JKW-KABAB-02-KHA-003

🚧 This website is under continued development. We appreciate your patience!

Previous Text"KHA" is not a number. Back to Volume Page"KHA" is not a number.Next Text "KHA" is not a number.

Wylie title
Location	mkhyen brtse'i bka' babs Volume , Text 3, Pages (Folios to )
Author	[[ | ]]
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation
Genre	Revelations - gter ma
Karchag page	JKW-KABAB-Volume-02-KHA-Karchag"KHA" is not a number.

"KHA" is not a number.

Tibetan Text

Wylie

[edit]

༄༅། བུམ་དབང་གི་ལམ་ཁྱེར་དང་རྗེས་སུ་འབྲེལ་བའི་རྡོ་རྗེའི་ཐོལ་གླུ་སྣང་སྟོང་ཟུང་འཇུག་ཅེས་བྱ་བ།།༄༅། །ཨ་ཧོ། གདན་གསུམ་དབྱེར་མེད་སྒྱུ་འཕྲུལ་དྲྭ་བ་ཡི་ཀློང་ནས། །ཞི་དང་ཁྲོ་གར་ཕྱག་རྒྱ་རྣམ་བཞི་རུ་བསྡམས་པས། །ཕུང་ཁམས་བདེ་བ་ཆེན་པོའི་ཡེ་ཤེས་སུ་སྨིན་པའི། །སྣང་སྟོང་ཟུང་འཇུག་སྤྲུལ་སྐུའི་བླ་མ་དེ་མཁྱེན་ནོ། །སྣོད་བཅུད་ལྷ་སྐུར་རྫོགས་པར་བྱིན་གྱིས་རང་རློབས་ཤིག །དག་མཉམ་འཁོར་འདས་དབྱེར་མེད་ཆོས་ཉིད་ཀྱི་ངང་ནས། །རྣམ་བཞིའི་སྐྱེ་གནས་སྦྱང་ཕྱིར་བསྐྱེད་རིམ་གྱི་འཁོར་ལོ། །ཐབས་ཤེས་མངོན་བྱང་ཆོ་གས་མངོན་གྱུར་དུ་སད་པས། །རིགས་གསུམ་འཁྲུལ་པའི་ཚོགས་ཀུན་རང་ངོ་རུ་དག་གོ། །གཡོ་ཐོབ་གོམས་བརྟན་མཐར་ཕྱིན་ཏིང་འཛིན་གྱི་རོལ་པ། །བསམ་གཏན་ཉམས་ཀྱི་སྐྱེ་ཚུལ་རང་རྒྱུད་ལ་སྦྱོར་བས། །སྣང་བ་ལྷ་ཡི་དཀྱིལ་འཁོར་ཆེན་པོ་རུ་སྨིན་ནས། །གཉིས་ཆོས་མཚན་མའི་ཆོས་ཀུན་སྣང་སྟོང་དུ་ཤར་རོ། །འཁོར་བའི་འཁྲུལ་མཚན་ཆོས་ཀུན་ཏིང་འཛིན་དུ་དག་ཅིང༌། །མྱང་འདས་བཞུགས་ཚུལ་འབྲས་བུ་གཞི་དབྱིངས་སུ་རྫོགས་ཏེ། །གོང་མའི་ས་བོན་ཐེབས་པའི་སྨིན་བྱེད་དུ་འགྲོ་བས། །ཁྱད་པར་བཞི་ལྡན་ལམ་མཆོག་སྙིང་པོ་རུ་བཟུང་ངོ༌། །ཕྱི་སྣོད་རབ་འབྱམས་ཐར་པ་ཆེན་པོ་ཡི་གྲོང་ཁྱེར། །ནང་བཅུད་འགྲོ་ཀུན་ཐབས་ཤེས་ཞི་ཁྲོ་ཡི་རོལ་པ། །སྒྲ་གྲགས་ཟུང་འཇུག་ཨ་ལི་ཀཱ་ལི་ཡི་རང་སྒྲ། །དྲན་རྟོག་སྤྲོས་བྲལ་དག་པ་རབ་འབྱམས་ལ་བསླབ་བོ། །རྗེས་སུ་ཆགས་པའི་མཆོད་བསྟོད་མཚན་མ་ལ་སྤྱོད་ཅིང༌། །ཚིམ་པ་དྲུག་ལྡན་ཚོགས་ཀྱི་འཁོར་ལོ་ལ་རོལ་པས། །ཡུལ་ལ་སྲེད་པའི་མཆིལ་པ་བློ་བྲལ་དུ་ཞིག་སྟེ། །ཡུལ་ཅན་གནས་ལུགས་ཆེན་པོར་རང་གྲོལ་དུ་ལོང་ངོ༌། །ཀུན་རྫོབ་བདེན་ཞེན་སྒྱུ་མའི་དཀྱིལ་འཁོར་དུ་རོལ་ཅིང༌། །དོན་དམ་འོད་གསལ་འཕོ་འཇིགས་བྲལ་བ་རུ་ཐིམ་པས། །བདེན་གཉིས་ཟུང་འཇུག་དགྱེས་པའི་ཧེ་རུ་ཀའི་དབྱིངས་སུ། །སྐུ་གསུམ་དབྱེར་མེད་རང་རྩལ་རྫོགས་པ་རུ་ཤོག་ཅིག །།

[edit]

@#/__bum dbang gi lam khyer dang rjes su 'brel ba'i rdo rje'i thol glu snang stong zung 'jug ces bya ba//@#/__/a ho/__gdan gsum dbyer med sgyu 'phrul drwa ba yi klong nas/__/zhi dang khro gar phyag rgya rnam bzhi ru bsdams pas/__/phung khams bde ba chen po'i ye shes su smin pa'i/__/snang stong zung 'jug sprul sku'i bla ma de mkhyen no/__/snod bcud lha skur rdzogs par byin gyis rang rlobs shig__/dag mnyam 'khor 'das dbyer med chos nyid kyi ngang nas/__/rnam bzhi'i skye gnas sbyang phyir bskyed rim gyi 'khor lo/__/thabs shes mngon byang cho gas mngon gyur du sad pas/__/rigs gsum 'khrul pa'i tshogs kun rang ngo ru dag go/__/g.yo thob goms brtan mthar phyin ting 'dzin gyi rol pa/__/bsam gtan nyams kyi skye tshul rang rgyud la sbyor bas/__/snang ba lha yi dkyil 'khor chen po ru smin nas/__/gnyis chos mtshan ma'i chos kun snang stong du shar ro/__/'khor ba'i 'khrul mtshan chos kun ting 'dzin du dag cing*/__/myang 'das bzhugs tshul 'bras bu gzhi dbyings su rdzogs te/__/gong ma'i sa bon thebs pa'i smin byed du 'gro bas/__/khyad par bzhi ldan lam mchog snying po ru bzung ngo*/__/phyi snod rab 'byams thar pa chen po yi grong khyer/__/nang bcud 'gro kun thabs shes zhi khro yi rol pa/__/sgra grags zung 'jug a li kA li yi rang sgra/__/dran rtog spros bral dag pa rab 'byams la bslab bo/__/rjes su chags pa'i mchod bstod mtshan ma la spyod cing*/__/tshim pa drug ldan tshogs kyi 'khor lo la rol pas/__/yul la sred pa'i mchil pa blo bral du zhig ste/__/yul can gnas lugs chen por rang grol du long ngo*/__/kun rdzob bden zhen sgyu ma'i dkyil 'khor du rol cing*/__/don dam 'od gsal 'pho 'jigs bral ba ru thim pas/__/bden gnyis zung 'jug dgyes pa'i he ru ka'i dbyings su/__/sku gsum dbyer med rang rtsal rdzogs pa ru shog cig_//_