དགེ་བསྙེན་ཆེན་པོའི་གཏོར་འབུལཿ

🚧 This website is under continued development. We appreciate your patience!

Previous Text Back to Volume Page Next Text

Wylie title	dge bsnyen chen po'i gtor 'bul
Location	mdo mkhyen brtse bka' 'bum Volume 7, Text 54, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Protector Rituals - gsol mchod · Torma-offering Rituals - gtor chog
Colophon	དགེ་བསྙེན་རྒྱུན་གསོལ་ཉུང་ངུ་འདིཿ དམ་ཅན་འཁོར་བའི་བླ་རྡོ་རུཿ ཁྲག་འཐུང་ལས་ཀྱི་དཔའ་བོ་ཡིསཿ ཌཱཀྐཱི་གསང་བའི་བརྡ་རིས་ལསཿ ཕབ་ཅིང་འོད་ཟེར་མཐའ་ཡས་བྲིསཿ གུ་ཧྱཿ ཁ་ཐཾཿ རྒྱ་རྒྱ་རྒྱཿ
Colophon	dge bsnyen rgyun gsol nyung ngu 'di:_dam can 'khor ba'i bla rdo ru:_khrag 'thung las kyi dpa' bo yisa:_DAk+kI gsang ba'i brda ris las:_phab cing 'od zer mtha' yas bris:_gu h+ya:_kha thaM:_rgya rgya rgya:_

[edit]

༁ྃཿ དགེ་བསྙེན་ཆེན་པོའི་གཏོར་འབུལ་ནིཿ ཧེ་རུ་ཀ་ལ་གུས་པས་འདུདཿ དགེ་བསྙེན་ཆེན་པོའི་གཏོར་འབུལ་ནིཿ རཾ་ཡཾ་ཁཾཿ ཨོཾ་ཨཱཿཧཱུཾ་ཧ་ཧོ་ཧྲིཿས། བྱིན་གྱིས་བརླབས་ལ་འདི་སྐད་དོཿ ཀྱེཿ གཏེར་གྱི་སྲུང་མ་དམ་ཚིག་ཅནཿ ཞི་བ་དགེ་བསྙེན་གཞོན་ནུའི་ཚུལཿ ཞོན་པ་རྣམ་འགྱུར་ཅིར་ཡང་སྟོནཿ བཙུན་མོ་གཉིས་དང་རིགས་སྲས་ཟུང་ཿ ལས་མཁན་ཀླུ་བདུད་བཀའ་བློན་བརྒྱདཿ བཀའ་འཁོར་བྱེ་བ་འབུམ་སྡེའི་ཚོགསཿ དམ་ལ་འདུས་ཤིང་ད་ཚུར་བྱོནཿ ས་མ་ཡ་ཛཿ དགྱེས་པར་བཞུགས་ལ་དམ་ཚིག་དགོངསཿ ལྷ་ཡི་ཞལ་ཟས་རོ་བཅུད་ལྡནཿ དཀར་གསུམ་མངར་གསུམ་ཟས་སྣ་དང་ཿ རྒྱ་ཇ་འོ་ཞོ་མྱོས་པའི་ཆང་ཿ ཤ་ཁྲག་རུས་པ་ནང་རོལ་བཅསཿ དངོས་འབྱོར་ཡིད་སྤྲུལ་མཆོད་པའི་ཚོགསཿ གསོལ་ལོ་རོལ་ཅིག་དགྱེས་པར་མཛོདཿ དམ་གཙང་འཁོར་བཅས་ཐུགས་དམ་བསྐང་ཿ རྫུ་འཕྲུལ་གློག་ལྟར་མྱུར་བ་ཡིཿ ཀླུ་ཡི་དགེ་བསྙེན་ཆེན་པོར་བསྟོདཿ མ་བཅོལ་པར་ཡང་ཕྲིན་ལས་སྒྲུབསཿ མ་བསྐུལ་པར་ཡང་དགྲ་གསོད་པའིཿ སྲིད་གསུམ་རྗེ་བོར་མངའ་གསོལ་ལོཿ ཡང་གསང་ཐིག་ལེ་སྐོར་གསུམ་གྱིཿ བསྟན་པ་སྲུངས་ལ་དེར་འཛིན་སྐྱོངསཿ བདག་ཅག་དམ་གཙང་སྒྲུབ་པ་པོརཿ མི་འབྲལ་ལུས་དང་གྲིབ་བཞིན་འགྲོགསཿ འདོད་པའི་དོན་དང་བཅོལ་པའི་ལསཿ ཐོགས་པ་མེད་པར་མྱུར་འགྲུབ་མཛོདཿ དགེ་བསྙེན་རྒྱུན་གསོལ་ཉུང་ངུ་འདིཿ དམ་ཅན་འཁོར་བའི་བླ་རྡོ་རུཿ ཁྲག་འཐུང་ལས་ཀྱི་དཔའ་བོ་ཡིསཿ ཌཱཀྐཱི་གསང་བའི་བརྡ་རིས་ལསཿ ཕབ་ཅིང་འོད་ཟེར་མཐའ་ཡས་བྲིསཿ གུ་ཧྱཿ ཁ་ཐཾཿ རྒྱ་རྒྱ་རྒྱཿ