JKW-KABAB-15-BA-012

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' babs Volume 15, Text 12, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Associated People	ཐང་སྟོང་རྒྱལ་པོ་ (thang stong rgyal po)
Citation	'jam dbyangs mkhyen brtse'i dbang po. . In Rdzong sar 'jam dbyangs mkhyen brtse'i dbang po'i bka' babs, Vol. 15: 1-. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma
Cycle	ཁྲག་འཐུང་བདེ་གཤེགས་འདུས་པ་ (khrag 'thung bde gshegs 'dus pa)
Parent Cycle	གྲུབ་ཐོབ་ཆེན་པོའི་ཐུགས་ཏིག་ (grub thob chen po'i thugs tig)
Deity	bka' brgyad
Karchag page	JKW-KABAB-Volume-15-BA-Karchag
RTZ	In the Rinchen Terdzö: https://rtz.tsadra.org/index.php/Terdzo-MA-012

Tibetan Text

Wylie

[edit]

༄༅ཿ དུར་ཁྲོད་བརྒྱད་ཀྱི་བྱིན་འབེབས་བགྲོལ་བྱང་བཞུགས་སོ༔ ༔༄༅༔ ས་མ་དྷི༔ མ་ཧཱ་ཤྲཱི་ཧེ་རུ་ཀ་ལ་ན་མོ༔ སྒྲུབ་པ་ཆེན་པོའི་བྱིན་དབབ་པའི་སྐབས་སུ་དུར་ཁྲོད་བརྒྱད་ཀྱི་རིག་འཛིན་ལྷ་དང་མཁའ་འགྲོས་ཀྱང་བྱིན་དབབ་པར་བྱ་སྟེ༔ ཧཱུྃ༔ བྱིན་ཆེན་ངོ་མཚར་ཁྱད་པར་གནས༔ རུ་དྲའི་སྙིང་དང་སྟོབས་བཟང་རོ༔ ཤར་ཕྱོགས་དུར་ཁྲོད་བསིལ་བའི་ཚལ༔ ཉ་ཤིང་གོན་པའི་ཞིང་སྐྱོང་ནི༔ གནམ་འཕྲཽ་དཀར་པོ་གླང་མགོ་ཅན༔ གྲི་གུག་ཐོད་ཁྲག་ཕྱག་ན་བསྣམས༔ ཕྱོགས་སྐྱོང་བརྒྱ་བྱིན་སྐུ་མདོག་སེར༔ ཀླང་ཆེན་སྟེང་ན་རྡོ་རྗེ་བསྣམས༔ མཚོ་ནང་མཐའ་ཡས་ཀླུ་དབང་དཀར༔ སྦྲུལ་མགོ་གདེངས་ཤིང་ཐལ་མོ་སྦྱར༔ ཤར་སྤྲིན་དཀར་ལ་ཤིང་སྡོང་སེར༔ མཆོད་རྟེན་མདང་ལྡན་བདེ་བྱེད་བརྩེགས༔ ཤེའུ་རི་བྷན་དམར་བྱིས་དབྱུག་མཐིང་༔ མ་མོ་ཆེན་མོ་གཤེགས་སུ་གསོལ༔ སྟོན་པ་མཁས་ཤིང་སྙིང་སྟོབས་ཆེ༔ ཧཱུྃ་ཀཱ་ར་ཡིས་བྱིན་ཕོབ་ཅིག༔ གུ་རུ་དྷེ་བ་ཌཱ་ཀི་ནཱི་སརྦ་ཧྲཱིཾ་ཧྲཱིཾ་ཨཱཿ ཧཱུྃ༔ བྱིན་ཆེན་ངོ་མཚར་ཁྱད་པར་གནས༔ ལྷ་ཆེན་མགོ་དང་འཆི་བདག་རོ༔ ལྷོ་ཕྱོགས་དུར་ཁྲོད་སྐུ་ལ་རྫོགས༔ ཤིང་ཆེན་བཀྲ་ཤའི་ཙུ་དྷ་སྔོ༔ ཞིང་སྐྱོང་འཚོ་བྱེད་མ་ཧེ་གདོང་༔ ཕྱོགས་སྐྱོང་གཤིན་རྗེ་སྔོ་ནག་བརྗིད༔ ཐོད་དབྱུག་ཐོགས་ནས་མ་ཧེ་ཞོན༔ ཀླུ་ཆེན་འཇོག་པོ་གསེར་མཚོ་འཛིན༔ སྤྲིན་ཆེན་རྣམ་སྡུད་སྔོ་སྐྱ་འཁྱིལ༔ མཆོད་རྟེན་ཏ་ལ་རིན་ཆེན་བརྩེགས༔ ཙོའུ་རི་མདའ་གཞུ་འགེངས་མ་སེར༔ མ་མོ་ཆེན་མོ་གཤེགས་སུ་གསོལ༔ སྟོན་པ་རང་བྱུང་རྫུ་འཕྲུལ་ལྡན༔ འཇམ་དཔལ་གཤེས་གཉེན་བྱིན་ཕོབ་ཅིག༔ གུ་རུ་དྷེ་བ་ཌཱ་ཀི་ནཱི་སརྦ་ཧྲཱིཾ་ཧྲཱིཾ་ཨཱ༔ ཧཱུྃ༔ བྱིན་ཆེན་ངོ་མཚར་ཁྱད་པར་གནས༔ ལྷ་ཆེན་ནང་ཁྲོལ་སྟོབས་བཟང་རོ༔ ནུབ་ཕྱོགས་དུར་ཁྲོད་ལང་ག་བརྩེགས༔ ཤིང་ཆེན་ཨ་ཏ་ཨ་ལི་ཀ༔ ཞིང་སྐྱོང་རོལ་ཆེན་ཆུ་སྲིན་གདོང་༔ ཕྱོགས་སྐྱོང་ཆུ་ལྷ་དམར་སྐྱ་སྦྲུལ༔ ཆུང་མ་དང་བཅས་ཆུ་སྲིན་ཞོན༔ ཀླུ་རྒྱལ་དུང་སྐྱོང་མཚོ་དམར་སྐྱ༔ སྤྲིན་སྒྲོགས་འཐིགས་པ་དམར་ནག་འཁྲུག༔ མཆོད་རྟེན་བདེ་རྒྱས་ཁམས་གསུམ་སྒྲོལ༔ པྲ་མོ་ཆུ་སྲིན་རྒྱལ་མཚན་དམར༔ མ་མོ་ཆེན་མོ་གཤེགས་སུ་གསོལ༔ སྟོན་པ་ཆོས་འཆད་འབྱོར་པ་ལྡན༔ ཀླུ་སྒྲུབ་སྙིང་པོས་བྱིན་ཕོབ་ཅིག༔ གུ་རུ་དྷེ་བ་ཌཱ་ཀི་ནཱི་སརྦ་ཧྲཱིཾ་ཧྲཱིཾ་ཨཱཿ ཧཱུྃ༔ བྱིན་ཆེན་ངོ་མཚར་ཁྱད་པར་གནས༔ ལྷ་ཆེན་མཚན་མ་ཁྱབ་འཇུག་ར༔ བྱང་ཕྱོགས་དུར་ཁྲོད་པདྨ་བརྩེགས༔ ཨ་སུ་སྟ་ན་མཛེས་པའི་ཤིང་༔ ཞིང་སྐྱོང་དུད་ཁ་རྟ་མགོ་ལྗང་༔ ཕྱོགས་སྐྱོང་གནོད་སྦྱིན་དབྱུག་ཐོ་བསྣམས༔ ཆུང་མར་བཅས་ཏེ་རྟ་དམར་ཞོན༔ ཀླུ་རྒྱལ་སྟོབས་རྒྱུ་མཚོ་ཆེན་ལྗང་༔ རྨུག་བྱེད་མྱོས་སྤྲིན་ལྗང་གུར་འཐིབས༔ མཆོད་རྟེན་དོན་ཡོད་ཕྲིན་ལས་གཏེར༔ བེ་ཏ་མཐིང་ག་རྡོ་རྗེ་ཕྱར༔ མ་མོ་ཆེན་མོ་གཤེགས་སུ་གསོལ༔ སྟོན་པ་མྱང་འདས་མཐུ་རྩལ་ཆེ༔ པྲ་ཆེན་ཧསྟིའི་བྱིན་ཕོབ་ཅིག༔ གུ་རུ་དྷེ་བ་ཌཱ་ཀི་ནྭི་སརྦ་ཧྲཱིཾ་ཧྲཱིཾ་ཨཱཿ ཧཱུྃ༔ བྱིན་ཆེན་ངོ་མཚར་ཁྱད་པར་གནས༔ ལྷ་ཆེན་ལག་གཡས་དགའ་དབང་རོ༔ ཤར་ལྷོ་དུར་ཁྲོད་ལྷུན་གྲུབ་གཏེར༔ ཤིང་ཆེན་ནག་སྐྱ་ཀྲོ་ཏ་བཟང་༔ ཞིང་སྐྱོང་འདུངས་པ་ར་གདོང་སེར༔ ཕྱོགས་སྐྱོང་མེ་ལྷ་ཞུགས་བུམ་ཅན༔ ཆུང་མ་དང་བཅས་ར་ལ་ཞོན༔ ཀླུ་རྒྱལ་པད་ཆེན་མཚོ་ཆེན་སྔོ༔ གདུག་བྱེད་སྤྲིན་ཆེན་དམར་སེར་འཁྱིལ༔ མཆོད་རྟེན་གོའུ་ཏི་ཤནྟི༔ པུསྐ་དམར་སེར་བྱིས་རྒྱུ་འདྲེན༔ མ་མོ་ཆེན་མོ་གཤེགས་སུ་གསོལ༔ སྟོན་པ་རོལ་རྩེད་ཟས་བཅུད་ཆེ༔ བི་མ་མི་ཏྲས་བྱིན་ཕོབ་ཅིག༔ གུ་རུ་དྷེ་བ་ཌཱ་ཀི་ནཱི་སརྦ་ཧྲཱིཾ་ཧྲཱིཾ་ཨཱ༔ ཧཱུྃ༔ བྱིན་ཆེན་ངོ་མཚར་ཁྱད་པར་གནས༔ ལྷ་ཆེན་ལག་གཡོན་ཚོགས་བདག་རོ༔ ལྷོ་ནུབ་དུར་ཁྲོད་གསང་ཆེན་རོལ༔ ཤིང་ཆེན་བཞི་ཁྲི་རྫོགས་ལྡན་འོད༔ ཞིང་སྐྱོང་སྤྲུལ་པ་མི་གདོང་སྔོ༔ ཕྱོགས་སྐྱོང་སྲིན་པོ་གྲི་ཐོགས་སྨུག༔ ཆུང་མར་བཅས་ཏེ་རོ་ལ་ཞོན༔ ཀླུ་ཆེན་ཧུ་ལུ་མཚོར་བཅས་སྨུག༔ སྤྲིན་ཆེན་ལྷན་སྐྱེས་སེར་ཁྲར་འཁྱིལ༔ མཆོད་རྟེན་རྨད་གྲངས་ཀ་ནི་ཀ༔ ཀསྨ་དུང་དམར་དཀྲུགས་འཐུང་ལྗང་༔ མ་མོ་ཆེན་མོ་གཤེགས་སུ་གསོལ༔ སྟོན་པ་བདུད་འདུལ་བྱིན་རླབས་གནས༔ དྷ་ན་སཾ་སྐྲིས་བྱིན་ཕོབ་ཅིག༔ གུ་རུ་དྷེ་བ་ཌཱ་ཀི་ནཱི་སརྦ་ཧྲཱིཾ་ཧྲཱིཾ་ཨཱཿ ཧཱུྃ༔ བྱིན་ཆེན་ངོ་མཚར་ཁྱད་པར་གནས༔ ལྷ་ཆེན་རྐང་གཡོན་འབྲིང་གི་རོ༔ ནུབ་བྱང་དུར་ཁྲོད་ཧེ་ཆེན་བརྡལ༔ ཤིང་ཆེན་ཏརྫ་ནག་པོ་སྟེ༔ ཞིང་སྐྱོང་ལྟོ་འཕྱེ་ཤ་བ་མགོ༔ ཕྱོགས་སྐྱོང་རླུང་ལྷ་བ་དན་ཅན༔ དུད་པ་ཆུང་བཅས་ཤ་བ་ཞོན༔ ཀླུ་ཆེན་རིགས་ལྡན་མཚོར་བཅས་ལྡང་༔ སྤྲིན་པ་རབ་ཆད་ཆར་འབེབས་སེར༔ མཆོད་རྟེན་བདེ་ལྡན་མ་ཧཱ་འབས༔ སྨེ་ཤ་ནག་མོ་ཙིཏྟ་ཟ༔ མ་མོ་ཆེན་མོ་གཤེགས་སུ་གསོལ༔ སྟོན་པ་ཁབ་བཞེས་བཙུན་མོར་ལྡན༔ རོམྦུ་གུ་ཧྱས་བྱིན་ཕོབ་ཅིག༔ གུ་རུ་དྷེ་བ་ཌཱ་ཀི་ནཱི་སརྦ་ཧྲཱིཾ་ཧྲཱིཾ་ཨཱ༔ ཧཱུྃ༔ བྱིན་ཆེན་ངོ་མཚར་ཁྱད་པར་གནས༔ ལྷ་ཆེན་རྐང་གཡས་སྨིན་དྲུག་རོ༔ བྱང་ཤར་དུར་ཁྲོད་འཇིག་རྟེན་བརྩེགས༔ ཤིང་ཆེན་ཧ་ལ་འོད་དམར་འཁྱིལ༔ ཞིང་སྐྱོང་དྲེགས་པ་ལྕེ་སྤྱང་གདོང་༔ དབང་ལྡན་ལྗང་སྐྱ་རྩེ་གསུམ་ཅན༔ ཆུང་མར་བཅས་ཏེ་ལྕེ་སྤྱང་ཞོན༔ ཀླུ་ཆེན་བ་སུ་མཚོར་བཅས་དཀར༔ སྤྲིན་ཆེན་ཉ་ཅན་ནག་པོ་འཁྲུག༔ མཆོད་རྟེན་ཀླུ་གནས་ཤིང་ཀུན་སྟེ༔ ཙནྡྷ་སེར་སྐྱ་མཆོག་ལུས་འཕྲལ༔ མ་མོ་ཆེན་མོ་གཤེགས་སུ་གསོལ༔ སྟན་པ་ཆོ་འཕྲུལ་བཟོ་ལ་མཁས༔ ཤཱནྟིཾ་གརྦྷས་བྱིན་ཕོབ་ཅིག༔ གུ་རུ་དེ་བ་དྷ་ཀི་ནཱི་སརྦ་ཧྲཱིཾ་ཧྲཱིཾ་ཨཱཿ ཧཱུྃ༔ བྱིན་ཆེན་ངོ་མཚར་ཁྱད་པར་གནས༔ ཕྱོགས་བཞི་མཚམས་བརྒྱད་དུར་ཁྲོད་བདག༔ ཞིང་སྐྱོང་མ་མོ་ཀུན་གྱི་རྗེ༔ རིག་འཛིན་གྲུབ་ཐོབ་རྒྱན་གྱི་བཙུག༔ ཀླུ་སོགས་སྡེ་བརྒྱད་ཀུན་གྱི་གཉེན༔ མཆོད་རྟེན་ཤིང་ཆེན་ཀུན་ཏུ་བཞུགས༔ ཨོ་རྒྱན་པདྨས་བྱིན་ཕོབ་ཅིག༔ མ་མོ་མཁའ་འགྲོ་གཤེགས་སུ་གསོལ༔ གནས་འདིར་བྱིན་ཕོབ་བདག་དབང་བསྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ གུ་རུ་དེ་བ་ཌཱ་ཀི་ནཱི་སརྦ་ཧྲཱིཾ་ཧྲཱིཾ་ཨ་ཨཱ༔ ཞེས་གདུང་བ་དྲག་པོས་གསོལ་བ་གདབ་ཅིང་༔ དལ་བསྐོར་ཞིང་བྱིན་དབབ་བོ༔ བྱིན་འབེབས་བཀོལ་བྱང་ཨྠི༔ ས་མ་ཡ༔ དུར་ཁྲོད་དེ་དག་གི་བཀོད་པ་ནི་གཤིན་རྗེ་གསལ་ཤིང་གི་རྒྱུད་ལས་བཏུས་ཤིང་༔ སྒྲུབ་ཆེན་རིག་འཛིན་བརྒྱད་པོ་དེ་དག་གི་ནི༔ དུར་ཁྲོད་བརྒྱད་དུ་བྱོན་ནས་བཀའ་བརྒྱད་བྱེ་བྲག་ཏུ་སྒྲུབ་པས་དངོས་གྲུབ་སོ་སོར་རྙེད་ཅིང་༔ དུར་ཁྲོད་དེ་དག་གི་ཕྱོགས་སྐྱོང་ཞིང་སྐྱོང་དང་གྲུབ་ཐོབ༔ མ་མོ་མཁའ་འགྲོ་ཐམས་ཅད་ཀྱི་རིག་འཛིན་རྣམས་གྲོགས་སུ་ཞལ་བཞེས༔ རྗེས་འཇུག་སྐྱོང་བར་གཡར་དམ་བཅས་ཕྱིར༔ དཀྱིལ་འཁོར་དུ་བཀོད་པ་དང་༔ བྱིན་ཆེན་དབབ་པར་ཤེས་སོ༔ ཨོ་རྒྱན་གྱི་ནི་དུར་ཁྲོད་ཀུན་ཏུ་ཁྱད་པར་བྱོན་ཅིང་དངོས་གྲུབ་ཐམས་ཅད་བརྙེས་པའི་ཕྱིར༔ བྱིན་དབབ་དུ་གསལ་དུ་ཤེས་སོ༔ རྣལ་འབྱོར་པ་རྣམས་དལ་ལ་བསྐོར་ཞིང་སྤྱི་བླུག་གི་ཞྭ་དང་༔ ཞིང་ལྤགས་གཡབ་ཅིང་མཆོད་སྟབས་བྱ༔ ཕྱིན་ཕོབ་ཅིག་ཅེས་པའི་སྐབས་སུ་རྔ་སོགས་སྒྲ་ཐམས་ཅད་བསྒྲགས་པར་བྱའོ༔ གུ་རུ་ཆོས་དབང་གི་གཏེར་ཁའོ༔

[edit]

@#\u0f7f___dur khrod brgyad kyi byin 'bebs bgrol byang bzhugs so:__:@#:___sa ma d+hi:__ma hA shrI he ru ka la na mo:__sgrub pa chen po'i byin dbab pa'i skabs su dur khrod brgyad kyi rig 'dzin lha dang mkha' 'gros kyang byin dbab par bya ste:__hU~M:__byin chen ngo mtshar khyad par gnas:__ru dra'i snying dang stobs bzang ro:__shar phyogs dur khrod bsil ba'i tshal:__nya shing gon pa'i zhing skyong ni:__gnam 'phrau dkar po glang mgo can:__gri gug thod khrag phyag na bsnams:__phyogs skyong brgya byin sku mdog ser:__klang chen steng na rdo rje bsnams:__mtsho nang mtha' yas klu dbang dkar:__sbrul mgo gdengs shing thal mo sbyar:__shar sprin dkar la shing sdong ser:__mchod rten mdang ldan bde byed brtsegs:__she'u ri b+han dmar byis dbyug mthing :__ma mo chen mo gshegs su gsol:__ston pa mkhas shing snying stobs che:__hU~M kA ra yis byin phob cig:__gu ru d+he ba DA ki nI sarba hrIM hrIM AH__hU~M:__byin chen ngo mtshar khyad par gnas:__lha chen mgo dang 'chi bdag ro:__lho phyogs dur khrod sku la rdzogs:__shing chen bkra sha'i tsu d+ha sngo:__zhing skyong 'tsho byed ma he gdong :__phyogs skyong gshin rje sngo nag brjid:__thod dbyug thogs nas ma he zhon:__klu chen 'jog po gser mtsho 'dzin:__sprin chen rnam sdud sngo skya 'khyil:__mchod rten ta la rin chen brtsegs:__tso'u ri mda' gzhu 'gengs ma ser:__ma mo chen mo gshegs su gsol:__ston pa rang byung rdzu 'phrul ldan:__'jam dpal gshes gnyen byin phob cig:__gu ru d+he ba DA ki nI sarba hrIM hrIM A:__hU~M:__byin chen ngo mtshar khyad par gnas:__lha chen nang khrol stobs bzang ro:__nub phyogs dur khrod lang ga brtsegs:__shing chen a ta a li ka:__zhing skyong rol chen chu srin gdong :__phyogs skyong chu lha dmar skya sbrul:__chung ma dang bcas chu srin zhon:__klu rgyal dung skyong mtsho dmar skya:__sprin sgrogs 'thigs pa dmar nag 'khrug:__mchod rten bde rgyas khams gsum sgrol:__pra mo chu srin rgyal mtshan dmar:__ma mo chen mo gshegs su gsol:__ston pa chos 'chad 'byor pa ldan:__klu sgrub snying pos byin phob cig:__gu ru d+he ba DA ki nI sarba hrIM hrIM AH__hU~M:__byin chen ngo mtshar khyad par gnas:__lha chen mtshan ma khyab 'jug ra:__byang phyogs dur khrod pad+ma brtsegs:__a su sta na mdzes pa'i shing :__zhing skyong dud kha rta mgo ljang :__phyogs skyong gnod sbyin dbyug tho bsnams:__chung mar bcas te rta dmar zhon:__klu rgyal stobs rgyu mtsho chen ljang :__rmug byed myos sprin ljang gur 'thibs:__mchod rten don yod phrin las gter:__be ta mthing ga rdo rje phyar:__ma mo chen mo gshegs su gsol:__ston pa myang 'das mthu rtsal che:__pra chen hasti'i byin phob cig:__gu ru d+he ba DA ki n+wi sarba hrIM hrIM AH__hU~M:___byin chen ngo mtshar khyad par gnas:__lha chen lag g.yas dga' dbang ro:__shar lho dur khrod lhun grub gter:__shing chen nag skya kro ta bzang :__zhing skyong 'dungs pa ra gdong ser:__phyogs skyong me lha zhugs bum can:__chung ma dang bcas ra la zhon:__klu rgyal pad chen mtsho chen sngo:__gdug byed sprin chen dmar ser 'khyil:__mchod rten go'u ti shan+ti:__puska dmar ser byis rgyu 'dren:__ma mo chen mo gshegs su gsol:__ston pa rol rtsed zas bcud che:__bi ma mi tras byin phob cig:__gu ru d+he ba DA ki nI sarba hrIM hrIM A:__hU~M:__byin chen ngo mtshar khyad par gnas:__lha chen lag g.yon tshogs bdag ro:__lho nub dur khrod gsang chen rol:__shing chen bzhi khri rdzogs ldan 'od:__zhing skyong sprul pa mi gdong sngo:__phyogs skyong srin po gri thogs smug:__chung mar bcas te ro la zhon:__klu chen hu lu mtshor bcas smug:__sprin chen lhan skyes ser khrar 'khyil:__mchod rten rmad grangs ka ni ka:__kasma dung dmar dkrugs 'thung ljang :__ma mo chen mo gshegs su gsol:__ston pa bdud 'dul byin rlabs gnas:__d+ha na saM skris byin phob cig:__gu ru d+he ba DA ki nI sarba hrIM hrIM AH__hU~M:__byin chen ngo mtshar khyad par gnas:__lha chen rkang g.yon 'bring gi ro:__nub byang dur khrod he chen brdal:__shing chen tardza nag po ste:__zhing skyong lto 'phye sha ba mgo:__phyogs skyong rlung lha ba dan can:__dud pa chung bcas sha ba zhon:__klu chen rigs ldan mtshor bcas ldang :__sprin pa rab chad char 'bebs ser:__mchod rten bde ldan ma hA 'bas:__sme sha nag mo tsit+ta za:__ma mo chen mo gshegs su gsol:__ston pa khab bzhes btsun mor ldan:__rom+bu gu h+yas byin phob cig:__gu ru d+he ba DA ki nI sarba hrIM hrIM A:__hU~M:__byin chen ngo mtshar khyad par gnas:__lha chen rkang g.yas smin drug ro:__byang shar dur khrod 'jig rten brtsegs:__shing chen ha la 'od dmar 'khyil:__zhing skyong dregs pa lce spyang gdong :__dbang ldan ljang skya rtse gsum can:__chung mar bcas te lce spyang zhon:__klu chen ba su mtshor bcas dkar:__sprin chen nya can nag po 'khrug:__mchod rten klu gnas shing kun ste:__tsan+d+ha ser skya mchog lus 'phral:__ma mo chen mo gshegs su gsol:__stan pa cho 'phrul bzo la mkhas:__shAn+tiM gar+b+has byin phob cig:__gu ru de ba d+ha ki nI sarba hrIM hrIM AH__hU~M:__byin chen ngo mtshar khyad par gnas:__phyogs bzhi mtshams brgyad dur khrod bdag:__zhing skyong ma mo kun gyi rje:__rig 'dzin grub thob rgyan gyi btsug:__klu sogs sde brgyad kun gyi gnyen:__mchod rten shing chen kun tu bzhugs:__o rgyan pad+mas byin phob cig:__ma mo mkha' 'gro gshegs su gsol:__gnas 'dir byin phob bdag dbang bskur:__bgegs dang log 'dren bar chad sol:__mchog dang thun mong dngos grub stsol:__gu ru de ba DA ki nI sarba hrIM hrIM a A:__zhes gdung ba drag pos gsol ba gdab cing :__dal bskor zhing byin dbab bo:__byin 'bebs bkol byang a+thi:__sa ma ya:__dur khrod de dag gi bkod pa ni gshin rje gsal shing gi rgyud las btus shing :__sgrub chen rig 'dzin brgyad po de dag gi ni:__dur khrod brgyad du byon nas bka' brgyad bye brag tu sgrub pas dngos grub so sor rnyed cing :__dur khrod de dag gi phyogs skyong zhing skyong dang grub thob:__ma mo mkha' 'gro thams cad kyi rig 'dzin rnams grogs su zhal bzhes:__rjes 'jug skyong bar g.yar dam bcas phyir:__dkyil 'khor du bkod pa dang :__byin chen dbab par shes so:__o rgyan gyi ni dur khrod kun tu khyad par byon cing dngos grub thams cad brnyes pa'i phyir:__byin dbab du gsal du shes so:__rnal 'byor pa rnams dal la bskor zhing spyi blug gi zhwa dang :__zhing lpags g.yab cing mchod stabs bya:__phyin phob cig ces pa'i skabs su rnga sogs sgra thams cad bsgrags par bya'o:__gu ru chos dbang gi gter kha'o:__