JKW-KABUM-22-ZA-012-093

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 22, sde tshan 12, Text 93, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 22: . Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

1 Texts in this Section (sde tshan or chos tshan)

93 600-602	ཤིས་པར་བརྗོད་པའི་རྡོ་རྗེའི་ཐོལ་གླུ་སྤྲིན་དཀར་འཛུམ་པའི་གླུ་དབྱངས། shis par brjod pa'i rdo rje'i thol glu sprin dkar 'dzum pa'i glu dbyangs Invocation of Auspiciousness - bkra shis brjod pa   ·   Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཤིས་པར་བརྗོད་པའི་རྡོ་རྗེའི་ཐོལ་གླུ་སྤྲིན་དཀར་འཛུམ་པའི་གླུ་དབྱངས། ཤིས་པ་བརྗོད་པའི་རྡོ་རྗེའི་ཐོལ་གླུ་སྤྲིན་དཀར་འཛུམ་པའི་གླུ་དབྱངས་ཞེས་བྱ་བ། ཨེ་མ་ཧོ། བཟོ་མེད་ལྷུན་འབྱམས་ཀ་དག་གཉུག་མ་ཡི་གཤིས་ལུགས། །རྒྱ་ཡན་ཅོག་གཞག་འཁོར་འདས་གཟུང་འཛིན་གྱི་མཚན་མ། །ནང་གསལ་གཞོན་ནུ་བུམ་སྐུའི་ངང་གདངས་སུ་ཐིམ་པའི། །བླ་མ་ཆོས་ཀྱི་སྐུ་ཡི་བཀྲ་ཤིས་ལ་ཕེབས་དང་། །ས་ལམ་རང་ངོར་རྫོགས་པར་བྱིན་གྱིས་རང་རློབས་ཤིག །གཞི་སྣང་ལྷུན་གྲུབ་འོད་གསལ་ཐུགས་རྗེ་ཡི་སྒྱུ་འཕྲུལ། །ཁ་སྦྱོར་བདེ་སྟོང་གཉིས་མེད་ཚོམ་བུ་རུ་ཤར་བའི། །ངེས་པ་ལྔ་ལྡན་ཡོངས་གྲུབ་ཆེན་པོ་ཡི་ཀློང་ནས། །བླ་མ་ལོངས་སྤྱོད་རྫོགས་སྐུ་བཀྲ་ཤིས་ལ་ཕེབས་དང་། །གཟུང་འཛིན་འཁྲུལ་པ་ཟད་པར་བྱིན་གྱིས་རང་རློབས་ཤིག །རིགས་ལྔ་གངས་ཆེན་མཚོ་ཡི་སྒྱུ་འཕྲུལ་ལ་ཆགས་པའི། །ཚད་མེད་ཞིང་ཁམས་རབ་འབྱམས་གདུལ་བྱ་ཡི་མོས་ངོར། །རང་རང་བསམ་པའི་རྗེས་འགྲོ་ཆུ་ཟླ་ཡི་རོལ་གར། །བླ་མ་སྤྲུལ་སྐུའི་ཚོམ་བུ་བཀྲ་ཤིས་ལ་ཕེབས་དང་། །གང་འདུལ་སྒྱུ་མར་འཆར་བར་བྱིན་གྱིས་རང་རློབས་ཤིག །ཚོགས་བརྒྱད་དབུ་མར་ཐིམ་པའི་བདེ་སྟོང་གི་གྲོང་ཁྱེར། །སྙིང་དབུས་འཇའ་ཟེར་ཐིག་ལེའི་དཀྱིལ་འཁོར་གྱི་ཀློང་ནས། །ལྷན་སྐྱེས་བདེ་ཆེན་ཌཱ་ཀྐིའི་ཕྱག་རྒྱ་རུ་རོལ་པའི། །འཆི་མེད་མཚོ་སྐྱེས་རྡོ་རྗེ་བཀྲ་ཤིས་ལ་ཕེབས་དང་། །དབང་བཞི་ཡོངས་སུ་རྫོགས་པར་བྱིན་གྱིས་རང་རློབས་ཤིག །རང་ལུས་སྣང་སྟོང་ཟུང་འཇུག་དཀྱིལ་འཁོར་གྱི་དབུས་ནས། །ཕུང་ཁམས་སྐྱེ་མཆེད་དག་པ་རབ་འབྱམས་ཀྱི་ངོ་བོ། །ཞི་དང་ཁྲོ་གར་སྒྱུ་འཕྲུལ་དྲྭ་བ་རུ་སྟོན་པའི། །གདན་གསུམ་ཡི་དམ་ལྷ་ཚོགས་བཀྲ་ཤིས་ལ་ཕེབས་དང་། །གྲུབ་གཉིས་རྣལ་དུ་འབྱོར་པར་བྱིན་གྱིས་རང་རློབས་ཤིག །རྩ་གསུམ་འཁོར་ལོ་ལྔ་ལྡན་བདེ་སྟོང་གི་གྲོང་ཁྱེར། །སྲོག་རྩོལ་དབུ་མར་ཐིམ་པ་འོད་གསལ་གྱི་འཆར་གཞི། །གནས་ཡུལ་དུར་ཁྲོད་རང་བྱུང་ལྷུན་གྲུབ་ཀྱི་ཀློང་ནས། །དཔའ་བོ་ཌཱ་ཀི་རྒྱ་མཚོ་བཀྲ་ཤིས་ལ་ཕེབས་དང་། །དགའ་བཞིའི་ལང་ཚོ་རྒྱས་པར་བྱིན་གྱིས་རང་རློབས་ཤིག །སྤྱི་གཙུག་ཛ་ལནྡྷ་རའི་ཟུར་ཕུད་ཀྱི་རྩེ་ནས། །དད་དང་མོས་པའི་པད་དཀར་འདབ་བརྒྱ་ཡི་ཟེའུ་འབྲུར། །རྟག་ཏུ་གཡེལ་མེད་བཞུགས་པའི་ཐུགས་རྗེ་ཡི་མངའ་བདག །ཁྱབ་བདག་འཁོར་ལོའི་མགོན་པོ་བཀྲ་ཤིས་ལ་ཕེབས་དང་། །ཚེ་འདིར་གྲུབ་མཐའ་རྙོག་པར་བྱིན་གྱིས་རང་རློབས་ཤིག །ཚོགས་བརྒྱད་དབུ་མར་བསྒྲལ་བའི་དུར་ཁྲོད་ཀྱི་དཀྱིལ་འཁོར། །ཀུན་བརྟགས་མཚན་འཛིན་ལས་འདས་ཁྲག་མཚོ་ཡི་ཀློང་ནས། །ཉམས་པའི་དགྲ་བགེགས་བསྒྲལ་བའི་བརྟུལ་ཞུགས་ལ་རོལ་པའི། །དམ་ཅན་ཆོས་སྐྱོང་རྒྱ་མཚོ་བཀྲ་ཤིས་ལ་ཕེབས་དང་། །རྣམ་བཞིའི་ཕྲིན་ལས་འགྲུབ་པར་བྱིན་གྱིས་རང་རློབས་ཤིག །མཁའ་ལ་མནྡཱ་ར་བའི་ཆར་སྤྲིན་གྱིས་ཁེངས་ཤིང་། །ས་ལ་འགྲོ་ཀུན་རབ་སྙན་གླུ་དབྱངས་ལ་རོལ་ནས། །སྣོད་བཅུད་རྫོགས་ལྡན་གསར་བའི་དགའ་སྟོན་ལ་སྤྱོད་པའི། །ངོ་མཚར་ཕུན་སུམ་ཚོགས་པའི་བཀྲ་ཤིས་དེ་སྩོལ་ཤོག །དེ་སྐད་ཀུན་ཏུ་ཤིས་པའི་རྡོ་རྗེ་ཡི་ཐོལ་གླུ། །བདེན་སྨོན་སྤྲིན་གཞོན་དཀར་པོའི་ཟློས་གར་འདི་བསྒྱུར་བས། །འགྲོ་རྣམས་གནས་སྐབས་མཐར་ཐུག་ཕན་བདེ་ཡི་ཆུ་སྐྱེས། །ནུབ་མེད་ཡོངས་སུ་རྒྱས་པའི་བཀྲ་ཤིས་མཆོག་ཞུའོ། མངྒ་ལཾ་ས་མནྟ་པུཥྟིཾ་ཀུ་རཱནྟུ། འདི་མན་ཆད་རང་ལོ་བཅུ་དྲུག་པ་ཁོ་ནར་གང་ཤར་རྡོ་རྗེའི་གླུ་རུ་བླངས་པའོ།། །། ༈

[edit]

shis par brjod pa'i rdo rje'i thol glu sprin dkar 'dzum pa'i glu dbyangs/__ shis pa brjod pa'i rdo rje'i thol glu sprin dkar 'dzum pa'i glu dbyangs zhes bya ba/__e ma ho/__bzo med lhun 'byams ka dag gnyug ma yi gshis lugs/__/rgya yan cog gzhag 'khor 'das gzung 'dzin gyi mtshan ma/__/nang gsal gzhon nu bum sku'i ngang gdangs su thim pa'i/__/bla ma chos kyi sku yi bkra shis la phebs dang /__/sa lam rang ngor rdzogs par byin gyis rang rlobs shig__/gzhi snang lhun grub 'od gsal thugs rje yi sgyu 'phrul/__/kha sbyor bde stong gnyis med tshom bu ru shar ba'i/__/nges pa lnga ldan yongs grub chen po yi klong nas/__/bla ma longs spyod rdzogs sku bkra shis la phebs dang /__/gzung 'dzin 'khrul pa zad par byin gyis rang rlobs shig__/rigs lnga gangs chen mtsho yi sgyu 'phrul la chags pa'i/__/tshad med zhing khams rab 'byams gdul bya yi mos ngor/__/rang rang bsam pa'i rjes 'gro chu zla yi rol gar/__/bla ma sprul sku'i tshom bu bkra shis la phebs dang /__/gang 'dul sgyu mar 'char bar byin gyis rang rlobs shig__/tshogs brgyad dbu mar thim pa'i bde stong gi grong khyer/__/snying dbus 'ja' zer thig le'i dkyil 'khor gyi klong nas/__/lhan skyes bde chen DA k+ki'i phyag rgya ru rol pa'i/__/'chi med mtsho skyes rdo rje bkra shis la phebs dang /__/dbang bzhi yongs su rdzogs par byin gyis rang rlobs shig__/rang lus snang stong zung 'jug dkyil 'khor gyi dbus nas/__/phung khams skye mched dag pa rab 'byams kyi ngo bo/__/zhi dang khro gar sgyu 'phrul drwa ba ru ston pa'i/__/gdan gsum yi dam lha tshogs bkra shis la phebs dang /__/grub gnyis rnal du 'byor par byin gyis rang rlobs shig__/rtsa gsum 'khor lo lnga ldan bde stong gi grong khyer/__/srog rtsol dbu mar thim pa 'od gsal gyi 'char gzhi/__/gnas yul dur khrod rang byung lhun grub kyi klong nas/__/dpa' bo DA ki rgya mtsho bkra shis la phebs dang /__/dga' bzhi'i lang tsho rgyas par byin gyis rang rlobs shig__/spyi gtsug dza lan+d+ha ra'i zur phud kyi rtse nas/__/dad dang mos pa'i pad dkar 'dab brgya yi ze'u 'brur/__/rtag tu g.yel med bzhugs pa'i thugs rje yi mnga' bdag__/khyab bdag 'khor lo'i mgon po bkra shis la phebs dang /__/tshe 'dir grub mtha' rnyog par byin gyis rang rlobs shig__/tshogs brgyad dbu mar bsgral ba'i dur khrod kyi dkyil 'khor/__/kun brtags mtshan 'dzin las 'das khrag mtsho yi klong nas/__/nyams pa'i dgra bgegs bsgral ba'i brtul zhugs la rol pa'i/__/dam can chos skyong rgya mtsho bkra shis la phebs dang /__/rnam bzhi'i phrin las 'grub par byin gyis rang rlobs shig__/mkha' la man+dA ra ba'i char sprin gyis khengs shing /__/sa la 'gro kun rab snyan glu dbyangs la rol nas/__/snod bcud rdzogs ldan gsar ba'i dga' ston la spyod pa'i/__/ngo mtshar phun sum tshogs pa'i bkra shis de stsol shog__/de skad kun tu shis pa'i rdo rje yi thol glu/__/bden smon sprin gzhon dkar po'i zlos gar 'di bsgyur bas/__/'gro rnams gnas skabs mthar thug phan bde yi chu skyes/__/nub med yongs su rgyas pa'i bkra shis mchog zhu'o/__mang+ga laM sa man+ta puSh+tiM ku rAn+tu/__'di man chad rang lo bcu drug pa kho nar gang shar rdo rje'i glu ru blangs pa'o//__//___!__