JKCL-KABUM-02-KHA-088

🚧 This website is under continued development. We appreciate your patience!

Previous Text"KHA" is not a number. Back to Volume Page"KHA" is not a number.Next Text "KHA" is not a number.

Wylie title
Location	chos kyi blo gros bka' 'bum Volume , Text 88, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"KHA" is not a number.

1 Texts in this Section (sde tshan or chos tshan)

675-677	དཔལ་ལྡན་ས་སྐྱ་པཎྜི་ཏ་ལ་བསྟོད་པ་མུ་ཏིག་ཕྲེང་མཛེས། dpal ldan sa skya paN+Di ta la bstod pa mu tig phreng mdzes Verses of Praise - bstod pa	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"KHA" is not a number.

Tibetan Text

Wylie

[edit]

དཔལ་ལྡན་ས་སྐྱ་པཎྜི་ཏ་ལ་བསྟོད་པ་མུ་ཏིག་ཕྲེང་མཛེས་ཞེས་བྱ་བ་བཞུགས་སོ། །བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ། །དཔལ་ལྡན་བླ་མས་མཚུངས་མེད་མཁྱེན་རབ་འོད་ཀྱི་སྣང་བས་སྲིད་ཞིར་རྒྱས། །ཡེ་ཤེས་ཆེན་པོའི་མཛོད་འཛིན་བདེ་གཤེགས་ཐམས་ཅད་བསྐྱེད་པའི་ཡབ་གཅིག་པུ། །རྒྱལ་བ་ཀུན་གྱི་ཐུགས་ལ་ཞུགས་ཤིང་མི་རྟོག་ཡེ་ཤེས་རྗེས་འགྲོ་བ། །འཇམ་དཔལ་རྡོ་རྗེའི་སྲོག་དང་རབ་ལྡན་དེ་བཞིན་གཤེགས་པ་ཐམས་ཅད་ཀྱང་། ༡། གང་གི་མཐུ་ཡི་བྱིན་གྱིས་བརླབས་པའི་དཔལ་གྱིས་དཔལ་གྱུར་འཇམ་པའི་དབྱངས། །སྐྱེ་མེད་ངང་ལས་སྐྱེ་བའི་ཆོ་འཕྲུལ་དྭངས་པའི་རྫིང་བུར་ཟླ་གཟུགས་བཞིན། །གང་ལ་གང་འདུལ་སྒྱུ་མའི་རོལ་རྩེད་བྱེ་བ་བསམ་ལས་འདས་པ་ཡི། །འགྲོ་ལ་ཕན་པ་ཉེར་སྒྲུབ་མཐུ་ལྡན་དཔག་བསམ་ཤིང་དང་བསམ་འཕེལ་དབང་། ༢། རེ་ཞིག་ཙམ་མིན་གཏན་བདེ་མཆོག་ལ་མ་ལུས་ཡོངས་སུ་འགོད་པར་བྱེད། །སྲིད་ཞིའི་འཇིགས་འཕྲོག་འཆི་བདག་བདུད་སེལ་ལྷ་ཡི་རྒྱལ་པོ་འཇམ་པའི་དབྱངས། །ས་གསུམ་འདི་ན་ཞབས་སེན་རྡུལ་འོད་དམར་པོས་མ་བཏུད་འགའ་ཡང་མེད། །སྟོན་པ་ཉི་མ་མཆོག་ཉིད་ཀྱང་ནི་ཁྱོད་ལ་བསྔགས་པ་ཉིན་བཞིན་མཛད། ༣། ཐབས་ལ་མཁས་པའི་མཛད་ཕྲིན་བསམ་ཡས་སིལ་སྙན་བརྒྱ་པ་ཕྱོགས་བཅུར་འཁྲོལ། །དེ་ཡི་རང་བཞིན་སུས་ཀྱང་རྟོགས་དཀའ་རྒྱ་མཚོ་ལྟ་བུར་ཟབ་པའི་ཐུགས། །འབྲུག་སྒྲའི་དབྱངས་དང་གཞོན་ནུའི་ལུས་ཅན་བཅུ་དྲུག་ལང་ཚོའི་དཀྱིལ་འཁོར་རྒྱས། །གསང་བ་གསུམ་གྱི་ཡོན་ཏན་མཐའ་ཀླས་མགོན་པོ་བཅོམ་ལྡན་མཁྱེན་གཏེར་ཆེ། ༤། སྲིད་པའི་ཞིང་སར་སྐྱེ་དགུའི་མྱུ་གུ་འདམས་ལ་གནས་པའི་པདྨ་བཞིན། །ཉེས་པས་རབ་དབེན་རྡུལ་དང་བྲལ་ཞིང་རྟག་པར་སེམས་ཅན་དོན་སྒྲུབ་པ། །ངོ་མཚར་སྙེ་མ་བསྒྲང་བར་དཀའ་ཞིང་བྱེ་བྲག་འཛམ་བུའི་སྒྲ་སྙན་པར། །མཁས་དང་བཙུན་པའི་གཏམ་གྱིས་གྲགས་སྙན་རིང་དུ་འགྲོ་བ་རྣམ་མང་གི༥། དབུས་ནས་རབ་འཕགས་ས་འཛིན་སྐྱེ་བོའི་གདོང་ལྔའི་སྤོར་འགྱིང་དཔལ་ལྡན་པ། །འཆི་མེད་ལམ་ནས་ལེགས་པར་འཐོན་པའི་འཁོན་གྱི་རིགས་ཀྱི་ཐིག་ལེ་ཆེ། །དོན་རྣམས་ཀུན་གྲུབ་ཀུན་ཏུ་དགའ་བའི་མཛེས་སྐུ་ཟླ་ཤེལ་ཕུང་པོ་ཆེས། ༦། མཚན་མཆོག་བཟང་པོ་སོ་གཉིས་དང་ནི་དཔེ་བྱད་བརྒྱད་ཅུའི་མེ་ཏོག་བཀྲ། །རྣམ་པ་ཀུན་མཁྱེན་ཡེ་ཤེས་ཉི་མ་འཆར་ཁའི་འོད་སྣང་དང་འགྲོགས་ཤིང་། །རྟག་ཆད་མཐའ་བྲལ་ཆོས་དབྱིངས་མཁའ་ལ་རྟག་པར་འཁོར་བས་མུན་པ་སེལ། །ཤེས་རབ་རལ་གྲི་མཐིང་འོད་འབར་བས་མུ་སྟེགས་གླང་པོའི་མགོ་བོ་བྲེག༧། ཆོས་ཕུང་མི་འཛད་གསུང་རབ་ཀུན་གྱི་གླེགས་བམ་མགུལ་པར་སྦས་པ་ལས། །བྱུང་བའི་ཆོས་ཆར་ཞལ་ལས་སྐྱུགས་པའི་བདུད་རྩིའི་ཐིགས་པས་མཁའ་རྣམས་འཚོ། །སྡོམ་གསུམ་འཁྲུལ་བསལ་རིག་པའི་གཏེར་ཆེན་སྨྲ་བའི་མཚོན་ཆ་རྣོན་པོ་ཡིས། །ཐུབ་པའི་གསུང་རབ་མོག་པོར་བྱེད་རྣམས་སྙིང་ལ་ཟུག་རྔུ་ཤུགས་ཀྱིས་འཕེལ། ༨། བརྩེ་ཆེན་གངྒཱའི་ཆབ་ཀྱིས་བཀྲུས་པས་ཐུབ་དགོངས་ལྟ་སྒོམ་སྤྱོད་པ་རྣམས། །མཁས་གྲུབ་རྒྱ་མཚོས་སྙིང་དང་མིག་བཞིན་དྲན་པས་གདུང་སེལ་གཙུག་ནོར་ཆེ། །ཤིན་ཏུ་གསལ་ལ་མཚུངས་ཟླ་མ་མཆིས་ཆོས་རྗེ་ཐམས་ཅད་མཁྱེན་པ་ནི། །ལྷར་བཅས་འགྲོ་བའི་བླ་མར་གྱུར་ཅིང་རྐང་གཉིས་གཙོ་བོ་དམ་པ་རྒྱལ། ༩། དེ་ལྟར་འཇམ་དབྱངས་བླ་མ་ལ། །མོས་གུས་སྟོབས་ཀྱིས་བསྐུལ་བ་ལས། །བྱུང་བའི་བསྟོད་པ་མུ་ཐིག་ལེའི། །ཕྲེང་མཛེས་ཅུང་ཟད་བསྟར་བ་འདིས། །འཇམ་དབྱངས་བླ་མས་རྗེས་བཟུང་ནས། །སྤོབས་པའི་གཏེར་ཆེན་བརྒྱད་གྲོལ་ཞིང་། །སོ་སོར་རིག་བཞིས་དབང་འབྱོར་ནས། །དོན་གཉིས་འབད་མེད་འབྱུང་གྱུར་ཅིག །ཅེས་པའང་ཆོས་ཀྱི་བློ་གྲོས་པས་ཆུ་བྱ་མགོ་ཟླ་བའི་ཚེས་༡༤དུས་ཀྱི་མཆོད་པའི་ཉིན་གསོལ་བ་བཏབ་པ་དགེ་ཞིང་བཀྲ་ཤིས་སོ། ། །།

[edit]

dpal ldan sa skya paN+Di ta la bstod pa mu tig phreng mdzes zhes bya ba bzhugs so/____/bla ma dang mgon po 'jam pa'i dbyangs la phyag 'tshal lo/____/dpal ldan bla mas mtshungs med mkhyen rab 'od kyi snang bas srid zhir rgyas/____/ye shes chen po'i mdzod 'dzin bde gshegs thams cad bskyed pa'i yab gcig pu/____/rgyal ba kun gyi thugs la zhugs shing mi rtog ye shes rjes 'gro ba/____/'jam dpal rdo rje'i srog dang rab ldan de bzhin gshegs pa thams cad kyang /__1/__gang gi mthu yi byin gyis brlabs pa'i dpal gyis dpal gyur 'jam pa'i dbyangs/____/skye med ngang las skye ba'i cho 'phrul dwangs pa'i rdzing bur zla gzugs bzhin/____/gang la gang 'dul sgyu ma'i rol rtsed bye ba bsam las 'das pa yi/____/'gro la phan pa nyer sgrub mthu ldan dpag bsam shing dang bsam 'phel dbang /__2/__re zhig tsam min gtan bde mchog la ma lus yongs su 'god par byed/____/srid zhi'i 'jigs 'phrog 'chi bdag bdud sel lha yi rgyal po 'jam pa'i dbyangs/____/sa gsum 'di na zhabs sen rdul 'od dmar pos ma btud 'ga' yang med/____/ston pa nyi ma mchog nyid kyang ni khyod la bsngags pa nyin bzhin mdzad/__3/__thabs la mkhas pa'i mdzad phrin bsam yas sil snyan brgya pa phyogs bcur 'khrol/____/de yi rang bzhin sus kyang rtogs dka' rgya mtsho lta bur zab pa'i thugs/____/'brug sgra'i dbyangs dang gzhon nu'i lus can bcu drug lang tsho'i dkyil 'khor rgyas/____/gsang ba gsum gyi yon tan mtha' klas mgon po bcom ldan mkhyen gter che/__4/__srid pa'i zhing sar skye dgu'i myu gu 'dams la gnas pa'i pad+ma bzhin/____/nyes pas rab dben rdul dang bral zhing rtag par sems can don sgrub pa/____/ngo mtshar snye ma bsgrang bar dka' zhing bye brag 'dzam bu'i sgra snyan par/____/mkhas dang btsun pa'i gtam gyis grags snyan ring du 'gro ba rnam mang gi5/__dbus nas rab 'phags sa 'dzin skye bo'i gdong lnga'i spor 'gying dpal ldan pa/____/'chi med lam nas legs par 'thon pa'i 'khon gyi rigs kyi thig le che/____/don rnams kun grub kun tu dga' ba'i mdzes sku zla shel phung po ches/__6/__mtshan mchog bzang po so gnyis dang ni dpe byad brgyad cu'i me tog bkra/____/rnam pa kun mkhyen ye shes nyi ma 'char kha'i 'od snang dang 'grogs shing /____/rtag chad mtha' bral chos dbyings mkha' la rtag par 'khor bas mun pa sel/____/shes rab ral gri mthing 'od 'bar bas mu stegs glang po'i mgo bo breg7/__chos phung mi 'dzad gsung rab kun gyi glegs bam mgul par sbas pa las/____/byung ba'i chos char zhal las skyugs pa'i bdud rtsi'i thigs pas mkha' rnams 'tsho/____/sdom gsum 'khrul bsal rig pa'i gter chen smra ba'i mtshon cha rnon po yis/____/thub pa'i gsung rab mog por byed rnams snying la zug rngu shugs kyis 'phel/__8/__brtse chen gang+gA'i chab kyis bkrus pas thub dgongs lta sgom spyod pa rnams/____/mkhas grub rgya mtshos snying dang mig bzhin dran pas gdung sel gtsug nor che/____/shin tu gsal la mtshungs zla ma mchis chos rje thams cad mkhyen pa ni/____/lhar bcas 'gro ba'i bla mar gyur cing rkang gnyis gtso bo dam pa rgyal/__9/__de ltar 'jam dbyangs bla ma la/____/mos gus stobs kyis bskul ba las/____/byung ba'i bstod pa mu thig le'i/____/phreng mdzes cung zad bstar ba 'dis/____/'jam dbyangs bla mas rjes bzung nas/____/spobs pa'i gter chen brgyad grol zhing /____/so sor rig bzhis dbang 'byor nas/____/don gnyis 'bad med 'byung gyur cig__/ces pa'ang chos kyi blo gros pas chu bya mgo zla ba'i tshes 14dus kyi mchod pa'i nyin gsol ba btab pa dge zhing bkra shis so/__/____//__