JKW-KABUM-06-CHA-001-006

🚧 This website is under continued development. We appreciate your patience!

Previous Text Back to Volume PageNext Text

སྒྱུ་འཕྲུལ་སྤྱི་དོན་གསང་བདག་ཞལ་ལུང་གི་བསྡུས་དོན།

Wylie title	sgyu 'phrul spyi don gsang bdag zhal lung gi bsdus don
Location	mkhyen brtse'i bka' 'bum Volume 6, sde tshan 1, Text 6, Pages 83-93 (Folios 42a4 to 47a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sgyu 'phrul spyi don gsang bdag zhal lung gi bsdus don. In 'jam dbyangs mkhyen brtse'i dbang po'i bka' 'bum, Vol. 6: 83-93. Khams sde dge rdzong sar dgon: Rdzong sar blo gros phun tshogs, 2020.
Genre	Commentary Synoptic - bsdus don 'grel pa  ·  Outlines - sa bcad  ·  Overviews - spyi don

1 Texts in this Section (sde tshan or chos tshan)

6 83-93	སྒྱུ་འཕྲུལ་སྤྱི་དོན་གསང་བདག་ཞལ་ལུང་གི་བསྡུས་དོན། sgyu 'phrul spyi don gsang bdag zhal lung gi bsdus don Commentary Synoptic - bsdus don 'grel pa   ·   Outlines - sa bcad   ·   Overviews - spyi don	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཨོཾ་སྭསྟི། སྤྱི་དོན་གསང་བདག་ཞལ་ལུང་གི་ས་བཅད་ལ། སྔོན་འགྲོ་སྤྱིའི་རྣམ་བཞག་འཆད་པ་དང་། བྱེ་བྲག་རྒྱུད་ཀྱི་དོན་བཤད་པ། དང་པོ་ལའང་། གང་བཤད་བྱའི་ཆོས། དེ་གང་གིས་འཆད་པའི་མན་ངག །དེ་ཇི་ལྟར་འཆད་པའི་ཚུལ་དང་གསུམ། དང་པོ་ལའང་། སྤྱིར་ཆོས་ཀྱི་སྒྲ་གང་ལ་འཇུག་པ། དེ་ལས་ཤེས་བྱའི་ཆོས་དང་། དམ་པའི་ཆོས། བཤད་ཆོས་ངོས་བཟུང་བ་བཞི། གཉིས་པ་ལ། རང་གི་མཚན་ཉིད་འཛིན་པའི་ཆོས་དང་། རྣམ་པར་དཀར་བའི་ཆོས་གཉིས། གསུམ་པ་ལ། མཚན་ཉིད་དང་དབྱེ་བ། དབྱེ་བ་ལུང་དང་། རྟོགས་པ། བཞི་པ་ལ། ངོ་བོ། མཚན་ཉིད། སྒྲ་དོན། དབྱེ་བ། སྐབས་དོན། ངོས་བཟུང་བ། དབྱེ་བ་ལ་བཀའ་དང་བསྟན་བཅོས་གཉིས། གཉིས་ཀ་ལ། མཚན་ཉིད། སྒྲ་དོན། དབྱེ་བ། དབྱེ་བ་ལ། བདག་རྐྱེན་དུས་སྡེ་སྣོད་གཉེན་པོ་དབང་པོའི་སྒོ་ནས་དབྱེ་བ་ལྔ། ཕྱི་མ་ལ། ངོ་བོ། སྒྲ་དོན་དང་དབྱེ་བ། ཕྱི་མ་ལའང་སྤྱི་དང་བྱེ་བྲག །བྱེ་བྲག་ལ་འཇིག་རྟེན་པ་དང་། འཇིག་རྟེན་འདས་པའི་གཉིས། སྔ་མ་ལ་སོར་བཞག་ལྷ་མི། འཕྲོས་དོན་མ་རྟོགས་ལོག་རྟོག་ཕྱོགས་རྟོགས་བཤད་པ། ཕྱི་མ་ལ། འཕགས་ཚུལ་དང་། དབྱེ་བ་རྒྱས་པར་བཤད་པ། དབྱེ་བ་ལ། རྒྱུ་མཚན་ཉིད་དང་། འབྲས་བུ་སྔགས་ཀྱི། དང་པོ་ལ་ཉན་རང་བྱང་གསུམ། ཕྱི་མ་ལ། ཀྲྀ་ཡོག་སྡེ་གསུམ། ནང་རྒྱུད་སྡེ་གསུམ་སྟེ་རིམ་པ་དགུ། སོ་སོ་ལ། ངོ་བོ། ངེས་ཚིག་དབྱེ། ཕྱི་མ་ལ། འཇུག་སྒོ། ལྟ་བ། ཚུལ་ཁྲིམས། སྒོམ་པ། སྤྱོད་པ། འབྲས་བུ་དྲུག །ཐེག་དགུའི་ལྟ་རིམ་ལ་རྩོད་པ་སྤང་བ། གཉིས་པ་བསྟན་བཅོས་ལ། རྣམ་བཞག་སྤྱི། བྱེ་བྲག་ཏུ་རྒྱུད་འདིའི་དགོངས་འགྲེལ་ངོས་བཟུང་བ། དང་པོ་ལའང་། མཚན་ཉིད། སྒྲ་དོན། དབྱེ་བ། གཉིས་པ་ལ། རྒྱུད་སྤྱི་ལ་འཇུག་པའི་དང་། རྒྱུད་གནས་སྐབས་ལ་འཇུག་པའི་གཉིས། གཉིས་པ་གང་གིས་འཆད་པའི་མན་ངག་ལ། རྒྱལ་བས་གསུངས་པའི་དང་། དེ་ལ་བརྟེན་ནས་མཛད་པ་གཉིས། དང་པོ་ལ་མ་ཧཱ་ཡོ་ག་སྤྱི་ཡི་འཆད་ཐབས་རྒྱན་བདུན་དང་། ཁྱད་པར་འདི་ཉིད་འཆད་ཐབས་སྤྱི་དོན་ལྔ་བཤད་པ། རྗོད་བྱེད་སྒྲའི་རྒྱུད་བཤད་ཐབས་ལ་དོར་བྱ་སྐྱོན་བརྒྱད། བླང་བྱ་རྒྱུད་གནས་སྐབས་དངོས་པོ་རེ་རེའི་འཆད་ཐབས། རྒྱུད་གཞུང་སྤྱིའི་བཤད་ཐབས་འདྲེན་པའི་ཚིག་བཅུ། གཞན་ཡང་མཚོན་དཔེ་སྦྱར་ཏེ་བཤད་ཚུལ་གསུམ། སྤྱིར་ཚུལ་བཞིའི་སྒོ་ནས་བཤད་པ། བྱེ་བྲག་ཏུ་སློབ་དཔོན་བི་མ་ལའི་འཆད་ཚུལ་བཞི་དང་། གསུམ་འཆད་པ། མན་ངག་གི་འཆད་ཐབས་རྩིས་མགོ་ལྔས་བསྟན་པ་བཅས་སོ། །གསུམ་པ་ཇི་ལྟར་འཆད་པའི་ཚུལ་ནི། སློབ་དཔོན་དང་སློབ་མའི་མཚན་ཉིད། ཇི་ལྟར་ཉན་འཆད་བྱ་ཚུལ། དེ་ལྟར་འཆད་ཉན་བྱས་པའི་འབྲས་བུའོ་འདི་ཡན་ཚེམ་གཅིག་ཡོད་ལགས། །གཉིས་པ་བྱེ་བྲག་རྒྱུད་དོན་བཤད་པ་ལ། སྔོན་བྱུང་ཚུལ། བརྒྱུད་པའི་ལོ་རྒྱུས། རྒྱུད་ཀྱི་ཆེ་བ་བརྒྱད་བཤད་པ། ཆེ་བ་དེ་ལྡན་གྱི་རྒྱུད་དོན་དངོས་བཤད་པའོ། །དང་པོ་ལ། སྟོན་པས་གསུང་ཚུལ་དང་། དེ་ལས་བརྒྱུད་ཚུལ་ལོ། །ཕྱི་མ་ལ་དགོངས་བརྡ་སྙན་གསུམ། གསུམ་པ་རྒྱུད་དོན་དངོས་ལ། རྒྱུད་དབུ་ཞབས་ཐམས་ཅད་ཀྱི་དོན་དགོས་འབྲེལ་ཡན་ལག་བཞི་ལྡན་དུ་འཆད་པ། རྒྱུད་གསུམ་པོར་ཐ་སྙད་ཀྱི་དབང་དུ་བྱས་ཏེ་དབྱེ་བ། དོན་དམ་གྱི་དབང་དུ་བྱས་ཏེ་བསྡུ་བ། བསྡུས་དོན་གཏན་ལ་དབབ་པ་གསུམ། ཕྱི་མ་ལ་གཞི་ལམ་འབྲས་གསུམ་སྤྱིར་གཏན་ལ་དབབ་པ་དང་། དེ་སོ་སོར་གཏན་ལ་རྒྱས་པར་དབབ་པ་གཉིས། ཕྱི་མ་ལ། གཞི་བཤད་པ། ལམ་བཤད་པ། འབྲས་བུ་བཤད་པའོ། ། ༈

དང་པོ་ལ་ངོ་བོ་གཞི་དང་བརྟག་པའི་གཞི་བཤད་པ། དེ་རྒྱུད་དུ་འགྱུར་བའི་འཐད་པའོ། །གཉིས་པ་ལ། བརྗོད་བྱ་དོན་གྱི་རྒྱུད་ལམ་གྱི་ངོ་བོ་དང་། རྗོད་བྱེད་ཚིག་གི་རྒྱུད་ལམ་རྐྱེན་དུ་གྱུར་པ་གཉིས། ཕྱི་མ་ཐབས་གང་གིས་དང་། ཚུལ་ཇི་ལྟར་འཆད་པ་གཉིས། གཉིས་པ་ལ་རྒྱུད་ཀྱི་མཚན་དོན་བཤད་པ་དང་། མཚན་དེ་ལྡན་གྱི་རྒྱུད་བཤད་པ་གཉིས། ཕྱི་མ་དགོས་འབྲེལ་གོང་དུ་སོང་བའི་དབང་དུ་བྱས་ནས། འདིར་དབང་པོ་འབྲིང་སྤྱི་དོན་ལྟར་འཆད་པའི་ནང་ཚན་རྒྱུད་འབྱུང་བའི་རྒྱུ་གླེང་གཞི། རྐྱེན་གླེང་བསླང་། འབྲས་བུ་ཡོངས་ཤེས་རྒྱུད་དོན། གདམས་གཏད་བཞི། དང་པོ་གཉིས་ལ། དགོས་ཆེད། ངོ་བོ། སྒྲ་དོན། རྣམ་གྲངས་བཞི་རེ་དང་། གསུམ་པ་ལ། རྒྱུད་ཀྱི་དངོས་པོར་འཇུག་པའི་གཞུངས་ཚམས་དེ་ལེའུ་གང་གིས་སྟོན་ཚུལ། ཇི་ལྟར་བསྡུས་པའི་དོན་གཏན་ལ་དབབ་པའོ། །ཕྱི་མ་ལ་ལམ་གྱི་ངོ་བོ་དང་། ཆ་རྐྱེན་གཉིས་ལས། འདིར་འཆད་བདེ་ཕྱིར་དང་པོ་ཆ་རྐྱེན་བསྟན་ཏེ། དེ་ཡང་། ལྟ་སྤྱོད་དཀྱིལ་འཁོར་དབང་དམ་ཚིག །ཕྲིན་སྒྲུབ་ཏིང་འཛིན་མཆོད་སྔགས་བཅུ། །ཞེས་པ་ལྟར་བཅུ་ལ་རེ་རེ་བཞིན་དུ། དགོས་ཆེད། ངོ་བོ། སྒྲ་དོན། རྣམ་གྲངས། མ་རྟོགས་པའི་སྐྱོན། རྟོགས་པའི་ཡོན་ཏན་དང་དྲུག་རེས་འཆད་པས་དྲུག་ཅུའོ། །ལམ་གྱི་ངོ་བོ་ལ། གྲོལ་ལམ། ཐབས་ལམ་གཉིས་རེ་རེ་ལའང་དབྱེ་བ། ཁྱད་པར། གཏན་ལ་དབབ་པ་གསུམ་རེ་སྟེ་དྲུག །གསུམ་པ་ལམ་གྱུར་གྱི་འབྲས་བུ་ལ། དབྱེ་བ་དང་། དེ་གཏན་ལ་དབབ་པའོ། །ཕྱི་མ་ལ། རྣམ་སྨིན། ཚེ་དབང་། ཕྱག་རྒྱ། ལྷུན་གྲུབ་བཞི། དེ་རེ་རེ་ལའང་། གང་གི་ཚེ་ཐོབ་པའི་རྒྱུ་དུས། གང་གི་རིག་འཛིན་རང་གི་ངོ་བོ། ཇི་སྙེད་བསྟན་པའི་རྣམ་གྲངས། ཇི་ལྟར་བཞུགས་པའི་ཆ་ལུགས། མངོན་པར་ཤེས་པའི་ཡུལ་དོན། འབྲས་བུ་ལ་ཇི་ལྟར་སྦྱོར་ཚུལ་ཏེ་ཆོས་དྲུག་རེའི་སྒོ་ནས་འཆད་པའོ། ། ༈ གསུམ་པ་འབྲས་བུའི་རྒྱུད་ལ། བདག་དོན་གྲུབ་པ་དང་། གཞན་དོན་མཛད་པའོ། །དང་པོ་ལ། ཐོབ་ཚུལ། མཚན་ཉིད། རྣམ་གྲངས་སོ། །ཕྱི་མ་ཡང་། མིང་གི། ངོ་བོའི། སའི་རྣམ་གྲངས་སོ། །གཉིས་པ་ལ། གདུལ་བྱ་ལ་ཐུགས་རྗེས་གཟིགས་ཚུལ། གཟིགས་ནས་ཐུགས་རྗེ་སྐྱེ་ཚུལ། སྐྱེས་ནས་འགྲོ་དོན་མཛད་ཚུལ་ལོ། །དེ་ལྟར་དཔལ་གསང་བའི་སྙིང་པོ་སྤྱི་དོན་གྱི་སྒོ་ནས་གཏན་ལ་ཕབ་པ་གསང་བདག་ཞལ་ལུང་གི་ས་བཅད་ཙམ་འདི་ཡང་རང་བློ་ངེས་ཕྱིར་གཞོན་ནུ་ཨ་བྷཱ་ཡས་བདེ་ཆེན་པདྨ་འོད་གླིང་དུ་དབྱུག་ཟླའི་གྲལ་ཚེས་༢༡དགེ་བར་བཀོད་པའོ།། །། ༈ གསུམ་པ་འབྲས་བུ་ཡོངས་སུ་ཤེས་པ་རྒྱུད་ཀྱི་དོན་འཆད་པའི་སྐབས། རྒྱུད་ཀྱི་དངོས་པོ་ལ་འཇུག་པའི་གཞུང་མཚམས་ངོས་བཟུང་བ་དང་། གཞུང་གི་བབས་བདེ་བླག་ཏུ་རྟོགས་པའི་ཆེད་དུ་ལེའུ་སོ་སོས་དོན་འདི་སྟོན་གྱི་བསྡུ་བ་བཤད་པ། ཇི་ལྟར་བསྡུས་པའི་དོན་གཏན་ལ་དབབ་པའོ། །དང་པོ་ལ་བཤད་ཚུལ་མང་ཡང་། སློབ་དཔོན་ཆེན་པོ་སྒེག་པ་ནི། ལེའུ་གསུམ་པའི་སྟོད་ཡན་ཆད་ཀྱིས་སྤྱི་དང་ཁྱད་པར་གྱི་རྒྱུ་རྐྱེན་རྫོགས་ནས། དེ་ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ། །ཞེས་མན་ཆད་ལེའུ་ཕྱེད་དང་བཅུ་དགུས་རྒྱུད་ཀྱི་དངོས་པོ་སྟོན་པར་བཞེད་དོ། །གཉིས་པ་ནི། ལེའུ་རྣམས་བབས་ཀྱི་བསྡུ་བ་སྤྱིར་བསྟན་པ་དང་། རྒྱུད་དོན་སོ་སོའི་བསྡུ་བ་བྱེ་བྲག་ཏུ་བཤད་པའོ། །དང་པོ་ནི། འགྲེལ་ཆུང་ལས། བྱང་ཆུབ་མཆོག་ལྡན་རྣལ་འབྱོར་དེས། །ཆོས་ཀུན་ངེས་དོན་གཏན་ལ་ཕབ་ལེའུ་གསུམ་པ། ། ༈ ངེས་པའི་དོན་ཉིད་རྟོགས་པའི་ཚེ། །མིང་ཙམ་གསལ་བའི་ཆོས་རྣམས་ཀུན། །ཡི་གེ་འཁོར་ལོ་མངོན་སངས་རྒྱས། །ལེའུ་ཞེ་ལྔ། ། ༈ མངོན་རྟོགས་ཡི་གེ་དེ་ཉིད་ལས། །ཏིང་འཛིན་རོལ་མོ་མཐའ་ཡས་སྤྲོ༥། ། ༈ སྤྲོས་ཉིད་དཀྱིལ་འཁོར་བསམ་ཡས་གསལ༦། ། ༈ གང་བྱེད་སྔགས་ཀྱི་ཡི་གེ་བརྗོད༧། ༈ དེ་ཉིད་ཐུགས་རྟགས་ཕྱག་རྒྱར་གསལ༨། ། ༈ མ་མཐོང་རྨོངས་ལ་བསྟན་པའི་ཕྱིར། །བཀྲི་དྲང་རྡུལ་ཚོན་བསྟན་པ་གཅེས༩། ༈ དཀྱིལ་འཁོར་དག་ལ་བརྟེན་པའི་ལས། །དབང་མཆོག་སྦྱིན་པ་མཆོག་ཡིན་༡༠ནོ། ། ༈ དབང་མཆོག་རྫོགས་ནས་ཚོགས་ལ་འཇུག༡༡། ། ༈ ཚོགས་སྒྲུབ་ཡོན་ཏན་བསམ་མི་ཁྱབ༡༢། ། ༈ ཚོགས་མཆོག་རྒྱ་ཆེར་སྤེལ་བ་ཡང་། །མན་ངག་སྙིང་པོ་ཅན་གྱིས་༡༣བྱ། ། ༈ ཚོགས་དུས་བསྟོད་པ་གླུ་ཡིས་༡༤བྱ། ། ༈ གལ་ཏེ་ཞི་བས་མི་ཐུལ་ན། །རྡོ་རྗེ་ཁྲོ་བོའི་དཀྱིལ་འཁོར་སྤྲོ༡༥། ། ༈ ཁྲོས་པའི་དུས་ཀྱི་སྐུར་བསྟན་ནས༡༦། ། ༈ དཀྱིལ་འཁོར་ཉིད་དུ་དགོད་པར་༡༧བྱ། ། ༈ དེ་ཉིད་ལ་ནི་མཆོད་པ་འབུལ༡༨། ། ༈ ཞི་ཁྲོ་རབ་འབྱམས་མཆོད་པའི་ཚེ། །སྡོམ་ལ་གནས་པ་ཤིན་ཏུ་༡༩གཅེས། ། ༈ དམ་ཚིག་ལྡན་པའི་སྐྱེས་བུ་དེས། །རྣམ་བཞིའི་ལས་ཀྱིས་གཞན་དོན་༢༠བྱ། ། ༈ ཁྲོས་པའི་གླུ་ཡིས་བསྟོད་པ་༢༡བྱ། །ཞེས་སོ། །དེ་དག་ལེའུ་གསུམ་པ་ནས་ཉེར་གཅིག་པར་གོ་རིམ་བཞིན་དུ་སྦྱར་རོ། །གཉིས་པ་ལ། ཞི་ཁྲོ་སྤྱི་བྱེ་བྲག་གི་ཆོས་སྟོན་པའི་ལེའུའི་ཚོམས་དང་། རྒྱུད་ཀྱི་དངོས་པོ་བཅུ་ལྟར་སྟོན་པའི་བསྡུ་བའོ། །དང་པོ་ནི། ཞི་བསྟོན་པའི་ལེའུ་དགུ། ཁྲོ་བོ་སྟོན་པའི་ལེའུ་ལྔ། ཐུན་མོང་སྟོན་པའི་ལེའུ་བརྒྱད་དོ། །དེ་དག་གི་སྡོམ་ཚིག་ནི། དང་པོ་གཉིས་པ་གསུམ་པ་རྣམས། །ཞི་བ་སྔོན་བྱུང་ལེའུ་སྟེ། །མཐར་ཕྱིན་འབྲས་བུའི་ཞི་དཀྱིལ་ཡིན། །བཞི་ལྔ་དྲུག་བདུན་བརྒྱད་པ་དང་། །བཅུ་བཞི་པ་རྣམས་རྗེས་འཇུག་གི། །ཞི་བ་ཉམས་ལེན་ལེའུ་ཡིན། ། ༈ དེ་བཞིན་ལེའུ་བཅོ་ལྔ་པས། །ཁྲོ་བོ་སྔོན་བྱུང་འབྲས་དཀྱིལ་ཏེ། །བཅུ་དྲུག་བཅུ་བདུན་བཅོ་ལྔ་དང་། །ཉེར་གཅིག་པ་རྣམས་རྗེས་འཇུག་གི། །ཁྲོ་བོ་ཉམས་ལེན་ལེའུ་སྟོན། ། ༈ ཐུན་མོང་ལེའུ་དགུ་དང་བཅུ། །བཅུ་གཅིག་བཅུ་གཉིས་བཅུ་གསུམ་དང་། །བཅུ་དགུ་ཉི་ཤུ་ཉེར་གཉིས་པ། །བཅུ་གཅིག་བཅུ་གཉིས་གཅིག་བསྡམས་ཏེ། །རིམ་བཞིན་དཀྱིལ་འཁོར་དབང་ཚོགས་སྒྲུབ། །རྫོགས་རིམ་དམ་ཚིག་ཕྲིན་ལས་དང་། །ཐ་མས་གདམས་ཤིང་གཏད་པ་སྟོན། །ཅེས་སོ། །གཉིས་པ་ལ་བཅུ་ལས། དེ་ཁོ་ན་ཉིད་ལྟ་བ་སྟོན་པའི་ལེའུ་བཞི་སྟེ། གཞལ་བྱ་གཏན་ཚིགས་གྲུབ་མཐའ་གསུམ་མདོར་བསྟན་པ་དང་། ཐེག་པ་སྣ་ཚོགས་ཀྱི་ལྟ་བ་ལེའུ་གསུམ་པས་སྟོན། དངོས་གྲུབ་སྒྲུབ་པའི་ལྟ་བ་ལེའུ་ལྔ་པས། ཚད་མ་བཀའ་གཞུང་གི་གཏན་ཚིགས་ལེའུ་བཅུ་གཅིག་པས། ལྟ་བ་དང་འབྲེལ་བའི་མཚན་ཉིད་གསུམ་མདོར་བསྟན་པ་ལེའུ་བཅུ་གཉིས་པས་སྟོན་ནོ། །ཟིན་ཆགས་མེད་པ་སྤྱོད་པ་སྟོན་པའི་ལེའུ་གསུམ་སྟེ། དངོས་གྲུབ་སྒྲུབ་པའི་སྤྱོད་པ་ལྔ་ལས། ཚོགས་སྒྲུབ་ཀྱི་སྤྱོད་པ་ནི་བཅུ་གཅིག་པ་དང་བཅུ་གཉིས་པས་སྟོན་ནོ། །བཀོད་པ་དཀྱིལ་འཁོར་སྟོན་པའི་ལེའུ་དྲུག་སྟེ། ཞི་བ་རང་བཞིན་གྱི་དཀྱིལ་འཁོར་དང་པོས། སྐུའི་དཀྱིལ་འཁོར་དྲུག་པས། ཁྲོ་བོ་རང་བཞིན་གྱི་དཀྱིལ་འཁོར་བཅོ་ལྔ་པས། ལྷག་པ་ཏིང་འཛིན་གྱི་དཀྱིལ་འཁོར་བཅུ་བདུན་པས། ཞི་ཁྲོའི་ལྷག་པ་གཟུགས་བརྙན་གྱི་དཀྱིལ་འཁོར་དགུ་པས། ཚོགས་ཀྱི་དཀྱིལ་འཁོར་བཅུ་གཅིག་པ་དང་བཅུ་གཉིས་པས་སྟོན་ནོ། ། ༈ རིམ་པ་བགྲོད་པ་དབང་གི་ལེའུ་གཉིས་ཏེ། དབང་གི་དཀྱིལ་འཁོར། དེར་འཇུག་པ། སྣོད་དང་སྦྱར་ཏེ་བསྐུར་ཚུལ་སོགས་དགུ་པས། བསྐུར་ཐབས་དངོས་བཅུ་པས་སྟོན་ནོ། ། ༈ མི་འདའ་བ་དམ་ཚིག་སྟོན་པའི་ལེའུ་གཅིག་སྟེ་བཅུ་དགུ་པའོ། ། ༈ རོལ་པ་ཕྲིན་ལས། དགུ་པར་མེའི་སྒོ་ནས་ཕྲིན་ལས་བྱ་ཚུལ་ཟུར་ཙམ་དང་། གཙོ་བོར་ཉི་ཤུ་པས་སྟོན། ། ༈ དོན་དུ་གཉེར་བ་བསྒྲུབ་པ་ནི། ལེའུ་བརྒྱད་ཀྱིས་སྟོན་ཏེ། ལྔ་པས་བསྒྲུབ་པར་བྱ་བ་དངོས་གྲུབ་ཀྱི་རྣམ་གྲངས། སྒྲུབ་ཐབས་ལ་རིམ་པ་གཉིས་ལས། བསྐྱེད་རིམ་ནི་ལེའུ་བཞི་པ་ལས་ཞི་བའི་རྒྱུ་ཡི་ས་བོན་དང་། དྲུག་པ་ལས་བསྐྱེད་བྱ་རྟེན་དང་བརྟེན་པའི་དཀྱིལ་འཁོར། བདུན་པས་བསྐྱེད་པ་རྐྱེན་གྱི་སྔགས། བརྒྱད་པ་ལས་ཕྱག་རྒྱ་བཞི་པ་རྒྱས་གདབ་པ། བཅུ་དྲུག་པ་ཁྲོ་བོའི་བསྐྱེད་སྔགས་དང་། བཅུ་བདུན་པར་བསྐྱེད་བྱ་ཁྲོ་བོའི་དཀྱིལ་འཁོར་རོ། །རྫོགས་རིམ་ནི་ལེའུ་བཅུ་གསུམ་པས་སྟོན་ནོ། ། ༈ མི་གཡོ་བ་ཏིང་ངེ་འཛིན་ནི། མཚན་བཅས་བསྐྱེད་རིམ་ནས་འབྱུང་ཞིང་། མཚན་མེད་ལྟ་བ་དང་འབྲེལ་ལོ། ། ༈ གནས་སུ་སྟོབ་པ་མཆོད་པ་སྟོན་པའི་ལེའུ་ལྔ་སྟེ། ཞི་བ་ཕྱག་རྒྱའི་མཆོད་པ་བརྒྱད་པས། ལྷག་པ་ཏིང་འཛིན་གྱི་མཆོད་པ་དགུ་པས། གླུ་ཡེ་ཤེས་རྒྱན་གྱི་མཆོད་པ་བཅུ་བཞི་པས། སྦྱོར་སྒྲོལ་དམ་རྫས་ཀྱི་མཆོད་པ་བཅོ་བརྒྱད་པས། ཁྲོ་བོ་གཏུམ་ཆེན་གྱི་མཆོད་པ་ལེའུ་ཉེར་གཅིག་པས་སྟོན་ནོ། །འཆི་ཟློས་སྔགས་དང་ཕྱག་རྒྱ་ལས། ཟློས་པ་སྔགས་སྟོན་པའི་ལེའུ་གཉིས་ཏེ། ཞི་སྔགས་བདུན་པ་དང་། ཁྲོ་སྔགས་བཅུ་དྲུག་པས། འཆིང་བ་ཕྱག་རྒྱ་ནི་ལེའུ་བརྒྱད་པས་སྟོན་ནོ། །དེ་དག་ཀྱང་བསྡུ་བ་རགས་རིམ་ཙམ་སྟེ། ལེའུ་སོ་སོ་ནས་ཐོར་བུ་དུམ་ཀ་སྟོན་པ་རྣམས་བསྡུ་ན་ཧ་ཅང་ཡི་གེ་མང་བར་འགྱུར་བའི་ཕྱིར་མ་སྤྲོས་སོ། །གསུམ་པ་གཏན་ལ་དབབ་པ་ལ། དགོས་ཆེད། ངོ་བོ། སྒྲ་དོན། རྣམ་གྲངས་སོ། །དང་པོ་ནི། དངོས་སུ་ལམ་རྒྱུད་རྟོགས་ཤིང་། བརྒྱུད་ནས་དོན་གཉིས་མངོན་དུ་བྱེད་པའི་དགོས་པ་ཡོད་དོ། །གཉིས་པ་ནི། ལམ་དང་། དེའི་ཆ་རྐྱེན་རྣམས་ཏེ་འོག་ཏུ་འཆད་དོ། །གསུམ་པ་ནི། རྒྱུད་ནི་སྔར་བཤད་གྲུབ་ཅིང་། དོན་ནི་བྱ་བའི་སྒྲ་བྱེད་པ་ལ་ཞུགས་པ་སྟེ། ཤེས་བྱ་དང་ཐོབ་བྱ་ནི་དོན་ཡིན་ལ། དེ་ལམ་འདིས་ཤེས་ཤིང་ཐོབ་པར་བྱེད་པའི་དོན་ཏེ། ཁོག་གཞུང་ལས། རྒྱུད་དོན་ཚངས་དང་དོན་འབྲེལ་བས། །རང་བཞིན་རྒྱུད་ཀྱི་མིང་དུ་གྲགས། །མཚོན་བྱེད་རྒྱུད་ཀྱང་དེ་བཞིན་ནོ། །ཞེས་སོ། །བཞི་པ་ནི། དེ་ཉིད་ལས། རྒྱུད་དོན་ལམ་དང་ཡན་ལག་སྟེ། །ཞེས་པས། ཤེས་འཇུག་གི་དངོས་གཞིར་གྱུར་པ་ལམ་གྱི་ངོ་བོ་དང་། དེའི་གྲོགས་ཡན་ལག་ཏུ་འདུག་པ་ནི་ཆ་རྐྱེན་ཏེ་གཉིས་སོ། །དེ་ལ་ཆ་རྐྱེན་སྔོན་ལ་འཆད་ན་བདེ་བར་མངོན་པས་ལྟ་བ་སོགས་རེ་རེ་ལའང་དགོས་ཆེད། ངོ་བོ། སྒྲ་དོན། རྣམ་གྲངས། མ་རྟོགས་པའི་སྐྱོན། རྟོགས་པའི་ཡོན་ཏན་ཏེ་དྲུག་རེའི་སྒོ་ནས་རྒྱས་པར་བསྙད་དོ། །སརྦ་མངྒ་ལཾ།། །། ༈

[edit]

sgyu 'phrul spyi don gsang bdag zhal lung gi bsdus don/___ oM swasti/__spyi don gsang bdag zhal lung gi sa bcad la/__sngon 'gro spyi'i rnam bzhag 'chad pa dang /__bye brag rgyud kyi don bshad pa/__dang po la'ang /__gang bshad bya'i chos/__de gang gis 'chad pa'i man ngag__/de ji ltar 'chad pa'i tshul dang gsum/__dang po la'ang /__spyir chos kyi sgra gang la 'jug pa/__de las shes bya'i chos dang /__dam pa'i chos/__bshad chos ngos bzung ba bzhi/__gnyis pa la/__rang gi mtshan nyid 'dzin pa'i chos dang /__rnam par dkar ba'i chos gnyis/__gsum pa la/__mtshan nyid dang dbye ba/__dbye ba lung dang /__rtogs pa/__bzhi pa la/__ngo bo/__mtshan nyid/__sgra don/__dbye ba/__skabs don/__ngos bzung ba/__dbye ba la bka' dang bstan bcos gnyis/__gnyis ka la/__mtshan nyid/__sgra don/__dbye ba/__dbye ba la/__bdag rkyen dus sde snod gnyen po dbang po'i sgo nas dbye ba lnga/__phyi ma la/__ngo bo/__sgra don dang dbye ba/__phyi ma la'ang spyi dang bye brag__/bye brag la 'jig rten pa dang /__'jig rten 'das pa'i gnyis/__snga ma la sor bzhag lha mi/__'phros don ma rtogs log rtog phyogs rtogs bshad pa/__phyi ma la/__'phags tshul dang /__dbye ba rgyas par bshad pa/__dbye ba la/__rgyu mtshan nyid dang /__'bras bu sngags kyi/__dang po la nyan rang byang gsum/__phyi ma la/__kr-i yog sde gsum/__nang rgyud sde gsum ste rim pa dgu/__so so la/__ngo bo/__nges tshig dbye/__phyi ma la/__'jug sgo/__lta ba/__tshul khrims/__sgom pa/__spyod pa/__'bras bu drug__/theg dgu'i lta rim la rtsod pa spang ba/__gnyis pa bstan bcos la/__rnam bzhag spyi/__bye brag tu rgyud 'di'i dgongs 'grel ngos bzung ba/__dang po la'ang /__mtshan nyid/__sgra don/__dbye ba/__gnyis pa la/__rgyud spyi la 'jug pa'i dang /__rgyud gnas skabs la 'jug pa'i gnyis/__gnyis pa gang gis 'chad pa'i man ngag la/__rgyal bas gsungs pa'i dang /__de la brten nas mdzad pa gnyis/__dang po la ma hA yo ga spyi yi 'chad thabs rgyan bdun dang /__khyad par 'di nyid 'chad thabs spyi don lnga bshad pa/__rjod byed sgra'i rgyud bshad thabs la dor bya skyon brgyad/__blang bya rgyud gnas skabs dngos po re re'i 'chad thabs/__rgyud gzhung spyi'i bshad thabs 'dren pa'i tshig bcu/__gzhan yang mtshon dpe sbyar te bshad tshul gsum/__spyir tshul bzhi'i sgo nas bshad pa/__bye brag tu slob dpon bi ma la'i 'chad tshul bzhi dang /__gsum 'chad pa/__man ngag gi 'chad thabs rtsis mgo lngas bstan pa bcas so/__/gsum pa ji ltar 'chad pa'i tshul ni/__slob dpon dang slob ma'i mtshan nyid/__ji ltar nyan 'chad bya tshul/__de ltar 'chad nyan byas pa'i 'bras bu'o 'di yan tshem gcig yod lags/__/gnyis pa bye brag rgyud don bshad pa la/__sngon byung tshul/__brgyud pa'i lo rgyus/__rgyud kyi che ba brgyad bshad pa/__che ba de ldan gyi rgyud don dngos bshad pa'o/__/dang po la/__ston pas gsung tshul dang /__de las brgyud tshul lo/__/phyi ma la dgongs brda snyan gsum/__gsum pa rgyud don dngos la/__rgyud dbu zhabs thams cad kyi don dgos 'brel yan lag bzhi ldan du 'chad pa/__rgyud gsum por tha snyad kyi dbang du byas te dbye ba/__don dam gyi dbang du byas te bsdu ba/__bsdus don gtan la dbab pa gsum/__phyi ma la gzhi lam 'bras gsum spyir gtan la dbab pa dang /__de so sor gtan la rgyas par dbab pa gnyis/__phyi ma la/__gzhi bshad pa/__lam bshad pa/__'bras bu bshad pa'o/___/_!_ dang po la ngo bo gzhi dang brtag pa'i gzhi bshad pa/__de rgyud du 'gyur ba'i 'thad pa'o/__/gnyis pa la/__brjod bya don gyi rgyud lam gyi ngo bo dang /__rjod byed tshig gi rgyud lam rkyen du gyur pa gnyis/__phyi ma thabs gang gis dang /__tshul ji ltar 'chad pa gnyis/__gnyis pa la rgyud kyi mtshan don bshad pa dang /__mtshan de ldan gyi rgyud bshad pa gnyis/__phyi ma dgos 'brel gong du song ba'i dbang du byas nas/__'dir dbang po 'bring spyi don ltar 'chad pa'i nang tshan rgyud 'byung ba'i rgyu gleng gzhi/__rkyen gleng bslang /__'bras bu yongs shes rgyud don/__gdams gtad bzhi/__dang po gnyis la/__dgos ched/__ngo bo/__sgra don/__rnam grangs bzhi re dang /__gsum pa la/__rgyud kyi dngos por 'jug pa'i gzhungs tshams de le'u gang gis ston tshul/__ji ltar bsdus pa'i don gtan la dbab pa'o/__/phyi ma la lam gyi ngo bo dang /__cha rkyen gnyis las/__'dir 'chad bde phyir dang po cha rkyen bstan te/__de yang /__lta spyod dkyil 'khor dbang dam tshig__/phrin sgrub ting 'dzin mchod sngags bcu/__/zhes pa ltar bcu la re re bzhin du/__dgos ched/__ngo bo/__sgra don/__rnam grangs/__ma rtogs pa'i skyon/__rtogs pa'i yon tan dang drug res 'chad pas drug cu'o/__/lam gyi ngo bo la/__grol lam/__thabs lam gnyis re re la'ang dbye ba/__khyad par/__gtan la dbab pa gsum re ste drug__/gsum pa lam gyur gyi 'bras bu la/__dbye ba dang /__de gtan la dbab pa'o/__/phyi ma la/__rnam smin/__tshe dbang /__phyag rgya/__lhun grub bzhi/__de re re la'ang /__gang gi tshe thob pa'i rgyu dus/__gang gi rig 'dzin rang gi ngo bo/__ji snyed bstan pa'i rnam grangs/__ji ltar bzhugs pa'i cha lugs/__mngon par shes pa'i yul don/__'bras bu la ji ltar sbyor tshul te chos drug re'i sgo nas 'chad pa'o/____/_!_ gsum pa 'bras bu'i rgyud la/__bdag don grub pa dang /__gzhan don mdzad pa'o/__/dang po la/__thob tshul/__mtshan nyid/__rnam grangs so/__/phyi ma yang /__ming gi/__ngo bo'i/__sa'i rnam grangs so/__/gnyis pa la/__gdul bya la thugs rjes gzigs tshul/__gzigs nas thugs rje skye tshul/__skyes nas 'gro don mdzad tshul lo/__/de ltar dpal gsang ba'i snying po spyi don gyi sgo nas gtan la phab pa gsang bdag zhal lung gi sa bcad tsam 'di yang rang blo nges phyir gzhon nu a b+hA yas bde chen pad+ma 'od gling du dbyug zla'i gral tshes 21dge bar bkod pa'o//____//__!_ gsum pa 'bras bu yongs su shes pa rgyud kyi don 'chad pa'i skabs/__rgyud kyi dngos po la 'jug pa'i gzhung mtshams ngos bzung ba dang /__gzhung gi babs bde blag tu rtogs pa'i ched du le'u so sos don 'di ston gyi bsdu ba bshad pa/__ji ltar bsdus pa'i don gtan la dbab pa'o/__/dang po la bshad tshul mang yang /__slob dpon chen po sgeg pa ni/__le'u gsum pa'i stod yan chad kyis spyi dang khyad par gyi rgyu rkyen rdzogs nas/__de nas de bzhin gshegs pa thams cad kyis ched du brjod pa 'di brjod do/_/zhes man chad le'u phyed dang bcu dgus rgyud kyi dngos po ston par bzhed do/__/gnyis pa ni/__le'u rnams babs kyi bsdu ba spyir bstan pa dang /__rgyud don so so'i bsdu ba bye brag tu bshad pa'o/__/dang po ni/__'grel chung las/__byang chub mchog ldan rnal 'byor des/__/chos kun nges don gtan la phab le'u gsum pa/____/_!_ nges pa'i don nyid rtogs pa'i tshe/__/ming tsam gsal ba'i chos rnams kun/__/yi ge 'khor lo mngon sangs rgyas/__/le'u zhe lnga/__/_!_ mngon rtogs yi ge de nyid las/__/ting 'dzin rol mo mtha' yas spro5/____/_!_spros nyid dkyil 'khor bsam yas gsal6/____/_!_gang byed sngags kyi yi ge brjod7/_!__de nyid thugs rtags phyag rgyar gsal8/____/_!_ma mthong rmongs la bstan pa'i phyir/__/bkri drang rdul tshon bstan pa gces9/_____!_dkyil 'khor dag la brten pa'i las/__/dbang mchog sbyin pa mchog yin 10no/____/_!_dbang mchog rdzogs nas tshogs la 'jug11/____/_!_tshogs sgrub yon tan bsam mi khyab12/____/_!_tshogs mchog rgya cher spel ba yang /__/man ngag snying po can gyis 13bya/____/_!_tshogs dus bstod pa glu yis 14bya/____/_!_gal te zhi bas mi thul na/__/rdo rje khro bo'i dkyil 'khor spro15/____/_!_khros pa'i dus kyi skur bstan nas16/____/_!_dkyil 'khor nyid du dgod par 17bya/___/_!__de nyid la ni mchod pa 'bul18/____/_!_zhi khro rab 'byams mchod pa'i tshe/__/sdom la gnas pa shin tu 19gces/____/_!_dam tshig ldan pa'i skyes bu des/__/rnam bzhi'i las kyis gzhan don 20bya/____/_!_khros pa'i glu yis bstod pa 21bya/__/zhes so/__/de dag le'u gsum pa nas nyer gcig par go rim bzhin du sbyar ro/__/gnyis pa la/__zhi khro spyi bye brag gi chos ston pa'i le'u'i tshoms dang /__rgyud kyi dngos po bcu ltar ston pa'i bsdu ba'o/__/dang po ni/__zhi bston pa'i le'u dgu/__khro bo ston pa'i le'u lnga/__thun mong ston pa'i le'u brgyad do/__/de dag gi sdom tshig ni/__dang po gnyis pa gsum pa rnams/__/zhi ba sngon byung le'u ste/__/mthar phyin 'bras bu'i zhi dkyil yin/__/bzhi lnga drug bdun brgyad pa dang /__/bcu bzhi pa rnams rjes 'jug gi/__/zhi ba nyams len le'u yin/___/_!_de bzhin le'u bco lnga pas/__/khro bo sngon byung 'bras dkyil te/__/bcu drug bcu bdun bco lnga dang /__/nyer gcig pa rnams rjes 'jug gi/__/khro bo nyams len le'u ston/___/_!_thun mong le'u dgu dang bcu/__/bcu gcig bcu gnyis bcu gsum dang /__/bcu dgu nyi shu nyer gnyis pa/__/bcu gcig bcu gnyis gcig bsdams te/__/rim bzhin dkyil 'khor dbang tshogs sgrub/__/rdzogs rim dam tshig phrin las dang /__/tha mas gdams shing gtad pa ston/__/ces so/__/gnyis pa la bcu las/__de kho na nyid lta ba ston pa'i le'u bzhi ste/__gzhal bya gtan tshigs grub mtha' gsum mdor bstan pa dang /__theg pa sna tshogs kyi lta ba le'u gsum pas ston/__dngos grub sgrub pa'i lta ba le'u lnga pas/__tshad ma bka' gzhung gi gtan tshigs le'u bcu gcig pas/__lta ba dang 'brel ba'i mtshan nyid gsum mdor bstan pa le'u bcu gnyis pas ston no/__/zin chags med pa spyod pa ston pa'i le'u gsum ste/__dngos grub sgrub pa'i spyod pa lnga las/__tshogs sgrub kyi spyod pa ni bcu gcig pa dang bcu gnyis pas ston no/__/bkod pa dkyil 'khor ston pa'i le'u drug ste/__zhi ba rang bzhin gyi dkyil 'khor dang pos/__sku'i dkyil 'khor drug pas/__khro bo rang bzhin gyi dkyil 'khor bco lnga pas/__lhag pa ting 'dzin gyi dkyil 'khor bcu bdun pas/__zhi khro'i lhag pa gzugs brnyan gyi dkyil 'khor dgu pas/__tshogs kyi dkyil 'khor bcu gcig pa dang bcu gnyis pas ston no/____/_!_rim pa bgrod pa dbang gi le'u gnyis te/__dbang gi dkyil 'khor/__der 'jug pa/__snod dang sbyar te bskur tshul sogs dgu pas/__bskur thabs dngos bcu pas ston no/____/_!_mi 'da' ba dam tshig ston pa'i le'u gcig ste bcu dgu pa'o/____/_!_rol pa phrin las/__dgu par me'i sgo nas phrin las bya tshul zur tsam dang /__gtso bor nyi shu pas ston/____/_!_don du gnyer ba bsgrub pa ni/__le'u brgyad kyis ston te/__lnga pas bsgrub par bya ba dngos grub kyi rnam grangs/__sgrub thabs la rim pa gnyis las/__bskyed rim ni le'u bzhi pa las zhi ba'i rgyu yi sa bon dang /__drug pa las bskyed bya rten dang brten pa'i dkyil 'khor/__bdun pas bskyed pa rkyen gyi sngags/__brgyad pa las phyag rgya bzhi pa rgyas gdab pa/__bcu drug pa khro bo'i bskyed sngags dang /__bcu bdun par bskyed bya khro bo'i dkyil 'khor ro/__/rdzogs rim ni le'u bcu gsum pas ston no/____/_!_mi g.yo ba ting nge 'dzin ni/__mtshan bcas bskyed rim nas 'byung zhing /__mtshan med lta ba dang 'brel lo/____/_!_gnas su stob pa mchod pa ston pa'i le'u lnga ste/__zhi ba phyag rgya'i mchod pa brgyad pas/__lhag pa ting 'dzin gyi mchod pa dgu pas/__glu ye shes rgyan gyi mchod pa bcu bzhi pas/__sbyor sgrol dam rdzas kyi mchod pa bco brgyad pas/__khro bo gtum chen gyi mchod pa le'u nyer gcig pas ston no/__/'chi zlos sngags dang phyag rgya las/__zlos pa sngags ston pa'i le'u gnyis te/__zhi sngags bdun pa dang /__khro sngags bcu drug pas/__'ching ba phyag rgya ni le'u brgyad pas ston no/__/de dag kyang bsdu ba rags rim tsam ste/__le'u so so nas thor bu dum ka ston pa rnams bsdu na ha cang yi ge mang bar 'gyur ba'i phyir ma spros so/__/gsum pa gtan la dbab pa la/__dgos ched/__ngo bo/__sgra don/__rnam grangs so/__/dang po ni/__dngos su lam rgyud rtogs shing /__brgyud nas don gnyis mngon du byed pa'i dgos pa yod do/__/gnyis pa ni/__lam dang /__de'i cha rkyen rnams te 'og tu 'chad do/__/gsum pa ni/__rgyud ni sngar bshad grub cing /__don ni bya ba'i sgra byed pa la zhugs pa ste/__shes bya dang thob bya ni don yin la/__de lam 'dis shes shing thob par byed pa'i don te/__khog gzhung las/__rgyud don tshangs dang don 'brel bas/__/rang bzhin rgyud kyi ming du grags/_/mtshon byed rgyud kyang de bzhin no/__/zhes so/__/bzhi pa ni/__de nyid las/__rgyud don lam dang yan lag ste/__/zhes pas/__shes 'jug gi dngos gzhir gyur pa lam gyi ngo bo dang /__de'i grogs yan lag tu 'dug pa ni cha rkyen te gnyis so/__/de la cha rkyen sngon la 'chad na bde bar mngon pas lta ba sogs re re la'ang dgos ched/__ngo bo/__sgra don/__rnam grangs/__ma rtogs pa'i skyon/__rtogs pa'i yon tan te drug re'i sgo nas rgyas par bsnyad do/__/sarba mang+ga laM//____//__!_