རྡོར་སེམས་བསྒོམ་བཟླས།

🚧 This website is under continued development. We appreciate your patience!

Previous Text Back to Volume Page Next Text

Wylie title	rdor sems bsgom bzlas
Location	dpal sprul bka' 'bum Volume 1, Text 33, Pages (Folios to )
Author	དཔལ་སྤྲུལ་རིན་པོ་ཆེ་
Less details More details
Citation
Genre	Sadhanas - Evocation Ritual - sgrub thabs
Deity	rdo rje sems dpa'

[edit]

༄༅། །རྡོར་སེམས་བསྒོམ་བཟླས་བཞུགས།

ཨེ་མ་ཧོ། རང་ལུས་ཐ་མལ་པ་ཡི་སྤྱི་གཙུག་སྟེང་། །རེག་ཐོག་མེད་ཙམ་རང་བྱུང་པདྨ་དང་། །ཐབས་ཤེས་ཉི་ཟླའི་གདན་ལ་ཧཱུྃ་ཡིག་དཀར། །འོད་ཟེར་སྤྲོ་བསྡུས་དོན་གཉིས་ལེགས་བྱས་ཏེ། །ཚུར་འདུས་རྡོ་རྗེ་སེམས་དཔའ་སྟོན་ཟླ་མཛེས། །ཉ་གང་མ་འདྲ་ཞི་བའི་ཉམས་དགུ་དང་། །ལོངས་སྤྱོད་རྫོགས་སྐུའི་རྒྱན་ཆ་བཅུ་གསུམ་ཚང་། །ཕྱག་གཡས་གསེར་གྱི་རྡོ་རྗེ་ཐུགས་ཀར་འཛིན། །གཡོན་པས་དངུལ་དཀར་དྲིལ་བུ་དཀུར་བརྟེན་པ། །ཐ་མལ་གདོས་བཅས་མ་ཡིན་སྣང་སྟོང་སྐུ། །ཞབས་གཉིས་སྐྱིལ་ཀྲུང་ཆེ་ཆུང་སྣ་ཚོགས་སྤྲུལ། །ཐུགས་ཀར་ཟླ་བའི་དཀྱིལ་དུ་ཧཱུྃ་ཡིག་དཀར། །སྤུས་བྲིས་ལྟ་བུའི་མཐའ་སྐོར་སྔགས་ཕྲེང་བསྐོར། །ཤེལ་དཀར་འཕྲེང་བ་འདྲ་བའི་འོད་དང་ཟེར། །དཀར་སེར་དམར་ལྗང་ཕྱོགས་བཅུའི་ཞིང་དུ་སྤྲོས། །སངས་རྒྱས་ཐམས་ཅད་ཐུགས་དམ་རྒྱུད་བསྐུལ་ཏེ། །བྱིན་རླབས་འདུས་པ་དེ་ལ་གསོལ་བཏབ་བོ། །དེ་ནས་ཡི་གེ་བརྒྱ་པ་ཅི་ནུས་བཟླས། །སྐུ་ལས་བདུད་རྩིའི་རྒྱུན་བབས་ཚངས་བུག་ཞུགས། །བདག་གིས་ཐོག་མེད་དུས་ནས་ད་ལྟའི་བར། །སྡིག་སྒྲིབ་ཉེས་ལྟུང་ཅི་བསགས་བཀྲུ་བཤལ་བྱས། །འོག་སྒོ་ནས་ཐོན་རྣག་ཁྲག་དུད་ཁུ་དང་། །སྦལ་སྦྲུལ་སྡོམ་སྡིག་འདྲ་བའི་སྲོག་ཆགས་དབྱིབས། །མང་བྱུང་ས་གས་འོག་ནས་འཆི་བདག་འཐོན། །ཅིབ་བཅིབ་བཏུང་བས་དུས་མིན་འཆི་བ་བཟློག །གདོན་བགེགས་ཚིམ་པའི་བཟའ་བཏུང་མཆོག་ཏུ་གྱུར། །དེ་ནས་སྤྱི་བོའི་ལྷ་དེ་འོད་དུ་ཞུ། །རྡོ་ཚན་སྟེང་དུ་ཁ་བ་བབས་པ་འདྲའི། །རང་གི་སྙིང་གར་རྡོར་སེམས་ཚོན་གང་ཙམ། །འོད་ཟེར་ལམ་ལམ་ཙ་ཀླུས་ཤར་བལྟས་པའི། །དབྱིངས་རིག་བསྲེས་ཏེ་ཉམས་སྦྱོང་འཆར་སྒོ་སྣང་། །ཐིག་ལེ་ཐིག་ཕྲན་རྩིབ་ཤར་གྱེན་འགྲེང་དང་། །ལུག་རྒྱུད་ཉ་མིག་ལྟ་བུའི་དབྱིབས་འཆང་དང་། །པདྨ་སྟོང་ལྡན་མཆོད་རྟེན་ཟ་ར་ཚགས། །ཐིག་ལེའི་ནང་དུ་དབྱངས་གསལ་ཡི་གེའི་འབྲུ། །རིགས་ལྔ་ཞི་ཁྲོའི་སྐུ་སོགས་ཆུང་དང་ཆེ། །སྣ་ཚོགས་སྣང་བ་དེ་ལ་འཛིན་ཞེན་མེད། །ཁྲེགས་ཆོད་ཐོད་རྒལ་ཉམས་ལེན་མཐར་ཕྱིན་ཤོག །དགེ་དེས་སེམས་ཅན་ཐམས་ཅད་འདྲེན་པ་དང་། །བདག་དང་རྡོ་རྗེ་སེམས་དཔའ་དབྱེར་མེད་ཤོག །འཁྲུལ་སྣང་རང་གྲོལ་བློ་འདས་དེ་ཡི་ངང་། །ཉིན་མཚན་གཅིག་ཏུ་འདྲེས་པའི་རྣལ་འབྱོར་ཤོག །དགེ་བ་འདི་ཡིས་མྱུར་དུ་བདག །རྡོ་རྗེ་སེམས་དཔའ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་ཚིག་བཞི་འདོན། ཨོ་རྒྱན་ཆེ་མཆོག་དག་སྣང་གོ །འདི་མཐོང་ཡི་གེ་བརྒྱ་པ་ཟློས། །སྡིག་སྒྲིབ་དག་པའི་སྨོན་ལམ་ཐོབ། །

དགེའོ།། །།