JKW-KABUM-24-YA-016

🚧 This website is under continued development. We appreciate your patience!

Previous Section Back to Volume PageNext Section

Wylie title
Location	mkhyen brtse'i bka' 'bum Volume 24, sde tshan 16, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 24: 1-. Khams sde dge rdzong sar dgon: Rdzong sar blo gros phun tshogs, 2020.
Genre	Collected Works - Selected - bka' 'bum

1 Texts in this Section (sde tshan or chos tshan)

477-490	ལྟུང་བཤགས་ཀྱི་ཆོ་ག་ཤིན་ཏུ་བསྡུས་པའི་སྡིག་ལྟུང་གཞོམ་པའི་ཐོ་བ། ltung bshags kyi cho ga shin tu bsdus pa'i sdig ltung gzhom pa'i tho ba Confessions - bshags pa   ·   Ritual and Liturgical Texts - cho ga phyag len	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ལྟུང་བཤགས་ཀྱི་ཆོ་ག་ཤིན་ཏུ་བསྡུས་པའི་སྡིག་ལྟུང་གཞོམ་པའི་ཐོ་བ།

༄༅། །ལྟུང་བཤགས་ཀྱི་ཆོ་ག་ཤིན་ཏུ་བསྡུས་པའི་སྡིག་ལྟུང་གཞོམ་པའི་ཐོ་བ་བཞུགས་སོ། ། རྒྱལ་བ་སྲས་དང་སློབ་མར་བཅས་པ་ལ་ཕྱག་འཚལ་ལོ། །སྒྲུབ་པོ་གང་ཞིག་སྡིག་ལྟུང་གི་ཚོགས་བཤགས་པར་བྱ་བ་ལ་མདོ་སྡེ་རྣམས་ནས་བཤད་པའི་བདེ་གཤེགས་སུམ་ཅུ་རྩ་ལྔའི་སྒྲུབ་ཐབས་བྲི་བར་བྱ་སྟེ། གནས་གཙང་མར་སངས་རྒྱས་སོ་ལྔའི་བྲིས་འབུར་གྱི་སྐུ་རིགས་གཙོར་གྱུར་རྟེན་གསུམ་ཇི་ལྟར་རིག་པའི་མདུན། ཆུ་གཉིས་སྔོན་འགྲོའི་ཉེར་སྤྱོད་དང༌། ཁྱད་པར་སྤོས། མར་མེ། ཞལ་ཟས་གང་འབྱོར་བཤམས། སྟན་བདེ་བ་ལ་འདུག་སྟེ། དཀོན་མཆོག་བདེན་དང་སྲས་བཅས་རྒྱལ་བའི་བྱིན། །ཚོགས་གཉིས་མངའ་ཐོང་ཆོས་དབྱིངས་དག་སྟོབས་ཀྱིས། །སྣོད་བཅུད་བདེ་ཆེན་ཞིང་གི་བཀོད་པ་དང༌། །མཆོད་སྤྲིན་རྒྱ་མཚོས་གང་ཞིང་སྤྱོད་གྱུར་ཅིག །ན་མོ་རཏྣ་ཏྲ་ཡཱ་ཡ། ཨོཾ་ན་མོ་བྷ་ག་ཝ་ཏེ་བཛྲ་སཱ་ར་པྲ་མརྡྷ་ནེ། ཏ་ཐཱ་གཱ་ཏ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བིདྱ་བཛྲེ། མ་ཧཱ་བོ་དྷཱི་ཙིཏྟ་བཛྲེ། མ་ཧཱ་བོ་དྷཱི་མནྚོ་པ་སཾ་ཀྲ་མ་ཎ་བཛྲེ་སརྦ་ཀརྨ་ཨཱ་བ་ར་ཎ་བི་ཤོ་དྷཱ་ན་བཛྲེ་སྭཱ་ཧཱ། ཞེས་གནས་ཡོ་བྱིན་གྱིས་རླབས། མདུན་མཁར་སྐྱབས་ཡུལ་མངོན་སུམ་བཞུགས་པའི་མདུན། །བདག་དང་འགྲོ་ཀུན་གུས་པས་འཁོད་པར་གྱུར། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །སྐྱབས་སེམས་དང༌། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང༌། །བདེ་བར་གཤེགས་པ་ཐམས་ཅད་བདག་གིས་བསྟོད། །མེ་ཏོག་དམ་པ་ཕྲེང་བ་དམ་པ་དང༌། །སིལ་སྙན་རྣམས་དང་བྱུགས་པ་གདུགས་མཆོག་དང༌། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང༌། །ཕྱེ་མ་ཕུར་མ་རི་རབ་མཉམ་པ་དང༌། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང༌། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང༌། །འགྲོ་བ་ཀུན་གྱི་བསོད་ནམས་གང་ལ་ཡང༌། །དེ་དག་ཀུན་གྱི་རྗེས་སུ་བདག་ཡི་རང༌། །གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང༌། །བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱག་འཚལ་བ་དང་མཆོད་ཅིང་བཤགས་པ་དང༌། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོའོ།། །། ཡན་ལག་བདུན་པ་བྱ། སྐྱབས་ཡུལ་འོད་ཞུ་རང་ལ་གཉིས་མེད་ཐིམ། །སྒྲིབ་དག་དྲི་མ་མེད་པའི་ལུས་སུ་གྱུར། བྷཱུྃ་ལས་མདུན་གྱི་ནམ་མཁར་གཞལ་མེད་ཁང༌། །རིན་ཆེན་སྣ་ཚོགས་ལས་གྲུབ་གསལ་དངས་པ། །གྲུ་བཞི་སྒོ་བཞི་རྟ་བབ་བཅས་པའི་དབུས། །པད་འདབ་སུམ་ཅུ་རྩ་བཞིའི་ལྟེ་བ་རུ། །ཉི་ཟླའི་གདན་བཅས་དབུས་སུ་བཅོམ་ལྡན་འདས། །ཤཱཀྱའི་རྒྱལ་པོ་གསེར་མདོག་ཆོས་འཆད་ཅན། །དབུ་གཙུག་རྣམ་ཀུན་གཟིགས་པའི་རིན་ཆེན་གདུགས། །གཡས་ན་ཕྱག་རྡོར་མཐིང་མདོག་གཡོན་ཕྱོགས་ན། །འཇམ་དབྱངས་དམར་སེར་གཉིས་ཀ་རྔ་ཡབ་གཡོབ། །འདབ་མ་སུམ་ཅུ་རྩ་བཞིའི་གཡས་ཕྱོགས་ནས། །མདུན་ནས་རིམ་བཞིན་བདེ་གཤེགས་སུམ་བཅུ་ལྔ། །དཀར་སྔོ་སེར་དམར་ལྗང་གུ་སྤེལ་མ་རུ། །ཆོས་འཆད་བདུད་འདུལ་མཆོག་སྦྱིན་མཉམ་གཞག་དང༌། །སྐྱབས་སྦྱིན་དང་བཅས་གཙོ་ལ་ཞལ་གཟིགས་པ། །ཀུན་ཀྱང་མཚན་རྫོགས་རྡོལ་སྐྱིལ་ངུར་སྨིག་འཆང༌། །ཕྱི་ནས་རིམ་བཞིན་བྱང་སེམས་ཉན་རང་དང༌། །མཆོད་ལྷ་དང་བཅས་མ་ཡེངས་ཡིད་ཡུལ་གསལ། །གནས་གསུམ་ཟླ་བ་འབྲུ་གསུམ་ལས་འོད་འཕྲོས། །རྒྱལ་བ་ཉི་ཟེར་རྡུལ་ལྟར་སྤྱན་དྲངས་ཐིམ། །སྤོས་དང༌། མ་ལུས་སེམས་ཅན་ཀུན་གྱི་མགོན་གྱུར་ཅིང༌། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །ཞེས་པའམ་ཚང་མར་བརྗོད། བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་རྩེ་ཕྱིར་ཐུགས་རྗེས་རྣམས་སྦྱངས་ཤིང༌། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། །ཁྱེད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང༌། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡང་དག་འཁོར་དང་བཅས་རྣམས་གཤེགས་སུ་གསོལ། །ཆོས་རྣམས་ཀུན་གྱི་དབང་ཕྱུག་གཙོ། །བཙོ་མ་གསེར་གྱི་མདོག་འདྲ་ཞིང༌། །ཉི་མ་ལས་ལྷག་གཟི་བརྗིད་ཆེ། །དད་པས་སྤྱན་ནི་དྲང་བར་བགྱི། །ཞི་ཞིང་ཐུགས་རྗེ་ཆེ་ལྡན་པ། །དུལ་ཞིང་བསམ་གཏན་ས་ལ་བཞུགས། །ཆོས་དང་ཡེ་ཤེས་ཆགས་བྲལ་བ། །ཀུན་ཏུ་མི་ཟད་ནུས་པར་ལྡན། །ཚུར་སྤྱོན་ཚུར་སྤྱོན་ཞི་བདག་ལྷ། །ཐུབ་པའི་སྐྱེས་མཆོག་ཐམས་ཅད་མཁྱེན། །ཤིན་ཏུ་ལེགས་བྱས་གཟུགས་བརྙན་ནི། །མཆོད་པས་གནས་འདིར་གཤེགས་སུ་གསོལ། །འདིར་ནི་གཟུགས་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་ཀྱང༌། །ནད་མེད་ཚེ་དང་དབང་ཕྱུག་དང༌། །མཆོག་རྣམས་ལེགས་པར་སྩལ་དུ་གསོལ། །ཞེས་དང༌། ཨོཾ་སརྦ་ཏ་ཐཱ་ག་ཏ་ས་པ་རི་ཝ་ར་ཨེ་ཧྱེ་ཧི། ཞེས་པས་སྤྱན་དྲངས་ནམ་མཁར་བཞུགས་པ་ལ། བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་ལ་མཆོད་ཡོན་བཞེས་ནས་ཀྱང༌། །ཐུགས་ལ་དགོངས་ཤིང་གནང་བར་མཛོད། །བདེ་བར་གཤེགས་སོ་བཅོམ་ལྡན་འདས། །ཚུར་གཤེགས་འདིར་ནི་བཞུགས་སུ་གསོལ། །བདག་གི་མཆོད་ཡོན་བཞེས་ནས་ཀྱང༌། །འདི་ཉིད་དུ་ནི་བཞུགས་སུ་གསོལ། །ཨོཾ་སརྦ་ཏ་ཐཱ་ག་ཏ་ག་ག་ན་ས་མ་ཡེ་ཧཱུྃ་སྭཱ་ཧཱས་མཆོད་ཡོན་དབུལ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། གིས་སྐུ་ཁྲུས་གསོལ། འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིན་ཏེ། །ཅི་འདོད་དངོས་གྲུབ་སྩོལ་བར་མཛད། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བའི་གླུ་དང་ནི། །རོལ་མོ་བཅས་པ་དུ་མས་སྐུ་ཁྲུས་གསོལ། །ཨོཾ་སརྦ་ཏཱ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །ཨོཾ་ཧཱུྃ་ཏྲཱྃ་ཧྲཱིཿཨཿཀཱ་ཡ་བི་ཤོ་དྷ་ནི་སྭཱ་ཧཱ། བདག་དང་འགྲོ་ལ་ཐུགས་རྗེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་ན། །དེ་སྲིད་བཅོམ་ལྡན་བཞུགས་སུ་གསོལ། །ཨོཾ་པདྨ་ཀ་མ་ལཱ་ཡ་སྟྭཾ། ལྷ་ལ་སོགས་པ་དྲི་ཡི་རྫས། །ཕྱོགས་རྣམས་ཀུན་ན་གང་ཡོད་པ། །ཚིམ་བྱེད་ཡིད་འོང་ལྡན་པ་འདི། །ཐུབ་དབང་སྲས་དང་བཅས་ལ་འབུལ། །ཨོཾ་བཛྲ་གནྡྷེ་ཧཱུྃ། ཞིང་འདིའམ་རྒྱ་ཆེན་ཞིང་གཞན་ན། །ལྷ་རྫས་མེ་ཏོག་ཡིད་འོང་བ། །ཆུ་དང་ཐང་སྐྱེས་ཡིད་བྱུང་འདི། །ཐུབ་དབང་སྲས་དང་བཅས་ལ་འབུལ། །ཨོཾ་བཛྲ་པུཥྤེ་ཧཱུྃ། ཕྱོགས་བཅུ་ཀུན་ནས་བདུག་སྤོས་འདི། །ལྷ་རྫས་སྤོས་ཀྱི་ཤིང་ལ་སོགས། །དྲི་ཞིམ་ཡིད་འོང་གང་ཡོད་པ། །ཐུབ་དབང་སྲས་དང་བཅས་ལ་འབུལ། །ཨོཾ་བཛྲ་དྷཱུཔྤེ་ཧཱུྃ། འཇིག་རྟེན་འདིའམ་ཕྱོགས་རྣམས་ན། །ལྷ་དང་མི་ལ་སོགས་པའི་ཟས། །ཡོན་ཏན་ཀུན་ལྡན་གང་ཡིན་དེ། །ཐུབ་དབང་སྲས་དང་བཅས་ལ་འབུལ། །ཨོཾ་བཛྲ་ནཻ་ཝེ་ཏྱེ་ཧཱུྃ། འཇིག་རྟེན་འདིའམ་ཕྱོགས་བཅུ་ཡི། །རིན་ཆེན་མར་མེ་ལ་སོགས་པ། །སྣང་བའི་ཁྱད་པར་གང་ཡོད་པ། །ཐུབ་དབང་ལ་ནི་དབུལ་བར་བགྱི། །ཨོཾ་བཛྲ་ཨཱ་ལོ་ཀེ་ཧཱུྃ། ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀྩིཏྟ་པྲ་ཎ་མེ་ན་བཛྲ་བནྡྷ་ན་ཀ་རོ་མི། ཞེས་པས་ཕྱག་བྱས་པར་མོས་ལ། མདུན་རྟེན་དང་དབྱེར་མེད་དུ་དགྱེས་བཞིན་བཞུགས་པར་བསམ། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་གཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག། དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་བདག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། རྒྱལ་བ་ཀུན་གྱི་ཡོན་ཏན་རབ་བརྗོད་ཅིང་། །བདེ་བར་གཤེགས་པ་ཐམས་ཅད་བདག་གིས་བསྟོད། །ཅེས་པས་ཕྱག་བྱ། མེ་ཏོག་དམ་པ་ཕྲེང་བ་དམ་པ་དང་། །སིལ་སྙན་རྣམས་དང་བྱུག་པ་གདུགས་མཆོག་དང་། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང་། །ཕྱེ་མ་ཕུར་མ་རི་རབ་མཉམ་པ་དང་། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །ཞེསདང༌། ཕྱོགས་དུས་རྒྱལ་བ་སྲས་བཅས་མ་ལུས་པར། །མཆོད་ཡོན་མེ་ཏོག་བདུག་སྤོས་མར་མེ་དང༌། །དྲི་ཆབ་ཞལ་ཟས་རོལ་མོ་ལ་སོགས་པ། །མཆོད་པར་འོས་པའི་བྱེ་བྲག་ཇི་སྙེད་པ། །འཕགས་མཆོག་ཀུན་བཟང་སྨོན་ལམ་ལས་གྲུབ་ལྟར། །ནམ་མཁའ་རབ་འབྱམས་ཁམས་ཀུན་བཀང་སྟེ་འབུལ། །ཨོཾ་སརྦ་ཏ་ཐཱ་གཱ་ཏ་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་བཞིན་དུ། པུཥྤེ། དྷཱུ་པེ། ཨཱ་ལོ་ཀེ །གནྡྷེ། ནཻ་ཝི་ཏྱེ། ཤབྡ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཀྱིས་མཆོད་ལ། ན་མོ་རཏྣ་ཏྲ་ཡཱ་ཡ། ཨོཾ་ན་མོ་བྷ་ག་ཝ་ཏེ་བཛྲ་སཱ་ར་པྲ་མརྡྷ་ནེ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བིདྱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎ་བཛྲེ་སརྦ་ཀརྨ་ཨཱ་བ་ར་ཎ་བི་ཤོ་དྷ་ན་བཛྲེ་སྭཱ་ཧཱ། ལན་གཅིག །མཎྜལ་རྒྱས་བསྡུས་ཅི་རིགས་དབུལ། འདོད་ཆགས་ཞེ་སྡོང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང་། །འགྲོ་བ་ཀུན་གྱི་བསོད་ནམས་གང་ལ་ཡང་། །དེ་དག་ཀུན་གྱི་རྗེས་སུ་བདག་ཡི་རང་། །གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང་། །བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོའོ། །ཞེས་ཡན་ལག་ལྷག་མ་རྣམས་ཚང་བར་བྱ། དེ་ནས་ལྟུང་བཤགས་ཚར་གྲངས་གང་ནུས་ཕྱག་འཚལ་རྣམས་ལ་ཕྱག་འཚལ་བ་དང་སྦྲགས་ནས་སྔར་བྱས་ཀྱི་སྡིག་པ་ལ་དུག་འཐུང་པ་ལྟ་བུའི་འགྱོད་སེམས་ཁ་ཞེ་མེད་པར་བྱས་རྗེས། ལྷ་ཚོགས་གནས་གསུམ་ཨོཾ་ཨཱཿཧཱུྃ་གིས་མཚན། །དེ་ལས་འོད་ཟེར་བདུད་རྩིའི་རྒྱུན་བཅས་བྱུང༌། །རང་གཞན་སེམས་ཅན་རྣམས་ཀྱི་ལུས་སེམས་ཁྱབ། །སྡིག་ལྟུང་བག་ཆགས་བཅས་ཀུན་བྱང་བར་གྱུར། །ཞེས་བརྗོད་ཅིང་བསམས་ལ་ཨོཾ་ཨཱཿཧཱུྃ་ཞེས་བརྒྱ་སྟོང་སོགས་ཅི་ནུས་བཟླ། མཇུག་ཏུ་སླར་ཡང་གཏང་རག་གི་ཚུལ་དུ་ཡན་ལག་བདུན་པ་གོང་ལྟར་བྱ་ཞིང༌། སྤྲོ་ན། བྱང་ཆུབ་སྙིང་པོ་མཆིས་ཀྱིས་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱིས་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང༌། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །དེ་བཞིན་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང༌། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་བསླབ་པར་བགྱི། །ལན་གསུམ་བརྗོད། དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་གྱུར་ཏོ། །ད་ནི་བདག་གིས་ཅི་ནས་ཀྱང༌། །རིགས་དང་མཐུན་པའི་ལས་བརྩམས་ཏེ། །སྐྱོན་མེད་བཙུན་པའི་རིག་འདི་ལ། །སྙོགས་པར་མི་འགྱུར་དེ་ལྟར་བྱ། །བདག་གིས་དེ་རིང་སྐྱོབ་པ་ཐམས་ཅད་ཀྱིས། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་གྱིས། །བྱང་ཆུབ་སེམས་མཆོག་རིན་པོ་ཆེ། །མ་སྐྱེས་པ་རྣམས་སྐྱེ་གྱུར་ཅིག །སྐྱེས་པ་ཉམས་པ་མེད་པ་དང༌། །གོང་ནས་གོང་དུ་འཕེལ་བར་ཤོག །བྱང་ཆུབ་སེམས་དང་མི་འབྲལ་ཞིང༌། །བྱང་ཆུབ་སྤྱོད་ལ་གཞོལ་བ་དང༌། །སངས་རྒྱས་རྣམས་ཀྱིས་ཡོངས་བཟུང་ཞིང༌། །བདུད་ཀྱི་ལས་རྣམས་སྤང་བར་ཤོག །བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །མགོན་པོ་ཡི་ནི་གང་དགོངས་པ། །སེམས་ཅན་རྣམས་ལ་བདེ་འབྱོར་ཤོག །དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང༌། །བསོད་ནམས་ཡེ་ཤེས་ལས་བྱུང་བའི། །དམ་པ་གཉིས་པོ་ཐོབ་པར་ཤོག །བྱང་སྡོམ་བླང་ཞིང་སྨོན་ལམ་བྱ། བཟང་པོ་སྤྱོད་པ་སོགས་སྨོན་ལམ་རྒྱས་པར་གདབས། གང་ལྟར་ཡང་མཐར། ཐལ་མོ་སྦྱར་ཏེ། བདེ་གཤེགས་སུམ་ཅུ་རྩ་ལྔ་ལ་སོགས་པའི། །རྒྱལ་བ་སྲས་བཅས་བདག་ལ་དགོངས་སུ་གསོལ། །བདག་གིས་རྩེ་གཅིག་གུས་པས་ཕྱག་འཚལ་ཞིང༌། །སྡིག་ལྟུང་ཀུན་བཤགས་བསོད་ནམས་ཡོངས་བསྔོས་མཐུས། །ཕ་མས་ཐོག་དྲངས་བདག་གཞན་འགྲོ་ཀུན་གྱི། །སྡིག་སྒྲིབ་བག་ཆགས་བཅས་པ་བྱང་བ་དང༌། །བསོད་ནམས་སངས་རྒྱས་ཡུལ་དུ་གཤེགས་ནས་ཀྱང༌། །སླར་ཡང་འབྱོན་པར་མཛད་དུ་གསོལ། །བཛྲ་མུཿ གཤེགས་གསོལ་བྱ། ཆེ་བའི་ཆེ་མཆོག་སྟོན་མཆོག་བླ་ན་མེད། །ཆོས་རྗེ་ཉི་མ་རྒྱལ་བའི་བྱིན་བརླབ་ཀྱིས། །བདུད་དང་བགེགས་རིགས་གནོད་པའི་དགྲ་ཞི་སྟེ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །ཆོས་ཉིད་བདེན་པའི་ཆོས་མཆོག་བླ་ན་མེད། །དམ་ཆོས་བདུད་རྩི་བདེན་པའི་བྱིན་རླབས་ཀྱིས། །ཉོན་མོངས་སྡུག་བསྔལ་གདུང་བའི་དགྲ་ཞི་སྟེ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །དགེ་འདུན་ཡོན་ཏན་རིན་ཆེན་དཔལ་འབར་བ། །རྒྱལ་སྲས་ཕན་མཛད་བདེན་པའི་བྱིན་རླབས་ཀྱིས། །ཉེས་པའི་སྐྱོན་བྲལ་དགེ་ཚོགས་རྣམ་པར་འཕེལ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །ཚངས་དང་ལྷ་དབང་སྲུང་མའི་བྱིན་བརླབས་ཀྱིས། །ཕན་མཛད་ལྷ་ཡི་བཀྲ་ཤིས་གནས་གྱུར་ནས། །དགེ་ལེགས་བསམ་པ་ཡིད་བཞིན་འགྲུབ་པ་དང༌། །ཚེ་རིང་ནད་མེད་བདེ་སྐྱིད་ལྡན་པར་ཤོག །ཕྱི་སྣོད་འཇིག་རྟེན་དཔལ་གྱི་འབྱོར་བས་གང༌། །ནད་བཅུད་འགྲོ་ཀུན་བདེ་སྐྱིད་དགེ་བཅུས་འཚོ། །ཀུན་ཀྱང་ཐེག་པ་མཆོག་གི་ལམ་ཞུགས་ཏེ། །མྱུར་དུ་བྱང་ཆུབ་ཐོབ་པའི་བཀྲ་ཤིས་ཤོག །ཅེས་སོགས་བཀྲ་ཤིས་སྨོན་ལམ་བརྗོད་ཅིང་མེ་ཏོག་གི་ཆར་སིལ་མར་བསྙིལ་བར་བྱའོ། །ཞེས་སྤྲོས་པ་ཚར་མ་ལྕོགས་པ་རྣམས་ཀྱི་དོན་དུ་རིགས་སྔགས་འཆང་བ་རྡོ་རྗེ་འཛིན་པ་མཆོག་གྲུབ་རྒྱལ་པོས་བྲིས་པ་ལ་མཉྫུ་གྷོ་ཥས་ཅུང་ཟད་སྒྲོས་པ་དགེ། །།སྤར་འདི་བདེ་ཆེན་རི་སུལ་བཞུགས། སརྦ་མངྒ་ལཾ།།

[edit]

ltung bshags kyi cho ga shin tu bsdus pa'i sdig ltung gzhom pa'i tho ba/ @#/__/ltung bshags kyi cho ga shin tu bsdus pa'i sdig ltung gzhom pa'i tho ba bzhugs so/__/ rgyal ba sras dang slob mar bcas pa la phyag 'tshal lo/__/sgrub po gang zhig sdig ltung gi tshogs bshags par bya ba la mdo sde rnams nas bshad pa'i bde gshegs sum cu rtsa lnga'i sgrub thabs bri bar bya ste/__gnas gtsang mar sangs rgyas so lnga'i bris 'bur gyi sku rigs gtsor gyur rten gsum ji ltar rig pa'i mdun/__chu gnyis sngon 'gro'i nyer spyod dang*/__khyad par spos/__mar me/__zhal zas gang 'byor bshams/__stan bde ba la 'dug ste/__dkon mchog bden dang sras bcas rgyal ba'i byin/__/tshogs gnyis mnga' thong chos dbyings dag stobs kyis/__/snod bcud bde chen zhing gi bkod pa dang*/__/mchod sprin rgya mtshos gang zhing spyod gyur cig__/na mo rat+na tra yA ya/__oM na mo b+ha ga wa te badz+ra sA ra pra mar+d+ha ne/__ta thA gA ta ya/__ar+ha te samyak+saM bud+d+hA ya/__tad+ya thA/__oM badz+re badz+re ma hA badz+re/__ma hA te dzo badz+re/__ma hA bid+ya badz+re/__ma hA bo d+hI tsit+ta badz+re/__ma hA bo d+hI man+To pa saM kra ma Na badz+re sarba karma A ba ra Na bi sho d+hA na badz+re swA hA/__zhes gnas yo byin gyis rlabs/__mdun mkhar skyabs yul mngon sum bzhugs pa'i mdun/__/bdag dang 'gro kun gus pas 'khod par gyur/__/sangs rgyas chos dang tshogs kyi mchog rnams la/__/byang chub bar du bdag ni skyabs su mchi/__/bdag gis sbyin sogs bgyis pa'i bsod nams kyis/__/'gro la phan phyir sangs rgyas 'grub par shog__/skyabs sems dang*/__ji snyed su dag phyogs bcu'i 'jig rten na/__/dus gsum gshegs pa mi yi seng ge kun/__/bdag gis ma lus de dag thams cad la/__/lus dang ngag yid dang bas phyag bgyi'o/__/bzang po spyod pa'i smon lam stobs dag gis/__/rgyal ba thams cad yid kyi mngon sum du/__/zhing gi rdul snyed lus rab btud pa yis/__/rgyal ba kun la rab tu phyag 'tshal lo/__/rdul gcig steng na rdul snyed sangs rgyas rnams/__/sangs rgyas sras kyi dbus na bzhugs pa dag__/de ltar chos kyi dbyings rnams ma lus pa/__/thams cad rgyal ba dag gis gang bar mos/__/de dag bsngags pa mi zad rgya mtsho rnams/__/dbyangs kyi yan lag rgya mtsho'i sgra kun gyis/__/rgyal ba kun gyi yon tan rab brjod cing*/__/bde bar gshegs pa thams cad bdag gis bstod/__/me tog dam pa phreng ba dam pa dang*/__/sil snyan rnams dang byugs pa gdugs mchog dang*/__/mar me mchog dang bdug spos dam pa yis/__/rgyal ba de dag la ni mchod par bgyi/__/na bza' dam pa rnams dang dri mchog dang*/__/phye ma phur ma ri rab mnyam pa dang*/__/bkod pa khyad par 'phags pa'i mchog kun gyis/__/rgyal ba de dag la ni mchod par bgyi/__/mchod pa gang rnams bla med rgya che ba/__/de dag rgyal ba thams cad la yang mos/__/bzang po spyod la dad pa'i stobs dag gis/__/rgyal ba kun la phyag 'tshal mchod par bgyi/__/'dod chags zhe sdang gti mug dbang gis ni/__/lus dang ngag dang de bzhin yid kyis kyang*/__/sdig pa bdag gis bgyis pa ci mchis pa/__/de dag thams cad bdag gis so sor bshags/__/phyogs bcu'i rgyal ba kun dang sangs rgyas sras/__/rang rgyal rnams dang slob dang mi slob dang*/__/'gro ba kun gyi bsod nams gang la yang*/__/de dag kun gyi rjes su bdag yi rang*/__/gang rnams phyogs bcu'i 'jig rten sgron ma rnams/__/byang chub rim par sangs rgyas ma chags brnyes/__/mgon po de dag bdag gis thams cad la/__/'khor lo bla na med pa bskor bar bskul/__/mya ngan 'da' ston gang bzhed de dag la/__/'gro ba kun la phan zhing bde ba'i phyir/__/bskal pa zhing gi rdul snyed bzhugs par yang*/__/bdag gis thal mo rab sbyar gsol bar bgyi/__/phyag 'tshal ba dang mchod cing bshags pa dang*/__/rjes su yi rang bskul zhing gsol ba yi/__/dge ba cung zad bdag gis ci bsags pa/__/thams cad bdag gis byang chub phyir bsngo'o//___//_ yan lag bdun pa bya/__skyabs yul 'od zhu rang la gnyis med thim/__/sgrib dag dri ma med pa'i lus su gyur/__b+hU~M las mdun gyi nam mkhar gzhal med khang*/__/rin chen sna tshogs las grub gsal dngas pa/__/gru bzhi sgo bzhi rta bab bcas pa'i dbus/__/pad 'dab sum cu rtsa bzhi'i lte ba ru/__/nyi zla'i gdan bcas dbus su bcom ldan 'das/__/shAkya'i rgyal po gser mdog chos 'chad can/__/dbu gtsug rnam kun gzigs pa'i rin chen gdugs/__/g.yas na phyag rdor mthing mdog g.yon phyogs na/__/'jam dbyangs dmar ser gnyis ka rnga yab g.yob/__/'dab ma sum cu rtsa bzhi'i g.yas phyogs nas/__/mdun nas rim bzhin bde gshegs sum bcu lnga/__/dkar sngo ser dmar ljang gu spel ma ru/__/chos 'chad bdud 'dul mchog sbyin mnyam gzhag dang*/__/skyabs sbyin dang bcas gtso la zhal gzigs pa/__/kun kyang mtshan rdzogs rdol skyil ngur smig 'chang*/__/phyi nas rim bzhin byang sems nyan rang dang*/__/mchod lha dang bcas ma yengs yid yul gsal/__/gnas gsum zla ba 'bru gsum las 'od 'phros/__/rgyal ba nyi zer rdul ltar spyan drangs thim/__/spos dang*/__ma lus sems can kun gyi mgon gyur cing*/__/bdud sde dpung bcas mi bzad 'joms mdzad lha/__/dngos rnams ma lus ji bzhin mkhyen gyur pa'i/__/bcom ldan 'khor bcas gnas 'dir gshegs su gsol/__/zhes pa'am tshang mar brjod/__bcom ldan bskal pa grangs med du ma ru/__/'gro la rtse phyir thugs rjes rnams sbyangs shing*/__/smon lam rgya chen dgongs pa yongs rdzogs pa'i/__/khyed bzhed 'gro don mdzad dus 'di lags na/__/de phyir chos dbyings pho brang lhun grub nas/__/rdzu 'phrul byin rlabs sna tshogs ston mdzad cing*/__/mtha' yas sems can tshogs rnams bsgral ba'i phyir/__/yang dag 'khor dang bcas rnams gshegs su gsol/__/chos rnams kun gyi dbang phyug gtso/__/btso ma gser gyi mdog 'dra zhing*/__/nyi ma las lhag gzi brjid che/__/dad pas spyan ni drang bar bgyi/__/zhi zhing thugs rje che ldan pa/__/dul zhing bsam gtan sa la bzhugs/__/chos dang ye shes chags bral ba/__/kun tu mi zad nus par ldan/__/tshur spyon tshur spyon zhi bdag lha/__/thub pa'i skyes mchog thams cad mkhyen/__/shin tu legs byas gzugs brnyan ni/__/mchod pas gnas 'dir gshegs su gsol/__/'dir ni gzugs dang lhan cig tu/__/'gro ba'i don du bzhugs nas kyang*/__/nad med tshe dang dbang phyug dang*/__/mchog rnams legs par stsal du gsol/__/zhes dang*/__oM sarba ta thA ga ta sa pa ri wa ra e h+ye hi/__zhes pas spyan drangs nam mkhar bzhugs pa la/__bcom ldan 'dir ni byon pa legs/__/bdag cag bsod nams skal bar ldan/__/bdag la mchod yon bzhes nas kyang*/__/thugs la dgongs shing gnang bar mdzod/__/bde bar gshegs so bcom ldan 'das/__/tshur gshegs 'dir ni bzhugs su gsol/__/bdag gi mchod yon bzhes nas kyang*/__/'di nyid du ni bzhugs su gsol/__/oM sarba ta thA ga ta ga ga na sa ma ye hU~M swA hAs mchod yon dbul/__ji ltar bltams pa tsam gyis ni/__/lha rnams kyis ni khrus gsol ltar/__/lha yi chu ni dag pa yis/__/de bzhin bdag gis sku khrus gsol/__/oM sarba ta thA ga ta a b+hi She ka ta sa ma ya shri ye hU~M/__gis sku khrus gsol/__'di ni khrus mchog dpal dang ldan/__/thugs rje'i chu ni bla na med/__/byin rlabs ye shes chu yin te/__/ci 'dod dngos grub stsol bar mdzad/__/oM sarba ta thA ga ta a b+hi She ka ta sa ma ya shri ye hU~M/__de bzhin gshegs pa rnams dang de sras la/__/rin chen bum pa mang po spos kyi chu/__/yid 'ong legs par bkang ba'i glu dang ni/__/rol mo bcas pa du mas sku khrus gsol/__/oM sarba tA thA ga ta a b+hi She ka ta sa ma ya shri ye hU~M/__de dag sku la mtshungs pa med pa'i gos/__/gtsang la dri rab bsgos pas sku phyi'o/__/oM hU~M trA~M hrIHaHkA ya bi sho d+ha ni swA hA/__bdag dang 'gro la thugs rje'i phyir/__/nyid kyi rdzu 'phrul mthu yis ni/__/ji srid mchod pa bdag bgyid na/__/de srid bcom ldan bzhugs su gsol/__/oM pad+ma ka ma lA ya s+t+waM/__lha la sogs pa dri yi rdzas/__/phyogs rnams kun na gang yod pa/__/tshim byed yid 'ong ldan pa 'di/__/thub dbang sras dang bcas la 'bul/__/oM badz+ra gan+d+he hU~M/__zhing 'di'am rgya chen zhing gzhan na/__/lha rdzas me tog yid 'ong ba/__/chu dang thang skyes yid byung 'di/__/thub dbang sras dang bcas la 'bul/__/oM badz+ra puSh+pe hU~M/__phyogs bcu kun nas bdug spos 'di/__/lha rdzas spos kyi shing la sogs/__/dri zhim yid 'ong gang yod pa/__/thub dbang sras dang bcas la 'bul/__/oM badz+ra d+hUp+pe hU~M/__'jig rten 'di'am phyogs rnams na/__/lha dang mi la sogs pa'i zas/__/yon tan kun ldan gang yin de/__/thub dbang sras dang bcas la 'bul/__/oM badz+ra nai we t+ye hU~M/__'jig rten 'di'am phyogs bcu yi/__/rin chen mar me la sogs pa/__/snang ba'i khyad par gang yod pa/__/thub dbang la ni dbul bar bgyi/__/oM badz+ra A lo ke hU~M/__oM sarba ta thA ga ta kA ya wA k+tsit+ta pra Na me na badz+ra ban+d+ha na ka ro mi/__zhes pas phyag byas par mos la/__mdun rten dang dbyer med du dgyes bzhin bzhugs par bsam/__ji snyed su dag phyogs bcu'i 'jig rten na/___/dus gsum gshegs pa mi yi seng ge kun/___/bdag gis ma lus de dag thams cad la/___/lus dang ngag yid dang bas phyag bgyi'o/_/bzang po spyod pa'i smon lam stobs dag gis/___/rgyal ba thams cad yid kyi mngon sum du/___/zhing gi rdul snyed lus rab gtud pa yis/___/rgyal ba kun la rab tu phyag 'tshal lo/_/rdul gcig steng na rdul snyed sangs rgyas rnams/___/sangs rgyas sras kyi dbus na bzhugs pa dag/___de ltar chos kyi dbyings rnams ma lus pa/___/thams cad rgyal ba bdag gis gang bar mos/___/de dag bsngags pa mi zad rgya mtsho rnams/_/dbyangs kyi yan lag rgya mtsho'i sgra kun gyis/___rgyal ba kun gyi yon tan rab brjod cing /___/bde bar gshegs pa thams cad bdag gis bstod/___/ces pas phyag bya/__me tog dam pa phreng ba dam pa dang /___/sil snyan rnams dang byug pa gdugs mchog dang /___/mar me mchog dang bdug spos dam pa yis/___/rgyal ba de dag la ni mchod par bgyi/___/na bza' dam pa rnams dang dri mchog dang /___/phye ma phur ma ri rab mnyam pa dang /___/bkod pa khyad par 'phags pa'i mchog kun gyis/___/rgyal ba de dag la ni mchod par bgyi/___/mchod pa gang rnams bla med rgya che ba/___/de dag rgyal ba thams cad la yang mos/___/bzang po spyod la dad pa'i stobs dag gis/___/rgyal ba kun la phyag 'tshal mchod par bgyi/___/zhesadang*/__phyogs dus rgyal ba sras bcas ma lus par/__/mchod yon me tog bdug spos mar me dang*/__/dri chab zhal zas rol mo la sogs pa/__/mchod par 'os pa'i bye brag ji snyed pa/__/'phags mchog kun bzang smon lam las grub ltar/__/nam mkha' rab 'byams khams kun bkang ste 'bul/__/oM sarba ta thA gA ta ar+g+haM pra tIts+tsha pU dza me g+ha sa mu dra s+pha ra Na sa ma ye hU~M/__de bzhin du/__puSh+pe/__d+hU pe/__A lo ke__/gan+d+he/__nai wi t+ye/__shab+da pU dza me g+ha sa mu dra s+pha ra Na sa ma ye hU~M/__kyis mchod la/__na mo rat+na tra yA ya/__oM na mo b+ha ga wa te badz+ra sA ra pra mar+d+ha ne/__ta thA ga tA ya/__ar+ha te samyak+saM bud+d+hA ya/__tad+ya thA/__oM badz+re badz+re ma hA badz+re/__ma hA te dzo badz+re/__ma hA bid+ya badz+re/__ma hA bo d+hi tsit+ta badz+re/__ma hA bo d+hi maN+Do pa saM kra ma Na badz+re sarba karma A ba ra Na bi sho d+ha na badz+re swA hA/__lan gcig__/maN+Dal rgyas bsdus ci rigs dbul/__'dod chags zhe sdong gti mug dbang gis ni/___/lus dang ngag dang de bzhin yid kyis kyang /___/sdig pa bdag gis bgyis pa ci mchis pa/___/de dag thams cad bdag gis so sor bshags/___/phyogs bcu'i rgyal ba kun dang sangs rgyas sras/___/rang rgyal rnams dang slob dang mi slob dang /___/'gro ba kun gyi bsod nams gang la yang /__/de dag kun gyi rjes su bdag yi rang /___/gang rnams phyogs bcu'i 'jig rten sgron ma rnams/___/byang chub rim par sangs rgyas ma chags brnyes/__/mgon po de dag bdag gis thams cad la/___/'khor lo bla na med pa bskor bar bskul/___/mya ngan 'da' ston gang bzhed de dag la/___/'gro ba kun la phan zhing bde ba'i phyir/___/bskal pa zhing gi rdul snyed bzhugs par yang /___/bdag gis thal mo rab sbyar gsol bar bgyi/___/phyag 'tshal ba dang mchod cing bshags pa dang /___/rjes su yi rang bskul zhing gsol ba yi/___/dge ba cung zad bdag gis ci bsags pa/__/thams cad bdag gis byang chub phyir bsngo'o/___/zhes yan lag lhag ma rnams tshang bar bya/__de nas ltung bshags tshar grangs gang nus phyag 'tshal rnams la phyag 'tshal ba dang sbrags nas sngar byas kyi sdig pa la dug 'thung pa lta bu'i 'gyod sems kha zhe med par byas rjes/__lha tshogs gnas gsum oM AHhU~M gis mtshan/__/de las 'od zer bdud rtsi'i rgyun bcas byung*/__/rang gzhan sems can rnams kyi lus sems khyab/__/sdig ltung bag chags bcas kun byang bar gyur/__/zhes brjod cing bsams la oM AHhU~M zhes brgya stong sogs ci nus bzla/__mjug tu slar yang gtang rag gi tshul du yan lag bdun pa gong ltar bya zhing*/__spro na/__byang chub snying po mchis kyis bar/__/sangs rgyas rnams la skyabs su mchi/__/chos dang byang chub sems dpa' yi/__/tshogs la'ang de bzhin skyabs su mchi/__/ji ltar sngon gyis bde gshegs kyis/__/byang chub thugs ni bskyed pa dang*/__/byang chub sems dpa'i bslab pa la/__/de dag rim bzhin gnas pa ltar/__/de bzhin 'gro la phan don du/__/byang chub sems ni bskyed bgyi zhing*/__/de bzhin du ni bslab pa la/__/rim pa bzhin du bslab par bgyi/__/lan gsum brjod/__deng dus bdag tshe 'bras bu yod/__/mi yi srid pa legs par thob/__/de ring sangs rgyas rigs su skyes/__/sangs rgyas sras su bdag gyur to/__/da ni bdag gis ci nas kyang*/__/rigs dang mthun pa'i las brtsams te/__/skyon med btsun pa'i rig 'di la/__/snyogs par mi 'gyur de ltar bya/__/bdag gis de ring skyob pa thams cad kyis/__/spyan sngar 'gro ba bde gshegs nyid dang ni/__/bar du bde la mgron du bos zin gyis/__/lha dang lha min la sogs dga' bar gyis/__/byang chub sems mchog rin po che/__/ma skyes pa rnams skye gyur cig__/skyes pa nyams pa med pa dang*/__/gong nas gong du 'phel bar shog__/byang chub sems dang mi 'bral zhing*/__/byang chub spyod la gzhol ba dang*/__/sangs rgyas rnams kyis yongs bzung zhing*/__/bdud kyi las rnams spang bar shog__/byang chub sems dpa' rnams kyis ni/__/'gro don thugs la dgongs 'grub shog__/mgon po yi ni gang dgongs pa/__/sems can rnams la bde 'byor shog__/dge ba 'di yis skye bo kun/__/bsod nams ye shes tshogs rdzogs shing*/__/bsod nams ye shes las byung ba'i/__/dam pa gnyis po thob par shog__/byang sdom blang zhing smon lam bya/__bzang po spyod pa sogs smon lam rgyas par gdabs/__gang ltar yang mthar/__thal mo sbyar te/__bde gshegs sum cu rtsa lnga la sogs pa'i/__/rgyal ba sras bcas bdag la dgongs su gsol/__/bdag gis rtse gcig gus pas phyag 'tshal zhing*/__/sdig ltung kun bshags bsod nams yongs bsngos mthus/__/pha mas thog drangs bdag gzhan 'gro kun gyi/__/sdig sgrib bag chags bcas pa byang ba dang*/__/bsod nams sangs rgyas yul du gshegs nas kyang*/__/slar yang 'byon par mdzad du gsol/__/badz+ra muH_gshegs gsol bya/__che ba'i che mchog ston mchog bla na med/__/chos rje nyi ma rgyal ba'i byin brlab kyis/__/bdud dang bgegs rigs gnod pa'i dgra zhi ste/__/rtag tu dpal gnas nyin mtshan bkra shis shog__/chos nyid bden pa'i chos mchog bla na med/__/dam chos bdud rtsi bden pa'i byin rlabs kyis/__/nyon mongs sdug bsngal gdung ba'i dgra zhi ste/__/rtag tu dpal gnas nyin mtshan bkra shis shog__/dge 'dun yon tan rin chen dpal 'bar ba/__/rgyal sras phan mdzad bden pa'i byin rlabs kyis/__/nyes pa'i skyon bral dge tshogs rnam par 'phel/__/rtag tu dpal gnas nyin mtshan bkra shis shog__/tshangs dang lha dbang srung ma'i byin brlabs kyis/__/phan mdzad lha yi bkra shis gnas gyur nas/__/dge legs bsam pa yid bzhin 'grub pa dang*/__/tshe ring nad med bde skyid ldan par shog__/phyi snod 'jig rten dpal gyi 'byor bas gang*/__/nad bcud 'gro kun bde skyid dge bcus 'tsho/__/kun kyang theg pa mchog gi lam zhugs te/__/myur du byang chub thob pa'i bkra shis shog__/ces sogs bkra shis smon lam brjod cing me tog gi char sil mar bsnyil bar bya'o/__/zhes spros pa tshar ma lcogs pa rnams kyi don du rigs sngags 'chang ba rdo rje 'dzin pa mchog grub rgyal pos bris pa la many+dzu g+ho Shas cung zad sgros pa dge/_____//spar 'di bde chen ri sul bzhugs/__sarba mang+ga laM//__