྲ་བ་ལྟར། འདི་དང་འདི་ཡིན་པ་འདྲ་སྙམ་པ་རྣམས་སྤྱི་བརྟོལ་བསྐྱེད་ནས་གསོལ་རྒྱུར། རྒྱ་དཔེ་རྐང་པ་གསུམ་པའི་ཨ་དགག་སྒྲ། ཧཱ་ཧཱ་ན་མཚན་བརྗོད། གད་རྒྱང་ཧཱ་ཧཱ་ཞེས་པ་ལྟར། བཞད་སྒྲ་མུ་ཅོར་སྒྲོགས་པའོ། །དབང་ཊཱིཀ་ཏུ། མྱ་ངན་གྱི་བརྗོད་པ་ཞེས་འབྱུང་བ་ལྟར་ན། ཀྱེ་མ་ཀྱི་ཧུད། ག་ནི་གརྫ་སྒྲའི་བྱིངས་ལ། པཉྩ་མིའི་ཧི་བྱིན་ནས་བསྒྲུབས་པས་གརྫ་ཡ་ཞེས་པའི་ཐོག་མར་བརྗོད་པ་སྟེ་སྒྲོགས་པ། ཁ་ནི་ཡི་གེ་གཅིག་པའི་ཨ་བྷི་དྷ་ན་ལས། ནམ་མཁའ་ལ་ཡང་ཁ་ཞེས་མངོན་གསུངས་ཏེ། །ཞེས་པས་མཁའ་དང་། ག་ནི་འགྲོ་བ་སྟེ། མཁའ་འགྲོ། ཨངྐ་ནི་མངོན་བརྗོད་མུ་ཏིག་ཕྲེང་བར་རྟགས་མཚན་གྱི་མིང་བརྒྱད་ཀྱི་ནང་དུ་མཚན་མ་ཞེས་པའི་མིང་དུ་བཤད་ཅིང་། ཨ་ཀཱ་ནི་འགྲོ་མང་དེ་ཉི་མའི་མིང་ཡིན་ཡང་། མཁའ་འགྲོ་དང་འདིར་ཉི་མ་ཡིན་པར་ཟློས་པར་དགོངས་ནས་མ་བསྒྱུར་བ་འདྲ་སྟེ། དེ་རྣམས་འདྲ་འདུས་རིང་པོ་བྱས་པས། གཱངྒཱ་ཀཱ་ཧཱ་ཧཱ། ཧཱ་ཧཱ་མི་སྒྲོགས་མཁའ་འགྲོས་མཚན། །ཞེས་པ་སྟེ། ཧ་འཕྱི་མར་ང་རོ་སྦྱར་བ་ནོར་རམ་སྒྲའི་སྦྱོར་བ་ཁྱད་པར་བས་བསྒྲུབས་པ་གང་ཡིན་མ་ངེས་ལགས། རྐང་པ་བཞི་པའི། ཀཾ་ནི་མགོ་དང་། ཆུ་དང་། སྡིག་པ་རྣམས་ལ་འཇུག་པས་འདིར་སྡིག་པ། ཀཱ་ཀཱ་ཞེས་པ། འདོད་འཇོར། ཀཱ་ཞེས་པའི་སྒྲ་སྒྲོགས་པའི་དོན་གྱིས་བྱ་རོག་ཏུ་བཤད། ཁ་ནི། ཡི་གེ་གཅིག་པར། མཐོ་རིས་འཇིག་རྟེན་ལ་ཡང་ཁ་རབ་བརྗོད། །ཅེས་པས་མཐོ་རིས། ག་ཞེས་པ་འགྲོ། ཀ་ཀ་བྱ་རོག་སོགས་མང་པོར་འཇུག་པར་སྒྲའི་སྙེ་མ་སོགས་སུ་བཤད་པས་འདིར་དེས་འཇོམས་པར་བྱེད་པའི་དོན་དང་། ཀ་ནི་བདག་སྒྲ་ཡིན་པས་འཇོམས་པ་པོ་ཞེས་པ་སྟེ། སྡིག །བྱ་རོག་འཇོམས་པ་མཐོ་རིས་འགྲོ། །ཞེས་པའོ། །རྐང་པ་དང་པོའི་ཨ་གཱ་ཞེས་པ་འགྲོ་མེད་དེ། འབྲེང་པོའམ་འཁྱོགས་པོ། གཾ་ཞེས་པ་སྒྲའི་སྙེ་མར། ཀླུ་དང་བརྗོད་པ་ལ་འཇུག་པར་བཤད་པས་སྒྲ་སྒྲོགས་པའི་དོན། གངྒཱ་ཡོངས་གྲགས་ཏེ། གཱ་སྔ་མར་རིང་ཆ་བྱུང་བ་ཡིག་ནོར་རམ་སྙམ་སྟེ། །གངྒཱ་ཞེས་མོ་རྟགས་མཐའ་ཅན་དུ་རྒྱ་དཔེ་དག་པ་ཐམས་ཅད་མཐུན་པར་འབྱུང་མོད། འོན་ཀྱང་སྡེབས་སྦྱོར་གྱི་ལྕི་ཡང་ཁྱད་སྒྲའི་སྦྱོར་བ་གཞན་གྱི་བསྒྲུབས་པའང་མཐའ་མ་བཀག་གམ་སྙམ་ལགས། ཀཱ་ཀཱ་ཆུ་ཀླུང་སྟེ་མོ་རྟགས་མཐའ་ཅན་དུ་བྱས། ཨ་ཀ་ཞེས་དགག་སྒྲ་ཅན་འགྲོ་མེད་དུ་མུ་ཏིག་ཕྲེང་བར་བཤད་པས། ཀ་ཞེས་པ་འགྲོ་བའི་དོན་ཅན་འཇུག་པར་བསྒྱུར་བའམ། ཡང་ན་ཀ་བདེ་པའམ་ཆགས་པ་སོགས་ལའང་འཇུག་པས། གངྒའི་ཆུར་བཀྲུས་པས་ཚངས་པ་སྟེ་དག་པའི་དོན་ཡིན་ཡང་འཇོམས་པའི་སྒྲ་དང་ཟློས་པས་འཁྲུ་བའི་དོན་གྱིས་ཁྲུས་ལ་འཇུག་པར་འགྱུར་རམ་སྙམ་སྟེ། །འཁྱོགས་སྒྲོགས་གངྒཱའི་ཆུར་འཇུག་ཞེས་པའོ། །ཆད་པ་གཉིས་པའི་གོ་ཞེས་པ་མིག་སྟེ། དཔེ་མཚོན་དབང་པོ་རྣམས་བསྡུ་བས་མང་ཚིག་ཛས་སྦྱར་བས། གཱཿ ཧ་ཞེས་པ་རྡུལ་ཁྲོས་པ། འཁྲུགས་པ་སོགས་ལ་འཇུག་པས་མ་དུལ་བའི་དོན་གྱིས་འཁྱོགས་པོར་བསྒྱུར་རམ་སྙམ། སྒྲ་ལྡན་ཕ་རོལ་ལགཱཿའི་རྣམ་བཅད་ཕྱིས་པས། གཱཧ། ཀཱཿཞེས་པ་བདག་ཉིད་དང་རབ་གསལ་སོགས་ལ་འཇུག་པས་གང་ལ་ལྡན་པའམ་མངའ་བའི་བདག་ཉིད་ཅེས་པའོ། །བོད་སྐད་དུ་མ་བསྒྱུར་ནའང་། དབང་པོ་མ་དུལ་བ་རྣམས་པ་ཆགས་པའི་དོན་གྱིས་ཚོགས་པའི་སྒྲ། ཨོཾ་གྷའམ། སཾ་གྷའི་མིང་། མཐའ་བརྗོད་དེགྷ་སྦྱར་ནས། ཨཱ་ལས་ཕ་རོལ་སྒྲ་ལྡན་ལ་རྣམ་བཅད་ཕྱིས་ཏེ། འཇིག་རྟེན་ཉེར་སྤྱོད་ཀྱིས་པླུ་ཏ། ཀ་ཀ་ཞེས་པ་རི་མོ་དང་། ལྷ་ཆེན་ནམ། འགྲོ་བ་ལ་འཇུག་པས། བུདྡྷའི་སྒྲ་ལྟར་རི་འགྲོ་ཞེས་བསྒྱུར། ཨ་དགག་སྒྲ། ཀ་འདོད་ཆགས་ལ་འཇུག་པས་ཆགས་མེད་དེ་མཚམས་སྦྱར་བས། ཀཱ་ཀཱ་ཀ །ཧཱ་ཞེས་པ་ཁ་བསྐངས་སུ་སྦྱར་རམ་སྙམ་ཏེ། རི་འགྲོ་དབང་འཁྱོགས་ལྡན་མ་ཆགས། ཞེས་པའམ། འདིར་སྣར་ཐང་པའི་ཊཱི་ཀར། རིང་འགྲོ་ཞེས་དུས་ཡུན་རིང་པོའི་དོན་ལ་བཤད་པ་མཛད་ཀྱང་། ཊཱི་ཀ་ཕལ་ཆེར་མཐུན་ཞིང་། གཞུང་གི་དཔེ་རྣམས་སུའང་རི་འགྲོ་ཞེས་པ་མང་བས་དབང་བཙན་པར་ཞུས་ལགས། ཞེས་པའང་སྨིན་གླིང་ལོ་ཙཱ་བ་དྷརྨཱ་ཤྲཱིའི་དྲིས་ལན་ལས་སོ། །སརྦ་མངྒ་ལཾ།། །། ༈

[edit]

smin gling lo chen gsung sgra skor dris lan las khol phyung / @#/_/zhabs pad rin po cher/__gus pas zhu ba/__bka' shog rin po che gnang skyes bzang po bcas rdzong skyel rim pa rgyud kyis tshes brgyad kyi gung la phebs pa bka' drin che/__ji ltar stsal phebs ltar snyan ngag me long gi gnas gcig tu nges pa'i dper brjod 'di/__a ku hath+ka mgrin las skyes/__/zhes pa ltar/__sa las byung ba'i yi ge kho na sdebs par snang bas/__sgra'i sbyor ba'ang khyad 'phags yod pa gzhir bcas lags par ma zad/__TI ka rnams su'ang ma bkrol bas bdag lta'i blo dman gyis ji bzhin pa ci la rtogs lags rung /__ma'i mdun du byis pas ci dgar smra ba ltar/__'di dang 'di yin pa 'dra snyam pa rnams spyi brtol bskyed nas gsol rgyur/__rgya dpe rkang pa gsum pa'i a dgag sgra/__hA hA na mtshan brjod/__gad rgyang hA hA zhes pa ltar/__bzhad sgra mu cor sgrogs pa'o/__/dbang TIka tu/__mya ngan gyi brjod pa zhes 'byung ba ltar na/__kye ma kyi hud/__ga ni gardza sgra'i byings la/__pany+tsa mi'i hi byin nas bsgrubs pas gardza ya zhes pa'i thog mar brjod pa ste sgrogs pa/__kha ni yi ge gcig pa'i a b+hi d+ha na las/__nam mkha' la yang kha zhes mngon gsungs te/__/zhes pas mkha' dang /__ga ni 'gro ba ste/__mkha' 'gro/__ang+ka ni mngon brjod mu tig phreng bar rtags mtshan gyi ming brgyad kyi nang du mtshan ma zhes pa'i ming du bshad cing /__a kA ni 'gro mang de nyi ma'i ming yin yang /__mkha' 'gro dang 'dir nyi ma yin par zlos par dgongs nas ma bsgyur ba 'dra ste/__de rnams 'dra 'dus ring po byas pas/__gAng+gA kA hA hA/__hA hA mi sgrogs mkha' 'gros mtshan/__/zhes pa ste/__ha 'phyi mar nga ro sbyar ba nor ram sgra'i sbyor ba khyad par bas bsgrubs pa gang yin ma nges lags/__rkang pa bzhi pa'i/__kaM ni mgo dang /__chu dang /__sdig pa rnams la 'jug pas 'dir sdig pa/__kA kA zhes pa/__'dod 'jor/__kA zhes pa'i sgra sgrogs pa'i don gyis bya rog tu bshad/__kha ni/__yi ge gcig par/__mtho ris 'jig rten la yang kha rab brjod/__/ces pas mtho ris/__ga zhes pa 'gro/__ka ka bya rog sogs mang por 'jug par sgra'i snye ma sogs su bshad pas 'dir des 'joms par byed pa'i don dang /__ka ni bdag sgra yin pas 'joms pa po zhes pa ste/__sdig__/bya rog 'joms pa mtho ris 'gro/__/zhes pa'o/__/rkang pa dang po'i a gA zhes pa 'gro med de/__'breng po'am 'khyogs po/__gaM zhes pa sgra'i snye mar/__klu dang brjod pa la 'jug par bshad pas sgra sgrogs pa'i don/__gang+gA yongs grags te/__gA snga mar ring cha byung ba yig nor ram snyam ste/__/gang+gA zhes mo rtags mtha' can du rgya dpe dag pa thams cad mthun par 'byung mod/__'on kyang sdebs sbyor gyi lci yang khyad sgra'i sbyor ba gzhan gyi bsgrubs pa'ang mtha' ma bkag gam snyam lags/__kA kA chu klung ste mo rtags mtha' can du byas/__a ka zhes dgag sgra can 'gro med du mu tig phreng bar bshad pas/__ka zhes pa 'gro ba'i don can 'jug par bsgyur ba'am/__yang na ka bde pa'am chags pa sogs la'ang 'jug pas/__gang+ga'i chur bkrus pas tshangs pa ste dag pa'i don yin yang 'joms pa'i sgra dang zlos pas 'khru ba'i don gyis khrus la 'jug par 'gyur ram snyam ste/__/'khyogs sgrogs gang+gA'i chur 'jug zhes pa'o/__/chad pa gnyis pa'i go zhes pa mig ste/__dpe mtshon dbang po rnams bsdu bas mang tshig dzas sbyar bas/__gAH__ha zhes pa rdul khros pa/__'khrugs pa sogs la 'jug pas ma dul ba'i don gyis 'khyogs por bsgyur ram snyam/__sgra ldan pha rol lagAH'i rnam bcad phyis pas/__gAha/__kAHzhes pa bdag nyid dang rab gsal sogs la 'jug pas gang la ldan pa'am mnga' ba'i bdag nyid ces pa'o/__/bod skad du ma bsgyur na'ang /__dbang po ma dul ba rnams pa chags pa'i don gyis tshogs pa'i sgra/__oM g+ha'am/__saM g+ha'i ming /__mtha' brjod deg+ha sbyar nas/__A las pha rol sgra ldan la rnam bcad phyis te/__'jig rten nyer spyod kyis p+lu ta/__ka ka zhes pa ri mo dang /__lha chen nam/__'gro ba la 'jug pas/__bud+d+ha'i sgra ltar ri 'gro zhes bsgyur/__a dgag sgra/__ka 'dod chags la 'jug pas chags med de mtshams sbyar bas/__kA kA ka__/hA zhes pa kha bskangs su sbyar ram snyam te/__ri 'gro dbang 'khyogs ldan ma chags/__zhes pa'am/__'dir snar thang pa'i TI kar/__ring 'gro zhes dus yun ring po'i don la bshad pa mdzad kyang /__TI ka phal cher mthun zhing /__gzhung gi dpe rnams su'ang ri 'gro zhes pa mang bas dbang btsan par zhus lags/__zhes pa'ang smin gling lo tsA ba d+harmA shrI'i dris lan las so/__/sarba mang+ga laM//____//__!_