JKW-KABUM-14-PHA-012-007

🚧 This website is under continued development. We appreciate your patience!

Previous Text Back to Volume PageLast text in section.

ས་བདག་ཉེས་པ་ཀུན་སེལ་གྱི་གདམས་པ་བཀླགས་ཆོག་ཏུ་བཀོད་པ་དགེ་ལེགས་སྤྲིན་ཕུང་།

Wylie title	sa bdag nyes pa kun sel gyi gdams pa bklags chog tu bkod pa dge legs sprin phung
Location	mkhyen brtse'i bka' 'bum Volume 14, sde tshan 12, Text 7, Pages 198-200 (Folios 15b3 to 16b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཕྲེང་པོ་གཏེར་སྟོན་ཤེས་རབ་འོད་ཟེར་ ('phreng po gter ston shes rab 'od zer)
Associated People	ཤཱཀྱ་ཐུབ་པ་ (Śākyamuni)
Citation	'jam dbyangs mkhyen brtse'i dbang po. sa bdag nyes pa kun sel gyi gdams pa bklags chog tu bkod pa dge legs sprin phung. In 'jam dbyangs mkhyen brtse'i dbang po'i bka' 'bum, Vol. 14: 198-200. Khams sde dge rdzong sar dgon: Rdzong sar blo gros phun tshogs, 2020.
Genre	Activity Manual - las byang  ·  Liturgy - ngag 'don
Cycle	པདྨའི་ཞལ་གདམས་རྩ་གསུམ་མཐོང་བ་རང་གྲོལ་ (pad+ma'i zhal gdams rtsa gsum mthong ba rang grol)
Parent Cycle	གྲོལ་ཏིག་དགོངས་པ་རང་གྲོལ་གྱི་ཆོས་སྡེ་ (grol tig dgongs pa rang grol gyi chos sde)
Colophon	།འདིའང་འགྲོ་འདུལ་པྲཛྙཱ་ར་སྨིའི་ཟབ་གཏེར་ལས་བྱུང་བ་ཕྱག་ལེན་ཤིན་ཏུ་གསལ་བར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སརྦ་དཱ་སུ་ཤྲེཡོ་བརྡྷནྟུ།།
	'di'ang 'gro 'dul pradz+nyA ra smi'i zab gter las byung ba phyag len shin tu gsal bar mtsho skyes bla ma dgyes pa'i 'bangs mkhyen brtse'i dbang pos bris pa sarba dA su shreyo bar+d+han+tu/

1 Texts in this Section (sde tshan or chos tshan)

7 198-200	ས་བདག་ཉེས་པ་ཀུན་སེལ་གྱི་གདམས་པ་བཀླགས་ཆོག་ཏུ་བཀོད་པ་དགེ་ལེགས་སྤྲིན་ཕུང་། sa bdag nyes pa kun sel gyi gdams pa bklags chog tu bkod pa dge legs sprin phung Activity Manual - las byang   ·   Liturgy - ngag 'don	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །ས་བདག་ཉེས་པ་ཀུན་སེལ་གྱི་གདམས་པ་བཀླགས་ཆོག་ཏུ་བཀོད་པ་དགེ་ལེགས་སྤྲིན་ཕུང་ཞེས་བྱ་བ་བཞུགས་སོ། །ན་མོ་གུ་རུ་མུ་ནཱེནྡྲཱ་ཡ། དེ་ལ་སངས་རྒྱས་གཉིས་པ་སློབ་དཔོན་ཆེན་པོའི་རྡོ་རྗེའི་གསུང་ལས། རྣལ་འབྱོར་གང་ཞིག་ལམ་དུ་འཇུག་པ་དང་༔ གནས་བཙལ་བ་དང་ས་བཟུང་རོ་འདོན་དང་༔ ཤིད་བྱེད་རབ་གནས་ལ་སོགས་དུས་རྣམས་སུ༔ དུས་བརྩིས་འཁྲུལ་དང་ནོར་བས་བར་ཆད་རྐྱེན༔ ནད་དང་སྡུག་བསྔལ་འཁོན་གཅུགས་དགྲ་གདོན་གདུང་༔ དེ་དུས་གདམས་པ་འདི་དང་ལྡན་གྱུར་ན༔ ཕྱོགས་ངན་བདུད་གཅོད་གསང་ཀེག་རུ་འཛིན་དང་༔ མདུན་ཕུང་གང་ལའང་ཉམ་ང་མི་དགོས་ཤིང་༔ རྟེན་བཞེངས་ཕོ་བྲང་འདེབས་དང་ས་སྒོ་སློང་༔ རོ་དང་བག་མའི་ལམ་སོགས་ནོར་འཁྲུལ་སེལ༔ བུ་ནོར་ཆོས་དང་བཀྲ་ཤིས་རིགས་བརྒྱུད་འཕེལ༔ ཞེས་གསུངས་པ་ལྟར་ནམ་བྱ་བའི་དུས་དང་དགོས་པ་སོགས་ངེས་པར་བྱས་ཏེ། རང་ཉིད་ལས་བྱ་བའི་ཕྱོགས་སུ་ཁ་བལྟས་པའི་གཡས་སུ་འཛོམས་ན་སྟེགས་བུའི་ཁར་ཐུབ་བའི་སྐུ་རབ་གནས་དང་ལྡན་པའི་མདུན་དུ་མཆོད་པ་ཅི་འབྱོར་བཤམ། ཕྱོགས་ཐུབ་ཀྱི་ཕྱར་དར་དང་རྫས་སོགས་ཡོད་ན་འཕྱར། མདུན་དུ་གསེར་སྐྱེམས་བཤམ། སངས་རྒྱས་ཆོས་དང་སོགས་སྐྱབས་སེམས་དང་། ཨོཾ་སྭ་བྷཱ་ཝ་སོགས། སྟོང་པའི་ངང་ལས་པད་ཟླའི་གདན་གྱི་སྟེང་། རང་ཉིད་ཐུབ་དབང་གསེར་མདོག་མཚན་དཔེས་མཛེས། །ས་གནོན་མཉམ་བཞག་ཆོས་གོས་རྣམ་གསུམ་གསོལ། རྡོ་རྗེའི་སྐྱིལ་ཀྲུང་འོད་ཟེར་འབར་བར་གྱུར། །ཅེས་གསལ་བཏབ་ལ། ཏདྱ་ཐཱ། ཨོཾ་མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ་ཞེས་ཅི་ནུས་བཟླ། གསེར་སྐྱེམས་བྱིན་གྱིས་བརླབས་ལ་སྡེ་བརྒྱད་ཆ་སྙོམས་ལྟར་ཕུལ། དེ་ནས་ཐལ་མོ་སྦྱར་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་རྒྱལ་བ་ཤཱཀྱ་ཐུབ་པ་ལ་ཕྱག་འཚལ་ལོ༔ ན་མོ་རཏྣ་ཏྲ་ཡཱ་ཡ༔ ཨོཾ་ཡེ་དྷརྨཱཿཧེ་ཏུ་པྲ་བྷ་ཝཱ་ཧེ་དུནྟེ་ཥཱནྟ་ཐཱ་ག་ཏོ་ཧྱ་ཝ་ད་ཏྲ༔ ཏེ་ཥཱཉྩ་ཡོ་ནི་རོ་དྷ་ཨེ་ཝྃ་བཱ་དཱི་མ་ཧཱ་ཤྲ་མ་ཎ་ཡེ་སྭཱ་ཧཱཿ ཨོཾ་ཨ་ཀ་ནི་ནི་ཀ་ནི་ཨ་བྱི་ལ་མཎྜ་ལ་མ་ཡེ་སྭཱ་ཧཱ༔ ཅི་ནུས་བཟླ། རང་ཉིད་ཐུབ་པའི་ཞལ་ནི་ཕྱོགས་བཅུ་རུ༔ མ་འགགས་གསལ་བའི་སྐུ་ལས་འཕྲོས་པའི་འོད༔ ས་འོག་ས་སྟེང་ས་བླའི་ཕྱོགས་མཚམས་བཅུར༔ འཕྲོས་པས་སྣང་སྲིད་འཁོར་ལོར་བསྐོར་བ་ལས༔ འོད་ཟེར་འདོད་པའི་དོན་རྣམས་འགྲུབ་བྱེད་པའི༔ སངས་རྒྱས་སྐུ་གསུང་ཐུགས་སུ་གསལ་བ་ཡིས༔ སྣང་སྲིད་མཉེས་བྱེད་ཕྱག་རྒྱ་བཅས་པ་ཡིས༔ སྐྱོན་སྦྱངས་ཡོན་ཏན་མ་ལུས་སྦྲེལ་བར་གྱུར༔ ཅེས་བརྗོད་ཅིང་བསམས་ལ་ཐལ་མོ་ཁོང་སྟོང་དུ་སྦྱར་བ་ཕྱོགས་མཚམས་ཀུན་ཏུ་གཡས་སྐོར་དང་གཡོན་སྐོར་ལན་བཅུ་གཉིས་བྱ་ཞིང་སྔགས་བཟླས་མཐར། བྱི་བ་གླང་སྟག་ཡོས་འབྲུག་སྦྲུལ་དང་རྟ༔ ལུག་སྤྲེལ་བྱ་ཁྱི་ཕག་གི་ལོ་ཟླ་དུས༔ སྤར་སྨེ་ས་བདག་ཀླུ་གཉན་ལ་སོགས་པ༔ ཐམས་ཅད་བྱང་ཆུབ་ཆེན་པོར་དག་གྱུར་ཅིག༔ ཅེས་དང་མདོ་རྒྱུད་ལས་བྱུང་བའི་བཀྲ་ཤིས་རྒྱས་པ་གང་ཤེས་བརྗོད་ཅིང་མེ་ཏོག་ཕྱོགས་ཀུན་འཐོར། དེ་ལྟར་བགྱིས་པའི་ཕན་ཡོན་ཀྱང་གཞུང་ལས། དེ་ལྟར་བརྗོད་པས་ཕྱོགས་ངན་ཀུན་ལས་གྲོལ༔ ལེགས་པ་ཀུན་འགྲུབ་ཐམས་ཅད་སེམས་ཀྱི་གཟུགས༔ རྣམ་པར་རྟོག་པ་ཐམས་ཅད་དོན་དུ་འགྱུར༔ དུས་ཀྱི་མཐའ་མ་ལོ་ཟླ་དུས་ཀྱི་རྩིས༔ གོ་ནོར་ཆད་ལྷག་རྩོད་པ་རྒྱས་དུས་སུ༔ འདི་ཡིས་དུས་གསུམ་དུས་མེད་བདེ་ལེགས་སྟེར༔ ཞེས་གསུངས་པ་ལྟར་ཤེས་པར་བྱའོ། །འདིའང་འགྲོ་འདུལ་པྲཛྙཱ་ར་སྨིའི་ཟབ་གཏེར་ལས་བྱུང་བ་ཕྱག་ལེན་ཤིན་ཏུ་གསལ་བར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སརྦ་དཱ་སུ་ཤྲེཡོ་བརྡྷནྟུ།། །།

[edit]

sa bdag nyes pa kun sel gyi gdams pa bklags chog tu bkod pa dge legs sprin phung @#/_/sa bdag nyes pa kun sel gyi gdams pa bklags chog tu bkod pa dge legs sprin phung zhes bya ba bzhugs so/__/na mo gu ru mu nA+en+d+rA ya/__de la sangs rgyas gnyis pa slob dpon chen po'i rdo rje'i gsung las/__rnal 'byor gang zhig lam du 'jug pa dang :__gnas btsal ba dang sa bzung ro 'don dang :__shid byed rab gnas la sogs dus rnams su:__dus brtsis 'khrul dang nor bas bar chad rkyen:__nad dang sdug bsngal 'khon gcugs dgra gdon gdung :__de dus gdams pa 'di dang ldan gyur na:__phyogs ngan bdud gcod gsang keg ru 'dzin dang :__mdun phung gang la'ang nyam nga mi dgos shing :__rten bzhengs pho brang 'debs dang sa sgo slong :__ro dang bag ma'i lam sogs nor 'khrul sel:__bu nor chos dang bkra shis rigs brgyud 'phel:__zhes gsungs pa ltar nam bya ba'i dus dang dgos pa sogs nges par byas te/__rang nyid las bya ba'i phyogs su kha bltas pa'i g.yas su 'dzoms na stegs bu'i khar thub ba'i sku rab gnas dang ldan pa'i mdun du mchod pa ci 'byor bsham/__phyogs thub kyi phyar dar dang rdzas sogs yod na 'phyar/__mdun du gser skyems bsham/__sangs rgyas chos dang sogs skyabs sems dang /__oM swa b+hA wa sogs/__stong pa'i ngang las pad zla'i gdan gyi steng /__rang nyid thub dbang gser mdog mtshan dpes mdzes/__/sa gnon mnyam bzhag chos gos rnam gsum gsol/__rdo rje'i skyil krung 'od zer 'bar bar gyur/__/ces gsal btab la/__tad+ya thA/__oM mu ni mu ni ma hA mu na ye swA hA zhes ci nus bzla/__gser skyems byin gyis brlabs la sde brgyad cha snyoms ltar phul/__de nas thal mo sbyar te/__bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dpal rgyal ba shAkya thub pa la phyag 'tshal lo:__na mo rat+na tra yA ya:__oM ye d+harmAHhe tu pra b+ha wA he dun+te ShAn+ta thA ga to h+ya wa da tra:__te ShAny+tsa yo ni ro d+ha e wa~M bA dI ma hA shra ma Na ye swA hAH__oM a ka ni ni ka ni a byi la maN+Da la ma ye swA hA:__ci nus bzla/__rang nyid thub pa'i zhal ni phyogs bcu ru:__ma 'gags gsal ba'i sku las 'phros pa'i 'od:__sa 'og sa steng sa bla'i phyogs mtshams bcur:__'phros pas snang srid 'khor lor bskor ba las:__'od zer 'dod pa'i don rnams 'grub byed pa'i:__sangs rgyas sku gsung thugs su gsal ba yis:__snang srid mnyes byed phyag rgya bcas pa yis:__skyon sbyangs yon tan ma lus sbrel bar gyur:__ces brjod cing bsams la thal mo khong stong du sbyar ba phyogs mtshams kun tu g.yas skor dang g.yon skor lan bcu gnyis bya zhing sngags bzlas mthar/__byi ba glang stag yos 'brug sbrul dang rta:__lug sprel bya khyi phag gi lo zla dus:__spar sme sa bdag klu gnyan la sogs pa:__thams cad byang chub chen por dag gyur cig:_ces dang mdo rgyud las byung ba'i bkra shis rgyas pa gang shes brjod cing me tog phyogs kun 'thor/__de ltar bgyis pa'i phan yon kyang gzhung las/__de ltar brjod pas phyogs ngan kun las grol:__legs pa kun 'grub thams cad sems kyi gzugs:__rnam par rtog pa thams cad don du 'gyur:__dus kyi mtha' ma lo zla dus kyi rtsis:__go nor chad lhag rtsod pa rgyas dus su:__'di yis dus gsum dus med bde legs ster:__zhes gsungs pa ltar shes par bya'o/__/'di'ang 'gro 'dul pradz+nyA ra smi'i zab gter las byung ba phyag len shin tu gsal bar mtsho skyes bla ma dgyes pa'i 'bangs mkhyen brtse'i dbang pos bris pa sarba dA su shreyo bar+d+han+tu//__//