JKW-KABUM-15-BA-014-007

Previous Section Back to Volume PageNext Section

Wylie title		page=1
Location	mkhyen brtse'i bka' 'bum Volume 14, sde tshan 7, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

སྨན་སྒྲུབ་ལག་ལེན་ཟིན་ཐོ་མདོར་བསྡུས། ༄༅། །སྨན་སྒྲུབ་ལག་ལེན་ཟིན་ཐོ་མདོར་བསྡུས་བཞུགས། །སྨན་སྒྲུབ་ཀྱི་ལག་ལེན་སྤྱིར། དོན། རྟགས། ཆོས། སྨན་བདུད་རྩི་ཞེས་པའི་ཕྱི་མ་ལ་ཁྲོལ་བུ་དང་། ཕྱེ་མ་སྒྲུབ་པའོ། །དང་པོ་ནི། ཨ་རུ་ར་གཙོར་གྱུར་འབྲས་གསུམ་བཟང་དྲུག་ཙནྡན་དཀར་དམར་སོགས་བཟང་སྨན་བྱིངས་ཆེ་བ་སྔོན་ནས་འཐག་པ་ཡིན་ཀྱང་། མཚོན་བྱེད་དུ་དཀྱིལ་འཁོར་རྡུལ་ཚོན་རས་བྲིས་ཚོམ་བུ་སོགས་སྐབས་སྦྱར་སྟེང་ལྡིང་ཁྲིའི་ཁར་ཐོད་པ་སོགས་ཀྱི་སྣོད་ལྔར། བཀའ་བརྒྱད་གསང་རྫོགས་ཀྱི་རྒྱུད་ལས། དྲི་ཆེན་གླང་ཤ་ཛཱ་ཏི་ཤར༔ ཤ་ཆེན་རྟ་ཤ་ཀ་ཀོ་ལྷོ༔ པདྨ་རྨ་བྱ་ལི་ཤི་ནུབ༔ དྲི་ཆུ་ཁྱུང་ཤ་གུར་གུམ་བྱང་༔ བྱང་སེམས་སེང་ཤ་བཟང་དྲུག་དབུས༔ ཞེས་པ་ལྟར་ལ། ཤ་ལྔ་བདུད་རྩི་ལྔ་ཕབས་གཏའི་རིལ་བུ་དང་། སྨན་རྣམས་དངོས་སུ་མང་ཉུང་ཅི་རིགས་བཤམ། མཐའ་མཆོད་གཏོར་གྱིས་བསྐོར། བདག་བསྐྱེད་སྔོན་དུ་འགྲོ་བས། བདུད་རྩི་འཁྱིལ་བ་བསྒྲུབས་པའི་བུམ་ཆུས་ཁྲུས་གསོལ། བསང་སྦྱང་། ཨ། རང་བྱུང་རྡོ་རྗེ་སོགས་གཞུང་ལྟར་གསལ་གདབ། ཐུན་རེར་སྔགས་ཅི་ནུས་བཟླ། ཉིན་གསུམ་སོགས་ཅི་རིགས་བསྒྲུབ། མཐར་ལྷ་འོད་དུ་ཞུ་བའི་བྱང་ཆུབ་སེམས་ཀྱི་ཐིག་ལེར་འཁྱིལ་བར་བསམ། ཧཱུྃ་དབྱངས་དང་བཅས་ཤར་དུ་བཏགས། ལྷོར་བཙག །ནུབ་ཏུ་སྦོལ། བྱང་དུ་སྨན་ཕྱེ་གཞན་དང་སྦྱར་ནས། ནཱ་གི །གླ་རྩི། ཁ་ཆེ་རྣམས་ཇི་ཙམ་མང་ན་བཟང་བས་དེའི་ཕྱེ་མ་དང་། ཆང་བཟང་པོའམ། རྒྱ་ཇའི་ཁུ་བས་ཀྱང་རུང་བར་གསུངས། གང་ལྟར་ཡང་སྐ་སླ་རན་པ་ཆངས་པར་བཅངས་པས་མི་ཞིག་པའི་ཚོད་ཙམ་དུ་ཕུར། དབང་ལག་གི་དམ་རྩི་རན་པར་སྦྱར། དྲོད་འོས་མཚམས་བརྒྱབས། རྒྱ་ཕབས་བཟང་པོ་ཅི་རིགས་བཏབ། ཕབས་གཏས་བྲན། ཁུག་མར་བླུགས། སྟེང་འོག་ཏུ་ཐོད་པ་ཁ་སྦྱར་ལ་ཟངས་དཀར་ལྟ་བུ་ཆུས་སུམ་གཅིག་ཙམ་བཀང་། དེ་སྟེང་ཤུག་པ་དང་བལ་བུ་འོས་མཚམས་བཏིང་བའི་ཁར་ཤིང་དྲྭ་བྱ། དེ་སྟེང་སྨན་ཐོད་བཞག །ཁ་སྟེགས་ཁེབས་ལྟ་བུས་བཅད། དབུ་རྒྱན་བསྐོན། གཡས་གཡོན་དུ་རྡོར་དྲིལ་བཅིངས། རྒྱབ་ཏུ་རྟགས་གདབ། དཀྱིལ་འཁོར་དབུས་སུ་ལྕགས་སྒྱེད་ཀྱི་ཁར་བཞག །ནམ་ཟླ་དང་བསྟུན་འོག་ནས་དྲོད་འབེབས་ཀྱི་མར་མེ་སྤར། མཆོད་གཏོར་གྱིས་བསྐོར། གཉིས་པ་ནི། ལས་གཞུང་བསྲང་། བསྟོད་པའི་མཇུག་ཏུ་ཛཔ྄་ཁང་ཕྱེས་ལ་མདུན་བསྐྱེད་གཞུང་ལྟར་གཟུངས་ཐག་བླངས་ལ་སྔགས་ཁྲི་སོགས་བཟླ། ཐུན་གྱི་མཇུག་ཏུ་སྨན་སྲུང་སྤྱན་དྲང་བ་སོགས་གཞུང་ལྟར། དངོས་གྲུབ་བསྡུ་བའི་སྔགས་སྟོང་སོགས་བཟླ། ཐུན་མཇུག་མཆོད་བསྟོད་བྱ། ཉུལ་ལེ་བསྐྲད་པ་དང་བྱིན་འབེབས་རྡོར་སེམས་རིལ་སྒྲུབ་ལྟ་བུ་ནས་བླངས་པས་འཐུས། ཚོགས་ཀྱི་མཆོད་པ་སོགས་གཞུང་ལྟར་བྱ། ཞག་བདུན་ལྔ་གསུམ་སོགས་ཇི་ལྟར་རིགས་པར་བསྒྲུབ། མཐར་དབང་དང་དངོས་གྲུབ་བླང་བ་སོགས་གཞུང་ལྟར། གྲུབ་རྗེས་སྨན་སྒྲུབ་སླད་ན་སྨན་ཕྱེ་ཅུང་ཟད་སྦྱར། སྐམ་ཆེས་ན་ཁ་ཆེའི་ཁུ་བ་ལྟ་བུས་སྦོལ་ནས་ཕུར། རིལ་ཆགས་ཐེམ་པར་བྱའོ། །ཚོགས་སྒྲུབ་ཆིག་སྒྲུབ་སོགས་ཡུལ་དུས་གནས་སྐབས་བསྟུན་པས་གྲུབ་བོ།། །། ༈

[edit]

sman sgrub lag len zin tho mdor bsdus/_ @#/_/sman sgrub lag len zin tho mdor bsdus bzhugs/__/sman sgrub kyi lag len spyir/__don/__rtags/__chos/__sman bdud rtsi zhes pa'i phyi ma la khrol bu dang /__phye ma sgrub pa'o/__/dang po ni/__a ru ra gtsor gyur 'bras gsum bzang drug tsan+dan dkar dmar sogs bzang sman byings che ba sngon nas 'thag pa yin kyang /__mtshon byed du dkyil 'khor rdul tshon ras bris tshom bu sogs skabs sbyar steng lding khri'i khar thod pa sogs kyi snod lngar/__bka' brgyad gsang rdzogs kyi rgyud las/__dri chen glang sha dzA ti shar:__sha chen rta sha ka ko lho:__pad+ma rma bya li shi nub:__dri chu khyung sha gur gum byang :__byang sems seng sha bzang drug dbus:__zhes pa ltar la/__sha lnga bdud rtsi lnga phabs gta'i ril bu dang /__sman rnams dngos su mang nyung ci rigs bsham/__mtha' mchod gtor gyis bskor/__bdag bskyed sngon du 'gro bas/__bdud rtsi 'khyil ba bsgrubs pa'i bum chus khrus gsol/__bsang sbyang /__a/__rang byung rdo rje sogs gzhung ltar gsal gdab/__thun rer sngags ci nus bzla/__nyin gsum sogs ci rigs bsgrub/__mthar lha 'od du zhu ba'i byang chub sems kyi thig ler 'khyil bar bsam/__hU~M dbyangs dang bcas shar du btags/__lhor btsag__/nub tu sbol/__byang du sman phye gzhan dang sbyar nas/__nA gi__/gla rtsi/__kha che rnams ji tsam mang na bzang bas de'i phye ma dang /__chang bzang po'am/__rgya ja'i khu bas kyang rung bar gsungs/__gang ltar yang ska sla ran pa changs par bcangs pas mi zhig pa'i tshod tsam du phur/__dbang lag gi dam rtsi ran par sbyar/__drod 'os mtshams brgyabs/__rgya phabs bzang po ci rigs btab/__phabs gtas bran/__khug mar blugs/__steng 'og tu thod pa kha sbyar la zangs dkar lta bu chus sum gcig tsam bkang /__de steng shug pa dang bal bu 'os mtshams bting ba'i khar shing drwa bya/__de steng sman thod bzhag__/kha stegs khebs lta bus bcad/__dbu rgyan bskon/__g.yas g.yon du rdor dril bcings/__rgyab tu rtags gdab/__dkyil 'khor dbus su lcags sgyed kyi khar bzhag__/nam zla dang bstun 'og nas drod 'bebs kyi mar me spar/__mchod gtor gyis bskor/__gnyis pa ni/__las gzhung bsrang /__bstod pa'i mjug tu dzapa? khang phyes la mdun bskyed gzhung ltar gzungs thag blangs la sngags khri sogs bzla/__thun gyi mjug tu sman srung spyan drang ba sogs gzhung ltar/__dngos grub bsdu ba'i sngags stong sogs bzla/__thun mjug mchod bstod bya/__nyul le bskrad pa dang byin 'bebs rdor sems ril sgrub lta bu nas blangs pas 'thus/__tshogs kyi mchod pa sogs gzhung ltar bya/__zhag bdun lnga gsum sogs ji ltar rigs par bsgrub/__mthar dbang dang dngos grub blang ba sogs gzhung ltar/__grub rjes sman sgrub slad na sman phye cung zad sbyar/__skam ches na kha che'i khu ba lta bus sbol nas phur/__ril chags them par bya'o/__/tshogs sgrub chig sgrub sogs yul dus gnas skabs bstun pas grub bo//___//_!