JKW-KABAB-17-TSA-013

🚧 This website is under continued development. We appreciate your patience!

Previous Text Back to Volume PageNext Text

ལྕེ་བཙུན་སྙིང་ཏིག་གི་ཚོགས་མཆོད།

Wylie title	lce btsun snying tig gi tshogs mchod
Location	mkhyen brtse'i bka' babs Volume 17, Text 13, Pages 115-122 (Folios 1a to 4b1)
Author	ཨ་འཛོམས་འབྲུག་པ་འགྲོ་འདུལ་དཔའ་བོ་རྡོ་རྗེ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	A 'dzoms 'brug pa 'gro 'dul dpa' bo rdo rje. lce btsun snying tig gi tshogs mchod. In Rdzong sar 'jam dbyangs mkhyen brtse'i dbang po'i bka' babs, Vol. 17: 115-122. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Feast Offering - tshogs mchod - tshogs kyi 'khor lo
Cycle	ལྕེ་བཙུན་ཆེན་པོའི་བི་མ་ལའི་ཟབ་ཏིག་ (lce btsun chen po'i bi ma la'i zab tig)
Karchag page	JKW-KABAB-Volume-17-TSA-Karchag
Colophon	དེ་ལྟར་ཚོགས་མཆོད་ཀྱི་རིམ་པ་མདོར་བསྡུས་འདི་ནི། གཏེར་གཞུང་རྡོ་རྗེའི་ཚིག་རྣམས་སོར་བཞག་ལ་ཁ་སྐོང་དགོས་རིགས་གསར་དུ་བསྣན་ཏེ། སྔར་བྲིས་པ་ལ་ཡང་བསྐྱར་ཚིག་ཕྲི་བསྣན་བཅས་སྙིང་པོའི་བསྟན་འཛིན་ཡོངས་ཀྱི་འབངས་ཐ་དུས་ཞབས་ཀྱི་སྔགས་མིང་ཙམ་པོ་པ་རིག་འཛིན་སྣ་ཚོགས་རང་གྲོལ་བས་བགྱིས་པའི་དགེ་བས་འགྲོ་ཀུན་ཚོགས་གཉིས་རྫོགས་ཤིང་ཡེ་ཤེས་བླ་མའི་ས་མཆོག་མྱུར་དུ་ཐོབ་པའི་རྒྱུར་གྱུར་ཅིག །དགེའོ། །དགེའོ། དགེའོ།།
	de ltar tshogs mchod kyi rim pa mdor bsdus 'di ni/__gter gzhung rdo rje'i tshig rnams sor bzhag la kha skong dgos rigs gsar du bsnan te/__sngar bris pa la yang bskyar tshig phri bsnan bcas snying po'i bstan 'dzin yongs kyi 'bangs tha dus zhabs kyi sngags ming tsam po pa rig 'dzin sna tshogs rang grol bas bgyis pa'i dge bas 'gro kun tshogs gnyis rdzogs shing ye shes bla ma'i sa mchog myur du thob pa'i rgyur gyur cig__/dge'o/__/dge'o/__dge'o//

Tibetan Text

Wylie

[edit]

༄༅། །ལྕེ་བཙུན་སྙིང་ཏིག་གི་ཚོགས་མཆོད་བཞུགས་སོ།

།བླ་མ་ལ་ཕྱག་འཚལ་ལོ། །འདིར་ལྕེ་བཙུན་སྙིང་ཏིག་གི་ཀློང་ལྔའི་ཡི་གེ་ལས་དུམ་བུ་གསུམ་པའི་གཉིས་པ་གསང་བ་དོན་གྱི་ཕྲིན་ལས་སྤྲོས་མེད་ཚོགས་མཆོད་ཁྱད་པར་ཅན་བཞུགས་མོད་ཀྱང༌། དང་པོའི་ལས་ཅན་རྣམས་ཀྱི་ཆེད་དུ་ཅུང་ཟད་སྤྲོས་པ་ལ། ཚོགས་ཀྱི་ཡོ་བྱད་ཅི་འབྱོར་པ་བཤམ་ནས་བདག་མདུན་བསྐྱེད་བཟླས་གསོལ་ཀ་སོགས་སྔོན་དུ་འགྲོ་བས་སྐབས་སུ་བབས་པ་ན། རུ་ཟུང་བཞིའི་བསྐང་བཤགས་སམ་བརྗོད་མེད་དོན་གྱི་བཤགས་པས་རྒྱུད་སྦྱངས་ཏེ། བྱིན་གྱིས་བརླབ་པ་ནི། ཨཿ ཀ་དག་སྤྲོས་བྲལ་དབྱིངས་ཀྱི་ཚོགས་གཞོང་དུ། །འགགས་མེད་ལྷུན་གྲུབ་སྣང་ཆར་ཐབས་ཤེས་རྫས། །གཟུང་འཛིན་རང་གྲོལ་འདོད་ལྔའི་ལོངས་སྤྱོད་ཚོགས། །ཟག་མེད་ཡེ་ཤེས་བདུད་རྩིའི་རྒྱ་མཚོར་གྱུར། །རྃ་ཡྃ་ཁྃ༔ ཨོཾ་ཨཱཿཧཱུྃ། སྤྱན་འདྲེན་པ་ནི། ཨ༔ སྐུ་གསུམ་ཞིང་ཁམས་རབ་འབྱམས་དཀྱིལ་འཁོར་ནས། །དགོངས་བརྡ་སྙན་བརྒྱུད་བླ་མ་ཡི་དམ་ལྷ། །མཁའ་འགྲོ་ཆོས་སྐྱོང་ནོར་ལྷ་གཏེར་བདག་བཅས། །འདོད་ཡོན་ཚོགས་ལ་སྤྱན་འདྲེན་གཤེགས་སུ་གསོལ། །སརྦ་བཛྲ་ས་མ་ཡ་ཛཿཛཿ ཚོགས་ཕུད་འབུལ་བ་ནི། ཨཿ མྱང་རེག་གྲོལ་བ་གསང་ཆེན་དམ་ཚིག་རྫས། །ག་ཎ་བདུད་རྩིའི་མཆོད་པ་དམ་པ་ཡིས། །ལྷ་ཚོགས་ཐུགས་དམ་ཆོས་ཀྱི་དབྱིངས་སུ་བསྐང༌། །གཉིས་འཛིན་འཁྲུལ་རྟོག་འོད་གསལ་དབྱིངས་གྲོལ་ཤོག །ཨོཾ་ཨཱཿཧཱུྃ་མ་ཧཱ་ཛྙཱ་ན་ག་ཎ་ཙཀྲ་པཱུ་ཛ་ཧོ། བར་པ་བཤགས་པ་ནི། ཨཿ ཀ་དག་ཕྱོགས་ཡན་ཁྱབ་བརྡལ་ཆེན་པོ་ལ། །མ་རིག་དབང་གིས་གུད་དུ་གཅད་པ་སོགས། །ལྟ་སྒོམ་སྤྱོད་པའི་འགལ་ཁྲུལ་ནོངས་པ་ཀུན། །དམ་རྫས་ཚོགས་ཀྱི་མཆོད་པས་བཤགས་པར་བགྱི། །ཡི་གེ་བརྒྱ་པ་བརྗོད། ཐ་མ་ལ་འགུག་གཞུག་བྱས་ཤིང་བསྒྲལ་བསྟབས་ནི། ཨ༔ བདག་འཛིན་རུ་ཏྲའི་དུག་ལྔའི་ཕུང་པོ་ཁམས། །བདག་མེད་ཡེ་ཤེས་ལྔ་ཡིས་མཚོན་ཆས་བསྒྲལ། །དབྱིངས་ཡེ་གཉིས་མེད་རང་བྱུང་རང་སྣང་ལྷ། །རྩ་གསུམ་རབ་འབྱམས་དཀྱིལ་འཁོར་ཞལ་དུ་སྦྱོར། །རུ་ཏྲ་ཧ་ལ་པཉྩ་པཱུ་ཛ་ཁཱ་ཧི། བར་འདིར་བསྐང་བ་རྒྱས་བསྡུས་སྐབས་བསྟུན་བྱ། ཐབས་ཤེས་ཀྱི་རྫས་ལས་སློབ་ཀྱིས་བཏེགས་ཏེ། ཚོགས་ཀྱི་མཆོད་པ་རྒྱན་དུ་རོལ། ཞེས་ཕུལ། འདུས་པ་ཀུན་གྱིས། རྡོ་རྗེ་ཕུང་པོའི་གྲོང་ཁྱེར་དུ༔ གདོད་ནས་དག་པའི་དཀྱིལ་འཁོར་པ༔ ཆོས་ཉིད་གསལ་ཁྱབ་ཆེན་པོའི་ངང་༔ ཟག་མེད་བདེ་བའི་ཕྱག་རྒྱས་རོལ༔ ཨ་ལ་ལ་ཧོ༔ ཞེས་ཕྱི་ནང་གསང་བའི་ཚོགས་ཀྱི་དེ་ཁོ་ན་ཉིད་ཀྱི་དོན་དྲན་བཞིན་སྤང་བླང་མེད་པར་རོལ། སྤྲོ་ན་མར་མེའི་སྨོན་ལམ་དང་རྡོ་རྗེའི་གླུ་གར་བྱ། སྨོན་ལམ་བཟང་པོའང་གདབ། ལྷག་མ་བསྡུས་ལ་ཞལ་ཆབ་བྲན་ཏེ། ཨོཾ་ཨཱཿཧཱུྃ་ཧ་ཧོ་ཧྲཱིཿ ཞེས་མཁའ་ལྡིང་གི་རྒྱས་བཏེགས་ཏེ། ཨཿ སེམས་བྱུང་ལྟར་སྣང་ལྷག་སྡུད་ཚོགས༔ སེམས་ཉིད་སྐྱེ་མེད་ཚོགས་ལྷག་ཞེས། །གཟུང་འཛིན་གློ་བུར་བར་ཆད་དང་༔ འཁྲུལ་སྣང་ཞི་བའི་ཕྲིན་ལས་མཛོད༔ ཨུཙྪིཥྟ་བ་ལིཾ་ཏ་ཁཱ་ཧི། ཕྱི་རོལ་དུ་གཙང་སར་སྤུངས་ལ་བཞག༔ ཐུགས་དམ་བསྐུལ་བ་ནི། རོལ་མོ་བཅས་དབྱངས་སྙན་པོས། ཨ༔ ངོ་བོ་རང་བཞིན་ཐུགས་རྗེའི་དཀྱིལ་འཁོར་ནས། །དགོངས་བརྡ་སྙན་བརྒྱུད་རིག་འཛིན་མཁའ་འགྲོའི་ཚོགས། །ཐུགས་དམ་གཉན་པོ་རྗེས་སུ་དགོངས་མཛོད་ལ། །འགྲོ་རྣམས་ཡང་དག་ལམ་ལ་བསྒྲལ་མཛད་གསོལ། །སྣང་བཞི་མཐར་ཕྱིན་སྐུ་ལྔ་ལྷུན་གྱིས་གྲུབ། །འཕོ་ཆེན་སྐུར་བཞེངས་བི་མ་མི་ཏྲ་དང༌། །གདོད་མའི་མགོན་པོ་སིཾ་ཧེ་ཤྭ་ར་སོགས། །རིག་འཛིན་བླ་མའི་ཐུགས་དམ་དུས་ལ་བབས། །བློས་བྱས་ཡིད་དཔྱོད་མུན་སྤྲུལ་དུ་མ་ཡིས། །འོད་གསལ་སྙིང་པོའི་བསྟན་པ་གཟིམས་ཉེ་དུས། །ཐུགས་དམ་མ་གཡེལ་རྣམ་བཞིའི་ཕྲིན་ལས་ཀྱིས། །ལམ་བཟང་ཡེ་ཤེས་སྣང་བ་རྒྱས་པར་མཛོད། །འབྲས་བུ་ཕྱི་དུས་ཡིད་སྨོན་མ་ཡིན་པར། །ལམ་དང་བླ་མར་ཡིད་ཆེས་དད་པ་ཡིས། །བསྒྲུབ་ལ་བརྩོན་འདོད་སྐལ་བཟང་བདག་ཅག་ལ། །མངོན་སུམ་དོན་གྱི་དབང་མཆོག་བསྐུར་ཐོབ་མཛོད། །ས་མ་ཡ་ཧོ། ཆད་ཐོ་བསྒྲགས་པ་ནི། གཏོར་མ་གསེར་སྐྱེམས་ལ་བགུགས་གཞུག་དང་རོལ་མོའི་སྒྲས་བསྐུལ་ཏེ། ཨཿ དབྱིངས་ལས་ཡེ་ཤེས་རང་ཤར་བའི༔ ཨེ་ཀ་ཛ་ཊཱི་རལ་གཅིག་མ༔ འོད་གསལ་རིག་པ་ཟང་ཐལ་སྐུ༔ ཁྱབ་འཇུག་ཆེན་པོ་སྒྲ་ཅན་འཛིན༔ ཟུང་འཇུག་དྭངས་མའི་ཐིག་ལེ་འཛིན༔ རྡོ་རྗེ་དགྲ་འདུལ་ལེགས་པ་རྩལ༔ ཐུགས་རྗེའི་ཆོ་འཕྲུལ་བསམས་ཡས་པ༔ འབུམ་ཕྲག་དྲེགས་པའི་སྡེ་ཚོགས་ཀུན༔ དགོངས་བརྡ་སྙན་ནས་བརྒྱུད་པ་ཡི༔ རྒྱལ་བ་རིག་འཛིན་རྣལ་འབྱོར་དབང་༔ ཇི་སྙེད་འདུས་པའི་ཚོགས་ཆེན་དང་༔ འཁོར་འདས་ཟིལ་གནོན་ཧེ་རུ་ཀ༔ དཔལ་ཆེན་སིཾ་ཧེ་ཤྭ་ར་དང་༔ འོད་གསལ་སྤྲུལ་པའི་རྡོ་རྗེ་ཡིས༔ ཇི་ལྟར་བཀའ་བསྒོས་དམ་བཞགས་བཞིན༔ དུར་ཁྲོད་རོལ་པའི་གནས་འདིར་བྱོན༔ ཁམས་ལྔ་དག་པའི་སྨན་ཕུད་དང་༔ འབྱུང་ལྔའི་དྭངས་མ་བ་ལིཾ་ཏ༔ དུག་ལྔ་བསྒྲལ་བའི་དམར་ཆེན་པོ༔ དཔལ་གྱི་ཕམ་ཕབ་ཆེན་པོར་བཞེས༔ ཐེག་མཆོག་ལམ་དུ་བཞུགས་པ་ལ༔ གློ་བུར་བདུད་བཞིའི་བར་ཆད་ཟློག༔ འཁོར་འདས་རུ་ཤན་དབྱེ་བའི་ཚེ༔ གཟུང་འཛིན་འཁྲུལ་པའི་ས་བོན་སྒྲོལ༔ རིག་པ་ཀ་དག་ལྟ་བ་ལ༔ ཡིད་བྱེད་མཚན་མའི་རྟོག་པ་སྲུངས༔ རིག་རྩལ་མངོན་སུམ་སྣང་བའི་ཚེ༔ རླུང་སེམས་འགྱུ་བ་དབྱིངས་སུ་ནོན༔ མཐར་ཐུག་གཞི་དབྱིངས་གཉུག་མའི་ཀློང་༔ གཞི་སྣང་རིག་པའི་ཕྲིན་ལས་སྒྲུབས༔ ས་མ་ཡ་ཧོ༔ བསྟན་མ་སྐྱོང་བ་ནི། གཏོར་མ་བཤལ་ཆུ་འབྲུ་གསུམ་གྱིས་བརླབས། ཨ་ཀ་རོས་བསྔོས་ལ། ཨཿ ཀ་དག་དབྱིངས་ལས་རིག་པའི་རྩལ། །སྨན་བདུད་གནོད་སྦྱིན་མོ་ཡི་ཚུལ། །བསྟན་མ་བཅུ་གཉིས་གཏོར་མ་ལོངས། །ལས་བཅོལ་ཕྲིན་ལས་མ་གཡེལ་སྒྲུབས། །གཞན་ཡང་ཕྲིན་ལས་བཅོལ་ཞིང་གཏོར་མ་མཆོད། །གཏོར་གཞོང་ཁ་སྦུབ་ལ། ཨ༔ རྣམ་ཐར་གསུམ་ལྡན་རྡོ་རྗེའི་ཨེ་ཀློང་དུ། །འཁྲུལ་རྟོག་ལོག་འདྲེན་འབྱུང་པོ་དམ་སྲི་ཀུན། །མནན་ནོ་ཡེ་གྲོལ་དོན་གྱིས་རྒྱས་བཏབ་པས། །ནམ་ཡང་ལྡང་བའི་སྐབས་མེད་སྟྭམྦྷ་ཡ་ནན། མཆོད་བསྟོད་རྒྱས་བསྡུས་ཅི་རིགས་བྱ། དངོས་གྲུབ་བླང་བ་ནི། ཨཿ མངོན་སུམ་ཡེ་ཤེས་ལས་བྱུང་བའི༔ ཉམས་སྣང་གོང་འཕེལ་ཕོ་བྲང་ནས༔ ཚད་ཕེབས་དོན་གྱི་ལྷ་ཚོགས་ཀྱིས༔ བློ་འདས་ཆོས་ཟད་དངོས་གྲུབ་སྩོལ༔ ཨོཾ་ཨཱཿཧཱུྃ་མ་ཧཱ་གུ་རུ་ཀཱ་ཡ་ཝཱ་ཀ་ཙིཏྟ་ཛྙཱ་ན་སརྦ་སིདྡྷི་ཕ་ལ་ཧོ༔ བཤགས་པ་ནི། ཨ༔ གཟུང་འཛིན་རྣམ་རྟོག་ལས་བྱུང་བའི༔ ལས་དང་ཉོན་མོངས་སྡིག་སྒྲིབ་ཀུན༔ རང་བཞིན་སྐྱེ་མེད་ངང་ཉིད་དུ༔ འཁོར་གསུམ་མཚན་མ་བྲལ་བར་བཤགས༔ ཡི་གེ་བརྒྱ་པ་བརྗོད། བསྡུ་ལྡང་ནི། ཨཿ གཞི་སྣང་ཕྱག་རྒྱའི་དཀྱིལ་འཁོར་ལྷ༔ གཞི་དབྱིངས་གདོད་མའི་ཀློང་དུ་ཐིམ༔ སླར་ཡང་ཕྱིར་གསལ་གཟུགས་ཀྱི་སྐུ༔ དུས་གསུམ་དུས་མེད་རྟག་ཏུ་ཤར༔ ཨ་ཨ་ཨ༔ བསྔོ་བ་དང་སྨོན་ལམ་ནི། ལྷུན་གྱིས་གྲུབ་པའི་དགེ་ཚོགས་ཀུན༔ ཀ་དག་གཞོན་ནུ་བུམ་སྐུར་བསྔོ༔ ཟུང་འཇུག་ཁྱད་ཆོས་དྲུག་ལྡན་གྱི༔ ཡེ་ཤེས་ཆེན་པོར་རོ་གཅིག་ཤོག༔ བཀྲ་ཤིས་ནི། ཧོ༔ ལྟ་བ་རང་བཞག་བློ་ལས་འདས༔ ཆོས་ཀྱི་སྐུ་ཡི་བཀྲ་ཤིས་ཤོག༔ སྒོམ་པ་མངོན་སུམ་ཚད་ལ་ཕེབས༔ ལོངས་སྤྱོད་རྫོགས་སྐུའི་བཀྲ་ཤིས་ཤོག༔ སྤྱོད་པ་དབྱིངས་རིག་འདུ་འབྲལ་མེད༔ སྤྲུལ་པའི་སྐུ་ཡི་བཀྲ་ཤིས་ཤོག༔ འབྲས་བུ་བཞི་སྣང་ཐིག་ལེ་ཆེར༔ དབྱེར་མེད་ཆེན་པོའི་བཀྲ་ཤིས་ཤོག༔ གཞན་ཡང་བཀྲ་ཤིས་ཅི་རིགས་བརྗོད། དེ་ལྟར་ཚོགས་མཆོད་ཀྱི་རིམ་པ་མདོར་བསྡུས་འདི་ནི། གཏེར་གཞུང་རྡོ་རྗེའི་ཚིག་རྣམས་སོར་བཞག་ལ་ཁ་སྐོང་དགོས་རིགས་གསར་དུ་བསྣན་ཏེ། སྔར་བྲིས་པ་ལ་ཡང་བསྐྱར་ཚིག་ཕྲི་བསྣན་བཅས་སྙིང་པོའི་བསྟན་འཛིན་ཡོངས་ཀྱི་འབངས་ཐ་དུས་ཞབས་ཀྱི་སྔགས་མིང་ཙམ་པོ་པ་རིག་འཛིན་སྣ་ཚོགས་རང་གྲོལ་བས་བགྱིས་པའི་དགེ་བས་འགྲོ་ཀུན་ཚོགས་གཉིས་རྫོགས་ཤིང་ཡེ་ཤེས་བླ་མའི་ས་མཆོག་མྱུར་དུ་ཐོབ་པའི་རྒྱུར་གྱུར་ཅིག །དགེའོ། །དགེའོ། དགེའོ།། །།

[edit]

______@#/__/lce btsun snying tig gi tshogs mchod bzhugs so/_/bla ma la phyag 'tshal lo/__/'dir lce btsun snying tig gi klong lnga'i yi ge las dum bu gsum pa'i gnyis pa gsang ba don gyi phrin las spros med tshogs mchod khyad par can bzhugs mod kyang*/__dang po'i las can rnams kyi ched du cung zad spros pa la/__tshogs kyi yo byad ci 'byor pa bsham nas bdag mdun bskyed bzlas gsol ka sogs sngon du 'gro bas skabs su babs pa na/__ru zung bzhi'i bskang bshags sam brjod med don gyi bshags pas rgyud sbyangs te/__byin gyis brlab pa ni/__aH__ka dag spros bral dbyings kyi tshogs gzhong du/__/'gags med lhun grub snang char thabs shes rdzas/__/gzung 'dzin rang grol 'dod lnga'i longs spyod tshogs/__/zag med ye shes bdud rtsi'i rgya mtshor gyur/__/ra~M ya~M kha~M:__oM AHhU~M/__spyan 'dren pa ni/__a:__sku gsum zhing khams rab 'byams dkyil 'khor nas/__/dgongs brda snyan brgyud bla ma yi dam lha/__/mkha' 'gro chos skyong nor lha gter bdag bcas/__/'dod yon tshogs la spyan 'dren gshegs su gsol/__/sarba badz+ra sa ma ya dzaHdzaH__tshogs phud 'bul ba ni/__aH__myang reg grol ba gsang chen dam tshig rdzas/__/ga Na bdud rtsi'i mchod pa dam pa yis/__/lha tshogs thugs dam chos kyi dbyings su bskang*/__/gnyis 'dzin 'khrul rtog 'od gsal dbyings grol shog__/oM AHhU~M ma hA dz+nyA na ga Na tsakra pU dza ho/__bar pa bshags pa ni/__aH__ka dag phyogs yan khyab brdal chen po la/__/ma rig dbang gis gud du gcad pa sogs/__/lta sgom spyod pa'i 'gal khrul nongs pa kun/__/dam rdzas tshogs kyi mchod pas bshags par bgyi/__/yi ge brgya pa brjod/__tha ma la 'gug gzhug byas shing bsgral bstabs ni/___a:__bdag 'dzin ru tra'i dug lnga'i phung po khams/__/bdag med ye shes lnga yis mtshon chas bsgral/__/dbyings ye gnyis med rang byung rang snang lha/__/rtsa gsum rab 'byams dkyil 'khor zhal du sbyor/__/ru tra ha la pany+tsa pU dza khA hi/__bar 'dir bskang ba rgyas bsdus skabs bstun bya/__thabs shes kyi rdzas las slob kyis btegs te/__tshogs kyi mchod pa rgyan du rol/__zhes phul/__'dus pa kun gyis/__rdo rje phung po'i grong khyer du:__gdod nas dag pa'i dkyil 'khor pa:__chos nyid gsal khyab chen po'i ngang :__zag med bde ba'i phyag rgyas rol:__a la la ho:__zhes phyi nang gsang ba'i tshogs kyi de kho na nyid kyi don dran bzhin spang blang med par rol/__spro na mar me'i smon lam dang rdo rje'i glu gar bya/__smon lam bzang po'ang gdab/__lhag ma bsdus la zhal chab bran te/__oM AHhU~M ha ho hrIH__zhes mkha' lding gi rgyas btegs te/__aH__sems byung ltar snang lhag sdud tshogs:__sems nyid skye med tshogs lhag zhes/__/gzung 'dzin glo bur bar chad dang :__'khrul snang zhi ba'i phrin las mdzod:__uts+tshiSh+ta ba liM ta khA hi/__phyi rol du gtsang sar spungs la bzhag:__thugs dam bskul ba ni/__rol mo bcas dbyangs snyan pos/__a:__ngo bo rang bzhin thugs rje'i dkyil 'khor nas/__/dgongs brda snyan brgyud rig 'dzin mkha' 'gro'i tshogs/__/thugs dam gnyan po rjes su dgongs mdzod la/__/'gro rnams yang dag lam la bsgral mdzad gsol/__/snang bzhi mthar phyin sku lnga lhun gyis grub/__/'pho chen skur bzhengs bi ma mi tra dang*/__/gdod ma'i mgon po siM he shwa ra sogs/__/rig 'dzin bla ma'i thugs dam dus la babs/__/blos byas yid dpyod mun sprul du ma yis/__/'od gsal snying po'i bstan pa gzims nye dus/__/thugs dam ma g.yel rnam bzhi'i phrin las kyis/__/lam bzang ye shes snang ba rgyas par mdzod/__/'bras bu phyi dus yid smon ma yin par/__/lam dang bla mar yid ches dad pa yis/__/bsgrub la brtson 'dod skal bzang bdag cag la/__/mngon sum don gyi dbang mchog bskur thob mdzod/__/sa ma ya ho/__chad tho bsgrags pa ni/__gtor ma gser skyems la bgugs gzhug dang rol mo'i sgras bskul te/__aH__dbyings las ye shes rang shar ba'i:__e ka dza TI ral gcig ma:__'od gsal rig pa zang thal sku:__khyab 'jug chen po sgra can 'dzin:__zung 'jug dwangs ma'i thig le 'dzin:__rdo rje dgra 'dul legs pa rtsal:__thugs rje'i cho 'phrul bsams yas pa:__'bum phrag dregs pa'i sde tshogs kun:__dgongs brda snyan nas brgyud pa yi:__rgyal ba rig 'dzin rnal 'byor dbang :__ji snyed 'dus pa'i tshogs chen dang :__'khor 'das zil gnon he ru ka:__dpal chen siM he shwa ra dang :__'od gsal sprul pa'i rdo rje yis:__ji ltar bka' bsgos dam bzhags bzhin:__dur khrod rol pa'i gnas 'dir byon:__khams lnga dag pa'i sman phud dang :__'byung lnga'i dwangs ma ba liM ta:__dug lnga bsgral ba'i dmar chen po:__dpal gyi pham phab chen por bzhes:__theg mchog lam du bzhugs pa la:__glo bur bdud bzhi'i bar chad zlog:__'khor 'das ru shan dbye ba'i tshe:__gzung 'dzin 'khrul pa'i sa bon sgrol:__rig pa ka dag lta ba la:__yid byed mtshan ma'i rtog pa srungs:__rig rtsal mngon sum snang ba'i tshe:__rlung sems 'gyu ba dbyings su non:__mthar thug gzhi dbyings gnyug ma'i klong :__gzhi snang rig pa'i phrin las sgrubs:__sa ma ya ho:__bstan ma skyong ba ni/__gtor ma bshal chu 'bru gsum gyis brlabs/__a ka ros bsngos la/__aH__ka dag dbyings las rig pa'i rtsal/__/sman bdud gnod sbyin mo yi tshul/__/bstan ma bcu gnyis gtor ma longs/__/las bcol phrin las ma g.yel sgrubs/__/gzhan yang phrin las bcol zhing gtor ma mchod/__/gtor gzhong kha sbub la/__a:__rnam thar gsum ldan rdo rje'i e klong du/__/'khrul rtog log 'dren 'byung po dam sri kun/__/mnan no ye grol don gyis rgyas btab pas/__/nam yang ldang ba'i skabs med s+t+wam+b+ha ya nan/__mchod bstod rgyas bsdus ci rigs bya/__dngos grub blang ba ni/__aH__mngon sum ye shes las byung ba'i:__nyams snang gong 'phel pho brang nas:__tshad phebs don gyi lha tshogs kyis:__blo 'das chos zad dngos grub stsol:__oM AHhU~M ma hA gu ru kA ya wA ka tsit+ta dz+nyA na sarba sid+d+hi pha la ho:__bshags pa ni/__a:__gzung 'dzin rnam rtog las byung ba'i:__las dang nyon mongs sdig sgrib kun:__rang bzhin skye med ngang nyid du:__'khor gsum mtshan ma bral bar bshags:__yi ge brgya pa brjod/__bsdu ldang ni/__aH__gzhi snang phyag rgya'i dkyil 'khor lha:__gzhi dbyings gdod ma'i klong du thim:__slar yang phyir gsal gzugs kyi sku:__dus gsum dus med rtag tu shar:__a a a:__bsngo ba dang smon lam ni/__lhun gyis grub pa'i dge tshogs kun:__ka dag gzhon nu bum skur bsngo:__zung 'jug khyad chos drug ldan gyi:__ye shes chen por ro gcig shog:__bkra shis ni/__ho:__lta ba rang bzhag blo las 'das:__chos kyi sku yi bkra shis shog:__sgom pa mngon sum tshad la phebs:__longs spyod rdzogs sku'i bkra shis shog:__spyod pa dbyings rig 'du 'bral med:__sprul pa'i sku yi bkra shis shog:__'bras bu bzhi snang thig le cher:__dbyer med chen po'i bkra shis shog:__gzhan yang bkra shis ci rigs brjod/__de ltar tshogs mchod kyi rim pa mdor bsdus 'di ni/__gter gzhung rdo rje'i tshig rnams sor bzhag la kha skong dgos rigs gsar du bsnan te/__sngar bris pa la yang bskyar tshig phri bsnan bcas snying po'i bstan 'dzin yongs kyi 'bangs tha dus zhabs kyi sngags ming tsam po pa rig 'dzin sna tshogs rang grol bas bgyis pa'i dge bas 'gro kun tshogs gnyis rdzogs shing ye shes bla ma'i sa mchog myur du thob pa'i rgyur gyur cig__/dge'o/__/dge'o/__dge'o//__//_________________