JKW-KABUM-15-BA-006-006

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 15, sde tshan 6, Text 6, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 15: . Khams sde dge rdzong sar dgon: Rdzong sar blo gros phun tshogs, 2020.
Genre
Cycle	བླ་མའི་ཐུགས་སྒྲུབ་བར་ཆད་ཀུན་ (bla ma'i thugs sgrub bar chad kun sel)
Deity	rdo rje sems dpa'

1 Texts in this Section (sde tshan or chos tshan)

6 160-163	དགོངས་གཏེར་སྒྲོལ་མའི་ཟབ་ཏིག་གི་ལེགས་སོ་གསུམ་གྱི་དོན་ཁྲིད་ཀྱི་བསྡུས་དོན། dgongs gter sgrol ma'i zab tig gi legs so gsum gyi don khrid kyi bsdus don Commentary Synoptic - bsdus don 'grel pa   ·   Contemplative Guide Books and Instructional Manuals - khrid yig	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྒྲོལ་མ་ལེགས་སོ་གསུམ་གྱི་དོན་ཁྲིད་བསྡུས་དོན། ༄༅། །དགོངས་གཏེར་སྒྲོལ་མའི་ཟབ་ཏིག་གི་ལེགས་སོ་གསུམ་གྱི་དོན་ཁྲིད་ཀྱི་བསྡུས་དོན་བཞུགས་སོ། །ན་མོ་གུ་རུ་བྷྱཿ དགོངས་གཏེར་སྒྲོལ་མའི་ཟབ་ཏིག་གི་ལེགས་སོ་གསུམ་གྱི་དོན་ཁྲིད་ལ་གཉིས། ལོ་རྒྱུས་དང་། གདམས་པ། དངོས་སོ། །གཉིས་པ་ལ་གསུམ། མདོར་བསྟན། རྒྱས་བཤད། འབྲས་བུ་འགྲུབ་ཚུལ་གྱིས་དོན་བསྡུ་བའོ། །དང་པོ་ནི། ལེགས་སོ་དང་པོ་སོགས་སོ། །གཉིས་པ་ལ་གཉིས། ཐུན་གྱི་སྔོན་འགྲོ་དང་། ཁྲིད་ཀྱི་ཉམས་ལེན་ནོ། །དང་པོ་ནི། དེ་རྣམས་སོགས། གཉིས་པ་ལ་གསུམ། ལེགས་སོ་དང་པོ་ཐོག་མར་དགེ་བ་སྔོན་འགྲོ་ལྷ་མི་དང་ཉན་རང་ཐེག་པའི་ཁྲིད། ལེགས་སོ་གཉིས་པ་བར་དུ་དགེ་བ་ཐེག་ཆེན་སྤྱིའི་ཁྲིད། ལེགས་སོ་གསུམ་པ་ཐ་མར་དགེ་བ་རྡོ་རྗེ་ཐེག་པ་ཐུན་མོང་མ་ཡིན་པའི་ཁྲིད་དེ། དང་པོ་ལ་གཉིས། སྐྱེས་བུ་ཆུང་ངུ་དང་ཐུན་མོང་བ་ལྷ་མིའི་ཐེག་པའི་ལམ། སྐྱེས་བུ་འབྲིང་དང་ཐུན་མོང་བ་ཉན་རང་ཐེག་པའི་ལམ་མོ། །དང་པོ་ནི། དེ་ནས་ཉམས་ལེན་སོགས། གཉིས་པ། མཐོ་རིས་སོགས། གཉིས་པ་ལེགས་སོ་བར་པ་སྐྱེས་བུ་ཆེན་པོའི་ལམ་རིམ་ལ་གཉིས། ཀུན་རྫོབ་བྱང་སེམས་ལ་བློ་སྦྱོང་ཚུལ་དང་། དོན་དམ་བྱང་སེམས་ཞི་ལྷག་བསྒོམ་པའི་ཚུལ་ལོ། །དང་པོ་ནི། སྡུག་བསྔལ་ཅན་གྱི་སོགས། གཉིས་པ་ལ་གསུམ། རྟེན་ཞི་གནས་བསྒོམ་བརྟེན་པ་ལྷག་མཐོང་བཙལ། དེ་གཉིས་ཟུང་འབྲེལ་དུ་ཉམས་སུ་བླང་བའོ། །དང་པོ་ནི། ཁྱད་པར་སོགས། གཉིས་པ་ནི། དེ་ཡི་སོགས། གསུམ་པ་ནི། དབྱེར་མེད་སོགས། གསུམ་པ་ལེགས་སོ་ཐ་མ་མྱུར་ལམ་རྡོ་རྗེ་ཐེག་པ་ལ་བསླབ་པའི་ཚུལ་ལ་གསུམ། ཕྱི་བྱ་སྤྱོད་ལྟར་བསྙེན། ནང་རྣལ་འབྱོར་རྒྱུད་ལྟར་བསྒྲུབ། གསང་བ་རྣལ་འབྱོར་བླ་མེད་ལྟར་སྒྲུབ་པ་ཆེན་པོས་ལས་ལ་སྦྱར་བའོ། །དང་པོ་ནི། ཆོས་རྣམས་སོགས། གཉིས་པ་ནི། ནང་ལྟར་སོགས། གསུམ་པ་ལ་གཉིས། ཁྱད་པར་གྱི་སྔོན་འགྲོ་དང་། དངོས་གཞིའི་རྣལ་འབྱོར་བཞིའི་བྱེ་བྲག་གོ །དང་པོ་ནི། ཁྱད་པར་གསང་བའི་སོགས། གཉིས་པ་ལ་བཞི། དང་པོའི་རྣལ་འབྱོར། རྗེས་སུ་རྣལ་འབྱོར། ཤིན་ཏུ་རྣལ་འབྱོར། རྣལ་འབྱོར་ཆེན་པོའོ། །དང་པོ་ནི་བསྐྱེད་པའི་རིམ་པ་སྟེ། དེ་ནས་སྒྲུབ་པ་ཆེན་པོ་སོགས། གཉིས་པ་ནི། ཤེས་རབ་རྣམ་པར་གྲོལ་བའི་ལམ་རྒྱུ་དུས་ཀྱི་ལྟ་བ་བསྐྱང་བ་སྟེ། འདི་ལ་གཉིས། ཐབས་ཀྱིས་སེམས་བཟུང་བ་དང་། གཉུག་མའི་ངང་བསྐྱང་བའོ། །དང་པོ་ནི། ལུས་གནད་སོགས། གཉིས་པ་ནི། དེ་གོམས་སོགས། གསུམ་པ་ནི། ཐབས་ངེས་པའི་ལམ་སྟེ། འདི་ལ་གསུམ། སྔོན་འགྲོ་རླུང་སྦྱང་བ་དང་། དངོས་གཞི་ཕོ་ཉའི་མྱུར་ལམ་བསྟེན་པ། གཏུམ་མོའི་དྲོད་ཀྱིས་བོགས་འདོན་པའོ། །དང་པོ་ནི། ཁ་སྦྱོར་སོགས། གཉིས་པ་ནི། རྩ་རླུང་སོགས། གསུམ་པ་ནི། བོགས་འདོན་སོགས། བཞི་པ་ནི་མཚན་མེད་འོད་གསལ་གྱི་རྫོགས་རིམ་སྟེ། འདི་ལ་གསུམ། རྟེན་གྱི་གཞི་བཅའ་བ། དེ་ཉིད་སྙིང་གི་བུམ་ཅན་གྱིས་བརྟན་པར་བྱ་བ། བརྟེན་པ་དཔེ་དོན་གྱི་འོད་གསལ་ལ་མཉམ་པར་བཞག་པ་དངོས་སོ། །དང་པོ་ནི། སྙིང་གའི་ཏཱྃ་སོགས། གཉིས་པ་ནི། རླུང་གི་སོགས། གསུམ་པ་ནི། རང་བྱུང་སོགས། འདི་ལ་གསར་འགྱུར་སྒྲོལ་མ་རྣལ་འབྱོར་མའི་རྫོགས་རིམ་ལས། གཏུམ་མོ་མན་ཆད་རྣལ་འབྱོར་ཆེན་པོར་བཞག་ནས། གཏུམ་མོ་བསྒོམ་པ་ལུས་མི་ཤིགས་པའི་རྣལ་འབྱོར། སྣོད་བཅུད་དྭངས་མ་བསྡུ་བ་ངག་མི་ཤིགས་པའི་རྣལ་འབྱོར། ཐིག་ལེ་ལ་སེམས་བཟུང་ཞིང་རླུང་སྦྱོར་གྱིས་བརྟན་པ་ཡིད་མི་ཤིགས་པའི་རྣལ་འབྱོར་ཞེས་གསུངས་ཀྱང་། དོན་གྱི་གནད་གཅིག་པར་ཡོད་དོ། །གསུམ་པ་འབྲས་བུ་འགྲུབ་ཚུལ་གྱིས་དོན་བསྡུ་བ་ནི། མཚོན་བྱེད་སོགས་སོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་བྲིས་པ་ཤུ་བྷཾ། ། ༈

[edit]

sgrol ma legs so gsum gyi don khrid bsdus don/__ @#/_/dgongs gter sgrol ma'i zab tig gi legs so gsum gyi don khrid kyi bsdus don bzhugs so/__/na mo gu ru b+h+yaH__dgongs gter sgrol ma'i zab tig gi legs so gsum gyi don khrid la gnyis/__lo rgyus dang /__gdams pa/__dngos so/__/gnyis pa la gsum/__mdor bstan/__rgyas bshad/__'bras bu 'grub tshul gyis don bsdu ba'o/__/dang po ni/__legs so dang po sogs so/__/gnyis pa la gnyis/__thun gyi sngon 'gro dang /__khrid kyi nyams len no/__/dang po ni/__de rnams sogs/__gnyis pa la gsum/__legs so dang po thog mar dge ba sngon 'gro lha mi dang nyan rang theg pa'i khrid/__legs so gnyis pa bar du dge ba theg chen spyi'i khrid/__legs so gsum pa tha mar dge ba rdo rje theg pa thun mong ma yin pa'i khrid de/__dang po la gnyis/__skyes bu chung ngu dang thun mong ba lha mi'i theg pa'i lam/__skyes bu 'bring dang thun mong ba nyan rang theg pa'i lam mo/__/dang po ni/__de nas nyams len sogs/__gnyis pa/__mtho ris sogs/__gnyis pa legs so bar pa skyes bu chen po'i lam rim la gnyis/__kun rdzob byang sems la blo sbyong tshul dang /__don dam byang sems zhi lhag bsgom pa'i tshul lo/__/dang po ni/__sdug bsngal can gyi sogs/__gnyis pa la gsum/__rten zhi gnas bsgom brten pa lhag mthong btsal/__de gnyis zung 'brel du nyams su blang ba'o/__/dang po ni/__khyad par sogs/__gnyis pa ni/__de yi sogs/__gsum pa ni/__dbyer med sogs/__gsum pa legs so tha ma myur lam rdo rje theg pa la bslab pa'i tshul la gsum/__phyi bya spyod ltar bsnyen/__nang rnal 'byor rgyud ltar bsgrub/__gsang ba rnal 'byor bla med ltar sgrub pa chen pos las la sbyar ba'o/__/dang po ni/__chos rnams sogs/__gnyis pa ni/__nang ltar sogs/__gsum pa la gnyis/__khyad par gyi sngon 'gro dang /__dngos gzhi'i rnal 'byor bzhi'i bye brag go__/dang po ni/__khyad par gsang ba'i sogs/__gnyis pa la bzhi/__dang po'i rnal 'byor/__rjes su rnal 'byor/__shin tu rnal 'byor/__rnal 'byor chen po'o/__/dang po ni bskyed pa'i rim pa ste/__de nas sgrub pa chen po sogs/__gnyis pa ni/__shes rab rnam par grol ba'i lam rgyu dus kyi lta ba bskyang ba ste/__'di la gnyis/__thabs kyis sems bzung ba dang /__gnyug ma'i ngang bskyang ba'o/__/dang po ni/__lus gnad sogs/__gnyis pa ni/__de goms sogs/__gsum pa ni/__thabs nges pa'i lam ste/__'di la gsum/__sngon 'gro rlung sbyang ba dang /__dngos gzhi pho nya'i myur lam bsten pa/__gtum mo'i drod kyis bogs 'don pa'o/__/dang po ni/__kha sbyor sogs/__gnyis pa ni/__rtsa rlung sogs/__gsum pa ni/__bogs 'don sogs/__bzhi pa ni mtshan med 'od gsal gyi rdzogs rim ste/__'di la gsum/__rten gyi gzhi bca' ba/__de nyid snying gi bum can gyis brtan par bya ba/__brten pa dpe don gyi 'od gsal la mnyam par bzhag pa dngos so/__/dang po ni/__snying ga'i tA~M sogs/__gnyis pa ni/__rlung gi sogs/__gsum pa ni/__rang byung sogs/__'di la gsar 'gyur sgrol ma rnal 'byor ma'i rdzogs rim las/__gtum mo man chad rnal 'byor chen por bzhag nas/__gtum mo bsgom pa lus mi shigs pa'i rnal 'byor/__snod bcud dwangs ma bsdu ba ngag mi shigs pa'i rnal 'byor/__thig le la sems bzung zhing rlung sbyor gyis brtan pa yid mi shigs pa'i rnal 'byor zhes gsungs kyang /_don gyi gnad gcig par yod do/_/gsum pa 'bras bu 'grub tshul gyis don bsdu ba ni/__mtshon byed sogs so/_/zhes pa'ang mtsho skyes bla ma dgyes pa'i 'bangs pad+ma 'od gsal mdo sngags gling pas bris pa shu b+haM/_/__!