JKW-KABUM-14-PHA-020

🚧 This website is under continued development. We appreciate your patience!

Previous Section Back to Volume PageNext Section

Wylie title
Location	mkhyen brtse'i bka' 'bum Volume 14, sde tshan 20, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཕྲེང་པོ་གཏེར་སྟོན་ཤེས་རབ་འོད་ཟེར་ ('phreng po gter ston shes rab 'od zer)
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 14: . Khams sde dge rdzong sar dgon: Rdzong sar blo gros phun tshogs, 2020.
Genre
Cycle	པདྨའི་ཞལ་གདམས་རྩ་གསུམ་མཐོང་བ་རང་གྲོལ་ (pad+ma'i zhal gdams rtsa gsum mthong ba rang grol)
Deity	pad+ma 'byung gnas

1 Texts in this Section (sde tshan or chos tshan)

319-323	ཡཀྴ་ཛམྦྷ་ལ་ལྗང་གུའི་གཏོར་འབུལ་འདོད་རྒུའི་སྙིང་པོ། yak+sha dzam+b+ha la ljang gu'i gtor 'bul 'dod rgu'i snying po Torma-offering Rituals - gtor chog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

བྱང་གཏེར་ཛཾ་ལྗང་གཏོར་འབུལ་འདོད་དགུའི་སྙིང་པོ།

༄༅། །ཡཀྴ་ཛམྦྷ་ལ་ལྗང་གུའི་གཏོར་འབུལ་འདོད་རྒུའི་སྙིང་པོ་ཞེས་བྱ་བ་བཞུགས་སོ། ། ཨོཾ་སྭ་སྟི་སིདྡྷཾ། བྱང་གཏེར་ཐུགས་སྒྲུབ་ཀྱི་ཆ་ལག་ཡཀྴ་ཛམྦྷ་ལའི་སྒྲུབ་ཐབས་ལས་བྱུང་བའི་གཏོར་མ་འབུལ་བའི་ཚུལ་ནི། སྔ་དྲོའམ་དགོངས་མོའི་ཆར་རིན་པོ་ཆེའི་སྣོད་གཙང་མར་འབྲས་ཟན་དང་། དཀར་གསུམ་མངར་གསུམ་གྱི་གཏོར་མ་རྒྱ་ཆེན་པོ་བཤམས་ལ་ཆབ་ཀྱིས་བྲན། སྭ་བྷ་ཝས་སྦྱང་། སྟོང་པའི་ངང་ལས་ཏྲཱྃ་ལས་རིན་པོ་ཆེའི་སྣོད་དུ་ཨ་ལས་གཏོར་མ་ལྷའི་ཞལ་ཟས་རོ་མཆོག་བརྒྱ་དང་ལྡན་པར་གྱུར། རྃ་ཡྃ་ཁྃ། ཨོཾ་ཨཱཿཧཱུྃ་ཞེས་པས་བརླབ། ཕྱག་ན་རྡོ་རྗེའི་བདག་བསྐྱེད་རྒྱས་པར་བསྒོམ་པའམ་བསྡུ་ན། རང་སྐད་ཅིག་གིས་དཔལ་ཕྱག་ན་རྡོ་རྗེ་སྐུ་མདོག་སྔོན་པོ་རྡོ་རྗེ་དང་སྡིགས་མཛུབ་མཛད་པ། དར་དང་རིན་པོ་ཆེ་དང་སྦྲུལ་གྱིས་བརྒྱན་ཅིང་པད་ཉིའི་གདན་ལ་ཞབས་དོར་སྟབས་ཀྱིས་བཞུགས་པའི་སྐུར་གྱུར། དེའི་ཐུགས་ཀའི་ས་བོན་ལས་མདུན་དུ་པྃ་གྱི་ཡི་གེ་ཆད་པས་པདྨ་དང་ཨ་ལས་ཟླ་བའི་གདན་ཡངས་ཤིང་རྒྱ་ཆེ་བར་གྱུར། རང་གི་སྙིང་ག་ནས་འོད་ཟེར་ལྕགས་ཀྱུའི་རྣམ་པ་ཅན་སྟེང་གི་ཕྱོགས་སུ་འཕྲོས་པས། ལྷ་དབང་བརྒྱ་བྱིན་ཁང་བཟང་གི་བྱང་ཕྱོགས་གནོད་སྦྱིན་རོལ་པའི་གཞལ་ཡས་ནས་ནོར་གྱི་བདག་པོ་ཡཀྴ་ཛམྦྷ་ལ་སྤྱན་དྲངས་པར་གྱུར། བཛྲ་ས་མཱ་ཛཿ ཛཿཧཱུྃ་བྃ་ཧོཿ པདྨ་ཀ་མ་ལཱ་ཡ་སྟྭཾ། མདུན་དུ་པད་ཟླའི་གདན་སྟེང་དུ། །དགྱེས་པའི་ཚུལ་གྱིས་བཞུགས་པ་ནི། །གནོད་སྦྱིན་ཆེན་པོ་ཛམྦྷ་ལ༔ སྐུ་མདོག་ལྗང་གུ་ཨིནྡྲའི་མདོག༔ ཕྱག་གཡས་རིན་ཆེན་རྒྱལ་མཚན་འཛིན༔ གཡོན་པ་ནེའུ་ལེ་ནོར་སྐྱུགས་བསྣམས༔ རྒྱལ་པོ་རོལ་པའི་གོམ་སྟབས་ཀྱིས༔ འགྲོ་ལ་ཐུགས་རྗེས་བཞེངས་ནས་བཞུགས༔ རིན་ཆེན་སྣ་ཚོགས་རྒྱན་གྱིས་བརྒྱན༔ སྐུ་ལས་འོད་ཟེར་བྱེ་བ་འཕྲོ༔ གཟི་བརྗིད་མདངས་དང་ལྡན་པར་གསལ༔ ཅེས་བརྗོད་ཅིང་གསལ་གདབ། མདུན་གྱི་ལྷའི་ཞལ་ནས་ལྗགས་རྡོ་རྗེའི་སྦུ་གུ་ཅན་གྱི་འོད་ཟེར་གྱིས་གཏོར་མའི་བཅུད་དྲངས་ཏེ་གསོལ་བས་མཉེས་པར་བསམས་ལ། ཨོཾ་ཛམྦྷ་ལ་ཛ་ལནྡྲཱ་ཡ་ཨི་དཾ་བ་ལིཾ་ཏ་གྲྀཧྞ་ཁ་ཁ་ཁཱ་ཧི་ཁཱ་ཧི་སྭཱ་ཧཱ༔ ལན་བདུན་གྱིས་ཕུལ། ཨོཾ་ཡཀྴ་ཛམྦྷ་ལ་ས་པ་རི་ཝཱ་ར་ནས། ཤབྡ་པྲ་ཏཱི་ཙྪ་སྭཱ་ཧཱའི་བར་གྱིས་མཆོད། ཧཱུྃ། ཕྲིན་ལས་རིགས་མཆོག་དཔལ་དང་ལྡན༔ སྐུ་མདོག་ལྗང་གུ་ཨིནྡྲའི་མཆོག༔ རིན་ཆེན་སྣ་ཚོགས་རྒྱན་གྱིས་བརྒྱན༔ དོན་ཡོད་གྲུབ་པ་དབུ་ལ་བཞུགས༔ ཞི་མ་ཁྲོ་ཡི་ཆ་ལུགས་ཅན༔ ཕྱག་གཡས་རིན་ཆེན་རྒྱལ་མཚན་བསྣམས༔ གཡོན་པ་ནེའུ་ལེ་ནོར་སྐྱུགས་འཛིན༔ འགྱིང་པའི་ཚུལ་འཆང་གསུས་ཁྱིམ་ཆེ༔ ཞབས་གཉིས་བརྐྱང་བསྐུམ་བརྗིད་པའི་ཚུལ༔ པདྨ་ཟླ་བའི་གདན་སྟེང་དུ༔ གནོད་སྦྱིན་ནོར་བདག་ཕོ་མོ་གཉིས༔ བརྗིད་པའི་གདན་ལ་བརྟན་པར་བཞུགས༔ ནམ་མཁའི་མཛོད་ལ་མངའ་བརྙེས་པ༔ སྲིད་པ་གསུམ་གྱི་བཅུད་ལེན་ཞིང་༔ འབྲུ་བཅུད་སྡུད་པའི་བདག་ཉིད་ཅན༔ ཁྱོད་ལ་དད་ཅིང་མཆོད་པ་ལ༔ ཕྲིན་ལས་གྲུབ་པའི་དངོས་གྲུབ་སྦྱིན༔ ཡཀྴ་གནོད་སྦྱིན་ཛམྦྷ་ལ༔ ཕྲིན་ལས་གྲུབ་ལ་ཕྱག་འཚལ་བསྟོད༔ ཅེས་པས་བསྟོད། གནོད་སྦྱིན་དཔའ་བོ་འཁོར་བཅས་རྣམས༔ མཆོད་སྦྱིན་གཏོར་མ་འདི་བཞེས་ལ། སོགས་ནས། ཡིད་ལ་འདོད་པ་ཀུན་འགྲུབ་མཛོད། ཅེས་པས་ཕྲིན་ལས་གསོལ། ཡི་གེ་བརྒྱ་པས་ནོངས་པ་བཤགས། ཛཿཧཱུྃ་བྃ་ཧོཿ མདུན་གྱི་ཡེ་ཤེས་པ་རང་ལ་ཐིམ་པས་རང་ཉིད་མཐུ་སྟོབས་ནུས་པ་གཟི་བརྗིད་ཕུན་སུམ་ཚོགས་པར་གྱུར་ཅེས་བརྗོད་ཅིང་བསམས་ལ། དགེ་བ་འདི་ཡིས་སྐྱེ་བོ་ཀུན་སོགས་བསྔོ་སྨོན་དང་། འབད་དང་རྩོལ་བས་མ་གོས་པ་སོགས་བཀྲ་ཤིས་ཇི་ལྟར་རིགས་པ་བརྗོད། གཏོར་མ་ལས་ཅུང་ཟད་དངོས་གྲུབ་ཀྱི་ཚུལ་དུ་རོལ་ཞིང་། ལྷག་མ་མཛོད་ཀྱི་ཕུག་སོགས་སུ་བཞག་པས་ལོངས་སྤྱོད་དབྱར་གྱི་ཆུ་གཏེར་ལྟར་རྒྱས་པར་འགྱུར་རོ། །ཞེས་པའང་གཏེར་གཞུང་རྩ་བའི་དགོངས་དོན་ཇི་ལྟ་བར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ་ལེགས་འཕེལ། །མངྒ་ལཾ།

[edit]

byang gter dzaM ljang gtor 'bul 'dod dgu'i snying po/ @#/__/yak+sha dzam+b+ha la ljang gu'i gtor 'bul 'dod rgu'i snying po zhes bya ba bzhugs so/___/_ oM swa sti sid+d+haM/__byang gter thugs sgrub kyi cha lag yak+sha dzam+b+ha la'i sgrub thabs las byung ba'i gtor ma 'bul ba'i tshul ni/__snga dro'am dgongs mo'i char rin po che'i snod gtsang mar 'bras zan dang /__dkar gsum mngar gsum gyi gtor ma rgya chen po bshams la chab kyis bran/__swa b+ha was sbyang /__stong pa'i ngang las trA~M las rin po che'i snod du a las gtor ma lha'i zhal zas ro mchog brgya dang ldan par gyur/__ra~M ya~M kha~M/__oM AHhU~M zhes pas brlab/__phyag na rdo rje'i bdag bskyed rgyas par bsgom pa'am bsdu na/__rang skad cig gis dpal phyag na rdo rje sku mdog sngon po rdo rje dang sdigs mdzub mdzad pa/__dar dang rin po che dang sbrul gyis brgyan cing pad nyi'i gdan la zhabs dor stabs kyis bzhugs pa'i skur gyur/__de'i thugs ka'i sa bon las mdun du pa~M gyi yi ge chad pas pad+ma dang a las zla ba'i gdan yangs shing rgya che bar gyur/__rang gi snying ga nas 'od zer lcags kyu'i rnam pa can steng gi phyogs su 'phros pas/__lha dbang brgya byin khang bzang gi byang phyogs gnod sbyin rol pa'i gzhal yas nas nor gyi bdag po yak+sha dzam+b+ha la spyan drangs par gyur/__badz+ra sa mA dzaH__dzaHhU~M ba~M hoH__pad+ma ka ma lA ya s+t+waM/__mdun du pad zla'i gdan steng du/__/dgyes pa'i tshul gyis bzhugs pa ni/__/gnod sbyin chen po dzam+b+ha la:__sku mdog ljang gu in+d+ra'i mdog:__phyag g.yas rin chen rgyal mtshan 'dzin:__g.yon pa ne'u le nor skyugs bsnams:__rgyal po rol pa'i gom stabs kyis:__'gro la thugs rjes bzhengs nas bzhugs:__rin chen sna tshogs rgyan gyis brgyan:__sku las 'od zer bye ba 'phro:__gzi brjid mdangs dang ldan par gsal:__ces brjod cing gsal gdab/__mdun gyi lha'i zhal nas ljags rdo rje'i sbu gu can gyi 'od zer gyis gtor ma'i bcud drangs te gsol bas mnyes par bsams la/__oM dzam+b+ha la dza lan+d+rA ya i daM ba liM ta gr-ih+Na kha kha khA hi khA hi swA hA:__lan bdun gyis phul/__oM yak+sha dzam+b+ha la sa pa ri wA ra nas/__shab+da pra tI ts+tsha swA hA'i bar gyis mchod/__hU~M/__phrin las rigs mchog dpal dang ldan:__sku mdog ljang gu in+d+ra'i mchog:__rin chen sna tshogs rgyan gyis brgyan:__don yod grub pa dbu la bzhugs:__zhi ma khro yi cha lugs can:__phyag g.yas rin chen rgyal mtshan bsnams:__g.yon pa ne'u le nor skyugs 'dzin:__'gying pa'i tshul 'chang gsus khyim che:__zhabs gnyis brkyang bskum brjid pa'i tshul:__pad+ma zla ba'i gdan steng du:__gnod sbyin nor bdag pho mo gnyis:__brjid pa'i gdan la brtan par bzhugs:__nam mkha'i mdzod la mnga' brnyes pa:__srid pa gsum gyi bcud len zhing :__'bru bcud sdud pa'i bdag nyid can:__khyod la dad cing mchod pa la:__phrin las grub pa'i dngos grub sbyin:__yak+sha gnod sbyin dzam+b+ha la:__phrin las grub la phyag 'tshal bstod:__ces pas bstod/__gnod sbyin dpa' bo 'khor bcas rnams:__mchod sbyin gtor ma 'di bzhes la/__sogs nas/__yid la 'dod pa kun 'grub mdzod/__ces pas phrin las gsol/__yi ge brgya pas nongs pa bshags/__dzaHhU~M ba~M hoH__mdun gyi ye shes pa rang la thim pas rang nyid mthu stobs nus pa gzi brjid phun sum tshogs par gyur ces brjod cing bsams la/__dge ba 'di yis skye bo kun sogs bsngo smon dang /__'bad dang rtsol bas ma gos pa sogs bkra shis ji ltar rigs pa brjod/__gtor ma las cung zad dngos grub kyi tshul du rol zhing /__lhag ma mdzod kyi phug sogs su bzhag pas longs spyod dbyar gyi chu gter ltar rgyas par 'gyur ro/__/zhes pa'ang gter gzhung rtsa ba'i dgongs don ji lta bar mtsho skyes bla ma dgyes pa'i 'bangs mkhyen brtse'i dbang pos bris pa dge legs 'phel/__/mang+ga laM/