JKW-KABUM-15-BA-014-007

Previous Text Back to Volume PageNext Text

སྨན་སྒྲུབ་ལག་ལེན་ཟིན་ཐོ་མདོར་བསྡུས།

Wylie title	sman sgrub lag len zin tho mdor bsdus
Location	mkhyen brtse'i bka' 'bum Volume 15, sde tshan 14, Text 7, Pages 336-338 (Folios 11b4 to 12b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 15: 336-338. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Medicinal Pills - Making and Activating Practices - sman sgrub

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །སྨན་སྒྲུབ་ལག་ལེན་ཟིན་ཐོ་མདོར་བསྡུས་བཞུགས། །སྨན་སྒྲུབ་ཀྱི་ལག་ལེན་སྤྱིར། དོན། རྟགས། ཆོས། སྨན་བདུད་རྩི་ཞེས་པའི་ཕྱི་མ་ལ་ཁྲོལ་བུ་དང་། ཕྱེ་མ་སྒྲུབ་པའོ། །དང་པོ་ནི། ཨ་རུ་ར་གཙོར་གྱུར་འབྲས་གསུམ་བཟང་དྲུག་ཙནྡན་དཀར་དམར་སོགས་བཟང་སྨན་བྱིངས་ཆེ་བ་སྔོན་ནས་འཐག་པ་ཡིན་ཀྱང་། མཚོན་བྱེད་དུ་དཀྱིལ་འཁོར་རྡུལ་ཚོན་རས་བྲིས་ཚོམ་བུ་སོགས་སྐབས་སྦྱར་སྟེང་ལྡིང་ཁྲིའི་ཁར་ཐོད་པ་སོགས་ཀྱི་སྣོད་ལྔར། བཀའ་བརྒྱད་གསང་རྫོགས་ཀྱི་རྒྱུད་ལས། དྲི་ཆེན་གླང་ཤ་ཛཱ་ཏི་ཤར༔ ཤ་ཆེན་རྟ་ཤ་ཀ་ཀོ་ལྷོ༔ པདྨ་རྨ་བྱ་ལི་ཤི་ནུབ༔ དྲི་ཆུ་ཁྱུང་ཤ་གུར་གུམ་བྱང་༔ བྱང་སེམས་སེང་ཤ་བཟང་དྲུག་དབུས༔ ཞེས་པ་ལྟར་ལ། ཤ་ལྔ་བདུད་རྩི་ལྔ་ཕབས་གཏའི་རིལ་བུ་དང་། སྨན་རྣམས་དངོས་སུ་མང་ཉུང་ཅི་རིགས་བཤམ། མཐའ་མཆོད་གཏོར་གྱིས་བསྐོར། བདག་བསྐྱེད་སྔོན་དུ་འགྲོ་བས། བདུད་རྩི་འཁྱིལ་བ་བསྒྲུབས་པའི་བུམ་ཆུས་ཁྲུས་གསོལ། བསང་སྦྱང་། ཨ། རང་བྱུང་རྡོ་རྗེ་སོགས་གཞུང་ལྟར་གསལ་གདབ། ཐུན་རེར་སྔགས་ཅི་ནུས་བཟླ། ཉིན་གསུམ་སོགས་ཅི་རིགས་བསྒྲུབ། མཐར་ལྷ་འོད་དུ་ཞུ་བའི་བྱང་ཆུབ་སེམས་ཀྱི་ཐིག་ལེར་འཁྱིལ་བར་བསམ། ཧཱུྃ་དབྱངས་དང་བཅས་ཤར་དུ་བཏགས། ལྷོར་བཙག །ནུབ་ཏུ་སྦོལ། བྱང་དུ་སྨན་ཕྱེ་གཞན་དང་སྦྱར་ནས། ནཱ་གི །གླ་རྩི། ཁ་ཆེ་རྣམས་ཇི་ཙམ་མང་ན་བཟང་བས་དེའི་ཕྱེ་མ་དང་། ཆང་བཟང་པོའམ། རྒྱ་ཇའི་ཁུ་བས་ཀྱང་རུང་བར་གསུངས། གང་ལྟར་ཡང་སྐ་སླ་རན་པ་ཆངས་པར་བཅངས་པས་མི་ཞིག་པའི་ཚོད་ཙམ་དུ་ཕུར། དབང་ལག་གི་དམ་རྩི་རན་པར་སྦྱར། དྲོད་འོས་མཚམས་བརྒྱབས། རྒྱ་ཕབས་བཟང་པོ་ཅི་རིགས་བཏབ། ཕབས་གཏས་བྲན། ཁུག་མར་བླུགས། སྟེང་འོག་ཏུ་ཐོད་པ་ཁ་སྦྱར་ལ་ཟངས་དཀར་ལྟ་བུ་ཆུས་སུམ་གཅིག་ཙམ་བཀང་། དེ་སྟེང་ཤུག་པ་དང་བལ་བུ་འོས་མཚམས་བཏིང་བའི་ཁར་ཤིང་དྲྭ་བྱ། དེ་སྟེང་སྨན་ཐོད་བཞག །ཁ་སྟེགས་ཁེབས་ལྟ་བུས་བཅད། དབུ་རྒྱན་བསྐོན། གཡས་གཡོན་དུ་རྡོར་དྲིལ་བཅིངས། རྒྱབ་ཏུ་རྟགས་གདབ། དཀྱིལ་འཁོར་དབུས་སུ་ལྕགས་སྒྱེད་ཀྱི་ཁར་བཞག །ནམ་ཟླ་དང་བསྟུན་འོག་ནས་དྲོད་འབེབས་ཀྱི་མར་མེ་སྤར། མཆོད་གཏོར་གྱིས་བསྐོར། གཉིས་པ་ནི། ལས་གཞུང་བསྲང་། བསྟོད་པའི་མཇུག་ཏུ་ཛཔ྄་ཁང་ཕྱེས་ལ་མདུན་བསྐྱེད་གཞུང་ལྟར་གཟུངས་ཐག་བླངས་ལ་སྔགས་ཁྲི་སོགས་བཟླ། ཐུན་གྱི་མཇུག་ཏུ་སྨན་སྲུང་སྤྱན་དྲང་བ་སོགས་གཞུང་ལྟར། དངོས་གྲུབ་བསྡུ་བའི་སྔགས་སྟོང་སོགས་བཟླ། ཐུན་མཇུག་མཆོད་བསྟོད་བྱ། ཉུལ་ལེ་བསྐྲད་པ་དང་བྱིན་འབེབས་རྡོར་སེམས་རིལ་སྒྲུབ་ལྟ་བུ་ནས་བླངས་པས་འཐུས། ཚོགས་ཀྱི་མཆོད་པ་སོགས་གཞུང་ལྟར་བྱ། ཞག་བདུན་ལྔ་གསུམ་སོགས་ཇི་ལྟར་རིགས་པར་བསྒྲུབ། མཐར་དབང་དང་དངོས་གྲུབ་བླང་བ་སོགས་གཞུང་ལྟར། གྲུབ་རྗེས་སྨན་སྒྲུབ་སླད་ན་སྨན་ཕྱེ་ཅུང་ཟད་སྦྱར། སྐམ་ཆེས་ན་ཁ་ཆེའི་ཁུ་བ་ལྟ་བུས་སྦོལ་ནས་ཕུར། རིལ་ཆགས་ཐེམ་པར་བྱའོ། །ཚོགས་སྒྲུབ་ཆིག་སྒྲུབ་སོགས་ཡུལ་དུས་གནས་སྐབས་བསྟུན་པས་གྲུབ་བོ།། །། ༈

[edit]

sman sgrub lag len zin tho mdor bsdus/_ @#/_/sman sgrub lag len zin tho mdor bsdus bzhugs/__/sman sgrub kyi lag len spyir/__don/__rtags/__chos/__sman bdud rtsi zhes pa'i phyi ma la khrol bu dang /__phye ma sgrub pa'o/__/dang po ni/__a ru ra gtsor gyur 'bras gsum bzang drug tsan+dan dkar dmar sogs bzang sman byings che ba sngon nas 'thag pa yin kyang /__mtshon byed du dkyil 'khor rdul tshon ras bris tshom bu sogs skabs sbyar steng lding khri'i khar thod pa sogs kyi snod lngar/__bka' brgyad gsang rdzogs kyi rgyud las/__dri chen glang sha dzA ti shar:__sha chen rta sha ka ko lho:__pad+ma rma bya li shi nub:__dri chu khyung sha gur gum byang :__byang sems seng sha bzang drug dbus:__zhes pa ltar la/__sha lnga bdud rtsi lnga phabs gta'i ril bu dang /__sman rnams dngos su mang nyung ci rigs bsham/__mtha' mchod gtor gyis bskor/__bdag bskyed sngon du 'gro bas/__bdud rtsi 'khyil ba bsgrubs pa'i bum chus khrus gsol/__bsang sbyang /__a/__rang byung rdo rje sogs gzhung ltar gsal gdab/__thun rer sngags ci nus bzla/__nyin gsum sogs ci rigs bsgrub/__mthar lha 'od du zhu ba'i byang chub sems kyi thig ler 'khyil bar bsam/__hU~M dbyangs dang bcas shar du btags/__lhor btsag__/nub tu sbol/__byang du sman phye gzhan dang sbyar nas/__nA gi__/gla rtsi/__kha che rnams ji tsam mang na bzang bas de'i phye ma dang /__chang bzang po'am/__rgya ja'i khu bas kyang rung bar gsungs/__gang ltar yang ska sla ran pa changs par bcangs pas mi zhig pa'i tshod tsam du phur/__dbang lag gi dam rtsi ran par sbyar/__drod 'os mtshams brgyabs/__rgya phabs bzang po ci rigs btab/__phabs gtas bran/__khug mar blugs/__steng 'og tu thod pa kha sbyar la zangs dkar lta bu chus sum gcig tsam bkang /__de steng shug pa dang bal bu 'os mtshams bting ba'i khar shing drwa bya/__de steng sman thod bzhag__/kha stegs khebs lta bus bcad/__dbu rgyan bskon/__g.yas g.yon du rdor dril bcings/__rgyab tu rtags gdab/__dkyil 'khor dbus su lcags sgyed kyi khar bzhag__/nam zla dang bstun 'og nas drod 'bebs kyi mar me spar/__mchod gtor gyis bskor/__gnyis pa ni/__las gzhung bsrang /__bstod pa'i mjug tu dzapa? khang phyes la mdun bskyed gzhung ltar gzungs thag blangs la sngags khri sogs bzla/__thun gyi mjug tu sman srung spyan drang ba sogs gzhung ltar/__dngos grub bsdu ba'i sngags stong sogs bzla/__thun mjug mchod bstod bya/__nyul le bskrad pa dang byin 'bebs rdor sems ril sgrub lta bu nas blangs pas 'thus/__tshogs kyi mchod pa sogs gzhung ltar bya/__zhag bdun lnga gsum sogs ji ltar rigs par bsgrub/__mthar dbang dang dngos grub blang ba sogs gzhung ltar/__grub rjes sman sgrub slad na sman phye cung zad sbyar/__skam ches na kha che'i khu ba lta bus sbol nas phur/__ril chags them par bya'o/__/tshogs sgrub chig sgrub sogs yul dus gnas skabs bstun pas grub bo//___//_!