འཕགས་པ་ཛམྦྷ་ལ་ནག་པོའི་ཆུ་སྦྱིན་གྱི་ཆོ་ག་དངོས་གྲུབ་སྙིང་པོ།

🚧 This website is under continued development. We appreciate your patience!

Previous Section Back to Volume PageNext Section

Wylie title	'phags pa dzam+b+ha la nag po'i chu sbyin gyi cho ga dngos grub snying po
Location	mkhyen brtse'i bka' 'bum Volume 14, sde tshan 19, Pages 309-317 (Folios 1a to 5a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	གུ་རུ་ཆོས་ཀྱི་དབང་ཕྱུག་ (Gu ru chos kyi dbang phyug)
Citation	'jam dbyangs mkhyen brtse'i dbang po. 'phags pa dzam+b+ha la nag po'i chu sbyin gyi cho ga dngos grub snying po. In 'jam dbyangs mkhyen brtse'i dbang po'i bka' 'bum, Vol. 14: 309-317. Khams sde dge rdzong sar dgon: Rdzong sar blo gros phun tshogs, 2020.
Genre	Offering Rituals - mchod sbyin
Deity	dzaM nag
RTZ	In the Rinchen Terdzö: https://rtz.tsadra.org/index.php/Terdzo-WI-045
Colophon	།མངའ་བདག་གསུང་སྤྲུལ་གུ་རུ་རིན་པོ་ཆེ་ཆོས་ཀྱི་དབང་ཕྱུག་གིས་བྲག་རྟ་མགྲིན་མགུལ་ནས་སྤྱན་དྲངས་པའི་ཛམྦྷ་ལ་ནག་པོའི་ཆུ་སྦྱིན་ལ་བརྟེན་ནས་བསྙེན་པའི་ཆོ་ག་ཟུར་དུ་ཕྱུངས་ཏེ་བཀླགས་པས་གྲུབ་པར་བསྡེབས་པ་འདིའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་འགྲོ་ཀུན་དངོས་གྲུབ་རྣམ་པ་གཉིས་ཀྱི་བདུད་རྩི་ལ་ལོངས་སུ་སྤྱོད་པའི་རྒྱུར་གྱུར་ཅིག། །།མངྒ་ལཾ།།
	mnga' bdag gsung sprul gu ru rin po che chos kyi dbang phyug gis brag rta mgrin mgul nas spyan drangs pa'i dzam+b+ha la nag po'i chu sbyin la brten nas bsnyen pa'i cho ga zur du phyungs te bklags pas grub par bsdebs pa 'di'ang mtsho skyes bla ma dgyes pa'i 'bangs mkhyen brtse'i dbang pos bris pa 'gro kun dngos grub rnam pa gnyis kyi bdud rtsi la longs su spyod pa'i rgyur gyur cig/__//mang+ga laM

1 Texts in this Section (sde tshan or chos tshan)

309-317	འཕགས་པ་ཛམྦྷ་ལ་ནག་པོའི་ཆུ་སྦྱིན་གྱི་ཆོ་ག་དངོས་གྲུབ་སྙིང་པོ། 'phags pa dzam+b+ha la nag po'i chu sbyin gyi cho ga dngos grub snying po Offering Rituals - mchod sbyin	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །འཕགས་པ་ཛམྦྷ་ལ་ནག་པོའི་ཆུ་སྦྱིན་གྱི་ཆོ་ག་དངོས་གྲུབ་སྙིང་པོ་ཞེས་བྱ་བ་བཞུགས་སོ།། །།

ན་མོ་གུ་རུ་ཀྲྀཥྞ་ཛམྦྷ་ལཱ་ཡ། འདིར་གུ་རུ་རིན་པོ་ཆེ་ཆོས་ཀྱི་དབང་ཕྱུག་གི་གཏེར་བྱོན་ཛམྦྷ་ལ་ནག་པོའི་སྒྲུབ་ཐབས་རིན་ཆེན་ཆར་འབེབས་ལས། མདུན་བསྐྱེད་ཆུ་སྦྱིན་ལ་བརྟེན་ནས་བསྙེན་པའི་ཆོ་ག་བཀླག་མཆོག་ཏུ་བཀོད་པ་ལ། སྔ་དྲོའི་ཆར་གནས་གཙང་ཞིང་དབེན་ལ་ཡིད་དང་མཐུན་པར་རང་གི་མདུན་ཟངས་གཞོང་གི་དབུས་སུ་འཕགས་པ་ཛམྦྷ་ལའི་སྐུ་ཡོད་ན་བཤམ། དེའི་མདུན་དུ་མེ་ཏོག་ལ་སོགས་པའི་མཆོད་པ་དང་། རིན་པོ་ཆེའི་སྣོད་དུ་སྲོག་ཆགས་མེད་པའི་ཆུ་གཙང་མ་རྣམས་འདུ་བྱ། ཚོགས་ཞིང་ནམ་མཁའ་གང་བར་སད་པར་གྱུར་པའི་སྤྱན་སྔར། སྐྱབས་སུ་འགྲོ་བ་ནི། ན་མོ༔ བླ་མ་བདེ་གཤེགས་འདུས་པའི་སྐུ༔ དཀོན་མཆོག་གསུམ་གྱི་རང་བཞིན་ལ༔ བདག་དང་འགྲོ་དྲུག་སེམས་ཅན་རྣམས༔ བྱང་ཆུབ་བར་དུ་སྐྱབས་སུ་མཆི༔ ལན་གསུམ། སེམས་བསྐྱེད་པ་ནི། སེམས་བསྐྱེད་འགྲོ་བ་ཀུན་དོན་དུ༔ གནོད་སྦྱིན་ནོར་ལྷ་བསྒྲུབས་ནས་ནི༔ གང་ལ་གང་འདུལ་ཕྲིན་ལས་ཀྱིས༔ འགྲོ་བ་བསྒྲལ་བར་དམ་བཅའོ༔ ལན་གསུམ། ཚོགས་བསག་པ་ནི། ཧོཿ མ་ལུས་ཕྱོགས་ན་བཞུགས་པ་ཡི༔ བླ་མ་ཡི་དམ་མཁའ་འགྲོ་དང་༔ ནོར་བདག་མགོན་པོ་ཛམྦྷ་ལ༔ གནོད་སྦྱིན་གཏེར་འཆང་ཚོགས་དང་བཅས༔ ཐུགས་རྗེའི་དབང་གིས་གནས་འདིར་གཤེགས༔ ཉི་ཟླ་པདྨའི་གདན་ལ་བཞུགས༔ ལུས་ངག་ཡིད་གསུམ་གུས་ཕྱག་འཚལ༔ མཆོད་པ་རྣམ་པ་དུ་མས་མཆོད༔ སྡིག་པ་ཐམས་ཅད་སོ་སོར་བཤགས༔ དགེ་བ་ཀུན་ལ་རྗེས་ཡི་རང་༔ ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་བཞུགས་གསོལ་འདེབས༔ བསོད་ནམས་འགྲོ་བ་ཡོངས་ལ་བསྔོ༔ སྙིང་པོ་བྱང་ཆུབ་མཆོག་ཐོབ་ཤོག༔ ལན་གསུམ། མཎྜལ་ནི། ན་མོ༔ བཀོད་པ་མཛེས་ལྡན་རིན་ཆེན་མཎྜལ་མཆོག༔ རི་རབ་གླིང་བཞི་གླིང་ཕྲན་ཉི་ཟླས་བརྒྱན༔ རིན་ཆེན་འདོད་ལྔ་ཀུན་བཟང་མཆོད་སྤྲིན་གཏིབས༔ དཀོན་མཆོག་བླ་མ་ཡི་དམ་མཁའ་འགྲོ་མཆོད༔ བླ་མེད་མཆོད་བཞེས་མཆོག་གི་དངོས་གྲུབ་སྩོལ༔ བདག་སོགས་འགྲོ་བ་མ་ལུས་བསྐྱབ་ཏུ་གསོལ༔ ཨོཾ་ཨཱཿཧཱུྃ་གུ་རུ་དྷེ་ཝ་དྷཱ་ཀི་ནཱི་རཏྣ་མཎྜ་ལ་སརྦ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་སྭཱ་ཧཱ༔ ཞེས་འབུལ། ཛཿཧཱུྃ་བྃ་ཧོཿས། ཚོགས་ཞིང་རྣམས་རང་ལ་ཐིམ་པར་བསམ། བདག་བསྐྱེད་ནི། ཐུགས་རྗེ་ཆེན་པོའི་རྣལ་འབྱོར་རྒྱས་པར་བྱ་བའམ། བསྡུ་ན། རང་ཉིད་སྐད་ཅིག་གིས་འཕགས་པ་ཐུགས་རྗེ་ཆེན་པོ་སྐུ་མདོག་དཀར་གསལ་ཞལ་གཅིག་ཕྱག་གཉིས་པ། གཡས་མཆོག་སྦྱིན་དང་། གཡོན་པདྨ་དཀར་པོ་བསྣམས་པ། དར་དང་རིན་པོ་ཆེས་བརྒྱན་ཅིང་། པད་ཟླའི་གདན་ལ་ཞབས་སེམས་དཔའི་སྐྱིལ་མོ་ཀྲུང་གིས་བཞུགས་པའི་སྐུར་གྱུར་པར་བསམ། མདུན་བསྐྱེད་ནི། རང་གི་མདུན་དུ་པདྨ་དང་ཟླ་བའི་གདན་ལ་ནོར་བདག་རྣམ་ཐོས་བུའི་གཟུགས་ནོར་བུ་སྐྱུགས་པའི་སྟེང་དུ་ཛྃ་ནག་པོ༔ དེ་ལས་འོད་ཟེར་ལྕགས་ཀྱུའི་རྣམ་པ་གྲངས་མེད་པ་འཕྲོས་པས་འཇིག་རྟེན་གྱི་ཁམས་དང་༔ དག་པའི་ཞིང་གི་སྣོད་དང་བཅུད་ཀྱི་འབྱོར་པ་དང་མངའ་ཐང་ཐམས་ཅད་འོད་ཟེར་གྱི་རྣམ་པར་བསྡུས་ཏེ་ཛྃ་ལ་ཐིམ༔ དེ་ཡོངས་སུ་གྱུར་པ་ལས་མགོན་པོ་ཛམྦྷ་ལ་ནག་པོ་མིག་སྨན་གྱི་རི་བོ་ལྟར་བརྗིད་ཅིང་ལྷུན་སྡུག་པ༔ སྐྲ་ཁམ་པ་གྱེན་དུ་བརྫེས་པ༔ གཅེར་བུ་རྣ་བ་མ་ཕུག་པ་ཞོ་འཐུང་བྱིས་པ་དྲེགས་པའི་ཉམས་དང་ལྡན་པ༔ མཚན་མ་གྱེན་དུ་བསྒྲེངས་ཞིང་བ་སྤུ་ལངས་པ༔ སྤྱན་གསུམ་དམར་ལ་ཟླུམ་ཞིང་འཁྱིལ་བ༔ ཞལ་གདངས་ཤིང་ལྗགས་འདྲིལ་བ༔ མཆེ་བ་བཞི་གཙིགས་པ༔ ཕྱག་གཡས་ཐོད་པ་ཁྲག་གིས་གང་བ་ཐུགས་ཀར་འཛིན་པ༔ གཡོན་པས་ནེའུ་ལེ་ནོར་བུ་སྣ་ཚོགས་པ་ལྷུག་ལྷུག་སྐྱུགས་པ་བརླ་གཡོན་པ་ལ་བརྟེན་ནས་བཟུང་བ༔ ཞབས་གཡས་བསྐུམས་ཞིང་གཡོན་ཅུང་ཟད་བརྐྱངས་པ༔ ཀླུ་ཆེན་པོ་བརྒྱད་སྦྲུལ་གྱི་རྣམ་པས་སྤྲས་པ༔ ཡེ་ཤེས་ཀྱི་མེ་འབར་བའི་དབུས་ན་བཞུགས་ཤིང་མི་བསྐྱོད་པས་དབུ་བརྒྱན་པར་བསམས་ལ། ཐུགས་ཀར་ཟླ་བའི་དབུས་སུ་རྡོ་རྗེ་རྩེ་དགུ་པ་ཟླ་བ་ཧཱུྃ་ཡིག་དང་བཅས་པ༔ དཔྲལ་བར་ཨོཾ༔ ལྕེ་ལ་ཛྃ༔ དཔུང་པ་གཡས་པར་བྷ༔ གཡོན་པར་ལ༔ ཐུགས་ཀར་ཛ༔ ལྟེ་བར་ལེན༔ ངར་གདོང་གཡས་པར་དྲཱ༔ གཡོན་པར་ཡ༔ བོལ་གོང་གཡས་པར་སྭཱ༔ གཡོན་པར་ཧཱ༔ དེ་རྣམས་ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས་པར་གྱུར༔ ཧཱུྃ༔ བྱང་ཕྱོགས་གནོད་སྦྱིན་འདུལ་བའི་ཕྱིར༔ བཅོམ་ལྡན་མགོན་པོ་མི་བསྐྱོད་པ༔ ཐུགས་རྗེས་སྐུར་སྤྲུལ་ཛམྦྷ་ལ༔ འཁོར་བཅས་གནས་འདིར་གཤེགས་སུ་གསོལ༔ ཨོཾ་ཨཱཪྻ་ཛམྦྷ་ལ་བཛྲ་ས་མ་ཡ་ཛཿ ས་མ་ཡ་ཧོཿ ས་མ་ཡ་སྟྭཾ༔ ཛཿཧཱུྃ་བྃ་ཧོཿ ཞེས་གཉིས་སུ་མེད་པར་བསམས་ལ་ཕྱག་འཚལ་བ་ནི། ཧཱུྃ༔ གདོད་ནས་མངོན་པར་སངས་རྒྱས་ཀྱང་༔ ས་བརྒྱད་དབང་ཕྱུག་སེམས་དཔའི་ཚུལ༔ ནོར་བདག་མགོན་པོ་ཛམྦྷ་ལ༔ འཁོར་དང་བཅས་ལ་ཕྱག་འཚལ་ལོ༔ ཨ་ཏི་པུ་ཧོཿ ཞེས་ཕྱག་འཚལ་བས༔ པྲ་ཏཱིཙྪ་ཧོཿ ཞེས་ཕྱག་ལེན་མཛད་པར་བསམ༔ དེ་ནས་རང་གི་ལག་པ་གཡས་པར་པྃ་ལས་བྱུང་བའི་གཏེར་ཆེན་པོའི་བུམ་པ་བཟང་པོ་བདུད་རྩིའི་ཆུ་རྒྱུན་གྱིས་གང་བའི་མཁྲིག་མར་ཨོཾ༔ བུམ་པའི་ནང་དུ་ཛྃ༔ མཛུབ་མོ་ལ་བྷ༔ གུང་མོ་ལ་ལ༔ སྲིན་ལག་ལ་ཛཿ མཐེའུ་ཆུང་ལ་ལེན༔ མཐེ་བོང་ལ་དྲཱ༔ མཁྲིག་མའི་མཚམས་སུ་ཡ༔ དེའི་གཡས་སུ་སྭཱ༔ གཡོན་དུ་ཧཱ༔ ཐམས་ཅད་ཟླ་བ་བདུད་རྩིས་གང་བ་ལ་གནས་པར་གྱུར༔ རང་གི་ཁྱོར་བའི་ཆུ་རྡོ་རྗེའི་སྔགས་ཀྱིས་བདེ་བ་ཆེན་པོའི་རང་བཞིན་བདུད་རྩིའི་རྒྱུན་ཟད་མི་ཤེས་པར་གྱུར་པ་མདུན་གྱི་ཛམྦྷ་ལའི་ཞལ་དུ་ཕུལ་བས་ཤིན་ཏུ་མཉེས་ཤིང་ཚིམ་ནས་ནོར་གྱི་དངོས་གྲུབ་མ་ལུས་པ་སྩལ་བར་བསམས་ལ༔ ཨོཾ་ཛམྦྷ་ལ་ཛ་ལེནྡྲ་ལ་སྭཱ་ཧཱ༔ ཞེས་དང་། ཨོཾ་ཨིནྡྲ་ཎཱི་མུ་ཁཾ་བྷྲ་མ་རི་སྭཱ་ཧཱ༔ ཞེས་པས་བྱིན་གྱིས་བརླབ༔ ཨོཾ་ཛམྦྷ་སྭཱ་ཧཱ༔ བརྒྱ་དང་བརྒྱད་ཀྱིས་དབུལ་བར་བྱའོ༔ དེ་ནས་མཆོད་པ་ནི༔ ཧཱུྃ༔ མེ་ཏོག་ཕྲེང་སོགས་རིན་ཆེན་དང་༔ བདུག་སྤོས་སྣང་གསལ་སྒྲོན་མེའི་འོད༔ དྲི་མཆོག་ཞལ་ཟས་འདོད་ཡོན་ཚོགས༔ འབུལ་ལོ་དངོས་གྲུབ་མ་ལུས་སྩོལ༔ ཨོཾ་ཛམྦྷ་ལ་ས་པ་རི་ཝཱ་ར་པུཥྤེ་དྷཱུ་པེ་དཱི་པེ་གནྡྷེ་ནཻ་བིདྱཱ་ཤབྡ་པཱུ་ཛ་སརྦ་ས་མ་ཡ་ཧཱུྃ༔ ཞེས་མཆོད། ཧཱུྃ༔ མི་བསྐྱོད་ཡེ་ཤེས་རྡོ་རྗེ་སེམས་དཔའ་ནི༔ འགྲོ་བ་འདུལ་ཕྱིར་གནོད་སྦྱིན་དབང་པོའི་ཚུལ༔ ནམ་མཁའི་མདོག་ཅན་མ་སྐྱེས་ཆོས་སྐུའི་ངང་༔ ལོངས་སྤྱོད་རྫོགས་མཛད་ཐོད་ཁྲག་ནེའུ་ལེ་བསྣམས༔ སྤྲུལ་པའི་ཐུགས་རྗེས་སེམས་ཅན་དབུལ་ཕོངས་སེལ༔ གཞན་དོན་ལ་བཞེངས་ཞབས་གཉིས་བརྒྱད་བསྐུམ་ཚུལ༔ སྒེག་ཅིང་གཞོན་དང་ཁྲོ་བོའི་ཉམས་ལྡན་པས༔ སྒྲུབ་པོའི་རེ་སྐོང་ཕྲིན་ལས་ལྷུན་གྱིས་གྲུབ༔ མགོན་པོ་ཛམྦྷ་ལ་ལ་ཕྱག་འཚལ་བསྟོད༔ བདག་ལ་ནོར་དང་ལོངས་སྤྱོད་དངོས་གྲུབ་སྩོལ༔ འཛད་མེད་དབྱིག་གི་ཆར་ཆེན་འབེབས་པར་མཛོད༔ ཨོཾ་ཛམྦྷ་ལ་ཛ་ལེནྡྲཱ་ཡེ་སིདྡྷི་སིདྡྷི་ཀུ་རུ་ཧཱུྃ་བྷྲཱུྃ༔ ཞེས་བསྟོད་ཅིང་གསོལ་བ་གདབ་པར་བྱའོ༔ གྲངས་གསོག་ན། སླར་ཡང་རང་གི་ལག་པ་གཡས་པར་སོགས་ནས་བསྟོད་གསོལ་གྱི་བར་བསྐྱར། མཐར་ཐལ་མོ་སྦྱར་ཏེ། མ་རྙེད་ཡོངས་སུ་མ་ཚང་དང་། །གཙོ་བོ་ནུས་པ་མ་མཆིས་པ། །འདིར་ནི་བགྱི་བ་གང་ནོངས་པ། །དེ་ཀུན་ཁྱོད་ཀྱིས་བཟོད་མཛད་རིགས། །ཞེས་དང་ཡི་གེ་བརྒྱ་པས་ནོངས་པ་བཤགས། རྟེན་ཡོད་ན། ཨོཾ། འདིར་ནི་གཟུགས་དང་ལྷན་ཅིག་ཏུ། །འཁོར་བ་སྲིད་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། །ཨོཾ་སུ་པྲ་ཏིཥྛ་བཛྲཱ་ཡ་སྭཱ་ཧཱ། ཞེས་བརྗོད་ཅིང་མེ་ཏོག་འཐོར། མེད་ན། ཨོཾ་ཁྱེད་ཀྱིས་སེམས་ཅན་ཀུན་དོན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ༔ བཛྲ་མུཿ གཏོར་མགྲོན་གྱི་ཡེ་ཤེས་པ་གཤེགས༔ དམ་ཚིག་པ་རང་ལ་གཉིས་སུ་མེད་པར་ཐིམ་པས་མཐུ་སྟོབས་དང་གཟི་བརྗིད་ཕུན་སུམ་ཚོགས་པར་བསམ། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག༔ །ཅེས་སོགས་བསྔོ་སྨོན་དང་། འབད་དང་སྩོལ་བས་མ་གོས་པ་སོགས་བཀྲ་ཤིས་རྒྱས་པར་བརྗོད་དོ། །དེ་ལྟར་བརྩོན་པའི་རྟགས་དང་ཕན་ཡོན་ཀྱང་གཞུང་ལས། དེ་ལྟ་བུ་བརྒྱ་སྟོང་ཁྲི་འབུམ་སོགས་ཕུལ་ན༔ རྨི་ལམ་དུ་ཆུ་བོ་རྒྱས་པ་དང་༔ གཏེར་རྙེད་པ་དང་༔ ལོ་ཏོག་དང་ནགས་ཚལ་ཕུན་སུམ་ཚོགས་པ་སོགས་ཀྱི་ལྟས་དང་བཅས་ཏེ་ནོར་འཕེལ་བར་འགྱུར་རོ༔ ཞེས་གསུངས་པ་ལྟར་ཤེས་པར་བྱའོ། །མངའ་བདག་གསུང་སྤྲུལ་གུ་རུ་རིན་པོ་ཆེ་ཆོས་ཀྱི་དབང་ཕྱུག་གིས་བྲག་རྟ་མགྲིན་མགུལ་ནས་སྤྱན་དྲངས་པའི་ཛམྦྷ་ལ་ནག་པོའི་ཆུ་སྦྱིན་ལ་བརྟེན་ནས་བསྙེན་པའི་ཆོ་ག་ཟུར་དུ་ཕྱུངས་ཏེ་བཀླགས་པས་གྲུབ་པར་བསྡེབས་པ་འདིའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་འགྲོ་ཀུན་དངོས་གྲུབ་རྣམ་པ་གཉིས་ཀྱི་བདུད་རྩི་ལ་ལོངས་སུ་སྤྱོད་པའི་རྒྱུར་གྱུར་ཅིག། །།མངྒ་ལཾ།། །།

[edit]

chos dbang dzaM nag chu sbyin dngos grub snying po/ @#/__/'phags pa dzam+b+ha la nag po'i chu sbyin gyi cho ga dngos grub snying po zhes bya ba bzhugs so//__// na mo gu ru kr-iSh+Na dzam+b+ha lA ya/__'dir gu ru rin po che chos kyi dbang phyug gi gter byon dzam+b+ha la nag po'i sgrub thabs rin chen char 'bebs las/__mdun bskyed chu sbyin la brten nas bsnyen pa'i cho ga bklag mchog tu bkod pa la/__snga dro'i char gnas gtsang zhing dben la yid dang mthun par rang gi mdun zangs gzhong gi dbus su 'phags pa dzam+b+ha la'i sku yod na bsham/__de'i mdun du me tog la sogs pa'i mchod pa dang /__rin po che'i snod du srog chags med pa'i chu gtsang ma rnams 'du bya/__tshogs zhing nam mkha' gang bar sad par gyur pa'i spyan sngar/__skyabs su 'gro ba ni/__na mo:__bla ma bde gshegs 'dus pa'i sku:__dkon mchog gsum gyi rang bzhin la:__bdag dang 'gro drug sems can rnams:__byang chub bar du skyabs su mchi:__lan gsum/__sems bskyed pa ni/__sems bskyed 'gro ba kun don du:__gnod sbyin nor lha bsgrubs nas ni:__gang la gang 'dul phrin las kyis:__'gro ba bsgral bar dam bca'o:__lan gsum/__tshogs bsag pa ni/__hoH__ma lus phyogs na bzhugs pa yi:__bla ma yi dam mkha' 'gro dang :__nor bdag mgon po dzam+b+ha la:__gnod sbyin gter 'chang tshogs dang bcas:__thugs rje'i dbang gis gnas 'dir gshegs:__nyi zla pad+ma'i gdan la bzhugs:__lus ngag yid gsum gus phyag 'tshal:__mchod pa rnam pa du mas mchod:__sdig pa thams cad so sor bshags:__dge ba kun la rjes yi rang :__chos kyi 'khor lo bskor bar bskul:__mya ngan mi 'da' bzhugs gsol 'debs:__bsod nams 'gro ba yongs la bsngo:__snying po byang chub mchog thob shog:__lan gsum/__maN+Dal ni/__na mo:__bkod pa mdzes ldan rin chen maN+Dal mchog:__ri rab gling bzhi gling phran nyi zlas brgyan:__rin chen 'dod lnga kun bzang mchod sprin gtibs:__dkon mchog bla ma yi dam mkha' 'gro mchod:__bla med mchod bzhes mchog gi dngos grub stsol:__bdag sogs 'gro ba ma lus bskyab tu gsol:__oM AHhU~M gu ru d+he wa d+hA ki nI rat+na maN+Da la sarba pU dza me g+ha sa mu dra s+pha ra Na sa ma ye swA hA:__zhes 'bul/__dzaHhU~M ba~M hoHsa/__tshogs zhing rnams rang la thim par bsam/__bdag bskyed ni/__thugs rje chen po'i rnal 'byor rgyas par bya ba'am/__bsdu na/__rang nyid skad cig gis 'phags pa thugs rje chen po sku mdog dkar gsal zhal gcig phyag gnyis pa/__g.yas mchog sbyin dang /__g.yon pad+ma dkar po bsnams pa/__dar dang rin po ches brgyan cing /__pad zla'i gdan la zhabs sems dpa'i skyil mo krung gis bzhugs pa'i skur gyur par bsam/__mdun bskyed ni/__rang gi mdun du pad+ma dang zla ba'i gdan la nor bdag rnam thos bu'i gzugs nor bu skyugs pa'i steng du dza~M nag po:__de las 'od zer lcags kyu'i rnam pa grangs med pa 'phros pas 'jig rten gyi khams dang :__dag pa'i zhing gi snod dang bcud kyi 'byor pa dang mnga' thang thams cad 'od zer gyi rnam par bsdus te dza~M la thim:__de yongs su gyur pa las mgon po dzam+b+ha la nag po mig sman gyi ri bo ltar brjid cing lhun sdug pa:__skra kham pa gyen du brdzes pa:__gcer bu rna ba ma phug pa zho 'thung byis pa dregs pa'i nyams dang ldan pa:__mtshan ma gyen du bsgrengs zhing ba spu langs pa:__spyan gsum dmar la zlum zhing 'khyil ba:__zhal gdangs shing ljags 'dril ba:__mche ba bzhi gtsigs pa:__phyag g.yas thod pa khrag gis gang ba thugs kar 'dzin pa:__g.yon pas ne'u le nor bu sna tshogs pa lhug lhug skyugs pa brla g.yon pa la brten nas bzung ba:__zhabs g.yas bskums zhing g.yon cung zad brkyangs pa:__klu chen po brgyad sbrul gyi rnam pas spras pa:__ye shes kyi me 'bar ba'i dbus na bzhugs shing mi bskyod pas dbu brgyan par bsams la/__thugs kar zla ba'i dbus su rdo rje rtse dgu pa zla ba hU~M yig dang bcas pa:__dpral bar oM:__lce la dza~M:__dpung pa g.yas par b+ha:__g.yon par la:__thugs kar dza:__lte bar len:__ngar gdong g.yas par drA:__g.yon par ya:__bol gong g.yas par swA:__g.yon par hA:__de rnams las 'od zer 'phros pas ye shes pa spyan drangs par gyur:__hU~M:__byang phyogs gnod sbyin 'dul ba'i phyir:__bcom ldan mgon po mi bskyod pa:__thugs rjes skur sprul dzam+b+ha la:__'khor bcas gnas 'dir gshegs su gsol:__oM AR+Ya dzam+b+ha la badz+ra sa ma ya dzaH__sa ma ya hoH__sa ma ya s+t+waM:__dzaHhU~M ba~M hoH__zhes gnyis su med par bsams la phyag 'tshal ba ni/__hU~M:__gdod nas mngon par sangs rgyas kyang :__sa brgyad dbang phyug sems dpa'i tshul:__nor bdag mgon po dzam+b+ha la:__'khor dang bcas la phyag 'tshal lo:__a ti pu hoH__zhes phyag 'tshal bas:__pra tIts+tsha hoH__zhes phyag len mdzad par bsam:__de nas rang gi lag pa g.yas par pa~M las byung ba'i gter chen po'i bum pa bzang po bdud rtsi'i chu rgyun gyis gang ba'i mkhrig mar oM:__bum pa'i nang du dza~M:__mdzub mo la b+ha:__gung mo la la:__srin lag la dzaH__mthe'u chung la len:__mthe bong la drA:__mkhrig ma'i mtshams su ya:__de'i g.yas su swA:__g.yon du hA:__thams cad zla ba bdud rtsis gang ba la gnas par gyur:__rang gi khyor ba'i chu rdo rje'i sngags kyis bde ba chen po'i rang bzhin bdud rtsi'i rgyun zad mi shes par gyur pa mdun gyi dzam+b+ha la'i zhal du phul bas shin tu mnyes shing tshim nas nor gyi dngos grub ma lus pa stsal bar bsams la:__oM dzam+b+ha la dza len+d+ra la swA hA:__zhes dang /__oM in+d+ra NI mu khaM b+h+ra ma ri swA hA:__zhes pas byin gyis brlab:__oM dzam+b+ha swA hA:__brgya dang brgyad kyis dbul bar bya'o:__de nas mchod pa ni:__hU~M:__me tog phreng sogs rin chen dang :__bdug spos snang gsal sgron me'i 'od:__dri mchog zhal zas 'dod yon tshogs:__'bul lo dngos grub ma lus stsol:__oM dzam+b+ha la sa pa ri wA ra puSh+pe d+hU pe dI pe gan+d+he nai bid+yA shab+da pU dza sarba sa ma ya hU~M:__zhes mchod/__hU~M:__mi bskyod ye shes rdo rje sems dpa' ni:__'gro ba 'dul phyir gnod sbyin dbang po'i tshul:__nam mkha'i mdog can ma skyes chos sku'i ngang :__longs spyod rdzogs mdzad thod khrag ne'u le bsnams:__sprul pa'i thugs rjes sems can dbul phongs sel:__gzhan don la bzhengs zhabs gnyis brgyad bskum tshul:__sgeg cing gzhon dang khro bo'i nyams ldan pas:__sgrub po'i re skong phrin las lhun gyis grub:__mgon po dzam+b+ha la la phyag 'tshal bstod:__bdag la nor dang longs spyod dngos grub stsol:__'dzad med dbyig gi char chen 'bebs par mdzod:__oM dzam+b+ha la dza len+d+rA ye sid+d+hi sid+d+hi ku ru hU~M b+h+rU~M:__zhes bstod cing gsol ba gdab par bya'o:__grangs gsog na/__slar yang rang gi lag pa g.yas par sogs nas bstod gsol gyi bar bskyar/__mthar thal mo sbyar te/__ma rnyed yongs su ma tshang dang /__/gtso bo nus pa ma mchis pa/__/'dir ni bgyi ba gang nongs pa/__/de kun khyod kyis bzod mdzad rigs/__/zhes dang yi ge brgya pas nongs pa bshags/__rten yod na/__oM/__'dir ni gzugs dang lhan cig tu/__/'khor ba srid du bzhugs nas kyang /__/nad med tshe dang dbang phyug dang /__/mchog rnams legs par stsal du gsol/__/oM su pra tiSh+Tha badz+rA ya swA hA/__zhes brjod cing me tog 'thor/__med na/__oM khyed kyis sems can kun don mdzad/__/rjes su mthun pa'i dngos grub stsol/__/sangs rgyas yul du gshegs nas kyang /__/slar yang 'byon par mdzad du gsol:__badz+ra muH__gtor mgron gyi ye shes pa gshegs:__dam tshig pa rang la gnyis su med par thim pas mthu stobs dang gzi brjid phun sum tshogs par bsam/__dge ba 'di yis skye bo kun/__/bsod nams ye shes tshogs rdzogs shing /__/bsod nams ye shes las byung ba'i/__/dam pa sku gnyis thob par shog:__/ces sogs bsngo smon dang /__'bad dang stsol bas ma gos pa sogs bkra shis rgyas par brjod do/__/de ltar brtson pa'i rtags dang phan yon kyang gzhung las/__de lta bu brgya stong khri 'bum sogs phul na:__rmi lam du chu bo rgyas pa dang :__gter rnyed pa dang :__lo tog dang nags tshal phun sum tshogs pa sogs kyi ltas dang bcas te nor 'phel bar 'gyur ro:__zhes gsungs pa ltar shes par bya'o/__/mnga' bdag gsung sprul gu ru rin po che chos kyi dbang phyug gis brag rta mgrin mgul nas spyan drangs pa'i dzam+b+ha la nag po'i chu sbyin la brten nas bsnyen pa'i cho ga zur du phyungs te bklags pas grub par bsdebs pa 'di'ang mtsho skyes bla ma dgyes pa'i 'bangs mkhyen brtse'i dbang pos bris pa 'gro kun dngos grub rnam pa gnyis kyi bdud rtsi la longs su spyod pa'i rgyur gyur cig/__//mang+ga laM//__//