དགེ་བསྙེན་དྲག་པོའི་གཏོར་འབུལཿ

🚧 This website is under continued development. We appreciate your patience!

Previous Text Back to Volume Page Next Text

Wylie title	dge bsnyen drag po'i gtor 'bul
Location	mdo mkhyen brtse bka' 'bum Volume 7, Text 53, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Protector Rituals - gsol mchod · Torma-offering Rituals - gtor chog

[edit]

༁ྃཿ དགེ་བསྙེན་དྲག་པོའི་གཏོར་འབུལ་ནིཿ བྷྱོཿ ཁྲག་ཞག་རྒྱ་མཚོ་འཁྲུགས་ཀློང་ནསཿ གཏེར་གྱི་སྲུང་མ་དམ་ཚིག་ཅནཿ བསྙོ་ཁ་ནག་པོ་ཏི་པ་ཙཿ མི་ལུས་སྡིག་པའི་མགོ་བོ་ཅནཿ མུན་མདོག་སྤྲུལ་གྱི་མཇུག་མས་བརྒྱནཿ རལ་གྲི་དང་ནི་གཏེར་བུམ་འཛིནཿ རྟ་ནག་རླུང་གི་གཤོག་ལྡན་བཅི་བཿ བཙུན་མོ་སྲས་དང་སྤྲུལ་འཁོར་བཅསཿ གློག་ལྟར་མྱུར་བར་འདིར་གཤེགས་ལཿ བཞུགས་གསོལ་དམ་ཚིག་དྲན་པར་གྱིསཿ རི་ལྟར་བརྗིད་མཐོ་གཏོར་མ་དང་ཿ གསེར་སྐྱེམས་གཡུ་སྐྱེམས་འོ་ཕུད་ཁྲགཿ ཤ་ཁྲག་ཟས་སྣ་ལ་སོགས་པསཿ མཆོད་དོ་དགྱེས་པར་བཞེས་སུ་གསོལཿ འཁོར་བཅས་ཐུགས་དམ་གཉན་པོ་བསྐངཿ ཀོ་ལོང་རུ་ང་ཕྲ་དོག་དང་ཿ ཐུགས་འཁྲུགས་ལས་བགྱིས་བཟོད་པར་གསོལཿ དགྱེས་པའི་ཞལ་སྟོན་བརྩེ་བས་དགོངསཿ འཇིག་རྟེན་འདི་ན་དྲག་རྩལ་ཅནཿ གློག་ལྟར་ཕྲིན་ལས་རབ་མྱུར་བའིཿ དམུ་དང་ཀླུ་བདུད་བཤོས་པའི་སྲསཿ དམ་ཅན་ཁྱོད་ལ་བདག་བསྟོད་དོཿ ཡང་གསང་ཐིག་ལེ་སྐོར་གསུམ་གྱིཿ བསྟན་པ་སྲུང་ལ་དེར་འཛིན་སྐྱོངསཿ བླ་མའི་སྐུ་ཚེ་བརྟན་པ་དང་ཿ བསྟན་དང་བདག་ལ་གནོད་པའི་དགྲཿ ཟས་སྐལ་གཏད་དོ་མ་ཤོར་ཅིགཿ མངོན་སྤྱོད་ཕྲིན་ལས་མྱུར་འགྲུབ་མཛོདཿ