JKCL-KABUM-08-NYA-010-005

🚧 This website is under continued development. We appreciate your patience!

Previous Text Back to Volume PageNext Text

Wylie title		page=1
Location	chos kyi blo gros bka' 'bum Volume 10, Text 5, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre

Tibetan Text

Wylie

[edit]

༈ སེམས་ཞེས་བྱ་བ་མི་དྲན་དགུ་དྲན་བྱེད་མཁན་འདི་ཡིན། འདིའི་རང་བཞིན་ནམ་ངོ་བོ་ལ་བརྟགས་པས་བྱུང་གནས་འགྲོ་གསུམ་རྣམ་རྟོག་སྐད་ཅིག་མ་རེ་རེ་སྐྱེ་བ་ག་ལ་ཡོད། དེའང་བྱུང་ས་བྱུང་ཁུངས། གནས་ས་གནས་མཁན། འགྲོ་བ་སྟེ། འགག་མཁན་འགགས་ཡུལ་རྣམས་ངོ་བོ་ཅི་འདྲ་འདུག་བལྟས་པས། དངོས་པོར་གྲུབ་པ་རྡུལ་ཙམ་མེད། མེད་ཀྱང་བཟང་ངན་ཤེས་མཁན་རིག་མཁན་ཞིག་མ་འགགས་པར་ཡོད་པ་དེ་ལ་སྔོན་བསུ་རྗེས་དཔྱོད་སོགས་རྣམ་རྟོག་གིས་བཟོ་བཅོས་མི་བྱེད་པར་རང་བབས་སུ་བཞག་པས་གསལ་རིག་སྟོང་གསུམ་དབྱེར་མི་ཕྱེད་པའི་གནས་ལུགས་བརྗོད་པ་ཐམས་ཅད་དང་བྲལ་བ་ཞིག་རང་མྱོང་གིས་ཤེས་ན་དེ་གའི་རྒྱུན་བསྐྱང་བ་ལ་སེམས་ངོ་བལྟ་ཟེར་བ་ཡིན་ཀྱང་། སྔོན་འགྲོ་སྒྲིབ་སྦྱོང་དང་། བླ་མ་ལ་མོས་གུས་གཏིང་ཚུགས་པས་གསོལ་འདེབས། དབང་བླང་ལ་བརྩོན་པ་གལ་ཆེ་བ་ཡིན། སེམས་ངོ་འདི་ལེགས་པར་ཤེས་ན་དགྲ་གཉེན་ཆགས་སྡང་ཚོར་བ་བདེ་སྡུག་སོགས་ལ་རེ་དོགས་ཆེར་མེད་པ་ཞིག་འབྱུང་རྒྱུ་ཡིན་འདུག། དེ་འདྲ་རང་གཞན་སུས་ཀྱང་རྟོགས་དཀའ་མོ་རེད། སྐུ་ངོ་མ་ལྡོག་ཙམ་དུ་ཆོས་ཀྱི་བློ་གྲོས་པས་ཕུལ།། །།

[edit]

!_sems zhes bya ba mi dran dgu dran byed mkhan 'di yin/__'di'i rang bzhin nam ngo bo la brtags pas byung gnas 'gro gsum rnam rtog skad cig ma re re skye ba ga la yod/__de'ang byung sa byung khungs/__gnas sa gnas mkhan/__'gro ba ste/__'gag mkhan 'gags yul rnams ngo bo ci 'dra 'dug bltas pas/__dngos por grub pa rdul tsam med/__med kyang bzang ngan shes mkhan rig mkhan zhig ma 'gags par yod pa de la sngon bsu rjes dpyod sogs rnam rtog gis bzo bcos mi byed par rang babs su bzhag pas gsal rig stong gsum dbyer mi phyed pa'i gnas lugs brjod pa thams cad dang bral ba zhig rang myong gis shes na de ga'i rgyun bskyang ba la sems ngo blta zer ba yin kyang /__sngon 'gro sgrib sbyong dang /__bla ma la mos gus gting tshugs pas gsol 'debs/__dbang blang la brtson pa gal che ba yin/__sems ngo 'di legs par shes na dgra gnyen chags sdang tshor ba bde sdug sogs la re dogs cher med pa zhig 'byung rgyu yin 'dug/__de 'dra rang gzhan sus kyang rtogs dka' mo red/__sku ngo ma ldog tsam du chos kyi blo gros pas phul//___//