JKCL-KABUM-06-CHA-027

Previous Text"CHA" is not a number. Back to Volume Page"CHA" is not a number.Next Text "CHA" is not a number.

Wylie title
Location	chos kyi blo gros bka' 'bum Volume , Text 27, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"CHA" is not a number.

1 Texts in this Section (sde tshan or chos tshan)

377-381	ཚོགས་གླུ་ཨ་ཧོ་ཡེ། འོག་མིན་ཨོ་རྒྱན་དྷཱུ་མ་ཐ་ལ་སོགས་དང་ཚོགས་ཀྱི་འཁོར་ལོའི་གླུ་པི་ཝང་དབྱངས་སྙན་དང་ཚོགས་ཀྱི་འཁོར་ལོའི་གླུ་མཚོ་བྱུང་དགྱེས་པའི་ཏམ་བུ་ར། tshogs glu a ho ye/ 'og min o rgyan d+hU ma tha la sogs dang tshogs kyi 'khor lo'i glu pi wang dbyangs snyan dang tshogs kyi 'khor lo'i glu mtsho byung dgyes pa'i tam bu ra Feast Offering - tshogs mchod - tshogs kyi 'khor lo   ·   Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"CHA" is not a number.

Tibetan Text

Wylie

[edit]

ཨ་ཧོ་ཡེ། འོག་མིན་ཨོ་རྒྱན་དྷཱུ་མ་ཐ་ལ་ཡི་ཞིང་ཁམས། །རིག་འཛིན་དཔའ་བོ་མཁའ་འགྲོའི་ཚོམ་བུ་དེ་ཨ་ཧོ། །གདན་གསུམ་རྡོ་རྗེ་ཕུང་པོའི་གྲོང་ཁྱེར་གྱི་ཀློངས་ན། །རབ་འབྱམས་རྩ་གསུམ་རྒྱ་མཚོའི་ཆོ་འཕྲུལ་དེ་ཨ་ཧོཿཙིཏྟ་མཆོད་གུར་སྨུག་པོ་དཔལ་རི་ཡི་པད་འོད། །མ་ཧཱ་གུ་རུའི་དགྱེས་ཞལ་འཛུམ་དཀར་དེ་ངོམ་བྱུང་། །བདེ་སྟོང་གཉིས་སུ་མེད་པའི་མཆོད་སྤྲིན་ཞིག་འབུལ་ན། །གསང་ཆེན་མཆོག་གི་དངོས་གྲུབ་ད་ལྟ་རང་སྩོལ་ཅིག །རྨད་བྱུང་ཚོགས་ཀྱི་འཁོར་ལོའི་འདུ་བ་ནི་ཉམས་དགའ། །རྣལ་འབྱོར་ཕོ་མོ་ལྷ་ཡི་དགའ་སྟོན་གྱི་རོལ་པས། །ཟག་མེད་བདེ་སྟོང་བདུད་རྩིའི་སྤྲིན་ཕུང་ནི་གཡོས་པས། །སྣང་སྲིད་བདེ་མཆོག་རྡོ་རྗེའི་རོལ་མོ་ཞིག་འཁྲོལ་ལོ།། །།༈ཚོགས་ཀྱི་འཁོར་ལོའི་གླུ་པི་ཝང་དབྱངས་སྙན་ཅེས་བྱ་བ་བཞུགས་སོ། །ཨ་ཧོ་ཡེ། སྔོན་སྨོན་རྟེན་འབྲེལ་དཔག་བསམ་ལྗོན་ཤིང་གི་རྩེ་ལ། །མ་ཚོགས་ཌཱ་ཀི་རྒྱ་མཚོས་ཟློས་གར་ནི་བསྒྱུར་བྱུང་། །ངོ་མཚར་ཟབ་དོན་བརྔའ་ཡི་གླིང་བུ་འདི་འཁྲོལ་བས། །རིག་འཛིན་གཞོན་ནུའི་སྙིང་ལ་དགའ་བ་ཞིག་སྟེར་རོ། །ཕྱི་རོལ་ཡུལ་གྱི་བཀོད་པ་སྨན་ལྗོངས་ནི་ཉམས་དགའ། །རང་བྱུང་ནོར་བུ་ཆུ་ཤེལ་བྲག་རི་ནི་བཀོད་ལེགས། །སྟག་ཚང་སེང་གེ་བསམ་འགྲུབ་ཀེའུ་ཚང་གི་ཕུག་པར། །རྡོ་རྗེའི་སྐུ་བརྙེས་པད་འབྱུང་ཡབ་ཡུམ་དེ་བཞུགས་ཡོད། །ཨ་ཧོ་ཡེ། འཆི་མེད་གྲུབ་པའི་རིག་འཛིན་མེ་ཏོག་གི་ཕྲེང་མཛེས། །མཁའ་ལ་བྱིན་རླབས་བདུད་རྩིའི་སྤྲིན་ཆར་ནི་འཇོ་བ། །སྐལ་ལྡན་རིག་འཛིན་ཕོ་མོའི་སྐྱིད་ཚལ་དེ་འབེབ་བྱུང་། །བདེ་ཆེན་ཉམས་དགའི་རྩེ་བྲོའི་གར་སྟབས་ནི་ཤིག་ཤིག །ཨོ་རྒྱན་དྷུ་མ་ཐ་ལ་ཧེ་རུ་ཀའི་ཚོགས་ཁང་། །ས་འདིར་མངོན་སུམ་འཕོས་འདྲའི་སྣང་བ་ཞིག་མཐོང་ནས། །ཡ་མཚན་བདེ་སྐྱིད་སྙན་པའི་གླུ་དབྱངས་ཞིག་སྒྲོགས་བྱུང་། །ལས་སྨོན་དག་བའི་རྗེ་འབངས་དུས་གཅིག་ལ་འཛོམ་སྟེ། །མཁའ་སྤྱོད་རབ་འབྱམས་འདུས་པའི་ཚོགས་འཁོར་གྱི་དགའ་སྟོན། །ཅི་དགར་རོལ་པའི་དགའ་སྟོན་ལྷ་ཡུལ་གྱི་བདུད་རྩི། །ནམ་ཡང་འགྲིབ་པ་མེད་པའི་བཀྲ་ཤིས་ཀྱི་དགེ་མཚན། །མངོན་སུམ་མི་འབྲལ་ཚོགས་པའི་དགའ་སྟོན་ཞིག་ཞུའོ། །ཅེས་པའང་གནས་དུས་སྟོན་འཁོར་ཕུན་སུམ་ཚོགས་པའི་ཚོགས་ཀྱི་འདུ་བ་ལ་སྤྱོད་པར་ཉེ་བ་ན། རིས་ཤ་ལྡན་ཌཱ་ཀཱིའི་གསུང་གིས་གླིང་བུས་བསྐུལ་བས་རིག་འཛིན་གྱི་བཙུན་པ་པདྨ་ཡེ་ཤེས་རྡོ་རྗེས་བྲིས་པ་དགེ་ལེགས་སུ་གྱུར་ཅིགསརྦ་མངྒ་ལཾ།། །།༈ཚོགས་ཀྱི་འཁོར་ལོའི་གླུ་མཚོ་བྱུང་དགྱེས་པའི་ཏམ་བུ་ར་ཞེས་བྱ་བ་བཞུགས་སོ། །ཨ་ཧོཿརང་སྣང་དག་པའི་དབྱིངས་ཆེན་བརྡལ་ཁྱབ་ཀྱི་ཀློང་ན། །སྒྲོན་དྲུག་འཇའ་ཟེར་ཐིག་ལེ་སྤྲས་པ་ཡི་དབུས་སུ། །སྐྱབས་གཅིག་དྲིན་ཆེན་བླ་མ་མཚོ་སྐྱེས་ཀྱི་རྡོ་རྗེ། །མངོན་སུམ་བཞུགས་པའི་ངོ་མཚར་ལྟད་མོ་འདི་ཨ་ཧོ། །ང་ཡི་འཁྲུལ་རྟོག་ཀ་དག་ཆོས་སྐུ་རུ་ཐིམ་སོང་། །རང་བྱུང་རིག་པའི་ཁྱེའུ་ཆུང་རང་ཡན་ལ་སོང་བས། །འཁོར་འདས་གཉིས་འཛིན་རྟོག་པ་རང་གྲོལ་དུ་གྱུར་ཏེ། །ཞེན་མེད་ཚོགས་དྲུག་རིག་པའི་རྒྱན་ཤར་འདི་ཨ་ཧོ། །སྣང་བས་མ་འཆིང་སྡུག་བསྔལ་བདེ་བ་རུ་ཤར་རོ། །རྡོ་རྗེ་ཕུང་པོ་དཔའ་བོ་ཌཱ་ཀི་ཡི་གྲོང་ཁྱེར། །ཕྱི་ནང་ཚོགས་ཀྱི་འཁོར་ལོའི་དགའ་སྟོན་གྱིས་མཉེས་པས། །རྡོ་རྗེའི་གར་གྱི་རོལ་པ་སྒྱུར་བ་འདི་ཨ་ཧོ། །ཆོས་ཀུན་བདེ་བ་ཆེན་པོའི་བདུད་རྩི་ཡིས་མོས་སོང་། །བཅུ་དྲུག་རིག་མའི་འདོད་ཡོན་བརྟུལ་ཞུགས་ཀྱི་སྤྱོད་པས། །དབང་ལྡོག་དགའ་བ་བཞི་ཡི་མིག་འཕྲུལ་ལ་རྩེན་པས། །རྗེས་ཆགས་བདེ་སྟོང་སྒྱུ་མའི་རོལ་མོ་འདི་ཨ་ཧོ། །རྩ་རླུང་ཐིག་ལེའི་འདུ་འཕྲོ་དབུ་མ་རུ་ཐིམ་སོང་། །མཆོག་ཏུ་མི་འགྱུར་སྟོང་ཆེན་ཡེ་ཤེས་ཀྱི་ཕྱག་རྒྱ། །རྡུལ་བྲལ་མཁའ་དབྱིངས་རྡོ་རྗེ་བཙུན་མོ་ཡི་བྷ་ག །རྩོལ་བྲལ་རང་བྱུང་རིག་པའི་རྡོ་རྗེ་འདི་ཨ་ཧོ། །ལས་རླུང་རྒྱུ་བ་ནམ་མཁའི་འཁོར་ལོ་རུ་དག་གོ །ཀུན་ཁྱབ་ཀུན་ཏུ་བཟང་པོའི་ཡེ་ཤེས་ཀྱི་ཉི་མ། །ཁྱབ་བརྡལ་ཆོས་དབྱིངས་ཆེན་པོའི་མཁའ་ངོས་སུ་འཆར་པས། །སྲིད་གསུམ་མ་རིག་མུན་པ་རང་སངས་འདི་ཨ་ཧོ། །མཁྱེན་གཉིས་ཡེ་ཤེས་རྒྱས་པའི་ལྟད་མོ་ཞིག་མཐོང་བྱུང་། །རྒྱུ་དང་རྐྱེན་གྱིས་མ་བསྐྱེད་གཞི་དུས་ཀྱི་སངས་རྒྱས། །རྩོལ་བཅས་ལམ་གྱིས་མ་སྒྲིབ་ངང་བཞག་གི་དགོངས་པས། །འབྲས་བུ་གཞན་ལས་མ་བྱུང་ལྷུན་རྫོགས་འདི་ཨ་ཧོ། །རྣམ་གྲོལ་ཆོས་སྐུའི་རྒྱལ་ཁམས་ཡངས་པ་དེར་གཤེགས་རན། །ཨ་ཧོ་ཡེ། ངོ་མཚར་ཕུན་ཚོགས་འཆི་མེད་བདེ་ལྡན་གྱི་ཞིང་ཁམས། །ས་འདིར་མངོན་སུམ་འཕོས་པའི་གཞལ་མེད་ཀྱི་བཀོད་པར། །རིག་འཛིན་མཆེད་ལྕམ་རྣམས་ཀྱི་ཚོགས་གྲལ་འདི་ཨ་ཧོ། །ཡང་ཡང་དུས་སུ་ཚོགས་པའི་རྟེན་འབྲེལ་ཞིག་ཞུ་ན། །ཕ་གཅིག་དྲན་ཆོག་གུ་རུ་པད་འབྱུང་དེ་མཁྱེན་ནོ། །མ་གཅིག་དྲིན་ཅན་ཌཱ་ཀི་མཚོ་རྒྱལ་དེས་གཟིགས་ཤིག །རྗེ་འབངས་གྲུབ་ཐོབ་རྣམས་ཀྱི་བྱིན་རླབས་དེ་ཨ་ཧོ། །བུ་ཡི་སྣང་བ་ཆོས་ཉིད་ཟད་ས་རུ་བསྐྱལ་ཐོངས། །ཨ་ཧོ། རྡོ་རྗེའི་རྣལ་འབྱོར་དཀྱིལ་འཁོར་གཅིག་ལ་ནི་བརྟེན་པ། །འོད་གསལ་ཡེ་ཤེས་སྒྲོན་མེའི་བཤུལ་ལམ་ལ་བསྙོགས་ནས། །སྐུ་གསུམ་དག་པ་དཔལ་རི་པད་འོད་ཀྱི་ཞིང་དུ། །མི་འབྲལ་ཚོམ་བུ་གཅིག་ཏུ་ཚོགས་པ་འདི་ཨ་ཧོ། །ཕྱམས་གཅིག་མཆོག་དངོས་གྲུབ་པའི་སྨོན་ལམ་ཞིག་ཞུའོ། །མི་ཤིག་རྡོ་རྗེའི་སྲོག་གི་ཀ་ཆེན་ནི་བརྟན་ཞིང་། །འཆི་མེད་རིག་འཛིན་གྲུབ་པའི་བཀྲག་གསལ་གྱི་ལང་ཚོ། །རྡོ་རྗེའི་བླ་མ་པདྨ་ཀ་ར་ལྟར་གྱུར་ནས། །བསྟན་འགྲོར་དགེ་མཚན་སྤེལ་བའི་བཀྲ་ཤིས་ནི་སྩོལ་ཅིག །ཚོགས་ཀྱི་འཁོར་ལོའི་གླུ་འདི་ནི། །མགོན་མེད་ཟས་སྦྱིན་ལྗོངས་འདིར་འཕོས། །བསྟན་པའི་སྦྱིན་བདག་ལ་དཀར་གྱི། །ཚོགས་ཀྱི་དགའ་སྟོན་སྤྱོད་པའི་དུས། །རྡོ་རྗེའི་རིག་པ་འཛིན་པ་ནི། །པདྨ་ཡེ་ཤེས་རྡོ་རྗེ་ཡིས། །གང་ཤར་མགྲིན་པའི་རྒྱུད་མང་སྦྲེངས། །དགེ་བས་རིག་འཛིན་ས་བརྙེས་ཤིང་། །སྐུ་བཞིའི་གོ་འཕང་ཐོབ་པར་ཤོག །སརྦ་མངྒ་ལཾ།། །།

[edit]

a ho ye/__'og min o rgyan d+hU ma tha la yi zhing khams/__/rig 'dzin dpa' bo mkha' 'gro'i tshom bu de a ho/__/gdan gsum rdo rje phung po'i grong khyer gyi klongs na/__/rab 'byams rtsa gsum rgya mtsho'i cho 'phrul de a hoHtsit+ta mchod gur smug po dpal ri yi pad 'od/__/ma hA gu ru'i dgyes zhal 'dzum dkar de ngom byung /__/bde stong gnyis su med pa'i mchod sprin zhig 'bul na/__/gsang chen mchog gi dngos grub da lta rang stsol cig__/rmad byung tshogs kyi 'khor lo'i 'du ba ni nyams dga'/__/rnal 'byor pho mo lha yi dga' ston gyi rol pas/__/zag med bde stong bdud rtsi'i sprin phung ni g.yos pas/__/snang srid bde mchog rdo rje'i rol mo zhig 'khrol lo//___//!tshogs kyi 'khor lo'i glu pi wang dbyangs snyan ces bya ba bzhugs so/__/a ho ye/__sngon smon rten 'brel dpag bsam ljon shing gi rtse la/__/ma tshogs DA ki rgya mtshos zlos gar ni bsgyur byung /__/ngo mtshar zab don brnga' yi gling bu 'di 'khrol bas/__/rig 'dzin gzhon nu'i snying la dga' ba zhig ster ro/__/phyi rol yul gyi bkod pa sman ljongs ni nyams dga'/__/rang byung nor bu chu shel brag ri ni bkod legs/__/stag tshang seng ge bsam 'grub ke'u tshang gi phug par/__/rdo rje'i sku brnyes pad 'byung yab yum de bzhugs yod/__/a ho ye/__'chi med grub pa'i rig 'dzin me tog gi phreng mdzes/__/mkha' la byin rlabs bdud rtsi'i sprin char ni 'jo ba/__/skal ldan rig 'dzin pho mo'i skyid tshal de 'beb byung /__/bde chen nyams dga'i rtse bro'i gar stabs ni shig shig__/o rgyan d+hu ma tha la he ru ka'i tshogs khang /__/sa 'dir mngon sum 'phos 'dra'i snang ba zhig mthong nas/__/ya mtshan bde skyid snyan pa'i glu dbyangs zhig sgrogs byung /__/las smon dag ba'i rje 'bangs dus gcig la 'dzom ste/__/mkha' spyod rab 'byams 'dus pa'i tshogs 'khor gyi dga' ston/__/ci dgar rol pa'i dga' ston lha yul gyi bdud rtsi/__/nam yang 'grib pa med pa'i bkra shis kyi dge mtshan/__/mngon sum mi 'bral tshogs pa'i dga' ston zhig zhu'o/__/ces pa'ang gnas dus ston 'khor phun sum tshogs pa'i tshogs kyi 'du ba la spyod par nye ba na/__ris sha ldan DA kI'i gsung gis gling bus bskul bas rig 'dzin gyi btsun pa pad+ma ye shes rdo rjes bris pa dge legs su gyur cigasarba mang+ga laM//___//!tshogs kyi 'khor lo'i glu mtsho byung dgyes pa'i tam bu ra zhes bya ba bzhugs so/__/a hoHrang snang dag pa'i dbyings chen brdal khyab kyi klong na/__/sgron drug 'ja' zer thig le spras pa yi dbus su/__/skyabs gcig drin chen bla ma mtsho skyes kyi rdo rje/__/mngon sum bzhugs pa'i ngo mtshar ltad mo 'di a ho/__/nga yi 'khrul rtog ka dag chos sku ru thim song /__/rang byung rig pa'i khye'u chung rang yan la song bas/__/'khor 'das gnyis 'dzin rtog pa rang grol du gyur te/__/zhen med tshogs drug rig pa'i rgyan shar 'di a ho/__/snang bas ma 'ching sdug bsngal bde ba ru shar ro/__/rdo rje phung po dpa' bo DA ki yi grong khyer/__/phyi nang tshogs kyi 'khor lo'i dga' ston gyis mnyes pas/__/rdo rje'i gar gyi rol pa sgyur ba 'di a ho/__/chos kun bde ba chen po'i bdud rtsi yis mos song /__/bcu drug rig ma'i 'dod yon brtul zhugs kyi spyod pas/__/dbang ldog dga' ba bzhi yi mig 'phrul la rtsen pas/__/rjes chags bde stong sgyu ma'i rol mo 'di a ho/__/rtsa rlung thig le'i 'du 'phro dbu ma ru thim song /__/mchog tu mi 'gyur stong chen ye shes kyi phyag rgya/__/rdul bral mkha' dbyings rdo rje btsun mo yi b+ha ga__/rtsol bral rang byung rig pa'i rdo rje 'di a ho/__/las rlung rgyu ba nam mkha'i 'khor lo ru dag go__/kun khyab kun tu bzang po'i ye shes kyi nyi ma/__/khyab brdal chos dbyings chen po'i mkha' ngos su 'char pas/__/srid gsum ma rig mun pa rang sangs 'di a ho/__/mkhyen gnyis ye shes rgyas pa'i ltad mo zhig mthong byung /__/rgyu dang rkyen gyis ma bskyed gzhi dus kyi sangs rgyas/__/rtsol bcas lam gyis ma sgrib ngang bzhag gi dgongs pas/__/'bras bu gzhan las ma byung lhun rdzogs 'di a ho/__/rnam grol chos sku'i rgyal khams yangs pa der gshegs ran/__/a ho ye/__ngo mtshar phun tshogs 'chi med bde ldan gyi zhing khams/__/sa 'dir mngon sum 'phos pa'i gzhal med kyi bkod par/__/rig 'dzin mched lcam rnams kyi tshogs gral 'di a ho/__/yang yang dus su tshogs pa'i rten 'brel zhig zhu na/__/pha gcig dran chog gu ru pad 'byung de mkhyen no/__/ma gcig drin can DA ki mtsho rgyal des gzigs shig__/rje 'bangs grub thob rnams kyi byin rlabs de a ho/__/bu yi snang ba chos nyid zad sa ru bskyal thongs/__/a ho/__rdo rje'i rnal 'byor dkyil 'khor gcig la ni brten pa/__/'od gsal ye shes sgron me'i bshul lam la bsnyogs nas/__/sku gsum dag pa dpal ri pad 'od kyi zhing du/__/mi 'bral tshom bu gcig tu tshogs pa 'di a ho/__/phyams gcig mchog dngos grub pa'i smon lam zhig zhu'o/__/mi shig rdo rje'i srog gi ka chen ni brtan zhing /__/'chi med rig 'dzin grub pa'i bkrag gsal gyi lang tsho/__/rdo rje'i bla ma pad+ma ka ra ltar gyur nas/__/bstan 'gror dge mtshan spel ba'i bkra shis ni stsol cig__/tshogs kyi 'khor lo'i glu 'di ni/__/mgon med zas sbyin ljongs 'dir 'phos/__/bstan pa'i sbyin bdag la dkar gyi/__/tshogs kyi dga' ston spyod pa'i dus/__/rdo rje'i rig pa 'dzin pa ni/__/pad+ma ye shes rdo rje yis/__/gang shar mgrin pa'i rgyud mang sbrengs/__/dge bas rig 'dzin sa brnyes shing /__/sku bzhi'i go 'phang thob par shog__/sarba mang+ga laM//___//