JKW-KABUM-17-TSA-002-027

🚧 This website is under continued development. We appreciate your patience!

Previous Text Back to Volume PageNext Text

སྨན་མིང་དང་ངོས་འཛིན་ཐོར་བུ་མཁས་པའི་ངག་གི་བདུད་རྩིའི་ཟེག་མ།

Wylie title	sman ming dang ngos 'dzin thor bu mkhas pa'i ngag gi bdud rtsi'i zeg ma
Location	mkhyen brtse'i bka' 'bum Volume 17, sde tshan 2, Text 27, Pages 287-318 (Folios 71a6 to 86b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sman ming dang ngos 'dzin thor bu mkhas pa'i ngag gi bdud rtsi'i zeg ma. In 'jam dbyangs mkhyen brtse'i dbang po'i bka' 'bum, Vol. 17: 287-318. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

27 287-318	སྨན་མིང་དང་ངོས་འཛིན་ཐོར་བུ་མཁས་པའི་ངག་གི་བདུད་རྩིའི་ཟེག་མ། sman ming dang ngos 'dzin thor bu mkhas pa'i ngag gi bdud rtsi'i zeg ma Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྨན་མིང་དང་ངོས་འཛིན་ཐོར་བུ་མཁས་པའི་ངག་གི་བདུད་རྩིའི་ཟེག་མ་བཞུགས། ཨོཾ་ཨ་ཐཱ། མ་ཧཱ་པཎྜི་ཏ་དྷརྨཱ་ཀཱ་རའི་གསུང་རྒྱུན་ལོ་ཙཱ་བ་ཚེ་དབང་ཀུན་ཁྱབ་ཀྱིས་ཟིན་བྲིས་སུ་མཛད་པའི་སྨན་མིང་དང་ངོས་འཛིན་ནོར་བུའི་དོ་ཤལ་༥ ༤ལས། བཅུད་ཀྱིས་ལེན་པ་སོགས་ལ་བསྔགས་པའི་སྡེ་ཚན་བརྒྱད་ནི། བྲྀ་དྡྷིཿདྷི། འཕེལ་བ། ཛཱི་བ་ཀཿ འཚོ་བྱེད་རྀ་ཥ་བྷཿ ཁྱུ་མཆོག །ཀ་ཀོ་ལིཿ ར་མཉེ་སྟེ། འདི་ལ་རིགས་མང་བ་ལས་སེར་པོ། ཡང་ཀྵི་ར་ཀ་ཀོ་ལིཿ ར་མོ་ཤག་འོ་མ་ཅན་སྟེ། ར་མཉེ་དཀར་པོ་སྟོབས་བསྐྱེད་ཀྱི་སྨན་ལ་མཆོག །རྒྱ་ནག་ཤར་ཕྱོགས་ལེའུ་ཏང་ནས་འབྱུང་བ་གཞིན་གཡིན་ཞེས་པའང་དོན་དུ་ར་མཉེ་སེར་པོ། དེའང་གཞི༷ན་མི། གཡི༷ན་འདྲ་བའི་དོན་ཏེ་རྐང་པ་གཉིས་ཡོད་པ་ཞིག་གོ །འདི་ཤིན་ཏུ་དཀོན། དེ་ལས་ནུས་པ་དམན་པའི་ཅི༷ན་ཅ༷་གཞི༷ན་གཡི༷ན་ཞེས་པའང་མིའི་འོ་མར་ལན་དགུ་སྤངས་ཏེ་ཟོས་ན་གཞིན་གཡིན་དངོས་དང་ནུས་པ་མཉམ་པར་བཞེད། རི་ཤ་ནཿ འདི་སྡུམ་ཟངས་རྩི་དང་གཅིག །མེདཿ ཞག་ལྡན། མ་ཧཱ་མེདཿ ཞགས་ཆེན། ཛཱི་བནྟི། འཚོ་བྱེད། འདི་སྡུམ་བུ་ཆུང་ངུ་རྩ་བ་མང་པོ་ཡོད་པ། རོ་དབང་ལག་འདྲ་བ་ཞིག་གོ །འདི་སྟེང་སྲན་མུངྒཿ སྲན་སྡེའུ་ཞེས་སྲན་མ་སྔོན་པོ་འབྲུ་ཆུང་ངུ་དང་། སྲན་མ་ཥཿསྟེ་མོན་སྲན་གྲེའུ་ཞེས་སྲན་མ་དམར་སྲེ་ལེབ་མོ་ཆེ་ཆུང་ནས་འབྲུ་ལེབ་མོ་བྱས་པ་འདྲ་བ་ཞིག་སྟེ་འཇམ་དཀར་སོགས་ཀྱི་ལས་སྦྱོར་ལ་འགྲོ་བ་སྟེ། དེ་གཉིས་ཀྱི་ལོ་མ་བསྣན་པས་འཚོ་བྱེད་བཅུའོ། ། ༈ ཧ་རྭི་ཧ་ཀཱི། ཨ་རུ་ར་སྤྱིའི་མིང་ཏེ། ཕལ་སྐད་དུ་ཧ་རི་ཏ། དེ་ཟུར་ཆག་པས་ཨ་རུ་ར། དེ་ལས་རྣམ་རྒྱལ་ནི་རི་སྤོས་ངད་ལྡན་སོགས་སུ་སྐྱེ་བ་ཕལ་པས་མི་རྙེད། རྒྱ་གར་དུ་བྷ་ར་ཧ་ར་ཞེས་ཟེར་བ་རྒྱལ་པོ་འགའ་ཞིག་གི་སྐྱེད་ཚལ་དུ་ཤིང་སྡོང་རེ་རེ་ཆེད་དུ་བཙུགས་པ་ལས་འབྱུང་བ་ཡིན་ཅིང་། ཆེ་ཆུང་ནི་སྐམ་པོ་ལའང་མི་ཆེན་པོའི་ལག་མགོ་ཙམ་ཡོད། འཇིགས་མེད་ཟུར་ལྔ་ནི་ཟུར་ལྔ་འཇོང་མོ། སེར་ཆུང་ནི་མིག་སྨན་ལ་བཟང་། བདུད་རྩི་ཤ་འཐུག་ནི་ཤ་ཆེ་ལ་འཐུག་པ། འཕེལ་བྱེད་ནི་བ་རུ་རའི་དབྱིབས་ཅན་བུམ་ལྟོ་བ། སུལ་མང་ནི་ཤ་སྲབ་ཅིང་སུལ་མང་པོ་ཅན། འབིགས་བྱེད་ནི། ཟུར་མཁར་བས། འབིགས་བྱེད་དཀྱིལ་དུ་རུས་པ་མེད། །ད་ལྟ་ནག་ཆུང་དེ་དང་འདྲ། ཞེས་བཤད། སྤྱིར་རྡོ་རྗེ་མཁའ་འགྲོ་ལས། སྨྱུང་པོ་དང་ནི་འཇིགས་མེད་དང་། །འཚོ་དང་དེ་བཞིན་བདུད་རྩི་སྟེ། །གཙང་སུལ་མང་གི་མིང་མ་དང་ནི་འཕེལ་བ་དང་། །རྣམ་པར་རྒྱལ་བ་བདུན་དུ་བརྗོད། །ཅེས་སོགས་གསུངས་པ་ལྟར་རིགས་བདུན་ནོ། །ཨ་རུ་མཆུ་རིང་ངམ། མཆུ་སྨྱུང་ངམ། སྨྱུང་པོ་རྣམས་གཅིག་པ་རང་ཡིན་ཞིང་། ཟུར་གསུམ་ནར་མོ་ཞིག་ཡོད། སྤྱིར་བཤལ་ལ་མཆུ་སྨྱུང་གི་མཆུ་དང་། འཁྲུ་གཅོད་ལ་རྩ་སྨྱུང་གི་རྩ་བ་གཏོང་བ་ནི་ཡོངས་སུ་གྲགས། ཨ་རུའི་རིགས་ཀྱི་བཟང་ངན་ཡང་། རྡོ་རྗེ་མཁའ་འགྲོར། ཨ་རུ་ར་ནི་འབིགས་བྱེད་ཀྱི། །ནགས་དང་རི་བོ་དབང་ཆེན་སྐྱེས། །ནར་མ་ད་ཡི་ཆུ་སྐྱེས་མཆོག །གཞན་དག་དམན་དང་འབྲིང་པོ་ཡིན། །ཞེས་གསུངས་པ་མཆོག་དང་། རྒྱ་གར་ནས་འབྱུང་བ་བཟང་ཞིང་། བལ་པོ་ནས་འབྱུང་བའི་མདོག་སེར་པོ་ཆུང་ངུ་འདི་ནི་ནུས་པ་དམན་པས་མི་བཏང་བར་གསུངས་སོ། ། ༈ ཕལ་སྐད་དུ། བྷ་ཧུ་ལ། ཞེས་ཟུར་ཆག་པའི་བ་རུ་ར་ནི། རྡོ་རྗེ་མཁའ་འགྲོ་ལས། བ་རུ་ར་ནི་ཐ་མལ་བའི། །རི་ལས་སྐྱེས་པའམ་གཞན་ཡང་རུང་། །ལྕི་ཞིང་སྣུམ་དང་བཅས་པ་བཟང་། །ཞེས་གསུངས་ཤིང་། སམྦུ་ཊ་ལས། ཤླེཥྱའི་འབྲས་བུ་ཞེས་པའང་འདིའོ། ། ༈ སྐྱུ་རུ་ར་ནི། རྡོ་རྗེ་མཁའ་འགྲོ་ལས། སྐྱུ་རུ་ར་ནི་ཤ་ཆེ་ཞིང་། །རུས་པ་ཆེ་ལ་རོ་དང་ལྡན། །རྡོ་བ་ཅན་གྱི་རི་ལ་སྐྱེས། །ཤིན་ཏུ་སྨིན་པ་མཆོག་ཏུ་བཟང་། །ཞེས་གསུངས། སྤྱིར་ཨ་རུ་ར་ནི་རོ་ལྔ་ལྡན་སོགས་ཡོངས་སུ་གྲགས་པ་ལྟར་ལ། བ་རུ་ར་ཨར་སྐྱུར་དག་ལས་ཡོན་ཏན་ཅུང་ཟད་དམན་ཞིང་ཆུང་བ་མ་གཏོགས་རོ་ལྔ་ལྡན་སོགས་ཐུན་མོང་ཡིན་ལ། ནུས་པ་བསིལ། ཞུ་རྗེས་ཚ་མངར་ཤས་ཆེ། སྐྲན་དང་མིག་ལ་ཕན། སྐྱུ་རུ་རའང་རོ་དང་ཞུ་རྗེས་སོགས་ཨ་རུ་དང་མཚུངས་ནའང་ནུས་པ་བསིལ་བ་ཡིན་ཅེས་བརྒྱད་པ་རྩ་འགྲེལ་སོགས་ལས་རྒྱ་ཆེར་བཤད། གསུམ་ཀའི་མིང་ལ། ཏྲི་ཕ་ལཿ སྟེ་འབྲས་བུ་གསུམ་དང་། གཞན་ཡང་། བླ་མ་གསུམ་མཆོག་གསུམ་སོགས་ཀྱང་ངོ་། །བརྒྱད་པར། འབྲས་བུ་གསུམ་པོ་འདི་རྣམས་ནི། །བཅུད་ཀྱི་ལེན་མཆོག་མིག་ནད་སེལ། །རྨ་འཚོ་པགས་ནད་རྨ་རེངས་དང་། །ཚིལ་ཆེན་གཅིན་སྙི་བད་ཁྲག་སེལ། །ཞེས་སོ། །དེ་ཡང་ཨ་རུ་ནི་རྒྱ་གར་ཁོ་ན་དང་། བ་རུ་ནི་བལ་པོ་ལའང་རེ་གཉིས་འབྱུང་ཞིང་། སྐྱུ་རུ་ནི་དེ་དག་ཏུ་མ་ཟད་འཇང་དང་རྒྱལ་རོང་སོགས་རོང་མཚམས་ཐམས་ཅད་དུའང་འབྱུང་བར་གསུངས་སོ། ། ༈ གིའུ་ཝཾ་ནི། རྒྱ་ནག་གི་སྐད་དེ། དེའང་། གྷི༷་འུ༷། བ་ལང་། དབ༷ང་བཅུད་སྟེ་བ་ལང་བཅུད་ཅེས་ཟེར། ལེགས་སྦྱར་དུ། གོ་རོ་ཙ་ན་ཞེས་པའང་དེ་ཉིད་དོ། །འབྱུང་ཁུངས་ནི་བ་ལང་གི་མཆིན་མཁྲིས་ལ་ཡོད་པ་སྟེ། དམར་སེར་སྨུག་ལ་སྣུམ་མདངས་ཆགས་པ། བཅག་འཕྲོ་དམར་སེར་རིམ་པ་ཆགས་པ། དྲི་རོ་བཟང་ལ་མཁྲིས་རོ་ཅུང་ཟད་བྲོ་བ། སྨན་གཞན་དང་སྦྱར་ཚེ་ཅུང་ཟད་རེས་ཀྱང་ཡུན་དུ་འདུལ་ཚེ་ཁ་དོག་སེར་པོར་བསྒྱུར་ནུས་པ་དེ་སླད་བྲལ་དང་། ཅུང་ཟད་དེ་ལས་དམན་པ་ནི་སླད་ཅན་དེ་སྔ་མ་ལས་སེར་ལ་འབོལ་བའོ། །གང་དག་གླང་ཆེན་གི་ཝང་ཞེས་གླང་པོ་ཆེ་ཁོ་ན་ལས་འབྱུང་བ་འདོད་པ་ནི་བླུན་གཏམ་ཁོ་ནར་ཟད་ལ། དེས་ན་རྒྱ་དཀར་ནག་གཉིས་ཀ་ནས་བ་ལང་ལས་ཤས་ཆེ་བར་འབྱུང་ཞིང་གཞན་མི་དང་། དུད་འགྲོ་ཕལ་ལས་ཀྱང་འབྱུང་བས། མི་ལས་བྱུང་ན་ནི་མཆོག་དང་། འབྲི་གཡག་དང་ར་ལུག་ལས་བྱུང་བ་དམན་པར་བཞེད། བདེ་མཆོག་རྩ་རྒྱུད་སོགས་ལས། མི་རྣམས་ཀྱི་སྙིང་གི་ཕྱོགས་སུ་རོ་ཙ་ན་སྟེ་བཅུད་ཡོད་པར་གསུངས་པ་འང་འདི་ཁོ་ན་འོ། ། ༈ གཻ་རི་ཡཾ། བྲག་ཞུན། འདི་རྒྱ་གར་དུ་མི་འབྱུང་བས། བོད་ནས་ཕར་འགྲོ་དགོས། འདི་ཡི་ནང་དུ་རིལ་མ་མང་པོ་ཡོང་བ་ནི། ལྤགས་བྱེས་འདི་ཟ་བས་དེའི་བྲུན་ཡིན་པས་བྲག་ཞུན་ཆུར་སྦངས་ནས་རིལ་མ་དོར་བའི་ཞུན་བྱེད་པ་དགོས་སོ། ། ༈ བམ་ཤ་རོ་ཙ་ན། སྨྱུག་གི་བཅུད་དེ། རྒྱ་ནག་སྐད་དུ། ཇུ༷་དབ༷ང་ཞེས་ཇུ་སྨྱུག་དང་། དབ༷ང་བཅུད་དེ་ཟུར་ཆག་པས་ཅུ་གང་། འདི་རྒྱ་དཀར་ནག་ནས་སྨྱུག་མའི་རྐང་ལས་འབྱུང་། དེ་ཡང་རྒྱ་གར་ནས་བྱུང་བ་དཀར་པོ་སྨུག་ཉམས་ཅུང་ཟད་ཡོད་པ་ཟོས་ན་སོ་མི་སེག་པ། རོཾ་མི་གསལ་བ་ཞིག་དང་། རྒྱ་ནག་ནས་འབྱུང་བ། སྔ་མ་ལས་ཅུང་ཟད་ནག་པ། རོ་མི་གསལ་བ་ཞིག་གོ །དཀའ་འགྲེལ་ལས། ཅུ་གང་མཱ་རཱ་ཎ་སི་ལ། །སར་བཏབ་ཞེས་བྱ་འོད་མའི་རིགས། །དེ་ཡི་རྒྱུ་རུ་གྱུར་པ་ཞིག །སོ་ནམས་བྱས་པའི་བཅུད་ཡིན་ནོ། །ཞེས་བཤད་པ་ལྟར་སྨྱུག་མའི་རིགས་ལས་འབྱུང་། ཤེལ་ཕྲེང་དུ་ཤིང་སྨྱུག་མ་ལྟ་བུ་ཞེས་དངོས་མིན་པ་ལྟར་བཤད་པ་སོགས་ནི་འོལ་ཚོད་ཙམ་མོ། །དེ་མ་རྙེད་ན། ཆོས་རྒྱལ་སྲོང་བཙན་ཞབས་ཀྱིས། མཚང་མ་པྲེ་ཏ་པཱུ་རི་རུ། །རང་བྱུང་དྲི་ཆུའི་ཇུ་གང་ཡོད། །ཅེས་པྲེ་ཏ་པཱུ་རི་ལས་འབྱུང་བ་དང་། དེའང་མ་རྙེད་ན་བྲག་ཕུག་གཏིང་རིང་བ་འགའ་ཞིག་ཏུ་ཆུ་ལ་ཆགས་པ་སྔ་མ་དག་དང་མདོག་དབྱིབས་རོ་རྣམས་འདྲ་བ་དེ་གཏོང་བ་ལས་འོས་མེད། ཕྱི་མ་འདི་དག་ནི། ཟླ་ཟེར་སོགས་སུ། མངྒོ་ལ། སོགས་མིང་གིས་བཤད་ཅིང་། ས་དཀར་པོའི་མིང་དུ་བཤད་པ་དེའོ། ། ༈ ག་བུར་ལ་རིགས་གསུམ་དུ་དབྱེ། དེའང་ལེགས་སྦྱར་དུ། ཀཏྤུ་ར། དེ་ཟུར་ཆག་པས་ག་བུར་རོ། །འབྱུང་ཁུངས་ནི་ཁོང་རང་གི་ཤིང་ཟུར་པ་ཞིག་ལས་ཙནྡན་དཀར་པོ་སོགས་ལས་བྱུང་ཞེས་པ་ནི་མ་དག །ཚིངྒིང་། ཞེས་པ་རྒྱ་ནག་པའི་སྐད་དུ། ག་བུར་ཟེར་བ་ཡིན། བོད་དག །ཤིང་ཀཉྩ་ལས་སྟག་ཟིལ། ཤིང་ཚིང་གིང་ལས་མང་། ཤིང་བྷི་མ་ལས་ཤེལ་ག་བུར་འབྱུང་ཞེས་པ་ནི་ཧ་ཅང་འོལ་ཚོད་དེ། དང་པོ་ནི། གསེར་ཤིང་སྟེ། དེ་ལས་ག་བུར་འབྱུང་བ་རྒྱ་གར་གྱི་གཞུང་རྣམས་ལས་མ་བཤད། གཉིས་པ་ནི། རྒྱ་ནག་པའི་ག་བུར་སྤྱིའི་མིང་ཡིན། གསུམ་པ་ནི། བྷི་མ་སེ་ནཱ་ཀཏྤུ་ར་ཞེས་འཇིགས་སྡེའི་ག་བུར་ཞེས་དུག་རིགས་ཁ་རུ་འགྲོ་མི་རུང་པ་མིག་སྨན་གྱི་མཆོག་ཅིག་ཡོད་ཅེས་འབྱུང་བ་དེ་ཡིན་ནོ། །དེང་སང་ག་བུར་འདི་རྣམས་རྒྱ་དཀར་ནག་གཉིས་ཀྱི་མཚམས་བྲཧྨཱའི་ཡུལ་དག་ཉེ་བ་ནས་འབྱུང་ཞེས་རྒྱ་ནག་པ་རྣམས་ཟེར་རོ། །གབ་མིང་དུ་སེངྒེའི་འོ་མ་ཞེས་བཤད་པའང་འདི་ཁོ་ནའོ། ། ༈ ཛཱ་ཏི། སྐྱེ་ལྡན་སྟེ། བོད་དག །ཛཱ་ཏི། ཤིང་སྡོང་། ཛཱ་ཏི་མཱ་ལ། དེའི་མེ་ཏོག །ཛཱ་ཏི་ཕ་ལ། འབྲུའོ་ཞེས་ཟེར་བ་ནི་ཚོད་གཏམ་སྟེ། ཛཱ་ཏི་ལ་མེ་ཏོག་སེར་པོ་འཐུག་ཉམས་ཅན་ཛཱ་ཏིའི་རོ་བྲོ་བ་ཡོད། མེ་ཏོག་གི་ཤུལ་དུ་གང་བུ་སྔོན་པོ་སྙིམ་པ་ཙམ་བཟར་རུང་བ་འབྱུང་། དེའི་ནང་དུ་ཛཱ་ཏི་འདི་རྣམས་རུས་པའི་རྣམ་པར་ཡོད། རྒྱ་དཀར་ནག་གི་མཚམས་ནས་འབྱུང་། ཛཱ་ཏི་མཱ་ལཱ་སྟེ་སྣ་མའི་མེ་ཏོག་ནི། རྒྱ་གར་དང་བལ་ཡུལ་གྱི་མཐའ་སོགས་སུ་སྐྱེ་བའི། ཤིང་ཕྲ་མོ་སྡོང་ལོ་ལྗང་སྔོན་ལྕ་བའི་ལོ་མ་འདྲ་རུང་བ། མེ་ཏོག་དཀར་ཆུང་དྲི་བཟང་ཅན། སྲི་ཤིང་སྣ་མ་ཞེས་གྲགས་པ་སྟེ། དེས་ན་ཛཱ་ཏི་དང་འདི་གཉིས་ཤིན་ཏུ་ཐ་དད་པའོ། ། ༈ སཱུ་ཀྵྨཻ་ལཱ། སྟེ་ཕྲ་མོ། ཟུར་ཆག །སུག་སྨེལ། འདི་ལ་རིགས་ཆེ་ཆུང་གཉིས་ཡོད། ངོ་བོ་ནོར་སོ་ཆུང་། ། ༈ ཀཀྐོ་ལ་ཀཾ །ཚོགས་སྲེད་ཅན། ཟུར་ཆག་པས། ཀ་ཀོ་ལ། ། ༈ ཀུངྐུ་མ། ཟུར་ཆག་པས། གུར་གུམ་སྟེ། རྡོ་རྗེ་མཁའ་འགྲོར། གུར་གུམ་ཀུ་སུམ་དམར་འདྲ་ཞིང་། །སྣུམ་ལ་གེ་སར་སྲབ་པ་མཆོག །གེ་སར་སྦོམ་ཞིང་སེར་བ་དང་། །སྦྲང་རྩིའི་དྲི་ལྡན་འབྲིང་པོ་ཡིན། ཞེས་གསུངས། དེ་ཡང་ཨུ་རྒྱན་དང་། ཁ་ཆེར་འབྱུང་བ་སྟེ། ཁ་ཆེ་གུར་གུམ་ཞེས་གྲགས་པ་འདི་ནི་དངོས་ཡིན། རྒྱ་གར་གྱི་ཡུལ་ཐམས་ཅད་དང་། དེའི་རིགས་གཅིག་བལ་པོ་དང་། བོད་ཀྱིའང་སྡུམ་རར་སྐྱེ་བའི་ལེབ་རྒན་རྩི་ཞེས་གྲགས་པ་འདི་རྣམས་ནི་ཚབ་རུང་ཙམ་མ་གཏོགས། གུར་གུམ་དངོས་མིན་ཏེ། བརྒྱད་པ་རྩ་འགྲེལ་སོགས་སུ་གུར་གུམ་དང་། ལེབ་བརྒན་རྩི་ཐ་དད་དུ་བཤད་པས་སོ། ། ༈ ལ་པངྒ་། ལི་ཤི། འདི་རྒྱ་དཀར་ནག་གཉིས་ཀ་ལས་འབྱུང་། ལི་ཤི་བུམ་པ་ཅན་ནི་སྐེད་པ་བུམ་པའི་ལྟོ་བ་འདྲ་བ་དཀྱུས་མ་ལས་ཆེ་ཙམ་སྟེ་རྒྱ་ཡུལ་དུ་ཡོད། ལི་ཤི་སྨུག་ཅིང་སྲ་ལ་ལྕི། །འབྲུ་རྣམས་ཉམས་པ་མེད་པ་བཟང་། །ཞེས་པ་ནི་ལི་ཤི་ཤི་མ་སོང་བ་དང་། མདོག་སྐྱ་ལ་དྲི་ཆུང་བ་ནི་དྲི་སྣུམ་གྱི་ཆེད་དུ་བརྩིར་བའི་རོ་མ་ལ་ཤི་སོང་བ་ཡིན་པས་ཞན། རབ་གནས་ཀྱི་ཆོ་གར་ཁྲུས་ཆས་དྲི་སྣུམ་ཞེས་བཤད་པའང་ལི་ཤི་སོགས་ལས་སྦྱར་བའོ། ། ༈ ཨ་མྲཿ ནད་བྱེད་དེ། ཨ་འབྲས་ནི་ཨམྲ་ཞེས་ཤིང་སྡོང་ཆེན་པོ་ལྗང་ནག །འབྲས་བུ་ལྗང་གུ་སྨིན་ནས་སྔོ་ལྗང་དུ་འགྲོ་བ། རོ་ཤིན་ཏུ་མངར་སྐྱུར་དང་ལྡན་པ་ཞིག་ཡོད། དེ་ལས་རྒྱ་བལ་དུ་ཁཎྜ་བྱས་པ་ཡོད། དེང་སང་བལ་སྨན་གྱི་ཁྲོད་དུ་འབྱུང་བའི་སྐྱ་བོ་སྤུ་སོབ་རྩ་རིས་ཀྱི་རྣམ་པ་ཡོད་པ་འདི་ནི་དེའི་ནང་རུས་སོ། །འཇང་སོགས་ནས་འབྱུང་བའི་ཤིང་ཏོག་སེ་ཞགས་ཆགས་པ་འདི་ནི། ཤིང་ཏེན་ཏུ་ཀའི་འབྲས་བུ་ཡིན་གྱི། ཨ་འབྲས་མིན་ནོ། ། ༈ སྲ་འབྲས་ནི། ཀཱ་ཀ་ཛམྦུཿ སྟེ་བྱ་རོག་ཛམྦུ་ཟེར་བའི་ཤིང་འབྲས་ཡིན། ། ༈ ཀ་ར་ཛཿ འཇམ་འབྲས་འདི་ལ་རིགས་མང་ནའང་། ཐམས་ཅད་ཀ་རཉྫའི་ནང་གསེས་ཡིན་པས། འཇམ་འབྲས་དང་། ཀ་ར་ནཱའི་གཅིག་གོ། ། ༈ བལླེཛཾ། ཕོ་བ་རིས་ནག་པོ་དང་། ཤི་ཀྲུ། ན་ལེ་ཤམ་དཀར་པོ་སྟེ་རིགས་གཉིས་ལས། ཕྱི་མ་འདི་བུད་མེད་ཀྱི་སྐྱེ་རྒྱུན་གཅོད་པའི་སྨན་མཆོག་ཅེས་འཕགས་བལ་གྱི་སྨན་པ་དག་བཤད། ། ༈ པི་པུ་ལཱི། ཟུར་ཆག་པས་པི་ལིང་། འདིའི་རྩ་བ་ལ། པི་ལིང་མཱུ་ལ་ཞེས་དེང་སང་བོད་རྣམས་ཀྱིས་ཙི་ཏྲ་ཀ་བྱེད་རྒྱུའི་སྐྱ་བོའི་ཚིགས་མདུད་མང་པོ་ཅན་འདིའོ། །སྡོང་པོ་ནི། ཙི་ཏཿ ཟེར་བའི་སྐྱ་བོ་སུག་པ་འདྲ་ཚད་པ་ཞིག་ཡོད། འབྲས་བུ་ནི་པི་ལིང་སྟེ་དེ་ལྟར་ན་ཤིང་གཅིག་ལ་སྨན་གསུམ་འབྱུང་བ་ཡིན་ནོ། །སྤྱིར་པི་ལིང་ཕྲ་མོ་ཁ་དོག་སྔོ་ནག་འབྲུམ་པ་ཞིབ་མོ་མི་གསལ་བ་འདི་ལ་སྡུམ་ལྕགས་སྐུན་མ་དང་། དེ་ལས་ནག་པ་འབྲུམ་པ་ཡང་གསལ་བ་འདི་ལ་བྱི་རིལ་མ་ཟེར་བ་སྟེ་འདི་གཉིས་རིགས་གཅིག་དང་། ཡང་ཀ་རི་པིཔྤ་ལཱི། གླང་པོའི་པི་ལིང་ཞེས་མདའ་སྨྱུག་ཙམ་པ་མདོག་ཁམས་པ་འབྲུམ་པ་རྩིང་ཞིང་རོ་འཇམ་པ་འདི་ནི། པི་ལིང་སྦོམ་པོ་སྟེ། འདི་གཉིས་རོ་ནུས་ཅུང་ཟད་མི་མཚུང་པས་ཟླ་ཟེར་སོགས་སུ་སྨན་སོ་སོར་མཛད། རྒྱ་ནག་ནས་འབྱུང་བའི་དབང་ཕྱོགས་པི་ལིང་ཞེས་གྲགས་པ་ནི་སྔ་མ་གཉིས་དང་རིགས་མཚུངས། ཀོང་པོ་སོགས་བོད་རོང་ནས་འབྱུང་བ་འདི་རྣམས་ཀྱིས་ཀྱང་ཚབ་རུང་བར་གསུངས་སོ། ། ༈ ཤུཎྛཱི། སྨན་སྒ་ནི་སྒ་སྐམ་པོ། ཨཏྤྲ་ཀཾ། སྒེའུ་གཤེར་ནི་སྒ་རློན་པའོ། །བོད་རྣམས་སྒ་མདོག་སྐྱ་བོ་རོ་མི་ཚ་བ་དེ་ལ་སྒ་སྐྱར་བྱེད་ནས་མ་ནུ་བཞི་ཐང་སོགས་ལ་བཏང་བ་ནི་ནོར་བ་སྟེ། སྒ་ཕལ་པ་རོ་མི་ཚ་བ་འདི་རྒྱ་གར་བ་རྣམས་ཀྱིས་སྨན་ལ་བཏང་སྲོལ་མེད། མ་ནུ་བཞི་ཐང་སོགས་སུ་བཏང་རྒྱུ་ནི་སྒེའུ་གཤེར་ཉིད་དོ། ། ༈ ཤིང་ཚ་ནི། རྒྱ་བལ་འཇང་རྒྱལ་རོང་སོགས་སུ་སྐྱེ་བའི་ཤིང་བོད་རྣམས་ཨ་གར་གོ་སྙོད་མར་བྱེད་པ་དེའི་ལྤགས་པ་སྟེ་ཇི་ལྟར་འཐུག་པ་བཟང་། སྲབ་མོ་ནི་ཤ་སྤོད་བྱེད་པ་ལས་སྨན་དུ་མི་གཏོང་། བོད་དག་སྲབ་མོ་ལ་ཤིང་ཚ་དང་འཐུག་པ་ལ་དོ་ཚར་བྱེད་པ་ནོར་བ་ཡིན་ལ། འདིའི་རིགས་གཅིག །ཤིང་པི་ལུ་སྟེ་ཤིང་རོ་ཚ་ཟེར་བ་ནི་བརྒྱད་པར། པི་ལུ་འབྲས་བུས་མཁྲིས་པ་བསྐྱེད། །བད་ཀན་རླུང་ནད་སེལ་ཞིང་འཁྲུ། །ཞེས་པ་དེའོ། ། ༈ ཨེ་རཎྜཿ དནྡ། འདི་སྡོང་པོ་ལྕུམ་ལྡོང་འདྲ་བ་སྟོད་དམར་སྨུག་ཁོང་སྟོང་ཚིགས་ཐག་ཐུང་བ། ལོ་མ་ཡང་ལྕུམ་ལོ་འདྲ་བ་རྩེ་མོ་ལྔ་དྲུག་བདུན་པ་ཁོ་ན་ཡོད་པ་སྟེ། རིགས་གཉིས་ཡོད། དན་རོག་འབྲས་བུ་དབྱིབས་རུ་སྦལ་འདྲ་བ་རུ་སྦལ་མ་ཞེས་གྲགས་པ་དེ་ནི་རྒྱ་ཡུལ་དུ་ལོ་མས་དར་གྱི་འབུ་གསོ་བའི་ཤིང་དར་ཤིང་ཟེར་བ་དེའི་འབྲས་བུ་སྟེ་དནྡ་དཀྱུས་མ་དང་མིང་གཅིག་གོ། ། ༈ ཤྲཱི་ཁཎྜཿ ནི་བལ་པོ་སོགས་སུ་ཞིང་གི་རིབ་མའི་དོན་དུ་བཙུགས་པའི་ཤིང་ཚེར་མ་ཅན་ལོ་མ་དང་མེ་ཏོག་མེད་པ་བཛྲ་དྲུཿསྟེ་རྡོ་རྗེའི་ཤིང་སོགས་སུ་གྲགས་པའི་འོ་མ་ལས་ཁཎྜ་བྱས་པ་སྟེ། ཟླ་ཟེར་སོགས་སུ་སྦྱོང་སྨན་ལ་ཚེར་མ་རྣོ་ཞིང་འོ་མ་མང་བ་དེ་བཟང་བར་བཤད། ཌཱ་མ་རུ་དྲྭ་བ་ཅན་གྱི་ཁ་ཤིང་ཡང་འདི་ལས་བཟོ་བར་བཤད་དོ། ། ༈ བི་ཌངྒཿ ཟུར་ཆག་པས་བྱི་ཏངྒ། འདི་ངོ་བོ་འཁྲུལ་སོ་ཆུང་། ། ༈ ཙནྡན་དཀར་པོ་ལ། མཱ་ལ་ཡར་སྐྱེ་བའི། གོ་ཤྲཱིཪྵཾ། ས་མཆོག །སཪྤེ་ཊ། སྦྲུལ་སྙིང་སོགས་སུ་གྲགས་པ་ནི་དེང་སོང་མི་ཕལ་བའི་སྤྱོད་ཡུལ་དུ་མ་གྱུར་ལ། ད་ལྟ་རྒྱ་གར་ནས་འབྱུང་བ་འདི་རྣམས་ནི། ཡུལ་མལླ་ར་ནས་འབྱུང་ཞིང་། དེའང་དཀར་སེར་སྨུག་གསུམ་འབྱུང་ངོ་། ༈ །ཙནྡན་དམར་པོ་ནི་བལ་པོ་དང་ཉེ་བའི་ས་ཆ་རྣམས་དང་། རྒྱ་ཡུལ་འཇང་དང་ཉེ་བ་སོགས་སུའང་འབྱུང་། ཇི་ཙམ་མཁྲེགས་ཤིང་ལྕི་བ་བཟང་། སོབ་པ་ཞན་ནོ། ། ༈ ཨ་གུ་རུ། ལྕི་མེད། དེ་ཟུར་ཆག་པས་ཨ་ག་རུ། འདི་ལ་རིགས་གཉིས་ལས། ད་ལྟ་སྐྱ་སོབ་གསོ་མ་འདྲ་བ་ལ་སྨྱུག་མའི་རྩི་གཞོག་པ་འདྲ་བ་དང་། བསམ་པ་ཆུ་ནང་དུ་རུལ་བ་འདྲ་བ་འདི་རྣམས་རྒྱུ་གཅིག་ཅིང་ཨར་སྐྱ་ཞེས་ཟེར། དེ་ལས་སྔ་མ་བཟང་བར་བྱེད་མོད། གཙོ་ཆེར་བསྲེག་ན་དྲི་ཇི་ཙམ་བཟང་བ་རང་ལེགས། བོད་རྣམས་ཨར་སྐྱ་འདི་ལ། ཨ་གར་འབའ་ཞིག་ཅེས་བཏགས་པ་ནི། མདོ་རྣམས་ལས། ཨ་ག་རུ་ཁོ་ནས་བདུག་པའི་དོན་ལ་ཨ་ག་རུ་འབའ་ཞིག་གིས་བདུག་པར་བྱའོ། །ཞེས་འབྱུང་བ་མ་གོ་པའི་འོལ་ཚོད་ཙམ་མོ། །ཨར་ནག་ནི། ཕྱི་ཤུན་ལྤགས་ནག་པོ་ལ་ནང་སྨྱུག་མའི་རྩི་བཞོག་པ་འདྲ་བ་དེ་ལ་ངོས་འཛིན་ཏེ། ཤིང་དངོས་ནི་སྐྱ་སོབ་ཉིད་དོ། །ད་ལྟ་བོད་རྣམས་ཨར་ནག་མཆོག་ཏུ་ངོས་འཛིན་པ་རྒྱ་ཡུལ་ནས་འབྱུང་བའི་རྒྱ་སྐད་ཆི༷ན་ཤ༷ང་ཞེས་ཟེར་བ་འདི་ནི། རྒྱ་གར་བ་རྣམས་ཙནྡན་སྦྲུལ་གྱི་སྙིང་པོ་རྒྱ་མཚོའི་རླབས་ཀྱིས་ཁྱེར་བ་ཡིན་ཟེར་སྲོལ་ཡོད། འབྱུང་ཁུངས་ནི་མཐའི་རྒྱ་མཚོའི་འགྲམ་གྱི་བྱེ་མའི་གསེབ་ནས་དོན། མཆོད་རྫས་སུ་བྱེད་ཅིང་རིན་པོ་ཆེའི་རིགས་ལྟ་བུར་འདོད་པ་ལས་ས་འདི་ན་སྐྱེ་ཞེས་ངེས་པ་མེད། ཤིང་རུལ་སོང་བའི་སྙིང་པོའི་རྣམ་པ་བྲག་རིའི་དབྱིབས་ཅན་མེ་ལ་བསྲེགས་ན་རོ་མེད་དུ་ཞུ་ཞིང་དྲི་བཟང་བ་ཞིག་འདུག །འདི་ནི་མགོན་པོ་བེར་གྱི་སྒྲུབ་སྐོར་དུ། ཙནྡན་སྦྲུལ་གྱི་སྙིང་པོ་ལོ་སྟོང་ས་ཞབས་སུ་སོང་བ་ནི་ཏུ་རུ་ཥྐཿའོ། །ཞེས་གསུངས་པ་དང་རྒྱ་ཡི་སྐད་ཆ་འདི་ཕྱོགས་མཚུངས་པར་རྟོག་གོ། །ཡང་། མངའ་རིས་དང་འཇང་རྒྱལ་རོང་ས་ངན་སྡེ་དགེ་སོགས་སུ་སྐྱེ་བའི་ཤོག་ཤིང་གི་རིགས་མེ་ཏོག་རེ་ལྕགས་འདྲ་བ་སེར་ཁ་ཡོད་པ་རྩ་བ་དང་སྡོང་པོའི་སྙིང་པོ་ཁམས་ནག་དང་། ནག་པོ་དང་། སེར་ཤས་ཅན་མེར་བསྲེགས་ན་དྲི་ཞིམ་པ་སྣུམ་ཁོལ་བ་འདི་རྣམས་ཀྱང་ཨར་ནག་ཏུ་ངོས་འཛིན་པར་སྣང་། བོད་ཀྱི་སྨན་རྣམས་སུ་ཨ་གར་རིགས་གསུམ་དུ་ཕྱེ་བའི་ནང་གསེས། ཨ་གར་གོ་སྙོད་མ་ཞེས་གྲགས་པ་ནི། འཇང་རྒྱལ་རོང་འབོ་གངས་དཀར་ལྷོ་མོན་རོང་མཚམས་སོགས་སུ་སྐྱེ་བའི་ཤིང་སྡོང་ཆེན་པོ། ཨར་སྐྱ་དང་ཕྱོགས་འདྲ་ལ་ཁ་དོག་དམར་ཤས་ཅན་དང་ཁམས་ནག་ཀྱང་ཡོད་པ། གོ་སྙོད་ཀྱི་དྲི་བྲོ་བ། འཇང་སྐད་བསྲོ་བི་ཟེར་བ་སྟེ་ལྕོག་རྩེ་དང་གླེགས་ཤིང་སོགས་བཟོ་སྤྱད་དེའོ། །འདི་ལ་རྗེ་རང་བྱུང་པས། ཨ་གར་དམར་པོས་རླུང་ཚད་འཇོམ། །ཞེས་ཀྱང་གསུངས་སོ། ། ༈ ཁ་དི་རཿ སེང་སྡེང་། འདི་ལ་རིགས་གསུམ་སྟེ། ཁ་དོག་ཤིན་ཏུ་དམར་པོ་བོད་རྣམས་ཙནྡན་སེང་སྡེང་དུ་བཏགས་པ་དང་། སྙིང་པོ་མ་གཏོགས་དཀར་པོ་ཅན་གསོམ་སེང་སྡེང་ཟེར་བ་དང་། བཤང་པའི་སེང་སྡེང་སྟེ་རྣམས་པ་གསུམ་མོ། ༈ །རྒྱ་སྐད། ཏ་ལའི། ཟུར་ཆག་པ་ད་ལིས་སྟེ། རྩ་སྡོང་ལོ་མ་མེ་ཏོག་ཀུན་བོད་ཀྱི་འདི་དང་མཚུངས་སོ། ། ༈ ལཱཀྵཱ། རྒྱ་སྐག །ཐང་ཆུ་འདི་འབྱུང་བའི་ཤིང་གི་མིང་ལ། པ་ལ་ཤ །འདབ་ལྗང་། ཀིཾ་ཤུ་ཀ །ནེ་ཙོའམ་ཅི་ཞེས་གྲགས་པ་དེའོ། ། ༈ ཞུ་མཁན་ལ་རིགས་གཉིས་ལས། ཤིང་སྡོང་ཆེན་པོ་ལྕང་མ་འདྲ་ཚད་པ་ལོ་མ་སྲབ་འཇམ་ནག་པ་ལ་ཞུ་མཁན་དཀར་པོ་དང་། ལོ་མ་འཐུག་ཅིང་ལྗང་ལ་གསེར་འོད་ཆགས་པར་ཞུ་མཁན་དམར་པོ་ཞེས་བཤད་དོ། །དེ་འང་ཞུ་མཁན་ནི་རྒྱ་སྐྱེགས་ཀྱི་ཁུ་བ་འདོན་བྱེད་དང་། སེང་ཕྲོམ་ནི། ལོ་མས་ཚོད་མ་འོང་པ། འབྲས་བུ་ལ་སྣུམ་ཡོད་པའི་སྔོ་སྡུམ་འོ་མ་ཅན་ཞིག་ལ་ངོས་འཛིན་པོ་པས་ཐ་དད་པར་བཞེད་དོ། ། ༈ དེ་བ་དཱ་རུ། ལྷ་ཤིང་ནི་བོད་ཀྱི་ཤུག་པ་འདི་ཁོ་ན་ཡིན་ཅིང་། རྒྱ་བལ་སོགས་སུ་མི་སྐྱེ་པས་བལ་པོའི་རྒྱལ་པོའི་སྐྱེད་ཚལ་དུ་བསྐྱེད་ཤིང་ཤུག་སྡོང་གཅིག་འདུག་པའང་ཡ་མཚན་ཆེན་པོ་བྱེད་ཅིང་འདུག་ཅེས་གསུངས་སོ། །མན་རྒྱུད་སོགས་སུ་ཐང་ཤིང་ཞེས་གསུངས་པའང་འདི་ཀའོ། ། ༈ ཡང་བརྒྱད་པ་སོགས་སུ། ཤུག་པ་དང་དཱེ་བ་དཱ་རུ་སོ་སོར་བྱས་ཏེ། པདྨ་ཀ །པདྨ་ཅན། ཧེ་མ་པདྨ། གསེར་གྱི་པདྨ། ཀ་ལ་ཤ །བུམ་པ་ཅན། དེ་བ་དཱ་རུ་ནི་ཐང་ཆུའི་ཤིང་སྟེ། ཡལ་ག་ལོ་མ་འབྲས་བུ་ཐམས་ཅད་ཐང་ཆུའི་རང་བཞིན། ཅུང་ཟད་རེག་ནའང་ཐང་ཆུ་འགོས་པ། ལོ་མ་སྤུའི་རྣམ་པ་ལྗང་སེར་མཛེས་པ། འབྲས་བུ་མཐོ་རེ་ལྷག་ཙམ་ཤིང་གི་པད་བརྩེགས་ནང་དུ་ཚིག་གུར་རིལ་ཙམ་སུམ་ཀྱོག་གི་ནང་དུ་སྟར་ག་ལྟ་བུར་ཞིམ་པའི་རྐང་མར་ཡོད། འདིའི་ཐང་ཆུས་གཤའ་དང་ཞ་ཉེའི་འབྱར་རྩི་བྱེད། འདིའི་རིགས་འབྲས་བུའི་རྐང་མར་མེད་པ་དེ་ལ་སྒྲོན་མེ་ཤིང་ཞེས་གྲགས་སོ། ། ༈ པི་ཏ་དྲུཿ ཤིང་སེར་སྟེ་སྐྱེར་པ་ནི། རྒྱ་བལ་དང་འཇང་དང་རོང་རྣམས་སུ་སྐྱེ་བ་ཤིང་སྡོང་ཆེན་པོ་ལོ་མ་ཁ་བྲག་ཅན་ཚེར་མས་ཁྱབ་པ། བར་ཤུན་སེར་པོ་སོར་དོ་ཙམ་ཡོད་པ་སྟེ། བོད་ཀྱི་འདིས་ཀྱང་ཚབས་རུང་ངོ་། ། ༈ ནིམྤ་ནི་ཤིང་ཕྲན་འབྲས་བུ་ལ་ཕལ་སྐད་སིནྟོ་ལ་ཟེར་བ། ཚ་ལུམ་འདྲ་བ་སེར་པོ། ལོ་མ་ལྗང་སེར་ཕྱི་ཅུང་ཟད་སྣུམ་ལ་ཚེར་མ་ཐོར་ཙམ་ཡོད་པ་རོ་ཤིན་ཏུ་ཁ་བ་ཞིག་སྟེ། རྒྱ་ནག་ལས་འབྲས་བུ་ལ་མ༷ཆི་མ༷་ཕཱིས༷་ཟེར་རོ། ༈ །མཉྫའི་ཥྛཱ། ལེགས་གནས་སོགས་སུ་གྲགས་པའི་བཙོད་ནི་ངོས་འཛིན་སླ་བ་ཉིད་དོ། ། ༈ པཏྶཱད་ནཱི། བེའུའི་ཟས་སོགས་སུ་གྲགས་པའི་སླེ་ཏྲེས་ནི་རྒྱ་བལ་དང་རོང་མཚམས་ཕལ་མོ་ཆེར་སྐྱེ་ཞིང་འཁྲུལ་སོ་ཆུང་། ། ༈ ཀཎྚཀ་འདི་ཊ་སྡེའི་དང་པོ་བཟློག་ཅེས་སྣང་རི། ཚེར་མ་ཅན་དང་། བྱཱ་གྷྲཱྀ། སྟག་ཚེར། བྲྀ་ཧ་ཏཱི། ཡངས་མ་སོགས་སུ་གྲགས་པ་ནི། ད་ལྟར་ངོས་འཛིན་པ་འདི་མ་འཁྲུལ་བ་ཡིན། ། ༈ ག་ཐ་ནི། སིདྷ་ཀཎྚ་ཀཿ །སེང་ཚེར་ཞེས་པ་སྟེ་བལ་ཡུལ་སོགས་སུ་སྐྱེ། འབྲས་བུ་སེར་པོ་སེ་བའི་འབྲས་བུ་འདྲ་རུང་བ་རོ་སྐྱུར་ཤས་ཅན་གྱི་ཤིང་ཕྲན་ཞིག་སྟེ། བོད་དུ་ངོས་འཛིན་པ་འདི་དག་ཀྱང་གཡུ་ཐོག་བྱང་ཟུར་བཅས་ཀྱིས་བཞེད་པས་ཚབས་རུང་གི་ནུས་པ་ཕྱོགས་མཚུངས་ཡིན་འདྲ། ། ༈ ཙིཏྲ་ཀ་ནི། ཤིང་ཕུང་ལོ་མ་དང་སྡོང་པོ་ཐམས་ཅད་དམར་ཞིང་རོ་ཚ་བ་ཞིག་ཡོད། འདི་སུ་རུ་པཉྩ་ལ་ངོས་འཛིན་པ་དང་། པི་ལིང་གི་རྩ་བ་སོགས་ལ་འཆད་པ་ནི་ནོར་བའོ། །པི་ལིང་དང་། དེའི་རྩ་བ་དང་། དབྱི་མོང་དང་། ཙི་ཏྲ་ཀ་དང་། དོང་གྲ་རྣམས་ནི་ཚ་བ་ལྔའོ། ། ༈ བེ་ཏ་ས། སྒྱུར་པོ་ཞེས་གྲགས་པ་ནི། ཟླ་ཟེར་དང་བྱེ་རྟོགས་སུ་ཏ་ཏུར་བསྒྱུར་བ་ཡང་དངོས་མིན་རུང་ནུས་པ་མཚུངས་སོ། ། ༈ དཱ་ཌཱི་མཿ སེ་འབྲུ་ནི་འཁྲུལ་སོ་ཆུང་། ། ༈ ཤིང་རོ་ཧི་ཏ་སྟེ་སྐྱེད་བྱེད་དུ་གྲགས་པ་ནི། བལ་པོའི་སེའུ་ཞེས་པ་སྟེ། ཤིང་ཕུང་དབྱིབས་བསེ་ཡབ་དང་མཚུངས་པ། འབྲས་བུ་དང་པོ་ནས་མངར་བ་དང་། སྨིན་ནས་མངར་བ་དང་། སྨིན་ནས་ཀྱང་སྐྱུར་པོར་གནས་པའི་རིགས་གསུམ་ཡོད་ཅིང་། གསུམ་ཀའི་མེ་ཏོག་ནི་དམར་པོ་ཁོ་ནའོ། །རྒྱུད་སྡེ་རྣམས་ལས་བལ་པོའི་སེའུ་སྨྱི་གུས་འབྲི་བར་གསུངས་པ་སོགས་ཀྱང་འདི་ཁོ་ན་སྟེ། མ་རྙེད་ན་འོ་སེའི་ཤིང་གིས་ཚབས་རུང་བར་བྱེད་དོ། ། ༈ མྲྀཊྭཱི་ཀཿ ཞིམ་ཤིང་སྟེ་རྒུན་འབྲུམ་ལ། ད་ལྟ་རྒུན་དཀར་རམ། ས་རུ་ཤི་ཀའམ། འབའ་ཤོའི་རྒུན་འབྲུམ་དུ་གྲགས་པ་འབྲས་བུ་ཆུང་ངུ་ཅན་རུས་པ་མེད་པ་འདི་མཆོག །ཁམས་ཀྱི་ཚ་བ་སྒོང་སོགས་ནས་འབྱུང་བའི་དམར་པོ་དཀར་ཤས་ཆེ་བ་རོ་མངར་བ་ཉིད་རབ། དམར་སྨུག་སྐྱུར་ཤས་ཆེ་བ་འབྲིང་། རྒྱ་ཁ་དང་དྭགས་པོ་སོགས་ནས་འབྱུང་བའི་སྔོན་པོ་ནི་དམན། ས་རུ་ཤི་ཀ་ནི་ནུས་པ་བསིལ་ཞིང་། གཞན་རྣམས་དྲོ་བའོ། ། ༈ པོ་སོ་ཆ་ནི། དབང་སྡུད་ཀྱི་སྐབས་རྣམས་སུ། མ་ད་ན་ཕ་ལཿསྟེ་མྱོས་བྱེད་ཀྱི་འབྲས་བུ་ཟེར་བ་དེ་ཡིན། དེའང་འབྲས་བུ་སེར་པོ་ལུང་ཏང་གི་འབྲས་བུའི་ཤུན་པ་འདྲ་བ་སུལ་མོ་ཅུང་ཟད་ཡོད་པ་ནང་ཚིག་གུ་སེ་འབྲུ་འདྲ་བ་ཞིག་ཡོད། ཚད་རོང་རྣམས་སུ་སྐྱེ་བའི་ཤིང་རྒན་མཁྲེགས་པོ་ཞིག་གི་འབྲས་བུའོ། །གཞན་དག་ལུང་ཏང་གི་འབྲས་བུའི་ཤུན་པ་ལ་བྱེད་པ་དང་། སྟག་མའི་ཉུང་མ་སོགས་ལ་བྱེད་པ་ནི་ནོར་བ་ཁོ་ནའོ། །ཕྱི་མ་འདི་སྲིན་ལ་ཤིན་ཏུ་ཕན་པ་ཞིག་ཡིན། སྐྱུགས་པའི་ནུས་པ་ནི་མེད་དོ། ། ༈ ཏིནྟཌི་ཀམ། བསེ་ཡབ་ནི། ལོ་མ་ཆེ་ཞིང་མེ་ཏོག་དཀར་པོ་ཅན་འབྲུ་ཧྲིལ་པོ་རོ་སྐྱུར་ལ་མངར་ཤས་ཡོད་པ་དེ་ཡིན་ལ། མི་རྒན་ཨ་མཆོག་ཏུ་གྲགས་པའི་ཀུ་ཤུའང་རིགས་གཅིག་སྟེ། བརྒྱད་པར། ཀུ་ཤུ་རྣམ་གཉིས་ལྕི་བ་སྟེ། །མངར་བསིལ་སྐྱུར་བ་ཚ་བ་ཡིན། །ཅེས་སོ། །དེའང་བསེ་ཡབ་ལ་འབྲས་བུ་ཆེ་ཆུང་རིགས་གཉིས་དང་། ཀུ་ཤུ་ལའང་མངར་སྐྱུར་གྱི་རིགས་གཉིས་ཡོད། ། ༈ གླ་གོར་ཞོ་ཤ་ནི། ཤིང་གྷཎྚོ། སྟེ་འཁྲུལ་ཤིང་དུ་གྲགས་པའི་འབྲས་བུ། ཨུངྒེ་གམ། རབ་བསྐྱོད་དུ་གྲགས་པ་སྟེ་ངོ་བོ་འཁྲུལ་སོ་ཆུང་། ། ༈ ཨ་རིཥྟ། ལུང་ཏང་སྟེ། འདི་ལ་ནག་པོ་དམར་ངམ་ཅུང་ཟད་ཡོད་པ་ཞིག་དང་། པདྨ་རཱ་ག་ལྟར་དམར་སྨུག་གཉིས་ཡོད། ཤུན་པའི་ཕྱེ་མའི་དུ་བ་སྣ་ནས་རྔུབ་པས་ཡ་མ་དང་སྲིན་ལ་ཕན། ཆུ་ལ་སྦངས་པའི་ཁུ་བས་ཟངས་ཀྱི་གཡའ་ཆོད་པར་བྱེད། རྣམ་སྲས་སོགས་ཀྱི་བགྲང་ཕྲེང་ལ་འབྲས་བུ་དམར་འདི་ལ་གབ་མིང་དུ་རི་བོང་མིག་ཞེས་བཤད་པས་པོ་དེ་ལེགས་སོ། ༈ །ཤྲཱི་ཕ་ལཿ དཔལ་འབྲས་ཏེ། ཤིང་ཏོག་བིལྦ་ནི་མིང་བཀྲ་ལེགས་པས་བཀྲ་ཤིས་པའི་རྫས་སུ་བྱེད། འདི་ནི་ཤིང་སྡོང་ཆེན་པོ། ཡལ་ག་རྩུབ། ལོ་མ་ཕྱི་ནང་རི་མིག་བདུན་པ་སོགས་ཀྱི་གཙོ་བོའང་འདི་ཀའོ། །ཐམས་ཅད་དང་། འབྲས་བུ་ལྗང་གུ། སྨིན་ནས་ཅུང་ཟད་དམར་སེར་དུ་འགྲོ་བའོ། ། ༈ བིལྦ་དང་ཕྱོགས་འདྲ་ཀ་པི་ད་ནི་སྐྱུགས་པ་འཇོམས་པར་བྱེད་པའི་སྨན་སྟེ། འདི་ཀུ་པ་ལ་ངོས་བཟུང་བ་སྣང་ནའང་མ་ངེས་ཏེ། ཀུ་བ་ནི་སྐྱུགས་སྨན་དུ་བཤད་པའི་ཕྱིར། ། ༈ བརྒྱད་པ་དང་། སྨན་རྒྱུད་ལས་ཀྱང་གསུངས་པའི། པྲྀཐཀྤ་རྞཱི། ལོ་མ་ཐ་དད་ཅེས་པ་ནི། ཤིང་སྡོང་ཆེན་པོ་ལོ་མ་ཆུང་ངུ་ཁ་དོག་སྣ་ཚོགས་པ་ཞིག་ཡོད། ནང་གསེས་སུ། ཙ་ཀི་ལི་ཡཱ་དང་། ཀ་ཊ་རཱ་ཟེར་བ་གཉིས་ཡོད་དོ། ། ༈ སཱ་ལ་པརྞི་སྟེ་སྤོས་དཀར་ཤིང་གི་ལོ་མ། འདི་སྡོང་པོ་ཤིན་ཏུ་ཆེ་བས། གསུང་རབ་རྣམས་སུ་མཐོ་བའི་ཚད་རྒྱལ་རིགས་ཤིང་སཱ་ལ་ཆེན་པོ་ལྟ་བུ་ཞེས་གསུངས་བ་དེའོ། ། ༈ རྒྱ་ནག་སྐད་དུ། ཀྭ་ཝ། ཟུར་ཆག་པས་ཀུ་བ་ནི་རོང་མཚམས་རྣམས་སུ་སྐྱེ་བའི་འཁྲིལ་ཤིང་ཞིག་སྟེ་འབྲས་བུ་ཆུ་སྣོད་སོགས་རུང་བ་ཕྱག་ཚང་ཀུ་བ་ཞེས་པ་དེའོ། །འདིའི་འབྲས་བུ་གསེར་མེ་འདྲ་བ་དེ་བོད་ཁ་ཅིག་གསེར་ཕུད་དུ་འདོད་ཀྱང་ནོར་བའོ། ། ༈ ཡང་། ཀུ་བ་དེ་འདྲའི་རིགས་ཕལ་སྐད་བཱདྒཱི་ཟེར་བའི་འཁྲི་ཤིང་ཞིག་གི་འབྲས་བུ་བཟར་རུང་བ་མངའ་རིས་སོགས་སུག་གོན་ཟེར་བའི་མིང་བརྒྱད་པ་སོགས་སུ། བེ་ཤ་ལཱ། དང་བརྡ་རྙིང་པར། བྱི་ཤ་ལ་ཟེར་བ་ཡོད། ། ༈ བི་ཏུནྣ་ཀཾ །འུ་སུ། འདི་ལ་མེ་ཏོག་གིས་དབྱིབས་དཀར་སེར་གཉིས་ཡོད་ཀྱང་ནུས་པ་འདྲ། འདིའི་གཅིག་ཤོས་ཤུ་ཏི་ཡིན་པར་འདོད་པ་ནི་ནོར་བ་སྟེ། ཤུ་ཏི་ཞེས་གོ་སྙོད་ཀྱི་དངོས་མིང་ཡིན་ནོ། ། ༈ སོ་མ་རཱ་ཛི་པྲ། ཟླ་གསལ་སྟེ། རྒྱ་བལ་ནས་འབྱུང་ཞིང་འབྲས་བུ་གོ་སྙོད་ཕྱོགས་འདྲ་ལ་སྣེ་མོ་གཉིས་ཆེ་ཞིང་གུག་པ་སོབ་སོབ་གྱི་རྣམ་པ་གོ་སྙོད་ལས་ཆེ་ཙམ་ཡོད། །ད་ལྟའི་ནག་པོ་མཁལ་དབྱིབས་འདི་ནི་ཚབས་རུང་ཡིན་ན་མ་གཏོགས་དངོས་ནི་མིན། ། ༈ ཛཱི་ར་ཀཱ། ཟུར་ཆག་པས་ཟི་ར་སྟེ་ཟི་ར་དཀར་པོ་དང་། ཀྲྀཥྞ་ཛཱི་ར་ཀཿ ཟི་ར་ནག་པོ་སྟེ་སྔ་མ་ཤེས་སླ། ཕྱི་མ་ཟི་ར་དཀར་པོ་འདྲ་རུང་ལ་སྣེ་གཉིས་སྦོམ་པ། མདོག་ནག་པོ་ཞིག་ཡོད་པ་དེ་ཡིན་གྱི། ནག་རྩུབ་ཟུར་གསུམ་པ་འདི་ནི་མིན་ནོ། ། ༈ ནཱ་ག་པུཥྤ་ནི་ཀླུ་ཤིང་གི་མེ་ཏོག །ནཱ་ག་གེ་སར་ནི་དེའི་ཟེ་འབྲུའོ། །དེ་ལ་ཤིང་སྡོང་ཆེན་པོ་ལོ་མ་ཕྲ་ཞིང་ཕྱི་ལྗང་ནག་ཤིང་དངོས་སྐྱ་ནག་ཤིན་ཏུ་མཁྲེག་པ་སྟེ་བལ་ཡུལ་སོགས་སུ་སྐྱེ། ད་ལྟ་བོད་རྣམས་ཀྱིས་གེ་སར་སུམ་ལྡན་དུ་བྱེད་པ་འདི་ནི་ཤིང་ཤལྨ་ལིའི་གེ་སར་རོ། ། ༈ ཨུཏྤལ་ཆུ་ནང་སྐྱེས་པ་སྨན་དུ་གཏོང་རྒྱུ་དང་རིར་སྐྱེས་པའི་ཤིང་ཕྲན་བུམ་རྫས་སོགས་ལ་འགྲོ་བ་སྟེ་རིགས་གཉིས་ཡོད། སྔ་མ་སྤྱིའི་མིང་། ཨུཏྤ་ལཾ། སྟེ་སྟེང་འཐུང་སོགས་དང་། བྱེ་བྲག །རྒྱ་བལ་འཇང་ཡུལ་སོགས་སུ་མཚོ་རྫིངས་སུ་སྐྱེ་བའི་མེ་ཏོག་སྔོན་པོ་ལི་སྡེར་འབྲིང་པོ་ཙམ་རེ་ཡོད་པའི་མིང་། ཆུ་སྐྱེས་སྔོན་པོ་དང་དཔལ་དགའ་སོགས་སུ་བཤད་ཅིང་། ཡང་མེ་ཏོག་དཀར་པོ་ལི་སྡེར་འབྲིང་པོ་ཙམ་བཤང་གི་རྣམ་པ་ཅན་ལ་པདྨ་དཀར་པོ་དང་། འདབ་བརྒྱ་པ་སོགས་ཟེར། དེ་དང་འདྲ་བའི་མདོག་དམར་པོ་ལ། ཆུ་སྐྱེས་དམར་པོ་དང་། དུར་པ་སྒྲ་འབྱིན་སོགས་མིང་གི་མངོན་བརྗོད་ཅན་ནོ། །ཨུཏྤལ་གེ་སར་དང་། པདྨའི་གེ་སར་ཞེས་པའང་མེ་ཏོག་འདི་རྣམས་ཀྱི་གེ་སར་ཏེ། མདོག་ཁམས་ནག་མུ་ལེ་བྷྲུཾ་ཤིང་གིས་རྩ་རྒྱུས་གཏུབ་པ་འདྲ་བ་དེ་པདྨའི་གེ་སར་དང་། དེ་ལྟ་བུ་ལ་སྐྱ་ཞད་ཡོད་པ་ལ་ཨུཏྤལ་གེ་སར་ཞེས་བཞེད། ད་ལྟ་ཙ་རི་རོང་དང་སྡེ་དགེ་སོགས་སུ་སྐྱེ་བའི་མེ་ཏོག་སྔོན་པོ་འདིས་ཨུཏྤལ་སྔོན་པོའི་ཚབས་བྱེད་པ་གཡུ་ཐོག་བཀྲ་ཤིས་ཀྱི་ལུགས་ཡིན་ཅིང་། དེ་ལྟར་ན་གའུ་རྐྱང་ཤོག་ལ་ཨུཏྤལ་དཀར་པོ་དང་། ཤེའུ་དར་སྒེ་དར་ལ་ཨུཏྤལ་དམར་པོའི་ཚབས་ཀྱང་རུང་དགོས་སོ། །ཀོང་པོར་ཆུ་ནང་ནས་སྐྱེ་བའི་མེ་ཏོག་ཐང་ཕྲོམ་མེ་ཏོག་འདྲ་རུང་ཞིག་ལ་པདྨ་དཀར་པོའི་ཚབས་བྱེད་པར་གསུངས་སོ། ། ༈ བརྒྱད་པ་སོགས་སུ་སྨན་ལ་འགྲོ་བའི་པདྨ་དཀར་པོའི་རྩ་བ་ནི་ཆེན་པོ་ཞིག་ཡོད་པ་བཟར་རུང་ཞིང་། དེའི་མིང་། ཀ་ར་ཧཱ་ཊཿ པདྨའི་རྩ་བ་སོགས་བཤད་དོ། ། ༈ དྲུ་མོཏྤལཿ སྟེ་ཨུཏྤལ་ཤིང་ལས་སྐྱེས་པའི་ནགས་ཀྱི་ཨུཏྤལ་ནི་རྒྱུད་སྡེ་རྣམས་ནས་བུམ་རྫས་སུ་བཤད་པའི། དཎྜོཏྤལཿསྟེང་བྱུག་པའི་ཨུཏྤལ་ཞེས་བྱ་ལ། དེའི་མིང་། ཨིནྡཱི་པ་ར། དཔལ་དགའ། ཡུཥྨཱ་པཱ་ལ། གཞན་སྐྱོང་སོགས་མིང་གི་རྣམ་གྲང་མང་ངོ་། ༈ །ཙམྤ་ཀ །ཟུར་ཆག་ཙམ་པ་ཀ་ཞེས་པ་ནི། རྒྱ་གར་དང་བལ་པོར་ཡང་སྐྱེ་བའི་ཤིང་སྡོང་ཆེན་པོ། མེ་ཏོག་སེར་པོ་དང་། དཀར་སེར་ཆེན་པོ་གཞོན་ནུའི་དུས་དྲི་བསུང་བཟང་པོ་ཅན་ཞིག་སྟེ། མིང་གི་རྣམས་གྲངས། ཧེ་མ་པུཥྤ་ཀཿ གསེར་གྱི་མེ་ཏོག །གནྡྲ་ཕ་ལཿ དྲི་འབྲས་ཅན་སོགས་སོ། ། ༈ སྐེ་ཚེ་མིང་གཞན་སྦྲིད་སྐྱེད་ཞེས་པ་སྟེ། རྒྱ་བལ་ནས་འབྱུང་བའི་སྤྲིད་པ་བྱེད་མཁན་ཞིག་ཡོད་ཅིང་། བོད་ཀྱི་ཞིང་གསེབ་ཏུ་སྐྱེ་བ་འདི་ནི་དཔལ་ལྡན་རྒྱུད་དུ་བཤད་པ་དེ་ཡིན་དགོས། ། ༈ ཡུངས་་དཀར་ནག་གཉིས་ཀའི་སྤྱི་མིང་དུ། སཪྵ་པ། དཔལ་ཁ་སོགས་དང་། ཡུངས་དཀར་གྱི་སྒེར་མིང་དུ། སིདྡྷརྠཿ དོན་གྲུབ་ཏེ་མིང་བཀྲ་ལེགས་པས་བཀྲ་ཤིས་པའི་རྫས་སུ་བྱེད། མན་ངག་གི་རྫས། ཡུངས་དཀར་རྒྱལ་པོ་ཤ་རི་རམ། །ཞེས་པས་འབྲུ་ཆེ་ཞིང་ཁྲོ་ཞལ་གྱི་རྣམ་པ་ཡོད་པ་སྟེ། ཡུངས་དཀར་ཁྲོ་ཞལ་ཅན་ཞེས་ཀྱང་གྲགས་སོ། ། ༈ ཨ་ཏ་སཱི། ཟར་མ་ནི་ཤེས་སླ། ། ༈ ཤཱུཏིཿ གོ་སྙོད་དེ། འདི་ནི་གོ་སྙོད་ཀྱི་དངོས་མིང་ལས་ཤུ་ཏི་ཞེས་འུ་སུའི་རིགས་དང་། སྤྲུ་འབྲུ་སོགས་ལ་ངོས་འཛིན་པ་ནི་ནོར་བའོ། ། ༈ ལ་ལ་ཕུད་ནི། ཟི་ར་དཀར་པོ་འདྲ་བ་ལེབ་མོ་སུལ་རིས་ཅན་དབྱིབས་སྒུར་བ། ཆེ་ཆུང་ཏིལ་འབྲུ་ཙམ་པ་རོ་ཚ་ལ་དྲི་མ་ཤིན་ཏུ་ཆེ་བ་ཡོད། ནང་གསེས་རིགས་གཉིས་ཡོད་ཅིང་། ཏི་མུ་པའང་འདིའི་སྡེ་ཚན་སྟེ། ཀྵེ་ཏྲ་ཡ་མཱ་ནཱི་ཞེས་ཞིང་གི་ཨ་ཟ་མོར་གྲགས་པ་དེའོ། །ཡང་། ཁུར་ས་ཞེས་པའི་ལ་ལ་ཕུད་ནི་རྒྱ་ཐང་ཕྲོམ་གྱི་འབྲས་བུ་འདྲ་བ་སྲིན་བདུག་བྱས་པས་སོ་སྲིན་ལ་ཕན་པར་བཤད། ། ༈ རས་འབྲས་ཞེས་པ་ནི་ཤིང་ཕྲན་ཕྲ་མོ་སྐྱ་བོ་གླང་མའི་རིགས་ཤིག་སྟེ། ཞིང་ལ་འདེབས་པའི་གོང་བུའི་ནང་ནས་རས་བལ་དང་འབྲས་བུ་འབྱུང་བ་དེ་ཀའོ། ། ༈ དུག་མོ་ཉུང་ནི། ཤིང་ཕྲན་འཁྲིལ་ཤིང་གི་རིགས། གོང་བུ་དང་ས་བོན་བོད་ཀྱི་འདི་འདྲ་བ་ཆེ་བ་ཞིག་ཡོད། འདིའི་མིང་། ཨིནྡྲ་ཡ་པ་ནཾ། དབང་པོའི་ནས་ཞེས་པ་ཟུར་ཆག་པས། ཨིནྡྲ་ཡོབ་དང་། དེའང་ཟུར་མ་ཕྱིན་པ། ཨིནྡྲ་འཇོབ་ཞེས་ལྷན་ཐབས་སུ་བྲིས་པ་དེའོ། ། ༈ ཨཱ་རག་པ་དྷཿ དོང་ག་ནི་ཡོངས་གྲགས་འདིའོ། ། ༈ མ་ནུ་པ་ཋ་ནི། དངོས་མིང་ལེགས་སྦྱར་དུ། པཱ་ཋཱ། ཞེས་ཡོད་པ་ཟུར་ཆག་པས་པ་ཏྲ། དེ་ལ་བོད་རྣམས་ཀྱིས་མ་ནུ་པ་ཏྲ་ཞེས་རྒྱ་བོད་ཀྱི་སྐད་གཉིས་ལྡན་དུ་སྨྲས་པ་ཡིན་གྱི། པ་ཏྲ་ལོ་མར་འདོད་པ་འཁྲུལ་ཞིང་། མ་ནུ་རྒྱ་སྐད་ལེགས་སྦྱར་ཡིན་རྒྱུར་བྱས་ནས་ཤེད་ཅན་སོགས་སུ་བསྒྱུར་བ་ནི་བླུན་གཏམ་ཟང་མའོ། ། ༈ པཱུཥྐ་ར་མཱུ་ལོ། རྫིང་བུའི་རྩ་བ། འདི་མ་ནུའི་རིགས་དབྱིབས་རྟ་མགོ་རུལ་པ་འདྲ་བ་སོབ་པ་དྲི་ཤིན་ཏུ་ཞིམ་པ་ཞིག་ཡོད། ཟུར་ལུགས་ཁམས་ཀྱི་རུ་རྟ་ལ་མཛད་པ་ནུས་པ་མཐུན་རུང་དུ་མངོན། ། ༈ རུ་རྟ་དངོས་རྒྱ་གར་ནས་འབྱུང་བ་ནི་ཁམས་དང་རོང་མཚམས་སུ་སྐྱེ་བ་འདི་རྣམས་དང་དབྱིབས་འདྲ་ལ་རྩ་བ་ཤིན་ཏུ་ཆེ། ལོ་མ་ཁམས་རུས་འདྲ་བ་ཙོག་པུར་སྐྱེ་བ་ཡོད། ། ༈ ཤ་ཏ་མཱུ་ལཱི། རྩ་བ་བརྒྱ་པ་སྟེ་ཉེ་ཤིང་ནི། རྒྱ་གར་དུ་ཤིང་གི་རིགས་ཆུང་ཆུང་ཚེར་མ་ཕྲ་མོ་ཅན་རྩ་བ་རིལ་མ་ཕྲེང་བར་བརྒྱུས་པ་ལྟ་བུ་ཡོད། ། ༈ ཨ་ཤྭ་གནྡྷ། སྟེ་རྟ་ལི་དྲི་ཅན། འདི་བོད་རྣམས་ཀྱིས་བ་སྤྲུར་བཞེད་ཀྱང་བརྒྱད་པ་རྩ་འགྲེལ་སོགས་ལས་དེ་གཉིས་སོ་སོར་བཤད། དེའང་བ་སྤྲུ་རིགས་གཉིས་ཀྱི་མེ་ཏོག་དཀར་པོ་ཅན་ལ། མིང་། པཱུ རྦ་ན་པཿ སྟེ་སླར་དགུ་སོགས་སུ་བཤད་པ་དང་། མེ་ཏོག་དམར་པོ་ཅན་ལ། བཻ་ཤ་ཀ །འཇུག་བྱེད་སོགས་སུ་བཤད་དོ། ། ༈ རཀྟ་ནིརྦི་ཥཿ སླར་དུག་དམར་པོ་སྟེ་བོང་དམར་ནི། རྒྱ་བལ་ལྷོ་མོན་ཙཱ་རི་རྣམས་ནས་འབྱུང་བ། རྩ་བ་ལ་ཕུག་འདྲ་བ་མཐེ་བོང་ནས་ལུག་རིལ་ཙམ་གྱི་བར་ཅི་རིགས་པ་དང་། བཅད་ན་འོད་དང་བཅས་འཁྲེག་ཅིང་སྔོ་བ་དེ་བཟང་། དེ་ལས་ཆེ་ཞིང་ནག་ངོམ་པ་གྱོང་ཞིང་རྩུབ་པ་དེ་དམན་ནོ། ། ༈ བོང་སེར་ནི། འབྱུང་ཁུངས་འདྲ། དབྱིབ་མཐེ་བོང་ལྟ་བུ་མདོག་སེར་རོ་ཤིན་ཏུ་ཁ་བའོ། ། ༈ བོང་ནག་ནི། མི་རྒྱུ་བའི་དུག་གི་གཙོ་བོ་སྟེ། རྒྱ་བལ་ནས་འབྱུང་བ་ནི་མདོག་ནག་པོ་རོ་མངར་ཞིག་སྦྲིད་ཁ་ཡོད་པ་ཞིག་ཡོད། འདི་བརྒྱད་པ་རྩ་འགྲེལ་སོགས་ལ་སྨན་དུ་མ་གསུངས། རྒྱ་ནག་གི་སྨན་གཞུང་རྣམས་སུའང་དུག་ཕྲལ་བ་ལས་རྒོད་པོར་སྨན་ལ་སྦྱར་བ་མ་བཤད་ཀྱང་། བདུད་རྩི་བུམ་བ་ཆེ་ཆུང་དང་། རྫ་རོང་བྷི་ཡི་སྨན་པ་ཉི་འོད་གསལ་གྱི་གཏེར་བྱོན་བདུད་རྩི་ཐིག་པ་དང་། གྲྭ་མངོན་གཏེར་མ་དཔལ་ལྡན་རྒྱུད་ཀྱི་ཁྱུང་ཆེན་སྦྱོར་བ་སོགས་ལས་རྒྱས་པར་འབྱུང་ཞིང་། དེ་ལའང་རིགས་གསུམ་ལས། དཀར་པོ་ནི། བོང་ཚད་ཆེར་མི་སྐྱེ་བ་མེ་ཏོག་སྔོ་སྐྱ་དང་རྩ་བ་དཀར་པོ་ཅན་དེའོ། །སེར་པོ་ནི། མེ་ཏོག་སེར་ཞད་ཅན་རྩ་བ་སེར་པོ་འབྲི་ཚིལ་འདྲ་བ། འདི་ལ་ཙན་དུག་དང་། འབྲི་ཚིལ་མ་སོགས་ཟེར། ནག་པོ་ནི། མེ་ཏོག་སྔོ་ནག་རྩ་བའང་ནག་ཁྲེབ་སེ་བ་སྟེ། བི་ཥ་ཧ་ལ་ཟེར། སྤྱིར་ཕྱི་ནང་གསང་བའི་འཛིན་པའི་དབྱེ་བ་སོགས་ཡོངས་གྲགས་ལྟར་དང་། དེ་རྣམས་ཀྱི་མྱུ་གུ་སོར་བཞིའི་ཚད་ལ་སྤྱིར་བཏང་བདུད་རྩི་ལོ་མ་ཟེར་རོ། ། ༈ ཨ་ཏི་བྷི་ཥ་ནི་དབྱིབས་སུག་པ་སྐམ་པོ་འདྲ་བ། བཅག་མཚམས་བཙན་དུག་ལྟ་བུ་ལས་ཅུང་ཟད་སྨུག་ཉམས་ཅན། རོ་མངར་ཤས་ཡོད་པ། བཟི་མེད་པའོ། ། ༈ ར་དུག་དམར་པོ་ནི། བཙན་དུག་མེ་ཏོག་དམར་ཤས་ཅན་དེ་ཡིན་ལ། ། ༈ ཡུལ་སྐད་དུ་ར་དུག་པ་ཟེར་བའི་མེ་ཏོག་དམར་པོ་ཨུཏྤལ་འདྲ་བ་འདི་ནི་རྒྱ་སྨན་ལ་འགྲོ་བའི་མིང་། ཆི༷་ཞྭ༷འོ་ཟེར་བ་དེ་ཀའོ། ། ༈ ཧ་རི་དྲ། ཡུང་བ། མ་ནུ་ཁྲག་ཅན་ཟེ་བའང་འདི་ཁོ་ན་ཡིན་ཅིང་། སྒ་ཤོ་ཞེས་པའང་འདིའི་རིགས་སོ། ༈ །སྒོག་པ་ནི། རྩ་བ་རྡོག་པོ་ཆེ་ཞིང་དཀར་བ་ལ་སྒོག་སྐྱ་དང་། རྩ་བ་ཕྲ་ཞིང་ཤུན་པ་དམར་བ་ལ་སྒོག་དམར་དུ་བཞེད། མིང་། ར་སོ་བ་ཀཿ སྟེ་རོ་མ་ཚང་བ་ཞེས། རོ་དྲུག་ལས་ལན་ཚྭ་མ་ཚང་བས་དེ་སྐད་དུ་བརྗོད་པ་སོགས་སོ། ། ༈ གླ་སྒང་ནི། ཆུ་ནང་དུ་སྐྱེ་བའི་སྡུམ་རྩ་སྟེ། བོད་འདིར་ས་ནག་ཏུ་སྐྱེ་བའི་ལོ་མ་ལོ་བཙན་འདྲ་རུང་། མེ་ཏོག་རྒྱ་དཀར་སྤེན་མའི་མེ་ཏོག་ཆེ་ཤོས་ཙམ། རྩ་བ་མོན་བུ་འདྲ་བ་ཕྱི་ནག་ལ་ནང་དམར་ཞིང་རོ་བསྐ་བ་ཁམས་སྐད་དུ་ཚིག་གྲོར་གྲགས་པ་དེས་ཚབས་རུང་ངོ་། ། ༈ བ་ཙཱ། ཤུ་དག །འདི་ལ་ཤུ་དག་ནག་པོ་ནི་རོང་མཚམས་ཐམས་ཅད་དུ་སྐྱེ་བས་ནོར་འཁྲུལ་མེད། བཅག་མཚམས་དམར་ཞད་ཡོད་པ་ལ་ཤུ་དག་དམར་པོའང་ཟེར། དཀར་པོ་ནི། དབྱིབས་ནག་པོ་འདྲ་བ་ལ་ཚིགས་མཚམས་དམར་ཞད་ཡོད་པ། བཅག་མཚམས་དཀར་ཞིང་དྲི་བཟང་བ་དེ་ཉིད་ཡིན་ལ། ས་ལེ་ལྗང་པའི་རྩ་བ་ལ་བྱེད་པ་ནི་ནོར་བ་ཁོ་ནའོ། །ཡང་། ཤུ་དག་ནག་པོ་ལ་མེ་ཏོག་མེད། སྙེ་མ་ནག་པོ་པི་ལིང་འདྲ་བ་ཞིག་ཡོད། དཀར་པོ་ལ་མེ་ཏོག་སྔོ་སྐྱ་ཡོད། གཉིས་ཀའི་ལོ་མ་རལ་གྲི་སོ་གཉིས་མ་འདྲའོ། །དཀར་པོ་ལ་མིང་། ཧེ་མ་བ་ཏི། གངས་ལྡན་སྐྱེས། ཛ་ཡཿ རྒྱལ་བྱེད་སོགས་སོ། ། ༈ མ་དྷུ་ཀཾ །ཤིང་མངར་ནི། སྡུམ་རར་སྐྱེ་བ་དང་། མྱ་ངམ་ཐང་དུ་སྐྱེ་བ་སོགས་བཟང་། ནགས་ཤོད་ཀྱི་ཀླུང་འགྲམ་སྐྱེ་བ་དམན་ནོ། ། ༈ དུར་བྱིད་ལ་བརྒྱད་པ་སོགས་སུ་དཀར་ནག་གཉིས་བཤད་པའི། དཀར་པོ་ནི། ཉེ་རོང་བརྡ་རྙིང་སྟེ་ད་ལྟ་དུར་བྱིད་དུ་གྲགས་པ་འདིའོ། །ནག་པོ་ནི་ཐར་ནུ། ། ༈ དབྱི་མོང་མེ་ཏོག་དཀར་སེར་གཉིས་ནི་སྨན་ལ་གཏོང་། སྔོ་ནག་ཅན་མི་གཏོང་གསུངས། །གཟེ་མ་བོད་ཀྱི་ངོས་འཛིན་པའི་སྡུམ་འདི་ནི་བརྒྱད་པ་སོགས་སུ་བྱི་ཚེར་དུ་བཞེད། ། ༈ མ་ཏུ་ལཿ ཐང་ཕྲོམ་ནི་རྒྱུད་སྡེ་རྣམས་ལས་གསུངས་པའི་དྷ་དྷུ་ར་ཞེས་པ་སྟེ། འཕགས་བལ་དུ་སྐྱེ་བ་དང་། །བོད་སྐྱེས་ཕྱོགས་འདྲ་བར་གསུངས། བོད་ཀྱི་ངོས་འཛིན་ལ་རིགས་གསུམ་ལས། དཀར་པོ་གངས་ཐང་ཕྲོམ་རྒོད་པ་ནི་གཡའ་སྤང་མཚམས་སུ་སྐྱེ། གཡུང་བ་སྤང་ལྗང་དང་ཕྱུགས་ལྷས་རྙིང་པར་སྐྱེ། ཁྲ་བོ་ནི་རྒྱ་ཐང་ཕྲོམ་དང་། ནག་པོ་ནི་ཡོངས་གྲགས་འདི་ཀ་སྟེ། དྷ་དྷུ་ར་དངོས་ཁྲ་བོ་ལ་བཞེད་སྣང་། ། ༈ གསེར་མེ་ནི་བརྒྱད་པ་རྩ་འགྲེལ་སོགས་སུ་མ་བཤད། རྒྱ་ནག་གི་གསོ་དཔྱད་ལས་འབྱུང་། ངོ་བོ་ནི་འཁྲུལ་སོ་ཆུང་། བོད་སྨན་མཁས་པ་དག་སྡུམ་པ་ཏོ་ལའི་ཚབས་སུ་བཞེད་པའང་དོན་ལ་གནས་པ་ཉིད་དོ། ། ༈ བནྡཱ། ཧོང་ལེན་ཏེ། ཛཱི་བནྟི་ཀཱ། འཚོ་བྱེད་ཅེས་འཚོ་བྱེད་བརྒྱད་ཀྱི་གྲས་སུ་བཞེད། ད་ལྟ་སྟོད་ཕྱོགས་ནས་འོང་བ་སྡུམ་རྩ་དམར་སྨུག་དང་། སྐྱ་སོབ་འདི་གཉིས་རབ། བོད་དུ་སྐྱེས་པ་འདིས་ཀྱང་ཚབས་རུང་། འདི་ལའང་མེ་ཏོག་དཀར་པོ་ན་བ་ནང་དུ་སྐྱེ་བ་འདི་ཧོང་ལེན་དངོས་སྟེ། རྒྱ་སྐད་དུ་ཧཱུང་ལས་ཟེར། དེ་རིགས་གཡའ་ལ་སྐྱེས་པ་མེ་ཏོག་སྨུག་པོ་ཅན་འདི་ལ་གཡའ་རུག་ཏུ་ངོས་འཛིན་ནུས་པའི་འགྲོ་ཕྱོགས་མཚུངས། ཧཱུང༷་། དམར་པོ་དང་། ལ༷ས་ཚོས་ལ་འཇུག་པས་དམར་ཚོས་ཟེར་བ་ད་ལྟའི་ཡོད་པ་ཡོངས་གྲགས་འདི་འཁྲུལ་པ་མེད། བནྡཱ། ཧོང་ལེན་དུ་བསྒྱུར་ནའང་། དངོས་ནི་ཤིང་གི་རིགས་སོ། ། ༈ ཧྭང༷་ལས༷། ཞེས་པ་སེར་ཚོས་སྟེ། མྱང་རྩི་སྤྲས། མིང་གཞན། ཨ་པ་རཱ་ཛཱི་ཏཱ། སོགས་སུ་བཤད་པ་དེ་རྒྱ་མིས་གོས་ཆེན་སེར་པོའི་ཚོས་བྱེད། ། ༈ རྒྱ་སྐད། ཚིག་ཀྱའོ་ཟུར་ཆག་པ། ཀྱི་ཀྱེ་ནི། ཟླ་ཟེར་དུ། བ་ལ་པ་ཏྲ། སྟོབས་ཀྱི་ལོ་མ་སོགས་སུ་བཤད། ། ༈ ལི་ག་དུར་ནི། སྨན་བྱ་རོག་རྐང་དུ་གྲགས་པ་ད་ལྟ་སྨན་ཁྲོད་དུ་འབྱུང་བ་སྟེ་ངོས་ཟིན་སླ། རྟ་མོན་དུ་བྱེད་པ་ནི་ཚབས་རུང་ཡིན་ན་མ་གཏོགས་དངོས་མིན། ལ་ལས་སྲོ་ལོ་དམར་པོས་ཚབས་བྱེད་པའང་ཡོད། ། ༈ ཡང་བརྒྱད་པ་ལ། ཙི་ཏྲ་ཀ་ཡི་མེ་ཏོག་ནི། །སེར་པོ་དཀར་ནག་ལས་ཤེས་བྱ། །ཆོ་ག་བཞིན་དུ་བཅུད་ལེན་སྦྱར། །གོ་རིམ་བཞིན་ཏུ་ཡོན་ཏན་ཆེ། །ཞེས་བཅུད་ལེན་ལ་མེ་ཏོག་སེར་པོ་ཐ་མ། དཀར་པོ་འབྲིང་། ནག་པོ་རབ་ཏུ་བཤད་དོ། ། ༈ གྷནྡྷཱ་བྷ་དྲ། དྲི་བཟང་། འདི་བོད་རྣམས་གོ་ཡུ་ལ་ངོས་འཛིན་པ་དང་། གཡའ་ལས་སྐྱེས་བའི་བྱ་རྒོད་སྤོས་ལ་ངོས་འཛིན་པ་དག་སྣང་ནའང་། དངོས་ནི། ཤིང་སྡོང་དྲི་ཤིན་ཏུ་ཞིམ་པ་ཆུ་གླང་གི་པགས་པ་འདྲ་བ་དཀར་སྐྱ་རོ་ཆེར་མི་གསལ་བ་ཞིག་གོ །ཏསྟི་ཀརྞ། གླང་པོའི་རྣ་བ་ནི། ཕྱི་ཤུན་པ་སྔོན་པོ་གླང་པོའི་རྣ་བ་ལྟ་བུ། ནང་དུ་འབྲས་བུ་ཡོད་པ་ཞིག་གོ ། ༈ ལན་ཚྭའི་རིགས་ལས། རྒྱམ་ཚྭ་ནི་རྒྱ་མཚོ་ལས་བྱུང་བའི་ཚྭ་སྟེ། དེང་སང་བྱང་རྒྱམ་ཆེན་སོགས་གུས་ཞབ་ནས་བརྐོ་བའི་རྡོ་འདྲ་དཀར་པོ་འདི་ཡིན། ཟླ་ཟེར་སོགས་སུ་ལན་ཚྭ་ཐམས་ཅད་ཀྱི་ཚབས་སུ་འདི་གཏོང་གསུངས། ། ༈ ལྕེ་མྱང་ཚྭ་ནི། བྱང་ཕྱོགས་སུ་ལེན་ཚྭ་བྲག་གི་རྣམ་པ་དཀར་པོ་ཤེལ་ལྟར་དྭངས་པ་བརྐོས་རྒྱགས་རུང་བ། ལ་ལར་དམར་ཤས་ཀྱང་ཡོད་པ་དེ་ཡིན། མཁྲིས་པར་མི་གནོད། ནད་པར་ཚྭ་འདི་མ་བསྲུང་ཀྱང་རུང་། ། ༈ ལན་ཚྭ་ནི། ཡོངས་གྲགས་ཀྱི་ཚྭ་རོ་ཞིམ་ཤས་བུལ་ལྷད་མེད་པའོ། ། ༈ མཛེ་ཚྭ་ནི། ད་ལྟ་ཡ་བཀྵ་རར་འདོད་པའི་དཀར་པོ་བཅང་པས་ཀྲིག་ཀྲིག་ཟེར་བ་དེའོ། ། ༈ ལྦ་ཚྭ་ནི། ཡུལ་འགའ་ཞིག་ཏུ་ལྦ་བར་ཕན་པའི་སྨན་ཚྭ་དཀར་པོ་སོབ་སོབ་ཞིག་ཡོད་པ་དེ་ཡིན། གཙང་ཚ་རོང་དང་། ཁ་བ་དཀར་པོ་སོགས་སུ་ཡོད་པར་བཤད། ། ༈ རྒྱ་ཚྭ་ནི་ཡོངས་སུ་གྲགས་པར་ཟད། ། ༈ ཙབ་རུ་ཚྭ་ནི། རྒྱ་གར་དུ་ཙབ་མོའི་བཏུང་བའི་རུ་རྩི་བྱེད་པའི་ཚྭ་སྐྱུར་ཤས་ཆེ་བ་སྟེ། འཇང་ཕྱོགས་སུ་རྒྱལ་དམ་གྱི་ཚྭས་ལོ་སྐྱུར་གྱི་རུ་རྩི་བྱེད་པ་དང་། སྡོམ་རེ་མདོའི་ཚྭ་འདིའང་སྐྱུར་ཤས་ཆེ་བས་སྐྱུར་བའི་ཕབས་རྩིར་རུང་ངེས་པས་ཙབ་རུ་མཚུངས་སྙམས། ། ༈ ཁ་རུ་ཚྭ། ཚ་ལ། ཟེ་ཚྭ། ཐལ་ཚ་རྣམས་ཡོངས་སུ་གྲགས་པ་ཉིད་ངོས་འཛིན་མ་འཁྲུལ་བས་རྒྱས་པར་མ་སྨོས། ། ༈ དེང་སང་མིག་སྨན་སོགས་ལ་བཏང་བའི་ལྕགས་ཕྱེ་ཞེས་པ་འདི། མཁས་པ་ཁ་ཅིག་ལྕགས་ཀྱི་ཕྱི་མོ་སྟེ་ལྕགས་དྲེག་ཁོ་ནའོ་ཞེས་བཞེད་པའང་སྣང་། ། ༈ ཞར་བྱུང་རྣམ་གྲངས་འགའ་ཞིག་འབྲི་ན། དངུལ། ཟངས། ལྕགས། གཤའ་དཀར། ཞ་ཉེ་རྣམས་ནི་ལྕགས་ལྔའོ། ། ༈ ཨ་ཤྭཏྠ། ཨུ་དུམྦཱར། པླཀྵ། བིལྦ། ཕལྒུ་རྣམས་ནི་འོ་མ་ཅན་ལྔའོ། ། ༈ ཤིང་ཚྭ། སུགྨེལ། གྷནྡྷ་བྷ་དྲ་ནི་དྲི་གསུམ་དང་། ནཱ་ག་གེ་སར་བསྣན་པས་དྲི་བཟང་བཞིའོ། ། ༈ ཡུང་བ་དང་། སྐྱེར་པ་ནི་སེར་པོ་གཉིས་སོ། ། ༈ མེད་དང་། མ་ཧཱ་མེད་ནི་ཞགས་གཉིས་སོ། ། ༈ སཱ་ལ་པརྞི། མུཏྒ་པརྞི། མ་ཤ་པརྞི། ཀྲྀཥྞ་པརྞི་ནི་པརྞི་བཞིའོ། ། ༈ སཱ་ལ་པརྞི། ཀྲྀཥྞ་པརྞི། བྲྀ་ཧ་ཏི། ཀཎྜ་ཀ་རཱི། གཟེ་མ་རྣམས་ནི་རྩ་བ་ཆུང་ལྔའོ། ། ༈ ཀཪྻ་ལཿ བིལྦ། མེ་སྲུབས་ཤིང་། པ་ཏ་ལི། ས་བ་ཀ་རྣམས་ནི་རྩ་བ་ཆེན་པོ་ལྔ་ཞེས་འཕགས་ཡུལ་གྱི་གཞུང་རྣམས་ལས་གསུངས་སོ། ། ༈

[edit]

sman ming dang ngos 'dzin thor bu mkhas pa'i ngag gi bdud rtsi'i zeg ma/ sman ming dang ngos 'dzin thor bu mkhas pa'i ngag gi bdud rtsi'i zeg ma bzhugs/__oM a thA/__ma hA paN+Di ta d+harmA kA ra'i gsung rgyun lo tsA ba tshe dbang kun khyab kyis zin bris su mdzad pa'i sman ming dang ngos 'dzin nor bu'i do shal 5_4las/__bcud kyis len pa sogs la bsngags pa'i sde tshan brgyad ni/__br-i d+d+hiHd+hi/__'phel ba/__dzI ba kaH__'tsho byed r-i Sha b+haH__khyu mchog__/ka ko liH__ra mnye ste/__'di la rigs mang ba las ser po/__yang k+Shi ra ka ko liH__ra mo shag 'o ma can ste/__ra mnye dkar po stobs bskyed kyi sman la mchog__/rgya nag shar phyogs le'u tang nas 'byung ba gzhin g.yin zhes pa'ang don du ra mnye ser po/__de'ang gzhiXn mi/__g.yiXn 'dra ba'i don te rkang pa gnyis yod pa zhig go__/'di shin tu dkon/__de las nus pa dman pa'i ciXn caX gzhiXn g.yiXn zhes pa'ang mi'i 'o mar lan dgu spangs te zos na gzhin g.yin dngos dang nus pa mnyam par bzhed/__ri sha naH__'di sdum zangs rtsi dang gcig__/medaH__zhag ldan/__ma hA medaH__zhags chen/__dzI ban+ti/__'tsho byed/__'di sdum bu chung ngu rtsa ba mang po yod pa/__ro dbang lag 'dra ba zhig go__/'di steng sran mung+gaH__sran sde'u zhes sran ma sngon po 'bru chung ngu dang /__sran ma ShaHste mon sran gre'u zhes sran ma dmar sre leb mo che chung nas 'bru leb mo byas pa 'dra ba zhig ste 'jam dkar sogs kyi las sbyor la 'gro ba ste/__de gnyis kyi lo ma bsnan pas 'tsho byed bcu'o/__/_!_ha rwi ha kI/__a ru ra spyi'i ming te/__phal skad du ha ri ta/__de zur chag pas a ru ra/__de las rnam rgyal ni ri spos ngad ldan sogs su skye ba phal pas mi rnyed/__rgya gar du b+ha ra ha ra zhes zer ba rgyal po 'ga' zhig gi skyed tshal du shing sdong re re ched du btsugs pa las 'byung ba yin cing /__che chung ni skam po la'ang mi chen po'i lag mgo tsam yod/__'jigs med zur lnga ni zur lnga 'jong mo/__ser chung ni mig sman la bzang /__bdud rtsi sha 'thug ni sha che la 'thug pa/__'phel byed ni ba ru ra'i dbyibs can bum lto ba/__sul mang ni sha srab cing sul mang po can/__'bigs byed ni/__zur mkhar bas/__'bigs byed dkyil du rus pa med/__/da lta nag chung de dang 'dra/__zhes bshad/__spyir rdo rje mkha' 'gro las/__smyung po dang ni 'jigs med dang /__/'tsho dang de bzhin bdud rtsi ste/__/gtsang sul mang gi ming ma dang ni 'phel ba dang /__/rnam par rgyal ba bdun du brjod/__/ces sogs gsungs pa ltar rigs bdun no/__/a ru mchu ring ngam/__mchu smyung ngam/__smyung po rnams gcig pa rang yin zhing /__zur gsum nar mo zhig yod/__spyir bshal la mchu smyung gi mchu dang /__'khru gcod la rtsa smyung gi rtsa ba gtong ba ni yongs su grags/__a ru'i rigs kyi bzang ngan yang /__rdo rje mkha' 'gror/__a ru ra ni 'bigs byed kyi/__/nags dang ri bo dbang chen skyes/__/nar ma da yi chu skyes mchog__/gzhan dag dman dang 'bring po yin/__/zhes gsungs pa mchog dang /__rgya gar nas 'byung ba bzang zhing /__bal po nas 'byung ba'i mdog ser po chung ngu 'di ni nus pa dman pas mi btang bar gsungs so/__/_!_phal skad du/__b+ha hu la/__zhes zur chag pa'i ba ru ra ni/__rdo rje mkha' 'gro las/__ba ru ra ni tha mal ba'i/__/ri las skyes pa'am gzhan yang rung /__/lci zhing snum dang bcas pa bzang /__/zhes gsungs shing /__sam+bu Ta las/__sh+leSh+ya'i 'bras bu zhes pa'ang 'di'o/__/_!_skyu ru ra ni/__rdo rje mkha' 'gro las/__skyu ru ra ni sha che zhing /__/rus pa che la ro dang ldan/__/rdo ba can gyi ri la skyes/__/shin tu smin pa mchog tu bzang /__/zhes gsungs/__spyir a ru ra ni ro lnga ldan sogs yongs su grags pa ltar la/__ba ru ra ar skyur dag las yon tan cung zad dman zhing chung ba ma gtogs ro lnga ldan sogs thun mong yin la/__nus pa bsil/__zhu rjes tsha mngar shas che/__skran dang mig la phan/__skyu ru ra'ang ro dang zhu rjes sogs a ru dang mtshungs na'ang nus pa bsil ba yin ces brgyad pa rtsa 'grel sogs las rgya cher bshad/__gsum ka'i ming la/__tri pha laH__ste 'bras bu gsum dang /__gzhan yang /__bla ma gsum mchog gsum sogs kyang ngo /__/brgyad par/__'bras bu gsum po 'di rnams ni/__/bcud kyi len mchog mig nad sel/__/rma 'tsho pags nad rma rengs dang /__/tshil chen gcin snyi bad khrag sel/__/zhes so/__/de yang a ru ni rgya gar kho na dang /__ba ru ni bal po la'ang re gnyis 'byung zhing /__skyu ru ni de dag tu ma zad 'jang dang rgyal rong sogs rong mtshams thams cad du'ang 'byung bar gsungs so/__/_!_gi'u waM ni/__rgya nag gi skad de/__de'ang /__g+hiX 'uX/__ba lang /__dbaXng bcud ste ba lang bcud ces zer/__legs sbyar du/__go ro tsa na zhes pa'ang de nyid do/__/'byung khungs ni ba lang gi mchin mkhris la yod pa ste/__dmar ser smug la snum mdangs chags pa/__bcag 'phro dmar ser rim pa chags pa/__dri ro bzang la mkhris ro cung zad bro ba/__sman gzhan dang sbyar tshe cung zad res kyang yun du 'dul tshe kha dog ser por bsgyur nus pa de slad bral dang /__cung zad de las dman pa ni slad can de snga ma las ser la 'bol ba'o/__/gang dag glang chen gi wang zhes glang po che kho na las 'byung ba 'dod pa ni blun gtam kho nar zad la/__des na rgya dkar nag gnyis ka nas ba lang las shas che bar 'byung zhing gzhan mi dang /__dud 'gro phal las kyang 'byung bas/__mi las byung na ni mchog dang /__'bri g.yag dang ra lug las byung ba dman par bzhed/__bde mchog rtsa rgyud sogs las/__mi rnams kyi snying gi phyogs su ro tsa na ste bcud yod par gsungs pa 'ang 'di kho na 'o/__/_!_gai ri yaM/__brag zhun/__'di rgya gar du mi 'byung bas/__bod nas phar 'gro dgos/__'di yi nang du ril ma mang po yong ba ni/__lpags byes 'di za bas de'i brun yin pas brag zhun chur sbangs nas ril ma dor ba'i zhun byed pa dgos so/__/_!_bam sha ro tsa na/__smyug gi bcud de/__rgya nag skad du/__juX dbaXng zhes ju smyug dang /__dbaXng bcud de zur chag pas cu gang /__'di rgya dkar nag nas smyug ma'i rkang las 'byung /__de yang rgya gar nas byung ba dkar po smug nyams cung zad yod pa zos na so mi seg pa/__roM mi gsal ba zhig dang /__rgya nag nas 'byung ba/__snga ma las cung zad nag pa/__ro mi gsal ba zhig go__/dka' 'grel las/__cu gang mA rA Na si la/__/sar btab zhes bya 'od ma'i rigs/__/de yi rgyu ru gyur pa zhig__/so nams byas pa'i bcud yin no/__/zhes bshad pa ltar smyug ma'i rigs las 'byung /__shel phreng du shing smyug ma lta bu zhes dngos min pa ltar bshad pa sogs ni 'ol tshod tsam mo/__/de ma rnyed na/__chos rgyal srong btsan zhabs kyis/__mtshang ma pre ta pU ri ru/__/rang byung dri chu'i ju gang yod/__/ces pre ta pU ri las 'byung ba dang /__de'ang ma rnyed na brag phug gting ring ba 'ga' zhig tu chu la chags pa snga ma dag dang mdog dbyibs ro rnams 'dra ba de gtong ba las 'os med/__phyi ma 'di dag ni/__zla zer sogs su/__mang+go la/__sogs ming gis bshad cing /__sa dkar po'i ming du bshad pa de'o/__/_!_ga bur la rigs gsum du dbye/__de'ang legs sbyar du/__kat+pu ra/__de zur chag pas ga bur ro/__/'byung khungs ni khong rang gi shing zur pa zhig las tsan+dan dkar po sogs las byung zhes pa ni ma dag__/tshing+ging /__zhes pa rgya nag pa'i skad du/__ga bur zer ba yin/__bod dag__/shing kany+tsa las stag zil/__shing tshing ging las mang /__shing b+hi ma las shel ga bur 'byung zhes pa ni ha cang 'ol tshod de/__dang po ni/__gser shing ste/__de las ga bur 'byung ba rgya gar gyi gzhung rnams las ma bshad/__gnyis pa ni/__rgya nag pa'i ga bur spyi'i ming yin/__gsum pa ni/__b+hi ma se nA kat+pu ra zhes 'jigs sde'i ga bur zhes dug rigs kha ru 'gro mi rung pa mig sman gyi mchog cig yod ces 'byung ba de yin no/__/deng sang ga bur 'di rnams rgya dkar nag gnyis kyi mtshams brah+mA'i yul dag nye ba nas 'byung zhes rgya nag pa rnams zer ro/__/gab ming du seng+ge'i 'o ma zhes bshad pa'ang 'di kho na'o/__/_!_dzA ti/__skye ldan ste/__bod dag__/dzA ti/__shing sdong /__dzA ti mA la/__de'i me tog__/dzA ti pha la/__'bru'o zhes zer ba ni tshod gtam ste/__dzA ti la me tog ser po 'thug nyams can dzA ti'i ro bro ba yod/__me tog gi shul du gang bu sngon po snyim pa tsam bzar rung ba 'byung /__de'i nang du dzA ti 'di rnams rus pa'i rnam par yod/__rgya dkar nag gi mtshams nas 'byung /__dzA ti mA lA ste sna ma'i me tog ni/__rgya gar dang bal yul gyi mtha' sogs su skye ba'i/__shing phra mo sdong lo ljang sngon lca ba'i lo ma 'dra rung ba/__me tog dkar chung dri bzang can/__sri shing sna ma zhes grags pa ste/__des na dzA ti dang 'di gnyis shin tu tha dad pa'o/__/_!_sU k+Sh+mai lA/__ste phra mo/__zur chag__/sug smel/__'di la rigs che chung gnyis yod/__ngo bo nor so chung /__/_!_kak+ko la kaM__/tshogs sred can/__zur chag pas/__ka ko la/__/_!_kung+ku ma/__zur chag pas/__gur gum ste/__rdo rje mkha' 'gror/__gur gum ku sum dmar 'dra zhing /__/snum la ge sar srab pa mchog__/ge sar sbom zhing ser ba dang /__/sbrang rtsi'i dri ldan 'bring po yin/__zhes gsungs/__de yang u rgyan dang /__kha cher 'byung ba ste/__kha che gur gum zhes grags pa 'di ni dngos yin/__rgya gar gyi yul thams cad dang /__de'i rigs gcig bal po dang /__bod kyi'ang sdum rar skye ba'i leb rgan rtsi zhes grags pa 'di rnams ni tshab rung tsam ma gtogs/__gur gum dngos min te/__brgyad pa rtsa 'grel sogs su gur gum dang /__leb brgan rtsi tha dad du bshad pas so/__/_!_la pang+ga /__li shi/__'di rgya dkar nag gnyis ka las 'byung /__li shi bum pa can ni sked pa bum pa'i lto ba 'dra ba dkyus ma las che tsam ste rgya yul du yod/__li shi smug cing sra la lci/__/'bru rnams nyams pa med pa bzang /__/zhes pa ni li shi shi ma song ba dang /__mdog skya la dri chung ba ni dri snum gyi ched du brtsir ba'i ro ma la shi song ba yin pas zhan/__rab gnas kyi cho gar khrus chas dri snum zhes bshad pa'ang li shi sogs las sbyar ba'o/__/_!_a mraH__nad byed de/__a 'bras ni amra zhes shing sdong chen po ljang nag__/'bras bu ljang gu smin nas sngo ljang du 'gro ba/__ro shin tu mngar skyur dang ldan pa zhig yod/__de las rgya bal du khaN+Da byas pa yod/__deng sang bal sman gyi khrod du 'byung ba'i skya bo spu sob rtsa ris kyi rnam pa yod pa 'di ni de'i nang rus so/__/'jang sogs nas 'byung ba'i shing tog se zhags chags pa 'di ni/__shing ten tu ka'i 'bras bu yin gyi/__a 'bras min no/__/_!_sra 'bras ni/__kA ka dzam+buH__ste bya rog dzam+bu zer ba'i shing 'bras yin/__/_!_ka ra dzaH__'jam 'bras 'di la rigs mang na'ang /__thams cad ka rany+dza'i nang gses yin pas/__'jam 'bras dang /__ka ra nA'i gcig go/_/_!__bal+ledzaM/__pho ba ris nag po dang /__shi kru/__na le sham dkar po ste rigs gnyis las/__phyi ma 'di bud med kyi skye rgyun gcod pa'i sman mchog ces 'phags bal gyi sman pa dag bshad/__/_!_pi pu lI/__zur chag pas pi ling /__'di'i rtsa ba la/__pi ling mU la zhes deng sang bod rnams kyis tsi tra ka byed rgyu'i skya bo'i tshigs mdud mang po can 'di'o/__/sdong po ni/__tsi taH__zer ba'i skya bo sug pa 'dra tshad pa zhig yod/__'bras bu ni pi ling ste de ltar na shing gcig la sman gsum 'byung ba yin no/__/spyir pi ling phra mo kha dog sngo nag 'brum pa zhib mo mi gsal ba 'di la sdum lcags skun ma dang /__de las nag pa 'brum pa yang gsal ba 'di la byi ril ma zer ba ste 'di gnyis rigs gcig dang /__yang ka ri pip+pa lI/__glang po'i pi ling zhes mda' smyug tsam pa mdog khams pa 'brum pa rtsing zhing ro 'jam pa 'di ni/__pi ling sbom po ste/__'di gnyis ro nus cung zad mi mtshung pas zla zer sogs su sman so sor mdzad/__rgya nag nas 'byung ba'i dbang phyogs pi ling zhes grags pa ni snga ma gnyis dang rigs mtshungs/__kong po sogs bod rong nas 'byung ba 'di rnams kyis kyang tshab rung bar gsungs so/__/_!_shuN+ThI/__sman sga ni sga skam po/__at+p+ra kaM/__sge'u gsher ni sga rlon pa'o/__/bod rnams sga mdog skya bo ro mi tsha ba de la sga skyar byed nas ma nu bzhi thang sogs la btang ba ni nor ba ste/__sga phal pa ro mi tsha ba 'di rgya gar ba rnams kyis sman la btang srol med/__ma nu bzhi thang sogs su btang rgyu ni sge'u gsher nyid do/__/_!_shing tsha ni/__rgya bal 'jang rgyal rong sogs su skye ba'i shing bod rnams a gar go snyod mar byed pa de'i lpags pa ste ji ltar 'thug pa bzang /__srab mo ni sha spod byed pa las sman du mi gtong /__bod dag srab mo la shing tsha dang 'thug pa la do tshar byed pa nor ba yin la/__'di'i rigs gcig__/shing pi lu ste shing ro tsha zer ba ni brgyad par/__pi lu 'bras bus mkhris pa bskyed/__/bad kan rlung nad sel zhing 'khru/__/zhes pa de'o/__/_!_e raN+DaH__dan+da/__'di sdong po lcum ldong 'dra ba stod dmar smug khong stong tshigs thag thung ba/__lo ma yang lcum lo 'dra ba rtse mo lnga drug bdun pa kho na yod pa ste/__rigs gnyis yod/__dan rog 'bras bu dbyibs ru sbal 'dra ba ru sbal ma zhes grags pa de ni rgya yul du lo mas dar gyi 'bu gso ba'i shing dar shing zer ba de'i 'bras bu ste dan+da dkyus ma dang ming gcig go/_/_!_shrI khaN+DaH__ni bal po sogs su zhing gi rib ma'i don du btsugs pa'i shing tsher ma can lo ma dang me tog med pa badz+ra druHste rdo rje'i shing sogs su grags pa'i 'o ma las khaN+Da byas pa ste/__zla zer sogs su sbyong sman la tsher ma rno zhing 'o ma mang ba de bzang bar bshad/__DA ma ru drwa ba can gyi kha shing yang 'di las bzo bar bshad do/__/_!_bi Dang+gaH__zur chag pas byi tang+ga/__'di ngo bo 'khrul so chung /__/_!_tsan+dan dkar po la/__mA la yar skye ba'i/__go shrIR+ShaM/__sa mchog__/saR+pe Ta/__sbrul snying sogs su grags pa ni deng song mi phal ba'i spyod yul du ma gyur la/__da lta rgya gar nas 'byung ba 'di rnams ni/__yul mal+la ra nas 'byung zhing /__de'ang dkar ser smug gsum 'byung ngo /__!_/tsan+dan dmar po ni bal po dang nye ba'i sa cha rnams dang /__rgya yul 'jang dang nye ba sogs su'ang 'byung /__ji tsam mkhregs shing lci ba bzang /__sob pa zhan no/__/_!_a gu ru/__lci med/__de zur chag pas a ga ru/__'di la rigs gnyis las/__da lta skya sob gso ma 'dra ba la smyug ma'i rtsi gzhog pa 'dra ba dang /__bsam pa chu nang du rul ba 'dra ba 'di rnams rgyu gcig cing ar skya zhes zer/__de las snga ma bzang bar byed mod/__gtso cher bsreg na dri ji tsam bzang ba rang legs/__bod rnams ar skya 'di la/__a gar 'ba' zhig ces btags pa ni/__mdo rnams las/__a ga ru kho nas bdug pa'i don la a ga ru 'ba' zhig gis bdug par bya'o/__/zhes 'byung ba ma go pa'i 'ol tshod tsam mo/__/ar nag ni/__phyi shun lpags nag po la nang smyug ma'i rtsi bzhog pa 'dra ba de la ngos 'dzin te/__shing dngos ni skya sob nyid do/__/da lta bod rnams ar nag mchog tu ngos 'dzin pa rgya yul nas 'byung ba'i rgya skad chiXn shaXng zhes zer ba 'di ni/__rgya gar ba rnams tsan+dan sbrul gyi snying po rgya mtsho'i rlabs kyis khyer ba yin zer srol yod/__'byung khungs ni mtha'i rgya mtsho'i 'gram gyi bye ma'i gseb nas don/__mchod rdzas su byed cing rin po che'i rigs lta bur 'dod pa las sa 'di na skye zhes nges pa med/__shing rul song ba'i snying po'i rnam pa brag ri'i dbyibs can me la bsregs na ro med du zhu zhing dri bzang ba zhig 'dug__/'di ni mgon po ber gyi sgrub skor du/__tsan+dan sbrul gyi snying po lo stong sa zhabs su song ba ni tu ru Sh+kaH'o/__/zhes gsungs pa dang rgya yi skad cha 'di phyogs mtshungs par rtog go/__/yang /__mnga' ris dang 'jang rgyal rong sa ngan sde dge sogs su skye ba'i shog shing gi rigs me tog re lcags 'dra ba ser kha yod pa rtsa ba dang sdong po'i snying po khams nag dang /__nag po dang /__ser shas can mer bsregs na dri zhim pa snum khol ba 'di rnams kyang ar nag tu ngos 'dzin par snang /__bod kyi sman rnams su a gar rigs gsum du phye ba'i nang gses/__a gar go snyod ma zhes grags pa ni/__'jang rgyal rong 'bo gangs dkar lho mon rong mtshams sogs su skye ba'i shing sdong chen po/__ar skya dang phyogs 'dra la kha dog dmar shas can dang khams nag kyang yod pa/__go snyod kyi dri bro ba/__'jang skad bsro bi zer ba ste lcog rtse dang glegs shing sogs bzo spyad de'o/__/'di la rje rang byung pas/__a gar dmar pos rlung tshad 'jom/__/zhes kyang gsungs so/__/_!_kha di raH__seng sdeng /__'di la rigs gsum ste/__kha dog shin tu dmar po bod rnams tsan+dan seng sdeng du btags pa dang /__snying po ma gtogs dkar po can gsom seng sdeng zer ba dang /__bshang pa'i seng sdeng ste rnams pa gsum mo/__!_/rgya skad/__ta la'i/__zur chag pa da lis ste/__rtsa sdong lo ma me tog kun bod kyi 'di dang mtshungs so/__/_!_lAk+ShA/__rgya skag__/thang chu 'di 'byung ba'i shing gi ming la/__pa la sha__/'dab ljang /__kiM shu ka__/ne tso'am ci zhes grags pa de'o/_/_!_zhu mkhan la rigs gnyis las/__shing sdong chen po lcang ma 'dra tshad pa lo ma srab 'jam nag pa la zhu mkhan dkar po dang /__lo ma 'thug cing ljang la gser 'od chags par zhu mkhan dmar po zhes bshad do/__/de 'ang zhu mkhan ni rgya skyegs kyi khu ba 'don byed dang /__seng phrom ni/__lo mas tshod ma 'ong pa/__'bras bu la snum yod pa'i sngo sdum 'o ma can zhig la ngos 'dzin po pas tha dad par bzhed do/__/_!_de ba dA ru/__lha shing ni bod kyi shug pa 'di kho na yin cing /__rgya bal sogs su mi skye pas bal po'i rgyal po'i skyed tshal du bskyed shing shug sdong gcig 'dug pa'ang ya mtshan chen po byed cing 'dug ces gsungs so/__/man rgyud sogs su thang shing zhes gsungs pa'ang 'di ka'o/_/__!_yang brgyad pa sogs su/__shug pa dang dA+e ba dA ru so sor byas te/__pad+ma ka__/pad+ma can/__he ma pad+ma/__gser gyi pad+ma/__ka la sha__/bum pa can/__de ba dA ru ni thang chu'i shing ste/__yal ga lo ma 'bras bu thams cad thang chu'i rang bzhin/__cung zad reg na'ang thang chu 'gos pa/__lo ma spu'i rnam pa ljang ser mdzes pa/__'bras bu mtho re lhag tsam shing gi pad brtsegs nang du tshig gur ril tsam sum kyog gi nang du star ga lta bur zhim pa'i rkang mar yod/__'di'i thang chus gsha' dang zha nye'i 'byar rtsi byed/__'di'i rigs 'bras bu'i rkang mar med pa de la sgron me shing zhes grags so/__/_!_pi ta druH__shing ser ste skyer pa ni/__rgya bal dang 'jang dang rong rnams su skye ba shing sdong chen po lo ma kha brag can tsher mas khyab pa/__bar shun ser po sor do tsam yod pa ste/__bod kyi 'dis kyang tshabs rung ngo /__/_!_nim+pa ni shing phran 'bras bu la phal skad sin+to la zer ba/__tsha lum 'dra ba ser po/__lo ma ljang ser phyi cung zad snum la tsher ma thor tsam yod pa ro shin tu kha ba zhig ste/__rgya nag las 'bras bu la maXchi maX phIsaX zer ro/__!_/many+dza'i Sh+ThA/__legs gnas sogs su grags pa'i btsod ni ngos 'dzin sla ba nyid do/__/_!_pat+sAd nI/__be'u'i zas sogs su grags pa'i sle tres ni rgya bal dang rong mtshams phal mo cher skye zhing 'khrul so chung /__/_!_kaN+Taka 'di Ta sde'i dang po bzlog ces snang ri/__tsher ma can dang /__byA g+hr-I/__stag tsher/__br-i ha tI/__yangs ma sogs su grags pa ni/__da ltar ngos 'dzin pa 'di ma 'khrul ba yin/__/_!_ga tha ni/__sid+ha kaN+Ta kaH__/seng tsher zhes pa ste bal yul sogs su skye/__'bras bu ser po se ba'i 'bras bu 'dra rung ba ro skyur shas can gyi shing phran zhig ste/__bod du ngos 'dzin pa 'di dag kyang g.yu thog byang zur bcas kyis bzhed pas tshabs rung gi nus pa phyogs mtshungs yin 'dra/__/_!_tsitra ka ni/__shing phung lo ma dang sdong po thams cad dmar zhing ro tsha ba zhig yod/__'di su ru pany+tsa la ngos 'dzin pa dang /__pi ling gi rtsa ba sogs la 'chad pa ni nor ba'o/__/pi ling dang /__de'i rtsa ba dang /__dbyi mong dang /__tsi tra ka dang /__dong gra rnams ni tsha ba lnga'o/__/_!_be ta sa/__sgyur po zhes grags pa ni/__zla zer dang bye rtogs su ta tur bsgyur ba yang dngos min rung nus pa mtshungs so/__/_!_dA DI maH__se 'bru ni 'khrul so chung /__/_!_shing ro hi ta ste skyed byed du grags pa ni/__bal po'i se'u zhes pa ste/__shing phung dbyibs bse yab dang mtshungs pa/__'bras bu dang po nas mngar ba dang /__smin nas mngar ba dang /__smin nas kyang skyur por gnas pa'i rigs gsum yod cing /__gsum ka'i me tog ni dmar po kho na'o/__/rgyud sde rnams las bal po'i se'u smyi gus 'bri bar gsungs pa sogs kyang 'di kho na ste/__ma rnyed na 'o se'i shing gis tshabs rung bar byed do/__/_!_mr-iT+wI kaH__zhim shing ste rgun 'brum la/__da lta rgun dkar ram/__sa ru shi ka'am/__'ba' sho'i rgun 'brum du grags pa 'bras bu chung ngu can rus pa med pa 'di mchog__/khams kyi tsha ba sgong sogs nas 'byung ba'i dmar po dkar shas che ba ro mngar ba nyid rab/__dmar smug skyur shas che ba 'bring /__rgya kha dang dwags po sogs nas 'byung ba'i sngon po ni dman/__sa ru shi ka ni nus pa bsil zhing /__gzhan rnams dro ba'o/__/_!_po so cha ni/__dbang sdud kyi skabs rnams su/__ma da na pha laHste myos byed kyi 'bras bu zer ba de yin/__de'ang 'bras bu ser po lung tang gi 'bras bu'i shun pa 'dra ba sul mo cung zad yod pa nang tshig gu se 'bru 'dra ba zhig yod/__tshad rong rnams su skye ba'i shing rgan mkhregs po zhig gi 'bras bu'o/__/gzhan dag lung tang gi 'bras bu'i shun pa la byed pa dang /__stag ma'i nyung ma sogs la byed pa ni nor ba kho na'o/__/phyi ma 'di srin la shin tu phan pa zhig yin/__skyugs pa'i nus pa ni med do/__/_!_tin+taDi kam/__bse yab ni/__lo ma che zhing me tog dkar po can 'bru hril po ro skyur la mngar shas yod pa de yin la/__mi rgan a mchog tu grags pa'i ku shu'ang rigs gcig ste/__brgyad par/__ku shu rnam gnyis lci ba ste/__/mngar bsil skyur ba tsha ba yin/__/ces so/__/de'ang bse yab la 'bras bu che chung rigs gnyis dang /__ku shu la'ang mngar skyur gyi rigs gnyis yod/__/_!_gla gor zho sha ni/__shing g+haN+To/__ste 'khrul shing du grags pa'i 'bras bu/__ung+ge gam/__rab bskyod du grags pa ste ngo bo 'khrul so chung /__/_!_a riSh+ta/__lung tang ste/__'di la nag po dmar ngam cung zad yod pa zhig dang /__pad+ma rA ga ltar dmar smug gnyis yod/__shun pa'i phye ma'i du ba sna nas rngub pas ya ma dang srin la phan/__chu la sbangs pa'i khu bas zangs kyi g.ya' chod par byed/__rnam sras sogs kyi bgrang phreng la 'bras bu dmar 'di la gab ming du ri bong mig zhes bshad pas po de legs so/__!_/shrI pha laH__dpal 'bras te/__shing tog bilba ni ming bkra legs pas bkra shis pa'i rdzas su byed/__'di ni shing sdong chen po/__yal ga rtsub/__lo ma phyi nang ri mig bdun pa sogs kyi gtso bo'ang 'di ka'o/__/thams cad dang /__'bras bu ljang gu/__smin nas cung zad dmar ser du 'gro ba'o/__/_!_bilba dang phyogs 'dra ka pi da ni skyugs pa 'joms par byed pa'i sman ste/__'di ku pa la ngos bzung ba snang na'ang ma nges te/__ku ba ni skyugs sman du bshad pa'i phyir/__/_!_brgyad pa dang /__sman rgyud las kyang gsungs pa'i/__pr-ithak+pa r+NI/__lo ma tha dad ces pa ni/__shing sdong chen po lo ma chung ngu kha dog sna tshogs pa zhig yod/__nang gses su/__tsa ki li yA dang /__ka Ta rA zer ba gnyis yod do/__/_!_sA la par+Ni ste spos dkar shing gi lo ma/__'di sdong po shin tu che bas/__gsung rab rnams su mtho ba'i tshad rgyal rigs shing sA la chen po lta bu zhes gsungs ba de'o/__/_!_rgya nag skad du/__kwa wa/__zur chag pas ku ba ni rong mtshams rnams su skye ba'i 'khril shing zhig ste 'bras bu chu snod sogs rung ba phyag tshang ku ba zhes pa de'o/__/'di'i 'bras bu gser me 'dra ba de bod kha cig gser phud du 'dod kyang nor ba'o/__/_!_yang /__ku ba de 'dra'i rigs phal skad bAd+gI zer ba'i 'khri shing zhig gi 'bras bu bzar rung ba mnga' ris sogs sug gon zer ba'i ming brgyad pa sogs su/__be sha lA/__dang brda rnying par/__byi sha la zer ba yod/__/_!_bi tun+na kaM__/'u su/__'di la me tog gis dbyibs dkar ser gnyis yod kyang nus pa 'dra/__'di'i gcig shos shu ti yin par 'dod pa ni nor ba ste/__shu ti zhes go snyod kyi dngos ming yin no/__/_!_so ma rA dzi pra/__zla gsal ste/__rgya bal nas 'byung zhing 'bras bu go snyod phyogs 'dra la sne mo gnyis che zhing gug pa sob sob gyi rnam pa go snyod las che tsam yod/__/da lta'i nag po mkhal dbyibs 'di ni tshabs rung yin na ma gtogs dngos ni min/__/_!_dzI ra kA/__zur chag pas zi ra ste zi ra dkar po dang /__kr-iSh+Na dzI ra kaH__zi ra nag po ste snga ma shes sla/__phyi ma zi ra dkar po 'dra rung la sne gnyis sbom pa/__mdog nag po zhig yod pa de yin gyi/__nag rtsub zur gsum pa 'di ni min no/__/_!_nA ga puSh+pa ni klu shing gi me tog__/nA ga ge sar ni de'i ze 'bru'o/__/de la shing sdong chen po lo ma phra zhing phyi ljang nag shing dngos skya nag shin tu mkhreg pa ste bal yul sogs su skye/__da lta bod rnams kyis ge sar sum ldan du byed pa 'di ni shing shal+ma li'i ge sar ro/_/_!_ut+pal chu nang skyes pa sman du gtong rgyu dang rir skyes pa'i shing phran bum rdzas sogs la 'gro ba ste rigs gnyis yod/__snga ma spyi'i ming /__ut+pa laM/__ste steng 'thung sogs dang /__bye brag__/rgya bal 'jang yul sogs su mtsho rdzings su skye ba'i me tog sngon po li sder 'bring po tsam re yod pa'i ming /__chu skyes sngon po dang dpal dga' sogs su bshad cing /__yang me tog dkar po li sder 'bring po tsam bshang gi rnam pa can la pad+ma dkar po dang /__'dab brgya pa sogs zer/__de dang 'dra ba'i mdog dmar po la/__chu skyes dmar po dang /__dur pa sgra 'byin sogs ming gi mngon brjod can no/__/ut+pal ge sar dang /__pad+ma'i ge sar zhes pa'ang me tog 'di rnams kyi ge sar te/__mdog khams nag mu le b+h+ruM shing gis rtsa rgyus gtub pa 'dra ba de pad+ma'i ge sar dang /__de lta bu la skya zhad yod pa la ut+pal ge sar zhes bzhed/__da lta tsa ri rong dang sde dge sogs su skye ba'i me tog sngon po 'dis ut+pal sngon po'i tshabs byed pa g.yu thog bkra shis kyi lugs yin cing /__de ltar na ga'u rkyang shog la ut+pal dkar po dang /__she'u dar sge dar la ut+pal dmar po'i tshabs kyang rung dgos so/__/kong por chu nang nas skye ba'i me tog thang phrom me tog 'dra rung zhig la pad+ma dkar po'i tshabs byed par gsungs so/_/_!_brgyad pa sogs su sman la 'gro ba'i pad+ma dkar po'i rtsa ba ni chen po zhig yod pa bzar rung zhing /__de'i ming /__ka ra hA TaH__pad+ma'i rtsa ba sogs bshad do/__/_!_dru mot+palaH__ste ut+pal shing las skyes pa'i nags kyi ut+pal ni rgyud sde rnams nas bum rdzas su bshad pa'i/__daN+Dot+palaHsteng byug pa'i ut+pal zhes bya la/__de'i ming /__in+dI pa ra/__dpal dga'/__yuSh+mA pA la/__gzhan skyong sogs ming gi rnam grang mang ngo /__!_/tsam+pa ka__/zur chag tsam pa ka zhes pa ni/__rgya gar dang bal por yang skye ba'i shing sdong chen po/__me tog ser po dang /__dkar ser chen po gzhon nu'i dus dri bsung bzang po can zhig ste/__ming gi rnams grangs/__he ma puSh+pa kaH__gser gyi me tog__/gan+d+ra pha laH__dri 'bras can sogs so/_/_!_ske tshe ming gzhan sbrid skyed zhes pa ste/__rgya bal nas 'byung ba'i sprid pa byed mkhan zhig yod cing /__bod kyi zhing gseb tu skye ba 'di ni dpal ldan rgyud du bshad pa de yin dgos/__/_!_yungs dkar nag gnyis ka'i spyi ming du/__saR+Sha pa/__dpal kha sogs dang /__yungs dkar gyi sger ming du/__sid+d+har+thaH__don grub te ming bkra legs pas bkra shis pa'i rdzas su byed/__man ngag gi rdzas/__yungs dkar rgyal po sha ri ram/__/zhes pas 'bru che zhing khro zhal gyi rnam pa yod pa ste/__yungs dkar khro zhal can zhes kyang grags so/__/_!_a ta sI/__zar ma ni shes sla/__/_!_shUtiH__go snyod de/__'di ni go snyod kyi dngos ming las shu ti zhes 'u su'i rigs dang /__spru 'bru sogs la ngos 'dzin pa ni nor ba'o/__/_!_la la phud ni/__zi ra dkar po 'dra ba leb mo sul ris can dbyibs sgur ba/__che chung til 'bru tsam pa ro tsha la dri ma shin tu che ba yod/__nang gses rigs gnyis yod cing /__ti mu pa'ang 'di'i sde tshan ste/__k+She tra ya mA nI zhes zhing gi a za mor grags pa de'o/__/yang /__khur sa zhes pa'i la la phud ni rgya thang phrom gyi 'bras bu 'dra ba srin bdug byas pas so srin la phan par bshad/__/_!_ras 'bras zhes pa ni shing phran phra mo skya bo glang ma'i rigs shig ste/__zhing la 'debs pa'i gong bu'i nang nas ras bal dang 'bras bu 'byung ba de ka'o/__/_!_dug mo nyung ni/__shing phran 'khril shing gi rigs/__gong bu dang sa bon bod kyi 'di 'dra ba che ba zhig yod/__'di'i ming /__in+d+ra ya pa naM/__dbang po'i nas zhes pa zur chag pas/__in+d+ra yob dang /__de'ang zur ma phyin pa/__in+d+ra 'job zhes lhan thabs su bris pa de'o/__/_!_A rag pa d+haH__dong ga ni yongs grags 'di'o/__/_!_ma nu pa Tha ni/__dngos ming legs sbyar du/__pA ThA/__zhes yod pa zur chag pas pa tra/__de la bod rnams kyis ma nu pa tra zhes rgya bod kyi skad gnyis ldan du smras pa yin gyi/__pa tra lo mar 'dod pa 'khrul zhing /__ma nu rgya skad legs sbyar yin rgyur byas nas shed can sogs su bsgyur ba ni blun gtam zang ma'o/__/_!_pUSh+ka ra mU lo/__rdzing bu'i rtsa ba/__'di ma nu'i rigs dbyibs rta mgo rul pa 'dra ba sob pa dri shin tu zhim pa zhig yod/__zur lugs khams kyi ru rta la mdzad pa nus pa mthun rung du mngon/__/_!_ru rta dngos rgya gar nas 'byung ba ni khams dang rong mtshams su skye ba 'di rnams dang dbyibs 'dra la rtsa ba shin tu che/__lo ma khams rus 'dra ba tsog pur skye ba yod/__/_!_sha ta mU lI/__rtsa ba brgya pa ste nye shing ni/__rgya gar du shing gi rigs chung chung tsher ma phra mo can rtsa ba ril ma phreng bar brgyus pa lta bu yod/__/_!_a shwa gan+d+ha/__ste rta li dri can/__'di bod rnams kyis ba sprur bzhed kyang brgyad pa rtsa 'grel sogs las de gnyis so sor bshad/__de'ang ba spru rigs gnyis kyi me tog dkar po can la/__ming /__pU_rba na paH__ste slar dgu sogs su bshad pa dang /__me tog dmar po can la/__bai sha ka__/'jug byed sogs su bshad do/__/_!_rak+ta nirbi ShaH__slar dug dmar po ste bong dmar ni/__rgya bal lho mon tsA ri rnams nas 'byung ba/__rtsa ba la phug 'dra ba mthe bong nas lug ril tsam gyi bar ci rigs pa dang /__bcad na 'od dang bcas 'khreg cing sngo ba de bzang /__de las che zhing nag ngom pa gyong zhing rtsub pa de dman no/__/_!_bong ser ni/__'byung khungs 'dra/__dbyib mthe bong lta bu mdog ser ro shin tu kha ba'o/__/_!_bong nag ni/__mi rgyu ba'i dug gi gtso bo ste/__rgya bal nas 'byung ba ni mdog nag po ro mngar zhig sbrid kha yod pa zhig yod/__'di brgyad pa rtsa 'grel sogs la sman du ma gsungs/__rgya nag gi sman gzhung rnams su'ang dug phral ba las rgod por sman la sbyar ba ma bshad kyang /__bdud rtsi bum ba che chung dang /__rdza rong b+hi yi sman pa nyi 'od gsal gyi gter byon bdud rtsi thig pa dang /__grwa mngon gter ma dpal ldan rgyud kyi khyung chen sbyor ba sogs las rgyas par 'byung zhing /__de la'ang rigs gsum las/__dkar po ni/__bong tshad cher mi skye ba me tog sngo skya dang rtsa ba dkar po can de'o/__/ser po ni/__me tog ser zhad can rtsa ba ser po 'bri tshil 'dra ba/__'di la tsan dug dang /__'bri tshil ma sogs zer/__nag po ni/__me tog sngo nag rtsa ba'ang nag khreb se ba ste/__bi Sha ha la zer/_spyir phyi nang gsang ba'i 'dzin pa'i dbye ba sogs yongs grags ltar dang /__de rnams kyi myu gu sor bzhi'i tshad la spyir btang bdud rtsi lo ma zer ro/__/_!_a ti b+hi Sha ni dbyibs sug pa skam po 'dra ba/__bcag mtshams btsan dug lta bu las cung zad smug nyams can/__ro mngar shas yod pa/__bzi med pa'o/__/_!_ra dug dmar po ni/__btsan dug me tog dmar shas can de yin la/__/_!_yul skad du ra dug pa zer ba'i me tog dmar po ut+pal 'dra ba 'di ni rgya sman la 'gro ba'i ming /__chiX zhwaX'o zer ba de ka'o/__/_!_ha ri dra/__yung ba/__ma nu khrag can ze ba'ang 'di kho na yin cing /__sga sho zhes pa'ang 'di'i rigs so/__!_/sgog pa ni/__rtsa ba rdog po che zhing dkar ba la sgog skya dang /__rtsa ba phra zhing shun pa dmar ba la sgog dmar du bzhed/__ming /__ra so ba kaH__ste ro ma tshang ba zhes/__ro drug las lan tshwa ma tshang bas de skad du brjod pa sogs so/_/_!_gla sgang ni/__chu nang du skye ba'i sdum rtsa ste/__bod 'dir sa nag tu skye ba'i lo ma lo btsan 'dra rung /__me tog rgya dkar spen ma'i me tog che shos tsam/__rtsa ba mon bu 'dra ba phyi nag la nang dmar zhing ro bska ba khams skad du tshig gror grags pa des tshabs rung ngo /__/_!_ba tsA/__shu dag__/'di la shu dag nag po ni rong mtshams thams cad du skye bas nor 'khrul med/__bcag mtshams dmar zhad yod pa la shu dag dmar po'ang zer/__dkar po ni/__dbyibs nag po 'dra ba la tshigs mtshams dmar zhad yod pa/__bcag mtshams dkar zhing dri bzang ba de nyid yin la/__sa le ljang pa'i rtsa ba la byed pa ni nor ba kho na'o/__/yang /__shu dag nag po la me tog med/__snye ma nag po pi ling 'dra ba zhig yod/__dkar po la me tog sngo skya yod/__gnyis ka'i lo ma ral gri so gnyis ma 'dra'o/__/dkar po la ming /__he ma ba ti/__gangs ldan skyes/__dza yaH__rgyal byed sogs so/__/_!_ma d+hu kaM__/shing mngar ni/__sdum rar skye ba dang /__mya ngam thang du skye ba sogs bzang /__nags shod kyi klung 'gram skye ba dman no/__/_!_dur byid la brgyad pa sogs su dkar nag gnyis bshad pa'i/__dkar po ni/__nye rong brda rnying ste da lta dur byid du grags pa 'di'o/__/nag po ni thar nu/__/_!_dbyi mong me tog dkar ser gnyis ni sman la gtong /__sngo nag can mi gtong gsungs/__/gze ma bod kyi ngos 'dzin pa'i sdum 'di ni brgyad pa sogs su byi tsher du bzhed/__/_!_ma tu laH__thang phrom ni rgyud sde rnams las gsungs pa'i d+ha d+hu ra zhes pa ste/__'phags bal du skye ba dang /__/bod skyes phyogs 'dra bar gsungs/__bod kyi ngos 'dzin la rigs gsum las/__dkar po gangs thang phrom rgod pa ni g.ya' spang mtshams su skye/__g.yung ba spang ljang dang phyugs lhas rnying par skye/__khra bo ni rgya thang phrom dang /__nag po ni yongs grags 'di ka ste/__d+ha d+hu ra dngos khra bo la bzhed snang /__/_!_gser me ni brgyad pa rtsa 'grel sogs su ma bshad/__rgya nag gi gso dpyad las 'byung /__ngo bo ni 'khrul so chung /__bod sman mkhas pa dag sdum pa to la'i tshabs su bzhed pa'ang don la gnas pa nyid do/__/_!_ban+dA/__hong len te/__dzI ban+ti kA/__'tsho byed ces 'tsho byed brgyad kyi gras su bzhed/__da lta stod phyogs nas 'ong ba sdum rtsa dmar smug dang /__skya sob 'di gnyis rab/__bod du skyes pa 'dis kyang tshabs rung /__'di la'ang me tog dkar po na ba nang du skye ba 'di hong len dngos ste/__rgya skad du hUng las zer/__de rigs g.ya' la skyes pa me tog smug po can 'di la g.ya' rug tu ngos 'dzin nus pa'i 'gro phyogs mtshungs/__hUngaX /__dmar po dang /__laXs tshos la 'jug pas dmar tshos zer ba da lta'i yod pa yongs grags 'di 'khrul pa med/__ban+dA/__hong len du bsgyur na'ang /__dngos ni shing gi rigs so/__/_!_hwangaX lasaX/__zhes pa ser tshos ste/__myang rtsi spras/__ming gzhan/__a pa rA dzI tA/__sogs su bshad pa de rgya mis gos chen ser po'i tshos byed/__/_!_rgya skad/__tshig kya'o zur chag pa/__kyi kye ni/__zla zer du/__ba la pa tra/__stobs kyi lo ma sogs su bshad/__/_!_li ga dur ni/__sman bya rog rkang du grags pa da lta sman khrod du 'byung ba ste ngos zin sla/__rta mon du byed pa ni tshabs rung yin na ma gtogs dngos min/__la las sro lo dmar pos tshabs byed pa'ang yod/__/_!_yang brgyad pa la/__tsi tra ka yi me tog ni/__/ser po dkar nag las shes bya/__/cho ga bzhin du bcud len sbyar/__/go rim bzhin tu yon tan che/__/zhes bcud len la me tog ser po tha ma/__dkar po 'bring /__nag po rab tu bshad do/__/_!__g+han+d+hA b+ha dra/__dri bzang /__'di bod rnams go yu la ngos 'dzin pa dang /__g.ya' las skyes ba'i bya rgod spos la ngos 'dzin pa dag snang na'ang /__dngos ni/__shing sdong dri shin tu zhim pa chu glang gi pags pa 'dra ba dkar skya ro cher mi gsal ba zhig go__/tasti kar+Na/__glang po'i rna ba ni/__phyi shun pa sngon po glang po'i rna ba lta bu/__nang du 'bras bu yod pa zhig go__/_!_lan tshwa'i rigs las/__rgyam tshwa ni rgya mtsho las byung ba'i tshwa ste/__deng sang byang rgyam chen sogs gus zhab nas brko ba'i rdo 'dra dkar po 'di yin/__zla zer sogs su lan tshwa thams cad kyi tshabs su 'di gtong gsungs/__/_!_lce myang tshwa ni/__byang phyogs su len tshwa brag gi rnam pa dkar po shel ltar dwangs pa brkos rgyags rung ba/__la lar dmar shas kyang yod pa de yin/__mkhris par mi gnod/__nad par tshwa 'di ma bsrung kyang rung /__/_!_lan tshwa ni/__yongs grags kyi tshwa ro zhim shas bul lhad med pa'o/__/_!_mdze tshwa ni/__da lta ya bak+Sha rar 'dod pa'i dkar po bcang pas krig krig zer ba de'o/__/_!_lba tshwa ni/__yul 'ga' zhig tu lba bar phan pa'i sman tshwa dkar po sob sob zhig yod pa de yin/__gtsang tsha rong dang /__kha ba dkar po sogs su yod par bshad/__/_!_rgya tshwa ni yongs su grags par zad/__/_!_tsab ru tshwa ni/__rgya gar du tsab mo'i btung ba'i ru rtsi byed pa'i tshwa skyur shas che ba ste/__'jang phyogs su rgyal dam gyi tshwas lo skyur gyi ru rtsi byed pa dang /__sdom re mdo'i tshwa 'di'ang skyur shas che bas skyur ba'i phabs rtsir rung nges pas tsab ru mtshungs snyams/__/_!_kha ru tshwa/__tsha la/__ze tshwa/__thal tsha rnams yongs su grags pa nyid ngos 'dzin ma 'khrul bas rgyas par ma smos/__/_!_deng sang mig sman sogs la btang ba'i lcags phye zhes pa 'di/__mkhas pa kha cig lcags kyi phyi mo ste lcags dreg kho na'o zhes bzhed pa'ang snang /__/_!_zhar byung rnam grangs 'ga' zhig 'bri na/__dngul/__zangs/__lcags/__gsha' dkar/__zha nye rnams ni lcags lnga'o/__/_!_a shwat+tha/__u dum+bAr/__p+lak+Sha/__bilba/__phalgu rnams ni 'o ma can lnga'o/__/_!_shing tshwa/__sug+mel/__g+han+d+ha b+ha dra ni dri gsum dang /__nA ga ge sar bsnan pas dri bzang bzhi'o/__/_!__yung ba dang /__skyer pa ni ser po gnyis so/__/_!_med dang /__ma hA med ni zhags gnyis so/__/_!_sA la par+Ni/__mut+ga par+Ni/__ma sha par+Ni/__kr-iSh+Na par+Ni ni par+Ni bzhi'o/__/_!__sA la par+Ni/__kr-iSh+Na par+Ni/__br-i ha ti/__kaN+Da ka rI/__gze ma rnams ni rtsa ba chung lnga'o/__/_!__kaR+Ya laH__bilba/__me srubs shing /__pa ta li/__sa ba ka rnams ni rtsa ba chen po lnga zhes 'phags yul gyi gzhung rnams las gsungs so/__/_!