JKW-KABUM-17-TSA-002-026

Previous Text Back to Volume PageNext Text

ཚེ་ལ་དབང་བའི་ཕོ་ནད་ཚ་གྲང་གི་སྤྱི་འཇོམས་བདེ་བའི་མྱུ་གུ།

Wylie title	tshe la dbang ba'i pho nad tsha grang gi spyi 'joms bde ba'i myu gu
Location	mkhyen brtse'i bka' 'bum Volume 17, sde tshan 2, Text 26, Pages 286-287 (Folios 70b1 to 71a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. tshe la dbang ba'i pho nad tsha grang gi spyi 'joms bde ba'i myu gu. In 'jam dbyangs mkhyen brtse'i dbang po'i bka' 'bum, Vol. 17: 286-287. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ཚེ་ལ་དབང་བའི་ཕོ་ནད་ཚ་གྲང་གི་སྤྱི་འཇོམས་བདེ་བའི་མྱུ་གུ་བཞུགས་སོ། །ན་མོ་མ་ཧཱ་གུ་ཎ་ཡེ། མེ་དྲོད་གསུམ་གྱིས་མྱག་བཞུ་དྭངས་སྙིགས་འབྱེད་པར་མ་ནུས་པའམ། དུས་གདོན་ཟས་སྤྱོད་རྐྱེན་གྱིས་མེ་དྲོད་ཀྱི་ལས་ལོག་པར་བྱས་པ་ལ་སྡེ་བཞིའི་ཅོང་གི་རྩ་བ་ཕོ་ནད་མང་དུ་འབྱུང་ནའང་། ཁྲག་མཁྲིས་ཚ་བར་གྱུར་པ་དང་། བད་རླུང་གྲང་བར་གྱུར་པ་གཉིས་སུ་འདུ་བ་ལས། དང་པོ་ནི། རྩ་འབུར་འདྲིལ། ཆུ་དམར་སེར། ན་ལུགས་ལྡང་དུབས། ཟས་སྤྱོད་དྲོད་ཀྱིས་བསྐྱེད་པ་ནི་ཚ་བ་ཡིན་པས། དེའི་སྤྱི་སྨན་ནི། ཨ་རུ་གསེར་མདོག་རྡོག་པོ་གཅིག །བྲག་ཞུན་དེ་དང་མཉམས་པ། དེ་གཉིས་ཀ་དང་མཉམ་པའི་སྟར་ཞུན། ཨུཏྤལ། ཁ་ཆེ། བ་ཤ་ཀ་སྐྱུ་རུ་ར། སེ་འབྲུ། སུག་སྨེལ། རུ་རྟ། མ་ནུ། འུ་སུ། རྒྱམ་ཚྭ། ཅོང་ཞི། ལྕགས་དྲེགས། སྦྲུལ་ཤ་རྣམས་ཐུན་བཟང་རེ་ཞིབ་པར་བཏགས་པའི་རིལ་བུ་སྲན་མ་ཙམ་གསུམ་གསུམ་ཆུ་སྐོལ་གྱིས་ཕུལ་ལ་གུང་གཉིས་སུ་བསྟེན་ན། ཁྲག་མཁྲིས་ཕོ་བར་ལྷུང་བ་དང་། སྨུག་པོའི་ཁྲག་སྐྲན་འདྲིལ་བ་སོགས་ཕོ་ནད་ཚ་བ་མཐའ་དག་སེལ། གཉིས་པ་ནི། རྩ་བྱིངས་རྒུད། ཆུ་སྔོ་དཀར། ན་ལུགས་སྦོ་འཁྲོག །ཟས་མི་འཇུ་བ། ཟས་སྤྱོད་བརླན་གྲང་གིས་བསྐྱེད་པ་རྣམས་གྲང་བ་ཡིན་པས་དེའི་སྤྱི་སྨན་ནི། ཅོང་ཞི་སོལ་བའི་མེ་ལ་དཀར་པོར་མ་སོང་བར་དུ་བསྲེགས་པ་ཆང་དང་དར་བར་ངད་བསད་པས་གཞི་བྱ། དེ་སྟེང་ཨ་རུ་ར། བྱ་ཐལ། རྒྱམ་ཚྭ། སེ་འབྲུ། སུག་སྨེལ། པི་པི་ལིང་། བྱི་ཏང་ཀ །ཚྭ་ལ། མ་ནུ། ཁ་ཆེ། སྟར་བུ། སྦྲུལ་ཤ་འདི་རྣམས་ཐུན་བཟང་རེ་འུ་སུའི་ཆུས་འདམ་འཐགས་ཡུན་རིང་དུ་བྱས་པའི་རིལ་བུ་སྲན་ཙམ་གསུམ་གསུམ་ཆུ་བསྐོལ་གྱིས་ཕུལ་ནས་ཞོག་སྔ་བསྟེན་ན། མ་ཞུ་མེ་ཉམས་ལྷེན་ལྕགས་དྲེགས་བད་ཀན་རང་རྒྱུད་པ་དང་། ཁྲག་མཁྲིས་དང་བསྡོངས་པའི་གསར་པ་བྲང་ཚ་ཆུ་སྐྱུར་སྐྱུགས་པ་སོགས་ཕོ་ནད་གྲང་བ་མཐའ་དག་སེལ། གོང་མ་རིལ་བུ་སྐྱུར་པོ་དང་། འོག་མ་རིལ་བུ་དཀར་པོ་ཞེས་བྱ་སྟེ། རྗེ་བཙུན་གཡུ་ཐོག་ཞབས་ཀྱི་ཐུགས་རྗེས་རང་བྱུང་བའོ། །གཅོང་ནད་ཐམས་ཅད་མ་ཞུས་བསྐྱེད་པ་དང་། །ཕན་གནོད་ཕལ་ཆེར་ཕོ་བར་རག་ལས་ཕྱིར། །མ་ཞུ་བཅོས་པས་གཅོང་ནད་ཞི་བྱེད་པ། །རིང་ནས་གོམས་པའི་འཚོ་ཐབས་མཁན་དེས་སོ།། །། ༈

[edit]

tshe la dbang ba'i pho nad tsha grang gi spyi 'joms bde ba'i myu gu/ tshe la dbang ba'i pho nad tsha grang gi spyi 'joms bde ba'i myu gu bzhugs so/__/na mo ma hA gu Na ye/__me drod gsum gyis myag bzhu dwangs snyigs 'byed par ma nus pa'am/__dus gdon zas spyod rkyen gyis me drod kyi las log par byas pa la sde bzhi'i cong gi rtsa ba pho nad mang du 'byung na'ang /__khrag mkhris tsha bar gyur pa dang /__bad rlung grang bar gyur pa gnyis su 'du ba las/__dang po ni/__rtsa 'bur 'dril/__chu dmar ser/__na lugs ldang dubs/__zas spyod drod kyis bskyed pa ni tsha ba yin pas/__de'i spyi sman ni/__a ru gser mdog rdog po gcig__/brag zhun de dang mnyams pa/__de gnyis ka dang mnyam pa'i star zhun/__ut+pal/__kha che/__ba sha ka skyu ru ra/__se 'bru/__sug smel/__ru rta/__ma nu/__'u su/__rgyam tshwa/__cong zhi/__lcags dregs/__sbrul sha rnams thun bzang re zhib par btags pa'i ril bu sran ma tsam gsum gsum chu skol gyis phul la gung gnyis su bsten na/__khrag mkhris pho bar lhung ba dang /__smug po'i khrag skran 'dril ba sogs pho nad tsha ba mtha' dag sel/__gnyis pa ni/__rtsa byings rgud/__chu sngo dkar/__na lugs sbo 'khrog__/zas mi 'ju ba/__zas spyod brlan grang gis bskyed pa rnams grang ba yin pas de'i spyi sman ni/__cong zhi sol ba'i me la dkar por ma song bar du bsregs pa chang dang dar bar ngad bsad pas gzhi bya/__de steng a ru ra/__bya thal/__rgyam tshwa/__se 'bru/__sug smel/__pi pi ling /__byi tang ka__/tshwa la/__ma nu/__kha che/__star bu/__sbrul sha 'di rnams thun bzang re 'u su'i chus 'dam 'thags yun ring du byas pa'i ril bu sran tsam gsum gsum chu bskol gyis phul nas zhog snga bsten na/__ma zhu me nyams lhen lcags dregs bad kan rang rgyud pa dang /__khrag mkhris dang bsdongs pa'i gsar pa brang tsha chu skyur skyugs pa sogs pho nad grang ba mtha' dag sel/__gong ma ril bu skyur po dang /__'og ma ril bu dkar po zhes bya ste/__rje btsun g.yu thog zhabs kyi thugs rjes rang byung ba'o/__/gcong nad thams cad ma zhus bskyed pa dang /__/phan gnod phal cher pho bar rag las phyir/__/ma zhu bcos pas gcong nad zhi byed pa/__/ring nas goms pa'i 'tsho thabs mkhan des so//__//__!