DKR-KABUM-11-DA-023

🚧 This website is under continued development. We appreciate your patience!

Previous Text Back to Volume Page Next Text

མདོ་ཁམས་ཡུལ་ལྷ་སྤྱིའི་བསང་མཆོད་བཀྲ་ཤིས་ལྷ་ཡི་རྔ་ཆེན་སོགས།

Wylie title	mdo khams yul lha spyi'i bsang mchod bkra shis lha yi rnga chen sogs
Location	dil mgo mkhyen brtse bka' 'bum Volume 11, Text 23, Pages 118-142 (Folios 1a to 25a3)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. Mdo khams yul lha spyi'i bsang mchod bkra shis lha yi rnga chen sogs. In Skyabs rje dil mgo mkhyen brtse rin po che'i bka' 'bum, Vol. 11: 118-142. Delhi: Shechen Publications, 1994.
Genre	Smoke Offerings - bsangs mchod - lha bsang
Deity	yul lha

[edit]

༄༅། མདོ་ཁམས་ཡུལ་ལྷ་སྤྱིའི་བསང་མཆོད་བཀྲ་ཤིས་ལྷ་ཡི་རྔ་ཆེན་ཞེས་བྱ་བ་བཞུགས་སོ།

༄༅། ཨོཾ་སྭ་སྟི། དུས་ཚེས་དགེ་བར་ཡུལ་ལྷའི་བསང་མཆོད་བྱ་བར་འདོད་པས། གཙང་མའི་གནས་སུ་དཀར་དམར་གྱི་གཏོར་མ། འབྲུ་སྨན་རིན་ཆེན་སྣ་ཚོགས་ཀྱི་སྦག་པའི་ཕྱེ་མར་ཤིང་ཏོག །དར་ཟབ་སྟག་གཟིག་རས་མ་དཀར་མངར་ཟས་སྣ། ཇ་ཆང་ཕུད་སྐྱེམས་དང༌། ཤིང་སྣ་གཙང་མའི་དུད་སྤྲིན་བཅས་འདུ་བྱས་ལ། ཆབ་ཀྱིས་བྲན་ཏེ། རྃ་ཡྃ་ཁྃ། ཨོཾ་ཨཱཿཧཱུྃ་དང་ནམ་མཁའ་མཛོད་ཀྱི་སྔགས་རྒྱས་བྱིན་གྱིས་རླབས་ལ། རང་ཉིད་སྣང་སྲིད་ཟིལ་གནོན་གྱི། །ཐུགས་ཀའི་འོད་ཀྱིས་རབ་བསྐུལ་བས། །མདོ་ཁམས་བོད་ཆེན་ལྗོངས་གནས་པའི། །ཡུལ་ལྷ་འཁོར་བཅས་སྤྱན་དྲངས་གྱུར། །ཀྱཻ། བདེ་ཆེན་འོད་གསལ་ཆོས་དབྱིངས་རྩལ། །རྟེན་འབྱུང་སྒྱུ་འཕྲུལ་དྲྭ་བའི་གར། །མི་མཇེད་འཇིག་རྟེན་བཀོད་པའི་ཞིང༌། །སྟོང་གསུམ་འཛམ་གླིང་བྱང་གི་ཕྱོགས། །རི་མཐོ་ས་གཙང་ཆུ་ཀླུང་བྲག །ནགས་ཚལ་གངས་མཚོའི་བཀོད་པ་མཛེས། །བོད་ཆེན་མདོ་ཁམས་ལྗོངས་ཆེན་པོ། །ཆོས་སྲིད་དཔལ་གྱིས་ཕྱུག་པའི་གཞིར། །རང་བྱུང་སངས་རྒྱས་པད་འབྱུང་རྗེའི། །བྱིན་རླབས་སྐུ་གསུང་ཐུགས་ཡོན་ཏན། །ཕྲིན་ལས་གནས་ཆེན་ཉེར་ལྔ་དང༌། །འགྲོ་འདུལ་གནས་ཆེན་བརྒྱད་ལ་སོགས། །དབང་བྱེད་གཉན་ཆེན་སྡེ་བཞི་ཞེས། །རྨ་རྒྱལ་སྤོམ་ར་དམག་དཔོན་དབྱི། །སྒྱོགས་ཆེན་གདོང་ར་གཉན་ཐང་ལྷ། །ཟིལ་ཁྲོམ་གཉན་ལྡང་ལ་སོགས་པ། །སྒང་དྲུག་གཞི་བདག་བཅུ་གཉིས་དང༌། །འབྲི་ཟླ་ནས་དངུལ་ཆུ་བཞིའི་ཀླུ། །ཤོད་ཆེན་བཞི་ཡི་ཟོ་དོར་གཙོ། །དྲེགས་པ་སྡེ་ལྔ་བཙན་རྒོད་བདུན། །རི་དབང་སྤུན་དགུ་ལ་སོགས་པའི། །དཀར་ཕྱོགས་སྐྱོངས་བའི་ཡུལ་གྱི་ལྷ། །ཆ་ལུགས་མ་ངེས་ཅིར་ཡང་སྣང༌། །འཁོར་གཡོག་བཙུན་མོ་སྲས་བློན་སོགས། །མ་ལུས་འཁོར་དང་བཅས་རྣམས་དང༌། །གཞན་ཡང་རྒྱ་གར་ཤར་ནུབ་ཕྱོགས། །གནས ཡུལ་ཉེར་བཞི་སྤྱི་བྱེ་བྲག །ཁྱད་པར་ཡུལ་རིས་འདི་ཉིད་ཀྱི། །གནས་གཞིའི་བདག་པོ་ལྷ་ཀླུ་གཉན། །དམུ་སྨན་གཟའ་རྒྱལ་བཙན་གྱི་རིགས། །བརྟན་མ་དགེ་བསྙེན་མགུལ་ལྷ་སོགས། །མཆོད་པའི་མགྲོན་ལ་སྤྱན་འདྲེན་ན། །ཐུགས་རྗེའི་རྩལ་གྱིས་གནས་འདིར་གཤེགས། །དགྱེས་བཞུགས་དག་ཅིང་གཙང་བ་ཡི། །བསང་མཆོད་འདོད་པའི་ཡོན་ཏན་གཏེར། །འབྲུ་སྨན་བཟའ་བཏུང་དར་རས་གོས། གནས་མལ་ཁང་བཟང་སྐྱིད་མོས་ཚལ། །ཇ་ཆང་ཕུད་སྐྱེམས་བདུད་རྩིའི་མཚོ། །གཡག་ལུག་ར་འབྲུག་སྟག་སེང་ཁྱུང༌། །རི་དྭགས་གནག་ཕྱུགས་གཅན་གཟན་ནོར། །ཐུགས་ལ་བཞེད་དགུ་ལྷུན་གྲུབ་པའི། །མཆོད་རྫས་ཁ་དོག་རོ་ནུས་ལྡན། །དགོས་འདོད་ཀུན་འབྱུང་མཆོད་སྤྲིན་ཆེ། །དུད་པས་ཉམས་གྲིབ་མི་གཙང་སེལ། །ངད་ཀྱིས་དག་བྱེད་སྤོས་སྤྲིན་གཏིབས། །ཟེགས་མ་འདོད་པའི་ཡོན་ཏན་འཕྲོ། །རབ་འབྱམས་ཞིང་ཀུན་འགེངས་བ་འདིས། །བསང་ངོ་མཆོད་དོ་དགྱེས་དགུར་བཞེས། །སྐུ་གསུང་ཐུགས་ཀྱི་ཉམས་གྲིབ་བསང༌། །ཕོག་ཐུག་འཁོན་འགྲས་འཁྲུགས་པ་ཞི། །དགྱེས་དགུའི་དཔལ་དུ་གྱུར་ནས་ཀྱང༌། །གནས་མགྲོན་དམ་ཚིག་མ་བསྙེལ་བར། །འདིར་གཤེགས་བདག་གི་སྡོང་གྲོགས་མཛོད། །ཀྱཻ། བདེ་ཆེན་སྒྱུ་འཕྲུལ་དྲྭ་བ་ཡི། །རྣམ་རོལ་སྲིད་ཞི་ཅིར་ཡང་སྣང༌། །འགག་མེད་རོལ་པ་ཆེན་པོའི་ཚུལ། །དཀར་ཕྱོགས་དགེ་བསྙེན་མཐུ་བོ་ཆེ། །སྲིད་པ་ཆགས་པའི་ལྷ་རབས་ཏེ། །ཕ་མེས་བརྒྱུད་ཀྱི་སྲུང་མ་གཉན། །འགོ་བའི་ལྷ་མགོན་གཉན་པོ་རྣམས། །མཐུ་དང་རྫུ་འཕྲུལ་བསམ་མི་ཁྱབ། །སྔོན་གྱི་ཐ་ཚིག་རྗེས་དགོངས་ལ། །མཁའ་ཁྱབ་རྩ་གསུམ་རྒྱལ་བ་ཡི། །ཕྱོགས་དུས་ཞིང་གི་བཀོད་པའི་འཕྲུལ། །རང་བྱུང་གྲུབ་པའི་གནས་ཆེན་དང༌། །གཉིས་སུ་མེད་པར་བྱིན་བརླབས་པས། །རྩ་གསུམ་ལྷ་ཚོགས་བཞུགས་པའི་གནས། །དཀྱིལ་འཁོར་སྐྱོང་བའི་བཀའ་སྡོད་ཚུལ། །གཏོ་སྐུ་གསས་མཁར་འདི་ལ་བཞུགས། །རིན་ཆེན་ཁང་བཟང་བཀོད་མཛེས་ནང༌། །སྣ་ཚོགས་དཀོར་ནོར་དབྱིག་གིས་གཏམས། །ཟད་མི་ཤེས་པའི་དཀོར་མཛོད་བསགས། །ངོ་མཚར་དཔལ་གྱི་རྟེན་འདིར་བཞུགས། །དག་བྱེད་བདུད་རྩིའི་སྨན་ཆར་གྱིས། །མནོལ་བཙོག་མི་གཙང་དྲི་མ་བཀྲུ། །རྡོ་རྗེའི་ཐ་ཚིག་བསྒྲགས་པ་ཡིས། །དབང་བསྡུས་ལས་ཀྱི་གཉེར་ཁ་གཏད། །མཐུན་པའི་དམ་རྫས་དཔག་ཡས་ཀྱིས། །ཐུགས་དམ་བསྐང་ཞིང་དགྱེས་པ་བསྐྱེད། །བཀྲ་ཤིས་རྫས་ཀྱིས་མངའ་གསོལ་བས། །གཟི་བྱིན་ཉི་ཟླ་ལྟ་བུར་བསྐྱེད། །གོ་མཚོན་རལ་གྲི་མདའ་མདུང་གིས། །དགྲ་ལྷའི་དབུ་འཕང་དགུང་དུ་བསྟོད། །སྣ་ཚོགས་དར་གྱི་རླུང་རྟ་ཡི། །དར་ཚོན་བལ་ཚོན་ཕྲེང་བ་བསྟར། །རྨད་བྱུང་དགྱེས་པའི་རྟེན་མཁར་ལ། །བཞུགས་ནས་ཁ་འཛིན་སྡོང་གྲོགས་མཛོད། །སངས་རྒྱས་བསྟན་དར་བསྟན་འཛིན་འཁོར། །བཤད་སྒྲུབ་ལས་ཀྱིས་འཇིག་རྟེན་བདེ། །སྐྱེ་དགུའི་མོས་སྣང་ཆོས་ལ་བསྒྱུར། །རྒྱལ་འགོང་དམ་སྲིའི་རྒྱུ་འགྲུལ་སྲུངས། །སྦྱིན་བདག་ཚེ་དཔལ་རླུང་རྟ་བསྐྱེད། །ཡིད་མཐུན་གྲོས་ཐུབ་མི་ཆོས་ཀྱི། །རིགས་རྒྱུད་དར་རྒྱས་བཙན་པར་མཛོད། །གཞི་མགྲོན་བཀྲ་ཤིས་བདེ་ལེགས་འཕེལ། །དགྲ་ཇག་ཆོམ་རྐུན་ནད་མུག་སྲུངས། །འགལ་རྐྱེན་ཀུན་ཞི་མཐུན་རྐྱེན་འཕེལ། །མཉམ་ཉིད་བྱང་ཆུབ་སེམས་ཀྱི་མཐུས། །ས་གསུམ་དགེ་ལེགས་སྣང་བ་དང༌། །མི་འབྲལ་རྫོགས་ལྡན་དཔལ་སྩོལ་ཅིག །ཅེས་དང་མཆོད་གཏོར་སོགས་བསང་དུ་འབུལ་ཞིང་རྗེས་རིམ་སྤྱི་ལྟར་བྱའོ། ཅེས་པའང་ཡངས་པའི་ས་གཞི་ཆོས་བཞིན་སྐྱོངས་བའི་མདོ་སྨད་སྡེ་ནང་གི་མི་རིགས་དད་འདུས་ལྷན་རྒྱས་ནས་གངས་ཅན་བསྟན་འགྲོ་སྤྱིའི་ཞབས་བརྟན་དུ་གནས་ཆེན་བྱིན་འབེབས་དང༌། གཞི་བདག་རྟེན་མཁར་གསར་འཛུགས་སྐབས་སྦྱིན་བདག་ལྷན་ནས་བསྐུལ་ངོར་ཤར་མདོ་ཁམས་སུ་སྐྱེས་པའི་སྔགས་བཙུན་བཀྲ་ཤིས་དཔལ་འབྱོར་གྱིས་ལྷག་བསམ་དག་པས་བྲིས་པ་དགེ་ལེགས་རྣམ་པར་རྒྱལ་བར་གྱུར་ཅིག ༈ འབར་ནང་ཡུལ་ལྷ་སྤྱི་ཡི་བསང་མཆོད་དགེ་མཚན་དཔལ་གྱི་ཆར་འབེབས་བཞུགས། ཨོཾ་སྭ་སྟི། དུས་ཡར་ངོ་གཟའ་སྐར་དགེ་བར་གཙང་མའི་གནས་སུ་བཀྲ་ཤིས་བསང་གི་མཆོད་པ་བྱ་བར་འདོད་པས། གཏོར་མ་དཀར་དམར། ཇ་ཆང་འོ་ཞོ། འབྲུ་སྨན་དར་རས་སོགས་བསྲེས་པའི་ཕྱེ་མ་གཙང་བར་བཤམས། བཟང་ཤིང་སྣ་ཚོགས་པའི་དུད་པ་བཅས་འདུ་བྱས་ལ། རང་ཉིད་ལྷ་ཡི་ང་རྒྱལ་ལ་གནས་པས། རྃ་ཡྃ་ཁྃ། སྟོང་པའི་ངང་ལས་ཞི་བྱེད་ཀྱི་ཐབ་མཆོག་མཚན་ཉིད་རྫོགས་པའི་དབུས་སུ་བཟང་ཤིང་སྤོས་ཀྱི་དུད་སྤྲིན་མི་གཙང་རྒུད་པ་སེལ་ཞིང༌། བཀྲ་ཤིས་འདོད་ཡོན་གྱི་མཆོད་སྤྲིན་ཟག་མེད་ཀུན་ཏུ་བཟང་པོའི་རྣམ་རོལ་གྱིས་ཞིང་ཁམས་རབ་འབྱམས་ཁྱབ་པར་གྱུར། ཨོཾ་ཨཱཿཧཱུྃ་ཧོཿ ནམ་མཁའ་མཛོད་ཀྱི་སྔགས་དང་ཕྱག་རྒྱས་སྤེལ་ལ། ཀྱཻ། ཕྱི་སྣོད་རྣམ་དག་བདེ་ཆེན་དག་པའི་ཞིང༌། ནང་བཅུད་གདན་གསུམ་ཡེ་ཤེས་འཁོར་ལོ་རུ། །གདོད་ནས་དག་ཀྱང་རྟེན་འབྱུང་འགག་མེད་པའི། །སྣང་ཆ་མདོ་སྨད་འབྲི་ཟླའི་སྒང་གི་ཆར། །རྡོ་རྗེའི་བྲག་དང་ནགས་ཚལ་ཆུ་ཀླུང་གི །བཀོད་པ་རྨད་བྱུང་འབར་ནང་ཞེས་གྲགས་པར། །དབང་བྱེད་ཡུལ་ལྷ་དགེ་རྒྱས་དུང་བྲག་དཀར། །ཆབ་བྲག་རྡོ་རྗེ་རྩེ་དགུ་འབར་རྒྱལ་ནི། །ཤིང་རི་གཡུལ་རྒྱལ་གཡུ་འབྲུག་ནོར་བུ་གསུམ། །རྒྱལ་བདེ་ངང་མ་ལྷ་བཙན་དགེ་བསྙེན་ཆེ། །ནོར་བུ་དབང་རྒྱལ་སྟོབས་ཆེན་སྒོ་དྲུང་ནི། །ཨ་མྱེ་གཡའ་ཡི་བྲག་ནག་ལྷ་མོ་དང༌། །ཟི་ཆེན་དར་མདུང་ཁྱུང་མཆེ་སྒྲོ་བྲག་གི །རྔམས་ཆེན་འབར་བ་ཐང་ལྷ་རིན་ཆེན་དང༌། །བྲག་དཀར་རྔམས་ཆེན་དགྲ་ལྷ་རྨོག་ཆེ་ཆུང༌། །ཛ་འབྲིང་བྲག་ཆེན་རྒོད་ཚང་ཨ་མྱེ་དང༌། ནཱ་ག་རྒྱལ་པོ་སྤྲུལ་སྐུ་གཡས་འཁྱིལ་བྲག །དཀར་ལྷ་ཕྱུག་མོ་མགར་ཆེན་ཨ་མྱེ་དང༌། །གོ་ཐི་འབར་ལྷ་རྩེ་རྒྱལ་ཆེ་ཆུང་དང༌། །ཟན་ཤིང་ལེགས་མགོན་ཆབ་མཚོ་དགྱེས་མཚོ་དང༌། །གཞི་བདག་བླ་མཚོ་དྲག་མཚོ་འབར་ལྷའི་མཚོ། །ཇ་མཚོ་ལེགས་མཚོ་མཚོ་ཆེན་བརྒྱད་ཅུ་སོགས། །ཡུལ་དེར་རྟག་གནས་གློ་བུར་ལྷག་པའི་མགྲོན། །དབང་ཆེན་དབང་ཆུང་མིང་དང་མཚན་མ་ཐོན། །ཀུན་ལ་དགྱེས་བསྐྱེད་བདུད་རྩི་བསང་གི་སྤྲིན། །དྲི་ཞིམ་ངད་པས་ས་ཡི་ཁྱོན་འགེངས་ཤིང༌། །བདུད་རྩིའི་ཟེགས་མ་འདོད་ཡོན་རྒྱ་མཚོའི་གཏེར། །གནག་ཕྱུགས་རི་དྭགས་གཅན་གཟན་འདབ་ཆག་ཚོགས། །ཡིད་འོང་སྐྱེད་ཚལ་ལྷ་ཕྲུག་གླུ་གར་ཆེ། །རིན་ཆེན་གསེར་དངུལ་དར་གོས་ཉེ་བར་སྤྱོད། །སྡེར་ཆགས་པགས་རིགས་གྲྭ་རྒྱས་བདུད་རྩིའི་ཆར། །རི་གླིང་སྨན་ཤིང་མེ་ཏོག་འབྲས་བུའི་ཚོགས། །ཐུགས་ལ་བཞེད་དགུ་ཟད་མི་ཤེས་པའི་གཏེར། །ནམ་མཁའ་ཇི་སྲིད་འཆར་ཀུན་བདེ་བ་ཆེ། །བྱང་ཆུབ་སེམས་ཀྱི་བྱེད་པ་སྔགས་ཕྱག་རྒྱས། །ཏིང་འཛིན་ཆོ་འཕྲུལ་བསམ་མི་ཁྱབ་པ་ཡིས། །སྐུ་གསུང་ཐུགས་ཀྱི་དཔལ་ལ་དགྱེས་དགུ་བསྐྱེད། །ཕོག་ཐུག་འགྲམ་འཁྲུགས་ཉེས་པ་བསྐྱེད་ཀུན་བཤགས། །གནས་མགྲོན་དམ་ཚིག་བརྩེ་གདུང་མ་བསྙེལ་བར། །སྣོད་ཀྱི་འཇིག་རྟེན་ལོ་ལེགས་རྩི་ཤིང་རྒྱས། །བཅུད་ཀྱི་སྐྱེ་འགྲོ་ནད་མེད་བདེ་སྐྱིད་འཕེལ། །འགྲོ་ཀུན་དཀར་པོའི་ཆོས་སྣང་ཡར་ཟླ་ལྟར། །འཕེལ་བས་བསོད་ནམས་ཡེ་ཤེས་ཚོགས་ཆེན་རྒྱས། །ཕན་ཚུན་བྱམས་ལྡན་ནད་མུག་འཐབ་འཛིང་ཞི། །རྫོགས་ལྡན་དགེ་བཅུའི་དགའ་སྟོན་མགྲོན་དུ་ཁུག །བཀྲྃ་ཤིསྃ་འབྱུང་གནས་མཆོག་གསུམ་དབུ་འཕང་བསྟོད། །ཆོསྃ་བཞིན་སྤྱོད་པའི་དགེ་འདུན་འདུས་པ་རྒྱས། །བཤད་སྒྲུབ་ལས་ཀྱི་འཁོརྃ་ལོ་རྒྱུན་མི་ཆད། །དོན་གཉིས་ཡིད་བཞིན་འགྲུབ་པའི་སྡོང་གྲོགས་མཛོད། །སྒྲུབ་པའི་སྡེ་ཀུན་འགལ་རྐྱེན་ཉེར་འཚེ་བྲལ། །མཐུན་པའི་རྐྱེན་ཚོགས་ཁྱད་པར་ཉམས་རྟོགས་དཔལ། །དབྱར་མཚོ་ལྟར་འཕེལ་འབྲེལ་ཚད་དོན་ལྡན་གྱི། །ཕྲིན་ལས་སྣང་བས་ས་གསུམ་ཁྱབ་གྱུར་ཅིག །བསང་གཞུང་གཞན་དང་མ་འབྲེལ་ན་ནོངས་བཤགས། གཤེགས་གསོལ། བསྔོ་སྨོན་ཤིས་བརྗོད་བཅས་བྱའོ། ཅེས་པའང་རང་སློབ་དད་བརྩོན་ལྷག་བསམ་ལྡན་པ་དག་དབང་ཡེ་ཤེས་དོན་གྲུབ་ནས་བསྐུལ་བ་བཞིན་མངྒ་ལས་བྲིས་པ་དོན་ལྡན་དུ་གྱུར་ཅིག ༈ འབར་ལྷའི་བསང་བསྡུས་དགེ་མཚན་དཔྱིད་ཀྱི་རོལ་མོ་བཞུགས་སོ། ཨོཾ་སྭ་སྟི། ཡུལ་ལྷའི་བསང་བྱ་བར་སྤྲོ་ན། མཐུན་པའི་རྫས་དང༌། ཤིང་སྣའི་དུད་སྤྲིན་སོགས་མཆོད་པའི་ཡོ་བྱད་ཀུན་ལྷའི་རྣལ་འབྱོར་ལ་གནས་པས་བསང་སྦྱངས་ཏེ། ཀྱེ། ཀ་རུ་ཎི་ཀ་ཤྭ་ར་འཕགས་པའི་ཞིང༌། །ཁ་བའི་ལྗོངས་ཀྱི་སྐྱབས་གཅིག་མཚོ་སྐྱེས་རྗེ། །ག་ཎ་མཎྜལ་བཅུག་ཅིང་དབང་བསྐུར་བའི། །ངང་ཚུལ་རྗེས་སྐྱོངས་ཡུལ་ལྷའི་དབང་པོ་གཤེགས། །ཅ་ཅོ་ཡིད་འོང་སྙན་པའི་རོལ་མོའི་དབྱངས། །ཆང་བཅུད་འོ་ཞོ་མངར་གསུམ་སྦྱར་བའི་སྐྱེམས། །ཇ་དར་གོས་སོགས་འདོད་ཡོན་མཁོ་རྒུའི་རྫས། །ཉ་གང་ཟླ་བའི་མདངས་འཕྲོག་གཏོར་མའི་ལྷུན། །ཏ་མ་ལ་ཡི་མངལ་འཛིན་བདུད་རྩིའི་སྤྲིན། །ཐ་དད་དབང་པོ་སིམ་པ་སྟེར་བའི་སྨན། །དག་བྱེད་མི་གཙང་དྲི་ཀུན་བསྙིལ་བའི་ཆར། །ནམ་མཁའ་མཛོད་ཀྱི་འཁོར་ལོའི་དགྱེས་གྱུར་ཏེ། །པ་སངས་ལྟར་མཛེས་གཞན་ཕན་དང་འགྲོགས་པའི། །ཕ་རོལ་ཕྱིན་བཅུའི་ལེགས་ལམ་དགེ་བའི་སྤྱོད། །བར་ཆད་མི་སྲུན་དཔུང་གིས་མི་བརྫི་བར། །མ་ལུས་ས་བཅུའི་སྤང་རྟོགས་མཐར་སོན་མཛོད། །ཙ་མ་ར་བཞིན་བདེ་དཔལ་གྱིས་དྲེགས་པའི། །ཚ་ངར་བསོད་ནམས་མཐུ་ལྡན་སྦྱིན་བདག་གཙོས། །ཛམ་བུའི་གླིང་ཀུན་ཕན་བདེའི་དཔལ་འབྱོར་རྒྱས། །ཝ་ལེར་ཁྱབ་པའི་ཕྲིན་ལས་མ་གཡེལ་སྒྲུབས། །ཞྭ་ལྟར་མཆོད་འོས་འཕགས་ཚོགས་འདུས་པའི་སྡེ། །ཟ་མ་ཏོག་བཞིན་རིག་གྲོལ་ཡོན་ཏན་ཤུགས། །འ་འུར་རྙེད་བཀུར་རིམ་འགྲོའི་འདུ་བ་བཅས། །ཡ་མཚན་སྤང་རྟོགས་བླ་ནས་བླར་འཕེལ་མཛོད། །ར་བ་བརྒལ་དཀའ་སྲིད་ལས་ངེས་འབྱུང་སྟེ། །ལ་འུར་དབེན་པར་སྒོམ་པའི་རྣལ་འབྱོར་ཁྱུ། །ཤ་ཁྲག་གདོས་བཅས་དྭངས་མའི་ཀློང་དེངས་ཏེ། །ས་ཆེན་གནས་སར་གཞན་ཕན་གཏེར་གྱུར་མཛོད། །ཧ་རིའི་བསུང་ལྡན་བསང་གི་དགའ་སྟོན་གྱིས། །ཨ་ཧོ་དགྱེས་པའི་གླུ་དབྱངས་དང་བཅས་ཏེ། །གནས་མགྲོན་དམ་ཚིག་གཙང་མའི་ཡལ་གམ་གྱིས། །མཐར་ཐུག་རོ་གཅིག་བྱང་ཆུབ་མྱུར་ཐོབ་ཤོག །བདེ་ཆེན་རྒྱལ་ཀུན་ཐུགས་གསང་གཞན་ཕན་སེམས། །རྗེས་ཆགས་ལང་ཚོས་དྲེགས་པའི་དགེ་ལེགས་ཀྱིས། །སྣང་བས་སྲིད་ཞིའི་རྒུད་པས་མུན་འཕྲོག་སྟེ། །བཀྲ་ཤིས་དཔལ་འབྱོར་འོད་ཟེར་འབར་གྱུར་ཅིག །ཅེས་པའང་གནས་མཆོག་དེ་ཉིད་ཀྱི་གཡོན་ཟུར་བཟང་ལུང་དཀར་པོའི་རི་སུལ་ཉམས་དགའ་བར་བཙུན་ཆུང་མངྒ་ལས་སྤེལ་བ་དགེ། ༈ གོ་ཐིའི་གནས་བསང་བཀྲ་ཤིས་སྙན་པའི་རོལ་མོ་བཞུགས། ཀྱཻ། ཀ་དག་རང་བྱུང་འཇམ་དཔལ་དགྱེས་པའི་སྡེས། །ཁ་སྦྱོར་འཁོར་ལོ་སྡོམ་པའི་ཕོ་བྲང་གི །ག་ཎའི་འདུ་བར་བསྔགས་པའི་གནས་ཀྱི་བདག །ང་ཡི་འབོད་དོ་མཆོད་པའི་མགྲོན་དུ་གཤེགས། །ཅ་ག་གཉིས་སྣང་རྟོག་པ་ལས་འདས་ངོར། །ཆ་ལུགས་ཅིར་སྣང་དག་པ་རབ་འབྱམས་ཞིང༌། །ཇ་བཟང་ལ་སོགས་འདོད་ཡོན་རྒྱ་མཚོའི་སྤྲིན། །ཉ་གང་ཟླ་ལྟར་འཕྲུལ་དགའི་རོལ་པ་ཡི། །ཏ་ཐཱ་ག་ཏ་རྩ་གསུམ་ལྷའི་འཁོར་ལོར། །ཐ་མལ་འཁོར་གསུམ་རྟོག་པ་ལས་འདས་པས། །ད་ལྟ་ཙམ་མིན་བདེ་ཆེན་རྟག་པའི་སྤྲིན། །ན་མར་སྟོབ་བོ་རྟག་ཏུ་དགྱེས་པས་སྐྱོངས། །པ་སངས་མདངས་འཛིན་གནས་གཏེར་སྲུང་བའི་ཚུལ། །ཕ་རོལ་གཞོམ་སོགས་དབང་དྲག་ཕྲིན་ལས་མཁན། །བ་མཆོག་གཏེར་བཞིན་རྣལ་འབྱོར་སྐྱོངས་བའི་གཉེན། །མ་ལུས་འཁོར་དང་བཅས་པ་ཀུན་ལ་ཡང༌། །ཙ་མ་ར་སོགས་སྲོག་ཆགས་མཁོ་དགུའི་ཁྱུ། །ཚལ་དང་འདོད་ཡོན་ལྷ་རྫས་ཀུན་བཟང་གཏེར། །ཛ་ཧུའི་རྒྱུན་ལྟར་མངར་གསུམ་འོ་ཞོའི་སྐྱེམས། །ཝ་ལེར་ནམ་མཁའ་མཛོད་ཀྱིས་དགྱེས་གྱུར་ཅིག །ཞྭ་ལྟར་ཚངས་པའི་མཛེས་རྒྱན་འོད་གསལ་རྗེའི། །ཟ་མ་ཏོག་ལྟར་སྐུ་ཚེ་ཕྲིན་ལས་སྤེལ། །འ་འུར་མཆོད་པའི་དཔལ་སྟོབ་རྣལ་འབྱོར་ཡང༌། །ཡ་མཚན་སྒྲུབ་པའི་སྤྱོད་པ་མཐར་སོན་མཛོད། །ར་བ་ལྟར་བསྐོར་ལྗོངས་འདིའི་ཕན་བདེ་དང༌། །ལ་ཀླུང་བསྟི་པའི་འཕགས་ཚོགས་སྤང་ཀློག་སྤེལ། །ཤ་ཟ་ཡིད་སྲུབ་དམ་སྲིའི་རྒྱུ་འགྲུལ་ཆོད། །ས་ལམ་མཐར་སོན་བདེ་ནས་བདེ་བར་སྦྱོར། །ཧ་རིའི་ངད་བཞིན་དཔལ་འབྱོར་མངའ་ཐང་གིས། །ཨ་ཧོ་ངོ་མཚར་དམ་པས་དུས་རྟག་ཏུ། །ཨ་ལ་ལ་ཞེས་གནས་ཀྱི་བདག་པོ་ཡང༌། །ཧེ་ཧེ་འཁྱུད་པ་བཞིན་དུ་སྐྱོངས་བར་མཛོད། །བཀྲྃ་ཤིསྃ་ཟུག་རྔུ་ཀུན་བྲལ་བདེ་བ་ཡི། །དཔྃལ་དང་ཕན་བདེའི་སྣང་བ་རབ་འབྃར་བའི། །གླིངྃ་བཞིར་ཁྱབ་པའི་དགེ་མཚན་ཉིན་མོར་བྱེད། །སྲིད་པའི་མཐར་ཡང་ཉམས་པ་མེད་གྱུར་ཅིག །ཅེས་པའང་མདོ་ཁམས་ཆུ་བཞིའི་རི་བོ་རྩེ་ལྔ་གོ་ཐི་བཀྲ་ཤིས་དཔལ་འབར་གླིང་ཞེས་ཀུན་མཁྱེན་བླ་མ་དགྱེས་པའི་དགའ་ཚལ་གྱི་གནས་བདག་ལ་བསང་གི་རོལ་མོ་འདིའང་གདན་ས་དེ་ཉིད་དུ་བསྟི་བའི་སྐབས་ཤིག་བཀྲ་ཤིས་དཔལ་འབྱོར་གྱིས་སྤེལ་བ་དགེ་ཞིང་བཀྲ་ཤིས།། ༈ གོ་ཐི་བཀྲ་ཤིས་དཔལ་འབར་གླིང་གི་གནས་ལ་བསྔགས་པ་ཡིད་ཆེས་དད་པའི་རྒྱན་ཞེས་བྱ་བ། ཨོཾ་སྭ་སྟི། ཀ་མ་ལ་ལྟར་མཁྱེན་པའི་འདབ་རྒྱས་འཇམ་དཔལ་རྡོ་རྗེའི་བསྙེན་པའི་ཚལ། །ཁ་བའི་ལྗོངས་ཀྱིས་རི་བོ་རྩེ་ལྔ་བཀྲ་ཤིས་དཔལ་འབར་གླིང་ཆེན་པོར། །ག་གཱའི་དབྱིངས་ལྟར་རྒྱ་ཆེའི་ཡོན་ཏན་ཕ་མཐའ་ཡས་པའི་ངོ་མཚར་གཏེར། །ང་ཡིས་སྙན་ངག་མེ་ཏོག་གསར་པའི་ཕྲེང་བ་ཡིད་ཆེས་རྒྱན་དུ་བསྟར། །ཅ་ཅོ་སྙན་སྒྲོགས་གསེར་ལྡན་ཀླུང་སོགས་གཡས་སུ་བསྐོར་བས་ལེགས་བགྲོད་སྟེ། །ཆབ་རྒྱུན་བགྲོད་པ་ཡི་གེའི་གཟུགས་ཀྱི་བསྟོད་པ་བྱེ་བ་ངོམས་བཞིན་དུ། །ཇ་ཧང་མདངས་འཛིན་ཉི་གཞོན་ཟླ་བ་བགྲོད་ཐག་རིང་སོགས་དགེ་བའི་དཔྱད། །ཉ་གང་བདུད་རྩིའི་དཀྱིལ་འཁོར་ལྟར་རྫོགས་ཕུན་ཚོགས་གནས་ཀྱི་རྩེ་མོར་སོན། །ཏ་མ་ལ་ཡི་མདངས་འཛིན་ཆུ་བོས་དུམ་བུར་འདབ་མ་ལྟར་བཅད་པས། །ཐ་དད་ཡུལ་གྲུའི་བཀོད་པ་སྟོང་གིས་ནེའུ་གསེང་མཛེས་པ་མུ་ཁྱུད་ལྟར། །དཱ་ནུའི་བུ་ཡི་ཡིད་ཅན་འཇུག་བྲལ་གངས་རིའི་ཕྲེང་བས་བསྐོར་ལ་སོགས། །ན་མར་ཡོན་ཏན་ཤམྦྷ་ལ་དངོས་ཆོས་རྒྱལ་དགྱེས་པའི་ཕོ་བྲང་མཛེས། །པ་སངས་ལྟར་མཛེས་རྗེས་ཆགས་བརྩེ་ཆེན་སྙིགས་མའི་གདུལ་བྱ་ལ་གཟིགས་པའི། །ཕ་རོལ་ཕྱིན་པའི་ཡོན་ཏན་གཏེར་གྱུར་ཀུན་མཁྱེན་བློ་གྲོས་དགྱེས་པའི་སྡེས། །བ་མཆོག་ལྟར་འུར་གནས་འདིར་ས་གནད་སྒྲུབ་པའི་རྣམ་ཐར་འཛིན་པའི་མོད། །མ་ལུས་སྐྱེ་དགུའི་དབང་པོ་སྡེྃ་བཞི་དགེྃ་བཅུའིྃ་མངྃའ་ཐངྃ་དརྃ་ཞེས་བསྔགས། །ཙ་མཱ་ར་ལྟར་སྣང་སྲིད་ཟིལ་གནོན་དགོངས་པའི་གདིང་གིས་ས་བཏུལ་ཚེ། །ཚ་ངར་མཐུ་ལྡན་དྷཱ་ཀི་བྱེ་བ་ཤ་ཟ་འདབ་ཆགས་ཟོལ་བརྫུས་ཏེ། །ཛ་ཧུའི་རྒྱུན་ལྟར་ཟླུམ་པོར་བསྐོར་བས་འདབ་མའི་ཟློས་གར་བསྒྱུར་ལ་སོགས། །ཝ་ལེར་ཀུན་ཁྱབ་དགེ་མཚན་རོལ་མོ་ཅིར་ཡང་ངོམས་པས་བློ་ཡིད་འཕྲོག །ཞྭ་ལྟར་བཀུར་འོས་པདྨའི་བཀའ་སྲུང་དགེ་བསྙེན་དབང་པོས་བཟུང་བའི་ཆུ། །ཟ་མ་ཏོག་སོགས་མཁོ་དགུའི་འདོད་ཡོན་བརྔན་དུ་ཕུལ་ནས་དམ་བསྒྲགས་ཚེ། །འ་འུར་རླབས་འཕྲེང་འབུམ་ཕྲག་གཡོ་བའི་མཚོ་ངོགས་ཉག་ཕྲན་ཟུག་པ་སོགས། །ཡ་མཚན་རྫུ་འཕྲུལ་བཀོད་པ་སྟོན་པའི་གནས་དེའི་ཨེ་མ་ངོ་མཚར་དཔལ། །ར་རིབ་སྒྲིབ་བྲལ་ཀུན་མཁྱེན་ཡེ་ཤེས་ཆོས་ཀྱི་ཉི་མ་གཅིག་པུ་དེས། །ལ་ལ་ཙམ་མིན་སྙིགས་འགྲོའི་གདུང་སེལ་ཀཱ་ལ་ཙཀྲའི་རྡོ་རྗེའི་དབྱངས། །ཤ་ཟ་ཀླ་ཀློའི་འཇུག་པ་བཟློག་སོགས་རྨད་བྱུང་དགོས་པ་དུ་མ་ཡིས། །ས་གསུམ་འགྲོ་ལ་སྟེར་བའི་ཞིང་འདི་རྐང་སྟེགས་གྱུར་ཀུན་སྐལ་པ་བཟང༌། །ཧ་ལམ་གཅམ་བུའི་རབ་བརྟགས་ངག་མིན་ངེས་པའི་ཡོན་ཏན་གནས་པའི་ཚོགས། །ཨ་ཏིའི་དགོངས་པའི་རྩལ་ཆེན་ཡོངས་རྫོགས་འཇའ་ལུས་རྡོ་རྗེའི་ཞལ་ལུང་བཞིན། །ཨ་ལ་ལ་ཞེས་དད་དང་གུས་པའི་དྲི་ཡི་བཞོན་པས་འདི་སྒྲོགས་ན། །ཧ་རིའི་ཚལ་གྱི་བསུང་ལྟར་གྱུར་ནས་དད་ལྡན་སྐལ་བཟང་དགྱེས་གྱུར་ཅིག །བདག་ཀྱང་སྐྱེ་ཀུན་མཚུངས་མེད་སྤོབས་པའི་ཉི་གཞོན་གསར་པའི་ལང་ཚོའི་ཟེར། །བདག་ཉིད་ཆེན་པོ་འཇམ་དབྱངས་བླ་མའི་རིང་ལུགས་པདྨོའི་གཉེན་གྱུར་ཏེ། །བདག་གཞན་འབྲེལ་ཚད་ཡེ་ཤེས་འོད་སྟོང་སྟེང་གི་མཁའ་ལ་ངོམས་པའི་མཐུས། །བདག་ཏུ་འཛིན་པའི་མུན་པ་གཏལ་བཅིལ་འཇམ་པའི་རྡོ་རྗེ་གྲུབ་གྱུར་ཅིག །ཅེས་པའང་རྡོ་རྗེའི་གནས་མཆོག་འདི་ཉིད་དུ་སྒྲུབ་ལ་གཞོལ་ན་གཞན་ལས་ལྷག་པའི་ཡིད་ཆེས་ཀྱི་བསྔགས་པ་དང་རྗེས་སུ་འབྲེལ་བས་ཁྱབ་བདག་འོད་གསལ་རྡོ་རྗེའི་བཀའ་ལུང་དད་པའི་དཔྱིད་དུ་ཐོབ་པ་ལྟར་བསྔགས་པའི་ཏམྦུ་ར་འདི་ཡང་ཀུན་མཁྱེན་ཡབ་སྲས་དགྱེས་པའི་འབངས་འཇམ་དཔལ་དགའ་བའི་བཤེས་གཉེན་གྱིས་བློ་མཚོ་ལས་སྤྲོས་པ་དགེ་ལེགས་ཀྱི་སྣང་བས་ས་གསུམ་མཛེས་པའི་རྒྱན་དུ་སྨོན་པའང་འགྲུབ་པར་གྱུར་ཅིག ། ༈ གོ་ཐིའི་བསང་བསྡུས་བཞུགས། བདེ་ཆེན་ཧེ་རུ་ཀ་ཡི་ཞིང༌། །རྩ་གསུམ་རྒྱ་མཚོ་འདུ་བའི་གནས། །ཞི་མཛད་རྡོ་རྗེའི་ས་སྤྱོད་ཆེ། །བཞུགས་པའི་གནས་བདག་འཁོར་དང་བཅས། །ཟག་མེད་ཀུན་བཟང་མཆོད་པའི་སྤྲིན། །འདོད་ཡོན་རྒྱ་མཚོའི་བསངས་ཀྱིས་མཆོད། །ཐུགས་དམ་བསྐང་ཞིང་ཉམས་ཆགས་བཤགས། དགྱེས་དགུའི་ཕྲིན་ལས་ཟབ་མོ་ཡིས། །བདག་ཅག་འཁོར་དང་བཅས་པ་ཡི། །ནད་གདོན་བར་ཆད་ཀུན་ཞི་ཞིང༌། །ཚེ་སྤེལ་འདོད་དགུའི་འབྱོར་པ་སྤེལ། །སྣང་སྲིད་དབང་བསྡུས་ལོག་འདྲེན་སྒྲོལ། །གནས་སྐབས་མཐར་ཐུག་དགེ་ལེགས་ཚོགས། །འཕེལ་ཞིང་རྒྱས་པའི་བཀྲ་ཤིས་སྩོལ། །ཅེས་པའང་གཞོན་ནུ་མངྒ་ལས་ལྷག་པའི་བསམ་པས་གང་ཤར་ཤུགས་འབྱུང་དུ་སྤེལ་བ་དགེ། ༈ བདེ་ཆེན་སེངྒེ་གནམ་རྫོང་གི་གནས་བསང་དགེ་མཚན་དཔྱིད་ཀྱི་དཔལ་མོའི་མགྲིན་གླུ་བཞུགས། ཧྲཱིཿ ཀ་དག་སྐྱེ་མེད་ཐིག་ལེ་ཉག་གཅིག་གཤིས། །ཁ་སྦྱོར་བདེ་ཆེན་རོལ་མོས་དགྱེས་པའི་སྤྲིན། །ག་ལ་བ་དེར་བསྟི་བའི་རང་སྣང་ཞིང༌། །ང་བདག་འཛིན་བྲལ་གཉུག་མ་ཆོས་ཀྱི་སྐུར། །ཅ་ག་གཉིས་སྣང་རྟོག་པས་མི་ཕྱེད་པའི། །ཆ་ལུགས་ཅིར་སྣང་རྒྱན་ཤར་རྡོ་རྗེའི་སྤྲིན། །ཇ་རིལ་མཆོད་དང་མཆོད་བྱ་མཉམ་པ་ཆེར། །ཉ་གང་ཟླ་ལྟར་བླ་མེད་མཆོད་པས་བརྔན། །ཏ་ཎ་ག་ཎའི་གསང་སྤྱོད་ལམ་གྱི་གྲོགས། །ཐ་དད་ཉེར་བཞི་རྡོ་རྗེའི་གནས་ཡུལ་སྐྱོངས། །དཱ་ནའི་རྩེར་སོན་བདེ་སྟོང་དགའ་བཞིའི་བསང༌། །ན་མར་སྟོབ་བོ་གཟུང་འཛིན་དབུ་མར་ཟླུམ། །པ་ལ་ཤ་ལྟར་འཇམ་པའི་གཡར་དམ་གྱིས། །ཕ་རོལ་བྱང་ཆུབ་བར་དུ་རྗེས་སྐྱོངས་གྲོགས། །བ་མཆོག་ལྟ་བུའི་འདོད་དགུའི་གྲུབ་པའི་གཏེར། །མ་གཅིག་ལྷ་མོ་ལ་སོགས་གནས་གཏེར་བདག །ཙ་མ་ར་ལྟར་དག་མཉམ་ཏིང་འཛིན་གྱིས། །ཚ་ངར་མཐུ་ཡི་ཕྲིན་ལས་མྱུར་བསྐུལ་ཕྱིར། །ཛ་ཧུའི་རྒྱུན་ལྟར་འདོད་ཡོན་དགྱེས་སྟོབ་ན། །ཝ་ལེར་དགྱེས་ཞལ་ཟླ་བའི་སྣང་བས་སྐྱོངས། །ཞྭ་ལམ་རབ་འབྱམས་སྨྲ་བའི་སེང་གེ་དང༌། །ཟ་ཧོར་མཁན་དངོས་རྒྱལ་ཚབ་ཆོས་ཀྱི་རྗེས། །འ་འུར་རྣམ་ཐར་སྙན་པའི་བ་དན་ནི། །ཡ་མཚན་སྲིད་ཞིའི་བླ་ན་གསལ་བར་མཛོད། །ར་བ་གངས་རིའི་བསྟན་པའི་སྙིང་པོའི་སྲོག །ལ་འུར་གདོད་མར་དབུགས་འབྱིན་ཐེག་མཆོག་གིས། །ཤ་ཁྲག་འོད་དུ་དེངས་བའི་གྲུབ་པ་ཆེའི། །ས་འདིར་འགེངས་བའི་དགེ་མཚན་སྒོ་འཕར་ཕྱེས། །ཧ་རིའི་ཚལ་ན་འགྲོགས་པའི་ལྗོན་བཟང་བཞིན། །ཨ་ཏིའི་སྲོལ་འཛིན་བསྟནྃ་གཉིསྃ་དརྃ་རྒྱསྃ་གླིངྃ༌། །ཨ་ཧོ་རིག་གྲོལ་སྤང་ཀློག་རྣམ་ཐར་འབུམ། །ཧ་སྱ་དགྱེས་པས་སྒེག་པ་ལྟ་བུར་མཛོད། །ཨི་ཤྭ་ར་སོགས་རྡོ་རྗེའི་ཆོས་སྲུང་ལས། །ཨུ་རྒྱན་བླ་མའི་བཀའ་ཡི་འབངས་བདག་ཀྱང༌། །ཨེ་མ་དགྱེས་པའི་སྣང་བ་གསར་པ་ཡིས། །ཨོ་ཌིའི་ཞིང་སོགས་ཉུལ་ལ་གནང་བ་སྩོལ། །བཀྲ་ཤིས་བླ་མེད་རྟག་པ་དམ་པའི་སྤྲིན། །མི་ཟད་ཕན་བདེའི་ནོར་བུའི་གཏེར་གྱི་དབྱིག །བརྟན་གཡོའི་ཁམས་ལ་བཞད་པ་ལྟར་གྱུར་ནས། །དགེ་མཚན་མཆོག་གིས་སྲིད་གསུམ་མཛེས་གྱུར་ཅིག །ཅེས་པའང་མདོ་ཁམས་ས་ཡི་ཐིག་ལེ་གསང་ཆེན་བསྟན་པའི་འབྱུང་གནས་འོག་མིན་བླ་མའི་གདན་ས་ཞེ་ཆེན་ཡང་དབེན་རབ་འབྱམས་སྨྲ་བའི་དབང་པོའི་གཟིམ་སྤྱིལ་དུ་བསྟི་བའི་སྐབས་རྒྱལ་ཁམས་ཀྱི་སྤྲང་འཁྱལ་ཨཀྵ་ར་མ་ཧཱ་ཡ་ནཱ་དྷྭ་ཛས་བྲིས་པ་དགེ་ལེགས་འཕེལ། ༈ སྣང་སྲིད་བདེ་ཆེན་ཕུག་པའི་བསང་ལྷ་རྫས་འདོད་དགུའི་སྤྲིན་ཕུང་བཞུགས། ཧྲཱིཿ ཀ་མ་ཡི་མདངས་འཛིན་ལྷ་སྨན་ཆེའི། །ཁང་བཟང་བཀོད་པས་བཟུང་བའི་བདེ་ཆེན་ཕུག །ག་ཎའི་འདུ་ཁང་ངོ་མཚར་གནས་མཆོག་བདག །ང་ཡིས་འབོད་དོ་མཆོད་པའི་མགྲོན་ལ་གཤེགས། །ཅ་ག་ལྷ་རྫས་ཁང་བཟང་འབྱོར་པའི་རིགས། །ཆང་ཕུད་དཀར་མངར་ཞལ་ཟས་མཁོ་དགུའི་སྤྲིན། །ཇ་དར་རྟ་ནོར་སྲོག་ཆགས་འདོད་ཡོན་གཏེར། །ཉམས་དགའ་ནམ་མཁའ་མཛོད་ཀྱི་གཏེར་ཆེན་པོ། །ཏ་ལའི་སྨན་ཤིང་བདུད་རྩིའི་ཟིལ་པའི་སྤྲིན། །ཐ་དད་ཚོགས་དྲུག་སིམ་སྟེར་ཇི་འདོད་རྒྱུན། །དད་དང་དམ་ཚིག་གཙང་མས་ལེགས་འབུལ་བས། །ན་ཚོད་གཞོན་ནུའི་དགྱེས་ཞལ་འཛུམ་པས་སྐྱོངས། །པ་ར་མི་ཏ་གཞན་ཕན་བྱང་སེམས་ཀྱིས། །ཕ་རོལ་སྲིད་པར་འཕྱན་པའི་འགྲོ་སྒྲོལ་ཆེད། །བ་མཆོག་ལྟ་བུའི་ལས་བཞིའི་ཕྲིན་ལས་ཚོགས། །མ་ལུས་བཅོལ་བ་ཙམ་གྱིས་སྒྲུབ་ཤིག་ཀྱཻ། །ཙཱ་རི་གཉིས་པ་གནས་མཆོག་དབེན་པ་འདིར། །ཚལ་ན་རྒྱུ་བའི་རི་དྭགས་བཞིན་བརྟེན་པའི། །ཛ་ཡའི་རྗེས་འཇུག་རྣལ་འབྱོར་སྒྲུབ་པ་པོ། །ཝཱ་ར་ཧི་དངོས་མ་གཅིག་ཁྱོད་ཀྱིས་སྐྱོངས། །ཞྭ་ལྟར་དཀོན་མཆོག་བཀུར་བའི་སྦྱིན་བདག་ཚོགས། །ཟ་མ་ཏོག་ལྟར་འདོད་དགུའི་ཕན་བདེའི་སྐྱེམས། །འ་འུར་འདིར་སྣང་འཁྲུལ་པས་མི་བསླུ་བར། །ཡ་མཚན་དགེ་བཅུའི་དཔལ་ལ་གཞོལ་བར་མཛོད། །རབ་མཛེས་ཐུབ་བསྟན་འཛིན་མཁས་འདུས་པའི་ཚོགས། །ལམ་བཟང་གསན་བསམ་སྒོམ་པ་མཐར་སོན་ཏེ། །ཤ་ཤ་དྷཱ་རའི་ལང་ཚོས་དྲེགས་པ་བཞིན། །ས་བཅུ་མཐར་སོན་སྲིད་པ་མིང་མེད་མཛོད། །ཧ་རིའི་བསང་སྤྲིན་མཆོག་གིས་བདེ་བ་ཆེའི། །ཨ་ཧཾ་བཅུ་དྲུག་འཕོ་མེད་དགའ་བའི་སྡུག །རྡོ་རྗེ་བཙུན་མོའི་ཀློང་དུ་རྟག་རོལ་པས། །འཁོར་འདས་རང་གྲོལ་ཡེ་སངས་ཡེ་གྲོལ་མཛོད། །ཅེས་པའང་རང་གི་ཐོག་སྒོའི་དབེན་གནས་བཟང་ལུང་བྲག་ཕུའི་གནས་ཀྱི་རྒྱལ་པོའི་ཚོགས་དགྱེས་པ་བསྐྱེད་ཕྱིར་མངྒ་ལས་སོ།། ༈ སྣང་སྲིད་བདེ་ཆེན་ཕུག་པར་བསྔགས་པའི་རོལ་མོ་བསམ་གཏན་གྲུབ་པའི་རྣ་རྒྱན་བཞུགས། མང་མང་སྲས་བཅས་རྒྱལ་ཀུན་དགྱེས་པའི་ཡེ་ཤེས་སྣ་ཚོགས་ཤིང་རྟའི་འགྲོས། །ཡང་ཡང་སྲིད་པའི་འགྲོ་ལ་རྗེས་ཆགས་སྙིང་རྗེའི་མངལ་ཁུར་གྱིས་དུད་བཞིན། །མཚར་མཚར་སྒྱུ་འཕྲུལ་རྡོ་རྗེའི་གྲུ་ཆར་གངས་ལྗོངས་གདུལ་བྱའི་དཔྱིད་གྱུར་པའི། །མཛེས་མཛེས་མཁས་གྲུབ་ཡོངས་ཀྱི་སྤྱི་མེས་ཁྱབ་བདག་རྣམ་གསུམ་རྒྱལ་གྱུར་ཅིག །རབ་དཀར་བསོད་ནམས་བྱེ་བའི་འབབ་སྟེགས་རྒྱལ་ཀུན་རྗེས་བསྔགས་དབེན་པའི་ལྗོངས། །རབ་མཛེས་ཡིད་འཕྲོག་བཀོད་པས་ཆེས་བཀྲ་སྣང་སྲིད་བདེ་ཆེན་འཆར་བའི་ཞིང༌། །རབ་སྙན་ངག་གི་ཉམས་འགྱུར་དུ་མའི་བསྟོད་པའི་མེ་ཏོག་གིས་བརྒྱན་པས། །རབ་ཏུ་ཐར་པ་རྩེ་གཅིག་འདོད་པའི་སྐལ་བཟང་བསྐུལ་བའི་མགྲིན་གླུ་དངོས། །ཀིངྴུའི་མདངས་འཛིན་བྲག་དམར་ཕ་གུ་བརྗིད་པར་བརྩེགས་པའི་ཁོར་ཡུག་ཏུ། །ཁུ་བྱུག་མྱོས་པའི་དབྱངས་སྙན་སྒྲོགས་བཞིན་རྩེན་པའི་ལྷ་ཤིང་ཕྲེང་བ་བསྟར། །གེ་སར་ངོམས་པའི་མེ་ཏོག་གིས་ཁེབ་ནེའུ་སེང་དར་བས་མདུན་བརྡར་བའི། །ངོ་མཚར་དབེན་གནས་བལྟ་ན་སྡུག་འདི་སྐབས་གསུམ་གྲོང་གི་དགའ་ཚལ་བཞིན། །ཅི་ནས་མཉེན་ལྷུག་ཡལ་འདབ་རབ་རྒྱས་ནཱིཙྪ་ལ་ཡི་ལྡིང་ཁང་འོག །ཆུ་རྒྱུན་དྭངས་བསིལ་ཕྱོགས་ཀུན་ཁེབ་པ་ལྷུང་ལྷུང་སྙན་པའི་རྒྱུད་མང་གིས། །ཇེ་ཞིག་མ་ཡིན་ད་ལྟ་ལ་འུར་ཐར་པར་བསྐུལ་བའི་བརྡ་ཐབས་བཅས། །ཉོ་ཚོང་སོ་ནམ་འདིར་སྣང་རྙེད་བྲལ་དམ་ཆོས་ངང་འཕེལ་ལྗོངས་ཡངས་པར། །ཏི་ཕུ་འཇོལ་མོ་བྱམས་པའི་སྒྲོགས་འུར་བག་ཕེབས་བསྟེན་པའི་གནས་གྱུར་ཅིང༌། །ཐུ་བོ་འཕགས་པའི་རྣམ་ཐར་ལྟར་མཛེས་རི་སྐྱིལ་མདུན་དུ་དལ་གྱི་དཀྱུ། །དེས་པའི་སྤྱོད་ལྡན་བརྟན་བརྗིད་ལྗོན་ཤིང་གར་སྟབས་གཡོ་བའི་ཕྲེང་བ་ཅན། །ནོར་བུའི་དབྱིབས་འཛིན་ལྷུན་ཆགས་རི་བོ་ན་བུན་བསྐྱོད་པའི་མགུལ་ཆིངས་བཀྲ། །པིར་གྱིས་བྲིས་ལྟར་རྣམ་བཀྲའི་རྒྱུ་སྐར་འོད་ཟེར་སྟོང་གི་དྲྭ་བ་ཡི། །ཕུ་ན་བརྟན་བརྗིད་ཀེ་ལ་ཤ་རིར་འཁྱུད་པའི་ལང་ཚོའི་ཉམས་འགྱུར་བཅས། །བཻ་ཌཱུའི་མདངས་འཛིན་དབང་སྔོན་ལ་ཐོད་འཆིང་དང་ཆབས་ཅིག་ཆར་སྤྲིན་གྱི། །མོས་པ་དོན་ཡོད་དབེན་གནས་རྣལ་འབྱོར་སྐྱོ་བར་དོགས་ཏེ་བཀྲམ་པ་བཞིན། །ཙིཏྟའི་བཀོད་པ་རང་བྱུང་ཕུག་མཛེས་རྡོ་རྗེའི་ནེའུ་ཚང་མཐོན་པོའི་དཀྱིལ། །ཚུ་རོལ་སྐྱེ་བོས་བགྲོད་པར་དཀའ་ཡང་བསམ་གཏན་འདོད་པའི་སྐྱེས་བུ་ལ། །ཛེ་ཏའི་ཚལ་སོགས་ཐུབ་པའི་གནས་བཞིན་ཉམས་རྟོགས་དཔལ་གྱི་ ཡོན་ཏན་རྒྱུན། །ཝོ་ཛི་ནས་ཀྱང་སྨྲ་བར་ནུས་མིན་དཀྱིལ་འཁོར་འདུས་པའི་གནས་འདིར་སྟེར། །ཞིང་དེར་བསྟི་ལ་དགྱེས་པས་སྐྱོངས་བའི་དཀར་ཕྱོགས་ལྷན་ཅིག་སྐྱེས་པའི་གཙོ། །ཟུ་ལེ་སྨན་སོགས་བརྟན་མའི་གཙོ་བོ་མ་གཅིག་རོལ་པའི་བརྡ་ཐབས་ཀྱིས། །འེ་ཞེས་བོས་པའི་རྟེན་འབྱུང་ལས་ཤར་སྔོན་བྱོན་གྲུབ་དབང་གདན་སའི་མཐིལ། །ཡོ་གི་བདག་ཀྱང་བརྟེན་པས་ཚིམ་པའི་གྲུབ་གཉིས་དཔལ་ཡོན་ཅིར་ཡང་བྱིན། །རི་ཀླུང་ཀུན་ཏུ་གཡུ་ཤུག་ཚང་ཚིང་ཟིལ་པའི་དོགས་པས་བརྒྱན་པའི་གུར། །ལུ་མའི་ཚལ་དུ་གསེར་གྱི་གཡེར་ཁ་ལྟར་མཛེས་ཤང་དྲིལ་མེ་ཏོག་རྒྱས། །ཤེ་མུན་ལྟར་མནན་ཁྲོས་པའི་གཅན་ཟན་རྒྱུ་བའི་སྲང་དུ་ལེགས་གྱུར་ཅིང༌། །སོས་ཀའི་དུས་བཟང་སྟེང་འཐུང་རབ་དཀར་ཟླ་ཞུན་བྱུག་པ་ཁེངས་པ་བཅིལ། །ཧི་མ་ལ་སོགས་རྡོ་རྗེའི་གནས་བཞིན་སྐུ་གསུམ་བཀོད་པའི་ཕུག་པ་ཅན། །ཨུ་རྒྱན་ཡུལ་ཕྱོགས་བདེ་ཆེན་ཞལ་རས་ཀུན་ཏུ་ཕྱོགས་པའི་ཉམས་འགྱུར་ཅན། །ཧེ་རུ་ཀ་དཔལ་དགྱེས་པའི་གྲོང་བཞིན་དྷཱ་ཀིའི་སྒྲུབ་གནས་ཡོན་ཏན་རྫོགས། །ཨོ་ཌི་ཡཱ་ན་མཚོ་སྐྱེས་རྒྱལ་བས་བསྔགས་པའི་གནས་ལ་ཅོ་འདྲི་བར། །རྣམ་དག་ངེས་འབྱུང་རླུང་གིས་བར་མེད་བསྐུལ་བའི་ཁྱེའུ་ཆུང་མངྒ་ལ། །རྣམ་རིག་བ་དན་དབང་མེད་བསྐྱོད་པས་གྲུབ་པའི་བསྟི་གནས་དེར་བརྟེན་ཏེ། །རྣམ་གྲོལ་བྱང་ཆུབ་སྙིང་ལ་འཁྱིལ་པའི་སྒྲུབ་པའི་དམ་བཅའ་བཟུང་བའི་ཚེ། །རྣམ་མང་ཡོན་ཏན་སྙན་ངག་གསེར་གྱི་དྲྭ་བ་འཕྱང་བས་བརྒྱན་པའི་མཐུས། །དགེ་ལེགས་ཕན་བདེའི་ཨུཏྤལ་གསར་པའི་ལང་ཚོའི་ཟིལ་མངར་འབུམ་གྱི་གཏེར། །དགེ་བཅུའི་ཡལ་འདབ་ཡངས་པའི་ར་བ་ལྗོངས་འདིར་ཀུན་ནས་ཁེངས་བཞིན་དུ། །དགེ་མཚན་ཐུབ་བསྟན་ཀེ་ས་ར་ཡི་འཛུམ་ཕྲེང་ལུང་རྟོགས་འཇོ་སྒེག་ཀྱིས། །དགེ་བར་བྱས་པས་རང་གཞན་དོན་གཉིས་ལྷུན་རྫོགས་འབྲས་བུའི་སར་ཕྱིན་ཤོག །ཅེས་པའང་རང་ཉིད་ཀྱི་ཐོག་མའི་དབེན་གནས་བྲག་ཕུག་གི་དགའ་ཚལ་རྡོ་རྗེའི་ཀེའུ་ཚང་གི་བྱ་སྐྱིབས་སྣང་སྲིད་བདེ་ཆེན་ཕུག་པར་སྤང་བ་བསམ་གཏན་པའི་ཁུར་དུ་གནས་པའི་ཚེ་ཁྱེའུ་གཞོན་ནུ་བཀྲ་ཤིས་དཔལ་འབྱོར་གྱིས་བགྲང་བྱའི་ཕུང་པོ་ཕྱོགས་ལ་ཀླུའི་བརྒྱན་པའི་སྐབས་བྲིས་པ་དགེ ༈ རང་བྱུང་ནམ་མཁའ་ཕུག་གི་གནས་བསང་གྲུབ་གཉིས་སྤྲིན་གྱི་རོལ་མོ་བཞུགས། ཧྲཱིཿ ཀ་དག་མི་ཤིགས་བློ་འདས་གཉུག་མའི་གཤིས། །ཁ་སྦྱོར་བདེ་ཆེན་ངེས་པ་ལྔ་ལྡན་པའི། །ག་ཎ་མཎྜལ་ངོ་མཚར་གནས་ཀྱི་བདག །ང་ཡིས་འབོད་དོ་མཆོད་པའི་མགྲོན་ལ་གཤེགས། །ཅ་ག་ལྷ་རྫས་བཀོད་པའི་འདོད་ཡོན་སྤྲིན། །ཆ་ལུགས་ངོ་མཚར་བལྟ་ན་སྡུག་པའི་རྫས། །ཇ་ཆང་ཞིམ་མངར་སྐྱེམས་ཀྱི་ཕུད་འཁྱིལ་བཞིན། །ཉ་གང་ཟླ་བའི་མདངས་འཛིན་གཏོར་མས་བརྔན། །ཏ་ཐཱ་ག་ཏ་གྲུབ་དབང་ནམ་མཁའི་མཚན། །ཐ་ཚིག་གཉན་པོའི་ཡལ་གམ་མ་བསྙེལ་བར། །ད་ལྟ་གནས་འདིར་སྒོམས་པའི་རྣལ་འབྱོར་ལ། །ན་ཚོད་གཞོན་ནུའི་དགྱེས་ཞལ་འཛུམ་པས་པས་སྐྱོངས། །པ་ར་མི་ཏ་བདེ་ཆེན་རིག་པའི་ཀློང༌། །ཕ་མཐའ་ཡས་པའི་ཞིང་ཀུན་ལྷུན་རྫོགས་གནས། །བ་མཆོག་ལྟ་བུའི་གྲུབ་གཉིས་མྱུར་སྩོལ་ལ། །མ་དག་མནོལ་བཙོག་སྲིད་ཀུན་དབྱིངས་སུ་བསང༌། །ཙཱ་རི་དངོས་སྣང་ངོ་མཚར་གྲུབ་པའི་གནས། །ཚ་གྲང་སྙོམས་པའི་ཏིང་འཛིན་ངང་འཕེལ་རིར། །ཛ་ཡ་རྩ་གསུམ་རྒྱལ་བའི་དཀྱིལ་འཁོར་ལ། །ཝ་ལེར་དག་མཉམ་རོལ་པའི་ཕྱག་གིས་བཏུད། །ཞྭ་ལྟར་བཀུར་འོས་རྣལ་འབྱོར་གྲུབ་པའི་ཁྱུ། །ཟ་འདོད་ཁྱིམ་སྤང་སྡོམ་བརྩོན་འཕེལ་ཞིང་རྒྱས། །འ་འུར་ངེད་ཅག་སྦྱིན་བདག་འཁོར་དང་བཅས། །ཡ་མཚན་ཕན་བདེའི་མངའ་ཐང་དར་བར་མཛོད། །ར་བ་བྲག་རིའི་ལ་ཐོད་འཆང་བ་ཡི། །ལ་ཀླུང་དབང་བྱེད་གནས་བདག་དཀར་ཕྱོགས་ཚོགས། །ཤ་ཟ་འབྱུང་པོའི་གནོད་པའི་སེམས་ཞི་སྟེ། །ས་བཅུའི་གཞི་མ་བྱང་ཆུབ་སེམས་ལྡན་ཤོག །ཧ་རིའི་ངད་སྤྲིན་བསང་གི་དགའ་སྟོན་གྱི། །ཨ་ཧོ་དགྱེས་པའི་གནས་མགྲོན་དམ་ཚིག་སྐྱོངས། །མཐར་ཐུག་རོ་གཅིག་མཉམ་ཉིད་གདོད་མའི་གཞིར། །སྐུ་གསུམ་ལྷུན་རྫོགས་བཙན་ས་ཟིན་གྱུར་ཅིག །ཅེས་པའང་གནས་མཆོག་དེ་ཉིད་དུ་བསྟི་བའི་སྐབས་བསང་རེ་ཕུལ་ན་ལེགས་པའི་ཚུལ་ཁྱབ་བདག་བླ་མ་འོད་གསལ་རྡོ་རྗེའི་བཀའ་བཞིན་རྗེས་སུ་སྒྲུབ་པའི་ཕྱིར་གཏད་མེད་ཀྱི་བྱིས་པ་མངྒ་ལས་སྤེལ་བའང་དོན་ལྡན་དུ་གྱུར་ཅིག ། ༈ རང་བྱུང་ནམ་མཁའ་ཕུག་ལ་བསྔགས་པ་རིག་སྟོང་གཉུག་མའི་རྒྱན་ཞེས་བྱ་བ། མང་མང་རྒྱལ་ཀུན་གསུང་གི་རྡོ་རྗེའི་དབྱངས་ཀྱི་རྒྱལ་མོའི་སྒྱུ་འཕྲུལ་སྤྲིན། །གསལ་གསལ་བློ་ཡི་སྣང་བ་འབུམ་ཕྲག་དྲན་པས་སྟེར་བའི་མཉྫུ་ཤྲཱི། །མཛེས་མཛེས་དགེ་བའི་བཤེས་ཀྱི་བཀོད་པ་དད་བརྒྱའི་མིག་ལ་ངོམས་པའི་དཔྱིད། །སྙན་སྙན་ཤིས་པའི་དབྱངས་ཀྱིས་བསྟོད་དེ་སླར་ཡང་ངེས་པའི་གཏམ་འདི་སྤྲོ། །ཀ་དག་ཐེག་མཆོག་སྒོམས་པའི་གནས་ཀྱི་དཔྱད་པ་རྫོགས་པའི་ངོ་མཚར་རིར། །ཁ་དོག་མཐོན་མཐིང་སྔོ་སངས་བུ་མོས་གདམས་ངག་ནུ་ཞོ་སྟེར་བཞིན་དུ། །ག་གཱའི་ཁྱོན་ཡངས་ཉི་ཟླའི་བགྲོད་པ་རིང་དང་རང་སྣང་ཐོད་རྒལ་གྱི། །ང་བདག་རྡོས་བཅས་འཆིང་བ་བསྙིལ་ཏེ་སྣང་བཞིའི་ལྟད་མོར་འབྱམས་སུ་ཀླས། །ཅ་ཅོས་མི་ཁྱིམ་རྒྱུ་འགྲུལ་ཀུན་བྲལ་ཤིན་ཏུ་སྟོང་པའི་རྫ་རིའི་རྩེར། །ཆ་ཤས་མངོན་མིན་ཉམས་འགྱུར་རྫོགས་པའི་ན་བུན་གོས་སུ་གྱོན་བཞིན་དུ། །ཇ་ཧང་མཐིང་སྔོན་སྤེལ་མའི་བྲག་དཀར་ལ་ཐོད་ལྟ་བུར་བརྗིད་པའི་མགུལ། །ཉ་ཟླས་འཁྱུད་པའི་ཁ་བའི་སྟོད་གཡོགས་དུས་བཞིའི་ཁྱོན་ཀུན་ཕལ་ཆེར་མཛེས། །ཏཱ་རེ་དགྱེས་པའི་གནྡྷོ་ལས་མཚོན་རི་གླིང་འདུས་པའི་བཀོད་པ་འབུམ། །ཐ་དད་མ་འདྲེས་བཀྲམ་པ་ལྟར་བུར་མཎྜལ་མཆོད་པའི་བསྟི་སྟངས་བཞིན། །ད་ལྟ་ཙམ་ལ་མ་ངེས་དུས་ཀྱི་ཉམས་འགྱུར་བྱེ་བའི་དགའ་སྟོན་ནི། །ན་མར་ངོམས་པས་སྐྱོ་བ་སངས་པའི་ལྟད་མོ་འབུམ་ཕྲག་བཤམས་པ་དངོས། །པ་སངས་ལ་སོགས་རྒྱུ་སྐར་ཚོགས་ཀྱང་འོག་ཏུ་བསྟི་བ་ལྟར་གྱུར་པས། །ཕ་མཐའ་ཡས་པའི་ལྷུན་པོའི་ཚོགས་རྣམས་རྒྱལ་ཕྲན་རྗེ་ལ་འདུད་པ་ལྟར། །བ་མོར་བཅས་པའི་དགུན་གྱི་རེག་བྱས་བསྡོམས་ཚེ་སུས་ཀྱང་མི་ཕྱིན་པ། །མ་རྒྱུད་གཏུམ་མོའི་ཆེ་བ་མཚོན་ཕྱིར་སྟོང་གསུམ་བྱེད་པོས་བཀོད་མིན་ནམ། །ཙཱ་རིའི་གནས་བཞིན་འཇིགས་ལ་ཟིལ་ཆེ་ཐ་མལ་སྐྱེས་བུའི་བསྟེན་དཀའི་གནས། །ཚ་གྲང་ཆ་སྙོམས་འདུ་བ་རྒྱུན་གཅོད་ཉམས་དགའ་རླུང་རིག་ངང་གིས་དྭངས། །ཛ་ཧུའི་རྒྱུན་འགྲན་གསེར་ལྡན་དལ་འགྲོ་མདུན་ནས་བསྐྱོད་དང་ཆབས་ཅིག་ཏུ། །ཝ་ལེར་ཞིང་ཀུན་བརྡལ་བའི་ན་བུན་དོ་ར་ལྟར་གྱུར་མདུན་ན་བཀྲམ། །ཞ་རེང་བགྲོད་མིན་ལྷུན་སྟུག་བྲག་རི་རྣམ་རྒྱལ་ལྷ་ཡི་ཁང་བཟང་ངོས། །ཟ་འོག་མདངས་འཕྲོག་འདབ་སྟོང་བཀོད་ལེགས་ཆོས་བཟང་འདུན་སའི་སྐྱིད་ཚལ་འགྲན། །འ་ཅག་བསྟི་འདོད་ལ་འུར་སྤྱོན་ཅེས་ལྕུག་ཕྲན་ལག་པའི་ཟློས་གར་བསྒྱུར། །ཡ་ཀིའི་ཚངས་གནས་འདིར་འཕོས་མིན་ནམ་ཁྱེད་མཚུངས་ཡོད་མེད་འཕྱང་མོ་ཉུག། །ར་བ་བྲག་གི་ངོས་ནས་གནམ་ཆུ་དར་དཀར་འཕྱར་བ་ལྟར་འབབ་ཅིང༌། །ལ་འུར་བསྐྱོད་པའི་སྤྲིན་གྱི་རྒྱུ་བ་ཕན་ཚུན་འགྲན་པ་བཞིན་གྱུར་ཏེ། །ཤ་མང་སུལ་ལྟར་ལུང་ཕྲན་ཚོགས་ཀུན་འཇའ་ཡི་དྲྭ་བ་འབྲེལ་བའི་མོད། །ས་ཀུན་ཆུ་མཚོ་ཉི་ཞུར་ན་བུན་ངེས་པ་མིན་པས་ཁེབས་པར་གྱུར། །ཧ་ཧར་རྒོད་མཚུངས་རྐྱང་མོས་ངུར་སྒྲས་ཁེངས་པར་བྱས་དང་ལྷན་ཅིག་པར། །ཨ་ཏིའི་དགོངས་པ་ངར་བསྐྱེད་འགྱུར་བའི་ཐབས་དང་བཅས་པའི་སྐད་ཅིག་ལ། །ཨ་ཧོ་རྡོ་རྗེའི་དོ་ཧའི་དབྱངས་སྙན་ཞིང་ཀུན་ཁྱབ་པའི་རོལ་མོ་ཅན། །ཧ་གླུ་དགྱེས་པས་བརྟེན་པའི་ཡོན་ཏན་ཆ་ཙམ་ལས་གཞན་སུ་ཡིས་བརྗོད། །རབ་མཛེས་འདན་ཤོད་དགེ་བཅུའི་གཡང་འཁྱིལ་ཟོ་དོར་ཡོངས་ཀྱི་རྒྱལ་པོའི་མགུལ། །རབ་ཏུ་མཉམ་པར་བཞག་པའི་ཁུར་འཆང་རྣལ་འབྱོར་བསྟེན་པའི་ལག་རྗེས་སུ། །རབ་སྙན་བསྟོད་པའི་གླིང་བུ་འདི་ཡང་སོར་བཅུའི་གར་གྱིས་འཁྲོལ་གྱུར་ན། །རབ་དགའི་ཐར་འདོད་སྐལ་བཟང་གྲུབ་པས་ས་དེར་ཁེངས་པ་ལྟར་གྱུར་ཅིག །ཅེས་པའང་སྤྲིན་དཀར་གདན་དུ་འདིང་བའི་གནས་མཆོག་དེ་ཀའི་མགུལ་དུ་བསྟི་བའི་སྐབས་གཅེར་ཉལ་མཁན་མངྒ་ལས་ངག་གི་རོལ་མོ་ཅུང་ཟད་འཁྲོལ་པའི་སུག་རྗེས་ལགས་སོ། ༈ ཡང་དབེན་ཕྱག་འཚལ་སྒང་གི་གནས་བདག་སྤྱིའི་བསང་བཀྲ་ཤིས་གྲུབ་གཉིས་སྤྲིན་ཆེན་བཞུགས། ཨོཾ་སྭ་སྟི་སིདྡྷཾ། གྲུབ་དབང་དམ་པ་སངས་རྒྱས་ཀྱི་སྒྲུབ་གནས་ཡང་དབེན་ཆེན་པོའི་གནས་བདག་མཆོད་པར་འདོད་པས་གཏོར་མ་གསེར་སྐྱེམས་བསང་སོགས་གཙང་སྦྱར། དམེ་ནལ་ཤ་ཁྲག་གིས་མ་གོས་པར་སྟ་གོན་དུ་བྱས་པ་བྱིན་རླབས་སྔོན་དུ་འགྲོ་བས། ཧཱུྃ་ཧྲཱིཿ ཀ་དག་མི་ཤིགས་རིག་སྟོང་གཉུག་མའི་རྩལ། །ཁ་དོག་འོད་ལྔའི་དྲྭ་བ་ཕྱིར་གསལ་གདངས། །གང་སྣང་བདེ་ཆེན་དག་པ་རབ་འབྱམས་ཞིང༌། །ང་བདག་འཛིན་བྲལ་ངོ་མཚར་དབེན་གནས་བདག །ཅ་ཅོ་སྙན་པའི་དབྱངས་ཀྱིས་དེང་འབོད་ན། །ཆས་བཟང་དགྱེས་ཞལ་སྟོན་ཟླའི་ཡིད་འཇོ་བས། །ཇ་ཆང་གཏོར་མའི་དགའ་སྟོན་ལེགས་རོལ་ཕྱིར། །ཉ་གང་ཟླ་བ་པདྨོའི་གདན་ལ་བཞུགས། །ཏ་ཐཱ་ག་ཏའི་གདུང་འཛིན་ཀ་མ་ལའི། །ཐ་ཚིག་ཡལ་གམ་དུས་སུ་མ་བསྙེལ་པས། །དག་མཉམ་ཏིང་འཛིན་རོལ་པས་དམ་བསྲེ་ན། །ན་མར་གུས་པའི་ཕྱག་གིས་བཏུད་པར་དགྱེས། །པ་ར་མི་ཏ་བྱང་ཆུབ་སྤྱོད་པ་ཆེས། །ཕ་རོལ་བསྟན་འགྲོ་དབུགས་འབྱིན་ལྷག་བསམ་གྱིས། །བས་མཐའི་ཡང་དབེན་ཉུལ་བའི་རྣལ་འབྱོར་པ། །མ་བུ་བཞིན་དུ་གནས་མགྲོན་གཉེར་ཁས་སྐྱོངས། །ཙཱ་རུའི་བཟའ་བ་ལ་སོགས་མཁོ་རྒུའི་རྫས། །ཚ་གྲང་སྡུག་བསྔལ་ཞི་བྱེད་ཁྲུས་སྨན་བསང༌། །ཛ་ཧུའི་རྒྱུན་ལྟར་དངོས་དང་ཏིང་འཛིན་ལས། །ཝ་ལེར་སྤྲོ་བས་རྟག་ཏུ་དགྱེས་སྤྱོད་ན། །ཞྭ་གོས་འདུ་འཛིའི་སྒྲོག་ལས་མངོན་གྲོལ་ཏེ། །ཟ་འདོད་རེ་དོགས་རང་ཟད་རིག་པའི་ཀློང༌། །འ་འུར་བློ་བུར་རྟོག་པའི་སྤྲིན་ཕུང་གཏིབས། །ཡ་མཚན་མཆོག་དངོས་གྲུབ་པའི་སྡོང་གྲོགས་སྐྱོངས། །རབ་རིབ་གཉིས་སྣང་སྦུབ་ལས་རྣམ་གྲོལ་གཤིས། །ལམ་ལྔ་ལྷུན་རྫོགས་ངེས་དོན་ཀུན་བཟང་ཀློང༌། །ཤ་ཤ་དྷཱ་རའི་དཀྱིལ་འཁོར་རྫོགས་པ་བཞིན། །ས་བཅུ་མཐར་སོན་ཁྱད་ཆོས་དྲུག་ལྡན་མཛོད། །ཧ་ཧ་བདེ་ཆེན་དགྱེས་པའི་གར་དང་བཅས། །ཨ་ཏི་ཐེག་མཆོག་སྒོམ་པའི་རྣལ་འབྱོར་པ། །ནམ་མཁའི་རྣལ་འབྱོར་དགོངས་པའི་སྲོག་ཐོབ་སྟེ། །དོན་གཉིས་ལྷུན་གྲུབ་དགེ་མཚན་འཕེལ་གྱུར་ཅིག །ཅེས་པའང་ཡུལ་གྱི་དགེ་བཅུ་གཡང་དུ་འཁྱིལ་བའི་གནས་དེ་ཉིད་དུ་སྒྲུབ་པ་ལ་གཞོལ་བའི་སྐབས་ཀུ་སཱ་ལི་མངྒ་ལས་སྤེལ་བ་དགེ་མཚན་ཅུང་ཟད་དང་བཅས་པའོ། ༈ སྨད་ཤོད་ཡུལ་ལྷ་སྤྱིའི་བསང་བཀྲ་ཤིས་ལྷ་ཡི་རྔ་སྒྲ་བཞུགས། ཨོཾ་སྭ་སྟི། གཙང་མའི་གནས་སུ་གསེར་སྐྱེམས། གཏོར་མ་དཀར་དམར། བསང་ཕྱེ། འབྲུ་སྨན། དར་ཟབ། རིན་ཆེན་ཕྱེ་མས་སྤེལ་བ་བདུད་རྩི་ཅན་གྱི་ཤིང་སྣའི་དུད་པ་ལ་མེར་བསྲེག་ཆབ་ཀྱི་བྲན་ཏེ། རང་ཉིད་ལྷ་ཡི་ང་རྒྱལ་ལ་གནས་པས་རྔ་རོལ་དབྱངས་དང་བཅས་ཏེ། ཀྱཻ། ཡུལ་ནི་མདོ་ཁམས་སྨད་ཀྱི་ཆར། །དབང་བྱེད་ཡུལ་ལྷའི་གཙོ་བོ་ནི། །སྒང་དྲུག་གཞི་བདག་བཅུ་གཉིས་དང༌། །ཆུ་བཞིའི་དགེ་བསྙེན་ཆེན་པོ་བཞི། །ཁྱད་པར་ཤོད་ཆེན་བཞིའི་ཡ་གྱལ། །གནས་དང་གནས་ཆེན་ཕྲེང་བ་བསྟར། །རི་ཀླུང་ཟབ་མོ་གཏེར་གྱི་བཀང༌། །ཆོས་ཀྱི་རྒྱལ་པོ་འཕགས་པ་དང༌། །ཟབ་གཏེར་རིག་འཛིན་དུ་མ་ཡིས། །བྱིན་བརླབས་ངོ་མཚར་སྨད་ཤོད་ཀྱི། །ཡུལ་ལ་དབང་བྱེད་དགེ་བསྙེན་ཆེ། །རྡོ་རྗེ་མུ་ནམ་སྐུ་མདོག་དཀར། །དར་དཀར་ཤེལ་དཀར་ཤེལ་རྨོག་གསོལ། །མདུང་དར་ནོར་བུ་ཕྱག་ན་བསྣམས། །མཆེད་བརྒྱད་བཙུན་མོ་བློན་འཁོར་བཅས། །གཞན་ཡང་ཡུལ་དེར་གནས་པ་ཡི། །ང་འདྲ་མཆེད་བརྒྱད་འཛུམ་གཙང་དཀར། །ཛམ་གྱི་བྱ་དཀར་བྱ་དམར་སོགས། །ཕུ་མདའ་ཉིན་སྲིབ་རི་ཀླུང་མཚོ། །གངས་བྲག་ཤིང་ལ་གནས་པ་ཡི། །ཡུལ་སྐྱོང་གཉན་པོ་ཐམས་ཅད་ལ། །གཏོར་མ་གསེར་སྐྱེམས་ཕུད་མཆོད་དང༌། །གཙང་ཕྱེ་དཀར་དམར་འབྲུ་སྨན་དར། །འདོད་དགུའི་མཆོད་སྤྲིན་འབད་མེད་དུ། །འཆར་བའི་བདུད་རྩིའི་ཤིང་གི་ཚོགས། །མེ་དང་སྦྱར་བའི་དུད་སྤྲིན་གྱིས། །སྤོས་ཀྱི་ངད་ལྡང་རྨུག་པ་བསངས། །ཐུགས་ལ་ཅི་བཞེད་འབྱུང་བའི་དཔལ། །ལྷུན་གྱིས་གྲུབ་པའི་གཏེར་ཆེན་པོའི། །དཀར་ཕྱོགས་ཡུལ་ལྷའི་ཚོགས་ཀུན་བརྔན། །ཉམས་གྲིབ་མནོལ་བཙོག་ཐམས་ཅད་བསང༌། །སྐུ་གསུང་ཐུགས་ལ་དགྱེས་པ་བསྐྱེད། །ནག་ཕྱོགས་འདྲེ་སྲིན་གློ་བུར་ལྷགས། །ཀུན་ལ་ཚིམས་བྱེད་གསུར་མཆོད་ཀྱིས། །བུ་ལོན་ཤ་འཁོན་ལན་ཆགས་བྱང༌། །ལྷ་སྲུང་མི་དང་མི་འབྲལ་བའི། །གནས་མགྲོན་དམ་ཚིག་མ་གཡེལ་བར། །སྲུང་སྐྱོབ་ཅི་འདོད་ཕྲིན་ལས་སྒྲུབས། །འཁོན་དང་སྒྲིབ་པ་ཐམས་ཅད་ཞི། །ཁྱེད་རྣམས་མཆོད་ཅིང་བསྟོད་པའི་དུས། །ནད་གདོན་བར་ཆད་འགལ་རྐྱེན་སོལ། །ཚེ་དཔལ་བསོད་ནམས་དབང་ཐང་དང༌། །རླུང་རྟའི་དཔལ་བསྐྱེད་ཅི་འདོད་འགྲུབ། །དགྲ་གདོན་བགེགས་ཀྱི་གནོད་པ་སྐྱོབས། །ལེགས་དང་སྤྲོད་ལ་ཉེས་ཀུན་བསྣོལ། །ཉིན་སྲུང་མཚན་སྐྱོབས་མ་གཡེལ་བར། །བཀྲ་ཤིས་བདེ་ལེགས་ཕུན་ཚོགས་མཛོད། །ཅེས་པའང་རྣམ་པར་དཀར་བའི་ལས་སྨོན་ཅན་སྡེ་དགེ་ཕུ་མ་ཚང་རིན་ཆེན་རྣམ་རྒྱལ་ནས་ཆེད་དུ་བསྐུལ་བ་བཞིན་རྒན་པོ་མངྒ་ལས་ཕན་སེམས་ཀྱི་བྲིས་པ་དོན་དང་ལྡན་པར་གྱུར་ཅིག ། ༈ བདེ་ཆེན་པདྨ་ཤེལ་ཕུག་གི་གནས་ཀྱི་བསང་མཆོད་འོད་གསལ་སྤྲིན་གྱི་རོལ་མོ་ཞེས་བྱ་བ་བཞུགས། ཀྱཻ། གཟོད་ནས་ཀ་དག་གཉུག་མའི་རྩལ། །ལྷུན་གྲུབ་ཡེ་ཤེས་རོལ་པའི་སྤྲིན། །སྒྲོན་མ་རྣམ་པར་བཀོད་པ་ལས། །སྐུ་གསུམ་ཞིང་ཁམས་བསམ་ཡས་པའི། །བྱེ་བྲག་མདོ་ཁམས་གྲུབ་པའི་ལྗོངས། །སྐུ་གསུང་ཐུགས་ཡོན་ཕྲིན་ལས་ཀྱི། །རྡོ་རྗེའི་གནས་ཆེན་ཉེར་ལྔ་ལས། །ཡོན་ཏན་གསུང་གི་གནས་མཆོག་སྟེ། །དུར་ཁྲོད་ཆེན་པོ་བསིལ་ཚལ་དང༌། །དཔལ་གྱི་མཆིམས་ཕུའི་ནགས་ཁྲོད་ཆེ། །དབྱེར་མེད་བྱིན་གྱིས་རླབས་པ་ཡི། །ངོ་མཚར་ཛམ་ལྷ་རིགས་ལྔའི་ཞིང༌། །བདེ་ཆེན་པདྨ་ཤེལ་གྱི་ཕུག །འོད་གསལ་སྤྲིན་གྱི་སྐྱེས་མོས་ཚལ། །ཀུན་བཟང་སྒྱུ་འཕྲུལ་དྲྭ་བའི་ཞིང༌། །རྟག་ཏུ་དགྱེས་བཞུགས་རྩ་གསུམ་ལྷ། །རབ་འབྱམས་བསམ་མི་ཁྱབ་ཀུན་དང༌། །གདོད་མའི་མགོན་པོ་རྡོ་རྗེ་སེམས། །དགའ་རབ་ཤྲཱི་སེང་པདྨ་འབྱུང༌། །སྡེ་གསུམ་ཀློང་དགུ་ཆུ་བོ་བཞིའི། །བརྒྱུད་པ་དྲུག་ལྡན་བླ་མ་བསང༌། །ཞི་བ་རིགས་གཅིག་རིགས་གསུམ་ལྔ། །རིགས་བརྒྱ་དཔལ་ཆེན་ཚོམ་བུ་དགུ། །བདུན་བརྒྱ་ཉེར་ལྔ་ལ་སོགས་པའི། །ཡི་དམ་བཀའ་བརྒྱད་ལྷ་ཚོགས་བསང༌། །དབྱིངས་ཡུམ་ཕག་མོ་ཁྲོས་མ་ནག །ཡེ་ཤེས་མཁའ་འགྲོ་སྡེ་ལྔ་སོགས། །ཐུགས་གསུང་སྐུ་ཡི་དཀྱིལ་འཁོར་གྱི། །འབུམ་ཕྲག་ཡངས་པའི་ཌཱ་ཀི་བསང༌། །ཨེ་ཀ་ཛཱ་ཊི་རྡོ་རྗེ་ལེགས། །ཁྱབ་འཇུག་མ་ནིང་ཛམ་ལྷ་ལྔ། །རྒྱུད་གསུམ་དམ་ཅན་དྲེགས་པ་དང༌། །གནོད་སྦྱིན་ནོར་ལྷ་རྒྱ་མཚོ་བསང༌། །ཟབ་མོ་གཏེར་གྱི་བྱ་ར་བ། །ཛམ་གྱི་བྱ་དཀར་བྱ་དམར་ཞེས། །ལྷ་བཙན་བདུད་དང་ཀླུ་སྨན་ལྔ། །གནས་བདག་ཟོ་དོར་འཁོར་བཅས་བསང༌། །དེ་ཝི་ཀོ་ཊི་ཟིལ་ཁྲོམ་གཉན། །རྡོ་རྗེ་མུ་ནམ་ང་འདྲ་བརྒྱད། །དཔའ་བོ་ར་ཅོག་འཛུམ་དཀར་སོགས། །མཆོད་འོས་མགྲོན་གྱི་ཚོགས་ཀུན་བསང༌། །ཕྱི་ལྟར་བདུད་རྩི་ཅན་གྱི་ཤིང༌། །མེ་དང་སྦྱོར་བའི་སྤོས་སྤྲིན་ལས། །འདོད་ཡོན་ཟད་པ་མེད་འཕྲོ་བས། །རྡོ་རྗེའི་གནས་འདིར་བཞུགས་ཀུན་བསང༌། །ནང་ལྟར་རང་བྱུང་ལུས་ཀྱི་གྲོང༌། །ཁུ་རྡུལ་རླུང་གསུམ་དག་པའི་འགྲོས། །བདེ་སྟོང་དགའ་བཞིའི་འགྲོ་འོང་གིས། །གནས་ཡུལ་དཔའ་བོ་མཁའ་འགྲོ་བསང༌། །ངེས་དོན་ཆོས་སྐུ་དབྱིངས་ཀྱི་མཁར། །འོད་གསལ་ལྷུན་གྲུབ་རིག་པའི་གདངས། །སྣང་བཞིའི་སྒྲོན་མའི་མཆོད་སྤྲིན་གྱིས། །རང་སྣང་རྩ་གསུམ་དཀྱིལ་འཁོར་བསང༌། །དོན་དམ་གཙང་དམེའི་རྟོག་བྲལ་ཡང༌། །ཀུན་རྫོབ་སྒྱུ་མའི་སྣང་བའི་ཆར། །གཟུང་འཛིན་ཀུན་བརྟགས་གྲིབ་མནོལ་ཚོགས། །ཡེ་གྲོལ་ཁྱབ་བརྡལ་ཆེན་པོར་བསང༌། །གནས་འདིའི་སྒྲུབ་པའི་རིག་འཛིན་ལ། །ཀོ་ལོང་རུ་ང་མ་མཛད་པར། །རྟག་ཏུ་དགྱེས་པས་སྐྱོངས་བ་དང༌། །ས་ལམ་བགྲོད་པའི་གྲོགས་མཛོད་ཅིག །ཐུན་མོང་སྣོད་བཅུད་དགེ་ལེགས་འཕེལ། །སྐྱེ་དགུའི་ཡིད་སྣང་ཆོས་ལ་བསྒྱུར། །ཐུན་མིན་ཡེ་ཤེས་དགོངས་ཉམས་སྤོར། །གྲོལ་བ་དྲུག་གི་ཕྲིན་ལས་སྤེལ། །རྡོ་རྗེའི་གནས་མཆོག་འོག་མིན་ཞིང༌། །རྡོ་རྗེའི་བླ་མ་རྩ་གསུམ་ལྷའི། །རྡོ་རྗེའི་བྱིན་རླབས་ཆེན་པོ་ཡིས། །རྡོ་རྗེའི་ཡེ་ཤེས་བཙན་ཐབས་བསྐྱེད། །ཁྱབ་བརྡལ་ཆེན་པོའི་དགོངས་ཀློང་དང༌། །གཉིས་སུ་མེད་པར་བྱིན་རླབས་ཏེ། །རང་གྲོལ་ཀ་དག་གདོད་མའི་གཞིར། །འཇའ་ལུས་རྡོ་རྗེའི་སྲོག་གྲུབ་མཛོད། །ཅེས་པའང་སྔོན་སྨོན་བསྐལ་པ་བཟང་པོའི་རྟེན་འབྱུང་གིས་བསིལ་ལྡན་འཛིན་མའི་ཐིག་ལེར་འགྲན་ཟླ་དང་བྲལ་བའི་རང་བྱུང་གདོད་ནས་གྲུབ་པའི་རྡོ་རྗེའི་གནས་སུ་བསྔགས་པ་དོན་དང་ལྡན་པ་དེར་གནས་འབྲེལ་གྱི་སྐབས་ཉེར་མཁོའི་དབང་གིས་འཇམ་མགོན་བླ་མ་དགྱེས་པའི་འབངས་འཇིགས་མེད་མཁྱེན་བརྩེའི་འོད་ཟེར་བཀྲ་ཤིས་དཔལ་འབྱོར་གྱིས་བྲིས་པ་དགེ་ལེགས་ཀྱི་དཔལ་ཀུན་འཕེལ་ཞིང་རྒྱས་པའི་དཔལ་དུ་གྱུར་ཅིག །མངྒ་ལཾ། ༈ སྟག་ཚང་གནས་བསང་དཀར་ཕྱོགས་ལྷ་སྲུང་དགྱེས་པའི་རོལ་མོ་བཞུགས། ཀ་རུ་ཎི་ཀས་ཕྱག་མཚན་བཞེས་པའི་ཞིང༌། ཁ་བའི་ལྗོངས་སུ་བསྟན་འགྲོའི་དཔལ་སྤེལ་ཕྱིར། །ག་བུར་འཛིན་མཚུངས་མཚོ་སྐྱེས་བླ་མ་ཡི། །ང་ཡི་ཞིང་དུ་བདག་གིར་མཛད་མཆོད་ཕྱིར། །ཅ་ཅོ་སྙན་སྒྲོགས་གླུ་གར་རོལ་མོའི་དབྱངས། །ཆ་བྱད་མ་ངེས་ཕྱི་ནང་མཆོད་ཕྲེང་བསྟར། །ཇ་ཆང་གསེར་སྐྱེམས་གཡུ་སྐྱེམས་ཕུད་རྒོད་མཚོ། །ཉ་རྒྱས་ཟླ་མཚུངས་འབྲང་རྒྱས་ཞལ་དཀར་སོགས། །ཏ་ལའི་འདབ་ཕྱོགས་བཟང་ཤིང་སྤོས་དུད་སྤྲིན། །ཐ་ཚིག་རྗེས་སུ་བསྐུལ་བའི་བརྔན་དུ་མཆོད། །ད་ལ་བསྟན་འགྲོ་སྙིགས་མས་གདུང་བའི་དུས། །ན་ཚོད་དར་བའི་ལང་ཚོར་འགྲན་པ་ཡི། །པ་སངས་ལྟ་བུའི་རྒྱལ་བསྟན་ལུང་རྟོགས་དར། །ཕ་མཐའ་ཡས་པའི་ལུས་ཅན་ཕན་བདེའི་འབྱོར། །བ་མཆོག་འཇོ་བཞིན་རྣམ་དཀར་དཔལ་བརྒྱས་ཕྱུག །མ་དང་བུ་བཞིན་འཁྲུགས་རྩོད་ཞི་བདེའི་ཚལ། །ཙཱ་གངས་དང་མཚུངས་རྡོ་རྗེའི་གནས་འདི་རུ། །ཚ་གྲང་དཀའ་ཐུབ་བཟོད་པའི་སྒྲུབ་པོས་ཁེངས། །ཛ་ཏིའི་མེ་ཏོག་ལྟར་མཛེས་དགེ་འདུན་སྡེའི། །ཝ་ལྟར་མི་ཞུམ་དབུ་འཕང་སྲིད་རྩེར་བཀོད། །ཞྭ་བཞིན་ཟོ་དོར་དབུ་འཕང་དགུང་དུ་བསྟོད། །ཟྭ་ལྟར་རྩུབ་པའི་དམ་སྲིའི་བསམ་སྦྱོར་ཞི། །འ་འུར་ཙམ་མིན་དཀར་ཕྱོགས་ཕྲིན་ལས་ཀྱི། །ཡ་མཚན་མཐོང་བའི་ཆོས་ལ་ངོམས་མཛོད་ཀྱེ། །ར་བ་བསིལ་ལྡན་ཆོས་ཀྱི་རྒྱལ་ཁབ་ཀྱང༌། །ལ་འུར་རང་བཙན་རྒྱལ་བའི་རུ་མཚོན་ཕྱོར། །ཤ་རྐྱང་སྤང་ལ་བརྩེ་བཞིན་དགའ་མགུ་ཡི། །ས་སྟེང་སྙན་པས་ཁྱབ་པ་མྱུར་དུ་མཛོད། །ཧ་རིའི་ནགས་ཚལ་རྒྱས་པ་ཁ་བཞིའི་ལྗོངས། །ཨ་ཧོ་ཕུན་ཚོགས་སྡེ་བཞིའི་དཔལ་འབྱོར་དང༌། །མི་ཆོས་གཙང་མ་བཅུ་དྲུག་དཔལ་སྤྱོད་པའི། །སྦས་པའི་གནས་མཆོག་ཉམས་པ་མེད་པ་དང༌། །ཨི་ཤྭ་ར་བཞིན་གནས་པའི་རྣལ་འབྱོར་ཡང༌། །ཨུ་ད་དྷཱི་ལྟར་དཀར་བའི་བསམ་སྦྱོར་འགྲུབ། །ཨེ་མ་ཐུན་མོང་མཆོག་གི་དངོས་གྲུབ་དཔལ། །ཨོ་རྒྱན་ཡུལ་བཞིན་མྱུར་དུ་འགྲུབ་པར་མཛོད། །ཅེས་རྒྱ་བོད་ཀུན་ཏུ་རྒྱུ་བའི་དྲང་སྲོང་རྒན་པོ་རྡོ་རྗེའི་གནས་མདུན་དུ་ངལ་འཚོ་བའི་བསམ་གཏན་གྱི་ཁང་བུ་བདེ་མཆོག་འཆི་མེད་ཀུན་དགའི་གླིང་གྲུབ་པའི་ཚེ་གང་དྲན་སུག་བྲིས་སུ་བགྱིས་པ་ཚེ་ཆོས་མཐའ་རུ་ཕྱིན་པའི་རྟེན་འབྱུང་དུ་གྱུར་ཅིག ༈ སྟག་ཚང་གནས་བསང་དབང་དྲག་དགྱེས་རོལ་བཞུགས། ཧྲཱིཿ ཀ་མ་ལ་ཡི་ལང་ཚོའི་འཁྱུད་པ་ཡི། །ཁ་རྡུལ་བརྩེགས་བཞིན་ངོ་མཚར་བྲག་དཀར་ལྷུན། །ག་ལ་བར་གནས་དཀར་ཕྱོགས་དགེ་བསྙེན་ཚོགས། །ང་ཡིས་འབོད་དོ་ད་ལྟ་མྱུར་བར་སྤྱོན། །ཅ་ཅོའི་སྙན་བརྗིད་རོལ་མོའི་བྱེ་བྲག་དང༌། །ཆས་བཟང་ལྷ་རྫས་གང་བཞེད་འདོད་དགུའི་གཏེར། །ཇ་ཆང་འོ་མའི་ཞལ་སྐྱེམས་རྒྱ་མཚོའི་ཚོགས། །ཉ་ཟླའི་བརྟན་འཕྲོག་བདུད་རྩིའི་བསང་གིས་བརྔན། །ཏ་ལའི་སྨན་ཤིང་སྤྱིལ་བུའི་ལྡུམ་ར་རུ། །ཐ་ཚིག་བགོས་པའི་གཡར་དམ་མ་བསྙེལ་བར། །ད་ལྟ་གསོལ་བའི་ལས་ཀུན་དོན་ཡོད་པར། །ནམ་ཡང་སྒྲུབས་ཤིག་མཐུ་ལྡན་དྲེགས་པའི་རྗེ། །ས་ཝ་སངས་བཞིན་རབ་དཀར་དགེ་བའི་ལས། །ཕ་མཐར་སོན་པའི་འབྲས་བུས་ཉམས་རྟོགས་ཚོགས། །བ་མཆོག་དཔག་བསམ་ཤིང་གིས་ཆ་མཚོན་པའི། །མ་ལུས་མཐར་སོན་ཆོས་ཀྱི་སྡོང་གྲོགས་མཛོད། །ཙ་ཎ་ཀཿལྟར་བྱམས་པའི་ཁྱོད་མཆོད་ན། །ཚ་གྲང་ནད་སོགས་མི་མཐུན་གནོད་པ་ལས། །ཛ་ཡ་མཐུན་རྐྱེན་ཕུན་ཚོགས་དགའ་བའི་སྟོན། །ཝ་ལེར་ད་ལྟ་མྱུར་བར་ཆར་ལྟར་ཕོབ། །ཞྭ་ལྟར་མཆོད་འོས་གསང་སྔགས་འཛིན་པའི་བདག །ཟ་འདོད་རྙེད་བཀུར་སྤང་བས་རིར་ཉུལ་བའི། །འ་འུར་ཆོས་བརྒྱད་གཡུལ་ལས་རྣམ་རྒྱལ་ཏེ། །ཡ་མཚན་ཆེན་པོའི་དངོས་གྲུབ་སྡོང་གྲོགས་མཛོད། །རབ་མཛེས་ངོ་མཚར་གྲུབ་པའི་སྨན་ལྗོངས་འདིར། །ལམ་བཟང་སྒྲུབ་པའི་རྣལ་འབྱོར་རྒྱུན་མི་འཆད། །ཤ་ཁྲག་འོད་སྐུར་དེངས་པའི་དགེ་མཚན་གྱིས། །ས་མཆོག་རྒྱལ་བའི་གོ་འཕང་མངོན་དུ་གྱུར། །ཧ་ལ་མི་སྲུན་རྟོག་པའི་སྒྲིབ་གྲོལ་ཏེ། །ཨ་དོན་སྐྱེ་མེད་གཟུ་བོའི་ཀློང་ཡངས་པར། །ང་ཁྱོད་བྲལ་བའི་ཆོས་དབྱིངས་མཉམ་པ་ཆེར། །རོ་གཅིག་སངས་རྒྱས་སྲིད་པ་དོང་སྤྲུགས་ཤོག །ཅེས་པའང་ཀུན་ཏུ་རྒྱུ་ཙནྡྲའི་མིང་གིས་གང་ཤར་སྤེལ་བ་དགེ། ༈ སྟག་ཚང་གནས་བསྟོད་ཡིད་ཆེས་བློའི་རྒྱན་ཞེས་བྱ་བ། མི་ཤིགས་ངེས་དོན་ཆོས་དབྱིངས་མཐའ་བྲལ་ཡེ་ཤེས་ཟབ་མོའི་ཀློང་ཡངས་པར། །ཆེ་བའི་ཡོན་ཏན་ལྷུན་གྲུབ་རྫོགས་པའི་རྒྱལ་བ་ཀུན་གྱི་ཞལ་སྐྱིན་ནི། །ངོ་མཚར་རྣམ་ཐར་བྱེ་བའི་མངའ་བདག་མཚུངས་མེད་རྣམ་འདྲེན་ཆོས་ཀྱི་རྗེ། །དུས་ཀུན་མི་བསྙེལ་ཚངས་པའི་འཁོར་ལོ་ནོར་བུའི་ཐོད་བཞིན་བརྗིད་པ་ཡིས། །ཀྭ་ཡེ་གྲོགས་དག་བསམ་གཏན་བདུད་རྩི་སྙིང་ལ་སིམ་པའི་འདུལ་པའི་ཁྱུ། །ཁ་བཤད་ཙམ་མིན་ངེས་པའི་དམ་ཆོས་གཅིག་ཏུ་བཞེད་པའི་ཡིད་ཀྱི་མཚོར། །ག་ལ་བ་དེར་སིམ་པ་ལྟར་འཇུག་དབེན་པར་བསྔགས་པའི་ཟླ་ཟེར་ཞིག །ང་ལ་ཡོད་ཅེས་ངོམས་པ་བཞིན་དུ་སྤྲོ་ན་དགྱེས་པའི་དཔལ་འཕེལ་མཛོད། །ཅ་ཅོ་ཟབ་སྒྲོགས་དྭངས་བསིལ་རྙོགས་མིན་རྒྱུན་རིང་ལྷ་ཆུའི་འབབ་སྟེགས་ངོགས། །ཆ་ཙམ་ངོམས་པའི་བྲག་རིའི་བྱ་སྐྱིབས་བལྟ་ན་སྡུག་པའི་རི་ཡི་ཞོལ། །ཇ་རིལ་ཚ་གྲང་འཇིགས་པ་ཀུན་སྐྱོབས་ཕྱེད་སྐྱིལ་ཉམས་དགའི་བཀོད་པ་ནི། །ཉ་གང་ཟླ་བའི་བདུད་རྩིས་བྲན་ཚེ་སྙིང་ལ་ཀུན་དགའི་དཔྱིད་ཀྱང་སྟེར། །ཏཱ་རེ་འཕགས་མའི་ཞིང་གི་ཚལ་བཞིན་དབྱར་གྱི་དུས་སྟོན་བརྡོ་བའི་མོད། །ཐ་དད་ལྗོན་བཟང་འདབ་གུར་བྲེས་པའི་ལྡིང་ཁང་བཀོད་ལེགས་ཉམས་དགའ་བར། །དཱ་ནུས་བུས་དགྲས་འདུན་ས་ལས་ལྷག་ནེའུ་སེང་སྒེག་པའི་སྐྱེད་མོས་ཚལ། །ན་ཆུང་འབུམ་གྱི་བཀུར་བསྟིས་མཚོན་མིན་རླུང་བསིལ་དལ་བུས་རེག་པ་བདེ། །པ་སངས་མདངས་འཛིན་ཁོར་ཡུག་ཁེབ་པའི་སྤྲིན་ལས་འོང་བའི་ཁ་རྡུལ་གྱིས། །ཕ་མཐར་བརྡལ་བའི་མེ་ཏོག་སིལ་མ་བཀྲམ་པའི་དགུན་གྱི་རེག་བྱའི་ཚེ། །བ་གླང་ལྟར་འུར་སྐྱེ་བོས་བགྲོད་དཀའི་སེར་བུ་འགོག་མེད་གཡོ་བཞིན་དུ། །མ་རྨས་གཏུམ་མོའི་རེག་འཇམ་གོས་ལ་ཀུན་ཏུ་ཡིད་ཆེས་ངེས་པ་སྟེར། །ཙ་མ་ར་ལྟར་དྲེགས་པས་བསྒྱིངས་པའི་ཤ་ཟ་གཅན་གཟན་རྒྱུ་བའི་སྲང༌། །ཚ་ངར་ཀོ་ལོང་བཙན་པའི་གནས་བདག་འཇིགས་ཟིལ་ཆོ་འཕྲུལ་ཀུན་ཏུ་སྟོན། །ཛ་ཡ་རྣམ་ཐར་འུར་མིན་ཀུན་སྤང་གྲུབ་པས་བསྙེན་པའི་བྲག་རིའི་གཤམ། །ཝ་ལེར་ཡིད་ལ་འཆར་བ་ཙམ་ཡང་རབ་དགའི་སིམ་པས་མྱོས་ལ་ལྟོས། །ཞྭ་མོའི་ཏོག་ལྟར་བརྗིད་པའི་བྲག་དཀར་དབང་སྔོན་ཐོད་དུ་འཆིང་བཞིན་པས། །ཟ་མ་ཏོག་དང་ཙིཏྟའི་དབྱིབས་འཛིན་ཕྱོགས་ཕྱོགས་གཡུ་ཤུག་དོ་ཤལ་འཕྱང༌། །འ་འུར་འདུ་འཛིའི་གཡེང་བས་བཏང་བའི་དབང་དྲག་དགྱེས་པའི་ཕོ་བྲང་དེར། །ཡ་མཚན་རྣལ་འབྱོར་སྒྲུབ་པའི་རྒྱལ་མཚན་བརྟན་པོར་བཟུང་བའི་གནས་སུ་བྱིན། །རྭ་ལྟར་གཟེངས་པའི་ནགས་ཀྱིས་བསྐོར་དབུས་སྤོས་ཀྱི་གླང་པོར་དལ་བུས་འཕྱོ། །ལ་འུར་འབེབས་པའི་ཁ་ཆར་ན་བུན་འདུ་འབྲལ་སྤང་བའི་སྟོད་གཡོགས་མཛེས། །ཤ་བ་རོག་པོའི་སྤུན་ལྟར་འགྲན་པའི་བྱ་བཏང་རྒྱལ་པོ་དགྱེས་པའི་ཁབ། །ས་གཞིའི་དཔྱད་ལེགས་རྟེན་འབྲེལ་བཟང་པོའི་ཚོགས་པ་ཀུན་ཀྱང་སྲུངས་པ་བཞིན། །ཧ་རིའི་ཚལ་ན་སྟགྃ་མོའི་འགྱིང་ལྟར་ཡོན་ཏན་ཀུན་ཚངྃ་དབེན་པའི་ཚལ། །ཨ་མཚར་ཙམ་མིན་བསྟོད་པའི་གཞན་གསོས་མགྲིན་རྔས་འཁྱུད་པས་ཀྱང༌། །ཧ་ལ་ཆོས་བརྒྱད་ཤུན་བྲལ་རྣལ་འབྱོར་བསམ་གཏན་སྐྱོངས་བའི་བརྟུལ་ཞུགས་ཀྱིས། །ཨ་ཧོ་ཡིད་ལ་སིམ་པའི་རོལ་སྟོན་ཟད་པ་མེད་པའི་གཉེན་གྱུར་ཅིག །ཅེས་པའང་ཀ་རྨད་ཡེ་གེའི་ཕྱི་མོ་ལས་འཕྲོས་པའི་སྙན་ངག་གི་འགྱུར་བ་ཅུང་ཟད་འདི་ཡང་གནས་དེ་ཉིད་དུ་བསྐྱོད་པའི་སྐབས་ཀུ་སཱ་ལི་རས་བཙུན་བདེ་ཆེན་བཞད་པའི་ལང་ཚོས་གང་ཤར་སྤེལ་བའི་འཆར་གཞིའོ།། ༈ ཟིལ་ཕུ་དང་རྨ་རོང་ཡུལ་ལྷའི་བསངས་བཞུགས། ཀྱཻ། ཕུན་སུམ་ཚོགས་པའི་ནོར་འཛིན་ཆར། །དམ་པ་ལྷ་ཡི་ཆུ་བོ་བཞིའི། །རེ་ཁཱ་བཀྲ་བ་མདོ་ཁམས་ལྗོངས། །སྒང་ཆེན་དྲུག་ལས་ཁྱད་འཕགས་པ། །སྡེ་བཞི་དགེ་བ་བཅུ་ལྡན་ཞིང༌། །མཁས་གྲུབ་གསེར་རིའི་ཕྲེང་མཚར་མཛེས། །སྤང་ཀློག་དགེ་འདུན་སྡེ་ཡིས་བརྒྱན། །འབྲི་ཟླ་སྒང་དུ་གྲགས་པ་ཡི། །ཡུལ་ལྷ་དབང་བྱེད་ཟིལ་ཁྲོམ་གཉན། །སྐུ་མདོག་དཀར་གསལ་དར་ཐོད་ཅན། །སྣ་ཚོགས་ཟ་འོག་ན་བཟའ་གསོལ། །ཕྱག་ན་རལ་གྲི་མདུང་དར་བསྣམས། །རྟ་དཀར་གཡུ་རྔོག་ལྡན་པ་ཆིབས། །བཙུན་མོ་སྲས་བློན་འཁོར་བཅས་དང༌། །ཡུལ་འདིར་གནས་པ་ཐམས་ཅད་ལ། །གཏོར་མ་དཀོར་ཆ་གསེར་སྐྱེམས་ཕུད། །སྟག་གཟིག་རས་མ་དར་སྣ་སོགས། །ཐུགས་ལ་ཅི་བཞེད་དེར་འཆར་བའི། །མཆོད་པ་དམ་པས་དགྱེས་པ་བསྐྱེད། །ཉམས་ཆག་འཁོན་མནོལ་ཐམས་ཅད་བཤགས། །མི་དང་ལྷ་རུ་མ་འབྲལ་བར། །སྲུང་སྐྱོབས་སྡོང་གྲོགས་ཕྲིན་ལས་འགྲུབ། །རྒྱབ་རྟེན་མ་གཡེལ་བརྩེ་གདུང་གྱིས། །ཚེ་བསོད་དབང་ཐང་རླུང་རྟ་སྤེལ། །བཀྲ་ཤིས་བདེ་ལེགས་ཕུན་ཚོགས་མཛོད། །ཅེས་པའང་ཡིག་དྲུག་འཆི་མེད་རིག་འཛིན་ཕ་བུས་བསྐུལ་བ་བཞིན་མངྒ་ལས་ཕན་སེམས་ཀྱི་བྲིས་པ་དགེ་ལེགས་འཕེལ། ༈ ཡུལ་ལྷའི་བསང་བཞུགས། ཀྱཻ། ཕུན་ཚོགས་འདོད་ཡོན་སྤྲིན་ཆེན་པོ། །རྣམ་པ་ཟག་མེད་ཅིར་ཡང་འཆར། །ངོ་བོ་བྱང་ཆུབ་སེམས་ཆེན་པོའི། །རང་བཞིན་ཕན་བདེ་ཀུན་སྟེར་འདིས། །ལྗོངས་འདིར་རྟག་ཆགས་ཟོ་དོར་དང༌། །གློ་བུར་ལྷགས་པ་ཐམས་ཅད་ཀྱི། །འཁོར་དང་སྤྲུལ་པ་ལས་བྱེད་ལ། །དབང་པོ་དྲུག་ལ་སིམ་སྟེར་བ། །མི་ཟད་ནམ་མཁའ་མཛོད་དུ་འབུལ། །སྣོད་བཅུད་མི་གཙང་དྲི་མ་བསང༌། །མགྲོན་རིགས་མཆོག་ཏུ་དགྱེས་པ་བསྐྱེད། །འཁོན་འགྲས་འཁྲུགས་པ་དབྱིངས་སུ་ཞི། །ཕོག་ཐུག་འགྲམ་འཁྲུགས་ཞི་བར་ཟླུམ། །ཡུལ་ལྷ་དགྱེས་པས་ངོ་སོ་བསྟོད། །དབུ་འཕང་རི་རྒྱལ་རྩེ་བཞིན་བསྟོད། །ཕྲིན་ལས་ཉི་ཟླའི་འོད་ཀྱིས་བསྐྱང༌། །སྣོད་ཀྱི་འབྱུང་བཞིའི་དཔལ་ཡོན་དར། །ལེ་ལེགས་འབྲུ་འཕེལ་བཅུད་དང་ལྡན། །སྐྱེ་དགུའི་ཚོགས་ཀུན་ཚེ་དཔལ་འཕེལ། །བསོད་ནམས་རླུང་རྟའི་དགེ་མཚན་དང༌། །ལྷ་དང་མི་གཉིས་གནས་མགྲོན་གྱི། །དམ་ཚིག་གཙང་བས་བཀྲ་ཤིས་དང༌། །དགེ་ལེགས་དཔལ་འཕེལ་མཆོག་གསུམ་གུས། །རྒྱལ་བསྟན་བཤད་སྒྲུབ་ལས་གསུམ་གྱི། །འཛིན་མཛད་སྡེ་དང་བཅས་པ་སྐྱོབས། །རྣམ་དཀར་དགེ་མཚན་མི་ཉམས་པའི། །བཀྲ་ཤིས་ཕུན་ཚོགས་གཡང་འཁྱིལ་ཤོག །ཅེས་པའང་རྒྱལ་བ་ཞེ་ཆེན་པའི་བསྟན་པའི་སྲོག་འཛིན་མཁན་པོ་ཀུན་བཟང་མཐར་ཕྱིན། དབུ་བགྲེས་འགྱུར་མེད་དར་རྒྱས། འགྱུར་མེད་ཀུན་བཟང་སོགས། ནམ་མདོའི་ཞེ་གྲྭ་སྤྱི་ནས་གསུང་བསྐུལ་བཞིན་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ཆོས་སྡེ་དེ་ཉིད་དུ་སྤྲོ་བསང་སྐབས་རས་དཀར་ལྡིང་གུར་དུ་བྲིས་པ་དོན་ལྡན་དུ་གྱུར་ཅིག ༈ ཡུལ་ལྷ་སྤྱི་བསང་བཞུགས། ཀྱཻ། ཕུན་ཚོགས་དགེ་བཅུའི་དཔལ་ལྡན་སྨན་གྱི་ལྗོངས། །སྒྲུབ་བརྒྱུད་བསྟན་པའི་སྙིང་པོ་དར་རྒྱས་གླིང༌། །དབང་བྱེད་ཟོ་དོར་གཉན་པོ་གཏེར་སྲུང་ཆེ། །དགེ་བསྙེན་རྡོ་རྗེ་རྒྱལ་མཚན་སྤྲུལ་འཁོར་བཅས། །བཀྲ་ཤིས་ལྷ་རྩེ་ཤིང་རི་ནག་འཛོང་དང༌། །སྟོབས་རྩལ་ཐོགས་མེད་ཀླུ་ཡི་རྒྱལ་པོ་ཆེ། །ཇོ་བོ་དབོན་བྲག་ལྡན་སྟོད་སྒྲོལ་མ་བྲག །ལེབ་རྒྱལ་དཀར་ཡག་འོམ་ཆེན་ལྷ་རྩེ་དང༌། །སྟག་རྣ་ཕྱུག་མོ་འགོ་འཛོང་ལྷ་ཡི་རྩེ། །གུ་ར་མགོན་པོ་གླེ་གདོང་སྟག་རྩེ་རྒྱལ། །ཤང་ཤིན་རི་བཀྲ་དྷ་ཏི་དགེ་བསྙེན་སོགས། །ཕུ་མདའ་ཉིན་སྲིབ་རི་ཀླུང་མཚོ་བྲག་ལ། །གནས་པའི་མཆོད་འོས་མགྲོན་ཀུན་སྤྱན་འདྲེན་གཤེགས། །བདུད་རྩིའི་ཤིང་གི་དུད་སྤྲིན་འདོད་ཡོན་འཕྲོ། །མཐུན་རྫས་མི་ཟད་ནམ་མཁའ་མཛོད་འཆར་བས། །དགྱེས་བསྐྱེད་འཁོན་མནོལ་གྲིབ་ཀྱིས་ཕོག་པ་བསང༌། །གནས་མགྲོན་ཐ་ཚིག་ནམ་ཡང་མི་གཡེལ་བར། །ཆོས་ཀྱི་སྡེ་འདིར་བཤད་སྒྲུབ་བསྟན་པ་འཕེལ། །སྣོད་བཅུད་བཀྲ་ཤིས་དགེ་མཚན་འཕེལ་རྒྱས་བརྟན། །ནད་མུག་འཁྲུགས་རྩོད་དུས་ཀྱི་རྒུད་ཚོགས་ཞི། །ལོ་ལེགས་འབྲུ་འཕེལ་ཕྱྭ་གཡང་རྒྱས་ཤིང་དར། །བཀྲ་ཤིས་དགེ་མཚན་དོན་གཉིས་ལྷུན་གྲུབ་མཛོད། །ཅེས་རྗེ་དབོན་འཆི་མེད་མཆོག་སྤྲུལ་ཀརྨ་འོད་གསལ་ཕྲིན་ལས་དཔལ་ལྡན་ནས་གསུང་བསྐུལ་བཞིན་མཚོ་སྐྱེས་པདྨ་རྒྱལ་པོའི་འབངས་བཀྲ་ཤིས་དཔལ་འབྱོར་དོན་ཐམས་ཅད་གྲུབ་པའི་སྡེས་ཆོས་སྡེ་དེ་ཉིད་དུ་སོན་པའི་སྐབས་བྲིས་པ་དོན་དང་ལྡན་པར་གྱུར་ཅིག ༈ ཡུལ་ལྷའི་བསང་བཞུགས་སོ། ཨོཾ་སྭ་སྟི། དུས་ཚེས་དགེ་བར་བསང་ཕྱེ་དཀར་གསུམ་མངར་གསུམ་ཟས་སྣ་རིན་ཆེན་འབྲུ་སྨན་དར་ཟབ་བཅས་བཟང་ཤིང་གི་ཚོགས་དང་ཕྱེ་མར་མེར་བསྲེགས། གསེར་སྐྱེམས་དཀར་སྔོན་སྟེགས་སུ་བཤམ་ལ་ཆབ་ཀྱིས་བྲན་ལ། ནམ་མཁའ་མཛོད་ཀྱི་སྔགས་རྒྱས་བརླབ་སྟེ། ཀྱཻ། སྟོང་ཉིད་དབྱིངས་ལས་རང་ཤར་བའི། །སྣོད་བཅུད་ཕུན་ཚོགས་བཀོད་པ་བརྒྱས། །རབ་མཛེས་ཡུལ་འདིར་དབང་བྱེད་པའི། །ཟོ་དོར་ཇོ་བོ་དུང་ཤིང་དང༌། །ཇོ་བོ་སྨ་ར་འཁོར་དང་བཅས། །དཔལ་ལྡན་རྡོ་རྗེ་ལེགས་པ་དང༌། །གཡུང་དྲུང་རྡོ་རྗེ་ལེགས་པ་ཆེ། །གྲགས་པ་རྒྱལ་མཚན་དགུང་བྲག་པ། །སྐྱ་ཏོང་ཕོ་ལྷ་ཐབས་ཀྱི་ཆ། །སྨན་མོ་ཚེ་འཛིན་དབང་མོ་དང༌། །བསམ་འགྲུབ་དཔལ་འཛོམས་ལ་སོགས་པ། །ཡུལ་འདིར་གནས་ཤིང་རྒྱུ་བ་ཡིས། །འབྱུང་པོ་ཡིད་ཀྱི་གཟུགས་ཅན་ཀུན། །མཆོད་པའི་གནས་འདིར་སྤྱན་འདྲེན་གྱི། །རྫུ་འཕྲུལ་ཤུགས་ཀྱི་གཤེགས་སུ་གསོལ། །དྭངས་མའི་རྩི་བཅུད་ལས་སྐྱེས་པའི། །བདུད་རྩི་ཤིང་གི་དུད་སྤྲིན་ལས། །ཐུགས་ལ་བཞེད་དགུའི་འདོད་ཡོན་ཚོགས། །མི་ཟད་ནམ་མཁའ་མཛོད་འཆར་བས། །སྐུ་གསུང་ཐུགས་ལ་དགྱེས་པར་བསྐྱེད། །འཁོན་མནོལ་ཉམས་ཆགས་སྡིག་སྒྲིབ་སྦྱོང༌། །ཡུལ་དུ་གནས་པའི་མི་ཕྱུགས་ལ། །གནོད་འཚེའི་འཁོན་སྡང་མ་མཛད་པར། །ཆར་ཆུ་དུས་བབས་ལོ་ཕྱུགས་སྤེལ། །མི་ནོར་ལོངས་སྤྱོད་རྒྱས་པར་མཛོད། །ཚེ་བསོད་བསོད་ནམས་རླུང་རྟ་སྤེལ། །མདོར་ན་ཡིད་ལ་གང་འདོད་པའི། །བསམ་དོན་ལྷུན་གྱིས་འགྲུབ་པར་མཛོད། །ཅེས་པའང་ལྗོངས་དེར་ཕན་པའི་བསམ་པས་མདོ་སྨད་འཁྱམས་པོ་མངྒ་ལས་བྲིས་པ་དོན་དང་ལྡན་པར་གྱུར་ཅིག །སརྦ་མངྒ་ལཾ། ༈ བསང་བསྡུས་ནི། ཀྱཻ། སངས་རྒྱས་གཉིས་པ་པདྨ་འབྱུང་གནས་ཀྱིས། །བྱིན་རླབས་མདོ་ཁམས་གནས་ཆེན་ཉེར་ལྔ་དང༌། །ཕྲིན་ལས་འགྲོ་འདུལ་སྤྲུལ་པའི་གནས་བརྒྱད་ཀྱིས། །བསྐོར་བའི་མདོ་ཁམས་ཆུ་བཞི་སྒང་དྲུག་དང༌། །མདོ་གསུམ་རོང་དགུ་ཤོད་ཆེན་བཞིའི་ཡུལ་གྱི། །ཁྱོན་གནས་ཡུལ་ལྷ་མཆོད་ཅིང་བསྟོད་འོས་ཀུན། །བསང་མཆོད་བདུད་རྩིའི་དགའ་སྟོན་བཞེས་སླད་དུ། །གནས་འདིར་གཤེགས་ལ་དགྱེས་དགུའི་མཆོད་རྫས་བཞེས། །ཕུན་ཚོགས་ཞལ་ཟས་གསེར་སྐྱེམས་ཕྱེ་མར་སྤོད། །སྨན་འབྲུ་དྲི་བཟང་རིན་ཆེན་དར་རས་གོས། །གནག་ཕྱུགས་རི་དྭགས་ཆུ་གནས་གཅན་གཟན་དང༌། །ཡུལ་མཁར་ཁང་ཁྱིམ་སྐྱེད་ཚལ་མཁོ་དགུའི་བསང༌། །མི་གཙང་འཁོན་འགྲས་ཕོག་ཐུག་དབྱིངས་སུ་ཞི། །གཟི་བྱིན་སྟོབས་དཔལ་ཕྲིན་ལས་རབ་མྱུར་རྒྱས། །གནས་མགྲོན་དམ་ཚིག་གདུང་བས་སྲུང་སྐྱོབས་ཕྱིར། །རྟེན་འདིར་བཞུགས་ལ་འདོད་པའི་ལས་ཀུན་མཛོད། །བདག་ཅག་སྲུང་སྐྱོབས་སྡོང་གྲོགས་མ་གཡེལ་བས། །བཀྲ་ཤིས་བདེ་ལེགས་འཁོར་རྒྱས་བརྟན་པར་ཤོག །ཅེས་པའང་གཞན་ཕན་ལྷག་བསམ་བཟང་པོའི་མངྒ་ལས་བྲིས་པ་དགེ་ལེགས་འཕེལ།། །།

[edit]

@#/_mdo khams yul lha spyi'i bsang mchod bkra shis lha yi rnga chen zhes bya ba bzhugs so/ @#/_oM swa sti/_dus tshes dge bar yul lha'i bsang mchod bya bar 'dod pas/_gtsang ma'i gnas su dkar dmar gyi gtor ma/_'bru sman rin chen sna tshogs kyi sbag pa'i phye mar shing tog_/dar zab stag gzig ras ma dkar mngar zas sna/_ja chang phud skyems dang*/_shing sna gtsang ma'i dud sprin bcas 'du byas la/_chab kyis bran te/_ra~M ya~M kha~M/_oM AHhU~M dang nam mkha' mdzod kyi sngags rgyas byin gyis rlabs la/_rang nyid snang srid zil gnon gyi/_/thugs ka'i 'od kyis rab bskul bas/_/mdo khams bod chen ljongs gnas pa'i/_/yul lha 'khor bcas spyan drangs gyur/_/kyai/_bde chen 'od gsal chos dbyings rtsal/_/rten 'byung sgyu 'phrul drwa ba'i gar/_/mi mjed 'jig rten bkod pa'i zhing*/_/stong gsum 'dzam gling byang gi phyogs/_/ri mtho sa gtsang chu klung brag_/nags tshal gangs mtsho'i bkod pa mdzes/_/bod chen mdo khams ljongs chen po/_/chos srid dpal gyis phyug pa'i gzhir/_/rang byung sangs rgyas pad 'byung rje'i/_/byin rlabs sku gsung thugs yon tan/_/phrin las gnas chen nyer lnga dang*/_/'gro 'dul gnas chen brgyad la sogs/_/dbang byed gnyan chen sde bzhi zhes/_/rma rgyal spom ra dmag dpon dbyi/_/sgyogs chen gdong ra gnyan thang lha/_/zil khrom gnyan ldang la sogs pa/_/sgang drug gzhi bdag bcu gnyis dang*/_/'bri zla nas dngul chu bzhi'i klu/_/shod chen bzhi yi zo dor gtso/_/dregs pa sde lnga btsan rgod bdun/_/ri dbang spun dgu la sogs pa'i/_/dkar phyogs skyongs ba'i yul gyi lha/_/cha lugs ma nges cir yang snang*/_/'khor g.yog btsun mo sras blon sogs/_/ma lus 'khor dang bcas rnams dang*/_/gzhan yang rgya gar shar nub phyogs/_/gnas_yul nyer bzhi spyi bye brag_/khyad par yul ris 'di nyid kyi/_/gnas gzhi'i bdag po lha klu gnyan/_/dmu sman gza' rgyal btsan gyi rigs/_/brtan ma dge bsnyen mgul lha sogs/_/mchod pa'i mgron la spyan 'dren na/_/thugs rje'i rtsal gyis gnas 'dir gshegs/_/dgyes bzhugs dag cing gtsang ba yi/_/bsang mchod 'dod pa'i yon tan gter/_/'bru sman bza' btung dar ras gos/_gnas mal khang bzang skyid mos tshal/_/ja chang phud skyems bdud rtsi'i mtsho/_/g.yag lug ra 'brug stag seng khyung*/_/ri dwags gnag phyugs gcan gzan nor/_/thugs la bzhed dgu lhun grub pa'i/_/mchod rdzas kha dog ro nus ldan/_/dgos 'dod kun 'byung mchod sprin che/_/dud pas nyams grib mi gtsang sel/_/ngad kyis dag byed spos sprin gtibs/_/zegs ma 'dod pa'i yon tan 'phro/_/rab 'byams zhing kun 'gengs ba 'dis/_/bsang ngo mchod do dgyes dgur bzhes/_/sku gsung thugs kyi nyams grib bsang*/_/phog thug 'khon 'gras 'khrugs pa zhi/_/dgyes dgu'i dpal du gyur nas kyang*/_/gnas mgron dam tshig ma bsnyel bar/_/'dir gshegs bdag gi sdong grogs mdzod/_/kyai/_bde chen sgyu 'phrul drwa ba yi/_/rnam rol srid zhi cir yang snang*/_/'gag med rol pa chen po'i tshul/_/dkar phyogs dge bsnyen mthu bo che/_/srid pa chags pa'i lha rabs te/_/pha mes brgyud kyi srung ma gnyan/_/'go ba'i lha mgon gnyan po rnams/_/mthu dang rdzu 'phrul bsam mi khyab/_/sngon gyi tha tshig rjes dgongs la/_/mkha' khyab rtsa gsum rgyal ba yi/_/phyogs dus zhing gi bkod pa'i 'phrul/_/rang byung grub pa'i gnas chen dang*/_/gnyis su med par byin brlabs pas/_/rtsa gsum lha tshogs bzhugs pa'i gnas/_/dkyil 'khor skyong ba'i bka' sdod tshul/_/gto sku gsas mkhar 'di la bzhugs/_/rin chen khang bzang bkod mdzes nang*/_/sna tshogs dkor nor dbyig gis gtams/_/zad mi shes pa'i dkor mdzod bsags/_/ngo mtshar dpal gyi rten 'dir bzhugs/_/dag byed bdud rtsi'i sman char gyis/_/mnol btsog mi gtsang dri ma bkru/_/rdo rje'i tha tshig bsgrags pa yis/_/dbang bsdus las kyi gnyer kha gtad/_/mthun pa'i dam rdzas dpag yas kyis/_/thugs dam bskang zhing dgyes pa bskyed/_/bkra shis rdzas kyis mnga' gsol bas/_/gzi byin nyi zla lta bur bskyed/_/go mtshon ral gri mda' mdung gis/_/dgra lha'i dbu 'phang dgung du bstod/_/sna tshogs dar gyi rlung rta yi/_/dar tshon bal tshon phreng ba bstar/_/rmad byung dgyes pa'i rten mkhar la/_/bzhugs nas kha 'dzin sdong grogs mdzod/_/sangs rgyas bstan dar bstan 'dzin 'khor/_/bshad sgrub las kyis 'jig rten bde/_/skye dgu'i mos snang chos la bsgyur/_/rgyal 'gong dam sri'i rgyu 'grul srungs/_/sbyin bdag tshe dpal rlung rta bskyed/_/yid mthun gros thub mi chos kyi/_/rigs rgyud dar rgyas btsan par mdzod/_/gzhi mgron bkra shis bde legs 'phel/_/dgra jag chom rkun nad mug srungs/_/'gal rkyen kun zhi mthun rkyen 'phel/_/mnyam nyid byang chub sems kyi mthus/_/sa gsum dge legs snang ba dang*/_/mi 'bral rdzogs ldan dpal stsol cig_/ces dang mchod gtor sogs bsang du 'bul zhing rjes rim spyi ltar bya'o/_ces pa'ang yangs pa'i sa gzhi chos bzhin skyongs ba'i mdo smad sde nang gi mi rigs dad 'dus lhan rgyas nas gangs can bstan 'gro spyi'i zhabs brtan du gnas chen byin 'bebs dang*/_gzhi bdag rten mkhar gsar 'dzugs skabs sbyin bdag lhan nas bskul ngor shar mdo khams su skyes pa'i sngags btsun bkra shis dpal 'byor gyis lhag bsam dag pas bris pa dge legs rnam par rgyal bar gyur cig__!__'bar nang yul lha spyi yi bsang mchod dge mtshan dpal gyi char 'bebs bzhugs/_oM swa sti/_dus yar ngo gza' skar dge bar gtsang ma'i gnas su bkra shis bsang gi mchod pa bya bar 'dod pas/_gtor ma dkar dmar/_ja chang 'o zho/_'bru sman dar ras sogs bsres pa'i phye ma gtsang bar bshams/_bzang shing sna tshogs pa'i dud pa bcas 'du byas la/_rang nyid lha yi nga rgyal la gnas pas/_ra~M ya~M kha~M/_stong pa'i ngang las zhi byed kyi thab mchog mtshan nyid rdzogs pa'i dbus su bzang shing spos kyi dud sprin mi gtsang rgud pa sel zhing*/_bkra shis 'dod yon gyi mchod sprin zag med kun tu bzang po'i rnam rol gyis zhing khams rab 'byams khyab par gyur/_oM AHhU~M hoH_nam mkha' mdzod kyi sngags dang phyag rgyas spel la/_kyai/_phyi snod rnam dag bde chen dag pa'i zhing*/_nang bcud gdan gsum ye shes 'khor lo ru/_/gdod nas dag kyang rten 'byung 'gag med pa'i/_/snang cha mdo smad 'bri zla'i sgang gi char/_/rdo rje'i brag dang nags tshal chu klung gi_/bkod pa rmad byung 'bar nang zhes grags par/_/dbang byed yul lha dge rgyas dung brag dkar/_/chab brag rdo rje rtse dgu 'bar rgyal ni/_/shing ri g.yul rgyal g.yu 'brug nor bu gsum/_/rgyal bde ngang ma lha btsan dge bsnyen che/_/nor bu dbang rgyal stobs chen sgo drung ni/_/a mye g.ya' yi brag nag lha mo dang*/_/zi chen dar mdung khyung mche sgro brag gi_/rngams chen 'bar ba thang lha rin chen dang*/_/brag dkar rngams chen dgra lha rmog che chung*/_/dza 'bring brag chen rgod tshang a mye dang*/_nA ga rgyal po sprul sku g.yas 'khyil brag_/dkar lha phyug mo mgar chen a mye dang*/_/go thi 'bar lha rtse rgyal che chung dang*/_/zan shing legs mgon chab mtsho dgyes mtsho dang*/_/gzhi bdag bla mtsho drag mtsho 'bar lha'i mtsho/_/ja mtsho legs mtsho mtsho chen brgyad cu sogs/_/yul der rtag gnas glo bur lhag pa'i mgron/_/dbang chen dbang chung ming dang mtshan ma thon/_/kun la dgyes bskyed bdud rtsi bsang gi sprin/_/dri zhim ngad pas sa yi khyon 'gengs shing*/_/bdud rtsi'i zegs ma 'dod yon rgya mtsho'i gter/_/gnag phyugs ri dwags gcan gzan 'dab chag tshogs/_/yid 'ong skyed tshal lha phrug glu gar che/_/rin chen gser dngul dar gos nye bar spyod/_/sder chags pags rigs grwa rgyas bdud rtsi'i char/_/ri gling sman shing me tog 'bras bu'i tshogs/_/thugs la bzhed dgu zad mi shes pa'i gter/_/nam mkha' ji srid 'char kun bde ba che/_/byang chub sems kyi byed pa sngags phyag rgyas/_/ting 'dzin cho 'phrul bsam mi khyab pa yis/_/sku gsung thugs kyi dpal la dgyes dgu bskyed/_/phog thug 'gram 'khrugs nyes pa bskyed kun bshags/_/gnas mgron dam tshig brtse gdung ma bsnyel bar/_/snod kyi 'jig rten lo legs rtsi shing rgyas/_/bcud kyi skye 'gro nad med bde skyid 'phel/_/'gro kun dkar po'i chos snang yar zla ltar/_/'phel bas bsod nams ye shes tshogs chen rgyas/_/phan tshun byams ldan nad mug 'thab 'dzing zhi/_/rdzogs ldan dge bcu'i dga' ston mgron du khug_/bkra~M shisa~M 'byung gnas mchog gsum dbu 'phang bstod/_/chosa~M bzhin spyod pa'i dge 'dun 'dus pa rgyas/_/bshad sgrub las kyi 'khora~M lo rgyun mi chad/_/don gnyis yid bzhin 'grub pa'i sdong grogs mdzod/_/sgrub pa'i sde kun 'gal rkyen nyer 'tshe bral/_/mthun pa'i rkyen tshogs khyad par nyams rtogs dpal/_/dbyar mtsho ltar 'phel 'brel tshad don ldan gyi/_/phrin las snang bas sa gsum khyab gyur cig_/bsang gzhung gzhan dang ma 'brel na nongs bshags/_gshegs gsol/_bsngo smon shis brjod bcas bya'o/_ces pa'ang rang slob dad brtson lhag bsam ldan pa dag dbang ye shes don grub nas bskul ba bzhin mang+ga las bris pa don ldan du gyur cig__!__'bar lha'i bsang bsdus dge mtshan dpyid kyi rol mo bzhugs so/_oM swa sti/_yul lha'i bsang bya bar spro na/_mthun pa'i rdzas dang*/_shing sna'i dud sprin sogs mchod pa'i yo byad kun lha'i rnal 'byor la gnas pas bsang sbyangs te/_kye/_ka ru Ni ka shwa ra 'phags pa'i zhing*/_/kha ba'i ljongs kyi skyabs gcig mtsho skyes rje/_/ga Na maN+Dal bcug cing dbang bskur ba'i/_/ngang tshul rjes skyongs yul lha'i dbang po gshegs/_/ca co yid 'ong snyan pa'i rol mo'i dbyangs/_/chang bcud 'o zho mngar gsum sbyar ba'i skyems/_/ja dar gos sogs 'dod yon mkho rgu'i rdzas/_/nya gang zla ba'i mdangs 'phrog gtor ma'i lhun/_/ta ma la yi mngal 'dzin bdud rtsi'i sprin/_/tha dad dbang po sim pa ster ba'i sman/_/dag byed mi gtsang dri kun bsnyil ba'i char/_/nam mkha' mdzod kyi 'khor lo'i dgyes gyur te/_/pa sangs ltar mdzes gzhan phan dang 'grogs pa'i/_/pha rol phyin bcu'i legs lam dge ba'i spyod/_/bar chad mi srun dpung gis mi brdzi bar/_/ma lus sa bcu'i spang rtogs mthar son mdzod/_/tsa ma ra bzhin bde dpal gyis dregs pa'i/_/tsha ngar bsod nams mthu ldan sbyin bdag gtsos/_/dzam bu'i gling kun phan bde'i dpal 'byor rgyas/_/wa ler khyab pa'i phrin las ma g.yel sgrubs/_/zhwa ltar mchod 'os 'phags tshogs 'dus pa'i sde/_/za ma tog bzhin rig grol yon tan shugs/_/'a 'ur rnyed bkur rim 'gro'i 'du ba bcas/_/ya mtshan spang rtogs bla nas blar 'phel mdzod/_/ra ba brgal dka' srid las nges 'byung ste/_/la 'ur dben par sgom pa'i rnal 'byor khyu/_/sha khrag gdos bcas dwangs ma'i klong dengs te/_/sa chen gnas sar gzhan phan gter gyur mdzod/_/ha ri'i bsung ldan bsang gi dga' ston gyis/_/a ho dgyes pa'i glu dbyangs dang bcas te/_/gnas mgron dam tshig gtsang ma'i yal gam gyis/_/mthar thug ro gcig byang chub myur thob shog_/bde chen rgyal kun thugs gsang gzhan phan sems/_/rjes chags lang tshos dregs pa'i dge legs kyis/_/snang bas srid zhi'i rgud pas mun 'phrog ste/_/bkra shis dpal 'byor 'od zer 'bar gyur cig_/ces pa'ang gnas mchog de nyid kyi g.yon zur bzang lung dkar po'i ri sul nyams dga' bar btsun chung mang+ga las spel ba dge/__!__go thi'i gnas bsang bkra shis snyan pa'i rol mo bzhugs/_kyai/_ka dag rang byung 'jam dpal dgyes pa'i sdes/_/kha sbyor 'khor lo sdom pa'i pho brang gi_/ga Na'i 'du bar bsngags pa'i gnas kyi bdag_/nga yi 'bod do mchod pa'i mgron du gshegs/_/ca ga gnyis snang rtog pa las 'das ngor/_/cha lugs cir snang dag pa rab 'byams zhing*/_/ja bzang la sogs 'dod yon rgya mtsho'i sprin/_/nya gang zla ltar 'phrul dga'i rol pa yi/_/ta thA ga ta rtsa gsum lha'i 'khor lor/_/tha mal 'khor gsum rtog pa las 'das pas/_/da lta tsam min bde chen rtag pa'i sprin/_/na mar stob bo rtag tu dgyes pas skyongs/_/pa sangs mdangs 'dzin gnas gter srung ba'i tshul/_/pha rol gzhom sogs dbang drag phrin las mkhan/_/ba mchog gter bzhin rnal 'byor skyongs ba'i gnyen/_/ma lus 'khor dang bcas pa kun la yang*/_/tsa ma ra sogs srog chags mkho dgu'i khyu/_/tshal dang 'dod yon lha rdzas kun bzang gter/_/dza hu'i rgyun ltar mngar gsum 'o zho'i skyems/_/wa ler nam mkha' mdzod kyis dgyes gyur cig_/zhwa ltar tshangs pa'i mdzes rgyan 'od gsal rje'i/_/za ma tog ltar sku tshe phrin las spel/_/'a 'ur mchod pa'i dpal stob rnal 'byor yang*/_/ya mtshan sgrub pa'i spyod pa mthar son mdzod/_/ra ba ltar bskor ljongs 'di'i phan bde dang*/_/la klung bsti pa'i 'phags tshogs spang klog spel/_/sha za yid srub dam sri'i rgyu 'grul chod/_/sa lam mthar son bde nas bde bar sbyor/_/ha ri'i ngad bzhin dpal 'byor mnga' thang gis/_/a ho ngo mtshar dam pas dus rtag tu/_/a la la zhes gnas kyi bdag po yang*/_/he he 'khyud pa bzhin du skyongs bar mdzod/_/bkra~M shisa~M zug rngu kun bral bde ba yi/_/dpa~Ml dang phan bde'i snang ba rab 'ba~Mr ba'i/_/glinga~M bzhir khyab pa'i dge mtshan nyin mor byed/_/srid pa'i mthar yang nyams pa med gyur cig_/ces pa'ang mdo khams chu bzhi'i ri bo rtse lnga go thi bkra shis dpal 'bar gling zhes kun mkhyen bla ma dgyes pa'i dga' tshal gyi gnas bdag la bsang gi rol mo 'di'ang gdan sa de nyid du bsti ba'i skabs shig bkra shis dpal 'byor gyis spel ba dge zhing bkra shis//_!_go thi bkra shis dpal 'bar gling gi gnas la bsngags pa yid ches dad pa'i rgyan zhes bya ba/_oM swa sti/_ka ma la ltar mkhyen pa'i 'dab rgyas 'jam dpal rdo rje'i bsnyen pa'i tshal/_/kha ba'i ljongs kyis ri bo rtse lnga bkra shis dpal 'bar gling chen por/_/ga gA'i dbyings ltar rgya che'i yon tan pha mtha' yas pa'i ngo mtshar gter/_/nga yis snyan ngag me tog gsar pa'i phreng ba yid ches rgyan du bstar/_/ca co snyan sgrogs gser ldan klung sogs g.yas su bskor bas legs bgrod ste/_/chab rgyun bgrod pa yi ge'i gzugs kyi bstod pa bye ba ngoms bzhin du/_/ja hang mdangs 'dzin nyi gzhon zla ba bgrod thag ring sogs dge ba'i dpyad/_/nya gang bdud rtsi'i dkyil 'khor ltar rdzogs phun tshogs gnas kyi rtse mor son/_/ta ma la yi mdangs 'dzin chu bos dum bur 'dab ma ltar bcad pas/_/tha dad yul gru'i bkod pa stong gis ne'u gseng mdzes pa mu khyud ltar/_/dA nu'i bu yi yid can 'jug bral gangs ri'i phreng bas bskor la sogs/_/na mar yon tan sham+b+ha la dngos chos rgyal dgyes pa'i pho brang mdzes/_/pa sangs ltar mdzes rjes chags brtse chen snyigs ma'i gdul bya la gzigs pa'i/_/pha rol phyin pa'i yon tan gter gyur kun mkhyen blo gros dgyes pa'i sdes/_/ba mchog ltar 'ur gnas 'dir sa gnad sgrub pa'i rnam thar 'dzin pa'i mod/_/ma lus skye dgu'i dbang po sde~M bzhi dge~M bcu'i~M mnga~M' thanga~M dara~M zhes bsngags/_/tsa mA ra ltar snang srid zil gnon dgongs pa'i gding gis sa btul tshe/_/tsha ngar mthu ldan d+hA ki bye ba sha za 'dab chags zol brdzus te/_/dza hu'i rgyun ltar zlum por bskor bas 'dab ma'i zlos gar bsgyur la sogs/_/wa ler kun khyab dge mtshan rol mo cir yang ngoms pas blo yid 'phrog_/zhwa ltar bkur 'os pad+ma'i bka' srung dge bsnyen dbang pos bzung ba'i chu/_/za ma tog sogs mkho dgu'i 'dod yon brngan du phul nas dam bsgrags tshe/_/'a 'ur rlabs 'phreng 'bum phrag g.yo ba'i mtsho ngogs nyag phran zug pa sogs/_/ya mtshan rdzu 'phrul bkod pa ston pa'i gnas de'i e ma ngo mtshar dpal/_/ra rib sgrib bral kun mkhyen ye shes chos kyi nyi ma gcig pu des/_/la la tsam min snyigs 'gro'i gdung sel kA la tsakra'i rdo rje'i dbyangs/_/sha za kla klo'i 'jug pa bzlog sogs rmad byung dgos pa du ma yis/_/sa gsum 'gro la ster ba'i zhing 'di rkang stegs gyur kun skal pa bzang*/_/ha lam gcam bu'i rab brtags ngag min nges pa'i yon tan gnas pa'i tshogs/_/a ti'i dgongs pa'i rtsal chen yongs rdzogs 'ja' lus rdo rje'i zhal lung bzhin/_/a la la zhes dad dang gus pa'i dri yi bzhon pas 'di sgrogs na/_/ha ri'i tshal gyi bsung ltar gyur nas dad ldan skal bzang dgyes gyur cig_/bdag kyang skye kun mtshungs med spobs pa'i nyi gzhon gsar pa'i lang tsho'i zer/_/bdag nyid chen po 'jam dbyangs bla ma'i ring lugs pad+mo'i gnyen gyur te/_/bdag gzhan 'brel tshad ye shes 'od stong steng gi mkha' la ngoms pa'i mthus/_/bdag tu 'dzin pa'i mun pa gtal bcil 'jam pa'i rdo rje grub gyur cig_/ces pa'ang rdo rje'i gnas mchog 'di nyid du sgrub la gzhol na gzhan las lhag pa'i yid ches kyi bsngags pa dang rjes su 'brel bas khyab bdag 'od gsal rdo rje'i bka' lung dad pa'i dpyid du thob pa ltar bsngags pa'i tam+bu ra 'di yang kun mkhyen yab sras dgyes pa'i 'bangs 'jam dpal dga' ba'i bshes gnyen gyis blo mtsho las spros pa dge legs kyi snang bas sa gsum mdzes pa'i rgyan du smon pa'ang 'grub par gyur cig_/__!__go thi'i bsang bsdus bzhugs/_bde chen he ru ka yi zhing*/_/rtsa gsum rgya mtsho 'du ba'i gnas/_/zhi mdzad rdo rje'i sa spyod che/_/bzhugs pa'i gnas bdag 'khor dang bcas/_/zag med kun bzang mchod pa'i sprin/_/'dod yon rgya mtsho'i bsangs kyis mchod/_/thugs dam bskang zhing nyams chags bshags/_dgyes dgu'i phrin las zab mo yis/_/bdag cag 'khor dang bcas pa yi/_/nad gdon bar chad kun zhi zhing*/_/tshe spel 'dod dgu'i 'byor pa spel/_/snang srid dbang bsdus log 'dren sgrol/_/gnas skabs mthar thug dge legs tshogs/_/'phel zhing rgyas pa'i bkra shis stsol/_/ces pa'ang gzhon nu mang+ga las lhag pa'i bsam pas gang shar shugs 'byung du spel ba dge/__!__bde chen seng+ge gnam rdzong gi gnas bsang dge mtshan dpyid kyi dpal mo'i mgrin glu bzhugs/_hrIH_ka dag skye med thig le nyag gcig gshis/_/kha sbyor bde chen rol mos dgyes pa'i sprin/_/ga la ba der bsti ba'i rang snang zhing*/_/nga bdag 'dzin bral gnyug ma chos kyi skur/_/ca ga gnyis snang rtog pas mi phyed pa'i/_/cha lugs cir snang rgyan shar rdo rje'i sprin/_/ja ril mchod dang mchod bya mnyam pa cher/_/nya gang zla ltar bla med mchod pas brngan/_/ta Na ga Na'i gsang spyod lam gyi grogs/_/tha dad nyer bzhi rdo rje'i gnas yul skyongs/_/dA na'i rtser son bde stong dga' bzhi'i bsang*/_/na mar stob bo gzung 'dzin dbu mar zlum/_/pa la sha ltar 'jam pa'i g.yar dam gyis/_/pha rol byang chub bar du rjes skyongs grogs/_/ba mchog lta bu'i 'dod dgu'i grub pa'i gter/_/ma gcig lha mo la sogs gnas gter bdag_/tsa ma ra ltar dag mnyam ting 'dzin gyis/_/tsha ngar mthu yi phrin las myur bskul phyir/_/dza hu'i rgyun ltar 'dod yon dgyes stob na/_/wa ler dgyes zhal zla ba'i snang bas skyongs/_/zhwa lam rab 'byams smra ba'i seng ge dang*/_/za hor mkhan dngos rgyal tshab chos kyi rjes/_/'a 'ur rnam thar snyan pa'i ba dan ni/_/ya mtshan srid zhi'i bla na gsal bar mdzod/_/ra ba gangs ri'i bstan pa'i snying po'i srog_/la 'ur gdod mar dbugs 'byin theg mchog gis/_/sha khrag 'od du dengs ba'i grub pa che'i/_/sa 'dir 'gengs ba'i dge mtshan sgo 'phar phyes/_/ha ri'i tshal na 'grogs pa'i ljon bzang bzhin/_/a ti'i srol 'dzin bstana~M gnyisa~M dara~M rgyasa~M glinga~M*/_/a ho rig grol spang klog rnam thar 'bum/_/ha s+ya dgyes pas sgeg pa lta bur mdzod/_/i shwa ra sogs rdo rje'i chos srung las/_/u rgyan bla ma'i bka' yi 'bangs bdag kyang*/_/e ma dgyes pa'i snang ba gsar pa yis/_/o Di'i zhing sogs nyul la gnang ba stsol/_/bkra shis bla med rtag pa dam pa'i sprin/_/mi zad phan bde'i nor bu'i gter gyi dbyig_/brtan g.yo'i khams la bzhad pa ltar gyur nas/_/dge mtshan mchog gis srid gsum mdzes gyur cig_/ces pa'ang mdo khams sa yi thig le gsang chen bstan pa'i 'byung gnas 'og min bla ma'i gdan sa zhe chen yang dben rab 'byams smra ba'i dbang po'i gzim spyil du bsti ba'i skabs rgyal khams kyi sprang 'khyal ak+Sha ra ma hA ya nA d+h+wa dzas bris pa dge legs 'phel/__!__snang srid bde chen phug pa'i bsang lha rdzas 'dod dgu'i sprin phung bzhugs/_hrIH_ka ma yi mdangs 'dzin lha sman che'i/_/khang bzang bkod pas bzung ba'i bde chen phug_/ga Na'i 'du khang ngo mtshar gnas mchog bdag_/nga yis 'bod do mchod pa'i mgron la gshegs/_/ca ga lha rdzas khang bzang 'byor pa'i rigs/_/chang phud dkar mngar zhal zas mkho dgu'i sprin/_/ja dar rta nor srog chags 'dod yon gter/_/nyams dga' nam mkha' mdzod kyi gter chen po/_/ta la'i sman shing bdud rtsi'i zil pa'i sprin/_/tha dad tshogs drug sim ster ji 'dod rgyun/_/dad dang dam tshig gtsang mas legs 'bul bas/_/na tshod gzhon nu'i dgyes zhal 'dzum pas skyongs/_/pa ra mi ta gzhan phan byang sems kyis/_/pha rol srid par 'phyan pa'i 'gro sgrol ched/_/ba mchog lta bu'i las bzhi'i phrin las tshogs/_/ma lus bcol ba tsam gyis sgrub shig kyai/_/tsA ri gnyis pa gnas mchog dben pa 'dir/_/tshal na rgyu ba'i ri dwags bzhin brten pa'i/_/dza ya'i rjes 'jug rnal 'byor sgrub pa po/_/wA ra hi dngos ma gcig khyod kyis skyongs/_/zhwa ltar dkon mchog bkur ba'i sbyin bdag tshogs/_/za ma tog ltar 'dod dgu'i phan bde'i skyems/_/'a 'ur 'dir snang 'khrul pas mi bslu bar/_/ya mtshan dge bcu'i dpal la gzhol bar mdzod/_/rab mdzes thub bstan 'dzin mkhas 'dus pa'i tshogs/_/lam bzang gsan bsam sgom pa mthar son te/_/sha sha d+hA ra'i lang tshos dregs pa bzhin/_/sa bcu mthar son srid pa ming med mdzod/_/ha ri'i bsang sprin mchog gis bde ba che'i/_/a haM bcu drug 'pho med dga' ba'i sdug_/rdo rje btsun mo'i klong du rtag rol pas/_/'khor 'das rang grol ye sangs ye grol mdzod/_/ces pa'ang rang gi thog sgo'i dben gnas bzang lung brag phu'i gnas kyi rgyal po'i tshogs dgyes pa bskyed phyir mang+ga las so//__!__snang srid bde chen phug par bsngags pa'i rol mo bsam gtan grub pa'i rna rgyan bzhugs/_mang mang sras bcas rgyal kun dgyes pa'i ye shes sna tshogs shing rta'i 'gros/_/yang yang srid pa'i 'gro la rjes chags snying rje'i mngal khur gyis dud bzhin/_/mtshar mtshar sgyu 'phrul rdo rje'i gru char gangs ljongs gdul bya'i dpyid gyur pa'i/_/mdzes mdzes mkhas grub yongs kyi spyi mes khyab bdag rnam gsum rgyal gyur cig_/rab dkar bsod nams bye ba'i 'bab stegs rgyal kun rjes bsngags dben pa'i ljongs/_/rab mdzes yid 'phrog bkod pas ches bkra snang srid bde chen 'char ba'i zhing*/_/rab snyan ngag gi nyams 'gyur du ma'i bstod pa'i me tog gis brgyan pas/_/rab tu thar pa rtse gcig 'dod pa'i skal bzang bskul ba'i mgrin glu dngos/_/king+shu'i mdangs 'dzin brag dmar pha gu brjid par brtsegs pa'i khor yug tu/_/khu byug myos pa'i dbyangs snyan sgrogs bzhin rtsen pa'i lha shing phreng ba bstar/_/ge sar ngoms pa'i me tog gis kheb ne'u seng dar bas mdun brdar ba'i/_/ngo mtshar dben gnas blta na sdug 'di skabs gsum grong gi dga' tshal bzhin/_/ci nas mnyen lhug yal 'dab rab rgyas nIts+tsha la yi lding khang 'og_/chu rgyun dwangs bsil phyogs kun kheb pa lhung lhung snyan pa'i rgyud mang gis/_/je zhig ma yin da lta la 'ur thar par bskul ba'i brda thabs bcas/_/nyo tshong so nam 'dir snang rnyed bral dam chos ngang 'phel ljongs yangs par/_/ti phu 'jol mo byams pa'i sgrogs 'ur bag phebs bsten pa'i gnas gyur cing*/_/thu bo 'phags pa'i rnam thar ltar mdzes ri skyil mdun du dal gyi dkyu/_/des pa'i spyod ldan brtan brjid ljon shing gar stabs g.yo ba'i phreng ba can/_/nor bu'i dbyibs 'dzin lhun chags ri bo na bun bskyod pa'i mgul chings bkra/_/pir gyis bris ltar rnam bkra'i rgyu skar 'od zer stong gi drwa ba yi/_/phu na brtan brjid ke la sha rir 'khyud pa'i lang tsho'i nyams 'gyur bcas/_/bai DU'i mdangs 'dzin dbang sngon la thod 'ching dang chabs cig char sprin gyi/_/mos pa don yod dben gnas rnal 'byor skyo bar dogs te bkram pa bzhin/_/tsit+ta'i bkod pa rang byung phug mdzes rdo rje'i ne'u tshang mthon po'i dkyil/_/tshu rol skye bos bgrod par dka' yang bsam gtan 'dod pa'i skyes bu la/_/dze ta'i tshal sogs thub pa'i gnas bzhin nyams rtogs dpal gyi _yon tan rgyun/_/wo dzi nas kyang smra bar nus min dkyil 'khor 'dus pa'i gnas 'dir ster/_/zhing der bsti la dgyes pas skyongs ba'i dkar phyogs lhan cig skyes pa'i gtso/_/zu le sman sogs brtan ma'i gtso bo ma gcig rol pa'i brda thabs kyis/_/'e zhes bos pa'i rten 'byung las shar sngon byon grub dbang gdan sa'i mthil/_/yo gi bdag kyang brten pas tshim pa'i grub gnyis dpal yon cir yang byin/_/ri klung kun tu g.yu shug tshang tshing zil pa'i dogs pas brgyan pa'i gur/_/lu ma'i tshal du gser gyi g.yer kha ltar mdzes shang dril me tog rgyas/_/she mun ltar mnan khros pa'i gcan zan rgyu ba'i srang du legs gyur cing*/_/sos ka'i dus bzang steng 'thung rab dkar zla zhun byug pa khengs pa bcil/_/hi ma la sogs rdo rje'i gnas bzhin sku gsum bkod pa'i phug pa can/_/u rgyan yul phyogs bde chen zhal ras kun tu phyogs pa'i nyams 'gyur can/_/he ru ka dpal dgyes pa'i grong bzhin d+hA ki'i sgrub gnas yon tan rdzogs/_/o Di yA na mtsho skyes rgyal bas bsngags pa'i gnas la co 'dri bar/_/rnam dag nges 'byung rlung gis bar med bskul ba'i khye'u chung mang+ga la/_/rnam rig ba dan dbang med bskyod pas grub pa'i bsti gnas der brten te/_/rnam grol byang chub snying la 'khyil pa'i sgrub pa'i dam bca' bzung ba'i tshe/_/rnam mang yon tan snyan ngag gser gyi drwa ba 'phyang bas brgyan pa'i mthus/_/dge legs phan bde'i ut+pal gsar pa'i lang tsho'i zil mngar 'bum gyi gter/_/dge bcu'i yal 'dab yangs pa'i ra ba ljongs 'dir kun nas khengs bzhin du/_/dge mtshan thub bstan ke sa ra yi 'dzum phreng lung rtogs 'jo sgeg kyis/_/dge bar byas pas rang gzhan don gnyis lhun rdzogs 'bras bu'i sar phyin shog_/ces pa'ang rang nyid kyi thog ma'i dben gnas brag phug gi dga' tshal rdo rje'i ke'u tshang gi bya skyibs snang srid bde chen phug par spang ba bsam gtan pa'i khur du gnas pa'i tshe khye'u gzhon nu bkra shis dpal 'byor gyis bgrang bya'i phung po phyogs la klu'i brgyan pa'i skabs bris pa dge__!__rang byung nam mkha' phug gi gnas bsang grub gnyis sprin gyi rol mo bzhugs/_hrIH_ka dag mi shigs blo 'das gnyug ma'i gshis/_/kha sbyor bde chen nges pa lnga ldan pa'i/_/ga Na maN+Dal ngo mtshar gnas kyi bdag_/nga yis 'bod do mchod pa'i mgron la gshegs/_/ca ga lha rdzas bkod pa'i 'dod yon sprin/_/cha lugs ngo mtshar blta na sdug pa'i rdzas/_/ja chang zhim mngar skyems kyi phud 'khyil bzhin/_/nya gang zla ba'i mdangs 'dzin gtor mas brngan/_/ta thA ga ta grub dbang nam mkha'i mtshan/_/tha tshig gnyan po'i yal gam ma bsnyel bar/_/da lta gnas 'dir sgoms pa'i rnal 'byor la/_/na tshod gzhon nu'i dgyes zhal 'dzum pas pas skyongs/_/pa ra mi ta bde chen rig pa'i klong*/_/pha mtha' yas pa'i zhing kun lhun rdzogs gnas/_/ba mchog lta bu'i grub gnyis myur stsol la/_/ma dag mnol btsog srid kun dbyings su bsang*/_/tsA ri dngos snang ngo mtshar grub pa'i gnas/_/tsha grang snyoms pa'i ting 'dzin ngang 'phel rir/_/dza ya rtsa gsum rgyal ba'i dkyil 'khor la/_/wa ler dag mnyam rol pa'i phyag gis btud/_/zhwa ltar bkur 'os rnal 'byor grub pa'i khyu/_/za 'dod khyim spang sdom brtson 'phel zhing rgyas/_/'a 'ur nged cag sbyin bdag 'khor dang bcas/_/ya mtshan phan bde'i mnga' thang dar bar mdzod/_/ra ba brag ri'i la thod 'chang ba yi/_/la klung dbang byed gnas bdag dkar phyogs tshogs/_/sha za 'byung po'i gnod pa'i sems zhi ste/_/sa bcu'i gzhi ma byang chub sems ldan shog_/ha ri'i ngad sprin bsang gi dga' ston gyi/_/a ho dgyes pa'i gnas mgron dam tshig skyongs/_/mthar thug ro gcig mnyam nyid gdod ma'i gzhir/_/sku gsum lhun rdzogs btsan sa zin gyur cig_/ces pa'ang gnas mchog de nyid du bsti ba'i skabs bsang re phul na legs pa'i tshul khyab bdag bla ma 'od gsal rdo rje'i bka' bzhin rjes su sgrub pa'i phyir gtad med kyi byis pa mang+ga las spel ba'ang don ldan du gyur cig_/_!_rang byung nam mkha' phug la bsngags pa rig stong gnyug ma'i rgyan zhes bya ba/_mang mang rgyal kun gsung gi rdo rje'i dbyangs kyi rgyal mo'i sgyu 'phrul sprin/_/gsal gsal blo yi snang ba 'bum phrag dran pas ster ba'i many+dzu shrI/_/mdzes mdzes dge ba'i bshes kyi bkod pa dad brgya'i mig la ngoms pa'i dpyid/_/snyan snyan shis pa'i dbyangs kyis bstod de slar yang nges pa'i gtam 'di spro/_/ka dag theg mchog sgoms pa'i gnas kyi dpyad pa rdzogs pa'i ngo mtshar rir/_/kha dog mthon mthing sngo sangs bu mos gdams ngag nu zho ster bzhin du/_/ga gA'i khyon yangs nyi zla'i bgrod pa ring dang rang snang thod rgal gyi/_/nga bdag rdos bcas 'ching ba bsnyil te snang bzhi'i ltad mor 'byams su klas/_/ca cos mi khyim rgyu 'grul kun bral shin tu stong pa'i rdza ri'i rtser/_/cha shas mngon min nyams 'gyur rdzogs pa'i na bun gos su gyon bzhin du/_/ja hang mthing sngon spel ma'i brag dkar la thod lta bur brjid pa'i mgul/_/nya zlas 'khyud pa'i kha ba'i stod g.yogs dus bzhi'i khyon kun phal cher mdzes/_/tA re dgyes pa'i gan+d+ho las mtshon ri gling 'dus pa'i bkod pa 'bum/_/tha dad ma 'dres bkram pa ltar bur maN+Dal mchod pa'i bsti stangs bzhin/_/da lta tsam la ma nges dus kyi nyams 'gyur bye ba'i dga' ston ni/_/na mar ngoms pas skyo ba sangs pa'i ltad mo 'bum phrag bshams pa dngos/_/pa sangs la sogs rgyu skar tshogs kyang 'og tu bsti ba ltar gyur pas/_/pha mtha' yas pa'i lhun po'i tshogs rnams rgyal phran rje la 'dud pa ltar/_/ba mor bcas pa'i dgun gyi reg byas bsdoms tshe sus kyang mi phyin pa/_/ma rgyud gtum mo'i che ba mtshon phyir stong gsum byed pos bkod min nam/_/tsA ri'i gnas bzhin 'jigs la zil che tha mal skyes bu'i bsten dka'i gnas/_/tsha grang cha snyoms 'du ba rgyun gcod nyams dga' rlung rig ngang gis dwangs/_/dza hu'i rgyun 'gran gser ldan dal 'gro mdun nas bskyod dang chabs cig tu/_/wa ler zhing kun brdal ba'i na bun do ra ltar gyur mdun na bkram/_/zha reng bgrod min lhun stug brag ri rnam rgyal lha yi khang bzang ngos/_/za 'og mdangs 'phrog 'dab stong bkod legs chos bzang 'dun sa'i skyid tshal 'gran/_/'a cag bsti 'dod la 'ur spyon ces lcug phran lag pa'i zlos gar bsgyur/_/ya ki'i tshangs gnas 'dir 'phos min nam khyed mtshungs yod med 'phyang mo nyug/_/ra ba brag gi ngos nas gnam chu dar dkar 'phyar ba ltar 'bab cing*/_/la 'ur bskyod pa'i sprin gyi rgyu ba phan tshun 'gran pa bzhin gyur te/_/sha mang sul ltar lung phran tshogs kun 'ja' yi drwa ba 'brel ba'i mod/_/sa kun chu mtsho nyi zhur na bun nges pa min pas khebs par gyur/_/ha har rgod mtshungs rkyang mos ngur sgras khengs par byas dang lhan cig par/_/a ti'i dgongs pa ngar bskyed 'gyur ba'i thabs dang bcas pa'i skad cig la/_/a ho rdo rje'i do ha'i dbyangs snyan zhing kun khyab pa'i rol mo can/_/ha glu dgyes pas brten pa'i yon tan cha tsam las gzhan su yis brjod/_/rab mdzes 'dan shod dge bcu'i g.yang 'khyil zo dor yongs kyi rgyal po'i mgul/_/rab tu mnyam par bzhag pa'i khur 'chang rnal 'byor bsten pa'i lag rjes su/_/rab snyan bstod pa'i gling bu 'di yang sor bcu'i gar gyis 'khrol gyur na/_/rab dga'i thar 'dod skal bzang grub pas sa der khengs pa ltar gyur cig_/ces pa'ang sprin dkar gdan du 'ding ba'i gnas mchog de ka'i mgul du bsti ba'i skabs gcer nyal mkhan mang+ga las ngag gi rol mo cung zad 'khrol pa'i sug rjes lags so/__!__yang dben phyag 'tshal sgang gi gnas bdag spyi'i bsang bkra shis grub gnyis sprin chen bzhugs/_oM swa sti sid+d+haM/_grub dbang dam pa sangs rgyas kyi sgrub gnas yang dben chen po'i gnas bdag mchod par 'dod pas gtor ma gser skyems bsang sogs gtsang sbyar/_dme nal sha khrag gis ma gos par sta gon du byas pa byin rlabs sngon du 'gro bas/_hU~M hrIH_ka dag mi shigs rig stong gnyug ma'i rtsal/_/kha dog 'od lnga'i drwa ba phyir gsal gdangs/_/gang snang bde chen dag pa rab 'byams zhing*/_/nga bdag 'dzin bral ngo mtshar dben gnas bdag_/ca co snyan pa'i dbyangs kyis deng 'bod na/_/chas bzang dgyes zhal ston zla'i yid 'jo bas/_/ja chang gtor ma'i dga' ston legs rol phyir/_/nya gang zla ba pad+mo'i gdan la bzhugs/_/ta thA ga ta'i gdung 'dzin ka ma la'i/_/tha tshig yal gam dus su ma bsnyel pas/_/dag mnyam ting 'dzin rol pas dam bsre na/_/na mar gus pa'i phyag gis btud par dgyes/_/pa ra mi ta byang chub spyod pa ches/_/pha rol bstan 'gro dbugs 'byin lhag bsam gyis/_/bas mtha'i yang dben nyul ba'i rnal 'byor pa/_/ma bu bzhin du gnas mgron gnyer khas skyongs/_/tsA ru'i bza' ba la sogs mkho rgu'i rdzas/_/tsha grang sdug bsngal zhi byed khrus sman bsang*/_/dza hu'i rgyun ltar dngos dang ting 'dzin las/_/wa ler spro bas rtag tu dgyes spyod na/_/zhwa gos 'du 'dzi'i sgrog las mngon grol te/_/za 'dod re dogs rang zad rig pa'i klong*/_/'a 'ur blo bur rtog pa'i sprin phung gtibs/_/ya mtshan mchog dngos grub pa'i sdong grogs skyongs/_/rab rib gnyis snang sbub las rnam grol gshis/_/lam lnga lhun rdzogs nges don kun bzang klong*/_/sha sha d+hA ra'i dkyil 'khor rdzogs pa bzhin/_/sa bcu mthar son khyad chos drug ldan mdzod/_/ha ha bde chen dgyes pa'i gar dang bcas/_/a ti theg mchog sgom pa'i rnal 'byor pa/_/nam mkha'i rnal 'byor dgongs pa'i srog thob ste/_/don gnyis lhun grub dge mtshan 'phel gyur cig_/ces pa'ang yul gyi dge bcu g.yang du 'khyil ba'i gnas de nyid du sgrub pa la gzhol ba'i skabs ku sA li mang+ga las spel ba dge mtshan cung zad dang bcas pa'o/__!__smad shod yul lha spyi'i bsang bkra shis lha yi rnga sgra bzhugs/_oM swa sti/_gtsang ma'i gnas su gser skyems/_gtor ma dkar dmar/_bsang phye/_'bru sman/_dar zab/_rin chen phye mas spel ba bdud rtsi can gyi shing sna'i dud pa la mer bsreg chab kyi bran te/_rang nyid lha yi nga rgyal la gnas pas rnga rol dbyangs dang bcas te/_kyai/_yul ni mdo khams smad kyi char/_/dbang byed yul lha'i gtso bo ni/_/sgang drug gzhi bdag bcu gnyis dang*/_/chu bzhi'i dge bsnyen chen po bzhi/_/khyad par shod chen bzhi'i ya gyal/_/gnas dang gnas chen phreng ba bstar/_/ri klung zab mo gter gyi bkang*/_/chos kyi rgyal po 'phags pa dang*/_/zab gter rig 'dzin du ma yis/_/byin brlabs ngo mtshar smad shod kyi/_/yul la dbang byed dge bsnyen che/_/rdo rje mu nam sku mdog dkar/_/dar dkar shel dkar shel rmog gsol/_/mdung dar nor bu phyag na bsnams/_/mched brgyad btsun mo blon 'khor bcas/_/gzhan yang yul der gnas pa yi/_/nga 'dra mched brgyad 'dzum gtsang dkar/_/dzam gyi bya dkar bya dmar sogs/_/phu mda' nyin srib ri klung mtsho/_/gangs brag shing la gnas pa yi/_/yul skyong gnyan po thams cad la/_/gtor ma gser skyems phud mchod dang*/_/gtsang phye dkar dmar 'bru sman dar/_/'dod dgu'i mchod sprin 'bad med du/_/'char ba'i bdud rtsi'i shing gi tshogs/_/me dang sbyar ba'i dud sprin gyis/_/spos kyi ngad ldang rmug pa bsangs/_/thugs la ci bzhed 'byung ba'i dpal/_/lhun gyis grub pa'i gter chen po'i/_/dkar phyogs yul lha'i tshogs kun brngan/_/nyams grib mnol btsog thams cad bsang*/_/sku gsung thugs la dgyes pa bskyed/_/nag phyogs 'dre srin glo bur lhags/_/kun la tshims byed gsur mchod kyis/_/bu lon sha 'khon lan chags byang*/_/lha srung mi dang mi 'bral ba'i/_/gnas mgron dam tshig ma g.yel bar/_/srung skyob ci 'dod phrin las sgrubs/_/'khon dang sgrib pa thams cad zhi/_/khyed rnams mchod cing bstod pa'i dus/_/nad gdon bar chad 'gal rkyen sol/_/tshe dpal bsod nams dbang thang dang*/_/rlung rta'i dpal bskyed ci 'dod 'grub/_/dgra gdon bgegs kyi gnod pa skyobs/_/legs dang sprod la nyes kun bsnol/_/nyin srung mtshan skyobs ma g.yel bar/_/bkra shis bde legs phun tshogs mdzod/_/ces pa'ang rnam par dkar ba'i las smon can sde dge phu ma tshang rin chen rnam rgyal nas ched du bskul ba bzhin rgan po mang+ga las phan sems kyi bris pa don dang ldan par gyur cig_/__!__bde chen pad+ma shel phug gi gnas kyi bsang mchod 'od gsal sprin gyi rol mo zhes bya ba bzhugs/_kyai/_gzod nas ka dag gnyug ma'i rtsal/_/lhun grub ye shes rol pa'i sprin/_/sgron ma rnam par bkod pa las/_/sku gsum zhing khams bsam yas pa'i/_/bye brag mdo khams grub pa'i ljongs/_/sku gsung thugs yon phrin las kyi/_/rdo rje'i gnas chen nyer lnga las/_/yon tan gsung gi gnas mchog ste/_/dur khrod chen po bsil tshal dang*/_/dpal gyi mchims phu'i nags khrod che/_/dbyer med byin gyis rlabs pa yi/_/ngo mtshar dzam lha rigs lnga'i zhing*/_/bde chen pad+ma shel gyi phug_/'od gsal sprin gyi skyes mos tshal/_/kun bzang sgyu 'phrul drwa ba'i zhing*/_/rtag tu dgyes bzhugs rtsa gsum lha/_/rab 'byams bsam mi khyab kun dang*/_/gdod ma'i mgon po rdo rje sems/_/dga' rab shrI seng pad+ma 'byung*/_/sde gsum klong dgu chu bo bzhi'i/_/brgyud pa drug ldan bla ma bsang*/_/zhi ba rigs gcig rigs gsum lnga/_/rigs brgya dpal chen tshom bu dgu/_/bdun brgya nyer lnga la sogs pa'i/_/yi dam bka' brgyad lha tshogs bsang*/_/dbyings yum phag mo khros ma nag_/ye shes mkha' 'gro sde lnga sogs/_/thugs gsung sku yi dkyil 'khor gyi/_/'bum phrag yangs pa'i DA ki bsang*/_/e ka dzA Ti rdo rje legs/_/khyab 'jug ma ning dzam lha lnga/_/rgyud gsum dam can dregs pa dang*/_/gnod sbyin nor lha rgya mtsho bsang*/_/zab mo gter gyi bya ra ba/_/dzam gyi bya dkar bya dmar zhes/_/lha btsan bdud dang klu sman lnga/_/gnas bdag zo dor 'khor bcas bsang*/_/de wi ko Ti zil khrom gnyan/_/rdo rje mu nam nga 'dra brgyad/_/dpa' bo ra cog 'dzum dkar sogs/_/mchod 'os mgron gyi tshogs kun bsang*/_/phyi ltar bdud rtsi can gyi shing*/_/me dang sbyor ba'i spos sprin las/_/'dod yon zad pa med 'phro bas/_/rdo rje'i gnas 'dir bzhugs kun bsang*/_/nang ltar rang byung lus kyi grong*/_/khu rdul rlung gsum dag pa'i 'gros/_/bde stong dga' bzhi'i 'gro 'ong gis/_/gnas yul dpa' bo mkha' 'gro bsang*/_/nges don chos sku dbyings kyi mkhar/_/'od gsal lhun grub rig pa'i gdangs/_/snang bzhi'i sgron ma'i mchod sprin gyis/_/rang snang rtsa gsum dkyil 'khor bsang*/_/don dam gtsang dme'i rtog bral yang*/_/kun rdzob sgyu ma'i snang ba'i char/_/gzung 'dzin kun brtags grib mnol tshogs/_/ye grol khyab brdal chen por bsang*/_/gnas 'di'i sgrub pa'i rig 'dzin la/_/ko long ru nga ma mdzad par/_/rtag tu dgyes pas skyongs ba dang*/_/sa lam bgrod pa'i grogs mdzod cig_/thun mong snod bcud dge legs 'phel/_/skye dgu'i yid snang chos la bsgyur/_/thun min ye shes dgongs nyams spor/_/grol ba drug gi phrin las spel/_/rdo rje'i gnas mchog 'og min zhing*/_/rdo rje'i bla ma rtsa gsum lha'i/_/rdo rje'i byin rlabs chen po yis/_/rdo rje'i ye shes btsan thabs bskyed/_/khyab brdal chen po'i dgongs klong dang*/_/gnyis su med par byin rlabs te/_/rang grol ka dag gdod ma'i gzhir/_/'ja' lus rdo rje'i srog grub mdzod/_/ces pa'ang sngon smon bskal pa bzang po'i rten 'byung gis bsil ldan 'dzin ma'i thig ler 'gran zla dang bral ba'i rang byung gdod nas grub pa'i rdo rje'i gnas su bsngags pa don dang ldan pa der gnas 'brel gyi skabs nyer mkho'i dbang gis 'jam mgon bla ma dgyes pa'i 'bangs 'jigs med mkhyen brtse'i 'od zer bkra shis dpal 'byor gyis bris pa dge legs kyi dpal kun 'phel zhing rgyas pa'i dpal du gyur cig_/mang+ga laM/__!__stag tshang gnas bsang dkar phyogs lha srung dgyes pa'i rol mo bzhugs/_ka ru Ni kas phyag mtshan bzhes pa'i zhing*/_kha ba'i ljongs su bstan 'gro'i dpal spel phyir/_/ga bur 'dzin mtshungs mtsho skyes bla ma yi/_/nga yi zhing du bdag gir mdzad mchod phyir/_/ca co snyan sgrogs glu gar rol mo'i dbyangs/_/cha byad ma nges phyi nang mchod phreng bstar/_/ja chang gser skyems g.yu skyems phud rgod mtsho/_/nya rgyas zla mtshungs 'brang rgyas zhal dkar sogs/_/ta la'i 'dab phyogs bzang shing spos dud sprin/_/tha tshig rjes su bskul ba'i brngan du mchod/_/da la bstan 'gro snyigs mas gdung ba'i dus/_/na tshod dar ba'i lang tshor 'gran pa yi/_/pa sangs lta bu'i rgyal bstan lung rtogs dar/_/pha mtha' yas pa'i lus can phan bde'i 'byor/_/ba mchog 'jo bzhin rnam dkar dpal brgyas phyug_/ma dang bu bzhin 'khrugs rtsod zhi bde'i tshal/_/tsA gangs dang mtshungs rdo rje'i gnas 'di ru/_/tsha grang dka' thub bzod pa'i sgrub pos khengs/_/dza ti'i me tog ltar mdzes dge 'dun sde'i/_/wa ltar mi zhum dbu 'phang srid rtser bkod/_/zhwa bzhin zo dor dbu 'phang dgung du bstod/_/zwa ltar rtsub pa'i dam sri'i bsam sbyor zhi/_/'a 'ur tsam min dkar phyogs phrin las kyi/_/ya mtshan mthong ba'i chos la ngoms mdzod kye/_/ra ba bsil ldan chos kyi rgyal khab kyang*/_/la 'ur rang btsan rgyal ba'i ru mtshon phyor/_/sha rkyang spang la brtse bzhin dga' mgu yi/_/sa steng snyan pas khyab pa myur du mdzod/_/ha ri'i nags tshal rgyas pa kha bzhi'i ljongs/_/a ho phun tshogs sde bzhi'i dpal 'byor dang*/_/mi chos gtsang ma bcu drug dpal spyod pa'i/_/sbas pa'i gnas mchog nyams pa med pa dang*/_/i shwa ra bzhin gnas pa'i rnal 'byor yang*/_/u da d+hI ltar dkar ba'i bsam sbyor 'grub/_/e ma thun mong mchog gi dngos grub dpal/_/o rgyan yul bzhin myur du 'grub par mdzod/_/ces rgya bod kun tu rgyu ba'i drang srong rgan po rdo rje'i gnas mdun du ngal 'tsho ba'i bsam gtan gyi khang bu bde mchog 'chi med kun dga'i gling grub pa'i tshe gang dran sug bris su bgyis pa tshe chos mtha' ru phyin pa'i rten 'byung du gyur cig__!__stag tshang gnas bsang dbang drag dgyes rol bzhugs/__hrIH_ka ma la yi lang tsho'i 'khyud pa yi/_/kha rdul brtsegs bzhin ngo mtshar brag dkar lhun/_/ga la bar gnas dkar phyogs dge bsnyen tshogs/_/nga yis 'bod do da lta myur bar spyon/_/ca co'i snyan brjid rol mo'i bye brag dang*/_/chas bzang lha rdzas gang bzhed 'dod dgu'i gter/_/ja chang 'o ma'i zhal skyems rgya mtsho'i tshogs/_/nya zla'i brtan 'phrog bdud rtsi'i bsang gis brngan/_/ta la'i sman shing spyil bu'i ldum ra ru/_/tha tshig bgos pa'i g.yar dam ma bsnyel bar/_/da lta gsol ba'i las kun don yod par/_/nam yang sgrubs shig mthu ldan dregs pa'i rje/_/sa wa sangs bzhin rab dkar dge ba'i las/_/pha mthar son pa'i 'bras bus nyams rtogs tshogs/_/ba mchog dpag bsam shing gis cha mtshon pa'i/_/ma lus mthar son chos kyi sdong grogs mdzod/_/tsa Na kaHltar byams pa'i khyod mchod na/_/tsha grang nad sogs mi mthun gnod pa las/_/dza ya mthun rkyen phun tshogs dga' ba'i ston/_/wa ler da lta myur bar char ltar phob/_/zhwa ltar mchod 'os gsang sngags 'dzin pa'i bdag_/za 'dod rnyed bkur spang bas rir nyul ba'i/_/'a 'ur chos brgyad g.yul las rnam rgyal te/_/ya mtshan chen po'i dngos grub sdong grogs mdzod/_/rab mdzes ngo mtshar grub pa'i sman ljongs 'dir/_/lam bzang sgrub pa'i rnal 'byor rgyun mi 'chad/_/sha khrag 'od skur dengs pa'i dge mtshan gyis/_/sa mchog rgyal ba'i go 'phang mngon du gyur/_/ha la mi srun rtog pa'i sgrib grol te/_/a don skye med gzu bo'i klong yangs par/_/nga khyod bral ba'i chos dbyings mnyam pa cher/_/ro gcig sangs rgyas srid pa dong sprugs shog_/ces pa'ang kun tu rgyu tsan+d+ra'i ming gis gang shar spel ba dge/__!__stag tshang gnas bstod yid ches blo'i rgyan zhes bya ba/_mi shigs nges don chos dbyings mtha' bral ye shes zab mo'i klong yangs par/_/che ba'i yon tan lhun grub rdzogs pa'i rgyal ba kun gyi zhal skyin ni/_/ngo mtshar rnam thar bye ba'i mnga' bdag mtshungs med rnam 'dren chos kyi rje/_/dus kun mi bsnyel tshangs pa'i 'khor lo nor bu'i thod bzhin brjid pa yis/_/kwa ye grogs dag bsam gtan bdud rtsi snying la sim pa'i 'dul pa'i khyu/_/kha bshad tsam min nges pa'i dam chos gcig tu bzhed pa'i yid kyi mtshor/_/ga la ba der sim pa ltar 'jug dben par bsngags pa'i zla zer zhig_/nga la yod ces ngoms pa bzhin du spro na dgyes pa'i dpal 'phel mdzod/_/ca co zab sgrogs dwangs bsil rnyogs min rgyun ring lha chu'i 'bab stegs ngogs/_/cha tsam ngoms pa'i brag ri'i bya skyibs blta na sdug pa'i ri yi zhol/_/ja ril tsha grang 'jigs pa kun skyobs phyed skyil nyams dga'i bkod pa ni/_/nya gang zla ba'i bdud rtsis bran tshe snying la kun dga'i dpyid kyang ster/_/tA re 'phags ma'i zhing gi tshal bzhin dbyar gyi dus ston brdo ba'i mod/_/tha dad ljon bzang 'dab gur bres pa'i lding khang bkod legs nyams dga' bar/_/dA nus bus dgras 'dun sa las lhag ne'u seng sgeg pa'i skyed mos tshal/_/na chung 'bum gyi bkur bstis mtshon min rlung bsil dal bus reg pa bde/_/pa sangs mdangs 'dzin khor yug kheb pa'i sprin las 'ong ba'i kha rdul gyis/_/pha mthar brdal ba'i me tog sil ma bkram pa'i dgun gyi reg bya'i tshe/_/ba glang ltar 'ur skye bos bgrod dka'i ser bu 'gog med g.yo bzhin du/_/ma rmas gtum mo'i reg 'jam gos la kun tu yid ches nges pa ster/_/tsa ma ra ltar dregs pas bsgyings pa'i sha za gcan gzan rgyu ba'i srang*/_/tsha ngar ko long btsan pa'i gnas bdag 'jigs zil cho 'phrul kun tu ston/_/dza ya rnam thar 'ur min kun spang grub pas bsnyen pa'i brag ri'i gsham/_/wa ler yid la 'char ba tsam yang rab dga'i sim pas myos la ltos/_/zhwa mo'i tog ltar brjid pa'i brag dkar dbang sngon thod du 'ching bzhin pas/_/za ma tog dang tsit+ta'i dbyibs 'dzin phyogs phyogs g.yu shug do shal 'phyang*/_/'a 'ur 'du 'dzi'i g.yeng bas btang ba'i dbang drag dgyes pa'i pho brang der/_/ya mtshan rnal 'byor sgrub pa'i rgyal mtshan brtan por bzung ba'i gnas su byin/_/rwa ltar gzengs pa'i nags kyis bskor dbus spos kyi glang por dal bus 'phyo/_/la 'ur 'bebs pa'i kha char na bun 'du 'bral spang ba'i stod g.yogs mdzes/_/sha ba rog po'i spun ltar 'gran pa'i bya btang rgyal po dgyes pa'i khab/_/sa gzhi'i dpyad legs rten 'brel bzang po'i tshogs pa kun kyang srungs pa bzhin/_/ha ri'i tshal na staga~M mo'i 'gying ltar yon tan kun tshanga~M dben pa'i tshal/_/a mtshar tsam min bstod pa'i gzhan gsos mgrin rngas 'khyud pas kyang*/_/ha la chos brgyad shun bral rnal 'byor bsam gtan skyongs ba'i brtul zhugs kyis/_/a ho yid la sim pa'i rol ston zad pa med pa'i gnyen gyur cig_/ces pa'ang ka rmad ye ge'i phyi mo las 'phros pa'i snyan ngag gi 'gyur ba cung zad 'di yang gnas de nyid du bskyod pa'i skabs ku sA li ras btsun bde chen bzhad pa'i lang tshos gang shar spel ba'i 'char gzhi'o//__!__zil phu dang rma rong yul lha'i bsangs bzhugs/_kyai/_phun sum tshogs pa'i nor 'dzin char/_/dam pa lha yi chu bo bzhi'i/_/re khA bkra ba mdo khams ljongs/_/sgang chen drug las khyad 'phags pa/_/sde bzhi dge ba bcu ldan zhing*/_/mkhas grub gser ri'i phreng mtshar mdzes/_/spang klog dge 'dun sde yis brgyan/_/'bri zla sgang du grags pa yi/_/yul lha dbang byed zil khrom gnyan/_/sku mdog dkar gsal dar thod can/_/sna tshogs za 'og na bza' gsol/_/phyag na ral gri mdung dar bsnams/_/rta dkar g.yu rngog ldan pa chibs/_/btsun mo sras blon 'khor bcas dang*/_/yul 'dir gnas pa thams cad la/_/gtor ma dkor cha gser skyems phud/_/stag gzig ras ma dar sna sogs/_/thugs la ci bzhed der 'char ba'i/_/mchod pa dam pas dgyes pa bskyed/_/nyams chag 'khon mnol thams cad bshags/_/mi dang lha ru ma 'bral bar/_/srung skyobs sdong grogs phrin las 'grub/_/rgyab rten ma g.yel brtse gdung gyis/_/tshe bsod dbang thang rlung rta spel/_/bkra shis bde legs phun tshogs mdzod/_/ces pa'ang yig drug 'chi med rig 'dzin pha bus bskul ba bzhin mang+ga las phan sems kyi bris pa dge legs 'phel/__!__yul lha'i bsang bzhugs/_kyai/_phun tshogs 'dod yon sprin chen po/_/rnam pa zag med cir yang 'char/_/ngo bo byang chub sems chen po'i/_/rang bzhin phan bde kun ster 'dis/_/ljongs 'dir rtag chags zo dor dang*/_/glo bur lhags pa thams cad kyi/_/'khor dang sprul pa las byed la/_/dbang po drug la sim ster ba/_/mi zad nam mkha' mdzod du 'bul/_/snod bcud mi gtsang dri ma bsang*/_/mgron rigs mchog tu dgyes pa bskyed/_/'khon 'gras 'khrugs pa dbyings su zhi/_/phog thug 'gram 'khrugs zhi bar zlum/_/yul lha dgyes pas ngo so bstod/_/dbu 'phang ri rgyal rtse bzhin bstod/_/phrin las nyi zla'i 'od kyis bskyang*/_/snod kyi 'byung bzhi'i dpal yon dar/_/le legs 'bru 'phel bcud dang ldan/_/skye dgu'i tshogs kun tshe dpal 'phel/_/bsod nams rlung rta'i dge mtshan dang*/_/lha dang mi gnyis gnas mgron gyi/_/dam tshig gtsang bas bkra shis dang*/_/dge legs dpal 'phel mchog gsum gus/_/rgyal bstan bshad sgrub las gsum gyi/_/'dzin mdzad sde dang bcas pa skyobs/_/rnam dkar dge mtshan mi nyams pa'i/_/bkra shis phun tshogs g.yang 'khyil shog_/ces pa'ang rgyal ba zhe chen pa'i bstan pa'i srog 'dzin mkhan po kun bzang mthar phyin/_dbu bgres 'gyur med dar rgyas/_'gyur med kun bzang sogs/_nam mdo'i zhe grwa spyi nas gsung bskul bzhin 'gyur med theg mchog bstan pa'i rgyal mtshan gyis chos sde de nyid du spro bsang skabs ras dkar lding gur du bris pa don ldan du gyur cig__!__yul lha spyi bsang bzhugs/_kyai/_phun tshogs dge bcu'i dpal ldan sman gyi ljongs/_/sgrub brgyud bstan pa'i snying po dar rgyas gling*/_/dbang byed zo dor gnyan po gter srung che/_/dge bsnyen rdo rje rgyal mtshan sprul 'khor bcas/_/bkra shis lha rtse shing ri nag 'dzong dang*/_/stobs rtsal thogs med klu yi rgyal po che/_/jo bo dbon brag ldan stod sgrol ma brag_/leb rgyal dkar yag 'om chen lha rtse dang*/_/stag rna phyug mo 'go 'dzong lha yi rtse/_/gu ra mgon po gle gdong stag rtse rgyal/_/shang shin ri bkra d+ha ti dge bsnyen sogs/_/phu mda' nyin srib ri klung mtsho brag la/_/gnas pa'i mchod 'os mgron kun spyan 'dren gshegs/_/bdud rtsi'i shing gi dud sprin 'dod yon 'phro/_/mthun rdzas mi zad nam mkha' mdzod 'char bas/_/dgyes bskyed 'khon mnol grib kyis phog pa bsang*/_/gnas mgron tha tshig nam yang mi g.yel bar/_/chos kyi sde 'dir bshad sgrub bstan pa 'phel/_/snod bcud bkra shis dge mtshan 'phel rgyas brtan/_/nad mug 'khrugs rtsod dus kyi rgud tshogs zhi/_/lo legs 'bru 'phel phywa g.yang rgyas shing dar/_/bkra shis dge mtshan don gnyis lhun grub mdzod/_/ces rje dbon 'chi med mchog sprul karma 'od gsal phrin las dpal ldan nas gsung bskul bzhin mtsho skyes pad+ma rgyal po'i 'bangs bkra shis dpal 'byor don thams cad grub pa'i sdes chos sde de nyid du son pa'i skabs bris pa don dang ldan par gyur cig__!__yul lha'i bsang bzhugs so/_oM swa sti/_dus tshes dge bar bsang phye dkar gsum mngar gsum zas sna rin chen 'bru sman dar zab bcas bzang shing gi tshogs dang phye mar mer bsregs/_gser skyems dkar sngon stegs su bsham la chab kyis bran la/_nam mkha' mdzod kyi sngags rgyas brlab ste/_kyai/_stong nyid dbyings las rang shar ba'i/_/snod bcud phun tshogs bkod pa brgyas/_/rab mdzes yul 'dir dbang byed pa'i/_/zo dor jo bo dung shing dang*/_/jo bo sma ra 'khor dang bcas/_/dpal ldan rdo rje legs pa dang*/_/g.yung drung rdo rje legs pa che/_/grags pa rgyal mtshan dgung brag pa/_/skya tong pho lha thabs kyi cha/_/sman mo tshe 'dzin dbang mo dang*/_/bsam 'grub dpal 'dzoms la sogs pa/_/yul 'dir gnas shing rgyu ba yis/_/'byung po yid kyi gzugs can kun/_/mchod pa'i gnas 'dir spyan 'dren gyi/_/rdzu 'phrul shugs kyi gshegs su gsol/_/dwangs ma'i rtsi bcud las skyes pa'i/_/bdud rtsi shing gi dud sprin las/_/thugs la bzhed dgu'i 'dod yon tshogs/_/mi zad nam mkha' mdzod 'char bas/_/sku gsung thugs la dgyes par bskyed/_/'khon mnol nyams chags sdig sgrib sbyong*/_/yul du gnas pa'i mi phyugs la/_/gnod 'tshe'i 'khon sdang ma mdzad par/_/char chu dus babs lo phyugs spel/_/mi nor longs spyod rgyas par mdzod/_/tshe bsod bsod nams rlung rta spel/_/mdor na yid la gang 'dod pa'i/_/bsam don lhun gyis 'grub par mdzod/_/ces pa'ang ljongs der phan pa'i bsam pas mdo smad 'khyams po mang+ga las bris pa don dang ldan par gyur cig_/sarba mang+ga laM/__!__bsang bsdus ni/_kyai/_sangs rgyas gnyis pa pad+ma 'byung gnas kyis/_/byin rlabs mdo khams gnas chen nyer lnga dang*/_/phrin las 'gro 'dul sprul pa'i gnas brgyad kyis/_/bskor ba'i mdo khams chu bzhi sgang drug dang*/_/mdo gsum rong dgu shod chen bzhi'i yul gyi/_/khyon gnas yul lha mchod cing bstod 'os kun/_/bsang mchod bdud rtsi'i dga' ston bzhes slad du/_/gnas 'dir gshegs la dgyes dgu'i mchod rdzas bzhes/_/phun tshogs zhal zas gser skyems phye mar spod/_/sman 'bru dri bzang rin chen dar ras gos/_/gnag phyugs ri dwags chu gnas gcan gzan dang*/_/yul mkhar khang khyim skyed tshal mkho dgu'i bsang*/_/mi gtsang 'khon 'gras phog thug dbyings su zhi/_/gzi byin stobs dpal phrin las rab myur rgyas/_/gnas mgron dam tshig gdung bas srung skyobs phyir/_/rten 'dir bzhugs la 'dod pa'i las kun mdzod/_/bdag cag srung skyobs sdong grogs ma g.yel bas/_/bkra shis bde legs 'khor rgyas brtan par shog_/ces pa'ang gzhan phan lhag bsam bzang po'i mang+ga las bris pa dge legs 'phel//__//

Footnotes

Other Information