JKCL-KABUM-07-JA-015

🚧 This website is under continued development. We appreciate your patience!

Previous Text"JA" is not a number. Back to Volume Page"JA" is not a number.Next Text "JA" is not a number.

Wylie title
Location	chos kyi blo gros bka' 'bum Volume Expression error: Unrecognized word "ja"., Text 15, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"JA" is not a number.

1 Texts in this Section (sde tshan or chos tshan)

313-361	དཔལ་ཀྱེ་རྡོ་རྗེའི་ཚོགས་ཀྱི་མཆོད་པ་གསལ་བར་བཀོད་པ་ཀུན་བཟང་རྣམ་པར་རོལ་པའི་དགའ་སྟོན། dpal kye rdo rje'i tshogs kyi mchod pa gsal bar bkod pa kun bzang rnam par rol pa'i dga' ston Feast Offering - tshogs mchod - tshogs kyi 'khor lo	Text page View PDF
	[[\|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"JA" is not a number.

[edit]

༄༅། །དཔལ་ཀྱེ་རྡོ་རྗེའི་ཚོགས་ཀྱི་མཆོད་པ་གསལ་བར་བཀོད་པ་ཀུན་བཟང་རྣམ་པར་རོལ་པའི་དགའ་སྟོན་ཅེས་བྱ་བ་བཞུགས་སོ། ། ན་མོ་གུ་རུ་ཤྲཱིཿཧེ་བཛྲཱ་ཡ། ཟག་མེད་བདེ་སྟོང་ཡེ་ཤེས་བདུད་རྩི་ཡིས། །རྟག་ཏུ་མྱོས་པས་རྣལ་འབྱོར་རྩེ་མོར་སོན། །རྟོག་པ་ཀུན་བྲལ་དོན་གཉིས་ལྷུན་གྱིས་གྲུབ། །དཔལ་ལྡན་བླ་མ་ཀྱེ་ཡི་རྡོ་རྗེར་འདུད། །ཤེས་བྱའི་ཆོས་ཀུན་མ་འདྲེས་གསལ་བར་མཁྱེན། །ཆོས་དབྱིངས་གནས་ལུགས་ཟབ་མོ་ཐུགས་སུ་ཆུད། །མཐུ་སྟོབས་ནུས་པས་བསྟན་པ་གསལ་མཛད་པ། །རྣལ་འབྱོར་དབང་ཕྱུག་ཞབས་ལ་ཕྱག་འཚལ་ལོ། །ཚད་མ་བཞི་ལྡན་སྙན་བརྒྱུད་གདམས་པའི་ཆོས། །བི་རཱུའི་ཐུགས་ཀྱི་མ་དྲོས་རྒྱ་མཚོར་བསྐྱིལ། །རྒྱུད་ལུང་མན་ངག་གངྒའི་ཀླུང་ཆེན་པོ། །ལྗོངས་འདིར་འདྲེན་མཛད་འབྲོག་མིའི་ཞབས་ལ་འདུད། གཞུང་གདམས་ཡོངས་སུ་རྫོགས་པའི་བདག་ཉིད་ཆེ། །ཀུན་དགའ་སྙིང་པོ་པུཎྱཻ་ཀཱི་རྟིའི་མཚན། །དཔལ་ལྡན་དོན་གྲུབ་འཕགས་པ་ཀུན་དགའ་བཟང་། །བློ་གསལ་རྒྱ་མཚོའི་ཞབས་ལ་གུས་བཏུད་ནས། །བླ་མ་ཧེ་རུ་ཀ་དཔལ་དཔའ་བོ་དང་། །ཌཱ་ཀི་ཆོས་སྐྱོང་དགྱེས་པར་རོལ་པ་ཡི། །རྨད་བྱུང་ཟག་མེད་བདེ་ཆེན་ཚོགས་མཆོད་ཚུལ། །ཀུན་བཟང་རྣམ་པར་རོལ་པའི་དགའ་སྟོན་དབྱེ། །དེ་ལ་འདིར་རང་གཞན་གྱི་དོན་དུ་མཆོག་གི་དངོས་གྲུབ་འགྲུབ་པར་འདོད་པའི་སེམས་དང་ལྡན་པའི་རྣལ་འབྱོར་པས་ཚོགས་གཉིས་རླབས་པོ་ཆེ་ཡོངས་སུ་བསྡུ་བ་དང་འཕེལ་བའི་ཐབས་ཚུལ་ཐམས་ཅད་ཀྱི་རྩེ་མོར་གྱུར་པ་རྡོ་རྗེ་འཆང་གིས་བླ་ན་མེད་པའི་རྒྱུད་སྡེ་རྣམས་ལས་བསྟན་པ་གྲུབ་པའི་མན་ངག་གིས་ཇི་ལྟར་བཀྲལ་བ་བཞིན་ཉམས་སུ་བླང་བ་ལ། དེ་ཡང་ཐོག་མར་ངེས་འབྱུང་དང་དད་པ་སྙིང་རྗེ་ཤུགས་དྲག་པོས་ལམ་གྱི་གཞི་བཅའ། ཕར་ཕྱིན་དྲུག་སོགས་ཐེག་ཆེན་ཐུན་མོང་གི་ལམ་གྱིས་ཁོག་ཕུག་ཐུན་མིན་གྱི་ཡི་དམ་ཀྱེ་རྡོ་རྗེའི་དཀྱིལ་འཁོར་དུ་དབང་གི་ཆོ་གས་རྒྱུད་སྨིན་པར་བྱས་ནས་དམ་ཚིག་དང་སྡོམ་པ་མ་ཉམས་ཤིང་རིམ་གཉིས་ཀྱི་ལྟ་སྤྱོད་ལ་མཁས་པའི་རྣལ་འབྱོར་པ་འདིར་འཇུག་པར་བྱའོ། །ཚོགས་ཀྱི་རྡོ་རྗེ་སློབ་དཔོན་ཡང་དེ་ཉིད་བཅུ་སོགས་ལ་དབང་འབྱོར་ཞིང་རྟེན་དགེ་སློང་མཆོག་དང་། དགེ་ཚུལ་འབྲིང་། ཁྱིམ་པ་དགེ་བསྙེན་ཐ་མར་གསུངས་ཤིང་སྙིང་རྗེ་ཆེ་ལ་འདོད་པ་ཆུང་བ་དམ་ཚིག་དང་ལྡན་པ་ཚོགས་ཀྱི་གཙོ་བོར་གསུངས་སོ། དེ་ལྟ་བུའི་གང་ཟག་འདིར་འཇུག་པས་ཚོགས་ཀྱི་མཆོད་པའི་ཆོ་ག་ལག་ཏུ་བླང་བའི་ཚུལ་ཁུང་བཙུན་ཞིང་ཡིད་ཆེས་པའི་ཕྱིར་རྒྱུད་ཀྱི་ལུང་དགོད་པ་དང་། ཚོགས་འཁོར་དངོས་བཤད་པའོ། །དང་པོ་རྒྱུད་ཀྱི་ལུང་དགོད་པ་ནི་རྡོ་རྗེ་གུར་གྱི་རྒྱུད་ལས། འདིས་ནི་རྡོ་རྗེ་མཉེས་པར་འགྱུར། །ཡེ་ཤེས་མེ་ཡིས་རབ་དགྱེས་བྱ། །རྒྱལ་བ་ཕན་པར་མཉེས་པ་དང་། །གསེར་གྱི་མངའ་བདག་མཉེས་པ་དང་། །ཞེས་སོགས་ནས་ཁམས་གསུམ་དུ་གནས་པ་དང་། ས་བཅུ་ལ་གནས་པ་སོགས་བསྟན་པའི་རྗེས། འཕགས་པའི་གང་ཟག་བརྒྱད་པོ་དང་། །རྫོགས་སངས་རྒྱས་དང་ཉན་ཐོས་ཉིད། །ར་ནི་རལ་གྲིའི་གཟུགས་ཅན་དང་། །དམྱལ་བ་ཡི་དྭགས་བྱོལ་སོང་དང་། །ལྷ་དང་ལྷ་མིན་མི་རྣམས་ནི། །སྦྱིན་བསྲེགས་ཆོ་གས་རྒྱས་པ་ཉིད། །དེ་ནི་ཚོགས་ཀྱི་དཀྱིལ་འཁོར་ལོ། །ཞེས་སོགས་དང་། གཞན་ཡང་སམྦུཊ་སོགས་རྒྱུད་སྡེ་མཐའ་ཡས་པ་ནས་ཚོགས་འཁོར་ཤེས་བྱེད་ཀྱི་ལུང་མང་པོ་དང་། ཌོམྦི་པས། དེ་ལ་སངས་རྒྱས་ཐོབ་པའི་རྒྱུ། །བསོད་ནམས་ཡེ་ཤེས་ཚོགས་ཡིན་ཏེ། །ཚོགས་ལས་དངོས་གྲུབ་མཆོག་ཐོབ་འགྱུར། །དེ་ཕྱིར་རྟག་ཏུ་ཚོགས་བསགས་བྱ། །ཡེ་ཤེས་མངོན་པར་རྟོགས་པ་སྟེ། །བསོད་ནམས་རྣམ་པ་མང་ཡོད་ཀྱང་། །རང་འདོད་ལྷ་ཡི་རྣལ་འབྱོར་གྱིས། །འདོད་ཡོན་ལྔ་སྤྱོད་བླ་ན་མེད། །ཅེས་སོགས་རྒྱ་ཆེར་ཡོད་ཀྱང་འདིར་མ་སྤྲོས་སོ། །གཉིས་པ་ཚོགས་འཁོར་དངོས་བཤད་པ་ལ་ངོ་བོ། ངེས་ཚིག་དབྱེ་བ། དགོས་ཆེད། ཇི་ལྟར་བྱ་བའི་ཚུལ། ཕན་ཡོན། བསླབ་བྱ། འབྲས་བུ་སྟེ་ས་བཅད་རྣམ་པ་བརྒྱད་ལས། དང་པོ་ངོ་བོ་ནི། སྣང་བཅས་བསོད་ནམས་ཀྱི་ཚོགས་དང་། སྣང་མེད་ཡེ་ཤེས་ཀྱི་ཚོགས་ཟུང་དུ་འབྲེལ་པས་ཡེ་ཤེས་ཀྱི་སྐུ་ཁྱད་པར་ཅན་སྒྲུབ་པའི་ཚོགས་ཐུན་མོང་མ་ཡིན་པའོ། །གཉིས་པ་ངེས་ཚིག་ནི། ག་ཎ་ཙཀྲ་ཞེས་པ་ཚོགས་ཀྱི་འཁོར་ལོ་སྟེ་སྔགས་ཀྱི་ཐབས་ཤེས་ཁྱད་པར་ཅན་གྱི་ཟིན་པའི་ཀུན་སྤྱོད། རྟེན་དང་། གང་ཟག་ཁྱད་པར་ཅན་ཚོགས་ཤིང་རིག་པ་བརྟུལ་ཞུགས་ཀྱི་སྤྱོད་པ་ཕྱོགས་མེད་དུ་བསྐོར་བའི་དོན་ཏོ། །ག་ཎ་པཱུ་ཛ་ནི་ཚོགས་ཀྱི་མཆོད་པ་ཞེས་སྟེ། ཁྱད་པར་གྱི་ཡོ་བྱད་ལྔ་ལ་སོགས་པ་ཚོགས་ཤིང་ཐབས་བདེ་བ་ཆེན་པོ་དང་ཤེས་རབ་སྟོང་པའི་ཆ་གཉིས་ལ་མི་གནས་པའི་མཆོད་པ་ཆོས་དབྱིངས་རྒྱས་པར་འགེངས་པའོ། །གསུམ་པ་དབྱེ་བ་ལ་ལྔ་སྟེ། གང་ཟག་གི་དབྱེ་བ། དུས་ཀྱི་དབྱེ་བ། ལྷའི་རྣལ་འབྱོར་གྱི་དབྱེ་བ། དགོས་པས་དབྱེ་བ། མཆོད་བྱས་དབྱེ་བའོ། །དང་པོ་ལ། དཔའ་བོ་དཔའ་མོ་གཉིས་ཀ་ཚོགས་པ་ལ་ཚོགས་ཀྱི་འཁོར་ལོ། རྐྱང་པ་ལ་དཔའ་བོའི་སྟོན་མོ་དང་། དཔའ་མོའི་སྟོན་མོ། གཉིས་པ་དབང་བསྐུར་རབ་གནས་སྦྱིན་བསྲེག་སོགས་ཀྱི་དུས་སུ་ཙཱ་རུའི་བཟའ་བ། གསུམ་པ་བདེ་ཀྱེ་གསང་གསུམ་སོགས་ལྷའི་རྣལ་འབྱོར་མི་འདྲ་བ་དུ་མ་འདུས་པ་ལ་མཛའ་བ་འདུས་པ། བཞི་པ་གནོད་པ་ཞི་ཕྱིར་གླུ་གར་གྱི་སྦྱོར་བས་སངས་རྒྱས་ཐུགས་རྗེ་བསྐུལ་ཞིང་སེམས་ཅན་གྱི་སྡུག་བསྔལ་ཞི་བར་མཛད་པ་སངས་རྒྱས་ཀྱི་གར་ནི་ངོར་ཆེན་རྡོ་རྗེ་འཆང་གི་གསུངས་བདེ་ཆེན་རྣམ་རོལ་ལྟར་རོ། །ལྔ་པ་མཆོད་བྱས་དབྱེ་བ་ནི་མཁའ་འགྲོ་མཆོད་པ་ལ་རིགས་ལྡན་མ་མཆོད་པ་དང་། གཞོན་ནུ་མ་མཆོད་པའོ། །དེ་དག་རྒྱས་པར་གཞན་དུ་ཤེས་པར་བྱའོ། །བཞི་པ་དགོས་ཆེད་ནི། བསོད་ནམས་དང་ཡེ་ཤེས་ཀྱི་ཚོགས་ཐམས་ཅད་འདིར་འདུས་ཏེ། རྡོ་རྗེ་གུར་ལས། བསོད་ནམས་དང་ཡེ་ཤེས་ཀྱི་ཚོགས་རྒྱ་མཚོ་ཞེས་བྱ་བའི་ཏིང་ངེ་འཛིན་ཞེས་དང་། ལས་ཀྱི་རིགས་ཀྱི་དམ་ཚིག་ཏུ། མཆོད་པའི་ལས་ཀྱང་ཅི་ནུས་བགྱི། ཞེས་སོགས་གསུངས་པས་སངས་རྒྱས་ཐམས་ཅད་མཉེས། བྱང་ཆུབ་སེམས་དཔའ་ས་བཅུ་ལ་གནས་པ་ཐམས་ཅད་དང་ཉན་ཐོས་ཀྱི་གང་ཟག་བརྒྱད། རང་སངས་རྒྱས་དབང་པོ་རྣོ་བརྟུལ་གཉིས། འཇིག་རྟེན་པའི་འདོད་པ་དང་། གཟུགས་དང་གཟུགས་མེད་ཀྱི་ལྷ་ཐམས་ཅད། ཆོས་སྐྱོང་བའི་སྲུང་མ་ནས་བཟུང་སྟེ། དམྱལ་བ་ཡི་དྭགས་ཀྱི་བར་འཇིག་རྟེན་དང་། འཇིག་རྟེན་ལས་འདས་པའི་མགྲོན་ཐམས་ཅད་མཉེས་ཤིང་ཚིམ་པར་བཤད་དོ། །ལྔ་པ་ཇི་ལྟར་བྱ་བའི་ཚུལ་ལ་སྦྱོར་བ་དངོས་གཞི་རྗེས་སོ། །དང་པོ་ཆོ་གར་མ་གཏོགས་པའི་སྦྱོར་བ་དང་། ཆོ་གར་གཏོགས་པའི་སྦྱོར་བའོ། །དང་པོ་ལ་དུས་ཁྱད་པར་ཅན་ཉ་དང་གནམ་སྟོང་སྟེ་ཟླ་ཕྱེད་གཉིས་དང་། ཡར་མར་ངོ་གཉིས་ཀའི་བརྒྱད་དང་བཅུ་བཞི་རྣམས་ལ་བྱ་བར་གསུངས་ཏེ། ཀྱེ་རྡོ་རྗེར། ཡི་དྭགས་ཟླ་ཕྱེད་བཅུ་བཞི་དང་། །དེ་བཞིན་དུ་ཡང་བརྒྱད་པ་ཉིད། ཅེས་དང་མར་ངོའི་བརྒྱད་དང་བཅུ་བཞི་དང་། །བཅོ་ལྔ་དག་ནི་རབ་ཏུ་བསྔགས། །དེ་བཞིན་ཡར་ངོའི་བརྒྱད་དང་ནི། །བཅུ་བཞི་དང་ནི་བཅོ་ལྔ་ལ། །མཁས་པ་ཡིས་ནི་འཁོར་ལོ་བསྐོར། །ཞེས་དང་། བདེ་མཆོག་ལྟར་ན། བསོད་ནམས་འཕེལ་བ་དང་། སྡིག་པ་སྦྱོང་བའི་ཕྱིར་ཡར་མར་གྱི་ཚེས་བཅུ་ལ་ཡང་བྱ་བར་བཤད་དོ། །དེ་རྣམས་ནི་རྒྱུན་གྱི་དུས་དང་། ཁྱད་པར་གྱི་དུས་དབང་བསྐུར། རབ་གནས། སྦྱིན་བསྲེགས་རྒྱུད་ཉན་བཤད་ལ་སོགས་པའི་སྐབས་རྣམས་སོ། །དེ་ལྟ་བུའི་དུས་ཚེས་བཟང་པོར། སྣོད་དང་མི་ལྡན་པའི་སྐྱེ་བོས་དབེན་ཞིང་སེམས་ལ་བརྟན་པ་ཐོབ་ན་དུར་ཁྲོད་དང་། རི་ཡི་བྱ་སྐྱིབས་མཚོ་གླིང་བས་མཐའ་ལ་སོགས་པ་དང་། བརྟན་པ་མ་ཐོབ་ན་རང་གི་ཁྱིམ་དང་གཙུག་ལག་ཁང་ལ་སོགས་པ་རྣམས་ཕྱག་དར་དང་བརྐྱང་ནུལ་ལེགས་པར་བྱས་ཤིང་དྲི་བཟང་དང་བ་བྱུང་སྦྱར་བའི་ཆུས་ཆག་ཆག་གདབ་བ་དང་། བླ་བྲེ་འཕན་གདུགས་རྒྱལ་མཚན་ལྡ་ལྡི་སོགས་ཀྱིས་མཛེས་པར་བརྒྱན་ཤིང་བླ་མ་ཡི་དམ་ཆོས་སྲུང་གི་རྟེན་རྣམས་དགྲམ་པའི་སྤྱན་སྔར་སྟེགས་བུའི་ཁར་རས་བྲིས་སམ་སྒྲུབ་བའི་མཎྜལ་ཁྲུ་གང་པ་ལ་ནང་མཆོད་ཀྱི་བདུད་རྩིས་དབུས་ནས་བྱང་ཤར་དུ་འཐེན་ཏེ་གྲུ་བཞིར་བྲིས་པའི་དབུས་སུ་དྲི་བཟང་པོའི་ཆུས་སྤགས་པའི་ཚོམ་བུ་ལྟ་གྲངས་ལྟར་བཀོད་པ་བཤམས ་པའི་མཐར་ཆུ་བཞི་སྔོན་དུ་འགྲོ་བའི་མཆོད་པ་ལྷ་རེ་རེ་ལ་བཅུ་ལས་མི་ཉུང་བ་གྲུ་བཞིར་བསྒྲིགས་པའི་ཕྱི་རོལ་དབང་ལྡན་ནས་མེ་ལྷའི་བར་འདས་གཏོར་དང་། ཆོས་སྐྱོང་གཏོར་མ། འཇིག་རྟེན་པའི་གཏོར་མ་རྣམས་ཤ་དང་ཆང་དང་བདུད་རྩི་རིལ་བུས་སྤགས་པ་རྒྱན་སྤྲོས་ཕུན་སུམ་ཚོགས་པ་བཤམས། དེ་དག་གི་ཕྱི་རོལ་དུ་བྱང་ཤར་ནས་བརྩམས། མཚམས་སུ་མཚམས་འཛིན་མེ་ཏོག་དང་། །ཤར་དུ་ཞབས་བསིལ་ཞལ་བསིལ་གཉིས། ཤར་ལྷོར་འཐོར་འཐུང་ལྷོར་མཆོད་ཡོན། ལྷོ་ནུབ་མཚམས་སུ་མེ་ཏོག་དང་། །ནུབ་ཏུ་བདུག་སྤོས་མར་མེ་གཉིས། །ནུབ་བྱང་དྲི་ཆབ་བྱང་ཞལ་ཟས། ཞེས་པ་ལྟར་བཤམས་པའི་ནང་གཏོར་མའི་མདུན་དུ་ཚོགས་འཁོར་གྱི་རྫས་བསད་པ་མ་ཡིན་པའི་ཤ་དང་། ཆང་དང་། ཟན་ལ་སོགས་པའི་བཟའ་བ་དང་། པདྨ་བྷནྫ་ནར་མ་དཱ་ན་བདུད་རྩི་རིལ་བུ་དང་སྦྱར་བ་བླུག །སྦྱར་ཚོགས་ཀྱི་དམ་ཚིག་གི་རྫས་སྔ་འགྱུར་བའི་རྒྱུད་ཧེ་རུ་ཀ་གལ་པོའི་བརྟག་པ་ཉེར་གཉིས་པ་ལས། རྡོ་རྗེ་ཚེ་ཟན་དང་གལ་ཞོ་ཕྱེ་མར་ཟེར་ཕྱིས་དང་། འཇམ་མར་དབོ་ཟླ་ཐུད་ཁྲམ་ཟླ་རྒྱས་ཁུར་བ་དང་། ཚེ་སྐྱུར་པོ་ཁྲི་ད་ཛ་གད་ཆང་ཛ་སྟི་ཤ་དང་། བྲན་ཚད་མ། མོ་ཤམ་སེང་པོ། མོ་ཀུན་ཏུ་རྒྱུགལན་ཚྭ། ཨ་མྲྀ་མི་ཤ་རྒུན་འབྲུམ་གླང་པོའི་ཤཨ་ཉ་ག །ག་རུ། ན་བ་ལང་ཤལིང་གེ་ཁྱི་ཤགེ་རྒྱས་ལ་སོགས་དྲངས། ཞེས་པ་རྣམས་ཀྱིས་ཐོག་དྲངས། ཇི་ལྟར་འབྱོར་པ་ཕོངས་སེམས་དང་བྲལ་བ་མཛེས་པར་བཤམས། སློབ་དཔོན་གྱི་མདུན་གཡོན་ནས་བརྩམས་ནང་མཆོད་དང་། དེའི་གཡས་སུ་དྲིལ་བུ། དེའི་གཡས་སུ་རྡོ་རྗེ། དེའི་གཡས་སུ་དུང་ཆོས་བདུད་རྩི་དང་། དྲི་བཟང་སྦྱར་བའི་ཆུས་གང་བ་ཀུ་ཤའི་འཐོར་ཡབ་དང་བཅས་པ་བཤམས་ཤིང་། གཞན་རྣམས་ཀྱི་མདུན་དུ་ཡང་བསང་ཆུ་མ་གཏོགས་པར་ཚང་བར་བཤམ་མོ། །གཉིས་པ་ཆོ་གར་གཏོགས་པའི་སྦྱོར་བ་ལ། སློབ་དཔོན་ལ་གསོལ་བ་གདབ་པ། བསང་ཆུ་སྒྲུབ་པ། ནང་དུ་གཞུག་ཤིང་རྟོག་པ་བསལ་བ། སྔོན་འགྲོ་གཏོར་མ་གཏོང་ཞིང་གནས་ཡོ་བྱིན་གྱིས་བརླབ་ལ། ལྷའི་རྣལ་འབྱོར་ལ་གནས་པའི་ཕྱིར་མཎྜལ་ཞུ་འབུལ་བྱ་བ། སྔོན་འགྲོ་གསུམ་གྱིས་རྒྱུད་དག་པར་བྱ་བ་དང་དྲུག་ལས། དང་པོ་གསོལ་བ་གདབ་པ་ནི། ཚོགས་ཀྱི་སློབ་དཔོན་སྤྱན་དྲངས་ཏེ་གདན་དབུས་མ་ལ་བཞུགས་ནས་ལས་ཀྱི་རྡོ་རྗེས་ཕྱག་དང་མཎྜལ་ཕུལ། སེམས་ཅན་ཐམས་ཅད་ཀྱི་དོན་དུ་འཇིག་རྟེན་དང་འཇིག་རྟེན་ལས་འདས་པ་ཐམས་ཅད་མཆོད་པའི་ཕྱིར་ཚོགས་ཀྱི་རྡོ་རྗེ་སློབ་དཔོན་མཛད་དུ་གསོལ། ཞེས་གསོལ་བ་གདབ། གཉིས་པ་བསང་ཆུ་སྒྲུབ་པ་ནི། སློབ་དཔོན་གྱིས་མདུན་གྱི་བསང་ཆུ། སྭ་བྷ་ཝས་སྟོང་པར་སྦྱང་། སྟོང་པའི་ངང་ལས་ཤྃ་ལས་བྱུང་བའི་དུང་ཕོར་མཚན་ཉིད་ཡོངས་སུ་རྫོགས་པའི་ནང་དུ། ཧཱུྃ་ལས་བྱུང་པའི་ལྷ་རྫས་ལས་གྲུབ་པའི་བསང་ཆུ་རྫས་ཀྱི་མ་དག་པ་སེལ་བའི་ནུས་པ་དང་ལྡན་པར་བསམ་ལ་གཙོ་བོའི་སྙིང་པོ་ཉེར་གཅིག་དང་། ལས་ཐམས་ཅད་བར་བདུད་རྩི་འཁྱིལ་པའི་སྔགས་བརྒྱ་རྩ་བཟླས་པས་བྱིན་གྱིས་བརླབ་ལ་སློབ་དཔོན་གྱིས་སློབ་མར་གཏད་པར་བྱའོ། །གསུམ་པ་ནང་དུ་གཞུགས་ཤིང་རྟོག་པ་བསལ་བ་ནི། ལས་ཀྱི་རྡོ་རྗེས་བསང་ཆུ་ཐོགས་ནས་སྒོ་ཡི་ནང་ལོགས་སུ་འཁོད་པ་དང་ཁྲོ་བོ་དབྱུག་སྔོན་གྱི་ང་རྒྱལ་བྱ། གཞན་རྣམས་སྒོ་ཡི་ཕྱི་རོལ་དུ་འཁོད་དེ། ཁྱེད་ཀྱི་དམ་ཚིག་ལ་ནི་ཁྲོ་བོ་དབྱུག་པ་སྔོན་པོ་མཛེས། །དངོས་གྲུབ་ཕྱག་ན་དབྱུག་ཐོ་རིན་ཆེན་བཅིངས་པ་འཛིན། །དཔལ་ལྡན་དཔའ་བོ་དཔའ་མོ་འདུ་བ་འཁོར་སྒྲོལ་ཁུམས། །མཁས་མཛེས་རྣལ་འབྱོར་པ་ཡི་ནང་དུ་བདག་ཐོངས་ཤིག །ཅེས་པས་གསོལ་བ་གདབ་པ་ལ་ལས་ཀྱི་རྡོ་རྗེས་ལན་བརྗོད་པ། འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་དང་། །རང་བཞིན་གཅིག་པ་ཉིད་དུ་ཟོ། །ཞེས་པས་བརྡ་དང་བརྡ་ཡི་ལན་སྦྱིན་པ་ནི་བསྡུས་པ་ཡིན་ལ། རྒྱུད་ནས་གསུངས་པ་རྒྱས་པར་མ་ཤེས་ན་འདི་ཙམ་གྱིས་ཆོག་པར་སེམས་ཏེ། རྗེ་བཙུན་གྱི་ཚོགས་འཁོར་འབྲིང་པོ་དང་། ཆོས་རྗེའི་ཚོགས་འཁོར་རྒྱས་པའི་སློབ་མ་ནང་གཞུགས་སྐབས་འདི་ཙམ་ལས་རྒྱས་པར་མ་བཤད་པའི་ཕྱིར་རོ། །དེ་ནས་སྒོ་དབྱེ་སྟེ་ནང་དུ་བྱུང་བ་རྣམས་ལ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། ཅེས་བརྗོད་ཅིང་བསང་ཆུས་ཁ་བཤལ་བ་དང་གཏོར་བར་བྱའོ། །ནང་དུ་འོང་པ་རྣམས་ཀྱིས་སློབ་དཔོན་ལ་ཕྱག་བྱ། དབང་གི་རྒན་རིམ་དང་མཐུན་པར་གྲལ་དུ་འཁོད་ཅིང་སྒོ་དམ་དུ་བསྡོམ་ནས་ཕྱི་ནང་གི་རྒྱུ་འགྲུལ་བཅད་དོ། །བཞི་པ་སྔོན་འགྲོ་གཏོར་མ་བཏང་ཞིང་གནས་ཡོ་བྱིན་གྱིས་བརླབ་པ་ནི་ལས་རྡོར་གྱིས་ཕྱག་བྱས་ནས་བྱིན་བརླབ་ཞུས་ཏེ། གཏོར་མ་བསང་སྦྱང་ནས་བརྩམ་སྔོན་འགྲོ་གཏོར་མའི་འདོད་གསོལ་སྐབས་སུ་དཀྱིལ་འཁོར་ཆེན་པོ་སྒྲུབ་ཅིང་མཆོད་པ་དང་ཚོགས་ཀྱི་འཁོར་ལོ་ལ་འཇུག་པར་འཚལ་ན། ཞེས་བསྒྱུར་མཆན། གནས་ཁང་བྱིན་རླབས་མ་རྫོགས་ཀྱི་བར་དབང་ཆུ་ལྟར་ལ། དེ་ཡང་གྷཎྜེ་ར་ཎིའི་མགོར་རྡོར་དྲིལ་བྱིན་བརླབ་བྱ་བ་ནི། རང་གི་ལག་པ་གཡས་པ་ཧཱུྃ་ལས་རྡོ་རྗེ་རྩེ་ལྔ་པའི་ལྟེ་བར་རཾ་ལས་ཉི་མའི་དཀྱིལ་འཁོར་ལ་ཧཱུྃ། ལག་པ་གཡོན་པ་ཨཱཿལས་པདྨ་འདབ་མ་ལྔ་པའི་ལྟེ་བར་ཨ་ལས་ཟླ་བའི་དཀྱིལ་འཁོར་ལ་ཨཱཿདེ་རྣམས་ཞུ་བ་ལས་བྱུང་བའི་རྡོ་རྗེའི་ལག་པར་གྱུར། ཞེས་བརྗོད། དེ་ནས་ལག་པ་གཉིས་རྣམ་ལྔ་འདོད་པའི་བསྐོར་བ་བྱས་ཏེ་ལགས་གཡས་པས་རྡོ་རྗེ་བླངས་ནས། ཨོཾ་མ་ཧཱ་བཛྲ་ཧཱུྃ། ཞེས་བརྗོད་ཅིང་སྨིན་མཚམས་ཀྱི་བར་དུ་ལན་གསུམ་གསོར་ལ་ཐུགས་ཀར་བཟུང་སྟེ། ཐོག་མ་དང་ཐ་མ་མེད་པའི་བྱང་ཆུབ་སེམས་ཀྱི་ངོ་བོ་རྡོ་རྗེ་ཐུགས་ཀྱི་དམ་ཚིག་ཅེས་བརྗོད་ཅིང་དྲན་པར་བྱ། ཡང་ལག་པ་གཡོན་པས་དྲིལ་བུ་བླངས་ཤིང་། ཨོཾ་བཛྲ་གཎྜེ་ཨཱཿཞེས་བརྗོད་དེ་ལན་གསུམ་དཀྲོལ་ལ་དཀུར་ཁ་གྱེན་ལ་བསྟན་དེ་བཟུང་ལ། སྲིད་པ་ཐམས་ཅད་རང་བཞིན་གྱིས་དག་པ་སྟོན་པར་བྱེད་པའི་གསུང་། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་ངོ་བོ་དྲིལ་བུ་གསུང་གི་དམ་ཚིག །ཅེས་བརྗོད་ཅིང་དྲན་པར་བྱ། རང་དཔལ་ཧེ་རུ་ཀའི་ངོ་བོ་ཕྱག་རྒྱ་ཆེན་པོ་སྐུའི་དམ་ཚིག །ཅེས་བརྗོད་ཅིང་དྲན་པར་བྱ། དེ་ནས་དྲིལ་བུ་ཕྱོགས་མཚམས་བརྒྱད་དུ་དཀྲོལ་ཞིང་། རོལ་ཆེན་དང་བཅས་ཏེ། ཨོཾ་བཛྲ་གྷཎྜེ་ར་ཎི་ཏ་སོགས་སྔགས་ལན་གསུམ་བརྗོད་པས་བྱིན་དབབ་བོ། །དམ་ཚིག་གསུམ་དྲན་པ་འདི་ཀུན་མཁྱེན་གྱིས་སྤྱན་འདྲེན་པའི་གོང་དུ་གསུངས་ཀྱང་གནས་ཡོ་བྱིན་རླབས་སུ་བྱ་བར་ཕྱག་ལེན་བདེ་བར་སེམས། མཆན། ལྔ་པ་ལྷའི་རྣལ་འབྱོར་ལ་གནས་པར་བྱ་བའི་ཕྱིར་ཕྱག་དང་གསོལ་གདབ་མཎྜལ་ཞུ་འབུལ་རྣམས་དབང་ཆུ་ལྟར་བྱའོ། །དྲུག་པ་རྒྱུད་དག་པར་བྱ་བ་ནི། སྐྱབས་སེམས་དང་རྡོར་སེམས་བསྒོམ་བཟླས་རྣམས་མངོན་རྟོགས་ཡན་ལག་དྲུག་པ་ལྟར་བྱའོ། །གཉིས་པ་དངོས་གཞི་ལ་དྲུག་ཏིང་ངེ་འཛིན་གྱི་དཀྱིལ་འཁོར་མཆོད་པས་ཚིམ་པ། ཡེ་ཤེས་ཀྱི་དཀྱིལ་འཁོར་བདུད་རྩི་མྱོང་བས་ཚིམ་པ། ཕྱི་རོལ་གྱི་འབྱུང་པོ་གཏོར་མས་ཚིམ་པ། དམ་ཚིག་དང་ལྡན་པའི་རྣལ་འབྱོར་པ་རྣམས་ཁ་ཟས་ཀྱིས་ཚིམ་པ། སྐྱེ་མཆེད་ཀྱི་ལྷ་གླུ་གར་གྱིས་ཚིམ་པ། ལུས་ཀྱི་དཀྱིལ་འཁོར་ལྷན་སྐྱེས་ཀྱི་བདེ་བས་ཚིམ་པའོ། །དང་པོ་ལ་བདག་བསྐྱེད་ཀྱི་དཀྱིལ་འཁོར་ཚིམ་པར་བྱ་བ་དང་། མདུན་བསྐྱེད་ཀྱི་དཀྱིལ་འཁོར་ཚིམ་པར་བྱ་བ་གཉིས་ཀྱི་དང་པོ་ཚོགས་ཞིང་སྤྱན་དྲང་པ་ནས་བརྩམ། ལྷ་མོ་བརྒྱད་ཞལ་བརྒྱད་ལ་ཐིམ། ཞེས་པའི་བར་མངོན་རྟོགས་ཡན་ལག་དྲུག་པ་ལྟར་ཉམས་སུ་བླང་ངོ་། །བཟླས་བའི་རྗེས་ཧེ་རུ་ཀའི་ཡིག་བརྒྱ་ལན་གསུམ་བཟླ་བ་དང་། བདེ་བར་གཤེགས་པ་ཐམས་ཅད་ཀྱི་སོགས་ཕྱག་ལེན་ལ་མཛད་དོ། །དེ་ལྟར་རིམ་གཉིས་བཟླས་པ་དང་བཅས་པ་ནི་རྒྱུ་དུས་སུ་བསོད་ནམས་དང་ཡེ་ཤེས་ཀྱི་ཚོགས་སྒྲུབ་ཅིང་། སངས་རྒྱས་ཀྱི་ཞིང་ཡོངས་སུ་དག་པ་དང་། སེམས་ཅན་སྨིན་པར་བྱེད་པ། ལུས་ངག་ཡིད་གསུམ་གྱི་གནས་ངན་ལེན་སྦྱང་ཞིང་། སྐུ་གསུམ་མམ་བཞིའི་རྟེན་འབྲེལ་བསྒྲིགས། འབྲས་བུའི་དུས་སུ་འོག་མིན་དུ་སངས་རྒྱས་ནས་སྐུ་དང་ཞིང་ཁམས་དཔག་ཏུ་མེད་པར་སྤྲུལ་པའི་སྐུས་སེམས་ཅན་གྱི་དོན་མཛད་པའི་རྟེན་འབྲེལ་ཡིན་ནོ། །གཉིས་པ་མདུན་བསྐྱེད་ཀྱི་དཀྱིལ་འཁོར་ཚིམ་པར་བྱ་བ་ལ་ཡན་ལག་བཞི་རྫོགས་སུ་བསྐྱེད་པ། མཆོད་པའི་ཡུལ་སྤྱན་དྲང་བ། ཕྱག་འཚལ་བ། མཆོད་པ་བྱ་བ། རྒྱུན་བཤགས་བྱ་བ། སྡོམ་པ་བཟུང་བ་དང་དྲུག་ལས་དང་པོ། མདུན་དཀྱིལ་ཡན་ལག་བཞི་རྫོགས་སུ་བསྐྱེད་པ་ནི། མཎྜལ་ལ་རྡོ་རྗེའི་རྩེས་ནང་མཆོད་གཏོར་ནས། ཨ་མྲྀ་ཏས་བསང་། སྭ་བྷཱས་སྟོང་པར་སྦྱངས། སྟོང་པའི་ངང་ལས་པྃ་ལས་པདྨ་དང་། རྃ་ལས་ཉི་མའི་དཀྱིལ་འཁོར་གྱི་སྟེང་དུ། ཧཱུྃ་ལས་སྣ་ཚོགས་རྡོ་རྗེ་ར་ཉི་ཤུ་པ་ཤར་དཀར་ལྷོ་སེར་ནུབ་དམར་སོགས། ཕྱི་རོལ་ཐམས་ཅད་ཡེ་ཤེས་ཀྱི་མེ་རབ་ཏུ་འབར་བས་གང་བར་གྱུར། ཨོཾ་མེ་དི་ནི་བཛྲཱི་བྷ་ཝ་བྷནྡྷ་ཧཱུྃ་ཧཱུྃ་ཧཱུྃ་ཕཊ། ཅེས་ལན་གསུམ་དང་། ཨོཾ་རཀྵ་རཀྵ་ཧཱུྃ་ཧཱུྃ་ཧཱུྃ་ཕཊ། ལན་གསུམ་གྱིས་བྱིན་གྱིས་བརླབ་བོ། །དེ་ལྟ་བུའི་སྲུང་བའི་འཁོར་ལོའི་དབུས་སུ་ཨེ་ལས་ཆོས་ཀྱི་འབྱུང་སོགས་ནས། འབྱུང་བཞི་འཁོར་ལོ་དང་བཅས་པ། ཞེས་པའི་བར་སྒྲུབ་ཐབས་ལྟར་ལ། དེ་རྣམས་དང་རང་གི་སེམས་སྣང་རོ་གཅིག་ཏུ་འདྲེས་པ་ལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་། ཞེས་པ་ནས། རྒྱན་དུ་མས་བརྒྱན་པ་ཞེས་པའི་བར་སྒྲུབ་ཐབས་བཞིན་བརྗོད། དེའི་ཕྱི་རོལ་དུ་དུར་ཁྲོད་ཆེན་པོ་བརྒྱད། སོགས་རྟེན་དང་བརྟེན་པའི་དམ་ཚིག་པ་བསྐྱེད་པ། སྐུ་གསུང་ཐུགས་བྱིན་གྱིས་བརླབས་པ། ཡེ་ཤེས་ཀྱི་འཁོར་ལོ་སྤྱན་འདྲེན་པ། ཆུ་བཞི་སྔོན་དུ་འགྲོ་བའི་ཉེར་སྤྱོད་ཀྱིས་མཆོད་ནས། གཽ་རཱི་ལ་སོགས་པའི་སྔགས་རྒྱས་བསྟིམ་བ་དབང་ལྷ་སྤྱན་དྲངས་མཆོག་གསོལ་རྒྱས་བཏབ་རྣམས་དབང་ཆུ་ཆེན་མོའི་ལྷ་སྟ་གོན་གྱི་སྐབས་ལྟར་མ་འཁྲུལ་བར་བྱའོ། །ཚོགས་འཁོར་གྱི་དུས་སུ་མདུན་གྱི་ལྷ་བསྐྱེད་པའི་སྐབས་འདིར་རྡོ་རྗེ་འཆང་སོགས་ཀྱིས་གསོལ་ཁ་ཆེར་འབྱུང་ལ་ཀུན་མཁྱེན་བསོད་ནམས་སེང་གེས་མཆོད་གཏོར་གྱི་ཡི་གེ་ལས་རྟེན་དང་བརྟེན་པའི་དམ་ཚིག་པ་བསྐྱེད་པ་ནི་སྔར་དང་འདྲའོ། །ཞེས་ཐུན་མཚམས་སུ་བྱ་བའི་མཆོད་གཏོར་དང་མཐུན་པར་གསུངས་པ་དང་། བླ་མ་དམ་པའི་མངོན་རྟོགས་ཡན་ལག་དྲུག་བའི་མཆོད་གཏོར་གྱི་སྐབས་སུ་བསྟན་པའི་མཎྜལ་གྱི་ལྷ་བསྐྱེད་ཚུལ་གཉིས་མཐུན་པར་འབྱུང་བས་འདིར་དེ་དག་གི་དགོངས་པ་ལྟར་བཀོད་པའོ། །གཉིས་པ་མཆོད་པའི་ཡུལ་སྤྱན་དྲངས་པ་ནི། རང་གི་སྙིང་གའི་ས་བོན་ལས་འོད་ཟེར་འཕྲོས་པས་མདུན་གྱི་ནམ་མཁར་རྩ་བའི་བླ་མ་རྡོ་རྗེ་འཆང་གི་རྣམ་པ་ཅན་ལ་ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་བྱང་ཆུབ་སེམས་དཔའ་དམ་པ་ཆོས་སྐྱོང་བའི་སྲུང་མའི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿཞེས་པས་ཚོགས་ཞིང་ཁྱད་པར་སྤྱན་དྲངས་ནས་མདུན་བསྐྱེད་ལ་གཉིས་སུ་མེད་པར་ཐིམ་པར་བསམ་མོ། །གསུམ་པ་ཕྱག་འཚལ་བ་ནི། དཀྱིལ་འཁོར་གྱི་གཙོ་བོ་དེ་ཉིད་བླ་མ་ཡིན་པར་མོས་ནས། གང་གི་དྲིན་གྱི་སོགས། འཁོར་བའི་འདམ་རྫབ༴སངས་རྒྱས་ཀུན་གྱི༴ཐམས་ཅད་དངོས་པོའི༴ཆོས་དབྱིངས་རྣམ་དག༴ཕྱག་བྱར་འོས་པ། སོགས་ཕྱག་འཚལ་གྱི་ཚིག་བརྗོད་པར་བྱའོ། །བཞི་པ་མཆོད་པ་ལ་ཕྱི་ནང་ཡིད་བྱུང་གི་མཆོད་པའོ། །དང་པོ་ཕྱི་མཆོད་ནི་མཆོད་པ་རྣམས་བསང་སྦྱངས་བྱིན་རླབས། གནས་ཁང་བྱིན་བརླབ་དོར། དྭངས་ཤིང་ཐོག་པ་མེད་པ་ནམ་མཁའི་མཐའ་ཀླས་པར་གྱུར། ཅེས་བརྗོད་མཆོད་ཡོན་ཞབས་བསིལ་ནས། ཤབྡའི་བར་ཚིགས་བཅད་སྔགས་དང་བཅས་པས་དབུལ། ཨོཾ་བཛྲ་གཎྜེ་ར་ཎི་ཏ་སོགས་བརྗོད་ཅིང་རོལ་ཆེན་བྱའོ། །གཉིས་པ་ནང་མཆོད་ནི། བདུད་རྩི་གཏོར་མ་བཞིན་བྱིན་གྱིས་བརླབས་ལ། ལག་པ་གཡོན་པའི་མཐེབ་སྲིན་གྱིས་གཡོན་བསྐོར་དུ་ལན་གསུམ་བསྐོར་ནས་དབུས་སུ་བླངས་ཏེ་སྤྱི་བོར་གཏོར་ཞིང་། ངག་ཏུ། ཕྱོགས་བཅུ་དུས་གསུམ་སོགས་ནས། ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱི་ཞལ་དུ་ཨོཾ་ཨཱཿཧཱུྃ། གཉིས་པ་སྙིང་གར་ཡེ་ཤེས་ཀྱི་ལྷ་བདུད་རྩིས་མྱོང་བས་ཚིམ་པ་ནི་སྲིན་ལག་གིས་ལྕེ་རྩེ་སྨིན་མཚམས། སྤྱི་གཙུག་རྣམས་སུ་ཐིག་ལེ་བྱས་ཨོཾ་ཨཱཿཧཱུྃ། ཞེས་བརྗོད་པས་ལུས་ཀྱི་ལྷ་རྣམས་མཆོད་པར་བསམ་ཞེས་པའི་བར་དང་། གཏོར་མ་རྣམས་ལ་བར་ཕུད་བྲན་ལ། ཨོཾ་ཤྲཱིཿམ་ཧཱ་ཀཱ་ལཱ་སོགས་ནས། ཨཱཏྨ་ཀོ྅་ཧྃ་བར་དབང་ཆུ་ལྟར་རོ། །གསུམ་པ་ཡིད་བྱུ་གི་མཆོད་པ་ནི། རང་གི་སྙིང་ག་ནས་སྤྲུལ་པའི་ལྷ་མོ་རྣམས་ཀྱིས་མཆོད་པར་བསམ་ཞིང་རྡོ་རྗེ་གསོར་དྲིལ་བུ་བསིལ་ཏེ། ནམ་མཁར་རྗེ་བཙུན་བལྟས་ནས་ནི། །རྡོ་རྗེ་སྐྱེ་བ་སྙིང་རྗེ་ཆེ། །རྒྱན་རྣམས་ཐམས་ཅད་འཛིན་པ་ནི། །ལྷ་མོ་བརྒྱད་པོ་རྣམས་ཀྱིས་མཆོད། །དཀར་མོ་རི་དྭགས་སོགས་ནས། གཡུང་མོས་སྐུ་ལ་འཁྱུད་པ་ཉིད། ཅེས་པའི་བར་བརྗོད། བཞི་པ་བསྟོད་བའི་མཆོད་པ་ནི། ཁྱོད་ནི་རྣལ་འབྱོར་མ་ཚོགས་ཡོངས་སུ་བསྐོར། ཞེས་སོགས་དང་། ཐམས་ཅད་དངོས་པོའི་རང་བཞིན་མཆོག །ཅེས་སོགས་བསྟོད་པ་ཉི་ཤུ་པ་དང་། སྤྲོ་ན་དནྜ་ཀས་ཀྱང་བསྟོད་པར་བྱའོ། །ལྔ་པ་རྒྱུན་བཤགས་བྱ་བ་ནི། དཀོན་མཆོག་གསུམ་ལ་བདག་སྐྱབས༴སོགས་རྒྱུན་བཤགས་ལན་གསུམ་བྱའོ། །དྲུག་པ་སྡོམ་པ་གཟུང་བ་ལ། རིགས་ལྔ་སྤྱི་དང་། བྱེ་བྲག་གི་དམ་ཚིག་གཟུང་བ་ནི། སྲས་བཅས་སངས་རྒྱས་ཐམས་ཅད་དང་། ཞེས་སོགས་ལན་གསུམ་བྱའོ། །རྩ་་བ་དང་། ཡན་ལག་གི་བཅས་པའི་དམ་ཚིག་གི་ཚོགས་རྗེས་སུ་དྲན་པ་ལ། སྤང་བྱ་དྲན་པ་ནི། ཀུན་ནས་དང་བས་བླ་མ་ཡི། །ཞེས་པ་ནས། ཉིན་རེ་བཞིན་ནི་བཟླ་བར་བྱ། །ཞེས་པའི་བར་རྩ་བའི་ལྟུང་བ་ཡན་ལག་དང་བཅས་པའི་གཞུང་ལན་གཅིག་བྱའོ། །ཇི་སྲིད་བྱང་ཆུབ་སྙིང་པོའི་བར། །དཀོན་མཆོག་གསུམ་ནི་སྡང་མི་བྱ། །སོགས་ནས། མཁས་པས་ཆོ་ག་བཞིན་དུ་བྱ། །ཞེས་དབང་ཆུ་ལྟར་ལན་གཅིག་བརྗོད་དེ་རྒྱུན་བཤགས་ནས་འདི་ཡི་བར་རྡོ་རྗེ་ཐལ་མོ་སྙིང་གར་སྦྱར་ཏེ་དོན་དྲན་བཞིན་དུ་བྱའོ། །གསུམ་པ་ཕྱི་རོལ་འབྱུང་པོའི་ཚོགས་གཏོར་མས་ཚིམ་པར་བྱ་བ་ནི། གཏོར་མ་རྣམས་ནང་མཆོད་ཆུ་ཆང་གིས་སྦྱངས་ལ་ལས་རྡོར་གྱིས་ཕྱག་བྱས་ཏེ། གཏོར་མ་བྱིན་གྱིས་བརླབ་ནས་འབུལ་བར་ཞུ། །ཞེས་བརྗོད། སྒྲུབ་ཐབས་ལྟར་བྱིན་གྱིས་བརླབ་ནས་མགྲོན་བསྐྱེད་པ། དབང་བསྐུར་རྒྱས་གདབ། མཆོད་གཏོར་འབུལ་བ། མཆོད་བསྟོད་ཕྲིན་བཅོལ་རྣམས་དབང་ཆུའི་ལྷ་སྟ་གོན་གྱི་སྐབས་ལྟར་བྱའོ། །འདས་གཏོར་མཎྜལ་སྒྲུབ་མཆོད་དང་མ་འབྲེལ་ན་རྒྱུན་གྱི་གཏོར་ཆོག་ལྟར་བྱ་དགོས་སོ། །མཆནསྒོས་ཀྱི་ཆོས་སྐྱོང་གུར་ཞལ་ལས་མགོན་སོགས་དང་མཁའ་འགྲོ་སྤྱི་གཏོར། གཞི་བདག་དབང་ཐོབ་པ་ལ་གཏོར་འབུལ་དང་། ཕྲིན་ལས་བཅོལ་པ་རྣམས་གཏོར་ཆོག་ལྟར་བྱ་ཞིང་། དབང་མ་ཐོབ་པའི་གཞི་བདག་ལ་གཏོར་མ་སྟེར་ན་སྒྲུབ་ཁང་གི་ཕྱི་རོལ་དུ་སོང་ལ། གཏོར་མ་ཆང་ཕལ་པ་དང་ཆུས་སྦྱོངས་ཞིང་། འདོད་རྒུ་འབྱུང་བའི་རྒྱ་མཚོར་བྱིན་གྱིས་བརླབ་ལ་འབྲུ་གསུམ་བརྗོད། ཨོཾ་བྷཱུ་མི་པ་ཏི་ཨཱ་ཀཪྵ་ཡ་ཛཿཞེས་པས་བཀུགཨ་ཀཱ་རོ་ལན་གསུམ་བརྗོད་པས་ཚིམ་པར་བསམ་ལ། གནས་བདག་ཡུལ་བདག་འཁོར་བཅས་རྣམས། །མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་བསྔོ་ཞིང་ཕྲིན་ལས་བཅོལ་ལ། དཀར་པོའི་ཕྱོགས་ལ་མངོན་པར་དགའ་བའི་གཞི་བདག་གཉུག་མར་གནས་པ་རྣམས། མཆོད་སྦྱིན་གྱི་གཏོར་མ་འདིས་ཚིམ་པར་གྱིས་ལ་བདག་ཅག་དཔོན་སློབ་ཆོས་སྒྲུབ་པའི་སྡོང་གྲོགས་མཛོད་ཅིག །ནག་པོའི་ཕྱོགས་ལ་མངོན་པར་དགའ་བའི་འབྱུང་པོ་གདུག་པ་ཅན་ཐམས་ཅད་གཏོར་མ་འདིས་ཚིམ་པར་གྱིས་ལ་སའི་ཕྱོགས་འདིར་མ་གནས་པ་གཞན་དུ་འགྲོ་བར་གྱིས་ཤིག །ཅེས་བརྗོད་ལ་ཁྲོ་བོའི་སྔགས་དང་། རོལ་མོ་དྲག་ཏུ་བྱ་ཞིང་གཏོར་མ་ལམ་གྱི་གཞི་མདོར་དོར་ལ་རྩ་སྔགས་སོགས་ཤུབ་བུར་བཟླ་ཞིང་ནང་དུ་འཇུག་གོ། སྤྲོས་པ་རྒྱས་ན་ཆོས་སྐྱོང་གི་བཟླས་བཤགས་སྐོང་བསྟོད་སོགས་སྐབས་དང་བསྟུན་ནས་བྱའོ། །བཞི་པ་དམ་ཚིག་དང་ལྡན་པའི་གང་ཟག་ནང་གི་སྦྱིན་སྲེགས་ཀྱིས་ཚིམ་པ་ནི། དཔོན་སློབ་ཐམས་ཅད་ཀྱིས་རྡོ་རྗེ་དང་བཅས་པའི་བདུད་རྩིས་གནས་གསུམ་དུ་བསང་གཏོར་བྱས་ལ་སྒོ་གསུམ་བྱིན་གྱིས་བརླབས། ལས་ཀྱི་རྡོ་རྗེས་དཔོན་སློབ་ཐུན་མོང་དུ་མེ་ཏོག་ལ་སོགས་པའི་ཉེར་སྤྱོད་ལྔ་བཤམས། ཕྱག་བྱས་ལ། ཨོཾ་བྷ་ག་ཝཱན་མ་ཧཱ་ཀ་རུ་ཎི་ཀ་ཧེ་བཛྲ་ས་པཱ་རི་ཝ་ར་ཞེས་པ་ལ་ཉེར་སྤྱོད་ལྔ་ཡི་མཆོད་སྔགས་སོ་སོར་སྦྱར་ལ་རོལ་མོ་དང་བཅས་པས་དབུལ། ཡང་ལས་རྡོར་གྱིས་ཕྱག་བྱས་ལ། ཚོགས་ཀྱི་ཡོ་བྱད་བྱིན་རླབས་མཛད་པར་ཞུ། ཞེས་བརྗོད་ཅིང་ནང་མཆོད་ཀྱི་བདུད་རྩིས་ཚོགས་ཀྱི་ལོངས་སྤྱོད་ཐམས་ཅད་ལ་ཁྱབ་པར་གཏོར། དཔོན་སློབ་ཐམས་ཅད་ཀྱིས་སྒྲུབ་ཐབས་ལྟར་བྱིན་གྱིས་བརླབས་ནས་ཐབས་ཤེས་རྫས་བཟའ་བཏུང་རྣམས་རང་བཞིན་གདོད་ནས་དག་པའི་ལྟ་བས་རྣམ་པར་ཤ་ལྔ། བདུད་རྩི་ལྔ། ངོ་བོ་ཟག་མེད་ཡེ་ཤེས་ཀྱི་བདུད་རྩིར་བསྒྱུར་བས་འདོད་རྒུ་ཡིད་བཞིན་འབྱུང་བའི་སྤྲིན་ཆེན་པོར་གྱུར་པར་བསམ་ལ་ལག་གཉིས་རྒྱ་དང་བཅས། ངག་ཏུ། ཨོཾ་ཨཱཿཧཱུྃ་དང་། ཧ་ཧོ་ཧྲཱིཿམང་དུ་བརྗོད་ཅིང་བདུད་རྩིས་བསང་གཏོར་བྱ། དེ་ཡང་ཧས་ཁ་དོག་ཕུན་སུམ་ཚོགས་པ། ཧོས་དྲི་ཕུན་སུམ་ཚོགས་པ། ཧྲཱིཿས་ནུས་མཐུ་ཕུན་སུམ་ཚོགས་པ། འབྲུ་གསུམ་གྱིས་ཡེ་ཤེས་ཀྱི་བདུད་རྩིར་གྱུར་པར་བསམ། སླར་ཡང་ཚོགས་ཞིང་སྤྱན་དྲངས་པ་ནི། གནས་སྤྱི་བོ་བདེ་ཆེན་གྱི་རི་བོའི་སྤོར། །རྗེ་སྐུ་ཡི་རྡོ་རྗེ་ཡབ་ཡུམ་བཞུགས། །མ་མཁའ་འགྲོ་སོ་གཉིས་ཀྱི་འཁོར་གྱིས་བསྐོར། །སྐུ་ཟླ་ཤེལ་གསར་པའི་མདངས་འོད་ཅན། །གནས་འདིར་གཤེགས་མོས་པའི་བུ་ལ་དགོངས། །ཚོགས་མཆོད་པ་འབུལ་ལོ་བརྩེ་བས་བཞེས། །གནས་མགྲིན་པ་ལོངས་སྤྱོད་ཀྱི་གཞལ་མེད་ན། །རྗེ་གསུང་གི་རྡོ་རྗེ་ཡབ་ཡུམ་བཞུགས། །མ་མཁའ་འགྲོ་བཅུ་དྲུག་གི་འཁོར་གྱིས་བསྐོར། །སྐུ་པདྨ་རཱ་གའི་མདངས་འོད་ཅན། །གནས་འདིར་གཤེགས་མོས༴ །ཚོགས་མཆོད་པ་འབུལ་ལོ་བརྩེ་བས་བཞེས། །གནས་སྙིང་ག་ཆོས་ཀྱི་སྨན་ལྗོངས་ན། །རྗེ་ཐུགས་ཀྱི་རྡོ་རྗེ་ཡབ་ཡུམ་བཞུགས། །མ་མཁའ་འགྲོ་ཟུང་བཞིའི་འཁོར་གྱིས་བསྐོར། །སྐུ་ཨིནྡྲ་ནཱི་ལའི་མདངས་འོད་ཅན། །གནས་འདིར་གཤེགས་མོས༴ །ཚོགས་མཆོད་པ་འབུལ་ལོ་བརྩེ༴ །གནས་ལྟེ་བ་སྤྲུལ་པའི་ནགས་ཁྲོད་ན། །རྗེ་ཡོན་ཏན་རྡོ་རྗེ་ཡབ་ཡུམ་བཞུགས། །མ་མཁའ་འགྲོ་དྲུག་ཅུ་རྩ་བཞིས་བསྐོར། །སྐུ་ཛམྦུ་ཆུ་བོའི་མདངས་འོད་ཅན། །གནས་འདིར༴ཚོགས་མཆོད༴ །གནས་གསང་གནས་བདེ་སྐྱོང་གི་ཕོ་བྲང་ན། །རྗེ་ཕྲིན་ལས་རྡོ་རྗེ་ཡབ་ཡུམ་བཞུགས། །མ་མཁའ་འགྲོ་སོ་གཉིས་ཀྱི་འཁོར་གྱིས་བསྐོར། །སྐུ་མར་གད་གསར་པའི་མདངས་འོད་ཅན། །གནས་འདིར༴ །ཚོགས་མཆོད་པ༴ །ལུས་སྣང་སྟོང་སྤྲུལ་པའི་ཞིང་ཁམས་ན། །ཁམས་ཐབས་མཆོག་དཔའ་བོ་འཛུམ་དཀར་བཞད། །ལུས་ཐ་མལ་དུ་སྣང་བ་དབྱིངས་སུ་ཡལ། །སེམས་གསལ་བ་གཞོན་ནུའི་ལང་ཚོ་ལ། །དབྱིངས་སྟོང་པའི་དགའ་མས་འབྲལ་མེད་འཁྱུད། །ཡོངས་ཟུང་འཇུག་གི་ཟློས་གར་ཨ་ལ་ལ། །ཕ་གདན་གསུམ་ཚང་བའི་ཧེ་རུ་ཀཿ། གནས་འདིར་གཤེགས་མོས་པའི་བུ་ལ་དགོངས། །ཚོགས་མཆོད་པ་འབུལ་ལོ་དགྱེས་པར་བཞེས། །ལུས་སྣང་སྟོང་སྤྲུལ་སྐུར་བྱིན་གྱིས་རློབས། །ངག་གྲགས་སྟོང་ལོངས་སྐུར་བྱིན༴ཡིད་རིག་སྟོང་ཆོས་སྐུར་བྱིན༴ །བདག་ཡོན་ཏན་རྒྱ་མཚོར་བྱིན༴ །བདག་ཕྲིན་ལས་རྡོ་རྗེར་བྱིན༴ །ལུས་རང་ངོ་ཤེས་པར་བྱིན་གྱིས་རླབས། །སེམས་རང་ངོ་ཤེས་པར་བྱིན་གྱིས་རློབས། །ཅེས་ཚར་ཆེན་རིན་པོ་ཆེའི་ཚོགས་འཁོར་གྱི། ཕ་གསོལ་བ་འདེབས་སོ་རྡོ་རིང་པ། །བུ་མི་མངོན་དབྱིངས་ནས་ཐུགས་རྗེས་སྐྱོངས། །ཞེས་པའི་ཚིགས་གཉིས་བྱུང་། དེའི་དོན་བསྡུས་ཚིག་རྐང་གཅིག་གསར་དུ་འཛུད་པ་ལ་ཡེ་ཤེས་ཀྱི་མཁའ་འགྲོར་བཟོད་བར་གསོལ་ལོ་མཆན། དོ་ཧ་ལས་བྱུང་བའི་རྡོ་རྗེའི་གསུངས་བྱིན་རླབས་ཅན་དང་། འོག་མིན་གསང་མཆོག་རྡོ་རྗེ་བཙུན་མོའི་མཁའ། །སྐུ་གསུམ་ཞིང་ཁམས་རབ་འབྱམས་རྒྱ་མཚོ་ནས། །ཐབས་དང་ཤེས་རབ་གཉིས་མེད་བདག་ཉིད་ཅན། །བཅོམ་ལྡན་ཀྱེ་ཡི་རྡོ་རྗེའི་དཀྱིལ་འཁོར་ལ། །རྩ་བརྒྱུད་བླ་མ་སངས་རྒྱས་བྱང་སེམས་དང་། །ཡི་དམ་ལྷ་ཚོགས་དཔའ་བོ་རྣལ་འབྱོར་མ། །ཆོས་སྐྱོང་སྲུང་མ་ནོར་ལྷའི་ཚོགས་དང་བཅས། །ལོངས་སྤྱོད་ཚོགས་ཀྱི་འདུ་བར་སྤྱན་འདྲེན་ན། །ཚད་མེད་ཐུགས་རྗེའི་དབང་གིས་གནས་འདིར་གཤེགས། །ཨོཾ་ཨེ་ཧྱེ་ཧི་བྷ་ག་ཝཱན་མ་ཧཱ་ཀ་རུ་ཎི་ཀ་ཧེ་བཛྲ་ས་པ་རི་ཝཱ་ར་ས་མ་ཡ་ཛཿཞེས་པས་སྤྱན་དྲངས། ཛཿཧཱུྃ་བྃ་ཧོཿཞེས་བརྗོད། སེམས་ཀྱིས་རང་གི་སྙིང་གའི་ས་བོན་གྱི་འོད་ཀྱིས་སངས་རྒྱས་བྱང་སེམས་བླ་མ་དང་བཅས་པ་ཐམས་ཅད་ཀྱེ་རྡོ་རྗེའི་ལྷ་དགུའི་རྣམ་པར་སྤྱན་དྲངས་ནས་མདུན་བསྐྱེད་ལ་གཉིས་སུ་མེད་པར་ཐིམ་པར་བསམ་མོ། །དེ་ནས་ཆང་ལ་སོགས་པའི་བཏུང་བ་ཐམས་ཅད་ཀྱི་ཕུད། ཤ་ལ་སོགས་པའི་བཟའ་བ་ཐམས་ཅད་ཀྱི་ཕུད་བསྡུས་ལ་ཆ་གཉིས་སུ་བྱས་པའི་ཆ་གཅིག་ཐོད་པར་བཅུག་ལ་དཀྱིལ་འཁོར་གྱི་མདུན་དུ་བཞག །ཕྱག་བྱས་ནས། བླ་མ་དང་དཀྱིལ་འཁོར་གྱི་ལྷ་ལ་སྨན་ཕུད་འབུལ་བར་ཞུ། ཞེས་བརྗོད། གཞན་རྣམས་ནང་མཆོད་འཐོར་བཞིན་དཔོན་སློབ་ཐམས་ཅད་ཀྱིས། དམན་པའི་སྤྱོད་ཡུལ་དག་ལས་རབ་འདས་ཤིང་། །རྒྱལ་བ་ཀུན་གྱི་བསྟོན་བྱའི་དམ་ཚིག་མཆོག །དངོས་གྲུབ་རྣམ་གཉིས་ཀུན་གྱི་གཞིར་གྱུར་པ། །ཟག་མེད་བདུད་རྩི་མཆོག་གི་མཆོད་པ་འདི། །ཕྱོགས་བཅུ་དུས་གསུམ་རྒྱལ་བ་སྲས་བཅས་ཀྱི། །མཁྱེན་བརྩེ་ནུས་གསུམ་གཅིག་ཏུ་འདུས་པའི་དངོས། །དྲན་པས་སྲིད་ཞིའི་རྒུད་པ་ཀུན་སེལ་བའི། །རྩ་བའི་བླ་མའི་ཞལ་དུ་ཨོཾ་ཨཱཿཧཱུྃ། །རྡོ་རྗེ་འཆང་ཆེན་བདག་མེད་རྣལ་འབྱོར་མ། །གྲུབ་ཆེན་བིཪྺ་པ་དང་ནག་པོ་པ། །ཌཱ་མ་རུ་པ་ཨ་ཝ་དྷཱུ་ཏི་མན་ངག་ལུགས་དང་། །ཕྱག་མཚོ་སྐྱེས་ལུགས། རྡོར་བི་ལ་སྱེ་ནི་བཛྲི། །ཡན་ལག་མེད་པའི་རྡོ་རྗེའི་ཞལ་དུ་ཨོཾ༴པདྨའི་མྱུ་གུ་ཨིནྡྲ་བྷཱུ་ཏི་དང་། ནག་པོ་སྤྱོད་པ་བྲམ་ཟེ་དཔལ་འཛིན་ཞབས། །ཌོཌོམྦིའི་ལུགས་ཀྱི་བརྒྱུད་པ། མྦིའི་པ་དང་ཨ་ལ་ལ་བཛྲ། །ནག་ཁྲོད་གརྦྷའི་ཞལ་དུ་ཨོཾ་ཨཱཿཧཱུྃ། །བསོད་ནམས་པ་དང་ཐུབ་དཀའ་ཟླ་བ་དང་། །དཔའ་བོ་རྡོ་རྗེ་ག་ཡ་དྷ་རའི་ཞབས། །མི་བསྐྱོད་ཞེ་སྡང་རོལ་པའི་རྡོ་རྗེ་དང་། །ཀུན་དགའ་སྙིང་པོའི་ཞལ་དུ་ཨོཾ་ཨཱཿཧཱུྃ། །རྗེ་བཙུན་སྐུ་མཆེད་པཎ་ཆེན་ཁུ་དབོན་དང་། །དཀོན་མཆོག་དཔལ་དང་བྲག་ཕུག་བསོད་ནམས་རྒྱལ། །དཔལ་མཚུངས་བུདྡྷ་ཤྲཱི་ངོར་ཆེན་རྗེ། །སེམས་དཔའ་ཆེན་པོའི་ཞལ་དུ་ཨོཾ་ཨཱཿཧཱུྃ། །བདག་ཆེན་ཀུན་སྤངས་ཀུན་དགའ་ལེགས་པ་དང་། །ཚར་ཆེན་མཁྱེན་བརྩེ་གཞོན་བློ་ཀླུ་སྒྲུབ་ཞབས། །དོན་རྒྱལ་བསླབ་གསུམ་དབང་རབ་ངག་ཆོས་རྗེ། །བསོད་ནམས་མཆོག་ལྡན་ཞལ་དུ་ཨོཾ་ཨཱཿཧཱུྃ། །རིན་ཆེན་མཆོག་གྲུབ་མཁྱེན་རབ་བྱམས་པའི་དཔལ། །ཀུན་དགའ་ལྷུན་གྲུབ་ལེགས་འབྱུང་ཀུན་བློའི་ཞབས། །ནམ་མཁའ་འཆི་མེད་ཀུན་དགའ་བསྟན་འཛིན་དང་། །བསྟན་པའི་རྒྱལ་མཚན་ཞལ་དུ་ཨོཾ་ཨཱཿཧཱུྃ། །ངག་གི་དབང་ཕྱུག་རཏྣ་བཛྲ་དང་། །འཇམ་དཔལ་དབྱངས་དངོས་བློ་གཏེར་དབང་པོའི་ཞབས། །ལམ་འདིའི་བཀའ་དྲིན་དངོས་སུ་འདོམ་མཛད་པའི། །རྩ་བའི་བླ་མའི་ཞལ་དུ་ཨོཾ་ཨཱཿཧཱུྃ། །གཞན་ཡང་ཚད་མེད་ཐུགས་རྗེའི་སྤྲིན་མཛེས་ལས། །དབང་བསྐུར་རྒྱུད་བཤད་མན་ངག་བདུད་རྩི་ཡིས། །བདག་བློའི་ཐར་པའི་མྱུ་གུ་འཕེལ་མཛད་པ། །དངོས་བརྒྱུད་བླ་མའི་ཞལ་དུ་ཨོཾ་ཨཱཿཧཱུྃ། །ཡང་དགྱེས་རྡོར་མན་ངག་ལུགས་རྐྱང་པའི་བརྒྱུད་པ་ལ་སྤྲོ་ན། ཌཱ་མ་རུ་པ་ཨ་ཝ་དྷཱུ་ཏི་དང་། །ག་ཡ་དྷ་རའི་ཞལ་དུ་ཨོཾ་ཨཱཿཧཱུྃ། །རྡོ་རྗེ་འཆང་དངོས་བླ་ཆེན་འབྲོག་མི་དང་། །སེ་སྟོན་མཁར་ཆུང་ཞང་སྟོན་ཆོས་འབར་དང་། །དགྱེས་མཛད་དངོས་སྣང་བསྟན་པའི་སྲོལ་འབྱེད་ཆེ། །ཀུན་དགའི་སྙིང་པོའི་ཞལ་དུ་ཨོཾ་ཨཱཿཧཱུྃ། རྗེ་བཙུན་སྐུ་མཆེད་མན་དཀྱུས་ལྟར་རོ། །དེ་ནས། ཨཥྚ་དང་། དེ་ཝ་པི་ཙུ་དང་། ཀ་ཏ་རཱི་དང་། ཨོཾ་ཨཱཿཨ་ཨཱ། ཨི་ཨཱི་སོགས་དང། ཨོཾ་ཨཱཿགཾ་ཧཱུྃ་ཕཊ་སྭཱ་ཧཱ་ནས། ཨོཾ་ཨཱཿཌྃ་ཧཱུྃ་ཕཊ་སྭཱ་ཧཱ། ཞེས་བའི་བར་བརྗོད་ཅིང་། ཁྱད་པར་དྲན་པ་ཙམ་གྱིས་ལྷན་སྐྱེས་ཀྱི། །ཡེ་ཤེས་རྨད་དུ་བྱུང་བ་སྦྱིན་མཛད་པ། །བཅོམ་ལྡན་ཀྱེ་ཡི་རྡོ་རྗེ་ལྷ་མོ་བརྒྱད། །དཀྱིལ་འཁོར་རབ་འབྱམས་ཞལ་དུ་ཨོཾ་ཨཱཿཧཱུྃ། །གཞན་ཡང་བྱ་བ་སྤྱོད་པ་རྣལ་འབྱོར་དང་། །རྣལ་འབྱོར་བླ་མེད་རྒྱུད་དང་རྗེས་འབྲེལ་བའི། །གང་འདུལ་སྒྱུ་འཕྲུལ་དྲ་བའི་རྣམ་རོལ་ཅན། །ཡི་དམ་ལྷ་ཚོགས་ཞལ་དུ་ཨོཾ་ཨཱཿཧཱུྃ། །ཨོཾ་ཤྲཱི་མ་ཧཱ་ཀ་ལ་ཡ་ཨོཾ་ཨཱཿཧཱུྃ། །ཨོཾ་ཤྲཱི་དྷརྨཱ་པཱ་ལ་ཙ་ཏུརྨུ་ཁཱ་ཡ་ཨོཾ་ཨཱཿཧཱུྃ། །གཞན་ཡང་ཆོས་འཁོར་སྲུང་ཞིང་སོགས་ནས། སྐལ་པ་དང་ལྡན་པར་གྱུར་ཅིག་ཨོཾ་ཨཱཿཧཱུྃ། ཞེས་པའི་བར་དབང་ཆུ་ལྟར་བརྗོད། སྒྲིབ་པ་གཉིས་ཀྱི་དྲི་མ་ཀུན་བསལ་ནས། །བཟུང་འཛིན་རྟོག་པ་ཀུན་ལས་རྣམ་གྲོལ་བ། །བླ་ན་མེད་པའི་བྱང་ཆུབ་སེམས་ཀྱི་དངོས། །བདེ་བ་ཆེན་པོའི་མཆད་པས་མཉེས་གྱུར་ཅིག །ཨོཾ་ཨཱཿཧཱུྃ། །ཞེས་བརྗོད། བཟའ་བཅའ་སྣོད་གཅིག་ཏུ་བསྡུས་པ་ཆ་གསུམ་དུ་བསྒོས་ལ་ཕུད་དང་པོ་བླ་མ་དཀོན་མཆོག་ལ་འབུལ་བ་ནི་ལས་རྡོར་གྱིས་ཕྱག་བྱས་ལ། བླ་མ་དང་དཀྱིལ་འཁོར་ལྷ་ལ་ཚོགས་ཕུད་འབུལ་བར་ཞུ། ཞེས་བརྗོད། ཁྱབ་བདག་རྡོ་རྗེ་འཆང་དབང་ནས་བཟུང་སྟེ། །པཎ་གྲུབ་དབང་པོ་བི་རུ་པ་ལ་སོགས། །འཕགས་བོད་བརྒྱུད་པའི་བླ་མ་ཐམས་ཅད་ལ། །ཟག་མེད་བདུད་རྩིའི་ཚོགས་ཀྱི་མཆོད་པ་འབུལ། །སྤངས་རྟོགས་མཐར་ཕྱིན་རྒྱལ་བ་སྲས་བཅས་དང་། །ཡི་དམ་དཀྱིལ་འཁོར་འཁོར་ལོ་རབ་འབྱམས་སོགས། །སྐྱབས་གནས་མཆོད་འོས་རྒྱ་མཚོ་ཐམས་ཅད་ལ། །ཟག་མེད་བདུད་རྩིའི་ཚོགས་ཀྱི་མཆོད་པ་འབུལ། །བཞེས་ནས་བདག་དང་མཐའ་ཡས་སེམས་ཅན་ཀུན། །བསོད་ནམས་ཡེ་ཤེས་ཚོགས་གཉིས་རབ་རྫོགས་ཤིང་། །མཆོག་དང་ཐུན་མོང་དངོས་གྲུབ་རྣམ་གཉིས་ཀྱིས། །ཕན་བདེའི་དགའ་སྟོན་རྒྱས་པར་བྱིན་གྱིས་རློབས། །ཨོཾ་གུ་རུ་བུདྡྷ་བོ་དྷི་སཏྭ་ས་པ་རི་ཝཱ་ར་ཨོཾ་ཨཱཿཀ་རོ་སོགས་ཀྱིས་ཕུལ། ཚོགས་ཕུད་བར་པ་ཡི་དམ་ལ་ཕུལ་ཏེ། ཨོཾ་ཨཱཿཧཱུྃ། །ཨེ་དབྱིངས་རྡོ་རྗེ་བཙུན་མོའི་གྲོང་ཁྱེར་དུ། །ཝྃ་ཡིག་བདེ་བ་ཆེན་པོའི་རོལ་རྩེད་ལས། །ཟུང་འཇུག་བཅོམ་ལྡན་དགྱེས་པ་རྡོ་རྗེའི་གར། །བརྟན་གཡོ་ཐམས་ཅད་ཡེ་ཤེས་ལྔའི་དཀྱིལ་འཁོར། །མཚན་མའི་ཆོས་ཀུན་མི་འགྱུར་རྡོ་རྗེར་སྡོམ། །འཇིགས་མཛད་ཧེ་རུ་ཀ་དཔལ་སྙིང་རྗེའི་བདག །ལོངས་སྤྱོད་ཡོངས་རྫོགས་དཀྱིལ་འཁོར་ལྷ་ཚོགས་ལ། །ཟག་མེད་བདུད་རྩིའི་ཚོགས་ཀྱི་མཆོད་པ་འབུལ། །བཞེས་ནས་རྣལ་འབྱོར་བདག་ཅག་འཁོར་བཅས་ལ། །མ་དག་འཁྲུལ་པའི་སྣང་བ་རྒྱུན་ཆད་ཅིང་། ཏིང་འཛིན་ཉམས་ཀྱི་བར་ཆད་འཕྲང་ལས་སྒྲོལ། །རྩ་རླུང་ཐིག་ལེའི་དྭངས་མ་སྟོབས་སུ་སྨིན། །འོད་གསལ་དབྱིངས་ཀྱི་རྟོགས་པ་གོང་དུ་འཕེལ། །རྩ་ཡི་མདུན་གྲོལ་ས་ལམ་མཐར་ཕྱིན་ཅིང་། །སྒྲིབ་པ་གསུམ་བྲལ་སྨྱོ་མེད་ཀྱེ་རྡོ་རྗེ། །སྙིང་རྗེ་ཆེ་དང་ཟག་མེད་བདེ་བའི་ཉམས། །མཁའ་ལྟར་ཁྱབ་བའི་དངོས་གྲུབ་སྩལ་དུ་གསོལ། །གཽ་རཱི་ནག་མོ་ཆོམ་ཀུན་བརྩོད་ཀྱི་མདོག །རོ་ལངས་སེར་མོ་གྷསྨ་རི་ལྗང་གུ། །པུཥྐ་སཱི་སྔོན་རི་ཁྲོད་མ་དཀར་མོ། །གཏུམ་མོ་སྔོ་སངས་གཡུང་མོ་མདོག་སྣ་ཚོགས། །ཟག་མེད་བདུད་རྩིའི་ཚོགས་ཀྱི་མཆོད་པ་འབུལ། །བཞེས་ནས་རྣལ་འབྱོར་བདག་ཅག་འཁོར་བཅས༴སོགས། །མི་བསྐྱོད་རྡོ་རྗེ་དབྱིངས་ཀྱི་མཁའ་འགྲོ་དང་། །རྣམ་སྣང་རབ་དགའ་ཤུདྡྷ་ཌཱ་ཀི་ནི། །རིན་ཆེན་ནམ་མཁའ་དྲི་མེད་མཁའ་འགྲོ་མ། །དཔག་མེད་མེ་ཏོག་པདྨ་ཌཱ་ཀི་དང་། །དོན་ཡོད་རེ་སྐོང་སྣ་ཚོགས་མཁའ་འགྲོ་མ། །ཟག་མེད་བདུད་རྩིའི་ཚོགས་ཀྱི་མཆོད་པ་འབུལ། །བཞེས་ནས་རྣལ་འབྱོར་བདག་ཅག་འཁོར་བཅས༴སོགས། ཨོཾ་བྷ་ག་ཝཱན་མ་ཧཱ་ཀ་རུ་ཎི་ཀ་ཧེ་བཛྲ་ས་པ་རི་ཝཱ་ར་ཀ་ཡ་ཝཱ་ཀ་ཙིཏྟ་ཨིནྜ་སོགས་གཏོར་སྔགས་ལན་གསུམ་བརྗོད་ལ་དབུལ། ཕུད་ཐ་མ་མཁའ་འགྲོ་ཆོས་སྐྱོང་སྲུང་མ་སོགས་ལ་འབུལ་ཏེ། ཨོཾ་ཨཱཿཧཱུྃ། རྡོ་རྗེ་ཡེ་ཤེས་འབར་བའི་མེ་བོ་ཆེས། །ལོགས་འདྲེན་བགེགས་ཀྱི་བུད་ཤིང་ཀུན་བསྲེགས་ནས། །གྲུབ་གཉིས་སྣང་བ་རྟག་ཏུ་རྒྱས་མཛད་པའི། །ཆོས་སྐྱོང་སྲུང་མའི་ཚོགས་རྣམས་ཐམས་ཅད་དང་། །སྒྲུབ་པ་པོ་ཡི་རྒྱུད་ལ་ལྷན་སྐྱེས་ཀྱི། །ཡེ་ཤེས་རྨད་དུ་བྱུང་བའི་དཔལ་སྟེར་བ། །གནས་ཡུལ་དུར་ཁྲོད་ཀུན་ན་བཞུགས་པ་ཡི། །སྤྲུལ་པའི་གར་མཛད་དཔའ་བོ་རྣལ་འབྱོར་མ། །བསོད་ནམས་ནོར་བུའི་སྤྲིན་ཆེན་རོལ་པ་ལས། །འདོད་རྒུའི་གྲུ་ཆར་ལྷུག་པར་འབེབས་མཁས་པས། །སྲིད་ཞིའི་འབྱོར་པ་མཐའ་དག་སྦྱིན་མཛད་པའི། །གནོད་སྦྱིན་ནོར་ལྷ་རྒྱ་མཚོའི་ཚོགས་བཅས་དང་། །གཞན་ཡང་ཡུལ་ལྷ་གཞི་བདག་རིག་དྲུག་མགྲོན། །ཐམས་ཅད་ཡེ་ཤེས་གཅིག་གི་བྱིན་རླབས་པས། །དཀྱིལ་འཁོར་འཁོར་ལོའི་གཟུགས་སུ་ཡོངས་ཤར་བ། །ཞལ་ཟས་བདུད་རྩིའི་ཚོགས་ཀྱི་མཆོད་པ་འབུལ། །བཞེས་ནས་བདག་དང་སེམས་ཅན་ཐམས་ཅད་ཀྱི། །ལམ་གྱི་འགལ་རྐྱེན་མཐའ་དག་ཉེར་ཞི་ཞིང་། །མཐུན་རྐྱེན་མ་ལུས་ཡིད་བཞིན་འགྲུབ་པ་དང་། །མཆོག་ཐུན་དངོས་གྲུབ་ཐོབ་པའི་ཕྲིན་ལས་མཛོད། །ཅེས་དང་། ཆོས་སྐྱོང་སོ་སོའི་གཏོར་སྔགས་དང་། མཁའ་འགྲོ་སྤྱི་གཏོར་གྱི་སྔགས་ལན་གསུམ་རེས་ཕུལ། ག་བུར་གུར་གུམ་སྦྱར་བའི་ཞབས་བསིལ་སྤྲེང་། །ཡིད་འོང་མངར་གསུམ་ལྡན་པའི་ཞལ་བསིལ་དང་། །དག་པའི་ཆུ་ཡི་འཐོར་ཐུང་རབ་ཏུ་གཙང་། །ཡན་ལག་བརྒྱད་ལྡན་མཆོད་ཡོན་རྒྱ་མཚོ་དང་། །རབ་མཛེས་མཚར་སྡུག་རྫོགས་པའི་མེ་ཏོག་བཞད། །བདུག་སྤོས་སྤྲིན་གྱི་དུད་པས་ཕྱོགས་ཀུན་ཁྱབ། །ཉི་ཟླ་ནོར་བུའི་སྒྲོན་མེའི་སྣང་གསལ་དང་། །དྲི་ཞིམ་བཟང་པོའི་ཆབ་ཀྱི་སྦུ་ཕྲེང་གཡོ། །རོ་བརྒྱ་ལྡན་པའི་ཞལ་ཟས་སྣ་ཚོགས་དང་། །དབྱངས་བདུན་སྙན་འགྱུར་རྫོགས་པའི་རོལ་མོར་བཅས། །བླ་མ་ཡི་དམ་སངས་རྒྱས་བྱང་སེམས་དང་། །དཀྱིལ་འཁོར་ལྷ་ཚོགས་འཁོར་དང་བཅས་ལ་འབུལ། །མཆོག་ཏུ་དགེས་པའི་སེམས་ཀྱིས་བཞེས་ནས་ཀྱང་། །བདེ་ཆེན་མཆོག་གི་དངོས་གྲུབ་རྩལ་དུ་གསོལ། །ཨོཾ་བྷ་ག་ཝཱན་མ་ཧཱ་ཀ་རུ་ཎི་ཀ་ཧེ་བཛྲ་ས་པཱ་རི་ཝཱ་ར་སོགས་རེ་རེ་བཞིན་སྦྱར་བའི་ཆུ་བཞི་དང་ཉེར་སྤྱོད་རོལ་མོ་དང་བཅས་པ་དབུལ། ཧཱུྃ་ཨྃ་གྃ་ཙྃ་བྃ་གྷྃ་པྃ་ཤྃ་ལྃ་ཌྃ་ཨོཾ་ཨཱཿཧཱུྃ། ཀྱེ་རྡོ་རྗེའི་ལྷ་དགུའི་ཞལ་དུ་མཆོད་པ་དམ་པ་འབུལ་ལོ། །རྡོར་དྲིལ་འཛིན་བཞིན། དཀར་མོ་རི་དྭགས་སོགས་དང་། ཁྱོད་ནི་རྣལ་འབྱོར་མ་ཚོགས་སོགས་དང་། མི་བསྐྱོད་རྡོ་རྗེ༴སོགས་ནས། སྣ་ཚོགས་མཁའ་འགྲོ་ཕྱག་འཚལ་བསྟོད། །ཅེས་པའི་བར་བྱའོ། །རྩ་བརྒྱུད་བླ་མ་ཡི་དམ་དཀྱིལ་འཁོར་སྟེ། །མཁའ་འགྲོ་ཆོས་སྐྱོང་སྲུང་མའི་ཚོགས་རྣམས་དང་། །གཞན་ཡང་ཡེ་ཤེས་གཅིག་གི་རྣམ་རོལ་ལ། །མཆོག་དང་དམན་པའི་རྟོགས་པ་མ་དམིགས་ཕྱིར། །ཡུལ་ལྷ་གཞི་བདག་རིགས་དྲུག་ཚོགས་བཅས་ལ། །འདོད་པའི་ཡོན་ཏན་རྣམ་པ་ཐམས་ཅད་པ། །ཞལ་ཟས་ཚོགས་ཀྱི་མཆོད་པ་ཕུལ་བའི་མཐུས། །འགྲོ་ལ་ཕན་བདེ་མ་ལུས་འབྱུང་བའི་སྒོ། །རྒྱལ་བའི་བསྟན་པ་ཡུན་རིང་གནས་པ་དང་། །བསྟན་འཛིན་སྐྱེས་བུ་ཐམས་ཅད་ཞབས་བརྟན་ཅིང་། །བཤད་སྒྲུབ་ཕྲིན་ལས་འཕེལ་བར་མཛད་དུ་གསོལ། །འཇིག་རྟེན་པ་ཀུན་ཡང་དག་ལྟ་བ་ལ། །གུས་ཤིང་རྣམ་དཀར་ལས་ལ་བརྩོན་པའི་མཐུས། །སྣོད་བཅུད་ཕུན་སུམ་ཚོགས་པའི་ངོ་མཚར་གྱི། །དགེ་མཚན་ནུབ་པ་མེད་པ་མཛད་དུ་གསོལ། །གཞན་ཡང་རྣལ་འབྱོར་བདག་ཅག་འཁོར་བཅས་ལ། །གནས་སྐབས་འཇིགས་ཆེན་བརྒྱད་དང་བཅུ་དྲུག་སོགས། །དམ་ཆོས་སྒྲུབ་ལ་འཚེ་བའི་འགལ་རྐྱེན་ཀུན། །ཞི་བའི་ཕྲིན་ལས་འགྲུབ་པར་མཛད་དུ་གསོལ། །ཚེ་བསོད་དཔལ་འབྱོར་ཐོས་བསམ་ཤེས་རབ་དང་། །ཁྱད་པར་རིམ་པ་གཉིས་ཀྱི་ཏིང་ངེ་འཛིན། །གོང་ནས་གོང་དུ་འཕེལ་ཞིང་བརྟན་པ་ཡིས། །གྲུབ་གཉིས་དགའ་སྟོན་རྒྱས་པར་མཛད་དུ་གསོལ། །བརྟན་གཡོ་སྣོད་བཅུད་ཐམས་ཅད་སྐད་ཅིག་ཙམ། །དྲན་པའི་མོད་ནས་དབང་དུ་བགྱིད་ནུས་པའི། །བརྟུལ་ཞུགས་ཟླ་མེད་སྔགས་རིགས་གྲུབ་པ་ཡི། །ཕུན་ཚོགས་མཐའ་དག་འདུ་བར་མཛད་དུ་གསོལ། །ཞི་བའི་ཐབས་ཀྱིས་འདུལ་དུ་མ་འཚལ་པའི། །ནག་པོའི་རྩ་ལག་སྡེར་བཅས་དཔུང་ཚོགས་ཀུན། །དྲག་པོའི་ཕྲིན་ལས་མཆོག་གིས་ཚར་བཅད་ནས། །མིང་གི་ལྷག་མ་བགྱིད་པར་མཛད་དུ་གསོལ། །ཚེ་ཡི་མཐའ་ཡང་དཔལ་ལྡན་བླ་མ་དང་། །དབྱེར་མེད་བཅོམ་ལྡན་ཀྱེ་ཡི་རྡོ་རྗེ་ལ། །དཔའ་བོ་མཁའ་འགྲོའི་ཚོགས་ཀྱིས་མདུན་བདར་ནས། །འོག་མིན་གནས་སུ་འཁྲིད་པར་མཛད་དུ་གསོལ། །མདོར་ན་མྱུར་དུ་ཟུང་འཇུག་དབུ་མ་ཆེའི། །གོ་འཕང་མཆོག་དེ་མངོན་གསུམ་བརྙེས་པ་དང་། །དེ་མ་ཐོབ་པར་ཚེ་རབས་ཐམས་ཅད་དུ། །དོན་གཉིས་ཡིད་བཞིན་འགྲུབ་པར་མཛོད་དུ་གསོལ། །ཞེས་འདོད་པའི་དོན་ལ་གསོལ་བ་གདབ། དེ་ནས་རང་ལྷར་གསལ་བར་བསྒོམ་པའི་ཁ་ཧོམ་ཁུང་དང་། ལག་པ་གཉིས་ཧཱུྃ་ལས་རྡོ་རྗེའི་གཟར་བུ་གཉིས་དང་། ལྟེ་བར་རྃ་ལས་གཏུར་མོ་འབར་བའི་མེ་ལྕེའི་ཁྲོད་ན་འཇིག་རྟེན་པའི་ཚོགས་དང་། སྙིང་གར་བྃ་ལས་པདྨའི་སྟེང་དུ་དཀྱིལ་འཁོར་ཀྱི་ལྷ་ཚོགས་དང་རང་གི་ལུས་ཀྱི་ཕུང་ཁམས་སྐྱེ་མཆེད་རྣམས་ཀྱང་ལྷར་གསལ་བ་དང་ལྕེ་ཧཱུྃ་དུ་གྱུར་བ་བསྒོམ་ལ་རྡོ་རྗེའི་བཟླས་པ་ཅུང་ཟད་བྱ་ཞིང་ལྷའི་ང་རྒྱལ་དང་གསལ་སྣང་ཐ་མལ་གྱི་རྟོག་པ་འགྱུར་ངེས་སུ་བསྒོམ་པར་གསུངས། ཡོན་བདག་དམ་ལྡན་ཡོད་ན་དེས་ཕྱག་བྱས་ལ་ཐལ་མོ་སྦྱར་ཏེ་གསོལ་བ་བཏབ་པའམ། །དམ་ལྡན་མེད་ན་ལས་ཀྱི་རྡོ་རྗེས་བྱ་སྟེ། རྡོ་རྗེ་འཛིན་སོགས་དགོངས་སུ་གསོལ། །བདག་གིས་ཚོགས་ཀྱི་ཁྱད་པར་འདི། །དྭངས་བའི་སེམས་ཀྱིས་འབུལ་ལགས་ན། །ཅི་བདེ་བར་ནི་བཞེས་སུ་གསོལ། །ཞེས་གསོལ་བ་བཏབ་ཅིང་མེ་ཏོག་དོར། སློབ་དཔོན་གྱིས། ཨེ་མ་ཧོ་ཡེ་ཤེས་ཆེན་པོ་རྣམས། །ཚོགས་ཆེན་འབར་བས་ཉོན་མོངས་བསྲེགས། །འདི་འདྲའི་བདེ་བ་ཐོབ་འགྱུར་བ། །ཀུན་གྱིས་ཨ་ཧོ་སུ་ཁ་བརྗོད། །ཅེས་བརྗོད་པའི་རྗེས་སུ་ཐམས་ཅད་ཀྱིས། ཨ་ཧོ་སུ་ཁ་བྷ་གཱ་ནཱ་མ། །ཨ་ཧོ་པུ་པྲ་ཡཾ་ནཾ། །མ་ཧཱ་མུ་དྲཱ་པ་བྷི་ནཾ། །པྲ་བརྟ་ནྲྀ་ཏེ་ན་ནཾ། །ཏ་རནྟེ་ན་ཧཱུྃ་ཧ་རྗེ་བཙུན་གྱི་གསུང་ལ་མི་འདུག །ཧ་ཧོ་ཧོ་ཧོ། ཞེས་བརྗོད་དེ་ནས་ལས་ཀྱི་རྡོ་རྗེས་ཐམས་ཅད་ཀྱི་མདུན་དུ་ཐོད་པའམ་མ་འབྱོར་ན། ཐོད་པ་བསམ་པའི་སྣོད་ཆང་གིས་བཀང་བར་བཞག་ལ། སློབ་དཔོན་ལ་ཕྱག་དང་། པད་སྐོར་དང་། གཞན་རྣམས་ལ་པད་སྐོར་སྔོན་དུ་འགྲོ་བས་ཐོད་པ་ལག་པ་གཡས་པས་བཟུང་། གཡོན་པའི་མཐེབ་སྲིན་གྱིས་ཤ་ཅུང་ཟད་བཟུང་ལ་ཐོད་པའི་སྟེང་ནས་དགབ་སྟེ། འདིར་ནི་ཆོས་རྣམས་བཟང་པོར་ལྟོས། ཞེས་སོགས་བརྗོད། ལེན་པ་པོས་ཀྱང་། བདེ་གཤེགས་ཆོས་ནི་རིན་ཐང་མེད། །འདོད་ཆགས་དྲི་མ་རྣམ་པར་སྤངས། །གཟུང་དང་འཛིན་བ་དང་བྲལ་བ། དེ་བཞིན་ཉིད་ལ་གུས་ཕྱག་འཚལ། །ཞེས་བརྗོད་ཅིང་གཉིས་ཀས། ཨ་ཧོ་སུ་ཁ། ཞེས་བརྗོད་ལ། ལས་ཀྱི་རྡོ་རྗེས་དམ་ཚིག་མ་ཐོབ་ཀྱི་བར་དུ་ལག་ཏུ་བཟུང་། དམ་ཚིག་ཐོབ་པ་དང་སྟེགས་ཀྱི་སྟེང་དུ་བཞག །དེ་ལས་ཤ་ལ་སོགས་པའི་བཟའ་བ་རྣམས་སློབ་དཔོན་ལ་ཉིས་འགྱུར་དང་། གཞན་རྣམས་ལ་ཆེ་ཆུང་མེད་པར་རིམ་གྱིས་དྲངས། སྟོབ་པ་པོས། ཨ་ཧོ་སུ་ཁ་ཞེས་བརྗོད་ཅིང་ལག་པ་གཉིས་ཀས་སྟབས། ལེན་བ་པོས། ཨ་ཧོ་སུ་ཁ་ཞེས་བརྗོད་ཅིང་བླངས་ལ། བཟའ་བཏུང་རྣམས་སྟེགས་མེད་པར་ས་ལ་མི་བཞག །ཡོ་བྱད་ཐམས་ཅད་སྟབས་ཚར་བ་དང་རང་ལྷའི་འདུ་ཤེས་དང་རྣམ་པར་མ་འཁྲུལ་བའི་ངང་ནས་ནང་གི་སྦྱིན་སྲེགས་གསལ་བཏབ་ལ་ཚིམ་པར་བཟའ་བའོ། །དེ་ཡང་སྡོམ་བརྩོན་རྣམས་ཀྱིས་དམ་ཚིག་གི་རྫས་ཤ་ཆང་ལྕེ་ལ་རེག་ཙམ་དང་། གཞན་རྣམས་ཤ་ལྔ་བདུད་རྩི་ལྔར་མོས་པ་བྱ་བ་དང་། རྣལ་འབྱོར་པ་རྣམས་ཀྱིས་ཀྱང་དམ་ཚིག་གིས་རྫས་ལ་རན་པར་ལོངས་སྤྱོད་པ་ལས་སྲེད་པའི་དབང་གིས་ཆང་མ་མྱོས་ཀྱི་བར་དུ་བཏུང་བ་དང་། ཧ་ཅང་འགྲང་བར་ལོངས་སྤྱོད་པ་ནི་དགག་བྱ་ཡིན་ལ། བསད་ཤ་སོགས་ལ་ལོངས་སྤྱོད་པ་ནི་གཏན་དུ་བཀག་གོ། ལྔ་པ་ཕྱི་ནང་གི་མཁའ་འགྲོ་མ་རྣམས་གླུ་གར་གྱི་ཚིམ་པ་ནི་ཡེ་ཤེས་ཀྱི་མཁའ་འགྲོ་མ་བསྡུ་བ་དང་། དེ་བཞིན་གཤེགས་པའི་དཀྱིལ་འཁོར་གྱི་དམིགས་པ་བརྟན་པ་དང་། བདག་དང་ཚོགས་པ་རྣམས་སྲུང་བར་བྱ་བའི་དོན་དུ་རྣལ་འབྱོར་དཔའ་བོ་དང་དཔའ་མོ་ལྷའི་ང་རྒྱལ་གྱིས་རྡོ་རྗེའི་གླུ་གར་རྒྱས་པར་བྱ་བའམ། མ་གྲུབ་ན་སྔར་གྱི། ཨ་ཧོ་སུ་ཁ་སོགས་རྐང་པ་བཞི་པ་ལ། གླུ་གར་བྱ་བ་ནི་སྐུའི་འཁོར་ལོའོ། །འདི་ཡང་མ་ཤེས་ན་འོག་ནས་རྡོར་གླུ་བྱས་པས་ཀྱང་མཐུས་པར་སེམས་ཏེ་རྗེ་བཙུན་གྱི་ཁ་ཟས་ཀྱིས་ཚིམ་བའི་རྗེས་ལ་ལྷག་མ་ཅུང་ཟད་པོར་ལ་གླུ་གར་གྱིས་ཚིམ་པའི་དོན་དུ་ཀོལླ་སོགས་ཅི་ཤེས་དང་། ཞེས་གསུངས་སོ། །ཆོས་བཤད་པ་ནི། སྐབས་འདིར་ཡོན་བདག་ཚོགས་བསགས་པའི་ཕྱིར། སློབ་དཔོན་དེ་ཁོ་ན་ཉིད་ཀྱི་དོན་ལ་ཅུང་ཟད་མཉམ་པར་བཞག་ནས། དོན་ཐབས་ཤེས་རབ་དང་ལྡན་པའི་ཆོས་ཟབ་མོ་བཤད་པར་གསུངས་བ་ལས། དཔལ་རྡོ་རྗེ་གུར་གྱི་རྒྱུད་ལས། དེ་བཞིན་གཤེགས་པའི་རིགས་ལྔ་ཡབ་ཡུམ་གྱིས། བྱང་ཆུབ་ཀྱི་སེམས་བཀའ་སྩལ་བ་འདི་ལྟར་གདའ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས། བྱང་ཆུབ་སེམས་དཔའ་ཆེན་པོ་རྡོ་རྗེ་ས་བོན་གྱི་ཐིག་ལེ་ཐོས་ནས། སེམས་གསལ་བ་སྒྲུབ་པ་ཉེ་བར་གྱུར་ནས་ཚིག་འདི་དག་གསུངས་པ། སེམས་པ་མེད་ཅིང་བསྒོམ་པ་མེད། །སྔགས་མེད་ལྷ་ཡང་མེད་པ་སྟེ། །སེམས་ཀྱི་རྡོ་རྗེ་ལས་བྱུང་བ། །འདི་ནི་བྱང་ཆུབ་རིམ་བསྟན་པའོ། །བཅོམ་ལྡན་འདས་འཁོར་ལོའི་དམ་ཚིག་གིས་དེ་སྐད་ཅེས་བཀའ་སྩལ་ཏོ། །སྔགས་མེད་བཟླས་པའང་ཡོད་མ་ཡིན། །འཁོར་བ་གསུམ་པོ་ཐམས་ཅད་མེད། །ཆོས་ཀྱི་དབྱིངས་ཀྱིས་རང་བཞིན་གྱིས། །བསྒོམ་པ་དང་ནི་བསྒོམ་པ་མེད། །བཅོམ་ལྡན་འདས་རིན་པོ་ཆེའི་དམ་ཚིག་གིས་དེ་སྐད་ཅེས་བཀའ་སྩལ་ཏོ། །ཀུན་རྫོབ་འཇིག་རྟེན་པ་ཡང་ཡོད། །དཔྱད་ན་གོང་དུ་འཇིག་རྟེན་པ། །རྟག་ཏུ་འཇིག་རྟེན་པ་ཉིད་འཁོར། །འདི་ནི་བྱང་ཆུབ་རིམ་བསྟན་པའོ། །བཅོམ་ལྡན་འདས་པདྨའི་དམ་ཚིག་གིས་དེ་སྐད་ཅེས་བཀའ་སྩལ་ཏོ། །མ་སྐྱེས་པ་དང་མི་དམིགས་པ། །མི་ཕྱེད་ནམ་མཁའ་ལྟ་བུ་སྟེ། །ཟབ་ཅིང་ཞི་བའི་རང་བཞིན་ནི། །འདི་ནི་བྱང་ཆུབ་རིམ་བསྟན་པའོ། །བཅོམ་ལྡན་འདས་རལ་གྲིའི་དམ་ཚིག་གིས་དེ་སྐད་ཅེས་བཀའ་སྩལ་ཏོ། །སྒྱུ་མ་ཇི་ལྟར་མེ་ལོང་ལྟར། །ནམ་མཁའ་ཇི་ལྟར་བདེ་ཇི་ལྟར། །ཇི་ལྟར་དངོས་པོ་ཡོངས་ཤེས་པ། །འདི་ནི་བྱང་ཆུབ་རིམ་བསྟན་པའོ། །བཅོམ་ལྡན་འདས་མཁའ་འགྲོ་མ་བདག་མས་དེ་སྐད་ཅེས་བཀའ་སྩལ་ཏོ། །སྟོང་ཉིད་དྲི་མེད་དམ་པའི་གནས། །རྨི་ལམ་སྒྱུ་མའི་རང་བཞིན་ཉིད། །ཇི་སྲིད་མ་ཞིག་བར་དུ་ནི། །སེམས་ཀྱི་རང་བཞིན་བསྒོམ་པར་གྱིས། །མཱ་མ་ཀཱའི་འོ། །སྲིད་མེད་མྱ་ངན་འདས་པ་འང་མེད། །འདི་ནི་བདེ་ཆེན་རྡོ་རྗེ་སྟེ། །གང་ཞིག་ཡིད་ཀྱི་བསྒོམ་པ་བསྒོམ། །སྤྱན་གྱིའོ། །སྔགས་དང་ཡི་གེ་རྣམ་པ་སྤངས། །དེ་ནི་སེམས་མེད་ཐིག་ལེ་མེད། །འདི་དེ་དམ་པའི་བདེ་ཆེན་ཏེ། །བྲི་བ་མེད་ཅིང་གང་བ་མེད། །གོས་དཀར་མོ་ཡིའོ། །གཟུགས་བརྙན་རང་བཞིན་ཇི་ལྟ་བར། །དེ་ལྟར་དངོས་པོ་བསྒོམ་བར་བྱ། །སྟོང་ཉིད་དྲི་མེད་མཆོག་གི་གནས། །དེར་ནི་བསོད་ནམས་སྡིག་པ་མེད། །སྒྲོལ་མའི་འོ། །ཇི་ལྟར་ཆུ་ནང་ཟླ་བ་དེ། །བདེན་མེད་རྫུན་པ་མེད་པ་སྟེ། །དེ་ལྟར་དཀྱིལ་འཁོར་འཁོར་ལོ་ནི། །ལུས་གྱི་རང་བཞིན་རྙོགས་པ་མེད། །འཁོར་ཐམས་ཅད་ཀྱིས་དེ་སྐད་ཅེས་བཀའ་སྩལ་ཏོ། །ཞེས་གསུངས་པ་རྣམས་ཀྱི་དོན་ལ་ཐུགས་མཉམ་པར་འཇོག་པར་ཞུ། ཅེས་དང་ལོངས་སྐབས་དང་ཚོགས་པ་མང་དུ་ཡོད་ན་རྩ་རྒྱུད་བརྟག་གཉིས་ཚར་གཅིག་གསུངས་ན་རྒྱུད་མཆོད་ཤིན་ཏུ་ལེགས་པས་དེ་ལྟར་ན་གང་དུ་མཉམ་པར་མཇོག་པ་དང་མཚམས་སུ། རིག་བ་འཛིན་པ་སོ་སོ་ནས་ཀྱང་རྒྱུད་ཀྱི་ཚིག་ཟབ་མོ་རེ་གསུངས་པར་ཞུ། ཞེས་བརྡའ་སྤྲོད་ནས་ཐམས་ཅད་ལ་བཀྲམ་པའམ་ལྷན་གཅིག་ཏུ་ཚར་གཅིག་བཏོན་པ་གང་བབ་བྱའོ། །དེ་ནི་གསུང་གི་འཁོར་ལོའོ། །དྲུག་པ་ལུས་ཀྱི་དཀྱིལ་འཁོར་ལྷན་ཅིག་སྐྱེས་པའི་ཡེ་ཤེས་ཀྱིས་ཚིམ་པ་ནི། རྣལ་འབྱོར་པར་བ་རྣམས་ཀུན་ཏུ་རྒྱུའི་སྤྱོད་པ་ལ་བརྟེན་ནས་བདེ་སྟོང་གཉིས་མེད་ཀྱི་ཡེ་ཤེས་སྐྱེ་བའི་ངང་ལ་མཉམ་པར་བཞག་པའམ། རླུང་སོགས་ཀྱི་ནུས་པ་དམན་པའམ་རབ་བྱུང་རྣམས་ཀྱིས་ནི་མར་གྱི་ཉིང་ཁུ་དང་མ་ད་ན་བསྲེས་པ་སྙིང་གར་བྱུགས་ལ་ལག་པས་ཅུང་ཟད་མཉེས་ཏེ། རང་ཉིད་དཀྱིལ་འཁོར་གྱི་གཙོ་བོ་ཡབ་ཡུམ་དུ་བསྒོམ་པ་སྙོམས་པར་ཞུགས་པ་དང་སྤྱི་བོར་བླ་མ་སྣང་བ་ཐམས་ཅད་དེ་བཞིན་གཤེགས་པའི་དཀྱིལ་འཁོར་དུ་དྲན་པར་བྱ་ཞིང་བདེ་སྟོང་གི་ཏིང་ངེ་འཛིན་རྒྱུད་ལ་སྐྱེས་པར་བསམ་པ་ནི་ཐུགས་ཀྱི་འཁོར་ལོ་སྟེ་ཀུན་ཏུ་རྒྱུས་སྤྱོད་པ་དེ་མེད་ན་ནི་དཔའ་བོའི་སྟོན་མོ་ཞེས་བྱའོ། །དེ་དང་ལྡན་པ་ནི་ཚོགས་འཁོར་ཞེས་བྱའོ། །ཞེས་རྗེ་བཙུན་རིན་པོ་ཆེས་གསུངས་སོ། །དངོས་གཞི་ཚིམ་པ་དྲུག་བསྟན་ཟིན་ཏོ། །མཐར་དེའི་སྨོན་ལམ་རྗེ་མཁྱེན་རྩེའི་ཞབས་ཀྱི་མཛད་པ་ནི། ཏིང་ངེ་འཛིན་གྱི་སྤྲུལ་པའི་དཀྱིལ་འཁོར་ལྷ། །ཕྱི་ནང་མཆོད་པའི་སྤྲིན་གྱི་ཕུང་པོ་ཡིས། །ཟག་མེད་བདེ་ཆེན་ངང་དུ་ཚིམ་པའི་མཐུས། །བསོད་ནམས་ཡེ་ཤེས་ཚོགས་གཉིས་རྫོགས་པར་ཤོག །སྙིང་དབུས་པདྨོ་གེ་སར་བཞད་པའི་རྩེར། །རང་སེམས་བླ་མ་ཡི་དམ་དབྱེར་མེད་པ། །ཡེ་ཤེས་བདུད་རྩིས་ཚིམ་པའི་བྱིན་རླབས་ཀྱིས། །གཉིས་འཛིན་འཁྲུལ་བའི་ཀུན་རྟོག་འཆིང་གྱུར་ཅིག །ཆོས་སྐྱོང་འབྱུང་པོའི་ཚོགས་རྣམས་ཇི་སྙེད་པ། །རྣམ་མང་འདོད་ཡོན་རྒྱ་མཚོ་འཇོ་བའི་དཔྱིད། །བཟའ་བཅའ་བཏུང་བའི་གཏོར་མས་ཚིམ་པ་ལས། །བར་ཆད་ཀུན་སེལ་ཕྲིན་ལས་འགྲུབ་པར་ཤོག །སྨིན་བྱེད་དབང་ཐོབ་སྡོམ་གསུམ་ལ་གནས་པའི། །རྣལ་འབྱོར་པ་རྣམས་ཁྱད་པར་བཟའ་བ་ཡིས། །དམ་ཚིག་ཚོགས་ཀྱི་འཁོར་ལོས་ཚིམ་པ་དང་། །ཏིང་འཛིན་ཟས་ལ་རྟག་ཏུ་སྤྱོད་གྱུར་ཅིག །སྐྱེ་མཆེད་ལྷ་རྣམས་རྡོ་རྗེའི་གླུ་གར་དང་། །བདེ་སྟོང་རོལ་མོའི་སྒྲ་ཡིས་ཉེར་ཚིམ་ནས། །གང་ཤར་སྣང་བ་ལྷ་དང་ཡེ་ཤེས་ཀྱིས། །དག་པའི་སྣང་བ་གཅིག་ཏུ་འཆར་བར་ཤོག །དངོས་ཀུན་བདེ་ཆེན་ལྷན་ཅིག་སྐྱེས་པ་ཡི། །ཡེ་ཤེས་མཆོག་གི་རྟག་ཏུ་ཚིམ་པ་ལས། །འཁོར་འདས་དབྱེར་མི་ཕྱེད་པའི་ཐིག་ལེ་རུ། །ཕྱག་རྒྱ་ཆེན་པོའི་དངོས་གྲུབ་བརྙེས་གྱུར་ཅིག །མདོར་ན་ཕྱི་ནང་དཀྱིལ་འཁོར་འཁོར་ལོ་ཀུན། །ཟག་མེད་ཚོགས་ཀྱི་འདུ་བས་མཉེས་པའི་མཐུས། །འཇིག་རྟེན་འཇིག་རྟེན་འདས་པའི་དགེ་ལེགས་ཀྱི། །བཀྲ་ཤིས་སྣང་བས་ས་གསུམ་ཁྱབ་པར་ཤོག །གསུམ་པ་རྗེས་ཀྱི་བྱ་བ་ལ། ཕྱི་རོལ་གྱི་འབྱུང་པོ་ལ། ཕྲིན་ལས་གཞོལ་ཕྱིར་ལྷག་མ་བསྔོ་བ། ཡེ་ཤེས་ཀྱི་མཁའ་འགྲོ་མ་བསྡུས་ཏེ་རྡོར་གླུ་བཀྲ་ཤིས་བྱ་བ། མདུན་བསྐྱེད་ཀྱི་དཀྱིལ་འཁོར་པ་ལ་མཆོད་བསྟོད་དང་ཆོས་སྐྱོང་ལ་གཏོར་མ་བཏང་བ། དངོས་གྲུབ་ཞུ་ཞིང་ལྷག་ཆད་ཁ་སྐོང་དང་བརྟན་བཞུགས་གཤེགས་གསོལ་བྱ་བ། བདག་ཉིད་ཀྱི་སྐྱེ་མཆེད་བྱིན་གྱིས་བརླབ་བ་དང་། སྲུང་བ་བྱས་ཏེ་བསགས་པ་འབྲས་བུ་ལྡན་པར་བྱ་བའི་ཕྱིར་སྨོན་ལམ་གདབ་པ། ཤིས་བརྗོད་རྒྱས་བར་སྤེལ་ཏེ་ལས་ཀྱི་རྗེས་མི་མངོན་པར་བྱ་བ་དང་དྲུག་ལས། དང་པོ་ཕྱི་རོལ་གྱི་འབྱུང་པོ་ལ་ཕྲིན་ལས་གཞོལ་ཞིང་ལྷག་མ་བསྔོ་བ་ནི། ལྷག་མ་གཙོ་བོའི་དྲུང་དུ་བཞག་ལ་ཕྱག་བྱས་ཏེ། ལྷག་མའི་གཏོར་མ་བྱིན་རླབས་མཛད་པར་ཞུ། ཞེས་བརྗོད་སློབ་དཔོན་གྱིས་བདུད་རྩི་ཅུང་ཟད་ཁར་བཏུང་སྟེ་འབར་བའི་ཕྱག་རྒྱ་བཅས་བྷྲཱུྃ་དང་། ཕེཾ་གང་རང་བརྗོད་པ་བསྟུན་ལ་ལྷག་གཏོར་ལ་ཁ་འཕྲུ་བཏབ། དཀྱིལ་འཁོར་གྱི་ཕུད་ནས་ལྷག་མ་ཅུང་ཟད་བསྲེ། ཆུ་ཆང་གིས་བྲན་ལ། ཨོཾ་ཨཱཿཧཱུྃ། ལྷག་མའི་གཏོར་མ་ཞལ་ཟས་བདུད་རྩིའི་སྤྲིན། །འདོད་པའི་ཡོན་ཏན་རྣམ་པ་ཐམས་ཅད་པ། །ཟག་པ་མེད་པ་ནམ་མཁའི་མཛོད་ལྟ་བུ། དཔག་ཡས་སྲིད་ཞིའི་ཁམས་ཀུན་ཁྱབ་པར་གྱུར། །ཨོཾ་ཨཱཿཧཱུྃ་གསུམ་གྱིས་བརླབ། ཨ་ཀཱ་རོའི་སྔགས་ཀྱིས་བསྔོས་བའམ། ཨུཙྪིཥྚ་བ་ལིང་ཏ་བྷཀྵ་སཱི་སྭཱ་ཧཱ། ལན་གསུམ་མམ་བདུན་གྱིས་བསྔོས་ལ་སེ་གོལ་བརྡབ། རྡོ་རྗེའི་ཐུགས་ཀར་དང་། དྲིལ་བུ་ཆིག་བརྡུང་བྱ་ཞིང་། ལྷ་ཡི་ཚོགས་རྣམས་མ་ལུས་དང་། སོགས་ནས། ཡིད་ལ་འདོད་པ་ཀུན་འགྲུབ་ཤོག །ཅེས་དང་། ལྷག་མ་ལ་དབང་བའི་འབྱུང་པོ་ནམ་མཁའ་དང་མཉམ་པ་རྣམས་ཚིམ་པར་གྱུར་ལ་བྱང་ཆུབ་ལ་མཆིས་ཀྱི་བར་དུ་བར་ཆད་ཞི་བར་མཛོད་ཅིག །ཅེས་བརྗོད་ལ། ཐོད་པ་ལྟག་སྤྲོད་ཀྱི་ཌཱ་མ་རུ་གཡས་གཡོན་བསྐོར་ཞིང་། ཕྲེཾ་ཧཱུྃ་གི་སྒྲ་དང་ལྡན་བར་དཀྲོལ། མཚན་མོ་ཡིན་ན་མེ་སྒྲོན་དང་བཅས་ཏེ་ལམ་གྱི་གཞི་མདོ་འམ། ཐག་རིང་བར་བསྐྱལ་ལོ། །གཉིས་པ་ཡེ་ཤེས་ཀྱི་མཁའ་འགྲོ་མ་བསྡུས་ཏེ་རྡོ་གླུ་བཀྲ་ཤིས་བྱ་བ་ནི། རྡོ་རྗེ་འཛིན་ཞིང་དྲིལ་བུ་ལྡིང་ཁུགས་སུ་དཀྲོལ་ཞིང་། ཀོ་ལ་ཨེ་ར་ཥྚི་སོགས་རྡོར་གླུ་དང་བཀྲ་ཤིས་སྨོན་ལམ་སྒྲུབས་ཐབས་ལྟར་ལ། བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བ་ཤོག །ཅེས་པའི་མཚམས་སུ། རྡོ་རྗེ་འཛིན་སོགས་ཕྱག་འཚལ་ལོ། །ཁྱོད་ལ་རབ་ཏུ་དྭངས་བ་ཡིས། །མཆོད་པའི་ཚོགས་ནི་རབ་ཕུལ་བས། །བདག་དང་མཐའ་ཡས་སེམས་ཅན་ཀུན། །འཁོར་བའི་སྡུག་བསྔལ་སྤང་ནས་ནི། །བདེ་མཆོག་རྡོ་རྗེ་འཛིན་རྒྱལ་ཤོག །སེམས་ཅན་ཐམས་ཅད་བདེ་གྱུར་ཅིག །ཅེས་སོགས་དཀྱུས་བཞིན་ནོ། །གསུམ་པ་མདུན་བསྐྱེད་ཀྱི་དཀྱིལ་འཁོར་བ་ལ་མཆོད་བསྟོད་བྱ་སྟེ་མཆོད་པ་བྱིན་རླབས་དང་ཕྱི་ནང་ཡིད་བྱུང་གི་མཆོད་པ་བསྟོད་བ་རྣམས་དབང་ཆུའི་རྗེས་རིམ་ལྟར་བྱ། །དེ་ནས་ཆོས་སྐྱོང་ལ་གཏོར་མ་སྟབས་པ་ནི། འདས་གཏོར་སྲུང་མའི་དོན་དུ་བཞག །གཞན་རྣམས་གྲིབ་གནོན་གྱི་གདོན་སྲུང་ཕྱིར་དཔལ་འབར་དང་བཅས་ཕྱི་རོལ་དུ་ཁྱེར་ཏེ་སྤྱི་སྟབས་དང་། སྲིད་ཞི་དཔལ་འབྱོར་མའི་ཕྲིན་བཅོལ་བྱ། སྒྲུབ་མཆོད་ཆེན་པོའི་སྐབས་སོགས་ལ་བཀྲ་ཤིས་རྗེས་སྤྱི་སྟབས་མཛད་ཀྱང་འདིར་བྱས་པས་རུང་བར་སེམས་སོ། །བཞི་པ་དངོས་གྲུབ་ཞུ་ཞིང་ལྷག་ཆད་ཁ་སྐོང་བ་དང་བརྟན་བཞུགས་གཤེགས་གསོལ་བྱ་བ་ནི། བདག་དང་སེམས་ཅན་ཐམས་ཅད་ལ་ཕྱག་རྒྱ་ཆེན་པོ་མཆོག་གི་དངོས་གྲུབ་དང་། གནས་སྐབས་སུ་བྱང་ཆུབ་ཀྱི་སེམས་གཉིས་དང་། རིམ་པ་གཉིས་ཀྱི་མངོན་པར་རྟོགས་པའི་ཡོན་ཏན་མ་ལུས་པའི་དངོས་གྲུབ་རྩལ་དུ་གསོལ། ཞེས་དངོས་གྲུབ་བླང་། ཡིག་བརྒྱ་ལན་གསུམ་གྱི་རྗེས་སུ། མ་འབྱོར་པ་དང་སོགས་ཀྱི་མཐར། ཁྱེད་ཀྱིས་སེམས་ཅན་གྱི་ཁམས་ལ་རྗེས་སུ་བརྩེ་བས་བཀའ་སྩལ་ཞིང་། དཀྱིལ་འཁོར་གྱི་བྱིན་གྱིས་བརླབས་ཏེ་སེམས་ཅན་གྱི་དོན་མཛད་ན་སོ་སོའི་སྐྱེ་བོ་རྣལ་འབྱོར་ལ་དབང་མ་ཐོབ་པ་རྣམས་བརྗེད་ངེས་པས་ཡོ་བྱད་མ་ཚང་པ་ལ་སོགས་བཉེས་པ་གང་ཅུང་ཟད་བགྱིས་པ་དེ་དག་བཟོད་པར་མཛད་དུ་གསོལ། ཞེས་ནོངས་བ་བཟོད་པར་གསོལ། རྟེན་ཡོད་ན། ཕྱོགས་བཅུ་ན་སོགས་ཀྱིས་བརྟན་བཞུགས་བྱ། །ཚོམ་བུའི་དཀྱིལ་འཁོར་དང་། རྟེན་མེད་པའི་གཏོར་མགྲོན་གྱི་ཡེ་ཤེས་པ་རྣམས། ཨོཾ། ཁྱེད་ཀྱི་སོགས་ནས། ཨོཾ་ཨཱཿཧཱུྃ་བཛྲལམ་དུས་བྱ་བྲལ་མར་འདུགམུཿ། ཞེས་པས། ཡེ་ཤེས་པ་རྣམས་གཤེགས། དམ་ཚིག་པ་རྣམས་ཛཿཧཱུྃ་བྃ་ཧོཿརང་ལ་གཉིས་སུ་མེད་པར་ཐིམ། ལྔ་པ་སྐྱེ་མཆེད་བྱིན་རླབས་དང་། སྲུང་བ་བྱས་ཏེ་སྨོན་ལམ་གདབ་པ་ནི། རང་གི་མིག་ཏུ་གཏི་མུག་རྡོ་རྗེ་མ་སོགས་སྐྱེ་མཆེད་སྐུ་གསུང་ཐུགས་བྱིན་གྱིས་བརླབས་ནས་སྲུང་བ་བྱ་བ་རྣམས་སྒྲུབ་ཐབས་ནས་འབྱུང་བ་ལྟར་རོ། །དྲུག་པ་ཤིས་བརྗོད་རྒྱས་བར་སྤེལ་ཏེ་ལས་ཀྱི་རྗེས་མི་མངོན་པར་བྱ་བ་ནི་སློབ་མ་དང་སྦྱིན་བདག་རྣམས་ཀྱི་གསེར་ལ་སོགས་པའི་ཡོན་དབུལ་ལ་སློབ་དཔོན་གྱིས། བསོད་ནམས་མཐར་ཐུག་ཚོགས་ཀྱི་འཁོར་ལོ་བསྐོར་བའི་དགེ་བའི་རྩ་བ་འདིས་གཙོ་བྱས་དུས་གསུམ་དུ་བསགས་པའི་དགེ་བའི་རྩ་བ་རྣམས་ལ་བརྟེན་ནས། སེམས་ཅན་ཐམས་ཅད་རྡོ་རྗེ་འཆང་ཆེན་པོའི་གོ་འཕང་ཐོབ་པར་གྱུར་ཅིག་སྙམ་པ་གྱིས་ཞེས་བརྗོད་ལ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། ཡི་དམ་དཀྱིལ་འཁོར་གྱི་འཁོར་ལོའི་ལྷ་ཚོགས་དཔའ་བོ་དང་རྣལ་འབྱོར་མའི་ཚོགས་ཐམས་ཅད་བདག་ལ་དགོངས་སུ་གསོལ། །ཚོགས་པ་ཐམས་ཅད་ཀྱི་མཐུན་འགྱུར་བྱ། དཔོན་སློབ་ཐུན་མོང་དུ། དགེ་བ་འདི་ཡི་ནམ་མཁའི་མཐའ་ཀླས་པའི། སོགས་ནས། བསྟན་ལ་བྱ་བ་བྱེད་པར་ཤོག་ཅེས་དང་། རྩ་རྒྱུད་ཕྱི་མའི་བརྒྱད་པར་གསུངས་པའི་སྨོན་ལམ་དབང་བཞི་དང་སྦྱར་བ། ཞལ་བརྒྱད་བཅུ་དྲུག་ཕྱག་ཅན་རིགས་སུ་སྐྱེ། །རྩ་བ་ཡན་ལག་སྲུང་བའི་དམ་ཚིག་ཅན། །ཐ་མལ་རྣམ་པར་རྟོག་པས་སྨྱོ་མེད་བ། །སྐྱེ་ཞིང་སྐྱེ་བ་ཀུན་ཏུ་འགྱུར་བར་ཤོག །ཀྱཻ་ཡི་རྡོ་རྗེ་ངོ་བོ་ཉིད་གསུམ་སྟོན། །བུམ་དབང་བསྐུར་བའི་བླ་མ་ལ་གུས་ཤིང་། །སེམས་ཅན་ཀུན་ལ་སྙིང་རྗེ་དང་ལྡན་པ། །སྐྱེ་ཞིང་སྐྱེ་བ་ཀུན་ཏུ་འགྱུར་བར་ཤོག །རྡོ་རྗེ་དྲིལ་བུ་འཛིན་དང་མི་འབྲལ་ཞིང་། །ཟབ་མོའི་རྒྱུད་རྒྱལ་ཆོས་ནི་ཀློག་པ་དང་། །བཙུན་མོའི་ཁུ་བ་བདུད་རྩི་ལྔ་ལ་སྤྱོད། །སྐྱེ་ཞིང་སྐྱེ་བ་ཀུན་ཏུ་འགྱུར་བར་ཤོག །རྩ་ཡིག་སྐྱོན་མེད་གསང་དབང་རིགས་སུ་སྐྱེ། །ཐུན་ཆག་རྣམ་རྟོག་ལས་སྲུང་དམ་ཚིག་ཅན། །བསམ་གཏན་སྒྲིབ་པ་ཀུན་གྱི་སྨྱོ་མེད་པ། །སྐྱེ་ཞིང་སྐྱེ་བ་ཀུན་ཏུ་འགྱུར་བར་ཤོག །ཀྱཻ་ཡི་རྡོ་རྗེ་རང་བྱུང་ཡེ་ཤེས་སྟོན། །གསང་དབང་བསྐུར་བའི་བླ་མ་ལ་གུས་ཤིང་། །སེམས་ཅན་ཀུན་ལ་སྙིང་རྗེ་དང་ལྡན་པ། །སྐྱེ་ཞིང་སྐྱེ་བ་ཀུན་ཏུ་འགྱུར་བར་ཤོག །རྡོ་རྗེ་དྲིལ་བུ་རོ་རྐྱང་དབུ་མར་འཛུག །ཟབ་མོའི་དྲིལ་ཆེན་སྒྲ་འཛིན་སྒྲོགས་པ་དང་། །བཙུན་མོའི་ཁུ་བ་ཁམས་དགུ་འདུས་པ་ཅན། །སྐྱེ་ཞིང་སྐྱེ་བ་ཀུན་ཏུ༴ །བདུད་རྩི་སྐྱོན་མེད་གསུམ་པའི་རིགས་སུ་སྐྱེ། །ཐིག་ལེ་གནོད་པ་རྣམས་སྤངས་དམ་ཚིག་ཅན། །གསུམ་པའི་ཉམས་དང་མ་བྲལ་སྨྱོ་མེད་པར། །སྐྱེ་ཞིང་སྐྱེ་བ་ཀུན་ཏུ༴ །ཀྱཻ་ཡི་རྡོ་རྗེ་ལྷན་སྐྱེས་ཡེ་ཤེས་སྟོན། །གསུམ་པ་དབང་བའི་བླ་མ་ལ་གུས་ཤིང་། །སེམས་ཅན་ཀུན་ལ་སྙིང་རྗེ་དང་ལྡན་པ། །སྐྱེ་ཞིང་སྐྱེ་བ་ཀུན་ཏུ༴ །རྡོ་རྗེ་དྲིལ་བུ་མཁའ་གསང་མཉམ་པར་སྦྱོར། །ཟབ་མོ་བདེ་བའི་ཉམས་དང་མི་འབྲལ་ཞིང་། །བཙུན་མོ་ཕྱག་རྒྱ་བསྟན་དང་མི་འབྲལ་བ། །སྐྱེ་ཞིང་སྐྱེ་བ༴ །སྙིང་པོ་སྐྱོན་མེད་བཞི་པའི་རིགས་སུ་སྐྱེ། །ཐིག་ལེ་འཛགས་པ་བསྲུང་བའི་དམ་ཚིག་ཅན། །སྒྲིབ་པ་གསུམ་དང་བྲལ་བས་སྨྱོ་མེད་པ། །སྐྱེ་ཞིང་སྐྱེ་བ༴ཀྱཻ་ཡི་རྡོ་རྗེ་ཤིན་ཏུ་རྣམ་དག་སྟོན། །བཞི་པ་བསྐུར་བའི་བླ་མ་ལ་གུས་པ། །སེམས་ཅན་ཀུན་ལ་སྙིང་རྗེ་དང་ལྡན་པ། །སྐྱེ་ཞིང་སྐྱེ་བ་ཀུན༴ །རྡོ་རྗེ་དྲིལ་བུ་པད་ཅན་མཁའ་གསང་སྦྱོར། །ཟབ་མོ་བདེ་བའི་ཉམས་དང་མི་འབྲལ་ཞིང་། །བཙུན་མོ་པདྨ་ཅན་གྱི་ཐིག་ལེ་འདྲེན། །སྐྱེ་ཞིང་སྐྱེ་བ་ཀུན་ཏུ་འགྱུར་བར་ཤོག །ཅེས་དང་། སེམས་ཅན་ཐམས་ཅད་བདེ་གྱུར་ཅིག །སོགས་ནས། དེ་ཡིས་སངས་རྒྱས་ཉིད་ཐོབ་ཤོག །ཅེས་སེམས་ཅན་གྱི་དོན་དུ་བསྔོས་ལ། སློབ་དཔོན་གྱིས་སླར་ཡང་། དགེ་བའི་རྩ་བ་འདི་དག་གི་མཐུ་དང་ནུས་པ་ལ་བསྟེན་ནས། ཕན་བདེའི་འབྱུང་གནས་རྡོ་རྗེ་ཐེག་པའི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །བསྟན་པའི་རྩ་ལག་དམ་པ་རྒྱལ་བ་རྡོ་རྗེ་འཆང་ཆེན་པོ་ལ་སོགས་པ་རྩ་བརྒྱུད་ཀྱི་བླ་མ་དམ་པ་བདེ་བར་གཤེགས་པ་རྣམས་ཀྱི་ཐུགས་ཀྱི་དགོངས་པ་ཁྱད་པར་ཅན་ཐམས་ཅད་གོང་ནས་གོང་དུ་ཡོངས་སུ་རྫོགས་པར་གྱུར་ཅིག །ད་ལྟ་ཞལ་བཞུགས་པའི་སྐྱེས་བུ་དམ་པ་རྒྱུད་སྡེ་བཞི་ལ་ཀློག་པ་ཐོས་བསམ་གྱི་འཁོར་ལོ་མཛད་པ་རྣམས་སྐུ་ཁམས་བཟང་ཞིང་སྐུ་ཚེ་རིང་བར་གྱུར་ཅིག །རིམ་གཉིས་ཀྱི་ཏིང་ངེ་འཛིན་ལ་སྤོང་བ་བསམ་གཏན་གྱི་འཁོར་ལོ་མཛད་པའི་སྒྲུབ་པ་པོ་ཐམས་ཅད་ཀྱིས་ལྷན་གཅིག་སྐྱེས་པའི་ཡེ་ཤེས་ཀྱི་རྟོགས་པ་གོང་ནས་གོང་དུ་འཕེལ་ཞིང་རྒྱས་པར་གྱུར་ཅིག །དེ་དག་གི་བྱིན་རླབས་དང་ནུས་མཐུ་ལ་བརྟེན་ནས། སྦྱིན་བདག་ཆེ་གེ་མོ་ཞེས་བགྱི་བ་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་ཞི་བ་དང་། ལུས་དང་ལོངས་སྤྱོད་དང་སྐལ་པ་དང་དགེ་བ་སྒྲུབ་པའི་བར་དུ་གཅོད་པ་ཐམས་ཅད་ཉེ་བར་ཞི་བར་གྱུར་ཅིག །བདག་ཅག་དཔོན་སློབ་སྦྱིན་བདག་འཁོར་དང་བཅས་པའི་རིམ་པ་གཉིས་ཀྱི་མངོན་པར་རྟོགས་པའི་ཡོན་ཏན་དང་། ཚེ་དང་། བསོད་ནམས་དང་། དཔལ་དང་། འབྱོར་པ་དང་། ལེགས་པའི་ཡོན་ཏན་ཐམས་ཅད་གོང་ནས་གོང་དུ་འཕེལ་ཞིང་རྒྱས་པར་གྱུར་ཅིག །གཞན་ཡང་ས་ཕྱོགས་འདི་ཉིད་ཀྱི་གཙོས་བྱས་པའི་འཇིག་རྟེན་གྱི་ཁམས་ཐམས་ཅད་དུ་འཁྲུགས་ལོང་དང་། རིམས་ནད་མེད་ཅིང་ལོ་ལེགས་པ་དང་བཀྲ་ཤིས་པ་ལ་སོགས་པའི་དགེ་ལེགས་ཐམས་ཅད་ཀྱིས་ཁྱབ་པར་གྱུར་ཅིག །མར་གྱུར་པའི་སེམས་ཅན་ཐམས་ཅད་ཀྱང་ཆོས་དགེ་བ་བཅུ་ལ་གནས་ཤིང་རྡོ་རྗེ་ཐེག་པའི་སྣོད་དུ་གྱུར་ཅིག །ཅེས་པ་རྣམས་ལ་ཚོགས་པས་མཐུན་འགྱུར་དང་། ཐུན་མོང་དུ། བླ་མེད་བླ་མའི་ཐུགས་རྗེ་དང་། །སོགས་ཀྱིས་བསྔོ་བ་དང་། སྨོན་ལམ་རྒྱ་ཆེར་བྱས་ལ། ཡོན་བདག་སྤྲོ་བ་བསྐྱེད་པའི་ཕྱིར། ཨེ་མ་སེམས་ཅན་ཆེན་པོ་ཁྱོད། །དེང་ནས་སངས་རྒྱས་རྣམས་ཀྱིས་ནི། །ཁྱོད་ལ་རབ་ཏུ་དགོངས་འགྱུར་ཞིང་། །སངས་རྒྱས་ཉིད་དུ་འགྱུར་བས་ན། །འབྲས་བུ་ཆེན་པོ་མཐོང་ནས་ནི། །ཡིད་ཆེས་པ་ཡིས་བརྩོན་པར་བྱོས། །ཞེས་དང་། གསང་བར་གདམས་པ་ནི། སྔགས་ཀྱི་ཀུན་སྤྱོད་འདི་རྣམས་གཞན་ལ་སྨྲས་ན། །དམྱལ་བ་ལ་སོགས་པའི་སྡུག་བསྔལ་མཐོང་བར་འགྱུར་བས་ཁྱེད་རྣམས་ཀྱི་སུ་ལ་ཡང་སྨྲ་བར་མ་བྱེད་ཅིག །ཅེས་བརྗོད། དྲུག་པ་ཤིས་པར་བྱ་བ་ནི། ལག་གཡས་རྡོ་རྗེ་དང་བཅས་པས་མེ་ཏོག་འཐོར། གཡོན་པས་དྲིལ་བུ་བསིལ་བཞིན། མཚུངས་མེད་བླ་མ༴སོགས་དང་། དཀོན་མཆོག་གསུམ་གྱི་བཀྲ་ཤིས་ཅི་རིགས་པ་བརྗོད་ཅིང་མེ་ཏོག་གི་ཆར་དབབ། མཐར་རོལ་ཆེན་དང་བཅས་ཏེ་དགེ་ལེགས་སུ་བྱའོ། །རྫས་དམན་པ་རྣམས་ཆུ་བོར་དོར་ལ་མེ་ཏོག་གི་ཕྲེང་བ་སོགས་བསྡུས་ལ་ལས་སོགས་རྗེས་མི་མངོན་པར་བྱའོ། །རྗེས་ཀྱི་ས་བཅད་དྲུག་པོ་འདི་ཆོས་རྗེ་ས་སྐྱ་པཎྜི་ཏ་དང་ངོར་ཆེན་རྡོ་རྗེ་འཆང་གི་གསང་བ་ཀུན་རྒྱན་གཉིས་གོ་རིམ་མཐུན་པར་གསུངས་ཤིང་། ཀུན་བཟང་རྣམ་རོལ་དུ་གོ་རིམ་ཅུང་མི་འདྲ་ཡང་ད་ལྟའི་ཕྱག་ལེན་དང་ཕྱི་མ་མཐུན་ཤས་ཆེ་ཞིང་སྟབས་བདེ་བས་དེ་ལ་གཙོ་བོར་བརྟེན་ནས་ཅུང་ཟད་གོ་རིམ་འཁྲུགས་བསྡེབས་བྱས་པ་ལ་མཁས་པའི་དབང་པོ་རྣམས་ཀྱིས་དཔྱད་པར་ཞུ། དེ་རྣམས་ཚོགས་མཆོད་རྒྱས་པར་བྱ་བའི་ཚུལ་ལོ། །དེ་ལས་བསྡུ་ན་སྔོན་འགྲོ་བརྡ་དང་བརྡ་ཡི་ལེན་དང་། མཎྜལ་ཞུ་འབུལ་རྣམས་མི་དགོས། ཚོགས་ཀྱི་བྱིན་རླབས་ཚར་ནས། དམན་པའི་ཡུལ་ལས་རབ་འདས་ཤིང་། སོགས་ཤྭ་ལོ་ཀ་གཉིས་ཀྱིས་མ་ད་ནའི་ཕུད་འབུལ། ཞལ་ཟས་རོ་བརྒྱ་སོགས་ཀྱིས་མཐར་བླ་ཡི་དམ་ཆོས་སྐྱོང་གི་གཏོར་སྔགས་ལན་གསུམ་རེ་ཚོགས་ཕུད་འབུལ། དེ་ནས་དྲང་པ་བྱ་ཞིང་ལྷག་གཏོར་ལ་ཁ་ཕྲུ་དང་། འབྲུ་གསུམ་གྱི་བྱིན་རླབས་ལ་སྔགས་ལན་གསུམ་གྱིས་བསྔོ། ལྷ་ཡི་ཚོགས་དང་སོགས་བརྗོད། ཐོག་མཐའི་ཞུ་འབུལ་རྣམས་དོར། རྗེས་ཀྱི་ཆོ་ག་རྣམས་སྒྲུབ་ཐབས་དང་། དབང་ཆུ་ལྟར་བྱ་བ་ལས་ཁ་སབ་མི་དགོས། ཤིན་ཏུ་བསྡུ་ན། བདག་བསྐྱེད་བཟླས་པ་བསྡུ་བའི་རྗེས། མཆོད་པ་བྱིན་རླབས་དང་། ཕྱི་ནང་ཡིད་བྱུང་གི་མཆོད་བསྟོད་གཏོར་འབུལ་ཚོགས་མཆོད་བྱ་བ་ལས་མཎྜལ་སྒྲུབ་མཆོད་མི་དགོས་ཏེ། ཆོས་རྗེའི་ཚོགས་འཁོར་གྱི་ཆོ་ག་ལས། མདུན་བསྐྱེད་མཎྜལ་མ་བཤད་དོ། །སྟ་གོན་སྔོན་དུ་འགྲོ་བའི་སྒྲུབ་མཆོད་དང་འབྲེལ་ན་བདག་འཇུག་དང་དམ་ཚིག་གསུམ་གྱི་གླུ་བླང་བ་བདེན་པ་བསྒྲགས་པ་དང་། འདས་མ་འདས་ལ་གཏོར་མ་དབུལ་བ་རྣམས་གྲུབ་པའི་རྗེས་སུ་ཚོགས་བྱིན་རླབས་ལ་འཇུག་པས་ཆོག་པར་སེམས་སོ། །རྩ་བའི་ས་བཅད་དྲུག་པ་དེ་ལྟར་བྱས་པའི་ཕན་ཡོན་ནི། འཇིག་རྟེན་དང་། འཇིག་རྟེན་ལས་འདས་པའི་ལྷ་རྣམས་མཉེས་ནས་མཆོག་དང་ཐུན་མོང་གི་དངོས་གྲུབ་གནང་བར་འགྱུར་བ་དང་། ཡན་ལག་གི་དམ་ཚིག་ཉམས་པར་རྣམས་འདག་པ་དང་། མཁའ་འགྲོ་དང་ཆོས་སྐྱོང་གི་ཐུགས་དང་འགལ་བ་རྣམས་ཞི་ཞིང་མཉེས་པར་འགྱུར་བ་དང་། བདག་ཉིད་ཀྱི་རིམ་པ་གཉིས་ཀྱི་ཏིང་ངེ་འཛིན་བརྟན་པར་བྱེད་ཅིང་། བསོད་ནམས་དང་ཡེ་ཤེས་ཀྱི་ཚོགས་རྫོགས་པར་བྱེད་དོ། །མདོར་ན་གནས་སྐབས་སུ་བར་ཆད་ཞི་བ་དང་། བསམ་པ་འགྲུབ་པ་དང་། མཐར་ཐུག་རྫོགས་པའི་སངས་རྒྱས་ཐོབ་པའི་རྒྱུ་འགྱུར་ཏེ། བརྟག་གཉིས་ལས། གང་དུ་ཟོས་པས་འདོད་དོན་ཀུན། །སྒྲུབ་པ་ཅན་གྱི་དངོས་གྲུབ་འགྱུར། །ཞེས་དང་། ཇི་སྐད་དུ། ཚེ་རབས་ཕྱི་མར་གནས་ནི་གར་སྐྱེས་ཀྱང་། །ཡོ་བྱད་ཆུང་བ་དག་ཏུ་མི་འགྱུར་ཞིང་། །རྟག་ཏུ་ཆོས་ཀྱི་འཁོར་ལོས་བསྒྱུར་བ་དང་། །རིན་ཆེན་ནོར་དང་འབྲུ་ལ་ལོངས་སྤྱོད་ཅིང་། །རྫས་དང་ཡོ་བྱད་ལྡན་པའི་སྐྱེས་བུར་འགྱུར། །ཞེས་རྒྱུ་མཐུན་གྱི་འབྲས་བུ་ཆོས་དང་ཟང་ཟིང་གི་ལོངས་སྤྱོད་ནམ་མཁའ་མཛོད་ལ་དབང་། ཚེ་ཕྱི་མ་མ་ཟད་ཚེ་འདི་ལའང་མཐོང་ཆོས་སུ་སྨིན་པར་འགྱུར་བ་དང་། གཞན་ཡང་སྔ་འགྱུར་གྱི་རྒྱུད་རྡོ་རྗེ་དྲྭ་བ་ལས། བསོད་ནམས་ནང་ན་ཚོགས་འཁོར་མཆོག །ཚེ་འདིར་བསམ་པ་ཀུན་འགྲུབ་ཅིང་། །གེགས་དང་བར་ཆད་ཞི་བ་དང་། །ཕྱི་མ་རིག་འཛིན་རྒྱལ་བའི་ཞིང་། །ཀུན་ཏུ་བཟང་པོ་ཐོབ་པར་འགྱུར། །ཅེས་ཕན་ཡོན་མཐའ་ཡས་པར་གསུངས་སོ། །བདུན་པ་ཚོགས་འཁོར་གྱི་བསླབ་བྱ་ནི། རང་དང་ཚོགས་པ་ཐམས་ཅད་ལ་ལྷའི་འདུ་ཤེས་བཟའ་བཏུང་ཐམས་ཅད་ཡེ་ཤེས་ཀྱི་བདུད་རྩིའི་འདུ་ཤེས། ལོངས་སྤྱོད་པ་ཐམས་ཅད་ལ་ལྷ་མཆོད་པའི་འདུ་ཤེས། ཐམས་ཅད་ཀྱང་རང་བཞིན་སྟོང་པ་ཉིད་དུ་ཤེས་པ་སྟེ་འདུ་ཤེས་འདི་རྣམས་དང་མི་འབྲལ་བར་བྱས་ན། ཨཱརྱ་དེ་ཝས། ནམ་མཁའ་ལྡིང་དུ་བསྒོམས་པ་ཡི། །དུག་རྣམས་ཐམས་ཅད་ཟ་བར་བྱེད། །ཅེས་གསུངས་པ་ལྟར། འདུ་ཤེས་འདི་རྣམས་དང་ལྡན་པས་ཚོགས་ལ་ལོངས་སྤྱོད་དགོས་པ་ནི་གནད་གལ་བོ་ཆེ་ཡིན་ནོ། །ལས་དང་པོ་པས་ཚོགས་ཀྱི་སྐབས་དང་། ཡེ་ཤེས་ལ་བརྟན་པ་ཐོབ་པས་ཡུལ་ཉེར་བཞིན་རྒྱུ་བའི་དུས། བརྡའི་སྐད་ཀྱིས་མ་སྨྲས་ན། །ཡེ་ཤེས་ཀྱི་མཁའ་འགྲོས་བྱིན་གྱིས་མི་རློབས། ལས་ཀྱི་མཁའ་འགྲོས་བར་ཆད་འབྱུང་བ་གསུངས་པ། ཆང་ལ་མ་དཱ་ན། ཤ་ལ་བཱ་ལ། བཟའ་བ་ལ་ཏྲི་པི་ཏ། ཚོད་མ་ལ་མ་ཏི་ན་དྷ་ན། ཐོད་པ་ལ་པདྨ་བྷ་ཉྫན། ཅང་ཏེའུ་ལ་ཀྲི་པི་ཏ། དབང་ཐོབ་དམ་ལྡན་ལ་ཀ་ལཉྫ་ར། དེ་ལས་ལྡོག་བ་དུནྡྷུ་ར། རུས་རྒྱན་ལ་ནི་རཾ་སུ། འོང་བ་ལ་ཕྲེམ་ཁ་ན། འགྲོ་བ་ལ་ཁེ་ཏྲ་པ། སྐྱེས་པ་ལ་ཌ། བུད་མེད་ལ་ཌི། ཞེས་སོགས་དགྱེས་དྷོར་བདེ་མཆོག་ལས་གསུངས་པའི་བརྡ་རྣམས་ལ་བྱང་བ་དང་། མན་སྨྱོ་ལས། ཟས་ལ་དཔྱད་མི་གདགས་པར་མང་དུ་བཟའ། ཅི་སྙེད་བ་བཏུང་། སྣོད་སྟོང་པར་མི་བཞག །ཟས་ས་རྗེན་ལ་མི་བཞག །ཚོགས་ཀྱི་གཙོ་བོ་ལ་སྣོད་གཉིས། གཞན་ལ་རེ་རེ། བདེ་མཆོག་ལྟར་ན་ཐམས་ཅད་སྣོད་གཅིག་ཏུ་བཟའ། སྣོད་མུ་དང་ཁ་ད་ཆེད་དུ་མི་དགང་། འདྲེན་པ་དང་ལེན་པ་ཐམས་ཅད་ལག་པར་གཉིས་ཀས་དྲོང་ཞིང་། གཉིས་ཀས་བླངས། ཚོགས་ཀྱི་གཙོ་བོ་ལ་འདྲེན་པ་དང་ལེན་པ་ན་ཕྱག་བྱ། འགྲོ་ན་ཚོགས་ཀྱི་གཙོ་བོ་ལ་ཕྱག་བྱས་ཏེ་ཞུ། འོངས་པ་ན་ཕྱག་བྱ། གཞན་ཡང་བྱ་བ་ཐམས་ཅད་ཕྱག་བྱས་ཏེ་ཞུ། སྤྱོད་ལམ་གྱིས་ཤུགས་ཀྱིས་འགྲོ་དགོས་པ་བྱུང་ན་མི་དགག །བྲེལ་བ་གཞན་བྱུང་ནས་འགྲོ་དགོས་བྱུང་ན། མཁྱེན་པར་གསོལ་བཟོད་པར་གསོལ་ཏེ་འགྲོ། རྩོད་བ་བྱེད་པ་བྱུང་ན་གདོན། འདོན་མ་ནུས་ན་རང་གཞན་དུ་འགྲོ། གཙོ་བོས་བཀའ་མ་བསྒོས་པར་སྟན་ལ་མི་འདུག །གླུ་གར་དང་། རོལ་མོ་དང་དྲིས་ལ་ལན་དང་མ་ལེགས་པར་སྨྲ་བར་མི་བྱ། རྐང་པ་བརྐྱངས་ཏེ་མི་འདུག །ལུས་མ་བསྡོམས་བར་མི་འདུག་བཟའ་བཏུང་དང་། རྣལ་འབྱོར་ཕོ་མོ་ལ་ཆགས་པར་མི་བྱ། འཇིག་རྟེན་པ་དང་དགོས་པ་ངོ་ཚ་དང་། གཙང་མི་གཙང་གི་རྣམ་རྟོག་དང་། བཟང་མི་བཟང་གི་རྣམ་རྟོག་ལ་འཛིམ་པར་མི་བྱ། རྣལ་འབྱོར་ཕོ་མོ་ལ་མ་གུས་པ་དང་བསྐུར་པ་མི་གདབ། སྤྱོད་པའི་བརྟུལ་ཞུགས་ལ་སྐྲག་པར་མི་བྱ། ཟས་ལ་སྐམ་པ་དང་། ཆགས་པ་དང་། འཚག་གི་ཕྱིར་མི་བཟའ་འདུ་འཛིའི་གཏམ་དང་། ཉན་ཐོས་ཀྱི་བསླབ་བྱ་དང་། རིགས་ངན་དང་། སྨད་འཚོང་མའི་གཏམ་མི་བྱ། ཉོན་མོངས་པའི་སེམས་མི་བསྐྱེད། ལས་དང་པོ་པས་ཀྱང་དྲན་པ་ཉེ་བར་བཞག་སྟེ་སྤྱོད་པ་གང་ཡང་མ་དག་པ་མི་བྱ། ཟས་ཀྱིས་ལུས་མ་འགྲང་བ་དང་། གཏོར་མ་མ་ཐོངས་བར་ཕྱིར་མི་འགྲོ། མ་ཞུས་པ་དང་བསྔོ་བ་སྨོན་ལམ་མ་བྱས་པར་མི་ཉལ། ཡོན་བདག་གིས་ཀྱང་བཟའ་བཏུང་གིས་ཚིམ་པར་མི་འགྱུར་བའི་མགྲོན་སྤྱན་མི་དྲངས། སྤྱན་དྲངས་པ་རྣམས་ཟས་ཀྱིས་ཚིམ་པར་བྱ། ཕན་ཚུན་རྩོད་པ་དང་ཤག་མི་བྱ། ནང་དུ་ཞུགས་པ་ཐམས་ཅད་ཀྱིས་གསང་ཐུབ་པར་བྱའོ། །ཞེས་དང་། རབ་ཏུ་མྱོས་པའི་ཆང་མི་བཏུང་། རང་ཤིར་སོང་བའི་ཤ་ལས་བསད་ཤ་དམ་རྫས་ལ་མི་འཇོག །ཆགས་སྡང་གི་གཏམ་མི་བྱ། དང་པོ་བླངས་ནས་འགྲོ་བའི་བར་དུ་སྣོད་ཁ་མི་སྦུབ། སེམས་དགའ་བའི་གཏམ་དང་། ཆོས་ཀྱི་འབེལ་གཏམ་བྱ། དབང་བསྐུར་གྱི་དུས་སུ་བླ་མས་རང་དེ་བཞིན་གཤེགས་པའི་དཀྱིལ་འཁོར་དུ་སྒྲུབ། མཉམ་བཞག་གི་དུས་སུ་རང་གི་ལམ་རིམ་པ་གཉིས་ཀྱིས་དེ་བཞིན་གཤེགས་པའི་དཀྱིལ་འཁོར་དུ་བསྒོམ། རབ་གནས་ཀྱི་ལྷ་ལ་མཆོད་པའི་ཚུལ་དུ་བསྒོམ། གཏོར་མའི་མགྲོན་འབྱུང་པོ་ཐམས་ཅད་ཀྱང་སངས་རྒྱས་སུ་བསྒོམ་ལ་མཆོད་དོ། །ལྷ་མ་ཡིན་ན་རྒྱལ་པོ་འབངས་ལ་གུས་པར་བྱ་བའི། །དགེ་སློང་གིས་ཁྱིམ་པ་ལ་གུས་པ་བྱས་པ་ལྟར་ལྟུང་བ་འབྱུང་བར་བཤད། དེ་ལྟར་བྱས་པས་སངས་རྒྱས་ཀྱང་མཉེས། འབྱུང་པོ་ཡང་ཚིམ་པའི་རྟེན་འབྲེལ་ཡོད་གསུངས། ཕན་ཡོན་དང་ཉེས་དམིགས་རྒྱས་པ་ཚོགས་འཁོར་གྱི་གཞུང་དམ་ཚིག་ལྔ་པ་དང་། ཐུན་མོང་མ་ཡིན་པའི་དོན་ལ་གདམས་པ་ལ་སོགས་ལས་ཤེས་པར་བྱའོ། །ཚོགས་ཀྱི་འཁོར་ལོའི་མཐའ་དཔྱོད་ནི། ཆོས་རྗེའི་གསུངས་ལས་ཤེས་པར་བྱའོ། །བརྒྱད་པ་མཐར་ཐུག་གི་འབྲས་བུ་ནི་ཐེག་པ་ཐུན་མོང་གི་ཕར་ཕྱིན་དྲུག་ཀྱང་འདི་ལ་ཚང་སྟེ། མཁའ་ཁྱབ་ཀྱི་མགྲོན་རྣམས་མཆོད་པའི་སྦྱིན་པ། དམ་ཚིག་དང་བརྟུལ་ཞུགས་ལས་མི་འདའ་བའི་ཚུལ་ཁྲིམས། ཐབས་རྒྱ་ཆེ་བ་ལ་མི་དལ་ཞིང་ཟབ་མོའི་ཤེས་རབ་ལ་མི་སྐྲག་བའི་བཟོད་པ། དེ་དག་གི་གྲོགས་སུ་འགྱུར་བའི་བརྩོན་འགྲུས། ལྷ་སྐུའི་ཞུ་བདེ་ལ་དམིགས་པའི་བསམ་གཏན། འཁོར་གསུམ་ཡང་དག་པའི་ཤེས་རབ་རྣམས་ཡོད་པ་ཙམ་དུ་མ་ཟད། དམིགས་པ་འགྱུར་བ་དང་། གྲོགས་ཀྱི་མཐུ་ཆེ་བ་དང་། སྤྱོད་པ་རྒྱ་ཆེ་བ་གསུམ་གྱི་དབང་རབ་ཚོགས་གྲལ་དེ་ཉིད་དུ་ཆོས་ཉིད་ཀྱི་དོན་རྟོགས་འཁྲུལ་བ་ཞིག །འབྲིང་དེ་ལྟ་བུའི་ཚོགས་གཉིས་ཀྱི་རྒྱུ་བྱས་པ་འཆི་ཁ་ཚུན་ལ་གཏན་སྲིད་ཟིན། ཐ་མ་རྣམས་བར་དོའི་སྣང་བ་ཤར་ན། བླ་མ་དང་། དཔའ་བོ་རྣལ་འབྱོར་པའི་ཚོགས་རྣམས་ཀྱིས་མཆོད་པའི་བཀོད་པ་དང་། རོལ་མོའི་སྒྲས་མཁའ་སྤྱོད་དུ་འཁྲིད་པར་འགྱུར་བ་ཡིན་ཏེ། བདེ་མཆོག་ཉུང་ངུའི་རྒྱུད་ལས་རྣལ་འབྱོར་པ་རྣམས་འཕོ་བའི་ཚེ། །ཧེ་རུ་ཀ་དཔལ་རྣལ་འབྱོར་མས། །ལག་ན་མེ་ཏོག་སྣ་ཚོགས་ཐོག །རྒྱལ་མཚན་བ་དན་སྣ་ཚོགས་དང་། །རོལ་མོའི་སྒྲ་ནི་སྣ་ཚོགས་དང་། །སྣ་ཚོགས་གླུ་ཡི་མཆོད་པ་ཡིས། །འཆི་བ་ཞེས་བྱའི་རྣམ་རྟོག་ནི། །མཁའ་སྤྱོད་གནས་སུ་འཁྲིད་པར་བྱེད། །ཅེས་དང་། རྡོ་རྗེ་མཁའ་འགྲོ་ལས། ཡུལ་འདི་རྣམས་ཀྱི་བུ་མོ་གང་། །སྒྲུབ་བ་པོ་ལ་དངོས་གྲུབ་སྟེར། །རྟག་ཏུ་མཚན་མོར་འཕན་པ་དང་། །རྟག་ཏུ་མཚན་མོ་འདུ་བར་བྱེད། །མཁའ་སྤྱོད་ཤིན་ཏུ་རྙེད་དཀའ་བའི། །དངོས་གྲུབ་ཆེན་པོ་སྟེར་བར་འགྱུར། །ཞེས་སོགས་གྲུབ་པའི་འབྲས་བུ་རྒྱ་ཆེར་བཀའ་རྩལ་བ་ཡང་། ཡིད་ཆེས་ཀྱི་མོས་གུས་དང་ཐེ་ཚོམ་བྲལ་བས་འདི་ལ་བརྩོན་ན་སྐྱེ་བ་འདི་ལ་སྐྱེ་བ་འདིའམ་བར་དོ་ཚུན་ཆད་དུ་བདེ་སྟོང་ཕྱག་རྒྱ་ཆེན་པོའི་ཡེ་ཤེས་ཀྱི་སྐུ་འགྲུབ་པ་ནི་ཡང་དག་པའི་ངེས་པའོ། །སླར་སྨྲས་པ། འཇིགས་རུང་ཁྲོ་ཆགས་མི་བཟད་དྲག་པོའི་ང་རོ་དང་ལྡན་སྤྲོས་བྲལ་སྙིང་རྗེའི་དབང་ཕྱུག་མཆོག །བཅོམ་ལྡན་བརྟན་གཡོ་སྲིད་ཞི་ཀུན་ཁྱབ་མཚན་མ་དང་བྲལ་ཐོག་མ་ཐ་མ་མེད་པའི་བདག །བདེ་གཤེགས་བྱང་ཆུབ་སེམས་ཀྱི་རོས་གང་ལོངས་སྤྱོད་ཡོངས་རྫོགས་ཐབས་ཤེས་གཉིས་སུ་མེད་པའི་དཔལ། །ཆོས་དབྱིངས་མཁའ་སྔོན་རྣམ་ཐར་བརྒྱད་ཞལ་བསྡུ་དངོས་ཞབས་དང་བཅུ་དྲུག་དག་པའི་ཕྱག་ལྡན་པ། །འགྲོ་བ་སྡུག་བསྔལ་ཆུ་བཞི་ལས། །སྒྲོལ་བའི་སྟོན་པ་དཀྱིལ་འཁོར་གཙོ། །ལྷ་མོའི་འཁོར་དང་བཅས་པ་རྣམས། །དགྱེས་པའི་མཆོད་པ་ཀུན་གྱཱི་ཕུལ། །སྔོན་བྱོན་མཁས་དང་གྲུབ་པའི་ཚོགས་རྣམས་ཀྱིས། །ཇི་ལྟར་བཀྲལ་བ་མདོར་བསྡུས་སྙིང་པོར་དྲིལ། །འདི་ལ་ཉེས་པའི་ཚོགས་གང་ཅི་མཆིས་པ། །བླ་མ་མཁའ་འགྲོའི་ཚོགས་ལ་སྙིང་ནས་བཤགས། །འདིར་འབད་དགེ་བ་རྒྱ་ཆེར་འཕེལ་ལས་བདག་གཞན་ཚོགས་གཉིས་རབ་རྫོགས་ཤིང་། །རིགས་དང་བློ་གྲོས་ཆེས་ཆེར་རྒྱས་དང་རིམ་གཉིས་ལྟ་སྤྱོད་རྣམ་དག་མཐུས། །ཚེ་འདིའམ་ནི་བར་དོར་གྲོལ་ཏེ་སྐུ་དང་ཡེ་ཤེས་ཡོན་ཏན་གྱི། །ཚོགས་ལ་དབང་འབྱོར་དོན་གཉིས་མཐར་ཕྱིན་སླར་ཡང་སྲིད་འདི་གནས་ཀྱི་བར། །སྣ་ཚོགས་སྤྲུལ་པ་རྒྱུན་ཆད་མེད་པ་ཡི། །མཁའ་དང་མཉམ་པའི་འགྲོ་བའི་དོན་བྱེད་ཤོག །དགྱེས་པ་རྡོ་རྗེའི་རྒྱུད་ལུང་གདམས་པའི་སྲོལ། །བསྐལ་པའི་མཐར་ཡང་མི་ནུབ་རྒྱས་གྱུར་ཅིག །ཅེས་བཅོམ་ལྡན་འདས་ཀྱེ་རྡོ་རྗེའི་དཀྱིལ་འཁོར་དུ་ཚོགས་ཀྱི་མཆོད་པ་གསལ་བར་བཀོད་པ་ཀུན་བཟང་རྣམ་པར་རོལ་པའི་དགའ་སྟོན་ཞེས་བྱ་བ་འདིའང་། དམིགས་པ་མེད་པའི་ཐུགས་རྗེ་ཆེན་པོ་དང་ལྡན་པ་སྒ་སྟོན་ཆོས་རྗེ་རྡོ་རྗེ་འཆང་ངག་དབང་ཀུན་དགའ་ལེགས་པའི་འབྱུང་གནས་ཡེ་ཤེས་རྒྱལ་མཚན་དཔལ་བཟང་པོས་བཀྲ་ཤིས་པའི་ལྷ་རེག །རིན་གཉིས་མེ་ཏོག་ས་བཅུའི་གྲངས་ལྡན་བཅས་ཀྱི་གནང་སྐྱེལ་དང་། གསུང་གིས་བསྐུལ་བར་གུས་པས་མཆོད་དེ། མགོན་པོ་གང་གིས་བཀའ་འབངས་ཀྱི་ཐ་ཆུང་འཇམ་དབྱངས་ཆོས་ཀྱི་བློ་གྲོས་པས། རྗེ་བཙུན་གྱི་ཚོགས་འཁོར་འབྲིང་པོ་དང་། ཆོས་རྗེའི་ཚོགས་འཁོར་རྒྱས་པ། འཕགས་པའི་ཚོགས་འཁོར་རྒྱས་བསྡུས་གཉིས། ངོར་ཆེན་རྡོ་རྗེ་འཆང་གི་གསང་བ་ཀུན་རྒྱན་དང་། ཀུན་བཟང་རྣམ་རོལ། ཀུན་མཁྱེན་རིན་པོ་ཆེའི་མཆོད་གཏོར་གྱི་ཆོ་ག་རྣམས་ལ་གཞི་བྱས། ཐམས་ཅད་མཁྱེན་པ་མཁྱེན་བརྩེའི་དབང་པོའི་མཁའ་སྤྱོད་མའི་ཚོགས་མཆོད་རྒྱས་པ་ལ་སྐབས་སུ་བབས་པའི་འབྱིན་འཇུག་ཅུང་ཟད་བྱས་ནས་དཀྱུས་སུ་བཀོད་དེ་གསལ་བར་བྲིས་པ། འདིས་ཀྱང་རང་གཞན་རྣམས་འཁོར་བ་སྡུག་བསྔལ་གྱི་རྒྱ་མཚོ་ལས་སྒྲོལ་ཏེ་བཅོམ་ལྡན་འདས་ཟུང་འཇུག་དང་པོའི་སངས་རྒྱས་རིགས་དྲུག་པ་རྡོ་རྗེ་འཆང་གི་གོ་འཕང་ཐོབ་བའི་རྒྱུར་གྱུར་ཅིག །ཡི་གེ་པ་ནི་སྨྱུག་འཛིན་འཇིགས་མེད་བློ་གྲོས་ཀྱིས་གུས་པས་བགྱིས་པ་ཨི་དཾ་ཤ་ས་ན་ཙ་སརྦ་སཏྭ་ཧེ་ཏོ་བྷ་ཝནྟུ། །དགེའོ། །མངྒ་ལཾ།། །།

[edit]

@#/__/dpal kye rdo rje'i tshogs kyi mchod pa gsal bar bkod pa kun bzang rnam par rol pa'i dga' ston ces bya ba bzhugs so/__/ na mo gu ru shrIHhe badz+rA ya/__zag med bde stong ye shes bdud rtsi yis/__/rtag tu myos pas rnal 'byor rtse mor son/__/rtog pa kun bral don gnyis lhun gyis grub/__/dpal ldan bla ma kye yi rdo rjer 'dud/__/shes bya'i chos kun ma 'dres gsal bar mkhyen/__/chos dbyings gnas lugs zab mo thugs su chud/__/mthu stobs nus pas bstan pa gsal mdzad pa/__/rnal 'byor dbang phyug zhabs la phyag 'tshal lo/__/tshad ma bzhi ldan snyan brgyud gdams pa'i chos/__/bi rU'i thugs kyi ma dros rgya mtshor bskyil/__/rgyud lung man ngag gang+ga'i klung chen po/__/ljongs 'dir 'dren mdzad 'brog mi'i zhabs la 'dud/__gzhung gdams yongs su rdzogs pa'i bdag nyid che/__/kun dga' snying po puN+yai kI rti'i mtshan/__/dpal ldan don grub 'phags pa kun dga' bzang /__/blo gsal rgya mtsho'i zhabs la gus btud nas/__/bla ma he ru ka dpal dpa' bo dang /__/DA ki chos skyong dgyes par rol pa yi/__/rmad byung zag med bde chen tshogs mchod tshul/__/kun bzang rnam par rol pa'i dga' ston dbye/__/de la 'dir rang gzhan gyi don du mchog gi dngos grub 'grub par 'dod pa'i sems dang ldan pa'i rnal 'byor pas tshogs gnyis rlabs po che yongs su bsdu ba dang 'phel ba'i thabs tshul thams cad kyi rtse mor gyur pa rdo rje 'chang gis bla na med pa'i rgyud sde rnams las bstan pa grub pa'i man ngag gis ji ltar bkral ba bzhin nyams su blang ba la/__de yang thog mar nges 'byung dang dad pa snying rje shugs drag pos lam gyi gzhi bca'/__phar phyin drug sogs theg chen thun mong gi lam gyis khog phug thun min gyi yi dam kye rdo rje'i dkyil 'khor du dbang gi cho gas rgyud smin par byas nas dam tshig dang sdom pa ma nyams shing rim gnyis kyi lta spyod la mkhas pa'i rnal 'byor pa 'dir 'jug par bya'o/__/tshogs kyi rdo rje slob dpon yang de nyid bcu sogs la dbang 'byor zhing rten dge slong mchog dang /__dge tshul 'bring /__khyim pa dge bsnyen tha mar gsungs shing snying rje che la 'dod pa chung ba dam tshig dang ldan pa tshogs kyi gtso bor gsungs so/__de lta bu'i gang zag 'dir 'jug pas tshogs kyi mchod pa'i cho ga lag tu blang ba'i tshul khung btsun zhing yid ches pa'i phyir rgyud kyi lung dgod pa dang /__tshogs 'khor dngos bshad pa'o/__/dang po rgyud kyi lung dgod pa ni rdo rje gur gyi rgyud las/__'dis ni rdo rje mnyes par 'gyur/__/ye shes me yis rab dgyes bya/__/rgyal ba phan par mnyes pa dang /__/gser gyi mnga' bdag mnyes pa dang /__/zhes sogs nas khams gsum du gnas pa dang /__sa bcu la gnas pa sogs bstan pa'i rjes/__'phags pa'i gang zag brgyad po dang /__/rdzogs sangs rgyas dang nyan thos nyid/__/ra ni ral gri'i gzugs can dang /__/dmyal ba yi dwags byol song dang /__/lha dang lha min mi rnams ni/__/sbyin bsregs cho gas rgyas pa nyid/__/de ni tshogs kyi dkyil 'khor lo/__/zhes sogs dang /__gzhan yang sam+buT sogs rgyud sde mtha' yas pa nas tshogs 'khor shes byed kyi lung mang po dang /__Dom+bi pas/__de la sangs rgyas thob pa'i rgyu/__/bsod nams ye shes tshogs yin te/__/tshogs las dngos grub mchog thob 'gyur/__/de phyir rtag tu tshogs bsags bya/__/ye shes mngon par rtogs pa ste/__/bsod nams rnam pa mang yod kyang /__/rang 'dod lha yi rnal 'byor gyis/__/'dod yon lnga spyod bla na med/__/ces sogs rgya cher yod kyang 'dir ma spros so/__/gnyis pa tshogs 'khor dngos bshad pa la ngo bo/__nges tshig dbye ba/__dgos ched/__ji ltar bya ba'i tshul/__phan yon/__bslab bya/__'bras bu ste sa bcad rnam pa brgyad las/__dang po ngo bo ni/__snang bcas bsod nams kyi tshogs dang /__snang med ye shes kyi tshogs zung du 'brel pas ye shes kyi sku khyad par can sgrub pa'i tshogs thun mong ma yin pa'o/__/gnyis pa nges tshig ni/__ga Na tsakra zhes pa tshogs kyi 'khor lo ste sngags kyi thabs shes khyad par can gyi zin pa'i kun spyod/__rten dang /__gang zag khyad par can tshogs shing rig pa brtul zhugs kyi spyod pa phyogs med du bskor ba'i don to/__/ga Na pU dza ni tshogs kyi mchod pa zhes ste/__khyad par gyi yo byad lnga la sogs pa tshogs shing thabs bde ba chen po dang shes rab stong pa'i cha gnyis la mi gnas pa'i mchod pa chos dbyings rgyas par 'gengs pa'o/__/gsum pa dbye ba la lnga ste/__gang zag gi dbye ba/__dus kyi dbye ba/__lha'i rnal 'byor gyi dbye ba/__dgos pas dbye ba/__mchod byas dbye ba'o/__/dang po la/__dpa' bo dpa' mo gnyis ka tshogs pa la tshogs kyi 'khor lo/__rkyang pa la dpa' bo'i ston mo dang /__dpa' mo'i ston mo/__gnyis pa dbang bskur rab gnas sbyin bsreg sogs kyi dus su tsA ru'i bza' ba/__gsum pa bde kye gsang gsum sogs lha'i rnal 'byor mi 'dra ba du ma 'dus pa la mdza' ba 'dus pa/__bzhi pa gnod pa zhi phyir glu gar gyi sbyor bas sangs rgyas thugs rje bskul zhing sems can gyi sdug bsngal zhi bar mdzad pa sangs rgyas kyi gar ni ngor chen rdo rje 'chang gi gsungs bde chen rnam rol ltar ro/__/lnga pa mchod byas dbye ba ni mkha' 'gro mchod pa la rigs ldan ma mchod pa dang /__gzhon nu ma mchod pa'o/__/de dag rgyas par gzhan du shes par bya'o/__/bzhi pa dgos ched ni/__bsod nams dang ye shes kyi tshogs thams cad 'dir 'dus te/__rdo rje gur las/__bsod nams dang ye shes kyi tshogs rgya mtsho zhes bya ba'i ting nge 'dzin zhes dang /__las kyi rigs kyi dam tshig tu/__mchod pa'i las kyang ci nus bgyi/__zhes sogs gsungs pas sangs rgyas thams cad mnyes/__byang chub sems dpa' sa bcu la gnas pa thams cad dang nyan thos kyi gang zag brgyad/__rang sangs rgyas dbang po rno brtul gnyis/__'jig rten pa'i 'dod pa dang /__gzugs dang gzugs med kyi lha thams cad/__chos skyong ba'i srung ma nas bzung ste/__dmyal ba yi dwags kyi bar 'jig rten dang /__'jig rten las 'das pa'i mgron thams cad mnyes shing tshim par bshad do/__/lnga pa ji ltar bya ba'i tshul la sbyor ba dngos gzhi rjes so/__/dang po cho gar ma gtogs pa'i sbyor ba dang /__cho gar gtogs pa'i sbyor ba'o/__/dang po la dus khyad par can nya dang gnam stong ste zla phyed gnyis dang /__yar mar ngo gnyis ka'i brgyad dang bcu bzhi rnams la bya bar gsungs te/__kye rdo rjer/__yi dwags zla phyed bcu bzhi dang /__/de bzhin du yang brgyad pa nyid/__ces dang mar ngo'i brgyad dang bcu bzhi dang /__/bco lnga dag ni rab tu bsngags/__/de bzhin yar ngo'i brgyad dang ni/__/bcu bzhi dang ni bco lnga la/__/mkhas pa yis ni 'khor lo bskor/__/zhes dang /__bde mchog ltar na/__bsod nams 'phel ba dang /__sdig pa sbyong ba'i phyir yar mar gyi tshes bcu la yang bya bar bshad do/__/de rnams ni rgyun gyi dus dang /__khyad par gyi dus dbang bskur/__rab gnas/__sbyin bsregs rgyud nyan bshad la sogs pa'i skabs rnams so/__/de lta bu'i dus tshes bzang por/__snod dang mi ldan pa'i skye bos dben zhing sems la brtan pa thob na dur khrod dang /__ri yi bya skyibs mtsho gling bas mtha' la sogs pa dang /__brtan pa ma thob na rang gi khyim dang gtsug lag khang la sogs pa rnams phyag dar dang brkyang nul legs par byas shing dri bzang dang ba byung sbyar ba'i chus chag chag gdab ba dang /__bla bre 'phan gdugs rgyal mtshan lda ldi sogs kyis mdzes par brgyan shing bla ma yi dam chos srung gi rten rnams dgram pa'i spyan sngar stegs bu'i khar ras bris sam sgrub ba'i maN+Dal khru gang pa la nang mchod kyi bdud rtsis dbus nas byang shar du 'then te gru bzhir bris pa'i dbus su dri bzang po'i chus spags pa'i tshom bu lta grangs ltar bkod pa bshams________ pa'i mthar chu bzhi sngon du 'gro ba'i mchod pa lha re re la bcu las mi nyung ba gru bzhir bsgrigs pa'i phyi rol dbang ldan nas me lha'i bar 'das gtor dang /__chos skyong gtor ma/__'jig rten pa'i gtor ma rnams sha dang chang dang bdud rtsi ril bus spags pa rgyan spros phun sum tshogs pa bshams/__de dag gi phyi rol du byang shar nas brtsams/__mtshams su mtshams 'dzin me tog dang /__/shar du zhabs bsil zhal bsil gnyis/__shar lhor 'thor 'thung lhor mchod yon/__lho nub mtshams su me tog dang /__/nub tu bdug spos mar me gnyis/__/nub byang dri chab byang zhal zas/__zhes pa ltar bshams pa'i nang gtor ma'i mdun du tshogs 'khor gyi rdzas bsad pa ma yin pa'i sha dang /__chang dang /__zan la sogs pa'i bza' ba dang /__pad+ma b+han+dza nar ma dA na bdud rtsi ril bu dang sbyar ba blug__/sbyar tshogs kyi dam tshig gi rdzas snga 'gyur ba'i rgyud he ru ka gal po'i brtag pa nyer gnyis pa las/__rdo rje tshe zan dang gal zho phye mar zer phyis dang /__'jam mar dbo zla thud khram zla rgyas khur ba dang /__tshe skyur po khri da dza gad chang dza sti sha dang /__bran tshad ma/__mo sham seng po/__mo kun tu rgyugalan tshwa/__a mr-i mi sha rgun 'brum glang po'i sha.a nya ga__/ga ru/__na ba lang shaling ge khyi shage rgyas la sogs drangs/__zhes pa rnams kyis thog drangs/__ji ltar 'byor pa phongs sems dang bral ba mdzes par bshams/__slob dpon gyi mdun g.yon nas brtsams nang mchod dang /__de'i g.yas su dril bu/__de'i g.yas su rdo rje/__de'i g.yas su dung chos bdud rtsi dang /__dri bzang sbyar ba'i chus gang ba ku sha'i 'thor yab dang bcas pa bshams shing /__gzhan rnams kyi mdun du yang bsang chu ma gtogs par tshang bar bsham mo/__/gnyis pa cho gar gtogs pa'i sbyor ba la/__slob dpon la gsol ba gdab pa/__bsang chu sgrub pa/__nang du gzhug shing rtog pa bsal ba/__sngon 'gro gtor ma gtong zhing gnas yo byin gyis brlab la/__lha'i rnal 'byor la gnas pa'i phyir maN+Dal zhu 'bul bya ba/__sngon 'gro gsum gyis rgyud dag par bya ba dang drug las/__dang po gsol ba gdab pa ni/__tshogs kyi slob dpon spyan drangs te gdan dbus ma la bzhugs nas las kyi rdo rjes phyag dang maN+Dal phul/__sems can thams cad kyi don du 'jig rten dang 'jig rten las 'das pa thams cad mchod pa'i phyir tshogs kyi rdo rje slob dpon mdzad du gsol/__zhes gsol ba gdab/__gnyis pa bsang chu sgrub pa ni/__slob dpon gyis mdun gyi bsang chu/__swa b+ha was stong par sbyang /__stong pa'i ngang las sha~M las byung ba'i dung phor mtshan nyid yongs su rdzogs pa'i nang du/__hU~M las byung pa'i lha rdzas las grub pa'i bsang chu rdzas kyi ma dag pa sel ba'i nus pa dang ldan par bsam la gtso bo'i snying po nyer gcig dang /__las thams cad bar bdud rtsi 'khyil pa'i sngags brgya rtsa bzlas pas byin gyis brlab la slob dpon gyis slob mar gtad par bya'o/__/gsum pa nang du gzhugs shing rtog pa bsal ba ni/__las kyi rdo rjes bsang chu thogs nas sgo yi nang logs su 'khod pa dang khro bo dbyug sngon gyi nga rgyal bya/__gzhan rnams sgo yi phyi rol du 'khod de/__khyed kyi dam tshig la ni khro bo dbyug pa sngon po mdzes/__/dngos grub phyag na dbyug tho rin chen bcings pa 'dzin/__/dpal ldan dpa' bo dpa' mo 'du ba 'khor sgrol khums/__/mkhas mdzes rnal 'byor pa yi nang du bdag thongs shig__/ces pas gsol ba gdab pa la las kyi rdo rjes lan brjod pa/__'dir ni chos rnams bzang por ltos/__/'dus pa rnams la the tshom med/__/bram ze khyi dang gdol pa dang /__/rang bzhin gcig pa nyid du zo/__/zhes pas brda dang brda yi lan sbyin pa ni bsdus pa yin la/__rgyud nas gsungs pa rgyas par ma shes na 'di tsam gyis chog par sems te/__rje btsun gyi tshogs 'khor 'bring po dang /__chos rje'i tshogs 'khor rgyas pa'i slob ma nang gzhugs skabs 'di tsam las rgyas par ma bshad pa'i phyir ro/__/de nas sgo dbye ste nang du byung ba rnams la/__oM badz+ra a mr-i ta kuN+Da lI ha na ha na hU~M phaT/__ces brjod cing bsang chus kha bshal ba dang gtor bar bya'o/__/nang du 'ong pa rnams kyis slob dpon la phyag bya/__dbang gi rgan rim dang mthun par gral du 'khod cing sgo dam du bsdom nas phyi nang gi rgyu 'grul bcad do/__/bzhi pa sngon 'gro gtor ma btang zhing gnas yo byin gyis brlab pa ni las rdor gyis phyag byas nas byin brlab zhus te/__gtor ma bsang sbyang nas brtsam sngon 'gro gtor ma'i 'dod gsol skabs su dkyil 'khor chen po sgrub cing mchod pa dang tshogs kyi 'khor lo la 'jug par 'tshal na/__zhes bsgyur mchan/__gnas khang byin rlabs ma rdzogs kyi bar dbang chu ltar la/__de yang g+haN+De ra Ni'i mgor rdor dril byin brlab bya ba ni/__rang gi lag pa g.yas pa hU~M las rdo rje rtse lnga pa'i lte bar raM las nyi ma'i dkyil 'khor la hU~M/__lag pa g.yon pa AHlas pad+ma 'dab ma lnga pa'i lte bar a las zla ba'i dkyil 'khor la AHde rnams zhu ba las byung ba'i rdo rje'i lag par gyur/__zhes brjod/__de nas lag pa gnyis rnam lnga 'dod pa'i bskor ba byas te lags g.yas pas rdo rje blangs nas/__oM ma hA badz+ra hU~M/__zhes brjod cing smin mtshams kyi bar du lan gsum gsor la thugs kar bzung ste/__thog ma dang tha ma med pa'i byang chub sems kyi ngo bo rdo rje thugs kyi dam tshig ces brjod cing dran par bya/__yang lag pa g.yon pas dril bu blangs shing /__oM badz+ra gaN+De AHzhes brjod de lan gsum dkrol la dkur kha gyen la bstan de bzung la/__srid pa thams cad rang bzhin gyis dag pa ston par byed pa'i gsung /__chos kyi phung po brgyad khri bzhi stong gi ngo bo dril bu gsung gi dam tshig__/ces brjod cing dran par bya/__rang dpal he ru ka'i ngo bo phyag rgya chen po sku'i dam tshig__/ces brjod cing dran par bya/__de nas dril bu phyogs mtshams brgyad du dkrol zhing /__rol chen dang bcas te/__oM badz+ra g+haN+De ra Ni ta sogs sngags lan gsum brjod pas byin dbab bo/__/dam tshig gsum dran pa 'di kun mkhyen gyis spyan 'dren pa'i gong du gsungs kyang gnas yo byin rlabs su bya bar phyag len bde bar sems/__mchan/__lnga pa lha'i rnal 'byor la gnas par bya ba'i phyir phyag dang gsol gdab maN+Dal zhu 'bul rnams dbang chu ltar bya'o/__/drug pa rgyud dag par bya ba ni/__skyabs sems dang rdor sems bsgom bzlas rnams mngon rtogs yan lag drug pa ltar bya'o/__/gnyis pa dngos gzhi la drug ting nge 'dzin gyi dkyil 'khor mchod pas tshim pa/__ye shes kyi dkyil 'khor bdud rtsi myong bas tshim pa/__phyi rol gyi 'byung po gtor mas tshim pa/__dam tshig dang ldan pa'i rnal 'byor pa rnams kha zas kyis tshim pa/__skye mched kyi lha glu gar gyis tshim pa/__lus kyi dkyil 'khor lhan skyes kyi bde bas tshim pa'o/__/dang po la bdag bskyed kyi dkyil 'khor tshim par bya ba dang /__mdun bskyed kyi dkyil 'khor tshim par bya ba gnyis kyi dang po tshogs zhing spyan drang pa nas brtsam/__lha mo brgyad zhal brgyad la thim/__zhes pa'i bar mngon rtogs yan lag drug pa ltar nyams su blang ngo /__/bzlas ba'i rjes he ru ka'i yig brgya lan gsum bzla ba dang /__bde bar gshegs pa thams cad kyi sogs phyag len la mdzad do/__/de ltar rim gnyis bzlas pa dang bcas pa ni rgyu dus su bsod nams dang ye shes kyi tshogs sgrub cing /__sangs rgyas kyi zhing yongs su dag pa dang /__sems can smin par byed pa/__lus ngag yid gsum gyi gnas ngan len sbyang zhing /__sku gsum mam bzhi'i rten 'brel bsgrigs/__'bras bu'i dus su 'og min du sangs rgyas nas sku dang zhing khams dpag tu med par sprul pa'i skus sems can gyi don mdzad pa'i rten 'brel yin no/__/gnyis pa mdun bskyed kyi dkyil 'khor tshim par bya ba la yan lag bzhi rdzogs su bskyed pa/__mchod pa'i yul spyan drang ba/__phyag 'tshal ba/__mchod pa bya ba/__rgyun bshags bya ba/__sdom pa bzung ba dang drug las dang po/__mdun dkyil yan lag bzhi rdzogs su bskyed pa ni/__maN+Dal la rdo rje'i rtses nang mchod gtor nas/__a mr-i tas bsang /__swa b+hAs stong par sbyangs/__stong pa'i ngang las pa~M las pad+ma dang /__ra~M las nyi ma'i dkyil 'khor gyi steng du/__hU~M las sna tshogs rdo rje ra nyi shu pa shar dkar lho ser nub dmar sogs/__phyi rol thams cad ye shes kyi me rab tu 'bar bas gang bar gyur/__oM me di ni badz+rI b+ha wa b+han+d+ha hU~M hU~M hU~M phaT/__ces lan gsum dang /__oM rak+Sha rak+Sha hU~M hU~M hU~M phaT/__lan gsum gyis byin gyis brlab bo/__/de lta bu'i srung ba'i 'khor lo'i dbus su e las chos kyi 'byung sogs nas/__'byung bzhi 'khor lo dang bcas pa/__zhes pa'i bar sgrub thabs ltar la/__de rnams dang rang gi sems snang ro gcig tu 'dres pa las rin po che sna tshogs las grub pa'i gzhal yas khang /__zhes pa nas/__rgyan du mas brgyan pa zhes pa'i bar sgrub thabs bzhin brjod/__de'i phyi rol du dur khrod chen po brgyad/__sogs rten dang brten pa'i dam tshig pa bskyed pa/__sku gsung thugs byin gyis brlabs pa/__ye shes kyi 'khor lo spyan 'dren pa/__chu bzhi sngon du 'gro ba'i nyer spyod kyis mchod nas/__gau rI la sogs pa'i sngags rgyas bstim ba dbang lha spyan drangs mchog gsol rgyas btab rnams dbang chu chen mo'i lha sta gon gyi skabs ltar ma 'khrul bar bya'o/__/tshogs 'khor gyi dus su mdun gyi lha bskyed pa'i skabs 'dir rdo rje 'chang sogs kyis gsol kha cher 'byung la kun mkhyen bsod nams seng ges mchod gtor gyi yi ge las rten dang brten pa'i dam tshig pa bskyed pa ni sngar dang 'dra'o/__/zhes thun mtshams su bya ba'i mchod gtor dang mthun par gsungs pa dang /__bla ma dam pa'i mngon rtogs yan lag drug ba'i mchod gtor gyi skabs su bstan pa'i maN+Dal gyi lha bskyed tshul gnyis mthun par 'byung bas 'dir de dag gi dgongs pa ltar bkod pa'o/__/gnyis pa mchod pa'i yul spyan drangs pa ni/__rang gi snying ga'i sa bon las 'od zer 'phros pas mdun gyi nam mkhar rtsa ba'i bla ma rdo rje 'chang gi rnam pa can la yi dam dkyil 'khor gyi lha tshogs sangs rgyas byang chub sems dpa' dam pa chos skyong ba'i srung ma'i tshogs kyis bskor ba oM badz+ra sa mA dzaHzhes pas tshogs zhing khyad par spyan drangs nas mdun bskyed la gnyis su med par thim par bsam mo/__/gsum pa phyag 'tshal ba ni/__dkyil 'khor gyi gtso bo de nyid bla ma yin par mos nas/__gang gi drin gyi sogs/__'khor ba'i 'dam rdzab=sangs rgyas kun gyi=thams cad dngos po'i=chos dbyings rnam dag=phyag byar 'os pa/__sogs phyag 'tshal gyi tshig brjod par bya'o/__/bzhi pa mchod pa la phyi nang yid byung gi mchod pa'o/__/dang po phyi mchod ni mchod pa rnams bsang sbyangs byin rlabs/__gnas khang byin brlab dor/__dwangs shing thog pa med pa nam mkha'i mtha' klas par gyur/__ces brjod mchod yon zhabs bsil nas/__shab+da'i bar tshigs bcad sngags dang bcas pas dbul/__oM badz+ra gaN+De ra Ni ta sogs brjod cing rol chen bya'o/__/gnyis pa nang mchod ni/__bdud rtsi gtor ma bzhin byin gyis brlabs la/__lag pa g.yon pa'i mtheb srin gyis g.yon bskor du lan gsum bskor nas dbus su blangs te spyi bor gtor zhing /__ngag tu/__phyogs bcu dus gsum sogs nas/__yi dam dkyil 'khor gyi lha tshogs rnams kyi zhal du oM AHhU~M/__gnyis pa snying gar ye shes kyi lha bdud rtsis myong bas tshim pa ni srin lag gis lce rtse smin mtshams/__spyi gtsug rnams su thig le byas oM AHhU~M/__zhes brjod pas lus kyi lha rnams mchod par bsam zhes pa'i bar dang /__gtor ma rnams la bar phud bran la/__oM shrIHma hA kA lA sogs nas/__At+ma ko\u0f85 ha~M bar dbang chu ltar ro/__/gsum pa yid byu gi mchod pa ni/__rang gi snying ga nas sprul pa'i lha mo rnams kyis mchod par bsam zhing rdo rje gsor dril bu bsil te/__nam mkhar rje btsun bltas nas ni/__/rdo rje skye ba snying rje che/__/rgyan rnams thams cad 'dzin pa ni/__/lha mo brgyad po rnams kyis mchod/__/dkar mo ri dwags sogs nas/__g.yung mos sku la 'khyud pa nyid/__ces pa'i bar brjod/__bzhi pa bstod ba'i mchod pa ni/__khyod ni rnal 'byor ma tshogs yongs su bskor/__zhes sogs dang /__thams cad dngos po'i rang bzhin mchog__/ces sogs bstod pa nyi shu pa dang /__spro na dan+Da kas kyang bstod par bya'o/__/lnga pa rgyun bshags bya ba ni/__dkon mchog gsum la bdag skyabs=sogs rgyun bshags lan gsum bya'o/__/drug pa sdom pa gzung ba la/__rigs lnga spyi dang /__bye brag gi dam tshig gzung ba ni/__sras bcas sangs rgyas thams cad dang /__zhes sogs lan gsum bya'o/__/rtsa ba dang /__yan lag gi bcas pa'i dam tshig gi tshogs rjes su dran pa la/__spang bya dran pa ni/__kun nas dang bas bla ma yi/__/zhes pa nas/__nyin re bzhin ni bzla bar bya/__/zhes pa'i bar rtsa ba'i ltung ba yan lag dang bcas pa'i gzhung lan gcig bya'o/__/ji srid byang chub snying po'i bar/__/dkon mchog gsum ni sdang mi bya/__/sogs nas/__mkhas pas cho ga bzhin du bya/__/zhes dbang chu ltar lan gcig brjod de rgyun bshags nas 'di yi bar rdo rje thal mo snying gar sbyar te don dran bzhin du bya'o/__/gsum pa phyi rol 'byung po'i tshogs gtor mas tshim par bya ba ni/__gtor ma rnams nang mchod chu chang gis sbyangs la las rdor gyis phyag byas te/__gtor ma byin gyis brlab nas 'bul bar zhu/__/zhes brjod/__sgrub thabs ltar byin gyis brlab nas mgron bskyed pa/__dbang bskur rgyas gdab/__mchod gtor 'bul ba/__mchod bstod phrin bcol rnams dbang chu'i lha sta gon gyi skabs ltar bya'o/__/'das gtor maN+Dal sgrub mchod dang ma 'brel na rgyun gyi gtor chog ltar bya dgos so/__/mchanasgos kyi chos skyong gur zhal las mgon sogs dang mkha' 'gro spyi gtor/__gzhi bdag dbang thob pa la gtor 'bul dang /__phrin las bcol pa rnams gtor chog ltar bya zhing /__dbang ma thob pa'i gzhi bdag la gtor ma ster na sgrub khang gi phyi rol du song la/__gtor ma chang phal pa dang chus sbyongs zhing /__'dod rgu 'byung ba'i rgya mtshor byin gyis brlab la 'bru gsum brjod/__oM b+hU mi pa ti A kaR+Sha ya dzaHzhes pas bkuga.a kA ro lan gsum brjod pas tshim par bsam la/__gnas bdag yul bdag 'khor bcas rnams/__/mchod sbyin gtor ma 'di bzhes la/__/sogs kyis bsngo zhing phrin las bcol la/__dkar po'i phyogs la mngon par dga' ba'i gzhi bdag gnyug mar gnas pa rnams/__mchod sbyin gyi gtor ma 'dis tshim par gyis la bdag cag dpon slob chos sgrub pa'i sdong grogs mdzod cig__/nag po'i phyogs la mngon par dga' ba'i 'byung po gdug pa can thams cad gtor ma 'dis tshim par gyis la sa'i phyogs 'dir ma gnas pa gzhan du 'gro bar gyis shig__/ces brjod la khro bo'i sngags dang /__rol mo drag tu bya zhing gtor ma lam gyi gzhi mdor dor la rtsa sngags sogs shub bur bzla zhing nang du 'jug go/__spros pa rgyas na chos skyong gi bzlas bshags skong bstod sogs skabs dang bstun nas bya'o/__/bzhi pa dam tshig dang ldan pa'i gang zag nang gi sbyin sregs kyis tshim pa ni/__dpon slob thams cad kyis rdo rje dang bcas pa'i bdud rtsis gnas gsum du bsang gtor byas la sgo gsum byin gyis brlabs/__las kyi rdo rjes dpon slob thun mong du me tog la sogs pa'i nyer spyod lnga bshams/__phyag byas la/__oM b+ha ga wAn ma hA ka ru Ni ka he badz+ra sa pA ri wa ra zhes pa la nyer spyod lnga yi mchod sngags so sor sbyar la rol mo dang bcas pas dbul/__yang las rdor gyis phyag byas la/__tshogs kyi yo byad byin rlabs mdzad par zhu/__zhes brjod cing nang mchod kyi bdud rtsis tshogs kyi longs spyod thams cad la khyab par gtor/__dpon slob thams cad kyis sgrub thabs ltar byin gyis brlabs nas thabs shes rdzas bza' btung rnams rang bzhin gdod nas dag pa'i lta bas rnam par sha lnga/__bdud rtsi lnga/__ngo bo zag med ye shes kyi bdud rtsir bsgyur bas 'dod rgu yid bzhin 'byung ba'i sprin chen por gyur par bsam la lag gnyis rgya dang bcas/__ngag tu/__oM AHhU~M dang /__ha ho hrIHmang du brjod cing bdud rtsis bsang gtor bya/__de yang has kha dog phun sum tshogs pa/__hos dri phun sum tshogs pa/__hrIHsa nus mthu phun sum tshogs pa/__'bru gsum gyis ye shes kyi bdud rtsir gyur par bsam/__slar yang tshogs zhing spyan drangs pa ni/__gnas spyi bo bde chen gyi ri bo'i spor/__/rje sku yi rdo rje yab yum bzhugs/__/ma mkha' 'gro so gnyis kyi 'khor gyis bskor/__/sku zla shel gsar pa'i mdangs 'od can/__/gnas 'dir gshegs mos pa'i bu la dgongs/__/tshogs mchod pa 'bul lo brtse bas bzhes/__/gnas mgrin pa longs spyod kyi gzhal med na/__/rje gsung gi rdo rje yab yum bzhugs/__/ma mkha' 'gro bcu drug gi 'khor gyis bskor/__/sku pad+ma rA ga'i mdangs 'od can/__/gnas 'dir gshegs mos=__/tshogs mchod pa 'bul lo brtse bas bzhes/__/gnas snying ga chos kyi sman ljongs na/__/rje thugs kyi rdo rje yab yum bzhugs/__/ma mkha' 'gro zung bzhi'i 'khor gyis bskor/__/sku in+d+ra nI la'i mdangs 'od can/__/gnas 'dir gshegs mos=__/tshogs mchod pa 'bul lo brtse=__/gnas lte ba sprul pa'i nags khrod na/__/rje yon tan rdo rje yab yum bzhugs/__/ma mkha' 'gro drug cu rtsa bzhis bskor/__/sku dzam+bu chu bo'i mdangs 'od can/__/gnas 'dir=tshogs mchod=__/gnas gsang gnas bde skyong gi pho brang na/__/rje phrin las rdo rje yab yum bzhugs/__/ma mkha' 'gro so gnyis kyi 'khor gyis bskor/__/sku mar gad gsar pa'i mdangs 'od can/__/gnas 'dir=__/tshogs mchod pa=__/lus snang stong sprul pa'i zhing khams na/__/khams thabs mchog dpa' bo 'dzum dkar bzhad/__/lus tha mal du snang ba dbyings su yal/__/sems gsal ba gzhon nu'i lang tsho la/__/dbyings stong pa'i dga' mas 'bral med 'khyud/__/yongs zung 'jug gi zlos gar a la la/__/pha gdan gsum tshang ba'i he ru kaH/__gnas 'dir gshegs mos pa'i bu la dgongs/__/tshogs mchod pa 'bul lo dgyes par bzhes/__/lus snang stong sprul skur byin gyis rlobs/__/ngag grags stong longs skur byin=yid rig stong chos skur byin=__/bdag yon tan rgya mtshor byin=__/bdag phrin las rdo rjer byin=__/lus rang ngo shes par byin gyis rlabs/__/sems rang ngo shes par byin gyis rlobs/__/ces tshar chen rin po che'i tshogs 'khor gyi/__pha gsol ba 'debs so rdo ring pa/__/bu mi mngon dbyings nas thugs rjes skyongs/__/zhes pa'i tshigs gnyis byung /__de'i don bsdus tshig rkang gcig gsar du 'dzud pa la ye shes kyi mkha' 'gror bzod bar gsol lo mchan/__do ha las byung ba'i rdo rje'i gsungs byin rlabs can dang /__'og min gsang mchog rdo rje btsun mo'i mkha'/__/sku gsum zhing khams rab 'byams rgya mtsho nas/__/thabs dang shes rab gnyis med bdag nyid can/__/bcom ldan kye yi rdo rje'i dkyil 'khor la/__/rtsa brgyud bla ma sangs rgyas byang sems dang /__/yi dam lha tshogs dpa' bo rnal 'byor ma/__/chos skyong srung ma nor lha'i tshogs dang bcas/__/longs spyod tshogs kyi 'du bar spyan 'dren na/__/tshad med thugs rje'i dbang gis gnas 'dir gshegs/__/oM e h+ye hi b+ha ga wAn ma hA ka ru Ni ka he badz+ra sa pa ri wA ra sa ma ya dzaHzhes pas spyan drangs/__dzaHhU~M ba~M hoHzhes brjod/__sems kyis rang gi snying ga'i sa bon gyi 'od kyis sangs rgyas byang sems bla ma dang bcas pa thams cad kye rdo rje'i lha dgu'i rnam par spyan drangs nas mdun bskyed la gnyis su med par thim par bsam mo/__/de nas chang la sogs pa'i btung ba thams cad kyi phud/__sha la sogs pa'i bza' ba thams cad kyi phud bsdus la cha gnyis su byas pa'i cha gcig thod par bcug la dkyil 'khor gyi mdun du bzhag__/phyag byas nas/__bla ma dang dkyil 'khor gyi lha la sman phud 'bul bar zhu/__zhes brjod/__gzhan rnams nang mchod 'thor bzhin dpon slob thams cad kyis/__dman pa'i spyod yul dag las rab 'das shing /__/rgyal ba kun gyi bston bya'i dam tshig mchog__/dngos grub rnam gnyis kun gyi gzhir gyur pa/__/zag med bdud rtsi mchog gi mchod pa 'di/__/phyogs bcu dus gsum rgyal ba sras bcas kyi/__/mkhyen brtse nus gsum gcig tu 'dus pa'i dngos/__/dran pas srid zhi'i rgud pa kun sel ba'i/__/rtsa ba'i bla ma'i zhal du oM AHhU~M/__/rdo rje 'chang chen bdag med rnal 'byor ma/__/grub chen biR+Wa pa dang nag po pa/__/DA ma ru pa a wa d+hU ti man ngag lugs dang /__/phyag mtsho skyes lugs/__rdor bi la s+ye ni badz+ri/__/yan lag med pa'i rdo rje'i zhal du oM=pad+ma'i myu gu in+d+ra b+hU ti dang /__nag po spyod pa bram ze dpal 'dzin zhabs/__/DoDom+bi'i lugs kyi brgyud pa/__m+bi'i pa dang a la la badz+ra/__/nag khrod gar+b+ha'i zhal du oM AHhU~M/__/bsod nams pa dang thub dka' zla ba dang /__/dpa' bo rdo rje ga ya d+ha ra'i zhabs/__/mi bskyod zhe sdang rol pa'i rdo rje dang /__/kun dga' snying po'i zhal du oM AHhU~M/__/rje btsun sku mched paN chen khu dbon dang /__/dkon mchog dpal dang brag phug bsod nams rgyal/__/dpal mtshungs bud+d+ha shrI ngor chen rje/__/sems dpa' chen po'i zhal du oM AHhU~M/__/bdag chen kun spangs kun dga' legs pa dang /__/tshar chen mkhyen brtse gzhon blo klu sgrub zhabs/__/don rgyal bslab gsum dbang rab ngag chos rje/__/bsod nams mchog ldan zhal du oM AHhU~M/__/rin chen mchog grub mkhyen rab byams pa'i dpal/__/kun dga' lhun grub legs 'byung kun blo'i zhabs/__/nam mkha' 'chi med kun dga' bstan 'dzin dang /__/bstan pa'i rgyal mtshan zhal du oM AHhU~M/__/ngag gi dbang phyug rat+na badz+ra dang /__/'jam dpal dbyangs dngos blo gter dbang po'i zhabs/__/lam 'di'i bka' drin dngos su 'dom mdzad pa'i/__/rtsa ba'i bla ma'i zhal du oM AHhU~M/__/gzhan yang tshad med thugs rje'i sprin mdzes las/__/dbang bskur rgyud bshad man ngag bdud rtsi yis/__/bdag blo'i thar pa'i myu gu 'phel mdzad pa/__/dngos brgyud bla ma'i zhal du oM AHhU~M/__/yang dgyes rdor man ngag lugs rkyang pa'i brgyud pa la spro na/__DA ma ru pa a wa d+hU ti dang /__/ga ya d+ha ra'i zhal du oM AHhU~M/__/rdo rje 'chang dngos bla chen 'brog mi dang /__/se ston mkhar chung zhang ston chos 'bar dang /__/dgyes mdzad dngos snang bstan pa'i srol 'byed che/__/kun dga'i snying po'i zhal du oM AHhU~M/__rje btsun sku mched man dkyus ltar ro/__/de nas/__aSh+Ta dang /__de wa pi tsu dang /__ka ta rI dang /__oM AHa A/__i I sogs dang/__oM AHgaM hU~M phaT swA hA nas/__oM AHDa~M hU~M phaT swA hA/__zhes ba'i bar brjod cing /__khyad par dran pa tsam gyis lhan skyes kyi/__/ye shes rmad du byung ba sbyin mdzad pa/__/bcom ldan kye yi rdo rje lha mo brgyad/__/dkyil 'khor rab 'byams zhal du oM AHhU~M/__/gzhan yang bya ba spyod pa rnal 'byor dang /__/rnal 'byor bla med rgyud dang rjes 'brel ba'i/__/gang 'dul sgyu 'phrul dra ba'i rnam rol can/__/yi dam lha tshogs zhal du oM AHhU~M/__/oM shrI ma hA ka la ya oM AHhU~M/__/oM shrI d+harmA pA la tsa turmu khA ya oM AHhU~M/__/gzhan yang chos 'khor srung zhing sogs nas/__skal pa dang ldan par gyur cig oM AHhU~M/__zhes pa'i bar dbang chu ltar brjod/__sgrib pa gnyis kyi dri ma kun bsal nas/__/bzung 'dzin rtog pa kun las rnam grol ba/__/bla na med pa'i byang chub sems kyi dngos/__/bde ba chen po'i mchad pas mnyes gyur cig__/oM AHhU~M/__/zhes brjod/__bza' bca' snod gcig tu bsdus pa cha gsum du bsgos la phud dang po bla ma dkon mchog la 'bul ba ni las rdor gyis phyag byas la/__bla ma dang dkyil 'khor lha la tshogs phud 'bul bar zhu/__zhes brjod/__khyab bdag rdo rje 'chang dbang nas bzung ste/__/paN grub dbang po bi ru pa la sogs/__/'phags bod brgyud pa'i bla ma thams cad la/__/zag med bdud rtsi'i tshogs kyi mchod pa 'bul/__/spangs rtogs mthar phyin rgyal ba sras bcas dang /__/yi dam dkyil 'khor 'khor lo rab 'byams sogs/__/skyabs gnas mchod 'os rgya mtsho thams cad la/__/zag med bdud rtsi'i tshogs kyi mchod pa 'bul/__/bzhes nas bdag dang mtha' yas sems can kun/__/bsod nams ye shes tshogs gnyis rab rdzogs shing /__/mchog dang thun mong dngos grub rnam gnyis kyis/__/phan bde'i dga' ston rgyas par byin gyis rlobs/__/oM gu ru bud+d+ha bo d+hi satwa sa pa ri wA ra oM AHka ro sogs kyis phul/__tshogs phud bar pa yi dam la phul te/__oM AHhU~M/__/e dbyings rdo rje btsun mo'i grong khyer du/__/wa~M yig bde ba chen po'i rol rtsed las/__/zung 'jug bcom ldan dgyes pa rdo rje'i gar/__/brtan g.yo thams cad ye shes lnga'i dkyil 'khor/__/mtshan ma'i chos kun mi 'gyur rdo rjer sdom/__/'jigs mdzad he ru ka dpal snying rje'i bdag__/longs spyod yongs rdzogs dkyil 'khor lha tshogs la/__/zag med bdud rtsi'i tshogs kyi mchod pa 'bul/__/bzhes nas rnal 'byor bdag cag 'khor bcas la/__/ma dag 'khrul pa'i snang ba rgyun chad cing /__ting 'dzin nyams kyi bar chad 'phrang las sgrol/__/rtsa rlung thig le'i dwangs ma stobs su smin/__/'od gsal dbyings kyi rtogs pa gong du 'phel/__/rtsa yi mdun grol sa lam mthar phyin cing /__/sgrib pa gsum bral smyo med kye rdo rje/__/snying rje che dang zag med bde ba'i nyams/__/mkha' ltar khyab ba'i dngos grub stsal du gsol/__/gau rI nag mo chom kun brtsod kyi mdog__/ro langs ser mo g+hasma ri ljang gu/__/puSh+ka sI sngon ri khrod ma dkar mo/__/gtum mo sngo sangs g.yung mo mdog sna tshogs/__/zag med bdud rtsi'i tshogs kyi mchod pa 'bul/__/bzhes nas rnal 'byor bdag cag 'khor bcas=sogs/__/mi bskyod rdo rje dbyings kyi mkha' 'gro dang /__/rnam snang rab dga' shud+d+ha DA ki ni/__/rin chen nam mkha' dri med mkha' 'gro ma/__/dpag med me tog pad+ma DA ki dang /__/don yod re skong sna tshogs mkha' 'gro ma/__/zag med bdud rtsi'i tshogs kyi mchod pa 'bul/__/bzhes nas rnal 'byor bdag cag 'khor bcas=sogs/__oM b+ha ga wAn ma hA ka ru Ni ka he badz+ra sa pa ri wA ra ka ya wA ka tsit+ta in+Da sogs gtor sngags lan gsum brjod la dbul/__phud tha ma mkha' 'gro chos skyong srung ma sogs la 'bul te/__oM AHhU~M/__rdo rje ye shes 'bar ba'i me bo ches/__/logs 'dren bgegs kyi bud shing kun bsregs nas/__/grub gnyis snang ba rtag tu rgyas mdzad pa'i/__/chos skyong srung ma'i tshogs rnams thams cad dang /__/sgrub pa po yi rgyud la lhan skyes kyi/__/ye shes rmad du byung ba'i dpal ster ba/__/gnas yul dur khrod kun na bzhugs pa yi/__/sprul pa'i gar mdzad dpa' bo rnal 'byor ma/__/bsod nams nor bu'i sprin chen rol pa las/__/'dod rgu'i gru char lhug par 'bebs mkhas pas/__/srid zhi'i 'byor pa mtha' dag sbyin mdzad pa'i/__/gnod sbyin nor lha rgya mtsho'i tshogs bcas dang /__/gzhan yang yul lha gzhi bdag rig drug mgron/__/thams cad ye shes gcig gi byin rlabs pas/__/dkyil 'khor 'khor lo'i gzugs su yongs shar ba/__/zhal zas bdud rtsi'i tshogs kyi mchod pa 'bul/__/bzhes nas bdag dang sems can thams cad kyi/__/lam gyi 'gal rkyen mtha' dag nyer zhi zhing /__/mthun rkyen ma lus yid bzhin 'grub pa dang /__/mchog thun dngos grub thob pa'i phrin las mdzod/__/ces dang /__chos skyong so so'i gtor sngags dang /__mkha' 'gro spyi gtor gyi sngags lan gsum res phul/__ga bur gur gum sbyar ba'i zhabs bsil spreng /__/yid 'ong mngar gsum ldan pa'i zhal bsil dang /__/dag pa'i chu yi 'thor thung rab tu gtsang /__/yan lag brgyad ldan mchod yon rgya mtsho dang /__/rab mdzes mtshar sdug rdzogs pa'i me tog bzhad/__/bdug spos sprin gyi dud pas phyogs kun khyab/__/nyi zla nor bu'i sgron me'i snang gsal dang /__/dri zhim bzang po'i chab kyi sbu phreng g.yo/__/ro brgya ldan pa'i zhal zas sna tshogs dang /__/dbyangs bdun snyan 'gyur rdzogs pa'i rol mor bcas/__/bla ma yi dam sangs rgyas byang sems dang /__/dkyil 'khor lha tshogs 'khor dang bcas la 'bul/__/mchog tu dges pa'i sems kyis bzhes nas kyang /__/bde chen mchog gi dngos grub rtsal du gsol/__/oM b+ha ga wAn ma hA ka ru Ni ka he badz+ra sa pA ri wA ra sogs re re bzhin sbyar ba'i chu bzhi dang nyer spyod rol mo dang bcas pa dbul/__hU~M a~M ga~M tsa~M ba~M g+ha~M pa~M sha~M la~M Da~M oM AHhU~M/__kye rdo rje'i lha dgu'i zhal du mchod pa dam pa 'bul lo/__/rdor dril 'dzin bzhin/__dkar mo ri dwags sogs dang /__khyod ni rnal 'byor ma tshogs sogs dang /__mi bskyod rdo rje=sogs nas/__sna tshogs mkha' 'gro phyag 'tshal bstod/__/ces pa'i bar bya'o/__/rtsa brgyud bla ma yi dam dkyil 'khor ste/__/mkha' 'gro chos skyong srung ma'i tshogs rnams dang /__/gzhan yang ye shes gcig gi rnam rol la/__/mchog dang dman pa'i rtogs pa ma dmigs phyir/__/yul lha gzhi bdag rigs drug tshogs bcas la/__/'dod pa'i yon tan rnam pa thams cad pa/__/zhal zas tshogs kyi mchod pa phul ba'i mthus/__/'gro la phan bde ma lus 'byung ba'i sgo/__/rgyal ba'i bstan pa yun ring gnas pa dang /__/bstan 'dzin skyes bu thams cad zhabs brtan cing /__/bshad sgrub phrin las 'phel bar mdzad du gsol/__/'jig rten pa kun yang dag lta ba la/__/gus shing rnam dkar las la brtson pa'i mthus/__/snod bcud phun sum tshogs pa'i ngo mtshar gyi/__/dge mtshan nub pa med pa mdzad du gsol/__/gzhan yang rnal 'byor bdag cag 'khor bcas la/__/gnas skabs 'jigs chen brgyad dang bcu drug sogs/__/dam chos sgrub la 'tshe ba'i 'gal rkyen kun/__/zhi ba'i phrin las 'grub par mdzad du gsol/__/tshe bsod dpal 'byor thos bsam shes rab dang /__/khyad par rim pa gnyis kyi ting nge 'dzin/__/gong nas gong du 'phel zhing brtan pa yis/__/grub gnyis dga' ston rgyas par mdzad du gsol/__/brtan g.yo snod bcud thams cad skad cig tsam/__/dran pa'i mod nas dbang du bgyid nus pa'i/__/brtul zhugs zla med sngags rigs grub pa yi/__/phun tshogs mtha' dag 'du bar mdzad du gsol/__/zhi ba'i thabs kyis 'dul du ma 'tshal pa'i/__/nag po'i rtsa lag sder bcas dpung tshogs kun/__/drag po'i phrin las mchog gis tshar bcad nas/__/ming gi lhag ma bgyid par mdzad du gsol/__/tshe yi mtha' yang dpal ldan bla ma dang /__/dbyer med bcom ldan kye yi rdo rje la/__/dpa' bo mkha' 'gro'i tshogs kyis mdun bdar nas/__/'og min gnas su 'khrid par mdzad du gsol/__/mdor na myur du zung 'jug dbu ma che'i/__/go 'phang mchog de mngon gsum brnyes pa dang /__/de ma thob par tshe rabs thams cad du/__/don gnyis yid bzhin 'grub par mdzod du gsol/__/zhes 'dod pa'i don la gsol ba gdab/__de nas rang lhar gsal bar bsgom pa'i kha hom khung dang /__lag pa gnyis hU~M las rdo rje'i gzar bu gnyis dang /__lte bar ra~M las gtur mo 'bar ba'i me lce'i khrod na 'jig rten pa'i tshogs dang /__snying gar ba~M las pad+ma'i steng du dkyil 'khor kyi lha tshogs dang rang gi lus kyi phung khams skye mched rnams kyang lhar gsal ba dang lce hU~M du gyur ba bsgom la rdo rje'i bzlas pa cung zad bya zhing lha'i nga rgyal dang gsal snang tha mal gyi rtog pa 'gyur nges su bsgom par gsungs/__yon bdag dam ldan yod na des phyag byas la thal mo sbyar te gsol ba btab pa'am/__/dam ldan med na las kyi rdo rjes bya ste/__rdo rje 'dzin sogs dgongs su gsol/__/bdag gis tshogs kyi khyad par 'di/__/dwangs ba'i sems kyis 'bul lags na/__/ci bde bar ni bzhes su gsol/__/zhes gsol ba btab cing me tog dor/__slob dpon gyis/__e ma ho ye shes chen po rnams/__/tshogs chen 'bar bas nyon mongs bsregs/__/'di 'dra'i bde ba thob 'gyur ba/__/kun gyis a ho su kha brjod/__/ces brjod pa'i rjes su thams cad kyis/__a ho su kha b+ha gA nA ma/__/a ho pu pra yaM naM/__/ma hA mu drA pa b+hi naM/__/pra brta nr-i te na naM/__/ta ran+te na hU~M ha rje btsun gyi gsung la mi 'dug__/ha ho ho ho/__zhes brjod de nas las kyi rdo rjes thams cad kyi mdun du thod pa'am ma 'byor na/__thod pa bsam pa'i snod chang gis bkang bar bzhag la/__slob dpon la phyag dang /__pad skor dang /__gzhan rnams la pad skor sngon du 'gro bas thod pa lag pa g.yas pas bzung /__g.yon pa'i mtheb srin gyis sha cung zad bzung la thod pa'i steng nas dgab ste/__'dir ni chos rnams bzang por ltos/__zhes sogs brjod/__len pa pos kyang /__bde gshegs chos ni rin thang med/__/'dod chags dri ma rnam par spangs/__/gzung dang 'dzin ba dang bral ba/__de bzhin nyid la gus phyag 'tshal/__/zhes brjod cing gnyis kas/__a ho su kha/__zhes brjod la/__las kyi rdo rjes dam tshig ma thob kyi bar du lag tu bzung /__dam tshig thob pa dang stegs kyi steng du bzhag__/de las sha la sogs pa'i bza' ba rnams slob dpon la nyis 'gyur dang /__gzhan rnams la che chung med par rim gyis drangs/__stob pa pos/__a ho su kha zhes brjod cing lag pa gnyis kas stabs/__len ba pos/__a ho su kha zhes brjod cing blangs la/__bza' btung rnams stegs med par sa la mi bzhag__/yo byad thams cad stabs tshar ba dang rang lha'i 'du shes dang rnam par ma 'khrul ba'i ngang nas nang gi sbyin sregs gsal btab la tshim par bza' ba'o/__/de yang sdom brtson rnams kyis dam tshig gi rdzas sha chang lce la reg tsam dang /__gzhan rnams sha lnga bdud rtsi lngar mos pa bya ba dang /__rnal 'byor pa rnams kyis kyang dam tshig gis rdzas la ran par longs spyod pa las sred pa'i dbang gis chang ma myos kyi bar du btung ba dang /__ha cang 'grang bar longs spyod pa ni dgag bya yin la/__bsad sha sogs la longs spyod pa ni gtan du bkag go/__lnga pa phyi nang gi mkha' 'gro ma rnams glu gar gyi tshim pa ni ye shes kyi mkha' 'gro ma bsdu ba dang /__de bzhin gshegs pa'i dkyil 'khor gyi dmigs pa brtan pa dang /__bdag dang tshogs pa rnams srung bar bya ba'i don du rnal 'byor dpa' bo dang dpa' mo lha'i nga rgyal gyis rdo rje'i glu gar rgyas par bya ba'am/__ma grub na sngar gyi/__a ho su kha sogs rkang pa bzhi pa la/__glu gar bya ba ni sku'i 'khor lo'o/__/'di yang ma shes na 'og nas rdor glu byas pas kyang mthus par sems te rje btsun gyi kha zas kyis tshim ba'i rjes la lhag ma cung zad por la glu gar gyis tshim pa'i don du kol+la sogs ci shes dang /__zhes gsungs so/__/chos bshad pa ni/__skabs 'dir yon bdag tshogs bsags pa'i phyir/__slob dpon de kho na nyid kyi don la cung zad mnyam par bzhag nas/__don thabs shes rab dang ldan pa'i chos zab mo bshad par gsungs ba las/__dpal rdo rje gur gyi rgyud las/__de bzhin gshegs pa'i rigs lnga yab yum gyis/__byang chub kyi sems bka' stsal ba 'di ltar gda'/__de nas bcom ldan 'das de bzhin gshegs pa thams cad kyis/__byang chub sems dpa' chen po rdo rje sa bon gyi thig le thos nas/__sems gsal ba sgrub pa nye bar gyur nas tshig 'di dag gsungs pa/__sems pa med cing bsgom pa med/__/sngags med lha yang med pa ste/__/sems kyi rdo rje las byung ba/__/'di ni byang chub rim bstan pa'o/__/bcom ldan 'das 'khor lo'i dam tshig gis de skad ces bka' stsal to/__/sngags med bzlas pa'ang yod ma yin/__/'khor ba gsum po thams cad med/__/chos kyi dbyings kyis rang bzhin gyis/__/bsgom pa dang ni bsgom pa med/__/bcom ldan 'das rin po che'i dam tshig gis de skad ces bka' stsal to/__/kun rdzob 'jig rten pa yang yod/__/dpyad na gong du 'jig rten pa/__/rtag tu 'jig rten pa nyid 'khor/__/'di ni byang chub rim bstan pa'o/__/bcom ldan 'das pad+ma'i dam tshig gis de skad ces bka' stsal to/__/ma skyes pa dang mi dmigs pa/__/mi phyed nam mkha' lta bu ste/__/zab cing zhi ba'i rang bzhin ni/__/'di ni byang chub rim bstan pa'o/__/bcom ldan 'das ral gri'i dam tshig gis de skad ces bka' stsal to/__/sgyu ma ji ltar me long ltar/__/nam mkha' ji ltar bde ji ltar/__/ji ltar dngos po yongs shes pa/__/'di ni byang chub rim bstan pa'o/__/bcom ldan 'das mkha' 'gro ma bdag mas de skad ces bka' stsal to/__/stong nyid dri med dam pa'i gnas/__/rmi lam sgyu ma'i rang bzhin nyid/__/ji srid ma zhig bar du ni/__/sems kyi rang bzhin bsgom par gyis/__/mA ma kA'i 'o/__/srid med mya ngan 'das pa 'ang med/__/'di ni bde chen rdo rje ste/__/gang zhig yid kyi bsgom pa bsgom/__/spyan gyi'o/__/sngags dang yi ge rnam pa spangs/__/de ni sems med thig le med/__/'di de dam pa'i bde chen te/__/bri ba med cing gang ba med/__/gos dkar mo yi'o/__/gzugs brnyan rang bzhin ji lta bar/__/de ltar dngos po bsgom bar bya/__/stong nyid dri med mchog gi gnas/__/der ni bsod nams sdig pa med/__/sgrol ma'i 'o/__/ji ltar chu nang zla ba de/__/bden med rdzun pa med pa ste/__/de ltar dkyil 'khor 'khor lo ni/__/lus gyi rang bzhin rnyogs pa med/__/'khor thams cad kyis de skad ces bka' stsal to/__/zhes gsungs pa rnams kyi don la thugs mnyam par 'jog par zhu/__ces dang longs skabs dang tshogs pa mang du yod na rtsa rgyud brtag gnyis tshar gcig gsungs na rgyud mchod shin tu legs pas de ltar na gang du mnyam par mjog pa dang mtshams su/__rig ba 'dzin pa so so nas kyang rgyud kyi tshig zab mo re gsungs par zhu/__zhes brda' sprod nas thams cad la bkram pa'am lhan gcig tu tshar gcig bton pa gang bab bya'o/__/de ni gsung gi 'khor lo'o/__/drug pa lus kyi dkyil 'khor lhan cig skyes pa'i ye shes kyis tshim pa ni/__rnal 'byor par ba rnams kun tu rgyu'i spyod pa la brten nas bde stong gnyis med kyi ye shes skye ba'i ngang la mnyam par bzhag pa'am/__rlung sogs kyi nus pa dman pa'am rab byung rnams kyis ni mar gyi nying khu dang ma da na bsres pa snying gar byugs la lag pas cung zad mnyes te/__rang nyid dkyil 'khor gyi gtso bo yab yum du bsgom pa snyoms par zhugs pa dang spyi bor bla ma snang ba thams cad de bzhin gshegs pa'i dkyil 'khor du dran par bya zhing bde stong gi ting nge 'dzin rgyud la skyes par bsam pa ni thugs kyi 'khor lo ste kun tu rgyus spyod pa de med na ni dpa' bo'i ston mo zhes bya'o/__/de dang ldan pa ni tshogs 'khor zhes bya'o/__/zhes rje btsun rin po ches gsungs so/__/dngos gzhi tshim pa drug bstan zin to/__/mthar de'i smon lam rje mkhyen rtse'i zhabs kyi mdzad pa ni/__ting nge 'dzin gyi sprul pa'i dkyil 'khor lha/__/phyi nang mchod pa'i sprin gyi phung po yis/__/zag med bde chen ngang du tshim pa'i mthus/__/bsod nams ye shes tshogs gnyis rdzogs par shog__/snying dbus pad+mo ge sar bzhad pa'i rtser/__/rang sems bla ma yi dam dbyer med pa/__/ye shes bdud rtsis tshim pa'i byin rlabs kyis/__/gnyis 'dzin 'khrul ba'i kun rtog 'ching gyur cig__/chos skyong 'byung po'i tshogs rnams ji snyed pa/__/rnam mang 'dod yon rgya mtsho 'jo ba'i dpyid/__/bza' bca' btung ba'i gtor mas tshim pa las/__/bar chad kun sel phrin las 'grub par shog__/smin byed dbang thob sdom gsum la gnas pa'i/__/rnal 'byor pa rnams khyad par bza' ba yis/__/dam tshig tshogs kyi 'khor los tshim pa dang /__/ting 'dzin zas la rtag tu spyod gyur cig__/skye mched lha rnams rdo rje'i glu gar dang /__/bde stong rol mo'i sgra yis nyer tshim nas/__/gang shar snang ba lha dang ye shes kyis/__/dag pa'i snang ba gcig tu 'char bar shog__/dngos kun bde chen lhan cig skyes pa yi/__/ye shes mchog gi rtag tu tshim pa las/__/'khor 'das dbyer mi phyed pa'i thig le ru/__/phyag rgya chen po'i dngos grub brnyes gyur cig__/mdor na phyi nang dkyil 'khor 'khor lo kun/__/zag med tshogs kyi 'du bas mnyes pa'i mthus/__/'jig rten 'jig rten 'das pa'i dge legs kyi/__/bkra shis snang bas sa gsum khyab par shog__/gsum pa rjes kyi bya ba la/__phyi rol gyi 'byung po la/__phrin las gzhol phyir lhag ma bsngo ba/__ye shes kyi mkha' 'gro ma bsdus te rdor glu bkra shis bya ba/__mdun bskyed kyi dkyil 'khor pa la mchod bstod dang chos skyong la gtor ma btang ba/__dngos grub zhu zhing lhag chad kha skong dang brtan bzhugs gshegs gsol bya ba/__bdag nyid kyi skye mched byin gyis brlab ba dang /__srung ba byas te bsags pa 'bras bu ldan par bya ba'i phyir smon lam gdab pa/__shis brjod rgyas bar spel te las kyi rjes mi mngon par bya ba dang drug las/__dang po phyi rol gyi 'byung po la phrin las gzhol zhing lhag ma bsngo ba ni/__lhag ma gtso bo'i drung du bzhag la phyag byas te/__lhag ma'i gtor ma byin rlabs mdzad par zhu/__zhes brjod slob dpon gyis bdud rtsi cung zad khar btung ste 'bar ba'i phyag rgya bcas b+h+rU~M dang /__pheM gang rang brjod pa bstun la lhag gtor la kha 'phru btab/__dkyil 'khor gyi phud nas lhag ma cung zad bsre/__chu chang gis bran la/__oM AHhU~M/__lhag ma'i gtor ma zhal zas bdud rtsi'i sprin/__/'dod pa'i yon tan rnam pa thams cad pa/__/zag pa med pa nam mkha'i mdzod lta bu/__dpag yas srid zhi'i khams kun khyab par gyur/__/oM AHhU~M gsum gyis brlab/__a kA ro'i sngags kyis bsngos ba'am/__uts+tshiSh+Ta ba ling ta b+hak+Sha sI swA hA/__lan gsum mam bdun gyis bsngos la se gol brdab/__rdo rje'i thugs kar dang /__dril bu chig brdung bya zhing /__lha yi tshogs rnams ma lus dang /__sogs nas/__yid la 'dod pa kun 'grub shog__/ces dang /__lhag ma la dbang ba'i 'byung po nam mkha' dang mnyam pa rnams tshim par gyur la byang chub la mchis kyi bar du bar chad zhi bar mdzod cig__/ces brjod la/__thod pa ltag sprod kyi DA ma ru g.yas g.yon bskor zhing /__phreM hU~M gi sgra dang ldan bar dkrol/__mtshan mo yin na me sgron dang bcas te lam gyi gzhi mdo 'am/__thag ring bar bskyal lo/__/gnyis pa ye shes kyi mkha' 'gro ma bsdus te rdo glu bkra shis bya ba ni/__rdo rje 'dzin zhing dril bu lding khugs su dkrol zhing /__ko la e ra Sh+Ti sogs rdor glu dang bkra shis smon lam sgrubs thabs ltar la/__btsun mo'i khu ba mnyam zas can/__/skye zhing skye bar 'gyur ba shog__/ces pa'i mtshams su/__rdo rje 'dzin sogs phyag 'tshal lo/__/khyod la rab tu dwangs ba yis/__/mchod pa'i tshogs ni rab phul bas/__/bdag dang mtha' yas sems can kun/__/'khor ba'i sdug bsngal spang nas ni/__/bde mchog rdo rje 'dzin rgyal shog__/sems can thams cad bde gyur cig__/ces sogs dkyus bzhin no/__/gsum pa mdun bskyed kyi dkyil 'khor ba la mchod bstod bya ste mchod pa byin rlabs dang phyi nang yid byung gi mchod pa bstod ba rnams dbang chu'i rjes rim ltar bya/__/de nas chos skyong la gtor ma stabs pa ni/__'das gtor srung ma'i don du bzhag__/gzhan rnams grib gnon gyi gdon srung phyir dpal 'bar dang bcas phyi rol du khyer te spyi stabs dang /__srid zhi dpal 'byor ma'i phrin bcol bya/__sgrub mchod chen po'i skabs sogs la bkra shis rjes spyi stabs mdzad kyang 'dir byas pas rung bar sems so/__/bzhi pa dngos grub zhu zhing lhag chad kha skong ba dang brtan bzhugs gshegs gsol bya ba ni/__bdag dang sems can thams cad la phyag rgya chen po mchog gi dngos grub dang /__gnas skabs su byang chub kyi sems gnyis dang /__rim pa gnyis kyi mngon par rtogs pa'i yon tan ma lus pa'i dngos grub rtsal du gsol/__zhes dngos grub blang /__yig brgya lan gsum gyi rjes su/__ma 'byor pa dang sogs kyi mthar/__khyed kyis sems can gyi khams la rjes su brtse bas bka' stsal zhing /__dkyil 'khor gyi byin gyis brlabs te sems can gyi don mdzad na so so'i skye bo rnal 'byor la dbang ma thob pa rnams brjed nges pas yo byad ma tshang pa la sogs banyes pa gang cung zad bgyis pa de dag bzod par mdzad du gsol/__zhes nongs ba bzod par gsol/__rten yod na/__phyogs bcu na sogs kyis brtan bzhugs bya/__/tshom bu'i dkyil 'khor dang /__rten med pa'i gtor mgron gyi ye shes pa rnams/__oM/__khyed kyi sogs nas/__oM AHhU~M badz+ralam dus bya bral mar 'dugamuH/__zhes pas/__ye shes pa rnams gshegs/__dam tshig pa rnams dzaHhU~M ba~M hoHrang la gnyis su med par thim/__lnga pa skye mched byin rlabs dang /__srung ba byas te smon lam gdab pa ni/__rang gi mig tu gti mug rdo rje ma sogs skye mched sku gsung thugs byin gyis brlabs nas srung ba bya ba rnams sgrub thabs nas 'byung ba ltar ro/__/drug pa shis brjod rgyas bar spel te las kyi rjes mi mngon par bya ba ni slob ma dang sbyin bdag rnams kyi gser la sogs pa'i yon dbul la slob dpon gyis/__bsod nams mthar thug tshogs kyi 'khor lo bskor ba'i dge ba'i rtsa ba 'dis gtso byas dus gsum du bsags pa'i dge ba'i rtsa ba rnams la brten nas/__sems can thams cad rdo rje 'chang chen po'i go 'phang thob par gyur cig snyam pa gyis zhes brjod la rje btsun rtsa ba dang brgyud par bcas pa'i dpal ldan bla ma dam pa rnams dang /__yi dam dkyil 'khor gyi 'khor lo'i lha tshogs dpa' bo dang rnal 'byor ma'i tshogs thams cad bdag la dgongs su gsol/__/tshogs pa thams cad kyi mthun 'gyur bya/__dpon slob thun mong du/__dge ba 'di yi nam mkha'i mtha' klas pa'i/__sogs nas/__bstan la bya ba byed par shog ces dang /__rtsa rgyud phyi ma'i brgyad par gsungs pa'i smon lam dbang bzhi dang sbyar ba/__zhal brgyad bcu drug phyag can rigs su skye/__/rtsa ba yan lag srung ba'i dam tshig can/__/tha mal rnam par rtog pas smyo med ba/__/skye zhing skye ba kun tu 'gyur bar shog__/kyai yi rdo rje ngo bo nyid gsum ston/__/bum dbang bskur ba'i bla ma la gus shing /__/sems can kun la snying rje dang ldan pa/__/skye zhing skye ba kun tu 'gyur bar shog__/rdo rje dril bu 'dzin dang mi 'bral zhing /__/zab mo'i rgyud rgyal chos ni klog pa dang /__/btsun mo'i khu ba bdud rtsi lnga la spyod/__/skye zhing skye ba kun tu 'gyur bar shog__/rtsa yig skyon med gsang dbang rigs su skye/__/thun chag rnam rtog las srung dam tshig can/__/bsam gtan sgrib pa kun gyi smyo med pa/__/skye zhing skye ba kun tu 'gyur bar shog__/kyai yi rdo rje rang byung ye shes ston/__/gsang dbang bskur ba'i bla ma la gus shing /__/sems can kun la snying rje dang ldan pa/__/skye zhing skye ba kun tu 'gyur bar shog__/rdo rje dril bu ro rkyang dbu mar 'dzug__/zab mo'i dril chen sgra 'dzin sgrogs pa dang /__/btsun mo'i khu ba khams dgu 'dus pa can/__/skye zhing skye ba kun tu=__/bdud rtsi skyon med gsum pa'i rigs su skye/__/thig le gnod pa rnams spangs dam tshig can/__/gsum pa'i nyams dang ma bral smyo med par/__/skye zhing skye ba kun tu=__/kyai yi rdo rje lhan skyes ye shes ston/__/gsum pa dbang ba'i bla ma la gus shing /__/sems can kun la snying rje dang ldan pa/__/skye zhing skye ba kun tu=__/rdo rje dril bu mkha' gsang mnyam par sbyor/__/zab mo bde ba'i nyams dang mi 'bral zhing /__/btsun mo phyag rgya bstan dang mi 'bral ba/__/skye zhing skye ba=__/snying po skyon med bzhi pa'i rigs su skye/__/thig le 'dzags pa bsrung ba'i dam tshig can/__/sgrib pa gsum dang bral bas smyo med pa/__/skye zhing skye ba=kyai yi rdo rje shin tu rnam dag ston/__/bzhi pa bskur ba'i bla ma la gus pa/__/sems can kun la snying rje dang ldan pa/__/skye zhing skye ba kun=__/rdo rje dril bu pad can mkha' gsang sbyor/__/zab mo bde ba'i nyams dang mi 'bral zhing /__/btsun mo pad+ma can gyi thig le 'dren/__/skye zhing skye ba kun tu 'gyur bar shog__/ces dang /__sems can thams cad bde gyur cig__/sogs nas/__de yis sangs rgyas nyid thob shog__/ces sems can gyi don du bsngos la/__slob dpon gyis slar yang /__dge ba'i rtsa ba 'di dag gi mthu dang nus pa la bsten nas/__phan bde'i 'byung gnas rdo rje theg pa'i bstan pa rin po che phyogs dus gnas skabs thams cad du dar zhing rgyas la yun ring du gnas par gyur cig__/bstan pa'i rtsa lag dam pa rgyal ba rdo rje 'chang chen po la sogs pa rtsa brgyud kyi bla ma dam pa bde bar gshegs pa rnams kyi thugs kyi dgongs pa khyad par can thams cad gong nas gong du yongs su rdzogs par gyur cig__/da lta zhal bzhugs pa'i skyes bu dam pa rgyud sde bzhi la klog pa thos bsam gyi 'khor lo mdzad pa rnams sku khams bzang zhing sku tshe ring bar gyur cig__/rim gnyis kyi ting nge 'dzin la spong ba bsam gtan gyi 'khor lo mdzad pa'i sgrub pa po thams cad kyis lhan gcig skyes pa'i ye shes kyi rtogs pa gong nas gong du 'phel zhing rgyas par gyur cig__/de dag gi byin rlabs dang nus mthu la brten nas/__sbyin bdag che ge mo zhes bgyi ba tshe 'khor ba thog ma med pa nas bsags pa'i sdig pa dang sgrib pa thams cad zhi ba dang /__lus dang longs spyod dang skal pa dang dge ba sgrub pa'i bar du gcod pa thams cad nye bar zhi bar gyur cig__/bdag cag dpon slob sbyin bdag 'khor dang bcas pa'i rim pa gnyis kyi mngon par rtogs pa'i yon tan dang /__tshe dang /__bsod nams dang /__dpal dang /__'byor pa dang /__legs pa'i yon tan thams cad gong nas gong du 'phel zhing rgyas par gyur cig__/gzhan yang sa phyogs 'di nyid kyi gtsos byas pa'i 'jig rten gyi khams thams cad du 'khrugs long dang /__rims nad med cing lo legs pa dang bkra shis pa la sogs pa'i dge legs thams cad kyis khyab par gyur cig__/mar gyur pa'i sems can thams cad kyang chos dge ba bcu la gnas shing rdo rje theg pa'i snod du gyur cig__/ces pa rnams la tshogs pas mthun 'gyur dang /__thun mong du/__bla med bla ma'i thugs rje dang /__/sogs kyis bsngo ba dang /__smon lam rgya cher byas la/__yon bdag spro ba bskyed pa'i phyir/__e ma sems can chen po khyod/__/deng nas sangs rgyas rnams kyis ni/__/khyod la rab tu dgongs 'gyur zhing /__/sangs rgyas nyid du 'gyur bas na/__/'bras bu chen po mthong nas ni/__/yid ches pa yis brtson par byos/__/zhes dang /__gsang bar gdams pa ni/__sngags kyi kun spyod 'di rnams gzhan la smras na/__/dmyal ba la sogs pa'i sdug bsngal mthong bar 'gyur bas khyed rnams kyi su la yang smra bar ma byed cig__/ces brjod/__drug pa shis par bya ba ni/__lag g.yas rdo rje dang bcas pas me tog 'thor/__g.yon pas dril bu bsil bzhin/__mtshungs med bla ma=sogs dang /__dkon mchog gsum gyi bkra shis ci rigs pa brjod cing me tog gi char dbab/__mthar rol chen dang bcas te dge legs su bya'o/__/rdzas dman pa rnams chu bor dor la me tog gi phreng ba sogs bsdus la las sogs rjes mi mngon par bya'o/__/rjes kyi sa bcad drug po 'di chos rje sa skya paN+Di ta dang ngor chen rdo rje 'chang gi gsang ba kun rgyan gnyis go rim mthun par gsungs shing /__kun bzang rnam rol du go rim cung mi 'dra yang da lta'i phyag len dang phyi ma mthun shas che zhing stabs bde bas de la gtso bor brten nas cung zad go rim 'khrugs bsdebs byas pa la mkhas pa'i dbang po rnams kyis dpyad par zhu/__de rnams tshogs mchod rgyas par bya ba'i tshul lo/__/de las bsdu na sngon 'gro brda dang brda yi len dang /__maN+Dal zhu 'bul rnams mi dgos/__tshogs kyi byin rlabs tshar nas/__dman pa'i yul las rab 'das shing /__sogs shwa lo ka gnyis kyis ma da na'i phud 'bul/__zhal zas ro brgya sogs kyis mthar bla yi dam chos skyong gi gtor sngags lan gsum re tshogs phud 'bul/__de nas drang pa bya zhing lhag gtor la kha phru dang /__'bru gsum gyi byin rlabs la sngags lan gsum gyis bsngo/__lha yi tshogs dang sogs brjod/__thog mtha'i zhu 'bul rnams dor/__rjes kyi cho ga rnams sgrub thabs dang /__dbang chu ltar bya ba las kha sab mi dgos/__shin tu bsdu na/__bdag bskyed bzlas pa bsdu ba'i rjes/__mchod pa byin rlabs dang /__phyi nang yid byung gi mchod bstod gtor 'bul tshogs mchod bya ba las maN+Dal sgrub mchod mi dgos te/__chos rje'i tshogs 'khor gyi cho ga las/__mdun bskyed maN+Dal ma bshad do/__/sta gon sngon du 'gro ba'i sgrub mchod dang 'brel na bdag 'jug dang dam tshig gsum gyi glu blang ba bden pa bsgrags pa dang /__'das ma 'das la gtor ma dbul ba rnams grub pa'i rjes su tshogs byin rlabs la 'jug pas chog par sems so/__/rtsa ba'i sa bcad drug pa de ltar byas pa'i phan yon ni/__'jig rten dang /__'jig rten las 'das pa'i lha rnams mnyes nas mchog dang thun mong gi dngos grub gnang bar 'gyur ba dang /__yan lag gi dam tshig nyams par rnams 'dag pa dang /__mkha' 'gro dang chos skyong gi thugs dang 'gal ba rnams zhi zhing mnyes par 'gyur ba dang /__bdag nyid kyi rim pa gnyis kyi ting nge 'dzin brtan par byed cing /__bsod nams dang ye shes kyi tshogs rdzogs par byed do/__/mdor na gnas skabs su bar chad zhi ba dang /__bsam pa 'grub pa dang /__mthar thug rdzogs pa'i sangs rgyas thob pa'i rgyu 'gyur te/__brtag gnyis las/__gang du zos pas 'dod don kun/__/sgrub pa can gyi dngos grub 'gyur/__/zhes dang /__ji skad du/__tshe rabs phyi mar gnas ni gar skyes kyang /__/yo byad chung ba dag tu mi 'gyur zhing /__/rtag tu chos kyi 'khor los bsgyur ba dang /__/rin chen nor dang 'bru la longs spyod cing /__/rdzas dang yo byad ldan pa'i skyes bur 'gyur/__/zhes rgyu mthun gyi 'bras bu chos dang zang zing gi longs spyod nam mkha' mdzod la dbang /__tshe phyi ma ma zad tshe 'di la'ang mthong chos su smin par 'gyur ba dang /__gzhan yang snga 'gyur gyi rgyud rdo rje drwa ba las/__bsod nams nang na tshogs 'khor mchog__/tshe 'dir bsam pa kun 'grub cing /__/gegs dang bar chad zhi ba dang /__/phyi ma rig 'dzin rgyal ba'i zhing /__/kun tu bzang po thob par 'gyur/__/ces phan yon mtha' yas par gsungs so/__/bdun pa tshogs 'khor gyi bslab bya ni/__rang dang tshogs pa thams cad la lha'i 'du shes bza' btung thams cad ye shes kyi bdud rtsi'i 'du shes/__longs spyod pa thams cad la lha mchod pa'i 'du shes/__thams cad kyang rang bzhin stong pa nyid du shes pa ste 'du shes 'di rnams dang mi 'bral bar byas na/__Ar+ya de was/__nam mkha' lding du bsgoms pa yi/__/dug rnams thams cad za bar byed/__/ces gsungs pa ltar/__'du shes 'di rnams dang ldan pas tshogs la longs spyod dgos pa ni gnad gal bo che yin no/__/las dang po pas tshogs kyi skabs dang /__ye shes la brtan pa thob pas yul nyer bzhin rgyu ba'i dus/__brda'i skad kyis ma smras na/__/ye shes kyi mkha' 'gros byin gyis mi rlobs/__las kyi mkha' 'gros bar chad 'byung ba gsungs pa/__chang la ma dA na/__sha la bA la/__bza' ba la tri pi ta/__tshod ma la ma ti na d+ha na/__thod pa la pad+ma b+ha ny+dzan/__cang te'u la kri pi ta/__dbang thob dam ldan la ka lany+dza ra/__de las ldog ba dun+d+hu ra/__rus rgyan la ni raM su/__'ong ba la phrem kha na/__'gro ba la khe tra pa/__skyes pa la Da/__bud med la Di/__zhes sogs dgyes d+hor bde mchog las gsungs pa'i brda rnams la byang ba dang /__man smyo las/__zas la dpyad mi gdags par mang du bza'/__ci snyed ba btung /__snod stong par mi bzhag__/zas sa rjen la mi bzhag__/tshogs kyi gtso bo la snod gnyis/__gzhan la re re/__bde mchog ltar na thams cad snod gcig tu bza'/__snod mu dang kha da ched du mi dgang /__'dren pa dang len pa thams cad lag par gnyis kas drong zhing /__gnyis kas blangs/__tshogs kyi gtso bo la 'dren pa dang len pa na phyag bya/__'gro na tshogs kyi gtso bo la phyag byas te zhu/__'ongs pa na phyag bya/__gzhan yang bya ba thams cad phyag byas te zhu/__spyod lam gyis shugs kyis 'gro dgos pa byung na mi dgag__/brel ba gzhan byung nas 'gro dgos byung na/__mkhyen par gsol bzod par gsol te 'gro/__rtsod ba byed pa byung na gdon/__'don ma nus na rang gzhan du 'gro/__gtso bos bka' ma bsgos par stan la mi 'dug__/glu gar dang /__rol mo dang dris la lan dang ma legs par smra bar mi bya/__rkang pa brkyangs te mi 'dug__/lus ma bsdoms bar mi 'dug bza' btung dang /__rnal 'byor pho mo la chags par mi bya/__'jig rten pa dang dgos pa ngo tsha dang /__gtsang mi gtsang gi rnam rtog dang /__bzang mi bzang gi rnam rtog la 'dzim par mi bya/__rnal 'byor pho mo la ma gus pa dang bskur pa mi gdab/__spyod pa'i brtul zhugs la skrag par mi bya/__zas la skam pa dang /__chags pa dang /__'tshag gi phyir mi bza' 'du 'dzi'i gtam dang /__nyan thos kyi bslab bya dang /__rigs ngan dang /__smad 'tshong ma'i gtam mi bya/__nyon mongs pa'i sems mi bskyed/__las dang po pas kyang dran pa nye bar bzhag ste spyod pa gang yang ma dag pa mi bya/__zas kyis lus ma 'grang ba dang /__gtor ma ma thongs bar phyir mi 'gro/__ma zhus pa dang bsngo ba smon lam ma byas par mi nyal/__yon bdag gis kyang bza' btung gis tshim par mi 'gyur ba'i mgron spyan mi drangs/__spyan drangs pa rnams zas kyis tshim par bya/__phan tshun rtsod pa dang shag mi bya/__nang du zhugs pa thams cad kyis gsang thub par bya'o/__/zhes dang /__rab tu myos pa'i chang mi btung /__rang shir song ba'i sha las bsad sha dam rdzas la mi 'jog__/chags sdang gi gtam mi bya/__dang po blangs nas 'gro ba'i bar du snod kha mi sbub/__sems dga' ba'i gtam dang /__chos kyi 'bel gtam bya/__dbang bskur gyi dus su bla mas rang de bzhin gshegs pa'i dkyil 'khor du sgrub/__mnyam bzhag gi dus su rang gi lam rim pa gnyis kyis de bzhin gshegs pa'i dkyil 'khor du bsgom/__rab gnas kyi lha la mchod pa'i tshul du bsgom/__gtor ma'i mgron 'byung po thams cad kyang sangs rgyas su bsgom la mchod do/__/lha ma yin na rgyal po 'bangs la gus par bya ba'i/__/dge slong gis khyim pa la gus pa byas pa ltar ltung ba 'byung bar bshad/__de ltar byas pas sangs rgyas kyang mnyes/__'byung po yang tshim pa'i rten 'brel yod gsungs/__phan yon dang nyes dmigs rgyas pa tshogs 'khor gyi gzhung dam tshig lnga pa dang /__thun mong ma yin pa'i don la gdams pa la sogs las shes par bya'o/__/tshogs kyi 'khor lo'i mtha' dpyod ni/__chos rje'i gsungs las shes par bya'o/__/brgyad pa mthar thug gi 'bras bu ni theg pa thun mong gi phar phyin drug kyang 'di la tshang ste/__mkha' khyab kyi mgron rnams mchod pa'i sbyin pa/__dam tshig dang brtul zhugs las mi 'da' ba'i tshul khrims/__thabs rgya che ba la mi dal zhing zab mo'i shes rab la mi skrag ba'i bzod pa/__de dag gi grogs su 'gyur ba'i brtson 'grus/__lha sku'i zhu bde la dmigs pa'i bsam gtan/__'khor gsum yang dag pa'i shes rab rnams yod pa tsam du ma zad/__dmigs pa 'gyur ba dang /__grogs kyi mthu che ba dang /__spyod pa rgya che ba gsum gyi dbang rab tshogs gral de nyid du chos nyid kyi don rtogs 'khrul ba zhig__/'bring de lta bu'i tshogs gnyis kyi rgyu byas pa 'chi kha tshun la gtan srid zin/__tha ma rnams bar do'i snang ba shar na/__bla ma dang /__dpa' bo rnal 'byor pa'i tshogs rnams kyis mchod pa'i bkod pa dang /__rol mo'i sgras mkha' spyod du 'khrid par 'gyur ba yin te/__bde mchog nyung ngu'i rgyud las rnal 'byor pa rnams 'pho ba'i tshe/__/he ru ka dpal rnal 'byor mas/__/lag na me tog sna tshogs thog__/rgyal mtshan ba dan sna tshogs dang /__/rol mo'i sgra ni sna tshogs dang /__/sna tshogs glu yi mchod pa yis/__/'chi ba zhes bya'i rnam rtog ni/__/mkha' spyod gnas su 'khrid par byed/__/ces dang /__rdo rje mkha' 'gro las/__yul 'di rnams kyi bu mo gang /__/sgrub ba po la dngos grub ster/__/rtag tu mtshan mor 'phan pa dang /__/rtag tu mtshan mo 'du bar byed/__/mkha' spyod shin tu rnyed dka' ba'i/__/dngos grub chen po ster bar 'gyur/__/zhes sogs grub pa'i 'bras bu rgya cher bka' rtsal ba yang /__yid ches kyi mos gus dang the tshom bral bas 'di la brtson na skye ba 'di la skye ba 'di'am bar do tshun chad du bde stong phyag rgya chen po'i ye shes kyi sku 'grub pa ni yang dag pa'i nges pa'o/__/slar smras pa/__'jigs rung khro chags mi bzad drag po'i nga ro dang ldan spros bral snying rje'i dbang phyug mchog__/bcom ldan brtan g.yo srid zhi kun khyab mtshan ma dang bral thog ma tha ma med pa'i bdag__/bde gshegs byang chub sems kyi ros gang longs spyod yongs rdzogs thabs shes gnyis su med pa'i dpal/__/chos dbyings mkha' sngon rnam thar brgyad zhal bsdu dngos zhabs dang bcu drug dag pa'i phyag ldan pa/__/'gro ba sdug bsngal chu bzhi las/__/sgrol ba'i ston pa dkyil 'khor gtso/__/lha mo'i 'khor dang bcas pa rnams/__/dgyes pa'i mchod pa kun gyI phul/__/sngon byon mkhas dang grub pa'i tshogs rnams kyis/__/ji ltar bkral ba mdor bsdus snying por dril/__/'di la nyes pa'i tshogs gang ci mchis pa/__/bla ma mkha' 'gro'i tshogs la snying nas bshags/__/'dir 'bad dge ba rgya cher 'phel las bdag gzhan tshogs gnyis rab rdzogs shing /__/rigs dang blo gros ches cher rgyas dang rim gnyis lta spyod rnam dag mthus/__/tshe 'di'am ni bar dor grol te sku dang ye shes yon tan gyi/__/tshogs la dbang 'byor don gnyis mthar phyin slar yang srid 'di gnas kyi bar/__/sna tshogs sprul pa rgyun chad med pa yi/__/mkha' dang mnyam pa'i 'gro ba'i don byed shog__/dgyes pa rdo rje'i rgyud lung gdams pa'i srol/__/bskal pa'i mthar yang mi nub rgyas gyur cig__/ces bcom ldan 'das kye rdo rje'i dkyil 'khor du tshogs kyi mchod pa gsal bar bkod pa kun bzang rnam par rol pa'i dga' ston zhes bya ba 'di'ang /__dmigs pa med pa'i thugs rje chen po dang ldan pa sga ston chos rje rdo rje 'chang ngag dbang kun dga' legs pa'i 'byung gnas ye shes rgyal mtshan dpal bzang pos bkra shis pa'i lha reg__/rin gnyis me tog sa bcu'i grangs ldan bcas kyi gnang skyel dang /__gsung gis bskul bar gus pas mchod de/__mgon po gang gis bka' 'bangs kyi tha chung 'jam dbyangs chos kyi blo gros pas/__rje btsun gyi tshogs 'khor 'bring po dang /__chos rje'i tshogs 'khor rgyas pa/__'phags pa'i tshogs 'khor rgyas bsdus gnyis/__ngor chen rdo rje 'chang gi gsang ba kun rgyan dang /__kun bzang rnam rol/__kun mkhyen rin po che'i mchod gtor gyi cho ga rnams la gzhi byas/__thams cad mkhyen pa mkhyen brtse'i dbang po'i mkha' spyod ma'i tshogs mchod rgyas pa la skabs su babs pa'i 'byin 'jug cung zad byas nas dkyus su bkod de gsal bar bris pa/__'dis kyang rang gzhan rnams 'khor ba sdug bsngal gyi rgya mtsho las sgrol te bcom ldan 'das zung 'jug dang po'i sangs rgyas rigs drug pa rdo rje 'chang gi go 'phang thob ba'i rgyur gyur cig__/yi ge pa ni smyug 'dzin 'jigs med blo gros kyis gus pas bgyis pa i daM sha sa na tsa sarba satwa he to b+ha wan+tu/__/dge'o/__/mang+ga laM//___//

Footnotes

Other Information