གཉིས་པ་གསུང་རྟེན་ཡི་གེའི་རྣམ་པར་བཞག།

🚧 This website is under continued development. We appreciate your patience!

Previous Text Back to Volume PageNext Text

Wylie title	gnyis pa gsung rten yi ge'i rnam par bzhag
Location	mkhyen brtse'i bka' 'bum Volume 17, sde tshan 1, Text 14, Pages 104-111 (Folios 52b2 to 56a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gnyis pa gsung rten yi ge'i rnam par bzhag. In 'jam dbyangs mkhyen brtse'i dbang po'i bka' 'bum, Vol. 17: 104-111. Khams sde dge rdzong sar dgon: Rdzong sar blo gros phun tshogs, 2020.
Genre	Detailed Classification - rnam bzhag

1 Texts in this Section (sde tshan or chos tshan)

14 104-111	གཉིས་པ་གསུང་རྟེན་ཡི་གེའི་རྣམ་པར་བཞག། gnyis pa gsung rten yi ge'i rnam par bzhag Detailed Classification - rnam bzhag	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གཉིས་པ་གསུང་རྟེན་ཡི་གེའི་རྣམ་པར་བཞག་པ་ལ་གསུམ། ངོ་བོ། ངེས་ཚིག །དབྱེ་བ་དང་བཅས་པའི་སྒོ་ནས་ལག་ཏུ་བླང་ཚུལ་ལོ། །དང་པོ་ནི། ངོ་བོ་ནི་མིང་ཚིག་འགྲུབ་པར་བྱེད་པའི་གཞིའོ། །གཉིས་པ་ནི། བྱཉྫ་ན་དང་། ཨཀྵར་དང་། ཝརྞྞ་ཞེས་པའི་སྒྲ་ལ་དྲངས་ན་གསལ་བར་བྱེད་པ་དང་། མི་འགྱུར་བ་དང་། མཚོན་པར་བྱེད་པས་ན་ཡི་གེ་ཞེས་བྱའོ། །གསུམ་པ་ནི། སྤྱིར་བདག་ཅག་གི་སྟོན་པས་མདོ་སྡེ་ལ་ཆོས་ཕུང་བརྒྱད་ཁྲི་བཞི་སྟོང་དང་། རྒྱུད་སྡེ་ལ་སུམ་ཁྲི་སུམ་སྟོང་དུ་ཡེ་ཤེས་རྡོ་རྗེའི་ཀུན་ལས་བཏུས་པར་བཤད་ལ། དེ་དག་འབྲི་བའི་གཞི་ནི་གྲོ་གའམ་ཤིང་ཤུན་ནམ་རས་ལ་སོགས་པ་དཀར་པོའམ་ཁ་དོག་བསྒྱུར་བ་གང་ཡང་རུང་བར། གསེར་དངུལ་མཚལ་དང་སྣག་ཚལ་སོགས་པས་བྲིས་ཏེ་པུསྟ་ཀཿཞེས་རྒྱུད་སྡེ་འགར་སོར་བཅུ་གཉིས་དང་། བརྒྱད་སྟོང་པར་ཚད་མེད་པར་གསུངས་པ་ལྟར་བཞེངས་པ་སྟེ། དེ་ཡི་བདག་རྐྱེན་ཡི་གེ་ལ་རིགས་མི་འདྲ་བ་དྲུག་ཅུ་རྩ་བཞིར་བཤད་ཀྱང་། བོད་ལ་འགྱུར་བ། ཚངས་པའི་ཡི་གེ་ལ་༡ལཉྩ་ན་དང་། དེ་ལ་༢ཁོང་གསེང་། ཤ་ཆེན་༣གཉིས། དེ་དང་མཐུན་པར་དྷ་རི་ཀ་ཡི་ཡིག་རིགས་༨ལྔ། དེའི་མགོ་གྱེན་བཟེད་ནཱ་གར་རིགས་མི་འདྲ་བ་༡༤དྲུག །དེའི་མགོ་ཐུར་དུ་བཀུག་པ་ཝ་རྟུལ་སྟེ་ཟླུམ་པོ། ཞེས་པ་ཀླུའི་ཡི་གེ༡༥། རྒྱ་མཚོ་མཐའ་༡༦རྣམས་དང་། དྲུག་ཅུ་རྩ་བཞི་པོ་དེར་དངོས་སུ་མི་འདྲེན་པ། ཀཤྨིར་རིགས་གསུམ་༡༩། གཽ་ཌཱ༢༠། གྷ་རུ་༢༡ར། སིནྡྷུ༢༢། གྷཽ་ལིའི་ཡི་གེ་རིགས་བཅས༢༤། མ་ག་དྷ་༡༤ཡིག །ཀཾ་མ་ཏའི་ཡི་གེ༢༦། པུ་༢༧ཀཾ། མརྐོ་ལའི་ཡི་གེ༢༨། ཟངས་གླིང་༢༩ཡི་གེ །སིདྷཱ་ཀར་སྲིན་པོའི་ཡི་གེ་༣༠རྣམས་ལས། ཟངས་གླིང་ཡི་གེར་རྀ་ལྀ་བཞི་བོར་མ་གཏོགས། དབྱངས་༡༦དང་། གསལ་༣༤བྱེད་རྣམས་ཏེ་དེ་ཡང་ཐིག་གི་རིམ་པས་བཅལ་པའི་ལག་ཏུ་ལེན་ཚུལ་ཞྭ་ལུ་ལོ་ཆེན་གྱི་བཞེད་པ་ལྟར་སྐྱོགས་ལོས་མཛད་པ། མཐོང་བ་བརྒྱུད་པ་ལས་ཤེས་པར་བྱ་ཞིང་། ཡང་མཚན་ཡང་དག་པར་བརྗོད་པའི་ཆོས་ཀྱི་ཡེ་ཤེས་ལ་བསྟོད་པའི་བསྟོད་ཆ་ནས། ཕ་རོལ་ཕྱིན་བཅུ་འཆང་བ་སྟེ། ཞེས་སོགས། ཕར་ཕྱི་ནས། ཤེས་པ། སྟོབས་བཅུ། དབང་རྣམ་བཅུའི་རང་བཞིན། རྣམ་པ་བཅུ་དང་ལྡན་པ་རྣམ་བཅུ་དབང་ལྡན་དང་། སྟོང་ཆེན་གྱི་ཡི་གེ་ལྔ། རྡོ་རྗེ་ཟླ་ཉི་ལ་སྦྱར་བའི་ཚུལ་སོགས་གསུངས་པ། སྒྲུབ་ཚུལ་ཡང་གཡོན་བསྐོར་དུ། ཐིག་ལེ། ཚེག་དྲག །ཨ། ཨི། རྀ། ཨུ། ལྀ། མུ། ཀྵ། ཧ་རྣམས་དགོད་ནས་རིམ་པར་ཨི་ཡ་སོགས་སུ་བསྒྱུར་ནས་དྲངས་པས། ཧྐྐྵྨླྺྼྻ་ཞེས་གྲུབ་པ་ཡི་གེ་བདུན། ཀུན་གྱི་སྲོག་ཨ་སྟེ་བརྒྱད། ཟླ་ཕྱེད་ཐིག་ལེ་དང་བཅུ་པོ། །ཕྱི་ལྟར། རླུང་མེ་ས་ཆུ་རི་རབ་སྟེ་བརྟན་པ་ལྔ། འདོད་གཟུགས་དང་། གཟུགས་མེད༢། བར་སྣང་གི་ཉི་ཟླ་སྟེ་གཡོ་བའི་རྣམ་པ་བཞི། ཀུན་ཁྱབ་སྒྲ་གཅན་གྱི་མིང་ཅན་རྣམས་ཏེ་བཅུ་དང་། ནང་རྡོ་རྗེ་ལུས་ཀྱི་སྐབས་སུ་སྐྲ་དང་བ་སྤུ་ནམ་མཁའ། ཤ་ལྤགས་རླུང་། ཁྲག་དང་དམར་ཆ་མེ། རྡུལ་དང་དྲི་ཆུ་ཆུ། རྐང་དང་རུས་པ་ས། རྩ་དང་རླུང་ཡེ་ཤེས། རོ་རྐྱང་ཉི་ཟླ། དབུ་མའི་ཡར་མར་སྣ་སྒྲ་གཅན་དང་དུས་མེ། གཞན་དུ་དཀྱིལ་འཁོར་ལ་སྦྱར་ན། བརྟན་པ་ལྔ་རང་མིང་ལྟར་དང་། གཡོ་བ་རི་རབ་སྟེང་དུ། པདྨ། ཟླ་བ། ཉི་མ། སྒྲ་གཅན་རྣམས་ཡིན་ཞིང་། ཁྱབ་བྱེད་ནམ་མཁའ་ནི་ཆོས་འབྱུང་ངོ་། །ཡང་ཕྱོགས་བཞིར་ཟུར་བདུན་བཀོད་ནས་སྟོང་ཆེན་ཡི་གེ་བཞི་དང་། དེ་དབུས་ཀྱི་གཞོམ་མེད་ཀྱི་ཡི་གེ་འབྱུང་འཇིག་བྱེད་པར་བསྒྲུབས་པ་ཡིན་ལ། དེ་ཡང་རྣམ་ཤེས་སྒྲིབ་བྲལ་ཆོས་དབྱིངས་ཡེ་ཤེས་ཀྱི་རང་བཞིན་དབུས་སུ་ཨ་ཡིག་གྲི་གུག་གི་རྣམ་པ་ནམ་མཁའི་ཁམས། གཡས་སུ་ཚོར་བ་སྒྲིབ་བྲལ་མཉམ་ཉིད་ཡེ་ཤེས་ཀྱི་རང་བཞིན་ཟླ་ཕྱེད་ཀྱི་རྒྱུ་རྀ་ཡིག་ཚེག་དྲག་གིཿརྣམ་པ་མེ་ཁམས། གཡོན་དུ་འདུ་བྱེད་སྒྲིབ་བྲལ་སོར་རྟོག་ཡེ་ཤེས་ཀྱི་རང་བཞིན་ཨུ་ཡིག་ཐིག་ལེའི་རྣམ་པ་ཆུ་ཁམས། མདུན་དུ་འདུ་བྱེད་སྒྲིབ་བྲལ་བྱ་གྲུབ་ཡེ་ཤེས་ཀྱི་རང་བཞིན་ཨི་ཡིག་དབྱུག་པའི་རྣམ་པ་རླུང་ཁམས། རྒྱབ་ཏུ་གཟུགས་ཕུང་སྒྲིབ་བྲལ་མེ་ལོང་ཡེ་ཤེས་ཀྱི་རང་བཞིན་ལྀ་ཡིག་ཐོད་གུག་གི་རྣམ་པ་ས་ཁམས། དེ་རྣམས་བསྡུས་པ་ལས་ཝ་ཡིག་ཟླུམ་པོར་གྲུབ་པ་ནི་དབྱངས་དང་ཟླ་བའི་ཆོས་མཐའ་དག་བསྡུས་པ་ལས་ཐབས་གཙོ་བོར་གྱུར་པ། ཁམས་དྲུག་གི་རང་བཞིན་གསལ་བྱེད་སྡེ་པ་དྲུག་ཅེས་མདུན་དུ། ཙ་ཚ་ཛ་ཛྷ་ཉ་ཡཱ་རླུང་། ནུབ་ཏུ། ཏ་ཐ་ད་དྷ་ན་ལཱ་ས། བྱང་དུ་པ་ཕ་བ་བྷ་མ་ཝཱ་ཆུ། ལྷོར་ཊ་ཋ་ཌ་ཌྷ་ཎ་རཱ་མེ། འོག་ཏུ་པྉྤ་ཥ་ཤ་ྈྐ་ཀྵ་ཡེ་ཤེས། སྟེང་དུ་ཀ་ཁ་ག་གྷ་ང་ནམ་མཁའ་སྟེ། རེ་རེ་ལ་མཚོན་བྱེད་སྟོང་པའི་ཐིག་ལེ་དབང་ཕྱུག་པའི་རྣམ་པ་རེ་རེ་སྟེ་དྲུག་འབྱུང་། དྲུག་པོས་རླུང་གཉིས། དེ་བཞིན་ཆུ་མེ། ནམ་མཁའ་རྣམ་ཤེས་གཉིས་རྣམས་ཟུར་གསུམ་དུ་བྱས་ཏེ་གཤིབ་པ་གསུམ་འབྱུང་བ་རྩེ་སྤྲད་པས་གྲུ་གསུམ་འགྲུབ་པ་ནི། གསལ་བྱེད་དང་ཉི་མའི་ཆོས་ཐམས་ཅད་འདུས་པས་ཤེས་རབ་གཙོ་བོར་གྱུར་པའོ། །བོད་ཀྱི་ཡི་གེ་ནི། འཇམ་དབྱངས་ཐུ་མི་སཾ་བྷོཊས་ཁ་ཆེའི་ཡི་གེ་ལ་དཔེར་མཛད་དེ། དབྱངས་བཞི་དང་། གསལ་བྱེད་སུམ་ཅུར་བསྡུས་ནས་མཛད་པའི་ཡིག་རྒྱུན་རིམ་གྱིས་བརྒྱུད་དེ། ཁྱུང་པོ་གཡུ་ཁྲི་དང་། སུམ་པ་གནོད་སྦྱིན་སོགས་ཀྱིས་དར་རྒྱས་སུ་མཛད་པ་ལ། རྫབ་ཆེན་རྫབ་ཆུང་། འབྲུ་ཆེན་འབྲུ་ཆུང་། འབྲུ་ཆེན་ལ་ལི་ལུགས། ལྡན་ལུགས། ཤར་ཤར་མ་དང་། དཀྱུས་ཡིག་སོགས་ཡོད་པའི་ནང་ནས། རྫབ་ཆེན་ལ་ལོ་ཙཱ་བ་སྐ་བ་དཔལ་བརྩེགས་ཀྱི་ལུགས་ཁྱུང་པོ་གཡུ་ཁྲིས་ཐིག་རིས་སུ་བཏབ་ཅིང་། ཕྱིས་རོང་པོས་ལྷན་ཐབས་མཛད་པ་ལྟར་རྫབ་ཆེན་རགས་པ་ཞིག་བརྗོད་ན། བཟང་མགོ་ལ་འདོན་པ། དེ་བཞིན་སྒྲོས་སྤོ་ལྟེམ། འཇམ་དཀར་སྣ། གྲུང་ཟག་མཆུ། གཡེར་ཡར་འཕུལ། ཟླུམ་ཕུབས་ཅན། ཧུར་མིག་འཁིར། དྲང་མར་འཐེན། སྤྱང་ཁོག་པ། ཧྲོམ་སྣག་སྣ། མཉེན་བསྣོལ་མཚམས། འཁྱུག་ཡན་ལག་ལ་གདོན་པ་སྟེ་གདོན་པ༡༠། སྣག་ལམ་ཟླུམ་ལ་སྒྲོས་ཆགས་པ། ཆིག་འཁོར་སྐྱེས་ལ་དཔུང་ཐུང་བ། སྔགས་པ་ཅན་ལ་ཟུར་ཐིག །སྟོད་ཕུབས་ཅན་ལ་ཕོ་བ། སྨད་ཕུབས་ཅན་ལ་ཁོང་འདྲེན། རྐང་པ་རྟར་ཞོན་ཕྱིར་འབྲང་། ཡར་འཕུལ་མཐའ་རྒྱས་སྒྲོས་གནོན། མིག་ཅན་ལ་སྐེ་གཙང་བ་གཅེས་པ་སོགས་གཅེས་སོ། །མགོ་རབ་ཐག་ཟླུམ་གྲིས་བཅད་འདྲ་བ། འབྲིང་ཀ་གཞུ། ཐ་མ་ཚག་མགོ་མགོ །དཔུང་རབ་ཐུགས་ཀར་རྡོར་འཛིན། འབྲིང་མདའ་འཕེན། ཐ་མ་ལག་ཆག་འཕྲེད་ཉལ་ཏེ་དཔུང་གསུམ། སྤོ་རབ་སྒྲོས་ཆགས་གྲི་ལྟག་འདྲ་བ། འབྲིང་སྤུ་ཐག་སྒྲིམ་འདྲ། ཐ་མ་གྲོག་སྐེད་འདྲ་བ་སྟེ་སྦོ༣། ཟག་མཆུ་རབ་གསེར་སྦྱངས་ཐུར་རྣོ། འབྲིང་དགྱེ་བོ་ཕག་སྣ། ཐ་མ་སྒུར་པོ་གླང་སྣ་སྟེ་ཟག་མཆུ༣། རབ་རྒྱ་ཁབ་བསླང་འདྲ། འབྲིང་རྔ་གདུགས་ཕྱར་འདྲ། ཐ་མ་ལག་མགོ་བཅད་འདྲ་སྟེ་ཡར་འཐེན་༣། རབ་སྒོ་ལྕགས་རྐང་འདྲ། འབྲིང་ཁྱི་གུའི་མཇུག་འདྲ། ཐ་མ་འབུ་མཇུག་སྦྲང་རྐང་འདྲ་བ་སྟེ་མར་འཐེན། རབ་ཉ་མིག །འབྲིང་ནས་འདྲ། ཐ་མ་ཟུར་གསུམ་ཁྲོ་མིག་སྟེ་མིག་གསུམ། བསྡམས་པས་མ་ཆོས་ཉེར་གཅིག་གོ །གཉིས་ཆོད་འཛུམ་ལ་མཐོ་དམན་མེད་པ་ན་རོའི་ཆོས༣། གསགས་ཀྱིས་གཞོལ་བ་སྟོད་སྨད་ཕྱེད་པ་འགྲེང་བུའི་གཉིས། ཟླུམ། འདྲིལ། འཁྱུགས་པ་གི་གུའི༣། གདགས་པ་ཅན་གདན་ཐབ་བརྐྱང་པ། མདུང་ཚུགས། སུམ་སྦྲེལ་ལྡན་པ་སྟེ་ཞབས་ཀྱུའི་གསུམ། རྟ་སྤྲེལ། འཕངས་མ་བསྐྱིལ་བ་སྟེ་ར་ཏའི་གཉིས། འཁྱུགས། སྙོམས། འདེགས་ལ་དཀྱིལ་ཡང་སྟེ་ཡ་ཏའི་གསུམ་སྟེ་བུ་ཆོས་བཅུ་དྲུག །གཟུགས་དཀྱུས་སུ་མ་གོལ་བ། དཀྱུས་ཉིད་ཚང་ནས་མ་ཡར་བ། གཟུགས་དཀྱུས་ཤན་ཕྱེད་པ་སྟེ་སྤྱི་ཆོས་གསུམ། དེ་ཡང་ཐིག་སྒྲོམ་གྲུ་བཞི་ལག་ལེན་ལྟར་བཙལ་ལ། ཕུབ་དང་དཔུངས་པ་ཆ་གཅིག །ཟག་མཆུ་ཆ་གཉིས། ཆ་གསུམ་རྐང་པ་སྟེ། ཅ་ཆ་ད་ར་ཝ་རི་ས་པ་སྐྱོན། །ང་ན་ཞ་གསུམ་རིང་ཐུང་གཉིས་ཀ་སྐྱོན། །ཀ་ག་ཤ་གསུམ་ཐུང་ན་སྐྱོན། །འདོགས་འབྲེལ་ཆ་བཞི། སྟེང་ཡན་ལག་ཆ་གཉིས། ཐིག་ཤིང་ལོག་ལ་ཆ་དྲུག་བྱས་ལ་སྐྱོན་རྣམས་སྤངས་ཏེ་བྲི་བར་བྱ་ཞིང་། ཞིབ་པར་ཐིག་ཚད་སོ་སོར་བརྗོད་པའི་སྒོ་ནས་རྟོགས་དགོས་པའི་ཕྱིར་མ་བྲིས་སོ། །འབྲུ་ཆེན་ལ་ལི་དང་ལྡན་ལུགས་གཉིས་ཀྱི། དང་པོ་ནི་འཕེལ་འགྲིབ་ཀྱི་དབང་གིས་ཚད་ལྡན་མི་སྣང་ལ་ཕྱི་མ་ལྡན་རྩེའི་ལུགས་སམ། ཚད་དང་ལྡན་པའི་ཕྱིར་དེ་སྐད་དུ་བརྗོད་པ་འདི་ཆོས་རྒྱལ་རྒྱལ་མཁར་རྩེ་བས་ཉམས་པར་ཕོང་ནས་ཐིག་བཤད་དང་ཐིག་དཔེར་བཏབ་སྟེ་སློབ་རྒྱུན་སྤེལ་བར་མཛད་༡༤ལྟར་དང་། དེ་བཞིན་དུ་འབྲུ་ཆུང་༢༣ངམ་ད་ལྟ་ལྡན་ཡིག་ཏུ་གྲགས་པ། འབྲུ་༢༤ཚ། འདིའི་ཁོངས་སུ་༣གཏོགས་པའི་རྒྱུག་ཡིག་སྒོང་ཞབས་མ་རྣམས་ཀྱང་སྔ་མ་དང་ཕྱོགས་མཚུང་ལའང་རང་གི་ཁྱད་པར་ཞིབ་མོར་དབྱེ་བ་དང་། གཞན་ཡང་གཏེར་ཡིག་སོགས་གྲངས་ཀྱིས་མི་ལང་ཡང་། གྲགས་ཆེ་བ་རྡོར་གདན་ཡིག་གསར༣༦། ཆག་ལོའི་ཡིག་གསར༣༧། མཁའ་འགྲོའི་བརྡ་ཡིག་ཟེག་ཆེན༣༨། ཟེག་ཆུང་ལུགས་༣༠གཉིས༤༠། ཨོ་རྒྱན་ཟངས་གླིང་ཡི་གེ༤༡། སྲིན་པོའི་ཡི་གེ༤༢། སཾསྐྲྀ་ཏ་སུག་ཐུང་༡༣། ཨོ་རྒྱན་མུ་སྟེགས་ལོག་པའི་ཡི་གེ༤༤། ཟ་ཧོར་གྱི་ཡི་གེ༤༥། མཁའ་འགྲོའི་བརྡ་ཡིག་གམ་གཏེར་ཡིག་དཀྱུས་མ་གྲགས༥༡་ཅན་དྲུག །རྒྱན་ཅན་གསུམ༥༤། ནཻ་པ་ལའི་ཡི་གེ༥༥། ཆོས་རྒྱལ་འཕགས་པའི་དུས་བཟོས་པའི་ཧོར་ཡིག་རིགས་གསུམ། ཁོང་སེང་དང་༥༩བཞི། དགའ་ལྡན་ཡིག་གསར༦༠། མོལ་ཁོལ་ཏེ་སོག་པོའི་ཡི་གེ༦༡། ཨེ་སོགས་ལ་དར་བའི་སྒོ་བསྒྲིགས་སམ་ཚག་༦༢བྲིས། གཞན་ཡང་ཟླུམ་བྲིས༦༣། དཔེ་བྲིས༦༤། འཕྲིན་ཡིག༦༥་གམ་རྒྱུག་ཡིག །ཨངྒའི་༦༦ཡི་གེ་སྟེ་རྒྱ་གར་གྱི་རྣམ་གྲངས་སུམ་ཅུ་དང་། དེ་དང་དབྱངས་གསལ་བབ་ཐུང་སོག་ཡིག་བོད་ཡིག་དང་མཐུན་པ་རྣམ་གྲངས་༣༦ཏེ་ཁྱོན་དེང་སང་གྲགས་ཆེར་དར་བ་དང་། གཞན་ཡང་དེར་མ་བགྲངས་པ་གཉེར་ཡིག་དང་། འཇམ་དཔལ་དཀྲུགས་ཡིག་སོགས་གྲངས་ཀྱིས་མི་ཆོད་པ་ཞིག་མཆིས་སོ། །

[edit]

gnyis pa gsung rten yi ge'i rnam par bzhag_/ gnyis pa gsung rten yi ge'i rnam par bzhag pa la gsum/__ngo bo/__nges tshig__/dbye ba dang bcas pa'i sgo nas lag tu blang tshul lo/__/dang po ni/__ngo bo ni ming tshig 'grub par byed pa'i gzhi'o/__/gnyis pa ni/__byany+dza na dang /__ak+Shar dang /__war+N+Na zhes pa'i sgra la drangs na gsal bar byed pa dang /__mi 'gyur ba dang /__mtshon par byed pas na yi ge zhes bya'o/__/gsum pa ni/__spyir bdag cag gi ston pas mdo sde la chos phung brgyad khri bzhi stong dang /__rgyud sde la sum khri sum stong du ye shes rdo rje'i kun las btus par bshad la/__de dag 'bri ba'i gzhi ni gro ga'am shing shun nam ras la sogs pa dkar po'am kha dog bsgyur ba gang yang rung bar/__gser dngul mtshal dang snag tshal sogs pas bris te pusta kaHzhes rgyud sde 'gar sor bcu gnyis dang /__brgyad stong par tshad med par gsungs pa ltar bzhengs pa ste/__de yi bdag rkyen yi ge la rigs mi 'dra ba drug cu rtsa bzhir bshad kyang /__bod la 'gyur ba/__tshangs pa'i yi ge la 1lany+tsa na dang /__de la 2khong gseng /__sha chen 3gnyis/__de dang mthun par d+ha ri ka yi yig rigs 8lnga/__de'i mgo gyen bzed nA gar rigs mi 'dra ba 14drug__/de'i mgo thur du bkug pa wa rtul ste zlum po/__zhes pa klu'i yi ge15/__rgya mtsho mtha' 16rnams dang /__drug cu rtsa bzhi po der dngos su mi 'dren pa/__kash+mir rigs gsum 19/__gau DA20/__g+ha ru 21ra/__sin+d+hu22/__g+hau li'i yi ge rigs bcas24/__ma ga d+ha 14yig__/kaM ma ta'i yi ge26/__pu 27kaM/__marko la'i yi ge28/__zangs gling 29yi ge__/sid+hA kar srin po'i yi ge 30rnams las/__zangs gling yi ger r-i l-i bzhi bor ma gtogs/__dbyangs 16dang /__gsal 34byed rnams te de yang thig gi rim pas bcal pa'i lag tu len tshul zhwa lu lo chen gyi bzhed pa ltar skyogs los mdzad pa/__mthong ba brgyud pa las shes par bya zhing /__yang mtshan yang dag par brjod pa'i chos kyi ye shes la bstod pa'i bstod cha nas/__pha rol phyin bcu 'chang ba ste/__zhes sogs/__phar phyi nas/__shes pa/__stobs bcu/__dbang rnam bcu'i rang bzhin/__rnam pa bcu dang ldan pa rnam bcu dbang ldan dang /__stong chen gyi yi ge lnga/__rdo rje zla nyi la sbyar ba'i tshul sogs gsungs pa/_sgrub tshul yang g.yon bskor du/__thig le/__tsheg drag__/a/__i/__r-i/__u/__l-i/__mu/__k+Sha/__ha rnams dgod nas rim par i ya sogs su bsgyur nas drangs pas/__h+k+k+Sh+m+l+W+R+Ya zhes grub pa yi ge bdun/__kun gyi srog a ste brgyad/__zla phyed thig le dang bcu po/__/phyi ltar/__rlung me sa chu ri rab ste brtan pa lnga/__'dod gzugs dang /__gzugs med2/__bar snang gi nyi zla ste g.yo ba'i rnam pa bzhi/__kun khyab sgra gcan gyi ming can rnams te bcu dang /__nang rdo rje lus kyi skabs su skra dang ba spu nam mkha'/__sha lpags rlung /__khrag dang dmar cha me/__rdul dang dri chu chu/__rkang dang rus pa sa/__rtsa dang rlung ye shes/__ro rkyang nyi zla/__dbu ma'i yar mar sna sgra gcan dang dus me/__gzhan du dkyil 'khor la sbyar na/__brtan pa lnga rang ming ltar dang /__g.yo ba ri rab steng du/__pad+ma/__zla ba/__nyi ma/__sgra gcan rnams yin zhing /__khyab byed nam mkha' ni chos 'byung ngo /__/yang phyogs bzhir zur bdun bkod nas stong chen yi ge bzhi dang /__de dbus kyi gzhom med kyi yi ge 'byung 'jig byed par bsgrubs pa yin la/__de yang rnam shes sgrib bral chos dbyings ye shes kyi rang bzhin dbus su a yig gri gug gi rnam pa nam mkha'i khams/__g.yas su tshor ba sgrib bral mnyam nyid ye shes kyi rang bzhin zla phyed kyi rgyu r-i yig tsheg drag giHrnam pa me khams/__g.yon du 'du byed sgrib bral sor rtog ye shes kyi rang bzhin u yig thig le'i rnam pa chu khams/__mdun du 'du byed sgrib bral bya grub ye shes kyi rang bzhin i yig dbyug pa'i rnam pa rlung khams/__rgyab tu gzugs phung sgrib bral me long ye shes kyi rang bzhin l-i yig thod gug gi rnam pa sa khams/__de rnams bsdus pa las wa yig zlum por grub pa ni dbyangs dang zla ba'i chos mtha' dag bsdus pa las thabs gtso bor gyur pa/__khams drug gi rang bzhin gsal byed sde pa drug ces mdun du/__tsa tsha dza dz+ha nya yA rlung /__nub tu/__ta tha da d+ha na lA sa/__byang du pa pha ba b+ha ma wA chu/__lhor Ta Tha Da D+ha Na rA me/__'og tu pa\u0f89\u0fa4 Sha sha \u0f88\u0f90 k+Sha ye shes/__steng du ka kha ga g+ha nga nam mkha' ste/_re re la mtshon byed stong pa'i thig le dbang phyug pa'i rnam pa re re ste drug 'byung /__drug pos rlung gnyis/__de bzhin chu me/__nam mkha' rnam shes gnyis rnams zur gsum du byas te gshib pa gsum 'byung ba rtse sprad pas gru gsum 'grub pa ni/__gsal byed dang nyi ma'i chos thams cad 'dus pas shes rab gtso bor gyur pa'o/__/bod kyi yi ge ni/__'jam dbyangs thu mi saM b+hoTas kha che'i yi ge la dper mdzad de/__dbyangs bzhi dang /__gsal byed sum cur bsdus nas mdzad pa'i yig rgyun rim gyis brgyud de/__khyung po g.yu khri dang /__sum pa gnod sbyin sogs kyis dar rgyas su mdzad pa la/__rdzab chen rdzab chung /__'bru chen 'bru chung /__'bru chen la li lugs/__ldan lugs/__shar shar ma dang /__dkyus yig sogs yod pa'i nang nas/__rdzab chen la lo tsA ba ska ba dpal brtsegs kyi lugs khyung po g.yu khris thig ris su btab cing /__phyis rong pos lhan thabs mdzad pa ltar rdzab chen rags pa zhig brjod na/__bzang mgo la 'don pa/__de bzhin sgros spo ltem/__'jam dkar sna/__grung zag mchu/__g.yer yar 'phul/__zlum phubs can/__hur mig 'khir/__drang mar 'then/__spyang khog pa/__hrom snag sna/__mnyen bsnol mtshams/__'khyug yan lag la gdon pa ste gdon pa10/__snag lam zlum la sgros chags pa/__chig 'khor skyes la dpung thung ba/__sngags pa can la zur thig__/stod phubs can la pho ba/__smad phubs can la khong 'dren/__rkang pa rtar zhon phyir 'brang /__yar 'phul mtha' rgyas sgros gnon/__mig can la ske gtsang ba gces pa sogs gces so/__/mgo rab thag zlum gris bcad 'dra ba/__'bring ka gzhu/__tha ma tshag mgo mgo__/dpung rab thugs kar rdor 'dzin/__'bring mda' 'phen/__tha ma lag chag 'phred nyal te dpung gsum/__spo rab sgros chags gri ltag 'dra ba/__'bring spu thag sgrim 'dra/__tha ma grog sked 'dra ba ste sbo3/__zag mchu rab gser sbyangs thur rno/__'bring dgye bo phag sna/__tha ma sgur po glang sna ste zag mchu3/__rab rgya khab bslang 'dra/__'bring rnga gdugs phyar 'dra/__tha ma lag mgo bcad 'dra ste yar 'then 3/__rab sgo lcags rkang 'dra/__'bring khyi gu'i mjug 'dra/__tha ma 'bu mjug sbrang rkang 'dra ba ste mar 'then/__rab nya mig__/'bring nas 'dra/__tha ma zur gsum khro mig ste mig gsum/__bsdams pas ma chos nyer gcig go__/gnyis chod 'dzum la mtho dman med pa na ro'i chos3/__gsags kyis gzhol ba stod smad phyed pa 'greng bu'i gnyis/__zlum/__'dril/__'khyugs pa gi gu'i3/__gdags pa can gdan thab brkyang pa/__mdung tshugs/__sum sbrel ldan pa ste zhabs kyu'i gsum/__rta sprel/__'phangs ma bskyil ba ste ra ta'i gnyis/__'khyugs/__snyoms/__'degs la dkyil yang ste ya ta'i gsum ste bu chos bcu drug__/gzugs dkyus su ma gol ba/__dkyus nyid tshang nas ma yar ba/__gzugs dkyus shan phyed pa ste spyi chos gsum/__de yang thig sgrom gru bzhi lag len ltar btsal la/__phub dang dpungs pa cha gcig__/zag mchu cha gnyis/__cha gsum rkang pa ste/__ca cha da ra wa ri sa pa skyon/__/nga na zha gsum ring thung gnyis ka skyon/__/ka ga sha gsum thung na skyon/__/'dogs 'brel cha bzhi/__steng yan lag cha gnyis/__thig shing log la cha drug byas la skyon rnams spangs te bri bar bya zhing /__zhib par thig tshad so sor brjod pa'i sgo nas rtogs dgos pa'i phyir ma bris so/__/'bru chen la li dang ldan lugs gnyis kyi/__dang po ni 'phel 'grib kyi dbang gis tshad ldan mi snang la phyi ma ldan rtse'i lugs sam/__tshad dang ldan pa'i phyir de skad du brjod pa 'di chos rgyal rgyal mkhar rtse bas nyams par phong nas thig bshad dang thig dper btab ste slob rgyun spel bar mdzad 14ltar dang /__de bzhin du 'bru chung 23ngam da lta ldan yig tu grags pa/__'bru 24tsha/__'di'i khongs su 3gtogs pa'i rgyug yig sgong zhabs ma rnams kyang snga ma dang phyogs mtshung la'ang rang gi khyad par zhib mor dbye ba dang /__gzhan yang gter yig sogs grangs kyis mi lang yang /___grags che ba rdor gdan yig gsar36/__chag lo'i yig gsar37/__mkha' 'gro'i brda yig zeg chen38/__zeg chung lugs 30gnyis40/__o rgyan zangs gling yi ge41/__srin po'i yi ge42/__saMskr-i ta sug thung 13/__o rgyan mu stegs log pa'i yi ge44/__za hor gyi yi ge45/__mkha' 'gro'i brda yig gam gter yig dkyus ma grags51 can drug__/rgyan can gsum54/__nai pa la'i yi ge55/__chos rgyal 'phags pa'i dus bzos pa'i hor yig rigs gsum/__khong seng dang 59bzhi/__dga' ldan yig gsar60/__mol khol te sog po'i yi ge61/__e sogs la dar ba'i sgo bsgrigs sam tshag 62bris/__gzhan yang zlum bris63/__dpe bris64/__'phrin yig65 gam rgyug yig__/ang+ga'i 66yi ge ste rgya gar gyi rnam grangs sum cu dang /__de dang dbyangs gsal bab thung sog yig bod yig dang mthun pa rnam grangs 36te khyon deng sang grags cher dar ba dang /__gzhan yang der ma bgrangs pa gnyer yig dang /__'jam dpal dkrugs yig sogs grangs kyis mi chod pa zhig mchis so/__/