JKW-KABUM-15-BA-006-012

🚧 This website is under continued development. We appreciate your patience!

Previous Text Back to Volume PageLast text in section.

Wylie title
Location	mkhyen brtse'i bka' 'bum Volume 15, sde tshan 6, Text 12, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 15: . Khams sde dge rdzong sar dgon: Rdzong sar blo gros phun tshogs, 2020.
Genre
Cycle	བླ་མའི་ཐུགས་སྒྲུབ་བར་ཆད་ཀུན་ (bla ma'i thugs sgrub bar chad kun sel)

1 Texts in this Section (sde tshan or chos tshan)

12 181-186	ཕྲིན་ལས་སྙིང་པོ་དང་འབྲེལ་བའི་བསྙེན་སྒྲུབ་ལས་རུང་བཏང་ཚུལ། phrin las snying po dang 'brel ba'i bsnyen sgrub las rung btang tshul Recitation Manual - bsnyen yig	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཕྲིན་ལས་སྙིང་པོ་དང་འབྲེལ་བའི་བསྙེན་སྒྲུབ་ལས་རུང་བཏང་ཚུལ། ཐུགས་སྒྲུབ་ལས་བྱང་བསྡུས་པ་ཕྲིན་ལས་སྙིང་པོའི་རྣལ་འབྱོར་ལ་བརྟེན་ནས་བསྙེན་པ་ལས་རུང་ཟླ་གཅིག་ཞག་ལྔ་ཙམ་མཛད་པའི་ཟིན་ཐོ་དགེ། །སྭསྟི། །ཐུགས་སྒྲུབ་བསྙེན་པ་ཟླ་བ་གཅིག་ལྷག་ཙམ་བཏང་ན། རང་གི་མདུན་དུ་སློབ་དཔོན་རིན་པོ་ཆེའི་སྐུ་བྲིས་འབུར་གང་རིགས་དང་། དེའི་མདུན་དུ་གཏོར་མ་རིན་ཆེན་འབར་བ། གཡས་སུ་སྨན། གཡོན་དུ་རཀྟ། མདུན་དུ་ཉེར་སྤྱོད་སྨན་ཕུད་ཀྱི་གཡས་སུ། བཀའ་སྲུང་ཚེ་རིང་མའི་གཏོར་མ། དབུས་སུ་བུམ་པའི་སྟེང་དཀར་གཏོར་འདབ་བཞི། བུམ་པའི་ཕྱོགས་བཞིར་བཤེས་བུ་རེ། བར་མཚམས་རིལ་བུས་བསྐོར་བ་དཀར་བྱུགས་ཅན། རཀྟའི་གཡོན་དུ་གཏེར་སྲུང་ཁྱུང་བཙུན་མའི་གཏོར་མ། དམར་གཏོར་ཟུར་གསུམ་རྒྱན་ལྡན་མཐེབ་ཀྱུས་བསྐོར་བ་བཤམས། དེ་ནས་ཕྱི་ཐུན་གྱི་མགོར་སྔོན་འགྲོའི་ངག་འདོན་བྱང་ཆུབ་མཆོག་གི་ས་བོན་ལྟར་བླ་མའི་རྣལ་འབྱོར་ཡན་གྲུབ་ནས། ལས་བྱང་ཆེ་བའི་སྐྱབས་སེམས་བགེགས་བསྐྲད་པར། བགེགས་གཏོར་ཕྱིར་དོར་བ་དང་མཉམ་དུ་ཐོ་འཛུག །ནང་དུ་ལོག་ལ་སྲུང་འཁོར་བསྒོམ་པ་ནས་བཟུང་སྔོན་འགྲོ་ཆོས་བདུན་ཚང་བར་བྱ། དངོས་གཞི་ལས་བྱང་རྒྱས་བསྡུས་གང་རིགས་བསྟོད་པའི་བར་དང་། དེ་ནས་ཛཔ྄་ཁང་ཕྱེས་ལ་བཟླས་པ་ཅི་རིགས། ལས་བྱང་རྒྱས་པ་ལྟར་ན་བསྟོད་པ་སོགས་ཛཔ྄་ཁང་བསྡུ་བ་གཞུང་ལྟར་དང་། བསྡུས་པ་ལྟར་ན་མཆོད་བསྟོད་མདོར་བསྡུས་དང་། བར་ཆད་ལམ་སེལ་ཚར་གཅིག །ཡིག་བརྒྱ་ལན་གསུམ་མཐར། ཛཿཧཱུྃ་བྃ་ཧོཿས་མདུན་བསྐྱེད་རང་ལ་བསྟིམས་ནས། ཧཱུྃ་གསུམ་གྱིས་བསྡུ། ཕཊ་གསུམ་གྱིས་ལྡང་། བསྔོ་སྨོན་ཤིས་བརྗོད་བཅས་བྱ། དེ་ནས་སླར་སྲོད་ཐུན་ལ་སྐྱབས་སེམས་དང་མཆོད་པ་བྱིན་རླབས་ལས་བྱང་ཆུང་བ་ལྟར་དང་། ལས་བྱང་ཆུང་བའི་གཞུང་བསྲང་ལ་གོང་ལྟར་ལ། ཧཱུྃ་གསུམ་གྱིས་བསྡུས་པའི་ངང་དུ་ཉལ་བའི་རྣལ་འབྱོར་བྱ། སང་ཐོ་རངས་དེའི་ངང་ནས་ལྷར་ལྡང་ཞིང་སྔོན་འགྲོ་ལ་འཇུག་ཏེ། དེ་ཡང་སྐྱབས་འགྲོ་ཉིན་གཅིག་གི་ཞར་ལ་ཐུན་མཇུག་སེམས་བསྐྱེད་ཡན་ལག་བདུན་པའང་ཚར་ཆ་ཤས་གསོག །དེ་ནས་རྡོར་སེམས་བསྒོམ་བཟླས་མན་མ་ཆགས་ཙམ་བྱ་ཞིང་། ཐུན་བཞི་བྱུང་ན་ལེགས། རྡོར་སེམས་བསྒོམ་བཟླས་༢ཉིན་གཅིག །བླ་མའི་རྣལ་འབྱོར་འདི་ཕྱི་སྒྲུབ་ཡིན་པས་གལ་ཆེ་སྟབས་ཉིན་གསུམ་ལ། ཉིན་དང་པོ་ལ་མཎྜལ་༣གཙོ་བོར་བསག །གཉིས་པ་ལ་གསོལ་འདེབས་༤དུས་གསུམ་སངས་རྒྱས་མ་དང་། བར་ཆད་ལམ་སེལ། གསུམ་པ་ལ་བསྙེན་པ་བཛྲ་གུ་རུ་༥གསོག་ཅིང་དབང་བླང་བའི་དམིགས་པ་གཙོ་བོར་བྱ། དེས་སྔོན་འགྲོ་ཉིན་ལྔ་གྲུབ་ནས་དངོས་གཞི་ལ་འཇུག །དེ་ཡང་སྔོན་འགྲོ་སྐབས་སུའང་ཐུན་སོ་སོའི་མཇུག་ཏུ་ལས་བྱང་འབྲིང་པོའི་ལྷ་བསྐྱེད་ནས་བཟུང་བསྔོ་སྨོན་ཤིས་བརྗོད་པར་མ་ཆགས་ཙམ་རེ་བྱ་ཞིང་། དངོས་གཞི་ལ་འཇུག་སྐབས་སྔ་ཐུན་གྱི་མགོར་སྔོན་འགྲོ་ཚར་རེ་ལས། ཐུན་གཞན་ལ་ལས་བྱང་བསྡུས་པའི་སྐྱབས་སེམས་ལན་གསུམ། བགེགས་བསྐྲད། གཏོ༷ར་མ༷་འདི་ལོ༷ངས་ལ༷། གན༷ས་འདི༷ར་མ་འདུག༷ །ཅེས་བསྒྱུར་བ་དང་། མཆོད་པ་བྱིན་རླབས་ཡན་དཀྱུས་ལྟར། དེ་ནས་ལྷ་བསྐྱེད་ནས་བསྟོད་པའི་བར་དང་། བསྟོད་པའི་མཐར་ཛཔ྄་ཁང་ཕྱེས་ལ། ཐོག་མར་ཞག་༧ལ་ཨ་མཱ་ར་ཎི་གཙོ་བོར་བཟླ། དེ་ནས་ཞག་༧ལ་མ་ཎི་གཙོ་བོར་བཟླ། དེ་ནས་བསྙེན་པའི་གཙོ་བོ་བཛྲ་གུ་རུ་འདི་འབུམ་ཕྲག་བཞི་གྲུབ་ན་ཤིན་ཏུ་གལ་ཆེ་ཞིང་། ཞག་༡༠སྐོར་གྱིས་གྲུབ་འདྲ། འདི་རྣམས་ཀྱི་སྐབས་སུའང་བཟླས་པ་གཞན་རྣམས་ཕྲེང་སྐོར་རེ་ཙམ་མ་ཆགས་ཙམ་རེས་འཐུས། དེ་ནས་སྒྲུབ་པའི་མཚོན་བྱེད་དུ་ཐོད་ཕྲེང་རྩལ་ཞག་གསུམ་ཙམ་དང་། ལས་སྦྱོར་ཧ་རི་ནི་ས་བཏགས་པ་ཉིན་གཅིག་ཙམ་བཟླ། ཐུན་ཐམས་ཅད་ཀྱི་མཇུག་ཏུ་སྔགས་ཀྱི་ལྷག་ཆད་ཁ་སྐོང་ཞིང་བྱིན་རླབས་འཕེལ་བའི་ཆེད་དུ་ཨཱ་ལི་ཀཱ་ལི་ཡེ་དྷརྨཱ་རྣམས་ཚར་གསུམ་རེ་བར་ཆད་ལམ་སེལ་ཚར་གཅིག །མཆོད་བསྟོད་དང་ཡིག་བརྒྱ་ཚར་གསུམ། ཛཔ྄་ཁང་བསྡུ་བ། ཧཱུྃ་གསུམ་གྱིས་བསྡུ་བ་དང་། ཕཊ་གསུམ་གྱིས་ལྡང་བ། བསྔོ་སྨོན་བཀྲ་ཤིས་བཅས་བྱ། ཁྱད་པར་གྱི་ཐུན་གྱི་བར་ཆད་ལམ་སེལ། རྗེས་སུ་ལས་བྱང་བསྡུས་པ་ལྟར་ཚོགས་བྱིན་རླབས་ནས་བསྒྲལ་བསྟབས་ཡན་དང་། དེ་མཚམས་ཚེ་རིང་མའི་གསོལ་ཀ་བསྟོད་པ་ཡན། ཁ་རག་ཁྱུང་བཙུན་མའི་གསོལ་མཆོད་བཅས་ཀྱི་མཐར། བར་ཆད་ལམ་སེལ་དང་བསམ་པ་ལྷུན་གྲུབ་སོགས་ཨོ་རྒྱན་གསོལ་འདེབས་གང་འོས་རེ་འདོན། དེ་ནས་ལྷག་མ་འདོན་ནས་ལྷག་གཏོར་མཚམས་མ་གྲོལ་བར་ཕྱིར་བཏང་སྲོལ་མེད་པས་སྣོད་ཞིག་གི་ནང་དུ་གསོག །དེ་རྗེས་མཆོད་བསྟོད་ཡིག་བརྒྱ་ཛཔ྄་ཁང་བསྡུ་བ་སོགས་གང་ལྟར་བྱ། དུས་རྒྱུན་ལས་བྱང་བསྡུས་པས་ཆོག །ཡར་ངོ་མར་ངོའི་ཚེས་བཅུའི་སྐབས་ཕྱི་ཐུན་ལ་ལས་བྱང་རྒྱས་པ་ཚོགས་བཅས་དང་། ཚེ་རིང་མའི་སྐོང་བ་འཁྲུགས་སྐོང་། བརྟན་མའི་གསོལ་ཀ་བཅས་འདོན་གྲུབ་ན་ལེགས། ཚེ་རིང་མའི་འཁྲུགས་སྐོང་ལ་ཐོད་པའི་ནང་དུ་བདུད་རྩི་སྨན་སྒྲུབ་ཆང་ཕུད་དང་སྦྱར་བ་བཤམས། བརྟན་མའི་གསོལ་ཀ་ལ་གསེར་སྐྱེམས་ཁོ་ན་བཤམས་པས་མཐུས། དེ་ནས་སྦྱིན་སྲེག་མ་གྲུབ་ན་སྔགས་ཀྱི་ལྷག་ཆད་ཁ་སྐོང་ལ་དམིགས་ཏེ་སང་མཚམས་གྲོལ་རྒྱུའི་དེ་རིང་ཐུན་བཞི་ཀའི་མཐར་ཡིག་བརྒྱ་སྟོང་རྩ་སོགས་གང་མང་གཙོ་བོར་བཏོན་ལ་འདོན། དོ་ནུབ་མཆོད་པ་གསར་པ་དང་ཚོགས་རྫས་གང་འབྱོར་རྒྱས་པར་བཤམས། སང་སྔ་བར་ལངས་ཏེ་ལས་བྱང་རྒྱས་བསྡུས་གང་རིགས་གཞུང་བསྲང་ནས་བཟླས་པ་གང་འགྲུབ་རྗེས་བར་ཆད་ལམ་སེལ་དང་། མཆོད་བསྟོད་ནོངས་བཤགས་བཅས་རྒྱས་པར་བྱས་ནས། ལས་བྱང་རྒྱས་པ་ལྟར་དངོས་གྲུབ་བླང་བའི་སྐབས་གཏོར་མ་སྐད་ཅིག་གིས་ལྷར་གསལ་བ་གནས་གསུམ་དུ་གཏུག་ཅིང་ཅུང་ཟད་རོལ། ཛཔ྄་ཁང་བསྡུ་བ་སོགས་བྱ། དེ་ལྟར་དངོས་གྲུབ་ལེན་པ་འདི་སྐྱ་རེངས་ཤར་དུས་མཛད་སྲོལ་ཡོད། དེ་ནས་སླར་ཡང་ལས་བྱང་རྒྱས་བསྡུས་གང་རིགས་གཞུང་བསྲང་ནས་གཏོང་རག་གི་ཚུལ་དུ་ཚོགས་བརྒྱ་སོགས་གང་འགྲུབ་བྱ། ཚོགས་བརྒྱ་བྱེད་ན་ལས་བྱང་རྒྱས་པ་ལྟར་ཚོགས་ཚར་གཅིག་ལྷག་མ་ཡན་སོང་ནས། བསྡུས་པ་ལྟར་གསོག །མཐར་ལས་བྱང་རྒྱས་པ་ལྟར་ལྷག་མ་བཏང་ནས་སྔར་གསོག་པའི་ལྷག་མ་རྣམས་ཀྱང་བཏང་། དེ་ནས་བསྐུལ་བ་ཆད་ཐོ་སོགས་ནས་བཀྲ་ཤིས་བར་ལས་བྱང་རྒྱས་པ་ལྟར་བྱའོ། །དེ་ལྟར་ལས་རུང་གི་བསྙེན་པ་འདི་ཙམ་གྱིས་འཐུས་ཤིང་ཟླ་བ་གཅིག་དང་ཞག་ལྔ་སྐོར་གྱིས་ཧ་ལམ་འགྲོ་བ་འདྲ་ལགས། །སརྦ་མངྒ་ལཾ།། །།དགེའོ། །དགེའོ། །དགེའོ།། །།

[edit]

phrin las snying po dang 'brel ba'i bsnyen sgrub las rung btang tshul/ thugs sgrub las byang bsdus pa phrin las snying po'i rnal 'byor la brten nas bsnyen pa las rung zla gcig zhag lnga tsam mdzad pa'i zin tho dge/__/swasti/__/thugs sgrub bsnyen pa zla ba gcig lhag tsam btang na/__rang gi mdun du slob dpon rin po che'i sku bris 'bur gang rigs dang /__de'i mdun du gtor ma rin chen 'bar ba/__g.yas su sman/__g.yon du rak+ta/__mdun du nyer spyod sman phud kyi g.yas su/__bka' srung tshe ring ma'i gtor ma/__dbus su bum pa'i steng dkar gtor 'dab bzhi/__bum pa'i phyogs bzhir bshes bu re/__bar mtshams ril bus bskor ba dkar byugs can/__rak+ta'i g.yon du gter srung khyung btsun ma'i gtor ma/__dmar gtor zur gsum rgyan ldan mtheb kyus bskor ba bshams/__de nas phyi thun gyi mgor sngon 'gro'i ngag 'don byang chub mchog gi sa bon ltar bla ma'i rnal 'byor yan grub nas/__las byang che ba'i skyabs sems bgegs bskrad par/__bgegs gtor phyir dor ba dang mnyam du tho 'dzug__/nang du log la srung 'khor bsgom pa nas bzung sngon 'gro chos bdun tshang bar bya/__dngos gzhi las byang rgyas bsdus gang rigs bstod pa'i bar dang /__de nas dzapa? khang phyes la bzlas pa ci rigs/__las byang rgyas pa ltar na bstod pa sogs dzapa? khang bsdu ba gzhung ltar dang /__bsdus pa ltar na mchod bstod mdor bsdus dang /__bar chad lam sel tshar gcig__/yig brgya lan gsum mthar/__dzaHhU~M ba~M hoHsa mdun bskyed rang la bstims nas/__hU~M gsum gyis bsdu/__phaT gsum gyis ldang /__bsngo smon shis brjod bcas bya/__de nas slar srod thun la skyabs sems dang mchod pa byin rlabs las byang chung ba ltar dang /__las byang chung ba'i gzhung bsrang la gong ltar la/__hU~M gsum gyis bsdus pa'i ngang du nyal ba'i rnal 'byor bya/__sang tho rangs de'i ngang nas lhar ldang zhing sngon 'gro la 'jug te/__de yang skyabs 'gro nyin gcig gi zhar la thun mjug sems bskyed yan lag bdun pa'ang tshar cha shas gsog__/de nas rdor sems bsgom bzlas man ma chags tsam bya zhing /__thun bzhi byung na legs/__rdor sems bsgom bzlas 2nyin gcig__/bla ma'i rnal 'byor 'di phyi sgrub yin pas gal che stabs nyin gsum la/__nyin dang po la maN+Dal 3gtso bor bsag__/gnyis pa la gsol 'debs 4dus gsum sangs rgyas ma dang /__bar chad lam sel/__gsum pa la bsnyen pa badz+ra gu ru 5gsog cing dbang blang ba'i dmigs pa gtso bor bya/__des sngon 'gro nyin lnga grub nas dngos gzhi la 'jug__/de yang sngon 'gro skabs su'ang thun so so'i mjug tu las byang 'bring po'i lha bskyed nas bzung bsngo smon shis brjod par ma chags tsam re bya zhing /__dngos gzhi la 'jug skabs snga thun gyi mgor sngon 'gro tshar re las/__thun gzhan la las byang bsdus pa'i skyabs sems lan gsum/__bgegs bskrad/__gtoXr maX 'di loXngs laX/__gnaXs 'diXr ma 'dugaX__/ces bsgyur ba dang /__mchod pa byin rlabs yan dkyus ltar/__de nas lha bskyed nas bstod pa'i bar dang /__bstod pa'i mthar dzapa? khang phyes la/__thog mar zhag 7la a mA ra Ni gtso bor bzla/__de nas zhag 7la ma Ni gtso bor bzla/__de nas bsnyen pa'i gtso bo badz+ra gu ru 'di 'bum phrag bzhi grub na shin tu gal che zhing /__zhag 10skor gyis grub 'dra/__'di rnams kyi skabs su'ang bzlas pa gzhan rnams phreng skor re tsam ma chags tsam res 'thus/__de nas sgrub pa'i mtshon byed du thod phreng rtsal zhag gsum tsam dang /__las sbyor ha ri ni sa btags pa nyin gcig tsam bzla/__thun thams cad kyi mjug tu sngags kyi lhag chad kha skong zhing byin rlabs 'phel ba'i ched du A li kA li ye d+harmA rnams tshar gsum re bar chad lam sel tshar gcig__/mchod bstod dang yig brgya tshar gsum/__dzapa? khang bsdu ba/__hU~M gsum gyis bsdu ba dang /__phaT gsum gyis ldang ba/__bsngo smon bkra shis bcas bya/__khyad par gyi thun gyi bar chad lam sel/__rjes su las byang bsdus pa ltar tshogs byin rlabs nas bsgral bstabs yan dang /__de mtshams tshe ring ma'i gsol ka bstod pa yan/__kha rag khyung btsun ma'i gsol mchod bcas kyi mthar/__bar chad lam sel dang bsam pa lhun grub sogs o rgyan gsol 'debs gang 'os re 'don/__de nas lhag ma 'don nas lhag gtor mtshams ma grol bar phyir btang srol med pas snod zhig gi nang du gsog__/de rjes mchod bstod yig brgya dzapa? khang bsdu ba sogs gang ltar bya/__dus rgyun las byang bsdus pas chog__/yar ngo mar ngo'i tshes bcu'i skabs phyi thun la las byang rgyas pa tshogs bcas dang /__tshe ring ma'i skong ba 'khrugs skong /__brtan ma'i gsol ka bcas 'don grub na legs/__tshe ring ma'i 'khrugs skong la thod pa'i nang du bdud rtsi sman sgrub chang phud dang sbyar ba bshams/__brtan ma'i gsol ka la gser skyems kho na bshams pas mthus/__de nas sbyin sreg ma grub na sngags kyi lhag chad kha skong la dmigs te sang mtshams grol rgyu'i de ring thun bzhi ka'i mthar yig brgya stong rtsa sogs gang mang gtso bor bton la 'don/__do nub mchod pa gsar pa dang tshogs rdzas gang 'byor rgyas par bshams/__sang snga bar langs te las byang rgyas bsdus gang rigs gzhung bsrang nas bzlas pa gang 'grub rjes bar chad lam sel dang /__mchod bstod nongs bshags bcas rgyas par byas nas/__las byang rgyas pa ltar dngos grub blang ba'i skabs gtor ma skad cig gis lhar gsal ba gnas gsum du gtug cing cung zad rol/__dzapa? khang bsdu ba sogs bya/__de ltar dngos grub len pa 'di skya rengs shar dus mdzad srol yod/__de nas slar yang las byang rgyas bsdus gang rigs gzhung bsrang nas gtong rag gi tshul du tshogs brgya sogs gang 'grub bya/__tshogs brgya byed na las byang rgyas pa ltar tshogs tshar gcig lhag ma yan song nas/__bsdus pa ltar gsog__/mthar las byang rgyas pa ltar lhag ma btang nas sngar gsog pa'i lhag ma rnams kyang btang /__de nas bskul ba chad tho sogs nas bkra shis bar las byang rgyas pa ltar bya'o/__/de ltar las rung gi bsnyen pa 'di tsam gyis 'thus shing zla ba gcig dang zhag lnga skor gyis ha lam 'gro ba 'dra lags/__/sarba mang+ga laM//__//dge'o/__/dge'o/__/dge'o//__//