JKW-KABUM-14-PHA-007

🚧 This website is under continued development. We appreciate your patience!

Previous Section Back to Volume PageNext Section

Wylie title
Location	mkhyen brtse'i bka' 'bum Volume 14, sde tshan 7, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 14: 1-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

119-124	ཞི་ཁྲོ་དགོངས་པ་རང་གྲོལ་གྱི་རྒྱུན་ཁྱེར་སྙིང་པོར་དྲིལ་བ་ཟུང་འཇུག་ལམ་བཟང་། zhi khro dgongs pa rang grol gyi rgyun khyer snying por dril ba zung 'jug lam bzang Daily Practice - rgyun khyer	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཞི་ཁྲོ་དགོངས་པ་རང་གྲོལ་གྱི་རྒྱུན་ཁྱེར་སྙིང་པོར་དྲིལ་བ་ཟུང་འཇུག་ལམ་བཟང་།

༄༅། །ཞི་ཁྲོ་དགོངས་པ་རང་གྲོལ་གྱི་རྒྱུན་ཁྱེར་སྙིང་པོར་དྲིལ་བ་ཟུང་འཇུག་ལམ་བཟང་ཞེས་བྱ་བ་བཞུགས་སོ།། །། ན་མོ་གུ་རུ་བྷྱཿ འདིར་ཟབ་ཆོས་ཞི་ཁྲོ་དགོངས་པ་རང་གྲོལ་གྱི་བསྐྱེད་རིམ་མདོར་བསྡུས་ཏེ་ཉམས་སུ་བླང་བའི་ཚུལ་ལ། ཐོག་མར་སྐྱབས་སེམས་ནི། བླ་མ་མཆོག་གསུམ་ཡི་དམ་ལྷར། །གུས་པས་སྐྱབས་མཆི་མཁའ་མཉམ་འགྲོ། །བླ་མེད་བྱང་ཆུབ་མཆོག་ཐོབ་ཕྱིར། །ཞི་ཁྲོའི་ལྷ་ཚོགས་བསྒོམ་པར་བགྱི། །ལན་གསུམ། སྤྲོ་ན། རྡོ་རྗེ་སློབ་དཔོན་སངས་རྒྱས་དཔལ། ཞེས་སོགས་རྒྱུན་བཤགས་ཀྱང་བྱ། དངོས་གཞི་ནི། སྐད་ཅིག་མི་དམིགས་སྟོང་པའི་ངང་༔ ཆུ་ནང་ཉ་འཕར་ཇི་བཞིན་དུ༔ ཨོཾ་ཨཱཿཧཱུྃ། སྐྱེ་མེད་ཆོས་དབྱིངས་ཞིང་ཁམས་སུ༔ འགག་མེད་ཐིག་ལེའི་གཞལ་ཡས་ན། ཐབས་ཤེས་ཉི་ཟླ་པདྨའི་སྟེང་༔ རང་ཉིད་རྡོ་རྗེ་སེམས་དཔའ་ནི༔ དཀར་གསལ་ཞལ་གཅིག་ཕྱག་གཉིས་པ༔ ཕྱག་གཡས་རྡོ་རྗེ་ཐུགས་ཀར་འཛིན༔ གཡོན་པས་དྲིལ་བུ་དཀུ་ལ་བརྟེན༔ ལོངས་སྤྱོད་རྫོགས་སྐུའི་རྒྱན་རྣམས་རྫོགས༔ ཞབས་གཉིས་རོལ་པའི་སྟབས་ཀྱིས་བཞུགས༔ ཙིཏྟ་སྙིང་གི་གཞལ་ཡས་སུ༔ དྭངས་མ་ལྔ་ཡི་དབུས་ཉིད་དུ༔ འོད་ལྔའི་ཐིག་ལེའི་དཀྱིལ་འཁོར་བསམ༔ སེང་གེ་གླང་ཆེན་རྟ་མཆོག་དང་༔ རྨ་བྱ་ཤང་ཤང་ཁྲི་ཡི་སྟེང་༔ ཉི་ཟླ་པདྨ་བརྩེགས་པ་ལ༔ སངས་རྒྱས་བཞི་བཅུ་རྩ་གཉིས་ནི༔ སྟོང་གསལ་འོད་ཀྱི་སྐུ་རུ་བསྒོམ༔ ཀླད་པ་དུང་ཁང་གཞལ་ཡས་སུ༔ ཡེ་ཤེས་ལྔ་ཡི་ཐིག་ལེ་ལས༔ འོད་འབར་དྲོད་ཀྱི་མེ་ཕུང་ཀློང་༔ ཁྱུ་མཆོག་མ་ཧེ་གཟིག་དང་སྟག༔ གཏུམ་པོ་དོམ་གྱི་ཁྲི་སྟེང་དུ༔ དྲེགས་པ་ཕོ་མོ་པདྨ་དང་༔ ཉི་ཟླ་བརྩེགས་པའི་གདན་སྟེང་དུ༔ ཁྲག་འཐུང་ཁྲོ་བོའི་ལྷ་ཚོགས་བཞུགས༔ ཨོཾ་ཧཱུྃ་ཏྲཱྃ་ཧྲཱིཿཨཱཿ ཨོཾ་ཨཱཿཧཱུྃ༔ བཛྲ་ས་མཱ་ཛཿ ཨེ་ཧྱེ་ཧི༔ ཛཿཧཱུྃ་བྃ་ཧོཿ བཛྲ་ས་མ་ཡ་ཏིཥྛ༔ ཨ་ཏི་པུ་ཧོཿ པྲ་ཏཱིཙྪ་ཧོཿ ཨོཾ་སརྦ་ཏ་ཐཱ་ག་ཏ་བཛྲ་ཨརྒྷཾ་ནས། ཤབྡའི་བར་དང་། རཱུ་པ། ཤབྡ། གནྡྷེ། རཱ་ས། སྤཪྴེ། བོ་དྷི་ཙིཏྟ་མ་ཧཱ་སུ་ཁ་པཱུ་ཛ་ཧོཿ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། མ་ཧཱ་རཀྟ་ཁ་རཾ་ཁཱ་ཧི། མ་ཧཱ་བ་ལིཾ་ཏ་ཁ་རཾ་ཁཱ་ཧི། ཧཱུྃ༔ ཆོས་སྐུ་ནམ་མཁའ་ལྟ་བུར་ཁྱབ་པ་ལ༔ ལོངས་སྐུ་ཉི་འོད་ལྟ་བུར་སོ་སོར་གསལ༔ སྤྲུལ་སྐུ་འཇའ་ཚོན་ལྟ་བུས་འགྲོ་དོན་མཛད༔ རྒྱལ་བ་ཞི་ཁྲོའི་ཚོགས་ལ་ཕྱག་འཚལ་བསྟོད༔ ཨོཾ་ཨཱཿཧཱུྃ། ཆོས་ཉིད་དམིགས་སུ་མེད་པ་ལ༔ ཕྱི་སྣོད་འཇིག་རྟེན་གཞལ་ཡས་ཁང་༔ ནང་བཅུད་སེམས་ཅན་ལྷ་ཡི་ཚོགས༔ འཁོར་བ་སྡུག་བསྔལ་ཆོས་ཉིད་རོལ༔ ཨ་ལ་ལ་ཧོ་བཞེས་སུ་གསོལ༔ ཨོཾ་དང་ཨཱཿདང་ཧཱུྃ་དང་གསུམ༔ དུས་གསུམ་སངས་རྒྱས་སྐུ་གསུང་ཐུགས༔ བོ་དྷི་ཙིཏྟ་བྱང་ཆུབ་སེམས༔ མ་ཧྭཱ་སུ་ཁ་བདེ་བ་ཆེ༔ ཛྙཱ་ན་དྷཱ་ཏུ་ཡེ་ཤེས་དབྱིངས༔ ཨཱ་ནི་སྐྱེ་བ་མེད་པ་སྟེ༔ ཞི་བ་ལྷུན་གྱིས་གྲུབ་པའི་ལྷ༔ བཞི་བཅུ་རྩ་གཉིས་སྙིང་པོའོ༔ ཞི་བའི་ཐུགས་ཀར་ཟླ་བའི་སྟེང་༔ ཧཱུྃ་ལ་སྔགས་ཀྱི་ཕྲེང་བས་བསྐོར༔ མགལ་མེ་ཀླད་འཁོར་ལྟར་གསལ་བཟླས༔ ཨོཾ་ཨཱཿཧཱུྃ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ སྔགས་ཕྲེང་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། འཁོར་འདས་ཀྱི་དྭངས་བཅུད་ཐམས་ཅད་འོད་ཟེར་གྱི་རྣམ་པར་སྤྱན་དྲངས་ཏེ་རང་གི་སྙིང་གའི་ས་བོན་ལ་སིབ་སིབ་ཐིམ་པས་དངོས་གྲུབ་རྣམ་པ་གཉིས་ཐོབ། སྣོད་བཅུད་ཐམས་ཅད་ལྷ་སྔགས་ཡེ་ཤེས་ཀྱི་རོལ་པ་གཅིག་ཏུ་གསལ་བར་བསམས་ལ་བཟླས་པ་ཅི་ནུས་བྱ། ཨོཾ་ནི་ཡེ་ཤེས་ལྔ་དང་ལྡན༔ རུ་ལུ་གནས་ལུགས་ཆོས་ཀྱི་དབྱིངས༔ འོག་མ་སྣང་ལུགས་ཆོས་ཀྱི་སྐུ༔ ཧཱུྃ་ནི་འགག་མེད་ཐིག་ལེ་ཉིད༔ བྷྱོཿནི་སྐྱེ་མེད་དགོངས་པའི་ངང་༔ ཧཱུྃ་ནི་སྐྱེ་འགག་མེད་པ་སྟེ༔ ཁྲོ་བོ་ཁྲག་འཐུང་རིག་པའི་རྩལ༔ དྲུག་ཅུ་ཐམ་པའི་སྙིང་པོའོ༔ ཁྲོ་བོའི་ཐུགས་ཀར་ཉི་མའི་སྟེང་༔ ཧཱུྃ་ལ་སྔགས་ཀྱི་ཕྲེང་བས་བསྐོར༔ མགལ་མེ་ཀླད་འཁོར་ལྟར་གསལ་བཟླས༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ འོད་ཟེར་སྤྲོ་བསྡུའི་དམིགས་གནད་སྔར་བཞིན་སྦྱར་ལ་ཅི་ནུས་བཟླ། ཐུན་མཐར་མཆོད་ཅིང་བསྟོད་ལ། རྩ་སྔགས་ཀྱི་མཐར། ཀཱ་ཡ་ཝཱ་ཀ་ཙིཏྟ་སིདྡྷི་ཕ་ལ་ཧོཿ ཞེས་པས་དངོས་གྲུབ་བླང་། ཡི་གེ་བརྒྱ་པས་ནོངས་པ་བཤགས། སྣང་གྲགས་རིག་པའི་དཀྱིལ་འཁོར་གསུམ། །འོད་གསལ་ཆོས་སྐུའི་ཀློང་དུ་ཐིམ། །སླར་ཡང་ཟུང་འཇུག་སྒྱུ་མའི་ངང་། །སྒོ་གསུམ་ལྷ་སྔགས་ཆོས་སྐུར་ཤར། །ཅེས་རྟག་ཆད་ཀྱི་མཐའ་བསལ། དགེ་བ་འདི་ཡིས་མྱུར་དུ་བདག །རྒྱལ་བ་ཞི་ཁྲོ་འགྲུབ་གྱུར་ནས། །སོགས་ཀྱིས་དགེ་བ་བསྔོ་ཞིང་སྨོན་ལམ་བཏབ་ནས་ཐུན་མཚམས་ཀྱི་རིམ་པ་ལ་འཇུག་པར་བྱའོ། །ཞེས་པའང་རིག་འཛིན་གྱི་བཙུན་པ་རྡོ་རྗེ་ཐུགས་མཆོག་རྩལ་གྱིས་སྦྱར་བ་སརྦ་དཱ་མངྒ་ལཾ།། །།

[edit]

zhi khro dgongs pa rang grol gyi rgyun khyer snying por dril ba zung 'jug lam bzang / @#/__/zhi khro dgongs pa rang grol gyi rgyun khyer snying por dril ba zung 'jug lam bzang zhes bya ba bzhugs so//__// na mo gu ru b+h+yaH__'dir zab chos zhi khro dgongs pa rang grol gyi bskyed rim mdor bsdus te nyams su blang ba'i tshul la/__thog mar skyabs sems ni/__bla ma mchog gsum yi dam lhar/__/gus pas skyabs mchi mkha' mnyam 'gro/__/bla med byang chub mchog thob phyir/__/zhi khro'i lha tshogs bsgom par bgyi/__/lan gsum/__spro na/__rdo rje slob dpon sangs rgyas dpal/__zhes sogs rgyun bshags kyang bya/__dngos gzhi ni/__skad cig mi dmigs stong pa'i ngang :__chu nang nya 'phar ji bzhin du:__oM AHhU~M/__skye med chos dbyings zhing khams su:__'gag med thig le'i gzhal yas na/__thabs shes nyi zla pad+ma'i steng :__rang nyid rdo rje sems dpa' ni:__dkar gsal zhal gcig phyag gnyis pa:__phyag g.yas rdo rje thugs kar 'dzin:__g.yon pas dril bu dku la brten:__longs spyod rdzogs sku'i rgyan rnams rdzogs:__zhabs gnyis rol pa'i stabs kyis bzhugs:__tsit+ta snying gi gzhal yas su:__dwangs ma lnga yi dbus nyid du:__'od lnga'i thig le'i dkyil 'khor bsam:__seng ge glang chen rta mchog dang :__rma bya shang shang khri yi steng :__nyi zla pad+ma brtsegs pa la:__sangs rgyas bzhi bcu rtsa gnyis ni:__stong gsal 'od kyi sku ru bsgom:__klad pa dung khang gzhal yas su:__ye shes lnga yi thig le las:__'od 'bar drod kyi me phung klong :__khyu mchog ma he gzig dang stag:__gtum po dom gyi khri steng du:__dregs pa pho mo pad+ma dang :__nyi zla brtsegs pa'i gdan steng du:__khrag 'thung khro bo'i lha tshogs bzhugs:__oM hU~M trA~M hrIHAH__oM AHhU~M:__badz+ra sa mA dzaH__e h+ye hi:__dzaHhU~M ba~M hoH__badz+ra sa ma ya tiSh+Tha:__a ti pu hoH__pra tIts+tsha hoH__oM sarba ta thA ga ta badz+ra ar+g+haM nas/__shab+da'i bar dang /__rU pa/__shab+da/__gan+d+he/__rA sa/__spaR+she/__bo d+hi tsit+ta ma hA su kha pU dza hoH__sarba pany+tsa a mr-i ta kha raM khA hi/__ma hA rak+ta kha raM khA hi/__ma hA ba liM ta kha raM khA hi/__hU~M:__chos sku nam mkha' lta bur khyab pa la:__longs sku nyi 'od lta bur so sor gsal:__sprul sku 'ja' tshon lta bus 'gro don mdzad:__rgyal ba zhi khro'i tshogs la phyag 'tshal bstod:__oM AHhU~M/__chos nyid dmigs su med pa la:__phyi snod 'jig rten gzhal yas khang :__nang bcud sems can lha yi tshogs:__'khor ba sdug bsngal chos nyid rol:__a la la ho bzhes su gsol:__oM dang AHdang hU~M dang gsum:__dus gsum sangs rgyas sku gsung thugs:__bo d+hi tsit+ta byang chub sems:__ma hwA su kha bde ba che:__dz+nyA na d+hA tu ye shes dbyings:__A ni skye ba med pa ste:__zhi ba lhun gyis grub pa'i lha:__bzhi bcu rtsa gnyis snying po'o:__zhi ba'i thugs kar zla ba'i steng :__hU~M la sngags kyi phreng bas bskor:__mgal me klad 'khor ltar gsal bzlas:__oM AHhU~M bo d+hi tsit+ta ma hA su kha dz+nyA na d+hA tu AH__sngags phreng las 'od zer 'phros/__'phags pa mchod/__sems can gyi don byas/__'khor 'das kyi dwangs bcud thams cad 'od zer gyi rnam par spyan drangs te rang gi snying ga'i sa bon la sib sib thim pas dngos grub rnam pa gnyis thob/__snod bcud thams cad lha sngags ye shes kyi rol pa gcig tu gsal bar bsams la bzlas pa ci nus bya/__oM ni ye shes lnga dang ldan:__ru lu gnas lugs chos kyi dbyings:__'og ma snang lugs chos kyi sku:__hU~M ni 'gag med thig le nyid:__b+h+yoHni skye med dgongs pa'i ngang :__hU~M ni skye 'gag med pa ste:__khro bo khrag 'thung rig pa'i rtsal:__drug cu tham pa'i snying po'o:__khro bo'i thugs kar nyi ma'i steng :__hU~M la sngags kyi phreng bas bskor:__mgal me klad 'khor ltar gsal bzlas:__oM ru lu ru lu hU~M b+h+yo hU~M:__'od zer spro bsdu'i dmigs gnad sngar bzhin sbyar la ci nus bzla/__thun mthar mchod cing bstod la/__rtsa sngags kyi mthar/__kA ya wA ka tsit+ta sid+d+hi pha la hoH__zhes pas dngos grub blang /__yi ge brgya pas nongs pa bshags/__snang grags rig pa'i dkyil 'khor gsum/__/'od gsal chos sku'i klong du thim/__/slar yang zung 'jug sgyu ma'i ngang /__/sgo gsum lha sngags chos skur shar/__/ces rtag chad kyi mtha' bsal/__dge ba 'di yis myur du bdag__/rgyal ba zhi khro 'grub gyur nas/_/sogs kyis dge ba bsngo zhing smon lam btab nas thun mtshams kyi rim pa la 'jug par bya'o/__/zhes pa'ang rig 'dzin gyi btsun pa rdo rje thugs mchog rtsal gyis sbyar ba sarba dA mang+ga laM//__//