JKW-KABAB-12-NA-018

🚧 This website is under continued development. We appreciate your patience!

Previous Text"NA" is not a number. Back to Volume Page"NA" is not a number.Next Text "NA" is not a number.

Wylie title
Location	mkhyen brtse'i bka' babs Volume , Text 18, Pages (Folios to )
Author	[[ | ]]
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation
Genre	Revelations - gter ma
Karchag page	JKW-KABAB-Volume-02-KHA-Karchag"NA" is not a number.

"NA" is not a number.

Tibetan Text

Wylie

[edit]

༁ྃ༁ྃ༔ ཐུགས་རྗེ་ཆེན་པོ་དོན་གསལ་སྒྲོན་མེ་ལས༔ བརྒྱུད་པའི་གསོལ་འདེབས་བཞུགས༔

ཨེ་མ་ཧོ༔ རྣམ་དག་སྤྲོས་བྲལ་ཆོས་སྐུའི་ཕོ་བྲང་ནས༔ རིག་སྟོང་དབྱེར་མེད་འོད་དཔག་མེད་མགོན་གྱིས༔ སྐལ་ལྡན་བུ་ལ་དབང་བསྐུར་བྱིན་གྱིས་རློབས༔ འཁོར་འདས་རང་གྲོལ་རྟོགས་པར་གསོལ་བ་འདེབས༔ རིག་རྩལ་འགག་མེད་འོད་ལྔའི་དཀྱིལ་འཁོར་ནས༔ ལོངས་སྤྱོད་རྫོགས་སྐུ་སྤྱན་རས་གཟིགས་དབང་གིས༔ སྐལ་ལྡན་བུ་ལ་དབང་བསྐུར་བྱིན་གྱིས་རློབས༔ རང་སྣང་བརྟན་པ་ཐོབ་པར་གསོལ་བ་འདེབས༔ སྣ་ཚོགས་འགྲོ་འདུལ་སྤྲུལ་སྐུའི་ཞིང་ཁམས་ནས༔ འདིའི་མ་ཕྱིར་སྤྱན་རས་གཟིགས་ཐམས་ཅད་ལ་སྤྱན་རལ་གཟིགས་ཞེས་བྲིས་སྣང༌། དེའང་གཏེར་གཞུང་རང་གི་ངེས་ཚིག་བཤད་པ་དང་བསྟུན་ན་རྫོགས་ཆེན་གྱི་གཞུང་རྣམས་ལས་ལྷུན་གྲུབ་ཕྱི་རྒྱ་རལ་ཅེས་གསུངས་པ་དང་གོ་བ་གནད་གཅིག །དོན་དུ་ཐུགས་རྗེ་ཡུལ་ལ་འཇུག་པའི་སྤྱན་དབྱེ་བ་ལ་དགོངས་པ་ཡིན་འདྲ་བས་འགལ་བ་མེད་རུང༌། བྲིས་པས་དཔེ་བཤུ་དུས་སྤྱན་རས་གཟིགས་ཞེས་བཅོས་བཞག་པ་རེད་པས་ཕྱི་རབས་རྣམས་ཀྱིས་དེ་ལྟར་དགོངས་མཛོད། མཆན། འགྲོ་བ་འདྲེན་མཛད་བྲམ་ཟེ་རྣམ་གསུམ་གྱིས༔ སྐལ་ལྡན་བུ་ལ༴ ཁམས་གསུམ་འཁོར་བ་སྟོངས་པར༴ རྔ་ཡབ་གླིང་ཕྲན་ཟངས་མདོག་དཔལ་རི་ནས༔ སངས་རྒྱས་ཀུན་འདུས་ཨོ་རྒྱན་པདྨ་ཡིས༔ སྐལ་ལྡན༴ བདག་གཞན་དོན་གཉིས་འགྲུབ་པར༴ ཀློང་ཡངས་རྣམ་དག་རིག་པའི་ཞིང་ཁམས་ནས༔ འབྲེལ་ཚད་དོན་ལྡན་ལས་འཕྲོ་གླིང་པ་ཡིས༔ སྐལ་ལྡན༴ རིག་པའི་རྩལ་དབང་ཐོབ་པར༴ རྩ་ཁམས་རྣམ་དག་ཐིག་ལེའི་དཀྱིལ་འཁོར་ནས༔ ཐུགས་རྗེའི་རང་བཞིན་ཞི་ཁྲོའི་ལྷ་ཚོགས་ཀྱིས༔ སྐལ་ལྡན༴ བསྐྱེད་རྫོགས་མཐའ་རུ་ཕྱིན་པར༴ བལ་ཡུལ་གླང་བྲག་གསང་བའི་གཏེར་གནས་ནས༔ གསང་བའི་ཟབ་ཆོས་དོན་གསལ་སྒྲོན་མེ་ཡིས༔ སྐལ་ལྡན༴ མདོ་སྔགས་བསྟན་པ་རྒྱས་པར༴ བཀའ་དང་དམ་ལ་གནས་པའི་གཞལ་ཡས་ནས༔ ཆོས་སྐྱོང་སྲུང་མ་གཏེར་བདག་དམ་ཅན་གྱིས༔ སྐལ་ལྡན་བུ་ལ་དབང་བསྐུར་བྱིན་གྱིས་རློབས༔ ཕྲིན་ལས་རྣམ་བཞི་འགྲུབ་པར་གསོལ་བ་འདེབས༔ བར་ཆད་གདོན་བགེགས་འཇོམས་པར་གསོལ་བ་འདེབས༔ བསམ་པ་ཡིད་བཞིན་འགྲུབ་པར་བྱིན་གྱིས་རློབས༔ ༡༢༣༤༥༦༧༨༩༠༩༨༧༧༦།

[edit]

\u0f01\u0f83\u0f01\u0f83:__thugs rje chen po don gsal sgron me las:__brgyud pa'i gsol 'debs bzhugs:__ e ma ho:__rnam dag spros bral chos sku'i pho brang nas:__rig stong dbyer med 'od dpag med mgon gyis:__skal ldan bu la dbang bskur byin gyis rlobs:__'khor 'das rang grol rtogs par gsol ba 'debs:__rig rtsal 'gag med 'od lnga'i dkyil 'khor nas:__longs spyod rdzogs sku spyan ras gzigs dbang gis:__skal ldan bu la dbang bskur byin gyis rlobs:__rang snang brtan pa thob par gsol ba 'debs:__sna tshogs 'gro 'dul sprul sku'i zhing khams nas:__'di'i ma phyir spyan ras gzigs thams cad la spyan ral gzigs zhes bris snang*/__de'ang gter gzhung rang gi nges tshig bshad pa dang bstun na rdzogs chen gyi gzhung rnams las lhun grub phyi rgya ral ces gsungs pa dang go ba gnad gcig__/don du thugs rje yul la 'jug pa'i spyan dbye ba la dgongs pa yin 'dra bas 'gal ba med rung*/__bris pas dpe bshu dus spyan ras gzigs zhes bcos bzhag pa red pas phyi rabs rnams kyis de ltar dgongs mdzod/__mchan/__'gro ba 'dren mdzad bram ze rnam gsum gyis:__skal ldan bu la=__khams gsum 'khor ba stongs par=__rnga yab gling phran zangs mdog dpal ri nas:__sangs rgyas kun 'dus o rgyan pad+ma yis:__skal ldan=__bdag gzhan don gnyis 'grub par=__klong yangs rnam dag rig pa'i zhing khams nas:__'brel tshad don ldan las 'phro gling pa yis:__skal ldan=__rig pa'i rtsal dbang thob par=__rtsa khams rnam dag thig le'i dkyil 'khor nas:__thugs rje'i rang bzhin zhi khro'i lha tshogs kyis:__skal ldan=__bskyed rdzogs mtha' ru phyin par=__bal yul glang brag gsang ba'i gter gnas nas:__gsang ba'i zab chos don gsal sgron me yis:__skal ldan=__mdo sngags bstan pa rgyas par=__bka' dang dam la gnas pa'i gzhal yas nas:__chos skyong srung ma gter bdag dam can gyis:__skal ldan bu la dbang bskur byin gyis rlobs:__phrin las rnam bzhi 'grub par gsol ba 'debs:__bar chad gdon bgegs 'joms par gsol ba 'debs:__bsam pa yid bzhin 'grub par byin gyis rlobs:____123456789098776/