JKCL-KABUM-04-NGA-058

🚧 This website is under continued development. We appreciate your patience!

Previous Text"NGA" is not a number. Back to Volume Page"NGA" is not a number.Next Text "NGA" is not a number.

Wylie title
Location	chos kyi blo gros bka' 'bum Volume , Text 58, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"NGA" is not a number.

1 Texts in this Section (sde tshan or chos tshan)

695-670	ཆོས་རྒྱལ་སྡེ་དགེའི་གདུང་རབས། chos rgyal sde dge'i gdung rabs Royal Genealogy - rgyal rabs	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"NGA" is not a number.

Tibetan Text

Wylie

[edit]

ཨོཾ་སྭསྟི། ཆོས་རྒྱལ་སྡེ་དགེའི་གདུང་རབས་ནི་འོད་གསལ་གྱི་ལྷ་ཞིག་བཞག་ར་ལྷ་རྩེའི་དབུར་བབས་པ་ལ་མི་རྣམས་ཀྱི་མགར་གནམ་ཚ་འབྲུག་དེའི་བརྒྱུད་པར་མགར་བླ་མཁྱེན་ཆེན་པོ། དེ་སྲས་མགར་སྟོང་མེས་ཁྲི་ཆགས། དེ་སྲས་མགར་སྟོང་བཙན་ཏེ་ཆོས་བློན་རིག་པ་༡ཅན། དེ་སྲས་ཡོན་ཏན་རྒྱལ༢། དེ་སྲས་སྙན་ལྡེམ་བུ༣། དེ་སྲས་ཁྲི་ཟངས་དུམ་བུ༤། དེ་ལ་སྲས་གཉིས་ཀྱི་ཆེ་བ་མགར་ཨ་མྱེ་དགེ་བ་དཔལ་༥། དེ་སྲས་ལྷ་རྗེ་བྱམས་པ་དཔལ༦། འདི་ཉིད་ཁམས་སུ་ཕེབས་ནས་འདན་བྲག་ར་གླིང་ཆེན་དུ་བཞུགས། དེ་སྲས་མགར་དཔལ་གྱི་ཡོན་ཏན༧། དེ་སྲས་དཔལ་གྱི་ཕུར་བུ༨། དེ་སྲས་མགར་དཔལ་གྱི་འབྱུང་གནས༩། དེ་སྲས་དཔལ་གྱི་ཤེས་རབ༡༠། དེ་སྲས་མགར་དཔལ་གྱི་བཀྲ་ཤིས༡༡། དེ་སྲས་དཔལ་གྱི་བླ་མ༡༢། དེ་སྲས་དཔལ་བཀྲ་ཤིས་བླ་མ༡༣། དེ་སྲས་ཡོན་ཏན་བླ་མ༡༤། དེ་སྲས་ཤེས་རབ་བླ་མ༡༥། དེ་སྲས་བྱང་ཆུབ་བླ་མ༡༦། དེ་སྲས་གྲགས་པ་རྒྱལ་མཚན༡༧། དེ་སྲས་དཀོན་མཆོག་རྒྱལ་མཚན༡༨། དེ་སྲས་དགེ་འདུན་རྒྱལ་༡༩མཚན། དེ་སྲས་བྱམས་པ་རྒྱལ་༢༠མཚན། དེ་སྲས་ཡེ་ཤེས་རྒྱལ་༢༡མཚན། དེ་སྲས་དཔལ་གྱི་བྱམས་༢༢པ། དེ་སྲས་དཔལ་འབུམ༢༣། དེ་སྲས་དཔལ་གྲགས་༢༤། དེ་སྲས་དཔལ་གྱི་རྡོ་རྗེ་༢༥། དེ་སྲས་དཔལ་གྱི་བསོད་ནམས༢༦། དེ་སྲས་དཔལ་གྱི་རྩེ་མོ་༢༧། འདི་ནས་བཟུང་དེམ་ཤོད་དེམ་མདོར་བཞུགས། ས་དམར་ཕྱོགས་ཡིན་འདྲ། དེ་སྲས་མགར་ཡེ་ཤེས་བཟང་པོ༢༨། འདི་ལ་སྲས་གཉིས་ཀྱི་བསོད་ནམས་རིན་ཆེན་ཆོས་འཕགས་ཀྱི་གསོལ་དཔོན་གོང་མ་སེ་ཆེན་གྱིས་ཐམ་ཀ་གོ་གནས་གནང་ངོ་། །དེ་སྲས་དངུལ་སྒུ་རུ༢༩། འདི་ནས་རུལ་སྟོང་དཔོན་དུ་གྲགས། འདི་ལ་སྲས་དགུ་ཡོད་སྐད། དེ་སྲས་སྟོང་དཔོན་ཟླ་བ་བཟང་༣༠པོ། དེ་སྲས་རྒྱལ་བ་བཟང་༣༡པོ། དེ་སྲས་པདྨ་བསྟན་སྲུངས༣༢། དེ་སྲས་དཀར་ཆེན་བྱང་ཆུབ་འབུམ༣༣། འདི་ལ་སྲས་གཉིས་ཀྱི་རྔུ་ཆོས་རྡོར་ཀ་ཐོག་པས་གྲུབ་ཐོབ་ཆེན་པོ། མཆེད་ཡ་བདེ་ཆེན་བསོད་ནམས་བཟང་༣༤པོ་ཡུམ་འདས་མའི་དགོངས་རྫོགས་སུ་ཀ་ཐོག་བྱོན་པ། གཅེན་གྲུབ་ཐོབ་ཆོས་རྡོར་གྱི་ལུང་བསྟན་བཞིན་ཆུ་གྱེན་དེད་ལྕགས་རར་ཕེབས། གླིང་ཆེན་པོ་བདག་དྲུང་གི་ནང་བློན་སྡེ་དང་བསྟན་སྲིད་ལ་དགེ་བར་གྱུར་པས་སྡེ་དགེ་ཞེས་མིང་འདོགས་སྐད། དེ་སྲས་བོ་ཐར་བཀྲ་ཤིས་༣༥སེངྒེ། ཐང་རྒྱལ་དང་མཆོད་ཡོན། དེ་སྲས་བླ་མ་དཔལ་ལྡན་སེང་གེ་དང་། རྒྱལ་མཚན་འབུམ་༣༦། ཕྱི་མ་ལ་སྲས་བཞི་བྱུང་བའི་ཨ་སྔ་ཟེར་བར་ཇོ་གདན་ནམ་མཁའ་ལྷུན་བཟང་ཞེས་འཇིགས་བྱེད་ཀྱི་གྲུབ་པ་ཐོབ། མཆེད་ཡ་རྒྱལ་འཕེལ་སྲས་གསུམ་གྱིས་ཀུན་དགའ་རིན་ཆེན་གྱིས་ལྷུན་གྲུབ་སྟེང་ལྷ་ཁང་བླ་བྲང་བཞེངས། གཅུང་ནམ་མཁའ་༣༧དང་། རྡོ་རྗེ་ལྷུན་གྲུབ། སྔ་མའི་སྲས་ལྷུན་ཐུབ། དེ་ལ་སྲས་དྲུག་གི་དང་པོ་རིག་འཛིན་རྒོད་ལྡེམ་སྤྲུལ་པ་གྲུབ་ཐོབ་ཀུན་དགའ་རྒྱ་མཚོས་རྙིང་མའི་བླ་མ་སོག་བཟློག་པ། འཇའ་འཚོན་སོགས་བསྟེན། སྲས་གསུམ་པ་བླ་ཆེན་བྱམས་པ་ཕུན་ཚོགས། གཙུག་ལག་ཁང་བསམ་འགྲུབ་མཐོང་གྲོལ་ཆེན་པོ་བཞེངས། ལྔ་པ་བླ་མ་ལྷ་སྲུངས། དྲུག་པ་བླ་མ་ཀརྨ་བསམ་འགྲུབ་ཀམ་ཚང་གྲུབ་མཐའ་འཛིན་དབོན་སྟོད་བཞུགས། སྲས་གཉིས་པ་དང་བཞི་པ་གཞིས་ཀར་བཞུགས་པའི་ཀླུ་འཕེལ་༣༩གྱི་སྲས་དཔོན་ཆེན་ཀུན་དགའ་ཕུན་ཚོགས། མཆེད་ཟླ་དཔོན་ཆེན་ཀརྨའི་སྲས་ཆེ་མཆོག །ཀླུ་འཕེལ་གྱི་སྲས་ཨོ་རྒྱན་བཀྲ་ཤིས༤༠། ཀླུ་འཕེལ་གྱི་ཟུར་སྲས་ཀམ་བཟའ་ལྷུ་གུ་ཞེས་པ་ལས་འཁྲུངས་པ་ཅོག་རོ་ཀླུ་ཡི་རྒྱལ་མཚན་གྱི་སྤྲུལ་པ་ཁྲི་ཆེན་སངས་རྒྱས་བསྟན་པ། འདི་ལ་ཡི་གེ་མགར་ཨོ་རྒྱན་བཀྲ་ཤིས་ཀྱི་སྲས་ཡིན་རྒྱུའང་བྱས་འདུག །ཨོ་རྒྱན་བཀྲ་ཤིས་ཀྱི་སྲས་བླ་མ་བསོད་ནམས་ཕུན་ཚོགས་དང་། དབང་ཆེན་མགོན་པོ༤༡། ཕྱི་མའི་སྲས་ཆོས་རྒྱལ་བསྟན་པ་ཚེ་རིང་༤༢། དེ་སྲས་ཁྲི་ཆེན་བླ་མ་ཕུན་ཚོགས་བསྟན་པའམ་ཀུན་དགའ་ཕྲིན་ལས་རྒྱ་མཚོ་དང་། བློ་གྲོས་རྒྱལ་མཚན༤༣། ཕྱི་མའི་སྲས་ས་དབང་བཟང་པོ༤༤། དེ་སྲས་ཚེ་དབང་རྡོ་རྗེ་རིག་འཛིན༤༥། ཡབ་ཆེན་སེར་དུང་། དེ་སྲས་ཆོས་རྒྱལ་འདིའི་སྐུ་མཆེད་སྲས་བླ་མ་སྲས་གཅུང་། དམ་ཚིག་རྡོ་རྗེ༤༦། དེ་སྲས་དཔལ་ལྡན་འཆི་མེད་རྟག་༤༧པའི་རྡོ་རྗེ། སྐུ་མཆེད་སྲས་བ་རྒན། དེ་སྲས་རྡོ་རྗེ་སེང་གེ། སྐུ་མཆེད་ངག་དབང་འཇམ་དཔལ་རིན་ཆེན། དེ་སྲས་ཚེ་དབང་བདུད་འདུལ་འཇིགས་བྲལ་མི་ཡི་སེངྒེ་ད་ལྟ་བཞུགས་བཞིན་པ་ལགས་སོ། །དེ་ལས་མགར་བློན་རིག་པ་ཅན་ནས་ད་ལྟའི་བར་གདུང་རབ་ཀྱི་དབང་དུ་བྱས་ན་གོང་གི་ཨང་ཀེའི་གྲངས་ལྟར་དང་། སྡེ་དགེའི་ཁྲི་རབ་དང་པོ་བླ་ཆེན་བྱམས་པ་ཕུན་ཚོགས། གཉིས་པ་ཀླུ་འཕེལ། གསུམ་པ་དཔོན་ཆེན་ཀརྨ། བཞི་པ་ཁྲི་སངས་རྒྱས་བསྟན་པ། ལྔ་པ་བླ་མ་བསོད་ནམས་ཕུན་ཚོགས། དྲུག་པ་བསྟན་པ་ཚེ་རིང་། བདུན་པ་ཕུན་ཚོགས་བསྟན་པ། བརྒྱད་པ་བློ་གྲོས་རྒྱ་མཚོ། དགུ་པ་ས་དབང་བཟང་པོ། བཅུ་པ་རྡོ་རྗེ་ཚེ་དབང་། རྡོ་རྗེ་རིག་འཛིན། བཅུ་གཅིག་པ་རྟག་པའི་རྡོ་རྗེ། བཅུ་གཉིས་པ་རྡོ་རྗེ་སེངྒེ། བཅུ་གསུམ་པ་ད་ལྟའི་ལྷ་སྲས་རིན་པོ་ཆེ་ལགས་སོ།། །། ༈ སྡེ་དགེ་ལྷ་སྲས་རིན་པོ་ཆེའི་མཚན་འབུལ་དང་འབྲེལ་བའི་ཡི་གེ་སྲིད་ཞིའི་དོན་ཀུན་གྲུབ་པའི་དབྱངས་སྙན་ཅེས་བྱ་བ་བཞུགས་སོ། །ཨོཾ་སྭསྟི། རྐང་གཉིས་གཙོ་བོ་ཟླ་མེད་ཤཱཀྱའི་ཏོག །འཇམ་དབྱངས་ལ་སོགས་ཉེ་སྲས་སེམས་དཔའ་དང་། །ཨཱཪྻ་ཏཱ་རེ་རིགས་བྱེད་ལྷ་མོ་སོགས། །དབང་རྒྱས་ལྷ་རྣམས་རྟག་ཏུ་ཤིས་པ་སྩོལ། ༡། རྒྱལ་རྣམས་བྱམ༵ས་པ༵འི་ཆུ་འཛིན་འཁྲིགས་པ་ལས། །བཀྲ༵་ཤིས༵་བདུད་རྩིའི་གྲུ་ཆར་སྡེ་བཞིའི་ལྗོངས། །སང༵ས་རྒྱས༵་ཀྱིས་བསྲུངས་དགེ་བཅུའི་མཚན་པ་འདིར། །དལ་གྱིས་འབེབས་པའི་སྐལ་བཟང་གསར་དུ་ཚེས། ༢། བ༵སྟན་པ༵འི་བདག་པོ་མི་ཡི་སེངྒེ་ཡི། །ལུང་རྟོགས་ཆོས་ཀྱི་རྒྱལ༵་མཚ༵ན་མངོན་པར་བསྒྲེང་། །མཁས་ཀུན༵་དགའ༵་བའི་མཛད་ཕྲིན་བཟང་པོས་ཁྱབ། །ཕུན༵་ཚོགས༵་སྲིད་ཞིའི་དབང་ཕྱུག་ཁྱོད་འགྱུར་སྨོན། ༣། ཆོས་དང་སྲིད་ཀྱི་ཁྲི་ལ་རང་དབང྄༵་བསྒྱུར། །ལུགས་ཟུང་ཁྲིམས་སྤྱོད་གཙང་མས་རྣམ་པར་གནོན། །ཕྱི་ནང་མི་མཐུན་བདུད་ལས་རྒྱལ྄༵་བ་དང་། །སྐུ་ཚེ་རྡོ༵་རྗེ༵འི་ཁམས་ལྟར་བརྟན་གྱུར་ཅིག༤། གླིང་བཞིར་དབང་བསྒྱུར་རྩིབ་སྟོང་འཁོར་ལོ་བཀྲ། །དགོས་འབྱུང་ནོར་བུ་ཡིད་འོང་བཙུན་མོ་མཛེས། །བཟོད་ལྡན་ནོར་མང་བློན་པོའི་ཚོགས་ཀྱིས་བསྐོར། །གངས་ཅན་རི་འདྲའི་སྤོས་ཀྱི་གླང་པོ་འཁྲུངས། ༥། རྫུ་འཕྲུལ་ཤུགས་ལྡན་སྤུ་སྡུག་ཅང་ཤེས་རྟ། །དཔའ་ཞིང་བརྟུལ་ཕོད་དམག་དཔོན་རིན་ཆེན་བདུན། །དགེ་ལེགས་ཤིས་པའི་རྫས་རྟགས་འདི་དག་གིས། །རྒྱལ་སྲས་གཞོན་ནུ་ཁྱོད་ལ་ཤིས་གྱུར་ཅིག༦། ལྷ་དབང་ལྷ་ཡི་རྒྱལ་པོ་སྐྱེ་རྒུའི་བདག །མི་དབང་མི་རྗེ་སྲོང་བཙན་ཆོས་ཀྱི་རྒྱལ། །ཀླུ་དབང་ཀླུ་ཡི་འབྱོར་པས་མངོན་པར་མཐོ། །བཀྲ་ཤིས་དེས་ཀྱང་ཁྱོད་ལ་བདེ་ལེགས་ཤོག ༧ །ཅེས་སྨོན་ཤིས་ཀྱི་མེ་ཏོག་ཅུང་ཟད་འཐོར་བས་དགེ་ལེགས་སུ་བྱས་པ་དང་འབྲེལ་དཔལ་གནམ་སའི་དབང་ཕྱུག་སྡེ་དགེ་ལྷ་ཡི་རིགས་ཀྱི་ཐིག་ལེ་ལས་ལེགས་པར་འཁྲུངས་པའི་རྒྱལ་སྲས་ཉི་མ་གཞོན་ནུ་གང་ཉིད་ཀྱི་ཞལ་གྱི་དཀྱིལ་འཁོར་ཐོག་མར་མཇལ་བ་དང་སླད་ནས་ཆབ་སྲིད་དབྱར་གྱི་པད་མཚོ་ལྟར་རྒྱས་པའི་རྟེན་འབྱུང་དུ་མཚན་གྱི་དྲིལ་ཆེན་བསྒྲགས་པ་དང་ཆབ་གཅིག་དགེ་མཚན་བཀྲ་ཤིས་པའི་རྫས་རྟགས། རྒྱལ་སྲིད་རིན་པོ་ཆེ་སྣ་བདུན་པོ་རྣམས་ཀྱི་གཟུགས་ཀྱིས་ལེགས་པར་དྲངས་ནས། བཀྲ་ཤིས་པའི་མགུལ་དར་ཟླ་བའི་མདངས་ཅན་སྲིད་དུ་རིང་བ། སྐུ་གསུང་ཐུགས་རྡོ་རྗེའི་སྣང་བརྙན་བཅས། འཇམ་དབྱངས་མཁྱེན་བརྩེའི་སྐྱེ་བར་སྒྲོ་བཏགས་པ་ཆོས་སྨྲ་བའི་གཟུགས་བརྙན་འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་དུ་འབོད་པས་བསམ་པ་དག་ཅིང་སྦྱོར་བ་གུས་པས་རྩེ་གཅིག་གསོལ་བ་བཏབ་ན་སྨོན་པའི་གནས་མཐའ་དག་ཡིད་བཞིན་དུ་འགྲུབ་ཅིང་ས་གསུམ་དགེ་ལེགས་ཀྱི་སྣང་བས་ཡོངས་སུ་ཁྱབ་པ་དང་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་བཅས་ཀྱིས་བྱིན་གྱིས་བརླབ་ཏུ་གསོལ། །སརྦ་དཱ་ཤྲཱི་ཡོ་བྷ་ཝནྟུ།། །།

[edit]

oM swasti/__chos rgyal sde dge'i gdung rabs ni 'od gsal gyi lha zhig bzhag ra lha rtse'i dbur babs pa la mi rnams kyi mgar gnam tsha 'brug de'i brgyud par mgar bla mkhyen chen po/__de sras mgar stong mes khri chags/__de sras mgar stong btsan te chos blon rig pa 1can/__de sras yon tan rgyal2/__de sras snyan ldem bu3/__de sras khri zangs dum bu4/__de la sras gnyis kyi che ba mgar a mye dge ba dpal 5/__de sras lha rje byams pa dpal6/__'di nyid khams su phebs nas 'dan brag ra gling chen du bzhugs/__de sras mgar dpal gyi yon tan7/__de sras dpal gyi phur bu8/__de sras mgar dpal gyi 'byung gnas9/__de sras dpal gyi shes rab10/__de sras mgar dpal gyi bkra shis11/__de sras dpal gyi bla ma12/__de sras dpal bkra shis bla ma13/__de sras yon tan bla ma14/__de sras shes rab bla ma15/__de sras byang chub bla ma16/__de sras grags pa rgyal mtshan17/__de sras dkon mchog rgyal mtshan18/__de sras dge 'dun rgyal 19mtshan/__de sras byams pa rgyal 20mtshan/__de sras ye shes rgyal 21mtshan/__de sras dpal gyi byams 22pa/__de sras dpal 'bum23/__de sras dpal grags 24/__de sras dpal gyi rdo rje 25/__de sras dpal gyi bsod nams26/__de sras dpal gyi rtse mo 27/__'di nas bzung dem shod dem mdor bzhugs/__sa dmar phyogs yin 'dra/__de sras mgar ye shes bzang po28/__'di la sras gnyis kyi bsod nams rin chen chos 'phags kyi gsol dpon gong ma se chen gyis tham ka go gnas gnang ngo /__/de sras dngul sgu ru29/__'di nas rul stong dpon du grags/__'di la sras dgu yod skad/__de sras stong dpon zla ba bzang 30po/__de sras rgyal ba bzang 31po/__de sras pad+ma bstan srungs32/__de sras dkar chen byang chub 'bum33/__'di la sras gnyis kyi rngu chos rdor ka thog pas grub thob chen po/__mched ya bde chen bsod nams bzang 34po yum 'das ma'i dgongs rdzogs su ka thog byon pa/__gcen grub thob chos rdor gyi lung bstan bzhin chu gyen ded lcags rar phebs/__gling chen po bdag drung gi nang blon sde dang bstan srid la dge bar gyur pas sde dge zhes ming 'dogs skad/__de sras bo thar bkra shis 35seng+ge/__thang rgyal dang mchod yon/__de sras bla ma dpal ldan seng ge dang /__rgyal mtshan 'bum 36/__phyi ma la sras bzhi byung ba'i a snga zer bar jo gdan nam mkha' lhun bzang zhes 'jigs byed kyi grub pa thob/__mched ya rgyal 'phel sras gsum gyis kun dga' rin chen gyis lhun grub steng lha khang bla brang bzhengs/__gcung nam mkha' 37dang /__rdo rje lhun grub/__snga ma'i sras lhun thub/__de la sras drug gi dang po rig 'dzin rgod ldem sprul pa grub thob kun dga' rgya mtshos rnying ma'i bla ma sog bzlog pa/__'ja' 'tshon sogs bsten/__sras gsum pa bla chen byams pa phun tshogs/__gtsug lag khang bsam 'grub mthong grol chen po bzhengs/__lnga pa bla ma lha srungs/__drug pa bla ma karma bsam 'grub kam tshang grub mtha' 'dzin dbon stod bzhugs/__sras gnyis pa dang bzhi pa gzhis kar bzhugs pa'i klu 'phel 39gyi sras dpon chen kun dga' phun tshogs/__mched zla dpon chen karma'i sras che mchog__/klu 'phel gyi sras o rgyan bkra shis40/__klu 'phel gyi zur sras kam bza' lhu gu zhes pa las 'khrungs pa cog ro klu yi rgyal mtshan gyi sprul pa khri chen sangs rgyas bstan pa/__'di la yi ge mgar o rgyan bkra shis kyi sras yin rgyu'ang byas 'dug__/o rgyan bkra shis kyi sras bla ma bsod nams phun tshogs dang /__dbang chen mgon po41/__phyi ma'i sras chos rgyal bstan pa tshe ring 42/__de sras khri chen bla ma phun tshogs bstan pa'am kun dga' phrin las rgya mtsho dang /__blo gros rgyal mtshan43/__phyi ma'i sras sa dbang bzang po44/__de sras tshe dbang rdo rje rig 'dzin45/__yab chen ser dung /__de sras chos rgyal 'di'i sku mched sras bla ma sras gcung /__dam tshig rdo rje46/__de sras dpal ldan 'chi med rtag 47pa'i rdo rje/__sku mched sras ba rgan/__de sras rdo rje seng ge/__sku mched ngag dbang 'jam dpal rin chen/__de sras tshe dbang bdud 'dul 'jigs bral mi yi seng+ge da lta bzhugs bzhin pa lags so/__/de las mgar blon rig pa can nas da lta'i bar gdung rab kyi dbang du byas na gong gi ang ke'i grangs ltar dang /__sde dge'i khri rab dang po bla chen byams pa phun tshogs/__gnyis pa klu 'phel/__gsum pa dpon chen karma/__bzhi pa khri sangs rgyas bstan pa/__lnga pa bla ma bsod nams phun tshogs/__drug pa bstan pa tshe ring /__bdun pa phun tshogs bstan pa/__brgyad pa blo gros rgya mtsho/__dgu pa sa dbang bzang po/__bcu pa rdo rje tshe dbang /__rdo rje rig 'dzin/__bcu gcig pa rtag pa'i rdo rje/__bcu gnyis pa rdo rje seng+ge/__bcu gsum pa da lta'i lha sras rin po che lags so//____//_!_sde dge lha sras rin po che'i mtshan 'bul dang 'brel ba'i yi ge srid zhi'i don kun grub pa'i dbyangs snyan ces bya ba bzhugs so/__/oM swasti/__rkang gnyis gtso bo zla med shAkya'i tog__/'jam dbyangs la sogs nye sras sems dpa' dang /__/AR+Ya tA re rigs byed lha mo sogs/__/dbang rgyas lha rnams rtag tu shis pa stsol/__1/__rgyal rnams byama~Xs pa~X'i chu 'dzin 'khrigs pa las/__/bkra~X shisa~X bdud rtsi'i gru char sde bzhi'i ljongs/__/sanga~Xs rgyasa~X kyis bsrungs dge bcu'i mtshan pa 'dir/__/dal gyis 'bebs pa'i skal bzang gsar du tshes/__2/__ba~Xstan pa~X'i bdag po mi yi seng+ge yi/__/lung rtogs chos kyi rgyala~X mtsha~Xn mngon par bsgreng /__/mkhas kuna~X dga'a~X ba'i mdzad phrin bzang pos khyab/__/phuna~X tshogasa~X srid zhi'i dbang phyug khyod 'gyur smon/__3/__chos dang srid kyi khri la rang dbanga?~X bsgyur/__/lugs zung khrims spyod gtsang mas rnam par gnon/__/phyi nang mi mthun bdud las rgyala?~X ba dang /__/sku tshe rdo~X rje~X'i khams ltar brtan gyur cig4/__gling bzhir dbang bsgyur rtsib stong 'khor lo bkra/__/dgos 'byung nor bu yid 'ong btsun mo mdzes/__/bzod ldan nor mang blon po'i tshogs kyis bskor/__/gangs can ri 'dra'i spos kyi glang po 'khrungs/__5/__rdzu 'phrul shugs ldan spu sdug cang shes rta/__/dpa' zhing brtul phod dmag dpon rin chen bdun/__/dge legs shis pa'i rdzas rtags 'di dag gis/__/rgyal sras gzhon nu khyod la shis gyur cig6/__lha dbang lha yi rgyal po skye rgu'i bdag__/mi dbang mi rje srong btsan chos kyi rgyal/__/klu dbang klu yi 'byor pas mngon par mtho/__/bkra shis des kyang khyod la bde legs shog_7_/ces smon shis kyi me tog cung zad 'thor bas dge legs su byas pa dang 'brel dpal gnam sa'i dbang phyug sde dge lha yi rigs kyi thig le las legs par 'khrungs pa'i rgyal sras nyi ma gzhon nu gang nyid kyi zhal gyi dkyil 'khor thog mar mjal ba dang slad nas chab srid dbyar gyi pad mtsho ltar rgyas pa'i rten 'byung du mtshan gyi dril chen bsgrags pa dang chab gcig dge mtshan bkra shis pa'i rdzas rtags/__rgyal srid rin po che sna bdun po rnams kyi gzugs kyis legs par drangs nas/__bkra shis pa'i mgul dar zla ba'i mdangs can srid du ring ba/__sku gsung thugs rdo rje'i snang brnyan bcas/__'jam dbyangs mkhyen brtse'i skye bar sgro btags pa chos smra ba'i gzugs brnyan 'jam dbyangs chos kyi blo gros ris med bstan pa'i rgyal mtshan du 'bod pas bsam pa dag cing sbyor ba gus pas rtse gcig gsol ba btab na smon pa'i gnas mtha' dag yid bzhin du 'grub cing sa gsum dge legs kyi snang bas yongs su khyab pa dang de de bzhin du 'grub par bla ma rgyal ba sras bcas kyis byin gyis brlab tu gsol/__/sarba dA shrI yo b+ha wan+tu//____//