JKW-KABUM-14-PHA-017-002

🚧 This website is under continued development. We appreciate your patience!

Previous Section Back to Volume PageNext Section

འཕགས་པ་ཛམྦྷ་ལ་དཀར་པོ་འབྲུག་ཞོན་ལྷ་དགུའི་སྒྲུབ་ཐབས་ནོར་བུའི་སྙིང་པོ།

Wylie title	'phags pa dzam+b+ha la dkar po 'brug zhon lha dgu'i sgrub thabs nor bu'i snying po
Location	mkhyen brtse'i bka' 'bum Volume 17, sde tshan 2, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	གུ་རུ་ཆོས་ཀྱི་དབང་ཕྱུག་ (Gu ru chos kyi dbang phyug)
Citation
Genre	Sadhanas - Evocation Ritual - sgrub thabs
Cycle	ཛམྦྷ་ལ་དཀར་པོ་འབྲུག་ཞོན་གཙོ་རྐྱང་ (dzam+b+ha la dkar po 'brug zhon gtso rkyang)
Deity	dzaM dkar

Tibetan Text

Wylie

[edit]

འཕགས་པ་ཛམྦྷ་ལ་དཀར་པོ་འབྲུག་ཞོན་ལྷ་དགུའི་སྒྲུབ་ཐབས་ནོར་བུའི་སྙིང་པོ། ༄༅། །འཕགས་པ་ཛམྦྷ་ལ་དཀར་པོ་འབྲུ་གཞོན་ལྷ་དགུའི་སྒྲུབ་ཐབས་ཀྱི་ཁྱད་པར་ནོར་བུའི་སྙིང་པོ་ཞེས་བྱ་བ་བཞུགས་སོ། །ན་མོ་གུ་རུ་ཛམྦྷ་ལ་ས་པ་རི་ཝཱ་རེ་བྷྱ༔ འདིར་གུ་རུ་རིན་པོ་ཆེ་ཆོས་ཀྱི་དབང་ཕྱུག་གི་གཏེར་བྱོན་ཛམྦྷ་ལ་དཀར་པོའི་ནོར་སྒྲུབ་རིན་ཆེན་སྤུངས་པ་ལས། ཐུན་མོང་མ་ཡིན་པ་འཁོར་བཀའ་སྡོད་དུ་སྒྲུབ་པའི་ཁྱད་པར་ནི། གཙོ་རྐྱང་གི་སྒྲུབ་པ་སྔོན་དུ་སོང་བའི་རྣལ་འབྱོར་པས། སྦྱོར་བའི་སྐབས་སུ་གའུའི་བཅའ་གཞི་གཙོ་རྐྱང་གི་སྒྲུབ་ཐབས་སུ་བཤད་པའི་སྟེང་། ཕྱོགས་མཚམས་བརྒྱད་དུ་འོག་ནས་འབྱུང་བའི་མངོན་རྟོགས་ལྟར་གནོད་སྦྱིན་བརྒྱད་ཀྱི་སྐུ་རྫའམ་ཙཀླི་ལྟ་བུར་བྲིས་པའི་སོ་སོའི་ཐུགས་ཀར་དང་རང་གི་སྔགས་བྱང་བྲིས་པ་གཞུག །སྐུ་ཡེ་ནས་མ་འབྱོར་ན་སྔགས་བྱང་ཁོ་ནའི་ཤོག་དྲིལ་བཅུག་ཀྱང་རུང་བར་གསུངས། དེའི་མདུན་དུ་གཏའ་གཏོར་རིན་པོ་ཆེའི་དབྱིབས་བྱས་ལ་ཆང་བུས་བརྒྱན། མཐེབ་ཀྱུ་བརྒྱད་དང་བཅས་པ་བཤམ། ཤ་མར་དང་། དཀར་གསུམ་མངར་གསུམ་བཟང་པོས་བརྒྱན། དར་དཀར་པོ་ལ་གཙོ་འཁོར་ཡོངས་རྫོགས་ཀྱི་སྔགས་བྲིས་ལ། སྨྱུག་རྒོད་ལ་བཏགས་ནས་གཏོར་མ་ལ་བཙུགས། དེའི་མདུན་དུ་འབུལ་གཏོར་དང་མཆོད་པ། ཆུ་སྦྱིན་གྱི་ཆས་སོགས་གཙོ་རྐྱང་གི་སྐབས་ལྟར་བཤམ། དངོས་གཞིར་སྐྱབས་སེམས། མཆོད་པ་བྱིན་རླབས། བདག་བསྐྱེད་རྣམས་གཙོ་རྐྱང་ལྟར་སོང་ནས། མདུན་བསྐྱེད་ཀྱི་ཁྱད་པར། རིན་པོ་ཆེ་སྣ་ཚོགས་ཀྱི་ཕྲེང་བ་དང་དར་གྱིས་བརྒྱན་པའོ་ཞེས་པའི་མཚམས། འདབ་མ་བརྒྱད་ལ་ཤར་དུ་ཛམྦྷ་ལ་དཀར་པོ་གཡས་རིན་པོ་ཆེ་དང་༔ གཡོན་ནེའུ་ལེ་འཛིན་པ༔ ལྷོར་གང་བ་བཟང་པོ་སེར་པོ་གཡས་བུམ་པ༔ གཡོན་ནེའུ་ལེ༔ ནུབ་ཏུ་ནོར་བུ་བཟང་པོ་དམར་པོ་གཡས་རཏྣ༔ གཡོན་ནེའུ་ལེ༔ བྱང་དུ་ཀུ་བེ་ར་ལྗང་གུ་གཡས་རལ་གྲི༔ གཡོན་ལྕགས་ཀྱུ༔ ཤར་ལྷོར་ཡང་དག་ཤེས་སེར་སྐྱ་གཡས་ཞགས་པ༔ གཡོན་ནེའུ་ལེ༔ ལྷོ་ནུབ་ཏུ་འབྲོག་གནས་སྔོ་ནག་གཡས་མདུང་ཐུང་དང་༔ གཡོན་ནེའུ་ལེ་དང་བཱི་ཛ་པཱུ་ར་ཀ༔ ནུབ་བྱང་དུ་ལྔས་རྩེན་ལྗང་སྔོན་གཡས་དགྲ་སྟྭ༔ གཡོན་ནོར་བུ༔ བྱང་ཤར་དུ་ཙི་བི་ཀུཎྜ་ལི་དམར་པོ་གཡས་གའུ༔ གཡོན་ནེའུ་ལེ་བསྣམས་པ༔ ཐམས་ཅད་འབྲུག་ལ་ཞོན་པ༔ རྒྱན་དང་ཆ་ལུགས་ཐམས་ཅད་གཙོ་བོ་དང་མཐུན་པ༔ རང་ཡི་དམ་དུ་གསལ་བའི་ཐུགས་ཀའི་ས་བོན་ལས་འོད་ཟེར་འཕྲོས་པས༔ རི་རབ་ཀྱི་བྱང་ཤར་གྱི་མཚམས་ནམ་མཁའ་མཛོད་ཀྱི་གནས་ནས༔ ཡེ་ཤེས་སེམས་དཔའ་ནམ་མཁའ་མཛོད་འཁོར་གནོད་སྦྱིན་བརྒྱད་ཀྱི་ཚོགས་དང་བཅས་པ་སྤྱན་དྲངས༔ མདུན་གྱི་ནམ་མཁར་བཞུགས་པར་གྱུར། གནོད་སྦྱིན་དེད་དཔོན་སོགས་སྤྱན་འདྲེན་ནས་རྩ་བའི་བཟླས་པའི་བར་གཙོ་རྐྱང་ལྟར་བ། གཙོ་བོའི་བཟླས་པ་ཅུང་ཟད་རྗེས། སླར་ཡང་རང་གི་ཐུགས་ཀའི་ས་བོན་ལས་འོད་ཟེར་འཕྲོས་པས་གནོད་སྦྱིན་གཙོ་འཁོར་གྱི་ཐུགས་ཀར་ཕོག༔ གཙོ་འཁོར་གྱི་ཐུགས་ཀ་ནས་འོད་ཟེར་ལྕགས་ཀྱུའི་རྣམ་པ་ལྟ་བུའི་ཁ་དོག་དམར་སེར་འཕྲོས་པས་འཇིག་རྟེན་ཁམས་ཀྱི་ཟས་ནོར་ཐམས་ཅད་བསྡུས་ནས་རང་གི་གནས་ཁང་ཁེངས་པར་གྱུར་ཅེས་དང་། གཙོ་བོའི་སྔགས་དང་། འཁོར་སྔགས། ཨོཾ་ཛམྦྷ་ལ་ཧྲྀ་ད་ཡ་སྭཱ་ཧཱ༔ ཨོཾ་པུརྞ་བྷ་དྲཱ་ཡ་སྭཱ་ཧཱ༔ ཨོཾ་དྷ་ན་དཱ་ཡ་སྭཱ་ཧཱ༔ ཨོཾ་ཀུ་བེ་རཱ་ཡ་སྭཱ་ཧཱ༔ ཨོཾ་ཙ་མུནྡྲཱ་ཡ་སྭཱ་ཧཱ༔ ཨོཾ་མ་ཎི་དུ་རུ་ཧྲྀ་ད་ཡ་སྭཱ་ཧཱ༔ ཨོཾ་བཱ་སུ་དྷཱ་རཱ་ཡ་སྭཱ་ཧཱ༔ ཨོཾ་སྃ་བྷ་བ་ན་ནི་ཧྲྀ་ད་ཡ་སྭཱ་ཧཱ༔ ཞེས་པ་རྣམས་སྦྲེལ་ལ་གཙོ་བོར་བཟླ། ཐུན་ལས་ལྡང་བ་ན་འབུལ་གཏོར་ལ་ཆབ་བྲན་ནས་བསང་སྦྱང་བྱིན་རླབས་གཙོ་བོའི་སྔགས་ཀྱིས་ཕུལ་བ་ཡན་གཙོ་རྐྱང་ལྟར་ལ། དེ་ནས་འཁོར་སྔགས་སོ་སོའི་མཐར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི་བཏགས་པས་ཕུལ། བསྟོད་པའི་ཁྱད་པར། འཕགས་པ་ཛམྦྷ་ལ་ལ་ཕྱག་འཚལ་བསྟོད༔ ཅེས་པའི་མཚམས། ཛམ་ལ་གང་བཟང་ནོར་བཟང་ཀུ་བེ་ར། །ཡང་དག་ཤེས་དང་འབྲོག་གནས་ལྔས་རྩེན་དང་། །ཙི་བི་ཀུཎྜ་ལི་སྟེ་གནོད་སྦྱིན་བརྒྱད། །ནོར་ལྷ་རབ་འབྱམས་འཁོར་དང་བཅས་ལ་བསྟོད། །བདག་ལ་འདོད་དོན་འགྲུབ་པའི་དངོས་གྲུབ་སྩོལ། །ཞེས་སོགས་སྦྲེལ། ཆུ་སྦྱིན་སྐབས་ཀྱང་སྤྲོ་ན་གཙོ་བོའི་སྔགས་ཀྱི་རྗེས་འཁོར་སྔགས་སོ་སོས་ཕུལ་ཀྱང་ལེགས། གཞན་འདྲའོ། །བསྙེན་པའི་ཚད་དང་། རྟགས་དང་། རྗེས་ཀྱི་བྱ་བ་དང་། དམ་ཚིག་དང་། ཕན་ཡོན་བསྟན་པ་རྣམས་ནི་གཏེར་གཞུང་ལས། དེ་ལྟར་ཞག་ཉི་ཤུ་རྩ་གཅིག་ཏུ་གཙོ་འཁོར་དྲིལ་བའི་སྔགས་བཟླས་སོ༔ སྤྱིར་ཞག་བདུན་གྱིས་ཆོ་ག་གསུངས་ཀྱང་ལྷག་ཆད་འབྱུང་སྲིད་པས་སུམ་འདབ་བྱའོ༔ རྟགས་ནི་ཁྱེའུ་གཞོན་ནུས་ཟས་ནོར་སྟེར་བ་དང་༔ འབྲུའི་ཆར་བབས་པ་དང་༔ གཏེར་བཏོན་པ་དང་༔ རྔ་བརྡུང་བ་དང་༔ དུང་འབུད་པ་དང་༔ དར་པོ་ཆེ་འཕྱར་བ་དང་༔ གངས་དཀར་གྱི་རྩེ་ལ་འཛེག་པ་ལ་སོགས་པ་ཞག་བདུན་ནམ་བཞི་རང་ནས་འབྱུང་སྟེ༔ དེ་ལ་སེམས་མ་ཡེངས་པར་བྱའོ༔ སྤྲང་པོ་དང་སྐལ་བ་ཆད་པ་རྨིས་ན༔ ཚོགས་བསག་པ་ལ་འབད་དོ༔ མཛེ་ཅན་དང་ཡུགས་ས་ལ་སོགས་པ་རྨིས་ན༔ མི་གཙང་བ་འཕོག་པས་ཁྲུས་བྱའོ༔ ཞེས་དང་། སྒྲུབ་པ་ཐོན་ནས་གཏོར་མ་ཕུད་ཀྱིས་མཆོད་ཅིང་ལྷག་མ་ལོངས་སྤྱོད༔ གའུ་མིས་མི་མཐོང་སར་སྦའོ༔ དམ་ཚིག་ཏུ་སྒྲུབ་པ་ཐོན་ནས་ཀྱང་༔ ཞག་རེ་ལ་སྔགས་བརྒྱ་རྩ་རེ་བཟླ༔ ཟས་ནོར་གྱི་ཕུད་ཀྱིས་བླ་མ་དཀོན་མཆོག་མཆོད༔ སློང་འབྱུང་ན་ལག་སྟོང་དུ་མི་གཏོང་༔ མ་བྱིན་པར་མི་བླང་༔ སྒྲུབ་ཐབས་འདི་ལག་ཏུ་བླངས་ནས་དངོས་གྲུབ་མི་འབྱུང་མི་སྲིད་དོ༔ གཙོ་རྐྱང་དུ་སྒྲུབ་བདེ་ཀུན་ལ་ཡོད་ཀྱང་༔ སྒྲུབ་ཐག་རིང་བས༔ འཁོར་བཀའ་སྡོད་དུ་སྒྲུབ་པ་འདི་ཀུན་ལ་མེད་པས་དཔེ་ལ་རྩིས་ཆེ་ཞིང་གདམས་སོ༔ ཞེས་གསུངས་པ་ལྟར་རྟོགས་པར་བྱའོ། །ཞེས་པའང་གཏེར་གཞུང་རྩ་བའི་དགོངས་དོན་ཇི་ལྟ་བར་བཀླགས་པས་གྲུབ་པར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྦྱར་བ་དགེ་ལེགས་ཀྱི་སྣང་བས་འཇིག་རྟེན་གསུམ་དུ་ཕན་བདེའི་འབྱོར་པ་མཆོག་ཏུ་རྒྱས་པའི་རྒྱུར་གྱུར་ཅིག། །།སརྦ་མངྒ་ལཾ།།

[edit]

'phags pa dzam+b+ha la dkar po 'brug zhon lha dgu'i sgrub thabs nor bu'i snying po/ @#/_/'phags pa dzam+b+ha la dkar po 'bru gzhon lha dgu'i sgrub thabs kyi khyad par nor bu'i snying po zhes bya ba bzhugs so/__/na mo gu ru dzam+b+ha la sa pa ri wA re b+h+ya:__'dir gu ru rin po che chos kyi dbang phyug gi gter byon dzam+b+ha la dkar po'i nor sgrub rin chen spungs pa las/__thun mong ma yin pa 'khor bka' sdod du sgrub pa'i khyad par ni/__gtso rkyang gi sgrub pa sngon du song ba'i rnal 'byor pas/__sbyor ba'i skabs su ga'u'i bca' gzhi gtso rkyang gi sgrub thabs su bshad pa'i steng /__phyogs mtshams brgyad du 'og nas 'byung ba'i mngon rtogs ltar gnod sbyin brgyad kyi sku rdza'am tsakli lta bur bris pa'i so so'i thugs kar dang rang gi sngags byang bris pa gzhug__/sku ye nas ma 'byor na sngags byang kho na'i shog dril bcug kyang rung bar gsungs/__de'i mdun du gta' gtor rin po che'i dbyibs byas la chang bus brgyan/__mtheb kyu brgyad dang bcas pa bsham/__sha mar dang /__dkar gsum mngar gsum bzang pos brgyan/__dar dkar po la gtso 'khor yongs rdzogs kyi sngags bris la/__smyug rgod la btags nas gtor ma la btsugs/__de'i mdun du 'bul gtor dang mchod pa/__chu sbyin gyi chas sogs gtso rkyang gi skabs ltar bsham/__dngos gzhir skyabs sems/__mchod pa byin rlabs/__bdag bskyed rnams gtso rkyang ltar song nas/__mdun bskyed kyi khyad par/__rin po che sna tshogs kyi phreng ba dang dar gyis brgyan pa'o zhes pa'i mtshams/__'dab ma brgyad la shar du dzam+b+ha la dkar po g.yas rin po che dang :__g.yon ne'u le 'dzin pa:__lhor gang ba bzang po ser po g.yas bum pa:__g.yon ne'u le:__nub tu nor bu bzang po dmar po g.yas rat+na:__g.yon ne'u le:__byang du ku be ra ljang gu g.yas ral gri:__g.yon lcags kyu:__shar lhor yang dag shes ser skya g.yas zhags pa:__g.yon ne'u le:__lho nub tu 'brog gnas sngo nag g.yas mdung thung dang :__g.yon ne'u le dang bI dza pU ra ka:__nub byang du lngas rtsen ljang sngon g.yas dgra s+t+wa:__g.yon nor bu:__byang shar du tsi bi kuN+Da li dmar po g.yas ga'u:__g.yon ne'u le bsnams pa:__thams cad 'brug la zhon pa:__rgyan dang cha lugs thams cad gtso bo dang mthun pa:__rang yi dam du gsal ba'i thugs ka'i sa bon las 'od zer 'phros pas:__ri rab kyi byang shar gyi mtshams nam mkha' mdzod kyi gnas nas:__ye shes sems dpa' nam mkha' mdzod 'khor gnod sbyin brgyad kyi tshogs dang bcas pa spyan drangs:__mdun gyi nam mkhar bzhugs par gyur/__gnod sbyin ded dpon sogs spyan 'dren nas rtsa ba'i bzlas pa'i bar gtso rkyang ltar ba/__gtso bo'i bzlas pa cung zad rjes/__slar yang rang gi thugs ka'i sa bon las 'od zer 'phros pas gnod sbyin gtso 'khor gyi thugs kar phog:__gtso 'khor gyi thugs ka nas 'od zer lcags kyu'i rnam pa lta bu'i kha dog dmar ser 'phros pas 'jig rten khams kyi zas nor thams cad bsdus nas rang gi gnas khang khengs par gyur ces dang /__gtso bo'i sngags dang /__'khor sngags/__oM dzam+b+ha la hr-i da ya swA hA:__oM pur+Na b+ha drA ya swA hA:__oM d+ha na dA ya swA hA:__oM ku be rA ya swA hA:__oM tsa mun+d+rA ya swA hA:__oM ma Ni du ru hr-i da ya swA hA:__oM bA su d+hA rA ya swA hA:__oM sa~M b+ha ba na ni hr-i da ya swA hA:__zhes pa rnams sbrel la gtso bor bzla/__thun las ldang ba na 'bul gtor la chab bran nas bsang sbyang byin rlabs gtso bo'i sngags kyis phul ba yan gtso rkyang ltar la/__de nas 'khor sngags so so'i mthar/__i daM ba liM ta kha kha khA hi khA hi btags pas phul/__bstod pa'i khyad par/__'phags pa dzam+b+ha la la phyag 'tshal bstod:__ces pa'i mtshams/__dzam la gang bzang nor bzang ku be ra/__/yang dag shes dang 'brog gnas lngas rtsen dang /__/tsi bi kuN+Da li ste gnod sbyin brgyad/__/nor lha rab 'byams 'khor dang bcas la bstod/__/bdag la 'dod don 'grub pa'i dngos grub stsol/__/zhes sogs sbrel/__chu sbyin skabs kyang spro na gtso bo'i sngags kyi rjes 'khor sngags so sos phul kyang legs/__gzhan 'dra'o/__/bsnyen pa'i tshad dang /__rtags dang /__rjes kyi bya ba dang /__dam tshig dang /__phan yon bstan pa rnams ni gter gzhung las/__de ltar zhag nyi shu rtsa gcig tu gtso 'khor dril ba'i sngags bzlas so:__spyir zhag bdun gyis cho ga gsungs kyang lhag chad 'byung srid pas sum 'dab bya'o:__rtags ni khye'u gzhon nus zas nor ster ba dang :__'bru'i char babs pa dang :__gter bton pa dang :__rnga brdung ba dang :__dung 'bud pa dang :__dar po che 'phyar ba dang :__gangs dkar gyi rtse la 'dzeg pa la sogs pa zhag bdun nam bzhi rang nas 'byung ste:__de la sems ma yengs par bya'o:__sprang po dang skal ba chad pa rmis na:__tshogs bsag pa la 'bad do:__mdze can dang yugs sa la sogs pa rmis na:__mi gtsang ba 'phog pas khrus bya'o:__zhes dang /__sgrub pa thon nas gtor ma phud kyis mchod cing lhag ma longs spyod:__ga'u mis mi mthong sar sba'o:__dam tshig tu sgrub pa thon nas kyang :__zhag re la sngags brgya rtsa re bzla:__zas nor gyi phud kyis bla ma dkon mchog mchod:__slong 'byung na lag stong du mi gtong :__ma byin par mi blang :__sgrub thabs 'di lag tu blangs nas dngos grub mi 'byung mi srid do:__gtso rkyang du sgrub bde kun la yod kyang :__sgrub thag ring bas:__'khor bka' sdod du sgrub pa 'di kun la med pas dpe la rtsis che zhing gdams so:__zhes gsungs pa ltar rtogs par bya'o/__/zhes pa'ang gter gzhung rtsa ba'i dgongs don ji lta bar bklags pas grub par mtsho skyes bla ma dgyes pa'i 'bangs mkhyen brtse'i dbang pos sbyar ba dge legs kyi snang bas 'jig rten gsum du phan bde'i 'byor pa mchog tu rgyas pa'i rgyur gyur cig/___//sarba mang+ga laM//