JKW-KABUM-17-TSA-002-028

Previous Text Back to Volume PageNext Text

སྐད་བཅོས་ཚངས་པའི་རྒྱུད་མང་།

Wylie title	skad bcos tshangs pa'i rgyud mang
Location	mkhyen brtse'i bka' 'bum Volume 17, sde tshan 2, Text 28, Pages 318-319 (Folios 86b1 to 87a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. skad bcos tshangs pa'i rgyud mang. In 'jam dbyangs mkhyen brtse'i dbang po'i bka' 'bum, Vol. 17: 318-319. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa
Colophon	།ཞེས་པའང་ཐ་སྙད་རིགས་པར་སྨྲ་བའི་གཞོན་ནུ་ཨ་བྷ་ཡས་ཨེ་ཝཾ་གཙུག་ཏོར་དུ་བྲིས་པ་ཤུ་བྷཾ།
	zhes pa'ang tha snyad rigs par smra ba'i gzhon nu a b+ha yas e waM gtsug tor du bris pa shu b+haM

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

སྐད་བཅོས་ཚངས་པའི་རྒྱུད་མང་ཞེས་བྱ་བ་བཞུགས་སོ། །སྨན་བླ་དྲང་སྲོང་བརྒྱུད་པར་བཅས། གུས་པས་སྤྱི་བོར་མཆོད་བྱས་ནས། །ཚངས་དབྱངས་སྐད་ཀྱི་གདམས་པ་ནི། །ཤིན་ཏུ་གསལ་བར་འདིར་བརྗོད་བྱ། །སྔོན་འགྲོ་ཤ་ཆང་མར་རྙིང་དང་། །མངར་སྐྱུར་དུད་པ་ས་འཚུབ་སོགས། །ལུས་ངག་འཁྲུགས་པའི་ཟས་སྤྱོད་སྤངས། །ལྟོ་སྟོང་དུས་སུ་གྲེ་བ་ཡིས། །བད་ཀན་སྦྱོངས་ཕྱིར་ཞག་བདུན་ནམ། །དགུ་དང་བཅུ་གཅིག་བར་དག་ཏུ། །འཇམ་སྐྱུགས་ལན་འགའ་གཏོང་བ་གནད། །དངོས་གཞི་གི་ཝཾ་གུརྒུམ་དང་། །ཅུ་གང་ལི་ཤི་སྲོ་ལོ་དཀར། །སུག་སྨེལ་ཤིང་མངར་རུ་རྟ་ནི། །ཐུན་བཟང་ཨ་རུ་གསེར་མདོག་དང་། །ལུང་པ་བྱང་ལྟས་སྤངས་རྒྱན་དཀར། །བ་མོ་མ་ཕོག་ལོ་འདབ་ནི། །ཐུན་ལོག་མོ་ཅོང་བཅས་པ་རྣམས། །རྩི་བཞིན་བཏགས་ནས་ཀ་ར་ཡིས། །མགོ་བསྡུས་རིལ་བུ་ཐོ་རངས་དང་། །ལྟོ་སྟོང་རྣམས་སུ་མྱང་བར་བྱ། །རྗེས་ནི་སྨན་རྣམས་མང་སྦྱར་ཏེ། །རྒྱུན་དུ་བསྟེན་ཞིང་ལུས་ངག་གི །སྤྱོད་ལམ་བག་དང་ལྡན་པ་ཡིས། །སྐད་བཟང་ལྡན་པའི་གྲོགས་དང་བཅས། །འགྱུར་ཁུག་སྦོམ་ཕྲ་འདེགས་འཇོག་སོགས། །དབྱངས་ཀྱི་ཡན་ལག་ཡོངས་རྫོགས་པའི། །སྦྱོར་བ་དག་པས་ནན་ཏན་བྱ། །བསྲུང་བྱ་སྤྱི་དང་ཁྱད་པར་དུ། །དྭ་ཚོད་ཤ་རུལ་མར་རྙིང་དང་། །ཉ་ཕག་བུ་རམ་ཁུ་བ་དང་། །བསུར་གཞོབ་དུད་པ་ས་འཚུབ་རྣམས། །རྒྱུན་དུ་སྤང་བ་ཤིན་ཏུ་གཅེས། །དེ་ལྟར་འབད་པས་གནས་སྐབས་སུ། །བྷྲ་མ་ར་ལྟར་ཕྲ་བ་དང་། །དུང་དཀར་ལྟ་བུར་གསང་བ་དང་། །ཀ་ལ་པིངྐ་ལྟར་སྙན་དང་། །སྤྲིན་སྒྲ་ལྟ་བུར་བརྗིད་པ་སོགས། །ཚངས་པའི་གསུང་ལ་དབང་ཐོབ་ཅིང་། །མཐར་ཐུག་མིང་ཚིག་བརྗོད་པ་ཀུན། །གསལ་བས་མཆོད་ཡུལ་མཉེས་པ་དང་། །ཚོགས་པ་ཀུན་གྱིས་རྣ་བར་སྙན། །ལྷ་དང་མཁའ་འགྲོ་དམ་ཅན་འདུ། །མང་པོའི་ཡིད་ཀྱང་སྐད་ཅིག་པུས། །ཟིལ་གྱིས་ནོན་བའི་གྲགས་པ་ཡིས། །ལྷར་བཅས་འཇིག་རྟེན་དགའ་བསྐྱེད་ཅིང་། །ངག་གི་སྒྲིབ་དག་གསུངས་རྡོ་རྗེའི། །གོ་འཕང་མཆོག་ལ་མྱུར་བར་འགྲོ། །དེ་ཕྱིར་གཞུང་དང་མན་ངག་གི། །སྙིང་པོ་གདམས་པའི་བདུད་རྩི་འདི། །དོན་གཉེར་ཡིད་ཀྱི་ཨུཏྤ་ལ། །ཀུན་གྱི་འཛུམ་ཕྲེང་གྲོལ་བར་ཤོག །ཞེས་པའང་ཐ་སྙད་རིགས་པར་སྨྲ་བའི་གཞོན་ནུ་ཨ་བྷ་ཡས་ཨེ་ཝཾ་གཙུག་ཏོར་དུ་བྲིས་པ་ཤུ་བྷཾ། །

[edit]

skad bcos tshangs pa'i rgyud mang / skad bcos tshangs pa'i rgyud mang zhes bya ba bzhugs so/__/sman bla drang srong brgyud par bcas/__gus pas spyi bor mchod byas nas/__/tshangs dbyangs skad kyi gdams pa ni/__/shin tu gsal bar 'dir brjod bya/__/sngon 'gro sha chang mar rnying dang /__/mngar skyur dud pa sa 'tshub sogs/__/lus ngag 'khrugs pa'i zas spyod spangs/__/lto stong dus su gre ba yis/__/bad kan sbyongs phyir zhag bdun nam/__/dgu dang bcu gcig bar dag tu/__/'jam skyugs lan 'ga' gtong ba gnad/__/dngos gzhi gi waM gurgum dang /__/cu gang li shi sro lo dkar/__/sug smel shing mngar ru rta ni/__/thun bzang a ru gser mdog dang /__/lung pa byang ltas spangs rgyan dkar/__/ba mo ma phog lo 'dab ni/__/thun log mo cong bcas pa rnams/__/rtsi bzhin btags nas ka ra yis/__/mgo bsdus ril bu tho rangs dang /__/lto stong rnams su myang bar bya/__/rjes ni sman rnams mang sbyar te/__/rgyun du bsten zhing lus ngag gi__/spyod lam bag dang ldan pa yis/__/skad bzang ldan pa'i grogs dang bcas/__/'gyur khug sbom phra 'degs 'jog sogs/__/dbyangs kyi yan lag yongs rdzogs pa'i/__/sbyor ba dag pas nan tan bya/__/bsrung bya spyi dang khyad par du/__/dwa tshod sha rul mar rnying dang /__/nya phag bu ram khu ba dang /__/bsur gzhob dud pa sa 'tshub rnams/__/rgyun du spang ba shin tu gces/__/de ltar 'bad pas gnas skabs su/__/b+h+ra ma ra ltar phra ba dang /__/dung dkar lta bur gsang ba dang /__/ka la ping+ka ltar snyan dang /__/sprin sgra lta bur brjid pa sogs/__/tshangs pa'i gsung la dbang thob cing /__/mthar thug ming tshig brjod pa kun/__/gsal bas mchod yul mnyes pa dang /__/tshogs pa kun gyis rna bar snyan/__/lha dang mkha' 'gro dam can 'du/__/mang po'i yid kyang skad cig pus/__/zil gyis non ba'i grags pa yis/__/lhar bcas 'jig rten dga' bskyed cing /__/ngag gi sgrib dag gsungs rdo rje'i/__/go 'phang mchog la myur bar 'gro/__/de phyir gzhung dang man ngag gi/__/snying po gdams pa'i bdud rtsi 'di/__/don gnyer yid kyi ut+pa la/__/kun gyi 'dzum phreng grol bar shog__/zhes pa'ang tha snyad rigs par smra ba'i gzhon nu a b+ha yas e waM gtsug tor du bris pa shu b+haM/__/